spot_img
Home Blog Page 5941

କରୋନା ଟିକାର ଦ୍ୱିତୀୟ ଡୋଜ୍ ନେଲେ ପ୍ରଧାନମନ୍ତ୍ରୀ

ମୁମ୍ବାଇ: ଦେଶରେ କରୋନାର ଦ୍ୱିତୀୟ ଲହର କାୟା ବିସ୍ତାର କରୁଥିବାବେଳେ, ପ୍ରଧାନମନ୍ତ୍ରୀ କରୋନା ଟିକାର ଦ୍ୱିତୀୟ ଡୋଜ୍ ନେଇଛନ୍ତି। ଦିଲ୍ଲୀର ଏମ୍ସ ହସ୍ପିଟାଲରେ ପ୍ରଧାନମନ୍ତ୍ରୀ ମୋଦି ଏହି ଟିକା ନେଇଛନ୍ତି। ମାର୍ଚ୍ଚ ୧ରେ ମୋଦି ଭାରତ ବାୟୋଟେକ ଦ୍ୱାରା ପ୍ରସ୍ତୁତ କୋଭାକ୍ସିନର ପ୍ରଥମ ଟିକା ନେଇଥିଲେ। ଏବେ ମାସେ ପରେ ପ୍ରଧାନମନ୍ତ୍ରୀ ଦ୍ୱିତୀୟ ଟିକା ନେଇଛନ୍ତି।

ଆଜି ମୋଦିଙ୍କୁ ଟିକା ଦେଇଥିବା ନର୍ସ ହେଉଛନ୍ତି ପଞ୍ଜାବର ନିଶା ଶର୍ମା । ମୋଦିଙ୍କୁ ଟିକା ଦେଇଥିବା ନିଶା ଶର୍ମା ମୋଦିଙ୍କୁ ଭେଟି ବହୁତ ଖୁସି ଥିବା କରିଛନ୍ତି । ମୋଦି ତାଙ୍କ ପରିଚୟ ପଚାରିଥିଲେ ତାପରେ ଫଟୋ ମଧ୍ୟ ଉଠାଇଥିଲେ । ମୋଦିଙ୍କୁ ଭେଟି ସେ ଗର୍ବିତ ବୋଲି କହିଛନ୍ତି ନିଶା ଶର୍ମା । ତାଙ୍କ ସହ ପୁଡୁଚେରୀର ସିଷ୍ଟର ପି. ନିବେଦା ମଧ୍ୟ ଉପସ୍ଥିତତ ଥିଲେ । ନିବେଦା ମୋଦିଙ୍କୁ ପ୍ରଥମ ଡୋଟ୍ ଟିକା ଦେଇଥିଲେ । ଦ୍ବିତୀୟ ଥର ପାଇଁ ପ୍ରଧାନମନ୍ତ୍ରୀ ମୋଦିଙ୍କୁ ଭେଟି ବହୁତ ଖୁସି ବୋଲି କହିଛନ୍ତି ନିବେଦା

https://twitter.com/narendramodi/status/1379974475278557187?s=20

ଏ ନେଇ ମୋଦି ନିଜେ ଟ୍ୱିଟ୍ କରି ସୂଚନା ଦେଇଛନ୍ତି । ସେ ଲେଖିଛନ୍ତି, ‘ମୁଁ କୋଭିଡର ଦ୍ୱିତୀୟ ଟିକା ନେଇଛନ୍ତି। କୋଭିଡକୁ ହରାଇବା ପାଇଁ ବିଭିନ୍ନ ଉପାୟ ରହିଛି ସେଥିମଧ୍ୟରୁ ଟିକା ହେଉଛି ଅନ୍ୟତମ। ଯେଉଁମାନେ ଟିକା ନେବାକୁ ଯୋଗ୍ୟ ସେମାନେ ଟିକା ନେବା ଆବଶ୍ୟକ।’

