spot_img
Home Blog Page 5761

୫୦ କିଲୋମିଟର ଦୂରରେ ୟାସ, ୧୩୦ ରୁ ୧୪୦ ରହିବ ପବନର ବେଗ

ଭୁବନେଶ୍ୱର: ବାତ୍ୟା ୟାସ ଉପକୂଳ ମୁହାଁ ହୋଇଛି । ଆସ୍ତେ ଆସ୍ତେ ଉପକୂଳ ନିକଟତର ହୋଇଛି । ଧାମରା ପାଖରୁ ବର୍ତ୍ତମାନ ବାତ୍ୟାର କେନ୍ଦ୍ରସ୍ଥଳ ୫୦ କିଲୋମିଟର ଦୂରରେ ରହିଥିବା କହିଛନ୍ତି ଜାତୀୟ ପାଣିପାଗ ନିର୍ଦେଶକ ମୃତ୍ୟୁଞ୍ଜୟ ମହାପାତ୍ର । ସେପଟେ ବାତ୍ୟା ଯେତେବେଳେ ସ୍ଥଳ ଭାଗ ଛୁଇଁବ, ଘଣ୍ଟାପ୍ରତି ୧୩୦ ରୁ ୧୪୦ କିଲୋମିଟର ବେଗରେ ପବନର ବେଗ ରହିବା ନେଇ ସୂଚନା ଦେଇଛନ୍ତି ଆଇଏମଡି ନିର୍ଦେଶକ ।

ଏବେ ପ୍ରବଳରୁ ଅତିପ୍ରବଳ ବର୍ଷା ଆରମ୍ଭ ହୋଇଗଲାଣି। ଆଉ କିଛି ସମୟ ଭିତରେ ଏହା ଲ୍ୟାଣ୍ଡଫଲ କରିପାରେ ବାତ୍ୟା ‘ୟାସ୍‌’। ରାଡାର ତଥ୍ୟ ଅନୁସାରେ ବାତ୍ୟାର କେନ୍ଦ୍ରବିନ୍ଦୁଠାରୁ ଏହା ୪୦୦ କିଲୋମିଟର ବ୍ୟାସ ଅଞ୍ଚଳ ମଧ୍ୟରେ ଯାଏ ଏହାର ପ୍ରଭାବ ରହିବ। ଅର୍ଥାତ୍‌ କେନ୍ଦ୍ରାପଡ଼ା, ଭଦ୍ରକ, ବାଲେଶ୍ଵର ଓ ମୟୂରଭଞ୍ଜ ଜିଲ୍ଲାରେ ଏହାର ପ୍ରଭାବ ଯଥେଷ୍ଟ ରହିବ। ଆସନ୍ତା କିଛି ଘଣ୍ଟା ଭିତରେ ଜଗତସିଂହପୁରରେ ବର୍ଷା ପବନ କମିବା ସମ୍ଭାବନା ରହିଥିବା ବେଳେ ବାଲେଶ୍ଵରରେ ସନ୍ଧ୍ୟା ଯାଏ ପବନ ଲାଗି ରହିବ ବୋଲି ଭାରତ ପାଣିପାଗ ବିଭାଗର ମହା ନିର୍ଦେଶକ ମୃତ୍ୟୁଞ୍ଜୟ ମହାପାତ୍ର କହିଛନ୍ତି ।

ପାଣିପାଗ ବିଭାଗର ତଥ୍ୟ ଅନୁସାରେ ଏବେ ବାଲେଶ୍ଵର ଉପକୂଳରେ ୮୦ କିଲୋମିଟର ବେଗରେ ପବନ ପ୍ରବାହିତ ହେଉଛି। ଯଦିଓ ଏହା ୧୬୫ କିଲୋମମିଟର ପବନ ହେବ ନାହିଁ କିନ୍ତୁ କିଛି ଘଣ୍ଟା ଭିତରେ ଏହି ପବନର ବେଗ ୧୩୦-୧୪୦ କିଲୋମିଟର ହେବା ଆଶଙ୍କା ରହିଛି। ସ୍ଥାନ ବିଶେଷରେ ଏହା ୧୫୦ କିଲୋମିଟରକୁ ଛୁଇଁପରେ ବୋଲି  ସ୍ପଷ୍ଟ କରିଛନ୍ତି। ଗତକାଲିର ଆକଳନ ଅନୁସାରେ ଆଜି ପ୍ରାତଃ ସମୟରେ ବାତ୍ୟା ଉପକୂଳ ଛୁଇଁବା ଆଶଙ୍କା ରହିଥିଲା। କିନ୍ତୁ ବାତ୍ୟାର କେନ୍ଦ୍ରସ୍ଥଳରେ ପବନ କମିବା ହେତୁ ତାହା ଧୀର ବେଗରେ ଗତି କରୁଛି। ପୂର୍ବାହ୍ନ ୧୦ଟାରୁ ୧୨ଟା ଭିତରେ ଏହା ଏବେ ସ୍ଥଳଭାଗ ଛୁଇଁବା ଆଶଙ୍କା ରହିଛି। ଆଜି ସକାଳ ୫ଟା ୩୦ ମିନିଟ୍‌ ସୁଦ୍ଧା ଚାନ୍ଦବାଲିରେ ସର୍ବାଧିକ ୨୩ ସେଣ୍ଟି ମିଟର ବର୍ଷା ରେକର୍ଡ଼ କରାଯାଇଛି।

ସେପଟେ ବାତ୍ୟା ଲ୍ୟାଣ୍ଡ ଫଲ କରିବା ସମୟରେ ସାଧାରଣ ଲୋକେ ସୁରକ୍ଷିତ ସ୍ଥାନରେ ରହିବାର ଆବଶ୍ୟକତା ରହିଛି । ଆସ୍ତେ ଆସ୍ତେ ପବନର ବେଗ ବଢିବ । ତେଣୁ ଗଛ ଭାଙ୍ଗିବା ସହ ବିଦ୍ୟୁତ ଖୁଣ୍ଟି, କଚ୍ଚା ଘର ମଧ୍ୟ ଭାଙ୍ଗିପାରେ ବୋଲି କହିଛନ୍ତି ମୃତ୍ୟୁଞ୍ଜୟ ମହାପାତ୍ର । ସ୍ଥଳଭାଗ ଛୁଇଁବା ସମୟରେ ଏବଂ ଅତିକ୍ରାନ୍ତ କରିବା ପରେ ମଧ୍ୟ ସତର୍କତା ରହିବାର ଆବଶ୍ୟକତା ରହିଛି ।

