spot_img
Home Blog Page 5840

ମୋଦି-ଜନସନ୍ ଆଲୋଚନା : ରୋଡ୍‌ମ୍ୟାପ୍ ୨୦୩୦ ଲଞ୍ଚ୍ କରିବେ ଦୁଇ ନେତା

ନୂଆଦିଲ୍ଲୀ: ଆଜି ମୋଦି-ଜନସନ୍ ଆଲୋଚନା । ଇଂଲଣ୍ଡର ପ୍ରଧାନମନ୍ତ୍ରୀ ବୋରିସ୍‌ ଜନ୍‌ସନ୍‌ଙ୍କ ସହ କଥା ହେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭର୍ଚୁଆଲ ବୈଠକରେ ଉଭୟ ନେତା ଏକାଧିକ ପ୍ରସଙ୍ଗ ଉପରେ ଆଲୋଚନା କରିବେ । ଏହି ଅବସରରେ ରୋଡମ୍ୟାପ୍ – ୨୦୩୦ ଲଞ୍ଚ କରିବେ ଦୁଇ ନେତା । ରୋଡମ୍ୟାପ ଆଗାମୀ ଏକ ଦଶନ୍ଧି ମଧ୍ୟରେ ଭାରତ-ବ୍ରିଟେନ ସହଯୋଗକୁ ଆହୁରି ସୁଦୃଢ କରିବ । ଏଥିପାଇଁ ଆଜିର ବୈଠକ ବେଶ ଗୁରୁତ୍ବ ବହନ କରୁଛି । କରୋନାର ମୁକାବିଲା ନେଇ ବିଶ୍ବସ୍ତରରେ କିପରି ଉଦ୍ୟମ କରିହେବ ସେନେଇ ବୈଠକରେ ଆଲୋଚନା ହେବ । ଏହାସହ ବହୁମୁଖୀ ଯୋଜନା ସମ୍ବନ୍ଧୀୟ ରାଜିନାମା ସ୍ବାକ୍ଷରିତ ହେବାର କାର୍ଯ୍ୟକ୍ରମ ରହିଛି । ଭାରତରେ କରୋନା ସଂକ୍ରମଣ ବଢୁଥିବା ବେଳେ ବ୍ରିଟେନ୍ ସରକାର ଏକ ହଜାର ଭେଣ୍ଟିଲେଟର ପହଞ୍ଚାଇବା ପାଇଁ ଉଦ୍ୟମ ଆରମ୍ଭ କରିଛନ୍ତି । ବୋରିସ୍ ଜନସନ୍ ଏପ୍ରିଲ୍ ୨୫ରେ ଭାରତ ଆସିବାର କାର୍ଯ୍ୟକ୍ରମ ଥିଲେ ମଧ୍ୟ କରୋନା ପାଇଁ ଏହାକୁ ବାତିଲ୍ କରାଯାଇଥିଲା ।

