ମାଲକାନଗିରି: ମାଲକାନଗିରି ଜିଲ୍ଲାରେ ଲଗାଣ ବର୍ଷା । ବେହାଲ ହୋଇଛି ସ୍ଥିତି । ଯୋଗାଯୋଗ ହୋଇଛି ବିଛିନ୍ନ । ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯାଇପାରୁ ନାହାନ୍ତି ଲୋକେ । ପାଣି ଘେରରେ ବନ୍ଦି ହୋଇ ରହିଛନ୍ତି ଶତାଧିକ ଗ୍ରାମବାସୀ । କାଲିମେଳା ବ୍ଲକ ଅନ୍ତର୍ଗତ ପୋଟେରୁ, କାଙ୍ଗୁରକୋଣ୍ଡା, ଏମଭି ୯୦, ଏମଭି ୯୬ ପୋଲ ଉପରେ ୪ ଫୁଟର ବନ୍ୟା ଜଳ ପ୍ରବାହିତ ହେଉଛି । ଫଳରେ ମାଲକାନଗିରି, କାଲିମେଳା ଓ କାଲିମେଳା ମୋଟୁ ମଧ୍ୟରେ ଯୋଗାଯୋଗ ବିଛିନ୍ନ ହୋଇଛି । ଉଭୟ ପାର୍ଶ୍ୱରେ ଲୋକେ ଅଟକି ରହିଛନ୍ତି । ଦୁଇ ଚକିଆଠାରୁ ଆରମ୍ଭ କରି ବଡ଼ ବଡ଼ ଟ୍ରକ ବସ୍ ମଧ୍ୟ ରାସ୍ତାର ଉଭୟ ପାର୍ଶ୍ୱରେ ଅଟକି ରହିଛି । ସତେ ଯେମିତି ଯାତାୟତ ସମ୍ପୂର୍ଣ୍ଣ ଠପ୍ ହୋଇଯାଇଛି ।
ମାଲକାନଗିରିରେ ଗତ ୯ ଘଣ୍ଟା ମଧ୍ୟରେ ୧୧୪ ମିମି ବର୍ଷା ହୋଇଥିବା ରେକର୍ଡ ହୋଇଛି । କାଲିମେଳା ପଡ଼ିଆ ବ୍ଲକରେ ବନ୍ୟା ଭଳି ପରିସ୍ଥିତି ସୃଷ୍ଟି ହେଇଛି । ଜିଲ୍ଲାରେ ଗତ ୨୪ ଘଣ୍ଟା ଧରି ଲଗାତାର ବର୍ଷା ଜାରି ରହିଛି । ଆଜି ସକାଳୁ ମାଥିଲି ବ୍ଲକ ଅନ୍ତର୍ଗତ ପାଙ୍ଗାମା ନଦୀରେ ଜଳସ୍ତର ବୃଦ୍ଧି ପାଇଛି । ପାଙ୍ଗାମା ପୋଲ ଉପରେ ୩ ଫୁଟ ପାଣି ପ୍ରବାହିତ ହେଉଛି । ଫଳରେ ଜୟପୁର- ମାଲକାନଗିରି ଯୋଗାଯୋଗ ବିଛିନ୍ନ ହୋଇଛି ।
ପଙ୍ଗାମ ପୋଲର ଉଭୟ ପାର୍ଶ୍ୱରେ ଯାନବାହନ ଅଟକି ରହିଥିବାର ଦେଖିବାକୁ ମିଳିଛି । ଜିଲ୍ଲାରେ ଥିବା ସବୁ ପୋଲ ତଳୁଆ ହୋଇଥିବାରୁ ପ୍ରତିବର୍ଷ ବର୍ଷାଦିନ ଆସିଲେ ଏହିଭଳି ସମସ୍ୟା ଦେଖାଦିଏ । ସେପଟେ କାଲିମେଳା ବ୍ଲକ ଅନ୍ତର୍ଗତ କାଙ୍ଗୁରକୋଣ୍ଡା ଠାରେ ସମ୍ପୁର୍ଣ୍ଣ ବନ୍ୟା ପରିସ୍ଥିତି ସୃଷ୍ଟି ହୋଇଛି । ମାଲକାନଗିରି ଓ କାଲିମେଳାକୁ ସଂଯୋଗ କରୁଥିବା ମୁଖ୍ୟ ରାସ୍ତା ଏବେ ପାଣିରେ ଉବୁଟୁବୁ ହେଉଛି ।
ଲିଖିତ ଦଲିଲ ଅନୁସାରେ ସୁଶାନ୍ତଙ୍କ ପରିବାର ତରଫରୁ ଫେବୃୟାରୀ ୧୯ ଏବଂ ୨୫ରେ ସୁଶାନ୍ତଙ୍କ ଜୀବନକୁ ବିପଦଥିବା ନେଇ ଅଭିଯୋଗ ଦାଖଲ ହୋଇଥିଲେ ମଧ୍ୟ ମୁମ୍ବାଇ ପୋଲିସ କୌଣସି ପଦକ୍ଷେପ ନେଇ ନଥିଲେ । ଅନ୍ୟ ପକ୍ଷରେ ଏଭଳି କୌଣସି କଥାକୁ ନେଇ ଅଭିଯୋଗ ଆସି ନଥିବା ଖଣ୍ଡନ କରିଛି ମୁମ୍ବାଇ ପୋଲିସ୍ । ଏହି ମାମଲାରେ ମୁମ୍ବାଇ ପୋଲିସ ଏଫଆଇଆର ରୁଜୁ କରିନଥିବା ଏବଂ ମୃତ୍ୟୁର ତଦନ୍ତ ଠିକ ଦିଗରେ ହୋଇନଥିବା ମଧ୍ୟ ଅଭିଯୋଗ ହୋଇଛି । ଯଦିଓ ଏହାର ପ୍ରାରମ୍ଭିକ ତଦନ୍ତ ହୋଇଛି, ତେବେ ତାହା ମଧ୍ୟ ଏକ ସପ୍ତାହରୁ ଅଧିକ ନୁହେଁ ।
ନିକଟରେ ଓକିଲ ରାଜୀବ ଧାଓ୍ୱନଙ୍କ ଏକ ଭିଡ଼ିଓ ସାମ୍ନାକୁ ଆସିଛି । ଯେଉଁଥିରେ ସେ ଭିଡ଼ିଓ କନଫରେନ୍ସିଂ ସମୟରେ ଚାଲିଥିବା ଶୁଣାଣି ବେଳେ ସିଗାରେଟ ଏବଂ ହୁକ୍କା ଟାଣୁଥିବା ନଜର ଆସିଛି । କିନ୍ତୁ କୋର୍ଟଙ୍କ ତରଫରୁ ଏହାକୁ ନେଇ କୌଣସି ପ୍ରତିକ୍ରିୟା ଦେଖିବାକୁ ମିଳିନାହିଁ । ଏହି ଘଟଣା ଗୁରୁବାରର । ଏହି ସମୟରେ ରାଜସ୍ଥାନର ହାଇକୋର୍ଟରେ ଜୟପୁର ବେଞ୍ଚ କଂଗ୍ରେସ ସହିତ ବହୁଜନ ସମାଜ ପାର୍ଟିର ଛଅ ବିଧାୟକଙ୍କ ମିଶ୍ରଣକୁ ଆହ୍ୱାନ ଦେଉଥିବା ଯାଚିକାକୁ ଶୁଣାଣି କରୁଥିଲେ । ହୁଏତ ଏହା ଅଦଲାତଙ୍କ ନଜରକୁ ଆସିନଥିବ ।
