ନୂଆଦିଲ୍ଲୀ: ଭାରତୀୟ ସାମରିକ ଶକ୍ତିକୁ ବଡ଼ ସଫଳତା । ରବିବାର ଦିନ ଭାରତୀୟ ନୌସେନା ଆରବ ସାଗରରେ ଥିବା ଯୁଦ୍ଧ ଜାହାଜ INS ଚେନ୍ନାଇରୁ ବ୍ରହ୍ମୋସ୍ ସୁପରସୋନିକ୍ କ୍ରୁଜ୍ କ୍ଷେପଣାସ୍ତ୍ର ସଫଳତାର ସହ ପରୀକ୍ଷଣ କରିଛି । ସୂଚନା ମୁତାବକ ବ୍ରହ୍ମୋସ୍ ସମ୍ପୂର୍ଣ୍ଣ ସଠିକ ଭାବରେ ତାଙ୍କ ଟାର୍ଗେଟକୁ ହିଟ୍ କରିଛି । ଏହି କାରଣରୁ ନୌସେନାର ଶକ୍ତି ବହୁଗୁଣିତ ହୋଇଛି । ସୁରକ୍ଷା ପାଇଁ ଏହାକୁ ଯୁଦ୍ଧ ଜାହାଜରେ ସ୍ଥାପନ କରାଯିବା ଉଚିତ ବୋଲି ଜଣାଯାଇଛି । ଏହା ଏକ ଦୂରଗାମୀ ମାରାତ୍ମକ କ୍ଷେପଣାସ୍ତ୍ର । ଯାହା ଭାରତୀୟ ଶାମରିକ ଶକ୍ତିକୁ ଅଦ୍ଭୁତ ଶକ୍ତି ପ୍ରଦାନ କରିବ ।

ଏହି ମଧ୍ୟରେ ଭାରତ ଅନେକ କ୍ଷେପଣାସ୍ତ୍ରର ପରୀକ୍ଷା କରିଛି । ଭାରତ ଶୁକ୍ରବାର ଦିନ ଓଡିଶାର ଏକ ପରୀକ୍ଷା କେନ୍ଦ୍ରରୁ ସ୍ୱଦେଶୀ ବିକଶିତ ‘ପୃଥିଭୀ-୨’ କ୍ଷେପଣାସ୍ତ୍ରକୁ ସଫଳତାର ସହ ପରୀକ୍ଷଣ କରାଯାଇଥିଲା । ପ୍ରତିରକ୍ଷା ସୂତ୍ରରୁ ପ୍ରକାଶ ଯେ, ସନ୍ଧ୍ୟା ୭.୩୦ ସମୟରେ ବାଲେସୋର ନିକଟସ୍ଥ ଚାନ୍ଦିପୁର ଠାରେ ଥିବା ଇଣ୍ଟିଗ୍ରେଟେଡ୍ ଟେଷ୍ଟ୍ ସେଣ୍ଟରୁ  ଲଞ୍ଚ ପ୍ୟାଡର ଅତ୍ୟାଧୁନିକ ପୃଷ୍ଠଭୂମିରୁ କ୍ଷେପଣାସ୍ତ୍ରକୁ ନିକ୍ଷେପ କରାଯାଇଥିଲା ଏବଂ ପରୀକ୍ଷା ସଫଳ ହୋଇଥିଲା।

