ଭୁବନେଶ୍ୱର: ଗତ କିଛି ଦିନ ମଧ୍ୟରେ ନୂଆ କରୋନା ଆକ୍ରାନ୍ତ ଚିହ୍ନଟ ହେବା ପରେ ରାଜ୍ୟବାସୀଙ୍କ ଚିନ୍ତା ବଢ଼ାଇଥିଲା । କିନ୍ତୁ ଏଥିସହିତ ଜଣଙ୍କ ପରେ ଜଣେ ରୋଗୀ ସୁସ୍ଥ ହେବା ଲୋକଙ୍କୁ କିଛିଟା ଆଶ୍ୱସ୍ତି ଦେଇଛି । ରାଜ୍ୟରେ ସୁସ୍ଥ ହୋଇଛନ୍ତି ଆଉ ୨ କରୋନା ଆକ୍ରାନ୍ତ । ସୁସ୍ଥ ହୋଇଥିବା ୨ ଜଣ ବ୍ୟକ୍ତି ଭୁବନେଶ୍ୱରର । ଏ ନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ୱିଟ୍ ଯୋଗେ ସୂଚନା ଦିଆଯାଇଛି । ଏଥିସହିତ ରାଜ୍ୟରେ ମୋଟ ସୁସ୍ଥ ହୋଇଥିବା ରୋଗୀଙ୍କ ସଂଖ୍ୟା ୩୨ରେ ପହଞ୍ଚିଛି ।
ବାଲେଶ୍ୱରରୁ ଆଉ ୫ କରୋନା ପଜିଟିଭ୍ ଚିହ୍ନଟ… ସଂକ୍ରମିତଙ୍କ ସଂଖ୍ୟା ୮କୁ ବୃଦ୍ଧି
କାଇରୋ : ଆମେରିକା ଠାରୁ ସବୁଠୁ ଅଧିକ ସାହାଯ୍ୟ ପାଉଥିବା ଦେଶ ମଧ୍ୟରୁ ଗୋଟିଏ ଦେଶ ମିଶର ମଙ୍ଗଳବାର ମେଡିକାଲ ସପ୍ଲାୟ ରେ ଭର୍ତ୍ତି ଏକ ବିମାନ ନିଜ ଆଡ଼ୁ ଆମେରିକାକୁ ପଠାଇଛି । କରୋନା ଭାଇରସ ସହ ଲଢ଼େଇ କରିବା ପାଇଁ ମିଶର ଆମେରିକାକୁ ଏହି ସାହାଯ୍ୟ କରିଛି ।
ଇଜିପ୍ଟରେ ଜେନେରାଲରୁ ରାଷ୍ଟ୍ରପତି ହୋଇଥିବା ଅବ୍ଦେଲ ଫତହ ଅଲ-ସିସୀ ଆମେରିକା ରାଷ୍ଟ୍ରପତି ଡୋନାଲ୍ଟ ଟ୍ରମ୍ପଙ୍କ ସହ ସବୁବେଳେ ଭଲ ସମ୍ପର୍କ ବଜାୟ ରଖି ଆସିଛନ୍ତି । କରୋନା ଭାଇରସ ବିରୋଧରେ ଲଢେଇ ପାଇଁ ଚୀନ ଏବଂ ଇଟାଲୀକୁ ବି ମେଡିକାଲ ସପ୍ଲାୟ ପଠାଇଛନ୍ତି ।
ସିସୀଙ୍କ କାର୍ଯ୍ୟାଳୟ ପକ୍ଷରୁ ଏକ ଭିଡିଓ ଜାରି କରି କହିଛନ୍ତି ଯେ, ଇଜିପ୍ଟ ବାସୀଙ୍କ ତରଫରୁ ଆମେରିକା ପାଇଁ ସାହାଯ୍ୟ । ଭିଡିଓରେ ମିଲିଟାରୀ କୋର୍ଗୋ ପ୍ଲେନରେ ମେଡିକାଲ ସପ୍ଲାଇ ଲୋଡ କରାଯାଉଥିବା ଦେଖିବାକୁ ମିଳିଛି ।
ନୂଆଦିଲ୍ଲୀ: ଏପ୍ରିଲ୍ ୨୨ ସୁଦ୍ଧା ଦେଶରେ ୧୯ ହଜାର ୯୮୩ ଲୋକ କରୋନାରେ ସଂକ୍ରମିତ ହୋଇ ସାରିଛନ୍ତି । ଯଦିଓ ଭାରତର ସ୍ଥିତି ୟୁରୋପ, ଇଟାଲୀ ଓ ଆମେରିକା ଠାରୁ ଭଲ୍ ଅଛି । କିନ୍ତୁ ଏହି ସ୍ଥିତି ମେ ମାସରେ ବିଗିଡ଼ି ଯାଇପାରେ । ଅର୍ଥାତ୍ ଆମେରିକା ଭଳି ଦେଶରେ କରୋନା ତାର କାୟାକୁ ପ୍ରସାର କରିପାରେ । ଭାରତରେ ଏବେ ଯେଉଁ ସ୍ଥିତି ଅଛି ତାହା ମେ ମାସ ମଧ୍ୟଭାଗ ବେଳକୁ ଆହୁରି ଉଗ୍ର ହେବ । ତା ପରେ ସଂକ୍ରମଣ ସଂଖ୍ୟା ଧୀରେ ଧୀରେ ହ୍ର।ସ ପାଇବ ବୋଲି ପ୍ରୋଟିଭିଟ ନାମକ ଏକ ସଂସ୍ଥା ଅନୁମାନ ଲଗାଇଛି । ଚୀନ ଓ ଦକ୍ଷିଣ କୋରିଆ ସ୍ଥିତିକୁ ବିଶ୍ଲେଷଣ କରି ଭାରତରେ ମେ ୨୨ ତାରିଖ ବେଳକୁ କରୋନା ସଂକ୍ରମିତଙ୍କ ସଂଖ୍ୟା ୭୫ ହଜାର ଅତିକ୍ରମ କରିଯିବ ବୋଲି ସଂସ୍ଥା ଅନୁମାନ କରିଛି ।
