spot_img
Home Blog Page 5737

“କୋହଲି ହେଉଛନ୍ତି ଜଣେ ଅଣ୍ଡା ଖାଉଥିବା ଶାକାହାରୀ”

ନୂଆଦିଲ୍ଲୀ: ଟ୍ୱିଟରରେ ଟ୍ରୋଲ ହେଉଛନ୍ତି ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲି । ତାଙ୍କର ଗୋଟିଏ ମନ୍ତବ୍ୟ ପାଇଁ ଟ୍ୱିଟରରେ ଟ୍ରୋଲ ହେବାରେ ଲାଗିଛନ୍ତି ବିରାଟ । ନିକଟରେ କୋହଲି ତାଙ୍କ ଖାଦ୍ୟପେୟ ବିଷୟରେ ଚର୍ଚ୍ଚା କରିଥିଲେ । ଇନଷ୍ଟାଗ୍ରାମରେ ସେ ତାଙ୍କ ପ୍ରଶଂସକଙ୍କ ବିଭିନ୍ନ ପ୍ରଶ୍ନର ଉତ୍ତର ରଖୁଥିଲେ । ଏବଂ ଏଥିରେ ହିଁ ଜଣେ ପ୍ରଶଂସକ ତାଙ୍କୁ ତାଙ୍କ ଖାଦ୍ୟ ବିଷୟରେ ପଚାରିଥିଲେ । ଆଉ ଉତ୍ତରରେ କୋହଲି ପ୍ରଚୁର ପନିପରିବା, କିଛି ଅଣ୍ଡା, ୨ କପ୍ କଫି, ଡାଲି, କ୍ୱିନୋଆ, ପାଳଙ୍ଗ ସାଗ, ଦୋସା, କିନ୍ତୁ ସୀମିତ ପରିମାଣରେ ଖାଉଥିବା କହିଥିଲେ ।

କୋହଲିଙ୍କ ଏହି ଉତ୍ତରରେ ପ୍ରଶଂସକମାନେ ତାଙ୍କୁ ଟ୍ୱିଟରରେ କଡ଼ା ସମାଲୋଚନା କରିଛନ୍ତି । ଅନେକ ଲୋକ କହିଛନ୍ତି ଯେ, ବିରାଟ କୋହଲି ଜଣେ ଅଣ୍ଡା ଖାଉଥିବା ଶାକାହାରୀ । କେବଳ ସେତିକି ନୁହେଁ ବିରାଟଙ୍କ ଉତ୍ତରକୁ ନେଇ ଅନେକ ପ୍ରଶ୍ନ ଉଠାଇଛନ୍ତି ଏବଂ କହିଛନ୍ତି ଯଦି ଭାରତୀୟ ଅଧିନାୟକ ଅଣ୍ଡା ଖାଆନ୍ତି ତେବେ ସେମାନେ ନିଜକୁ ଶାକାହାରୀ ବୋଲି କାହିଁକି କହୁଛନ୍ତି ?

ଜଣେ ୟୁଜର ଲେଖିଛନ୍ତି ଯେ, କୋହଲି ଦାବି କରନ୍ତି ଯେ, ସେ ଶାକାହାରୀ, କିନ୍ତୁ ତାଙ୍କର AMA ( Ask me Anything )ରେ ସେ କହିଛନ୍ତି ଯେ ତାଙ୍କ ଖାଦ୍ୟରେ ଅଣ୍ଡା ସାମିଲ ଅଛି । ଆଉ କୋହଲିଙ୍କ ଏହି ଉତ୍ତର ମୋତେ ବ୍ୟଥିତ କରୁଛି । ଜଣେ କୋହଲିଙ୍କୁ ଟ୍ରୋଲ କରି ଲେଖିଛନ୍ତି ଯେ, ଶାକାହାରୀ କୋହଲି ସ୍ପଷ୍ଟ କରିଛନ୍ତି ଯେ, ଅଣ୍ଡା ଆମିଷରେ ଅନ୍ତର୍ଭୁକ୍ତ ନୁହେଁ ।

ତେବେ ପୂର୍ବରୁ କୋହଲି କହି ଆସିଛନ୍ତି ଯେ ସେ ଜଣେ ଖାଦ୍ୟପ୍ରେମୀ କିନ୍ତୁ ନିଜକୁ ଫିଟ୍ ରଖିବା ପାଇଁ ସେ ନିଜ ଡାଏଟ ଉପରେ ବିଶେଷ ଧ୍ୟାନ ଦେଉଛନ୍ତି । ୨୦୧୯ରେ କୋହଲି କହିଥିଲେ ଯେ ସେ ସମ୍ପୂର୍ଣ୍ଣ ଶାକାହାରୀ ହୋଇଯାଇଛନ୍ତି । ୨୦୧୮ ଠାରୁ, ସେ ମାଂସ, କ୍ଷୀର ଏବଂ ଅଣ୍ଡାକୁ ସମ୍ପୂର୍ଣ୍ଣ ଭାବେ ଛାଡି ଦେଇଛନ୍ତି  । ସେ ଏହା ମଧ୍ୟ କହିଥିଲେ ଯେ ସେ ଆମିଷ ଛାଡ଼ି ନିରାମିଷ ଖାଇବାକୁ ନିଷ୍ପତ୍ତି ନେଇଛନ୍ତି ।