ଏବେ ରାଜ୍ୟର ବିଭିନ୍ନ ଉପକୂଳରେ ସମୂଦ୍ରରେ ଉଚ୍ଚ ଲହଡ଼ି ଦେଖିବାକୁ ମିଳୁଛି। ବାଲେଶ୍ଵର ଓ ଭଦ୍ରକ ଅଞ୍ଚଳରେ ୩ରୁ ୪ ମିଟର ଉପରେ ଲହଡ଼ି ଆସୁଥିବା ଲକ୍ଷ୍ୟ କରାଯାଇଛି। ଏହି ସମୟ ଯଥେଷ୍ଟ ବିପଦପୂଣ୍ଣ ଥିବାରୁ ଲୋକଙ୍କୁ ବାହାରକୁ ଯିବା ଲାଗି ବାରଣ କରାଯାଇଛି ବିଭିନ୍ନ ସ୍ଥାନରେ ରାଜ୍ୟ ସରକାରଙ୍କ ଟିମ୍‌ ଉଦ୍ଧାର, ଥଇଥାନ ଏବଂ ରାସ୍ତାଘାଟ ସଫା କରିବା କାର୍ଯ୍ୟରେ ନିୟୋଜିତ ରହିଛନ୍ତି।

ବାତ୍ୟା ୧୧ଟା ମଧ୍ୟରେ ଓଡିଶା ଉପକୂଳ ଛୁଇଁବ । ବାସୁଦେବପୁର ଏବଂ ବାହାନାଗା ମଧ୍ୟରେ ୟାସ ସ୍ଥଳଭାଗ ଅତିକ୍ରମ କରିବା ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ । ପୂର୍ବରୁ ୧୫୫ କିମି ପରେ ପବନର ବେଗ ରିହାବା ନେଇ ପୂର୍ବାନୁମାନ କରାଯାଇଥିବାବେଳେ ବର୍ତ୍ତମାନ ୧୩୦ରୁ ୧୪୦ କିମି ପରେ ରହିବ ବୋଲି କହିଛନ୍ତି ଜାତୀୟ ପାଣିପାଗ ନିର୍ଦେଶକ ମୃତ୍ୟୁଞ୍ଜୟ ମହାପାତ୍ର  । ସେପଟେ ବାତ୍ୟାର ମୁକାବିଲା ପାଇଁ ରାଜ୍ୟ ସରକାର ସମସ୍ତ ପ୍ରସ୍ତୁତି କରିଥିବା କହିଛନ୍ତି ଏସଆରସି ପ୍ରଦୀପ ଜେନା ।

ନୀଳଗିରିରେ ବାତ୍ୟା ତାଣ୍ଡବ: ପବନ ବର୍ଷାରେ ଭାଙ୍ଗିଲା ଘର

ବାଲେଶ୍ୱର: ବାତ୍ୟା ୟାସ ପ୍ରଭାବରେ ନୀଳଗିରି ଅଞ୍ଚଳରେ ପବନ ଧୀରେଧୀରେ ବଢ଼ିବାରେ ଲାଗିଛି । ବର୍ଷା ମଧ୍ୟ ଜାରି ରହିଛି । ସେପଟେ ବର୍ଷା ଏବଂ ପବନ ଫଳରେ ଘରଦ୍ୱାର ଭାଙ୍ଗିଥିବା ଭଳି ଚିତ୍ର ସାମ୍ନାକୁ ଆସିଛି । ନୀଳଗିରି ଅଯୋଧ୍ୟା ପଞ୍ଚାୟତ ଗୋପାଳପୁର ଗାଁରେ ଗୌରୀ ସିଂ ଙ୍କ ଘର ଭାଙ୍ଗିଯାଇଥିବା ଜଣା ପଡିଛି। ଘରଟି ସମୂର୍ଣ୍ଣ ଭାଙ୍ଗିଯାଇଥିବା ବେଳେ ପରିବାର ଲୋକେ ଅଳ୍ପକେ ବର୍ତ୍ତିଯାଇଛନ୍ତି ।

ସେପଟେ ଘର ଭୁସୁଡ଼ିଯିବା ଫଳରେ ପରିବାର ଲୋକେଙ୍କୁ ବାତ୍ୟା ଆଶ୍ରୟସ୍ଥଳୀରେ ସୁରକ୍ଷିତ ଭାବରେ ସ୍ଥାନାନ୍ତରିତ କରାଯାଇଛି । ନୀଳଗିରିରେ ବାତ୍ୟାୟାସର ଖୁବ୍ ପ୍ରଭାବ ପଡିଛି। ପବନର ବେଗ ତୀବ୍ରତର ହେବା ସହ ବର୍ଷାର କରାଳ ରୂପ ମଧ୍ୟ ଦେଖିବାକୁ ମିଳିଛି ଲୋଗାତର ଭାବେ ବର୍ଷାର ତାଣ୍ଡବ ଦେଖିବାକୁ ମିଳିଛି ନୀଳଗିରିରେ ବିଭିନ୍ନ ଜାଗାରେ ରାସ୍ତାରେ ମଧ୍ୟ ଗଛ ପଡ଼ିଛି।

ଶେରଗଡରୁ ଉଦଳା ରାସ୍ତାରେ ଭାଲୁକାସୁଣୀ ଗଛପୋଡି ରାସ୍ତା ଅବରୋଧ ହୋଇଛି । ସେପଟେ କଚ୍ଚା ଘରେ ପ୍ରଶାସନ ମାଇକ ଯୋଗେ ଲୋକଙ୍କୁ ବାତ୍ୟା ଆଶ୍ରୟସ୍ଥଳୀ ବା ପକ୍କା ଘର ରହିବାକୁ ନିବେଦନ କରିଛନ୍ତି, ଏବଂ ଘରୁ ନ ବାହାରିବାକୁ ମଧ୍ୟ କହିଛନ୍ତି।

