ଭୁବନେଶ୍ୱର: କରୋନା ମହାମାରୀକୁ ଚେକ୍ ଦେବାକୁ ପ୍ରସ୍ତୁତ ଭାରତ । ଏଥିପାଇଁ ସାରା ଦେଶରେ ଜୋରଦାର ଆରମ୍ଭ ହୋଇଯାଇଛି ପ୍ରସ୍ତୁତି । ଆଜିଠାରୁ ୪ଟି ରାଜ୍ୟରେ କୋଭିଡ ଭାକ୍ସିନର ଡ୍ରାଏରନ୍ ଆରମ୍ଭ ହେବ । ଆସାମ, ଆନ୍ଧ୍ରପ୍ରଦେଶ, ଗୁଜୁରାଟ, ପଞ୍ଜାବରେ ଭାକ୍ସିନର ଡ୍ରାଏରନ କରାଯିବ ବୋଲି ସୂଚନା ଦେଇଛି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ । ରାଜ୍ୟର ଦୁଇଟି ଜିଲ୍ଲାରେ ଏହି ଡ୍ରାଇରନ କରାଯିବ। ଲୁଧିଆନା ଓ ଶହିଦ ଭଗତ ସିଂ ନଗରରେ ଏହି ଡ୍ରାଏରନ କରିବାକୁ ପଞ୍ଜାବ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ କୁହାଯାଇଛି । ପ୍ରତି ଜିଲ୍ଲାର ୫ଟି ଲେଖାଏଁ ସ୍ଥାନରେ ଦୁଇଦିନ ଧରି ଡ୍ରାଏରନ୍ କରାଯିବ । ଏଥିରେ କାହାକୁ ଟିକା ଦିଆଯିବ ନାହିଁ । ବରଂ ଲୋକଙ୍କ ଡାଟା ନିଆଯାଇ କୋ-ଓ୍ବିନ୍ ମୋବାଇଲ ଆପରେ ଅପଲୋଡ୍ କରାଯିବ । ଏହାଦ୍ୱାରା ଭାକ୍ସିନ ପ୍ରସ୍ତୁତିରେ ଯଦି କୌଣସି ବିଷୟକୁ ଗୁରୁତ୍ୱ ଦିଆଯାଇ ନଥାଏ ତେବେ ତାର ସୁଧାର କରାଯିବ ବୋଲି କୁହାଯାଇଛି ।
୫ ଦିନ ଯାଏଁ ଆଭ୍ୟନ୍ତରୀଣ ଓଡ଼ିଶାରେ ନିସ୍ତାର ନାହିଁ: ୧୦ ଡିଗ୍ରୀ ତଳେ ୧୧ ସହର ତାପମାତ୍ରା
ଭୁବନେଶ୍ୱର: ହାଡ଼ଭଙ୍ଗା ଶୀତରେ ଥରୁଛି ଓଡ଼ିଶା । ଥଣ୍ଡା ପବନ ସହ ଘନକୁହୁଡି କରୁଛି ଅସ୍ତବ୍ୟସ୍ତ। ୫ ଦିନ ଯାଏ ଆଭ୍ୟନ୍ତରୀଣ ଓଡ଼ିଶାକୁ ନିସ୍ତାର ନାହିଁ । ଆହୁରି ତାପମାତ୍ରା କମିବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଗତ ୨୪ ଘଣ୍ଟା ମଧ୍ୟରେ ୧୫ ଡିଗ୍ରୀ ତଳେ ରାଜ୍ୟର ୨୪ଟି ସହରର ତାପମାତ୍ରା ରହିଛି। ଏମିତିକି ୧୧ଟି ସହରର ତାପମାତ୍ରା ୧୦ ଡିଗ୍ରୀ ତଳେ ରହିଛି । ରାଜଧାନୀ ଭୁବେନଶ୍ବର ଏବଂ କଟକରେ ତାପମାତ୍ରା ୧୨ଡିଗ୍ରୀ ମଧ୍ୟରେ ରହିଛି । ଆସନ୍ତା ୨୪ ଘଣ୍ଟା ମଧ୍ୟରେ ଆଭ୍ୟନ୍ତରୀଣ ଓଡ଼ିଶାରେ ତାପମାତ୍ରା ସ୍ବାଭାବିକ ଠାରୁ ୨ ରୁ ୩ ଡିଗ୍ରୀ ଖସିବ ବୋଲି ପାଣିପାଗ କେନ୍ଦ୍ର ପୂର୍ବାନୁମାନ କରିଛି ।
