spot_img
Home Blog Page 5841

କରୋନା ସମୟରେ ସିଟି ସ୍କାନ୍ କରିବା ହାନିକାରକ, ସିଟି ସ୍କାନ କଲେ କ୍ୟାନସର ହେବାର ଆଶଙ୍କା

ନୂଆଦିଲ୍ଲୀ: କରୋନା ସମୟରେ ସିଟି ସ୍କାନ୍ କରିବା ହାନିକାରକ । ଆଜି ଏଭଳି କହିଛନ୍ତି ଦିଲ୍ଲୀ ଏମ୍ସ ନିର୍ଦ୍ଦେଶକ ଡାକ୍ତର ରଣଦୀପ ଗୁଲେରିଆ । କୋଭିଡ୍ ଟେଷ୍ଟ ନେଗେଟିଭ୍ ଆସିଲେ ସିଟି ସ୍କାନ କରିବା ପାଇଁ ଡାକ୍ତର ପରାମର୍ଶ ଦେଉଥିବା ଦେଖିବାକୁ ମିଳୁଛି । ଗୋଟିଏ ସିଟି ସ୍କାନ ୩୦୦ ଚେଷ୍ଟ ଏକ୍ସ-ରେ ସହ ସମାନ । ଏଣୁ ସିଟି ସ୍କାନ କଲେ କ୍ୟାନସର ହେବାର ଆଶଙ୍କା ଥିବା କହିଛନ୍ତି ଡାକ୍ତର ଗୁଲେରିଆ । ଆଜିକାଲି ଅନେକ ଲୋକ ସିଟି ସ୍କାନ କରୁଛନ୍ତି, ଏହା ଆପଣଙ୍କ ପାଇଁ ବିପଦ ଆଣିପାରେ । ଏଣୁ ଏଥିପ୍ରତି ଦୃଷ୍ଟି ଦେବା ପାଇଁ ସତର୍କ କରାଇଛନ୍ତି ଡାକ୍ତର ଗୁଲେରିଆ ।

ସେ ଆହୁରି ମଧ୍ୟ କହିଛନ୍ତି ଯେ ରକ୍ତ ପରୀକ୍ଷା ମଧ୍ୟ ଆପଣ ନିଜ ଇଚ୍ଛାରେ କରିବା ଉଚିତ ନୁହେଁ । ନିଜେ ନିଜେ ଡାକ୍ତର ହୁଅନ୍ତୁ ନାହିଁ। ଅନେକ ଲୋକ ପ୍ରତି ତିନିମାସ ପରେ ସେମାନଙ୍କ ସିଟି ସ୍କାନ କରାଉଛନ୍ତି ଯାହା ସମ୍ପୂର୍ଣ୍ଣ ଭୁଲ ବୋଲି ସେ କହିଛନ୍ତି। ସାମାନ୍ୟ ଲକ୍ଷଣ ଥିବା ବ୍ୟକ୍ତି ସାଧାରଣ ଔଷଧ ଖାଇ ସୁସ୍ଥ ହେବାକୁ ପରାମର୍ଷ ଦେଇଛନ୍ତି । ଆଉ ଷ୍ଟେରଏଡ ନେବା ଆବଶ୍ୟକ ନାହିଁ ବୋଲି ସେ କହିଛନ୍ତି। ସେ କହିଛନ୍ତି ଯେ ହାଇଡ୍ରୋ ଷ୍ଟେରଏଡ ଅଧିକ ସଂକ୍ରମିତ ହୋଇଥିବା ରୋଗୀଙ୍କ ପାଇଁ।

ସାମ୍ବାଦିକ ସମ୍ମିଳନୀରେ କେନ୍ଦ୍ର ସ୍ୱାସ୍ଥ୍ୟ ସଚିବ ଆଇଏଏସ୍ ଅଧିକାରୀ ଲୁଭ ଅଗ୍ରୱାଲ କହିଛନ୍ତି ୧୫ ଦିନ ମଧ୍ୟରେ କରୋନା ସଂକ୍ରମଣ ହ୍ରାସ ପାଇଛି। ଛତିଶଗଡ, ଦିଲ୍ଲୀ, ମଧ୍ୟପ୍ରଦେଶ, ମୁମ୍ବାଇ, ଔରଙ୍ଗାବାଦ, ମହାରାଷ୍ଟ୍ର ଏବଂ ଝାଡଖଣ୍ଡରେ ହ୍ରାସ ଘଟିଛି।

ଲକଡାଉନରେ ଖୋଲା ରହିବ ଆହାର କେନ୍ଦ୍ର, ବନ୍ଦ ହେବନି ଆଇଆଇଟି, ଆଇଆଇଏମଏସ ହଷ୍ଟଲ

ଭୁବନେଶ୍ୱର: ଲକଡାଉନ ସମୟରେ ଖୋଲା ରହିବ ଆହାର କେନ୍ଦ୍ର । କିନ୍ତୁ ଆହାର କେନ୍ଦ୍ରରେ ବସି ଖାଇବାକୁ ଅନୁମିତି ଦିଆଯିବ ନାହିଁ । ଆହାର କେନ୍ଦ୍ରରୁ ପାର୍ସଲ ନେଇପାରିବେ ଲୋକେ । ଏନେଇ ସୂଚନା ଦେଇଛନ୍ତି ସ୍ବତନ୍ତ୍ର ରିଲିଫ କମିଶନର । ଦିନକ ପରେ ରାଜ୍ୟରେ ଲକଡାଉନ ଲାଗୁ ହେବାକୁ ଥିବାବେଳେ ଏନେଇ ସୂଚନା ଦେଇଛନ୍ତି ସୱତନ୍ତ୍ର ରିଲିଫ କମିସନର ପ୍ରଦୀପ ଜେନା ।