ଆସ୍ତେ ଆସୁଛି ୟାସ, ବାସୁଦେବପୁର-ବାହାନଗା ମଧ୍ୟରେ ଲ୍ୟାଣ୍ଡଫଲ

ଭୁବନେଶ୍ୱର: ସ୍ଥଳଭାଗ ନିକଟତର ହେଉଛି ୟାସ । ଯେତେ ପାଖାଉଛି, ସେତେ ଗର୍ଜନ କରୁଛି । ଘଣ୍ଟା ପ୍ରତି 12 କିଲୋମିଟର ବେଗରେ ମାଡି ଆସୁଛି ବାତ୍ୟା ୟାସ । ଏସଆରସିଙ୍କ ସୂଚନା ମୁତାବକ ଧାମରାରୁ ୯୦ ଓ ପାରାଦୀପ ଠାରୁ 100 କିଲୋମିଟର ଦୂରରେ ରହିଛି ୟାସ୍ । ସେହିପରି ବାଲେଶ୍ବରଠାରୁ ୧୫୦ କିଲୋମିଟର ଦୂରରେ ରହିଛି ୟାସ ।

ସାମୁଦ୍ରିକ ଝଡ଼ ୟାସର ପ୍ରଭାବରେ ମଧ୍ୟରାତ୍ରୀରୁ ବଢିଛି ପବନର ବେଗ । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ମଧ୍ୟ ଦେଖିବାକୁ ମିଳିଛି । ଏହା ଅନେକ ସ୍ଥାନରେ ଘର ସହିତ ଗଛ ଭାଙ୍ଗିଥିବା ଜଣାପଡିଛି । ଅନ୍ୟପଟେ ସମୂଦ୍ରରେ ଉଚ୍ଚ ଜୁଆର ମଧ୍ୟ ଉଠୁଥିବା ଦେଖିବାକୁ ମିଳିଛି ।

କିନ୍ତୁ ଆକଳନ କରାଯାଉଥିବା ସମୟ ଠାରୁ ବିଳମ୍ବରେ ବାତ୍ୟା ୟାସ ସ୍ଥଳ ଭାଗ ଛୁଇଁପାରେ । ଯେହେତୁ ସମୁଦ୍ର ମଧ୍ୟରେ ବାତ୍ୟାର ଗତି ଧିମା ରହିଛି , ତେଣୁ ଏହା ବିଳମ୍ବରେ ଲ୍ୟାଣ୍ଡଫଲ କରିପାରେ  । ଅର୍ଥାତ ୧୦ଟାରୁ ୧୧ ଟା ମଧ୍ୟରେ ସ୍ଥଳଭାଗ ଛୁଇଁବା ନେଇ ସୂଚନା ଦେଇଛନ୍ତି ଏସଆରସି ପ୍ରଦୀପ ଜେନା ।

ବାତ୍ୟା ୟାସ ସ୍ଥଳ ଭାଗ ଅତିକ୍ରାନ୍ତ କରିବା ସମୟରେ ପବନର ବେଗ 155 କିଲୋମିଟର ରହିପାରେ । ଗ୍ରୀନ୍ ଜୋନରେ ପବନର ଗତି 90ରୁ 120କିଲୋମିଟର ରହିବ ବୋଲି ଆକଳନ କରାଯାଉଛି । ଭାଓଲେଟ୍ ଜୋନରେ ପବନର ଗତି ରହିବ 60ରୁ 90 କିଲୋମିଟର ରହିବ । ଭାଓଲେଟ୍ ଜୋନରେ ରହିଛି କଟକ, ଭୁବନେଶ୍ବର, ପୁରୀ । ସେହିପରି କଚ୍ଚାଘର ଭାଙ୍ଗିବା ସହିତ ବିଦ୍ୟୁତ୍ ଖୁଣ୍ଟ ଭାଙ୍ଗିବାର ସମ୍ଭାବନା ରହିଛି । ବ୍ୟାପକ ଫସଲ ନଷ୍ଟ ସହିତ ବଡ ଗଛ ଉପୁଡିବା ସମ୍ଭାବନା ରହିଥିବା କହିଛନ୍ତି ପ୍ରଦୀପ ଜେନା ।

ଆଉ ୧୦ ଘଣ୍ଟା ମଧ୍ୟରେ ଧାମରା ନିକଟରେ ସ୍ଥଳଭାଗ ଛୁଇଁପାରେ ‘ୟାସ୍’, ସ୍ଥାନାନ୍ତରଣ ହେଲେଣି ୫ ଲକ୍ଷ ଲୋକ

ଭୁବନେଶ୍ୱର: ଅତି ଭୀଷଣ ରୂପ ଧାରଣ କରି ମାଡ଼ି ଆସୁଛି ‘ୟାସ୍’ । ବିଗତ ବିଗତ ୬ ଘଣ୍ଟା ହେଲା ଘଣ୍ଟା ପ୍ରତି ୧୩ କିମି ବେଗରେ ବାତ୍ୟା ‘ୟାସ୍’ ଉତ୍ତର-ଉତ୍ତରପଶ୍ଚିମ ଦିଗରେ ଗତି କରୁଛି । ଏବେ ‘ୟାସ୍’ ପୂର୍ବ-ଦକ୍ଷିଣପୂର୍ବରେ ପାରାଦୀପ ଠାରୁ ୧୩୦ କିଲୋମିଟର ଦୂରରେ ଥିବାବେଳେ ସମାନ ଦିଗରେ ବାଲେଶ୍ୱର ଠାରୁ ୨୨୦ ଓ ଦୀଘା ଠାରୁ ୨୧୦ ଏବଂ ସାଗରଦ୍ୱୀପ ଠାରୁ ୨୧୦ କିଲୋମିଟର ଦୂରରେ ରହିଛି ।