ତେବେ ଗତ ୨୪ ଘଣ୍ଟା ମଧ୍ୟରେ ୧୫ ଡିଗ୍ରୀ ତଳେ ରାଜ୍ୟର ୨୪ଟି ସହରର ତାପମାତ୍ରା ରହିଛି । ଏମିତିକି ୧୧ଟି ସହରର ତାପମାତ୍ରା ୧୦ ଡିଗ୍ରୀ ତଳେ ରହିଛି । ରାଜଧାନୀ ଭୁବେନଶ୍ୱର ଏବଂ କଟକରେ ତାପମାତ୍ରା ୧୨ଡିଗ୍ରୀ ମଧ୍ୟରେ ରହିଛି । ଆସନ୍ତା ୨୪ ଘଣ୍ଟା ମଧ୍ୟରେ ଆଭ୍ୟନ୍ତରୀଣ ଓଡ଼ିଶାରେ ତାପମାତ୍ରା ସ୍ୱାଭାବିକ ଠାରୁ ୨ରୁ ୩ ଡିଗ୍ରୀ ଖସିବ ବୋଲି ପାଣିପାଗ କେନ୍ଦ୍ର ପୂର୍ବାନୁମାନ କରିଛି ।
ଆଜି ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ: ୧୨ରୁ ଅଧିକ ପ୍ରସ୍ତାବକୁ ମିଳିପାରେ ମଞ୍ଜୁରୀ
ଭୁବନେଶ୍ୱର: ଆଜି ରାଜ୍ୟ କ୍ୟାବିନେଟ ବୈଠକ । ସନ୍ଧ୍ୟା 5ଟା 30 ମିନିଟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ କ୍ୟାବିନେଟ୍ ବୈଠକ ଅନୁଷ୍ଠିତ ହେବ । 12ରୁ ଅଧିକ ପ୍ରସ୍ତାବ କ୍ୟାବିନେଟ ମଞ୍ଜୁରୀ ପାଇବାର ସମ୍ଭାବନା ଅଛି । ତୃତୀୟ ଥର ପାଇଁ ରାଜ୍ୟ କୃଷି ପ୍ରାଣୀଧନ ବିପଣନ ଅଧ୍ୟାଦେଶକୁ ମିଳିବ କ୍ୟାବିନେଟ ମଞ୍ଜୁରୀ । ଓଏଏସ କ୍ୟାଡର୍ ପୁନର୍ଗଠନ ପ୍ରସ୍ତାବକୁ ମଧ୍ୟ କ୍ୟାବିନେଟ ମଞ୍ଜୁରୀ ମିଳିବା ସମ୍ଭାବନା ଅଛି ।
ସୂଚନା ଯୋଗ୍ୟ ଯେ, ଏହା ପୂର୍ବ କ୍ୟାବିନେଟକ ବୈଠକରେ ଶ୍ରୀଲିଙ୍ଗରାଜ ମନ୍ଦିର ଅଧ୍ୟାଦେଶ ସହ ରାଜ୍ୟ କ୍ୟାବିନେଟ୍ ଆଉ ୨ଟି ଗୁରୁତ୍ୱପୂର୍ଣ୍ଣ ପ୍ରସ୍ତାବକୁ ମଞ୍ଜୁରୀ ମିଳିଥିଲା । ଯାଜପୁର ଓ ପୁରୀରେ ମେଡିକାଲ କଲେଜ୍ ନିର୍ମାଣ ପ୍ରସ୍ତାବକୁ ରାଜ୍ୟ କ୍ୟାବିନେଟ୍ ଅନୁମୋଦନ ଦେଇଛି । ଯାଜପୁରରେ ଶହେ ଶଯ୍ୟା ବିଶିଷ୍ଟ ନୂଆ ସରକାରୀ ମେଡିକାଲ କଲେଜ ହସ୍ପିଟାଲ ଏବଂ ପୁରୀରେ ୬୫୦ ଶଯ୍ୟାର ମେଡିକାଲ କଲେଜ ହସ୍ପିଟାଲ ନିର୍ମାଣ କରାଯିବା ନେଇ ମଧ୍ୟ ନିଷ୍ପତ୍ତି ହୋଇଥିଲା ।
ଏହି ପ୍ରକଳ୍ପ ଲାଗି ୬୫୧ କୋଟି ଟଙ୍କା ଖର୍ଚ୍ଚ ଆକଳନ କରାଯାଇଥିବା ବେଳେ ୩ ବର୍ଷରେ କାର୍ଯ୍ୟ ସରିବ । ଏହି ୨ଟି ମେଡିକାଲ କଲେଜ ନିର୍ମାଣ ହେଲେ ଉଭୟ ଜିଲ୍ଲାର ସ୍ଥାନୀୟ ଲୋକ ଉପକୃତ ହେବା ସହ ସ୍ୱାସ୍ଥ୍ୟସେବା ଉନ୍ନତ ହେବ । ଏବେ ଯାଜପୁର ଓ ପୁରୀ ଜିଲ୍ଲାର ଲୋକ ଗୁରୁତର ଅବସ୍ଥାରେ ଚିକିତ୍ସିତ ହେବା ଲାଗି କଟକ ଏସସିବିକୁ ଆସୁଛନ୍ତି ।
ଏଥିସହିତ ପଢ଼ନ୍ତୁ: ଓଡ଼ିଶା ପାଇଁ କେମିତି ଥିଲା ବର୍ଷ ୨୦୨୦ ? ଦୁର୍ନୀତି ବିରୋଧରେ ଯୁଦ୍ଧର ବର୍ଷ
ନୀତିଶଙ୍କ ବଡ଼ ବୟାନ, ମୁଖ୍ୟମନ୍ତ୍ରୀ ହେବାକୁ ଚାହୁଁନଥିଲି…
