spot_img
Home Blog Page 5750

ବାତ୍ୟା ମଡେଲ ନବୀନ ପଟ୍ଟନାୟକ: ବାତ୍ୟା ସହିତ ଲଢିବା ପାଇଁ ପ୍ରସ୍ତୁତ ଓଡ଼ିଶା

ଭୁବନେଶ୍ୱର: ଶୁକ୍ରବାର ଓଡ଼ିଶା ଗସ୍ତରେ ଆସି ବାତ୍ୟା କ୍ଷୟକ୍ଷତିର ସମୀକ୍ଷା କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ବୈଠକ ପରେ ଦିଲ୍ଲୀ ଫେରି ଓଡ଼ିଶାକୁ ୫ଶହ କୋଟି ଏବଂ  ପଶ୍ଚିମବଙ୍ଗ ଓ ଝାଡ଼ଖଣ୍ଡକୁ ୫ଶହ କୋଟି ଟଙ୍କାର ସହାୟତା ଘୋଷଣା କରିଥିଲେ ପ୍ରଧାନମନ୍ତ୍ରୀ । ଏହାକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଧାନମନ୍ତ୍ରୀଙ୍କୁ ଟ୍ୱିଟ୍ ଯୋଗେ ଧନ୍ୟବାଦ ଜଣାଇଥିଲେ । ଯାହାକୁ ରିଟ୍ୱିଟ୍ କରି ପ୍ରଧାନମନ୍ତ୍ରୀ ମୋଦି ପ୍ରଶଂସା କରିଥିଲେ ।

Road Will Repair Within Two Days Assured SRC Cyclone YaasRoad Will Repair Within Two Days Assured SRC Cyclone Yaas

ଏସ୍‌ଆରସି ପ୍ରଦୀପ କୁମାର ଜେନାଙ୍କ କହିବା ଅନୁସାରେ ଓଡ଼ିଶା ପାଇଁ ବାତ୍ୟା କିଛି ନୂଆ ନୁହେଁ । ‘ୟାସ୍‌’ ଗତ ୨୦ ବର୍ଷ ମଧ୍ୟରେ ଓଡ଼ିଶାକୁ ଆସିଥିବା ଅଷ୍ଟମ ବାତ୍ୟା ଏବଂ ଗତ ୩୦ ମାସ ମଧ୍ୟରେ ଏହା ପଞ୍ଚମ ବାତ୍ୟା । ୨୦୧୮ରେ ‘ତିତଲି’ର ସାମ୍ନା କରିଛି ଓଡ଼ିଶା । ୨୦୧୯ରେ ଫନି ଓ ବୁଲବୁଲ ଏବଂ ୨୦୨୦ରେ ଅମ୍ଫାନ । ଗତ ୨୪ ମାସ ମଧ୍ୟରେ ଫନି ଏବଂ ଅମ୍ଫାନ ପରେ ୟଶ୍‌ସମର ସାଇକ୍ଲୋନ୍‌। ମୌସୁମୀ ଚକ୍ରବର୍ତ୍ତୀକୁ ଖୁବ୍‌ଭଲ ଭାବରେ ବୁଝିଛି ଓଡ଼ିଶା ।

ସ୍ୱତନ୍ତ୍ର ରିଲିଫ୍‌କମିଶନର ପିକେ ଜେନାଙ୍କ କହିବା ହେଉଛି, ଏଥର ଭାରତୀୟ ପାଣିପାଗ ବିଭାଗ ମଧ୍ୟ ‘ୟଶ୍‌’ର ଲ୍ୟାଣ୍ଡଫଲକୁ ନେଇ ସ୍ପଷ୍ଟ ନଥିଲେ । ଭିନ୍ନ ଭିନ୍ନ ନମୁନାକୁ ନେଇ ଅଧ୍ୟୟନ କରାଗଲା । ଏହାପରେ ପ୍ରସ୍ତୁତି ଆରମ୍ଭ ହେଲା । ତେବେ ପ୍ରସ୍ତୁତି ମଧ୍ୟ ଏମିତି ସେମିତି ନୁହେଁ ବରଂ ଖୁବ୍‌ବଡ଼ ଧରଣର ଥିଲା । ଏହା ପାରାଦ୍ୱୀପ ଏବଂ ଦୀଘା ମଧ୍ୟରେ ଲ୍ୟାଣ୍ଡଫଲ କରିବ ବୋଲି ଅନୁମାନ କରାଗଲା ।

ପୂର୍ବରୁ ଜଳ ଓ ବିଦ୍ୟୁତର ବ୍ୟବସ୍ଥା କରାଯାଇଥିଲା :
ପିକେ ଜେନାଙ୍କ କହିବା ଅନୁସାରେ ପୂର୍ବରୁ ଡିଜେଲ ଜେନେରେଟର ଭଳି ବ୍ୟାକ୍‌ଅପ ଆୟୋଜନ କରାଯାଇଥିଲା । ପିଇବା ପାଇଁ ଓ୍ୱାଟର ଟ୍ୟାଙ୍କରର ବ୍ୟବସ୍ଥା ମଧ୍ୟ କରାଗଲା । ଏହା ସହିତ ପାଞ୍ଚଜଣ ବରିଷ୍ଠ ସଚିବ, ପାଞ୍ଚଜଣ ବରିଷ୍ଠ ପୋଲିସ ଅଧିକାରୀ ଏବଂ ଜଣେ ମନ୍ତ୍ରୀଙ୍କୁ ଲ୍ୟାଣ୍ଡଫଲ ସ୍ଥାନକୁ ପଠାଯାଇଥିଲା । ଏଭଳି ସ୍ଥିତିରେ କୋଭିଡ ଥିଲା ଏକ ବଡ଼ ଚ୍ୟାଲେଞ୍ଜ । ଲୋକଙ୍କୁ ଦୁଇ ଦୁଇଟି ବଡ଼ ସମସ୍ୟାରୁ ରକ୍ଷା କରିବାର ଥିଲା । ଗୋଟିଏ ପଟେ ବାତ୍ୟା କବଳରୁ ତ ଅନ୍ୟପଟେ କୋଭିଡ ସଂକ୍ରମଣରୁ । ୭ ଲକ୍ଷ ୧୦ ହଜାର ଲୋକଙ୍କୁ ୮ ହଜାର ୪ ଶହ ଆଶ୍ରୟସ୍ଥଳୀରେ ଥଇଥାନ କରାଯାଇଥିଲା । ଏହି ସମୟରେ କୋଭିଡ ଗାଇଡଲାଇନକୁ ସମ୍ପୂର୍ଣ୍ଣ ଭାବରେ ଗୁରୁତ୍ୱ ଦିଆଯାଇଥିଲା । ଅନ୍ୟପଟେ ଏକାଧିକ ହସ୍ପିଟାଲ କୋଭିଡ ପାଇଁ ବିପଦ ସଙ୍କେତରେ ଥିବାବେଳେ ସେଗୁଡ଼ିକର କବାଟ ଏବଂ ଝରକାକୁ ଲିକ୍‌ପ୍ରୁଫ୍‌ପାଇଁ ଯୋଜନା କରାଯାଇଥିଲା । ଖାଲି ସେତିକି ନୁହେଁ ଔଷଧର ଅଭାବ ନ ହେବାପାଇଁ ୭ ଦିନର ଷ୍ଟକ୍‌ମଧ୍ୟ ରଖାଯାଇଥିଲା ।

 

