spot_img
Home Blog Page 5964

କରୋନା ପଜିଟିଭଙ୍କ ଶବ ସତ୍କାର କଲେ ବ୍ଲକ ଅଧ୍ୟକ୍ଷ

ମାହାଙ୍ଗା: କରୋନା ସଂକ୍ରମିତଙ୍କ ମୃତ୍ୟ ପରେ ଶେଷକୃତ୍ୟ ଲାଗି ପୁଅ ଓ ଝିଅଙ୍କୁ ଛାଡି ଭୟରେ କେହି ଆସିନଥିଲେ । କିନ୍ତୁ ସାହସର ସହ କୋଭିଡ ନିୟମ ଅନୁଯାୟୀ ମୃତକଙ୍କ ଶେଷକୃତ୍ୟ ପାଇଁ ସହଯୋଗର ହାତ ବଢ଼ାଇଛନ୍ତି ମାହାଙ୍ଗା ବ୍ଲକ ଅଧ୍ୟକ୍ଷ । ଏଥିରେ ତାଙ୍କୁ ସ୍ଵାସ୍ଥ୍ୟ କେନ୍ଦ୍ରର ବିତ୍ତ ପରିଚାଳକ ସହଯୋଗ କରିଛନ୍ତି ।

 Mahanga Block Chairman Performed Last Rites Of Covid Dead Body

ଶ୍ରୀକୃଷ୍ଣପୁର ପଞ୍ଚାୟତ ରାମଚନ୍ଦ୍ରପୁର ଗାଁର ଜନୈକ ୫୬ ବର୍ଷୀଅ ବ୍ୟକ୍ତି କରୋନା ସଂକ୍ରମିତ ହେବା ପରେ କଟକ ବଡ଼ମେଡ଼ିକାଲରେ ୩ ଦିନ ଧରି ଚିକିତ୍ସିତ ହୋଇଥିଲେ । ଘରକୁ ଫେରି ଗୃହ ସଙ୍ଗରୋଧରେ ଥିଲେ । ଗୁରୁବାର ହଠାତ୍ ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ମାହାଙ୍ଗା ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସା ପୂର୍ବରୁ ତାଙ୍କର ମୃତ୍ୟୁ ହୋଇଥିଲା । ମାତ୍ର କରୋନା ଆକ୍ରାନ୍ତ ହୋଇ ମୃତ୍ୟୁ ହୋଇଥିବାରୁ ଆତ୍ମୀୟ ସ୍ୱଜନ, ଭାଇ, ବନ୍ଧୁ ଓ ପଡ଼ୋଶୀ କେହି ଆସିନଥିଲେ ।

 Mahanga Block Chairman Performed Last Rites Of Covid Dead Body

ମୃତକଙ୍କ ଝିଅ ଓ ପୁଅ ସହ ମାହାଙ୍ଗ ବ୍ଲକ ଅଧ୍ୟକ୍ଷ ଶରତ ନାୟକ, ମାହାଙ୍ଗା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ବିତ୍ତ ପରିଚାଳକ ସନ୍ତୋଷ ଶତପଥୀ, ଦୁଇ ଜଣ ସିକ୍ୟୁରିଟ ଗାର୍ଡ ଶବ ସତ୍କାର କରିଥିଲେ । ମୃତଦେହକୁ ଆମ୍ବୁଲାନ୍ସରେ ରାମଚନ୍ଦ୍ରପୁରକୁ ନେଇ ସେଠାରେ ଶେଷ କୃତ୍ୟ ସମ୍ପନ୍ନ କରିଥିଲେ । ବ୍ଲକ ଅଧ୍ୟକ୍ଷ ଓ ବିତ୍ତ ପରିଚାଳକଙ୍କ ଏହି କାର୍ଯ୍ୟକୁ ସାଧାରଣର ପ୍ରଶଂସା କରାଯାଇଛି ।

ସୈନିକଙ୍କ ପାଇଁ ହାଲୁକା ବୁଲେଟ୍ ପ୍ରୁଫ୍ ଜ୍ୟାକେଟ୍ ତିଆରି କଲା DRDO

ନୂଆଦିଲ୍ଲୀ: ପ୍ରତିରକ୍ଷା ଅନୁସନ୍ଧାନ ଓ ଗବେଷଣା ସଂସ୍ଥାର ଲାବ୍ ଡିଫେନ୍ସ ମ୍ୟାଟେରିଆଲ୍ ଆଣ୍ଡ ଷ୍ଟୋର୍ସ ରିସର୍ଚ୍ଚ ଆଣ୍ଡ ଡେଭଲପମେଣ୍ଟ ଏଷ୍ଟବ୍ଲିସମେଣ୍ଟ ହାଲୁକା ଓଜନର ବୁଲେଟ୍ ପ୍ରୁଫ୍ ଜ୍ୟାକେଟ୍ ପ୍ରସ୍ତୁତ କରିଛି । ଏହି ବୁଲେଟ୍ ପ୍ରୁଫ୍ ଜ୍ୟାକେଟର ଓଜନ ୯ କେଜି । ଏହାକୁ ଭାରତୀୟ ସେନାର ଗୁଣାତ୍ମକ ଆବଶ୍ୟକତାକୁ ଧ୍ୟାନରେ ରଖି ପ୍ରସ୍ତୁତ କରାଯାଇଛି ।

