ସଂସଦରୁ ସଡ଼କ କୃଷି ବିଲ୍କୁ ବିରୋଧ । ଧାରଣାରୁ ହଟିଲେ ନିଲମ୍ବିତ ସାଂସଦ ।
କୋଭିଡ୍ ହସପିଟାଲରେ ଅଗ୍ନି ବ୍ୟବସ୍ଥାର ଯାଞ୍ଚ: ଉପକରଣର ବ୍ୟବହାର ଓ ଜରୁରୀକାଳୀନ କୌଶଳ ନେଇ ମକ ଡ୍ରିଲ କରିବ ଅଗ୍ନିଶମ ବାହିନୀ
ଭୁବନେଶ୍ୱର: କୋଭିଡ୍ ରୋଗୀଙ୍କ ସୁରକ୍ଷା ପାଇଁ ପ୍ରୟାସ ଜାରି ରହିଛି । ରାଜ୍ୟରେ ସଂକ୍ରମଣ ସଂଖ୍ୟା ବୃଦ୍ଧି ପାଉଥିବାରୁ ରୋଗୀଙ୍କ ପାଇଁ ଏକମାତ୍ର ସାହାରା ହେଉଛି କୋଭିଡ଼ ହସପିଟାଲ । କିଭଳି କୋଭିଡ଼ ସେଣ୍ଟରରେ କୌଣସି ଆପତ୍ତି ଜନକ ପରିସ୍ଥିତି ନ ଉପୁଜେ ସେନେଇ ବିଶେଷ ଧ୍ୟାନ ଦିଆଯାଉଛି । ଏନେଇ କୋଭିଡ୍ ମେଡିକାଲମାନଙ୍କରେ ଅଗ୍ନି ନିରାପତ୍ତା ବ୍ୟବସ୍ଥାର ଯାଞ୍ଚ କରିବ ଅଗ୍ନିଶମ ବିଭାଗ ।
ରାଜଧାନୀର ତିନି ପ୍ରମୁଖ କୋଭିଡ ମେଡିକାଲ ସମ, କିମ୍ସ ଏବଂ ଆଦିତ୍ୟ ଅଶ୍ୱିନୀ ହସପିଟାଲରେ ନିରାପତ୍ତା ବ୍ୟବସ୍ଥାର ଯାଞ୍ଚ କରାଯିବ । କୋଭିଡ ମେଡିକାଲରେ ଥିବା ଅଗ୍ନି ନିରାପତ୍ତା ଉପକରଣର ଯାଞ୍ଚ କରିବା ସହ ଏହାର ଉପଯୋଗ ବିଷୟରେ ମେଡିକାଲର କର୍ମଚାରୀଙ୍କୁ ସଚେତନ କରାଯାଉଛି ।
ସେହିପରି ଅଗ୍ନିଶମ ବାହିନୀ ଦ୍ୱାରା ମକ୍ ଡ୍ରିଲ୍ କରାଯିବାର କାର୍ଯ୍ୟକ୍ରମ ରହିଛି । ଗତକାଲି କଟକ ଜଗରପୁର ସ୍ଥିତ ସଦଗୁରୁ କୋଭିଡ ହସ୍ପିଟାଲର ଆଇସିୟୁରେ ଅଗ୍ନିକାଣ୍ଡ ପରେ ଘଟଣାକୁ ଗୁରୁତର ସହ ନେଇ ଭୁବନେଶ୍ୱରର କୋଭିଡ ମେଡିକାଲ ମାନଙ୍କରେ ଯାଞ୍ଚ କରୁଛି ଅଗ୍ନିଶମ ବିଭାଗ । ଅନ୍ୟପଟେ ସଦଗୁରୁ କୋଭିଡ ମେଡିକାଲରେ ଅଗ୍ନିକାଣ୍ଡ ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ସ୍ୱାସ୍ଥ୍ୟମନ୍ତ୍ରୀ ନବ ଦାସ ।
ଭଉଣୀଙ୍କୁ ଏକତରଫା ପ୍ରେମ କରୁଥିଲା ବୋଲି ଏମିତି କଲା ଭାଇ , ୩ମାସ ପରେ ମିଳିଲା କଙ୍କାଳ
ଗୁଣୁପୁର: ଏକତରଫା ପ୍ରେମ ବ୍ୟାପାରକୁ କେନ୍ଦ୍ରକରି ଜଘନ୍ୟ ହତ୍ୟାକାଣ୍ଡ । ୩ମାସ ପରେ ମିଳିଲା ମୃତ ଦେହ ଗିରଫ ହେଲେ ୩ ଅଭିଯୁକ୍ତ । ଏକତରଫା ପ୍ରେମ ପାଇଁ ଚାଲିଗଲା ଜୀବନ । ଭଉଣୀଙ୍କୁ ଏକତରଫା ପ୍ରେମ କରୁଥିଲେ ବୋଲି ହତ୍ୟା ଷଡଜନ୍ତ୍ର ରଚିଥିଲା ଭାଇ । ଗିରଫ ପରେ ୩ ଅଭିଯୁକ୍ତଙ୍କ କୋର୍ଟ ଚାଲାଣ କରିଛି ଚନ୍ଦ୍ରପୁର ପୋଲିସ । ଅଭିଯୁକ୍ତମାନେ ହେଲେ ନକୁଳ ଦଣ୍ଡସେନା, ରଘୁନାଥ ଭଟ, ଗଣେଶ୍ୱର ସାହୁ। ଘଟଣାସ୍ଥଳରୁ ମୃତ ଯୁବକ ମନୋରଂଜନ ବଳିଆରସିଂଙ୍କ ମୃତଦେହ ଉଦ୍ଧାର କରିଛି ପୋଲିସ । ମୃତ ମନୋରଂଜନ କନ୍ଧମାଳ କୁଟଗଡ଼ର ବାସିନ୍ଦା ହୋଇଥିବା ବେଳେ ୩ମାସ ହେବ ନିଖୋଜ ଥିଲେ । ଏନେଇ ମୃତକଙ୍କ ଭାଇ ଥାନାରେ ଏକ ନିଖୋଜ ମାମଲା ମଧ୍ୟ ରୁଜୁ କରିଥିଲେ ।
