ନୂଆଦିଲ୍ଲୀ: ପଶ୍ଚିମବଙ୍ଗରେ ବିଜେପି ଭର୍ସେସ୍ ବିଜେପି। ପ୍ରାର୍ଥୀ ତାଲିକା ଘୋଷଣା କରିବା ପରେ ବିଜେପିକୁ ହଟହଟା ହେବାକୁ ପଡ଼ିଛି। ଗତକାଲି ପଶ୍ଚିମବଙ୍ଗର ୧୪୮ ଆସନ ପାଇଁ ବିଜେପି ପ୍ରାର୍ଥୀ ତାଲିକା ଘୋଷଣା କରିଛି। ଏହାକୁ ନେଇ କେତେକ ସ୍ଥାନରେ ବିଜେପି କର୍ମୀ ପୋଡ଼ାଜଳା କରିଥିବା ବେଳେ କେତେକ ସ୍ଥାନରେ କାର୍ଯ୍ୟାଳୟରେ ଭଙ୍ଗାରୁଜା କରିଛନ୍ତି କର୍ମୀ। ଆଉ କେଉଁଠି କଂଗ୍ରେସ କର୍ମୀଙ୍କୁ ପ୍ରାର୍ଥୀ ଘୋଷଣା କରିବା ପରେ ବିଜେପି ଟିକେଟରେ ନିର୍ବାଚନ ଲଢ଼ିବାକୁ ମନା କରିଦେଇଛନ୍ତି ଆଶାୟୀ। ଯାହାକୁ ନେଇ ବିଜେପିକୁ ହଟହଟା ହେବାକୁ ପଡ଼ିଛି। ଉତ୍ତର କୋଲକାତାର ଚୋରଙ୍ଗୀ ଆସନରୁ ବିଜେପି ଶିଖା ମିତ୍ରଙ୍କ ନାମ ଘୋଷଣା କରିଥିଲା। ହେଲେ ସେ ବିଜେପି ଟିକେଟରେ ନିର୍ବାଚନ ଲଢ଼ିବାକୁ ମନା କରିଦେଇଛନ୍ତି। ପଶ୍ଚିମବଙ୍ଗ କଂଗ୍ରେସର ପୂର୍ବତନ ଅଧ୍ୟକ୍ଷଙ୍କ ସ୍ତ୍ରୀ ହେଉଛନ୍ତି ଶିଖା। ବିଜେପି ତାଙ୍କ ନାଁ ପ୍ରାର୍ଥୀ ଭାବେ ଘୋଷଣା କରିବା ପରେ, ସେ ବିଜେପିରେ ନୁହେଁ, କଂଗ୍ରେସରେ ଅଛନ୍ତି ବୋଲି କହିଛନ୍ତି। ଅନ୍ୟପଟେ ଟିଏମସି ଛାଡ଼ି ବିଜେପିରେ ସାମିଲ ହୋଇଥିବା ନେତାଙ୍କୁ ପ୍ରାର୍ଥୀ ଘୋଷଣା କରିବା ଯୋଗୁ ବିଭିନ୍ନ ସ୍ଥାନରେ ପୋଡ଼ାଜଳା, ଭଙ୍ଗାରୁଜା କରିଛନ୍ତି କର୍ମୀ। ମାଲଦା ହରିଶ୍ଚନ୍ଦ୍ରପୁର ବିଜେପି କାର୍ଯ୍ୟାଳୟ କର୍ମୀମାନେ ଭଙ୍ଗାରୁଜା କରିଥିବା ଜଣାପଡ଼ିଛି। ଟିଏମସି ଛାଡ଼ି ନିକଟରେ ବିଜେପିରେ ସାମିଲ ହୋଇଥିବା ମାତିଉର ରହମାନଙ୍କୁ ପ୍ରାର୍ଥୀ ଘୋଷଣା କରାଯାଇଥିବାରୁ ବିରୋଧ ପ୍ରଦର୍ଶନ କରିଛନ୍ତି କର୍ମକର୍ତ୍ତା। ଅନ୍ୟପଟେ ଓଲ୍ଡ ମାଲ୍ଦା ଆସନ ପାଇଁ ବିଜେପି ଘୋଷଣା କରିଥିବା ପ୍ରାର୍ଥୀ ବଦଳାଇବା ଦାବିରେ ଦଳୀୟ କାର୍ଯ୍ୟାଳୟରେ ଭଙ୍ଗାରୁଜା କରଛନ୍ତି କର୍ମୀ। ସେହିପରି ଦୁର୍ଗାପୁର, ପାଣ୍ଡବେଶ୍ୱର ପ୍ରାର୍ଥୀଙ୍କୁ ବିରୋଧ କରି ରାଜରାସ୍ତାକୁ ଓହ୍ଲାଇଛନ୍ତି ବିଜେପି କର୍ମୀ।