ସଂକ୍ରମଣକୁ ତିନି ପର୍ଯ୍ୟାୟରେ ବିଭକ୍ତ କରି ଏହାର ସମୀକ୍ଷା କରାଯାଇଥିଲା । ମାସକୁ ମାସ କେତେ ସଂକ୍ରମଣ ହେବ, ଏଥିପାଇଁ କେତେ ସମୟ ଲାଗୁଛି ଏବଂ କେତେ ସଂକ୍ରମିତ ହେଉଛନ୍ତି ତାକୁ ନେଇ ତିନି ସ୍ତରରେ ସମୀକ୍ଷା କରାଯାଇ ଏପରି ଏକ ରିପୋର୍ଟ ପ୍ରସ୍ତୁତ କରିଛି ପ୍ରୋଟିଭିଟ ସଂସ୍ଥା । ଏହି ମଡେଲ ଇଟାଲୀ ଓ ଆମେରିକାରେ ପ୍ରୟୋଗ ହୋଇସାରିଥିବାବେଳେ ସଂସ୍ଥା ଏବେ ଭାରତରେ ପ୍ରୟୋଗ କରୁଛି ।
ସଂସ୍ଥାର ପୂର୍ବାନୁମାନ ଅନୁସାରେ ଯଦି ମେ ୩ ପରେ ଲକଡାଉନ ହଟାଯିବ ତେବେ ସଂକ୍ରମଣ ହାର ୦.୮ ପ୍ରତିଶତ ରହିବ । ସେହିପରି ମେ ୧୫ ଯାଏଁ ଲକଡାଉନ ଅବଧି ବୃଦ୍ଧି କରାଗଲେ ତେବେ ସେପ୍ଟେମ୍ବର ୧୫ ସୁଦ୍ଧା ସଂକ୍ରମଣ ହାର ଶୂନରେ ପହଞ୍ଚିଯିବ । ସେହିଭଳି ଯଦି ମେ ୩୦ ଯାଏଁ ଲକଡାଉନ ବଳବତ୍ତର ରହିବ ତେବେ ଜୁନ୍ ମଧ୍ୟଭାଗରେ ସଂକ୍ରମଣ ହାର ଶୂନରେ ପହଞ୍ଚିଯିବ ।
ମୁମ୍ବାଇ : ଦେଶର କୋରନା ଦ୍ୱାରା ଅଧିକ ପ୍ରଭାବିତ ହୋଇଛି ମହାରାଷ୍ଟ୍ର । କରୋନାଭାଇରସ୍ ପାଇଁ ଲକଡାଉନ ଲାଗୁହୋଇଥିବା ବେଳେ ଲକଡ଼ାଉନକୁ କଡ଼ାକଡ଼ି ଭାବେ ଲାଗୁ କରିବା ପାଇଁ ପ୍ରଶାସନ ଅହରହ ପ୍ରୟାସ କରୁଛି । କରୋନା ବିରୋଧୀ ଲଢେଇରେ ଆଗଧାଡିରେ ଛିଡା ହୋଇଥିବା ଯୋଦ୍ଧା ଏବେ ଏହାର ଶିକାର ହେଉଛନ୍ତି । ପ୍ରଥମେ ଡାକ୍ତର ପରେ ନର୍ସ ଏବେ ଦେଶର ସୁରକ୍ଷା ପାଇଁ ଦିନରାତି ଜଗି ରହୁଥିବା ପୋଲିସ୍ ମଧ୍ୟ ଏଥିରୁ ବର୍ତ୍ତି ନହାଁନ୍ତି ।
ଦିନରାତି ଡ୍ୟୁଟିରେ ୬୪ ଜଣ ପୋଲିସ୍, କରୋନା ପଜିଟିଭ୍ ଥିବା ଖବର ଆସିଛି । ଏଥିରେ ୧୨ ଜଣ ଅଧିକାରୀ ଥିବାବେଳେ ୫୨ ଜଣ କନଷ୍ଟେବଳ ଅଛନ୍ତି । ସେଥିମଧ୍ୟରୁ ୩୪ଜଣ ପୋଲିସ ମୁମ୍ବାଇରୁ ଆସିଛନ୍ତି ଯେଉଁଠାରେ ସର୍ବାଧିକ କରୋନା ରୋଗୀ ଚିହ୍ନଟ ହୋଇଛନ୍ତି । ଏହାପୂର୍ବରୁ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ମୁମ୍ବାଇସ୍ଥିତ ସରକାରୀ ବାସଭବନରେ କାର୍ଯ୍ୟ କରୁଥିବା ମହିଳା ପୋଲିସ୍ କରୋନା ପଜିଟିଭ୍ ବୋଲି ଜଣାପଡିଛି ।