ଫ୍ରଣ୍ଟ ହାର୍ଡ ଆର୍ମର ପ୍ୟାନେଲ୍ ଜ୍ୟାକେଟର ପରୀକ୍ଷଣ ଟର୍ମିନଲ ବାଲିଷ୍ଟିକ୍ ରିସର୍ଚ୍ଚ ଲାବ୍ରୋଟୋରୀ ଚଣ୍ଡିଗଡ଼ରେ କରାଯାଇଛି । ଏହି ସମୟରେ ସମସ୍ତ ଜରୁରୀ ବିଆଇଏସ୍ ମାନଦଣ୍ଡ ପୂରା କରାଯାଇଛି । ଏହି ସ୍ୱତନ୍ତ୍ର ହାଲୁକା ଜ୍ୟାକେଟକୁ ସେନା ପାଇଁ ତିଆରି କରାଯାଇଛି ।

ସୈନିକଙ୍କ ଜୀବନ ରକ୍ଷା ପ୍ରଯୁକ୍ତ ଏହି ଜ୍ୟାକେଟକୁ ଆରାମଦାୟକ କରିବା ଲାଗି ପ୍ରତି ଗ୍ରାମର ବିଶେଷ ଭୂମିକା ରହିଛି । ମଧ୍ୟମ ଆକାରର ବୁଲେଟ୍ ପ୍ରୁଫ୍ ଜ୍ୟାକେଟର ଓଜନ ୧୦.୪ କିଲୋଗ୍ରାମରୁ ହ୍ରାସ୍ କରାଯାଇ ୯ କିଲୋଗ୍ରାମ କରାଯାଇଛି ।

ରଙ୍ଗ ଖେଳରୁ ଗୋଷ୍ଠୀ ସଂଘର୍ଷ, ୧୦ରୁ ଅଧିକ ଆହତ

ପଟ୍ଟାମୁଣ୍ଡାଇ: ରଙ୍ଗ ଖେଳରୁ ମହାଭାରତ । କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ଅନ୍ତର୍ଗତ ଅଳପୁଆ ଗାଁରେ ଗୋଷ୍ଠୀ ସଂଘର୍ଷ ଘଟିଛି । ଏଥିରେ ୧୦ରୁ ଅଧିକ ଜଣ ଆହତ ହୋଇଛନ୍ତି । ଗାଁରେ ହୋଲି ଖେଳ ଚାଲିଥିବା ବେଳେ ପୂର୍ବ ଶତ୍ରୁତାକୁ କେନ୍ଦ୍ରକରି ବିବାଦ ଦେଖା ଦେଇଥିଲା । ପରେ ପରେ ଏହା ଉଗ୍ରରୂପ ଧାରଣ କରିଥିଲା ।

 Group Clash During Holi Celebration In Pattamundai

ଉଭୟ ଗୋଷ୍ଠୀ ପାଇପ୍ ଓ ଠେଙ୍ଗାରେ ପରସ୍ପରକୁ ଆକ୍ରମଣ କରିଥିଲେ। ଫଳରେ ଉଭୟ ପକ୍ଷର ୧୦ରୁ ଅଧିକ ପୁରୁଷ ଓ ମହିଳା ଆହତ ହେଇ ପଟ୍ଟାମୁଣ୍ଡାଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ୭ ଜଣଙ୍କୁ ଗୁରୁତର ଅବସ୍ଥାରେ କଟକ ସ୍ଥାନାନ୍ତର କରାଯାଇଛି । ଅନ୍ୟପଟେ ଅଳପୁଆ ଗାଁ ଓ ଡାକ୍ତରଖାନାରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ବ୍ୟୋମକେଶ ରାୟ ଉତ୍କଳ ବିଶ୍ୱବିଦ୍ୟାଳୟରୁ ଡକ୍ଟର ଅଫ୍ ଫିଲୋସଫି ଡିଗ୍ରୀ ଉପାଧିରେ ସମ୍ମାନିତ

ଭୁବନେଶ୍ୱର: ଉତ୍କଳ ବିଶ୍ୱବିଦ୍ୟାଳୟର ୫୦ତମ ସମାବର୍ତ୍ତନ ଉତ୍ସବ ପାଳନ ହେଉଛି । ସମାବର୍ତ୍ତନ ଉତ୍ସବର ପ୍ରଥମ ଦିବସରେ ୨୦୧୭-୨୦୧୯ ବର୍ଷରେ ପତ୍ୟେକ ବିଭାଗରେ ଉତ୍କର୍ଷତା ଲାଭ କରିଥିବା ଅଧ୍ୟୟନରତ ଛାତ୍ରଛାତ୍ରୀମାନଙ୍କୁ ସ୍ୱର୍ଣ୍ଣ ପଦକ ପ୍ରଦାନ ସହ ପି.ଏଚ.ଡି ଏବଂ ଡି.ଲିଟ୍‌ ଉପାଧି ପ୍ରଦାନ କରାଯାଇଛି । ଏହି ଅବସରରେ ଚାନ୍ଦବାଲି ବିଧାୟକ ତଥା ବିଜୁ ଯୁବ ଜନତା ଦଳର ରାଜ୍ୟ ସଭାପତି ଡ. ବ୍ୟୋମକେଶ ରାୟଙ୍କୁ ରାଜନୀତି ବିଜ୍ଞାନରେ ଡକ୍ଟର ଅଫ୍ ଫିଲୋସଫି ଡିଗ୍ରୀ ଉପାଧିରେ ସମ୍ମାନିତ କରାଯାଇଛି ।