ଏଥିସହିତ ପଢ଼ନ୍ତୁ: କାଠଗଡାରେ ନିର୍ବାଚନ ଆୟୋଗ; ରାୟ ସଂରକ୍ଷିତ ରଖିଲେ ଅଦାଲତ

ରାଜ୍ୟରେ ଆଉ ୮୨୧୬ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଆଉ ୮୨୧୬ ପଜିଟିଭ ଚିହ୍ନଟ ହୋଇଛନ୍ତି । କ୍ବାରେଣ୍ଟାଇନରୁ ୪୬୮୪, ଲୋକାଲ କେସ୍ ୩୫୩୨ ଚିହ୍ନଟ ହୋଇଛନ୍ତି । କରୋନାରେ ୧୫ ଆକ୍ରାନ୍ତଙ୍କ ମୃତ୍ୟୁ ହୋଇଛି । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୫ଜଣଙ୍କ ମୃତ୍ୟୁ ହୋଇଥିବା ବେଳେ ରାୟଗଡାରୁ ୩, କଳାହାଣ୍ଡି ଓ ସୁନ୍ଦରଗଡ଼ରୁ ୨ଜଣ ଲେଖାଏଁ, କଟକ, ପୁରୀ, ସୁବର୍ଣ୍ଣପୁରରୁ ଜଣେ ଲେଖାଏଁ ଆକ୍ରାନ୍ତଙ୍କ ମୃତ୍ୟୁ ହୋଇଛି । ଖୋର୍ଦ୍ଧାରୁ ସର୍ବାଧିକ ୧୨୭୧ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସୁନ୍ଦରଗଡ଼ରୁ ୬୩୬, କଟକରୁ ୪୪୭, ପୁରୀରୁ ୪୦୨, ଅନୁଗୁଳରୁ ୩୯୪, ସମ୍ବଲପୁରରୁ ୩୮୫, ବରଗଡ଼ରୁ ୩୭୫, ଯାଜପୁରରୁ ୩୪୭, ନବରଙ୍ଗପୁରରୁ ୩୧୯, ଝାରସୁଗୁଡାରୁ ୩୧୬, ବଲାଙ୍ଗୀରରୁ ୩୦୫, ବାଲେଶ୍ବରରୁ ୩୦୨, ସଂକ୍ରମିତ ଚିହ୍ନଟ ହୋଇଛନ୍ତି । ନୂଆପଡାରୁ ୨୬୧, ନୟାଗଡ଼ରୁ ୨୫୦, ସୋନପୁରରୁ ୨୪୮, କଳାହାଣ୍ଡି ଓ ଷ୍ଟେଟପୁଲରୁ ୨୩୮ଜଣ ଲେଖାଏଁ, ରାୟଗଡ଼ାରୁ ୨୩୨ ଆକ୍ରାନ୍ତ ଚିହ୍ନଟ ହୋଇଛନ୍ତି । ମୟବରଭ଼୍ଜରୁ ୧୯୦, କୋରାପୁଟରୁ ୧୩୩, କେନ୍ଦୁଝରରୁ ୧୨୯, ଗଜପତିରୁ ୧୨୧,ଜଗତସିଂହପୁରରୁ ୧୦୬ ପଜିଟିଭ ଚିହ୍ନଟ ହୋଇଥିବା ବେଳେ ବୌଦ୍ଧ ଓ ଦେଓଗଡ଼ରୁ ୯୮ଜଣ ଲେଖାଏଁ, କେନ୍ଦ୍ରାପଡାରୁ ୮୭, କନ୍ଧମାଳରୁ ୭୭, ଗଞ୍ଜାମରୁ ୬୯, ଭଦ୍ରକରୁ ୬୩, ଢେଙ୍କାନାଳରୁ ୪୭, ମାଲକାନଗିରିରୁ ୩୨ ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୪ଲକ୍ଷ ୭୯ହଜାର ୭୫୨ଥିବା ବେଳେ ମୋଟ୍ ମୃତ୍ୟୁସଂଖ୍ୟା ୨୦୮୮ରେ ପହଞ୍ଚିଛି । ସୁସ୍ଥ ହେଲେଣି ୪ଲକ୍ଷ ୪ହଜାର ୬୩ । ଆକ୍ଟିଭ କେସ୍ ରହିଛି ୭୩ହଜାର ୫୪୮ ।

ଏଥିସହିତ ପଢ଼ନ୍ତୁ: ଲକଡାଉନ୍ ବେଳେ ବି କରିହେବ ଅଭିଯୋଗ, ହାଇକୋର୍ଟ ପକ୍ଷରୁ ହ୍ୱାଟସଅପ ନମ୍ବର ଜାରି

ଲକଡାଉନ୍ ବେଳେ ବି କରିହେବ ଅଭିଯୋଗ, ହାଇକୋର୍ଟ ପକ୍ଷରୁ ହ୍ୱାଟସଅପ ନମ୍ବର ଜାରି

ଭୁବନେଶ୍ୱର: ଲକଡାଉନ୍ ବେଳେ ହାଇକୋର୍ଟରେ ମାମଲା ରୁଜୁ ପାଇଁ ହେଲେ ପାଳନ କରିବାକୁ ପଡିବ ନୂଆ ଏସଓପି । ଆସନ୍ତା 5 ତାରିଖ ରୁ 14 ଦିନ ପର୍ଯ୍ୟନ୍ତ ହେଉଥିବା ଲକ ଡାଉନକୁ ନଜରରେ ରଖି ଏସଓପି ଜାରି କରିଛନ୍ତି ଓଡିଶା ହାଇକୋର୍ଟ । ଏହି ସମୟରେ ଉଭୟ ଅନଲାଇନରେ ଓ ହ୍ବାଟସଅପ ଜରିଆରେ ଆବେଦନ ଗ୍ରହଣ କରାଯିବ ବୋଲି କହିଛନ୍ତି କୋର୍ଟ ।

ଏନେଇ ହାଇକୋର୍ଟଙ୍କ ପକ୍ଷରୁ ହ୍ବାଟସଅପ ନମ୍ବର ଜାରି କରାଯାଇଛି । ହ୍ବାଟସଅପ ନମ୍ବର 8895300958 ଜାରି କରାଯାଇଛି। ଆବେଦନକାରୀ ନିଜର ଆଡଭୋକେଟଙ୍କ ଜରିଆରେ ଏକ ପିଡିଏଫ ଫାଇଲ ମାଧ୍ୟମରେ ଏଥିରେ ମାମଲା ରୁଜୁ କରି ପାରିବେ । ଏଥି ସହିତ ଅନ ଲାଇନରେ ଅଦାଲତ ଫି ଦାଖଲ କରିବାକୁ ଏସଓପିରେ ଉଲ୍ଲେଖ ରହିଛି ।