ପାଟଣା: ସପ୍ତମ ଥର ଲାଗି ବିହାରର ମୁଖ୍ୟମନ୍ତ୍ରୀ ପଦରେ ବସିଥିବା ନୀତିଶ କୁମାର ରବିବାର ବଡ଼ ବୟାନ ଦେଇଛନ୍ତି । ସେ କହିଛନ୍ତି- ପୁଣି ଥରେ ମୁଖ୍ୟମନ୍ତ୍ରୀ ହେବାକୁ ଟିକିଏ ବି ଇଚ୍ଛା ନଥିଲା । କିନ୍ତୁ, ମୋ ଉପରେ ସମ୍ପୂର୍ଣ୍ଣ ଚାପ ପଡ଼ିବାରୁ ମୁଖ୍ୟମନ୍ତ୍ରୀ ପଦ ବାଧ୍ୟରେ ଗ୍ରହଣ କରିଥିଲି । କାହାରିକୁ ବି ମୁଖ୍ୟମନ୍ତ୍ରୀ କରିଥିଲେ ମୋତେ କିଛି ଫରକ ପଡ଼ିନଥାନ୍ତା ବୋଲି ନୀତିଶ କହିଛନ୍ତି । ଏହି ପଦରେ ରହିବାକୁ ମୋର ତିଳେ ମାତ୍ର ଇଚ୍ଛା ନାହିଁ ।
ପୂର୍ବରୁ ବିହାର ବିଧାନସଭା ନିର୍ବାଚନ ପ୍ରଚାର ବେଳେ ନୀତିଶ କହିଥିଲେ ଏହା ମୋର ଶେଷ ନିର୍ବାଚନ । ସେତେବେଳ ଠାରୁ ରାଜନୀତି ପ୍ରତି ନୀତିଶଙ୍କ ଅନିଚ୍ଛା ପ୍ରକାଶ ପାଇଥିଲା । ଆଉ ଏବେର ବୟାନ ନୀତିଶଙ୍କ ପ୍ରସଙ୍ଗକୁ ପୁଣି ଜନତାଙ୍କ ନିକଟରେ ତାଜା କରିଛି । ତେବେ, ଚଳିତଥର ନୀତିଶଙ୍କ ବୟାନକୁ କଂଗ୍ରେସ ନାଟକ ବୋଲି କହିଛି ।
‘ନାଟକ କରୁଛନ୍ତି ନୀତିଶ’
ନୀତିଶ କୁମାରଙ୍କ ବୟାନକୁ ନେଇ ବିହାର ରାଜନୀତି ପୁଣି ସରଗରମ ହୋଇଛି । କଂଗ୍ରେସ ମୁଖପାତ୍ର ରାଜେଶ ରାଠୌଡ଼ କହିଛନ୍ତି- ନୀତିଶ ନାଟକ କରୁଛନ୍ତି । ରାଜେଶ ପ୍ରଶ୍ନ କରିଛନ୍ତି- ନୀତିଶଙ୍କୁ କିଏ କାହିଁକି ଜବରଦସ୍ତ ମୁଖ୍ୟମନ୍ତ୍ରୀ କରାଇବ ? ୨୦୧୪ ଲୋକସଭା ନିର୍ବାଚନ ହାରିବା ପରେ ମୁଖ୍ୟମନ୍ତ୍ରୀ ନୀତିଶ କୁମାର ଜୀତନ ରାମ ମାଞ୍ଜିକୁ ମୁଖ୍ୟମନ୍ତ୍ରୀ କରିଥିଲେ । କିନ୍ତୁ, ପରେ ନିଜେ ମୁଖ୍ୟମନ୍ତ୍ରୀ ଚୌକିରେ ବସି ପଡ଼ିଥିଲେ । ମୁଖ୍ୟମନ୍ତ୍ରୀ ବିଜେପିର ଅପମାନରେ ଦୁଃଖୀ । ଚଳିତଥର ବିହାର ଜନାଦେଶ ତେଜସ୍ୱୀ ଯାଦବଙ୍କ ପକ୍ଷରେ ଥିଲା । ନୀତିଶ ଜବରଦସ୍ତ ମୁଖ୍ୟମନ୍ତ୍ରୀ ହୋଇଛନ୍ତି ।
ଜେଡିୟୁର ସହମତି
ନୀତିଶଙ୍କ ବୟାନକୁ ଜେଡିୟୁ ସ୍ପଷ୍ଟୀକରଣ ରଖିଛି । ଦଳର ମୁଖପାତ୍ର ରାଜୀବ ରଞ୍ଜନ କହିଛନ୍ତି- ଏହି ପଦ ଲାଗି ନୀତିଶଙ୍କ କୌଣସି ଲାଳସା ନାହିଁ । ଜନତାଙ୍କ ଇଚ୍ଛାରେ ସେ ପୁଣି ମୁଖ୍ୟମନ୍ତ୍ରୀ ହୋଇଛନ୍ତି । ଜନତାଙ୍କ ଭାବନକୁ ନୀତିଶ କୁମାର ସମ୍ମାନ ଜଣାଇଛନ୍ତି । ସୂଚନାଯୋଗ୍ୟ- ଆଜି ଜେଡିୟୁ କାର୍ଯ୍ୟାଳୟରେ ବସିଥିବା ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକରେ ରାଜ୍ୟସଭାର୍ ଜେଡିୟୁ ସଂସଦୀୟ ଦଳ ନେତା ଆରସିପି ସିଂହଙ୍କୁ ଦଳର ରାଷ୍ଟ୍ରୀୟ ଅଧ୍ୟକ୍ଷ ବଛା ଯାଇଛି । ମୁଖ୍ୟମନ୍ତ୍ରୀ ନୀତିଶ କୁମାର ନିଜେ ଆରସିପିଙ୍କ ନାମ ପ୍ରସ୍ତାବ ଦେଇଥିଲେ । ରାଷ୍ଟ୍ରୀୟ କାର୍ଯ୍ୟସମିତିରେ ନୀତିଶଙ୍କ ପ୍ରସ୍ତାବକୁ ସର୍ବସମ୍ମତି କ୍ରମେ ସମର୍ଥନ କରାଯାଇଛି ।
