spot_img
Home Blog Page 5753

ଆଉ ଆସୁନି ୨ ହଜାର ଟଙ୍କିଆ ନୋଟ, ଛପା ବନ୍ଦ କଲାଣି ଆରବିଆଇ !

ନୂଆଦିଲ୍ଲୀ: ଆଉ ଏଟିଏମରୁ ବାହାରୁନି ୨ ହଜାର ଟଙ୍କିଆ ନୋଟ । କାରଣ ଆରବିଆଇ ୨ ହଜାର ଟଙ୍କିଆ ନୋଟ ଛପା ବନ୍ଦ କରିଦେଇଛନ୍ତି । ନଭେମ୍ବର ୨୦୧୬ରେ ସରକାର ବିମୁଦ୍ରୀକରଣ କରିଥିଲେ । ଯେଉଁଥିରେ ପ୍ରଧାନମନ୍ତ୍ରୀଙ୍କ ନିଷ୍ପତ୍ତି ମୁତାବକ ୫ ଶହ ଏବଂ ହଜାରେ ଟଙ୍କିଆ ନୋଟ ପ୍ରଚଳନ ବନ୍ଦ କରାଯାଇଥିଲା । ହଠାତ ଗଛିତ ଥିବା ୫ଶହ ଏବଂ ହଜାରେ ଟଙ୍କିଆ ନୋଟ ଅଚଳ ହୋଇପଡିଥିଲା । ଏବଂ ଏହା ବଦଳରେ ପ୍ରଚଳିତ ହୋଇଥିଲା ୨ ହଜାର ଟଙ୍କିଆ ନୋଟ ।

କିନ୍ତୁ ବର୍ତ୍ତମାନ ଭାରତୀୟ ରିଜର୍ଭ ବ୍ୟାଙ୍କ୍‌ର ବାର୍ଷିକ ରିପୋର୍ଟରେ ୨ ହଜାର ଟଙ୍କିଆ ବାବଦରେ କିଛି ସୂଚନା ଦିଆଯାଇନଥିଲେ ମଧ୍ୟ ଏବେ ନୂଆ ୨ହଜାର ଟଙ୍କା ଛପା ବନ୍ଦ କରିଦେଇଥିବା କେନ୍ଦ୍ରୀୟ ବ୍ୟାଙ୍କ ସଫା ସଫା କହିଦେଇଛି । ତେଣୁ ବ୍ୟାଙ୍କ ଗୁଡ଼ିକରେ ବର୍ତ୍ତମାନ ଏବେ ଆଉ ୨ ହଜାର ଟଙ୍କିଆ ନୋଟ ପ୍ରଚଳିତ ହେଉନାହିଁ । ସୂଚନା ମୁତାବକ ଅର୍ଥ ରାଜ୍ୟ ମନ୍ତ୍ରୀ ଅନୁରାଗ ଠାକରୁ ଲିଖିତ ଜବାବ ମାଧ୍ୟମରେ ଜଣାଇଥିଲେ ଯେ, ୨୦୧୮ରେ ୨୦୦୦ ଟଙ୍କିଆ ୩୩୬.୨ କୋଟି ନୋଟ୍‌ ସର୍କୁଲେସନ୍‌ ହୋଇଥିଲା। କିନ୍ତୁ ୨୬ ଫେବୃଆରୀ ୨୦୨୧ ବେଳକୁ ଏହି ସଂଖ୍ୟା ୨୪୯.୯ କୋଟିରେ ପହଞ୍ଚିଥିଲା।

ଏହା ସହ ଅନୁରାଗ ଠାକୁର କହିଥିଲେ, ‘କେଉଁ ମୂଲ୍ୟର ନୋଟ୍‌ ହେଲେ ଲୋକଙ୍କ ଲେଣ ଦେଣ ଚାହିଦା ପୂରଣ ହୋଇପାରିବ ତାହା ଆରବିଆଇ ଧାର୍ଯ୍ୟ କରେ। ତେଣୁ ୨୦୧୯ ମସିହା ଠାରୁ ୨୦୦୦ ହଜାର ଟଙ୍କିଆ ନୋଟ ଛପା ହେଉନାହିଁ କିମ୍ବା ଛପାଇବା ପାଇଁ ଆରବିଆଇକୁ ଅର୍ଡର ଦିଆହୋଇନାହିଁ ବୋଲି ପ୍ରକାଶ କରିଥିଲେ କେନ୍ଦ୍ର ଅର୍ଥରାଷ୍ଟ୍ର ମନ୍ତ୍ରୀ ଅନୁରାଗ ଠାକୁର ।

୩୦ ମିନିଟ ବସି ରହିଲେ ମୋଦି, ବିଳମ୍ବରେ ଆସିଲେ କାଗଜ ଦେଇ ଚାଲିଗଲେ ଦିଦି

କୋଲକାତା: ପ୍ରଧାନମନ୍ତ୍ରୀ ଓ ରାଜ୍ୟପାଳ ଅଧଘଣ୍ଟା ଅପେକ୍ଷା କଲେ । ମିଟିଂ ଶେଷ ଆଡକୁ ଆସିଲେ ଆଉ କିଛି କାଗଜଡପତ୍ର ଦେଇ ଚାଲିଗଲେ । ଆପଣ ଭାବୁଥିବେ ଚାଲିଯିବା ବ୍ୟକ୍ତି ଜଣଙ୍କ କିଏ ? ପୁଣି କିଏ ସେ ବ୍ୟକ୍ତି ଯାହାଙ୍କ ପାଇଁ ପ୍ରଧାନମନ୍ତ୍ରୀ ୩୦ ମିନିଟ ଅପେକ୍ଷା କଲେ । ହଁ, ସେ ହେଉଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ବାତ୍ୟା ୟାସରେ ପ୍ରଭାବିତ ହୋଇଥିବା ଓଡ଼ିଶା ଏବଂ ପଶ୍ଚିମବଙ୍ଗର କ୍ଷୟକ୍ଷତି ସମୀକ୍ଷା କରିବାକୁ ଆସିଥିଲେ ପ୍ରଧାନମନ୍ତ୍ରୀ । ସକାଳେ ଓଡ଼ିଶାର କ୍ଷୟକ୍ଷତି ସମୀକ୍ଷା କରିଥିଲେ । ଏବଂ ପରେ ପଶ୍ଚିମବଙ୍ଗ ଅଭିମୁଖେ ଗସ୍ତ କରିଥିଲେ ।

