spot_img
Home Blog Page 5953

୮୮ ବର୍ଷ ବୟସରେ ଆଖି ବୁଜିଲେ ଭେଟେରାନ୍ ଅଭିନେତ୍ରୀ ଶଶିକଳା

ମୁମ୍ବାଇ: ‘କଭି ଖୁସି କଭି ଗମ୍’ ଚଳଚ୍ଚିତ୍ରର ଅଭିନେତ୍ରୀ ଶଶିକଳା ଆଉନାହାଁନ୍ତି । ରବିବାର ୮୮ ବର୍ଷ ବୟସରେ ଶଶିକଳା ଓମ୍ ପ୍ରକାଶ ସାଇଗଲଙ୍କ ଦେହାନ୍ତ ହୋଇଛି । ଶଶିକଳା ମହାରାଷ୍ଟ୍ରର ସୋଲାପୁରରେ ଶଶିକଳା ଜନ୍ମଗ୍ରହଣ କରିଥିଲେ । ପିଲାଟି ଦିନରୁ ଶଶିକଳା ଅଭିନୟ ଆରମ୍ଭ କରିଥିଲେ ।

Kabhi Khushi Kabhi Ghum actress Shashikala passes away at 88

ଶଶିକଳା ମୁଝସେ ଶାଦି କରୋଗି (୨୦୦୪), ତିନ ବାଟ୍ଟି ଚାର୍ ରାସ୍ତା (୧୯୫୩)ରେ ଅଭିନୟ କରିବା ସହ ଲୋକପ୍ରିୟ ଟେଲିଭିଜନ ସୋ ସୋନପରି ଏବଂ ଜୀନା ଇସି କା ନାମ ହୈରେ ଅଭିନୟର ଯାଦୁ ଦେଖାଇଥିଲେ । ଶହେରୁ ଅଧିକ ଚଳଚ୍ଚିତ୍ରରେ ଅଭିନୟ କରିଥିବା ଶଶିକଳା ୧୯୩୨ ମସିହା ଅଗଷ୍ଟରେ ଜନ୍ମ ଗ୍ରହଣ କରିଥିଲେ । ଶଶିକଳା ଡାକୁ, ରାସ୍ତା ଚଳଚ୍ଚିତ୍ରରେ ଅଭିନୟ ପାଇଁ ଲୋକପ୍ରିୟ ହୋଇ ପାରିଥିଲେ ।

Kabhi Khushi Kabhi Ghum Actress Shashikala Passes Away At 88

ଭାରତୀୟ ସିନେମାକୁ ତାଙ୍କ ଅବଦାନ ପାଇଁ ଶଶିକଳା ସମ୍ମାନଜନକ ପଦ୍ମଶ୍ରୀ ପୁରସ୍କାର ୨୦୦୭ ମସିହାରେ ପାଇଥିଲେ । ୨୦୦୯ ମସିହାରେ ଶଶିକଳାଙ୍କୁ ଲାଇଫଟାଇମ୍ ଆଚିଭମେଣ୍ଟ ଆୱାର୍ଡ ମଧ୍ୟ ମିଳିଥିଲା । ତାଙ୍କ ବିୟୋଗରେ ବଲିଉଡର ଅନେକ କଳାକାର ଶୋକବ୍ୟକ୍ତ କରିଛନ୍ତି ।

ବଲିଉଡକୁ ଗ୍ରାସୁଛି କରୋନା, ଖିଲାଡ଼ି ଅକ୍ଷୟ କୁମାରଙ୍କ ପରେ ଗୋବିନ୍ଦା କୋଭିଡ୍ ପଜିଟିଭ୍

ମୁମ୍ବାଇ: ମହାମାରୀ କବଳରେ ମାୟାନଗରୀ । ବଲିଉଡରେ କରୋନା ଭାଇରସ୍ ବ୍ୟାପିବାରେ ଲାଗିଛି । ଅଭିନେତା ଅକ୍ଷୟ କୁମାରଙ୍କ ପରେ ଏବେ ଗୋବିନ୍ଦା କରୋନା ସଂକ୍ରମିତ ହୋଇଛନ୍ତି । ଏବେ ଗୋବିନ୍ଦା ହୋମ୍ କ୍ୱାରେଣ୍ଟାଇନରେ ଥିବାବେଳେ ଘରେ ତାଙ୍କର ଚିକିତ୍ସା କରାଯାଉଛି ।

Govinda Corona Positive After Akshay Kumar Under Home Quarantine

ଗୋବିନ୍ଦା କରୋନା ସଂକ୍ରମିତ ହୋଇଥିବା ନେଇ ତାଙ୍କ ମୁଖପାତ୍ର ସୂଚନା ଦେଇଛନ୍ତି । ଗୋବିନ୍ଦାଙ୍କ ଠାରେ କରୋନାର ସ୍ୱଳ୍ପ ଲକ୍ଷଣ ରହିଛି । ଗୋବିନ୍ଦାଙ୍କ ପତ୍ନୀ ସୁନୀତା ଆହୁଜା ଅଭିନେତାଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ କରୋନା ଟେଷ୍ଟ କରିବାକୁ ଅନୁରୋଧ କରିଛନ୍ତି । ଏଥିସହ ଶୀଘ୍ର ଠିକ୍ ହେବା ନେଇ ଗୋବିନ୍ଦା ତାଙ୍କର ଫ୍ୟାନ୍ସଙ୍କ ଠାରୁ ଆଶୀର୍ବାଦ ମାଗିଛନ୍ତି ।