୭ ବର୍ଷର ନାବାଳିକାକୁ ଅପହରଣ ବେଳେ ଧରାପଡ଼ିଲା ଅପହରଣକାରୀ
ଯାଜପୁର: ଧରାପଡ଼ିଲା ନାବାଳିକା ଅପହରଣକାରୀ । ନିଜ ଗାଁରୁ ୭ ବର୍ଷର ନାବାଳିକାକୁ ଅପହରଣ କରି ନେବା ବେଳେ ଗ୍ରାମବାସୀଙ୍କ ହାତରେ ଧରାପଡ଼ିଛି ମଦ୍ୟପ ଯୁବକ । ଗାଁ ଲୋକେ ଅପହରଣକାରୀ ଠାରୁ ନାବାଳିକାକୁ ଉଦ୍ଧାର କରିବା ସହ ମଦ୍ୟପ ଯୁବକକୁ ଉତ୍ତମ ମଧ୍ୟମ ଦେଇଛନ୍ତି । ଯାଜପୁର ଜିଲ୍ଲା କୋରାଇ ଥାନା ମୁକୁନ୍ଦପୁର ଗାଁରେ ଘଟିଛି ଏହି ଘଟଣା ।
ନାବାଳିକାକୁ ଉଦ୍ଧାର କରିବା ସହ ଯୁବକ ଜଣଙ୍କୁ ଗ୍ରାମବାସୀ ନିସ୍ତୁକ ମାଡ଼ ମାରି ପୋଲିସ ଜିମା ଦେଇଛନ୍ତି । ଘଟଣାକୁ ନେଇ ଗାଁରେ ଚାପା ଉତ୍ତେଜନା ସୃଷ୍ଟି ହୋଇଛି । ଗ୍ରାମବାସୀ ପୋଲିସ ଗାଡ଼ିକୁ ଅଟକ ରଖିବା ସହ ଏସପି ଆସିବାକୁ ଦାବି କରିଛନ୍ତି । ୭ ବର୍ଷର ନାବାଳିକାକୁ ଅପହରଣ କରିଥିବା ଯୁବକ ସେହି ଗାଁର ଚନ୍ଦ୍ରମଣି ନାୟକ ବୋଲି ଜଣାପଡ଼ିଛି ।
PMC ବ୍ୟାଙ୍କ ଦୁର୍ନୀତି ମାମଲା, ଜେରା ପାଇଁ ସଞ୍ଜୟ ରାଉତଙ୍କ ପତ୍ନୀଙ୍କୁ EDର ସମନ
ମୁମ୍ବାଇ: ମହାରାଷ୍ଟ୍ର ଶିବସେନାର ବରିଷ୍ଠ ନେତା ସଞ୍ଜୟ ରାଉତଙ୍କ ଲାଗି ନୂଆ ଅଡ଼ୁଆ । ସଞ୍ଜୟଙ୍କ ପତ୍ନୀ ବର୍ଷା ରାଉତଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ED) ସମନ ଜାରି କରିଛି । ଡିସେମ୍ବର ୨୯ ତାରିଖରେ ହାଜର ହେବାକୁ ବର୍ଷାଙ୍କୁ ଇଡି କହିଛି । ପଞ୍ଜାବ ଆଣ୍ଡ ମହାରାଷ୍ଟ୍ର କୋ-ଅପରେଟିଭ୍ ବ୍ୟାଙ୍କ ଦୁର୍ନୀତି ମାମଲାରେ ଇଡି ସମନ ଜାରି କରିଛି । ଇଡି ପୂର୍ବରୁ ଡିସେମ୍ବର ୧୧ରେ ମଧ୍ୟ ବର୍ଷା ରାଉତଙ୍କୁ ହାଜର ହେବା ଲାଗି କହିଥିଲା ।
ଏହି ମାମଲାରେ ବିଜେପି ନେତା ତଥା ପୂର୍ବତନ ସାଂସଦ କିରିଟ ସୋମୟା, ସଞ୍ଜୟ ରାଉତଙ୍କୁ ପ୍ରଶ୍ନ କରିଛନ୍ତି । ପିଏମସି ବ୍ୟାଙ୍କ ସହ ସଞ୍ଜୟଙ୍କ ପରିବାରର କୌଣସି ଆର୍ଥିକ କାରବାର ହୋଇଛି କି ନାହିଁ ବୋଲି ପଚାରିଛନ୍ତି । ଯଦି ହୋଇଛି ସେସବୁ ତଥ୍ୟ ଜନତାଙ୍କ ଆଗରେ ରଖନ୍ତୁ । ଏତିକି ନୁହେଁ ଏହା ପୂର୍ବରୁ ଦୁର୍ନୀତିକୁ ନେଇ ଆପଣ କିଛି ଜାଣିଥିଲେ କି ? ଏ ତଥ୍ୟ ମଧ୍ୟ ଜନତାଙ୍କୁ ଦିଅନ୍ତୁ ।