ସିଆରପି ଓଭରବ୍ରିଜ୍ ଉପରେ ୩ଟି ଟ୍ରକ ପଛକୁ ପଛ ଧକ୍କା

ଭୁବନେଶ୍ୱର: ରାଜଧାନୀରେ ସଡ଼କ ଦୁର୍ଘଟଣା । ସିଆରପି ଓଭରବ୍ରିଜ୍ ଉପରେ ଭୋରରୁ ୩ଟି ଟ୍ରକ ପଛକୁ ପଛ ଧକ୍କା ହୋଇଥିବା ଦେଖିବାକୁ ମିଳିଛି । ପଛ ଟ୍ରକର ଡ୍ରାଇଭରର ଗୋଡ଼ ଚାପିହୋଇଥିବାରୁ ଫସିରହିଥିଲେ । ଦୀର୍ଘ ସମୟ ପରେ ଡ୍ରାଇଭରକୁ ଉଦ୍ଧାର କରି ମେଡିକାଲରେ ଭର୍ତ୍ତି କରାଯାଇଛି । ଦମକଳ ବାହିନୀ ଓ ପୋଲିସ ଘଟଣା ସ୍ଥାନରେ ପହଞ୍ଚି ଉଦ୍ଧାର କରିଛନ୍ତି । ରାସ୍ତା ଉପରେ ଥିବା ଦୁର୍ଘଟଣାଗ୍ରସ୍ତ ଟ୍ରକକୁ କ୍ରେନ୍ ସାହାର୍ଯ୍ୟରେ ଉଠାଯାଉଛି ।

ଆଜି ଭୋର ସମୟରେ ଗୋଟିଏ ଟ୍ରକ ସିଆରପି ଓଭରବ୍ରିଜ ଉପରେ ଦୁର୍ଘଟଣାଗ୍ରସ୍ତ ହୋଇ ପଡ଼ିରହିଥିଲା । ପରେ ସକାଳ ୬ଟା ବେଳେ ଆଉ ଏକ ଟ୍ରକ୍ ଆସି ସେହି ଟ୍ରକରେ ଧକ୍କା ହୋଇଥିଲ । ଦୁଇଟି ଟ୍ରକ ଧକ୍କା ହୋଇ ରାସ୍ତାରେ ପଡ଼ିଥିବାବେଳେ ଆଉ ଏକ ଟ୍ରକ ଆସି ଦୁଇଟି ଟ୍ରକରେ ବାଡେଇ ହୋଇଥିଲା । ଏଥିପାଇଁ ଦୀର୍ଘ ସମୟ ଧରି ୧୬ ନଂ ଜାତୀୟ ରାଜପଥ ଜାମ ହୋଇ ରହିଥିଲା । ତୁରନ୍ତ ଅଗ୍ନିଶମ ବିଭାଗର ୩ଟି ଟିମ ଆସି ଘଟଣା ସ୍ଥଳରେ ପହଞ୍ଚିଥିଲେ । ଦୁର୍ଘଟଣାଗ୍ରସ୍ତ ଟ୍ରକ୍ ଗୁଡ଼ିକୁ କ୍ରେନ ଜରିଆରେ ଉଠା ଯାଉଛି ।

ଆଇପିଏଲ୍ କାଉଣ୍ଟଡାଉନ୍ ଆରମ୍ଭ: ପ୍ରଥମ ମ୍ୟାଚରେ ମୁହାଁମୁହିଁ ହେବେ ରୋହିତ ଓ କୋହଲି

ଚେନ୍ନାଇ:  ଆସନ୍ତାକାଲିଠାରୁ ଜମିବ ଫଟାଫଟ୍ କ୍ରିକେଟ । ଏପ୍ରିଲ ୯ ତାରିଖରୁ ଆରମ୍ଭ ହେବାକୁ ଯାଉଛି ଇଣ୍ଡିଆନ ପ୍ରିମିୟର ଲିଗ୍ । ଆଇପିଏଲ-୧୪ତମ ସଂସ୍କରଣର ପ୍ରଥମ ମ୍ୟାଚରେ ମୁହାଁମୁହିଁ ହେବେ ମୁମ୍ବାଇ ଇଣ୍ଡିଆନ୍ସ ଓ ରୟାଲ ଚାଲେଞ୍ଜର୍ସ ବେଙ୍ଗାଲୁରୁ । ଚେନ୍ନାଇଠାରେ ଖେଳାଯିବ ଉଦଘାଟନୀ ମ୍ୟାଚ । ୮ଟି ଟିମକୁ ନେଇ ୩୦ ମେ ଯାଏଁ ଚାଲିବ ଟକ୍କର । ଫାଇନାଲ ମୁକାବିଲା ୩୦ ମେ ରେ ଅହମ୍ମଦାବାଦ ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବ। ତେବେ ଖେଳ ଆରମ୍ଭରୁ କ୍ରିକେଟ୍ ପ୍ରେମୀଙ୍କୁ ଲାଗିସାରିଛି ଝଟକା।