Govinda Corona Positive After Akshay Kumar Under Home Quarantine

ରିପୋର୍ଟ ଅନୁସାରେ, ଗୋବିନ୍ଦା ରବିବାର ସକାଳେ କୋଭିଡ୍ ଟେଷ୍ଟ କରିଥିଲେ । ଯେଉଁଥିରେ ତାଙ୍କ ରିପୋର୍ଟ ପଜିଟିଭ୍ ଆସିଛି । ପରିବାରର ଅନ୍ୟ ସଦସ୍ୟଙ୍କ କୋଭିଡ୍ ଟେଷ୍ଟ କରାଯାଇଥିବା ବେଳେ ସମସ୍ତ ରିପୋର୍ଟ ନେଗେଟିଭ୍ ଆସିଥିବା ଜଣାପଡ଼ିଛି ।  ଗୋବିନ୍ଦାଙ୍କ ପୂର୍ବରୁ ଅକ୍ଷୟ କୁମାର କୋଭିଡ୍ ସଂକ୍ରମିତ ହୋଇଥିଲେ । ଅକ୍ଷୟ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏନେଇ ସୂଚନା ଦେଇଥିଲେ । ସେ ଘରେ କ୍ୱାରେଣ୍ଟାଇନରେ ଅଛନ୍ତି ।

ଏଥିସହ ପଢ଼ନ୍ତୁ- ବଲିଉଡ୍ ଅଭିନେତା ଅକ୍ଷୟ କୁମାର କରୋନା ସଂକ୍ରମିତ

ରାଜ୍ୟକୁ ପୁଣି ଫେରିବ ତାତି, ସ୍ୱାଭାବିକଠାରୁ ୨ ରୁ ୩ ଡିଗ୍ରୀ ବଢିବ ତାପମାତ୍ରା

ଭୁବନେଶ୍ୱର: ରାଜ୍ୟକୁ ପୁଣି ଫେରିବ ତାତି । ସ୍ୱାଭାବିକଠାରୁ ୨ ରୁ ୩ ଡିଗ୍ରୀ ବଢିପାରେ ତାପମାତ୍ରା । ଆସନ୍ତା ୪୮ ଘଣ୍ଟା ପରେ ତାପମାତ୍ରା ବଢ଼ିବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ବିଶେଷ କରି ଆଭ୍ୟନ୍ତରୀଣ ଓଡ଼ିଶାରେ ଉପରମୁହାଁ ହେବ ପାରଦ । ଅଧିକାଂଶ ଜିଲ୍ଲାର ତାପମାତ୍ରା ୪୦ ଡିଗ୍ରୀ ଉପରେ ରହିବ ବୋଲି ଆକଳନ କରାଯାଇଛି । ୬ ତାରିଖରୁ ରାଜଧାନୀ ଭୁବନେଶ୍ୱରରେ ପାରା ୪୦ ଉପରେ ରହିବ ।

ସେପଟେ ଦକ୍ଷିଣ ଛତିଶଗଡ଼, ଝାଡଖଣ୍ଡ ଏବଂ ଏହାର ଆଖପାଖ ଅଞ୍ଚଳରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ପ୍ରଭାବରେ ଓଡ଼ିଶାର ଅଧିକାଂଶ ଜିଲ୍ଲାରେ ଘଡଘଡି ସହ ବର୍ଷା ହେବ ବୋଲି ଆକଳନ କରାଯାଇଛି । ସୋମବାର ବାଲେଶ୍ୱର, ଭଦ୍ରକ, ମୟୁରଭଞ୍ଜ, ଯାଜପୁର, କେନ୍ଦ୍ରାପଡା, ଜଗତସିଂହପୁର, କଟକ, କେନ୍ଦୁଝର, ଢେଙ୍କାନାଳ, ଅନୁଗୁଳ, ନୟାଗଡ, ଖୋର୍ଦ୍ଧା, ଗଞ୍ଜାମ, ସୋନପୁର, ସମ୍ବଲପୁର, ଦେବଗଡ ଏବଂ ସୁନ୍ଦରଗଡ଼ରେ ଘଡ଼ଘଡ଼ି ବିଜୁଳି ସହ ବର୍ଷା ହେବାର ସମ୍ଭାବନ ରହିଛି । ଏଥିପାଇଁ ଏହି ସବୁ ଜିଲ୍ଲାକୁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ବର୍ଷା ସମୟରେ ଘଣ୍ଟା ପ୍ରତି ୩୦ ରୁ ୪୦ କିଲୋମିଟର ବେଗରେ ପବନ ବହିବ । ୬ତାରିଖର ଠାରୁ ଆକାଶ ମେଘମୁକ୍ତ ରହିବା ସହ ତାପମାତ୍ରା ଧିରେଧିରେ ବୃଦ୍ଧି ହେବ ବୋଲି ପାଣିପାଗ କେନ୍ଦ୍ର ପକ୍ଷରୁ କୁହାଯାଇଛି ।