ଓଡ଼ିଶା ପରେ ମଧ୍ୟପ୍ରଦେଶରେ ଜର୍ଣ୍ଣାଲିଷ୍ଟ ଯୋଦ୍ଧା

ଭୋପାଳ: ନବୀନଙ୍କ ରାସ୍ତାରେ ଶିବରାଜ । ଓଡ଼ିଶା ପରେ ମଧ୍ୟପ୍ରଦେଶରେ ଜର୍ଣ୍ଣାଲିଷ୍ଟ ଯୋଦ୍ଧା । ସାମ୍ବାଦିକଙ୍କୁ ସମ୍ମୁଖ କରୋନା ଯୋଦ୍ଧା ଘୋଷଣା କରିଛନ୍ତି ଏମ୍‌ପି ସରକାର । କରୋନା ସଂକଟରେ ଜୀବନକୁ ବାଜି ଲଗାଇ ଲୋକଙ୍କ ପାଖରେ ଖବର ପହଞ୍ଚାଇବାକୁ ସାମ୍ବାଦିକମାନେ କାମ କରୁଛନ୍ତି । ତେଣୁ ରାଜ୍ୟର ସମସ୍ତ ସ୍ବୀକୃତିପ୍ରାପ୍ତ ସାମ୍ବାଦିକଙ୍କୁ ସମ୍ମୁଖ ଯୋଦ୍ଧା ଘୋଷଣା କରାଯାଇଥିବା ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କହିଛନ୍ତି ।

ରାଜ୍ୟରେ ୪ହଜାରରୁ ଅଧିକ ସ୍ବୀକୃତିପ୍ରାପ୍ତ ସାମ୍ବାଦିକ ଅଛନ୍ତି। ସେମାନଙ୍କୁ ଅନ୍ୟ କୋଭିଡ୍ ସମ୍ମୁଖ ଯୋଦ୍ଧାଙ୍କ ଭଳି ସବୁ ସରକାରୀ ସହାୟତା ଦିଆଯିବ। ଓଡ଼ିଶା ସରକାର ପୂର୍ବରୁ ସାମ୍ବାଦିକଙ୍କୁ ସମ୍ମୁଖ କରୋନା ଯୋଦ୍ଧା ଘୋଷଣା କରିବାକୁ କେନ୍ଦ୍ର ସରକାରଙ୍କୁ ଚିଠି ଲେଖିଥିଲେ । ହେଲେ କେନ୍ଦ୍ର ଜବାବ ନଦେବାରୁ ରାଜ୍ୟ ସରକାର ଗତକାଲି ସାମ୍ବାଦିକଙ୍କୁ କୋଭିଡ୍ ଯୋଦ୍ଧା ଘୋଷଣା କରିଥିଲେ । ଜାତୀୟସ୍ତରର ଗଣମାଧ୍ୟମ ପ୍ରତିନିଧି ଏହାକୁ ସ୍ବାଗତ କରିବା ସହ ନବୀନଙ୍କୁ କେନ୍ଦ୍ର ଓ ଅନ୍ୟ ରାଜ୍ୟ ଅନୁସରଣ କରିବା ପାଇଁ ଟ୍ବିଟ୍ କରିଥିଲେ ।

ଏହାପରେ ଆଜି ମଧ୍ୟପ୍ରଦେଶ ସରକାର ସାମ୍ବାଦିକଙ୍କୁ କୋଭିଡ୍ ସମ୍ମୁଖ ଯୋଦ୍ଧା ଘୋଷଣା କରିଛନ୍ତି । ସାମ୍ବାଦିକଙ୍କୁ ସମ୍ମୁଖ ଯୋଦ୍ଧା ଘୋଷଣାକୁ ସ୍ବାଗତ କରିଛନ୍ତି କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି। ଅନ୍ୟ ରାଜ୍ୟ ଅନୁସରଣ କରିଥିବାରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । ସେହିପରି ନୂଆ ପଥ ଦେଖାଉଛନ୍ତି ନବୀନ ପଟ୍ଟନାୟକ । ଅନ୍ୟ ରାଜ୍ୟମାନେ ଆମ ମୁଖ୍ୟମନ୍ତ୍ରୀଙ୍କୁ ଫଲୋ କରୁଥିବାରୁ ଗର୍ବିତ ବୋଲି ବିଜେଡି ବିଧାୟିକା ପ୍ରମିଳା ମଲ୍ଲିକ କହିଛନ୍ତି ।

କାଠଗଡାରେ ନିର୍ବାଚନ ଆୟୋଗ; ରାୟ ସଂରକ୍ଷିତ ରଖିଲେ ଅଦାଲତ

ନୂଆଦିଲ୍ଲୀ: କାଠଗଡାରେ ମୁଖ୍ୟ ନିର୍ବାଚନ ଆୟୋଗ । କରୋନା କାଳରେ ଦେଶରେ ନିର୍ବାଚନ ହେବା ନେଇ ଏବେ ଅଡୁଆରେ ପଡିଛନ୍ତି ନିର୍ବାଚନ ଆୟୋଗ । ମାଡ୍ରାସ ହାଇକୋର୍ଟ ଦେଇଥିବା ରାୟକୁ ନିର୍ବାଚନ ଆୟୋଗ ଡାକ୍ତରଙ୍କ ମେଡିସିନ୍ ଭାବି ଗ୍ରହଣ କରିବାକୁ କହିଛନ୍ତି ସୁପ୍ରିମକୋର୍ଟ । ନିର୍ବାଚନ ଆୟୋଗଙ୍କ ବିରୋଧରେ ହତ୍ୟା ମାମଲା ରୁଜୁ ହେଲେ କୌଣସି ଅସୁବିଧା ହେବ ନାହିଁ ବୋଲି କହିଥିଲେ ମାଦ୍ରାସ ହାଇକୋର୍ଟ ।