ମୃତ ମନୋରଞ୍ଜନ ବିଷମକଟକ ବ୍ଲକ୍ ସିନ୍ଧିପଙ୍କା ଗ୍ରାମର ନକୁଳ ଦଣ୍ଡସେନାଙ୍କ ଭଉଣିକୁ ଏକତରଫା ପ୍ରେମ କରୁଥିଲେ । ବିଭିନ୍ନ ସମୟରେ ସେ ନକୁଳଙ୍କ ଘରକୁ ଯିବା ଆସିବା ମଧ୍ୟ କରୁଥିଲେ । ଏବଂ ଏହାକୁ ପରିବାର ଲୋକେ ଘୋର ବିରୋଧ କରିଆସୁଥିଲେ । ଶେଷରେ ମନୋରଂଜନଙ୍କୁ ରାସ୍ତାରୁ ହଟାଇବାକୁ ନକୁଳ , ତାଙ୍କ ନିଜ ଜ୍ୱାଇଁ ଓ ସହଯୋଗୀ ସହ ମିଶି ହତ୍ୟାର ଷଡଯନ୍ତ୍ର ରଚିଥିଲେ ।
ଷଡଜନ୍ତ୍ର ମୁତାବକ ମନୋରଂଜନଙ୍କୁ ହତ୍ୟା କରି ଏକ ପଥର ଖୋଲ ଭିତରେ ପୁରାଇ ଦେଇଥିଲେ । ତେବେ ଏନେଇ ପୋଲିସ ଖବର ପାଇ ପ୍ରଥମେ ମନୋରଂଜନଙ୍କ ମୃତ ଦେହକୁ ଉଦ୍ଧାର କରିଥିଲେ ଏବଂ ଏହାପରେ ଅଭିଯୋଗ ମାନଙ୍କୁ ଗିରଫ କରିଥଲେ । ତେବେ ଅଭିଯୁକ୍ତମାନେ ଏହି ହତ୍ୟାକାଣ୍ଡ ଷଡଯନ୍ତ୍ର ବିଷୟରେ ପୋଲିସକୁ ସୂଚନା ଦେଇଥିଲେ ।
ରାତିସାରା ଧାରଣାରେ ବସିବା ପରେ ଚା’ ନେଇ ଆସିଥିଲେ ରାଜ୍ୟସଭା ଉପାଧ୍ୟକ୍ଷ
ନୂଆଦିଲ୍ଲୀ: ନିଲମ୍ବନକୁ ପ୍ରତ୍ୟାହାର କରିବାକୁ ସଂସଦଙ୍କ ଦାବି । ସଂସଦ ପରିସରରେ ସାରା ରାତି ଧାରଣାରେ ବସିଲେ ନିଲମ୍ବିତ ୮ ସାଂସଦ । ଆଜି ସକାଳୁ ଧାରଣାରେ ବସିଥିବା ସାଂସଦଙ୍କୁ ଭେଟିଛନ୍ତି ରାଜ୍ୟସଭା ଉପାଧ୍ୟକ୍ଷ ହରିବଂଶ ସିଂ । ସାଂସଦଙ୍କ ପାଇଁ ଚା ନେଇ ଯାଇଥିଲେ ରାଜ୍ୟସଭା ଉପାଧ୍ୟକ୍ଷ । ତେବେ ସେମାନେ ଚା ପିଇବାକୁ ମନା କରିଥିଲେ ।
କୃଷି ବିଲ୍ ପ୍ରତ୍ୟାହାର ଓ ସେମାନଙ୍କ ନିଲମ୍ବନ ପ୍ରତ୍ୟାହାର କରିବା ଦାବିରେ ସାଂସଦମାନେ ଧାରଣାରେ ବସିଛନ୍ତି । ସେମାନଙ୍କ ପ୍ରତି ହୋଇଥିବା ନିଲମ୍ବନ ଆଦେଶ ଅଗଣାତାନ୍ତ୍ରୀକ ବୋଲି କହିଛନ୍ତି ସାଂସଦ । ଧାରଣାରେ ବସିଥିବା ସାଂସଦମାନଙ୍କୁ ସମର୍ଥନ ଜଣାଇଛି କଂଗ୍ରେସ ।
ବିଶୃଙ୍ଖଳିତ ଆଚରଣ ପାଇଁ ଡେରେକ ଓବ୍ରାଏନ୍, ସଞ୍ଜୟ ସିଂ, ରାଜୁ ସତଭ, କେକେ ରାଗେଶ, ରିପୁନ୍ ବୋରା , ଡୋଲା ସେନ୍, ସୟଦ ନାଜିର ହୁସେନ୍ ଓ ଏଲାମରନ୍ କରିମଙ୍କୁ ଗତକାଲି ନିଲମ୍ବିତ କରିଥିଲେ ରାଜ୍ୟସଭା ଅଧ୍ୟକ୍ଷ ଏମ୍. ଭେଙ୍କିୟା ନାଇଡୁ । ଏହାପରେ ପ୍ରତିବାଦରେ ଧାରଣାରେ ସାରା ରାତି ବସିଥିଲେ ସାଂସଦ । ସେପଟେ କେନ୍ଦ୍ର ସରକାରଙ୍କୁ ଟାର୍ଗେଟ୍ କରିଛନ୍ତି ଆପ୍ ସାଂସଦ ସଂଜୟ ସିଂହ । କୃଷକ ବିରୋଧୀ କଳା ବିଲକୁ ପ୍ରତ୍ୟାହାର ପାଇଁ ଉପାଧ୍ୟକ୍ଷଙ୍କୁ କହିଥିବା ସଂଜୟ ସିଂହ ଟ୍ବିଟ୍ କରିଛନ୍ତି ।