ଦିନକ ପରେ କଟକଣା ଲାଗୁ ହେବାକୁ ଥିବାବେଳେ ତେବେ ଏଥିପାଇଁ ସ୍ବତନ୍ତ୍ର ଗାଇଡଲାଇନ୍ ଜାରି କରିଛନ୍ତି ରାଜ୍ୟ ସରକାର । ତେବେ ଏହି ସମୟରେ ରାଜ୍ୟର ସମସ୍ତ ଆଇଆଇଟି, ଆଇଆଇଏମଏସ ହଷ୍ଟଲ ଗୁଡିକ କୋଭିଡ ଗାଇଡଲାଇନ ଅନୁଯାୟୀ ଖୋଲା ରହିବ । ପିପିଲି ଉପନିର୍ବାଚନ ପାଇଁ ସମସ୍ତ କାର୍ଯ୍ୟକ୍ରମକୁ କଟକଣାରୁ ବାଦ୍ ଦିଆଯାଇଛି । ୫ ତାରିଖରୁ ୧୯ ତାରିଖ ଯାଏଁ ଲାଗୁ ହେବ ଲକଡାଉନ୍ କଟକଣା ।

ବାପା ପାଇଁ ଡାକ୍ତର ସାମ୍ନାରେ ପୁଅର ଆକୁଳ ନିବେଦନ, ଅମ୍ଳଜାନ ନପାଇ ବାପାର ଚାଲିଗଲା ଜୀବନ

ବିହାର: କରୋନା ସଂକ୍ରମଣରେ ବିହାରର ସ୍ଥିତି ଏବେ ସଂକଟାପନ୍ନ ରହିଛି। ଏଭଳି ସ୍ଥିତିରେ ସାହାଯ୍ୟ ମାଗିଲେ ମଧ୍ୟ ମିଳୁନି ସାହାଯ୍ୟ। ଅମ୍ଳଜାନ ଅଭାବରୁ ଚାଲିଯାଇଛି ଜଣେ କରୋନା ରୋଗୀଙ୍କ ଜୀବନ। ଏଭଳି ଏକ ଘଟଣା ଦେଖିବାକୁ ମିଳିଛି ବିହାର ଆରାର ସଦର ହସ୍ପିଟାଲରେ। ଡାକ୍ତରଖାନା ବାହାରେ ଥାଇ ଡ୍ୟୁଟିରେ ଥିବା ଡାକ୍ତର ଏବଂ ନର୍ସଙ୍କ ନିକଟରେ ନିବେଦନ କରିଥିଲେ। ହେଲେ କେହି ଶୁଣିନଥିଲେ। ଶେଷରେ ରାମଶଙ୍କର କୌଣସି ସାହାଯ୍ୟ ନପାଇଁ କ୍ୟାମେରା ସାମ୍ନାରେ ମୃତ୍ୟୁବରଣ କରିଥିଲେ।

ଡାକ୍ତରଖାନାରେ ବିଦ୍ୟୁତ୍ ନାହିଁ, ସେଥିପାଇଁ ରୋଗୀ ନେବୁଲାଇଜର ନେଇପାରୁନାହାଁନ୍ତି। ଏଠାରେ ଗୋଟିଏ ରୋଗୀ ଆସିଲେ ମଧ୍ୟ ଡାକ୍ତରମାନେ ଚିକିତ୍ସା କରିବାକୁ ଆସନ୍ତି ନାହିଁ। ଖାଲି ସେତିକି ନୁହେଁ ଏଠାରେ ତିନି ଭେଣ୍ଟିଲେଟର ସହିତ ବେଡ ରହିଛି, କିନ୍ତୁ ଏହା ୮ ମାସ ହେଲା ବନ୍ଦ ହୋଇରହିଛି ।

ନିଃଶ୍ୱାସ ନେବାରେ କଷ୍ଟ ହେବାରୁ ରାମଶଙ୍କରଙ୍କୁ ଆରାର ସଦର ଡାକ୍ତରଖାନାରେ ଭର୍ତ୍ତି କରାଇଥିଲେ ତାଙ୍କ ପୁଅ। କିନ୍ତୁ ସେଠାରେ ତାଙ୍କୁ ଡାକ୍ତର ଚିକିତ୍ସା ପାଇଁ ଆସିନଥିଲେ। ସକାଳୁ ଡାକ୍ତରଖାନାରେ ଭର୍ତ୍ତି କରାଯାଇଥିଲେ ମଧ୍ୟ ମଧ୍ୟାହ୍ନ ପର୍ଯ୍ୟନ୍ତ ତାଙ୍କର ଚିକିତ୍ସା ହୋଇପାରିନଥିଲା । ଏନେଇ ନର୍ସଙ୍କୁ ପଚାରିବାରୁ ସେ କହିଥିଲେ ଏଥିପାଇଁ ମ୍ୟାନେଜର ଦାୟୀ ବୋଲି ସେ କହିଥିଲେ।

ପୁରୀରେ ହେବ କୋଭିଡ୍ ହସ୍ପିଟାଲ, ପରିଚାଳନା କରିବ ସମ୍

ପୁରୀ: ଖୁବଶୀଘ୍ର ପୁରୀରେ କରାଯିବ ସ୍ୱତନ୍ତ୍ର କୋଭିଡ୍ ହସ୍ପିଟାଲ । ପିପିପି ମୋଡରେ ହେବ ୧୫୦ ଶଯ୍ୟା ବିଶିଷ୍ଟ କୋଭିଡ୍ ହସ୍ପିଟାଲ । ଏହି କୋଭିଡ୍ ହସ୍ପିଟାଲକୁ ଭୁବନେଶ୍ୱର ସମ୍ ହସ୍ପିଟାଲ ପରିଚାଳନା କରିବ ବୋଲି ଜଣାପଡିଛି। ଏଥିରେ 20 ଟି ଆଇସିୟୁ ସହ 40 ଟି ସେମି ଆଇସିୟୁ ଓ 90ଟି ଅକ୍ସିଜେନ ଥିବା ସାଧାରଣ ବେଡ଼ ରହିବ।