ମୁଖ୍ୟମନ୍ତ୍ରୀଙ୍କ ବାସଭବନରୁ ମହିଳା ଏଏସଆଇ କରୋନା ସଂକ୍ରମିତ ହେବା ପରେ ଏଠାରେ ଥିବା ଆଉ ୬ଜଣ ପୋଲିସ କର୍ମଚାରୀଙ୍କୁ କ୍ୱାରେଣ୍ଟାଇନରେ ରଖାଯାଇଛି। ଅଧିକାରୀଙ୍କ କହିବାନୁସାରେ, ମାଲାବାର ହିଲରେ ଥିବା ସିଏମଙ୍କ ସରକାରୀ ବାସଭବନ ‘ବର୍ଷା’ରେ ଦୁଇ ଦିନ ପୂର୍ବରୁ ଜଣେ ସହକାରୀ ପୋଲିସ ଇନ୍ସପେକ୍ଟର ଏବଂ ଜଣେ କନଷ୍ଟେବଳଙ୍କୁ ନିୟୋଜିତ କରାଯାଇଥିଲା।
ମୁଖ୍ୟମନ୍ତ୍ରୀଙ୍କ ବାସଭବନରେ ପହଞ୍ଚିଲା କରୋନା
ଯେତେବେଳେ ସେମାନଙ୍କର କରୋନା ନମୁନା ନିଆଗଲା, ସେତେବେଳେ ଏଏସଆଇ କରୋନା ପଜିଟିଭ୍ ଚିହ୍ନଟ ହୋଇଥିଲେ । ତେବେ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ବର୍ତ୍ତମାନ ବାନ୍ଦ୍ରାସ୍ଥିତ ତାଙ୍କ ବାସଭବନ ‘ମାତୋଶ୍ରୀ’ରେ ରହୁଛନ୍ତି ଏବଂ ବେଳେବେଳେ ସରକାରୀ କାର୍ଯ୍ୟ ହେତୁ ସେ ‘ବର୍ଷା’କୁ ଆସନ୍ତି । ଅନ୍ୟପଟେ ମୁମ୍ବାଇରେ କରୋନା ସଂକ୍ରମଣ କ୍ରମାଗତ ଭାବେ ବୃଦ୍ଧି ପାଉଛି ।
ମୁମ୍ବାଇରେ କରୋନା ରୋଗୀଙ୍କ ସଂଖ୍ୟା ୩ ହଜାର ପାର
ଏଠାରେ କରୋନା ରୋଗୀଙ୍କ ସଂଖ୍ୟା ୩ ହଜାର ଅତିକ୍ରମ କରିଛି । ସମଗ୍ର ଦେଶରେ କରୋନାର ସର୍ବାଧିକ ମାମଲା ମୁମ୍ବାଇରୁ ଆସିଛି। ଏପ୍ରିଲ୍ ୯ରୁ ଏପ୍ରିଲ୍ ୨୦ ମଧ୍ୟରେ ଏଠାରେ ରେଡ୍ ଜୋନ୍ ଅଞ୍ଚଳ ସଂଖ୍ୟା ୧୧୩ ପ୍ରତିଶତ ବୃଦ୍ଧି ପାଇ ସଂଖ୍ୟା ୩୮୧ ରୁ ୮୧୩କୁ ବୃଦ୍ଧି ପାଇଛି।
ମହାରାଷ୍ଟ୍ରରେ କରୋନା ଭାଇରସ୍ ସଂକ୍ରମିତ ଲୋକଙ୍କ ସଂଖ୍ୟା ୫୨୦୦ରୁ ଅଧିକ ହୋଇଛି । ଏଥି ସହିତ ଦେଶରେ ମୋଟ ସଂକ୍ରମିତ ଲୋକଙ୍କ ସଂଖ୍ୟା ୧୯ହଜାର ୯୦୦ଅତିକ୍ରମ କରିଛି।
ଭୁବନେଶ୍ୱର: କରୋନା ସଂକ୍ରମଣ ପାଇଁ ସାରା ଦେଶକୁ ଲକଡାଉନ କରାଯାଇଛି । ଯାହାପାଇଁ ପାଠପଢ଼ା ସମ୍ପୂର୍ଣ୍ଣ ଭାବେ ଠଫ୍ ହୋଇଯାଇଛି । ସେପଟେ ଏହି ସମୟରେ ପିଲା ଯେମିତି ଘରେ ରହି ପାଠ ପଢ଼ିପାରିବେ ସେନେଇ ରାଜ୍ୟ ସରକାର ପଦକ୍ଷେପ ନେଇଛନ୍ତି । ତେବେ ଏନେଇ ଆସନ୍ତା ୫ ଦିନ ଭିତରେ ସାରା ରାଜ୍ୟରେ ବଣ୍ଟାଯିବ ପାଠ୍ୟ ପୁସ୍ତକ । ପ୍ରଥମରୁ ୮ମ ଶ୍ରେଣୀ ଛାତ୍ରଛାତ୍ରୀଙ୍କ ପାଖରେ ପହଞ୍ଚିବ ପାଠ୍ୟ ପୁସ୍ତକ ।