ପୂର୍ବରୁ ପ୍ରଧାନମନ୍ତ୍ରୀ ଆସୁଥିବା ଖବର ମୁଖ୍ୟମନ୍ତ୍ରୀ ମମତା ବାନାର୍ଜୀ ଜାଣିଥିଲେ । ଏକ ସମୀକ୍ଷା ବୈଠକ ପ୍ରଧାନମନ୍ତ୍ରୀ କରିବେ ବୋଲି ଏକଥା ମଧ୍ୟ ଜାଣିଥିଲେ ମୁଖ୍ୟମନ୍ତ୍ରୀ ମମତା । ତଥାପି ବିଳମ୍ବରେ ଆସିଥିଲେ । ଅର୍ଥାତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ରାଜ୍ୟପାଳ ଜଗଦୀପ ଧନକଡ ପ୍ରାୟ ୩୦ ମିନିଟ ମୁଖ୍ୟମନ୍ତ୍ରୀଙ୍କ ଆସିବା ବାଟକୁ ଅପେକ୍ଷା କରିଥିଲେ । ଏବଂ ଅଧଘଣ୍ଟା ପରେ ଆସିଥିଲେ ଦିଦି । ବୈଠକ ଗୃହରେ ପ୍ରବେଶ କରିବା ମାତ୍ରେ କ୍ଷୟକ୍ଷତି ସମ୍ପର୍କୀତ କିଛି ତଥ୍ୟ ଦେଇ ଅନ୍ୟଏକ ବୈଠକ ଥିବା ଦର୍ଶାଇଥିଲେ ମୁଖ୍ୟମନ୍ତ୍ରୀ । ଏବଂ ପ୍ରଧାନମନ୍ତ୍ରୀ ବସିଥିବା ବେଳେ ଚାଲିଯାଇଥିଲେ ମମତା ।

ସେପଟେ ବୈଠକରେ ପଶ୍ଚିମବଙ୍ଗ ବିରୋଧିଦଳ ନେତା ଶୁଭେନ୍ଦୁ ଅଧିକାରୀଙ୍କୁ ନିମନ୍ତ୍ରଣ କରାଯାଇଥିଲା ଏବଂ ବୈଠକରେ ମଧ୍ୟ ଯୋଗଦେଇଥିଲେ ବିରୋଧିଦଳ ନେତା ଶୁଭେନ୍ଦୁ ଅଧିକାରୀ  । ରାଜ୍ୟପାଳ ଜଗଦୀପ ଧନକଡ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମେତ ଅନ୍ୟାନ ମନ୍ତ୍ରୀ ଏବଂ ପଦାଧିକାରୀ ଯୋଗଦେଇଥିଲେ  । ଖବର ମୁତାବକ ବୈଠକରେ ଶୁଭେନ୍ଦୁ ଅଧିକାରୀ ଯୋଗଦେଇଥିବାରୁ ମୁଖ୍ୟମନ୍ତ୍ରୀ ମମତା ବାନାର୍ଜୀ ନାରାଜ ଥିଲେ  । ଯେଉଁଥିପାଇଁ ଅଧଘଣ୍ଟା ବିଳମ୍ବରେ ପହଁଚିଥିଲେ । ପ୍ରଧାନମନ୍ତ୍ରୀ ବୈଠକ ସାରିବା ପରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ୧୦୦୦ କୋଟି ଟଙ୍କାର ସହାୟତା ରାଶି ଘୋଷଣା କରାଯାଇଛି  ।  ଯେଉଁଥିରେ ଓଡିଶାକୁ ଅତିରିକ୍ତ ସହାୟତା ରାଶି ୫୦୦ କୋଟି ଏବଂ ପଶ୍ଚିମବଙ୍ଗ ଓ ଝାଡଖଣ୍ଡ ପାଇଁ ୫୦୦ କୋଟି ଘୋଷଣା ହୋଇଛି  ।

ଲାକ୍ଷାଦ୍ୱୀପରେ ବିଜେପିକୁ ଝଟକା, ଇସ୍ତଫା ଦେଲେ ବିଜେପି ଯୁବ ମୋର୍ଚ୍ଚାର ୮ ସଦସ୍ୟ

ନୂଆଦିଲ୍ଲୀ: ଲାକ୍ଷାଦ୍ୱୀପରେ ବିଜେପିକୁ ଶକ୍ତ ଝଟକା । ଇସ୍ତଫା ଦେଇଛନ୍ତି ବିଜେପି ଯୁବ ମୋର୍ଚ୍ଚାର ୮ ଜଣ ସଦସ୍ୟ । କଂଗ୍ରେସ ନେତା ଶଶି ଥରୁର ଏକ ଚିଠି ସେୟାର କରିବା ପରେ ଏ ସମ୍ପର୍କରେ ଜଣାପଡିଛି । ଗତ କିଛିଦିନ ହେବ ଲାକ୍ଷାଦ୍ବୀପ ଆଡମିନଷ୍ଟ୍ରେଟର ପ୍ରଫୁଲ୍ଲ ଖୋଡା ପଟେଲଙ୍କ ଦ୍ବାରା ଅଣାଯାଇଥିବା ବିବାଦୀୟ ଆଇନକୁ ନେଇ ଏବେ ରାଜନୀତି ତେଜିବାରେ ଲାଗିଛି । ଏହି ଆଇନକୁ ସେଠାକାର ବାସିନ୍ଦା ଓ ରାଜନେତା ବିରୋଧ କରୁଥିବା ବେଳେ କେରଳରେ ମଧ୍ୟ ଏହାକୁ ଜୋରଦାର ବିରୋଧ କରାଯାଉଛି ।

ଆଡମିନଷ୍ଟ୍ରେଟର ପ୍ରଫୁଲ୍ଲ ଖୋଡା ପଟେଲ ତାଙ୍କ କାର୍ଯ୍ୟକାଳର ପ୍ରଥମ ପାଞ୍ଚ ମାସରେ ଏମିତି କିଛି ବିବାଦୀୟ ଆଇନ ଲାଗୁ କରିଛନ୍ତି । ଆଉ କିଛି ଡ୍ରାଫ୍ଟ ଆକାରରେ ରହିଛି, ଯାହାକୁ ବିରୋଧ କରି ସୋସିଆଲ ମିଡିଆରେ ବଡ ଧରଣର ଅଭିଯାନ ଆରମ୍ଭ ହୋଇଛି । ପ୍ରଫୁଲ୍ଲ ଖେଡା ପଟେଲଙ୍କ ଦ୍ବାରା ପ୍ରସ୍ତାବିତ ଗୋହତ୍ୟା ନିଷେଧାଦେଶ, ସାରା ଦେଶରେ ଲାକ୍ଷାଦ୍ବୀପରେ ସବୁଠାରୁ କମ୍ ଅପରାଧ ପରେ ବି କ୍ରାଇମ୍ ରେଟ୍ ସତ୍ତ୍ୱେ ଏକ ପ୍ରିଭେନସନ୍ ଡିଟେକ୍ସନ ଲ’ ଏବଂ ଲ୍ୟାଣ୍ଡ ଡେଭଲପମେଣ୍ଟ ରେଗୁଲେସନ ଭଳି କିଛି ବିବାଦୀୟ ଆଇନ ରହିଛି।