ଏହା ବିରୋଧରେ ସୁପ୍ରିମକୋର୍ଟର ଦ୍ବାରସ୍ଥ ହୋଇଥିଲେ ନିର୍ବାଚନ ଆୟୋଗ । ଆଜି ମାମଲାର ଶୁଣାଣି କରି ଏଭଳି କହିବା ସହ ରାୟ ସଂରକ୍ଷିତ ରଖିଛନ୍ତି ସର୍ବୋଚ୍ଚ ଅଦାଲତ । ସେହିଭଳି ମିଡିଆକୁ ରିପୋଟିଂ କରିବା ପାଇଁ କେହି ରୋକିପାରିବେ ନାହିଁ ବୋଲି ବୋଲି କହିଛନ୍ତି ସୁପ୍ରିମକୋର୍ଟ । ଗଣମାଧ୍ୟମ ଗଣତନ୍ତ୍ରର ଜାଗ୍ରତ ପ୍ରହରି ଅଟେ ।

ଏଣୁ ବିନା କୌଣସି ବାଧାରେ ଗଣମାଧ୍ୟମକୁ ତା କାମ କରିବାକୁ ଦିଆଯିବା ଉଚିତ୍ ବୋଲି କହିଛନ୍ତି କୋର୍ଟ । ସାମ୍ବିଧାନିକ ସଂସ୍ଥା ବିରୋଧରେ କୌଣସି ପ୍ରସଙ୍ଗ ଲୋକଲଚନକୁ ନ ଆସିବା ଦରକାର, ଏଥି ପ୍ରତି ମିଡିଆ ଯତ୍ନବାନ ହେବା ଆବଶ୍ୟକ ବୋଲି କହିଥିଲେ ନିର୍ବାଚନ ଆୟୋଗ । ଯାହାକୁ ଖଣ୍ଡନ କରିଛନ୍ତି ସୁପ୍ରିମକୋର୍ଟ ।

ଜୀବନ ବାଜିରେ ଅକ୍ସିଜେନ୍ ସଙ୍କଟ, ଅମ୍ଲଜାନ ଅଭାବରୁ ଆଉଟୁପାଉଟୁ ଜୀବନ

ନୂଆଦିଲ୍ଲୀ:  ଦିଲ୍ଲୀ, ଆନ୍ଧ୍ର ପ୍ରଦେଶ ପରେ କର୍ଣ୍ଣାଟକରେ ରୋଗୀ ମୃତ୍ୟୁ। ଶ୍ୱାସ ପାଇଁ ଶେଷ ହୋଇଯାଉଛି ସମୟ। କର୍ଣ୍ଣାଟକର ଚାମରାଜନଗରରେ ପ୍ରଶାସନର ଅବହେଳା ପାଇଁ ଚାଲିଯାଇଛି ୨୪ ଜଣକ ଜୀବନ। ମହୀଶୂରରୁ ଆବଶ୍ୟକ ମୁତାବକ ଅକ୍ସିଜେନ୍ ଉଚିତ ସମୟରେ ଆସି ନପହଞ୍ଚିବାରୁ ଏତେ ସଂଖ୍ୟାରେ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଥିବା ଜଣାପଡିଛି। ପୂର୍ବରୁ ଏଭଳି ଘଟଣା ସାମ୍ନାକୁ ଆସିଥିଲେ ବି ପ୍ରଶାସନର ଖାମଖିଆଲ ମନୋଭାବ ଯୋଗୁଁ ଏଭଳି ପରିସ୍ଥିତି ସୃଷ୍ଟି ହୋଇଛି । ଯାହାକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି ମୃତକଙ୍କ ପରିବାରଲୋକେ ।

ବିକଶିତ ରାଜ୍ୟର ବିକଳ ଦୃଶ୍ୟ । ପଦାରେ ପଡିଛି ଗୁଜରାଟ ମଡେଲର ନଗ୍ନ ବାସ୍ତବ। ହସ୍ପିଟାଲରେ ରୋଗୀ ଭର୍ତ୍ତି ହେବା ପାଇଁ ଚାହିଁ ରହିଛନ୍ତି। ବାହାରେ ଗାଡିରେ ଅକ୍ସିଜେନ୍ ଲାଗିଛି, କିନ୍ତୁ ସିରିଅସ ନୁହଁନ୍ତି କର୍ତ୍ତୃପକ୍ଷ । ଜୀବନ ଆଶା ସତେ ଯେମିତି ମରଣ ସହ ସଂଗ୍ରାମ ବୋଲି ମାନିନେଇଛି। ଘଣ୍ଟା ଘଣ୍ଚା ବାହାରେ ରୋଗୀଙ୍କୁ ଅପେକ୍ଷା କରିବାକୁ ପଡୁଥିବା କହିଛନ୍ତି ସମ୍ପର୍କୀୟ।

