ଭୁବନେଶ୍ୱର: ସିପିଆଇ(ଏମ୍-ଏଲ) ରେଡଷ୍ଟାର ପାର୍ଟି ରାଜ୍ୟ ସମ୍ପାଦକ ତଥା ବସ୍ତି ସୁରକ୍ଷା ମଞ୍ଚର ଉପଦେଷ୍ଟା କମ୍ରେଡ ଶିବରାମଙ୍କ ଦେହାନ୍ତ । ଗତ କିଛି ଦିନ ହେଲେ ସେ କରୋନା ସଂକ୍ରମିତ ଚିହ୍ନଟ ହେବା ପରେ ଚିକିତ୍ସାଧୀନ ଥିଲେ ଶିବାରାମ । ଜଣେ ଖଟିଖିଆ, ମେହନତି ମଣିଷର ସ୍ୱାର୍ଥ ପାଇଁ ସଂଗ୍ରାମ କରୁଥିବା ନେତା ଭାବେ ସେ ଲୋକଙ୍କ ମଧ୍ୟରେ ପରିଚିତ । ବ୍ୟବହାର ମାର୍ଜିତ ଓ ଅହମିକା ବିବର୍ଜିତ ମଣିଷ ଥିଲେ ସେ । ରାଜଧାନୀରେ ବସ୍ତି ବାସିନ୍ଦାଙ୍କ ଅଧିକାରର ସୁରକ୍ଷା ନେଇ ସେ ଅନେକ ଥର ସ୍ୱର ଉଠାଇଥିଲେ । ରାଜଧାନୀର ଅନେକ ଗଣଆନ୍ଦୋଳନରେ ସେ ଭାଗନେଇଥିଲେ । ତାଙ୍କର ଏଭଳି ଅକାଳରେ ବିୟୋଗରେ ତାଙ୍କ ପରିଚିତଙ୍କ ମହଲରେ ଶୋକର ଛାୟା ଖେଳିଯାଇଛି ।
ମହଙ୍ଗା ହେବ ବିମାନ ଯାତ୍ରା, ୧୬ ପ୍ରତିଶତ ପର୍ଯ୍ୟନ୍ତ ନ୍ୟୁନତମ ଭଡ଼ା ବଢାଇଲା କେନ୍ଦ୍ର, ୧ ଜୁନରୁ ଲାଗୁହେବ ନୂଆ ଦର
ନୂଆଦିଲ୍ଲୀ: ଏବେ ପକେଟ୍ଉପରେ ଭାରି ପଡ଼ିବ ବିମାନ ଯାତ୍ରା । ନିକଟରେ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ବିମାନ ଟିକେଟ ଦର ବୃଦ୍ଧି କରିଛନ୍ତି । ତେବେ ଜୁନରେ ନୂଆ ଦର ଲାଗୁ ହେବ । କେନ୍ଦ୍ର ମନ୍ତ୍ରଣାଳୟ ପକ୍ଷରୁ ବିଭିନ୍ନ ସମୟର ବିମାନର ଭଡ଼ା ୧୩ରୁ ୧୬ ପ୍ରତିଶତକୁ ବୃଦ୍ଧି କରାଯାଇଛି ।

ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଅନୁସାରେ ୪୦ ମିନିଟ୍ଦୂରତା ବିଶିଷ୍ଟ ବିମାନ ଭଡ଼ା ନ୍ୟୁନତମ ୨୩୦୦ ଟଙ୍କାରୁ ବଢି ୨୬୦୦ ଟଙ୍କା କରାଯାଇଛି । ଅନ୍ୟପଟେ ୪୦ରୁ ୬୦ ମିନିଟ୍ବା ଏକ ଘଣ୍ଟା ଯାତ୍ରା କରୁଥିବା ବିମାନ ଭଡ଼ା ବ୍ୟକ୍ତି ପିଛା ନ୍ୟୁନତମ ୨୯୦୦ ଟଙ୍କାରୁ ବୃଦ୍ଧି ହୋଇ ୩୩୦୦ ଟଙ୍କା ଧାର୍ଯ୍ୟ ହୋଇଛି । ତେବେ ବିଶ୍ୱବ୍ୟାପି କରୋନା ମହାମାରୀ ସମୟରେ ଏଭଳି ନିଷ୍ପତ୍ତି ନିଆଯାଇଛି ।