ଏନେଇ ଓଡ଼ିଶା ବିଦ୍ୟାଳୟ ଶିକ୍ଷା କାର୍ଯ୍ୟକ୍ରମ ପ୍ରାଧିକରଣ, ଓପେପାର ରାଜ୍ୟ ପ୍ରକଳ୍ପ ନିର୍ଦ୍ଦେଶକ ଭୂପେନ୍ଦ୍ର ସିଂହ ପୁନିଆ ସବୁ ଜିଲ୍ଲା ଶିକ୍ଷା ଅଧିକାରୀ ଓ ଜିଲ୍ଲା ପ୍ରକଳ୍ପ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି । ସବୁ ବ୍ଲକରେ ବହି ପହଞ୍ଚିସାରିଛି । ବ୍ଲକ ଶିକ୍ଷା ଅଧିକାରୀଙ୍କ ତତ୍ୱାବଧାନରେ ସ୍କୁଲରେ ବହି ପହଞ୍ଚାଇବାକୁ ନିର୍ଦ୍ଦେଶ ରହିଛି । ସ୍କୁଲରେ ବହି ପହଞ୍ଚିବା ପରେ ପ୍ରଧାନଶିକ୍ଷକମାନେ ସ୍କୁଲରେ କାଉଣ୍ଟର ଖୋଲି ବହି ବାଣ୍ଟିବେ । ଆବଶ୍ୟକସ୍ଥଳେ ଘରକୁ ଯାଇ ବହି ବାଣ୍ଟିବାକୁ ନିର୍ଦ୍ଦେଶ ରହିଛି । ତେବେ ହଟ୍ସ୍ପଟ୍ ଓ କଣ୍ଟେନ୍ମେଣ୍ଟ ଜୋନ୍ରେ କିନ୍ତୁ ବହି ବଣ୍ଟାଯିବ ନାହିଁ । ବହି ଦେବା ସମୟରେ ସାମାଜିକ ଦୂରତା, ସ୍ୱଚ୍ଛତାକୁ ଗୁରୁତ୍ୱ ଦେବା ସହ ଜିଲ୍ଲାପାଳଙ୍କୁ ଅବଗତ କରାଇବେ ।
ଲକ୍ଷ୍ନୌ- ଦେଶରେ କରୋନା ଭାଇରସ ସଂକ୍ରମଣ ମାମଲା ଦିନକୁ ଦିନ ବଢ଼ିବାରେ ଲାଗୁଛି । କେନ୍ଦ୍ର ସରକାର ରାଜ୍ୟ ସରକାରଙ୍କ ସହ ମିଶି କରୋନା ବିରୋଧରେ ଯୁଦ୍ଧ ଲଢୁଛନ୍ତି । ଇତିମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲଗାତାର ଭିନ୍ନ ଭିନ୍ନ ବର୍ଗରଏବଂ ଅଞ୍ଚଳର ଲୋକଙ୍କ ଆଲୋଚନା କରୁଛନ୍ତି । ଏହି ମଧ୍ୟର ପ୍ରଧାନମନ୍ତ୍ରୀ ମୋଦି କୁଶୀନଗର ଜିଲ୍ଲାର ୧୦୬ ବର୍ଷିୟ ପୂର୍ବତନ ବିଧାୟକ ନାରାୟଣଙ୍କ ସହ ଫୋନ ଯୋଗେ କଥା ହୋଇଛନ୍ତି ।
ଉତ୍ତର ପ୍ରଦେଶର କୁଶୀନଗର ଜିଲ୍ଲାର ନୈରଙ୍ଗିୟା ବିଧାନସଭାର ପୂର୍ବତନ ବିଧାୟକ ନାରାୟଣଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଲୋଚନା କରିଛନ୍ତି । ପ୍ରଧାନମନ୍ତ୍ରୀ ତାଙ୍କ ସ୍ୱାସ୍ଥ୍ୟ ବିଷୟରେ ପଚାରି ବୁଝିଲେ । ପୂର୍ବ ବିଧାୟକ ନାରାୟଣଙ୍କୁ ବର୍ତ୍ତମାନ ୧୦୬ ବର୍ଷ ବୟସ ଏବଂ ନୈରଙ୍ଗିୟା ବିଧାନସଭାରୁ ସେ ନିର୍ବାଚନ ଲଢ଼ିଥିଲେ ।
ପିଏମ୍ ମୋଦି ତାଙ୍କ ସହ ଆଲୋଚନା କରିବା ବେଳେ ରହିଥିଲେ ଯେ, ଆପଣ ଆପଣଙ୍କ ଜୀବନର ୧୦୦ ବର୍ଷ ଦେଖିଛନ୍ତି । ଏହି ସଙ୍କଟ ସମୟରେ ଆପଣଙ୍କ ଆଶୀର୍ବାଦ ନେବା ପାଇଁ ଆଶା କରୁଛି । ଏହା ସହିତ ମୋଦି କହିଲେ ଯେ, ଆପଣଙ୍କ ପାଖରୁ ଯାହା କିଛି ସିଖିଛି ତାହା କାମରେ ଆସୁ । ଏତିକି ହି ମୋର କାମନା । ଅନ୍ୟପଟେ ପୂର୍ବ ବିଧାୟକ ନାରାୟଣ ମୋଦିଙ୍କୁ କହିଲେ ଯେ, ଆପଣ ସୁସ୍ଥ ରୁହନ୍ତୁ ଏବଂ ଦେଶର ନେତୃତ୍ୱ କରନ୍ତୁ ।