୫୦ ପ୍ରତିଶତ କମ୍ ଦାମରେ ବିକୁଥିଲେ ବ୍ରାଣ୍ଡେଡ୍ ଟିଭି: ଜାଣନ୍ତୁ କିଭଳି

ଭୁବନେଶ୍ୱର:ନାମୀ ବ୍ରାଣ୍ଡ, ନକଲି ମାଲ୍ । ନାମୀ ବ୍ରାଣ୍ଡ ନାଁରେ ନକଲି ଏଲ୍‌ଇଡି ଟିଭି ରାକେଟ ଠାବ । ଭୁବନେଶ୍ବରର ୪ଟି ଶୋ ରୁମ୍‌ରୁ ନକଲି ଟିଭି ଜବତ କରିଛି ପୋଲିସ । ଲକ୍ଷ୍ମୀସାଗର, ବଡ଼ଗଡ଼, ଏୟାରପୋର୍ଟ ଓ ମଞ୍ଚେଶ୍ବର ଅଞ୍ଚଳରେ ଥିବା ୪ଟି ଟିଭି ଶୋ ରୁମରୁ ୧୨୦ଟି ଡୁପ୍ଲିକେଟ୍ ଏଲଇଡି ଟିଭି ଜବତ ହୋଇଛି । ଟିଭି ବିଦେଶରୁ ଆସିଥିବା କହି କମ୍ ଆୟ ଥିବା ଲୋକଙ୍କୁ ଟାର୍ଗେଟ୍ କରୁଥିଲା ରାକେଟ । ୫୦ପ୍ରତିଶତ କମ୍ ଦାମରେ ବିକ୍ରି କରି ଗ୍ରାହକଙ୍କୁ ଠକୁଥିଲେ । ଡୁପ୍ଲିକେଟ୍ ଟିଭି ସିଣ୍ଡିକେଟର ମାଷ୍ଟରମାଇଣ୍ଡ ସହ ୩ଜଣ ଶୋ ରୁମ୍ ମାଲିକ ଗିରଫ ହୋଇଛନ୍ତି । ଲକ୍ଷ୍ମୀସାଗର ନେତାଜୀ ମାର୍କେଟ୍ ଅଞ୍ଚଳର ଖୁସି ଇଲେଟ୍ରୋନିକ୍ସର ମାଲିକ ଟି. ପ୍ରଭାକର ରାଓ, ବଡ଼ଗଡ଼ ଟଙ୍କପାଣି ରୋଡରେ ଥିବା ସାଇ ଇଲେକ୍ଟ୍ରୋନିକ୍ସର ମାଲିକ ଶିବ ପ୍ରସାଦ ସାହୁ, ଏୟାରପୋର୍ଟ କାରର୍ଗିଲ ବସ୍ତି ଅଞ୍ଚଳର ଗଣପତି ଟିଭି ଶୋ ରୁମ ମାଲିକ ମାନସ ଜେନା ଓ ମଞ୍ଚେଶ୍ବର ଇଡକୋ କଲୋନୀରେ ଥିବା ୟୁନାଇଟେଡ୍ ଇଲେକଟ୍ରୋନିକ୍ସର ମାଲିକ ସାମିନ ଖାନ ଗିରଫ ହୋଇଛନ୍ତି । ଗିରଫ ମାଷ୍ଟରମାଇଣ୍ଡ ଟି.ପ୍ରଭାକର ଏସବୁ ଡୁପ୍ଲିକେଟ୍ ଟିଭି କୋଲକାତା ମାର୍କେଟରୁ କିଣି ଓଡିଶା ବଜାରରେ ନିଜ ସହଯୋଗୀଙ୍କ ସହ ମିଶି ଗ୍ରାହକଙ୍କୁ ଠକୁଥିଲା । ସ୍ପେଶାଲ ସ୍କ୍ବାଡ ଏମାନଙ୍କୁ ଗିରଫ କରି କୋର୍ଟ ଚାଲାଣ କରିଛି ।

ଏଥିସହିତ ପଢ଼ନ୍ତୁ: କରୋନା ଟିକା ନେବାର ୧୦ ବର୍ଷ ଯାଏଁ ହେବେନି ଗୁରୁତର ସଂକ୍ରମିତ: ସ୍ୱାସ୍ଥ୍ୟ ବିଶେଷଜ୍ଞ