ଏହି ଉପାଧିରେ ବିଭୂଷିତ ହେଲା ପରେ ଡଃ. ରାୟ ତାଙ୍କ ବକ୍ତବ୍ୟରେ କହିଥିଲେ- ‘ସମଗ୍ର ଭାରତ ବର୍ଷରେ ଗୁଣାତ୍ମକ ଶିକ୍ଷା କ୍ଷେତ୍ରରେ ସ୍ୱତନ୍ତ୍ରତା ବଜାୟ ରଖିଥିବା ଅନନ୍ୟ ଉତ୍କଳ ବିଶ୍ୱବିଦ୍ୟାଳୟରୁ ଡକ୍ଟର ଅଫ୍ ଫିଲୋସଫି ଡିଗ୍ରୀ ଉପାଧିରେ ସମ୍ମାନିତ ହୋଇ ନିଜକୁ ଗୌରାବାନ୍ୱିତ ଅନୁଭବ କରୁଛି ।’

ଏହି ଉତ୍ସବରେ ମୁଖ୍ୟ ଅତିଥି ଭାବେ ଉତ୍କଳ ବିଶ୍ୱବିଦ୍ୟାଳୟ କୁଳପତି ପ୍ରଫେସର ସବିତା ଆଚାର୍ଯ୍ୟ, ସମ୍ମାନିତ ଅତିଥି ଭାବେ ନାଇଜର ଅଧକ୍ଷ ପ୍ରଫେସର ସୁଧାକର ପଣ୍ଡା, ପିଜି କାଉନସିଲ ଚେୟାରମ୍ୟାନ ପ୍ରଫେସର ବସନ୍ତ ମଲ୍ଲିକ, ଉତ୍କଳ ବିଶ୍ୱବିଦ୍ୟାଳୟ ରେଜିଷ୍ଟାର ଅଭୟକୁମାର ନାୟକ, ପରୀକ୍ଷା ନିୟନ୍ତ୍ରକ ଶରତ କୁମାର ମାଝି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ସୂଚନା ଯୋଗ୍ୟ- ଡଃ ରାୟ ଓଡ଼ିଶାର ଜଣେ ମେଧାବୀ ଛାତ୍ର ରୁପେ ପରିଚିତ । ରେଭେନ୍ସା ବିଶ୍ୱବିଦ୍ୟାଳରୁ ସ୍ନାତକ ଏବଂ ଉତ୍କଳ ବିଶ୍ୱବିଦ୍ୟାଳୟରୁ ପି.ଜି, ଏମ୍ ଫିଲ୍ ପି.ଏଚ.ଡି ଡିଗ୍ରୀ ଲାଭ କରିଛନ୍ତି ।

ବନ୍ଦ ଘରୁ ମାଆଝିଅଙ୍କ ମୃତଦେହ ଉଦ୍ଧାର 

ସମ୍ବଲପୁର: ସମ୍ବଲପୁର ଜିଲ୍ଲା କିସିଣ୍ଡାରେ ବନ୍ଦ ଘରୁ ମାଆଝିଅଙ୍କ ମୃତଦେହ ଉଦ୍ଧାର ହୋଇଛି । ପାରିପାର୍ଶ୍ବିକ ସ୍ଥିତିରୁ ଉଭୟଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ମୃତକ ହେଲେ ସୁଜାତା ପଟେଲ ଓ ତାଙ୍କ ଝିଅ ଉତ୍କଳିକା । ମଙ୍ଗଳବାର ଦିନଠୁ ସ୍ବାମୀ କିଶୋର ପଟେଲ ବଡ଼ଝିଅ ଓ ବାପାମାଙ୍କୁ ନେଇ ସୁନ୍ଦରଗଡ଼ ଯାଇଥିଲେ ।

Mother And Sister Dead Body Found In Locked House In Sambalpur

ସେଠାରେ ଏକ ବିବାହ ଉତ୍ସବରେ ଯୋଗଦେଇ ଆଜି ଫେରିଥିବା ବେଳେ, ବନ୍ଦ ଘରେ ମାଆ ଝିଅଙ୍କ ମୃତଦେହ ଦେଖି ପୋଲିସକୁ ଖବର ଦେଇଥିଲେ । କିସିଣ୍ଡା ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହ ତନାଘନା ଆରମ୍ଭ କରିଛି ।

ଗତବର୍ଷଠାରୁ ଏଥର ୧୮ ପ୍ରତିଶତ ଅଧିକ ଧାନ କିଣିଛି ରାଜ୍ୟ

ଭୁବନେଶ୍ୱର: ଚଳିତବର୍ଷ ରାଜ୍ୟରେ ବମ୍ପର ଧାନ ସଂଗ୍ରହ ହୋଇଛି । ଗତବର୍ଷଠାରୁ ଏଥର ୧୮ ପ୍ରତିଶତ ଅଧିକ ଧାନ କିଣାଯାଇଛି । ମାର୍ଚ୍ଚ ୩୧ରେ ଧାନ ସଂଗ୍ରହ ଅବଧି ସରିବା ପରେ ଏଭଳି ତଥ୍ୟ ଦେଇଛି ଯୋଗାଣ ବିଭାଗ । ୧୧ ଲକ୍ଷ ୯୨ ହଜାର ୧୧୨ ଜଣ ଚାଷୀ ଏବର୍ଷ ଧାନ ବିକିଛନ୍ତି । ତେବେ ମଣ୍ଡିରେ ଏବେବି ଧାନ ପଡ଼ିଥିବାରୁ ଧାନ କିଣା ଅବଧିକୁ ଆଉ ମାସେ ବୃଦ୍ଧି କରିବା ପାଇଁ ବିରୋଧୀ ଦାବି କରିଛନ୍ତି । ସେପଟେ ଶାସକ ଦଳ କହିଛି, ସରକାର ଆବଶ୍ୟକତାଠାରୁ ଅଧିକ ଧାନ କିଣିଛନ୍ତି । ତେଣୁ ଅବଧି ବୃଦ୍ଧି ହେବ କି ନାହିଁ, ସେନେଇ ବିଚାର ବିମର୍ଶ ଚାଲିଛି ।

Odisha Buyed Paddy More Than 18 Percentage Against Last Year

ରାଜ୍ୟରେ ଚଳିତ ବର୍ଷ ରେକର୍ଡ ସଂଖ୍ୟକ ଧାନ ସଂଗ୍ରହ ହୋଇଛି । ଗତବର୍ଷ ୫୩ ଲକ୍ଷ ୩୧ ହଜାର ୧୮୬ ମେଟ୍ରିକ ଟନ୍ ଧାନ ସଂଗ୍ରହ ହୋଇଥିବା ବେଳେ ଏବର୍ଷ ୬୨ ଲକ୍ଷ ୯୩ ହଜାର ୭୫୨ ମେଟ୍ରିକ ଟନ୍ ଧାନ ସଂଗ୍ରହ କରାଯାଇଛି । ଯାହାକି ଗତବର୍ଷ ତୁଳନାରେ ୧୮ ପ୍ରତିଶତ ଅଧିକ । ଉପାନ୍ତ ଅଞ୍ଚଳ କୋରାପୁଟରେ ୪୦ ପ୍ରତିଶତ ଅଧିକ ଧାନ ସଂଗ୍ରହ ହୋଇଥିବା ବେଳେ ବରଗଡ଼ରେ ୧୩ ପ୍ରତିଶତ, ବଲାଙ୍ଗିରରେ ୨୨ ପ୍ରତିଶତ, କଳାହାଣ୍ଡିରେ ୧୪ ପ୍ରତିଶତ ଅଧିକ ଧାନ ସଂଗ୍ରହ ହୋଇଛି । ଧାନ ବିକ୍ରି ପାଇଁ ୧୪ ଲକ୍ଷ ୯୯ ହଜାର ୯୪୨ ଜଣ ଚାଷୀ ପଞ୍ଜିକରଣ କରିଥିଲେ । ସେଥିରୁ ୧୪ ଲକ୍ଷ ୪୭ ହଜାର ୪୯୫ ଜଣ ଚାଷୀଙ୍କୁ ଯାଞ୍ଚ କରାଯାଇଛି । ୧୧ଲକ୍ଷ ୯୨ହଜାର ୧୧୨ଚାଷୀ ଧାନ ବିକ୍ରି କରିଛନ୍ତି । ଏଥିପାଇଁ ୧୧ହଜାର ୮୩ ଲକ୍ଷ ୮୦୬କୋଟି ଟଙ୍କା ଖର୍ଚ୍ଚ ହୋଇଛି । ତେବେ ମାର୍ଚ୍ଚ ୩୧ ତାରିଖ ଧାନ ସଂଗ୍ରହ ଶେଷ ହୋଇଥିବା ବେଳେ ପୁନର୍ବାର ସରକାର ଅବଧି ବୃଦ୍ଧି କରିବେ କି ନାହିଁ ତାହା ସରକାର ନିଷ୍ପତ୍ତି ନେବେ ବୋଲି ବିଜେଡି କହିଛି ।

Odisha Buyed Paddy More Than 18 Percentage Against Last Year

ରାଜ୍ୟରେ ଏଥର ବମ୍ପର କ୍ରପ ହୋଇଛି । ସମସ୍ତ ପ୍ରକୃତ ଚାଷୀଙ୍କଠାରୁ ସରକାର ଧାନ ସଂଗ୍ରହ କରିଥିବା କହିଛନ୍ତି । ତେବେ ଆଉ ମାସେ ଅବଧି ବୃଦ୍ଧି କରିବାକୁ ଦାବି କରିଛନ୍ତି ବିରୋଧୀ । ଧାନ ସଂଗ୍ରହ ଓ ମଣ୍ଡି ସମସ୍ୟାକୁ ନେଇ ବିଧାନସଭାରେ ତିନି ଥର ବିଭାଗୀୟ ମନ୍ତ୍ରୀ ରାଜ୍ୟ ସରକାରଙ୍କ ଆଭିମୁଖ୍ୟ ସ୍ପଷ୍ଟ କରିଛନ୍ତି । ତେବେ ଧାନ ସଂଗ୍ରହ ବାବଦ ଟଙ୍କା କେନ୍ଦ୍ର ନଦେବା ଓ ଏଫସିଆଇ ଠିକ୍‌ରେ ତାର ଦାୟିତ୍ବ ନତୁଲେଇବା ନେଇ ପ୍ରଶ୍ନ ଉଠିଛି । ସେପଟେ ଏପ୍ରସଙ୍ଗକୁ ନେଇ ଥମୁନି ରାଜନୀତି ।