୨୨ ଯବାନ ସହିଦ: ଦୁଃଖ ପ୍ରକାଶ କଲେ DGP, କହିଲେ ଆହୁରି ଜୋରଦାର ହେବ ଅପରେସନ୍‌

ମାଲକାନଗିରି: ଛତିଶଗଡ଼ ମାଓ ଆକ୍ରମଣ ଘଟଣାରେ ୨୨ ଜଣ ଯବାନ ସହିଦ ହୋଇଛନ୍ତି । ଏନେଇ ଦୁଃଖ ପ୍ରକାଶ କରିଛନ୍ତି ପୋଲିସ ଡିଜି ଅଭୟ । ଓଡିଶା ସୀମାନ୍ତରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଛତିଶଗଡ଼ ପୋଲିସ ସହ ସମନ୍ୱୟ ରକ୍ଷାକରି ମାଓ ଦମନ ଅପରେସନକୁ ଯୋରଦାର କରାଯିବ ବୋଲି କହିଛନ୍ତି ଡିଜିପି ଅଭୟ । ଏହାସହ ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି । ଖାଲି ସେତିକି ନୁହେଁ ଏହି ଅବସରରେ ସେ ମାଓମାଦୀଙ୍କ କାର୍ଯ୍ୟାକଲାପକୁ ତୀବ୍ର ନିନ୍ଦା କରିଛନ୍ତି । ଛତିଶଗଡ଼ ପୋଲିସ, ସିଆରପିଏଫ୍‌ ସହ ମିଶି ଓଡିଶା ସୀମାନ୍ତରେ ମାଓ ଦମନ ନେଇ ଓଡିଶା ପୋଲିସ ପ୍ରତିଶ୍ରୁତିବଦ୍ଧ । ମାଓ ଦମନ ଅପରେସନକୁ ଆହୁରି ବ୍ୟାପକ କରାଯିବ ବୋଲି ସେ କହିଛନ୍ତି ।

ଛତିଶଗଡ଼ ସୀମାନ୍ତ ବିଜାପୁରରେ ନକ୍ସଲଙ୍କ ଗୁଳିରେ ପ୍ରାଣ ହରାଇଥିବା ଯବାନଙ୍କୁ ଉଦ୍ଧାର ବେଳେ ପୁଣି ଆଇଇଡି ବିସ୍ଫୋରଣ ହୋଇଛି । ଏଥିରେ ଆଉ ଜଣେ ଯବାନ ଆହତ ହୋଇଛନ୍ତି  । ଆହତ ଯବାନଙ୍କୁ ବିଜାପୁର ମେଡିକାଲକୁ ସ୍ଥାନାନ୍ତର କରାଯାଇଛି  । ଟେକେଲଗୁଡା ଜଙ୍ଗଲରେ ଏହି ବିସ୍ଫୋରଣ ହୋଇଥିବା ସୂଚନା ମିଳିଛି ।

ଛତିଶଗଡ଼ ସୁକମା ବିଜାପୁରରେ ଯବାନ ଓ ନକ୍ସଲଙ୍କ ମଧ୍ୟ ଗୁଳିବିନିମୟ ହୋଇଥିଲା । ଏଥିରେ ୨୨ଜଣ ଯବାନ ସହିଦ ହୋଇଛନ୍ତି । ଏନେଇ ବିଜାପୁର ଏସ୍‌ପି କାମଲୋଚନ୍‌ କଶ୍ୟପ ସୂଚନା ଦେଇଥିଲେ । ଗୁଳିବିନିମୟ ପରେ ବିକ୍ଷିପ୍ତ ଭାବରେ ପଡିରହିଥିଲା ଯବାନଙ୍କ ରକ୍ତାକ୍ତ ମୃତଦେହ । ସମସ୍ତଙ୍କ ମୃତଦେହ ଉଦ୍ଧାର କରାଯାଇଛି । ଆଉଜଣେ ଯବାନ ନିଖୋଜ ଅଛନ୍ତି । ଅନ୍ୟପଟେ ୩୦ ଜଣ ଗୁରୁତରଙ୍କ ମଧ୍ୟରୁ ୨୩ ଜଣଙ୍କୁ ବିଜାପୁର ଜିଲ୍ଲା ମୁଖ୍ୟ ଚିକିତ୍ସାଳୟ ଓ ୭ ଜଣ ଯବାନଙ୍କୁ ବାୟୁ ସେନାର ହେଲିକପ୍ଟର ଯୋଗେ ରାୟପୁର ସ୍ଥାନାନ୍ତର କରାଯାଇଛି ।

ଶନିବାର ଛତିଶଗଡ଼ ନାରାୟଣପୁର ଜିଲ୍ଲାରେ ମାଓବାଦୀ ଏବଂ ଯବାନଙ୍କ ମଧ୍ୟରେ ଏହି ଗୁଳିବିନିମୟ ହୋଇଥିଲା । ସୂଚନା ଅନୁସାରେ ଡିଆର୍ଜି ଏଵଂ ଆଇଟିବିପି ଯବାନର ଏକ ଟିମ୍ ଅବୁଝମଡର କାକୁର୍ ଅଞ୍ଚଳରେ କମ୍ବିଂ ପାଇଁ ଯାଇଥିଲେ । ସେଠାରେ ଯବାନଙ୍କ ଉପରେ ଅତର୍କିତ ଗୁଳିଚାଳନା କରିଥିଲେ ମାଓବାଦୀ । ଏହାପରେ ଯବାନଙ୍କ ପକ୍ଷରୁ ପାଲଟା ଆକ୍ରମଣ କରାଯାଇଥିଲା । ଘଟଣାକୁ ନେଇ ଛତିଶଗଡ଼ ମୁଖ୍ୟମନ୍ତ୍ରୀ ଭୁପେଶ ବାଘେଲଙ୍କ ସହ ଆଲୋଚନା କରିଛନ୍ତି ଅମିତ ଶାହ ।