କରୋନା ଯୋଗୁଁ ବିମାନ ଚଳଚଳ କ୍ଷେତ୍ର ଉପରେ ଏକ ବଡ଼ ଧରଣର ପ୍ରଭାବ ପଡ଼ିଛି । ସେଣ୍ଟର ଫର ଏସିଆ ପେସିଫିକ୍ଏଭିଏସନ୍ଅନୁସାରେ ଏହି ସେକ୍ଟରକୁ ଆର୍ଥିକ ବର୍ଷରେ ଛଅରୁ ସାଢେ ଛଅ ଆରବ ଡଲାରର କ୍ଷତି ହୋଇପାରେ । ଏହି ସଙ୍ଗଟରୁ ବର୍ତ୍ତିବା ପାଇଁ ପ୍ରାୟ ୫ ଆରବ ଡଲାର ନିବେଶର ଆବଶ୍ୟକତା ରହିଛି ।

ଗତବର୍ଷ ଇଣ୍ଟରନ୍ୟାସନାଲ ଏବିଏସନ ଟ୍ରାଭେଲ ଆସୋସିଏସନ ଏକ ରିପୋର୍ଟରେ ଦାବି କରିଥିଲାଯେ, କରୋନା ହେତୁ ଭାରତୀୟ ବିମାନ ସେବା କମ୍ପାନୀ ଗୁଡ଼ିକୁ ୨୦୨୦ରେ ୧୧୨୨ କୋଟି ଡଲାରର କ୍ଷତି ସହିବାକୁ ପଡ଼ିବ ଏବଂ ୨୯ ଲକ୍ଷରୁ ଅଧିକ ଲୋକ ବେରୋଜଗାର ହୋଇପାରନ୍ତି ।
ସୂଚନାଯୋଗ୍ୟ ୨୦୨୧ ଫେବୃଆରୀ ମାସରେ ରେଲଓ୍ୱେ ମନ୍ତ୍ରଣାଳୟ ଲୋକାଲ ଟ୍ରେନର ଭଡ଼ା ଦାମ୍ବଢାଇ ଦେଇଥିଲେ । ପୂର୍ବରୁ ୨୦ କିଲୋମିଟର ଯାତ୍ରା ପାଇଁ ୧୦ ଟଙ୍କା ଭଡ଼ା ଦେବାକୁ ପଡ଼ୁଥିଲା, ପରେ ସେହି ସମାନ ରାସ୍ତା ଯାତ୍ରା ପାଇଁ ୩୦ ଟଙ୍କା ଦେବାକୁ ଧାର୍ଯ୍ୟ ହୋଇଥିଲା ।
ବରିଷ୍ଠ ସାମ୍ୱାଦିକ ବସନ୍ତ ଦାସଙ୍କ ପରଲୋକରେ ମୁଖ୍ୟମନ୍ତ୍ରୀ ଓ ମାନସ ମଙ୍ଗରାଜଙ୍କ ଶୋକ
ଭୁବନେଶ୍ୱର: ବରିଷ୍ଠ ସାମ୍ବାଦିକ ବସନ୍ତ ଦାସଙ୍କ ବିୟୋଗ । ୮୧ ବର୍ଷ ବୟସରେ ତାଙ୍କର ପରେଲାକ ଘଟିଛି । କୋଭିଡରେ ଆକ୍ରାନ୍ତ ହୋଇ ହୋମ୍ ଆଇେସୋଲେସନରେ ଥିଲେ । ୩ଦିନ ତଳେ ଘରୋଇ ମେଡିକାଲରେ ଭର୍ତ୍ତି ହୋଇଥିଲେ । ଗତକାଲି ବିଳମ୍ବିତ ରାତିରେ ତାଙ୍କର ମୃତ୍ୟୁ ହୋଇଛି । ଓଡିଶା ସମ୍ବାଦିକତା କ୍ଷେତ୍ରରେ ୫ ଦଶନ୍ଧୀ ଧରି ସକ୍ରିୟ ଭାବେ କାର୍ଯ୍ୟ କରିଆସୁଥିଲେ ସାମ୍ବାଦିକଙ୍କ ମହଲରେ ପରିଚିତ ବସନ୍ତ ଭାଇ। ଓଡିଶା ରାଜନୀତି ଓ ସମ୍ବାଦିକତାକୁ ନେଇ ଅନେକ ବହି ମଧ୍ୟ ଲେଖିଛନ୍ତି ସେ । ‘ଜେ ଦେଶ ଯାଇ ସେ ଫଲ୍ ଖାଏ’ ପୁସ୍ତକ ତାଙ୍କରି ଅବଦାନ । ଏଥିପାଇଁ ସେ ଓଡିଶା ସାହିତ୍ୟ ଏକାଡେମୀ ପୁରସ୍କାର ମଧ୍ୟ ପାଇଥିଲେ । ଅମ୍ରିତ ବଜାର ପତ୍ରିକାର ବ୍ୟୁରୋ ମୁଖ୍ୟ ଭାବେ କାର୍ଯ୍ୟ କରି ୧୯୯୬ରେ ଅବସର ନେଇଥିଲେ । ୧୯୬୫ରୁ ସାମ୍ବାଦିକତା ବୃତ୍ତି ଆରମ୍ଭ କରିଥିଲେ ସ୍ବର୍ଗତ ବସନ୍ତ ଦାସ । ତାଙ୍କ ବିୟୋଗରେ ସାମ୍ବାଦିକତା ଜଗତରେ ଶୋକର ଛାୟା ଖେଳିଯାଇଛି । ବିଭିନ୍ନ ରାଜନୈତିକ ଦଳର ନେତା ବସନ୍ତଙ୍କ ବିୟୋଗରେ ଦୁଃଖ ପ୍ରକାଶ କରିଛନ୍ତି ।
ବରିଷ୍ଠ ସାମ୍ବାଦିକ, ସ୍ତମ୍ଭକାର ତଥା ଲେଖକ ବସନ୍ତ ଦାସଙ୍କ ଦେହାନ୍ତରେ ମୁଖ୍ୟମନ୍ତ୍ରୀ ଶ୍ରୀ @Naveen_Odisha ଶୋକପ୍ରକାଶ କରିଛନ୍ତି। ତାଙ୍କ ଅମର ଆତ୍ମାର ସଦଗତି କାମନା କରିବା ସହ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ସେ ସମବେଦନା ଜଣାଇଛନ୍ତି।
— CMO Odisha (@CMO_Odisha) May 29, 2021
ଅପରପକ୍ଷରେ ବରିଷ୍ଠ ସାମ୍ବାଦିକ ବସନ୍ତ ଦାସଙ୍କ ବିୟୋଗରେ ଗଭୀର ଶୋକ ବ୍ୟକ୍ତ କରିଛନ୍ତି ମୁଖ୍ୟମନ୍ତ୍ରୀଙ୍କ ନବୀନ ପଟ୍ଟନାୟକ । ତାଙ୍କ ଶୋକବାର୍ତାରେ ମୁଖ୍ୟମନ୍ତ୍ରୀ କହିଛନ୍ତି ଯେ ସ୍ଵର୍ଗତ ଦାସ ଜଣେ ସ୍ତମ୍ଭକାର ତଥା ରାଜନୈତିକ ବିଶ୍ଳେଷକ ଭାବରେ ସୁନାମ କରିଥିଲେ । ଅର୍ଦ୍ଧଶତାବ୍ଦୀରୁ ଅଧିକ ସମୟ ଧରି ସେ ସାମ୍ବାଦିକତା ବୃତ୍ତି ରେ ସକ୍ରିୟ ରହିଥିଲେ। ।ସାହିତ୍ୟ ଓ ସାମ୍ବାଦିକତା ଷେତ୍ରରେ ତାଙ୍କର ଅବଦାନ ପାଇଁ ସେ ସ୍ମରଣୀୟ ରହିବେ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଶୋକସନ୍ତପ୍ତ ପରିବାର ବର୍ଗଙ୍କୁ ମୁଖ୍ୟମନ୍ତ୍ରୀ ଗଭୀର ସମବେଦନା ଜଣାଇବା ସହ ପରଲୋକଗତ ଆତ୍ମାର ସଦ୍ ଗତି କାମନା କରିଛନ୍ତି।