ପୁଣି ଥରେ ପିଏମସି ବ୍ୟାଙ୍କକୁ ଚାଲୁ କରିବା ଉପରେ ସୋମୟା ଜୋର୍ ଦେଇଛନ୍ତି । ସେ କହିଛନ୍ତି- ୧୦ ଲକ୍ଷ ଲୋକଙ୍କ ଟଙ୍କା ପିଏମସି ବ୍ୟାଙ୍କରେ ଫସି ରହିଛି । ବ୍ୟାଙ୍କକୁ ପୁଣି ସଚଳ କରାଯିବା ଉଚିତ୍, ଏଥିପାଇଁ ଆମେ ପ୍ରୟାସ କରିବା । ଏଥିସହ ବ୍ୟାଙ୍କର ଲାଭାର୍ଥୀଙ୍କ ଯାଞ୍ଚ ଆବଶ୍ୟକ ବୋଲି ସେ କହିଛନ୍ତି ।
— Sanjay Raut (@rautsanjay61) December 27, 2020
ଇଡିର ସମନ ପରେ ସଞ୍ଜୟ ରାଉତ ଏକ ଟ୍ୱିଟ୍ କରି ଲେଖିଛନ୍ତି- ‘ଆସନ୍ତୁ ଦେଖିବା କାହାଠାରେ କେତେ ଦମ୍ ଅଠି, ଆମେ ଦୃଢ଼ ଭାବରେ ତଥ୍ୟ ରଖିବୁ । ସୂଚନାଯୋଗ୍ୟ ଯେ, କିଛିଦିନ ତଳେ ପ୍ରବୀଣ ରାଉତଙ୍କୁ ଇଡି ଗିରଫ କରିଥିଲା । ପ୍ରବୀଣଙ୍କ ଆକାଉଣ୍ଟରୁ ବର୍ଷାଙ୍କ ଆକାଉଣ୍ଟକୁ ଦେଣନେଣ ହୋଇଥିଲା । ଏହାକୁ ନେଇ ଇଡି ତଥ୍ୟ ହାସଲ କରିବାକୁ ଚାହୁଁଛି । ମାମଲାରେ ଇଡି ବର୍ଷାଙ୍କୁ ତୃତୀୟ ଥର ଲାଗି ସମନ ଜାରି କରିଛି । ନିୟମ ଅନୁସାରେ, କୌଣସି ବ୍ୟକ୍ତି ଲଗାତାର ଭାବେ ତିନିଥର ସମନକୁ ଅଣଦେଖା କଲେ ଇଡି ଆଇନ୍ ଅବମାନନା ଓ ନ୍ୟାୟିକ କାର୍ଯ୍ୟାନୁଷ୍ଠାନ ନେଇପାରିବ ।
ଆହୁରି କମିବ ତାପମାତ୍ରା, ୫ ଦିନ ଯାଏ ଆଭ୍ୟନ୍ତରୀଣ ଓଡ଼ିଶାକୁ ନାହିଁ ନିସ୍ତାର
ଭୁବନେଶ୍ୱର: ପ୍ରବଳ ଥଣ୍ଡା ଏବଂ କୁହୁଡିରେ ଅସ୍ତବ୍ୟସ୍ତ ଜନଜୀବନ । ଉପାନ୍ତରୁ ଉପକୂଳ ସବୁଠି ରାଜ୍ କରୁଛି ଜାଡ଼ । ଆଭ୍ୟନ୍ତରୀଣ ଓଡ଼ିଶାରେ ଏବେ ସ୍ଥିତି ସଙ୍ଗୀନ । ଦିନ ଅପେକ୍ଷା ରାତିର ତାପମାତ୍ରାରେ ହ୍ରାସ ଘଟୁଛି । ଏଭଳି ପାଗ ଆହୁରି ୫ ଦିନ ରହିବ ବୋଲି କରିଛି ଭୁବନେଶ୍ୱର ପାଣିପାଗ କେନ୍ଦ୍ର ପୂର୍ବାନୁମାନ କରିଛି । ଉତ୍ତର, ଉତ୍ତର-ପଶ୍ଚିମ ଦିଗରୁ ଥଣ୍ଡା ବାୟୁ ପ୍ରବାହ ପାଇଁ ଓଡ଼ିଶାରେ ଗତ ସପ୍ତାହରୁ ଥଣ୍ଡା ଜାରି ରହିଛି ।