ବିରୋଧୀଙ୍କ ଆରୋପ ହେଉଛି ଗୁଜୁରାଟର ଗୃହମନ୍ତ୍ରୀ ଭାବରେ କାର୍ଯ୍ୟ କରିଥିବା ପଟେଲ ଲାକ୍ଷାଦୀପର ମୁସଲିମ୍ ବହୁଳ ଲୋକଙ୍କୁ ଟାର୍ଗେଟ କରିବା ପାଇଁ ବିଜେପିର ରାଜନୈତିକ ଏଜେଣ୍ଡାକୁ ଅନୁସରଣ କରୁଛନ୍ତି । ଏହାକୁ ନେଇ ବିଜେପିର ସାଧାରଣ ସମ୍ପାଦକ ପିପି ମହମ୍ମଦ ହାସିମଙ୍କ ସମେତ ଯୁବ ମୋର୍ଚ୍ଚାର ନେତା ଇସ୍ତଫା ଦେଇଛନ୍ତି । ପଟେଲ ଲାକ୍ଷାଦ୍ବୀପରେ ଅଶାନ୍ତି ସୃଷ୍ଟି କରୁଛନ୍ତି ବୋଲି ସେମାନେ ଅଭିଯୋଗ କରିଛନ୍ତି । ଅନ୍ୟପଟେ ପଟେଲ ଆଣିଥିବା ନିୟମକୁ ମଧ୍ୟ ବିରୋଧ କରିଛନ୍ତି ବିରୋଧୀ । ଏହାକୁ ବିରୋଧ କରି ରାଷ୍ଟ୍ରପତିଙ୍କୁ ଚିଠି ଲେଖିଛନ୍ତି ବିରୋଧୀ । ଏହାସହ ତୁରନ୍ତ ଏହି ନିଷ୍ପତ୍ତକୁ ପ୍ରତ୍ୟାହାର କରାଯିବା ସହ ତାଙ୍କୁ ପଦରୁ ହଟାଇବାକୁ ଦାବି ମଧ୍ୟ କରାଯାଇଛି ।

ପାଟିରେ ନିଶ୍ୱାସ ଦେଇ ବିଷଧର ସାପକୁ ବଞ୍ଚାଇଲେ ଯୁବକ

ମାଲକାନଗିରି: ବିଷଧର ସାପକୁ ଅକ୍ସିଜେନ୍‌। ଅଚେତ ନାଗସାପକୁ ଅକ୍ସିଜେନ୍‌ ଫୁଙ୍କି ବଞ୍ଚାଇଲେ ଜଣେ ଯୁବକ । ଏଭଳି ଏକ ଘଟଣା ମାଲକାନଗିରି ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି। ଏ ଭିଡ଼ିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏ କଥାଟା ପଢିବା ବେଳେକୁ ଟିକେ ଅଡୁଆ ଲାଗୁଥିବ, ମାତ୍ର ଘଟଣାଟି ସତ । ଅଚେତ ବିଷଧର ସାପକୁ ଅକ୍ସିଜେନ୍‌ ଦେଇ ବଞ୍ଚାଇଛନ୍ତି ଜଣେ ବ୍ୟକ୍ତି।

ସୂଚନା ମୁତାବକ ମାଲକାନଗିରି ନୂଆଗୁଡା ଗ୍ରାମରେ ଜଣଙ୍କ ଘରେ ଏକ ବିଷଧର ନାଗସାପ ପଶିଥିଲା । ଲୋକମାନେ ଏହାକୁ ଦେଖି ଭୟ କରିଥିଲେ। ସ୍ନେହାଶୀସ ନାୟକ ନାମକ ଜଣେ ଯୁବକ ଘଟଣାସ୍ଥଳରେ ପହଞ୍ଚି ସାପଟିକୁ ଉଦ୍ଧାର କରିଥିଲେ । ୪ ଫୁଟ୍‌ର ନାଗ ସାପ ଅଚେତ ହୋଇ ପଡିଥିଲା । ସେ ଏକ ପ୍ଲାଷ୍ଟିକ୍‌ ପାଇପ୍‌ ଯୋଗେ ସାପ ପାଟିରେ ପୁରାଇ ତାକୁ କିଛି ପବନ ଦେଇଥିଲେ ।

ଯୁବକ ଜଣଙ୍କ ନଳୀ ସାହାଯ୍ୟରେ ସାପଟିକୁ କିଛି ସମୟ ଫୁଙ୍କିବା ପରେ ସାପଟି ଚେତା ପାଇଥିଲା। ଅଚେତ ହୋଇପଡ଼ିଥିବା ସାପଟି ଚେତା ଫେରି ପାଇଥିଲା । ପରବର୍ତ୍ତୀ ସମୟରେ ସାପଟିକୁ ପାଣି ଦେବା ପରେ ନିକଟସ୍ଥ ଜଙ୍ଗଲରେ ଛାଡି ଦିଆଯାଇଥିଲା । ଉକ୍ତ ଯୁବକ ଜଣକ ପୋଲିସ ଚାକିରୀ କରିଥିବାବେଳେ ଅଚେତ ସାପଟିକୁ ବଞ୍ଚାଇବାରେ ବଡ ଭୂମିକା ନିର୍ବାହ କରିଥିଲେ ।

ସମୀକ୍ଷା ପରେ ଓଡିଶାକୁ ୫ଶହ କୋଟି ବାତ୍ୟା ସହାୟତା ଘୋଷଣା କଲେ ପ୍ରଧାନମନ୍ତ୍ରୀ

ଭୁବନେଶ୍ବର: ବାତ୍ୟା ସହାୟତା ପ୍ୟାକେଜ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସକାଳେ ବାତ୍ୟା ଯାସ କ୍ଷୟକ୍ଷତି ଆକଳନ କରିବା ପରେ ସହାୟତା ରାଶି ଘୋଷଣା କରିଛନ୍ତି ପ୍ରଧାନମନ୍ତ୍ରୀ । ଓଡ଼ିଶା ପାଇଁ ଅତିରିକ୍ତ ୫୦୦କୋଟି ଟଙ୍କା ଘୋଷଣା କରିଛନ୍ତି । ସେହିପରି ପଶ୍ଚିମବଙ୍ଗ ଓ ଝାଡ଼ଖଣ୍ଡ ପାଇଁ ମଧ୍ୟ ୫୦୦କୋଟି ଟଙ୍କା ଘୋଷଣା କରାଯାଇଛି ।

ସେପଟେ ଓଡିଶାର କ୍ଷୟକ୍ଷତି ଆକଳନ କରିବାକୁ ଖୁବଶୀଘ୍ର ଏକ କେନ୍ଦ୍ରୀୟ ଟିମ ଆସିବ । ଆନ୍ତଃମନ୍ତ୍ରୀସ୍ତରୀୟ ଟିମର ରିପୋର୍ଟ ଆଧାରରେ ପରବର୍ତ୍ତୀ ସହାୟତା ରାଶି ଘୋଷଣା କରାଯିବ ବୋଲି ମଧ୍ୟ ଉଲ୍ଲେଖ ରହିଛି । ପ୍ରଧାନମନ୍ତ୍ରୀ ଆଜି ଓଡ଼ିଶାର ୩ଜିଲ୍ଲା ଓ ପଶ୍ଚିମବଙ୍ଗ ପୂର୍ବ ମେଦିନାପୁରର କ୍ଷୟକ୍ଷତି ନେଇ ଆକାଶମାର୍ଗରୁ କରିଥିଲେ ଅନୁଧ୍ୟାନ ।

