ଭୁବନେଶ୍ୱର: ସହର ଖୋଲୁଛି, ସଂକ୍ରମଣ ବଢ଼ୁଛି । ରାଜଧାନୀରୁ ଗତ ୨୪ ଘଣ୍ଟାରେ ୨୯୫ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏଥିରୁ ୧୫୩ଟି ମାମାଲ କ୍ୱାରେଣ୍ଟାଇନରୁ ଆସିଥିବା ବେଳେ ୧୪୨ଟି ସ୍ଥାନୀୟ ସଂକ୍ରମଣ ବୋଲି ଜଣାପଡ଼ିଛି । ଏଥିସହ ଗତ ୨୪ ଘଣ୍ଟାରେ ରାଜଧାନୀରୁ ୧୫୮ ଜଣ ସଂକ୍ରମିତ ସୁସ୍ଥ ହୋଇଥିବା ନେଇ ସୂଚନା ଦେଇଛି ବିଏମସି । ନୂଆ ୨୯୫ ସଂକ୍ରମିତଙ୍କ ସହ ରାଜଧାନୀରେ ସଂକ୍ରମିତଙ୍କ ସଂଖ୍ୟା ୭୦୧୫ରେ ପହଞ୍ଚିଛି ।
କ୍ୱାରେଣ୍ଟାଇନରୁ ଚିହ୍ନଟ ସଂକ୍ରମିତଙ୍କ ମଧ୍ୟରେ ୨୮ ଜଣ ଏକ ବିସ୍କୁଟ ଫ୍ୟାକ୍ଟିର ବୋଲି ଜଣାପଡ଼ିଛି । ଚନ୍ଦକା ସ୍ଥିତ ଏକ ବିସ୍କୁଟ ଫ୍ୟାକ୍ଟ୍ରିର ୨୮ ଜଣଙ୍କ ନମୁନା କରୋନା ପଜିଟିଭ୍ ଆସିଛି । ସେହିଭଳି ପୋଲିସ ସିକ୍ୟୁରିଟି ୱିଙ୍ଗର ୩୨ ଜଣ ସଂକ୍ରମିତ ହୋଇଥିବା ଜଣାପଡ଼ିଛି । ରିଜର୍ଭ ପୋଲିସ କଲୋନୀରୁ ୮ ଜଣ, କିଟ୍ କ୍ୟାମ୍ପସରୁ ୧୧ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।
ତେବେ, ରାଜଧାନୀ ସମେତ ଖୋର୍ଦ୍ଧା ଜିଲ୍ଲାରେ ଟେଷ୍ଟିଂ ବଢ଼ୁଛି । ଏଥିଯୋଗୁଁ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବା ବିଏମସି କମିଶନର କହିଛନ୍ତି । ଆଶ୍ୱସ୍ତିର କଥା ହେଉଛି ରାଜଧାନୀବାସୀଙ୍କ ମଧ୍ୟରେ ରୋଗ ପ୍ରତିଶେଧକ ଶକ୍ତି ସୃଷ୍ଟି ହୋଇଛି । ନିକଟରେ ହୋଇଥିବା ସେରୋ ସର୍ଭେରୁ ଏହା ଜଣାପଡ଼ିଛି । ତେବେ, ରାଜଧାନୀରେ ସଂକ୍ରମଣ ଏବେ ଶୀର୍ଷରେ ରହିଛି । ଏହି ଏହି ଦୃଷ୍ଟିରୁ ଆଗାମୀ ଏକ ମାସ ସମସ୍ତଙ୍କ ପାଇଁ ଅତି ସମ୍ବେଦନଶୀଳ । ଏହି ସମୟରେ ସତର୍କତା ଅବଲମ୍ବନ କରାଗଲେ ଆଗକୁ ସଂକ୍ରମଣର ହାର ହ୍ରାସ ପାଇବ ବୋଲି କହିଛନ୍ତି ବିଏମସି କମିଶନର ।
କହିରଖୁଛୁ ପ୍ରଥମେ କରୋନା ମହାମାରୀ ଏବଂ ପରେ ବାତ୍ୟା କାରଣରୁ ଜୁନ ମାସ ଆରମ୍ଭରୁ ପିଲା ମାନଙ୍କୁ ଇଣ୍ଟରନେଟ ସମ୍ବଦ୍ଧୀୟ ସମସ୍ୟାର ସାମ୍ନା କରିବାକୁ ପଡ଼ୁଛି । ପଢାରେ କୌଣସି ପ୍ରକାରର ସମସ୍ୟା ନ ହେଉ ସେଥିପାଇଁ ଛାତ୍ରଛାତ୍ରୀଙ୍କୁ ଲମ୍ବା ରାସ୍ତା ଅତିକ୍ରମ କରିବାକୁ ପଡ଼ୁଛି । ବାତ୍ୟା ଯିବାର ପ୍ରାୟ ଏକ ମାସ ବିତି ଯାଇଥିବା ପରେ ମଧ୍ୟ ସ୍ଥିତି ସୁଧୁରିନି । ଏଭଳି ପରିସ୍ଥିତିରେ ଏକ ପିଲା National Commission for Protection of Child Rightsରେ ପହଞ୍ଚିଛି । ଖୁବଶୀଘ୍ର ଇଣ୍ଟରନେଟ ସମସ୍ୟା ସମାଧାନ ହୋଇଯବି ବୋଲି ସୁନିଶ୍ଚିତ କରିଛନ୍ତି ଆୟୋଗର ଅଧ୍ୟକ୍ଷ ପ୍ରିୟାଙ୍କ କାନୁନଗୋ । ଏଥିପାଇଁ ସେମାନେ ଜିଲ୍ଲା ଅଧିକାରୀ ଏବଂ ସଲ୍ୟୁଲାର କମ୍ପାନୀ ସହିତ ଯୋଗଯୋଗ କରିଛନ୍ତି ।