ସଂକଟବେଳେ ସରକାରଙ୍କ ଭିତିରି ପ୍ଲାନ। ସମାଲୋଚନାକୁ ଏଡ଼ାଇବା ପାଇଁ ମିଥ୍ୟାର ଆଶ୍ରୟ। ଶିବରାଜ ସିଂଙ୍କ ମଧ୍ୟପ୍ରଦେଶରୁ ଆସିଛି ସାଂଘାତିକ ଅଭିଯୋଗ । କରୋନାରେ ମୃତ୍ୟୁ ହେଉଥିବା ରୋଗୀଙ୍କ ସଂଖ୍ୟା ସରକାର ଲୁଚାଉଥିବା ଅଭିଯୋଗ ହୋଇଛି । ଭୋପାଳରେ ଏପ୍ରିଲ ମାସରେ ୧୦୪ ଜଣକ ମୃତ୍ୟୁ ହୋଇଥିବା କହିଛନ୍ତି ସରକାର । ହେଲେ ଶବଦାହର ସଂଖ୍ୟା କହୁଛି ୨ ହଜାର ୫୫୭ । ଏତେ ସଂଖ୍ୟାରେ ରୋଗୀ ମରୁଥିଲେ ମଧ୍ୟ ମଧ୍ୟପ୍ରଦେଶ ସରକାର ନିଜର ଅପାରଗତା ଲୁଚାଇବା ପାଇଁ ଏଭଳି କରୁଥିବା ଚର୍ଚ୍ଚା ହେଉଛି।

ଦେଶରେ ବଢୁଥିବା ସଂକ୍ରମଣକୁ ନେଇ ଚିନ୍ତା ପ୍ରକଟ କରିଛନ୍ତି ସୁପ୍ରିମକୋର୍ଟ । ପରିସ୍ଥିତି ସାଂଘାତିକ ହେଉଥିବାରୁ ପୂରା ଦେଶରେ ଲକଡାଉନ କି ସଟଡାଉନ ଲାଗୁ କରିବାକୁ ପ୍ରସ୍ତାବ ଦେଇଛନ୍ତି । ସେହିପରି ଯଦି କୌଣସି ନାଗରିକଙ୍କ ପାଖରେ ସ୍ଥାନୀୟ ପ୍ରମାଣ ପତ୍ର ନାହିଁ ତେବେ ତାଙ୍କୁ ହସ୍ପିଟାଲରେ ଭର୍ତ୍ତି କରିବାକୁ କେହି ମନା କରିପାରିବେ ନାହିଁ। ଏ ସମ୍ବନ୍ଧରେ କେନ୍ଦ୍ର ଦୁଇ ସପ୍ତାହ ମଧ୍ୟରେ ରାଷ୍ଟ୍ରନୀତି ଆଣିବାକୁ କହିଛନ୍ତି କୋର୍ଟ । ସେପଟେ ଦେଶରେ ୨୪ ଘଣ୍ଟାରେ ୩ ଲକ୍ଷ ୬୮ ହଜାର ୧୪୭ ସଂକ୍ରମିତ ଚିହ୍ନଟ ହୋଇଥିବାବେଳେ ୩ ହଜାର ୪୧୭ ଜଣଙ୍କ ଜୀବନ ନେଇଛି କରୋନା ।

ଆପଲ ଓ୍ୱାଚ୍‌ର ନୂଆ ଫିଚର, କହିବ ଆପଣ କେତେ ପରିମାଣରେ ମଦ ପିଇଛନ୍ତି

ନୂଆଦିଲ୍ଲୀ: ଆପଲ୍ ୱାଚ୍ ପ୍ରେମୀଙ୍କ ପାଇଁ ଖୁସିର ଖବର। କାରଣ ବଜାରକୁ ଆସିବାକୁ ଯାଉଛି ଏହି ଆପଲ ଓ୍ୱାଚ୍‌ର ନୂଆ ମଡେଲେ । ଏହି ମଡେଲରେ ଫିଚର ସମ୍ପୂର୍ଣ୍ଣ ନୂଆ ରହିବ। ଏମିତି କିଛି ଫିଚର୍ସ ରହିବ ଯାହା ଜାଣିଲାପରେ ଆପଣ ଆଶ୍ଚର୍ଯ୍ୟ ହୋଇଯିବେ। ଫେବୃଆରୀ ୨୦୨୧ ରେ ଆମେରିକାର ପେଟେଣ୍ଟ ଏବଂ ଟ୍ରେଡ୍ ମାର୍କ ଅଫିସ୍ ରେ ଏକ ଟାଇଟଲ୍ ପେଟେଣ୍ଟ୍ ଦାଖଲ କରାଯାଇଛି।