୧୯୯୯ ମହାବାତ୍ୟା ଓଡ଼ିଶାକୁ ଦୋହଲାଇ ଦେଇଥିଲା । ଏଥିରେ ୯ ହଜାର ଲୋକଙ୍କ ଜୀବନ ଯାଇଥିଲା । ଯାହାପରେ ପ୍ରାକୃତିକ ବିପର୍ଯ୍ୟୟର ସାମ୍ନା କରିବା ପାଇଁ ସଙ୍ଗଠନ ସ୍ତର ଭାବରେ OSDM ଆରମ୍ଭ ହୋଇଥିଲା । କିନ୍ତୁ ଏହା ଯଥେଷ୍ଟ ନୁହେଁ ବୋଲି ଓଡ଼ିଶା ୨୦୦୭ରେ ହୃଦୟଙ୍ଗମ କରିଥିଲା । ଯାହାପରେ ଅଗ୍ନିଶମ କେନ୍ଦ୍ରକୁ ଉପକରଣ ଏବଂ ପ୍ରଶିକ୍ଷଣ ସହିତ ମଜବୁତ କରାଗଲା । ଏବେ ପ୍ରାୟ ୪୦୦ ଅଗ୍ନିଶମ କେନ୍ଦ୍ରରେ ଉଚ୍ଚ ପ୍ରଶିକ୍ଷଣ ପ୍ରାପ୍ତ ଲୋକ ଅଛନ୍ତି । ପ୍ରତିବର୍ଷ ୧୯ ଜୁନରେ ରାଜ୍ୟସ୍ତରୀୟ ଏକ ମକଡ୍ରିଲର ଆୟୋଜନ ହୁଏ ।

 

ଏବେ ଆଉ ସେ ଦିନ ନାହିଁ । ଓଡ଼ିଶା  ସାଜିଛି ମଡେଲ । ବାତ୍ୟାପରେ ପୁଣିଥରେ ଅଣ୍ଟା ସଳଖି ଛିଡ଼ା ହେବାକୁ ପ୍ରସ୍ତୁତ ଓଡ଼ିଶା ।

ଦିଦି କହିଲେ ମୁଁ ଅପେକ୍ଷା କରିଛି ୨୦ ମିନିଟ, ବିଲମ୍ବରେ ଆସିଲେ ମୋଦି

କୋଲକାତା: ପ୍ରଧାନମନ୍ତ୍ରୀ ଅଧ ଘଣ୍ଟା ମମତା ବାନାର୍ଜୀଙ୍କ ପାଇଁ ଅପେକ୍ଷା କରିବା ଖବର ପରେ ବଢୁଛି ବିବାଦ । ରାଜନୈତିକ ଅସହିଷ୍ଣୁତା ଯୋଗୁଁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଏପରି କରିଥିବା ଅଭିଯୋଗ ହୋଇଛି । କାହିଁକି ପ୍ରଧାନମନ୍ତ୍ରୀଙ୍କୁ ୩୦ ମିନିଟ ଅପେକ୍ଷା କରାଇଲେ ଦିଦି । ଏହାକୁ ନେଇ ରାଜନୈତିକ ବିରୋଧ ଜାରି ରହିଥିବା ବେଳେ ସାମ୍ବାଦିକ ସମ୍ମିଳନୀ କରି ଉତ୍ତର ଦେଇଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ ।

ପ୍ରଧାନମନ୍ତ୍ରୀ ରାଜ୍ୟକୁ ଆସିଲେ ମୁଖ୍ୟମନ୍ତ୍ରୀ ସ୍ବାଗତ କରିବା ନିହାତି ଆବଶ୍ୟକ ନୁହେଁ । ଏମିତିରେ ବେଶି ରାଜନୈତିକ ବୟାନ ବାଜି ହୋଇଥାଏ । ଏଥିସହ ପ୍ରଧାନମନ୍ତ୍ରୀ ମୋଦି ନିଜେ ୨୦ ମିନିଟ୍‌ ଧରି ମମତା ବାନାର୍ଜୀଙ୍କୁ ଅପେକ୍ଷା କରାଇଥିବା ଅଭିଯୋଗ କରିଛନ୍ତି । ମମତା ନିଜେ ପ୍ରଧାନମନ୍ତ୍ରୀଙ୍କୁ ସ୍ବାଗତ କରିବା ପାଇଁ ଠିକ୍‌ ସମୟରେ ଯାଇଥିବା ବେଳେ ସେଠାରେ ପ୍ରଧାନମନ୍ତ୍ରୀ ପହଁଞ୍ଚିନଥିଲେ । ବରଂ ତାଙ୍କୁ ୨୦ ମିନିଟ୍‌ ଅପେକ୍ଷା କରିବାକୁ କୁହାଯାଇଥିଲା ।

ବାତ୍ୟା କ୍ଷୟକ୍ଷତି ସମୀକ୍ଷା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କୋଲକାତା ଗସ୍ତରେ ଯାଇଥିବା ବେଳେ ମମତା ସମୀକ୍ଷା ବୈଠକକୁ ଆସିନଥିଲେ । ତାପରଠାରୁ ବିଜେପି ନେତା ଓ କେନ୍ଦ୍ରର କିଛି ଦିଦିଙ୍କୁ ପ୍ରବଳ ବିରୋଧ କରିଛନ୍ତି । ଏଥିସହ ପଶ୍ଚିମବଙ୍ଗର ମୁଖ୍ୟ ସଚିବଙ୍କୁ କେନ୍ଦ୍ର ସରକାର ଦିଲ୍ଲୀ ଡାକିବା ପରେ ମମତା କେନ୍ଦ୍ର ଉପରେ ପ୍ରବଳ ବର୍ଷିଛନ୍ତି ।

