spot_img
Home Blog Page 5903

ତିନି ବର୍ଷ ପରେ ଜେଲରୁ ମୁକୁଳିବେ ଲାଲୁ ଯାଦବ, ଜାମିନ୍ ପାଇଁ ଏହି ସର୍ତ୍ତ ରଖିଲେ ହାଇକୋର୍ଟ

ରାଞ୍ଚି: ଗୋ-ଖାଦ୍ୟ ଦୁର୍ନୀତି ମାମଲାରେ ଜେଲ ଦଣ୍ଡ ଭୋଗୁଥିବା ଆରଜେଡି ମୁଖ୍ୟ ଲାଲୁ ପ୍ରସାଦ ଯାଦବଙ୍କୁ ଝାଡ଼ଖଣ୍ଡ ହାଇକୋର୍ଟରୁ ଜାମିନ୍ ମିଳିଛି । ଲାଲୁଙ୍କୁ ୧ ଲକ୍ଷ ଟଙ୍କାର ବନ୍ଧକ ଓ ୧୦ ଲକ୍ଷ ଟଙ୍କାର ଜରିମାନା ଦେବାକୁ ପଡ଼ିବ । ବେଲ୍ ବଣ୍ଡ ଜମା କରିବାର ଦିନେ କିମ୍ବା ଦୁଇଦିନ ପରେ ତାଙ୍କୁ ମୁକ୍ତି ମିଳିବ । ଲାଲୁଙ୍କ ପ୍ରାୟ ତିନିବର୍ଷ ପରେ ବେଲ୍ ମିଳିଛି । ଗୋ-ଖାଦ୍ୟ ଦୁର୍ନୀତି ସହ ଜଡ଼ିକ ଏକ ମାମଲାରେ ଲାଲୁ ଯାଦବ ୨୦୧୭ ଡିସେମ୍ବର ୨୩ ତାରିଖରେ ଜେଲ୍ ଯାଇଥିଲେ ।

Fodder Scam RJD Supremo Lalu Prasad Yadav Get Bail From Jharkhand High Court

କୋର୍ଟଙ୍କ ସର୍ତ୍ତ

୧) ଜାମିନ୍ ସମୟ ମଧ୍ୟରେ କୋର୍ଟଙ୍କ ଅନୁମତି ବିନା ଲାଲୁ ଦେଶ ବାହାରକୁ ଯାଇପାରିବେ ନାହିଁ

୨) ସେ ନିଜ ମୋବାଇଲ୍ ନମ୍ବର ଏବଂ ଠିକଣା ପରିବର୍ତ୍ତନ କରିବେ ନାହିଁ

ଦୁମକା ଟ୍ରେଜେରୀ ମାମଲାରେ ଅଧା ସଜା ଭୋଗିବା ପରେ ଲାଲୁ ଯାଦବଙ୍କୁ ଜାମିନ୍ ମିଳିଛି । ଏହା ପୂର୍ବରୁ ଲାଲୁଙ୍କୁ ୨୦୨୦ ଅକ୍ଟୋବରରେ ଚାଇବାସା ଟ୍ରେଜେରୀ ମାମଲାରେ ଜାମିନ୍ ମିଳିଥିଲା । ଦୁମକା ଟ୍ରେଜେରୀ ମାମଲା ପାଇଁ ସେତେବେଳେ ଜେଲରୁ ମୁକୁଳି ପାରି ନଥିଲେ ଲାଲୁ । ଅନ୍ୟ ଏକ ଡୋରଣ୍ଡା ଟ୍ରେଜେରୀ ମାମଲାରେ ଶୁଣାଣି ସରିନାହିଁ । କୋଭିଡ୍ ପାଇଁ ମାମଲାର ଶୁଣାଣି ସିବିଆଇ କୋର୍ଟରେ ଅଟକିଛି ।

Fodder Scam RJD Supremo Lalu Prasad Yadav Get Bail From Jharkhand High Court

ଏମ୍ସରେ ଚିକିତ୍ସିତ ହେଉଥିବା ଲାଲୁ ଯାଦବ ପ୍ରାୟ ଅଢ଼େଇ ବର୍ଷ ଧରି ରାଞ୍ଚି ସ୍ଥିତ ରିମ୍ସରେ ଭର୍ତ୍ତି ହୋଇଥିଲେ । ଗତ ଜାନୁଆରୀରେ ତାଙ୍କ ସ୍ୱାସ୍ଥ୍ୟରେ ଅଚାନକ ଅବନତି ଦେଖା ଦେଇଥିଲା । ଛାତିରେ ଯନ୍ତ୍ରଣା ଓ ନିଶ୍ୱାସ ପ୍ରଶ୍ୱାସ ନେବାରେ ଅସୁବିଧା ଯୋଗୁଁ ଲାଲୁଙ୍କୁ ୨୦୨୧ ଜାନୁଆରୀ ୨୩ରେ ରିମ୍ସରୁ ଏମ୍ସକୁ ରେଫର୍ କରାଯାଇଥିଲା ।

IPL14: ଆଜି ମୁମ୍ବାଇ-ହାଇଦ୍ରାବାଦ ମୁକାବିଲା, ବଦଳିପାରେ ପ୍ଲେଇଂ ଇଲେଭେନ୍

0

ଚେନ୍ନାଇ: ଆଇପିଏଲ ୧୪ ତମ ସଂସ୍କରଣରେ ଶନିବାର ଖେଳାଯିବ ନବମ ମ୍ୟାଚ୍। ଏଥିରେ ମୁହାମୁହିଁ ହେବେ ସନରାଇଜର୍ସ ହାଇଦ୍ରାବାଦ ଓ ମୁମ୍ବାଇ ଇଣ୍ଡିଆନ୍ସ। ଗତ ମ୍ୟାଚରେ ମୁମ୍ବାଇ ଇଣ୍ଡିଆନ୍ସ କୋଲକାତା ନାଇଟ୍ ରାଇଡର୍ସକୁ ପରାସ୍ତ କରିଥିବାବେଳେ ସନରାଇଜର୍ସ ହାଇଦ୍ରାବାଦ କିନ୍ତୁ ଦୁଇଟି ଯାକ ମ୍ୟାଚ୍ ହାରିଯାଇଛି।