ଏହି ରାଶିର ବ୍ୟକ୍ତିଙ୍କର ଆକସ୍ମିକ ଭାବରେ ଧନ ଲାଭର ଯୋଗ ରହିଛି
ଆଜିର ପଞ୍ଚାଙ୍ଗ: ୨୨ ସେପ୍ଟେମ୍ବର ୨୦୨୦, ମଙ୍ଗଳବାର
୧୪୨୮ ସାଲ, ୧୯୪୨ ଶକାବ୍ଦ, ୨୦୭୭ ସମ୍ବତ୍,
କନ୍ୟା ୭ ଦିନ, ଆଶ୍ୱିନ ମଳମାସ, ଶୁକ୍ଳପକ୍ଷ ଷଷ୍ଠୀ ତିଥି
ସୂର୍ଯ୍ୟ କନ୍ୟା ରାଶିରେ ଏବଂ ବିଛା ରାଶିରେ ରହିବେ ଚନ୍ଦ୍ର
– ଅନୁରାଧା ନକ୍ଷତ୍ର
-ଘାତଚନ୍ଦ୍ର- କୌଣସି ରାଶି ପାଇଁ ନାହିଁ
– ଘାତବାର- ମିଥୁନ ରାଶି ପାଇଁ ଘାତବାର
ଯୋଗିନୀ ପଶ୍ଚିମ ଦିଗରେ ରହିବେ ରାତି ୯ଟା ୩୪ ପର୍ଯ୍ୟନ୍ତ
ଏହା ପରେ ଯୋଗିନୀ ବାୟବ୍ୟ କୋଣକୁ ଯିବେ
– ଶୁଭ ସମୟ –
ସକାଳ ୯ଟା ୩୮ ମିନିଟ୍ ଠାରୁ ଦିନ ୧୦ଟା ୨୬ ମିନିଟ୍
ରାତି ୮ଟା ୦୪ ରୁ ରାତି ୧୧ଟା ୧୫ ମଧ୍ୟରେ
– ଅଶୁଭ ସମୟ –
ଦିନ ୨ଟା ୪୦ ରୁ ଅପରାହ୍ନ ୪ଟା ୧୧ ମଧ୍ୟରେ
ପୁଷ୍କର ଦୋଷ ୧ ପାଦ ରହିବ, ରାତି ୯ଟା ୩୪ ପରେ ୨ ପାଦ
ପ୍ରତିକାର ସ୍ୱରୁପ ଗୋସଂପନ୍ନ,ଅନ୍ନ ଦାନ କରନ୍ତୁ
ମେଷ –
ଅଶ୍ୱିନୀ ନକ୍ଷତ୍ର –ପରିବାରରେ ଶାନ୍ତି, ଶୃଙ୍ଖଳା ରହିବ, ସବୁ କାମ ସୁନ୍ଦର ଭାବରେ ହୋଇଯିବ ।
ଦ୍ୱିଜା ନକ୍ଷତ୍ର – ଅନେକ ଦିନରୁ ଆଶା କରିଥିବା କାମ ଆଜି ପୁରା କରିବେ ।
କୃତ୍ତିକା ନକ୍ଷତ୍ର –ସ୍ୱାସ୍ଥ୍ୟ ପ୍ରତି ବିପଦ ରହିଛି, ପେଟଜନିତ ଯନ୍ତ୍ରଣା ଭୋଗ କରିବେ ।
ଉପାୟ: ଆଜି ହନୁମାନ ଭଗବାନଙ୍କର ଡାହାଣ ପାଦରୁ ସିନ୍ଦୁର ଆଣି ମଥାରେ ଲଗାନ୍ତୁ ।
ବୃଷ –
କୃତ୍ତିକା ନକ୍ଷତ୍ର – ଦିନଟି ଅତି ବ୍ୟୟବହୁଳ ରହିବ କିନ୍ତୁ ମନ ଖୁସି ରହିବ, କିଛି ନୂଆ ପ୍ରୋଜେକ୍ଟ ପାଇପାରନ୍ତି ।
ରୋହିଣି ନକ୍ଷତ୍ର -S ହୋଇପାରେ, ଦିନଟି ଶୁଭ ରହିବ ।
ମୃଗଶିରା ନକ୍ଷତ୍ର – କାହା ବୁଦ୍ଧି ଦ୍ୱାରା ପରିଚାଳିତ ହୋଇ ଅର୍ଥ ଲଗାନ୍ତୁ ନାହିଁ, ହଇରାଣରେ ପଡିପାରନ୍ତି ।
ଉପାୟ: ଗାଈକୁ କିଛି ଖାଇବାକୁ ଦିଅନ୍ତୁ ।
ମିଥୁନ –
ମୃଗଶିରା ନକ୍ଷତ୍ର – ଦୁରସଂପର୍କୀୟଙ୍କର କଥାକୁ ନେଇ ମନ ଅଶାନ୍ତ ରହିବ, ଯାହା ବି କରିବେ ଭାବିଚିନ୍ତି କରନ୍ତୁ ।
ଆଦ୍ରା ନକ୍ଷତ୍ର – ଧନ ଲାଭ ସହିତ ବନ୍ଧୁ ମିଳନର ଯୋଗ ରହିଛି, କର୍ମ କ୍ଷେତ୍ରରେ ପ୍ରଶଂସା ପାଇବେ ।
ପୂନର୍ବସୁ ନକ୍ଷତ୍ର – ପ୍ରିୟଜନଙ୍କ ଠାରୁ କୌଣସି ଦୁଃଖ ଖବର ପାଇପାରନ୍ତି, ଧୈର୍ଯ୍ୟ ହରାନ୍ତୁ ନାହିଁ ।
ଉପାୟ: ସ୍ନାନ ସମୟରେ ଘି କୁଆଁରୀ ଜଳରେ ମିଶାନ୍ତୁ ।
କର୍କଟ –
ପୁନର୍ବସୁ ନକ୍ଷତ୍ର – ବନ୍ଧୁମାନଙ୍କ ସହିତ କିଛି ଯୁକ୍ତିତର୍କ ହୋଇପାରେ, ଭାବିଚିନ୍ତି କଥା କୁହନ୍ତୁ ।