ଭୁବନେଶ୍ୱର: ସରପଞ୍ଚଙ୍କୁ ଦାୟିତ୍ୱର ଶପଥପାଠ କରାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରାଜ୍ୟରେ କରୋନାର ମୁକାବିଲା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟର ୬୭୯୮ ପଞ୍ଚାୟତର ସରପଞ୍ଚମାନଙ୍କୁ ଦାୟିତ୍ୱର ଶପଥ ପାଠ କରାଇଛନ୍ତି । ଭିଡିଓ କନ୍ଫରେନ୍ସିଂ ଜରିଆରେ ଏହି ଶପଥ ପାଠ କରାଇଛନ୍ତି ମୁଖ୍ୟମନ୍ତ୍ରୀ ।
ଅନ୍ୟ ରାଜ୍ୟରୁ ଗାଁକୁ ଆସିଥିବା ଲୋକଙ୍କୁ କ୍ୱାରେଣ୍ଟାଇନ୍ରେ ରଖିବା ଏବଂ ସେମାନଙ୍କର ରହିବା, ଖାଇବା, ଚିକିତ୍ସାର ଉଚିତ ବ୍ୟବସ୍ଥା କରିବା ସହିତ ଗାଁରେ କରୋନାକୁ ପଶିବାକୁ ଦେବେ ନାହିଁ ବୋଲି ମଧ୍ୟ ସେମାନେ ଶପଥ ନେଇଛନ୍ତି ସରପଞ୍ଚ ।
କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ନିବାସରୁ ପଞ୍ଚାୟତିରାଜ ମନ୍ତ୍ରୀ, ମୁଖ୍ୟ ଶାସନ ସଚିବ ଓ ଅନ୍ୟ ବରିଷ୍ଠ ଅଧିକାରୀମାନେ ଲୋକସେବା ଭବନରୁ ସରପଞ୍ଚମାନେ ବ୍ଳକ୍ ସ୍ତରରୁ ଭିଡିଓ କନ୍ଫରେନ୍ସିଂ ଜରିଆରେ ଯୋଡ଼ି ହୋଇଥିଲେ । ସୂଚନା ଯୋଗ୍ୟ ନିକଟରେ ରାଜ୍ୟରେ କରୋନା ସଂକ୍ରମଣ ରୋକିବା ପାଇଁ ମୁଖ୍ୟମନ୍ତ୍ରୀ ସରପଞ୍ଚମାନଙ୍କୁ ଜିଲ୍ଲାପାଳ କ୍ଷମତା ଦେଇଛନ୍ତି ।
ମୁଖ୍ୟମନ୍ତ୍ରୀ କହିଥିଲେ ଯେ, ସରପଞ୍ଚମାନଙ୍କ ଦକ୍ଷତା ଉପରେ ତାଙ୍କର ପୂରା ଭରସା ରହିଛି । ସେମାନେ ଯଦି କରୋନା ସଂକ୍ରମଣ ରୋକିବା ପାଇଁ ସରକାରଙ୍କ ପଦକ୍ଷେପକୁ କଡ଼ାକଡ଼ି ଭାବେ ଅନୁପାଳନ କରିବେ, ତେବେ ଗାଁରେ କରୋନା ପଶିପାରିବ ନାହିଁ । ସରପଞ୍ଚମାନଙ୍କୁ ଭଲ କାମ ଜାରି ରଖିବାକୁ ପରାମର୍ଶ ଦେଇ ପୂରା ସରକାର ଓ ସରକାରୀ କଳ ସେମାନଙ୍କ ସହିତ ଏଥିପାଇଁ ସବୁବେଳେ ରହିଛି ବୋଲି ସେ କହିଥିଲେ ।
କୋରାପୁଟ ସଦର ବ୍ଳକ୍, କେନ୍ଦ୍ରାପଡ଼ା ସଦର ବ୍ଳକ୍, ଜଗତସିଂହପୁର ଜିଲ୍ଲାର ଏରସମା ବ୍ଳକ୍, ସମ୍ୱଲପୁର ଧାନକଉଡା ବ୍ଳକ୍, ବରଗଡ଼ର ବର୍ଦୋଲ ଏବଂ ଭଦ୍ରକର ବାସୁଦେବପୁର ବ୍ଳକର ବିଭିନ୍ନ ସରପଞ୍ଚମାନଙ୍କ ସହିତ ମୁଖ୍ୟମନ୍ତ୍ରୀ ଆଲୋଚନା କରିଥିଲେ । ସରପଞ୍ଚମାନେ ସେମାନଙ୍କ ପଞ୍ଚାୟତରେ କିଭଳି ପ୍ରସ୍ତୁତି ଜାରି ରହିଛି, କ୍ୱାରେଣ୍ଟାଇନ୍ ସେଣ୍ଟରରେ କିଭଳି ବ୍ୟବସ୍ଥା କରାଯାଇଛି ତଥା ଏ ସମ୍ପର୍କିତ ଅନ୍ୟାନ୍ୟ ବିଷୟରେ ମଧ୍ୟ ସୂଚନା ଦେଇଥିଲେ ।