ହାଇଦ୍ରାବାଦ ଦଳକୁ ଚେନ୍ନାଇର ପିଚ୍ ସୁହାଉନାହିଁ । ଗତ ମ୍ୟାଚରେ ଦଳ ୧୫୦ ରନ୍ ଲକ୍ଷ୍ୟ ବି ହାସଲ କରିବାରେ ବିଫଳ ହୋଇଛି। ଦୁଇଟି ଯାକ ମ୍ୟାଚ୍‌ରେ ଦଳ ବିପକ୍ଷ ଦେଇଥିବା ଲକ୍ଷକୁ ହାସଲ କରିପାରି ନାହିଁ। ତେବେ ଦଳ ଉପରେ ଷ୍ଟାର ପ୍ଲେୟାର କେନ ୱିଲିୟମସନଙ୍କ ଅନୁପସ୍ଥିତି ବହୁତ ପ୍ରଭାବ ପକାଉଛି। ଆଜି ମଧ୍ୟ ୱିଲିୟମସନ୍ ମ୍ୟାଚ ଖେଳି ପାରିବ ନାହିଁ।

ତେବେ ତାଙ୍କ ସ୍ଥାନରେ ତିନି ନମ୍ବରରେ ଖେଳୁଥିବା ମନୀଷ ପାଣ୍ଡେ ଗତ ଦୁଇଟି ମ୍ୟାଚରେ ରନ୍ ସ୍କୋର କରିଥିଲେ ମଧ୍ୟ ଦଳ ଜିତିବାରେ ବିଫଳ ହୋଇଥିଲେ। ଦୁଇ ଦିନ ପୂର୍ବେ ବିସିସିଆଇର କେନ୍ଦ୍ରୀୟ ଚୁକ୍ତିନାମା ତାଲିକାରୁ ବାଦ ପଡ଼ିଥିବା ପାଣ୍ଡେଙ୍କ ଷ୍ଟ୍ରାଇକ୍ ରେଟକୁ ନେଇ ଅନେକ ସମାଲୋଚନା କରାଯାଉଛି।

ତେବେ ମୁମ୍ବାଇ ଇଣ୍ଡିଆନ୍ସ ନିଜ ପ୍ଲେଇଁ ଇଲେଭେନରେ କୌଣସି ପରିବର୍ତ୍ତ କରି ନପାରେ । ବିଶେଷ କରି ଗତ ମ୍ୟାଚରେ କୋଲକାତା ବିପକ୍ଷରେ ଭଲ ପ୍ରଦର୍ଶନ କରି ବିଜୟୀ ହେବା ପରେ ଦଳ ବିଶେଷ କିଛି ପରିବର୍ତ୍ତନ କରିବନି ବୋଲି ଆଶା କରାଯାଉଛି । ଅବଶ୍ୟ ଦଳର ବୋଲିଂ ପ୍ରଦର୍ଶନ ଏତେ ଭଲ ନାହିଁ ତେବେ କ୍ୟାପ୍ଟେନ ରୋହିତ ଶର୍ମା ଦଳରେ ବୋଲରଙ୍କ ବଦଳିପାରନ୍ତି । ମାର୍କୋ ଜେନଶନଙ୍କ ବଦଳରେ ରୋହିତ ନାଥନ କୁଲ୍ଟର ନାଇଲ୍ , ଜିମି ନିଶମ ଓ ଆଡମ ମିଲନେଙ୍କ ମଧ୍ୟରୁ କାହାକୁ ନେଇପାରନ୍ତି।

ଅନ୍ୟପଟେ ସନରାଇଜ୍ରସ ହାଇଦ୍ରାବାଦ ଟିମ ଇଲେଭେନରେ କିନ୍ତୁ ବଡ଼ ପରିବର୍ତ୍ତନର ଆଶଙ୍କା କରାଯାଉଛି। କ୍ୟାପ୍ଟେନ ଡେଭିଡ୍ ୱାରନର୍ଙ୍କ ପ୍ଲେଇଁ ୧୧ ଚୟନ ଉପରେ ନାନା ପ୍ରଶ୍ନ ଉଠୁଛି। ଏକାବେଳକେ ଦୁଇଜଣ ୱିକେଟ କିପର ରିଦ୍ଧିମାନ ଶାହ ଓ ଜୋନି ବେୟାରଷ୍ଟୋଙ୍କୁ ସ୍ଥାନ ଦେଇ ଦଳର ବହୁତ କ୍ଷତି ହେଉଛି । ଏମିତିରେ ରିଦ୍ଧିମାନ ଶାହ ବି ଭଲ ପ୍ରଦର୍ଶନ କରିବାରେ ବିଫଳ ହୋଇଛନ୍ତି।