କରୋନାର ଦ୍ୱିତୀୟ ଲହର: ରାଜଧାନୀ ଦିଲ୍ଲୀ ଏକ ହଜାର ତଳେ ସଂକ୍ରମଣ

ନୂଆଦିଲ୍ଲୀ: କରୋନାକୁ ନେଇ ଆଶ୍ୱସ୍ଥିକର ଖବର ସାମ୍ନାକୁ ଆସିବାରେ ଲାଗିଛି । କିଛିଦିନର ବ୍ୟବଧାନ ପରେ ଦେଶରେ ପୁଣି କରୋନା ସ୍ଥିତି ନିୟନ୍ତ୍ରଣରେ ଆସିବାର ନଜର ଆସିଛି । ଏଥିରେ ଆଗରେ ରହିଛି ରାଜଧାନୀ ଦିଲ୍ଲୀ । ଦିଲ୍ଲୀରେ କରୋନା ମାମଲା କମିବାରେ ଲାଗିଛି । ଏବଂ ବର୍ତ୍ତମାନ ଅନଲକ୍ ପାଇଁ ଦାବି ଜୋର ଧାରିଛି । ଦିଲ୍ଲୀର କରୋନାର ଦ୍ୱିତୀୟ ଲହରରେ ପ୍ରଥମ ଥର ପାଇଁ ଏକ ହଜାରରୁ କମ୍ ନୂଆ ପଜିଟିଭ୍ ମାମଲା ସାମ୍ନାକୁ ଆସିଛି ।
କରୋନା ସଂକ୍ରମଣ କମିବା ସହିତ ଲକଡାଉନ ହଟାଇବାରୁ ଆଶା ମଧ୍ୟ ବୃଦ୍ଧି ପାଇଛି । କେଜ୍ରିୱାଲ ସରକାର ନିଶ୍ଚିତ କରିଛନ୍ତି ଯେ କରୋନା ମାମଲା ହ୍ରାସ ହେବା ସହିତ ଧୀରେ ଧୀରେ ସମସ୍ତ କାର୍ଯ୍ୟକଳାପ ପୁଣି ଖୋଲିଦିଆଯିବ । ତେବେ ଏନେଇ କିଛି ମାତ୍ରାରେ ପ୍ରସ୍ତୁତି ମଧ୍ୟ ଆରମ୍ଭ ହୋଇଗଲାଣି ।
ତେବେ କେଜ୍ରିୱାଲ କହିଛନ୍ତି ଯେ “ଗତ ୨୪ ଘଣ୍ଟାରେ ପ୍ରାୟ ୯୦୦ ମାମଲା ରେକର୍ଡ ହୋଇଛି । ଏବଂ କରୋନାର ଦ୍ୱିତୀୟ ଲହରରେ ପ୍ରଥମ ଥର ପାଇଁ ଏକ ହଜାରରୁ କମ୍ ମାମଲା ସାମ୍ନାକୁ ଆସିଛି। ତେଣୁ ଆମେ ଆଶା କରୁଛି ଯେ ମାମଲା ହ୍ରାସ ହେବା ସହ ଆମେ ଅନଲକର ପ୍ରକ୍ରିୟା ଆରମ୍ଭ କରିଦେବୁ। ଆମେ ଚାହୁଁଛୁ ଯେ, ପୁଣି ଅର୍ଥନୈତିକ ସ୍ଥରରେ ଆଉ କିଛି କ୍ଷତି ନହେଉ ।
ଅନ୍ୟପକ୍ଷରେ ଦିଲ୍ଲୀର ବ୍ୟବସାୟୀମାନେ କେଜ୍ରିୱାଲ ସରକାରଙ୍କୁ ଲକଡାଉନକୁ ହଟାଇବାକୁ ଦାବି କରିଛନ୍ତି। ତେବେ ଏନେଇ ବ୍ୟବସାୟୀମାନଙ୍କୁ ଧର୍ଯ୍ୟବାନ ହେବାକୁ କେଜ୍ରିୱାଲ ସେମାନଙ୍କୁ ନିବେଦନ କରିଛନ୍ତି । କେଜ୍ରିୱାଲ କହିଛନ୍ତି ଯେ ମୁଁ ବ୍ୟବସାୟୀଙ୍କ ଯନ୍ତ୍ରଣାକୁ ବୁଝିପାରୁଛି । “ମୁଁ ସେମାନଙ୍କୁ କହିବାକୁ ଚାହେଁ ଯେ ବହୁତ କଷ୍ଟର ସହ ଆମେ ମାସ ଦେଢ ମାସ ହେବ ଲକଡାଉନ କରି ଏହି ପରିସ୍ଥିତିକୁ ନିୟନ୍ତ୍ରଣ କରିବାରେ ସଫଳ ହୋଇଛୁ। ତେଣୁ ଟିକେ ଧର୍ଯ୍ୟ ରଖନ୍ତୁ ଅଧର୍ଯ୍ୟ ହୁଅନ୍ତୁ ନାହିଁ । ଆମେ ମଧ୍ୟ ଚାହୁଁଛୁ ଯେ ଦୋକାନ ବଜାର ଖୋଲୁ ବୋଲି ତେଣୁ ବ୍ୟସ୍ତ ହେବାର କିଛି ନାହିଁ ଧୀରେ ଧୀରେ ପରିସ୍ଥିତି ନିୟନ୍ତ୍ରଣକୁ ଆସିବା ପରେ ଆମେ ସବୁକିଛି ଖୋଲିଦେବୁ । ପରିସ୍ଥିତି ସୁଧୁରିବା ପରେ ଧିରେ ଧିରେ ଶ୍ରମିକମାନେ ମଧ୍ୟ ଫେରୁଛନ୍ତି ।
ଗତକାଲି ଦୁଇଟି କାର୍ଯ୍ୟକଳାପ ଉପରେ ଦିଲ୍ଲୀ ସରକାର ଲକଡାଉନ ହଟାଇଛନ୍ତି । ସୋମବାରଠାରୁ ନିର୍ମାଣ କାର୍ଯ୍ୟ ଏବଂ କାରଖାନା ଆଦି ଖୋଲିବାକୁ ସୂଚନା ଦେଇଛନ୍ତି। କାରଣ ସବୁଠାରୁ ଗରିବ ଶ୍ରେଣୀର ଲୋକେ ହେଉଛନ୍ତି ପ୍ରବାସୀ ଶ୍ରମିକ । ଲକଡାଉନ୍ ସମୟରେ ଏମାନେ ହିଁ ସବୁଠୁ ବେଶି ସମସ୍ୟା ପଡ଼ିଥାନ୍ତି । ତେଣୁ ଧୀରେ ଧୀରେ କରୋନା ଭାଇରସ ମାମଲା କମିଲେ ଦିଲ୍ଲୀ ସରକାର ଆସନ୍ତା ସପ୍ତାହରେ ଅନ୍ୟ କିଛି କାର୍ଯ୍ୟକଳାପ ଉପରେ କୋହଳ କରିବା ନେଇ କେଜ୍ରିୱାଲ କହିଛନ୍ତି ।

ବିସିସିଆଇର ଗୁରୁତ୍ୱପୂର୍ଣ୍ଣ ନିଷ୍ପତ୍ତି: ପୁଣି ୟୁଏଇରେ ଖେଳାଯିବ ଆଇପିଏଲ୍‌

ବିଦେଶରେ ଦେଖିବାକୁ ମିଳିବ ଆଇପିଏଲର ଟକ୍କର । UAEରେ ଖେଳାଯିବ ଚଳିତବର୍ଷର ବାକି ଆଇପିଏଲ ମ୍ୟାଚ୍ । ଏ ନେଇ ଆଜି ବିସିସିଆଇର ସ୍ୱତନ୍ତ୍ର ସାଧରଣ ପରିଷଦ ବୈଠକରେ ନିଷ୍ପତ୍ତି ନିଆଯାଇଛି । ଆଇପିଏଲର ବାକିଥିବା ୩୧ଟି ମ୍ୟାଚ୍ UAEରେ ଖେଳାଯିବ । ତେବେ ଭାରତରେ ଟି-୨୦ ଓ୍ବାଲ୍ଡ କପ୍ ହେବା ନେଇ ଆଜି କୌଣସି ନିଷ୍ପତ୍ତି ନିଆଇପାରିନି । ଏ ନେଇ ଆଇସିସିକୁ ଅଧିକ ସମୟ ମାଗିବ ବିସିସିଆଇ । ଅକ୍ଟୋବରରୁ ନଭେମ୍ବର ମାସରେ ଭାରତରେ ଟି-୨୦ ଓ୍ବାଲ୍ଡ କପ୍ ହେବାକୁ ଥିବାବେଳେ ଏହାକୁ ନେଇ ଅନିଶ୍ଚିତତା ଦେଖାଦେଇଛି । କରୋନା ଓ ପାଗ ଖରାପ ପାଇଁ ଭାରତରେ ମ୍ୟାଚ୍ ହେବା ନେଇ ଆଶଙ୍କା ଦେଖାଦେଇଛି । ଭାରତରେ ଟି-୨୦ ମ୍ୟାଚ୍ ନ ହେଲେ UAEରେ ମ୍ୟାଚ୍ ହେବା ନେଇ ଆଶାବାଦୀ ରହିଛି ବିସିସିଆଇ । ଆଜି ବସିଥିବା ବୈଠକରେ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲିଙ୍କ ସହ ଅନ୍ୟ ବରିଷ୍ଠ ଅଧିକାରୀମାନେ ସାମିଲ ହୋଇଥିଲେ ।  ତେବେ ବର୍ତ୍ତମାନର ପରିସ୍ଥିତିରେ ଆଇପିଏଲ୍‌କୁ ଦେଶ ବାହାରେ ଆୟୋଜନ କରାଯାଉଥିଲେ ହେଁ, ଆଗାମୀ ଦିନରେ ଦେଶରେ ଟି-୧୦ ବିଶ୍ୱକପ୍ ଆୟୋଜନ କରାଯିବାକୁ ନେଇ ଆଶାବାଦୀ ଅଛି ବିସିସିଆଇ । ଏଥିସହିତ ଏ ଦିଗରେ ଚୂଡ଼ାନ୍ତ ପଦକ୍ଷେପ ନେବା ନେଇ ଆଇସିସି ଜୁଲାଇ ପ୍ରଥମ ସପ୍ତାହ ଯାଏଁ  ଅପେକ୍ଷା କରିବେ ବୋଲି ଆଶାବ୍ୟକ୍ତ କରାଯାଇଛି । ସୂଚନା ଯୋଗ୍ୟ ଚଳିତ ବର୍ଷ ଆଇପିଏଲ୍‌ର ୨୯ଟି ମ୍ୟାଚ୍ ଖେଳାଯବା ପରେ କିଛି ଖେଳାଳି  ଓ ସପୋର୍ଟ ଷ୍ଟାଫ୍ କରୋନା ସଂକ୍ରମିତ ଚିହ୍ନଟ ହେବା ପରେ ଏହାକୁ ସ୍ଥଗିତ ରଖାଯାଇଥିଲା ।