ଏହି ପେଟେଣ୍ଟରୁ ଏହା ସ୍ପଷ୍ଟ ହୋଇଛି ଯେ ଆପଲ୍ ବ୍ଲଡ ସୁଗାର ପଢ଼ିବା ଉପରେ କାମ କରିପାରେ। ଯାହାଦ୍ୱାରା ବଜାରକୁ ଆସିବାକୁ ଥିବା ଆପଲ୍ ୱାଚ୍ ର ଫିଚରରେ ଗ୍ଲୁକୋଜ୍‌ର ସ୍ତରକୁ ରିଡିଂ କରିବାର କ୍ଷମତା ରହିଛି । ନିକଟରେ ବ୍ରିଟେନର ସ୍ୱାସ୍ଥ୍ୟ ବୈଷୟିକ ସଂସ୍ଥା ରକଲି ଫୋଟନିକ୍ସ ସ୍ପଷ୍ଟ କରିଛି ଯେ ଗତ ଦୁଇ ବର୍ଷ ଧରି ଆପଲ୍ କମ୍ପାନୀ ସହିତ ଜଡିତ ଅଛି। ଏହି କମ୍ପାନୀ ମୁଖ୍ୟତ ରକ୍ତ ଗ୍ଲୁକୋଜ ସ୍ତରର ଟ୍ରାକିଂ କରିଥାଏ।

ମିଡିଆ ରିପୋର୍ଟ ଅନୁଯାୟୀ, ନିକଟରେ ହୋଇଥିବା ଏକ SEC ଦାଖଲରେ ରକଲି ଫୋଟନିକ୍ସ ଆପଲକୁ ଏହାର ସବୁଠାରୁ ବଡ ଗ୍ରାହକ ବୋଲି ବର୍ଣ୍ଣନା କରିଛି। ଏହା ଦର୍ଶାଏ ଯେ ଆପଲ୍ ଏହି ଟେକ୍ନୋଲୋଜିରେ କାମ କରୁଛି ଏବଂ ଏହାକୁ ନିଜ ଡିଭାଇସକୁ ଆଣିପାରେ, ଯାହା ଆପଲ୍ ୱାଚ୍ ରେ ଆସିବାର ସମ୍ଭାବନା ଅଧିକ। ଆପଲ୍ ପୂର୍ବରୁ ମଧ୍ୟ ନିଜ କମ୍ପାନୀର ଘଣ୍ଟାରେ ହୃଦସ୍ପନ୍ଦନ ମନିଟର ଏବଂ SpO2 ମନିଟର ପ୍ରଦାନ କରିସାରିଛି।

ରକ୍ତରେ ଥିବା ଗ୍ଲୁକୋଜର ସ୍ତର ଉପରେ ନଜର ରଖିବା ସହିତ ରକଲି ରକ୍ତଚାପ ଏବଂ ମଦ୍ୟପାନ ସ୍ତର ଉପରେ ମଧ୍ୟ ଧ୍ୟାନ ଦେଉଛନ୍ତି। ଏହି ଦୁଇଟି ଫିଚର ଆଗାମୀ ଆପଲ୍ ୱାଚରେ ଆସିପାରେ ବୋଲି ଅନୁମାନ କରାଯାଉଛି ।

ଏବେ ହେବନି ପିପିଲି ଉପନିର୍ବାଚନ, ସଂକ୍ରମଣ ବଢୁଥିବାରୁ ସ୍ଥଗିତ

ଭୁବନେଶ୍ୱର: ସ୍ଥଗିତ ରହିଲା ପିପିଲି ଉପନିର୍ବାଚନ । କୋଭିଡ ଭୟବହତାକୁ ଦୃଷ୍ଟିରେ ରଖି ଆସନ୍ତା ୧୬ରେ ହେବାକୁ ଥିବା ପିପିଲି ଉପନିର୍ବାଚନକୁ ଅଟକାଯାଇଛି । ରାଜ୍ୟରେ ଦୈନିକ କରୋନା ସଂକ୍ରମଣ ବଢୁଥିବାରୁ ପିପିଲିରେ ଉପନିର୍ବାଚନ ହେବା ନହେବା ନେଇ ଦାୟର ହୋଇଥିଲା ଅଭିଯୋଗ । ଏନେଇ ଆଜି ଶୁଣାଣି କରିଥିଲେ ହାଇକୋର୍ଟ । ଶେଷରେ ରାଜ୍ୟ ନିର୍ବାଚନ କମିଶନରଙ୍କ ସହ କଥା ହୋଇ ପିପିଲିରେ ହେବାକୁ ଥିବା ଉପନିର୍ବାଚନକୁ ସ୍ଥଗିତ ରଖିଥିବା ନେଇ ନିଷ୍ପତି ନେଇଛନ୍ତି ।

କୋଭିଡ ପରିସ୍ଥିତିରେ ନିର୍ବାଚନ ଅନୁଷ୍ଠିତ ନେଇ 7ତାରିଖ ପର୍ଯ୍ୟନ୍ତ ନିଷ୍ପତ୍ତି ନେବାକୁ ସମୟ ମାଗିଥିଲେ ହାଇକୋର୍ଟ । ଆଜି ଏନେଇ ବିଚାର କରିବା ସହ ଶୁଣାଣି ମଧ୍ୟ କରିଥିଲେ । ଯେହେତୁ ବର୍ତ୍ତମାନ ସଂକ୍ରମଣ ବ୍ୟାପକ ହେବାରେ ଲାଗିଛି ଏବଂ ବଢିଚାଲିଛି ତେଣୁ ଉପନିର୍ବାଚନ କରିବା ଠିକ ନୁହେଁ । ଏଭଳି ସ୍ଥିତିରେ ନିର୍ବାଚନ ହେଲେ ସଂକ୍ରମଣ ଆହୁରି ବଢିବା ନେଇ ଆଶଙ୍କା କରିଥିଲେ ହାଇକୋର୍ଟ ।