ପୁଷ୍ୟା ନକ୍ଷତ୍ର – ଦିନଟି ଭଲରେ କଟିବ,କୌଣସି ରୂପା ବସ୍ତୁ ପାଇପାରନ୍ତି, ଧନ ଲାଭର ଯୋଗ ରହିଛି ।
ଅଶ୍ଲେଷା ନକ୍ଷତ୍ର – ଆଜି ମା’ଙ୍କର ସ୍ବାସ୍ଥ୍ୟକୁ ନେଇ ଚିନ୍ତା କରିବେ, ଧୈର୍ଯ୍ୟ ହରା ହୁଅନ୍ତୁ ନାହିଁ ।
ଉପାୟ: କିଛି ଦହି କିମ୍ବା କ୍ଷୀର ତୁଳସୀ ଚଉରା ମୂଳରେ ଅର୍ପଣ କରନ୍ତୁ ।
ସିଂହ –
ମଘା ନକ୍ଷତ୍ର – କର୍ମକ୍ଷେତ୍ରରେ ପରିଶ୍ରମ ବଢିବ, କିନ୍ତୁ ସମ୍ମାନ ଯୋଗ ମଧ୍ୟ ରହିଛି ।
ପୂର୍ବାଫାଲଗୁନି ନକ୍ଷତ୍ର – ଦିନଟି ଭଲରେ କଟିବ, ପରିବାରରେ ହସ ଖୁସି ରହିବ ।
ଉତ୍ତରାଫାଲଗୁନୀ ନକ୍ଷତ୍ର – ଆଜି କୌଣସି ବାହନରେ ଯାଆନ୍ତୁ ନାହିଁ, ବିପଦ ରହିଛି ।
ଉପାୟ: ମାଛମାନଙ୍କୁ କିଛି ଦାନା ଦିଅନ୍ତୁ ।
କନ୍ୟା –
ଉତ୍ତରାଫାଲଗୁନୀ ନକ୍ଷତ୍ର -ଯେତେ ପରିଶ୍ରମ କରିଲେ ମଧ୍ୟ ଆଶାନୁସାରେ ଫଳ ପାଇବେ ନାହିଁ ।
ହସ୍ତା ନକ୍ଷତ୍ର – ଦିନଟି ଭଲ ରହିବ , ବିଶେଷ କରି ଛାତ୍ରଛାତ୍ରୀମାନଙ୍କ ପାଇଁ ।
ଚିତ୍ରା ନକ୍ଷତ୍ର – କଠିନ ପରିଶ୍ରମ କରିବେ, ଯାହା ଫଳରେ ସ୍ବାସ୍ଥ୍ୟଗତ ଅସୁସ୍ଥତା ଅନୁଭବ କରିବେ ।
ଉପାୟ: ମାଙ୍କଡମାନଙ୍କୁ କିଛି ଖାଦ୍ୟ ଦିଅନ୍ତୁ ।
ତୁଳା –
ଚିତ୍ରା ନକ୍ଷତ୍ର – ଆପଣଙ୍କ ବିରୁଦ୍ଧରେ ଗୁପ୍ତଶତ୍ରୁମାନେ ଷଡଯନ୍ତ୍ର କରିପାରନ୍ତି, ସତର୍କ ରହିଥିବେ ।
ସ୍ୱାତୀ ନକ୍ଷତ୍ର – ଆପଣଙ୍କ ଦିନଟି ଅତି ଭଲ ରହିବ, ପୂର୍ବରୁ ଲଗାିଥିବା ପୁଞ୍ଜିରୁ କିଛି ଅର୍ଥ ପାଇପାରନ୍ତି ।
ବିଶାଖା ନକ୍ଷତ୍ର – ସାମାନ୍ୟ କଥାରୁ ଝଗଡା ହୋଇପାରେ, ମାପିଚୁପି କଥା କୁହନ୍ତୁ ।
ଉପାୟ: କୂଅ ଜଳରେ କ୍ଷୀର କିଛି ଢାଳି ଦିଅନ୍ତୁ ।
ବିଛା –
ବିଶାଖା ନକ୍ଷତ୍ର – ମନ ଅଶାନ୍ତି ରହିବ, ଦିନଟ ଜଗି ରଖି ଚଳନ୍ତୁ
ଅନୁରାଧା ନକ୍ଷତ୍ର – ଭାଇର ସାହାଯ୍ୟରେ ନୂଆ କାମ ଆରମ୍ଭ କରିପାରନ୍ତି ।
ଜ୍ୟେଷ୍ଠା ନକ୍ଷତ୍ର – ସତର୍କ ରହିଥିବେ, ଦୁର୍ଘଟଣା ହୋଇପାରେ ।
ଉପାୟ: ନାଲି ରଙ୍ଗର କିଛି ବି ବ୍ୟବହାର କରନ୍ତୁ
ଧନୁ ରାଶି –
ମୂଳା ନକ୍ଷତ୍ର – ପୂର୍ବରୁ ରହିଥିବା କାମ ଆଜି ହିଁ ପୁରା କରନ୍ତୁ ମନ ଶାନ୍ତ ରହିବ ।
ପୂର୍ବାଷାଢା ନକ୍ଷତ୍ର – ବନ୍ଧୁମାନେ ଆପଣଙ୍କ କାମକୁ ନେଇ ପ୍ରଶଂସା କରିପାରନ୍ତି ।
ଉତ୍ତରାଷାଢା ନକ୍ଷତ୍ର – ସ୍ୱାସ୍ଥ୍ୟଗତ ସମସ୍ୟା ଦେଖାଦେଇପାରେ, ବାହାର ଖାଦ୍ୟ ଖାଆନ୍ତୁ ନାହିଁ ।
ଉପାୟ: ଗାଈକୁ କିଛି ଖାଦ୍ୟ ଦିଅନ୍ତୁ ।
ମକର ରାଶି –
