spot_img
Home Blog Page 5760

ସରିଲା ଲ୍ୟାଣ୍ଡଫଲ୍ ପ୍ରକ୍ରିୟା: ବାଲେଶ୍ୱରରୁ ମୟୂରଭଞ୍ଜ ଆଡ଼କୁ ମୁହାଁଇଛି ବାତ୍ୟା ‘ୟାସ୍’

ଭୁବନେଶ୍ୱର: ବାତ୍ୟା ‘ୟାସ୍’ର ସମ୍ପୂର୍ଣ୍ଣ ଲ୍ୟାଣ୍ଡଫଲ୍ ପ୍ରକ୍ରିୟା ଶେଷ ହୋଇଛି । ଏହା ଏବେ ସ୍ଥଳଭାଗରେ ଆଗକୁ ଆଗକୁ ମାଡ଼ି ଚାଲିଛି । ଫଳରେ ଭଦ୍ରକ, ବାଲେଶ୍ଵରର ବହାନଗା, ସଦର, ରେମୁଣାରେ ବର୍ଷା କମିଛି । କିନ୍ତୁ ନୀଳଗିରିରେ ବର୍ଷା ଓ ପବନ ବଢୁଛି । ତେବେ ଜଗତସିଂହପୁର, କେନ୍ଦ୍ରାପଡା, ଯାଜପୁରରେ ବଡ଼ ଧରଣଣ କ୍ଷୟକ୍ଷତି ହୋଇଥିବା କହିଛନ୍ତି ସ୍ୱତନ୍ତ୍ର ରିଲିଫ୍ କମିଶନର ପ୍ରଦୀପ କୁମାର ଜେନା । କିଛି ସ୍ଥାନରେ ଅଳ୍ପ ଗଛ ପଡ଼ିଥିବା ବେଳେ ଆଜି ରାତି ସୁଦ୍ଧା ସଫା ହୋଇଯିବ। ନୀଳଗିରିରେ ଅଧିକ ଗଛ ଭାଙ୍ଗିଛି । ମୟୂରଭଞ୍ଜ ଜିଲ୍ଲାପାଳ ବୁଢ଼ାବଲଙ୍ଗ ନଦୀ ପାଖରେ ସ୍ଥାନାନ୍ତରଣ ଚଳାଇଛନ୍ତି । ବାତ୍ୟା ୨ ଘଣ୍ଟା ଭିତରେ ବାଲେଶ୍ଵରରୁ ବାହାରି ମୟୁରଭଞ୍ଜରେ ପ୍ରବେଶ କରିବ। ୧୦୦ କି.ମିରୁ ଅଧିକ ବେଗରେ ପବନ ବହିଛି । ଶିମିଳିପାଳ ରେଞ୍ଜରେ ବାତ୍ୟାର ସ୍ଥିତି ଅନୁଧ୍ୟାନ କରାଯାଉଛି। ବାଲେଶ୍ଵରରେ ଗୋଟାଏ ଯୁବକଙ୍କୁ ବାତ୍ୟା ଆଶ୍ରୟସ୍ଥଳୀରୁ ଯିବାକୁ ବାରଣ କରାଯିବା ସତ୍ତ୍ୱେ ସେ ବାହାରିଥିଲେ । ଏବଂ ବାଟରେ ତାଙ୍କ ଉପରେ ଗଛ ପଡ଼ିଥିବା ସୂଚନା ମିଳିଛି । ଏ ନେଇ ତହସିଲଦାର ସବିଶେଷ ସୂଚନା ଦେବେ । ସେହିଭଳି କେନ୍ଦୁଝରରେ ଲୋକଙ୍କ ଉପରେ ଗଛ ପଡ଼ିଥିବା ସୂଚନା ରହିଛି ଏ ନେଇ ଜିଲ୍ଲାପାଳ ରିପୋର୍ଟ ଦେବେ । ବହୁତ ଗାଁରେ ପାଣି ପଶିଛି । ୪ ମିଟର ପାଣି ଆସିଛି । ବହନଗା, ରେମୁଣା, ବାଲେଶ୍ଵର ସଦର, ଧାମରାରେ ପାଣି ପଶିଛି । ଦିନେ ଦୁଇ ଦିନ ଭିତରେ କ୍ଷତି ହିସାବ ଜଣାପଡ଼ିବ। ପାଣି ଘେରରେ ଥିବା ଲୋକଙ୍କ ପାଇଁ ୩ ଦିନ ପାଇଁ ରନ୍ଧା ଖାଦ୍ୟ ଦେଇପାରିବେ ଜିଲ୍ଲାପାଳ । ତେବେ କେଉଁଠି ବି ମୋବାଇଲ ସେବା ଠପ୍ ହୋଇନଥିବା କହିଛନ୍ତି ଏସ୍ଆରସି ।

ଏଥିସହିତ ପଢ଼ନ୍ତୁ: ଲ୍ୟାଣ୍ଡଫଲ୍ ସମୟରେ ଘଣ୍ଟା ପ୍ରତି ପବନର ବେଗ ସର୍ବାଧିକ ୧୫୦ କିଲୋମିଟର ରହିବ

IMAର ବାବା ରାମଦେବଙ୍କୁ ନୋଟିସ,କ୍ଷମା ନମାଗିଲେ ୧୦୦୦ କୋଟିର ମାନହାନୀ ମାମଲା

ନୂଆଦିଲ୍ଲୀ: ଯୋଗଗୁରୁ ସ୍ୱାମୀ ରାମଦେବ ଓ ଇଣ୍ଡିଆନ୍ ମେଡିକାଲ ଆସୋସିଏସନ ମଧ୍ୟରେ ଚାଲିଥିବା ବିବାଦ ଥମିବାର ନାମ ନେଉନାହିଁ । ଡାକ୍ତରଙ୍କ ବିରୋଧରେ ବିବାଦିତ ବୟାନକୁ ନେଇ ଆଇଏମଏ ରାମଦେବଙ୍କୁ ମାନହାନୀ ନୋଟିସ ପଠାଇଛି । ବାବା ରାମଦେବ ଯଦି ୧୫ ଦିନ ମଧ୍ୟରେ ନିଜ ବୟାନ ପାଇଁ କ୍ଷମା ମାଗନ୍ତି ନାହିଁ ତେବେ ତାଙ୍କ ବିରୋଧରେ ଏକ ହଜାର କୋଟି ଟଙ୍କାର ମାନହାନୀ ମାମଲା ଦାଏର କରିବାକୁ ସଂଘ ଧମକ ଦେଇଛି