ଆସନ୍ତା 16ତାରିଖରେ ହେବାକୁ ଥିଲା ପିପିଲି ଉପନିର୍ବାଚନ । ରାଜ୍ୟ ନିର୍ବାଚନ ଅଧିକାରୀଙ୍କ ସହ ଆଲୋଚନା କରିବା ପରେ ଉପନିର୍ବାଚନ ସ୍ଥଗିତ ରଖିବା ନେଇ ନିଷ୍ପତି ନିଆଯାଇଛି । ଲକ୍‌ଡାଉନ୍‌ ବିପର୍ଯ୍ୟୟ ପରିଚାଳନା ନିୟମ 2005 ଅନୁସାରେ ଏହି ନିଷ୍ପତ୍ତି ନିଆଯାଇଛି । ସେପଟେ କୋଭିଡ ସ୍ଥିତି ସୁଧୁରିଲେ ପୁନର୍ବାର ନିର୍ବାଚନ ପାଇଁ ନୂଆ ବିଜ୍ଞପ୍ତି ଜାରି ଲକରାଯିବ ବୋଲି କହିଛନ୍ତି କମିସନ ।

ମମତା ବିଧାୟକ ଦଳ ନେତା ନିର୍ବାଚିତ, ୫ରେ ନେବେ ଶଫଥ

କୋଲକାତା: ତୃତୀୟ ଥର ପାଇଁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଗାଦିସୀନ ହେବାକୁ ଯାଉଛନ୍ତି ମମତା ବାନାର୍ଜୀ । ଦଳର ବୃହତ ବିଜୟ ପରେ ଟିଏମସିର ସମସ୍ତ ନବନିର୍ବାଚିତ ବିଧାୟକ ଦିଦିଙ୍କୁ ବିଧାୟକ ଦଳ ନେତା ଭାବେ ନିର୍ବାଚିତ କରିଛନ୍ତି । ତେଣୁ ସୁପ୍ରିମୋ ମମତା ବାନାର୍ଜୀ ମୁଖ୍ୟମନ୍ତ୍ରୀ ହେବା ନେଇ ମଧ୍ୟ ବୈଠକରେ ଏକପ୍ରକାର ନିଷ୍ପତି ନିଆଯାଇଥିବା ଜଣାପଡ଼ିଛି । ଟିଏମସିରେ ବିଧାୟକ ଦଳ ନେତା ହେବା ପାଇଁ କୈଣସି ଦାବିଦାର ନାହାଁନ୍ତି । ମମତା ବାନାର୍ଜୀ ହିଁ ଦଳର ସର୍ବମାନ୍ୟ ନେତା । ତେଣୁ ସମସ୍ତ ବିଧାୟକ ସର୍ବ ସମ୍ମତି କ୍ରମେ ମମତା ବାନାର୍ଜୀଙ୍କୁ ହିଁ ମୁଖ୍ୟମନ୍ତ୍ରୀ ଏବଂ ବିଧାୟକ ଦଳ ରୂପେ ଚୟନ କରିଛନ୍ତି । ସୂଚନା ମୁତାବକ ଆସନ୍ତା ୫ ତାରିଖରେ ଦିଦି ଶପଥ ନେବାକୁ ଯାଉଛନ୍ତି ।

କୋଭିଡ ଦୃଷ୍ଟିରୁ ଦିଦି କୌଣସି ଆଡମ୍ବରପୂର୍ଣ୍ଣ ଆୟୋଜନ କରିବେ ନାହିଁ । ଶପଥ ଗ୍ରହଣ ଉତ୍ସବକୁ ଅତି ସାଧାରଣ ଭାବେ ପାଳନ କରିବେ ବୋଲି ପ୍ରେସ ମିଟରେ ଗତକାଲି ସୂଚନା ଦେଇଥିଲେ ମମତା ବାନାର୍ଜୀ । ୫ ତାରିଖରେ ଦିଦିଙ୍କ ଶପଥ ଉତ୍ସବ ପରେ ମନ୍ତ୍ରୀ ମଣ୍ଡଳ ୬ ତାରିଖରେ ଶପଥ ନେଇପାରେ ବୋଲି ଜଣାପଡିଛି । ସମଗ୍ର ଦେଶରେ କୋଭିଡ ଭୟବହତା ଜାରି ରହିଛି । ପଶ୍ଚିମବଙ୍ଗରେ ମଧ୍ୟ କୋଭିଡ କଟକଣା ବଳବତ୍ତର ରଖିବାକୁ ଜିତିବା ପରେ ଦିଦି ସାମ୍ବାଦିକ ସମ୍ମଳନୀ ଜରିଆରେ ଜନସାଧାରଣଙ୍କୁ ବାର୍ତ୍ତା ଦେଇଛନ୍ତି । ତେଣୁ ଯେ ପର୍ଯ୍ୟନ୍ତ କୋଭିଡ ପରିସ୍ଥିତି ପ୍ରତିହତ ହୋଇନାହିଁ, ସେପର୍ଯ୍ୟନ୍ତ ଦଳ କୌଣସି ବିଜୟ ଉତ୍ସବ ପାଳନ କରିବା ନାହିଁ ବୋଲି କହିଛନ୍ତି ସୁପ୍ରିମୋ ମମତା ବାନାର୍ଜୀ ।