ନୂଆଦିଲ୍ଲୀ: ଇଂଲଣ୍ଡ ବିପକ୍ଷ ତିନି ମ୍ୟାଚ୍ ବିଶିଷ୍ଟ ODI ସିରିଜ୍ ପାଇଁ ଭାରତୀୟ ଦଳ ଘୋଷଣା କରାଯାଇଛି । ତିନି ମାସ ପରେ ଭାରତୀୟ ଦଳ ଏକ ଦିନିକିଆ ସିରିଜ ଖେଳିବ। ଶେଷ ଥର ପାଇଁ ସେ ଡିସେମ୍ବର ୨୦୨୦ରେ ଅଷ୍ଟ୍ରେଲିଆ ଗସ୍ତରେ ODI ସିରିଜ୍ ଖେଳିଥିଲା। ଏହି ତିନି ମ୍ୟାଚ୍ ବିଶିଷ୍ଟ ସିରିଜରେ ଅଷ୍ଟ୍ରେଲିଆ ଭାରତକୁ ୨-୧ରେ ପରାସ୍ତ କରିଥିଲା। ଅଷ୍ଟ୍ରେଲିଆ ଗସ୍ତାରେ ସାମିଲ ଥିବା ୭ ଖେଳାଳି ଇଂଲଣ୍ଡ ବିପକ୍ଷରେ ହେବାକୁ ଥିବା ସିରିଜ୍ ପାଇଁ ଦଳରେ ସାମିଲ ହୋଇନାହାଁନ୍ତି।

ଏହି ଖେଳାଳିମାନେ ହେଉଛନ୍ତି ରବିନ୍ଦ୍ର ଜାଡେଜା, ଜସପ୍ରୀତ ବୁମ୍ରା, ନବଦୀପ ସାଇନି, ମହମ୍ମଦ ଶାମି, ମନୀଷ ପାଣ୍ଡେ, ମୟଙ୍କ ଅଗ୍ରୱାଲ ଏବଂ ସଞ୍ଜୁ ସାମସନ। ମନୀଷ ପାଣ୍ଡେ ଏବଂ ସଞ୍ଜୁ ସାମସନଙ୍କୁ ODI ସିରିଜରେ ଖେଳିବାର ସୁଯୋଗ ମିଳିନଥିଲା। ଏଥି ସହିତ ମୟଙ୍କ ଅଗ୍ରୱାଲ ୨ ଟି ମ୍ୟାଚରେ ମୋଟ ୫୦ ରନ୍ ସଂଗ୍ରହ କରିଥିଲେ।

ନିକଟରେ ବିବାହ ବନ୍ଧନରେ ବାନ୍ଧି ହୋଇଛନ୍ତି ଦ୍ରୁତ ବୋଲର ଜସପ୍ରୀତ ବୁମ୍ରା। ଏହା ବ୍ୟତୀତ ମହମ୍ମଦ ଶାମି ଏବଂ ରବିନ୍ଦ୍ର ଜାଡେଜା ଆହତ  ହୋଇଛନ୍ତି। ଏଥି ସହିତ ଦ୍ରୁତ ବୋଲର ନବଦୀପ ସାଇନି ଅଷ୍ଟ୍ରେଲିଆ ଗସ୍ତରେ କୌଣସି ବିଶେଷ ଚମତ୍କାର ଦେଖାଇପାରିନଥିଲେ । ଇଂଲଣ୍ଡ ବିପକ୍ଷରେ ଚାଲିଥିବା ଟି -୨୦ ସିରିଜରେ ସେ ଦଳର ଏକ ଅଂଶ, କିନ୍ତୁ ତାଙ୍କୁ ଗୋଟିଏ ବି ମ୍ୟାଚ୍ ଖେଳିବାର ସୁଯୋଗ ମିଳିନାହିଁ।