ଭାରତର ବନ୍ଧୁ ପାକିସ୍ତାନ ପାଇଁ ଖୋଲିଲା ଟ୍ରେଜେରି, ଇସଲାମାବାଦ ଆସି ପାରନ୍ତି ଋଷ ରାଷ୍ଟ୍ରପତି

ଇସଲାମାବାଦ: ଋଷ ଓ ପାକିସ୍ତାନ ମଧ୍ୟରେ ସମ୍ପର୍କର ନୂଆ ଯୁଗ ଆରମ୍ଭ ହେବାକୁ ଯାଉଛି । ଯାହା ଭାରତ ପାଇଁ ଚିନ୍ତା ବଢାଇ ପାରେ । ଋଷ ନିଜର କାସୁର ସହରରୁ ପାକିସ୍ତାନର କରାଚି ପର୍ଯ୍ୟନ୍ତ ପାଇପ୍ ଲାଇନ୍ ବିଛାଇବ । ଏନେଇ ଦୁଇ ରାଷ୍ଟ୍ରଙ୍କ ମଧ୍ୟରେ ଚୁକ୍ତି ହୋଇଛି । ଏହି ଚୁକ୍ତି ପରେ ଋଷ ରାଷ୍ଟ୍ରପତି ଭ୍ଲାଦିମିର ପୁତିନ୍ ପାକିସ୍ତାନ ଗସ୍ତରେ ଆସିବା ସମ୍ଭାବନା ସୃଷ୍ଟି ହୋଇଛି । ପୁତିନ୍ କରାଚି ଆସି ପାରନ୍ତି ବୋଲି କୁହାଯାଉଛି ।
ଏହି ଗ୍ୟାସ୍ ପାଇପ ଲାଇନର ନାମ ପ୍ରଥମେ ନର୍ଥ୍-ସାଉଥ ଗ୍ୟାସ୍ ପାଇପ୍ ଲାଇନ୍ ଥିଲା କିନ୍ତୁ ଏବେ ଏହାର ନାମ ପରିବର୍ତ୍ତନ କରି ସଟିମ୍ ଗ୍ୟାସ୍ ପାଇପ୍ ଲାଇନ୍ କରାଯାଇଛି । ଦୁଇ ଦେଶ ଶିତଳ ଯୁଦ୍ଧ ସମୟରୁ ଚାଲିଆସିଥିବା କଟୁତାକୁ ଭୁଲି ନୂଆ ସମ୍ପର୍କ ସ୍ଥାପନ ପାଇଁ କରୁଥିବା ଉଦ୍ୟମର ପରିଣାମ ଏହି ଗ୍ୟାସ୍ ପାଇପ୍ ଲାଇନ୍ ବୋଲି କୁହାଯାଉଛି । ୨୦୧୫ରେ ଏହି ଚୁକ୍ତି ସ୍ୱାକ୍ଷରିତ ହୋଇଥିଲା କିନ୍ତୁ ଋଷ କମ୍ପାନୀଙ୍କ ଉପରେ ଆମେରିକୀୟ ପ୍ରତିବନ୍ଧକ କାରଣରୁ ୧୧୨୨ କିଲୋମିଟର ଲମ୍ବର ଏହି ପାଇପ୍ ଲାଇନ୍ ନିର୍ମାଣ କାର୍ଯ୍ୟ ଆରମ୍ଭ ହୋଇ ପାରିନଥିଲା ।

ପ୍ରୋଜେକ୍ଟରେ ଖର୍ଚ୍ଚ ହେବ ୨ ଶହ ୨୫ କୋଟି ଡଲାର
ନୂଆ ଚୁକ୍ତି ଅନୁସାରେ ଏହି ପାଇପ ଲାଇନ ପ୍ରୋଜେକ୍ଟରେ ୭୪ ପ୍ରତିଶତ ଭାଗିଦାରୀ ପାକିସ୍ତାନର ରହିବ । ବାକି ଋଷ ପାଖରେ ରହିବ । ଏଥିରେ ମୋଟ ୨ଶହ ୨୫ କୋଟି ଡଲାର ଖର୍ଚ୍ଚ ହେବ । ପାଇପ୍ ଲାଇନ୍ କାମ ସରିବା ପରେ ପାକିସ୍ତାନକୁ ସିଧାସଳଖ ଋଷରୁ ଗ୍ୟାସ୍ ଆସି ପାରିବ । ଏହି ପାଇପ୍ ଲାଇନ୍ ପାକିସ୍ତାନ ପାଇଁ କେବଳ ଅର୍ଥନୈତିକ ଦୃଷ୍ଟିକୋଣରୁ ଗୁରୁତ୍ୱପୂର୍ଣ୍ଣ ନୁହେଁ ଏହା ମଧ୍ୟ ପାକିସ୍ତାନ ପାଇଁ ରଣନୈତିକ ଦୃଷ୍ଟିକୋଣରୁ ମହତ୍ୱପୂର୍ଣ୍ଣ । ପାକିସ୍ତାନ ନିଜ ବିଦେଶ ନୀତିରେ ବିବିଧତା ଆଣିବାକୁ ଚାହୁଁଛି । ଆଗରୁ ଆମେରିକା ସହ ମଜବୁତ ସଂପର୍କ ରଖୁଥିବା ପାକିସ୍ତାନ ଏବେ ଋଷ ସହିତ ମଧ୍ୟ ସମ୍ପର୍କ ବଢାଇବାକୁ ଚାହୁଁଛି । ଋଷ ସହିତ ସମ୍ପର୍କ ସ୍ଥାପନ ଭାରତକୁ ସନ୍ଦେଶ ହେବ ବୋଲି ପାକିସ୍ତାନର ବିଶ୍ୱାସ । ସୂଚନାଯୋଗ୍ୟ ଯେ, ୯ ବର୍ଷ ପରେ ପ୍ରଥମ ଥର ପାଇଁ ଋଷ ବୈଦେଶିକ ମନ୍ତ୍ରୀ ସର୍ଗୋଇ ଲାଭରୋଭ୍ ପାକିସ୍ତାନ ଗସ୍ତରେ ଆସିଥିଲେ । ଲାଭରୋଭଙ୍କ ଜରିଆରେ ଇମ୍ରାନ୍ ଖାନ୍ ଋଷ ରାଷ୍ଟ୍ରପତି ଭ୍ଲାଦିମିର ପୁତିନଙ୍କୁ ପାକିସ୍ତାନ ଗସ୍ତରେ ଆସିବାକୁ ନିମନ୍ତ୍ରଣ କରିଥିଲେ ।