ବିନା ଦର୍ଶକରେ ଚାଲିବ ଫଟାଫଟ କ୍ରିକେଟ ମ୍ୟାଚ । ଏହା ପୂର୍ବରୁ ସମସ୍ତ ଖେଳାଳିଙ୍କ କୋଭିଡ ଟେଷ୍ଟ କରାଯାଇଛି । ଅହମ୍ମଦାବାଦ, ବେଙ୍ଗଲୁରୁ, ଚେନ୍ନାଇ, ଦିଲ୍ଲୀ, ମୁମ୍ବାଇ ଓ କୋଲକାତାରେ ଖେଳାଯିବ ସମସ୍ତ ମ୍ୟାଚ୍ । ରୋହିତ ଶର୍ମା ମୁମ୍ବାଇ ଇଣ୍ଡିଆନର ନେତୃତ୍ୱ ନେଇଥିବାବେଳେ ଚେନ୍ନାଇର ଏମ୍.ଏସ୍ ଧୋନୀ, ଦିଲ୍ଲୀର ଶ୍ରେୟସ ଆୟାର, ପଞ୍ଜାବର କେ.ଏଲ୍. ରାହୁଲ, ରାଜସ୍ଥାନର ସଞ୍ଜୁ ସାମସନ୍, ବେଙ୍ଗଳୁରୁର ବୀରାଟ କୋହଲି ନେତୃତ୍ୱ ନେଇଛନ୍ତି। ସେହିପରି କୋଲକାତା ଓ ହାଇଦ୍ରାବାଦର ଦୁଇଜଣ ବିଦେଶୀ ଖେଳାଳି ୟନ ମୁରୁଗନ ଓ ଡେଭିଡ ଓ୍ବାର୍ଣ୍ଣର ନେତୃତ୍ୱ ନେଇଛନ୍ତି ।

ଖୋର୍ଦ୍ଧା ମେଡିକାଲ ପରିସରରେ ପୁଣି ହାତୀ ଆତଙ୍କ

ଖୋର୍ଦ୍ଧା: ଖୋର୍ଦ୍ଧା ମେଡିକାଲ ପରିସରରେ ପୁଣି ହାତୀ ଆତଙ୍କ । ହାତୀ ବୁଲୁଥିବା ଦେଖି ସ୍ଥାନୀୟ ଲୋକ ବନବିଭାଗକୁ ଖବର ଦେଇଥିଲେ । ଖବର ପାଇ ବନବିଭଗର ସାତ ଜଣିଆ ଟିମ୍ ପହଞ୍ଚି ହାତୀ ଘଉଡାଇବାରେ ଲାଗିଛନ୍ତି । ପୂର୍ବରୁ ହାତୀପଲ ଖୋର୍ଦ୍ଧା ମେଡିକାଲ ସୀମାରେ ପଶି ପାଚେରୀ ଭାଙ୍ଗି ଦେଇଥିଲେ । କିଛିଦିନ ତଳେ ହାତୀ ଆକ୍ରମଣରେ ରାମଚଣ୍ଡୀ ଗାଁର ଜଣେ ମହିଳାଙ୍କ ମୃତ୍ୟୁ ହୋଇଥିଲା । ଏଥିସହ ଚାରି ଜଣ ଗୁରୁତର ହୋଇ ମେଡିକାଲରେ ଚିକିତ୍ସିତ ହେଉଛନ୍ତି ।