ରକେଟ୍ ଲଞ୍ଚର ଓ ଲାଇଟ୍ ମେସିନ୍ ଗନରୁ ଆକ୍ରମଣ କରିଥିଲା ହିଡମା ବାହିନୀ, ୨୨ ଯବାନ ସହିଦ

ବିଜାପୁର: ଛତିଶଗଡ଼ ବିଜାପୁର ନକ୍ସଲ ଆକ୍ରମଣରେ ଆଉ ୨୦ ଜଣ ଯବାନଙ୍କ ମୃତଦେହ ମିଳିଛି । ସୁବେର ଡିଜି ଡିଏମ୍ ଅବସ୍ଥି ଏହି ସୂଚନା ଦେଇଛନ୍ତି । ଏବେ ଯାଏ ମୋଟ ୨୨ଗୋଟି ମୃତଦେହ ମିଳିଛି । ଜଣେ ଯବାନ ନିଖୋଜ ଥିବାବେଳେ ୩୧ ଜଣ ଯବାନ ଆହତ ହୋଇଛନ୍ତି । ଏହା ଚଳିତବର୍ଷର ସବୁଠୁ ବଡ଼ ନକ୍ସଲ ଆକ୍ରମଣ । ଏହି ଆକ୍ରମଣରେ ୮ ଜଣ ସିଆରପିଏଫ୍ ଯବାନ ସହିଦ ହୋଇଥିବା ବେଳେ ଜଣେ ଯବାନ ନିଖୋଜ ଅଛନ୍ତି । ସେହିଭଳି ଏଥିରେ ରାଜ୍ୟ ପୋଲିସର ୧୪ ଜଣ ଯବାନ ସହିଦ ହୋଇଛନ୍ତି ।

Bijapur Naxal Attack 20 Soldier Bodies Recovered

ଶନିବାର ନକ୍ସଲ କରିଥିବା ଏହି ଆକ୍ରମଣରେ ଦେଶୀ ରକେଟ୍ ଲଞ୍ଚର୍ ଏବଂ ଲାଇଟ୍ ମେସିନ୍ ଗନର ବ୍ୟବହାର କରିଥିଲେ । ନକ୍ସଲଙ୍କ ସବୁଠୁ ମଜଭୁତ୍ ଗଡ଼ କୁହାଯାଉଥିବା ବିଜାପୁରରେ ସୁରକ୍ଷାବାହିନୀ ସର୍ଚ୍ଚ ଅପରେସନ୍ କରିଥିଲେ । ନକ୍ସଲ ବିରୋଧୀ ଅଭିଯାନ ବେଳେ ସୂଚନା ମିଳିଥିଲା ନକ୍ସଲଙ୍କ ସବୁଠୁ ବଡ଼ ପିପୁଲ୍ସ ଗ୍ରୁପ୍ ଆର୍ମି ପ୍ଲାଟୁନ୍ ବନ (PLGA 1)ର ବଡ଼ ଦୁର୍ଦ୍ଦାନ୍ତ କମାଣ୍ଡର ହିଡମା ଥିବା ଖବର ମିଳିଥିଲା । ଆକ୍ରମଣ ସ୍ଥଳରୁ ୧ କିଲୋମିଟର ଦୂର ପୋବର୍ତ୍ତି ଗାଁରେ ହିଡମା ଥିବା ଖବର ପରେ ସିଆରପିଏଫ୍ ଓ ଛତିଶଗଡ଼ ପୋଲିସର DRG ଏକ ମିଳିତ ଅପରେସନ୍ ଆରମ୍ଭ କରିଥିଲେ ।

Bijapur Naxal Attack 20 Soldier Bodies Recovered

ସୁରକ୍ଷାକର୍ମୀଙ୍କ ଉପରେ ହିଡମା ନେତୃତ୍ୱ ନେଉଥିବା ପିପୁଲ୍ସ ଗ୍ରୁପ୍ ଆର୍ମି ପ୍ଲାଟୁନ୍ ବନ ୟୁନିଟ୍ ଆକ୍ରମଣ କରିଥିଲା । ଏହି ଅପରେସନରେ ନକ୍ସଲ କ୍ୟାଡରର ୧୫ ଜଣ ନିହତ ହୋଇଛନ୍ତି । ନକ୍ସଲ ମାନେ ତିନିଗୋଟି ଉପାୟରେ ଆକ୍ରମଣ କରିଥିଲେ । ପ୍ରଥମେ ବୁଲେଟରେ, ତା’ପରେ ଧାରୁଆ ଅସ୍ତ୍ର ଓ ଦେଶୀ ଦେଶୀ ରକେଟ୍ ଲଞ୍ଚରରୁ ପ୍ରାୟ ୨୦୦ରୁ ୩୦୦ ନକ୍ସଲ ସୁରକ୍ଷାକର୍ମୀଙ୍କ ଉପରେ ଆକ୍ରମଣ କରିଥିଲେ । ଏବେବି ସେଠାରେ ସୁରକ୍ଷାକର୍ମୀଙ୍କ କମ୍ବିଂ ଅପରେସନ୍ ଜାରି ରହିଛି ।

କାୟା ବିସ୍ତାର କରୁଛି କରୋନା, ରେଳ ଷ୍ଟେସନ୍‌ ପରେ ବିମାନବନ୍ଦରରୁ ୧୦ ପଜିଟିଭ୍‌

ଭୁବନେଶ୍ୱର: କାୟା ବିସ୍ତାର କରୁଛି କରୋନା । ରାଜଧାନୀ ଭୁବନେଶ୍ୱରରେ ସ୍ଥିତି ହେଲାଣି ଅଣାୟତ । ରବିବାର ଭୁବନେଶ୍ୱର ଏସ୍‌ବିଆଇ ମୁଖ୍ୟ କାର୍ଯ୍ୟାଳୟରୁ ୧୦ ପଜିଟିଭ୍‌ ଚିହ୍ନଟ ହୋଇଥିବା ବେଳେ ଏବେ ବିମାନବନ୍ଦରରୁ ଆଉ ୧୦ ପଜିଟିଭ୍‌ ଚିହ୍ନଟ ହୋଇଛନ୍ତି । ସେହିଭଳି ରେଲଓ୍ୱେ ଷ୍ଟେସନ୍‌ରୁ ମଧ୍ୟ ଦୁଇ ଜଣ କରୋନା ଆକ୍ରାନ୍ତଙ୍କୁ ଚିହ୍ନଟ କରାଯାଇଛି ।