 Cyclone Yaas To Heat Near North Dhamra In Early Morning Of Wednesday

ବାତ୍ୟାର କେନ୍ଦ୍ରସ୍ଥଳରେ ଏବେ ପବନର ବେଗ ଘଣ୍ଟାପ୍ରତି ୧୨୫ରୁ ୧୩୫ କିଲୋମିଟର ବେଗରେ ବହୁଥିବା ବେଳେ ଝଟକା ପବନର ଘଣ୍ଟାପ୍ରତି ବେଗ ୧୫୦ କିଲୋମିଟର ରହିଛି । ଏହା ଉତ୍ତର-ଉତ୍ତରପଶ୍ଚିମ ଦିଗରେ ଗତି କରି ବୁଧବାର ଭୋରରେ ଧାମରାର ଉତ୍ତର ଭାଗ ଏବଂ ଦକ୍ଷିଣ ବାଲେଶ୍ୱର ମଧ୍ୟରେ ପହଞ୍ଚି ମଧ୍ୟାହ୍ନରେ ଅତି ଭୀଷଣ ବାତ୍ୟା ରୂପରେ ଅତିକ୍ରମ କରିବ । ଲ୍ୟାଣ୍ଡଫଲ୍ ବେଳେ ପବନର ବେଗ ୧୪୦ରୁ ୧୫୫ କିଲୋମିଟର ବେଗରେ ପବନ ସହ ଝଟକା ପବନର ବେଗ ଘଣ୍ଟାପ୍ରତି ୧୮୫ କିଲୋମିଟର ରହିବ । ଭଦ୍ରକ, ବାଲେଶ୍ୱର ଦେଇ ମୟୂରଭଞ୍ଜ ଆଡ଼କୁ ଯିବ ବାତ୍ୟା ।

 Cyclone Yaas To Heat Near North Dhamra In Early Morning Of Wednesday

ପ୍ରଭାବରେ ଜଗତସିଂହପୁର, କେନ୍ଦ୍ରାପଡ଼ା, ଭଦ୍ରକ, ବାଲେଶ୍ୱର ଜିଲ୍ଲାରେ ଅତ୍ୟଧିକ ପ୍ରବଳ ବର୍ଷା ହେବ । ୧୦ ଘଣ୍ଟା ମଧ୍ୟରେ ବାତ୍ୟା ‘ୟାସ୍’ ସ୍ଥଳଭାଗ ଛୁଇଁବ । ରାଜ୍ୟରେ ମୋଟ ୫ ଲକ୍ଷ ଲୋକଙ୍କୁ ସ୍ଥାନାନ୍ତର କରାଯାଇଛି । ଏବେବି ସ୍ଥାନାନ୍ତରଣ ଜାରି ରହିଛି । ବାଲେଶ୍ୱର ଜିଲ୍ଲାରେ ସର୍ବାଧିକ ଲୋକଙ୍କୁ ବାତ୍ୟା ଆଶ୍ରୟସ୍ଥଳୀକୁ ସ୍ଥାନାନ୍ତର କରାଯାଇଥିବା ଏସଆରସି ସୂଚନା ଦେଇଛନ୍ତି ।

CBIର ନୂଆ ନିର୍ଦ୍ଦେଶକ ଭାବେ ଆଇପିଏସ୍ ସୁବୋଧ ଜୈସୱାଲଙ୍କୁ ନିଯୁକ୍ତି

ନୂଆଦିଲ୍ଲୀ: ସିବିଆଇର ନିର୍ଦ୍ଦେଶକ ଭାବେ ଆଇପିଏସ୍ ସୁବୋଧ କୁମାର ଜୈସୱାଲଙ୍କୁ ନିଯୁକ୍ତି । ସ୍ୱତନ୍ତ୍ର ତଦନ୍ତକାରୀ ସଂସ୍ଥା (CBI)ର ନିର୍ଦ୍ଦେଶକ ଭାବେ କାର୍ଯ୍ୟ କରିବେ ଆଇପିଏସ୍ ସୁବୋଧ କୁମାର ଜୈସୱାଲ୍ । ଦାୟିତ୍ୱ ଗ୍ରହଣ ଦିନ ଠାରୁ ସୁବୋଧ ଜୈସୱାଲ୍ ୨ ବର୍ଷ ଧରି ସିବିଆଇ ମୁଖ୍ୟ ଭାବେ କାର୍ଯ୍ୟ କରିବେ ।

ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱାଧୀନ ଉଚ୍ଚକ୍ଷମତା ସମ୍ପନ୍ନ କମିଟି ଏବଂ ସୁପ୍ରିମକୋର୍ଟର ପ୍ରଧାନ ବିଚାରପତି ଏନ.ଭି ରମଣା, କଂଗ୍ରେସର ଲୋକସଭାରେ ସଂସଦୀୟ ଦଳ ନେତା ଅଧୀର ରଞ୍ଜନ ଚୌଧୁରୀ ଆଇପିଏସ୍ ସୁବୋଧ କୁମାର ଜୈସୱାଲଙ୍କୁ ସିବିଆଇ ମୁଖ୍ୟ ଭାବେ ନିଯୁକ୍ତି ଦେଇଛନ୍ତି ।

୧୯୮୫ ବ୍ୟାଚର ମହାରାଷ୍ଟ୍ର କ୍ୟାଡରର ଆଇପିଏସ୍ ହେଉଛନ୍ତି ସୁବୋଧ ଜୈସୱାଲ୍ । ଏବେ ସେ ସିଆଇଏସଏଫର ମହାନିର୍ଦ୍ଦେଶକ ଅଛନ୍ତି । ଫେବ୍ରୁଆରୀରୁ ସିବିଆଇ ମୁଖ୍ୟ ପଦବୀ ଖାଲି ପଡ଼ିଥିବା ବେଳେ ସୁବୋଧ ଜୈସୱାଲ୍ ଦାୟିତ୍ୱ ଗ୍ରହଣ କରିବେ । ଏହା ପୂର୍ବରୁ ଜୈସୱାଲ୍ ମହାରାଷ୍ଟ୍ର ଡିଜିପି ଥିଲେ ।