<blockquote class=”twitter-tweet”><p lang=”en” dir=”ltr”><a href=”https://twitter.com/hashtag/TeamIndia?src=hash&amp;ref_src=twsrc%5Etfw”>#TeamIndia</a> squad for <a href=”https://twitter.com/Paytm?ref_src=twsrc%5Etfw”>@Paytm</a> ODI series against England announced. <a href=”https://twitter.com/hashtag/INDvENG?src=hash&amp;ref_src=twsrc%5Etfw”>#INDvENG</a></p>&mdash; BCCI (@BCCI) <a href=”https://twitter.com/BCCI/status/1372774859671937027?ref_src=twsrc%5Etfw”>March 19, 2021</a></blockquote> <script async src=”https://platform.twitter.com/widgets.js” charset=”utf-8″></script>

ଭାରତ ଏବଂ ଇଂଲଣ୍ଡ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ODI ସିରିଜ୍ ୨୩ ମାର୍ଚ୍ଚରୁ ଖେଳାଯିବ। କାର୍ଯ୍ୟସୂଚୀ ଅନୁଯାୟୀ ପୁଣେର ମହାରାଷ୍ଟ୍ର କ୍ରିକେଟ୍ ଆସୋସିଏସନ୍ ଷ୍ଟାଡିୟମରେ ସିରିଜର ତିନିଟି ଦିନିକିଆ ଖେଳାଯିବ। ଏହି ମ୍ୟାଚ୍ ୨୩, ୨୬ ଏବଂ ୨୮ ମାର୍ଚ୍ଚରେ ଅନୁଷ୍ଠିତ ହେବ।

ଅଷ୍ଟ୍ରେଲିଆ ଗସ୍ତରେ ଚମତ୍କାର ପ୍ରଦର୍ଶନ କରିଥିବା ଅଲରାଉଣ୍ଡର ରବିନ୍ଦ୍ର ଜାଡେଜା ଟେଷ୍ଟ ଏବଂ ପରେ ଇଂଲଣ୍ଡ ବିପକ୍ଷରେ ଟି -୨୦ ସିରିଜରୁ ବାଦ ପଡିଥିଲେ। ଯଦିଓ ଜାଡେଜା ନେଟରେ ଅଭ୍ୟାସ ଆରମ୍ଭ କରିଛନ୍ତି, କିନ୍ତୁ ସେ ODI ସିରିଜର ଅଂଶ ହୋଇପାରି ନାହାନ୍ତି। ଇଂଲଣ୍ଡ ବିପକ୍ଷ ଚତୁର୍ଥ ଟେଷ୍ଟ ଏବଂ ପାଞ୍ଚ ଟି -୨୦ ମ୍ୟାଚ୍ ସିରିଜରୁ ଜସପ୍ରୀତ ବୁମ୍ରାଙ୍କୁ ବିଶ୍ରାମ ଦେବା ପାଇଁ ପୂର୍ବରୁ ନିଷ୍ପତ୍ତି ନିଆଯାଇଛି। ବ୍ୟକ୍ତିଗତ କାରଣ ଦର୍ଶାଇ ଦ୍ରୁତ ବୋଲର ଚତୁର୍ଥ ଟେଷ୍ଟରୁ ଓହରି ଯାଇଥିଲେ। ଏହା ପରେ ସେମାନେ ବିବାହ କରିଥିଲେ।

ଟିମ୍ ଇଣ୍ଡିଆ ଦଳ – ବିରାଟ କୋହଲି (ଅଧିନାୟକ), ରୋହିତ ଶର୍ମା (ଉପ-ଅଧିନାୟକ), ଶିଖର ଧାୱନ, ଶୁଭମ ଗିଲ, ଶ୍ରେୟସ୍ ଆୟର, ସୂର୍ଯ୍ୟକୁମାର ଯାଦବ, ହାର୍ଦ୍ଦିକ ପାଣ୍ଡ୍ୟା, ଋଷଭ ପନ୍ତ (ୱିକେଟ୍ କିପର), କେ.ଏଲ୍ ରାହୁଲ (ୱିକେଟ୍ କିପର), ୟୁଜଭେନ୍ଦ୍ର ଚହଲ, କୁଲଦୀପ ଯାଦବ , କ୍ରୁନାଲ ପାଣ୍ଡ୍ୟା, ୱାଶିଂଟନ୍ ସୁନ୍ଦର, ଟି ନଟରାଜନ, ଭୁବନେଶ୍ୱର କୁମାର, ମହମ୍ମଦ ଶିରାଜ, ପ୍ରସିଦ୍ଧ କୃଷ୍ଣା, ସାରଦୁଲ ଠାକୁର ।