ହାତୀକୁ ଘଉଡ଼େଇବାରେ ବନ ବିଭାଗ ସଫଳ ହୋଇନାହିଁ । ଡାକ୍ତରଖାନା ପରିସର ଭିତରେ ଥିବା ଜଙ୍ଗଲରେ ଗାତୀଟି ଥିବା ବନବିଭାଗ ଅନୁମାନ କରୁଛି । ହାତୀ ପାଦ ଚିହ୍ନକୁ ଖୋଜି ତା ଗତିବିଧି ଉପରେ ତିକ୍ଷ୍ଣ ନଜର ରଖିଛି ବନ ବିଭାଗର ସାତ ଜଣିଆ ଟିମ । ପୂର୍ବରୁ ଦୁଇ ଦୁଇ ଥର ହାତୀ ଏହି ଡାକ୍ତଖାନାରେ ପଶିଥିଲା ଏବମ ପାଚେରୀ ମଧ୍ୟ ଭାଙ୍ଗିଥିଲା । ଡାକ୍ତରଖାନା ଚାରିପାଖରେ ବର୍ତ୍ତମାନ ବନ ବିଭାଗର ପେଟ୍ରୋଲିଂ ଜାରି ରହିଛି ।

ଦିଗପହଣ୍ଡି: ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୫ ପରିବାରର ଘର ପୋଡ଼ି ଭସ୍ମୀଭୂତ

ଦିଗପହଣ୍ଡି: ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ବାଗଡା ଗ୍ରାମର ହରିଜନ ସାହିରେ ଭୟାବହ ଅଗ୍ନିକାଣ୍ଡ । ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୫ ପରିବାରର ଘର ପୋଡ଼ି ଭସ୍ମୀଭୂତ ହୋଇଯାଇଛି । ଏଥିରେ ଲକ୍ଷାଧିକ ଟଙ୍କାର ଧନସମ୍ପତ୍ତି ନଷ୍ଟ ହୋଇଛି । ଖବରପାଇ ଦିଗପହଣ୍ଡି ଅଗ୍ନିଶମ ବିଭାଗ କର୍ମଚାରୀମାନେ ପହଞ୍ଚି ନିଆଁକୁ ଆୟତ କରିଥିଲେ । ତେବେ କେଉଁ କାରଣରୁ ନିଆଁ ଲାଗିଛି ତାହାର କୌଣସି ସୂଚନା ମିଳିନାହିଁ ।

ବିଳମ୍ବିତ ରାତିରେ ଗ୍ରାମବାସୀ ନିଆଁ ଲିଭାଇବାକୁ ଉଦ୍ୟମ କରିଥିଲେ କିନ୍ତୁ ନିଆଁ ଚାରିଆଡ଼େ ବ୍ୟାପିଯାଇଥିବାରୁ ଗାଁ ଲୋକ ଅଗ୍ନିଶମ ବିଭାଗକୁ ସୂଚନା ଦେଇଥିଲେ । ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । କିନ୍ତୁ ଖୁବ ଜୋରରେ ନିଆଁ ଲାଗିଥିବାକୁ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଛି । ଏହି ଅଗ୍ନିକାଣ୍ଡ ବିଳମ୍ବିତ ରାତି ପ୍ରାୟ ୧୦ଟା ୩୦ ମିନିଟରେ ହୋଇଥିବା ସୂଚନା ରହିଛି ।

ଓଡ଼ିଶାର ବିରୋଧ ସତ୍ତ୍ୱେ ଆଜି କୋଟିଆରେ ପଡିବ ଭୋଟ୍

ଓଡ଼ିଶାର ବିରୋଧ ସତ୍ତ୍ୱେ ଆଜି କୋଟିଆରେ ପଡିବ ଭୋଟ୍ । ନିଜେ ଦେଇଥିବା ନିର୍ଦ୍ଦେଶରୁ ଓହରିଛନ୍ତି ଆନ୍ଧ୍ର ହାଇକୋର୍ଟ । ଆନ୍ଧ୍ର ସରକାରଙ୍କ ଆବେଦନର ଶୁଣାଣି କରି ହାଇକୋର୍ଟଙ୍କ ୩ ଜଣିଆ ଖଣ୍ଡପୀଠ ଜିଲ୍ଲାପରିଷଦ ନିର୍ବାଚନ କରିବାକୁ ଅନୁମତି ଦେଇଛନ୍ତି । ପୂର୍ବ ନିର୍ଦ୍ଧାରିତ ବିଜ୍ଞପ୍ତି ଅନୁଯାୟୀ ଆଜି କୋଟିଆ ପଂଚାୟତ ଅନ୍ତର୍ଗତ ତଳ ଗଂଜେଇପଦର, ଫାଟୁସିନେରୀ ଓ ଫଗୁଣସିନେରୀର ଭୋଟରଙ୍କୁ ନେଇ ଜିଲ୍ଲା ପରିଷଦ ନିର୍ବାଚନ କରୁଛି ଆନ୍ଧ୍ର ।