ବାରିପଦା ପିଆରଏମ୍ ମେଡିକାଲ୍ କଲେଜରେ ସ୍ଥାପନ ହେବ ଅକ୍ସିଜେନ୍ ପ୍ଲାଣ୍ଟ

ଭୁବନେଶ୍ୱର: ମୟୂରଭଞ୍ଜ ଜିଲ୍ଲାର ବାରିପଦା ଠାରେ ଥିବା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଓ ହସ୍ପିଟାଲରେ ସ୍ଥାପନ ହେବ ଅକ୍ସିଜେନ୍ ପ୍ଲାଣ୍ଟ । ମେଡିକାଲ୍ ଅକ୍ସିଜେନ୍ ପାଇଁ ଗଠିତ ରାଜ୍ୟସ୍ତରୀୟ ଟାସ୍କ ଫୋର୍ସ ଏନେଇ ନିଷ୍ପତ୍ତି ଗ୍ରହଣ କରିଛି । ୧୩ ହଜାର ଲିଟରର ଲିକ୍ୱିଡ୍ ମେଡିକାଲ୍ ଅକ୍ସିଜେନ୍ ପ୍ଲାଣ୍ଟ ସବ ପିଏସ୍ଏ ପ୍ଲାଣ୍ଟ ସ୍ଥାପନ କରାଯିବ ।

ଏହାଦ୍ୱାରା ଆଇସୋଲେସନ୍ ୱାର୍ଡ ସହ ପ୍ରସୂତି ଓ ସ୍ତ୍ରୀ ରୋଗ, ଶିଶୁରୋଗ ୱାର୍ଡ ସହ ଆଇସିୟୁ ଏବଂ ଏଚଡିୟୁ ଶଯ୍ୟାରେ ଅକ୍ସିଜେନ୍ ମିଳିବ । ଆଗାମୀ ଦିନର ଆବଶ୍ୟକତାକୁ ଦୃଷ୍ଟିରେ ରଖି ଯଥାସମ୍ଭବ ୧ ହଜାର ଏଲପିଏମ କାପାସିଟିର ପିଏସଏ ଅକ୍ସିଜେନ୍ ଜେନେରେସନ୍ ପ୍ଲାଣ୍ଟ ସ୍ଥାପନ ଉପରେ ଟାସ୍କ ଫୋର୍ସ ଗୁରୁତ୍ୱ ଦେଇଛି ।

ଲିକ୍ୱିଡ୍ ଅକ୍ସିଜେନ୍ ପ୍ଲାଣ୍ଟ ଏବଂ ପିଏସଏ ପ୍ଲାଣ୍ଟ ଉଭୟ ସର୍ବାଧିକ ୧୨ ସପ୍ତାହ ମଧ୍ୟରେ କାର୍ଯ୍ୟକ୍ଷମ ସ୍ଥାପନ କରାଯାଇ କାର୍ଯ୍ୟକ୍ଷମ ହେବ । ଏଥିସହ ଦୀର୍ଘକାଳୀନ ଭାବେ ଅକ୍ସିଜେନ୍ ଯୋଗାଣରେ ସହାୟକ ହେବ ବୋଲି ଆଶା କରାଯାଉଛି ।

ଅତି ଭୀଷଣ ବାତ୍ୟାରେ ପରିଣତ ହେଲା ‘ୟାସ୍’, ବାତ୍ୟାର ଆଖି ୩୫ କିଲୋମିଟର ବ୍ୟାସାର୍ଦ୍ଧ

ଭୁବନେଶ୍ୱର: ଭୟଙ୍କର ବାତ୍ୟା ‘ୟାସ୍’ ଅତି ଭୀଷଣ ବାତ୍ୟାରେ ପରିଣତ ହୋଇଛି । ଉତ୍ତରପଶ୍ଚିମ ବଙ୍ଗୋପସାଗରରେ ଉତ୍ତର-ଉତ୍ତରପଶ୍ଚିମ ଦିଗକୁ ଘଣ୍ଟାପ୍ରତି ୧୫ କିଲୋମିଟର ବେଗରେ ବିଗତ ୬ ଘଣ୍ଟା ହେଲା ମାଡ଼ି ଆସୁଛି । ପୂର୍ବ-ଦକ୍ଷିଣପୂର୍ବରେ ପାରାଦୀପ ଠାରୁ ୧୬୦ କିଲୋମିଟର ଦୂରରେ ବାତ୍ୟା ‘ୟାସ୍’ ଥିବାବେଳେ ସମାନ ଦିଗରେ ବାଲେଶ୍ୱର ଠାରୁ ୨୫୦ ଓ ଦୀଘା ଠାରୁ ୨୪୦ ଏବଂ ସାଗରଦ୍ୱୀପ ଠାରୁ ୨୩୦ କିଲୋମିଟର ଦୂରରେ ରହିଛି ।

ଏବେ ପାରାଦୀପ ଡପଲର ରାଡାରରେ ବାତ୍ୟା ‘ୟାସ୍’ର ଆଖି ଦେଖାଯାଉଛି । ବାତ୍ୟାର ଆଖି ୩୫ କିଲୋମିଟର ବ୍ୟାସାର୍ଦ୍ଧ ବିଶିଷ୍ଟ ବୋଲି ଜଣାପଡ଼ିଛି । ପାଣିପାଗ ବିଭାଗ ଅନୁସାରେ, ବାତ୍ୟା ‘ୟାସ୍’ ବୁଧବାର ଭୋର୍ ସମୟରେ ଉତ୍ତର ଧାମରା ବନ୍ଦର ନିକଟ ଏବଂ ଦକ୍ଷିଣ ବାଲେଶ୍ୱର ମଧ୍ୟରେ ପହଞ୍ଚି ମଧ୍ୟାହ୍ନରେ ଅତି ଭୀଷଣ ବାତ୍ୟା ରୂପରେ ଅତିକ୍ରମ କରିବ । ମୟୂରଭଞ୍ଜ ଓ କେନ୍ଦୁଝର ଜିଲ୍ଲା ଦେଇ ଝାଡ଼ଖଣ୍ଡ ଆଡ଼କୁ ଯିବ ।