ଦଳ ବେୟାରଷ୍ଟୋଙ୍କୁ ଓପନିଂ ଓ ୱିକେଟ କିପିଂ ଦୁଇଟି ପାଇଁ ବ୍ୟବହାର କରିପାରିବ । ଏବଂ ରିଦ୍ଧିମାନ ସାହାଙ୍କୁ ବସାଇ ତାଙ୍କ ବଦଳରେ ସ୍ପିନର କେଦାର ଯାଦବଙ୍କୁ ସୁଯୋଗ ଦେଇପାରିବ। ଯାହା ଦ୍ୱାରା ବୋଲିଂ ଆହୁରି ମଜଭୁତ ହୋଇଯିବ। ବିଜୟ ଶଙ୍କର ବି ଗତ ୨ଟି ଯାକ ମ୍ୟାଚରେ ବିଫଳ ରହିଛନ୍ତି । ତେଣଉ ତାଙ୍କ ସ୍ଥାନରେ ଦଳ ପ୍ରିୟମ ଗର୍ଗଙ୍କୁ ଖେଳାଇପାରେ।

ସାମ୍ଭାବ୍ୟ ପ୍ଲେଇଁ ଇଲେଭେନ୍:

ମୁମ୍ବାଇ ଇଣ୍ଡିଆନ୍ସ: ରୋହିତ ଶର୍ମା (ଅଧିନାୟକ), କ୍ୱିଣ୍ଟନ୍ ଡିକକ୍, ସୂର୍ଯ୍ୟକୁମାର ଯାଦବ, ଇଶାନ କିଶନ, ହାର୍ଦ୍ଦିକ ପାଣ୍ଡ୍ୟା, କାଏରନ ପୋଲାର୍ଡ, କୃନାଲ ପାଣ୍ଡ୍ୟା, ଜସପ୍ରୀତ ବୁମରାହ, ରାହୁଲ ଚହର, ଟ୍ରେଣ୍ଟ ବୋଲ୍ଟ, ଆଡାମ ମିଲନେ/ ମାର୍କୋ ଜେନସନ।

ସନରାଇଜର୍ସ ହାଇଦ୍ରାବାଦ: ଡେଭିଡ ୱାର୍ଣ୍ଣର (ଅଧିନାୟକ), ରିଦ୍ଧିମାନ ସାହା, ମନୀଷ ପାଣ୍ଡେ, ଜନି ବେୟାରଷ୍ଟୋ, ବିଜୟ ଶଙ୍କର/କେଦାର ଯାଦବ, ଜେସନ ହୋଲ୍ଡର, ଅବଦୁଲ ସମଦ, ଭୁବନେଶ୍ୱର କୁମାର, ରସିଦ ଖାନ୍ନ, ଟି ନଟରାଜନ୍, ସନ୍ଦୀପ ଶର୍ମା।

 

ଟ୍ୱିନ୍‌ସିଟିରେ ୧୪୪ ଧାରା ଲାଗୁ କଲା କମିଶନରେଟ୍ ପୋଲିସ

ଭୁବନେଶ୍ୱର/କଟକ: ଟ୍ବିନସିଟିରେ ୧୪୪ ଧାରା । କଟକ- ଭୁବନେଶ୍ବରରେ ନାଇଟ କର୍ଫ୍ୟୁ ସମୟରେ ୧୪୪ ଧାରା ଲାଗୁ କଲା କମିଶନରେଟ୍ ପୋଲିସ । ରାଜ୍ୟର ସବୁ ଜିଲ୍ଲାରେ ଆଜିଠୁ ରାତି ୯ରୁ ସକାଳ ୫ଯାଏଁ କର୍ଫ୍ୟୁ ଜାରି ହେବ । ବର୍ତ୍ତମାନ ସୁଦ୍ଧା କୌଣସି ପାସ୍ ସୁବିଧା ନଥିବା ବେଳେ ଲୋକ ଆବଶ୍ୟକ ପ୍ରମାଣପତ୍ର ଦେଖାଇ ଜରୁରୀ କାମରେ ଯାଇପାରିବେ । ସେଥିପାଇଁ କିଛି ଜରୁରୀ ସେବାକାରୀଙ୍କୁ କର୍ଫ୍ୟୁରୁ ବାଦ୍ ଦିଆଯାଇଛି । ଭୁବନେଶ୍ବରରେ ନାଇଟ କର୍ଫ୍ୟୁ ପାଇଁ ସ୍ବତନ୍ତ୍ର ବ୍ୟବସ୍ଥା ହୋଇଛି । ଭୁବନେଶ୍ବରର ୨୫ଟି ସ୍ଥାନରେ ବ୍ଲକିଂ ପଏଣ୍ଟ ହୋଇଛି । ପିସିଆର, ପାଟ୍ରୋଲିଂ ଓ କର୍ଫ୍ୟୁ ଏନଫୋର୍ସମେଣ୍ଟ ଗାଡ଼ି ନିୟୋଜିତ ହୋଇଛନ୍ତି । ଭୁବନେଶ୍ବରକୁ ୩ଟି ଜୋନରେ ବିଭକ୍ତ କରାଯାଇଛି । ୩ଜଣ ଡିଏସପି ପାହ୍ୟାର ଅଧିକାରୀ ଏହି ଦାୟିତ୍ବରେ ଅଛନ୍ତି । କର୍ଫ୍ୟୁ ସମୟରେ ସବୁ ଚିକିତ୍ସା ସେବା ସଂସ୍ଥା ଖୋଲାରହିବ । ପରିଚୟପତ୍ର ଦେଖାଇ ସ୍ବାସ୍ଥ୍ୟକର୍ମୀ ଯାତାୟାତ କରିପାରିବେ । ମେଡିସିନ୍ ଷ୍ଟୋର ଖୋଲା ରହିବ  । କର୍ମଚାରୀ ବାଣିଜ୍ୟ ଅନୁପତିପତ୍ର ଦେଖାଇ ଯାଇପାରିବେ । କେନ୍ଦ୍ର ଓ ରାଜ୍ୟ ସରକାରଙ୍କ କର୍ମଚାରୀ ପରିଚୟପତ୍ର ଦେଖାଇ ଯାତ୍ରା କରିବାକୁ କୁହାଯାଇଛି । ପେଟ୍ରୋଲ ବିତରକ ସଂସ୍ଥା ବିଭାଗୀୟ ପ୍ରାଧିକରଣ ପତ୍ର ଦେଖାଇପାରିବେ । ସାମ୍ବାଦିକ ପରିଚୟ ପତ୍ର ଦେଖାଇ ଯିବା ଆସିବା କରିବେ । ପାନୀୟଜଳ ଯୋଗାଣ, ବିଦ୍ୟୁତ ଓ ସଫେଇ କର୍ମଚାରୀ ପରିଚୟପତ୍ର ଦେଖାଇ ପାରିବେ । ହୋମ୍ ଡେଲିଭରୀ ସୁବିଧା ରହିବ ବୋଲି ସୂଚନା ଦିଆଯାଇଛି  ।