ତେବେ ସବୁଠୁ ଅଧିକ ଚିନ୍ତା ବଢ଼ାଉଛି ଭୁବନେଶ୍ୱର ବିମାନ ବନ୍ଦର । ରବିବାର ଅପରାହ୍ନ ୩ଟା ସୁଦ୍ଧା ୧୦ ଜଣ କରୋନା ପଜିଟିଭ ଚିହ୍ନଟ ହୋଇସାରିଲେଣି । ଗତ ୩ ଦିନରେ ୨୫ ଯାତ୍ରୀ ପଜିଟିଭ୍‌ ଚିହ୍ନଟ ହୋଇଥିବା ବେଳେ ଆଜି ଗୋଟିଏ ଦିନରେ ୧୦ ପଜିଟିଭ୍‌ ସମସ୍ତଙ୍କ ମୁଣ୍ଡ ବିନ୍ଧାର କାରଣ ପାଲଟିଛି । ଆଜକୁ ମିଶାଇ ବିମାନ ବନ୍ଦରରୁ ମୋଟ ୩୫ ଜଣ ଯାତ୍ରୀ ପଜିଟିଭ୍‌ ଚିହ୍ନଟ ହୋଇସାରିଲେଣି। ପଜିଟିଭ ଚିହ୍ନଟ ହୋଇଥିବା ସମସ୍ତ ଯାତ୍ରୀଙ୍କୁ କୋଭିଡ୍‌ ହସ୍ପିଟାଲରେ ଭର୍ତ୍ତି କରାଯାଇଛି । ମିଳିଥିବା ସୂଚନା ଅନୁଯାୟୀ ବିମାନ ବନ୍ଦରରୁ ଚିହ୍ନଟ ସମସ୍ତ ଯାତ୍ରୀ ମହାରାଷ୍ଟ୍ରର ମୁମ୍ବାଇ ଓ ପୁଣେରୁ ଆସିଛନ୍ତି ।

ଆଗକୁ କରୋନା ଯାଞ୍ଚ ଆହୁରି କଡ଼ାକଡ଼ି ହେବ ବୋଲି କୁହାଯାଇଛି । ବିମାନବନ୍ଦର ଓ ସ୍ଥାନୀୟ ପ୍ରଶାସନ ପକ୍ଷରୁ ମିଳିତ ଭାବେ ସଂକ୍ରମଣ ରୋକିବା ଦିଗରେ ଗୁରୁତ୍ୱ ଦିଆଯାଉଛି । ମାସ୍କ ଓ ସାନିଟାଇଜର ବ୍ୟବହାର କରିବାକୁ ସବୁଙ୍କୁ ପରାମର୍ଶ ଦିଆଯାଉଛି । ତେବେ ଉଭୟ ରେଳଷ୍ଟେସନ ଓ ବିମାନବନ୍ଦରରେ ସ୍ୱତନ୍ତ୍ର ବ୍ୟବସ୍ଥା ଲାଗୁ କରିବା ପାଇଁ ଚାଲିଛି ବିଚାର ବିମର୍ଷ ।

କରୋନା ସଂକ୍ରମଣ ରୋକିବ କି ମିନି-ଲକଡାଉନ୍ ?

ନୂଆଦିଲ୍ଲୀ: ଦେଶରେ ବଢ଼ି ଚାଲିଛି କରୋନା ସଂକ୍ରମଣ ମାମଲା । ବିଗତ ୨୪ ଘଣ୍ଟାରେ ୯୦ ହଜାରରୁ ଅଧିକ ସଂକ୍ରମଣ ମାମଲା ଚିହ୍ନଟ ହୋଇଛି । କରୋନା ସଂକ୍ରମଣ ଏଭଳି ଭାବେ ବ୍ୟାପିଲେ ସଂକ୍ରମିତଙ୍କ ସଂଖ୍ୟା ପୁରୁଣା ରେକର୍ଡକୁ ମଧ୍ୟ ଟପିଯିବ । ଏଭଳି ସ୍ଥିତିରେ ଲୋକଙ୍କ ମନକୁ ଗତବର୍ଷ ଭଳି ଲକଡାଉନ୍ କଥା ଆସୁଛି । ଗତବର୍ଷ ମାର୍ଚ୍ଚରେ କେନ୍ଦ୍ର ସରକାର ଦେଶବ୍ୟାପୀ ଲକଡାଉନ୍ ଘୋଷଣା କରିଥିଲେ । ଏବେ ଦ୍ରୁତଗତିରେ ବଢ଼ୁଥିବା କରୋନା ସଂକ୍ରମଣକୁ ନେଇ ଲୋକଙ୍କ ମନରେ ଲକଡାଉନ୍ ଆଶଙ୍କା ପ୍ରକାଶ ପାଇଛି ।

Mini Lockdown Needed To Curb Covid-19 Spread Says AIIMS Director

ତେବେ ଲକଡାଉନ୍ ଏଯାବତ୍ ସରକାରଙ୍କ ପକ୍ଷରୁ ସ୍ପଷ୍ଟ ରୂପେ କିଛି ଘୋଷଣା କରାଯାଇନାହିଁ । ଦିଲ୍ଲୀ ଏମ୍ସ ନିର୍ଦ୍ଦେଶକ ଡକ୍ଟର ରଣଦୀପ ଗୁଲେରିଆ ବଢ଼ୁଥିବା ସଂକ୍ରମଣ ମାମଲାକୁ ନେଇ କହିଛନ୍ତି- ଦେଶରେ ମିନି ଲକଡାଉନ୍ ଲାଗିବାର ଆବଶ୍ୟକତା ରହିଛି । ଯଦି କରୋନା ସଂକ୍ରମଣର ବଢ଼ୁଥିବା ବେଗ ଉପରେ ଲଗାମ ଲାଗିବ ନାହିଁ ତ ଆମକୁ ମିନି ଲକଡାଉନ୍ ଲଗାଇବାକୁ ପଡ଼ିବ ।