ଏହାକୁ ଓଡ଼ିଶାର ସମସ୍ତ ରାଜନୈତିକ ଦଳ ପ୍ରବଳ ବିରୋଧ କରିଛନ୍ତି । କୋଟିଆ ପାଇଁ ଉଠିଛି ଗୋଟିଏ ସ୍ୱର । ଗତକାଲିଠୁ ବିଜେଡି , ବିଜେପି ଓ କଂଗ୍ରେସର ବିଧାୟକ ଓ ବରିଷ୍ଠ ନେତୃବୃନ୍ଦ ଫାଟୁସିନେରୀ ନିକଟସ୍ଥ ଓଡିଶା ଆନ୍ଧ୍ର ସୀମା ରାସ୍ତା ଉପରେ ଧାରଣା ବସିଛନ୍ତି । ସୀମାନ୍ତରେ ସଂଯୋଗ କରୁଥିବା ରାସ୍ତାକୁ ଅବରୋଧ ମଧ୍ୟ କରିଛନ୍ତି । ଓଡିଶାର କୌଣସି ଭୋଟରଙ୍କୁ ଆନ୍ଧ୍ର ନିର୍ବାଚନରେ ଭାଗ ଦେବାକୁ ଦିଆଯିବ ନାହିଁ ବୋଲି ସେମାନେ ଦୃଢୋକ୍ତି ପ୍ରକାଶ କରିଥିଲେ । ହେଲେ ବି ଆଜି ଆନ୍ଧ୍ର କୋଟିଆରେ ନିର୍ବାଚନ କରିବା ନେଇ ସୂଚନା ରହିଛି ।

ଅନ୍ୟପଟେ କୋଟିଆରେ କରୋନା ପାଇଁ ୧୪୪ ଧାରା ଜାରି କରାଯାଇଛି । କୌଣସି ଲୋକ ବାହାରକୁ ବାହାରିବାକୁ ବାରଣ କରାଯାଇଛି । ଏନେଇ ଘୋଷଣା କଲେ କୋରାପୁଟ ଜିଲ୍ଲାପାଳ । ୩ ଦିନ ପାଇଁ ୧୪୪ ଧାରା ଜାରି କରାଯାଇଛି । ଏହି ସମୟରେ କୌଣସି ଯାନ ବାହାନ ଚାଲିପାରିବ ନାହିଁ । ବର୍ତ୍ତମାନ ଯାଏ ଜିଲ୍ଲାର ସବୁ ଦଳର ନେତା କୋଟିଆରେ ଅଛନ୍ତି । କୋଟିଆରେ ଅଛନ୍ତି ଜିଲ୍ଲାପାଳ ଓ ଅତିରିକ୍ତ ଜିଲ୍ଲାପାଳ । ଡ଼ାକବାଜି ଯନ୍ତ୍ର ଦ୍ଵାରା କୋଟିଆର ସମସ୍ତ ଗାଁରେ ଏନେଇ ଘୋଷଣା କରାଯାଇଛି । ଜରୁରୀ ନଥିଲେ ବାହାରକୁ ବାହାରିଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି କୁହାଯାଇଛି ।