ଭାରତ ଭୂପୃଷ୍ଠରୁ ଭୂପୃଷ୍ଠକୁ ସୁପରସୋନିକ୍ କ୍ରୁଜ୍ କ୍ଷେପଣାସ୍ତ୍ର ବ୍ରହ୍ମୋସର ଏହି ନୂତନ ସଂସ୍କରଣର ଏକ ପରୀକ୍ଷଣ କରିଛି । ଏହା ସହିତ ଆଣ୍ଟି-ରେଡିଏସନ୍ ମିସାଇଲ୍ ରୁଦ୍ରମ୍ -୧ ସହିତ ଅନେକ କ୍ଷେପଣାସ୍ତ୍ର ମଧ୍ୟ ପରୀକ୍ଷା କରାଯାଇଥିଲା । ଲେଜର ଗାଇଡ୍ ଆଣ୍ଟି ଟ୍ୟାଙ୍କ କ୍ଷେପଣାସ୍ତ୍ର ଏବଂ ଆଣବିକ କ୍ଷମତା ହାଇପରସୋନିକ୍ କ୍ଷେପଣାସ୍ତ୍ର ‘ଶୌର୍ଯ୍ୟ’ ମଧ୍ୟ ସଫଳତାର ସହ ପରୀକ୍ଷଣ କରାଯାଇଥିଲା । ରୁଦ୍ରାମ -୧ ର ସଫଳ ପରୀକ୍ଷଣ ଏକ ପ୍ରମୁଖ ସଫଳତା ଭାବରେ ଦେଖାଯାଏ କାରଣ ଏହା ଭାରତ ଦ୍ୱାରା ବିକଶିତ ହୋଇଥିବା ପ୍ରଥମ ଆଣ୍ଟି-ରେଡିଏସନ୍ ଅସ୍ତ୍ର ଅଟେ ।

ନୂଆଦିଲ୍ଲୀ: ଦକ୍ଷିଣ ଭାରତରେ ପ୍ରବଳ ବର୍ଷାର ପ୍ରଭାବ ଦେଖିବାକୁ ମିଳିଛି । ତୁହୁାକୁ ତୁହା ବର୍ଷାରେ ବେହାଲ ଜନ ଜୀବନ । ତେଲେଙ୍ଗାନା, ଆନ୍ଧ୍ରପ୍ରଦେଶ, କର୍ଣ୍ଣାଟକ, ମହାରାଷ୍ଟ୍ରରେ ପ୍ରବଳ ବର୍ଷା ହେତୁ ପରିସ୍ଥିତି ଚିନ୍ତାଜନକ ହୋଇପଡ଼ିଛି । ବର୍ଷା କାରଣରୁ କୃଷି ଜମି ବହୁ ମାତ୍ରାରେ କ୍ଷତିଗ୍ରସ୍ତ ହୋଇଛି । ହାଇଦ୍ରାବାଦରେ ରାସ୍ତାଗୁଡ଼ିକ ନଦୀ ପରି ବୁଡ଼ି ରହିଛି । ଯାହାଫଳରେ ଯାନବାହାନ ଚଳାଚଳ ମଧ୍ୟ ଅଧିକ ମାତ୍ରାରେ ପ୍ରଭାବିତ ହୋଇଛି । ପ୍ରବଳ ବର୍ଷା ପାଇଁ ହୋଇଥିବା ବନ୍ୟାରେ ଲୋକମାନେ ଲୋକମାନ ଅଧିକ ପ୍ରଭାବିତ ହୋଇଛନ୍ତି । ତେବେ ଶନିବାର ରାତିରେ ହାଇଦ୍ରାବାଦରେ ପ୍ରବଳ ବର୍ଷା ହୋଇଛି । ବର୍ତ୍ତମାନ ପର୍ଯ୍ୟନ୍ତ ସହରରେ ୫୦ ଜଣଙ୍କର ମୃତ୍ୟୁ ହୋଇଛି । ଏଥି ସହିତ, ପୂର୍ବ ଭାରତର ବଙ୍ଗୋପସାଗରରେ ସୃଷ୍ଟି ହେଉଛି ଆଉ ଏକ ଲଘୁଚାପ । ଯାହାଫଳରେ ଦୁର୍ଗା ପୂଜା ସମୟରେ ବର୍ଷା ହେବାର ସମ୍ଭାବନା ରହିଛି ।