ନୂଆ ଆର୍ଥିକ ବର୍ଷରେ ଚାଷୀ କଲ୍ୟାଣ କାର୍ଯ୍ୟକ୍ରମ ‘କାଳିଆ’ରୁ କାମ ଆରମ୍ଭ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ପବିତ୍ର ଓଡ଼ିଶା ଦିବସ ଅବସରରେ ରାଜ୍ୟର ୩୪ ଲକ୍ଷରୁ ଅଧିକ ଚାଷୀଙ୍କ ଖାତାକୁ କାଳିଆ ଯୋଜନାରେ ୬୯୩.୯୪ କୋଟି ଟଙ୍କା ରବି ଋତୁ ପାଇଁ ଜମା କରାଯାଇଛି । କାର୍ଯ୍ୟକ୍ରମ ଆରମ୍ଭ କରି ମୁଖ୍ୟମନ୍ତ୍ରୀ କହିଥିଲେ ଯେ, ଆଜି ପବିତ୍ର ଓଡ଼ିଶା ଦିବସ । ଆମ ସମସ୍ତଙ୍କ ପାଇଁ ଏକ ଆନନ୍ଦର ଦିନ । ଏହି ଅବସରରେ ଆମର ଚାଷୀ ଭାଇ ଓ ଭଉଣୀ ମାନଙ୍କୁ ମୋର ଅଭିନନ୍ଦନ ଜଣାଉଛି ।

ଆଜି ଠାରୁ ମଧ୍ୟ ଆମର ନୂଆ ଆର୍ଥିକ ବର୍ଷ ଆରମ୍ଭ ହେଉଛି । ମହାତ୍ମା ଗାନ୍ଧୀ ଓ ଗୋପବନ୍ଧୁଙ୍କୁ ଶ୍ରଦ୍ଧାଞ୍ଜଳି ଜଣାଇବା ପରେ ଚାଷୀଙ୍କ କଲ୍ୟାଣ କାର୍ଯ୍ୟକ୍ରମରୁ ହିଁ ମୁଁ ଆଜି ନୂଆ ଆର୍ଥିକ ବର୍ଷ ଆରମ୍ଭ କରୁଛି । କାଳିଆ ଯୋଜନା ଆମର ଏକ ଗୁରୁତ୍ବପୂର୍ଣ୍ଣ ଚାଷୀ କଲ୍ୟାଣ କାର୍ଯ୍ୟକ୍ରମ । ଆଜି ଆମର ୩୪ ଲକ୍ଷ ଚାଷୀଙ୍କ ବ୍ୟାଙ୍କ ଖାତାକୁ କାଳିଆ ଯୋଜନାରେ ୭୦୦ କୋଟି ଟଙ୍କା ଜମା କରାଗଲା । ସୂଚନା ଯୋଗ୍ୟ, କାଳିଆ ଯୋଜନାରେ ସରକାର ୩୭ ଲକ୍ଷ ଚାଷୀଙ୍କୁ ସାମିଲ୍ କରିଛନ୍ତି । ସେଥିରେ ୧୭ ଲକ୍ଷ ଭୂମିହୀନ ଗରିବ ଅଛନ୍ତି । ଦେଶର ଏକମାତ୍ର ଯୋଜନା ଭାବେ କାଳିଆ ଭୂମିହୀନ ଗରିବଙ୍କ ସହ ଚାଷୀଙ୍କୁ ସହାୟତା ପ୍ରଦାନ କରୁଛି ।

CM Naveen Patnaik Starts Work In New Financial Year by Providing Kalia Assistance To Farmer

ଚାଷୀର ତ୍ୟାଗ ଓ ସ୍ବାଭିମାନ ହିଁ ଆଜି ଓଡ଼ିଶାର ସ୍ବାଭିମାନ ବୃଦ୍ଧି କରିଛି । ଓଡ଼ିଶାର ଚାଷୀ ଆଜି ଅନ୍ୟ ରାଜ୍ୟକୁ ଖାଦ୍ୟ ଯୋଗାଉଛି । କୃଷି କର୍ମଣ ପୁରସ୍କାର ପାଇ ଓଡ଼ିଶା ଗର୍ବିତ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଶୂନ ପ୍ରତିଶତ ସୁଧରେ ଚାଷୀଙ୍କୁ ଋଣ, ନୂଆ କୃଷି ନୀତି ଆଦି ଅନେକ କାର୍ଯ୍ୟକ୍ରମ ଆମର ଚାଷୀ ଭାଇଙ୍କୁ ଉତ୍ସାହିତ କରିଛି । ଆମ ଚାଷୀ ଭାଇଭଉଣୀଙ୍କ ପାଇଁ ମୁଁ ଗର୍ବିତ ବୋଲି କହିଛନ୍ତି ମୁଖ୍ୟମନ୍ତ୍ରୀ । ଚାଷୀ ଆମ ଅର୍ଥନୀତିର ମହାଶକ୍ତି । କୋଭିଡ୍ ସମୟରେ ଚାଷୀ ଭାଇ ହିଁ ଆମର ଅର୍ଥନୀତିକୁ ରକ୍ଷା କରିଛି । ତେଣୁ ଚାଷୀକୁ ଅଣଦେଖା କରି ବିକାଶ କଥା ଚିନ୍ତା କରାଯାଇ ନ ପାରେ ।