ଏଥିସହିତ ପଢ଼ନ୍ତୁ: ‘ଛତିଶଗଡ଼ ଫେରନ୍ତା ଜଣେ ସଂକ୍ରମିତଙ୍କ ଠାରୁ ୩୦ ଜଣ ସଂକ୍ରମିତ ହେଉଛନ୍ତି’

 

ଅହଙ୍କାରୀ ଦିଦିକୁ ସମସ୍ତେ ଛାେଟ ଲାଗୁଛନ୍ତି: ପ୍ରଧାନମନ୍ତ୍ରୀ ମୋଦି

କୋଲକାତା: ପଶ୍ଚିମବଙ୍ଗରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇଟି ରାଲି କରୁଛନ୍ତି । ପ୍ରଧାନମନ୍ତ୍ରୀ ମୋଦି ପ୍ରଥମେ ଆସନସୋଲରେ ସାଧାରଣ ସଭାକୁ ସମ୍ବୋଧିତ କରିବେ। ଏହା ପରେ ସେ ଗଙ୍ଗାରାମପୁରରେ ହେବାକୁ ଥିବା ରାଲିକୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି।

ଆସନସୋଲରେ ପ୍ରଧାନମନ୍ତ୍ରୀ ମୋଦି ଜନସଭାରେ ଲୋକଙ୍କୁ ସମ୍ବୋଧନ କରି କହିଛନ୍ତି, ମୁଖ୍ୟମନ୍ତ୍ରୀ ମାନଙ୍କ ଅନେକ ବୈଠକରେ ମମତା ବାନାର୍ଜୀ ଯୋଗ ଦେଇନାହାଁନ୍ତି। ସେ ଅହଙ୍କାରରେ ନିଜକୁ ଏତେ ବଡ ଭାବୁଛନ୍ତି ଯେ ଅନ୍ୟମାନେ ସବୁ ତାଙ୍କୁ ଛୋଟ ଲାଗୁଛନ୍ତି।

ପ୍ରଧାନମନ୍ତ୍ରୀ ମାନଙ୍କ ବୈଠକରେ ସେ ବିଭିନ୍ନ ଆଳ ଦେଖାଇ ସାମିଲ ହୋଇନାହାଁନ୍ତି । କରୋନା ଲାଗି ହୋଇଥିବା ଗତ ୨ଟି ବୖେଠକରେ ସବୁ ମୁଖ୍ୟମନ୍ତ୍ରୀ ଆସିଥିବା ବେଳେ କେବଳ ଦିଦି ଆସିନଥିଲେ । ସେହିପରି ନିତି ଆୟୋଗର ଗଭର୍ଣ୍ଣିଂ କାଉନସିଲରେ ଅନ୍ୟ ମୁଖ୍ୟମନ୍ତ୍ରୀ ମାନେ ଆସିଥିଲେ ହେଲେ ମମତା ଆସିନଥିଲେ । ଗଙ୍ଗା ମାଙ୍କ ସଫେଇ ଅଭିଯାନରେ ଦେଶରେ ଏତେ ବଡ଼ ଅଭିଯାନ ଆରମ୍ଭ ହୋଇଥିଲେ ମଧ୍ୟ ତତସମ୍ବନ୍ଧୀୟ ବୈଠକରେ ସେ ଯୋଗ ଦେଇନଥିଲେ।

ସେ ପୁଣି କହିଛନ୍ତି ୪ ପର୍ଯ୍ୟାୟ ମତଦାନ, ଟିଏମସି ଖଣ୍ଡ-ଖଣ୍ଡ ହାେଇଗଲା । ବାକି ୪ ପର୍ଯ୍ୟାୟ ମତଦାନ, ଦିଦି-ଭାଇଙ୍କ ପତ୍ତା ସାଫ୍ । ୫ମ ଚରଣ ମତଦାନରେ ମଧ୍ୟ ଜନତା ପଦ୍ମ ଫୁଲରେ ଭୋଟ୍ ଦେଇ ବିଜେପିକୁ ସରକାର ଗଠନ କରିବାରେ ବହୁମାତ୍ରାରେ ସହଯୋଗ କରିବେ ।

ଆପଣଙ୍କର ଗାେଟିଏ ଭୋଟ୍ କେବଳ ଟିଏମସିର ପତ୍ତା ସାଫ୍ କରିବ ନାହିଁ ବରଂ ରାଜ୍ୟରୁ ମାଫିଆ ରାଜ୍ୟ ଶେଷ ହୋଇଯିବ ବୋଲି ମୋଦି ସଭାରେ କହିଛନ୍ତି । ଆମେ ରାଜ୍ୟରେ ଆାଇନ୍ ବ୍ୟବସ୍ଥାକୁ ଫେରାଇ ଆଣିବୁ । ଆମେ ଏଠାରେ ଉଦ୍ୟୋଗୀକରଣ କରିବୁ । ପୋଲିସ ଓ ପ୍ରଶାସନ ମଧ୍ୟ ଆପଣଙ୍କ ସୁବିଧା ପାଇଁ କାମ କରିବେ ।