ସୂଚନା ଅନୁଯାୟୀ ଆବଶ୍ୟକତା ଅନୁସାରେ କୋଭିଡ ହସ୍ପିଟାଲରେ 300 ବେଡ଼ ସୁବିଧା ଉପଲବ୍ଧ କରାଯିବ । ପୁରୀରେ କୋଭିଡ୍ ହସ୍ପିଟାଲ ନିର୍ମାଣ ନେଇ ଜିଲ୍ଲାପାଳ ସମର୍ଥ ବର୍ମା ଆଜି ଶ୍ରୀଜଗନ୍ନାଥ ମେଡିକାଲ କଲେଜ ପରିଦର୍ଶନ କରିବା ସହ ଆନୁସଙ୍ଗିକ ସୁବିଧା ସୁଯୋଗର ସମୀକ୍ଷା କରିଛନ୍ତି ।

ଗୋଟିଏ ପାଇପ ପାଇଁ ବିଲ୍ ୪ଲକ୍ଷ !

ଆମେ ଆମ ଦୈନନ୍ଦିନ ଜୀବନରେ ବ୍ୟବହାର କରୁଛୁ ଅନେକ ଜିନିଷ । ଭିନ୍ନ ଭିନ୍ନ ଯନ୍ତ୍ରପାତି ଦ୍ୱାରା ମଧ୍ୟ ଆମେ ଘେରା ହେଇଛୁ । ଆଉ ସେହି ସବୁ ଜିନିଷ ବ୍ୟବହାର କରିବା ସମୟରେ ବେଳେ ବେଳେ ଖରାପ ମଧ୍ୟ ହୋଇଯାଏ । ଏବଂ ଖରାପ ହୋଇଯାଇଥିବା ଜିନିଷକୁ ସଜାଡିବା ପାଇଁ ଆମକୁ ଏକ ମିସ୍ତ୍ରୀର ଆବଶ୍ୟକତା ମଧ୍ୟ ପଡିଥାଏ । ସେମାନେ ତାଙ୍କ କାମ ହିସାବରେ ପାରିଶ୍ରମିକ ମଧ୍ୟ ନିଅନ୍ତି ।

ହେଲେ ବର୍ତ୍ତମାନ ସୋସିଆଲ ମିଡିଆରେ ସେମିତି ଜଣେ ଖାସ୍ ପାଇପ ମିସ୍ତ୍ରୀଙ୍କର କାମର ବିଲ୍ ବେଶ୍ ଚର୍ଚ୍ଚାର ବିଷୟ ପାଲଟିଛି । ବ୍ରିଟେନରେ ଜଣେ ପ୍ଲମ୍ବର ନିଜର ମନମୁଖୀ ବିଲ୍ ପାଇଁ ଏବେ ଚର୍ଚ୍ଚାରେ । ତାଙ୍କ ଦ୍ୱାରା ବନାଯାଇଥିବା ବିଲ୍ ସବୁଠି ଭାଇରାଲ୍ ହେଉଛି । ଗୋଟିଏ ଭଙ୍ଗା ପାଇପକୁ ସଜାଡିବା ପାଇଁ ସେ ୪ଲକ୍ଷ ଟଙ୍କା ବିଲ୍‌ରେ ଲେଖିଛନ୍ତି । ବିଲ୍ ଟି ଏଶ୍ଲୋ ଡଗଲସ ନାମକ ଜଣେ ଛାତ୍ରଙ୍କ ନାଁରେ କରାଯାଇଛି । ୨୩ବର୍ଷିୟ ଏଶ୍ଲୋ ,ହେଣ୍ଟସରେ ରୁହନ୍ତି ।

ଛାତ୍ର ଜଣକଙ୍କ କହିବା ଅନୁସାରେ ତାଙ୍କ ରୋଷେଇ ଘରେ ପାଣି ଭର୍ତି ହୋଇଯାଇଥିଲା । ସିଙ୍କରେ ଲାଗିଥିବା ପାଇପ ଫାଟିଯିବା କାରଣରୁ ଏହିଭଳି ଘର ଭିତରେ ପାଣି ବୋହି ଜମା ହୋଇଯାଇଥିଲା । ଏହା ଦେଖି ସେ ତୁରନ୍ତ ଏମ୍ ପିଏମ୍ ପ୍ଲମ୍ବର ସର୍ଭିସକୁ କଲ୍ କରିଥିଲେ । ସେଠାରୁ ସର୍ଭିସ୍ ଦେବା ପାଇଁ ପ୍ଲମ୍ବର ମେହଦୀ ପେରୋବୀ ଆସିଥିଲେ । ଛାତ୍ର ଜଣଙ୍କ ଆହୁରୀ ମଧ୍ୟ କହିଛନ୍ତି ଯେ- ପ୍ଲମ୍ବର ତାଙ୍କ ଘରେ ପହଂଚିବା ପରେ ସେ ତାଙ୍କୁ ତାଙ୍କ କାମର ପାରିଶ୍ରମିକ କେତେ ବୋଲି ପଚାରିଥିଲେ? କିନ୍ତୁ ପ୍ଲମ୍ବର ମେହଦୀ ପେରୋବୀ ତାଙ୍କ ପ୍ରଶ୍ନର ଉତ୍ତର ନ ଦେଇ କାମରେ ଲାଗିଯାଇଥିଲେ । ଆଉ କାମ ସରିବା ପରେ ସେହି ପ୍ଲମ୍ବର ଜଣକ ୩୯୦୦ ପାଉଣ୍ଡର ବିଲ୍ ବନାଇଥିଲେ । ବିଲ୍ ଦେଖିବା ପରେ ସେ ସଂମ୍ପୂର୍ଣ୍ଣ ରୂପେ ଆଶ୍ଚର୍ଯ୍ୟ ହୋଇଯାଇଥିଲି ।