ସେ କହିଛନ୍ତି ଦେଶରେ ଦିନକୁ ଦିନ କରୋନା ସ୍ଥିତି ଖରାପରୁ ଅତି ଖରାପ ହେଉଛି । ଲୋକ କରୋନା କଟକଣା ଓ ନିୟମର ପାଳନ କରୁନାହାଁନ୍ତି । ଏମିତିରେ ମିନି ଲକଡାଉନ୍ ହିଁ ଏହାର ବିକଳ୍ପ । ଲୋକମାନେ କୋଭିଡ୍ ନିୟମ ପାଳୁନଥିବାରୁ ସଂକ୍ରମଣ ବଢ଼ୁଥିବା ଗୁଲେରିଆ କହିଛନ୍ତି । ଅଧିକାଂସ ମାସ୍କ ପିନ୍ଧୁନଥିବା ବେଳେ ସାମାଜିକ ଦୂରତା ରକ୍ଷା କରୁନାହାଁନ୍ତି । ତେବେ, ଚିନ୍ତାର କାରଣ ହେଉଛି କରୋନାର ପ୍ରଥମ ଲହରର ପ୍ରଭାବ ଛୁଆଙ୍କ ଉପରେ ସେତେଟା ପଡ଼ୁନଥିଲା । ଏବେ ଛୁଆ ବି ସଂକ୍ରମିତ ହେଉଛନ୍ତି ।

Mini Lockdown Needed To Curb Covid-19 Spread Says AIIMS Director

କରୋନାର ଏହି ଦ୍ରୁତ ଗତିକୁ ବ୍ରେକ୍ ଦେବା ଲାଗି ଦେଶରେ କୋଭିଡ୍ ଟିକାକରଣ ବେଗକୁ ବଢ଼ାଇବା ଜରୁରୀ । ଏବେ ଦେଶକୁ ଦୁଇ ଅରବ ଭ୍ୟାକ୍ସିନ୍ ଡୋଜ୍ ଆବଶ୍ୟକତା ରହିଛି । ଟିକାକରଣ ପରବର୍ତ୍ତୀ ସମୟରେ ମଧ୍ୟ ସାମାଜିକ ଦୂରତା ରକ୍ଷା କରିବା ଜରୁରୀ । ବର୍ତ୍ତମାନ ସ୍ଥିତିରେ କଣ୍ଟେନମେଣ୍ଟ ଜୋନ୍ ସଂଖ୍ୟା ବୃଦ୍ଧି କରାଯିବା ଉଚିତ୍ ବୋଲି ଗୁଲେରିଆ କହିଛନ୍ତି ।

ଏଣିକି ଅମାନିଆଙ୍କ ନାଁରେ ରୁଜୁ ହେବ ମାମଲା, ଗଣିବେ ମୋଟା ଅଙ୍କର ତଣ୍ଡ

ସମ୍ୱଲପୁର: କରୋନା କଟକଣାକୁ ଅଧିକ କଡ଼ାକଡ଼ି କଲା ପ୍ରଶାସନ ।  ପ୍ରତ୍ଯେକ ଥାନା ଅଞ୍ଚଳରେ କରାଯିବ ବ୍ଲକିଂ | ନିୟମ ନ ମାନିଲା କଡ଼ା କାର୍ଯ୍ଯାନୁଷ୍ଠାନ ସାଙ୍ଗକୁ ରୁଜୁ ହେବ ମାମଲା  । ସାଧାରଣ ଜନତା ସେତେଟା ଜରୁରୀ କାର୍ଯ୍ୟ ନଥିଲେ ଘରୁ ନ ବାହାରିକାକୁ ଅନୁରୋଧ  । ଏ ନେଇ ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି  ସମ୍ବଲପୁର ଏସ୍‌ପି ବତୁଲା ଗଙ୍ଗାଧର |  ସେ ଆହୁରୀ କହିଛନ୍ତି ଯେ, ବ୍ଯବସାୟିକ ପ୍ରତିଷ୍ଠାନ ଯଦି କଟକଣା ନ ମାନନ୍ତି ତେବେ ମାତ୍ରାଧିକ ଫାଇନ ସାଙ୍ଗକୁ  ଦୋକାନ ବି ସିଲ୍ କରାଯିବ ବୋଲି ଚେତାବନୀ ଦେଇଛନ୍ତି ଏସପି |  | ଜରୁରୀକାଳୀନ ସେବାରେ ଯାଉଥିଲେ କୌଣସି ଅସୁବିଧା ହେଲେ ୧୦୦ କିମ୍ବା ୧୧୨ ଯୋଗାଯୋଗ କରିପାରିବେ ଜନସାଧାରଣ | ଜିଲ୍ଲାର ସୀମାନ୍ତ ଅଞ୍ଚଳକୁ ମିଶାଇ ୧୪ଟି ସ୍ଥାନରେ ଚେକ୍ ପୋଷ୍ଟ କରାଯାଇଛି | ସେହିପରି ପବ୍ଲିକ ଟ୍ରାନ୍ସପୋର୍ଟ ଉପରେ କଟକଣା ରହିବ ନାହିଁ ବୋଲି କହିଛନ୍ତି ଏସ୍‌ପି |