ବିକାଶ ନାମରେ ରାଜ୍ୟରେ କେବଳ ଲୁଟ୍ କରାଯାଉଛି। କେନ୍ଦ୍ରର ଅନେକ ଯୋଜନାକୁ ମମତା ଅଟକାଇ ରଖିଛନ୍ତି । ଦିଦି ଯେଉଁସବୁ ସ୍କିମକୁ ବିରୋଧ କରୁଛନ୍ତି ଆମେ ସେସବୁକୁ ଲାଗୁ କରାଇବୁ ବୋଲି ପ୍ରତିଶ୍ରୁତି ଦେଇଛନ୍ତି ମୋଦି ।

କରୋନା ସଂକ୍ରମିତ ହେବା ପରେ କ୍ୱାରେଣ୍ଟାଇନରେ ସୋନୁ ସୁଦ୍, କହିଲେ- ‘ସାହାଯ୍ୟ ପାଇଁ ସବୁବେଳେ ସାଥିରେ ଅଛି’

ମୁମ୍ବାଇ: କରୋନା ସଂକଟ ସମୟରେ ଅସହାୟଙ୍କ ନିକଟରେ ଭଗବାନ ହୋଇ ଛିଡ଼ା ହେଉଥିବା ସୋନୁ ସୁଦ କରୋନା ସଂକ୍ରମିତ ହୋଇଛନ୍ତି । ସେ ନିଜେ ଟ୍ୱିଟ୍ କରି ଏନେଇ ସୂଚନା ଦେଇଛନ୍ତି । ସମସ୍ତ ସତର୍କତା ପଦକ୍ଷେପ ନେବା ସହ ସୋନୁ ସୁଦ୍ କ୍ୱାରେଣ୍ଟାଇନରେ ଥିବା କହିଛନ୍ତି ।

Sonu Sood Tests Positive For Covid-19 Quarantines Himself

ସୋନୁ ସୁଦ୍ କରୋନା ସଂକ୍ରମିତ ହେବା ପରେ ଟ୍ୱିଟ୍ କରି ଲେଖିଛନ୍ତି- ଆଜି ସକାଳେ ମୋର କୋଭିଡ୍ ଟେଷ୍ଟ ରିପୋର୍ଟ ପଜିଟିଭ୍ ଆସିଛି । ମୁଁ ସାବଧାନତାର ସହ ନିଜକୁ କ୍ୱାରେଣ୍ଟାଇନ୍ କରିବା ସହ ନିଜର ଧ୍ୟାନ ରଖିଛି । କିନ୍ତୁ ଚିନ୍ତା କରନ୍ତୁ ନାହିଁ ଆପଣମାନଙ୍କୁ ସାହାଯ୍ୟ କରିବା ଲାଗି ମୋତେ ଆଉ ଅଧିକ ସମୟ ମିଳିଛି । ମନେ ରଖନ୍ତୁ ମୁଁ ସବୁବେଳେ ଆପଣମାନଙ୍କ ସହ ଅଛି ।

ସୋନୁ ସୁଦ୍ ନିଜ ପୋଷ୍ଟର ପ୍ରଥମରେ ଲେଖିଛନ୍ତି କରୋନା-ପଜିଟିଭ୍, ମନ ଓ ବଳ- ସୁପର ପଜିଟିଭ୍ । ଏର୍ଥାତ୍ ସୋନୁ ସୁଦ୍ ଆଜି ବି ଲୋକଙ୍କୁ ସାହାଯ୍ୟ ଲାଗି ଛିଡ଼ା ଆଗଭର ଓ ହାରିବେ ନାହିଁ । ଏହା ସୋନୁଙ୍କ ପ୍ରଂଶସକ ଓ ଅନ୍ୟ ଦେଶବାସୀଙ୍କ ଲାଗି ପ୍ରେରଣା ଅଟେ । ସୋନୁ ସୁଦ ଏପ୍ରିଲ୍ ୭ରେ କରୋନା ଭ୍ୟାକ୍ସିନର ପ୍ରଥମ ଡୋଜ୍ ନେବା ସହ ସମସ୍ତଙ୍କୁ ଭ୍ୟାକ୍ସିନ୍ ନେବାକୁ ଅପିଲ୍ କରିଥିଲେ ।

Sonu Sood Tests Positive For Covid-19 Quarantines Himself

୨୦୨୦ ମସିହାରେ କରୋନା ଲକଡାଉନ୍ ବେଳେ ପ୍ରବାସୀ ଶ୍ରମିକଙ୍କୁ ସହାୟତା କରି ସୋନୁ ସୁଦ୍ ସମସ୍ତଙ୍କ ମନ ଜିତିଥିଲେ । ସେବେଠାରୁ ଅଗଣିତ ଲୋକଙ୍କୁ ସାହାଯ୍ୟ କରି ଚାଲିଛନ୍ତି ସେ । ସୋନୁ ସୁଦ୍ ଲୋକଙ୍କ ଚିକିତ୍ସା ସହ ବିଦେଶରୁ ଭାରତକୁ ଫେରାଇ ଆଣିବା, ଅନ୍ୟ ରାଜ୍ୟରୁ ଘରକୁ ପଠାଇବା ସହ ଅନ୍ୟ କେତେକ ସାହାଯ୍ୟକାରୀ କାର୍ଯ୍ୟ କରିଛନ୍ତି ।