ନୂଆଦିଲ୍ଲୀ: ଅଦୃଶ୍ୟ ରାକ୍ଷସ କରୋନା ସାରା ବିଶ୍ୱରେ ତାର କାୟା ବିସ୍ତାର କରିଛି। କିଛି ଦିନର କରୋନାରୁ ତ୍ରାହି ପରେ ଏବେ ପୁଣି କରୋନା ସଂକ୍ରମଣ ବୃଦ୍ଧି ହେବାରେ ଲାଗିଛି। ଦେଶର କିଛି ସ୍ଥାନରେ ଦେଖା ଦେଇଛି କରୋନା ଦ୍ୱିତୀୟ ଲହରୀ। ମହାରାଷ୍ଟ୍ର ସହ ୫ଟି ରାଜ୍ୟରେ କରୋନା ସଂକ୍ରମଣ ପୁଣି ଥରେ ବୃଦ୍ଧି ଘଟିଛି। ପ୍ରତି ଦିନ ହଜାର ହଜାର ସଂଖ୍ୟାରେ କରୋନା ସଂକ୍ରମିତ ଚିହ୍ନଟ ହେଉଛନ୍ତି। ଯଦି ବିଗତ ବର୍ଷକୁ ଦେଖିବା ତେବେ କରୋନା ପାଇଁ ଦେଶ ଦେଖିଛି ଅଭାବ ଆଉ ଅନଟନ। କରୋନାର କଳା ବର୍ଷ ହେଉଛି ୨୦୨୦। ଦେଶର ପ୍ରତିଟି ଅଞ୍ଚଳ କରୋନା ଭୂତାଣୁର ମାଡ଼ରେ ଆଘାତ ପାଇଛି।

କରୋନାର ରୂପ କେତେ ଭୟଙ୍କର ତାହା ଦେଶର ପ୍ରତିଟି ଲୋକଙ୍କ ମନରେ ଲିପିବଦ୍ଧ ହୋଇ ରହିଛି। ପ୍ରତିଟି କ୍ଷେତ୍ରରେ ପଡ଼ିଛି କରୋନାର ଖରାପ ପ୍ରଭାବ। କରୋନାରେ ଗୋଟିଏ ପଟେ ଅନେକ ଲୋକ ଚାକିରୀ ହରାଇଥିବା ବେଳେ କିଛି ଲୋକଙ୍କର ଦରମା ହ୍ରାସ କରାଯାଇଥିଲା। ଦେଶର ଅର୍ଥ ବ୍ୟବସ୍ଥାର ଅଣ୍ଟା ଭାଙ୍ଗି ଦେଇଛି କରୋନା।

ମହାମାରୀରେ ଆର୍ଥିକ ସଙ୍କଟ କେତେ ଅସୁବିଧାର ସମ୍ମୁଖୀନ ହୋଇଛି ସେ ସମ୍ବନ୍ଧରେ ଏକ ଆକଳନ ପ୍ରକାଶ ପାଇଛି। ଆମେରିକାର ପ୍ୟୁ ରିସର୍ଚ୍ଚ ସେଣ୍ଟର ରିପୋର୍ଟ ଅନୁଯାୟୀ, କରୋନା ପାଇଁ ଭାରତରେ ୩ କୋଟି ୨୦ ଲକ୍ଷ ଭାରତୀୟ ମଧ୍ୟବିତ୍ତ ଶ୍ରେଣୀରୁ ତଳକୁ ଖସି ଆସିଛନ୍ତି।