କରୋନା ସମୟରେ ସିଟି ସ୍କାନ୍ କରିବା ହାନିକାରକ, ସିଟି ସ୍କାନ କଲେ କ୍ୟାନସର ହେବାର ଆଶଙ୍କା

ନୂଆଦିଲ୍ଲୀ: କରୋନା ସମୟରେ ସିଟି ସ୍କାନ୍ କରିବା ହାନିକାରକ । ଆଜି ଏଭଳି କହିଛନ୍ତି ଦିଲ୍ଲୀ ଏମ୍ସ ନିର୍ଦ୍ଦେଶକ ଡାକ୍ତର ରଣଦୀପ ଗୁଲେରିଆ । କୋଭିଡ୍ ଟେଷ୍ଟ ନେଗେଟିଭ୍ ଆସିଲେ ସିଟି ସ୍କାନ କରିବା ପାଇଁ ଡାକ୍ତର ପରାମର୍ଶ ଦେଉଥିବା ଦେଖିବାକୁ ମିଳୁଛି । ଗୋଟିଏ ସିଟି ସ୍କାନ ୩୦୦ ଚେଷ୍ଟ ଏକ୍ସ-ରେ ସହ ସମାନ । ଏଣୁ ସିଟି ସ୍କାନ କଲେ କ୍ୟାନସର ହେବାର ଆଶଙ୍କା ଥିବା କହିଛନ୍ତି ଡାକ୍ତର ଗୁଲେରିଆ । ଆଜିକାଲି ଅନେକ ଲୋକ ସିଟି ସ୍କାନ କରୁଛନ୍ତି, ଏହା ଆପଣଙ୍କ ପାଇଁ ବିପଦ ଆଣିପାରେ । ଏଣୁ ଏଥିପ୍ରତି ଦୃଷ୍ଟି ଦେବା ପାଇଁ ସତର୍କ କରାଇଛନ୍ତି ଡାକ୍ତର ଗୁଲେରିଆ ।

ସେ ଆହୁରି ମଧ୍ୟ କହିଛନ୍ତି ଯେ ରକ୍ତ ପରୀକ୍ଷା ମଧ୍ୟ ଆପଣ ନିଜ ଇଚ୍ଛାରେ କରିବା ଉଚିତ ନୁହେଁ । ନିଜେ ନିଜେ ଡାକ୍ତର ହୁଅନ୍ତୁ ନାହିଁ। ଅନେକ ଲୋକ ପ୍ରତି ତିନିମାସ ପରେ ସେମାନଙ୍କ ସିଟି ସ୍କାନ କରାଉଛନ୍ତି ଯାହା ସମ୍ପୂର୍ଣ୍ଣ ଭୁଲ ବୋଲି ସେ କହିଛନ୍ତି। ସାମାନ୍ୟ ଲକ୍ଷଣ ଥିବା ବ୍ୟକ୍ତି ସାଧାରଣ ଔଷଧ ଖାଇ ସୁସ୍ଥ ହେବାକୁ ପରାମର୍ଷ ଦେଇଛନ୍ତି । ଆଉ ଷ୍ଟେରଏଡ ନେବା ଆବଶ୍ୟକ ନାହିଁ ବୋଲି ସେ କହିଛନ୍ତି। ସେ କହିଛନ୍ତି ଯେ ହାଇଡ୍ରୋ ଷ୍ଟେରଏଡ ଅଧିକ ସଂକ୍ରମିତ ହୋଇଥିବା ରୋଗୀଙ୍କ ପାଇଁ।

ସାମ୍ବାଦିକ ସମ୍ମିଳନୀରେ କେନ୍ଦ୍ର ସ୍ୱାସ୍ଥ୍ୟ ସଚିବ ଆଇଏଏସ୍ ଅଧିକାରୀ ଲୁଭ ଅଗ୍ରୱାଲ କହିଛନ୍ତି ୧୫ ଦିନ ମଧ୍ୟରେ କରୋନା ସଂକ୍ରମଣ ହ୍ରାସ ପାଇଛି। ଛତିଶଗଡ, ଦିଲ୍ଲୀ, ମଧ୍ୟପ୍ରଦେଶ, ମୁମ୍ବାଇ, ଔରଙ୍ଗାବାଦ, ମହାରାଷ୍ଟ୍ର ଏବଂ ଝାଡଖଣ୍ଡରେ ହ୍ରାସ ଘଟିଛି।