‘ଶକ୍ତିମାନ’ର ‘ଡ. ଜ୍ୟାକେଲ୍’ ଲଳିତ ପରିମୁ କରୋନା ସଂକ୍ରମିତ, ଆବଶ୍ୟକ ପ୍ଲାଜମା

ମୁମ୍ବାଇ: ଟିଭିର ସବୁଠୁ ଚର୍ଚ୍ଚିତ କାର୍ଯ୍ୟକ୍ରମ ‘ଶକ୍ତିମାନ’ ସିରିଏଲରେ ‘ଡ. ଜ୍ୟାକେଲ’ ଭୂମିକାରେ ଅଭିନୟ କରିଥିବା ଅଭିନେତା ଲଳିତ ପରିମୁ କରୋନା ସଂକ୍ରମିତ ହୋଇଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ଠିକ୍ ନାହିଁ । ତାଙ୍କୁ ମୁମ୍ବାଇ ନିକଟସ୍ଥ ଭାୟନ୍ଦର-ମୀରା ରୋଡର ଏକ କୋଭିଡ୍ ସେଣ୍ଟରର ଆଇସିୟୁ ୱାର୍ଡରେ ଭର୍ତ୍ତି କରାଯାଇଛି ଏବଂ ପ୍ଲାଜମା ଆବଶ୍ୟକତା ରହିଛି ।

ଜଣାଶୁଣା ଚଳଚ୍ଚିତ୍ର ନିର୍ମାତା ହଂସଲ ମେହଟା ଏନେଇ ସାମାଜିକ ଗଣମାଧ୍ୟମରେ ଲଳିତ ପରିମୁଙ୍କୁ ସାହାଯ୍ୟ ପାଇଁ ନିବେଦନ କରିଛନ୍ତି । ହଂସଲ ଲେଖିଛନ୍ତି- ଅଭିନେତା ଲଳିତ ପରିମୁଙ୍କୁ ମହାଜନ ହଲର ଆଇସିୟୁ ୱାର୍ଡର ୫ରେ ଭର୍ତ୍ତି କରାଯାଇଛି । ପ୍ଲାଜମା ତୁରନ୍ତ ଆବଶ୍ୟକ । ଲଳିତଙ୍କ ବ୍ଲଡ୍ ଗ୍ରୁପ୍ A ପଜିଟିଭ୍ । ଦୟାକରି ସାହାଯ୍ୟ କରନ୍ତୁ ।

‘ହ୍ୟାଦର’, ‘ଏଜେଣ୍ଟ ବିନୋଦ’, ‘ମୁବାରକ’, ‘ହଜାର ଚୌରାସି କି ମା’ ଭଳି ଚଳଚ୍ଚିତ୍ର ଓ ଲୋକପ୍ରିୟ ଧାରାବାହିକରେ କାମ କରିଛନ୍ତି । ଏଥିସହ ସ୍କାମ୍ ୱେବ ସିରିଜରେ ସିବିଆଇ ଅଫିସର ଭୂମିକାରେ ଲଳିତ ନଜର ଆସିଥିଲେ । ୧୯୯୭ରେ ପ୍ରସାରିତ ଲୋକପ୍ରିୟ ଧାରାବାହିକ ‘ଶକ୍ତିମାନ’ରେ ଭିଲିଆନ୍ ଭାବେ ଜଣେ ବୈଜ୍ଞାନିକ ଡ. ଜ୍ୟାକେଲଙ୍କ ଭୂମିକାରେ ଅଭିନୟ କରିଥିଲେ ଲଳିତ ।

୧୪ କେଜି ଓଜନର ବଜ୍ରକାପ୍ତା ଉଦ୍ଧାର: ବେପାରୀ ଗିରଫ

ଭୁବନେଶ୍ୱର: ପୁଣି ଏସଟିଏଫ ହାତରେ ବଜ୍ରକାପ୍ତା ବେପାରୀ ଓ ବଜ୍ରକାପ୍ତା । କଟକ ଜିଲ୍ଲା ବଡ଼ମ୍ବା ଅଭିମାନପୁର ଅଞ୍ଚଳରୁ ୧୪କିଲୋ ଓଜନର ଏକ ବଜ୍ରକାପ୍ତାକୁ ଉଦ୍ଧାର କରିଛି କ୍ରାଇମ୍‌ବ୍ରାଞ୍ଚ । ଉଦ୍ଧାର ବଜ୍ରକାପ୍ତାର ଓଜନ ପ୍ରାୟ ୧୪ କେଜି ହେବ । ପୂର୍ବରୁ ମଧ୍ୟ ଏହି ଅଞ୍ଚଳରୁ ବଜ୍ରକାପ୍ତା ଉଦ୍ଧାର ସହିତ ବେପାରୀ ଧରାପଡ଼ିଥିଲେ । ପୁଣି ପୋଲିସ ଛାପାରେ ବେପାରୀ ସହ ଜୀବନ୍ତ ବଜ୍ରକାପ୍ତା ଉଦ୍ଧାର କରିଛି STF । ଏନେଇ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ଏସଟିଏଫ୍ ଏସପି ପ୍ରଶାନ୍ତ ଭୋଇ । ବଜ୍ରକାପ୍ତା ବିକ୍ରି କରିବାକୁ ଡିଲ୍ ପାଇଁ ଯାଇଥିଲା ବେପାରୀ । ବଜ୍ରକାପ୍ତା ରାଜ୍ୟ ବାହାରକୁ ଚାଲାଣ ହୋଇଥାନ୍ତା । ସୂଚନା ପାଇ ଛାପା ମାରିଥିଲା ପୋଲିସ । ବଜ୍ରକାପ୍ତା ମାସଂକୁ ଚୀନରେ ଖାଦ୍ୟ ଭାବେ ବ୍ୟବହାର କରୁଥିବା ବେଳେ, ଏଥିରୁ ଔଷଧ ମଧ୍ୟ ପ୍ରସ୍ତୁତ ହେଉଛି । ବଜ୍ରକାପ୍ତା ଚୀନକୁ ମଧ୍ୟ ଚାଲାଣ ହେଉଥାଇପାରେ ବୋଲି କହିଛନ୍ତି ଏସ୍‌ଟିଏଫ୍‌ ଏସ୍‌ପି ।