୫-ଟି ସଚିବ ଭି.କେ ପାଣ୍ଡିଆନ୍ ସରପଞ୍ଚମାନଙ୍କ ସହିତ ଆଲୋଚନା କରି ଗ୍ରାମାଞ୍ଚଳରେ କରୋନା ସଂକ୍ରମଣକୁ ରୋକିବା ପାଇଁ କେତେକ ସୁଚିନ୍ତିତ ତଥା ବାସ୍ତବବାଦୀ ପରାମର୍ଶ ଦେଇଥିଲେ ।
ଭୁବନେଶ୍ୱର: ଇନଟାଞ୍ଜିବଲ୍ କଲଚରାଲ୍ ହେରିଟେଜ୍ ତାଲିକାରେ ସ୍ଥାନ ପାଇଲା ଓଡ଼ିଶାର ତିନିଟି ମହାନ ସାଂସ୍କୃତିକ ପରମ୍ପରା । ମାଣବସା ଗୁରୁବାର, ଛଉନୃତ୍ୟ ଏବଂ ରାବଣା ଛାୟା ଇନଟାଞ୍ଜିବଲ କଲଚରାଲ ହେରିଟେଜରେ ସ୍ଥାନ ପାଇଛି । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହି ସୂଚନା ଦେଇଛନ୍ତି ।
ଭାରତ ସରକାରଙ୍କ ଏହି ନିଷ୍ପତ୍ତି ଓଡ଼ିଶାର ଅନନ୍ୟ, ଐତିହ୍ୟ ଏବଂ ସଂସ୍କୃତିକୁ ବିଶ୍ୱ ଦରବାରରେ ଉପସ୍ଥାପନ କରିବ । ଓଡ଼ିଶାର ମାଣବସା ଗୁରୁବାର, ଛଉନୃତ୍ୟ ଏବଂ ରାବଣା ଛାୟାକୁ ଇନଟାଞ୍ଜିବଲ କଲଚରାଲ ହେରିଟେଜ୍ ତାଲିକାରେ ସ୍ଥାନ ଦେବା ଲାଗି ଐତିହାସିକ ନିଷ୍ପତ୍ତି ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କେନ୍ଦ୍ର ସଂସ୍କୃତି ମନ୍ତ୍ରୀ ପ୍ରହଲ୍ଲାଦ ପଟେଲଙ୍କୁ ଧର୍ମେନ୍ଦ୍ର ପ୍ରଧାନ ଧନ୍ୟବାଦ ଜଣାଇଛନ୍ତି ।
ଶୀକର- ଲକଡାଇନ କାରଣରୁ ଫସି ରହିଥିବା ଶ୍ରମିକ ମାନେ ନିଜ ପରିଶ୍ରମରେ ଏକ ସ୍କୁଲ ଘରକୁ ସୁନ୍ଦର ଭାବରେ ରଙ୍ଗ ଦେଇ ସଜାଇଛନ୍ତି । ଏଭଳି ପରିସ୍ଥିତିରେ ଏହି କାର୍ଯ୍ୟ ଏକ ସକାରାତ୍ମକ ଭାବନାକୁ ସୃଷ୍ଟି ଦେଇଥାଏ । ଏହି ଶ୍ରମିକ ମାନେ କରୋନା ଭାଇରସ ଯୋଗୁଁ ଜାରି ହୋଇଥିବା ଲକଡାଉନରେ ରାଜସ୍ଥାନର ଶୀକର ଜିଲ୍ଲାରେ ଫସି ରହିଥିଲେ । ଏହି ସମସ୍ତ ଶ୍ରମିକଙ୍କୁ ଜିଲ୍ଲାର ରାଷ୍ଟ୍ରିୟ ରାଜମାର୍ଗ ରେ ଥିବା କସବେ ପଲସାନାର ସରକାରୀ ସ୍କୁଲରେ ପ୍ରସ୍ତୁତ କରାଯାଇଥିବା କ୍ୱାରେଣ୍ଟାଇନ ସେଣ୍ଟରରେ ରହିବାର ବ୍ୟବସ୍ଥା କରାଯାଇଛି । କ୍ୱାରେଣ୍ଟାଟାଇନ ରହିବା ସମୟରେ ଏହି ଶ୍ରମିକ ମାନେ ଏକ ସକାରତ୍ମକ ଭାବନା ସୃଷ୍ଟି କରିଛନ୍ତି । ଏଠାରେ ରହୁଥିବା ଶ୍ରମିକ ମାନେ ସ୍କୁଲର ନକ୍ସା ହି ପରିବର୍ତ୍ତନ କରିଦେଇଛନ୍ତି । ସ୍କୁଲରେ ରହୁଥିବ ଶ୍ରମିକ ମାନେ ଖାଲି ସମୟରେ ସ୍କୁଲକୁ ରଙ୍ଗ ଦେବାର ଦାୟିତ୍ୱ ନେଇଛନ୍ତି ଏବଂ ଏହା ଅନ୍ୟ ମାନଙ୍କ ପାଇଁ ଉଦାହରଣ ମଧ୍ୟ ପାଲଟିଛନ୍ତି ।