ନୋଟିସରେ କୁହାଯାଇଛି ଯେ, ବାବା ରାମଦେବଙ୍କ ବୟାନ କାରଣରୁ ଡାକ୍ତରଙ୍କ ପ୍ରତି ଲୋକଙ୍କ ମନରେ ସନ୍ଦେହ ସୃଷ୍ଟି ହୋଇଛି ।ନୋଟିସରେ ବୟାନକୁ ଅପରାଧ ଭାବେ କୁହାଯାଇ ଏଥିପାଇଁ ସଜ୍ଜା ଓ ଜରିମାନା କଥା ଉଲ୍ଲେଖ କରାଯାଇଛି । ନୋଟିସରେ ଆଇଏମଏ ସ୍ପଷ୍ଟ ଶବ୍ଦରେ ବାବାଙ୍କୁ ତାଙ୍କ ବୟାନ ପାଇଁ ନୋଟିସ ପାଇବାର ୧୫ ଦିନ ମଧ୍ୟରେ କ୍ଷମା ମାଗିବାକୁ କୁହାଯାଇଛି । କ୍ଷମା ନମାଗିଲେ ସଂଘ ତାଙ୍କ ବିରୋଧରେ ଏକ ହଜାର କୋଟି ଟଙ୍କାର ମାନହାନୀ ମକଦ୍ଦମା କରିବ ବୋଲି କହିଛି

ଏଥିସହିତ ପଢ଼ନ୍ତୁ: କେନ୍ଦ୍ର ସରକାରଙ୍କ ବିରୋଧରେ ଅଦାଲତରେ ପହଞ୍ଚିଲା ହ୍ୱାଟସଆପ୍

ଆଇଏମଏ ସ୍ୱାମୀ ରାମଦେବଙ୍କ ପତଞ୍ଜଳୀ କମ୍ପାନୀର ଶ୍ୱାସରି କରୋନିଲ କିଟକୁ ନେଇ ମଧ୍ୟ ଆପତ୍ତି କରିଛି । ସଂଗଠନ ରାମଦେବଙ୍କୁ କହିଛି ଯେ, ଏହି ସୂଚନା ମିଳିବାର ୭୬ ଘଣ୍ଟା ମଧ୍ୟରେ କୋରୋନିଲ୍ କିଟ୍ ସହିତ ଜଡିତ ସମସ୍ତ ବିଜ୍ଞାପନ ଫେରାଇ ନିଅନ୍ତୁ । କରୋନା ଟିକା ନେବା ପରେ ଉତ୍ପନ ପାର୍ଶ୍ୱପ୍ରତିକ୍ରିୟା ଦୂର କରିବାରେ ଏହି କିଟ୍ ସହାୟକ ବୋଲି ବିଜ୍ଞାପନରେ ଦାବି କରାଯାଉଛି । କୋରୋନିଲ କିଟକୁ ନେଇ ବାବା ରାମଦେବ ଓ ତାଙ୍କ କମ୍ପାନୀ ଭ୍ରମପୂର୍ଣ୍ଣ ପ୍ରଚାର କରୁଛନ୍ତି ବୋଲି ଆଇଏମଏ ଅଭିଯୋଗ କରିଛି ।

 

କେନ୍ଦ୍ର ସରକାରଙ୍କ ବିରୋଧରେ ଅଦାଲତରେ ପହଞ୍ଚିଲା ହ୍ୱାଟସଆପ୍

ନୂଆଦିଲ୍ଲୀ: ଫେସବୁକ ମାଲିକାନାରେ ଥିବା ହ୍ୱାଟ୍ସଆପ୍ ଭାରତ ସରକାରଙ୍କ ନୂଆ ଆଇଟି ଆଇନ ବିରୋଧରେ ଅଦାଲତଙ୍କ ଦ୍ୱାରସ୍ତ ହୋଇଛି । ନୂଆ ନିୟମ ଅନୁସାରେ ହ୍ୱାଟ୍ସଆପ୍ ଓ ଏହାଭଳି ଅନ୍ୟ ମେସେଜିଂ ଆପ କମ୍ପାନୀଙ୍କୁ ମେସେଜର ମୂଳଉତ୍ସ ବାବଦରେ ଜଣାଇବାକୁ ପଡିବ । ଅର୍ଥାତ ହ୍ୱାଟ୍ସଆପକୁ ଗୋଟିଏ ମେସେଜ ସର୍ବପ୍ରଥମେ କେଉଁଠାରୁ ପଠା ଯାଇଥିବା ତାହାର ସୂଚନା ରଖିବାକୁ ହେବ । ଏହି ନିୟମ ବିରୋଧରେ କମ୍ପାନୀ ମେ ୨୫ ତାରିଖରେ ଦିଲ୍ଲୀ ହାଇକୋର୍ଟରେ ଅପିଲ କରିଛି ।
ରୟଟର୍ସ ରିପୋର୍ଟ ଅନୁସାରେ ହ୍ୱାଟ୍ସଆପ୍ ମୁଖପାତ୍ର କହିଛନ୍ତି ଯେ, କୌଣସି ଚାଟକୁ ଏଭଳି ଟ୍ରେସ୍ କରିବା ହ୍ୱାଟ୍ସଆପରେ ପଠାଯାଇଥିବା ସବୁ ମେସେଜ୍ ଉପରେ ନଜର ରଖିବା ଭଳି ହେବ । ଏହା ଦ୍ୱାରା ଏଣ୍ଡ୍ ଟୁ ଏଣ୍ଡ୍ ଏନକ୍ରିପ୍ସନ ଲୋପ ପାଇଯିବ ଓ ଏହା ଲୋକଙ୍କ ବ୍ୟକ୍ତିଗତ ଅଧିକାରର ଉଲ୍ଲଂଘନ ହେବ ।
ମୁଖପାତ୍ର ଏହା ମଧ୍ୟ କହିଛନ୍ତି ଯେ, ଆମେ କୌଣସି ସୂଚନା ପାଇଁ ସରକାରଙ୍କ ବୈଧ ଅନୁରୋଧର ଯବାବ ଦେବୁ । ଲୋକଙ୍କୁ ସୁରକ୍ଷିତ ରଖିବା ପାଇଁ ଆମେ ଭାରତ ସରକାରଙ୍କ ସହିତ ଆଲୋଚନା ଜାରି ରଖିବୁ ।
ନୂଆ ଆଇନ ଅନୁସାରେ ହ୍ୱାଟ୍ସଆପକୁ ସେହି ବ୍ୟକ୍ତିଙ୍କ ସୂଚନା ସରକାରଙ୍କୁ ଦେବାକୁ ପଡିବ ଯେଉଁମାନ ବେଆଇନ୍ କାର୍ଯ୍ୟ ପାଇଁ ହ୍ୱାଟ୍ସଆପକୁ ବ୍ୟବହାର କରୁଛନ୍ତି । ତେବେ କମ୍ପାନୀର କହିବା ହେଉଛି ଏମିତି କରି ହେବନାହିଁ କାରଣ ହ୍ୱାଟ୍ସଆପରେ ମେସେଜ୍ ଏଣ୍ଡ୍ ଟୁ ଏଣ୍ଡ୍ ଏନକ୍ରିପ୍ଟେଡ୍ । ଏଭଳି ସୂଚନା ଦେବାର ଅର୍ଥ ଏଣ୍ଡ୍ ଟୁ ଏଣ୍ଡ୍ ଏନକ୍ରିପ୍ସନର ଅନ୍ତ ।