ମୁଖ୍ୟମନ୍ତ୍ରୀ କହିଛନ୍ତି- ମୁଁ ସବୁବେଳେ ଚାଷୀ ଭାଇଭଉଣୀ ମାନଙ୍କ ସହ ରହିଛି । ସେମାନଙ୍କ ପାଇଁ କାମ କରୁଛି ଓ କରି ଚାଲିବି । ଦେଢ ଗୁଣ ଏମଏସପି କାହାର ଦୟା ନୁହେଁ । ଏହା ଚାଷୀର ହକ୍‌ । ଚାଷୀକୁ ତାର ହକ୍‌ ଦେବାପାଇଁ ଆମର ଲଢେଇ ଜାରି ରହିଛି । ସ୍ୱାମୀ ନାଥନ୍ କମିଟି ସୁପାରିସକୁ କାର୍ଯ୍ୟକାରୀ କରିବା ପାଇଁ ଆମର ଦାବୀ ଜାରି ରହିବ। ସବୁ କଠିନ ପରିସ୍ଥିତିରେ ଚାଷୀ ଦେଶ ପ୍ରତି ତାର ଦାୟିତ୍ବ ନିଷ୍ଠାର ସହ କରିଚାଲିଛି । ଚାଷୀର ତ୍ୟାଗ ଓ ପରିଶ୍ରମକୁ ପ୍ରଣାମ ଜଣାଉଛି । ମାଟି ମା ପାଇଁ ଚାଷୀର ତ୍ୟାଗ ଅମୂଲ୍ୟ।  ବୋଲି ମୁଖ୍ୟମନ୍ତ୍ରୀ ବର୍ଣ୍ଣନା କରିଥିଲେ ।

କାର୍ଯ୍ୟକ୍ରମରେ ଯୋଗ ଦେଇ ମନ୍ତ୍ରୀ  ଅରୁଣ ସାହୁ କାଳିଆ ଯୋଜନାକୁ ଦେଶ ପାଇଁ ଏକ ମଡେଲ ଭାବରେ ବର୍ଣ୍ଣନା କରି ଚାଷୀଙ୍କୁ ଆଗକୁ ବଢିବା ପାଇଁ ସୁବର୍ଣ୍ଣ ସୁଯୋଗ ସୃଷ୍ଟି କରିଛି ବୋଲି କହିଥିଲେ । କୃଷି ଉତ୍ପାଦନ କମିଶନର ରାଜକୁମାର ଶର୍ମା ସ୍ବାଗତ ଭାଷଣ ଦେଇଥିଲେ । ମୁଖ୍ୟମନ୍ତ୍ରୀଙ୍କ ସଚିବ 5T ଭି.କେ. ପାଣ୍ଡିଆନ୍ କାର୍ଯ୍ୟକ୍ରମ ପରିଚାଳନା କରିଥିଲେ । ଏହି କାର୍ଯ୍ୟକ୍ରମରେ ମୁଖ୍ୟ ଶାସନ ସଚିବ ଓ ବରିଷ୍ଠ ଅଧିକାରୀ ମାନେ ଯୋଗ ଦେଇଥିଲେ । ପିପିଲି ନିର୍ବାଚନ ଯୋଗୁଁ ପୁରୀ ବ୍ୟତୀତ ସବୁ ଜିଲ୍ଲାର ଚାଷୀଙ୍କୁ ବର୍ତ୍ତମାନ କାଳିଆ ସହାୟତା ଦିଆଯାଇଛି ।

ପ୍ରତିଶ୍ରୁତି ମନେ ପକାଇ ପ୍ରଧାନମନ୍ତ୍ରୀ ମୋଦିଙ୍କୁ ଚିଠି ଲେଖିଲେ ରାଉରକେଲାବାସୀ

ରାଉରକେଲା: IGHକୁ ନେଇ ତେଜିଲା ଆନ୍ଦୋଳନ । ୬ ବର୍ଷ ମଧ୍ୟରେ ପ୍ରଧାନମନ୍ତ୍ରୀ ପ୍ରତିଶ୍ରୁତି ଦେଇ ପାଳନ କରି ନଥିବାରୁ ଚିଠି ଲେଖି ଅବଗତ କରାଇଛନ୍ତି ରାଉରକେଲାବାସୀ । ୨୦୧୫ ଏପ୍ରିଲ ପହିଲାରେ ସୁପରସ୍ପେଶିଆଲିଟି ହସ୍ପିଟାଲ ପାଇଁ ପ୍ରତିଶ୍ରୁତି ଦେଇଥିଲେ ପ୍ରଧାନମନ୍ତ୍ରୀ । ୬ ବର୍ଷ ବିତିଯାଇଥିଲେ ସୁଦ୍ଧା ପ୍ରତିଶ୍ରୁତି ପୂରଣ ହୋଇ ନଥିବାରୁ ହଜାର ହଜାର ପୋଷ୍ଟକାର୍ଡ ଲେଖି ଅବଗତ କରାଇଛି ରାଉରକେଲା ନାଗରିକ ମଞ୍ଚ ।