ଋଷ-ପାକିସ୍ତାନ ବନ୍ଧୁତା ଭାରତ ପାଇଁ ବିପଦ ଘଣ୍ଚି
ପାକିସ୍ତାନୀ ମିଡିଆ ଅନୁସାରେ ପୁତିନ୍ ସେତେବେଳେ ପାକିସ୍ତାନ ଆସିବାକୁ ଚାହାନ୍ତି ଯେତେବେଳେ ତାଙ୍କୁ କିଛି ବିକ୍ରି କରିବାକୁ ମିଳିବ । ତେଣୁ ଏହି ଚୁକ୍ତି ପରେ ସେ ପାକିସ୍ତାନ ଆସି ପାରନ୍ତି ବୋଲି ଅନୁମାନ କରାଯାଉଛି ।ଋଷ ଓ ପାକିସ୍ତାନ ଏଭଳି ନିକଟତର ହେବା ଭାରତ ପାଇଁ ଶୁଭ ସଙ୍କେତ ନୁହେଁ । ଭାରତ,ଋଷଠାରୁ ସର୍ବାଧିକ ଅସ୍ତ୍ର ଆମଦାନୀ କରୁଥିବା ବେଳେ ଋଷର ଏମିତି ପାକିସ୍ତାନ ପଟକୁ ଢଳିବାକୁ ଭାରତରେ ସହଜରେ ନିଆଯାଉ ନାହିଁ । କାରଣ ଋଷ ପାକିସ୍ତାନକୁ ମଧ୍ୟ ଅସ୍ତ୍ର ବିକ୍ରି କରିବାକୁ ଚାହୁଁଛି । କେବଳ ଏତିକି ନୁହେଁ ଋଷ ଓ ପାକିସ୍ତାନୀ ସେନା ମଧ୍ୟ ନିୟମିତ ଅନ୍ତରାଳରେ ଯୁଦ୍ଧାଭ୍ୟାସ କରୁଛନ୍ତି ।

କେନ୍ଦ୍ର ଶିକ୍ଷାମନ୍ତ୍ରୀ ନିଶାଙ୍କ ଅସୁସ୍ଥ: ଅନିଶ୍ଚିତତାରେ ସିବିଏସ୍‌ଇ ପରୀକ୍ଷା ନେଇ ଘୋଷଣା

ନୂଆଦିଲ୍ଲୀ: ସିବିଏସ୍ଇ ଦ୍ବାଦଶ ପରୀକ୍ଷା ନେଇ ଆଜି କେନ୍ଦ୍ର ସରକାର ନିଷ୍ପତ୍ତି ନେଇପାରନ୍ତି । ସିବିଏସଇ ଦ୍ବାଦଶ ପରୀକ୍ଷା ହେବ କି ନାହିଁ, ସେନେଇ ଆଜି କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିଆଲ ଘୋଷଣା କରିପାରନ୍ତି । କିନ୍ତୁ କରୋନା ପରବର୍ତ୍ତୀ ସ୍ୱାସ୍ଥ୍ୟ ସମସ୍ୟା ଯୋଗୁଁ ସେ ଏବେ ଦିଲ୍ଲୀ ଏମ୍ସରେ ଭର୍ତ୍ତି ହୋଇଛନ୍ତି । ଏଣୁ ସିବିଏସ୍‌ଇ ଦ୍ୱାଦଶ ଶ୍ରେଣୀ ପରୀକ୍ଷା ନେଇ କେନ୍ଦ୍ର ସରକାରଙ୍କ ପକ୍ଷରୁ ହେବାକୁ ଥିବା ଘୋଷଣାକୁ ନେଇ ଦେଖାଦେଇଛି ଅନିଶ୍ଚିତତା । ସୂଚନା ଯୋଗ୍ୟ, ସିବିଏସ୍‌ଇ ଦ୍ୱାଦଶ ଶ୍ରେଣୀ ପରୀକ୍ଷା ସମ୍ପର୍କିତ ମାମଳା ଏବେ ସୁପ୍ରିମକୋର୍ଟରେ ବିଚାରାଧୀନ ଅଛି । କେନ୍ଦ୍ର ସରକାର ଏ ସମ୍ପର୍କିତ ଘୋଷଣା ନେଇ ଦୁଇଦିନ ସମୟ ନେଇଛନ୍ତି । ଆସନ୍ତା ୩ ତାରିଖ ପରବର୍ତ୍ତୀ ଶୁଣାଣି ହେବା ନେଇ ଦିନ ଧାର୍ଯ୍ୟ ହୋଇଛି । ତେବେ ଏହା ପୂର୍ବରୁ କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିଆଲ ଏ ସମ୍ପର୍କିତ ଘୋଷଣା କରିପାରନ୍ତି ବୋଲି ଆଶା କରାଯାଉଥିବା ବେଳେ ସେ ଅସୁସ୍ଥ ହୋଇପଡ଼ିଛନ୍ତି । ତେବେ ପୂର୍ବରୁ କରୋନା ସ୍ଥିତିକୁ ଦୃଷ୍ଟିରେ ରଖି ସିବିଏସ୍‌ଇ ପକ୍ଷରୁ ଦଶମ ବୋର୍ଡ ବାତିଲ କରାଯିବା ସହ ଦ୍ବାଦଶ ବୋର୍ଡ ପରୀକ୍ଷା ସ୍ଥଗିତ ରଖାଯାଇଛି । ହେଲେ ଗତବର୍ଷ ନୀତି ଆଧାରରେ ଚଳିତବର୍ଷ ମଧ୍ୟ ପିଲାଙ୍କ ରେଜଲ୍ଟ ପ୍ରକାଶ କରିବାକୁ ସୁପ୍ରିମକୋର୍ଟରେ ଦାଖଲ ପିଆଇଏଲ୍‌ରେ ଉଲ୍ଲେଖ ରହିଛି ।

ଏଥିସହିତ ପଢ଼ନ୍ତୁ:କେନ୍ଦ୍ର ଶିକ୍ଷାମନ୍ତ୍ରୀ ଡ.ରମେଶ ପୋଖରିଆଲ ନିଶଙ୍କ ଦିଲ୍ଲୀ ଏମ୍ସରେ ଭର୍ତ୍ତି