ନୂଆ ନିୟମ କ’ଣ ?
ନୂଆ ଗାଇଡ୍ ଲାଇନ୍ ଅନୁସାରେ ଫେସବୁକ୍,ଟ୍ୱିଟର,ଇନଷ୍ଟାଗ୍ରାମ ଭଳି ସୋସିଆଲ ମିଡିଆ ପ୍ଲାଟଫର୍ମଙ୍କୁ ଜଣେ ଅଭିଯୋଗ ଅଧିକାରୀ,ଜଣେ ମୁଖ୍ୟ ଅନୁପାଳନ ଅଧିକାରୀ ଓ ଜଣେ ନୋଡାଲ କଣ୍ଟାକ୍ଟ୍ ଅଧିକାରୀଙ୍କୁ ନିଯୁକ୍ତ କରିବାକୁ ପଡିବ । ଗାଇଡ୍ ଲାଇନର ଅନ୍ତିମ ତିଥି ଆଜି ଅର୍ଥାତ ୨୭ ମେ’ରେ ଶେଷ ହେଉଛି । ତେବେ ଏପର୍ଯ୍ୟନ୍ତ ଭାରତ ସରକାରଙ୍କ ଆଦେଶ ଅନୁସାରେ କୌଣସି ଗୋଟିଏ ମଧ୍ୟ ସୋସିଆଲ ମିଡିଆ ପ୍ଲାଟଫର୍ମ ଏଭଳି ନିଯୁକ୍ତି କରିନାହାନ୍ତି । ଯଦି କମ୍ପାନୀ ଏହି ନିୟମକୁ ପାଳନ କରିବାରେ ବିଫଳ ହୁଅନ୍ତି ତେବେ ସେମାନଙ୍କ ବିରୋଧରେ ଅପରାଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ପାରିବ ।
ନୂଆ ଆଇନ ଅନୁସାରେ ସୋସିଆଲ ମିଡିଆ ଆପ୍ ଉପରେ ନଜର ରଖିବାକୁ ଏକ କମିଟି ଗଠିତ ହେବ । ଏହି କମିଟିରେ ପ୍ରତିରକ୍ଷା,ବୈଦେଶିକ ବିଭାଗ,ସ୍ୱରାଷ୍ଟ୍ର ମନ୍ତ୍ରଣାଳୟ,ସୂଚନା ଓ ପ୍ରସାରଣ ମନ୍ତ୍ରଣାଳୟ,ଆଇନ,ସୂଚନା ପ୍ରଯୁକ୍ତି ଓ ଶିଶୁ ବିକାଶ ମନ୍ତ୍ରଣାଳୟର ପ୍ରତିନିଧି ସାମିଲ ଅଛନ୍ତି । ଆଚାରଣ ସଂହିତା ଉଲ୍ଲଂଘନ ସ୍ଥିତିରେ କମିଟି ଏହାର ଶୁଣାଣି କରିପାରିବ । ଏହା ମଧ୍ୟ ନିଜ ଆଡୁ ମାମଲା ରୁଜ୍ଜ କରିପାରିବ ।

ଏଥିସହିତ ପଢ଼ନ୍ତୁ: ଲ୍ୟାଣ୍ଡଫଲ୍ ସମୟରେ ଘଣ୍ଟା ପ୍ରତି ପବନର ବେଗ ସର୍ବାଧିକ ୧୫୦ କିଲୋମିଟର ରହିବ

ଶାନ୍ତି ହୋଇ ପୁଣି ବହିବ ଦ୍ୱିତୀୟ ପର୍ଯ୍ୟାୟ ପବନ: ‘ବାତ୍ୟା ସରିଗଲା ବୋଲି ଭାବିବେନାହିଁ’