ବିମାନବନ୍ଦରରେ ବସିଥିବା ସମୀକ୍ଷା ବୈଠକରେ ଓଡିଶା ତରଫରୁ କ୍ଷୟୟତି ବାବଦ ଅର୍ଥ ରାଶି ଦାବି କରାଯାଇନଥିଲା । ବରଂ ବାତ୍ୟା ନିରୋଧୀ ଭିତ୍ତିଭୂମି ଦାବି କରିଥିଲା ଓଡ଼ିଶା । ବାତ୍ୟାରେ କଣ କଣ ହୋଇଛି ସେ ନେଇ 8ମିନଟର ଭିଡ଼ିଓ ମୋଦିଙ୍କୁ ପ୍ରଦର୍ଶନ କରାଯାଇଥିଲା । ପ୍ରଧାନମନ୍ତ୍ରୀଙ୍କୁ ବାତ୍ୟା ଅଞ୍ଚଳର ଚିତ୍ର ପାୱାର ପଏଣ୍ଟ ମାଧ୍ୟରେ ଦେଖାଯାଇଥିଲା । ଏହାସହ ବାତ୍ୟା କ୍ଷୟକ୍ଷତିର ଭରଣା ରାଜ୍ୟ ନିଜେ କରିବ ବୋଲି ଜଣାଯାଇଛି ।

ବାତ୍ୟାରେ ଜୀବନ ହରାଇଥିବା ବ୍ୟକ୍ତିଙ୍କ ପରିବାରକୁ ସହାୟତା ସୂରୁପ ୨ଲକ୍ଷ ଅନୁକମ୍ପା ଯୋଗାଇଦିଆଯିବ  । ସେହିପରି ଆହତଙ୍କୁ ୫୦ ହଜାର ଟଙ୍କା ପ୍ରଦାନ କରାଯିବ ବୋଲି କୁହାଯାଇଛି  । ବାତ୍ୟା ୟାସରେ ସର୍ବାଧିକ କ୍ଷତି ହୋଇଥିବା ରାଜ୍ୟ ଓଡ଼ିଶାକୁ ୫ଶହ କୋଟି ପ୍ରଦାନ କରାଯାଇଥିବା ବେଳେ ପଶ୍ଚିମବଙ୍ଗକୁ ୨୫୦ କୋଟି ଏବଂ ଝାଡଖଣ୍ଡକୁ ୨୫୦ କୋଟି ସହାୟତା ରାଶି ଘୋଷଣା କରାଯାଇଛି  । ସମୀକ୍ଷା ସାରିବା ପରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏହି ଘୋଷଣା କରାଯାଇଛି  ।

ଦିଲ୍ଲୀ ପାଇଁ ଖୁସି ଖବର ! ଆରମ୍ଭ ହେବ ନିର୍ମାଣ କାର୍ଯ୍ୟ, ଖୋଲିବ କାରଖାନା, ଘୋଷଣା କଲେ ମୁଖ୍ୟମନ୍ତ୍ରୀ

ନୂଆଦିଲ୍ଲୀ: ଦିଲ୍ଲୀବାସୀଙ୍କ ପାଇଁ ଖୁସି ଖବର । ଦେଶର ରାଜଧାନୀରେ କରୋନା ମାମଲା ହ୍ରାସ ପାଉଥିବାରୁ ଲକଡାଉନ୍ ହଟାଇବା ପ୍ରକ୍ରିୟା ଆରମ୍ଭ ହୋଇଛି । ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଶୁକ୍ରବାର ଦିନ ଦିଲ୍ଲୀରେ ଅନଲକ୍ ପ୍ରକ୍ରିୟା ଆରମ୍ଭ କରିବାକୁ ଘୋଷଣା କରିଛନ୍ତି । ସେ କହିଛନ୍ତି ଯେ ଅନେକ ପ୍ରଚେଷ୍ଟା ଦ୍ୱାରା କରୋନାକୁ ନିୟନ୍ତ୍ରଣ କରାଯାଇଛି, ତଥାପି କରୋନା ବିରୋଧରେ ଯୁଦ୍ଧ ସରିନାହିଁ । ସେ କହିଛନ୍ତି ଯେ ସମାଜର ଗରିବ ଶ୍ରେଣୀର ଲୋକ, ଶ୍ରମିକ, ପ୍ରବାସୀ ଭାରତୀୟଙ୍କ ଯତ୍ନ ନେବା ପାଇଁ ଆମେ ଦିଲ୍ଲୀରେ ଧୀରେ ଧୀରେ ଲକଡାଉନକୁ ଖୋଲିବାକୁ ଯାଉଛୁ । ଏବଂ ଶୁକ୍ରବାର ନିଷ୍ପତ୍ତି ନିଆଯାଇଛି ଯେ, ସୋମବାର ଠାରୁ ଆସନ୍ତା ଏକ ସପ୍ତାହ ପାଇଁ ନିର୍ମାଣ କର୍ଯ୍ୟ ଏବଂ କାରଖାନା ଗୁଡ଼ିକୁ ଖୋଲାଯିବ ।

ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଯେ, ବର୍ତ୍ତମାନ ଜନସାଧାରଣଙ୍କ ଠାରୁ ମତାମତ ଏବଂ ଏକ୍ସପର୍ଟଙ୍କ ପରାମର୍ଶ ନେବା ପରେ ଆମେ ଲକଡାଉନ ଉଠାଇବାର ପ୍ରକ୍ରିୟା ଜାରି ରଖିବୁ ।  ଯଦି କରୋନା ଭାଇରାସ ବୃଦ୍ଧି ପାଉଥିବାର ସାମ୍ନାକୁ ଆସେ ତେବେ ରାଜ୍ୟରେ ପୁଣି ଲକଡାଉନ ଲାଗୁ କରିବାକୁ ପଡ଼ିବ । ଏହାସହ ମୁଖ୍ୟମନ୍ତ୍ରୀ ରାଜ୍ୟବାସୀଙ୍କୁ ଅନୁରୋଧ କରି କହିଛନ୍ତି ଯେ, କରୋନା ସହିତ ଜଡିତ ସବୁ ପ୍ରକାର ସତର୍କତାକୁ ପାଳନ କରିବା ଏ ସମୟରେ ନିହାତି ଆବଶ୍ୟକ । ଯେତେବେଳେ ଆମେ ନିୟମ ପାଳନ କରିବୁ ସେତେବେଳେ ଦିଲ୍ଲୀର ସମସ୍ତ ଅର୍ଥନୈତିକ କାର୍ଯ୍ୟକଳାପ ଖୋଲିବାରେ ସକ୍ଷମ ହୋଇପାରିବୁ । ଯଦି କରୋନା ସଂକ୍ରମଣ ପୁଣି ବଢିବା ଆରମ୍ଭ ହୁଏ, ତେବେ ଆମକୁ ପୁଣି ଲକଡାଉନ ଲାଗୁ କରିବାକୁ ପଡ଼ିବ ।

ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଯେ, ଯଦି ଆବଶ୍ୟକ ନହୁଏ ତେବେ ଘରୁ ବାହାରକୁ ଯାଆନ୍ତୁ ନାହିଁ, ଆମ ସମସ୍ତଙ୍କୁ ବହୁତ ଗମ୍ଭୀରତାର ସହ ଆଚରଣ କରିବାକୁ ପଡିବ, ଯାହାଫଳରେ ଆମେ ସମସ୍ତେ କରୋନ କବଳରୁ ଦିଲ୍ଲୀକୁ ବଞ୍ଚାଇବା ସହ ଦେଶର ରକ୍ଷା କରିପାରିବା । କରୋନାକୁ ଆଦୌ ଅଣଦେଖା କରନ୍ତୁ ନାହିଁ, ଯଦି ଆବଶ୍ୟକ ନହୁଏ ତେବେ ଘରୁ ବାହାରକୁ ବାହାରନ୍ତୁ ନାହିଁ ।

