ଭୁବନେଶ୍ୱର: ଆଜି ରାଜ୍ୟ ମନ୍ତ୍ରିପରିଷଦ ବୈଠକ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଆଜି ସଂଧ୍ୟା ୫ଟା ୩୦ ମିନିଟରରେ ବସିବ ଏହି ବୈଠକ । ୨୦୧୯ ମେ ୨୯ ତାରିଖରେ ନବୀନ ପଟ୍ଟନାୟକ ଲଗାତାର ପଞ୍ଚମ ଥର ପାଇଁ ଓଡ଼ିଶାର ମୁଖ୍ୟମନ୍ତ୍ରୀ ଭାବେ ଦାୟିତ୍ବ ଗ୍ରହଣ କରିଥିଲେ । ଏଣୁ ୫ମ ପାଳିର ୨ୟ ବର୍ଷ ପୂର୍ତ୍ତି ଅବସରରେ ବସିବାକୁ ଯାଉଛି ଏହି ବୈଠକ । କରୋନା ମୁକାବିଲା ରାଜ୍ୟ କରୁଥିବା ବେଳେ ବର୍ତ୍ତମାନ ରାଜ୍ୟ ବାତ୍ୟା ‘ୟାସ’ର ସାମ୍ନା କରିଛି । ଏକା ସଙ୍ଗେ ରାଜ୍ୟ ୨ଟି ମୁକାବିଲାକୁ ସାମ୍ନା କରୁଥିବା ବେଳେ ମୁଖ୍ୟମନ୍ତ୍ରୀ ଏହାକୁ ନେଇ କିଛି ବାର୍ତ୍ତା ଦେଇପାରନ୍ତି ବୋଲି ଚର୍ଚ୍ଚା ହେଉଛି । ଗତ ବର୍ଷ ୫ମ ବର୍ଷର ପୂର୍ତ୍ତି ଉପଲକ୍ଷେ ରାଜ୍ୟ କ୍ୟାବିନେଟ୍ ଓ ମନ୍ତ୍ରୀ ପରିଷଦ ବୈଠକ ବସିଥିଲା । ସେଥିରେ ମୁଖ୍ୟମନ୍ତ୍ରୀ ପ୍ରାୟ ୧୭ହଜାର କୋଟିର ପ୍ୟାକେଜ ଘୋଷଣା କରିଥିଲେ ।
ଅସହାୟ କୁଲିଙ୍କୁ ଶୁଖିଲା ଖାଦ୍ୟ ବାଣ୍ଟିଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ
ଭୁବନେଶ୍ୱର: ସାରା ଦେଶ କୋଭିଡ ମହାମାରୀର ଦ୍ୱିତୀୟ ପ୍ରବାହ ସହିତ ଲଢ଼େଇ କରୁଛି । ଓଡିଶା ମଧ୍ୟ ଏହା ଦ୍ୱାରା ବହୁଳଭାବରେ ପ୍ରଭାବିତ ହୋଇଛି । ଏହି ଭୂତାଣୁକୁ ରୋକିବା ପାଇଁ ରାଜ୍ୟ ସରକାର ଆବଶ୍ୟକୀୟ ସମ୍ବଳ ସଂଗ୍ରହ କରୁଥିବା ବେଳେ ସେଲିବ୍ରିଟିଙ୍କ ସମେତ ସାଧାରଣ ନାଗରିକମାନେ ମଧ୍ୟ ସାହାଯ୍ୟର ହାତ ବଢ଼ାଇଛନ୍ତି।
ଏହି ଅବସରରେ ଓଲିଉଡ ଅଭିନେତ୍ରୀ ତଥା ସମାଜସେବୀ ବର୍ଷା ପ୍ରିୟଦର୍ଶିନୀ ସହାୟତା କରିବା ଲାଗି ଆଗେଇ ଆସିଛନ୍ତି ।