ଶିଳ୍ପାୟନ ଜରିଆରେ ବନ୍ଦର ଭିତ୍ତିକ ବିକାଶକୁ ମୁଖ୍ୟମନ୍ତ୍ରୀଙ୍କ ଗୁରୁତ୍ୱ 

ଭୁବନେଶ୍ୱର: ଦକ୍ଷିଣ-ପୂର୍ବ ଏସିଆର ମୁଖଶାଳା ହେବ ଓଡ଼ିଶା । ଶିଳ୍ପାୟନ ଜରିଆରେ ବନ୍ଦର ଭତ୍ତିକ ବିକାଶ ଉପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟତ ଗୁରୁତ୍ୱାରୋପ କରିଛନ୍ତି । ସାଗରମାଳା ଯୋଜନାରେ ଫୋକସରେ ରହିଛି ବନ୍ଦର ବିକାଶ । ପାରାଦୀପ ସହ ରାଜ୍ୟର ଅନ୍ୟ ବନ୍ଦରର ବିକାଶକୁ ତ୍ୱରାନ୍ୱିତ କରାଯିବ । ଆଗାମୀ ମାସରେ କାର୍ଯ୍ୟକ୍ଷମ ହେବ ରାଜ୍ୟ ମାରିଟାଇମ ବୋର୍ଡ । ବନ୍ଦର ବିକାଶରେ ମାରିଟାଇମ ବୋର୍ଡ ମାର୍ଗଦର୍ଶକ ଭାବେ କାର୍ଯ୍ୟ କରିବ ।

ପ୍ରକଳ୍ପ କାର୍ଯ୍ୟକାରୀତାରେ ଆନ୍ତଃ-ବିଭାଗୀୟ ସମନ୍ୱୟକୁ ଗୁରୁତ୍ୱ ଦିଆଯାଉଛି । ନିର୍ଦ୍ଧାରିତ ସମୟରେ ସବୁ ପ୍ରକଳ୍ପ ସାରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଏବେ ରାଜ୍ୟରେ ତିନୋଟି ବନ୍ଦର କାର୍ଯ୍ୟକ୍ଷମ ଅଛି । ଚାରୋଟି ନୂଆ ବନ୍ଦର ପ୍ରତିଷ୍ଠା କାର୍ଯ୍ୟ ଜାରି ରହିଛି । ଆହୁରି ଆଠଟି ବନ୍ଦର ପ୍ରତିଷ୍ଠା ପାଇଁ ସୁଯୋଗ ରହିଛି ।

ବଢୁଛି ସଂକ୍ରମଣ, କୋଭିଡ୍ କେୟାର୍ ସେଣ୍ଟର ପ୍ରସ୍ତୁତ ରଖିବାକୁ ଜିଲ୍ଲାପାଳଙ୍କୁ ଚିଠି

ଭୁବନେଶ୍ୱର: ରାଜ୍ୟରେ କୋଭିଡ୍ ସଂକ୍ରମିତଙ୍କ ସଂଖ୍ୟା ବଢ଼ିବାରେ ଲାଗିଛି । ଖୋର୍ଦ୍ଧା ଜିଲ୍ଲା ସହ ପଶ୍ଚିମ ଓଡ଼ିଶାର ବିଭିନ୍ନ ଜିଲ୍ଲାରେ ସଂକ୍ରମଣ ବଢ଼ିଛି । ଏସବୁକୁ ଦୃଷ୍ଟିରେ ରଖି ସମସ୍ତ ଜିଲ୍ଲା ଓ ମହାନଗର ନିଗମ ଅଞ୍ଚଳରେ ଡେଡିକେଟେଡ୍ କୋଭିଡ୍ କେୟାର୍ ସେଣ୍ଟର ପ୍ରସ୍ତୁତ ରଖିବାକୁ କୁହାଯାଇଛି । ଏନେଇ ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ର ଚିଠି ଲେଖିଛନ୍ତି ।

Readiness Of Functionalisation Of Dedicated Covid Care Center

ଅଳ୍ପ ଲକ୍ଷଣ ଥିବା ଲୋକ ହୋମ୍ ଆଇସୋଲେସନରେ ରହିବେ । ଯେଉଁ କରୋନା ଆକ୍ରାନ୍ତଙ୍କ କ୍ଷେତ୍ରରେ ଘରେ ହୋମ୍ ଆଇସୋଲେସନରେ ରହିବା ପାଇଁ ସୁବିଧା ନଥିବ ତ ତାଙ୍କୁ କୋଭିଡ୍ କେୟାର୍ ସେଣ୍ଟର (CCC)ରେ ଭର୍ତ୍ତି କରାଯିବ । ଗତବର୍ଷ କୋଭିଡ୍ କେୟାର ସେଣ୍ଟର ଗୁଡ଼ିକୁ ପୁଣି କାର୍ଯ୍ୟକ୍ଷମ ପାଇଁ ପ୍ରସ୍ତୁତ କରାଯିବ । ଆବଶ୍ୟକ ସ୍ଥଳେ ଜରୁରୀକାଳୀନ ଭିତ୍ତିରେ ଏହାକୁ ଚାଲୁ କରିବାକୁ ନିର୍ଦ୍ଦେଶ ଦିଆଯାଇଛି ।