କେଜ୍ରିୱାଲ ସରକାରଙ୍କ ଏହି ନିଷ୍ପତ୍ତିରେ ବ୍ୟବସାୟୀମାନେ ଅସନ୍ତୁଷ୍ଟ ପ୍ରକାଶ କରିଛନ୍ତି । କନଫେଡେରେସନ୍ ଅଫ୍ ଅଲ୍ ଇଣ୍ଡିଆ ଟ୍ରେଡର୍ସ’ କହିଛନ୍ତି ଯେ, ଦିଲ୍ଲୀରେ କରୋନା ସଂକ୍ରମଣ କିଭଳି ଅଧିକ ନ ବୃଦ୍ଧି ପାଉ ତାହା କେବଳ ସରକାରଙ୍କ ନୁହେଁ ବରଂ ବ୍ୟବସାୟୀମାନଙ୍କର ମଧ୍ୟ ପ୍ରାଥମିକତା । ଏହି ଦୁଇଟି କ୍ଷେତ୍ରକୁ ଖୋଲି ବଜାର ନ ଖୋଲିବାରେ କୌଣସି ଯଥାର୍ଥତା ବୁଝା ପଡ଼ୁନାହିଁ ।

ଟିକା ନେଲେ ଲାଗିବ ‘ଲଟେରୀ’ ! ମିଳିବ ୭ କୋଟି ଟଙ୍କା… ଜାଣନ୍ତୁ କେଉଁଠି ?

ଓହିୟୋ: କରୋନାର ଭୟାବହତା ଜାଣିବା ପରେ ମଧ୍ୟ ଏଭଳି ବି କିଛି ଲୋକ ଅଛନ୍ତି ଯେଉଁମାନେ କରୋନା ଟିକା ନେବାକୁ ଅନିଚ୍ଛା ପ୍ରକାଶ କରୁଛନ୍ତି । ନିକଟରେ ଭାରତର ଉତ୍ତର ପ୍ରଦେଶରେ ଏକ ଡାକ୍ତରୀ ଦଳ ଟୀକାକରଣ ପାଇଁ ଏକ ଗାଁରେ ପହଞ୍ଚିବା ମାତ୍ରେ ସମସ୍ତ ଗାଁ ଲୋକ ନଦୀକୁ ଡେଇଁପଡିଥିଲେ । ଯାହା ସମସ୍ତଙ୍କ ପାଇଁ ଏକ ଆଶ୍ଚର୍ଯ୍ୟର ବିଷୟ ପାଲିଥିଲା । ଏଭଳି ପରିସ୍ଥିତିରେ ଏମିତି ମଧ୍ୟ ଏକ ସ୍ଥାନ ଅଛି ଯେଉଁଠାରେ ଟିକା ନେଉଥିବା ଲୋକଙ୍କ ପାଇଁ ଲଟେରୀ ମଧ୍ୟ ଉଠିବା ଆରମ୍ଭ ହୋଇଛି । ପ୍ରକୃତରେ କରୋନା ସମୟରେ ଲୋକଙ୍କୁ ଅଧିକ ସଚେତନତା କରିବା ଏବଂ କରୋନା ଟିକା ପାଇଁ ଲୋକଙ୍କୁ ପ୍ରୋତ୍ସାହିତ କରିବାକୁ ଏକ ଭିନ୍ନ ପଦକ୍ଷେପ ନିଆଯାଇଛି । ଟିକାକରଣ ବୃଦ୍ଧି କରିବା ଉଦ୍ଦେଶ୍ୟରେ ଆମେରିକାର ଓହିୟୋରେ ଲଟେରୀ ସିଷ୍ଟମ ମାଧ୍ୟମରେ ପୁରସ୍କାର ପ୍ରଦାନ କରିବାକୁ ଘୋଷଣା କରାଯାଇଛି । ଓହିୟୋର ଗଭର୍ଣ୍ଣର ମାଇକ ଡେଭିନ୍ ଏହାକୁ ଲଞ୍ଚ କରିଛନ୍ତି। ଏହି ଘୋଷଣା ଅନୁସାରେ ଯିଏ  ଟିକା ନେବ ସେ ହିଁ ଏହି ଲଟେରୀରେ ଭାଗ ନେଇପାରିବ ।

‘ଦି ଗାର୍ଡୟନ୍’ର ଏକ ରିପୋର୍ଟ ଅନୁଯାୟୀ, ଲଟେରୀ ଜିତିଥିବା ସମସ୍ତ ଲୋକଙ୍କୁ ୧୦ଲକ୍ଷ ଡଲାର୍ ( ପ୍ରାୟ ୭.୨ କୋଟି ଟଙ୍କା ) ଦିଆଯିବ। ଯହାକୁ କାର୍ଯ୍ୟକାରୀ ମଧ୍ୟ କରାଯାଉଛି । ମାଇକ୍ ଡେଭିନ କହିଛନ୍ତି ଯେ, ପ୍ରଥମ ସପ୍ତାହରେ ଭିନ୍ନ ଭିନ୍ନ ବିଜେତା ଘୋଷିତ ହୋଇଛନ୍ତି ।

ଏକ ସାମ୍ବାଦିକ ସମ୍ମିଳନୀରେ ମାଇକ୍ ଡେଭିନ କହିଛନ୍ତି ଯେ, ଲଟେରୀରେ ଭାଗ ନେବା ପାଇଁ ଦୁଇଟି ବର୍ଗ ବା ଶ୍ରେଣୀ କରାଯାଇଛି । ପ୍ରଥମରେ ବ୍ୟକ୍ତିର ବୟସ ୧୮ବର୍ଷରୁ ଅଧିକ ହେବା ଆବଶ୍ୟକ ଏବଂ ସେମାନେ ଓହିୟୋର ମୂଳ ବାସିନ୍ଦା ହେବା ଆବଶ୍ୟକ । ଯେତେବେଳେ କି ୧୨ ରୁ ୧୭ ବର୍ଷର ଯୁବପିଢିଙ୍କ ପାଇଁ ଏକ ଅଲଗା ଲଟେରୀ ବ୍ୟବସ୍ଥା ରଖାଯାଇଛି ।

ଦ୍ୱିତୀୟ ବର୍ଗର ଲୋକଙ୍କ ପାଇଁ କୌଣସି ନଗଦ ପୁରସ୍କାର ନାହିଁ, ଯେଉଁଥିରେ ୧୨ ରୁ ୧୭ ବର୍ଷ ବୟସର ଯୁବପିଢିମାନଙ୍କୁ ଚାରି ବର୍ଷର ଛାତ୍ରବୃତ୍ତି ପ୍ରଦାନ କରାଯିବ । ଯେଉଁଥିରେ ଟ୍ୟୁସନ ଏବଂ ରୁମ୍ ଖର୍ଚ୍ଚ ଅନ୍ତର୍ଭୂକ୍ତ ହେବ, ଏଥିପାଇଁ ଅନଲାଇନରେ ଆବେଦନ କରିବାକୁ ପଡ଼ିବ । ଏହି ସମସ୍ତ ଲଟେରୀ ଯୋଜନାଗୁଡିକ ଓହିୟୋ ଆଡମିନିଷ୍ଟ୍ରେସନ୍ ଅଫ୍ କୋଭିଡ୍ ଫଣ୍ଡ ଦ୍ୱାରା ଖର୍ଚ୍ଚ ହେବ । ଏବଂ ଏହାର ସମ୍ପୂର୍ଣ୍ଣ ହିସାବ ରେକର୍ଡ କରାଯିବ ।