ଏଥିସହିତ ପଢ଼ନ୍ତୁ: ଚୌଦ୍ୱାର ଜେଲ୍‌ରେ ହାଇଦରଙ୍କୁ ସଙ୍ଗରୋଧରେ ରଖାଗଲା: ଆରଟିପିସିଆର ରିପୋର୍ଟକୁ ଅପେକ୍ଷା

କ୍ୟାପ୍ଟେନ୍ କୁଲଙ୍କ ନାଁରେ ଯୋଡ଼ା ହେଲା ନୂଆ ରେକର୍ଡ଼

0

ମୁମ୍ବାଇ: ଶୁକ୍ରବାର ମଇଦାନକୁ ଓହ୍ଲାଇଥିଲେ ଚେନ୍ନାଇ ସୁପରକିଙ୍ଗସ ଓ ପଞ୍ଜାବ କିଙ୍ଗସ । ଯେଉଁଥିରେ ବାଜି ମାରିନେଇଛି ଧୋନି ବାହିନୀ। ଆଇପିଏଲର ଅଷ୍ଟମ ମ୍ୟାଚରେ ପଞ୍ଜାବ କିଙ୍ଗ୍ସକୁ ୬ ୱିକେଟରେ ହରାଇଛି ଚେନ୍ନାଇ ସୁପର କିଙ୍ଗ୍ସ। ତେବେ ଆଇପିଏଲ ୨୦୨୧ର ପ୍ରଥମ ବିଜୟ ସହ ଶୁକ୍ରବାର ଧୋନି ଆଉ ଏକ ଉପଲବ୍ଧି ନିଜ ନାଁରେ କରିଛନ୍ତି। ଶୁକ୍ରବାର ମୁମ୍ବାଇର ୱାଙ୍ଖେଡ଼େ ମଇଦାନରେ ଓହ୍ଲାଇବା କ୍ଷଣି ତାଙ୍କ ନାଁରେ ଆଉ ଏକ ରେକର୍ଡ ଯୋଡ଼ି ହୋଇଯାଇଛି। ପୂର୍ବରୁ ଦେଶ ପାଇଁ ଓ ନିଜ ପାଇଁ ବ୍ୟକ୍ତିଗତ ରେକର୍ଡ କରିଥିବା ଧୋନି ଶୁକ୍ରବାର ଚେନ୍ନାଇ ପାଇଁ ୨୦୦ତମ ମ୍ୟାଚ୍ ଖେଳିବାର କୀର୍ତ୍ତିମାନ ସ୍ଥାପନ କରିଛନ୍ତି।

କ୍ୟାପ୍ଟେନ କୁଲ୍ ଧୋନି ୨୦୦୮ ପ୍ରଥମ ଆଇପିଏଲରୁ ହିଁ ଚେନ୍ନାଇ ସହ ରହିଛନ୍ତି। ଧୋନିଙ୍କ ନେତୃତ୍ୱରେ ଚେନ୍ନାଇ ସୁପର କିଙ୍ଗ୍ସ ଦଳ ୨୦୧୦, ୨୦୧୧, ୨୦୧୮ରେ ୩ଥର ଆଇପିଏଲ ଜିତିଛି। ତେବେ ସିଏସ୍‌କେ ପକ୍ଷରୁ ୨୦୦ ମ୍ୟାଚ୍‌ ଖେଳିବାରେ ଧୋନି ହେଉଛନ୍ତି ପ୍ରଥମ ଖେଳାଳି।

ଏହି ୨୦୦ ମ୍ୟାଚ୍‌ ମଧ୍ୟରେ ଧୋନି ଚେନ୍ନାଇ ପାଇଁ ୨୪ଟି ଚାମ୍ପିୟନ୍ସ ଲିଗ୍‌ ଟି-୨୦ ମ୍ୟାଚ୍ ମଧ୍ୟ‌ ଖେଳିଛନ୍ତି। ସେ ୨୦୧୦ ଓ ୨୦୧୪ରେ ଚେନ୍ନାଇ ପାଇଁ ଚାମ୍ପିୟନ୍ସ ଲିଗ୍‌ ଟି-୨୦ ଟ୍ରଫି ମଧ୍ୟ ଜିତିଛନ୍ତି। ତେବେ ପୂର୍ବରୁ ଧୋନି ଆଇପିଏଲରେ ସର୍ବାଧିକ ମ୍ୟାଚ୍‌ ଖେଳିବାର ରେକର୍ଡ଼ ମଧ୍ୟ ନିଜ ନାଁରେ କରିସାରିଛନ୍ତି।

‘ଛତିଶଗଡ଼ ଫେରନ୍ତା ଜଣେ ସଂକ୍ରମିତଙ୍କ ଠାରୁ ୩୦ ଜଣ ସଂକ୍ରମିତ ହେଉଛନ୍ତି’