ଏଥିସହିତ ପଢ଼ନ୍ତୁ: ରାଜ୍ୟରେ କରୋନା ରୋଗୀଙ୍କୁ ମାଗଣାରେ ମିଳିବ ଡିଆରଡିଓ ବିକଶିତ ୨-ଡିଜି ଔଷଧ

ସମାଜବାଦୀ ସାଂସଦ ଆଜମ ଖାନଙ୍କ ସ୍ୱାସ୍ଥ୍ୟାବସ୍ଥା ଗମ୍ଭୀର, ଆଇସିୟୁରେ ଭର୍ତ୍ତି

ଲକ୍ଷ୍ନୌ: ସମାଜବାଦୀ ପାର୍ଟିର ବରିଷ୍ଠ ନେତା ଏବଂ ସାଂସଦ ଆଜମ ଖାନଙ୍କୁ ଗୁରୁତର ଅବସ୍ଥାରେ କୋଭିଡ ଆଇସିୟୁରେ ଭର୍ତ୍ତି କରାଯାଇଛି । ତାଙ୍କ ଫୁସଫୁସରେ ଫାଇବ୍ରୋସିସ୍‌ଥିବା ଖବର ସାମ୍ନାକୁ ଆସିଛି । ଅନ୍ୟପଟେ ଆଜମଙ୍କ ପୁଅଙ୍କ କୋଭିଡ ରିପୋର୍ଟ ନେଗେଟିଭ୍‌ଆସିଛି । ମେନ୍ଦାତା ହସ୍ପିଟାଲର ମେଡିକଲ ଡାଇରେକ୍ଟର ରାକେଶ କପୂରଙ୍କ କହିବା ହେଉଛି ଆଜମଙ୍କୁ ୩ରୁ ୪ ଲିଟିର ଅକ୍ସିଜେନ ଆବଶ୍ୟକ ହେଉଛି ।

ନିକଟ ଅତୀତରେ ଆଜମଙ୍କ ଫୁସଫୁସରେ ଫାଇବ୍ରୋସିସ ଚିହ୍ନଟ ହୋଇଥିଲା । ଏହା ସହିତ କ୍ୟାଭିଟି ମିଳିଥିଲା । ଏଥିପାଇଁ ଅକ୍ସିଜେନ ସପୋର୍ଟକୁ ୨ ଲିଟରରୁ ବଢାଇ ୫ ଲିଟର କରାଯାଇଛି । କିନ୍ତୁ ସ୍ୱାସ୍ଥ୍ୟାବସ୍ଥା ଗମ୍ଭୀର ହେବାରୁ ଆଜମଙ୍କୁ ଆଇସିୟୁରେ ଭର୍ତ୍ତି କରାଯାଇଛି ।

 

ଡାକ୍ତରଙ୍କ କହିବା ହେଉଛି ଫାଇବ୍ରୋସିସ ଯୋଗୁଁ ଶରୀରକୁ ପର୍ଯ୍ୟାପ୍ତ ମାତ୍ରାରେ ଅମ୍ଳଜାନ ମିଳିପାରେ ନାହିଁ । ତେବେ କୋଭିଡ ସଂକ୍ରମିତଙ୍କ ଅକ୍ସିଜେନ ସ୍ତର ବଢିଥାଏ ଏବଂ କମିଥାଏ । ଯାହା ଏକ ଗୁରୁତ୍ୱପୂର୍ଣ୍ଣ ବିଷୟ । ଡାକ୍ତର ଲଗାତାର ଆଜମଙ୍କ ସ୍ଥିତି ପରଖୁଛନ୍ତି ।

ଅନ୍ୟପଟେ ଆଜମଙ୍କ ପୁଅ ମୋହମ୍ମଦ ଅବଦୁଲ୍ଲା ଆଜମଙ୍କ ସ୍ଥିତି ଠିକ୍‌ରହିଛି । ଯଦିଓ ରିପୋର୍ଟ ନେଗେଟିଭ୍‌ଆସିଛି ତଥାପି ତାଙ୍କ ପ୍ରତି ବିଶେଷ ଦୃଷ୍ଟି ଦେଉଛନ୍ତି ଡାକ୍ତର ।

ରାଜ୍ୟରେ କରୋନା ରୋଗୀଙ୍କୁ ମାଗଣାରେ ମିଳିବ ଡିଆରଡିଓ ବିକଶିତ ୨-ଡିଜି ଔଷଧ

ଭୁବନେଶ୍ୱର: କରୋନା ମୁକାବିଲା ଦିଗରେ ଆଉ ପାଦେ ଆଗେଇଲେ ରାଜ୍ୟ ସରକାର । ଡିଆରଡିଓ ଅନୁମତିପ୍ରାପ୍ତ ୨-ଡିଜି ଔଷଧକୁ ମାଗଣାରେ ଯ଼ୋଗାଇବେ ରାଜ୍ୟ ସରକାର  । ଏଥିପାଇଁ ୫ହଜାର ୨-ଡିଜି ପାଉଚ୍ ଅର୍ଡର ଦେଇଛନ୍ତି ରାଜ୍ୟ ସରକାର ।  ସମସ୍ତ ସରକାରୀ ହସ୍ପିଟାଲକୁ ଏହି କରୋନା ଔଷଧ ଯୋଗାଇ ଦିଆଯିବ । ଚିକିତ୍ସିତ ହେଉଥିବା ରୋଗୀଙ୍କୁ ମାଗଣାରେ ଏହି ଔଷଧ ମିଳିବ ।  ଜୁନ୍ ୧୦ରେ ବଜାରରେ ଉପଲବ୍ଧ ହେବ ୨ଡିଜି । ଅଗ୍ରାଧିକାର ଭିତ୍ତିରେ ରାଜ୍ୟ କିପରି ଏହି ଔଷଧ ପାଇବ, ସେନେଇ ସ୍ବାସ୍ଥ୍ୟବିଭାଗ ତତ୍ପରତା ପ୍ରକାଶ କରିଛି । କମ୍ପାନୀଙ୍କ ସହ ଆଲୋଚନା ଜାରି ରଖି ତୁରନ୍ତ କିପରି ରାଜ୍ୟ ପାଇବ ସେଦିଗରେ ସ୍ବାସ୍ଥ୍ୟ ବିଭାଗ ପ୍ରୟାସ ଜାରି ରଖିଛି । ଔଷଧ ଉତ୍ପାଦନ କରୁଛି ଡକ୍ଟର ରେଡ୍ଡୀ ଲ୍ୟାବ୍  । ଗତକାଲି ୨-ଡିଜି ଗୋଟିଏ ପାଉଚ୍‌ର ମୂଲ୍ୟ ୯୯୦ଟଙ୍କା ଧାର୍ଯ୍ୟ କରାଯାଇଛି । ତେବେ ସରକାରୀ ମେଡିକାଲରେ ଉଭୟ କେନ୍ଦ୍ର ଓ ରାଜ୍ୟ ସରକାର ନିଜ ନିଜ ଡିସକାଉଣ୍ଟ ପ୍ରାଇସ୍‌ରେ ଏହାକୁ ରୋଗୀଙ୍କୁ ଦେଇପାରିବେ । ତେବେ କେନ୍ଦ୍ର ସରକାରଙ୍କ ଏ ସମ୍ପର୍କିତ କୌଣସି ଘୋଷଣା ପୂର୍ବରୁ ରାଜ୍ୟରେ ମାଗଣାରେ ଏହି ଔଷଧ ରୋଗୀଙ୍କୁ ଦିଆଯିବା ନେଇ ଘୋଷଣା କରିଛନ୍ତି ରାଜ୍ୟ ସରକାର । ପୂର୍ବରୁ ମଧ୍ୟ କରୋନା ମୁକାବିଲା ଦିଗରେ ବେଶ ତତ୍ପରତା ପ୍ରକାଶ କରିଛନ୍ତି ରାଜ୍ୟ ସରକାର । ସମସ୍ତ ରାଜ୍ୟବାସୀଙ୍କୁମାଗଣା ଟିକା ଯୋଗାଇଦେବା ନେଇ ଘୋଷଣା କରିବା ସହ ଅଧିକ ଟିକା ସଂଗ୍ରହ ନେଇ ଗ୍ଳୋବାଲ୍ ଟେଣ୍ଡର ପାଇଁ ଆହ୍ୱାନ କରିଛନ୍ତି ।

ଏଥିସହିତ ପଢ଼ନ୍ତୁ: କରୋନା ଔଷଧ ୨-ଡିଜିର ମୂଲ୍ୟ ନିର୍ଦ୍ଧାରିତ: ଜାଣନ୍ତୁ କେତେ ଟଙ୍କାରେ ମିଳିବ ଔଷଧ

ଆପଣ ନିଜେ କରିପାରିବେ ନିଜ ସ୍ୱାବ ସଂଗ୍ରହ: ଆଉ ୩ ଘଣ୍ଟାରେ ମିଳିବ ରିପୋର୍ଟ, ଜାଣନ୍ତୁ କେମିତି?