Readiness Of Functionalisation Of Dedicated Covid Care Center

ଏଥିସହ ଏହି ସେଣ୍ଟର ଗୁଡ଼ିକରେ କରୋନା ଭ୍ୟାକ୍ସିନ୍ ନେଇଥିବା ସ୍ୱାସ୍ଥ୍ୟକର୍ମୀଙ୍କୁ ନିୟୋଜିତ କରିବାକୁ ସ୍ୱାସ୍ଥ୍ୟ ବିଭାଗ ନିଷ୍ପତ୍ତି ନେଇଛି । କୋଭିଡ୍ କେୟାର ସେଣ୍ଟର କାର୍ଯ୍ୟକ୍ଷମ ହେଲା ପରେ ଦୈନିକ ରୋଗୀଙ୍କ ତଥ୍ୟ ରାଜ୍ୟ ସରକାରଙ୍କୁ ଜଣାଇବାକୁ ନିର୍ଦ୍ଦେଶ ଦିଆଯାଇଛି ।

ଚିଲିକା ନିକଟ ୬୫୦ ଏକର ଜମିରେ ନିର୍ମାଣ ହେବ ବିଶ୍ୱସ୍ତରୀୟ ଫିଲ୍ମସିଟି

ବାଲେଶ୍ୱର: ଓଡ଼ିଶାରେ ନିର୍ମାଣ ହେବ ବିଶ୍ୱ ସ୍ତରୀୟ ଫିଲ୍ମିସିଟି । ଖୋର୍ଦ୍ଧା ଜିଲ୍ଲା ଚିଲିକା ନିକଟ ୬୫୦ ଏକର ଜମିରେ ନିର୍ମାଣ ହେବାକୁ ଯାଉଛି ଏହି ଫିଲ୍ମିସିଟି । ଏଥିରେ ପ୍ରାୟ ୨୦ ହଜାର କୋଟି ଟଙ୍କା ବିନିଯୋଗ ହେବ । ବଲିଉଡ଼ରେ ପ୍ରସିଦ୍ଧି ଲାଭ କରିଥିବା ନାୟକ ଜୟ ମୁଖାର୍ଜୀଙ୍କ ସାନଭାଇ ସୁଜୟ ମୁଖାର୍ଜୀ ଏହି ଷ୍ଟୁଡିଓ ନିର୍ମାଣ କରିବେ । ସୁଜୟଙ୍କ ନିର୍ଦ୍ଦେଶନାରେ ବଲିଓଡର ଛଇଲା ବାବୁ, ପଥର କା ଇନସାନ, କର୍ଣ୍ଣ, ଲଭର ବୟ, ସମ୍ବନ୍ଧ ଭଳି ଏକାଧିକ ସିନେମା ନିର୍ମାଣ କରାଯାଇଛି ।

Sujay Mukharjee Planned To Setup An World Class Film City Near Chilika Lake

ସୁଜୟଙ୍କର ମଧ୍ୟ ଭାରତର ବିଭିନ୍ନ ସ୍ଥାନରେ ରହିଛି ସିନେମା ନିର୍ମାଣ କରାଯାଉଥିବା ଷ୍ଟୁଡିଓ । ଓଡ଼ିଶାରେ ପ୍ରାକୃତିକ ପରିବେଶରେ ଏକ ବିଶ୍ୱସ୍ତରୀୟ ସୁବିଧା ସୁଯୋଗ ଥିବା ଷ୍ଟୁଡ଼ିଓ ନିର୍ମାଣ କରିବାକୁ ତାଙ୍କ କମ୍ପାନୀ ସିଦ୍ଧାନ୍ତ ଗ୍ରହଣ କରିଛି । ଏଥିରେ ଭାରତର ସମସ୍ତ ଜଣାଶୁଣା ସ୍ଥାନ ସହିତ ବିଦେଶର ମଧ୍ୟ ସେଟ୍‌ ପ୍ରସ୍ତୁତ କରାଯିବ । ଷ୍ଟୁଡିଓ ଭିତରେ ଗାଁ ଠାରୁ ଆରମ୍ଭକରି ଏୟାରପୋର୍ଟ, ହେଲିପ୍ୟାଡ୍, ରେଳ ଷ୍ଟେସନ, ଷ୍ଟାର ହୋଟେଲ ସହିତ ସମସ୍ତ ସୁବିଧା ରହିବ ।