ଗତ ଦୁଇ ସପ୍ତାହ ହେଲା ରାଜ୍ୟରେ ରାଜ କରୁଛି ଶୀତ । ଉପାନ୍ତରୁ ଉପକୂଳ ସବୁଠି କାୟା ବିସ୍ତାର କରିଛି ଜାଡ଼ । ଆଭ୍ୟନ୍ତରୀଣ ଓଡ଼ିଶା କଥା ନକହିବା ଭଲ । କାରଣ ଗତ ୨୪ ଘଣ୍ଟା ମଧ୍ୟରେ ୧୫ ଡିଗ୍ରୀ ତଳେ ରାଜ୍ୟର ୨୪ଟି ସହରର ତାପମାତ୍ରା । ଏମିତିକି ୧୧ଟି ସହରର ତାପମାତ୍ରା ୧୦ ଡିଗ୍ରୀ ତଳେ ରହିଛି । ରାଜଧାନୀ ଭୁବେନଶ୍ୱର ଏବଂ କଟକରେ ତାପମାତ୍ରା ୧୨ଡିଗ୍ରୀ ମଧ୍ୟରେ ରହିଛି । ଆସନ୍ତା ୨୪ ଘଣ୍ଟା ମଧ୍ୟରେ ଆଭ୍ୟନ୍ତରୀଣ ଓଡ଼ିଶାରେ ତାପମାତ୍ରା ସ୍ୱାଭାବିକ ଠାରୁ ୨ରୁ ୩ ଡିଗ୍ରୀ ଖସିବ ବୋଲି ପାଣିପାଗ କେନ୍ଦ୍ର ପୂର୍ବାନୁମାନ କରିଛି ।
ଗତ ୨୪ ଘଣ୍ଟା ମଧ୍ୟରେ ବୌଦ୍ଧରେ ଘନ କୁହୁଡ଼ି ଦେଖାଦେଇଥିବା ବେଳେ ମୟୂରଭଞ୍ଜ, କନ୍ଧମାଳ, କୋରାପୁଟ, ମାଲକାନଗିରି ଏବଂ ନୟାଗଡ଼ରେ ମଧ୍ୟମଧରଣର କୁହୁଡ଼ି ଦେଖା ଦେଇଥିଲା । ଆସନ୍ତା କାଲି ମଧ୍ୟ ନୟାଗଡ, କୋରାପୁଟ, ରାୟଗଡ଼ା, ବୌଦ୍ଧ, ସୋନପୁର, କେନ୍ଦୁଝର, ମୟୂରଭଞ୍ଜ, କନ୍ଧମାଳ ଓ କଟକରେ କୁହୁଡ଼ି ଦୃଶ୍ୟମାନ ହେବ ବୋଲି ସତର୍କ କରାଇଛି ପାଣିପାଗ କେନ୍ଦ୍ର । ଏହି ସବୁ ଅଞ୍ଚଳରେ ୫ରୁ ୮ଶହ ମିଟର ପର୍ଯ୍ୟନ୍ତ ଦୃଶ୍ୟମାନ ରହିବ । ମେଘମୁକ୍ତ ଆକାଶ ଏବଂ ବାୟୁ ମଣ୍ଡଳରେ ଜଳୀୟବାଷ୍ପର ପରିମାଣ ବୃଦ୍ଧି ପାଇଁ ଏଭଳି ସ୍ଥିତି ସୃଷ୍ଟି ହୋଇଛି ।
ଗତ ସପ୍ତାହେ ଧରି ଫୁଲବାଣୀ ସବୁଠାରୁ ଥଣ୍ଡା ସହର ପାଲଟିଥିବା ବେଳେ ଏଠାରେ ସର୍ବନିମ୍ନ ତାପମାତ୍ରା ୪ ଡିଗ୍ରୀ ପର୍ଯ୍ୟନ୍ତ ଖସିଛି । ଏପରିକି ଦାରିଙ୍ଗବାଡ଼ିରେ ତୁହିନ୍ ଦେଖିବାକୁ ମିଳିଛି । ତେବେ ଆସନ୍ତା ୫ ଦିନ ପରେ ପାଗରେ ପରିବର୍ତ୍ତନ ହୋଇପାରେ ବୋଲି ଆଶା କରିଛି ପାଣିପାଗ କେନ୍ଦ୍ର ।
ବଣ୍ଡାଘାଟିରେ ନବୀନ ସରକାରଙ୍କ ଲୋକାଭିମୁଖୀ ଯୋଜନାର ସଫଳ ରୂପାୟନ
ମାଲକାନଗିରି: ବଦଳିଛି ବଣ୍ଡାଘାଟିର ଚିତ୍ର, ବଢିଛି ବିକାଶର ପରିଧି । ରାଜ୍ୟର ବିକାଶ ମାନଚିତ୍ରରେ ଯୋଡ଼ି ହୋଇଛି ମାଲକାନଗିରିର ବଣ୍ଡାଘାଟି । ପାହାଡ଼ର ଛାତି ଚିରି ଗାଁକୁ ଫିଟିଛି ରାସ୍ତା, ପହଞ୍ଚିଛି ଶିକ୍ଷା, ସ୍ୱାସ୍ଥ୍ୟସେବା । ବଣ୍ଡାଘାଟିରେ ନବୀନ ସରକାରଙ୍କ ଲୋକାଭିମୁଖୀ ଯୋଜନାର ସଫଳ ରୂପାୟନ ହୋଇଛି । ବଦଳିଛି ଆର୍ଥିକ ଓ ସାମାଜିକ ସ୍ଥିତି । ବିକାଶ ଧାରାରେ ସାମିଲ ହୋଇଛି ବଣ୍ଡାଘାଟି ।