ଭୁବନେଶ୍ୱର: ବାତ୍ୟା ସମୟରେ ଗୋଟିଏ ଦଲକାରେ ସବୁ ପବନ ଯାଏଁ ନାହିଁ । ପବନର ବେଗ ଟିକେ ସ୍ଥିର ହୋଇଯାଇପାରେ । ପରେ ବଡ଼ ଧରଣ ଦଲକା ପବନ ଆସିବ । ଏଣୁ ଏହି ସମୟରେ ବାତ୍ୟା ସରଗଲା ଭାବି କେହିଁ ବାହାରକୁ ବାହାରନ୍ତୁ ନାହିଁ । ଦ୍ୱିତୀୟ ପର୍ଯ୍ୟାୟରେ ଯେଉଁ ଦଲକା ପବନ ବହିବ ତାହା ଅତି ଭୟଙ୍କର ହେବ । ଅଧିକ କ୍ଷୟକ୍ଷତି ଘଟିବ । ପ୍ରଥମ ଦଲକା ପବନ ପରେ ବାତ୍ୟାର ଆଖି ଗତି କରିବ ଏଣୁ ପବନ ବହିବା ପାଖାପାଖି ଅଧଘଣ୍ଟାରୁ ୪୫ ମିନିଟ ଯାଏଁ  କମିଯାଇପାରେ । ଏବଂ ଏହି ସମୟରେ ଖରା ମଧ୍ୟ ଦେଖାଯାଇପାରେ । କିନ୍ତୁ ବାତ୍ୟା ସରିଗଲା ବୋଲି ଭାବିବେନାହିଁ ଏବଂ ଘରୁ କିମ୍ୱା ସୁରକ୍ଷିତ ସ୍ଥାନରୁ ବାହାରିବେ ନାହିଁ ବୋଲି କହିଛନ୍ତି ସ୍ୱତନ୍ତ୍ର ରିଲିଫ୍ କମିଶନର ପ୍ରଦୀପ ଜେନା ।  କିଛି ସମୟ ପବନ ବହିବା ବନ୍ଦ ହେବା ପରେ ପୁଣି ଅତି ଭୟଙ୍କର ଭାବେ ବିପରିତ ଦିଗରୁ ପବନ ବହିବ ଏବଂ ବ୍ୟାପକ କ୍ଷୟକ୍ଷତି ଘଟିବ । ପ୍ରାୟ ୧ ଘଣ୍ଟାରୁ ଊର୍ଦ୍ଧ୍ୱ ସମୟ ପାଇଁ ଏଭଳି ପବନ ବହିବ ବୋଲି କହିଛନ୍ତି ଏସ୍ଆରସି ।

ଲ୍ୟାଣ୍ଡଫଲ୍ ସମୟରେ ଘଣ୍ଟା ପ୍ରତି ପବନର ବେଗ ସର୍ବାଧିକ ୧୫୦ କିଲୋମିଟର ରହିବ

ନୂଆଦିଲ୍ଲୀ: ଲ୍ୟାଣ୍ଡଫଲ୍ ସମୟରେ ପବନର ବେଗ ଘଣ୍ଟା ପ୍ରତି ୧୩୦ରୁ ୧୪୦ କି.ମି ରହିବ । ବେଳେ ୧୫୦ କିମି ବେଗରେ ପବନର ଝଟ୍‌କା ଲାଗିପାରେ । ପବନର ଏହି ବେଗ ଆଗାମୀ ୩ରୁ ୪ ଘଣ୍ଟା ଯାଏଁ ରହିବ । ସ୍ଥଳଭାଗ ଛୁଇଁଲା ପରେ ପବନରେ ବେଗ କମିବାରେ ଲାଗିବ । ଆସନ୍ତାକାଲି ବେଳକୁ ପବନର ବେଗ ହ୍ରାସ୍ ଘଟିବ । ବାଲେଶ୍ୱର ଓ ଭଦ୍ରକରେ ବର୍ତ୍ତମାନ ୧୩୦ରୁ ୧୪୦ ବେଗରେ ପବନ ବହୁଥିବା ବେଳେ ଝଟକା ପବନର ବେଗ ଘଣ୍ଟା ପ୍ରତି ୧୫୦ କିଲୋମିଟର ରହିବ । କେନ୍ଦ୍ରାପଡ଼ା ଓ ଜଗତସିଂହପୁର ଜିଲ୍ଲାରେ ପବନ ବେଗ ଅପେକ୍ଷାକୃତ କମ୍ ରହିବ ।  କେନ୍ଦୁଝର, ଉତ୍ତର ଓ ଆଭ୍ୟନ୍ତରୀଣ ଓଡ଼ିଶାରେ ଘଣ୍ଟା ପ୍ରତି ପବନର ବେଗ ଘଣ୍ଟା ପ୍ରତି ୬୦-୯୦ କିଲୋମିଟର ରହିବ । ତେବେ ବାତ୍ୟା ପ୍ରଭାବରେ ଆଭ୍ୟନ୍ତରୀଣ ଓଡ଼ିଶା ଓ ଉତ୍ତର ଓଡ଼ିଶାରେ ପ୍ରବଳରୁ ଅତି ପ୍ରବଳ ବର୍ଷା ହେବ ବୋଲି କହିଛନ୍ତି ଭାରତୀୟ ପାଣିପାଗ ବିଭାଗ ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର । ତେବେ ଲ୍ୟାଣ୍ଡଫଲ୍ କଲା ପରେ ବାତ୍ୟା ‘ୟାସ୍’ ଦୁର୍ବଳ ହେବା ସହ ଝାରଖଣ୍ଡ ମୁହାଁ ହେବ । ବର୍ତ୍ତମାନର ଲ୍ୟାଣ୍ଡଫଲ୍ ସମୟରେ ଲୋକେ ଧୌର୍ଯ୍ୟ ଧରିବା ସହ  ଘରେ ରହିବା ପାଇଁ ଲୋକଙ୍କୁ ନିବେଦନ କରିଛନ୍ତି ଆଇଏମ୍‌ଡି ଡିଜି ମୃତ୍ୟୁଞ୍ଜୟ ମହାପାତ୍ର ।