Sujay Mukharjee Planned To Setup An World Class Film City Near Chilika Lake

ଗୋଟିଏ ସ୍ଥାନରେ ୧୦୦ ଜଣ ସେଲିବ୍ରିଟିକୁ ରହିବାର ମଧ୍ୟ ସୁବିଧା ରହିବ । ସିନେମା ତିଆରି କରୁଥିବା ସଂସ୍ଥା ଏଠାରେ ସିନେମା ସୁଟିଂ କରିବା ସହିତ ସାଧାରଣ ଲୋକେ ଏହି ପ୍ରାକୃତିକ ପରିବେଶ ବୁଲି ଦେଖିବାର ମଧ୍ୟ ସୁବିଧା ରହିବ । ଷ୍ଟୁଡିଓ ନିର୍ମାଣ କାମରେ ବାଲେଶ୍ୱର ଆସିଥିବା ବେଳେ ନନ୍ଦିଘୋଷ ଟିଭି ଭେଟିଥିଲା ଫିଲ୍ମ ନିର୍ମାତା ସୁଜୟ ମୁଖାର୍ଜୀଙ୍କୁ ।

କେନ୍ଦ୍ରକୁ ୨୫ ଲକ୍ଷ କୋଭିଡ୍ ଟିକା ମାଗିଲା ରାଜ୍ୟ

ଭୁବନେଶ୍ୱର: କେନ୍ଦ୍ରକୁ ୨୫ ଲକ୍ଷ କୋଭିଡ୍ ଟିକା ମାଗିଲା ରାଜ୍ୟ । ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବଙ୍କ ପରେ ପୁଣି ଥରେ କେନ୍ଦ୍ରକୁ ଚିଠି ଲେଖିଛନ୍ତି ସ୍ୱାସ୍ଥ୍ୟମନ୍ତ୍ରୀ ନବ ଦାସ । ଆଗାମୀ ୧୦ ଦିନର ଟିକାକରଣ ପାଇଁ ଟିକା ଯୋଗାଇବାକୁ ଦାବି କରିଛନ୍ତ ସ୍ୱାସ୍ଥ୍ୟମନ୍ତ୍ରୀ ।  ଏବେ ରାଜ୍ୟରେ ଦୈନିକ ଅଢେଇ ଲକ୍ଷ ଲୋକଙ୍କୁ ଟିକାକରଣ କରାଯାଉଛି । ଆଜି ସୁଦ୍ଧା ୫ ଲକ୍ଷ ୩୪ ହଜାର କୋଭିଡ୍ ଟିକା ଡୋଜ ରାଜ୍ୟ ପାଖରେ ଅଛି ।

Odisha Request Center To Provide 25 Lakh Dose Vaccine

ଉପଲବ୍ଧ ଥିବା ଷ୍ଟକରେ ମାତ୍ର ଦୁଇ ଦିନ ପର୍ଯ୍ୟନ୍ତ ଟିକାକରଣ କରାଯାଇପାରିବ । ୯ ତାରିଖ ସୁଦ୍ଧା ଅଧିକ ଟିକା ନପହଞ୍ଚିଲେ ରାଜ୍ୟରେ କୋଭିଡ୍ ଟିକାକରାଣ ବାଧାପ୍ରାପ୍ତ ହେବ । ଦ୍ୱିତୀୟ ଡୋଜ୍ ନେବାକୁ ଥିବା ହିତାଧିକାରୀଙ୍କ ଟିକାଦାନ ବିଳମ୍ବ ହେବ । ଟିକା ଅଭାବରୁ ୭୦୦ ଟିକାଦାନ କେନ୍ଦ୍ରକୁ ବନ୍ଦ କରିବାକୁ ବାଧ୍ୟ ହୋଇଛୁ ବୋଲି ମନ୍ତ୍ରୀ ନବ ଦାସ କହିଛନ୍ତି ।