କୋଭିଡ ଗାଇଡ଼ଲାଇନ ପାଳନ କରିବା ସହ ଅସହାୟ ଲୋକମାନଙ୍କୁ ସହାୟତା କରିବା ପାଇଁ ପଛଘୁଞ୍ଚା ଦେଉନାହାଁନ୍ତି । ଏହି ପରିପ୍ରେକ୍ଷୀରେ ଶୁକ୍ରବାର ଦିନ ଅଭିନେତ୍ରୀ ଜଣକ ରେଲଓ୍ୱେ ଷ୍ଟେସନ୍ ନିକଟରେ ପହଞ୍ଚି ସେଠାରେ ଥିବା କୁଲି ମାନଙ୍କୁ ଶୁଖିଲା ଖାଦ୍ୟ ବଣ୍ଟନ କରିଛନ୍ତି । ବର୍ଷା ପ୍ରିୟଦର୍ଶିନୀ ସାମାଜିକ ଦୂରତା ରକ୍ଷା ତଥା କୋଭିଡ୍ ନିୟମ ମାନି ସେମାନଙ୍କୁ ଶୁଖିଲା ଖାଦ୍ୟ ବଣ୍ଟନ କରିଛନ୍ତି।
ବିଧାୟକଙ୍କୁ ମହାନତା, ମାଙ୍କଡଙ୍କୁ ଖାଦ୍ୟ ବାଣ୍ଟିଲେ ଅମର
ଭୁବନେଶ୍ୱର: କରୋନା ମହାମରୀରେ କେବଳ ମଣିଷ ନୁହେଁ ପଶୁ, ପକ୍ଷୀ ସଭିଏଁ ପ୍ରଭାବିତ। ଲକଡାଉନ ରେ ସମସ୍ତ ଧର୍ମାନୁଷ୍ଠାନ ବନ୍ଦ ରହିଛି । ମନ୍ଦିର ବନ୍ଦ ରହିବା ଫଳରେ ମନ୍ଦିର ପାଖରେ ଥିବା ପଶୁ ମାନେ ବେଶ ପ୍ରଭାବିତ ହୋଇଛନ୍ତି । ଯାଜପୁର ଜିଲ୍ଲା ରେ ପ୍ରସିଦ୍ଧ ଚଣ୍ଡୀମନ୍ଦିର ଓ ମହାବିନାୟକ ମନ୍ଦିର ପରିସରରେ ଥିବା ମାଙ୍କଡ଼ ଗୁଡିକ ଭୋକ ଉପାସ ରେ ରହୁଛନ୍ତି ।
ପର୍ଯ୍ୟଟକ ଆସୁ ନଥିବା ରୁ ମାଙ୍କଡ଼ ଙ୍କ ବେଶ ଦୟନୀୟ ହୋଇ ପଡ଼ିଥିବ ବେଳେ ବଡ଼ଚଣା ବିଧାୟକ ଅମର ପ୍ରସାଦ ଶତପଥି ମନ୍ଦିର ପାଖରେ ପହଁଚି ମାଙ୍କଡ଼ ମାନଙ୍କୁ ଶୁଖିଲା ଖାଦ୍ୟ ବଣ୍ଟନ କରିଛନ୍ତି । ମଣିଷ ସମାଜ ସହ ଜୀବ ଜଗତ ଉଭୟ ପରସ୍ପର ସହ ଜଡିତ । ତେଣୁ ଆମେ ବଂଚିବା ସହ ଜୀବ ଜନ୍ତୁ ଙ୍କୁ ମଧ୍ୟ ସହଯୋଗ କରିବା ପାଇଁ ସମସ୍ତେ ଆଗେଇ ଆସିବା ପାଇଁ ବିଧାୟକ ଆହ୍ୱାନ ଦେଇଛନ୍ତି । ବଡ଼ଚଣା ବିଧାୟକ ଙ୍କ ସହ ବହୁ ଜନ ପ୍ରତିନିଧି ପହଂଚି ମାଙ୍କଡ଼ ମାନଙ୍କୁ ଶୁଖିଲା ଖାଦ୍ୟ ଯୋଗାଇ ଛନ୍ତି।