People Of Rourkela Wrote Letter To PM Modi To Remind His Promise On IGH

ରାଉରକେଲା ଇସ୍ପାତ ଜେନେରାଲ ହସପିଟାଲକୁ ମେଡିକାଲ କଲେଜ ଓ ସୁପର ସ୍ପେଶିଆଲିଟି ହସ୍ପିଟାଲ କରିବା ପାଇଁ ପ୍ରଧାନମନ୍ତ୍ରୀ ୨୦୧୫ ମସିହା ଏପ୍ରିଲ ଏକ ତାରିଖ ଦିନ ରାଉରକେଲା ଗସ୍ତରେ ଆସି ସହରଵାସୀଙ୍କୁ ପ୍ରତିଶ୍ରୁତି ଦେଇଥିଲେ । ଏହାରି ଭିତେର ୬ ବର୍ଷ ବିତିଛି । ହେଲେ କେବଳ କୋଠା ଉଦଘାଟନ କରିଛନ୍ତି ରାଷ୍ଟ୍ରପତି । ନା ଅଛନ୍ତି ବିଶେଷଜ୍ଞ ଡାକ୍ତର ନା ସ୍ପେଶିଆଲିଟି ସୁବିଧା । ତେଣୁ ହଜାର ହଜାର ସହରବାସୀ ପ୍ରଧାନମନ୍ତ୍ରୀ ତାଙ୍କ ପ୍ରତିଶ୍ରୁତିକୁ ପାଳନ କରି ମେଡିକାଲ କଲେଜ ତୁରନ୍ତ କରିବା ପାଇଁ ଦାବି କରି ଚିଠି ଲେଖିଛନ୍ତି ।

People Of Rourkela Wrote Letter To PM Modi To Remind His Promise On IGH

ଦଳମତ ନିର୍ବିଶେଷରେ ବିଭିନ୍ନ ରାଜନୀତିକ ଦଳ, ଶ୍ରମିକ ସଂଗଠନ, ଗଣ ସଂଗଠନ, ସାମାଜିକ ସଂଗଠନ, ସାଂସ୍କୃତିକ ସଂଗଠନ, ଯୁବ ଓ ଛାତ୍ର ସଂଗଠନ ସହିତ ମହିଳା ସଂଗଠନର ସଦସ୍ୟମାନେ ଏକାଠି ହୋଇ ପ୍ରଧାନମନ୍ତ୍ରୀଙ୍କ ନିକଟକୁ ଚିଠି ଲେଖିଛନ୍ତି । ହସ୍ପିଟାଲରେ ବିଶେଷଜ୍ଞ ଡାକ୍ତର ନିଯୁକ୍ତି କରି ଏମ୍ସକୁ ହସ୍ତାନ୍ତର କରିବା ପାଇଁ ଦାବି ହୋଇଛି ।

People Of Rourkela Wrote Letter To PM Modi To Remind His Promise On IGH

ମେଡିକାଲ କଲେଜ ପ୍ରତିଷ୍ଠା କରିବା ପାଇଁ ପ୍ରଧାନମନ୍ତ୍ରୀ ଦେଇଥିବା ପ୍ରତିଶ୍ରୁତି ପାଳନ କରିବା ଦାବିରେ ଲକ୍ଷାଧିକ ସହରବାସୀ ପ୍ରଧାନମନ୍ତ୍ରୀଙ୍କ ନିକଟକୁ ଚିଠି ପଠାଇବେ ବୋଲି ନାଗରିକ ସୁରକ୍ଷା କମିଟି ପକ୍ଷରୁ ସୂଚନା ଦିଆଯାଇଛି ।

୪୦ ହଜାର ଟଙ୍କାରେ ବ୍ୟାଟେରୀ ବାଇକ୍, ୨ ଘଣ୍ଟା ଚାର୍ଜ କଲେ ଯିବ ୧୨୦ କିମି

ଗଜପତି: ଅତି କମ୍ ଖର୍ଚ୍ଚରେ ବାଇକ୍ ଚାଲିବ ମାଇଲ ମାଇଲ ବାଟ । ମାତ୍ର ଦୁଇ ଘଣ୍ଟା ଚାର୍ଜ କଲେ ୧୦୦ରୁ ୧୨୦ କିମି ଯାଇପାରିବ ବ୍ୟାଟେରୀ ଚାଳିତ ବାଇକ୍ । ୧୦୦ କିଲୋମିଟର ଯାତ୍ରା ପାଇଁ ଖର୍ଚ୍ଚ ମାତ୍ର ଏକ ଟଙ୍କା କୋଡ଼ିଏ ପଇସା । ଏପରି ଏକ ବ୍ୟାଟେରୀ ଚାଳିତ ବାଇକ ନିର୍ମାଣ କରିଛନ୍ତି ପାରଳାଖେମୁଣ୍ଡି ଖଞ୍ଜା ସାହିର ଯୁବକ ସାଗର ରେଡ୍ଡୀ ।