ନୂଆଦିଲ୍ଲୀ: ଏଣିକି କରୋନା ପରୀକ୍ଷା ପାଇଁ ଟେଷ୍ଟିଂ ସେଣ୍ଟର ଆଗରେ ଲଗାଇବାକୁ ପଡ଼ିବନି ଲମ୍ୱା ଲାଇନ୍ । ଆପଣ ନିଜେ କରିପାରିବେ ନିଜ ନମୁନା ସଂଗ୍ରହ । ଆଉ ମାତ୍ର ୩ ଘଣ୍ଟାରେ ମିଳିପାରିବ କୋଭିଡ ରିପୋର୍ଟ । ଆରଟିପିସିଆର ଟେଷ୍ଟିଂ ରିପୋର୍ଟକୁ ସବୁଠାରୁ ବିଶ୍ୱାସଯୋଗ୍ୟ କୁହାଯାଉଥିବା ବେଳେ ଏଥିଲାଗି କିଛି ଦିନର ସମୟ ଲାଗୁଥିଲା ।

CSIR-Council Of Scientific & Industrial Research » Bihog.com

କିନ୍ତୁ ଦି କାଉନସିଲ୍ ଅଫ୍ ସାଇଣ୍ଟିଫିକ୍ ଆଣ୍ଡ ଇଣ୍ଡଷ୍ଟ୍ରିଆଲ୍ ରିସର୍ଚ୍ଚ ଏହି ଆରଟିପିସିଆର ଟେଷ୍ଟିଂର ନୂଆ ଶୈଳୀ ସାମ୍ନାକୁ ଆଣିଛନ୍ତି । ଯାହା ଦ୍ୱାରା ଖୁବ୍‌ କମ୍ ସମୟରେ ମଧ୍ୟରେ ନିର୍ଭୁଲ କରୋନା ରିପୋର୍ଟ ପାଇହେବ । ଆଉ ଏହି ପ୍ରକ୍ରିୟାକୁ ଇଣ୍ଡିଆନ୍ କାଉନ୍‌ସିଲ୍ ଅଫ୍ ମେଡିକାଲ ରିସର୍ଚ୍ଚ ପକ୍ଷରୁ ମଧ୍ୟ ମଞ୍ଜୁର ପ୍ରଦାନ କରିଛନ୍ତି । ତେବେ ଆସନ୍ତୁ ଜାଣିବା କ’ଣ ଏହି ସାଲାଇନ୍ ଗାର୍ଗେଲ ଆରଟିପିସିଆର ଟେଷ୍ଟିଂ ପ୍ରଣାଳୀ ।

No need for RT-PCR tests if...: Check ICMR new COVID-19 testing guidelines

କରୋନା ମୁକାବିଲାରେ ଟେଷ୍ଟିଂ ଓ ଟ୍ରେସିଂକୁ ପ୍ରମୁଖ ଅସ୍ତ୍ର ଭାବେ ବିବେଚନା କରାଯାଉଥିବା ବେଳେ ଏ ନେଇ ନମୁନା ସଂଗ୍ରହ ଓ ରିପୋର୍ଟ ଆସିବାରେ କିଛି ଦିନର ସମୟ ଲାଗୁଛି । ଏବଂ ରିପୋର୍ଟ ଆଣିବାକୁ ବିଭିନ୍ନ କାରଣରୁ ନମୁନା ପ୍ରଦାନକାରୀଙ୍କୁ ନିଜେ ଯିବାକୁ ପଡ଼ୁଛି । ଏଭଳି ସ୍ଥିତିରେ ତାଙ୍କ ଠାରୁ ଅନ୍ୟମାନେ ସଂକ୍ରମିତ ହେବାର ଆଶଙ୍କା ବଢ଼ିଯାଉଛି । ଏଣୁ କମ୍ ସମୟ ମଧ୍ୟରେ ଅଧିକରୁ ଅଧିକ ଟେଷ୍ଟିଂ ଓ ରିପୋର୍ଟ ପ୍ରଦାନ ଏକାନ୍ତ ଆବଶ୍ୟକ ହୋଇପଡ଼ୁଛି । କିନ୍ତୁ ଆରଟିପିସିଆର ଟେଷ୍ଟିଂରେ ଏଭଳି କରିବା ଏକ ବଡ଼ ଆହ୍ୱାନ ଭାବେ ଉଭା ହୋଇଥିବା ବେଳେ ଦି କାଉନସିଲ୍ ଅଫ୍ ସାଇଣ୍ଟିଫିକ୍ ଆଣ୍ଡ ଇଣ୍ଡଷ୍ଟ୍ରିଆଲ୍ ରିସର୍ଚ୍ଚ ବା ସିଏସ୍‌ଆଇର ପକ୍ଷରୁ ଆପଣା ଯାଇଥିବା ନୂଆ ପରୀକ୍ଷା ଶୈଳୀ ଆଶ୍ୱସ୍ତି ଆଣିଦେଇଛି ।

Odisha cuts cost of RT-PCR test by private labs to Rs 400, lowest in India-  The New Indian Express

କରୋନା ପରୀକ୍ଷା ନେଇ ସାଧାରଣତଃ ଆରଟିପିସିଆର ଓ ଆଣ୍ଟିଜେନ୍ ଟେଷ୍ଟ କରାଯାଏ । ଏଥି ଲାଗି ନାକ ଓ ପାଟିରୁ ସ୍ୱାବ ସଂଗ୍ରହ କରାଯଏ। ଯାହାକୁ ଏକ କାଠି ମାଧ୍ୟମରେ ସଂଗ୍ରହ କରାଯାଏ  । ଯାହାର ଅଗ୍ରଭାଗରେ କିଛି ତୁଳା ଲାଗିଥାଏ । ଏହା ମାଧ୍ୟମରେ ସ୍ୱାବ୍ ସଂଗ୍ରହ ପରେ ଏହାକୁ ଏକ କେମିକାଲ ବକ୍ସରେ ସଂଗ୍ରହ କରାଯାଇ ଟେଷ୍ଟିଂ ପାଇଁ ପଠାଯାଏ । କିନ୍ତୁ ନାଗପୁର ସ୍ଥିତ ନ୍ୟାସନାଲ ଏନ୍‌ଭାୟରମେଣ୍ଟ ଇଞ୍ଜିନିୟରିଂ ରିସର୍ଚ୍ଚ ଇନ୍‌ଷ୍ଟିଚ୍ୟୁଟର ବୈଜ୍ଞାନିକମାନଙ୍କ ଦ୍ୱାରା ବିକଶିତ କରାଯାଇଥିବା ଏହି ପ୍ରକ୍ରିୟାରେ ଆପଣ ନିଜ ନମୁନା ନିଜେ ସଂଗ୍ରହ କରିପାରିବେ । ଫଳରେ ନମୁନା ସଂଗ୍ରହ ପାଇଁ ଲମ୍ୱା ଲାଇନ୍ ଲଗାଇବାକୁ ପଡ଼ିବନାହିଁ କି ଏଥିଲାଗି କୌଣସି ମାନବ ସମ୍ୱଳର ମଧ୍ୟ ଆବଶ୍ୟକତା ପଡ଼ିବନାହିଁ ।

New study shows gargling with mouthwash may inactivate coronavirus, lower  spread of Covid-19 - The Economic Times