‘ଅପହଞ୍ଚ’ ଏବେ ଅତୀତ, ବିକାଶ ବର୍ତ୍ତମାନ । ବଣ୍ଡାଘାଟିରେ ବିକାଶର ସ୍ପର୍ଶ । ଫିଟିଛି ରାସ୍ତା, ପହଞ୍ଚିଛି ସ୍ୱାସ୍ଥ୍ୟସେବା । ବଣ୍ଡାଘାଟିରେ ଶିକ୍ଷାର ସ୍ୱାକ୍ଷର । ବିକାଶର ସୁଅରେ ବଦଳିଛି ମାଲକାନଗିରି ଖଇରପୁଟର ବଣ୍ଡାଘାଟି । ସମୁଦ୍ର ପତନଠାରୁ ୫ ହଜାର ଫୁଟ୍ ଉପରେ ବଣ୍ଡାଘାଟିରେ ବାସ କରନ୍ତି ପ୍ରାଚୀନ ବଣ୍ଡା ଜନଜାତି । ଶିକ୍ଷା, ସ୍ୱାସ୍ଥ୍ୟ, ଗମନାଗମନ ପରି ମୌଳିକ ସୁବିଧାଠାରୁ ଏଠାକାର ଲୋକ ଦୂରରେ ଥିଲେ । ହେଲେ ରାଜ୍ୟ ସରକାରଙ୍କ ନବୀନ ପରିକଳ୍ପନାର ସଫଳ ରୂପାୟନ ଯୋଗୁଁ ବଣ୍ଡାଘାଟିକୁ ଖୋଲିଛି ବିକାଶର ବାଟ ।
ବଦଳିଛି ବଣ୍ଡାଘାଟିର ଭୂଗୋଳ । ପାହାଡ଼ ଛାତିରେ ଏବେ ବିକାଶର ସ୍ୱାକ୍ଷର । ବର୍ଷ ବର୍ଷ ଧରି ଗମନାଗମନ ସମସ୍ୟା ସହ ଯୁଝୁଥିଲେ ଏଠାକାର ଲୋକ । ହେଲେ ମୁଖ୍ୟମନ୍ତ୍ରୀଙ୍କ ଆନ୍ତରିକତା ଯୋଗୁ ତିଆରି ହୋଇଛି ରାସ୍ତା । ମାଲକାନଗିରି ଖଇରପୁଟଠାରୁ ମୁଦୁଲିପଡ଼ା ପର୍ଯ୍ୟନ୍ତ ୨୫ କୋଟି ଟଙ୍କାରେ ୨୬ କିଲୋମିଟର ରାସ୍ତା ତିଆରି କରାଯାଇଛି । ଏହାପରଠୁ ବଣ୍ଡାଘାଟିରେ ଲାଗିଛି ବିକାଶର ଡୋରି ।
ମୁଦୁଲିପଡ଼ା ପଞ୍ଚାୟତର ପ୍ରାୟ ୨୦ ଖଣ୍ଡ ଗାଁକୁ ରାସ୍ତା, ବିଜୁଳି ଓ ପାନୀୟଜଳ ପହଞ୍ଚିଛି । ଆଗରୁ ସ୍ୱାସ୍ଥ୍ୟକେନ୍ଦ୍ରକୁ ଯିବା କଷ୍ଟକର ଥିଲା, ହେଲେ ଏବେ ଗାଁରେ ପହଞ୍ଚିପାରୁଛି ଆମ୍ବୁଲାନ୍ସ । ଖାଲି ସେତିକି ନୁହେଁ, ଏବେ ଶିକ୍ଷାର ଧାରାରେ ସାମିଲ ହୋଇଛନ୍ତି ବଣ୍ଡାଘାଟିର ପିଲାମାନେ । ସ୍କୁଲ ସହ ହଷ୍ଟେଲ ଥିବାରୁ ସହଜ ହୋଇଛି ପାଠପଢ଼ା । ବଣ୍ଡାଘାଟିରେ ଯାହା ଦିନେ ସ୍ୱପ୍ନ ଥିଲା, ରାଜ୍ୟ ସରକାରଙ୍କ ପାଇଁ ତାହା ସାକାର ହୋଇଛି । ସମସ୍ୟା ଏବେ ଅତୀତ ହେବାକୁ ବସିଲାଣି, ବଣ୍ଡାଘାଟି ଦେଖୁଛି ବିକାଶର ନୂଆ ଦିଗନ୍ତ ।
ମାଓ ଦମନ, ଗଞ୍ଜେଇ ଚୋରା ଚାଲାଣ ରୋକିବାରେ ଓଡ଼ିଶା ପୋଲିସ ସକ୍ଷମ
ଭୁବନେଶ୍ୱର: ଉଦଘାଟିତ ହୋଇଛି ୬୨ତମ ବରିଷ୍ଠ ପୋଲିସ ଅଧିକାରୀ ସମ୍ମିଳନୀ । ପୋଲିସ ଡିଜି ଅଭୟ ସମ୍ମିଳନୀର ଉଦଘାଟନ କରିଥିବା ବେଳେ ଭର୍ଚୁଆଲରେ ସାମିଲ ହୋଇଛନ୍ତି ସବୁ ଜିଲ୍ଲାର ଏସ୍ପି, ସଶସ୍ତ୍ର ବାଟାଲିଅନ କମାଣ୍ଡାଣ୍ଟ, ରେଞ୍ଜ୍ ଆଇଜି, ଡିଆଇଜି ଓ ପ୍ରଶିକ୍ଷଣ ନେଇଥିବା ଆଇପିଏସ ଅଧିକାରୀ, ହୋମଗାର୍ଡ, ଭିଜିଲାନ୍ସ, ଜେଲ୍ ବିଭାଗର ଅଧିକାରୀ । ଉଦଘାଟନୀ କାର୍ଯ୍ୟକ୍ରମରେ ଓଡ଼ିଶା ପୋଲିସର ସଫଳତାକୁ ଡିଜିପି ପ୍ରଶଂସା କରିଛନ୍ତି ।