କାହିଁକି ନା ସେହି ପ୍ଲମ୍ବର ଜଣଙ୍କ ଏତେ ମୋଟା ଅଙ୍କର ଟଙ୍କା ତୁରନ୍ତ ହିଁ ମାଗୁଥିଲେ । ଏହି ଘଟଣାରେ ପ୍ଲମ୍ବରଙ୍କର କହିବା କଥା ଯେ ତାଙ୍କ ଅଭିଜ୍ଞତା ଓ କାର୍ଯ୍ୟଦକ୍ଷତା ପାଇଁ ୪ ଲକ୍ଷ କଣ ୧କୋଟି ଟଙ୍କା ପର୍ଯ୍ୟନ୍ତ ମଧ୍ୟ ସେ ଚାର୍ଜ କରିପାରିବେ । କିନ୍ତୁ ଏମ୍ ପିଏମ୍ ପ୍ଲମ୍ବର ସର୍ଭିସ ଏହି ଘଟଣାକୁ ନେଇ କହିଛନ୍ତି ଯେ- ସାଧାରଣତଃ ଏହିଭଳି ମରାମତିରେ ୨୫୦ ପାଉଣ୍ଡ ଅର୍ଥାତ ୨୫ହଜାର ଭିତରେ ହୋଇଯାଏ । ହେଲେ ଛାତ୍ରଟି ପାଖରୁ ଟଙ୍କା ହଡପ କରିବା ପାଇଁ ଏହି ପ୍ଲମ୍ବର ଜଣଙ୍କ ଏମିତି କହିଛନ୍ତି । ଏହି ମାମଲାରେ ଏବେ ଛାତ୍ର ଜଣଙ୍କ ପୋଲିସଙ୍କ ପାଖରେ ଅଭିଯୋଗ କରିଛନ୍ତି ।

ସ୍ୱାସ୍ଥ୍ୟ ସେବାର ନଗ୍ନ ଚିତ୍ର, ମାଆର ମୃତଦେହ ସାଙ୍ଗରେ ନେବା ପାଇଁ ଡାକ୍ତରଖାନା ମାଗିଲା ୮ ହଜାର ଟଙ୍କା

ୟୁପି: ଦେଶରେ କରୋନା ସଂକ୍ରମଣ ଏବେ ଉପରମୁହାଁ ହୋଇଛି । ପ୍ରତିଦିନ ୪ ଲକ୍ଷରୁ ଅଧିକ ସଂଖ୍ୟାରେ କରୋନା ସଂକ୍ରମିତ ଚିହ୍ନଟ ହେଉଛନ୍ତି। ଏଭଳି ପରିସ୍ଥିତିରେ ସ୍ୱାସ୍ଥ୍ୟ ସେବା ଏବେ ମୁଖ୍ୟ ଭୁମିକା ଗ୍ରହଣ କରିଛି। କିଛି ଏଭିତି କିଛି ଘଟଣା ଘଟୁଛି ଯେଉଁଥିପାଇଁ ଦେଶରେ ସ୍ୱାସ୍ଥ୍ୟ ସେବା ବଦନାମ ହୋଇଛି। କେଉଁଠି ରୋଗୀଙ୍କୁ ଆମ୍ବୁଲାନ୍ସ ମିଳୁନି  ତ କେଉଁଠି ଡାକ୍ତରଖାନାରେ ରୋଗୀଙ୍କ ପାଇଁ ବେଡ ନାହିଁ। ଆଉ ଏବେ ଦେଶରେ ଅମ୍ଳଜାନ ଅଭାବରୁ ଅଧିକ ସଂଖ୍ୟାରେ ଲୋକେ ଆତ୍ମହତ୍ୟା କରୁଛନ୍ତି। ତେବେ ଏଭଳି ପରିସ୍ଥିତିରେ ୟୁପିର ଏକ ଡାକ୍ତରଖାନାରୁ ଆସିଛି ମାଆର ଶବକୁ ଘରକୁ ନେବା ପାଇଁ ଟଙ୍କା ମଗାଯାଉଥିବାର ଅଭିଯୋଗ ।

ଏଇ ଗୋଟିଏ ଘଟଣା ନୁହେଁ। ୟୁପିର ସ୍ୱାସ୍ଥ୍ୟସେବାର ଏମିତି ଏନେକ ଅବହେଳିତ ଘଟଣା ସାମ୍ନାକୁ ଆସିଛି। କଣ କେଉଁ ଡାକ୍ତରଖାନା ନିଜ ମାଆର ମୃତ ଦେହ ନେବା ପାଇଁ ପୁଅକୁ ଟଙ୍କା ମାଗିପାରେ। ଟିକେ ସେହି ପୁଅର ସ୍ଥାନରେ ରହି ଭାବନ୍ତୁ ତ। ମା ମୃତ୍ୟୁର ଦୁଖ ସାଙ୍ଗକୁ ଅର୍ଥ ଦେବାର ଚିନ୍ତା। କେଉଁଭଳି ପରିସ୍ଥିତିର ସାମ୍ନ କରୁଥିବା ସେ ପୁଅ। ଏଭଳି ଏକ ମାମଲା ଆଲିଗଡର ପଣ୍ଡିତ ଦିନଦୟାଲ ଉପାଧ୍ୟାୟ ଡାକ୍ତରଖାନାରୁ ଆସିଛି। ଅଭିଯୋଗ ହୋଇଛି ଯେ ମା’ଙ୍କ ମୃତଦେହକୁ ନେଇଯିବା ପାଇଁ ଡାକ୍ତରଖାନାରେ ୮ ହଜାର ଟଙ୍କାର ଦାବି କରାଯାଇଥିଲା। ଯେତେବେଳେ ସୋସିଆଲ ମିଡିଆରେ ଏହି ଘଟଣା ଭାଇରାଲ ହୋଇଥିଲା ସେତେବେଳେ ମହିଳାଙ୍କ ମୃତଦେହକୁ ତୁରନ୍ତ ଦିଆଯାଇଥିଲା।