ଏହି ପ୍ରକ୍ରିୟା ଅନୁଯାୟୀ ଆପଣଙ୍କୁ ସାଲାଇନ୍ ଥିବା ଏକ ଟ୍ୟୁବ୍ ଦିଆଯିବ । ସେହି ସାଲାଇନକୁ ସଂକ୍ରମଣ ସନ୍ଧିଗ୍ଧ ଜଣଙ୍କ ପାଟିରେ ୧୫ ସେକେଣ୍ଡ ପାଇଁ ଗାର୍ଗେଲିଂ ବା କୁଳକୁଳା କଲା ପରେ ପୁଣି ସେହି ଟ୍ୟୁବରେ ପକାଇଦେବେ । ଯାହାକୁ ଟେଷ୍ଟିଂ ଲ୍ୟାବକୁ ପଠାଯିବ । ସେଠାରେ neeriର ବୈଜ୍ଞାନିକଙ୍କ ଦ୍ୱାରା ବିକଶିତ ବୁଫରରେ ମିଶାଯିବ । ଏବଂ ରୁମ୍ ତାପମାତ୍ରାରେ ୩୦ ମିନିଟ ପାଇଁ ରଖାଯିବ । ପରେ ଲିକ୍ୟୁଡଟିକୁ ୯୮ ଡିଗ୍ରୀ ତାପମାତ୍ରା ଯାଏଁ ଗରମ କରାଯିବ । ଫଳରେ ସେଥିରୁ ଆରଏନ୍‌ଏକୁ ବାହାର କରାଯାଇ ଆରଟିପିସିଆର ଟେଷ୍ଟ କରାଯାଇପାରିବ । ଏହା ପରେ ମାତ୍ର ୩ ଘଣ୍ଟା ପରେ ଟେଷ୍ଟିଂ ରିପୋର୍ଟ ଆସିପାରିବ ବୋଲି ଡ. କ୍ରିଷ୍ଣା ଖାଇନର୍ କହିଛନ୍ତି  ।

Dr Krishna Khairnar explains how the gargle technique works in this non-invasive RT-PCR test. (Photo: PIB)

ଏହି ଟେଷ୍ଟିଂ ପ୍ରକ୍ରିୟାକୁ ଅନ୍ୟ ଟେଷ୍ଟିଂ ଲ୍ୟାବକୁ ମଧ୍ୟ ପଠାଯିବ ବୋଲି ସେ କହିଛନ୍ତି । ତେବେ ସବୁଠାରୁ ବଡ଼ କଥା ହେଲେ ଏହା ଆଇସିଏମ୍‌ଆର ଦ୍ୱାର ସ୍ୱୀକୃତ ହୋଇସାରିଥିବା ବେଳେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡ. ହର୍ଷବର୍ଦ୍ଧନ ଏହା ଗ୍ରାମାଞ୍ଚଳରେ ଟେଷ୍ଟିଂ ପ୍ରକ୍ରିୟାକୁ ତ୍ୱରାନ୍ୱିତ କରିବାରେ ବେଶ୍ ସହାୟକ ହେବ ବୋଲି ଆଶା ବ୍ୟକ୍ତ କରିଛନ୍ତି ।

ନା ପ୍ରଥମ ପର୍ଯ୍ୟାୟ, ନା ଦ୍ୱିତୀୟ ପର୍ଯ୍ୟାୟ, ଏଭଳି ଏକ ଗାଁ, ଯାହାକୁ ଛୁଇଁପାରିନି କରୋନା

ନୂଆଦିଲ୍ଲୀ: ସାରା ଦେଶରେ କରୋନା ସଂକ୍ରମିତଙ୍କ ସଂଖ୍ୟା ହୁ ହୁ ହୋଇ ବଢୁଥିବା ବେଳେ ଏଭଳି ଏକ ଗାଁ ବିଷୟରେ ଶୁଣିବାକୁ ମିଳିଛି, ଯାହାକୁ କରୋନା ଛୁଇଁପାରିନି । ମଧ୍ୟପ୍ରଦେଶର ବଡ଼ବାନି ଜିଲ୍ଲାରେ ଅବସ୍ଥିତ ଏକ ଛୋଟ ଗାଁ ହେଉଛି ସେଙ୍ଗାବ । ଏହି ଗାଁର ଜନସଂଖ୍ୟା ପ୍ରାୟ ୨ ହଜାର ୫ ଶହ । କରୋନା ସଂକ୍ରମଣ ଆରମ୍ଭ ହେବାମାତ୍ରା ଗ୍ରାମବାସୀ ଏହାର ସୀମାକୁ ସିଲ କରିଦେଲେ । ଗାଁ ଲୋକଙ୍କ ଯିବା ଆସିବା ଉପରେ ରୋକ ଲଗାଗଲା । ଏହା ସହିତ ଅଜଣା ବ୍ୟକ୍ତିଙ୍କ ପ୍ରବେଶକୁ ନିଷେଧ କଲେ ଗ୍ରାମବାସୀ ।

 

ଗ୍ରାମ ପଞ୍ଚୟାତ ସରପଞ୍ଚ ଶ୍ରୀରାମ ଯାଦବଙ୍କ କହିବା ଅନୁସାରେ ସତର୍କତା ଏବଂ ସୁରକ୍ଷା ହିଁ କରୋନାରୁ ବଞ୍ଚିବାର ମୂଳମନ୍ତ୍ର । ଯାହାକୁ ପ୍ରମାଣିତ କରିଛି ସେଙ୍ଗାବ ଗାଁ । ଏହି କାରଣରୁ ଗତବର୍ଷର ପ୍ରଥମ ପର୍ଯ୍ୟାୟ ଏବଂ ଚଳିତ ବର୍ଷର ଦ୍ୱିତୀୟ ପର୍ଯ୍ୟାୟରେ କରୋନା କୌଣସି ଗ୍ରାମବାସୀଙ୍କୁ ଛୁଇଁପାରିନି ।

 

ସୂଚନାଯୋଗ୍ୟ, ମଧ୍ୟପ୍ରଦେଶରେ ଶୁକ୍ରବାର କରୋନା ଭୂତାଣୁ ସଂକ୍ରମଣର ୧୮୫୪ ନୂଆ ମାମଲା ସାମ୍ନାକୁ ଆସିଛି । ଏହା ସହିତ ଏଠାରେ ମୋଟ ସଂକ୍ରମିତଙ୍କ ସଂଖ୍ୟା ହେଉଛି ୭ ଲକ୍ଷ ୭୫ ହଜାର ୭୦୯ । ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ୬୩ ସଂକ୍ରମିତଙ୍କ ମୃତ୍ୟୁ ହୋଇଛି ।