ଲ୍ୟାଣ୍ଡଫଲ୍ ବେଳେ ଘଣ୍ଟାପ୍ରତି ପବନର ବେଗ ୧୫୫ରୁ ୧୬୫ କିଲୋମିଟର ବେଗରେ ବହିବ । ଝଟକା ପବନର ବେଗ ଘଣ୍ଟାପ୍ରତି ୧୮୦ କିଲୋମିଟର ରହିବ । ବାଲେଶ୍ୱର ଓ ଭଦ୍ରକରେ ସମୁଦ୍ର ଜୁଆର ୨ରୁ ୪ ମିଟର ଉଚ୍ଚରେ ଆସିବ । ୨୭ ତାରିଖ ସକାଳେ ବାତ୍ୟା ଦୁର୍ବଳ ହୋଇ ଅବପାତ ରୂପରେ ଝାଡ଼ଖଣ୍ଡ ମୁହାଁ ହେବ ।

ବାତ୍ୟା ‘ୟାସ୍’ ପାଇଁ ବୁଧବାର ରାଜଧାନୀ ଓ ରାଉରକେଲାରେ ଟିକାକରଣ ବନ୍ଦ

ଭୁବନେଶ୍ୱର: ବାତ୍ୟା ପାଇଁ ବୁଧବାର ବନ୍ଦ ରହିବ ଟିକାକରଣ । ରାଜଧାନୀ ଭୁବନେଶ୍ୱର ସହ ରାଉରକେଲା ସହରାଞ୍ଚଳରେ ଆସନ୍ତାକାଲି ବୁଧବାର କୋଭିଡ୍ ଟିକାକରଣ କାର୍ଯ୍ୟକ୍ରମ ବନ୍ଦ ରହିବ । ଏନେଇ ୨ ମହାନଗର ନିଗମ ସୂଚନା ଦେଇଛନ୍ତି । ବିଏମସି ଅଞ୍ଚଳରେ ୨୬ ତାରିଖରେ ଟିକା ନେବା ପାଇଁ ଯେଉଁମାନେ ସ୍ଲଟ୍ ବୁକିଂ କରିଥିଲେ ସେମାନେ ୨୯ ତାରିଖରେ ଟିକା ନେଇ ପାରିବେ ।

ସେହିଭଳି ଆସନ୍ତାକାଲି ରାଉରକେଲା ସହରରେ କୋଭିଡ୍ ଟିକାକରଣ  ବନ୍ଦ ରହିବ । ସହରର ସମସ୍ତ ଟିକା ଦାନ କେନ୍ଦ୍ରରେ ଟିକାକରଣ ହେବନାହିଁ । ଏନେଇ ରାଉରକେଲା ମହାନଗର ନିଗମ କମିଶନର ଦିବ୍ୟଜ୍ୟୋତି ପରିଡ଼ା ସୂଚନା ଦେଇଛନ୍ତି ।

ବାତ୍ୟା ପ୍ରଭାବିତ ଜିଲ୍ଲାରେ ୨୭ ତାରିଖ ଯାଏ କୋଭିଡ୍ ଟିକାକରଣ, କୋଭିଡ୍ ଟେଷ୍ଟ ସହ ଘରକୁ ଘର ବୁଲି ସ୍ୱାସ୍ଥ୍ୟ ସର୍ଭେ ମଧ୍ୟ ହେବ ନାହିଁ । ଏନେଇ ସ୍ୱାସ୍ଥ୍ୟ ବିଭାଗ ନିର୍ଦ୍ଦେଶନାମା ଜାରି କରିଛି । ପାଣିପାଗ ବିଭାଗର ଆକଳନ ଅନୁଯାୟୀ ବୁଧବାର ଭୋର୍ ସମୟରେ ବାତ୍ୟା ‘ୟାସ୍’ ଧାମରା ନିକଟରେ ମାଡ଼ ହେବ ।

ବାତ୍ୟା ‘ୟାସ୍’ ମୁକାବିଲା ନେଇ କେଉଁ ଜିଲ୍ଲାରେ କଣ ରହିଛି ପ୍ରସ୍ତୁତି, ଜାଣନ୍ତୁ…

ଭୁବନେଶ୍ୱର: ମାଡ଼ି ଆସୁଛି ବାତ୍ୟା ‘ୟାସ୍’ । ଉତ୍ତରପଶ୍ଚିମ ଏବଂ ସଂଲଗ୍ନ ପଶ୍ଚିମକେନ୍ଦ୍ରୀୟ ବଙ୍ଗୋପସାଗରରେ ଉତ୍ତର-ଉତ୍ତରପଶ୍ଚିମ ଦିଗରେ ଗତି କରୁଛି । ବିଗତ ୬ ଘଣ୍ଟା ହେଲା ଘଣ୍ଟାପ୍ରତି ୧୫ କିମି ବେଗରେ ଆଗକୁ ବଢ଼ୁଛି ବାତ୍ୟା ‘ୟାସ୍’ । ଦକ୍ଷିଣ-ଦକ୍ଷିଣପୂର୍ବରେ ପାରାଦୀପ ଠାରୁ ୨୦୦ କିଲୋମିଟର ଦୂରରେ ବାତ୍ୟା ‘ୟାସ୍’ ଥିବାବେଳେ ସମାନ ଦିଗରେ ବାଲେଶ୍ୱର ଠାରୁ ୨୯୦ ଓ ଦୀଘା ଠାରୁ ୨୯୦ ଏବଂ ସାଗରଦ୍ୱୀପ ଠାରୁ ୨୮୦ କିଲୋମିଟର ଦୂରରେ ରହିଛି ।