ସୂଚନା ଯୋଗ୍ୟ ଯେ, ରାଜ୍ୟରେ ବଢ଼ୁଥିବା କରୋନା ମାମଲାକୁ ନଜରରେ ରଖି ରାଜ୍ୟ ସରକାର ପୁନର୍ବାର ନାଇଟ କର୍ଫ୍ୟୁ ଲାଗୁ କରୁଛନ୍ତି । ରାଜ୍ୟର ୧୦ ଜିଲ୍ଲାରେ ପୁନର୍ବାର ଏହି କଟକଣା ଜାରି ହେବ । ରାତି ୧୦ରୁ ସକାଳ ୫ଟା ଯାଏ ଏହି ନାଇଟ୍ କର୍ଫ୍ୟୁ ଲାଗୁ  । ତେବେ ଏହି ସମୟରେ ଜରୁରୀକାଳିନ ସେବା ଜାରି ରହିବ ବୋଲି କୁହାଯାଇଛି । ସମସ୍ତ କାରଖାନା ଓ ନିର୍ମାଣ କାମ ଜାରି ରହିବ ।

ସୋମବାର ଅର୍ଥାତ ୫ ତାରିଖରୁ ବରଗଡ, ବଲାଙ୍ଗୀର, ନୂଆପଡ଼ା, କଳାହାଣ୍ଡି, ମାଲକାନଗିରି ନବରଙ୍ଗପୁର, ସୁନ୍ଦରଗଡ, ଝାରସୁଗୁଡା, ସମ୍ବଲପୁର, କୋରାପୁଟ ଜିଲ୍ଲାରେ ରାତ୍ରିକାଳୀନ କର୍ଫ୍ୟୁ ବଳବତ୍ତର କରିବାକୁ ନିଷ୍ପତି ନେଇଛନ୍ତି ରାଜ୍ୟ ସରକାର । ସୀମାନ୍ତ ବର୍ତ୍ତି ରାଜ୍ୟ ଗୁଡିକରେ କୋଭିଡ ସଂକ୍ରମଣ ବଢୁଥିବାରୁ ସେହି ନିକଟବର୍ତ୍ତୀ ଜିଲ୍ଲାରେ କର୍ଫ୍ୟ ଲଗାଯାଇଛି   । ଗତ କିଛିଦିନ ହେବ ଛତିଶଗଡ, ଝାଡଖଣ୍ଡ, ଆନ୍ଧ୍ରପ୍ରଦେଶରେ କୋଭିଡ ସଂକ୍ରମଣ ବୃଦ୍ଧି ଘଟୁଛି   । ଫଳରେ ସୀମାନ୍ତବର୍ତ୍ତୀ ଜିଲ୍ଲା ଗୁଡିକରେ ନାଇଟ କର୍ଫ୍ୟୁ  ଲାଗୁ କରିଛନ୍ତି ରାଜ୍ୟ ସରକାର  ।

ସେହିପରି ଦୋକାନ, ବାଣିଜ୍ୟିକ ପ୍ରତିଷ୍ଠାନ, ଅଫିସ, ଅନୁଷ୍ଠାନ ବନ୍ଦ ରହିବ । ତେବେ ଜିଲ୍ଲା ଓ ମ୍ୟୁନିସପାଲ କର୍ମଚାରୀ, ପୋଲିସ, ସରକାରୀ କର୍ମଚାରୀଙ୍କୁ ଛାଡ଼ । ତେବେ ଏହି ସମୟରେ ହୋମ ଡେଲିଭରୀ, ପେଟ୍ରୋଲ ପମ୍ପ, ଜାତୀୟ ରାଜପଥ କଡରେ ଥିବା ଢାବା, ପ୍ରିଣ୍ଟ ଓ ଇଲୋକ୍ଟ୍ରୋନିକ ମିଡିଆ, ଏଲପିଜି ବିତରଣ କଟକଣାରୁ ବାଦ ଦିଆଯିବ ବୋଲି କୁହାଯାଇଛି । ରାଜ୍ୟରେ କରୋନା ସଂକ୍ରମଣକୁ ଦେଖି ଏପରି ନିଷ୍ପତ୍ତି ନେଇଛନ୍ତି ରାଜ୍ୟ ସରକାର ।

ଏଥିସହିତ ପଢ଼ନ୍ତୁ: ଫେରିଲା ନାଇଟ କର୍ଫ୍ୟୁ, ସୋମବାର ଠାରୁ ୧୦ ଜିଲ୍ଲାରେ ଲାଗୁ

ପଶ୍ଚିମବଙ୍ଗ-ଆସାମରେ ତୃତୀୟ ପର୍ଯ୍ୟାୟ ଲାଗି ଆଜି ସରୁଛି ପ୍ରଚାର, ୬ରେ କେରଳ-ତାମିଲନାଡ଼ୁ-ପୁଡୁଚେରୀରେ ଭୋଟ୍

ନୂଆଦିଲ୍ଲୀ: ପଶ୍ଚିମବଙ୍ଗ ଓ ଆସାମରେ ତୃତୀୟ ପର୍ଯ୍ୟାୟ ନିର୍ବାଚନ ପ୍ରଚାରର ଆଜି ଶେଷଦିନ । ଏହି ଦୁଇ ରାଜ୍ୟ ସହ କେରଳ, ତାମିଲନାଡ଼ୁ ଓ ପୁଡୁଚେରୀରେ ଆସନ୍ତା ୬ ତାରିଖରେ ମତଦାନ ହେବ । ଏଥିପାଇଁ ଆଜି ସନ୍ଧ୍ୟାରେ ସରିବ ପ୍ରଚାର । ପଶ୍ଚିମବଙ୍ଗରେ ତୃତୀୟ ପର୍ଯ୍ୟାୟରେ ୩ ଜିଲ୍ଲାର ୩୧ଟି ବିଧାନସଭା ଆସନରେ ମତଦାନ ହେବାକୁ ଥିବାବେଳେ ଆସାମରେ ଶେଷ ପର୍ଯ୍ୟାୟରେ ୪୦ଟି ବିଧାନସଭା ଆସନରେ ଭୋଟ୍ ଗ୍ରହଣ ହେବ ।