ରିପୋର୍ଟ ଅନୁଯାୟୀ, ଦିନକୁ ୧୦ ରୁ ୨୦ ଡଲାର ରୋଜଗାର କରୁଥିବା ଭାରତୀୟଙ୍କ ସଂଖ୍ୟାରେ ହ୍ରାସ ଘଟିଛି। ଯେଉଁ କାରଣରୁ ୩ କୋଟି ୨୦ ଲକ୍ଷ ଭାରତୀୟ ମଧ୍ୟବିତ୍ତ ଶ୍ରେଣୀରୁ ତଳକୁ ଖସିଆସିଛନ୍ତି। ଏଭଳି ରିପୋର୍ଟ ସମସ୍ତଙ୍କୁ ଏକ ପ୍ରକାରର ଝଟକା ଦେଇଛି। ଯଦି ଦେଖିବା ତେବେ ଗତ କିଛି ବର୍ଷ ମଧ୍ୟରେ ଭାରତର ମଧ୍ୟବିତ୍ତଙ୍କ ସଂଖ୍ୟା ବୃଦ୍ଧି ପାଇଥିଲା। ୨୦୧୧ରୁ ୨୦୧୯ ମଧ୍ୟରେ ୫୭୦ ଲକ୍ଷ ଲୋକ ମଧ୍ୟମ ଆୟ ଗୋଷ୍ଠୀରେ ଯୋଡ଼ି ହୋଇଥିଲେ। ଦେଶକୁ କରୋନା ଆସିବା ପୂର୍ବରୁ ଦେଶର ୯୯୦ ଲକ୍ଷ ଲୋକ ମଧ୍ୟବିତ୍ତ ଶ୍ରେଣୀରେ ଥିଲେ। ଗୋଟିଏ ବର୍ଷ ପରେ ଏହି ସଂଖ୍ୟା ୬୬୦ ଲକ୍ଷକୁ ଆସିଛି। ଏହି ସଙ୍କଟ ସମୟରେ ପଡୋଶୀ ଦେଶ ଚୀନ୍ ତୁଳନାରେ ଭାରତରେ ମଧ୍ୟବିତ୍ତଙ୍କ ସଂଖ୍ୟା ଅଧିକ ହ୍ରାସ ପାଇଛି।

ଆଉ ଏଭଳି ପରିସ୍ଥିତିରେ ଏବେ ଭାରତରେ ପୁଣି କରୋନା ବୃଦ୍ଧି ପାଇବାରେ ଲାଗିଛି । ଗୋଟିଏ ଦିନରେ ୩୯,୭୨୬ ଟି ନୂଆ କରୋନା ସଂକ୍ରମିତ ଚିହ୍ନଟ ହେଉଛନ୍ତି। ଯାହା ଗତ ବର୍ଷ ମଧ୍ୟରେ ସବୁଠାରୁ ସର୍ବାଧିକ। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଶୁକ୍ରବାର ପ୍ରକାଶିତ ତଥ୍ୟ ଅନୁଯାୟୀ, କ୍ରମାଗତ ନବମ ଦିନ ପାଇଁ କରୋନା ସଂକ୍ରମଣ ମାମଲା ବୃଦ୍ଧି ପାଇଛି। ଦେଶରେ ବର୍ତ୍ତମାନ ସୁଦ୍ଧା ୨ ଲକ୍ଷ ୭୧ ହଜାର ୨୮୨ ଜଣ କରୋନା ରୋଗୀ ଚିକିତ୍ସିତ ହେଉଛନ୍ତି। ଯାହାକି ମୋଟ ସଂକ୍ରମଣର ୨.୩୬ ପ୍ରତିଶତ ଥିବାବେଳେ ଏହି ରୋଗରୁ ସୁସ୍ଥ ପାଇଥିବା ଲୋକଙ୍କ ସଂଖ୍ୟା ୯୬.୨୬ ପ୍ରତିଶତକୁ ହ୍ରାସ ପାଇଛି ।