ଚିନର ସ୍ୱାସ୍ଥ୍ୟ ଆୟୋଗର ଚେତାବନୀ ! କରୋନା ପରେ ଏ ହେଉଛି ଦ୍ୱିତୀୟ ଭାଇରସ୍

ନୂଆଦିଲ୍ଲୀ: ଚୀନରୁ ଆସୁଛି ଆଉ ଏକ ଭାଇରସ୍ । ଚୀନର ସ୍ୱାସ୍ଥ୍ୟ ଆୟୋଗ ମଙ୍ଗଳବାର ଏକ ଆଶ୍ଚର୍ଯ୍ୟକର ତଥ୍ୟ ସାମ୍ନାକୁ ଆଣିଛି । କହିଛି ଯେ, ପୂର୍ବ ଚିନି ପ୍ରାନ୍ତର ଜିଆଁଗସୁରେ ଏକ ବିଶେଷ ପ୍ରକାର ବାର୍ଡ ଫ୍ଲୁର ଷ୍ଟ୍ରେନ ଦ୍ୱାରା ମାନବ ସଂକ୍ରମିତ ହେଉଛି । ଏବଂ ଏହାର ପ୍ରଥମ ଘଟଣା ଏବେ ସାମ୍ନାକୁ ଆସିଛି । ସ୍ୱାସ୍ଥ୍ୟ ଆୟୋଗ  ନିଜର ୱେବସାଇଡର ଏକ ମନ୍ତବ୍ୟରେ H10N3 ଷ୍ଟ୍ରେନରେ ମାନବ ସଂକ୍ରମଣ ମାମଲା ସ୍ପଷ୍ଟ କରିଛି । ୱେବସାଇଡରେ କୁହାଯାଇଛି ଯେ, ଚିନର ପୂର୍ବ ପ୍ରାନ୍ତରେ ରହୁଥିବା ଜଣେ ୪୧ ବର୍ଷିୟ ପୁରୁଷଙ୍କ ଠାରେ ଏଭଳି ସଂକ୍ରମଣ ଦେଖିବାକୁ ମିଳିଛି ।

ଯଦିଓ ଚିନର ସ୍ୱାସ୍ଥ୍ୟ ଆୟୋଗ ଏହି ସଂକ୍ରମଣ ଅଧିକ ବ୍ୟାପିବନି ବୋଲି ଆଶ୍ୱାସନା ଦେଇଛି । କାରଣ ପୂର୍ବରୁ H10N3 ଷ୍ଟ୍ରେନରେ ମାନବ ସଂକ୍ରମଣର କୌଣସି ବି ଘଟଣା ସାମ୍ନାକୁ ଆସିନାହିଁ । ସେହିପରି ଚାଇନିଜ ସେଣ୍ଟର ଫର ଡିଜିଜ ଆଣ୍ଡ ପ୍ରିଭେନସନ (ସିଡିସି)  ଗତ ସପ୍ତାହରେ ସେହି ବ୍ୟକ୍ତି ଜଣଙ୍କର ରକ୍ତ ନମୁନା ପରୀକ୍ଷା କରି ଏହା H10N3 ଷ୍ଟ୍ରେନ୍ ବୋଲି ସ୍ପଷ୍ଟ କରିଥିଲା । ଏହାସହ ସ୍ଥାନୀୟ ଅଧିକାରୀମାନେ ଆକ୍ରାନ୍ତଙ୍କ ପରିବାରକୁ ଚିହ୍ନଟ କରି ସେମାନଙ୍କ ସ୍ୱାସ୍ଥ୍ୟାବସ୍ତା ଉପରେ ନଜର ରଖିଛନ୍ତି ।

ଏହାସହ ଏହି ଭାଇରସର ପୂର୍ବ ଅନୁବଂଶିକ ସ୍ପଷ୍ଟ ହୋଇଛି । ଏହି ଭାଇରସ H10N3 ପକ୍ଷୀମୂଳକ ଭାଇରସ୍ । ଏହାକୁ ନେଇ ବିଶେଷଜ୍ଞମାନେ କହିଛନ୍ତି ଯେ, ସେହି ଅଞ୍ଚଳର ଲୋକମାନଙ୍କୁ ମୃତ କୁକୁଡ଼ାର ସଂସ୍ପର୍ଷରେ ନ ଆସିବା ସହ ଅନ୍ୟ ଜୀବିତ ପକ୍ଷୀଙ୍କ ସଂସ୍ପର୍ଷରୁ ଦୂରେଇ ରହିବା ଆବଶ୍ୟକ । ଏହାସହ ଲୋକମାନେ ନିଜର ଖାଦ୍ୟ ଏବଂ ସ୍ୱଚ୍ଛତା ଉପରେ ବିଶେଷ ଧ୍ୟାନ ଦେବା ଆବଶ୍ୟକ । କେବଳ ସେତିକି ନୁହେଁ ମାସ୍କ ପିନ୍ଧିବା ସହ ଥଣ୍ଡା ବା ଜ୍ୱର ହେଲେ ସଙ୍ଗେ ସଙ୍ଗେ ଡାକ୍ତରଙ୍କ ପରାମର୍ଶ ନେବା ଦରକାର ।

ଏହାପୂର୍ବରୁ ଚିନର ପୂର୍ବ ପ୍ରାନ୍ତରେ H5N8 ଷ୍ଟ୍ରେନ ବ୍ୟାପିବାର ସୂଚନା ଦିଆଯାଇଥିଲା । କାରଣ ସେଠାକାର ପକ୍ଷୀମାନେ ହଠାତ୍ ରୋଗାଗ୍ରସ୍ତ ହୋଇପଡ଼ିଥିଲେ । ତେବେ ଏହି ଷ୍ଟ୍ରେନ ମାନବଜାତି ପାଇଁ ଏତେଟା କ୍ଷତି କାରକ ନଥିଲା ଯେତିକି କ୍ଷତିକାରକ ପକ୍ଷୀମାନଙ୍କ ପାଇଁ ଥିଲା ।