ଉତ୍ତରାଷାଢା ନକ୍ଷତ୍ର – ପିଲାମାନଙ୍କ ବ୍ୟବହାରକୁ ନେଇ ମନ ଅସୁନ୍ତୁଷ୍ଟ ରହିବ, ପରିବାରରେ ଅଶାନ୍ତି ଦେଖାଦେବ ।
ଶ୍ରବଣା ନକ୍ଷତ୍ର – କୋର୍ଟ କଚେରୀ ମାମଲା ଥିଲେ ସେଥିରୁ ସଫଳତା ପାଇବେ ।
ଧନିଷ୍ଠା ନକ୍ଷତ୍ର -ବନ୍ଧୁମାନଙ୍କ ଯୋଗୁ ଅପ୍ରିତୀକର ପରିସ୍ଥିତିରେ ପଡିପାରନ୍ତି, ସତର୍କ ରୁହନ୍ତୁ ।
ଉପାୟ: କଳାରଙ୍ଗର ଚପଲ କୌଣସି ମନ୍ଦିରରେ ଦାନ କରନ୍ତୁ ।
କୁମ୍ଭ ରାଶି –
ଧନିଷ୍ଠା ନକ୍ଷତ୍ର – କର୍ମକ୍ଷେତ୍ରରେ ପରିଶ୍ରମ ଅଧିକ ରହିବ ।
ଶତଭିଷା ନକ୍ଷତ୍ର – ଅଧିକ ରୋଜଗାର କରିବେ, କିନ୍ତୁ ପରିବାରରେ ସାମାନ୍ୟ ମତାନ୍ତର ରହିବ ।
ପୂର୍ବଭାଦ୍ର ନକ୍ଷତ୍ର – ବାପାଙ୍କର ସ୍ୱାସ୍ଥ୍ୟଗତ ସମସ୍ୟା ଯୋଗୁ ଚିନ୍ତିତ ରହିବେ ।
ଉପାୟ: ସ୍ନାନଜଳରେ କିଛି ରକ୍ତଚନ୍ଦନ ବ୍ୟବହାର କରନ୍ତୁ ।
ମୀନ ରାଶି –
ପୂର୍ବଭାଦ୍ର ନକ୍ଷତ୍ର – କୌଣସି ବନ୍ଧୁବାନ୍ଧବଙ୍କ ଘରକୁ ଯାଆନ୍ତୁ ନାହିଁ, ସାମାନ୍ୟ କଥାକୁ ନେଇ ଅସମ୍ମାନୀତ ହେବେ ।
ଉତ୍ତରଭାଦ୍ର ନକ୍ଷତ୍ର – ସନ୍ତାନମାନଙ୍କ ପାଇଁ ଥିବା ଚିନ୍ତା ଦୂର ହେବ ।
ରେବତୀ ନକ୍ଷତ୍ର – ପରିଶ୍ରମ କରି ମଧ୍ୟ ତାର ଫଳାଫଳ ପାଇବେ ନାହିଁ ।
ଉପାୟ: ନିଜ ମୁଣ୍ଡ ଉପରେ ଗୋଲମରିଚ ବୁଲାଇ ରାସ୍ତାକୁ ଫିଙ୍ଗି ଦିଅନ୍ତୁ ।
ଜ୍ୟୋତିର୍ବିଦ୍ ସନ୍ଧ୍ୟାରାଣୀ ମିଶ୍ର
ଆଜି ସରୁଛି ରିୟାଙ୍କ ରିମାଣ୍ଡର ଅବଧି: ପୁଣି ଥରେ ଜାମିନ ପାଇଁ ଆବେଦନ କରିପାରନ୍ତି ରିୟା
ମୁମ୍ବାଇ: ଆଜି ବାହାରକୁ ଆସି ପାରନ୍ତି ସୁଶାନ୍ତଙ୍କ କଥାକଥିତ ଗର୍ଲଫ୍ରେଣ୍ଡ୍ ରିୟା ଚକ୍ରବର୍ତ୍ତି । ଗତ ୧୮ଦିନ ଜେଲରେ ରହିବା ପରେ ଆଜି ପୁଣିଥରେ ଜାମିନ ପାଇଁ ଆବେଦନ କରିପାରନ୍ତି ରିୟା ଚକ୍ରବର୍ତ୍ତି । ଡ୍ରଗ୍ସ ଲିଙ୍କ ନେଇ ଜେଲରେ ଥିବା ବଲିଉଡ୍ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ରିମାଣ୍ଡ ଅବଧି ଆଜି ଶେଷ ହେଉଛି ।
ଆପଣଙ୍କୁ କହି ରଖୁଛୁ ଯେ, ଡ୍ରଗ୍ସ କାରବାର ନେଇ ମୁମ୍ବାଇର ଏକ କୋର୍ଟ ସେପ୍ଟେମ୍ବର ୨୨ ତାରିଖ ପର୍ଯ୍ୟନ୍ତ ରିୟାଙ୍କୁ ଜେଲ ପଠାଇଥିଲେ । ଏନସିବିର ଆବେଦନ ଓ ସମସ୍ତ ପ୍ରମାଣ ଆଧାରରେ ଏହି ନିଷ୍ପତ୍ତି ନେଇଥିଲେ କୋର୍ଟ । ଡ୍ରଗ୍ସ ଲିଙ୍କ ନେଇ ଗତ ୬ ତାରିଖରେ ରିୟାଙ୍କୁ ଜେରା କରିଥିଲା ଏନସିବି । ଏହା ପରେ ୮ ତାରିଖରେ ଗିରଫ କରିଥିଲା । ୧୧ ତାରିଖରେ ଖାରଜ ହୋଇଥିଲା ରିୟାଙ୍କ ଜାମିନ୍ ଆବେଦନ । ତେବେ ଆଜି ପୁଣି ଥରେ କୋର୍ଟରେ ଜାମିନ ପାଇଁ ଆବେଦନ କରିପାରନ୍ତି ରିୟା ଚକ୍ରବର୍ତ୍ତୀ । ରିୟାଙ୍କ ପୂର୍ବରୁ ଡ୍ରଗ୍ସ କାରବାର ମାମଲାରେ ରିୟାଙ୍କ ଭାଇ ସୌଭିକ ମଧ୍ୟ ଜେଲରେ ଅଛନ୍ତି ।