How Odisha Prepared To Tackle Cyclone Yaas

ବାତ୍ୟାରେ ଉତ୍ତର ଉପକୂଳ ଓଡ଼ିଶା ବିଶେଷ ପ୍ରଭାବିତ ହେବାର ଆଶଙ୍କା ରହିଛି । ଧନଜୀବନ ସୁରକ୍ଷା ପାଇଁ ସରକାର ପଦକ୍ଷେପ ନେଇଛନ୍ତି । ବାତ୍ୟା ପାଇଁ ୧୩ ଗୋଟି ଜିଲ୍ଲାରେ ୬୮୯୧ଟି ଆଶ୍ରୟସ୍ଥଳୀ ପ୍ରସ୍ତୁତ ରହିଛି । ଆଶ୍ରୟସ୍ଥଳରୀ ଶୁଖିଲା ଓ ରନ୍ଧା ଖାଦ୍ୟ ସହ ପର୍ଯ୍ୟାପ୍ତ ପିଇବା ପାଣିର ବ୍ୟବସ୍ଥା କରାଯାଇଛି । ଆଲୋକ ସହ ବିଦ୍ୟୁତ୍ ପାଇଁ ବିକଳ୍ପ ବ୍ୟବସ୍ଥା ହୋଇଛି । ଅପରାହ୍ଣ ୫ଟା ସୁଦ୍ଧା ୫ ହଜାର ୫୨୩ଟି ବାତ୍ୟା ଆଶ୍ରୟ ସ୍ଥଳୀକୁ ୨ ଲକ୍ଷ ୪୮ ହଜାର ୪୯ ହଜାର ଲୋକଙ୍କୁ ସ୍ଥାନାନ୍ତରଣ କରାଯାଇଛି । ଏଥିସହ ୬୫୧ଟି ଫ୍ରି କିଚେନ୍ ସେଣ୍ଟର କରାଯାଇଛି ।

ଜିଲ୍ଲା ଅନୁଯାୟୀ ସ୍ଥାନାନ୍ତରଣ

  ଜିଲ୍ଲା ଖୋଲା ଥିବା ବାତ୍ୟା ଆଶ୍ରୟସ୍ଥଳୀ ସ୍ଥାନାନ୍ତରଣ
୧ ବାଲେଶ୍ୱର ୧୪୧୨ ୭୯, ୫୫୮
୨ ଭଦ୍ରକ ୭୭୪ ୭୩, ୧୦୩
୩ କଟକ ୭୬୨ ୧, ୯୧୫
୪ ଜଗତସିଂହପୁର ୧୭୯ ୧,୧୧,୧୮୪
୫ ଯାଜପୁର ୧୨୦ ୩,୬୨୩
୬ କେନ୍ଦ୍ରାପଡ଼ା ୮୦୦ ୬୨,୦୦୯
୭ କେନ୍ଦୁଝର ୧୨ ୪୫୩
୮ ମୟୂରଭଞ୍ଜ ୪୨୭ ୧୦,୨୮୧
୯ ଢେଙ୍କାନାଳ ୩୦ ୯୭୯
୧୦ ପୁରୀ ୧୬୬ ୩, ୫୦୦
୧୧ ଖୋର୍ଦ୍ଧା ୮୪୧ ୧, ୪୪୪
  ମୋଟ ୫୫୨୩ ୨, ୪୮, ୦୪୯

ବାତ୍ୟା ଦ୍ୱାରା ପ୍ରଭାବିତ ହେବାକୁ ଥିବା ୧୩ ଜିଲ୍ଲାରେ ୫୨ଟି ଏନଡିଆରଏଫ୍ ଟିମ୍, ୬୦ଟି ଓଡ୍ରାଫ୍ ଟିମ୍, ୨୦୬ଟି ଅଗ୍ନିଶମ ବାହିନୀ ସହ ୮୬ଟି ଗଛ କାଟିବା ପାଇଁ ଟିମ୍ ମୁତୟନ ହୋଇଛନ୍ତି । ଏଥିସହ ସମସ୍ତ ଜିଲ୍ଲାପାଳଙ୍କୁ ସାଟେଲାଇଟ୍ ଫୋନ୍ ଦିଆଯାଇଛି । ଟେଲିକମ୍ ସେବା ବ୍ୟାହତ ହେଲେ ଏହାର ବ୍ୟବହାର କରାଯିବ । ବାତ୍ୟାରେ ଘର ଭାଙ୍ଗିଲେ କ୍ଷତିଗ୍ରସ୍ତଙ୍କୁ ତୁରନ୍ତ ପଲିଥିନ ଯୋଗାଇ ଦେବା ପାଇଁ ବ୍ୟବସ୍ଥା କରାଯାଇଛି ।

How Odisha Prepared To Tackle Cyclone Yaas

ଜୁନ୍ ପ୍ରଥମ ସୁଦ୍ଧା ପ୍ରସବ ତାରିଖ ଥିବା ୪ ହଜାର ୫୧୦ ମହିଳାଙ୍କୁ ଚିହ୍ନଟ କରାଯାଇଛି । ୩୬୫ ଜଣଙ୍କୁ ମେଡିକାଲକୁ ସ୍ଥାନାନ୍ତରଣ କରାଯାଇଛି । ଅନ୍ୟମାନଙ୍କୁ ସ୍ଥାନାନ୍ତରଣ ନେଇ ପ୍ରକ୍ରିୟା ଚାଲିଛି । ଆବଶ୍ୟକ ଔଷଧ ସହ ସ୍ୱାସ୍ଥ୍ୟସେବା ନେଇ ଅନ୍ୟ ବ୍ୟବସ୍ଥା କରାଯାଇଛି । ସରକାରୀ ଛୁଟି ବାତିଲ୍ କରାଯାଇଥିବା ବେଳେ ସମସ୍ତ ଅଧିକାରୀ ହେଡକ୍ୱାର୍ଟରରେ ରହିବାକୁ ନିର୍ଦ୍ଦେଶ ଦିଆଯାଇଛି ।