ଶ୍ରୀନଗର: ଜାମ୍ମୁ କାଶ୍ମୀରରେ ଆତଙ୍କ ବୃଦ୍ଧି କରିବା ପାଇଁ ଆତଙ୍କବାଦୀମାନେ ଏକ ଭିନ୍ନ ପ୍ରକାରର ବୋମା ବ୍ୟବହାର କରିବା ଆରମ୍ଭ କରିଛନ୍ତି। ଏହାକୁ ଏକ ଷ୍ଟିକ୍ ବମ୍ କୁହାଯାଏ। ଷ୍ଟିକ୍ ବମରେ ଚୁମ୍ବକକୁ ବ୍ୟବହାର କରାଯାଇଛି । ଲହି ଚୁମ୍ବକ ଲ ଏପରି ପରିସ୍ଥିତିରେ, ସେମାନଙ୍କୁ ଚୁମ୍ବକ ମାଧ୍ୟମରେ ଲେପନ କରି ଚଳନ୍ତା ଯାନ ଉପରେ ବିସ୍ଫୋରଣ କରାଯାଇପାରେ। ଏହି ଷ୍ଟିକି ବୋମାରେ ଚୁମ୍ବକ ଲାଗିଥିବାରୁ ଏହାକୁ ଚଳନ୍ତା କାର ଉପରକୁ ଫୋପାଡ଼ି ବିସ୍ଫୋରଣ କରାଯାଇପାରିବ। ଏହି ଷ୍ଟିକ ବମ ସାଧାରଣତଃ IED ଦ୍ୱାରା ନିର୍ମିତ। ଯାହା ହାତର ମୁଠା ଠାରୁ ବଡ଼ ହୋଇନଥାଏ। ଚୁମ୍ବକ ମାଧ୍ୟମାରେ ଏହାକୁ ସହଜରେ ଗାଡି ପାର୍ଶ୍ୱରେ କିମ୍ବା ଇନ୍ଧନ ଟ୍ୟାଙ୍କ ନିକଟରେ ଲଗାଯାଇପାରେ।  ଯାହାଦ୍ୱାରା ଏକ ଛୋଟ ବିସ୍ଫୋରଣକୁ ବଡ଼ ବିସ୍ଫୋରଣରେ ପରିଣତ କରାଯାଇପାରେ।

ଆତଙ୍କବାଦୀ ମାନଙ୍କର ଏହି ନୂଆ ଅସ୍ତ୍ର ସୁରକ୍ଷା ବାହିନୀ ହାତରେ ଲାଗିଛ ।  ଏହା ଓଜରେ ବହୁତ ହାଲୁକା ଏବଂ ପୋର୍ଟେବଲ୍। ଗାଡ଼ରେ ଲଗାଇବା ପରେ ଏହାକୁ ବିସ୍ଫୋରଣ କରାଯାଏ, ଯାହାଦ୍ୱାରା ସଂଯୋଗ ସମୟରେ କୌଣସି ବିପଦ ନଥାଏ। ଗତ କିଛି ମାସ ମଧ୍ୟରେ ଜାମ୍ମୁ କାଶ୍ମୀରର ବିଭିନ୍ନ ଅଞ୍ଚଳରୁ ସୁରକ୍ଷା ବାହିନୀ ଷ୍ଟିକ୍ ବୋମା ଜବତ କରିଛନ୍ତି।

ଯଦିଓ ଆତଙ୍କବାଦୀମାନେ ଏହାକୁ ବ୍ୟବହାର କରିବାରେ ସକ୍ଷମ ହୋଇନାହାଁନ୍ତି, କିନ୍ତୁ ପୁନରୁଦ୍ଧାର ପରଠାରୁ ସୁରକ୍ଷା ବାହିନୀ ଅଧିକ ସତର୍କ ହୋଇପଡିଛନ୍ତି। ଏହି ଷ୍ଟିକ୍ ବୋମା ପୂର୍ବରୁ ଫେବୃଆରୀ ୧୩, ୨୦୧୨ ରେ ଇସ୍ରାଏଲ୍ ଦୂତାବାସ କାର ଉପରେ ହୋଇଥିବା ଆକ୍ରମଣରେ ବ୍ୟବହୃତ ହୋଇଥିଲା। ଏହି ଆକ୍ରମଣ ବାଇକ୍ ଆରୋହୀ ଦ୍ୱାରା କରାଯାଇଥିଲା। ସେ ଇନୋଭା କାର ପଛ ପଟକୁ ଯିବାବେଳେ ବମ ଖଞ୍ଜିଥିଲେ । ଏହି ଆକ୍ରମଣରେ ଇସ୍ରାଏଲର କୂଟନୀତିଜ୍ଞଙ୍କ ପତ୍ନୀ ଏବଂ ଡ୍ରାଇଭର ଗୁରୁତର ଆହତ ହୋଇଥିଲେ।