ଓଡ଼ିଶାରେ ଚଳିତ ବର୍ଷ ଅପରାଧ କମିଛି, ବିଗିଡ଼ିନି ଆଇନଶୃଙ୍ଖଳା ବ୍ୟବସ୍ଥା । ମାଓ ଦମନ, ଗଞ୍ଜେଇ ଚୋରା ଚାଲାଣ ରୋକିବାରେ ସକ୍ଷମ ହୋଇଛି ପୋଲିସ । ଅଧିକ ପୋଲିସ ପଦବୀ ସୃଷ୍ଟି ସହ ଅଧିକ ଥାନା ମଧ୍ୟ ହୋଇଛି । ଏହା ପୋଲିସ ବିଭାଗକୁ ଅଧିକ କାର୍ଯ୍ୟକ୍ଷମ କରିଛି । ଓଡ଼ିଶା ପୋଲିସ ଆଗରେ ରହିଛି ଅନେକ ଚ୍ୟାଲେଞ୍ଜ । ମହିଳା ଓ ଶିଶୁଙ୍କୁ ସୁରକ୍ଷା ଦେବା ଉପରେ ଗୁରୁତ୍ୱ ଦିଆଯାଇଛି । 5T ପଦକ୍ଷେପକୁ ପ୍ରଶଂସା କରିଛନ୍ତି ପୋଲିସ ଡିଜି । ଓଡ଼ିଶାରେ ଅପରାଧ ହାର୍ କମିଥିବା କହିଛନ୍ତି ଡିଜିପି ।
ସେବା ଦ୍ୱାରା ଓଡ଼ିଶା ପୋଲିସ ନୂଆ ଭାବମୂର୍ତ୍ତି ସୃଷ୍ଟି କରିଛି । ଓଡ଼ିଶା ପୋଲିସ ଭଲ କରୋନା ମୁକାବିଲା କରିଥିବାରୁ ଧନ୍ୟବାଦ ଜଣାଇଛନ୍ତି ଡିଜିପି । ୪୭ ପୋଲିସ କର୍ମଚାରୀଙ୍କ କରୋନାରେ ମୃତ୍ୟୁ ହୋଇଛି । ୯ଶହରୁ ଅଧିକ ପୋଲିସ ପ୍ଲାଜମା ଦାନ କରିଛନ୍ତି । ୨୨ ମାଓବାଦୀ ଗିରଫ ହୋଇଥିବା ବେଳେ ୨୧ ଜଣ ଆତ୍ମସମର୍ପଣ କରିଛନ୍ତି । ଏ ବର୍ଷ ୧୭ ହାର୍ଡକୋର ମାଓବାଦୀ ନିହତ ହୋଇଛନ୍ତି । ଚଳିତ ବର୍ଷ ରେକର୍ଡ ପରିମାଣର ଗଞ୍ଜେଇ ବ୍ରାଉନସୁଗର ଜବତ ହୋଇଥିବା ସୂଚନା ଦେଇଛନ୍ତି ଡିଜିପି ।
ଉଦ୍ଯାପନୀ କାର୍ଯ୍ୟକ୍ରମରେ ସାମିଲ ହେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସମ୍ମିଳନୀରେ ଡିଫେନ୍ସ ଷ୍ଟାଫ ମୁଖ୍ୟ ବିପିନ ରାୱତ ଯୋଗଦେଇ ଗୁରୁମନ୍ତ୍ର ଦେବା କାର୍ଯ୍ୟକ୍ରମ ରହିଛି ।
ବ୍ରହ୍ମପୁର ଜୁଏଲାରୀ ଲୁଟ୍ ଘଟଣାରେ ୨ ଗିରଫ, ୧୬୮ କେଜି ସୁନା ଜବତ
ବ୍ରହ୍ମପୁର: ବ୍ରହ୍ମପୁର ପୋଲିସକୁ ମିଳିଛି ବଡ଼ ସଫଳତା । ବ୍ରହ୍ମପୁର ବଡ଼ ବଜାର ଅଞ୍ଚଳର ଦୁଇଟି ସୁନା ଦୋକାନରେ ହୋଇଥିବା ଚୋରି ଘଟଣାରେ ପୋଲିସ ୨ ଜଣ ଅଭିଯୁକ୍ତକୁ ଗିରଫ କରିଛି । ଅଭିଯୁକ୍ତ ମାନେ ହେଲେ ଛତିଶଗଡ଼ର କୋବିର୍ଧାମ୍ ଅଞ୍ଚଳର । ଅଭିଯୁକ୍ତଙ୍କ ଠାରୁ ୧୨ ଲକ୍ଷ ୭ ହଜାର ୬୦ ଟଙ୍କା, ୧୬୮ କିଲୋ ୬ ଗ୍ରାମର ସୁନା ସହିତ ୬ ଲକ୍ଷ ଟଙ୍କାର ଏକ କାରକୁ ମଧ୍ୟ ଜବତ କରିଛି ପୋଲିସ ।
ଆଜି ସନ୍ଧ୍ୟାରେ ପୋଲିସ ଅଭିଯୁକ୍ତଙ୍କୁ କୋର୍ଟ ଚାଲାଣ କରିବ । ସେପଟେ ସୁନା ଚୋରି ଘଟଣାରେ ଏବେ ବ୍ରହ୍ମପୁର ପୋଲିସର ଦୁଇଟି ଟିମ୍ ବାହାର ରାଜ୍ୟରେ ଛାନ୍ଭିନ୍ ଜାରି ରଖିଛି । ବ୍ରହ୍ମପୁର ଅଞ୍ଚଳରୁ ସୁନା ଦୋକାନରୁ ଚୋରି ହେବା ପରେ ସଜାଗ ହୋଇଛନ୍ତି ସୁନା ଦୋକାନୀ ମାଲିକ ।