Migrant labor were kept in #corona #quarantine in a school in #Sikar, the school hadn't seen a fresh coat of paint in decades, they offered to help, they painted the entire school, this was their way of giving back to the society, the school; this is inspiring, really inspiring ! pic.twitter.com/XRaU0Xdp1j
— Ramandeep Singh Mann (@ramanmann1974) April 22, 2020
ସହିଦ ସୀତାରାମ କୁମାୱାଟ ଏବଂ ପାଲସାନା ସହରର ସେଠ୍ କେ.ଏଲ୍ ତାମ୍ବି ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ହରିୟାଣା, ରାଜସ୍ଥାନ, ମଧ୍ୟପ୍ରଦେଶ, ଉତ୍ତରପ୍ରଦେଶର 54 ଜଣ ଶ୍ରମିକ ରହୁଛନ୍ତି । ଏହି ସମସ୍ତ ବ୍ୟକ୍ତି ସମ୍ପୂର୍ଣ୍ଣ ସୁସ୍ଥ ଏବଂ ସେମାନଙ୍କର କ୍ୱାରେଣ୍ଟାଇନ ଅବଧି ମଧ୍ୟ ସମାପ୍ତ ହୋଇଛି | କେନ୍ଦ୍ରରେ ଅବସ୍ଥାପିତ ଶ୍ରମିକମାନେ କହିଛନ୍ତି ଯେ କ୍ୱାରେଣ୍ଟାଇନ ସମୟରେ ସରପଞ୍ଚ ଏବଂ ଗ୍ରାମ ଦାତା ସେମାନଙ୍କ ରହିବା ପାଇଁ ବହୁତ ଭଲ ବ୍ୟବସ୍ଥା କରିଥିଲେ। ଏହି ବ୍ୟବସ୍ଥାରେ ସେମାନେ ଏତେ ଖୁସି ଥିଲେ ଯେ ଏହାର ପ୍ରତିବଦଳରେ ସେ ଗାଁ ପାଇଁ କିଛି କରିବାକୁ ଚାହୁଁଥିଲେ ଏବଂ ଏହି ଚିନ୍ତାଧାରାରେ ସେ ବିଦ୍ୟାଳୟକୁ ରଙ୍ଗ ଦେବା କାମ ଆରମ୍ଭ କରିଥିଲେ।
ଶୁକ୍ରବାର ଦିନ ଶ୍ରମିକ ମାନେ ସରପଞ୍ଚଙ୍କଠାରୁ ରଙ୍ଗ ସାମଗ୍ରୀ ଆଣିବାକୁ ଅନୁରୋଧ କରିଥିଲେ। ସରପଞ୍ଚ ଏବଂ ବିଦ୍ୟାଳୟର କର୍ମଚାରୀଙ୍କ ତରଫରୁ ସାମଗ୍ରୀ ଯୋଗାଇବା ପରେ ଶ୍ରମିକମାନେ ବିଦ୍ୟାଳୟକୁ ରଙ୍ଗ କରିଥିଲେ ଏବଂ ବିଦ୍ୟାଳୟକୁ ଉଜ୍ଜ୍ୱଳ କରିଥିଲେ ଯାହାକୁ ଦେଖି ପ୍ରଶାସନ ତରଫରୁ ଖୁବ ପ୍ରଶଂସା କରାଯାଇଥିଲା । ନିକଟରେ କ୍ୟାମ୍ପ ଯାଞ୍ଚ କରିବାକୁ ଆସିଥିବା ଜିଲ୍ଲା ଆଇନ ସେବା ପ୍ରାଧିକରଣର ସଚିବ ଜଗତ ସିଂ ପାନୱାର ମଧ୍ୟ କ୍ୱାରେଣ୍ଟାଇନ ସେଣ୍ଟର ଅର୍ଥାତ୍ ବିଦ୍ୟାଳୟ ଦେଖି ପ୍ରଭାବିତ ହୋଇଥିଲେ। ସେ ମଧ୍ୟ ସେଣ୍ଟରରେ ରହୁଥିବା ଲୋକଙ୍କ ସହ ଦୀର୍ଘ ସମୟ ଧରି ଆଲୋଚନା କରିଥିଲେ।