ଏଥିସହିତ ରାଜ୍ୟର ଏହି ବରିଷ୍ଠ ସାମ୍ୱାଦିକଙ୍କ ଦେହାନ୍ତରେ ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ ମଧ୍ୟ ଶୋକବ୍ୟକ୍ତ କରିଛନ୍ତି ଓ ଶୋକସନ୍ତପ୍ତ ପରିବାର ସଦସ୍ୟଙ୍କୁ ସମବେଦନା ଜଣାଇଛନ୍ତି ।
ବିଶିଷ୍ଠ ସାମ୍ବାଦିକ ତଥା ସ୍ତମ୍ଭକାର ବସନ୍ତ ଦାସଙ୍କର ବିୟୋଗରେ ମୁଁ ଅତ୍ୟନ୍ତ ମର୍ମାହତ। ସେ ଓଡିଶା ସାହିତ୍ୟ ଓ ସାମ୍ବାଦିକ ଜଗତରେ ପାଞ୍ଚ ଦଶନ୍ଧି ଧରି ସକ୍ରିୟ ଥିଲେ। ତାଙ୍କ ଅମର ଆତ୍ମାର ସଦଗତି କାମନା କରିବା ସହ ଶୋକ ସନ୍ତପ୍ତ ପରିବାର ସଦସ୍ୟଙ୍କୁ ମୋର ସମବେଦନା ଜଣାଉଛି। ଓମ ଶାନ୍ତି !
— Manas Mangaraj (@manasrmangaraj) May 29, 2021
ବିଜୁ ଜନତା ଦଳ ସାଧାରଣ ସମ୍ପାଦକ ତଥା ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ସଞ୍ଜୟ ଦାସବର୍ମା ମଧ୍ୟ ତାଙ୍କ ଦେହାନ୍ତରେ ଗଭୀର ଶୋକବ୍ୟକ୍ତ କରିଛନ୍ତି । ସେ କହିଛନ୍ତି,ସେ ଏକା ଧାରରେ ଜଣେ ସାମ୍ବାଦିକ, ସ୍ତମ୍ବକାର ଓ ସାହିତ୍ୟିକ ଥିଲେ । ଓଡ଼ିଶା ରାଜନୀତିର ଗୋପନକଥା, ଯେ ଦେଶେ ଯାଇ ସେ ଫଳ ଖାଇ, ଅଶୀରେ ବସନ୍ତ, ଜାତୀୟ କବି ବୀରକିଶୋର,ଦେଶପ୍ରେମୀ ନିତ୍ୟାନନ୍ଦ କାନୁନଗୋ ଓ କଟକ ନଗର ଧବଳ ଟଗର, ତାଙ୍କ ଦ୍ୱାରା ରଚିତ କାଳଯାୟୀ କୃତି ପାଠକୀୟ ଶ୍ରଦ୍ଧା ଓ ସ୍ୱୀକୃତି ହାସଲ କରିଛି । ଓଡ଼ିଶା ସାହିତ୍ୟ ଏକାଡେମୀ ,ରାଜ୍ୟ ଜନଶିକ୍ଷା ସାଧନା କେନ୍ଦ୍ର, ରାଜୀବ ଗାନ୍ଧୀ ସଦ୍ଭାବନା ପୁରସ୍କାର ଓ ଶ୍ରେଷ୍ଠ ସାମ୍ବାଦିକ ସମ୍ନାନ ତାଙ୍କ ପଦଚିହ୍ନକୁ ସ୍ୱୀକୃତି ପ୍ରଦାନ କରିଛି । ଦୀର୍ଘ ଅର୍ଦ୍ଧ ଶତାବ୍ଦୀରୁ ଉର୍ଦ୍ଧ୍ବ ସମୟ ତାଙ୍କର ସମଗ୍ର ଜୀବନ ଓଡ଼ିଆ ଭାଷା, ସାହିତ୍ୟ, ସଂସ୍କୃତି ଓ ସାମ୍ବାଦିକତା ପାଇଁ ସମର୍ପିତ ଥିଲା । ଏହି ଦୁଃଖଦ ସମୟରେ ରାଜ୍ୟ ଯୋଜନା ବୋର୍ଡ଼ ଉପାଧ୍ୟକ୍ଷ ତଥା ବିଜୁ ଜନତା ଦଳର ସାଧାରଣ ସମ୍ପାଦକ (ମୁଖ୍ୟାଳୟ) ସଞ୍ଜୟ କୁମାର ଦାସବର୍ମା ସ୍ୱର୍ଗତ ବସନ୍ତ ଦାସଙ୍କର ଅମର ଆତ୍ମା ପ୍ରତି ଗଭୀର ଶ୍ରଦ୍ଧାଞ୍ଜଳି ଜଣାଇଛନ୍ତି ।
ପଶ୍ଚିମବଙ୍ଗର ମୁଖ୍ୟ ଶାସନ ସଚିବଙ୍କୁ ଦିଲ୍ଲୀ ଡାକରା
କୋଲକତା: ପଶ୍ଚିମବଙ୍ଗର ମୁଖ୍ୟ ଶାସନ ସଚିବ ଅଲପନ୍ ବନ୍ଦୋପାଧ୍ୟାୟଙ୍କୁ ଆସିଲା ଦିଲ୍ଲୀ ଡାକରା । ଅଲପନଙ୍କୁ ମେ ୩୧ ସୋମବାର ସକାଳ ୧୦ ଟା ପୂର୍ବରୁ ରିପୋର୍ଟ କରିବାକୁ କେନ୍ଦ୍ର କହିଛି । ମୁଖ୍ୟ ଶାସନ ସଚିବ ଭାବେ ତାଙ୍କର କାର୍ଯ୍ୟକାଳ ଶେଷ ହେଉଯାଉଥିଲେ ବେଳେ ଚାରି ଦିନ ପୂର୍ବରୁ ମମତା ସରକାର ତାଙ୍କ କାର୍ଯ୍ୟକାଳକୁ ତିନି ମାସ ବୃଦ୍ଧି କରିଛନ୍ତି। କିନ୍ତୁ ଏବେ ଶୁକ୍ରବାର ଦିନ କେନ୍ଦ୍ର ସରକାର ଆଲପନ୍ ବନ୍ଦୋପାଧ୍ୟାୟଙ୍କୁ ଦିଲ୍ଲୀ ଡାକରା ଆଉ ଏକ ଦିଗକୁ ଇଙ୍ଗିତ କରୁଛି ।
ତେବେ ଅଲପନ୍ ବନ୍ଦୋପାଧ୍ୟାୟ ମମତା ବାନାର୍ଜୀଙ୍କ ଅତି ନିକଟତର ବୋଲି କୁହାଯାଏ । ଏଭଳି ସ୍ଥିତିରେ ଅଲପାନଙ୍କୁ କେନ୍ଦ୍ର ସରକାରଙ୍କ ଡକରା ଆଉ କିଛି କହୁଛି । କେନ୍ଦ୍ର ସରକାର ଦେଇଥିବା ନିର୍ଦ୍ଦେଶ ଅନୁଯାୟୀ ଅଲପନ୍ ବାନ୍ଦୋପାଧ୍ୟାୟଙ୍କୁ କେନ୍ଦ୍ରରେ ଏକ ନୂତନ ଦାୟିତ୍ୱ ଦିଆଯିବା ନେଇ ସୂଚନା ମିଳିଛି। ତେଣୁ ତାଙ୍କୁ ଯଥାଶୀଘ୍ର ଦାୟିତ୍ୱରୁ ମୁକ୍ତ କରିବାକୁ କେନ୍ଦ୍ର ସରକାର ବଙ୍ଗଳା ସରକାରଙ୍କୁ ଅନୁରୋଧ କରିଛନ୍ତି ।

