ହରିୟାଣା: ଆଜି ହରିୟାଣାର ଅମ୍ବାଲା ଏୟାରବେସରେ ଭାରତୀୟ ବାୟୁସେନାରେ ସାମିଲ ହେବ ରାଫେଲ ଯୁଦ୍ଧ ବିମାନ । ଏଥିପାଇଁ ଏକ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯାଇଛି । କାର୍ଯ୍ୟକ୍ରମରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ସହ ଫ୍ରାନ୍ସର ପ୍ରତିରକ୍ଷା ମନ୍ତ୍ରୀ ଫ୍ଲୋରେନ୍ସ ପାର୍ଲେ ମଧ୍ୟ ଯୋଗ ଦେବେ । ପୂର୍ବରୁ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗ ଦେବେ ବୋଲି ଚର୍ଚ୍ଚା ହେଉଥିଲା ।
ପ୍ରଥମ ପର୍ଯ୍ୟାୟରେ ଭାରତକୁ ୫ଟି ରାଫେଲ ବିମାନ ଜୁଲାଇ ୨୯ରେ ଭାରତରେ ପହଁଚିଥିଲା । ବାୟୁସେନା ଅଧିକାରୀ ମାନେ ବର୍ତ୍ତମାନ ରାଫେଲକୁ ନେଇ ବିଭିନ୍ନ ଟ୍ରେନିଂ କରୁଛନ୍ତି । ଫ୍ରାନ୍ସରୁ ସହ ଭାରତ ସରକାର ୩୬ଟି ରାଫେଲ ପାଇଁ ଚୁକ୍ତି କରିଛନ୍ତି । ଭାରତୀୟ ବାୟୁ ସେନାକୁ ଆହୁରି ସଶକ୍ତ କରିବା ପାଇଁ ୫୯ ହଜାର କୋଟି ଟଙ୍କାର ଏହି ଚୁକ୍ତି କରାଯାଇଛି । ରାଫେଲରେ ଭାରତ ସରକାର ମେଡ ଇନ ଇଣ୍ଡିଆ ଯୁଦ୍ଧାସ୍ତ୍ର ଲଗେଇବା ପାଇଁ ପ୍ରକ୍ରିୟା ଆରମ୍ଭ କରିଛନ୍ତି ।