କରୋନା ଟିକା ନେବାର ୧୦ ବର୍ଷ ଯାଏଁ ହେବେନି ଗୁରୁତର ସଂକ୍ରମିତ: ସ୍ୱାସ୍ଥ୍ୟ ବିଶେଷଜ୍ଞ

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ପିକ୍‌ରେ ଥିବା ସମୟରେ ସର୍ବାଧିକ ମୃତ୍ୟୁ ଘଟିଛି । ଯେତେବେଳେ ନିୟମିତ ୧୧ ହଜାର ସଂକ୍ରମିତ ବାହାରୁଥିଲେ ସେତେବେଳେ ଏହି ରୋଗୀଙ୍କ ମୃତ୍ୟୁ ଘଟିଛି । ସୁପର ସ୍ପ୍ରେଡର କାର୍ଯ୍ଯକଳାପ ଯୋଗୁଁ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଛି  । ବିଶେଷ କରି ଗାଁରେ ହେଉଥିବା ଭୋଜି ଭାତ ପାଇଁ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଛି । ରାଜଧାନୀ ଭୁବନେଶ୍ବରରେ ପାଠୁଆ ନିୟମ ମାନୁନଥିବା ଯୋଗୁଁ ସଂଖ୍ୟା ବୃଦ୍ଧି ପାଉଛି  ବୋଲି କହିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର ।

ଅପରପକ୍ଷରେ କରୋନା ଟିକାର ପ୍ରଭାବ ନେଇ ସେ କହିଛନ୍ତି ଯେ, ଗବେଷଣାରୁ ପ୍ରାପ୍ତ ତଥ୍ୟ ମୁତାବକ କରୋନା ସଂକ୍ରମିତ ବ୍ଯକ୍ତି ଟିକା ନେବା ପରେ ପ୍ରାୟ ୧୦ ବର୍ଷ ଯାଏଁ ଏହି ଭୂତାଣୁ ଦ୍ୱାରା ଗୁରୁତର ଭାବେ ସଂକ୍ରମିତ ହେବେ ନାହିଁ । ବର୍ତ୍ତମାନ ଭ୍ଯାକ୍ସିନର ମିକ୍ସିଂ କରିବା ପରେ ଇମ୍ଯୁନ ସିଷ୍ଟମ ଉପରେ ରିସର୍ଚ କରାଯାଉଛି । ଏଯାବତ୍ ଦେଶର କେତେ ସ୍ଥାନରେ ଭୁଲବଶତଃ ଏଭଳି ହୋଇଛି ତାହାର କୌଣସି ବାର୍ଶ୍ୱ ପ୍ରତିକ୍ରିୟା ଦେଖାଦେଇନାହିଁ । ଏଥିସହିତ ଆମେରିକାର କେତେକ ଔଷଧ କମ୍ପାନୀ କରୋନା ଔଷଧ ନେଇ ଜୋରଦାର ଉଦ୍ୟମ ଚଳାଇଛନ୍ତି ଫଳରେ ୨ରୁ୩ ମାସ ମଧ୍ଯରେ ଔଷଧ ବାହାରିବା ସମ୍ଭାବନା ରହିଛି ବୋଲି ଡା ମିଶ୍ର କହିଛନ୍ତି ।

