କଟକ: ନଦୀରେ ଭାସିଯାଇ ନାବାଳକର ମୃତ୍ୟୁ । ଚୌଦ୍ୱାର ଥାନା ଅନ୍ତର୍ଗତ ନୂଆପାଟଣା ଅଞ୍ଚଳର ୮ବର୍ଷର ବାଳକର ମୃତ୍ୟୁ । ନୂଆପାଟଣା ସ୍ଥିତ ମହାନଦୀ ଘାଟରେ ଗାେଧୋଉଥିବା ବେଳେ ଗୋଡ଼ଖସି ଭାସିଯାଇଥିଲା ନାବାଳକ । ଅଗ୍ନିଶମ ସେବା ବାହିନୀ, ଓଡ୍ରାଫ ଟିମ ସ୍ଥାନୀୟ ଯୁବକମାନଙ୍କ ସହଯୋଗରେ ଖୋଜା ଖୋଜି କରି ନାବାଳକର ମୃତଦେହ ଉଦ୍ଧାର କରିଥିଲେ । ଆଜି ଦିନ ୧୧ ଘଣ୍ଟିକା ସମୟରେ ଦୁଇ ଭାଇ ନଦୀକୁ ଗାଧୋଇବାକୁ ଯାଇଥିବା ବେଳେ ସାନଭାଇର ଗୋଡ ଖସି ଯାଇଥିଲା । ମୃତ ବାଳକ ଜଣଙ୍କ ହେଲେ ନୂଆପାଟଣା ଗାଁର ତାହିର ମହମ୍ମଦଙ୍କ ପୁଅ ଅଜମଲ୍ ମହମ୍ମଦ(8)। ନାବାଳକର ମୃତ୍ୟକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।
ବ୍ଲାକ ଫଙ୍ଗସ: ଆହୁରି ୫ କମ୍ପାନୀକୁ ଟିକା ଉତ୍ପାଦନ ଅନୁମତି
ନୂଆଦିଲ୍ଲୀ: କୋଭିଡ ଭିତରେ ବ୍ଲାକ ଫଙ୍ଗସର ଭୟବହତା ସାରା ଦେଶରେ ଜାରି ରହିଛି । ଭୂତାଣୁରେ ଦିନକୁ ଦିନ ଅଧିକରୁ ଅଧିକ ଲୋକ ସଂକ୍ରମିତ ହେଉଛନ୍ତି । ଯଦ୍ୱାରା ଅନେକ ବ୍ୟକ୍ତି ଅମୂଲ୍ୟ ଅଙ୍ଗ ହରାଉଛନ୍ତି । ସେପଟେ ଅନେକ ରାଜ୍ୟ ବ୍ଲାକ ଫଙ୍ଗସକୁ ନୋଟିଫାଏବୁଲ ରୋଗ ଭାବେ ଘୋଷଣା ମଧ୍ୟ କରିଛନ୍ତି । କିନ୍ତୁ ଏହାରି ଭିତରେ ଶନିବାର ସ୍ୱାସ୍ଥ୍ୟ ମନ୍ତ୍ରାଳୟ ଜାରି କରିଥିବା ବିବୃତି ଆସ୍ୱସ୍ତି କରିଛି ।
ଯେଉଁ ଦେଶଗୁଡିକ ବ୍ଲାକ ଫଙ୍ଗସକୁ ନେଇ ମେଡିସିନ ପ୍ରସ୍ତୁତ କରୁଛନ୍ତି । ବର୍ତ୍ତମାନ ସେମାନେ ନିଜ ନିଜର ଉତ୍ପାଦନ କ୍ଷମତା ବଢାଇବାରେ ଲାଗିଛନ୍ତି । ଏମିତିକି ଅତିରିକ୍ତ ଭାବେ ୫ଟି କମ୍ପାନୀକୁ ଟିକା ଉତ୍ପାଦନ ନେଇ ମଞ୍ଜୁରୀ ପ୍ରଦାନ କରିଛନ୍ତି । ଭୂତାଣୁର ଭୟବହତା ଭିତରେ ଟିକାର ଆବଶ୍ୟକତା ରହିଛି । ତେଣୁ ବର୍ତ୍ତମାନ ପରିସ୍ଥିତିକୁ ନଜରରେ ରଖି ଟିକା ଉତ୍ପାଦନକାରୀ କମ୍ପାନୀ ଅନ୍ୟ ପାଞ୍ଚୋଟି କମ୍ପାନୀକୁ ଲାଇସେନ୍ସ ପ୍ରଦାନ କରିଥିବା ଜଣାପଡ଼ିଛି ।