https://www.youtube.com/watch?v=epdFGxwUHaU

ଏଥିସହିତ ପଢ଼ନ୍ତୁ ନୀଳଗିରି ଅଞ୍ଚଳରେ ବାତ୍ୟା ବିତ୍ପାତ: ଘର ଉପରେ ଭାଙ୍ଗି ପଡ଼ିଲା ଗଛ

ନୀଳଗିରି ଅଞ୍ଚଳରେ ବାତ୍ୟା ବିତ୍ପାତ: ଘର ଉପରେ ଭାଙ୍ଗି ପଡ଼ିଲା ଗଛ

ନୀଳଗିରି: ବାତ୍ୟା ‘ୟାସ୍’ର ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ ହୋଇସାରିଥିବା ବେଳେ ଏହାର ପ୍ରଭାବରେ ପବନର ବେଗ ଅଧିକରୁ ଅଧିକ ହେବାରେ ଲାଗିଥିବା ବେଳେ ବର୍ଷାର ପରିମାଣ ମଧ୍ୟ ବଢ଼ିବାରେ ଲାଗିଛି । ପ୍ରବଳ ବର୍ଷା ଓ ପବନ ଯୋଗୁଁ ବିଭିନ୍ନ ସ୍ଥାନରେ ଗଛ ଭାଙ୍ଗି ପଡ଼ିଯିବା ଯୋଗୁଁ ରାସ୍ତା ଅବରୋଧ ହୋଇପଡ଼ିଛି ତ ଆଉ କେଉଁଠି ଘର ଉପରେ ଗଛ ଭାଙ୍ଗି ପଡ଼ିଛି । ନୀଳଗିରି ଉପଖଣ୍ଡ ଅନେକ ଗାଁ ଏବେ ଜଳମଗ୍ନ ।ଔପଦା ବ୍ଲକ୍ ଜୁରିଆପାଟଣା ଗାଁରେ ଡ୍ରେନର ସୁବିଧା ନଥିବାରୁ ରାସ୍ତାରେ ପାଣି ମାଡ଼ିବା ସହ ଧିରେ ଧିରେ ଘର ମଧ୍ୟ ବୁଡ଼ିବାରେ ଲାଗିଛି। ବିଶେଷକରି ନୀଳଗିରି ଉପଖଣ୍ଡ ଅଞ୍ଚଳ ଦ୍ୱାରିକା, ଗୋଡ଼ିଖଳା, ଜୁଆରିପାଟଣା, ଗୋପ, ଆଦି ଅଞ୍ଚଳରେ ବ୍ୟାପକ କ୍ଷୟକ୍ଷତି ଚିତ୍ର ସାମ୍ନାକୁଆସିଛି, ବାତ୍ୟା ‘ୟାସ୍’ର ପ୍ରଭାବ ବଢ଼ିବା ସହ ଲୋକେ ମଧ୍ୟ ଆତଙ୍କିତ ହୋଇପଡ଼ିଛନ୍ତି ।

ଏଥିସହିତ ପଢ଼ନ୍ତୁ: ବାତ୍ୟା ‘ୟାସ୍’ର ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ : ୪ ଫୁଟ ଉପରକୁ ଉଠିଲାଣି ସମୁଦ୍ର ଜୁଆର, ପବନର ଘଣ୍ଟାପ୍ରତି ବେଗ ୧୦୦ କି.ମି

https://www.youtube.com/watch?v=epdFGxwUHaU

ବାତ୍ୟା ‘ୟାସ୍’ର ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ : ୪ ଫୁଟ ଉପରକୁ ଉଠିଲାଣି ସମୁଦ୍ର ଜୁଆର, ପବନର ଘଣ୍ଟାପ୍ରତି ବେଗ ୧୦୦ କି.ମି

ବାଲେଶ୍ୱର: ବାତ୍ୟା ୟାସ୍‌ର ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ । ବାତ୍ୟା ୟାସ୍ ବାଲେଶ୍ୱର ଠାରୁ ଦକ୍ଷିଣ-ଦକ୍ଷିଣପୂର୍ବ ଦିଗରୁ ୫୦ କିଲୋମିଟର ଦୂରରେ ରହିଥିବା ବେଳେ ଏବେ ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ ହୋଇସାରିଛି । ଏହାର ପ୍ରଭାବରେ ପବନର ବେଗ ପ୍ରବଳରୁ ଅତି ପ୍ରବଳ ହୋଇଥିବା ବେଳେ ବର୍ଷାର ପରିମାଣ ମଧ୍ୟ ବଢ଼ିବାରେ ଲାଗିଛି ।

ପବନର ବେଗ ୧୦୦ରୁ ୧୨୦ କି.ମି ଥିବା ସୂଚନା । ସମୁଦ୍ର ଜୁଆର ମଧ୍ୟ କୂଳ ଲଙ୍ଘିବାରେ ଲାଗିଛି । ଆଜି ପୂର୍ଣ୍ଣିମା ହୋଇଥିବାରୁ ସମୁଦ୍ରରେ ଉଚ୍ଚା ଜୁଆର ମଧ୍ୟ ଦେଖିବାକୁ ମିଳିଛି । କିଛି କିଛି ଜାଗାରେ ଗଛ ଡ଼ାଳ ଭାଙ୍ଗି ପଡ଼ିଥିବା ବେଳେ ବିଦ୍ୟୁତ ସରବରାହ ବାଧାପ୍ରାପ୍ତ ହୋଇଛି । ଅପରପକ୍ଷରେ ଆନନ୍ଦପୁରରେ ଜଣେ ଲୋକଙ୍କ ଗଛ ପଡ଼ି ମୃତ୍ୟୁ ଘଟିଛି ।

ବାତ୍ୟାର ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ ହୋଇଥିବା ବେଳେ ୩-୪ ଘଣ୍ଟା ଯାଏଁ ଏହି ପ୍ରକ୍ରିୟା ଜାରି ରହିବ ବୋଲି ସୂଚିନା ଦେଇଛନ୍ତି । ଲ୍ୟାଣ୍ଡଫଲ୍ ସମୟ ବାତ୍ୟା ବେଳରୁ ସବୁଠାରୁ ଗୁରୁତ୍ୱପୂର୍ଣ୍ଣ ଏହି ସମୟରେ ହିଁ ସବୁଠାରୁ ଅଧିକ କ୍ଷୟକ୍ଷତି ଘଟିଥାଏ । ଏହି ସମୟରେ ଆଦୈ ଘରୁ ବାହାରିବା ଉଚିତ୍ ନୁହେଁ । ବାଲେଶ୍ୱର, ଭଦ୍ରକ ଓ ମୟୂରଭଞ୍ଜ ଏହାର ଅଧିକ ପ୍ରଭାବ ଦେଖାଯିବ ।