କୋଭିଡରେ ଯୁବ ସାମ୍ବାଦିକ ରଘୁନାଥ ସାହୁଙ୍କ ଦେହାନ୍ତ
ଅନୁଗୋଳ: କରୋନା ନେଲା ଆଉଜଣେ ସାମ୍ବାଦିକଙ୍କ ଜୀବନ । ଜୀ ଓଡିଶାର ଅନୁଗୁଳ ପ୍ରତିନିଧି ରଘୁନାଥ ସାହୁଙ୍କ ଆଜି ପରଲୋକ ଘଟିଛି । ପଜିଟିଭ୍ ଚିହ୍ନଟ ପରେ ସେ ଭୁବନେଶ୍ୱରର ଏକ ଘରୋଇ କୋଭିଡ ହସପିଟାଲରେ ଗତ ବୁଧବାର ଦିନ ଭର୍ତ୍ତି ହୋଇଥିଲେ । ତେବେ ଆଜି ଚିକିତ୍ସାଧିନ ଅବସ୍ଥାରେ ତାଙ୍କର ଦେହାନ୍ତ ହୋଇଛି ।
ମୃତ୍ୟୁ ବେଳକୁ ତାଙ୍କୁ ୨୯ ବର୍ଷ ବୟସ ହୋଇଥିଲା । ଏ ପର୍ଯ୍ୟନ୍ତ କରୋନା ନେଲାଣି ୩୭ ଜଣ ସାମ୍ବାଦିକଙ୍କ ଜୀବନ । ଚଳିତ ବର୍ଷ ୩୩ ଜଣ ସାମ୍ବାଦିକଙ୍କ ମୃତ୍ୟୁ ହୋଇଥିବାବେଳେ ଗତ ବର୍ଷ ମହାମାରୀରେ ୪ ଜଣ ସାମ୍ବାଦିକ ପ୍ରାଣ ହରାଇଥିଲେ ।
ଗୁଗୁଲ ଓ ଜିଓର ସହଭାଗିତାରେ ଖୁବ ଶୀଘ୍ର ବଜାରକୁ ଆସିବ ଏହି ଶସ୍ତା ସ୍ମାର୍ଟ ଫୋନ୍ !
ଗୁଗୁଲ ଏବେ ଜିଓ ସହଭାଗିତାରେ ସୁଲଭ ଦରରେ ସ୍ମାର୍ଟଫୋନ୍ ଆଣିବା ଉପରେ କାର୍ଯ୍ୟ କରୁଛି । ଗୁଗୁଲ୍ ସିଇଓ ସୁନ୍ଦର ପିଚାଇ ଏ ବିଷୟରେ ସୂଚନା ଦେଇଛନ୍ତି । ସୁନ୍ଦର ପିଚାଇ କହିଛନ୍ତି ଯେ, ସେ ସୁଲଭ ଦରରେ ସ୍ମାର୍ଟଫୋନ୍ ତିଆରି କରିବା ପାଇଁ ଜିଓ ସହିତ କ୍ରମାଗତ ଭାବରେ କାର୍ଯ୍ୟ କରୁଛନ୍ତି । ସୂଚନା ଅନୁଯାୟୀ, ସିଲେକ୍ଟ ଏସିଆ ପେସିଫିକ୍ ରିପୋର୍ଟର୍ସଙ୍କ ସହ ଏକ ଭର୍ଚୁଆଲ୍ କନଫରେନ୍ସରେ ସୁନ୍ଦର ପିଚାଇ କହିଛନ୍ତି ଯେ, ଏକ ସୁଲଭ ସ୍ମାର୍ଟ ଫୋନ୍ ତିଆରି ଉପରେ ଆମେ ବିଶେଷ ଧ୍ୟାନ ଦେଉଛୁ । ଆମେ ଏହି ପ୍ରୋଜେକ୍ଟରେ ଅଛୁ ଏବଂ ଏଥିପାଇଁ ଜିଓ ସହିତ କାମ କରୁଛୁ ।