ଅନ୍ୟପଟେ ଭ୍ୟାକ୍ସିନ ପାସପୋର୍ଟକୁ ନେଇ ସ୍ୱାସ୍ଥ୍ୟ ମନ୍ତ୍ରୀଳୟ ସୂଚନା ଦେଇ କହିଛନ୍ତି । ବ୍ଲାକ ଫଙ୍ଗସ ଆକ୍ରାନ୍ତଙ୍କ ଶରୀରେ ଟିକା ବ୍.ବହାର ହୋଇାହିଁ । ଏନେଇ ବିଶ୍ୱ ସ୍ବାସ୍ଥ୍ୟ ସଂଗଠନ ନିଷ୍ପତ୍ତି ନେବେ । କିନ୍ତୁ ବର୍ତ୍ତମାନ ସୁଦ୍ଧା ବ୍ୟବହାରିକ ଅନୁମତି ମିଳିନାହିଁ । ଯେତେବେଳେ ଟିକାକୁ ନେଇ ସମଗ୍ର ବିଶ୍ବର ସହମତି ପ୍ରକାଶ ପାଇବ ସେତେବେଳେ ଭ୍ୟାକ୍ସିନ ବ୍ୟବହାରକୁ ମଞ୍ଜୁରୀ ଦିଆଯିବ ।
ଶ୍ରମ ଦିବସ ସୃଷ୍ଟି କରିବାରେ ସର୍ବାଗ୍ରେ ସୁନ୍ଦରଗଡ଼: ଚଳିତ ବର୍ଷ ୨ କୋଟିରୁ ଊର୍ଦ୍ଧ୍ୱ ଶ୍ରମ ଦିବସ ସୃଷ୍ଟି ନେଇ ଲକ୍ଷ୍ୟ
ସୁନ୍ଦରଗଡ଼: କରୋନା ମହାମାରୀ ଯୋଗୁଁ ସାଧାରଣ ଲୋକଙ୍କ ଜୀବନ ଜୀବିକା ଓ ଆର୍ଥତ୍କ ସ୍ଥିତି ପ୍ରଭାବିତ ହୋଇଛି। ଏଭଳି ସ୍ଥିତିରେ ସୁନ୍ଦରଗଡ଼ ଜିଲ୍ଲାରେ ଜବକାର୍ଡଧାରୀ ଶ୍ରମିକମାନଙ୍କୁ ରୋଜଗାର ଯୋଗାଇ ଦେବାରେ ବିଶେଷ ସହାୟକ ହୋଇଛି ମହାତ୍ମା ଗାନ୍ଧୀ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନା। ସୁନ୍ଦରଗଡ଼ ଜିଲ୍ଲାରେ ବର୍ତ୍ତମାନ ୪ ହଜାର ୬୧୫ଟି ପ୍ରକଳ୍ପ କାମ ଚାଲିଛି। ୨୦୨୦-୨୧ ଆର୍ଥତ୍କ ବର୍ଷରେ ସୁନ୍ଦରଗଡ଼ ପ୍ରଶାସନ ୧ କୋଟି ୪୧ ଲକ୍ଷ ଶ୍ରମ ଦିବସ ସୃଷ୍ଟି କରି ଜିଲ୍ଲା ପାଇଁ ରେକର୍ଡ କରିଥିଲା। ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ସୁନ୍ଦରଗଡ଼କୁ ୨୦୨୧-୨୨ ଆର୍ଥତ୍କ ବର୍ଷରେ ୨ କୋଟି ୨ ଲକ୍ଷ ଶ୍ରମ ଦିବସ ପାଇଁ ଟାର୍ଗେଟ ଦେଇଛନ୍ତି। ନୂତନ ଆର୍ଥିକ ବର୍ଷର ମେ’୧୮ ତାରିଖ ସୁଦ୍ଧା ଜିଲ୍ଲାରେ ୧୫ ଲକ୍ଷ ୩୮ ହଜାର ୧୩୧ ଶ୍ରମ ଦିବସ ସୃଷ୍ଟି କରାଯାଇଛି। ଏଥିରୁ ମହିଳା ଶ୍ରମିକମାନେ ମଧ୍ୟ ଉପକୃତ ହୋଇଛନ୍ତି। ମନ୍ରେଗା ଯୋଜନାରେ ଗତ ଆର୍ଥିକ ବର୍ଷରେ ଜିଲ୍ଲାରେ କାମ ପାଇଥିବା ଶ୍ରମିକମାନଙ୍କ ମଧ୍ୟରୁ ୪୯ ପ୍ରତିଶତ ହେଉଛନ୍ତି ମହିଳା।
କରୋନା ମହାମାରୀ ସମୟରେ ଲୋକଙ୍କୁ ରୋଜଗାର ଦେବା ଲାଗି ମନ୍ରେଗାକୁ ସମ୍ପୂର୍ଣ୍ଣ ଫୋକସରେ ରଖିଛି ପ୍ରଶାସନ। ଗତ ବର୍ଷ ଏ କ୍ଷେତ୍ରରେ ଜିଲ୍ଲାର ସଫଳତାକୁ ଦେଖି ଚଳିତ ବର୍ଷ ରାଜ୍ୟ ସରକାର ଆମକୁ ଅଧିକ ଟାର୍ଗେଟ ଦେଇଛନ୍ତି। ଜିଲ୍ଲାରେ ସକ୍ରିୟ ଥିବା ଜବକାର୍ଡ଼ଧାରୀ ଶ୍ରମିକମାନଙ୍କୁ ଅନ୍ୟୂନ ୧୦୦ ଦିନର କାମ ଯୋଗାଇଦେଇ ଏଭଳି ସମୟରେ ପ୍ରଶାସନ ସେମାନଙ୍କ ପରିବାରର ଆର୍ଥିକ ସ୍ଥିତିରେ ସୁଧାର ଆଣିବାକୁ ଉଦ୍ୟମ କରୁଛୁ’’, କହିଛନ୍ତି ସୁନ୍ଦରଗଡ଼ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର (ଡିଆରଡିଏ) ପ୍ରକଳ୍ପ ନିର୍ଦ୍ଦେଶକ ଭୈରବ ସିଂ ପଟେଲ।
ସୁନ୍ଦରଗଡ଼ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ପକ୍ଷରୁ ଜିଲ୍ଲାର ୧୭ଟି ବ୍ଲକରେ ମହାତ୍ମା ଗାନ୍ଧୀ ନରେଗା ଅଧୀନରେ ବିଭିନ୍ନ ଉନ୍ନୟନମୂଳକ କାର୍ଯ୍ୟ ଚାଲୁ ରହିଛି। ଗ୍ରାମାଞ୍ଚଳ ରାସ୍ତା ନିର୍ମାଣ, ଜଳଛାୟା ଏବଂ ଜଳ ସଂରକ୍ଷଣ ପାଇଁ ନୂଆ ପୋଖରୀ ଖନନ, ପୁରୁଣା ଜଳାଶୟର ପୁନରୁଦ୍ଧାର, ଜଳସେଚନ ପାଇଁ ବନ୍ଧ ନିର୍ମାଣ ଓ କେନାଲ ଖନନ, ଗୋଚର ଜମିର ଉନ୍ନତିକରଣ, ବୃକ୍ଷରୋପଣ, ମୋ ଉପକାରୀ ବଗିଚା, କୂପ ଖନନ ଭଳି ପ୍ରକଳ୍ପ କାମରେ ଶ୍ରମିକମାନଙ୍କୁ ନିୟୋଜିତ କରାଯାଉଛି। ସୁନ୍ଦରଗଡ଼ ଜିଲ୍ଲାରେ ଶ୍ରମିକମାନଙ୍କୁ ଆଗରୁ ଦିନକୁ ୨୧୫ ଟଙ୍କା ମଜୁରି ମିଳୁଥିଲା। ଗତ ବର୍ଷ ଏହା ବୃଦ୍ଧି ପାଇ ୩୦୮ ଟଙ୍କାରେ ପହଞ୍ଚିଥିଲା। ଅର୍ଥାତ୍ ପୂର୍ବ ଅପେକ୍ଷା ସେମାନଙ୍କୁ ଅଧିକ ୯୩ ଟଙ୍କା ମଜୁରି ଦିଆଯାଉଛି। ସୁନ୍ଦରଗଡ଼ ଜିଲ୍ଲା ଖଣିଜ ପ୍ରତିଷ୍ଠାନ (ଡିଏମଏଫ) ପାଣ୍ଠିରୁ ଏହି ଅତିରିକ୍ତ ଅର୍ଥ ପ୍ରଦାନ କରାଯାଉଛି। ସୁନ୍ଦରଗଡ଼ ଜିଲ୍ଲାର ଖଣି ପ୍ରଭାବିତ ୬ଟି ବ୍ଲକରେ ପଡ଼ିଆ ପଡ଼ିଥିବା ଜମିରେ ବିଭିନ୍ନ ପ୍ରକାର ଫଳ ବଗିଚା ସୃଷ୍ଟି ଲାଗି ଓ୍ୱାଡି ପ୍ରକଳ୍ପ ଚାଲିଛି। ଏହି ଯୋଜନା ଅଧୀନରେ ଶ୍ରମ ଦିବସ ସୃଷ୍ଟି କରି ସ୍ଥାନୀୟ ଜବକାର୍ଡଧାରୀମାନଙ୍କୁ ମଧ୍ୟ କାମ ଯୋଗାଇ ଦିଆଯାଉଛି।
ସମ୍ଭାବ୍ୟ ବାତ୍ୟା ‘ୟଶ’ର ମୁକାବିଲା ନେଇ ଅଗ୍ନିଶମ ବିଭାଗର ପ୍ରସ୍ତୁତି: ପେଲିସ, ପ୍ରଶାସନ ସହ ସମନ୍ୱୟ ରକ୍ଷା କରି କାର୍ଯ୍ୟ କରିବାକୁ ନିର୍ଦ୍ଦେଶ
କଟକ: ସମ୍ଭାବ୍ୟ ବାତ୍ୟା ‘ୟଶ’ର ମୁକାବିଲା ନେଇ ଓଡ଼ିଶା ଅଗ୍ନିଶମ ସେବା ବିଭାଗର ପ୍ରସ୍ତୁତି ବୈଠକ । ରାଜ୍ୟ ସରକାରଙ୍କ ନିର୍ଦ୍ଦେଶ ପରେ ସମ୍ଭାବ୍ୟ ବାତ୍ୟା ‘ୟଶ’ର ମୁକାବିଲା କରିବା ପାଇଁ ଓଡ଼ିଶା ଅଗ୍ନିଶମ ବିଭାଗର ବରିଷ୍ଠ ଅଧିକାରୀମାନଙ୍କୁ ନେଇ ୨୦ ମଇରେ ଅଗ୍ନିଶମ ମହାନିର୍ଦ୍ଦେଶକ ଏମ୍ ଅକ୍ଷୟଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଛି । ସମସ୍ତ ଅଗ୍ନିଶମ କେନ୍ଦ୍ରର କର୍ମଚାରୀମାନଙ୍କୁ ଉଦ୍ଧାରକାରୀ ଯନ୍ତ୍ରାଂଶ ପାଓ୍ୱାର ସ, ପାଓ୍ୱାର ବୋଟ୍,ଲାଇଟ୍ ଇଦ୍ୟାଦି ସହ ପ୍ରସ୍ତୁତ ରହିବା ପାଇଁ ନିର୍ଦ୍ଦେଶ ଦିଆଯାଇଛି । ଆଜି ମହାନିର୍ଦ୍ଦେଶକ ଏମ୍.