୫ ରାଜ୍ୟରେ ବିଧାନସଭା ନିର୍ବାଚନର ପ୍ରଥମ ୨ଟି ପର୍ଯ୍ୟାୟରେ କେବଳ ପଶ୍ଚିମବଙ୍ଗ ଓ ଆସାମରେ ମତଦାନ ହୋଇଥିଲା । ଏପ୍ରିଲ୍ ୬ରେ ପାଞ୍ଚ ଗୋଟି ରାଜ୍ୟରେ ଭୋଟ୍ ଗ୍ରହଣ ହେବ । ପଶ୍ଚିମବଙ୍ଗ ଓ ଆସାମ ଭଳି କେରଳ, ତାମିଲନାଡ଼ୁ ଓ ପୁଡୁଚେରୀର ସମସ୍ତ ଆସନରେ ନିର୍ବାଚନ ଲାଗି ପ୍ରଚାର ବନ୍ଦ ହେବ । ୬ ଏପ୍ରିଲରେ କେରଳର ସମସ୍ତ ୧୪୦ ଆସନ, ତାମିଲନାଡ଼ୁର ସମସ୍ତ ୨୩୪ ଆସନ ଓ ପୁଡୁଚେରୀର ସମସ୍ତ ୩୦ ଆସନରେ ମତଦାନ ହେବ ।

ବିଜାପୁରରେ ଉଦ୍ଧାର କାର୍ଯ୍ୟ ବେଳେ ପୁଣି ବିସ୍ଫୋରଣ: ଜଣେ ଯବାନ ଆହତ

ବିଜାପୁର: ସୀମାନ୍ତରେ ପୁଣି ବିସ୍ଫୋରଣ । ବିଜାପୁର ନକ୍ସଲଙ୍କ ଗୁଳିରେ ପ୍ରାଣ ହରାଇଥିବା ଯବାନଙ୍କୁ ଉଦ୍ଧାର ବେଳେ ପୁଣି ଆଇଇଡି ବିସ୍ଫୋରଣ ହୋଇଛି । ଏଥିରେ ଆଉ ଜଣେ ଯବାନ ଆହତ ହୋଇଛନ୍ତି  । ଆହତ ଯବାନଙ୍କୁ ବିଜାପୁର ମେଡିକାଲକୁ ସ୍ଥାନାନ୍ତର କରାଯାଇଛି  । ଟେକେଲଗୁଡା ଜଙ୍ଗଲରେ ଏହି ବିସ୍ଫୋରଣ ହୋଇଥିବା ସୂଚନା ମିଳିଛି ।

ଅପରପକ୍ଷରେ ଗତକାଲିର ଗୁଳିବିନିମୟରେ ୨୨ଜଣ ଯବାନ ସହିଦ ହୋଇଛନ୍ତି । ଏନେଇ ସୂଚନା ଦେଇଛନ୍ତି ବିଜାପୁର ଏସପି କାମଲୋଚନ କଶ୍ୟପ । ଘଟଣାସ୍ଥଳରେ ବିକ୍ଷିପ୍ତ ଭାବରେ ପଡିରହିଥିଲା ଯବାନଙ୍କ ରକ୍ତାକ୍ତ ମୃତଦେହ । ସମସ୍ତଙ୍କ ମୃତଦେହ ଉଦ୍ଧାର କରାଯାଇଛି । ଆଉଜଣେ ଯବାନ ନିଖୋଜ ଅଛନ୍ତି । ଅନ୍ୟପଟେ ୩୦ ଜଣ ଗୁରୁତରଙ୍କ ମଧ୍ୟରୁ ୨୩ ଜଣଙ୍କୁ ବିଜାପୁର ଜିଲ୍ଲା ମୁଖ୍ୟ ଚିକିତ୍ସାଳୟ ଓ ୭ ଜଣ ଯବାନଙ୍କୁ ବାୟୁ ସେନାର ହେଲିକପ୍ଟର ଯୋଗେ ରାୟପୁର ସ୍ଥାନାନ୍ତର କରାଯାଇଛି। ଗତକାଲି ଛତିଶଗଡ଼ ନାରାୟଣପୁର ଜିଲ୍ଲାରେ ମାଓବାଦୀ ଏବଂ ଯବାନଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ସୂଚନା ଅନୁସାରେ  ଡି ଆର୍ ଜି ଏଵଂ ଆଇ ଟି ବି ପି ଯବାନର ଏକ ଟିମ୍  ଅବୁଝମଡର କାକୁର୍ ଅଞ୍ଚଳରେ କମ୍ବିଂ ପାଇଁ ଯାଇଥିଲେ । ସେଠାରେ ଯବାନଙ୍କ ଉପରେ ଅତର୍କିତ ଗୁଳିଚାଳନା କରିଥିଲେ ମାଓବାଦୀ  । ଏହାପରେ ଗୁଳିବିନିମୟ ହୋଇଥିଲା  । ଘଟଣାକୁ ନେଇ ଛତିଶଗଡ଼ ମୁଖ୍ୟମନ୍ତ୍ରୀ ଭୁପେଶ ବାଘେଲଙ୍କ ସହ ଆଲୋଚନା କରିଛନ୍ତି ଅମିତ ଶାହ ।