ଓହିୟୋର ଏହି ଲଟେରୀ ଯୋଜନା ଆମେରିକାରେ ଆଲୋଚନାର ବିଷୟ ପାଲଟିଛି । ଓହିୟୋରେ ଏହି ଯୋଜନା ଟୀକାକରଣ ପ୍ରକ୍ରିୟାରେ କେତେ ପ୍ରଭାବ ପକାଇବ ଏବଂ କେତେ ସଂଖ୍ୟାର ଲୋକେ ଟିକା ନେବାକୁ ଆଗକୁ ଆସିବେ ତାହାକୁ ନେଇ ଚର୍ଚ୍ଚା ଜୋର ଧରିଛି ।

ଗଭର୍ଣ୍ଣର ମାଇକ ଡେଭିନ୍ କହିଛନ୍ତି ଯେ, ମେ ୧୨ ରେ ଲଟେରୀ ଘୋଷଣା ପରେ ଓହିୟୋରେ ଟୀକାକରଣକାରୀଙ୍କ ସଂଖ୍ୟା ୩୩% ବୃଦ୍ଧି ପାଇଛି । ସେହି ସମୟରେ, ୧୬ ଏବଂ ୧୭ ବର୍ଷ ବୟସ୍କଙ୍କ ଦ୍ୱାରା ଟୀକାକରଣ ସଂଖ୍ୟାରେ ୯୪ ପ୍ରତିଶତ ବୃଦ୍ଧି ହୋଇଥିବାବେଳେ ଅନ୍ୟ ବୟସ ବର୍ଗର ଲୋକମାନେ ଟୀକାକରଣ ବୃଦ୍ଧି କରିଛନ୍ତି । ରିପୋର୍ଟ ଅନୁଯାୟୀ, ଜୁନ୍ ୨୩ ପର୍ଯ୍ୟନ୍ତ ଓହିୟୋରେ ଟୀକାକରଣ ଅଭିଯାନ ଜାରି ରହିବ । ସୂଚନା ଅନୁସାରେ, ଓହିୟୋ ଭଳି ସହରରେ ଦୈନିକ ଟୀକାକରଣ କ୍ରମାଗତ ଭାବେ ହ୍ରାସ ପାଉଥିବାରୁ ଏହି ଯୋଜନା ଆରମ୍ଭ ହୋଇଛ । ଯଦିଓ ଲଟେରୀ ପୁରସ୍କାର ଘୋଷଣା ପରେ ଓହିୟୋରେ ହଠାତ୍ ଟିକାକରଣ ବୃଦ୍ଧି ପାଇଥି୍ବାର ଦେଖାଯାଇଛି ।

ବେଙ୍ଗାଲୁର ବର୍ବର ଦୁଷ୍କର୍ମ: ଅଭିଯୁକ୍ତ ଖସି ଯିବାବେଳେ ଏନକାଉଣ୍ଟର କଲା ପୋଲିସ

ବେଙ୍ଗାଲୁରୁ: ଜଣେ ଯୁବତୀଙ୍କୁ ଅମାନୁଷିକ ଅତ୍ୟାଚାର ଏବଂ ଦୁଷ୍କର୍ମ ଘଟଣାରେ ପୋଲିସର କାର୍ଯ୍ୟାନୁଷ୍ଠାନ । ସାମାଜିକ ଗଣମାଧ୍ୟମରେ ଭାଇରାଲ ହେବା ପରେ ପୋଲିସ ଏହି ଘଟଣା ବିଷୟରେ ଅନୁସନ୍ଧାନ ଜାରି ରଖିଥିଲା ପୋଲିସ। ଅଭିଯୁକ୍ତଙ୍କୁ ବେଙ୍ଗାଲୁରରୁ ଗିରଫ କରିବାରେ ସଫଳ ହୋଇଛି ପୋଲିସ । କିନ୍ତୁ ସଂଶ୍ଲିଷ୍ଟ ୬ ଜଣ ଅଭିଯୁକ୍ତଙ୍କୁ ମଧ୍ୟରୁ ୨ ଜଣ ଖସିଯିବାକୁ ପ୍ରୟାସ କରୁଥିବା ବେଳେ ପୋଲିସ ସେମାନଙ୍କୁ ଏନକାଉଣ୍ଟର କରିଛି ।

୨ଜଣଙ୍କ ଗୋଡ଼ରେ ଗୁଳି ବାଜିଥିବା ବେଳେ ପୋଲିସ ସେମାନଙ୍କୁ ହସ୍ପିଟାଲରେ ଭର୍ତ୍ତି କରିଥିଲା । ସୂଚନା ଅନୁଯାୟୀ ଗତକାଲି ସମସ୍ତ ଅଭିଯୁକ୍ତକୁ ପୋଲିସ ବେଙ୍ଗାଲୁରରୁ ଗିରଫ କରିବାରେ ସଫଳ ହୋଇଥିଲା । ଆଜି ଭୋର୍‌ ପ୍ରାୟ ୫ଟା ବେଳେ ପୁଲିସ ଅଭିଯୁକ୍ତମାନଙ୍କୁ ଘଟଣସ୍ଥଳକୁ ନେଇଥିଲା। ଘଟାଇଥିବା ନୃଶଂସ କାଣ୍ଡର ପୁନଃସଂରଚନା ନିମନ୍ତେ । କିନ୍ତୁ ଭୋର ସମୟରେ ୬ ଜଣଙ୍କୁ ମଧ୍ୟରୁ ୨ଜଣ ଅଭିଯୁକ୍ତ ସେଠାରୁ ଖସି ପଳାଇଯିବାକୁ ଉଦ୍ୟମ କରିଥିଲେ । ପୋଲିସ ଅଭିଯୁକ୍ତ ଦ୍ୱୟକୁ ଗୁଳିମାଡ କରିଥିଲା ।

ଅଭିଯୁକ୍ତଙ୍କୁ ଗୋଡରେ ଗୁଳି ବାଜିଥିବେଳେ ଉଭୟେ ଆହତ ହୋଇଥିବା ଜଣାପଡିଛି । ପୂର୍ବ ବେଙ୍ଗାଲୁରୁର ଡିସିପି ଶ୍ରନପ୍ପା ଏସ୍‌ ଡି ଗଣାମାଧ୍ୟମକୁ ଏ ସମ୍ବନ୍ଧରେ ସୂଚନା ପ୍ରଦାନ କରିଛନ୍ତି । ବର୍ତ୍ତମାନ ଆହତ ଅଭିଯୁକ୍ତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବାବେଳେ ଚିକିତ୍ସା ଜାରି ରହିଛି। ସୂଚନା ମୁତାବକ ସମସ୍ତେ ବାଂଲାଦେଶର ହୋଇଥିବାବେଳେ ଏହି ଗ୍ୟାଙ୍ଗରେ ସାମିଲ ଅଛନ୍ତି ଜଣେ ଯୁବତୀ  ।