ଅକ୍ଷୟ ସମ୍ଭାବ୍ୟ ବାତ୍ୟାରେ ପ୍ରଭାବିତ ହେବାକୁ ଥିବା ଦୁଇ ଗୋଟି ଜିଲ୍ଲାକୁ ଗସ୍ତ କରି ଅଗ୍ନିଶମ କେନ୍ଦ୍ର ଗୁଡ଼ିକର ପ୍ରସ୍ତୁତି ଉପରେ ସମୀକ୍ଷା କରିଥିଲେ । ପ୍ରଥମେ ମହାନିର୍ଦ୍ଦେଶକ କେନ୍ଦ୍ରାପଡ଼ା ଜିଲ୍ଲା ଗସ୍ତ କରି ସଦର ମହକୁମା ଠାରେ ଜିଲ୍ଲା ପୁଲିସ ଅଧ୍ୟକ୍ଷକଙ୍କ ସହ ବରିଷ୍ଠ ପୁଲିସ ଅଧିକାରୀ ଏବଂ ବରିଷ୍ଠ ଅଗ୍ନିଶମ ଅଧିକାରୀମାନଙ୍କୁ ନେଇ ବାତ୍ୟାର ମୁକାବିଲା ପ୍ରସ୍ତୁତି ସମ୍ୱନ୍ଧରେ ସମୀକ୍ଷା ବୈଠକ କରିଥିଲେ । ଏହାପରେ ଜଗତସିଂହପୁର ଜିଲ୍ଲା ଗସ୍ତ କରି ପାରାଦୀପ ଠାରେ ଜଗତସିଂହପୁର ପୁଲିସ ଅଧିକ୍ଷକ ତଥା ବରିଷ୍ଠ ପୋଲିସ ଅଧିକାରୀ ଏବଂ ଅଗ୍ନିଶମ ଅଧିକାରୀମାନଙ୍କୁ ନେଇ ସେମାନଙ୍କର ପ୍ରସ୍ତୁତି ସମ୍ୱନ୍ଧରେ ସମୀକ୍ଷା କରିବା ସଙ୍ଗେ ସଙ୍ଗେ ସମସ୍ତ ଉଦ୍ଧାରକାରୀ ଯନ୍ତ୍ରାଂଶ ସହ କର୍ମଚାରୀମାନଙ୍କୁ ପ୍ରସ୍ତୁତ କରି ରଖିବା ପାଇଁ ନିର୍ଦ୍ଦେଶ ଦେଇଥିଲେ । ଜିଲ୍ଲାର ପୋଲିସ ଓ ପ୍ରଶାସନ ସହ ପୂର୍ଣ୍ଣ ସମନ୍ୱୟ ରକ୍ଷା କରି କାର୍ଯ୍ୟ କରିବା ପାଇଁ ନିର୍ଦ୍ଦେଶ ଦେଇଥିଲେ ।
ଏହି ଗସ୍ତ ସମୟରେ ମହାନିର୍ଦ୍ଦେଶକ ମଧ୍ୟ ଅନ୍ୟ ବରିଷ୍ଠ ଅଧିକାରୀମାନଙ୍କ ସହ କେନ୍ଦ୍ରାପଡ଼ା ଜିଲ୍ଲାର ଛତା ଠାରେ ଥିବା ୧୨୫ ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ ଦ୍ୱୟ ପରିଦର୍ଶନ କରିଥିଲେ । ଏହି ଅବସରରେ ମୁତୟନ ହୋଇଥିବା ଅଗ୍ନିଶମ କର୍ମଚାରୀ ଏବଂ ହସ୍ପିଟାଲ କର୍ମଚାରୀମାନଙ୍କ ସହିତ ଉକ୍ତ ହସ୍ପିଟାଲମାନଙ୍କରେ ଥିବା ଅଗ୍ନିନିର୍ବାପକ ବ୍ୟବସ୍ଥା ଓ ଅଗ୍ନିଶମ ବିଭଗ ତରଫରୁ ନିଆଯାଇଥିବା ଅଗ୍ନିନିରାପତ୍ତା ପଦକ୍ଷେପ ଓ ପ୍ରସ୍ତୁତି ସମ୍ୱନ୍ଧରେ ଆଲୋଚନା କରିବା ସହିତ ସସ୍ତ କର୍ମଚାରୀଙ୍କୁ ଯେ କୌଣସି ଜରୁରୀକାଳୀନ ପରିସ୍ଥିତିକୁ ମୁକାବିଲା କରିବା ପାଇଁ ସଜାଗ ରହିବା ପାଇଁ ନିର୍ଦ୍ଦେଶ ଦେଇଥିଲେ ।