ଭୁବନେଶ୍ୱର: ବାହାର ଲୋକ ସଂକ୍ରମଣ ନେଇକି ଆସିଛନ୍ତି । ଛତିଶଗଡ଼ରୁ ଯେଉଁମାନେ ଆସିଛନ୍ତି, ଜଣଙ୍କ ଠାରୁ ୩୦ ଜଣ ସଂକ୍ରମିତ ହେଉଛନ୍ତି ବୋଲି କହିଛନ୍ତି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ନିର୍ଦ୍ଦେଶକ ବିଜୟ ପାଣିଗ୍ରାହୀ । କରୋନା ଡ୍ରପ୍‌ଲେଟ୍ ବାୟୁ ମଣ୍ଡଳରେ ବୁଲୁଛି । ନିହାତି କାମ ନଥିଲେ ବାହାରକୁ ବାହାରନ୍ତୁନି । ୯ ବେଳେ କର୍ଫ୍ୟୁ ଅଛି ଭାବି ତା’ପୂର୍ବରୁ ଭିଡ଼ ଜମାନ୍ତୁ ନାହିଁ ।  ଅମାନିଆଙ୍କ ଲାଗି ସଂକ୍ରମଣ ବଢ଼ୁଛି । ସମୟ ଆସିଛି ସମ୍ପୂର୍ଣ୍ଣ ସତର୍କ ଓ ଦାୟିତ୍ୱବାନ ହେବାର । ପଜିଟିଭ ସଂଖ୍ୟା ବଢ଼ିଲେ ତାକୁ ମୁକାବିଲା କରିବା ପାଇଁ ସରକାର ପ୍ରସ୍ତୁତ। ମାସ୍କ ପିନ୍ଧନ୍ତୁ ସରକାରଙ୍କ ନିୟମ ମାନିବାକୁ ନିବେଦନ କରିଛନ୍ତି ଶ୍ରୀ ପାଣିଗ୍ରାହୀ । ପ୍ରତ୍ୟେକ ଦିନ ତଳସ୍ତରରୁ ମନିଟର କରୁଛୁ । ଆଗକୁ ଯଦି ସଂକ୍ରମଣ ବଢେ, ତାକୁ ମୁକାବିଲା ପାଇଁ ବ୍ଳୁ ପ୍ରିଣ୍ଟ ପ୍ରସ୍ତୁତ ହୋଇଛି । କରୋନା ଚେନ୍ ଭାଙ୍ଗିବାକୁ ସରକାରଙ୍କ ପକ୍ଷରୁ ସବୁ ପ୍ରକାର ପଦକ୍ଷେପ ନିଆଯାଇଛି । ଆଜିଠୁ ଛତିଶଗଡ଼ ସୀମାବର୍ତ୍ତୀ ଜିଲ୍ଲାରେ ସଟ୍‌ଡାଉନ୍ ଓ ଲକ୍‌ଡାଉନ୍ କରାଯାଉଛି ।

ଏଥିସହିତ ପଢ଼ନ୍ତୁ: ଟିକା ନ ଥିବାରୁ ୧୫୦୦ କେନ୍ଦ୍ରରୁ ୧୦୭୩ କେନ୍ଦ୍ରରେ ବନ୍ଦ ରହିଛି ଟିକାକରଣ

ଝାରସୁଗୁଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ମୁଣ୍ଡ ବିହୀନ ଶିଶୁ ଜନ୍ମ: ଏସ୍‌ସିବିକୁ ସ୍ଥାନାନ୍ତର

ଝାରସୁଗୁଡ଼ା: ଜିଲ୍ଲା ମୁଖ୍ୟ ଚିକିତ୍ସାଳୟରେ ଗତ ୧୪ତାରିଖରେ ଅଧାମୁଣ୍ଡ ଥିବା ଏକ ଅଦ୍ଭୁତ ଶିଶୁ ଜନ୍ମ ନେଇଛି । ଶିଶୁଟିର ସମଗ୍ର ଶରୀର ଠିକ୍ ଥିବା ବେଳେ ମୁଣ୍ଡଟି ନଥିବା ସହ କେବଳ ପାଟି ତଳକୁ ମୁଣ୍ଡର ଅଙ୍ଗ ଥିବା ଦେଖାଯାଇଛି । ଏହାକୁ ନେଇ ମେଡିକାଲ କର୍ତ୍ତୃପକ୍ଷ ଶିଶୁଟିକୁ ବୁର୍ଲା ସ୍ଥାନାନ୍ତର କରିଛନ୍ତି । ଶିଶୁଟି ସୁସ୍ଥ ଥିବା ବେଳେ ଏପରି ଏକ ବିରଳ ଶିଶୁ ଜନ୍ମ ନେବା ଜିଲ୍ଲାବାସୀଙ୍କୁ ଚକିତ କରିଛି ଏବଂ ଜିଲ୍ଲାରେ ଚର୍ଚ୍ଚାର ବିଷୟ ପାଳଟିଛି । ମଙ୍ଗଲବଜାର ନିକଟରେ ରହୁଥିବା ଅବସରା ବେଗମଙ୍କ ଶିଶୁ ପୁତ୍ର ଜନ୍ମ ନେଇଛି । ତେବେ ଆର୍ଥ ଅଭାବ ଯୋଗୁଁ ଚିକିତ୍ସାରେ ବାଧା ଉପୁଜିଛି । ଏହି ପରିପ୍ରେକ୍ଷୀରେ ଶିଶୁଟିର ଚିକିତ୍ସା କରିବାପାଇଁ ଶିଶୁପୁତ୍ରଙ୍କ ମାଆ ସରକାରଙ୍କୁ  ଅନୁରୋଧ କରିଛନ୍ତି  ।

ଏଥିସହିତ ପଢ଼ନ୍ତୁ: ଗୋଟିଏ ଦେହରେ ଦୁଇଟି ମୁଣ୍ଡ ଥିବା ଶିଶୁ କନ୍ୟା ଜନ୍ମ, ଶିଶୁ ଭବନ ସ୍ଥାନାନ୍ତର