ଗତକାଲି ଭିଡିଓ ଭାଇରାଲ ପରେ ପୋଲିସ କେଉଁ ସ୍ଥାନର ଘଟଣା ବୋଲି ଟ୍ରେସ୍ କରିପାରିନଥିଲା । ୫ ଅଭିଯୁକ୍ତଙ୍କ ସଂପର୍କରେ ସୂଚନା ଦେଲେ ପୁରସ୍କାର ଦିଆଯିବ ବୋଲି ଆସାମ ପୋଲିସ ଟ୍ବିଟ୍ କରିଥିଲା । ପୀଡ଼ିତାଙ୍କୁ ନ୍ୟାୟ ଓ ଅଭିଯୁକ୍ତଙ୍କୁ କଠୋର ଦଣ୍ଡ ଦେବା ପାଇଁ ସୋସିଆଲ୍ ମିଡିଆରେ ମଧ୍ୟ ଜୋର ଧରିଥିଲା ଦାବି। ପୋଲିସ ତଦନ୍ତଙ୍କୁ ତ୍ୱରାନିତ କରିବା ସହ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି  ।

ସରକାର ଆପଣଙ୍କ ମେସେଜ୍ ପଢୁଛନ୍ତି କି ? ହ୍ୱାଟସଆପରେ ରେଡ୍ ଟିକ୍ ଆସିବା ନେଇ ଭାଇରାଲ ମେସେଜର ସତ କ’ଣ,ଜାଣନ୍ତୁ

ନୂଆ ହ୍ୱାଟସଆପ୍ ନିୟମକୁ ନେଇ ଅନେକ ସମୟରେ ଚର୍ଚ୍ଚା ହୁଏ । କେତେବେଳେ ହ୍ୱାଟସଆପ୍ର ନୂଆ ଅପଡେଟ୍ ଫିଚରକୁ ନେଇ ପ୍ରଶ୍ନ ଉଠେ ତ ପୁଣି କେତେବେଳେ ହ୍ୱାଟସଆପ୍ରେ ୟୁଜରସ୍ଙ୍କର ଗୋପନୀୟତାକୁ ନେଇ । ଏସବୁ ଭିତରେ ଅନେକ ସମୟରେ ଫେକ୍ ନ୍ୟୁଜ ଓ ଫେକ୍ ମେସେଜ୍ କାରଣରୁ ବି ଲୋକମାନେ ଭ୍ରାନ୍ତଧାରଣାରେ ପଡନ୍ତି । ଯେମିତିକି ବର୍ତମାନ ହ୍ୱାଟସଆପ୍ ରେ ଭାଇରାଲ୍ ମେସେଜ୍ ବୁଲୁଛି । ସେହି ମେସେଜ୍ ଜରିଆରେ ପ୍ରଚାର କରାଯାଉଛି ଯେ ଏବେ ଆପଣଙ୍କ ହ୍ୱାଟସଆପ୍ ମେସେଜ୍ ସରକାର ପଢିପାରିବେ । ହ୍ୱାଟସଆପ୍ ର ଏକ ଫିଚର୍ ବାବଦରେ ସମସ୍ତ ୟୁଜର ଜାଣନ୍ତି ଯେ, ଆପଣ କାହାକୁ ମେସେଜ୍ ପଠାଇଲେ ରିସିଭର୍ ମେସେଜ୍ ପଢିବା ପରେ ଦୁଇଟି ବ୍ଲୁ ଟିକ୍ ଦେଖାଏ ।

ତେବେ ବର୍ତମାନ ଏହି ଭାଇରାଲ୍ ମେସେଜ୍ ଅନୁସାରେ ଯଦି ଆପଣଙ୍କ ମେସେଜ୍ ସରକାର ପଢନ୍ତି ତେବେ ଏହା ୨ଟି ନୁହେଁ ୩ଟି ବ୍ଲୁ ଟିକ୍ ଦେଖାଇବ । ଦ୍ରୁତଗତିରେ ଭାଇରାଲ ହେଉଥିବା ଏହି ଫେକ୍ ମେସେଜ୍ ରେ ଆହୁରୀ ମଧ୍ୟ ଦାବି କରାଯାଉଛି ଯେ, ଆପଣଙ୍କ ମେସେଜ୍ ଉପରେ ସରକାର ଯଦି ଚାହିଁବେ କାର୍ଯ୍ୟାନୁଷ୍ଠାନ ନେଇପାରିବେ । ଆଉ ଯଦି ଏହିଭଳି ହେଲା ତାହାଲେ ମେସେଜ୍ ଉପରେ ୨ଥର ରେଡ୍ ଟିକ୍ ହୋଇଯିବ । କେବଳ ଏତିକିରେ କଥା ସରୁନି । ଆହୁରୀ ମଧ୍ୟ ଦାବି କରାଯାଉଛି ଯଦି ଏହି ରେଡ୍ ଟିକ୍ ୨ ନହେଇ ୩ ଟି ଦେଖାଏ ତେବେ ତାର ଅର୍ଥ ହେଲା ମେସେଜ୍ କରିଥିବା ବ୍ୟକ୍ତିଙ୍କ ବିରୋଧରେ ମାମଲା କୋର୍ଟରେ ପହଂଚି ସାରିଛି । କୋର୍ଟ ପାଖରୁ ଶୀଘ୍ର ଆପଣଙ୍କୁ ନୋଟିସ୍ ଆସିବ ।

ହ୍ୱାଟସଆପରେ ଘୁରିବୁଲୁଥିବା ଏହି ମେସେଜ ଯଦି ଆପଣଙ୍କ ପାଖରେ ପହଂଚି ସାରିଛି ଓ ଆପଣ ପଢି ସାରିଛନ୍ତି ତେବେ ଆପଣ ଏହାକୁ କ’ଣ ସତ ବୋଲି ଭାବୁଛନ୍ତି କି ? ନା ଆଜ୍ଞା ଏହା ସତ ନୁହେଁ ବରଂ ସମ୍ଫୂର୍ଣ୍ଣ ରୂପେ ମିଛ ଓ ଫେକ୍ ମେସେଜ୍ । ଆପଣଙ୍କ ହ୍ୱାଟସଆପ୍ ମେସେଜ୍ ନା ସରକାର ପଢିପାରିବେ ନା ଆପଣଙ୍କ ମେସେଜ୍ ବିରୋଧରେ କାର୍ଯ୍ୟାନୁଷ୍ଠାନ ନେଇପାରିବେ । ଆପଣମାନେ ଭଲଭାବରେ ଜାଣିରଖନ୍ତୁ କି -ଆପଣଙ୍କ ହ୍ୱାଟସଆପ୍ ମେସେଜ୍  ଆଉ କେହି ତୃତୀୟଲୋକ ପଢିପାରିବେ ନାହିଁ । ଅର୍ଥାତ ସରକାର ବି ନୁହଁ । ସବୁ ହ୍ୱାଟସଆପ୍ ମେସେଜ୍ ଏଣ୍ଡ ଟୁ ଏଣ୍ଡ ଏନସ୍ରିପଟେଡ୍ ହୋଇଥାଏ । ଏହିଭଳି ଫେକ୍ ନ୍ୟୁଜ୍ ଅନେକ ସମୟରେ ଭାଇରାଲ୍ ହୁଏ ଓ ସାଧାରଣ ୟୁଜରସ୍ ମାନେ ଏହାକୁ ସତ ଭାବି ଦ୍ୱନ୍ଦରେ ପଡିଯାଆନ୍ତି । ତେଣୁକରି ଏହିଭଳି ମେସେଜ ପ୍ରଚାର କରୁଥିବା ଲୋକଙ୍କୁ ହିଁ ରିପୋର୍ଟ ମାରନ୍ତୁ । ଆଉ କୈାଣସି ଖବରର ସତ୍ୟତାକୁ ନ ଜାଣି ତାକୁ ହ୍ୱାଟସଆପ୍ ରେ ସେୟାର କରନ୍ତୁ ନାହିଁ ।