https://www.youtube.com/watch?v=epdFGxwUHaU

ଏଥିସହିତ ପଢ଼ନ୍ତୁ: ୫୦ କିଲୋମିଟର ଦୂରରେ ୟାସ, ୧୩୦ ରୁ ୧୪୦ ରହିବ ପବନର ବେଗ

ରାଜ୍ୟରେ ଆଉ ୧୧ ହଜାର ୬୨୩ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଅଧିକ ଟେଷ୍ଟିଂ ବଢ଼ାଉଛି ସଂକ୍ରମିତଙ୍କ ସଂଖ୍ୟା । ୨୪ ଘଣ୍ଟାରେ ଆଉ ୧୧ ହଜାର ୬୨୩ ପଜିଟିଭ୍ ଚିହ୍ନଟ । କ୍ୱାରେଣ୍ଟାଇନ୍‌ରୁ ୬୫୦୯, ଲୋକାଲ କେସ ୫୧୧୪, ଖୋର୍ଦ୍ଧାରୁ ସର୍ବାଧିକ ୨୦୨୧ ଆକ୍ରାନ୍ତ ଚିହ୍ନଟ । କଟକରୁ ୯୯୮, ଅନୁଗୁଳରୁ ୮୨୩, ସୁନ୍ଦରଗଡ଼ରୁ ୬୯୯, ଯାଜପୁରରୁ ୫୬୦, ବାଲେଶ୍ୱରରୁ ୫୦୮, ଭଦ୍ରକରୁ ୪୬୧, ଢେଙ୍କାନାଳରୁ ୪୪୧, କଳାହାଣ୍ଡିରୁ ୩୫୨, ଷ୍ଟେଟପୁଲରୁ ୩୩୮ । ୨୪ ଘଣ୍ଟାରେ ସୁସ୍ଥ ହେଲେ ଆଉ ୧୧ ହଜାର ୭୬୯ ଆକ୍ରାନ୍ତ । ମୋଟ ଆକ୍ରାନ୍ତଙ୍କ ସଂଖ୍ୟା ଛୁଇଁଲା ୭ ଲକ୍ଷ ୨୬ ହଜାର ୩ । ମେଟ ସୁସ୍ଥ ହେଲେଣି ୬ ଲକ୍ଷ ୧୨ ହଜାର ୯୯୩ । ଏବେବି ସାରା ରାଜ୍ୟରେ ୧ ଲକ୍ଷ ୧୦ ହଜାର ୩୭୩ ସକ୍ରିୟ ମାମଲା ।

https://www.youtube.com/watch?v=epdFGxwUHaU

ଏଥିସହିତ ପଢ଼ନ୍ତୁ: ନୀଳଗିରିରେ ବାତ୍ୟା ତାଣ୍ଡବ: ପବନ ବର୍ଷାରେ ଭାଙ୍ଗିଲା ଘର

ଆନନ୍ଦପୁରରେ ଅଘଟଣ: ଗଛ ପଡ଼ି ଜଣେ ମୃତ

ଆନନ୍ଦପୁର: ବାତ୍ୟା ‘ୟାସ୍’ ପୂର୍ବରୁ ଅଘଟଣ । ଆନନ୍ଦପୁର ବ୍ଳକ୍ ପଞ୍ଚୁପଲ୍ଲୀ ଗାଁରେ ଅଘଟଣ । ପ୍ରବଳ ପବନ ଯୋଗୁଁ ଗଛ ପଡ଼ି ଜଣେ ମୃତ । ମୃତ ଜଣଙ୍କ ହେଲେ ପୂର୍ଣ୍ଣଚନ୍ଦ୍ର ନାୟକ । ସୂଚନା ଯୋଗ୍ୟ, ସ୍ଥଳଭାଗ ଆଡ଼କୁ ମୁହାଁଇବାରେ ଲାଗିଛି ବାତ୍ୟା ‘ୟାସ୍’ ।  ଧାମରା ପାଖରୁ ବର୍ତ୍ତମାନ ବାତ୍ୟାର କେନ୍ଦ୍ରସ୍ଥଳ ୫୦ କିଲୋମିଟର ଦୂରରେ ରହିଥିବା କହିଛନ୍ତି ଜାତୀୟ ପାଣିପାଗ ନିର୍ଦେଶକ ମୃତ୍ୟୁଞ୍ଜୟ ମହାପାତ୍ର । ସେପଟେ ବାତ୍ୟା ଯେତେବେଳେ ସ୍ଥଳ ଭାଗ ଛୁଇଁବ, ଘଣ୍ଟାପ୍ରତି ୧୩୦ ରୁ ୧୪୦ କିଲୋମିଟର ବେଗରେ ପବନର ବେଗ ରହିବା ନେଇ ସୂଚନା ଦେଇଛନ୍ତି ଆଇଏମଡି ନିର୍ଦେଶକ ।

https://www.youtube.com/watch?v=epdFGxwUHaU

ଏବେ ପ୍ରବଳରୁ ଅତିପ୍ରବଳ ବର୍ଷା ଆରମ୍ଭ ହୋଇଗଲାଣି। ଆଉ କିଛି ସମୟ ଭିତରେ ଏହା ଲ୍ୟାଣ୍ଡଫଲ କରିପାରେ ବାତ୍ୟା ‘ୟାସ୍‌’। ରାଡାର ତଥ୍ୟ ଅନୁସାରେ ବାତ୍ୟାର କେନ୍ଦ୍ରବିନ୍ଦୁଠାରୁ ଏହା ୪୦୦ କିଲୋମିଟର ବ୍ୟାସ ଅଞ୍ଚଳ ମଧ୍ୟରେ ଯାଏ ଏହାର ପ୍ରଭାବ ରହିବ। ଅର୍ଥାତ୍‌ କେନ୍ଦ୍ରାପଡ଼ା, ଭଦ୍ରକ, ବାଲେଶ୍ଵର ଓ ମୟୂରଭଞ୍ଜ ଜିଲ୍ଲାରେ ଏହାର ପ୍ରଭାବ ଯଥେଷ୍ଟ ରହିବ। ଆସନ୍ତା କିଛି ଘଣ୍ଟା ଭିତରେ ଜଗତସିଂହପୁରରେ ବର୍ଷା ପବନ କମିବା ସମ୍ଭାବନା ରହିଥିବା ବେଳେ ବାଲେଶ୍ଵରରେ ସନ୍ଧ୍ୟା ଯାଏ ପବନ ଲାଗି ରହିବ ବୋଲି ଭାରତ ପାଣିପାଗ ବିଭାଗର ମହା ନିର୍ଦେଶକ ମୃତ୍ୟୁଞ୍ଜୟ ମହାପାତ୍ର କହିଛନ୍ତି ।