Youth Of Gajapati Made An Battery Bike

ମାତ୍ର ଏକ ଟଙ୍କା ୨୦ ପଇସାରେ ଆପଣ ଯାତ୍ରା କରିପାରିବେ ୧୦୦ କିଲୋମିଟର । ଭଙ୍ଗା ବାଇକ୍ ଗୁଡ଼ିକୁ ଅତ୍ୟାଧୁନିକ ଜ୍ଞାନ କୌଶଳରେ ୬ଟି ବ୍ୟାଟେରୀ ଲଗାଯାଇ ନିର୍ମାଣ ହୋଇଛି ଇ-ବାଇକ୍ । ମାତ୍ର ଦୁଇ ଘଣ୍ଟା ଚାର୍ଜ କରିବା ପରେ ୧୦୦ ରୁ ୧୨୦ କିଲୋମିଟର ପର୍ଯ୍ୟନ୍ତ ଯାତ୍ରା କରିପାରୁଛି ଏହି ବାଇକ୍ ।

Youth Of Gajapati Made An Battery Bike

ପେଶାରେ ଜଣେ ମେକାନିକାଲ ଇଞ୍ଜିନିୟର ସହ ସାଉଣ୍ଡ ସିଷ୍ଟମ ଓ ବିଭିନ୍ନ ଗାଡ଼ି ମରାମତି କରିଥାନ୍ତି ସାଗର । କରୋନା ସଙ୍କଟ ସମୟରେ କାମଧନ୍ଦା ବନ୍ଦ ଥିବା ବେଳେ ନିଜ ଜ୍ଞାନ କୌଶଳରେ ନିର୍ମାଣ କରିଛନ୍ତି ବ୍ୟାଟେରୀ ବାଇକ୍ । ଏହା ନିର୍ମାଣ ପାଇଁ ୩୦ରୁ ୪୦ ହଜାର ଟଙ୍କା ଖର୍ଚ୍ଚ କରିଛନ୍ତି ସାଗର । ତେବେ କମ୍ ଟଙ୍କାରେ ଏଭଳି ଅତ୍ୟାଧୁନିକ ବାଇକ ନିର୍ମାଣ କରିଥିବା ସାଗରଙ୍କୁ ଏବେ ସବୁ ଆଡ଼ୁ ଛୁଟୁଛି ପ୍ରଶଂସାର ସୁଅ ।

ବଢ଼ୁଛି ସଂକ୍ରମଣ, ଏପ୍ରିଲରେ ସରକାରୀ ଛୁଟିଦିନରେ ବି ଦିଆଯିବ ଭ୍ୟାକ୍ସିନ୍

ନୂଆଦିଲ୍ଲୀ: କୋଭିଡ୍ ଟିକାକରଣ ଉପରେ କେନ୍ଦ୍ର ସରକାରଙ୍କ ଗୁରୁତ୍ୱ । କୋଭିଡର ଦ୍ୱିତୀୟ ଲହର ସଂକ୍ରମଣକୁ ଦେଖି ଏପ୍ରିଲ୍ ମାସର ସମସ୍ତ ଦିନ କୋଭିଡ୍ ଟିକାକରଣ ହେବ । ସରକାରୀ ସହ ଘରୋଇ କୋଭିଡ୍ ଭ୍ୟାକ୍ସିନେସନ୍ ସେଣ୍ଟରରେ ଟିକା ଦିଆଯିବ । ଏପରିକି ସରକାରୀ ଛୁଟି ଦିନରେ ଟିକା ଦିଆଯିବା ନେଇ ନିଷ୍ପତ୍ତି ନେଇଛନ୍ତି କେନ୍ଦ୍ର ସରକାର ।

 Vaccination to be offered on ALL DAYS of April month including gazetted holidays

ଏନେଇ ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ କେନ୍ଦ୍ର ସରକାର ଚିଠି ଲେଖି ଆବଶ୍ୟକୀୟ ପ୍ରସ୍ତୁତି ପାଇଁ କହିଛନ୍ତି । ରାଜ୍ୟ ସରକାର ମଧ୍ୟ ସମସ୍ତ ଜିଲ୍ଲାପାଳ ଓ ମହାନଗର ନିଗମ କମିଶନର ଓ ସିଡିଏମଙ୍କୁ ଏନେଇ ଚିଠି ଲେଖି ଜଣାଇଛନ୍ତି ।

 Vaccination to be offered on ALL DAYS of April month including gazetted holidays

ଜିଲ୍ଲାର ଟିକାକରଣ ଲକ୍ଷ ପୂରଣ ପାଇଁ ତଦନୁସାରେ କୋଭିଡ୍ ଭ୍ୟାକ୍ସିନେସନ୍ ସେଣ୍ଟର ବଢ଼ାଇବା ଲାଗି ନିର୍ଦ୍ଦେଶ ଦିଆଯାଇଛି । ଛୁଟି ଦିନରେ ଟିକାକରଣ ଲାଗି ବ୍ଲକସ୍ତରର ଅଧିକାରୀ ଓ ଘରୋଇ ସ୍ୱାସ୍ଥ୍ୟ ଅନୁଷ୍ଠାନକୁ ଜଣାଇବାକୁ ନିର୍ଦ୍ଦେଶ ଦିଆଯାଇଛି । ଆଜିଠାରୁ ୪୫ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କୁ କୋଭିଡ୍ ଟିକା ଦେବା ଆରମ୍ଭ ହୋଇଛି ।