କରୋନା ଭୟରେ ମୃତ୍ୟୁ ପରେ ମିଳିଲାନି ଆମ୍ଭୁଲାନ୍ସ, ସ୍ୱାମୀର ଶବକୁ ଇ-ରିକ୍ସାରେ ବୋହିଲେ ସ୍ତ୍ରୀ

ୟୁପି: ବୟସର ଅପରାହ୍ନରେ ବି ସରିନି ସଂଘର୍ଷ। ଶେଷ ସମୟରେ ହାତ ଛାଡ଼ିନି ଜୀବନସାଥିର ପ୍ରତିଶ୍ରୁତି ଦେଇଥିବା ସ୍ତ୍ରୀ। କରୋନା ସମୟରେ କେମିତି ଗୋଟିଏ ସ୍ତ୍ରୀ ମୃତ ସ୍ୱାମୀ ପାଇଁ ସଂଘର୍ଷ କରିଛି ତାହା ଆଜି ଦେଖିବାକୁ ମିଳିଛି। ସ୍ୱାମୀର ଶବ ନେବା ପାଇଁ ଆମ୍ବୁଲାନ୍ସ ଆସିଲାନି ବୋଲି କଣ ଡାକ୍ତରଖାନାରେ ଶବକୁ ରହିଯିବାକୁ ଦେବ। ସେଥିପାଇଁ ସାମର୍ଥ୍ୟ ଯୁଟାଇ ବହୁ କଷ୍ଟରେ ଇ-ରିକ୍ସାରେ ସ୍ୱାମୀର ଶବକୁ ନବାପାଇଁ ବାଧ୍ୟ ହେଲେ ମହିଳା। ଏଭଳି ଏକ ଘଟଣା ଦେଖିବାକୁ ମିଳିଛି ୟୁପିର ଫିରୋଜାବାଦରେ।

ପ୍ରତିଦିନ କରୋନାର ଦାରୁଣ ଚିତ୍ର ସାମ୍ନାକୁ ଆସୁଛି। ଏମିତି କିଛି ଚିତ୍ର ଯାହାକୁ ଦେଖିଲେ ଆପଣବି କହିବେ ମଣିଷ ସହ ଏମିତି କାହିଁକି ହେଉଛି। କରୋନା କାଳରେ ବାହାବାହା ନେଉଥିବା ସ୍ୱାସ୍ଥ୍ୟ ସେବା କେତେ ତଳକୁ ଖସିଯାଇପାରେ ତାହା ଏଠାରେ ଦେଖିବାକୁ ମିଳିଛି। କରୋନା ଆକ୍ରାନ୍ତଙ୍କୁ ନେବାପାଇଁ ଆମ୍ବୁଲାନ୍ସ ଆସୁନଥିବା ଏହି ସମୟରେ ଆପଣ ମାନେ ଶୁଣିଥିବେ। କିନ୍ତୁ କରୋନା ହୋଇନଥିବା ମୃତ ବ୍ୟକ୍ତିଙ୍କୁ ଆମ୍ଭୁଲାନ୍ସ ନମିଳିବା କେତେ ଲଜ୍ଜାଜନକ ତାହା ଭାବିପାରୁଥିବେ।

ୟୁପିର ଫିରୋଜାବାଦ ପୋଲିସ ଷ୍ଟେସନ ମୋହାଲା ରାମନଗରର ଜଣେ ୬୩ ବର୍ଷୀୟ ବୃଦ୍ଧ ମହିଳା ତାଙ୍କ ସ୍ୱାମୀଙ୍କ ଦେହ ଅତ୍ୟନ୍ତ ଖରାପ ହେବାରୁ ଚିକିତ୍ସା ପାଇଁ ସରକାରୀ ଟ୍ରମା ସେଣ୍ଟର ଯାଇଥିଲେ। ଡାକ୍ତର ସେଠାରେ ତାଙ୍କୁ ଦେଖିବା ପରେ ତାଙ୍କୁ ମୃତ ଘୋଷଣା କରିଥିଲେ। ସ୍ୱାମୀଙ୍କ ମୃତ୍ୟୁ ପରେ ମହିଳାଙ୍କ ମାନସିକ ଅବସ୍ଥା ଏତେ ଖରାପ ହୋଇଯାଇଥିଲା ଯେ ସେ କାହା ସହିତ ସଠିକ୍ ଭାବରେ କଥା ହୋଇପାରିନଥିଲେ। ସେତିକିରେ ସରିନଥିଲା ମହିଳାଙ୍କର ଦୁଃଖ। ସରକାରୀ ଟ୍ରମା ସେଣ୍ଟର ପ୍ରୋଟୋକଲ ଆଧାରରେ ଶବକୁ ଘରକୁ ପଠାଇବା ପାଇଁ ଆମ୍ବୁଲାନ୍ସ କିମ୍ବା ଶବ ବୁହା ଗାଡ଼ିର ବ୍ୟବସ୍ଥା କରିବା ଉଚିତ। କିନ୍ତୁ ଶବକୁ ନେବା ପାଇଁ ତାଙ୍କୁ ଆମ୍ବୁଲାନ୍ସ ସେବା ମିଳି ନଥିଲା। ଅନେକ ଗୁହହାରି ପରେ ମଧ୍ୟ କେହି ସାହାଯ୍ୟ କରିନଥିଲେ। ଯାହାପରେ ବୃଦ୍ଧ ମହିଳା ମୃତଦେହକୁ ଇ-ରିକ୍ସା ଦ୍ୱାରା ତାଙ୍କ ଘରକୁ ନେଇଥିଲେ।