ବାତ୍ୟା ‘ୟାସ୍’: ୬ ଜିଲ୍ଲାରେ ଟେଷ୍ଟିଂ, ଟିକାକରଣ ଓ ସର୍ଭେ ବନ୍ଦ

ଭୁବନେଶ୍ୱର: ମାଡ଼ି ଆସୁଛି ବାତ୍ୟା ‘ୟାସ୍’। ଉତ୍ତରପଶ୍ଚିମ ଏବଂ ସଂଲଗ୍ନ ପଶ୍ଚିମକେନ୍ଦ୍ରୀୟ ବଙ୍ଗୋପସାଗରରେ ଉତ୍ତର-ଉତ୍ତରପଶ୍ଚିମ ଦିଗରେ ଗତି କରୁଛି। ବାତ୍ୟାକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ପକ୍ଷରୁ ଆସନ୍ତା ୨୭ ତାରିଖ ଯାଏଁ ୬ ଜିଲ୍ଲାରେ କୋଭିଡ୍ ଟେଷ୍ଟିଂ, ଟିକାକରଣ ଓ ଡୋର ଟୁ ଡୋର୍ ସର୍ଭେକୁ ବନ୍ଦ କରିବା ଲାଗି ନିର୍ଦ୍ଦେଶ ଦିଆଯାଇଛି ।

ଏନେଇ ଅତିରିକ୍ତ ମୁଖ୍ୟ ଶାସନ ସଚିବ ପି କେ ମହାପାତ୍ର ଚିଠି ଲେଖି ୬ ଜିଲ୍ଲାର ଜିଲ୍ଲାପାଳଙ୍କୁ ଅବଗତ କରାଇଛନ୍ତି । ଉକ୍ତ ଜିଲ୍ଲାଗୁଡିକ ମଧ୍ୟ୍ୟରେ ରହିଛି ପୁରୀ, କଟକ, ଢେଙ୍କାନାଳ, ଅନୁଗୁଳ, ସୁନ୍ଦରଗଡ ଓ ଖୋର୍ଦ୍ଧା । ଏଥିସହିତ ଜିଲ୍ଲା ପ୍ରଶାସନ ପକ୍ଷରୁ ବାତ୍ୟାକୁ ନେଇ ଆବଶ୍ୟକୀୟ ପଦକ୍ଷେପ ଗ୍ରହଣ କରିବାକୁ ନିର୍ଦ୍ଦେଶ ଦିଆଯାଇଛି ।

ସେହିପରି ଗତକାଲି ମଧ୍ୟ ସରକାରଙ୍କ ପକ୍ଷରୁ ବାଲେଶ୍ୱର, ଭଦ୍ରକ, କେନ୍ଦ୍ରାପଡା, ଜଗତସିଂହପୁର, ମୟୂରଭଞ୍ଜ ଓ କେନ୍ଦୁଝରରେ ମଧ୍ୟ କରୋନା ଟେଷ୍ଟ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଥିଲା । ଏଥିସହିତ କୋଭିଡ ଟିକାକରଣ ଓ ଡୋର୍ ଟୁ ଡୋର୍ ସର୍ଭେ ବନ୍ଦ ପାଇଁ ସୂଚନା ଦିଆଯାଇଥିଲା ।

ସୂଚନାଯୋଗ୍ୟ, ବାତ୍ୟା ଏବେ ପାରାଦୀପ ଠାରୁ ଦକ୍ଷିଣ-ପୂର୍ବଦକ୍ଷିଣରେ ୨୦୦ କିଲୋମିଟର ଦୂରରେ ଅଛି । ଉତ୍ତର-ଉତ୍ତରପଶ୍ଚିମ ଦିଗରେ ଗତି ବାତ୍ୟା ଗତି କରୁଥିବା ସୂଚନା ଦେଇଛନ୍ତି ଏସଆରସି ପ୍ରଦୀପ ଜେନା । ଧାମରାର ଉତ୍ତରରେ ଥିବା ବାହାନଗା, ବାସୁଦେବପୁର ଅଞ୍ଚଳ ଦେଇ ବାତ୍ୟା ଗତି କରିବ । ମୟୂରଭଞ୍ଜ, କେନ୍ଦୁଝର ଦେଇ ବାତ୍ୟା ଝାଡ଼ଖଣ୍ଡ ଯିବ । ପବନର ବେଗ ଘଣ୍ଟାପ୍ରତି ୧୫୦ରୁ ୧୫୫ କିଲୋମିଟର ରହିବ ।

 

ଗତକାଲିଠାରୁ ବର୍ଷା ଜାରି ରହିଛି । ସକାଳେ ପବନର ବେଗ ଅଧିକ ରହିବ, ସନ୍ଧ୍ୟାରେ ପବନ କମିବ । ଲ୍ୟାଣ୍ଡଫଲ ପଏଣ୍ଟର ଡାହାଣକୁ ସମୁଦ୍ରରେ ଜୁଆର ୪ ମିଟର ଉଚ୍ଚରେ ଆସିବ । ବାମ ପଟରେ ଜୁଆର ୨ରୁ ୩ ମିଟର ଉଚ୍ଚରେ ଆସିବ । ଲୋକଙ୍କୁ ସ୍ଥାନାନ୍ତରଣ ଚାଲିଛି । କଚ୍ଚାଘରେ ଥିବା ଲୋକଙ୍କୁ ବାତ୍ୟା ଆଶ୍ରୟସ୍ଥଳୀକୁ ଅଣାଯାଉଛି । ଜୁଆର ଆସିବାକୁ ଥିବା ଅଞ୍ଚଳରୁ ସମସ୍ତଙ୍କୁ ବାତ୍ୟା ଆଶ୍ରୟସ୍ଥଳୀକୁ ଆଣୁଛୁ । ବାଲେଶ୍ୱର ଓ ଭଦ୍ରକ ଜିଲ୍ଲା ବେଶୀ ପ୍ରଭାବିତ ହେବ । ତା ସହ କେନ୍ଦ୍ରାପଡ଼ା ଜିଲ୍ଲାରେ ଅଧିକ ପ୍ରଭାବ ରହିବ । ଭିତରକନିକା ଓ ପାରାଦୀପ ଅଞ୍ଚଳରେ ପବନର ବେଗ ଅଧିକ ରହିବ ।