ଅନ୍ୟପଟେ ଏନସିବି ଟାର୍ଗେଟରେ ବଲିଉଡ଼ । ଜଣଙ୍କ ପରେ ଜଣେ ବଡ଼ ବଡ଼ ଅଭିନେତ୍ରୀଙ୍କ ଡ୍ରଗ୍ସ ଲିଙ୍କ ଏବେ ନିଦ ହଜାଇଛି । ପ୍ରଥମେ ରିୟା ଆଉ ତାଙ୍କ ପରେ ଷ୍ଟାର କିଡ୍ସଙ୍କ ଡ୍ରଗ୍ସ ଲିଙ୍କ । ସୈଫଙ୍କ ଝିଅ ସାରାଙ୍କ ପରେ ଶକ୍ତି କପୁରଙ୍କ ଝିଅ ଶ୍ରଦ୍ଧା କପୁରଙ୍କ ଡ୍ରଗ୍ସ ଲିଙ୍କ ସାମ୍ନାକୁ ଆସିଛି ଆଉ ଏବେ ଏହି ଘଟଣାରେ ଯୋଡ଼ି ହୋଇଛି ଆଉ ଏକ ଚର୍ଚ୍ଚିତ ଚେହେରା । ଏବେ ବଲିଉଡ଼ର ମସ୍ତାନୀ ଦିପିକା ପାଦୁକୋନଙ୍କ ଡ୍ରଗ୍ସ ଲିଙ୍କ ସମସ୍ତଙ୍କ ହୋସ୍ ଉଡ଼ାଇଛି ।
ସହର ମୁହାଁ ଭାଲୁ: ସିସିଟିଭି ଦେଖି ଆତଙ୍କିତ ଲୋକେ
ମାଲକାନଗିରି: ସହରରେ ବୁଲୁଛି ଭାଲୁ ।ଜଙ୍ଗଲରେ ରହିବା ପରିବର୍ତ୍ତେ ସହରରେ ବୁଲିବାକୁ ମନବଳାଇଛି ଭାଲୁ । ଏବେ ଆସି ସହରୀ ଲୋକଙ୍କ ଘର ନିକଟରେ ରଜା ଭଳି ବୁଲୁଛି ଭାଲୁ । ସହରର ମୁଖ୍ୟ ରାସ୍ତାରେ ଖୁଲମଖୁଲ୍ଲା ଭାଲୁବୁଲୁଥିବାର ଦେଖିବାକୁ ମିଳିଛି । ଆଉ ଏହି ଦୃଶ୍ୟ କଏଦ ହୋଇଛି ସିସିଟିଭି କ୍ୟାମେରାରେ । ଆଉ ଏହି ଘଟଣାଟି ହେଉଛି ମାଲକାନଗିରି ସହରର ।
ଭିଡିଓଟିରେ ସ୍ପଷ୍ଟ ଦେଖାଯାଇଛି ଯେ ଭାଲୁଟି କିଭଳି ନିର୍ଭୟରେ ଓହ୍ଲାଇଛି ରାଜରାସ୍ତାକୁ । କେବଳ ସେତିକି ନୁହେଁ ଲୋକଙ୍କ ଘର ନିକଟରେ ବୁଲିବା ସହ ମୁଖ୍ୟ ରାସ୍ତାରେ ଖୁଲମଖୁଲ୍ଲା ବୁଲୁଛି ସେ । ତେବେ ସିସିଟିଭିର ଏହି ଭିଡ଼ିଓ ସାମ୍ନାକୁ ଆସିବାପରେ ଅଞ୍ଚଳରେ ଏକ ପ୍ରକାର ଆତଙ୍କ ସୃଷ୍ଟି ହୋଇଛି । ଏହାସହ ବନ ବିଭାଗ ତୁରନ୍ତ ଏହି ଭାଲୁକୁ କାବୁ କରିବାକୁ ଲୋକେ ଦାବି କରିଛନ୍ତି ।
ଏନ୍ସିବି ଟାର୍ଗେଟରେ ବଲିଉଡ ବିୟୁଟି, ଡ୍ରଗ୍ସକୁ ନେଇ ଏମିତି ମୁଲଚାଲ କରୁଥିଲେ ଦୀପିକା
ନୂଆଦିଲ୍ଲୀ: ସୁଶାନ୍ତ ସିଂଙ୍କ ମୃତ୍ୟୁ ପରେ ବଲିଉଡ଼ର ଗୋଟିଏ ପରେ ଗୋଟିଏ ଗୁମର ଖୋଲିବାରେ ଲାଗିଛି । ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ସହ ଡ୍ରଗ୍ସ ଲିଙ୍କ୍କୁ ତଦନ୍ତ କରୁଛି ଏନ୍ସିବି । ଆଉ ତଦନ୍ତ ପରେ ଫିଟିବାରେ ଲାଗିଛି ବଲିଉଡରେ ଡ୍ରଗ୍ସ କାରବାରର ବଡ଼ ଲିଙ୍କ । ଏହି ତଦନ୍ତରେ ବଲିଉଡର ବହୁ ବଡ଼ ବଡ଼ ତାରକାଙ୍କ ନାମ ବାହାରକୁ ଆସୁଛି । ଶ୍ରଦ୍ଧା କପୁର, ରକୁଲ ପ୍ରୀତ ସିଂ ଏବଂ ସାରା ଅଲି ଖାନଙ୍କ ପରି ଅନେକ ଉଦୀୟମାନ ତାରକାଙ୍କ ନାମ ଏଥିରେ ଯୋଡ଼ି ହୋଇଛି । ଆପଣ ଜାଣିଲେ ଆଶ୍ଚର୍ଯ୍ୟ ହେବେ ବର୍ତ୍ତମାନ ବଲିଉଡର ଅନ୍ୟତମ ପ୍ରମୁଖ ଅଭିନେତ୍ରୀ ଦୀପିକା ପାଦୁକୋନ ମଧ୍ୟ ଏହି ତଦନ୍ତରେ ଯୋଡ଼ି ହୋଇଛି ।
ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଦ୍ୱାରା କରାଯାଇଥିବା ଡ୍ରକ୍ସ ମାମଲାର ଯାଞ୍ଚ ବେଳେ ଦୀପିକା ପାଦୁକୋନ, ନମ୍ରତା ଶିରୋଦକର, ଶ୍ରଦ୍ଧା କପୁର ଏବଂ କରିସ୍ମା ଙ୍କ ନାମ ଆସିଥିଲା । ସେଥିମଧ୍ୟରୁ ସବୁଠାରୁ ଆଶ୍ଚର୍ଯ୍ୟଜନକ ଏବଂ ସବୁଠାରୁ ବଡ ନାମ ହେଉଛି ଦୀପିକା ପାଦୁକୋନଙ୍କ ନାମ । ଯାହାର ନାମ ଡ୍ରଗ୍ସ ମାମଲାରେ ଯୋଡ଼ି ହୋଇଛି ।
ଜୟା ସାହାଙ୍କ କମ୍ପାନୀ ମ୍ୟାନେଜର କରିସ୍ମାଙ୍କ ସହ ଦୀପିକା ପାଦୁକୋନଙ୍କ ଡ୍ରଗ୍ ଚାଟ୍ ସାମ୍ନାକୁ ଆସିଛି । ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ତଦନ୍ତ କରୁଥିବା ଏନସିବି ପକ୍ଷରୁ ଏହି ସୂଚନା ଦିଆଯାଇଛି ।ଏନସିବି ହ୍ୱାଟ୍ସଆପ ଚାଟ୍ ସଂଗ୍ରହ କରିଛି ଯେଉଁଥିରେ ଦୀପିକା ପାଦୁକୋନ୍ ଏବଂ କରିସ୍ମା ଡ୍ରଗ୍ସ ବିଷୟରେ କଥା ହେଉଛନ୍ତି । ଦୀପିକା ଏଥିରେ କରିସ୍ମାଙ୍କୁ ପଚାରୁଛନ୍ତି, ‘ତୁମ ପାଖରେ ମାଲ ଅଛି କି ?’ ଏହାର ଉତ୍ତରରେ କରିସ୍ମା କୁହନ୍ତି- ‘ହଁ … କିନ୍ତୁ ଘରେ ମାଲ ଅଛି । ଆଉ ମୁଁ ବାନ୍ଦ୍ରା ରେ ଅଛି … ‘
ଏହି ଚାଟରେ କରିସ୍ମା ଜଣେ ଅମିତଙ୍କ ନାମ ନେଇ କହିଛନ୍ତି ଯେ ମୁଁ ଅମିତକୁ ପଠାଇ ପାରିବି ତୁମ ପାଖକୁ । ଏହା ପରେ ଦୀପିକା କୁହନ୍ତି – ‘ହଁ, ଦୟାକରି ଜଲଦି ପଠାଅ ।’ କିଛି ସମୟ ପରେ କରିସ୍ମା କୁହନ୍ତି, ‘ଅମିତ ତୁମ ପାଖକୁ ମାଲ ନେଇ ଯାଇଛି ।’ ଏହା ଉପରେ ଦୀପିକା ପଚାରନ୍ତି – ‘ହାସ୍ ଅଛି କି ? କିନ୍ତୁ କରିସ୍ମା ହାସ୍ ନାହିଁ ଗଞ୍ଜେଇ ଅଛି ବୋଲି କହିଛନ୍ତି ।
ବଲିଉଡର ଡ୍ରଗ୍ସ ଲିଙ୍କ୍କୁ ପ୍ରକାଶ କରିବାକୁ ଚେଷ୍ଟା କରୁଥିବା ଏନସିବି ମଙ୍ଗଳବାର ଦିନ ଜୟା ସାହା, ତାଙ୍କ କମ୍ପାନୀର ମ୍ୟାନେଜର କରିସ୍ମା ଏବଂ ସୁଶାନ୍ତଙ୍କ ମ୍ୟାନେଜର ଶ୍ରୁତି ମୋଦୀଙ୍କୁ ପଚରାଉଚରା ପାଇଁ ଡ଼କରା ପଡ଼ିଛି । ଆଜିର ଏହି ଜେରା ପରେ କିଛି ବଡ ଖୁଲାସା ହୋଇଥିଲା ହୋଇପାରେ ବୋଲି ସୂଚନା ମିଳିଛି । ଶ୍ରଦ୍ଧା କପୁରଙ୍କ ବ୍ୟତୀତ ତିନିଜଣ ଅଭିନେତ୍ରୀଙ୍କ ଡ୍ରଗ୍ ଚାଟ୍ ମଧ୍ୟ ସାମ୍ନାକୁ ଆସିଛି।
ସନରାଇଜର୍ସ ଅଲଆଉଟ୍, ୧୦ ରନରେ ମ୍ୟାଚ୍ ଜିତିଲା ରୟାଲ ଚ୍ୟାଲେଞ୍ଜର୍ସ ବେଙ୍ଗଳୁରୁ
ଦୁବାଇ: ଦୁବାଇ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମରେ ଖେଳା ଯାଇଥିବା ଆଇପିଏଲ ୧୩ ସଂସ୍କରଣର ତୃତୀୟ ମ୍ୟାଚ୍ ସରିଛି । ଏହି ମ୍ୟାଚକୁ ୧୦ ରନରେ ଜିତି ନେଇଛି ବିରାଟ କୋହଲିଙ୍କ ନେତୃତ୍ୱାଧୀନ ରୟାଲ ଚ୍ୟାଲେଞ୍ଜର୍ସ ବେଙ୍ଗଳୁରୁ । ପ୍ରଥମେ ବ୍ୟାଟିଂ କରିଥିବା ଆରସିବି ନିର୍ଦ୍ଧାରିତ ୨୦ ଓଭରରେ ୫ ୱିକେଟ୍ ହରାଇ ୧୬୩ ରନ୍ କରିଥିଲା ।
ଦଳ ପକ୍ଷରୁ ଓପନର ଦବଦତ୍ତ ଡେବ୍ୟୁ ମ୍ୟାଚରେ ୫୬ ରନ୍ କରିଥିବା ବେଳେ ଏବଡେ ଭିଲିୟର୍ସ ୫୧ ରନ୍ କରିଥିଲେ । ୧୬୪ ରନର ପିଛା କରି ବ୍ୟାଟିଂ ଆରମ୍ଭ କରିଥିବା ସନରାଇଜର୍ସ ହାଇଦ୍ରାବାଦ ଆରମ୍ଭରୁ ବ୍ୟାଟିଂ ବିପର୍ଯ୍ୟର ସମ୍ମୁଖୀନ ହୋଇଥିଲା । ପ୍ରଥମେ ଡେଭିଡ୍ ୱାର୍ଣ୍ଣର ଉମେଶ ଯାଦବଙ୍କ ଦ୍ୱାରା ରନ୍ ଆଉଟ୍ ହୋଇଥିଲେ । ତାପରେ କ୍ରିଜରେ ଦଳର ସ୍କୋରକୁ ବଢ଼ାଇଥିଲେ ଜନି ଓ ମନୀଷ ଯୋଡ଼ି ।
ହେଲେ ତାପରେ ଜଣଙ୍କ ପରେ ଜଣେ ଆଉଟ୍ ହୋଇ ଚାଲିଥିଲେ । ହାଇଦ୍ରାବାଦ ପକ୍ଷରୁ ଜନି ସର୍ବାଧିକ ୬୧ ରନ୍ କରିଥିଲେ । ସନରାଇଜର୍ସ ଟସ୍ ଜିତି ଆରସିବିକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା । ଏଥିରେ ବିରାଟଙ୍କ ରୟାଲ ଚ୍ୟାଲେଞ୍ଜର୍ସ ବେଙ୍ଗଳୁରୁ ବାଜି ମାରି ନେଇଛି ।
କୋଭିଡ୍ ପରିଚାଳନାରେ ଓଡ଼ିଶା ରୋଲ୍ ମଡେଲ୍, ସୁରେଶ ସତ ନଜାଣି ରାଜନୀତି କରୁଛନ୍ତି- ବିଜେଡି
ଭୁବନେଶ୍ୱର: ରାଜ୍ୟ ସରକାରଙ୍କ କୋଭିଡ୍ ପରିଚାଳନା ନେଇ ବିଜେପି ଉଠାଇଥିବା ଅଭିଯୋଗର ଜବାବ ରଖିଛି ବିଜେଡି । ବିଜେପି ସାଂସଦ ସୁରେଶ ପୂଜାରୀ କରିଥିବା ଅଭିଯୋଗକୁ ବିଜେଡି ମୁଖପାତ୍ର ଲେନିନ୍ ମହାନ୍ତି ଖଣ୍ଡନ କରିଛନ୍ତି । ରାଜ୍ୟରେ କରୋନା ମୃତ୍ୟୁହାର ଜାତୀୟ ଓ ଅନ୍ତର୍ଜାତୀୟ ହାରଠାରୁ କମ୍ ରହିଛି ।
ସେହିଭଳି ରାଜ୍ୟରେ ସୁସ୍ଥତା ହାର କେନ୍ଦ୍ରୀୟ ହାରଠାରୁ ବେଶ୍ ଭଲ୍ ରହିଛି । ଠିକ୍ ସମୟରେ ଚିକିତ୍ସା ଓ କୋଭିଡ୍ କେୟାର ସେଣ୍ଟରରେ ଠିକ୍ ସହାୟତା ଦିଆଯାଉଛି । ଫଳରେ ରାଜ୍ୟ କୋଭିଡ୍ ପରିଚାଳନା କ୍ଷେତ୍ରରେ ଅନ୍ୟମାନଙ୍କ ପାଇଁ ରୋଲ୍ ମଡେଲ ପାଲଟିଛି ।
ବିଜେଡି ମୁଖପାତ୍ର ଲେନିନ୍ ମହାନ୍ତି କହିଛନ୍ତି- ସାଂସଦ ସୁରେଶ ପୂଜାରୀ ଓଡ଼ିଶାରେ ବେଶୀ ସମୟ ରହୁନାହାଁନ୍ତି । ଫଳରେ ସେ ସତ କଣ ଜାଣିନାହାଁନ୍ତି । କିଛି ଅଭିଯୋଗ ପୂର୍ବରୁ ସୁରେଶ ପ୍ରଥମେ ତଥ୍ୟକୁ ଦେଖିବା ପରେ କୁହନ୍ତୁ । କରୋନା ସଂକ୍ରମଣ ରୋକିବାକୁ ରାଜ୍ୟ ସରକାର ବିଭିନ୍ନ ପଦକ୍ଷେପ ଗ୍ରହଣ କରିଥିବା ବେଳେ ସୁରେଶଙ୍କ ମନ୍ତବ୍ୟ ରାଜନୈତିକ ପ୍ରଣୋଦିତ ବୋଲି ଲେନିନ୍ କହିଛନ୍ତି ।