ଏଥିସହିତ ପଢ଼ନ୍ତୁ: ହୋମୱାର୍କ ଭାର କମାଇବାକୁ ପ୍ରଧାନମନ୍ତ୍ରୀଙ୍କୁ ନିବେଦନ କଲା ୬ବର୍ଷର ଝିଅ

ମେ’ରେ କୋଭିଡ୍ ରଚିଲା ସର୍ବାଧିକ ମୃତ୍ୟୁ: ବିଶ୍ବକୁ ପଛରେ ପକାଇଲା ଭାରତ

ଭୁବନେଶ୍ବର: କୋଭିଡ୍ ସଂକ୍ରମଣ ହେତୁ ମୃତ୍ୟୁ ମାମଲାରେ ସାରା ବିଶ୍ବର ରେକର୍ଡକୁ ଟପିଛି ଭାରତ। ମେ’ ମାସର ୩୧ ଦିନ ଭିତରେ ସରକାରୀ ଭାବେ ସମୁଦାୟ ୧ ଲକ୍ଷ ୧୯ ହଜାର ଲୋକଙ୍କ ମୃତ୍ୟୁ ରେକର୍ଡ କରାଯାଇଛି। ସାରା ବିଶ୍ବର କୌଣସି କୋଣରେ ଗୋଟିଏ ମାସ ଭିତରେ ଏତେ ସଂଖ୍ୟାରେ ମୃତ୍ୟୁ ଘଟିଥିବା ରେକର୍ଡ କରାଯାଇ ନାହିଁ। ଏହି ମୃତ୍ୟୁ ବାସ୍ତବରେ ଭାରତରେ କୋଭିଡ୍ ସଂକ୍ରମଣର ଅସହାୟତାକୁ ବଣ୍ଣନା କରୁଛି।
ଭାରତ ସରକାରଙ୍କ ସ୍ବାସ୍ଥ୍ୟ ମନ୍ତ୍ରଣାଳୟର ରିପୋର୍ଟ ଅନୁସାରେ ଏହି ଗୋଟିଏ ମାସରେ ପ୍ରାୟ ୯୦ ଲକ୍ଷ ୩୦ ହଜାର ଲୋକଙ୍କୁ କୋଭିଡ୍ ସଂକ୍ରମଣ ହୋଇଥିବାଚିହ୍ନଟ କରାଯାଇଥିଲା। ଏହା ପୂର୍ବ ମାସର ସଂକ୍ରମଣ ସଂଖ୍ୟା ଠାରୁ ପ୍ରାୟ ୩୦ ପ୍ରତିଶତ ଅଧିକ ଥିଲା। ଏପ୍ରିଲ୍ରେ ଏହି ସଂକ୍ରମଣ ସଂଖ୍ୟା ୬୯ ଲକ୍ଷ ୪୦ ହଜାର ରହିଥିଲା। ସଂକ୍ରମଣ ବଢ଼ିବା ସହ ମୃତ୍ୟୁ ରେକର୍ଡ ବି ବଢ଼ି ଚାଲିଥିଲା। ଏପ୍ରିଲ୍ ମାସରେ ସରକାରୀ ଭାବେ ୪୮ ହଜାର ୭୬୮ ଜଣଙ୍କ ମୃତ୍ୟୁ ହୋଇଥିବା ବେଳେ ମେ’ ରେ ଏହି ସଂଖ୍ୟା ପ୍ରାୟ ୧ଲକ୍ଷ ୨୦ ହଜାର ହୋଇଥିଲା।
ବିଶ୍ବର ଅନ୍ୟ ପ୍ରଭାବିତ ରାଷ୍ଟ୍ର ଗୁଡ଼ିକସହ ଭାରତର ଏହି ସଂଖ୍ୟାକୁ ତୁଳନା କଲେ ଜଣାଯାଏ ଯେ, ଗୋଟିଏ ମାସରେ ଭାରତର ଏହି ମୃତ୍ୟୁ ସଂଖ୍ୟା ବିଶ୍ବର ଅନ୍ୟ କୌଣସି ରାଷ୍ଟ୍ରଠାରୁ ଅଧିକ। ଡିସେମ୍ବର ମାସରେ କରୋନା ପ୍ରଭାବିତ ଯୁକ୍ତରାଷ୍ଟ୍ର ଆମେରିକାରେ ୮୩ ହଜାର ୮୪୯ ଜଣଙ୍କ ମୃତ୍ୟୁ ଘଟିଥିବା ରେକର୍ଡ କରାଯାଇଥିଲା। ସେହିପରି ସେହି ଡିସେମ୍ବର ମାସରେ ବ୍ରାଜିଲ୍ରେ ୮୨ ହଜାର ୪୦୧ ଜଣଙ୍କ ମୃତ୍ୟୁ ରେକର୍ଡ କରାଯାଇଥିଲା।

ଏଥିସହିତ ପଢ଼ନ୍ତୁ: ମିଳିଲା ଅନୁମତି ରାଜଧାନୀରେ ହେବ ମଦ’ର ହୋମ୍ ଡେଲିଭରୀ

ମିଳିଲା ଅନୁମତି: ରାଜଧାନୀରେ ହେବ ମଦ’ର ହୋମ୍ ଡେଲିଭରୀ

ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀରେ ହେବ ମଦ’ର ହୋମ ଡେଲିଭରୀ । ଆଉ ଏନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ସରକାର ଅନୁମତି ମଧ୍ୟ ଦେଇସାରିଛନ୍ତି । ଦିଲ୍ଲୀରେ ଏବେ ମୋବାଇଲ୍ ଆପ୍ ଏବଂ ୱେବସାଇଟ୍ ମାଧ୍ୟମରେ ମଦ ବିକ୍ରି କରାଯିବ। ଏହାପୂର୍ବରୁ ଛତିଶଗଡ ସରକାର କରୋନା ମହାମାରୀ ମଧ୍ୟରେ ମଦ ହୋମ ଡେଲିଭରୀ କରିବାକୁ ଅନୁମତି ଦେଇଥିଲେ ।

ସୂଚନା ଅନୁସାରେ ଅବକାରୀ ବିଭାଗର ନିୟମ ଅନୁଯାୟୀ, ୨୦୨୧ ଅନୁସାରେ L-13 ଲାଇସେନ୍ସଧାରୀଙ୍କୁ ଲୋକଙ୍କ ଘରେ ମଦ ପହଞ୍ଚାଇବାକୁ ଦିଆଯିବାର ଅଛି । ତେଣୁ ଯେଉଁମାନଙ୍କ ପାଖରେ L-13 ଲାଇସେନ୍ସ ଅଛି, ସେମାନେ ଅର୍ଡର ଆସିବା ପରେ ହୋମ ଡେଲିଭରୀ କରିପାରିବେ । ଏହା ବ୍ୟତୀତ ବିଜ୍ଞପ୍ତିରେ କୁହାଯାଇଛି ଯେ ଲାଇସେନ୍ସଧାରୀମାନେ କେବଳ ମୋବାଇଲ୍ ଆପ୍ କିମ୍ବା ଅନଲାଇନ୍ ୱେବ୍ ପୋର୍ଟାଲ୍ ମାଧ୍ୟମରେ ହୋମ ଡେଲିଭରୀ କରିପାରିବେ । ଏହାସହ ହଷ୍ଟେଲ, ଅଫିସ୍ ଏବଂ ଅନୁଷ୍ଠାନରେ ମଦର କୌଣସି ହୋମ ଡେଲିଭରୀ କରାଯିବ ନାହିଁ। ଯଦିଓ ଦିଲ୍ଲୀ ସରକାର ଗତ ବର୍ଷର ମଦ’ର ହୋମ ଡେଲିଭରୀ ନୀତି ଉପରେ ବିଚାର କରିଥିଲେ, କିନ୍ତୁ ପୂର୍ବରୁ କରାଯାଇଥିବା ନିୟମ ଅନୁଯାୟୀ ସେଥିରେ ମଦ’ର ହୋମ ଡେଲିଭରୀ ସମ୍ଭବ ନଥିଲା, ତେଣୁ ଏହି ନିୟମରେ ସଂଶୋଧନ କରାଯାଇଛି।