ଏଇ ଗୋଟିଏ ଘଟଣା ନୁହେଁ। ୟୁପିର ସ୍ୱାସ୍ଥ୍ୟସେବାର ଏମିତି ଏନେକ ଅବହେଳିତ ଘଟଣା ସାମ୍ନାକୁ ଆସିଛି। କଣ କେଉଁ ଡାକ୍ତରଖାନା ନିଜ ମାଆର ମୃତ ଦେହ ନେବା ପାଇଁ ପୁଅକୁ ଟଙ୍କା ମାଗିପାରେ। ଟିକେ ସେହି ପୁଅର ସ୍ଥାନରେ ରହି ଭାବନ୍ତୁ ତ। ମା ମୃତ୍ୟୁର ଦୁଖ ସାଙ୍ଗକୁ ଅର୍ଥ ଦେବାର ଚିନ୍ତା। କେଉଁଭଳି ପରିସ୍ଥିତିର ସାମ୍ନ କରୁଥିବା ସେ ପୁଅ। ଏଭଳି ଏକ ମାମଲା ଆଲିଗଡର ପଣ୍ଡିତ ଦିନଦୟାଲ ଉପାଧ୍ୟାୟ ଡାକ୍ତରଖାନାରୁ ଆସିଛି। ଅଭିଯୋଗ ହୋଇଛି ଯେ ମା’ଙ୍କ ମୃତଦେହକୁ ନେଇଯିବା ପାଇଁ ଡାକ୍ତରଖାନାରେ ୮ ହଜାର ଟଙ୍କାର ଦାବି କରାଯାଇଥିଲା। ଯେତେବେଳେ ସୋସିଆଲ ମିଡିଆରେ ଏହି ଘଟଣା ଭାଇରାଲ ହୋଇଥିଲା ସେତେବେଳେ ମହିଳାଙ୍କ ମୃତଦେହକୁ ତୁରନ୍ତ ଦିଆଯାଇଥିଲା।

‘ମହଜୁଦ ରହିଛି ପର୍ଯ୍ୟାପ୍ତ ସାମଗ୍ରୀ, ଅଯଥା ଲଗାନ୍ତୁ ନାହିଁ ଗହଳି’

ଭୁବନେଶ୍ୱର: ରାଜ୍ୟରେ ଗୁରୁବାର ଠାରୁ ଅର୍ଥାତ ଆସନ୍ତା ୫ ତାରିଖରେ ଲାଗୁ ହେବାକୁ ଯାଉଛି ଲକଡାଉନ । ଏହି ଲକଡାଉନ ସମୟରେ ରାଜ୍ୟରେ କିଭଳି ଜାରି ରହିବ ଅତ୍ୟାବଶକୀୟ ସେବା ଏବଂ କେମିତି ମାନିବେ କଟକଣା ସେନେଇ ସୂଚନା ପ୍ରଦାନ କରିଛନ୍ତି ସ୍ବତନ୍ତ୍ର ରିଲିଫ କମିସନର ପ୍ରଦୀପ ଜେନା ।

ଏସଆରସି ଭିଡିଏ ବାର୍ତ୍ତା ଦେଇ କହିଛନ୍ତି ରାଜ୍ୟରେ ଲକଡାଉନ ଲାଗୁ ହେବାକୁ ଯାଉଛି । ଏହାକୁ ନେଇ କୈଣସି ମତେ ଭୟଭୀତ ହେବାର ଆବଶ୍ୟକତା ନାହିଁ । ସମସ୍ତ ସୁବିଧା କରାଯାଇଛି । ଜନସାଧାରଣ ଯେପରି କୈଣସି ଅସୁବିଧାରେ ନପଡନ୍ତି ସେନେଇ ମଧ୍ୟ ଆବଶ୍ୟକୀୟ ପଦକ୍ଷେପ ଗ୍ରହଣ କରାଯାଇଛି । ଲକଡାଉନ ଲାଗୁ ହେଲେ ମଧ୍ୟ ପ୍ରତିଦିନ ସକାଳେ ଗ୍ରୋସରୀ ଦୋକାନ ଏବଂ ପନିପରିବା ଦୋକନା ଖୋଲା ରହିବ । ତେଣୁ ଅଯଥା ଭୟଭୀତ ହୁଅନ୍ତୁ ନାହିଁ କିମ୍ବା ବଜାର ହାଚରେ ଗହଳି ଲଗାନ୍ତୁ ନାହିଁ ବୋଲି କହିଛନ୍ତି ସ୍ବତନ୍ତ୍ର ରିଲିଫ କମିସନର ପ୍ରଦୀପ ଜେନା ।