ଯଦିଓ ସେ ଫୋନ ଲଞ୍ଚ ହେବାର ତାରିଖ କିମ୍ବାର ଏହାର ମୂଲ୍ୟ ଉପରେ କିଛି ବି ବିବରଣୀ ଦେଇ ନାହାଁନ୍ତି। ଗୁଗୁଲ ଗତ ବର୍ଷ ଜିଓ ପ୍ଲାଟଫର୍ମରେ ୭.୭ ପ୍ରତିଶତ ଅଂଶଧନ ୩୩,୭୩୭ କୋଟି ଟଙ୍କାରେ ନେଇଥିଲା । ଏହା ବ୍ୟତୀତ ଜିଓ ପ୍ଲାଟଫର୍ମ ସହିତ ଏହାର ବ୍ୟବସାୟୀକ ଚୁକ୍ତି ମଧ୍ୟ ହୋଇଥିଲା । ଏବଂ ଏଥିରେ ଫୋନଟିର ଏଣ୍ଟ୍ରି ସ୍ତରର ସୁଲଭ ମୂଲ୍ୟରେ ସ୍ମାର୍ଟଫୋନ୍ ତିଆରି କରିବାକୁ ମଧ୍ୟ କୁହାଯାଇଥିଲା ।
ଜିଓ ପ୍ଲାଟଫର୍ମରେ ଗୁଗୁଲର ବିନିଯୋଗ ‘ଗୁଗୁଲ୍ ଫର୍ ଇଣ୍ଡିଆ ଡିଜିଟାଇଜେସନ୍ ଫଣ୍ଡ୍’ର ଏକ ଅଂଶ ଥିଲା । ଗତ ବର୍ଷ କମ୍ପାନୀ ଏହା ଘୋଷଣା କରିଥିଲା । ପିଚାଇ ୭୫ହଜାର କୋଟି ଟଙ୍କାକୁ ଗତ ବର୍ଷ ଭାରତରେ ବିନିଯୋଗ କରିବାର ଯୋଜନା ବିଷୟରେ କହିଥିଲେ। ଯାହା ଆଗାମୀ ୫ ରୁ ୭ ବର୍ଷ ମଧ୍ୟରେ ଦେଶକୁ ଡିଜିଟାଲ ଟେକ୍ନୋଲୋଜି ଦେବାରେ ସାହାଯ୍ୟ କରିବ ।

ପିଚାଇ ଏହା ମଧ୍ୟ କହିଛନ୍ତି ଯେ, ଏହି ଫଣ୍ଡ ଦ୍ୱାରା ସେ ନୂତନ ପୁଞ୍ଜି ବିନିଯୋଗ କରିବାର ସୁଯୋଗ ଖୋଜୁଛନ୍ତି । ଏହି ପ୍ରୋଜେକ୍ଟ ଉପରେ COVID-19 କାରଣରୁ ପଡ଼ିଥିବା ପ୍ରଭାବ ବିଷୟରେ କହିବାକୁ ଯାଇ ସେ କହିଛନ୍ତି ଯେ କରୋନା ଲୋକଙ୍କ ଜୀବନରେ ଟେକ୍ନୋଲୋଜିର ଗୁରୁତ୍ୱପୂର୍ଣ୍ଣତାକୁ ଦେଖାଇଦେଇଛି ।

ଗୁଗୁଲ୍ ମିଟ୍ ହେଉ କିମ୍ବା ନେଟୱାର୍କ ମାଧ୍ୟମରେ କାର୍ଯ୍ୟକରିବାର କ୍ଷମତା ହେଉ, ସବୁଥିରେ ସ୍ମାର୍ଟଫୋନ୍ କିମ୍ବା କମ୍ପ୍ୟୁଟରରେ ଅତି ସହଜରେ କାମ କରିବାର ସୁଯୋଗ ପାଇଛନ୍ତି ଉପଭୋକ୍ତା । ଏହା ମଧ୍ୟ ଆମର ପ୍ରୟାସକୁ ଦର୍ଶାଉଛି ବୋଲି ପିଚାଇ କହିଛନ୍ତି।