ଶନିବାର ଦିନ ପ୍ରବଳ ବନ୍ୟା ଓ ବର୍ଷା ସହରର ବିଭିନ୍ନ ସ୍ଥାନରେ ହଇଚଇ ସୃଷ୍ଟି କରିବା ପରେ ସହରର ବିଭିନ୍ନ ସ୍ଥାନରେ ପ୍ରବଳ ବର୍ଷା ରେକର୍ଡ କରାଯାଇଥିଲା । ରାସ୍ତାଘରେ ଜଳ ବନ୍ଦି କାରଣରୁ ଯାତାୟାତ ବ୍ୟାହତ ହୋଇଥିଲା । ସହରର ଅନ୍ୟାନ୍ୟ ଅଞ୍ଚଳରେ ମଧ୍ୟ ପ୍ରବଳ ବର୍ଷା ହୋଇଥିଲା । ଜିଏଚ୍‌ଏମ୍‌ସି ମନିଟରିଂ ଆଣ୍ଡ ବିପର୍ଯ୍ୟୟ ପରିଚାଳନା ନିର୍ଦ୍ଦେଶକ ବିଶ୍ୱଜିତ କାମାପତିଙ୍କ ଏକ ଟୁଇଟ୍‌ ଅନୁଯାୟୀ ଗ୍ରେଟର ହାଇଦ୍ରାବାଦ ମ୍ୟୁନିସିପାଲିଟି କର୍ପୋରେସନ୍‌ (ଜିଏଚ୍‌ଏମ୍‌ସି) ର ବିପର୍ଯ୍ୟୟ ମୁକାବିଲା କର୍ମଚାରୀମାନେ ଲଗାତାର ରାସ୍ତାରୁ ପାଣି ହଟାଇବା ଓ ବନ୍ୟା ପରିସ୍ଥିତିରେ ଉଦ୍ଧାର କାର୍ଯ୍ୟ କରୁଛନ୍ତି । ରବିବାର ସହରର କେତେକ ସ୍ଥାନରେ ବଜ୍ରପାତ ସହ ହାଲୁକା ଏବଂ ମଧ୍ୟମ ବର୍ଷା ହେବାର ପୂର୍ବାନୁମାନ କରିଛି ପାଣିପାଗ ବିଭାଗ । ବର୍ଷା ଓ ବନ୍ୟା ଯୋଗୁଁ ହାଇଦ୍ରାବାଦରେ ଏପର୍ଯ୍ୟନ୍ତ ୫୦ ଜଣଙ୍କର ମୃତ୍ୟୁ ଘଟିଛି । ଆନ୍ଧ୍ରପ୍ରଦେଶର ସିଏମ କେନ୍ଦ୍ରରୁ ୨,୨୫୦ କୋଟି ଟଙ୍କା ମାଗିଛନ୍ତି ।

ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଓ୍ୱାଇ ଏସ୍‌ ଜଗନ ମୋହନ ରେଡ୍ଡୀ ଗତ ସପ୍ତାହରେ କେନ୍ଦ୍ର ମନ୍ତ୍ରୀ ଅମିତ ଶାହାଙ୍କୁ ଏକ ଚିଠି ଲେଖିଛନ୍ତି । ବର୍ଷା ଓ ବନ୍ୟା ପରେ ମରାମତି ଏବଂ ପୁନରୁଦ୍ଧାର କାର୍ଯ୍ୟ ପାଇଁ କେନ୍ଦ୍ର ତୁରନ୍ତ ୨,୨୫୦ କୋଟି ଟଙ୍କା ସହାୟତା ମାଗିଛି । ମୁଖ୍ୟମନ୍ତ୍ରୀ କହିଛନ୍ତି ଯେ ପ୍ରାଥମିକ ଆକଳନ ଅନୁଯାୟୀ ଅକ୍ଟୋବର ୯ ରୁ ୧୩ ପର୍ଯ୍ୟନ୍ତ ପ୍ରବଳ ବର୍ଷା ଏବଂ ପରବର୍ତ୍ତୀ ବନ୍ୟା ଯୋଗୁଁ ପ୍ରାୟ ୪,୪୫୦ କୋଟି ଟଙ୍କା କ୍ଷତି ଘଟିଛି । ମୁଖ୍ୟମନ୍ତ୍ରୀ କହିଛନ୍ତି ଯେ ରାସ୍ତା ଓ ବିଦ୍ୟୁତ୍ କେନ୍ଦ୍ର ଏବଂ ପୋଲ ବହୁ କ୍ଷତିଗ୍ରସ୍ତ ହୋଇଛି । ହଜାର ହଜାର ଏକର ଉପରେ ଠିଆ ହୋଇଥିବା ଫସଲ ନଷ୍ଟ ହୋଇଯାଇଛି ।