ଗହଳି ବଢିଲେ କରୋନା ବଢିବାର ଆଶଙ୍କା ରହିଛି । ଏଣୁ ଲୋକେ ସଚେତନ ରହିବା ପାଇଁ ଅପିଲ୍ କରିଛନ୍ତି SRC । ଲକଡାଉନ୍ ସମୟରେ ସକାଳ ୬ରୁ ଅପରାହ୍ନ ୧୨ଟା ପର୍ଯ୍ୟନ୍ତ ଗ୍ରୋସରି ଓ ପରିବା ଦୋକାନ ଖୋଲା ରହିବ । ସରକାର ଆବଶ୍ୟକ ମୁତାବକ ସମସ୍ତ ସାମଗ୍ରୀ ମହଜୁଦ ରଖିଛନ୍ତି । ଏଣୁ ଲୋକେ ଅଯଥା ବ୍ୟସ୍ତ ନ ହୋଇ ସରକାରଙ୍କ ନିୟମ ମାନିବା ଉଚିତ୍ । ସେହିପରି ରାଜ୍ୟରେ ପର୍ଯ୍ୟାପ୍ତ ପରିମାଣର ଅକ୍ସିଜେନ ମହଜୁଦ ରହିଛି  । ସମସ୍ତ କଟକଣାକୁ ମାନିବାର ଆବଶ୍ୟକତା ରହିଛି ବୋଲି କହିଛନ୍ତି ଏସଆରସି ।

ଦିଲ୍ଲୀରୁ ଟଳୁନି ଅକ୍ସିଜେନ ସଙ୍କଟ, ହାଇକୋର୍ଟରେ ନର୍ସିଂହୋମର ଅଭିଯୋଗ

ନୂଆଦିଲ୍ଲୀ:  ଅକ୍ସିଜେନର ସଙ୍କଟ ଆଖିରେ ଲୁହ ଆଣିଦେଇଛି। ଅଦୃଶ୍ୟ ମହାମାରୀ ଅସହ୍ୟ କରିଛି । ଆଖି ଆଗରେ ପରିଜନଙ୍କ ମୃତ୍ୟୁକୁ କିଏ ବା ସହିନେବ । କିଏ ବା ଏଭଳି ଅସହାୟ ମୃତ୍ୟୁକୁ ସହଜରେ ଗ୍ରହଣ କରିପାରିବ । କାଳରୂପୀ କୋଭିଡର କଠୋର ଭୂତାଣୁ ଆଗରେ ହାର ମାନିଛି ସବୁକିଛି । ସୂକ୍ଷ୍ମ ଭୁତାଣୁ ଯେ ସାଙ୍ଘାତିକ ରୂପ ଧାରଣ କରିବ । ପୁଣି ନିଶ୍ବାସ ନେଉଥିବା ମଣିଷଟାକୁ ଅଣନିଶ୍ବାସୀ କରିପକାଇବ । ଏହା ତ କଳ୍ପନା ବାହାରେ । ଦେଶର ଧଡକନ ଏବେ ବଞ୍ଚିବାର ଆଶା ନେଇ ଧାଁ ଧାପଡ କରୁଛି । ତଥାପି ପାରୁନି । କେଉଁଠି ବେଡର ସଟେଜ ତ ପୁଣି କେଉଁଠି ଅକ୍ସିଜେନର ସଙ୍କଟ । ହାତ ଯୋଡି ନିଶ୍ବାସ ମାଗୁଥିବା ହସ୍ପିଟାଲ ଥକି ପଡିଲାଣି । ଆଉ କେତେ ଗୁହାରୀ ଜଣାଇବ । ଆଉ କେତେ ରୋଗୀ ମୃତ୍ୟୁର ବଦନାମକୁ ଗ୍ରହଣ କରିବ ।

ରାଜଧାନୀ ଦିଲ୍ଲୀର ଅନେକ ମେଡିକାଲ ବିପର୍ଯ୍ୟସ୍ଥ ଅକ୍ସିଜେନ ସେବା । ଅନ୍ୟା ରାଜ୍ୟରୁ ଆସୁଥିବା ଅମ୍ଲଜାନ ଆବଶ୍ୟକତା ମେଣ୍ଟାଉନଥିବା ଅଭିଯୋଗ ହୋଇଛି । ଏହାରି ଭିତରେ ଲାଜପାତ ନଗରରେ ଥିବା IBS ହସ୍ପିଟାଲରେ ମଧ୍ୟ ଦେଖିବାକୁ ମିଳିଛି ସମାନ ଚିତ୍ର । ଅକ୍ଜିଜେନ ସପୋର୍ଟରେ ମେଡିକାଲରେ ୩୭ ପେସେଣ୍ଟ ରହିଥିବାବେଳେ ଦିଲ୍ଲୀ ସରକାର କେବଳ ୧୦ଟି ସିଲିଣ୍ଡର ଯୋଗାଇଦେଇଛନ୍ତି । ଅବଶିଷ୍ଟ ଆକ୍ରାନ୍ତ କିଭଳି ଅକ୍ସିଜେନ ପାଇବେ ବୋଲି ଚିନ୍ତା ପ୍ରକଟ କରିଛି ଉକ୍ତ ମେଡିକାଲ ।