ଏଥିସହିତ ପଢ଼ନ୍ତୁ: ନୀଳଗିରିରେ ବାତ୍ୟା ତାଣ୍ଡବ: ପବନ ବର୍ଷାରେ ଭାଙ୍ଗିଲା ଘର

ପାଣିପାଗ ବିଭାଗର ତଥ୍ୟ ଅନୁସାରେ ଏବେ ବାଲେଶ୍ଵର ଉପକୂଳରେ ୮୦ କିଲୋମିଟର ବେଗରେ ପବନ ପ୍ରବାହିତ ହେଉଛି। ଯଦିଓ ଏହା ୧୬୫ କିଲୋମମିଟର ପବନ ହେବ ନାହିଁ କିନ୍ତୁ କିଛି ଘଣ୍ଟା ଭିତରେ ଏହି ପବନର ବେଗ ୧୩୦-୧୪୦ କିଲୋମିଟର ହେବା ଆଶଙ୍କା ରହିଛି। ସ୍ଥାନ ବିଶେଷରେ ଏହା ୧୫୦ କିଲୋମିଟରକୁ ଛୁଇଁପରେ ବୋଲି  ସ୍ପଷ୍ଟ କରିଛନ୍ତି। ଗତକାଲିର ଆକଳନ ଅନୁସାରେ ଆଜି ପ୍ରାତଃ ସମୟରେ ବାତ୍ୟା ଉପକୂଳ ଛୁଇଁବା ଆଶଙ୍କା ରହିଥିଲା। କିନ୍ତୁ ବାତ୍ୟାର କେନ୍ଦ୍ରସ୍ଥଳରେ ପବନ କମିବା ହେତୁ ତାହା ଧୀର ବେଗରେ ଗତି କରୁଛି। ପୂର୍ବାହ୍ନ ୧୦ଟାରୁ ୧୨ଟା ଭିତରେ ଏହା ଏବେ ସ୍ଥଳଭାଗ ଛୁଇଁବା ଆଶଙ୍କା ରହିଛି। ଆଜି ସକାଳ ୫ଟା ୩୦ ମିନିଟ୍‌ ସୁଦ୍ଧା ଚାନ୍ଦବାଲିରେ ସର୍ବାଧିକ ୨୩ ସେଣ୍ଟି ମିଟର ବର୍ଷା ରେକର୍ଡ଼ କରାଯାଇଛି।

୫୦ କିଲୋମିଟର ଦୂରରେ ୟାସ, ୧୩୦ ରୁ ୧୪୦ ରହିବ ପବନର ବେଗ

ଭୁବନେଶ୍ୱର: ବାତ୍ୟା ୟାସ ଉପକୂଳ ମୁହାଁ ହୋଇଛି । ଆସ୍ତେ ଆସ୍ତେ ଉପକୂଳ ନିକଟତର ହୋଇଛି । ଧାମରା ପାଖରୁ ବର୍ତ୍ତମାନ ବାତ୍ୟାର କେନ୍ଦ୍ରସ୍ଥଳ ୫୦ କିଲୋମିଟର ଦୂରରେ ରହିଥିବା କହିଛନ୍ତି ଜାତୀୟ ପାଣିପାଗ ନିର୍ଦେଶକ ମୃତ୍ୟୁଞ୍ଜୟ ମହାପାତ୍ର । ସେପଟେ ବାତ୍ୟା ଯେତେବେଳେ ସ୍ଥଳ ଭାଗ ଛୁଇଁବ, ଘଣ୍ଟାପ୍ରତି ୧୩୦ ରୁ ୧୪୦ କିଲୋମିଟର ବେଗରେ ପବନର ବେଗ ରହିବା ନେଇ ସୂଚନା ଦେଇଛନ୍ତି ଆଇଏମଡି ନିର୍ଦେଶକ ।

ଏବେ ପ୍ରବଳରୁ ଅତିପ୍ରବଳ ବର୍ଷା ଆରମ୍ଭ ହୋଇଗଲାଣି। ଆଉ କିଛି ସମୟ ଭିତରେ ଏହା ଲ୍ୟାଣ୍ଡଫଲ କରିପାରେ ବାତ୍ୟା ‘ୟାସ୍‌’। ରାଡାର ତଥ୍ୟ ଅନୁସାରେ ବାତ୍ୟାର କେନ୍ଦ୍ରବିନ୍ଦୁଠାରୁ ଏହା ୪୦୦ କିଲୋମିଟର ବ୍ୟାସ ଅଞ୍ଚଳ ମଧ୍ୟରେ ଯାଏ ଏହାର ପ୍ରଭାବ ରହିବ। ଅର୍ଥାତ୍‌ କେନ୍ଦ୍ରାପଡ଼ା, ଭଦ୍ରକ, ବାଲେଶ୍ଵର ଓ ମୟୂରଭଞ୍ଜ ଜିଲ୍ଲାରେ ଏହାର ପ୍ରଭାବ ଯଥେଷ୍ଟ ରହିବ। ଆସନ୍ତା କିଛି ଘଣ୍ଟା ଭିତରେ ଜଗତସିଂହପୁରରେ ବର୍ଷା ପବନ କମିବା ସମ୍ଭାବନା ରହିଥିବା ବେଳେ ବାଲେଶ୍ଵରରେ ସନ୍ଧ୍ୟା ଯାଏ ପବନ ଲାଗି ରହିବ ବୋଲି ଭାରତ ପାଣିପାଗ ବିଭାଗର ମହା ନିର୍ଦେଶକ ମୃତ୍ୟୁଞ୍ଜୟ ମହାପାତ୍ର କହିଛନ୍ତି ।