ଆଉ ନାହାନ୍ତି ବସନ୍ତ ଦାସ

ଭୁବନେଶ୍ୱର: ମିଛ ଭଳି ଲାଗୁଛି। ଜୀବନର ଅଶି ଦଶକରେ ପାଦ ଦେଇଥିବା ସଦା ଚଳ ଚଞ୍ଚଳ ବସନ୍ତ ଦାସ ଆଉ ନାହାନ୍ତି। କିଛିଦିନ ତଳେ ସେ କହୁଥିଲେ ତାଙ୍କ ନୂଆ ବହିଟି ପ୍ରସ୍ତୁତ ହୋଇ ସାରିଛି। ଏ କରୋନା ସମୟର କଟକଣା ଉଠିଲା ପରେ ତାହାକୁ ଉନ୍ମୋଚନ କରିବା। ଓଡ଼ିଶା ରାଜନୀତିର ଅନେକ ଗୋପନ କଥା ସେଥିରେ ରହିଛି, ଯାହା ପରବର୍ତ୍ତୀ ପିଢ଼ି ପାଇଁ ଜାଣିବା ନିହାତି ଦରକାର। ତା’ଛଡ଼ା ସାମ୍ବାଦିକତାକୁ ଆସୁଥିବା ନୂଆ ପିଢ଼ି ପାଇଁ ଏହା ବେଶ୍ ଉପାଦେୟ ହେବ। କିନ୍ତୁ । ଏସବୁ ମଣିଷ ବିଚାର, କେବଳ ବିଚାରରେ ହିଁ ରହିଗଲା। ବିଧାତା ତାଙ୍କୁ ଅଲଗା କରି ନେଲା ଏମିତି ଏକ ରାଇଜକୁ ଯେଉଁଠୁ ସେ ଆଉ ଫେରି ଆସିବେ ନାହିଁ।
ପୁଅ ଚନ୍ଦନଙ୍କ ସୂଚନା ଅନୁସାରେ ବସନ୍ତବାବୁ ଗଲା ତିନି ଦିନ ହେବ ହସ୍ପିଟାଲ୍କୁ ଯାଇଥିଲେ। ଏହା ପୂର୍ବରୁ ଘରେ ଡାକ୍ତରଙ୍କ ପରାମର୍ଶ କ୍ରମେ ଚିକିତ୍ସା ହେଉଥିଲେ, ପ୍ରାୟ ୧୦ ଦିନ ହେବ। କାଲି ରାତି ଏଗାରଟାରେ ହସ୍ପିଟାଲ୍ ପକ୍ଷରୁ ସୂଚନା ଆସିଲା ସେ ଆଉ ନାହାନ୍ତି। ଅଦୃଶ୍ୟ ମହାମାରୀର ଶିକାର ହୋଇ ତାଙ୍କ ପ୍ରାଣ ଚାଲି ଯାଇଛି।
ଏହି ପ୍ରଖ୍ୟାତ ସାମ୍ବାଦିକଙ୍କ ଜନ୍ମ ହୁଏ ୧୯୪୦ ମସିହା ଜାନୁୟାରୀ ୨ ତାରିଖରେ। ସେତେବେଳର କଟକ ଜିଲ୍ଲା ବିରିଡ଼ି ଅନ୍ତର୍ଗତ ମଇନ୍ଦପୁର ଗାଁରେ ତାଙ୍କର ଜନ୍ମ ହୋଇଥିଲା। ବାପା ସ୍ବାଧୀନତା ସଂଗ୍ରାମୀ ଥିଲେ। କିନ୍ତୁ ତାଙ୍କ ପିଲାଦିନ ଅନେକ ବାଧାବିଘ୍ନରେ କଟିଥିଲା। ନିଜ ଗୋଡ଼ରେ ଠିଆ ହେବା ସେ ପିଲାଦିନରୁ ହିଁ ଶିଖିଥିଲେ। ଆଉ ସେଇ ଶିକ୍ଷା ତାଙ୍କୁ ତାଙ୍କ କର୍ମମୟ ଜୀବନରେ ବଢ଼ାଇଥିଲା ଆଗକୁ ଆଗକୁ।
ଜଣେ ସାମ୍ବାଦିକ ଥିଲେ ମଧ୍ୟ ଖାଲି ନ୍ୟୁଜ୍ କଭର କରିବା ତାଙ୍କର ଲକ୍ଷ୍ୟ ନଥିଲା ବରଂ ଓଡ଼ିଶା ରାଜନୀତିକର କୋଣ ଅନୁକୋଣକୁ ପରଖିବା ଓ ସମୀକରଣଗୁଡ଼ିକୁ ଲୋକଙ୍କ ଦୃଷ୍ଟିରୁ ଦେଖି ତାହାକୁ ପ୍ରକାଶ କରିବାରେ ସେ ସିଦ୍ଧହସ୍ତ ଥିଲେ। ଏକଦା ପରିସ୍ଥିତି ଏପରି ହୋଇଥିଲା ଯେ ତାଙ୍କୁ ଖବର ବାବଦୀୟ ସୂଚନା ଦେବା ଏବଂ ବସନ୍ତଙ୍କ ଲେଖାକୁ ଅପେକ୍ଷା କରିବା ଅନେକ ରାଜନୀତିକ ନେତାଙ୍କର ଏକ ପ୍ରକାର ଦାୟିତ୍ବ ହୋଇଯାଇଥିଲା। ଏପରିକି ତତ୍କାଳୀନ ମୁଖ୍ୟମନ୍ତ୍ରୀ ଜାନକୀ ବଲ୍ଲଭ ପଟ୍ଟନାୟକ ମଧ୍ୟ ବସନ୍ତଙ୍କ ଅନୁଶୀଳନକୁ ଅପେକ୍ଷା କରୁଥିଲେ। ତାଙ୍କୁ ମର୍ଯ୍ୟାଦା ଦେଉଥିଲେ ଓ ଲେଖାପାଇଁ ସମ୍ମାନ କରୁଥିଲେ।
ଉତ୍କଳ ବିଶ୍ବବିଦ୍ୟାଳୟରୁ ସ୍ନାତ୍ତୋକତ୍ତର ହାସଲ କରିବା ପରେ ବସନ୍ତ ୧୯୬୫ ମସିହାରେ ସାମ୍ବାଦିକତାରେ ପାଦ ଦେଇଥିଲେ। ରାଜନୀତି ବିଜ୍ଞାନର ଏହି ଛାତ୍ରଙ୍କ ଆଗରେ ସେତେବେଳେ ଲୋଭନୀୟ ସରକାରୀ ଚାକିରି ପାଇଁ ଦ୍ବାର ଉନ୍ମୁକ୍ତ ଥିଲା। କିନ୍ତୁ ସ୍ବତଃ ସେ ବାଛିଥିଲେ ସାମ୍ବାଦିକତା। ଏ ଭିତରେ ତାଙ୍କୁ ପ୍ରଥମ ଅଫର ମିଳେ ଇଷ୍ଟଣ୍ଣ ଟାଇମ୍ସ ପାଇଁ। ଏହା ୧୯୬୫ ମସିହା କଥା। ସାମୟିକ ସମ୍ବାଦଦାତା ଭାବେ ସେଠାରେ କାର୍ଯ୍ୟ ଆରମ୍ଭ କରିଥିବା ବସନ୍ତ ପରବର୍ତ୍ତୀ ସମୟରେ ଅନେକ ବର୍ଷ କାର୍ଯ୍ୟ କରିଛନ୍ତି। ୧୯୯୬ ମସିହାରେ ଅମୃତ ବଜାର ପତ୍ରିକାର ବ୍ୟୁରୋ ହେଡ୍ ଭାବେ ତାଙ୍କର ଚାକିରି ଜୀବନ ଶେଷ ହୁଏ। କିନ୍ତୁ ସାମ୍ବାଦିକତାକୁ ଉଭୟ ନିଶା ଓ ପେସା ଭାବେ ଧରି ନେଇଥିବା ବସନ୍ତ ଦାସ ବିଭିନ୍ନ ପତ୍ର ପତ୍ରିକା ଓ ଖବରକାଗଜ ପାଇଁ ସ୍ତମ୍ଭ ଲେଖିବା କାର୍ଯ୍ୟରେ ନିୟୋଜିତ ରହନ୍ତି। ଖାଲି ସେତିକି ନୁହେଁ ନିଜର ଅଭିଜ୍ଞତା ଓ ଅନ୍ୟକୁ ଜଣାଇବାର ଆଗ୍ରହରେ ମଜ୍ଜିଥିବା ବସନ୍ତ ଆରମ୍ଭ କରନ୍ତୁ ପୁସ୍ତକ ଲେଖା। ଓଡ଼ିଶା ରାଜନୀତିକର ଗୋପନ କଥା ଏକହିକ୍ରମରେ ତାଙ୍କର ଅଦ୍ବିତୀୟ କୃତି। ଓଡ଼ିଆ ଭାଷାରେ ଲିଖିତ ଏହି ପୁସ୍ତକ ଏବେ ରାଜନୀତି ଓ ରାଜନୀତିକ ସାମ୍ବାଦିକତାକୁ ଆସୁଥିବା ପ୍ରତିଟି ବ୍ୟକ୍ତି ପାଇଁ ପ୍ରଥମ ପାଠ୍ୟପୁସ୍ତକ ଭାବେ ଗଣାଯାଉଛି। ପରବର୍ତ୍ତୀ ସମୟରେ ଏ ପୁସ୍ତକକୁ ଅଧିକ ତଥ୍ୟ ସମ୍ପନ୍ନ କରି ବସନ୍ତ ପ୍ରକାଶ କରିଥିଲେ ଓଡ଼ିଶା ରାଜନୀତି। ଓଡ଼ିଶର ଘଟଣାବହୁଳ ରାଜନୀତିକ ପୃଷ୍ଠଭୂମିକୁ ଏକାଠି କରି ସେ ରଚନା କରିଛନ୍ତି, ଫୁଟ୍ ପ୍ରିଣ୍ଟ୍ସ ଅଫ୍ ଇଭେଣ୍ଟଫୁଲ୍ ଡେଜ୍। ଏହା ବି ଏକ ଗ୍ରହଣୀୟ ପୁସ୍ତକ। ଖାଲି ରାଜନୀତିକ ଇତିହାସର ସମସ୍ତ ତଥ୍ୟ ପାଇଁ ସେ ଗନ୍ତାଘର ଥିଲେ ତା’ ନୁହେଁ, ତାଙ୍କର ସାହିତ୍ୟକୃତି ମଧ୍ୟ ଯଥେଷ୍ଟ ପ୍ରଭାବଶାଳୀ ଥିଲା। ତାଙ୍କ ଭ୍ରମଣକାହାଣୀ ଯେ ଦେଶ ଯାଇ ସେ ଫଳ ଖାଇ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ବି ଗ୍ରହଣ କରିଛି।
ଓଡ଼ିଆ ସାମ୍ବାଦିକତା କ୍ଷେତ୍ରକୁ ଆସୁଥିବା ନୂଆ ପିଢ଼ିଙ୍କୁ ଯଥେଷ୍ଟ ଭଲ ପାଉଥିବା ବସନ୍ତ ଦାସ ମିଡିଆ ଏକାଡେମୀ ନାମରେ ଏକ ଅନୁଷ୍ଠାନ ଗଢ଼ିଥିଲେ। ଗଣମାଧ୍ୟମ ବାବଦରେ ଚର୍ଚା କରିବା, ବିଭିନ୍ନ ଲେଖା ପ୍ରକାଶ କରିବା ଏହାର ଉଦ୍ଦେଶ୍ୟ ଥିଲା। ଏହାରି ମାଧ୍ୟମରେ ମଧ୍ୟ ସେ ଅନେକ ପୁସ୍ତକ ପ୍ରକାଶ କରିଛନ୍ତି। ୨୦୧୭ ମସିହାରେ ତାଙ୍କ ରଚିତ ‘ସଡ଼ିଶା ରାଜନୀତି’ ଏହି ଅନୁଷ୍ଠାନ ଦ୍ବାରା ପ୍ରକାଶିତ ହୋଇଥିଲା। ସମାନ ଧାରାରେ ଆଉ ଏକ ପୁସ୍ତକ ପାଇଁ ଚେଷ୍ଟା କରୁଥିଲେ ବସନ୍ତ। କିନ୍ତୁ ବହି ପ୍ରକାଶ ପାଇବା ପୂର୍ବରୁ ତାଙ୍କର ଦେହାନ୍ତ ହୋଇଛି।