ସେପଟେ ସଙ୍କଟ ଭିତରେ ସନ୍ତୁଳି ହେଉଥିବା ଦିଲ୍ଲୀ ସ୍ବାସ୍ଥ୍ୟବସ୍ଥାକୁ ନେଇ ପୁଣି ଆସିଛି ଅଭିଯୋଗ । ସରକାରଙ୍କ ଉପରେ ଆରୋପ ଲଗାଇଛନ୍ତି ନର୍ସିଂହୋମ । ଗୋଟେପଟେ ମେଡିକାଲରେ ଅକ୍ସିଜେନ ବ୍ୟବସ୍ଥାରେ ସୁଧାର ଆସିନଥିବାବେଳେ ଅନ୍ୟପଟେ ନର୍ସିହୋମ ଗୁଡିକ ମଧ୍ୟ ସମାନ ଅଭିଯୋଗ ସରକାର ଉପରେ ଲଗାଇଛନ୍ତି । ଦିଲ୍ଲୀ ସରକାର କେବଳ ମେଡିକାଲରେ ହେଉଥିବା ଅକ୍ସିଜେନ ସଙ୍କଟକୁ ଦୃଷ୍ଟିଗୋଚର କରୁଛନ୍ତି, ନର୍ସିହୋମ ଅବସ୍ଥାକୁ ନେଇ ଅବଗତ ନାହାଁନ୍ତି । ରାଜ୍ୟରେ ଥିବା ସମସ୍ତ ନର୍ସିଂହୋମରେ ମୋଟ ୮ ହଜାର ବେଡ ରହିଛି । ଏଠାରେ ମଧ୍ୟ ହଜାର ହଜାର ଆକ୍ରାନ୍ତ ଚିକିତ୍ସିତ ହେଉଛନ୍ତି । ତେଣୁ ନର୍ସିହୋମରେ ଥିବା ଅବ୍ୟବସ୍ଥା, ଅକ୍ସିଜେନ ଅଭାବକୁ ରାଜ୍ୟ ସରକାର ପୂରଣ କରନ୍ତୁ ବୋଲି ଚେତାବନୀ ଦେଇଛି ନର୍ସିଂହୋମ ସଙ୍ଘ ।

କୋଲକତା ନାଇଟ ରାଇଡରର୍ସ ପରେ ଚେନ୍ନାଇ ସୁପରକିଙ୍ଗସ୍‌ର ୩ଜଣଙ୍କୁ କରୋନା

ଆଇପିଏଲ ୨୦୨୧ରେ କରୋନା ଭାଇରସ ନିଜର କାୟା ବଢାଇବାକୁ ଲାଗିଛି । କୋଲକତା ନାଇଟ ରାଇଡରର୍ସର ଦୁଇ ଖେଳାଳୀ କରୋନା ପଜିଟିଭ୍ ଚିହ୍ନଟ ହେବା ପରେ ଏବେ ଚେନ୍ନାଇ ସୁପରକିଙ୍ଗସ୍‌ର ପାଳି । ଚେନ୍ନାଇ ସୁପରକିଙ୍ଗସ୍‌ର ସୋପର୍ଟ ଷ୍ଟାଫ୍‌ଙ୍କ ଭିତରୁ ୩ଜଣ କରୋନା ସଂକ୍ରମିତ ହୋଇଛନ୍ତି । କିନ୍ତୁ ଆଶ୍ୱସ୍ତିକର କଥା ହେଉଛି ଟିମ୍‌ର ବାକି ସଦସ୍ୟଙ୍କ ରିପୋର୍ଟ ନେଗେଟିଭ୍ ଆସିଛି । ୨ମେ’ରେ ହୋଇଥିବା ଟେଷ୍ଟିଙ୍ଗ ପରେ ଏହା ଜଣାପଡିଛି  ।  ଚେନ୍ନାଇ ଟିମର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (CEO) କାଶୀ ବିଶ୍ବନାଥନ୍‌, ବୋଲିଂ କୋଚ୍‌ ଏଲ୍‌ ବାଲାଜୀ ଏବଂ ବସ୍‌ର କ୍ଲିନର କରୋନା ସଂକ୍ରମିତ ହୋଇଥିବା ସୂଚନା ଦିଆଯାଇଛି ।

ଆଶ୍ବସ୍ତିକର କଥା ହେଉଛି ଟିମ୍‌ର ବାକି ସଦସ୍ୟଙ୍କ ରିପୋର୍ଟ ନେଗେଟିଭ ଆସିଛି । ଗତ ରବିବାର ଦିନ ସିଏସ୍‌କେର ସମସ୍ତ ଖେଳାଳୀ ଏବଂ ଟିମ୍‌ ସଦସ୍ୟଙ୍କ ଟେଷ୍ଟ କରାଯାଇଥିଲା ଏବଂ ସେଥିମଧ୍ୟରୁ ୩ ଜଣଙ୍କ ରିପୋର୍ଟ ପଜିଟିଭ ଆସିଛି । ବର୍ତ୍ତମାନ ଚେନ୍ନାଇ ଟିମ ଦିଲ୍ଲୀରେ ଅଛି ଏବଂ ଆସନ୍ତା ବୁଧବାର ରାଜସ୍ଥାନ ରୟାଲସ୍‌ ବିପକ୍ଷରେ ପରବର୍ତ୍ତୀ ମ୍ୟାଚ ଅଛି । ଏହାରି ମଧ୍ୟରେ ଦଳର ଅଭ୍ୟାସକୁ ମଧ୍ୟ ରଦ୍ଦ କରାଯାଇଛି ।ଏହା ବ୍ୟତୀତ ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମ୍‌ର ୫ଜଣ ଗ୍ରାଉଣ୍ଡସ୍‌ମ୍ୟାନ୍ ବି କରୋନା ପଜିଟିଭ୍ ଜଣାପଡିଛନ୍ତି । ଏହାକୁ ଦେଖି ଗୋଟିଏ ଦିନରେ ଆଇପିଏଲ ୨୦୨୧ରେ କରୋନା ସଂକ୍ରମିତଙ୍କ ସଂଖ୍ୟା ୧୦ ପହଂଚିଛି । ତେବେ ଏହାରି ମଧ୍ୟରେ ଆଇପିଏଲ ଜାରି ରହିବ କି ନାହିଁ ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ପୂର୍ବରୁ କୋଲକାତା ଏବେ ଚେନ୍ନାଇ ଟିମରେ କରୋନା ସଂକ୍ରମିତ ଚିହ୍ନଟ ହେବା ଆଗକୁ ଆଇପିଏଲ ଜାରି ରହିବା ନେଇ ସସ୍‌ପେନ୍ସ ଛିଡା କରିଛି ।