ସୂଚନା ଯୋଗ୍ୟ ଯେ, ଏହା ପୂର୍ବରୁ ପଶ୍ଚିମବଙ୍ଗରେ ତୃତୀୟ ଥର ପାଇଁ ମମତା ବାନାର୍ଜୀ ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ ୨୪ମେ ରେ ଅଲପନଙ୍କ କାର୍ଯ୍ୟକାଳକୁ ଆଉ ୩ମାସ ବଢାଇବାକୁ ନିର୍ଦ୍ଦେଶ ଦେଇଥିଲେ ମମତା । ଯଦିଓ ଅଲପାନଙ୍କ ମୁଖ୍ୟସଚିବ ଭାବେ କାର୍ଯ୍ୟକାଳ ଏହି ମାସ ଶେଷ ସୁଧା ହିଁ ଶେଷ ହେଉଥିଲା ।
ବନ୍ଦୋପାଧ୍ୟାୟଙ୍କୁ ଦିଲ୍ଲୀ ଡାକରା ଏଭଳି ସମୟରେ ଆସିଛି ଯେତେବେଳେ ମମତା ବାନାର୍ଜୀ ଏବଂ ପ୍ରଧାନମନ୍ତ୍ରୀ ମୋଦୀଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ଦେଖାଦେଇଥିଲା । ଆଉ ଏହି ପରିସ୍ଥିତି କିଛି ଘଣ୍ଟା ପୂର୍ବରୁ ସାମୁଦ୍ରିକ ଝଡ଼ ୟାସରେ ହୋଇଥିବା କ୍ଷୟକ୍ଷତିର ସମୀକ୍ଷା ବୈଠକରେ ଦେଖିବାକୁ ମିଳିଥିଲା। ଏହି ବୈଠକରେ ମମତା ବାନାର୍ଜୀ ଅଧ ଘଣ୍ଟା ବିଳମ୍ବରେ ପହଞ୍ଚିଥିଲେ। କେବଳ ସେତିକି ନୁହେଁ ତାଙ୍କ ସହ ଅଲପନ୍ ବନ୍ଦୋପାଧ୍ୟାୟ ମଧ୍ୟ ବିଳମ୍ବରେ ହିଁ ପହଞ୍ଚି ଥିଲେ।
ଆଉ ଏଭଳି ପରିସ୍ଥିତିରେ ଅଲପନଙ୍କୁ କେନ୍ଦ୍ର ସରକାରଙ୍କ ଡକରା । ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତାଙ୍କୁ ଶକ୍ତ ଝଟକା ଦେଇଥିବା ନିଶ୍ଚୟ । ଅଲପନ ବନ୍ଦୋପାଧ୍ୟାୟ ମମତା ବାନାର୍ଜୀଙ୍କ ଜଣେ ଘନିଷ୍ଠ ଅଧିକାରୀ ଭାବରେ ବିବେଚନା କରାଯାଏ। ବନ୍ଦୋପାଧ୍ୟାୟ ୧୯୮୭ ବ୍ୟାଚର IAS ଅଧିକାରୀ । ସେ ହାୱାଡ଼ା ସମେତ ଅନେକ ଜିଲ୍ଲାର ଡିଏମ୍ ଭାବେ ମଧ୍ୟ କାର୍ଯ୍ୟ କରିଛନ୍ତି । ଗତ ବର୍ଷ ସେପ୍ଟେମ୍ବରରେ ରାଜୀବ ସିହ୍ନା ଅବସର ନେବା ପରେ ତାଙ୍କୁ ପଶ୍ଚିମବଙ୍ଗର ମୁଖ୍ୟ ସଚିବ ଭାବରେ ନିଯୁକ୍ତ କରାଯାଇଥିଲା।