ଘରେ ପହଞ୍ଚିବ ଦେଶୀ ଓ ବିଦେଶୀ ମଦ

ଦିଲ୍ଲୀ ସରକାର ଦେଇଥିବା ବିଜ୍ଞପ୍ତି ଅନୁଯାୟୀ, ଦିଲ୍ଲୀରେ ମୋବାଇଲ୍ ଆପ୍ କିମ୍ବା ଅନଲାଇନ୍ ୱେବ୍ ପୋର୍ଟାଲ୍ ମାଧ୍ୟମରେ ମଦ ଅର୍ଡର କରାଯିବ । ଏବଂ ଏହାମାଧ୍ୟମରେ ଦେଶୀ ଓ ବିଦେଶୀ ମଦକୁ ଘରେ ବିତରଣକୁ ଅନୁମତି ଦିଆଯିବ। ଗତ ବର୍ଷ ସୁପ୍ରିମକୋର୍ଟ ରାଜ୍ୟମାନଙ୍କୁ ମଦ ବିତରଣ ବିଷୟରେ ବିଚାର କରିବାକୁ କହିଥିଲେ। , କାରଣ କରୋନା ମହାମାରୀ ସମୟରେ, ମଦ ଦୋକାନ ବାହାରେ ପ୍ରବଳ ଭିଡ଼ କାରଣରୁ ଲୋକଙ୍କ ମଧ୍ୟରେ ସାମାଜିକ ଦୂରତା ରହୁ ନଥିଲା । ତେବେ ଦିଲ୍ଲୀରେ ମଦ ବିତରଣକୁ କେବଳ L-13 ଲାଇସେନ୍ସଧାରୀଙ୍କୁ ପ୍ରଦାନ କରିବାକୁ ଅନୁମତି ଦିଆଯାଇଛି।

ରାଜଧାନୀର ଜିମ୍ ପରିସରରୁ ଝୁଲନ୍ତା ମୃତଦେହ ଉଦ୍ଧାର

ଭୁବନେଶ୍ୱର: ଜିମ୍ ଭିତରେ ଝୁଲନ୍ତା ମୃତଦେହ । ଭଞ୍ଜକଳା ମଣ୍ଡପ ପଛପଟେ ଥିବା ଜିମ୍‌ରେ ଝୁଲୁଛି ମୃତଦେହ । ମୃତକଙ୍କ ନା ରଞ୍ଜିତ ନାୟକ । ୟୁନିଟ ୬ ଅଞ୍ଚଳର ରଞ୍ଜିତ ହାଉସ କିପିଂ କାମ କରନ୍ତି । ତାଙ୍କୁ ଯୋଜନାଳ ବଦ୍ଧ ଭାବେ ହତ୍ୟା କରାଯାଇଥିବା ପରିବାର ଲୋକ ଅଭିଯୋଗ କରିଛନ୍ତି । ରଞ୍ଜିତ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରି କେହି ସେଠାରେ ଟାଙ୍ଗି ଦେଇଛି ପୋଲିସ ତଦନ୍ତ ପରେ ଉଠିବ ପର୍ଦ୍ଦା ।

ଏଥିସହିତ ପଢ଼ନ୍ତୁ: କରୋନାରେ ଚାଲିଗଲେ ଫୁଟବଲ୍ କୋଚ୍ ନନ୍ଦକିଶୋର

କେନ୍ଦ୍ର ଶିକ୍ଷାମନ୍ତ୍ରୀ ଡ.ରମେଶ ପୋଖରିଆଲ ନିଶଙ୍କ ଦିଲ୍ଲୀ ଏମ୍ସରେ ଭର୍ତ୍ତି

ନୂଆଦିଲ୍ଲୀ:କେନ୍ଦ୍ର ଶିକ୍ଷାମନ୍ତ୍ରୀ ଡକ୍ଟର ରମେଶ ପୋଖରିଆଲ ଅସୁସ୍ଥ । ସେ ଏମ୍ସରେ ଭର୍ତ୍ତି ହୋଇଥିବା ସୂଚନା ମିଲିଛି । ରମେଶ ପୋଖରିଆଳ କୋଭିଡରେ ଆକ୍ରାନ୍ତ ହେବା ପରେ ସୁସ୍ଥ ହୋଇଥିଲେ । ଏବେ ପୁଣି ଅସୁସ୍ଥତା ଅନୁଭବ କରିବାରୁ ତାଙ୍କୁ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଛି । ଗତ ୨୧ ତାରିଖରେ କରୋନା ସଂକ୍ରମିତ ଚିହ୍ନଟ ହୋଇଥିଲେ ଡ. ରମେଶ ପୋଖରିଆଲ୍ ନିଶଙ୍କ । ସେ ଟୁଇଟ୍ କରି ଏହି ସୂଚନା ଦେଇଥିଲେ । ଏହା ପରେ ଡାକ୍ତରଙ୍କ ପରାମର୍ଶ କ୍ରମେ ଚିକିତ୍ସା ଚାଲିଥିଲା ।