ଆଉ ଯଦି ସରକାରଙ୍କ ନୂଆ ଡିଜିଟାଲ ନିୟମ ବିଷୟରେ କହିବା ତାହାଲେ ସରକାର ହ୍ୱାଟସଆପ୍ର ରାଇଟ୍ ଟୁ ପ୍ରାଇଭେସୀକୁ ସମ୍ମାନ କରନ୍ତି । ଆଉ କିଛି ଜରୁରୀ ଅପରାଧିକ ମାମଲା ହେଲେ ହିଁ ସରକାରଙ୍କୁ ହ୍ୱାଟସଆପ୍ କୈାଣସୀ ବ୍ୟକ୍ତିର ବ୍ୟକ୍ତିଗତ ସୂଚନା ଦେବାକୁ ବାଧ୍ୟ ହେବ । ଆଉ ଏହି ନିୟମ ସବୁ ଟେକ୍ କମ୍ପାନୀ ଉପରେ ଲାଗୁ ହେଉଛି । କାହିଁକି ନା ଭାରତ ସରକାରଙ୍କ ଅନୁସାରେ ଜାତୀୟ ସୁରକ୍ଷାକୁ ଧ୍ୟାନରେ ରଖି ଏହି ଆଇନ ଆଣିବାକୁ ପଡିଛି । ଆଉ ଭାରତସରକାର ହ୍ୱାଟସଆପ୍ ଙ୍କୁ  ଯେଉଁ ବିବରଣୀ ମାଗିଛନ୍ତି ତା’ଦ୍ୱାରା ସାଧାରଣ ୟୁଜରସ ଙ୍କ ଉପରେ କୈାଣସି ପ୍ରଭାବ ପଡିବନାହିଁ ।

ଦ୍ୱାଦଶ ଶ୍ରେଣୀ ପରୀକ୍ଷା ନେଇ ଶୁଣାଣିକୁ ସ୍ଥଗିତ ରଖିଲେ ସୁପ୍ରିମକୋର୍ଟ: ମେ’ ୩୧ରେ ପରବର୍ତ୍ତୀ ଶୁଣାଣି

ନୂଆଦିଲ୍ଲୀ: ଦ୍ୱାଦଶ ଶ୍ରେଣୀ ପରୀକ୍ଷା ନେଇ ଦାୟର ଯାଚିକର ଶୁଣାଣିକୁ ସ୍ଥଗିତ ରଖିଲେ ମାନ୍ୟବର ସୁପ୍ରିମକୋର୍ଟ । କେନ୍ଦ୍ର ସରକାର ଖୁବ୍‌ ଶୀଘ୍ର ସିବିଏସ୍‌ଇ ଦ୍ୱାଦଶ ଶ୍ରେଣୀ ପରୀକ୍ଷା ନେଇ ନିଷ୍ପତ୍ତି ଗ୍ରହଣ କରି ପାରନ୍ତି ବୋଲି ଜାଣିବା ପରେ ୨୦୨୧ ‘ସିବିଏସ୍‌ଇ’ ଦ୍ବାଦଶ ଶ୍ରେଣୀ ପରୀକ୍ଷା ବାତିଲ କରାଇବା ନିମନ୍ତେ ଦାଖଲ ହୋଇଥିବା ଆବେଦନର ଶୁଣାଣିକୁ ଆଜି ସୁପ୍ରିମ୍‌ କୋର୍ଟ ସ୍ଥଗିତ ରଖିଛନ୍ତି । ତଥାପି ମେ’ ୩୧ ତାରିଖ ଦିନ ଉକ୍ତ ଆବେଦନର ଶୁଣାଣି ପାଇଁ ସୁପ୍ରିମ୍ କୋର୍ଟ ଦିନ ଧାର୍ଯ୍ୟ କରିଛନ୍ତି।

ସାରା ଦେଶରେ କରୋନାର ଦ୍ୱିତୀୟ ପ୍ରବାହ ଦ୍ରୁତଗତି ବଢ଼ି ଚାଲିଥିବା ବେଳେ କୋଭିଡ୍‌-୧୯ ସଂକ୍ରମଣ ବୃଦ୍ଧି ପାଇବା କାରଣରୁ ଦ୍ବାଦଶ ଶ୍ରେଣୀ ପରୀକ୍ଷା ବାତିଲ କରିବା ଲାଗି ସରକାରଙ୍କୁ ନିର୍ଦେଶ ଦେବା ପାଇଁ ଦାଖଲ ହୋଇଥିବା ଆବେଦନର ମେ ୩୧ ତାରିଖ ଦିନ ଶୁଣାଣି କରିବେ ବୋଲି ସୁପ୍ରିମ୍ କୋର୍ଟ କହିଛନ୍ତି। ବିଚାରପତି ଏ. ଏମ୍‌. ଖାନୱିଲ୍‌କର୍‌ ଏବଂ ଦିନେଶ ମାହେଶ୍ବରୀଙ୍କୁ ନେଇ ଗଠିତ ଖଣ୍ଡପୀଠକୁ ଏହି ଆବେଦନ ଶୁଣାଣି ପାଇଁ ଆସିଥିଲା।

‘ସିବିଏସ୍‌ଇ’ ତରୁଫରୁ ଆସିଥିବା ଓକିଲ ଓ କେନ୍ଦ୍ର ସରକାରଙ୍କୁ ଏହି ଆବେଦନର ନକଲ ଦିଆଯାଇଛି କି, ନାହିଁ, ଖଣ୍ଡପୀଠ ଅଦାଲତ କାର୍ଯ୍ୟ ଆରମ୍ଭ ସମୟରେ ଆବେଦନକାରିଣୀ ମମତା ଶର୍ମାଙ୍କୁ ପଚାରିଥିଲେ। ସେମାନଙ୍କୁ ପିଟିସନ୍‌ର ନକଲ ଦିଆଯିବ ବୋଲି ଆବେଦନକାରିଣୀ କହିବାରୁ ଖଣ୍ଡପୀଠ କହିଲେ, ଆପଣ ପିଟିସନ୍‌ର ନକଲ ସେମାନଙ୍କୁ ଦିଅନ୍ତୁ। ଆମେ ସୋମବାର ଦିନ ଶୁଣାଣି କରିବୁ ବୋଲି ମାନ୍ୟବର କୋର୍ଟଙ୍କ ପକ୍ଷରୁ କୁହାଯାଇଛି ।