ପାଣିପାଗ ବିଭାଗର ତଥ୍ୟ ଅନୁସାରେ ଏବେ ବାଲେଶ୍ଵର ଉପକୂଳରେ ୮୦ କିଲୋମିଟର ବେଗରେ ପବନ ପ୍ରବାହିତ ହେଉଛି। ଯଦିଓ ଏହା ୧୬୫ କିଲୋମମିଟର ପବନ ହେବ ନାହିଁ କିନ୍ତୁ କିଛି ଘଣ୍ଟା ଭିତରେ ଏହି ପବନର ବେଗ ୧୩୦-୧୪୦ କିଲୋମିଟର ହେବା ଆଶଙ୍କା ରହିଛି। ସ୍ଥାନ ବିଶେଷରେ ଏହା ୧୫୦ କିଲୋମିଟରକୁ ଛୁଇଁପରେ ବୋଲି  ସ୍ପଷ୍ଟ କରିଛନ୍ତି। ଗତକାଲିର ଆକଳନ ଅନୁସାରେ ଆଜି ପ୍ରାତଃ ସମୟରେ ବାତ୍ୟା ଉପକୂଳ ଛୁଇଁବା ଆଶଙ୍କା ରହିଥିଲା। କିନ୍ତୁ ବାତ୍ୟାର କେନ୍ଦ୍ରସ୍ଥଳରେ ପବନ କମିବା ହେତୁ ତାହା ଧୀର ବେଗରେ ଗତି କରୁଛି। ପୂର୍ବାହ୍ନ ୧୦ଟାରୁ ୧୨ଟା ଭିତରେ ଏହା ଏବେ ସ୍ଥଳଭାଗ ଛୁଇଁବା ଆଶଙ୍କା ରହିଛି। ଆଜି ସକାଳ ୫ଟା ୩୦ ମିନିଟ୍‌ ସୁଦ୍ଧା ଚାନ୍ଦବାଲିରେ ସର୍ବାଧିକ ୨୩ ସେଣ୍ଟି ମିଟର ବର୍ଷା ରେକର୍ଡ଼ କରାଯାଇଛି।

ସେପଟେ ବାତ୍ୟା ଲ୍ୟାଣ୍ଡ ଫଲ କରିବା ସମୟରେ ସାଧାରଣ ଲୋକେ ସୁରକ୍ଷିତ ସ୍ଥାନରେ ରହିବାର ଆବଶ୍ୟକତା ରହିଛି । ଆସ୍ତେ ଆସ୍ତେ ପବନର ବେଗ ବଢିବ । ତେଣୁ ଗଛ ଭାଙ୍ଗିବା ସହ ବିଦ୍ୟୁତ ଖୁଣ୍ଟି, କଚ୍ଚା ଘର ମଧ୍ୟ ଭାଙ୍ଗିପାରେ ବୋଲି କହିଛନ୍ତି ମୃତ୍ୟୁଞ୍ଜୟ ମହାପାତ୍ର । ସ୍ଥଳଭାଗ ଛୁଇଁବା ସମୟରେ ଏବଂ ଅତିକ୍ରାନ୍ତ କରିବା ପରେ ମଧ୍ୟ ସତର୍କତା ରହିବାର ଆବଶ୍ୟକତା ରହିଛି ।

ଏବେ ରାଜ୍ୟର ବିଭିନ୍ନ ଉପକୂଳରେ ସମୂଦ୍ରରେ ଉଚ୍ଚ ଲହଡ଼ି ଦେଖିବାକୁ ମିଳୁଛି। ବାଲେଶ୍ଵର ଓ ଭଦ୍ରକ ଅଞ୍ଚଳରେ ୩ରୁ ୪ ମିଟର ଉପରେ ଲହଡ଼ି ଆସୁଥିବା ଲକ୍ଷ୍ୟ କରାଯାଇଛି। ଏହି ସମୟ ଯଥେଷ୍ଟ ବିପଦପୂଣ୍ଣ ଥିବାରୁ ଲୋକଙ୍କୁ ବାହାରକୁ ଯିବା ଲାଗି ବାରଣ କରାଯାଇଛି ବିଭିନ୍ନ ସ୍ଥାନରେ ରାଜ୍ୟ ସରକାରଙ୍କ ଟିମ୍‌ ଉଦ୍ଧାର, ଥଇଥାନ ଏବଂ ରାସ୍ତାଘାଟ ସଫା କରିବା କାର୍ଯ୍ୟରେ ନିୟୋଜିତ ରହିଛନ୍ତି।

ବାତ୍ୟା ୧୧ଟା ମଧ୍ୟରେ ଓଡିଶା ଉପକୂଳ ଛୁଇଁବ । ବାସୁଦେବପୁର ଏବଂ ବାହାନାଗା ମଧ୍ୟରେ ୟାସ ସ୍ଥଳଭାଗ ଅତିକ୍ରମ କରିବା ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ । ପୂର୍ବରୁ ୧୫୫ କିମି ପରେ ପବନର ବେଗ ରିହାବା ନେଇ ପୂର୍ବାନୁମାନ କରାଯାଇଥିବାବେଳେ ବର୍ତ୍ତମାନ ୧୩୦ରୁ ୧୪୦ କିମି ପରେ ରହିବ ବୋଲି କହିଛନ୍ତି ଜାତୀୟ ପାଣିପାଗ ନିର୍ଦେଶକ ମୃତ୍ୟୁଞ୍ଜୟ ମହାପାତ୍ର  । ସେପଟେ ବାତ୍ୟାର ମୁକାବିଲା ପାଇଁ ରାଜ୍ୟ ସରକାର ସମସ୍ତ ପ୍ରସ୍ତୁତି କରିଥିବା କହିଛନ୍ତି ଏସଆରସି ପ୍ରଦୀପ ଜେନା ।