ସାଗର ହତ୍ୟା ମାମଲା: ସୁଶୀଲ କୁମାରଙ୍କୁ ରୋହିଣୀ କୋର୍ଟରେ ଉପସ୍ଥାପନ କରିବ ଦିଲ୍ଲୀ ପୋଲିସ୍‌, ଶେଷ ହେଉଛି ରିମାଣ୍ଡ୍‌

ନୂଆଦିଲ୍ଲୀ: କୁସ୍ତିଯୋଦ୍ଧା ସାଗର ଧନଖଡ଼ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ବା ଅଲମ୍ପିକ ପଦକ ବିଜେତା କୁସ୍ତିଯୋଦ୍ଧା ସୁଶୀଲ କୁମାରଙ୍କୁ ଛଅ ଦିନର ପୋଲିସ୍‌ରିମାଣ୍ଡ୍‌ଆଜି ଶେଷ ହେଉଛି । ଦିଲ୍ଲୀ ପୋଲିସ ସୁଶୀଲଙ୍କୁ ଦିଲ୍ଲୀର ରୋହିଣୀ କୋର୍ଟରେ ଉପସ୍ଥାପନ କରିବ । ଅନ୍ୟପଟେ ଦିଲ୍ଲୀ ପୋଲିସ ସୁଶୀଲ କୁମାରଙ୍କୁ ପୁଣିଥରେ ଆଠ ଦିନ ରିମାଣ୍ଡରେ ନେବାପାଇଁ ଦାବି କରିଛି । ସୁଶୀଲ କୁମାର କୁସ୍ତିଯୋଦ୍ଧା ସାଗର ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ।

ଛତ୍ରସାଲ ଷ୍ଟାଡିୟମରେ ୨୩ ବର୍ଷ ବୟସ୍କ କୁସ୍ତିଯୋଦ୍ଧାଙ୍କ ମୃତ୍ୟୁ ଘଟଣାରେ ସମ୍ପୃକ୍ତି ଅଭିଯୋଗରେ ଅଲିମ୍ପିକ୍ ପଦକ ବିଜେତା ସୁଶୀଲ ଓ ତାଙ୍କ ସହଯୋଗୀଙ୍କୁ ଦିଲ୍ଲୀର ମୁଣ୍ଡକା ଅଞ୍ଚଳରୁ ଗତ ୨୩ରେ ଗିରଫ କରାଯାଇଥିଲା ।

ଉଲ୍ଲେଖଯୋଗ୍ୟ, ୨୦୨୧ ମେ ୪ ତାରିଖରେ ଅଲିମ୍ପିକ୍ସ ବିଜେତା ସୁଶୀଲ କୁମାର ପାଲଟିଥିଲା ସାଗରଙ୍କ ହତ୍ୟାର ମୁଖ୍ୟ ଅଭିଯୁକ୍ତ। ସାଗରଙ୍କର ମୃତ୍ୟୁ ପରେ ସାମ୍ନାକୁ ଆସିଥିଲା ସୁଶୀଲ କୁମାରଙ୍କର ନାଁ। ଏହାପରେ ସୁଶୀଲ ହୋଇଯାଇଥିଲେ ଫେରାର। ଦିଲ୍ଲୀ ପୋଲିସ ସୁଶୀଲଙ୍କୁ ଖୋଜିବା ପାଇଁ ଏକ ଲକ୍ଷ ଟଙ୍କା ପୁରସ୍କାର ରାଶିର ଘୋଷଣା କରିଥିଲେ। ଏହା ପରେ ଲୁକଆଉଟ୍ ନୋଟିସ୍ ଏବଂ ମେ ୧୫ ରେ କୋର୍ଟ ସୁଶୀଲ କୁମାରଙ୍କ ବିରୋଧରେ ଜାରି କରିଥିଲେ ଜାମିନ ବିହୀନ ୱାରେଣ୍ଟ। ତା’ପରେ ସୁଶୀଲଙ୍କ ପକ୍ଷରୁ ଓକିଲ ରୋହିଣୀ ଜିଲ୍ଲା କୋର୍ଟରେ ମଧ୍ୟବର୍ତ୍ତୀକାଳୀନ ଜାମିନ ଆବେଦନ କରିଥିଲେ। ଏହାପରେ ତାଙ୍କୁ ଦିଲ୍ଲୀର ମୁନ୍ଦକା ଅଞ୍ଚଳରୁ ଗିରଫ କରାଯାଇଥିଲା।

 

ତେବେ ସାଗର ଧନଖଡ଼ ହତ୍ୟା ମାମଲାରେ ୧୨ ଜଣ ଅଭିଯୁକ୍ତ ସାମିଲ ଥିବା କୁହାଯାଉଛି । ଏମାନଙ୍କୁ ଗିରଫ କରିବା ପାଇଁ ଉଦ୍ୟମ ଜାରି ରଖିଛି ଦିଲ୍ଲୀ ପୋଲିସ୍‌। ଫେରାର ଅଭିଯୁକ୍ତମାନେ ହେଲେ, ପ୍ରବୀଣ, ପ୍ରଦୀପ ଏବଂ ବିନୋଦ ପ୍ରଧାନ । ଅଭିଯୁକ୍ତଙ୍କ ଲିଷ୍ଟରେ ୧୧ ଜଣଙ୍କ ନାମ ଉଲ୍ଲେଖ ରହିଛି । ଏହା ପଛର ଏକମାତ୍ର କାରଣ ହେଉଛି, ସୁଶୀଲ କୁମାରଙ୍କ ବନ୍ଧୁ ପ୍ରିନ୍ସ ସରକାରୀ ସାକ୍ଷୀ ହୋଇ ଯାଇଛନ୍ତି ।