ଶ୍ରମିକମାନଙ୍କ ମତାମତ ଶୁଣି ପାନୱାର ସେମାନଙ୍କୁ ପ୍ରଶଂସା କରି କହିଥିଲେ ଯେ, ସେମାନଙ୍କର କାର୍ଯ୍ୟ ଅନ୍ୟ ସେଣ୍ଟର ଗୁଡ଼ିକ ପାଇଁ ଏକ ‘ଆଦର୍ଶ’ ଅଟେ। ପଲସାନାର ସରପଞ୍ଚ ରୂପ ସିଂ ଶେଖାୱତ କହିଛନ୍ତି ଯେ ଶ୍ରମିକମାନଙ୍କ ଆଚରଣରେ ପୁରା ଗାଁ ଖୁବ ପ୍ରଭାବିତ ହୋଇଛି। ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ପାଲସାନା ରାଜେନ୍ଦ୍ର ମୀନା କହିଛନ୍ତି ଯେ ଗତ ନଅ ବର୍ଷ ଧରି ବିଦ୍ୟାଳୟରେ କୌଣସି ରଙ୍ଗର କାମ ହୋଇ ନଥିଲା। ରଙ୍ଗର ସାମଗ୍ରୀ ଆଣିବା ପାଇଁ ସମସ୍ତ ଶିକ୍ଷକ ମଧ୍ୟ ଆର୍ଥିକ ସହଯୋଗ କରିଥିଲେ | ଅଧିକ ପ୍ରଶଂସନୀୟ ବିଷୟ ହେଉଛି ଯେ ଏଠାରେ ରହୁଥିବା ଶ୍ରମିକମାନେ ବିଦ୍ୟାଳୟକୁ ରଙ୍ଗ କରିବା ପାଇଁ କୌଣସି ମଜୁରୀ ମଧ୍ୟ ନେଇ ନଥିଲେ।
ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ ରାଜସ୍ଥାନରେ ୧,୬୫୯ ଲୋକ କରୋନା ଜୀବାଣୁ ସଂକ୍ରମିତ ହୋଇଛନ୍ତି ଏବଂ ଏହି ରାଜ୍ୟ ଦେଶର ସବୁଠାରୁ ଅଧିକ ପ୍ରଭାବିତ ରାଜ୍ୟମାନଙ୍କ ମଧ୍ୟରେ ରହିଛି।
ଭୁବନେଶ୍ୱର: ଆଗକୁ ଅଛି ଇସଲାମ୍ ଧର୍ମର ପବିତ୍ର ରମଜାନ୍ ମାସ । ଭୁବନେଶ୍ୱରରେ ରହିଛି ଛୋଟବଡ ମୋଟ ୧୨ଟି ମସଜିଦ୍ । ଲକଡାଉନ୍ କଟକଣା ସମୟରେ କିଭଳି ପାଳନ ହେବ ରମଜାନ୍ ? ଏଥିପାଇଁ ଏସିପି ଜୋନ୍-୧ଙ୍କ ଅଧ୍ୟକ୍ଷତାରେ କ୍ୟାପିଟାଲ ଥାନା ପରିସରରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ଭୁବନେଶ୍ୱର ମୁସଲିମ୍ ସମ୍ପ୍ରଦାୟର ମୌଲାନା ଓ ମୌଲବୀଙ୍କ ସମେତ ବିଭିନ୍ନ ସାହିର ମୁରବୀ ଉପସ୍ଥିତ ଥିଲେ । ଲକ୍ଡାଉନ୍ ଯୋଗୁ ଏଥର ସଂଘରୋଧ ଭାବେ ପାଳନ ହେବ ନମାଜ୍ ପାଠ ଓ ଇଫତାର ପାର୍ଟି । ଲକଡାଉନ୍ ସମୟରେ କୈାଣସି ଧାର୍ମିକ ଅନୁଷ୍ଠାନରେ ସମୂହ ପ୍ରାର୍ଥନା କିମ୍ବା ନମାଜ ପାଠ ହେବ ନାହିଁ । ମସଜିଦରେ କେବଳ ଜଣେ ମୌଲବୀ ଏବଂ ୩ଜଣ ରହି ନମାଜ ପାଠ କରିପାରିବେ । ମସଜିଦରୁ ହିଁ ପ୍ରତିଦିନ ଆଜାନ୍ ପରେ ଉପବାସ ସମୟ ସମ୍ପର୍କରେ ଏବଂ ସାମାଜିକ ଦୂରତା ରକ୍ଷା ସମ୍ପର୍କରେ ଲୋକଙ୍କୁ ସଚେତନ କରାଯିବ ।
ତେବେ ପରିବାର ଲୋକଙ୍କ ବ୍ୟତୀତ ଅନ୍ୟ କେହି ଭିଡ଼ କରି ସାମୂହିକ ପ୍ରାର୍ଥନା ବା ନମାଜ ପାଠ କରିପାରିବେ ନାହିଁ । କୈାଣସି ମୌଲବୀ ଲୋକଙ୍କ ଘରକୁ ଯାଇ ନମାଜ ପାଠ କରାଇପାରିବେ ନାହିଁ । ଏହି ସମୟରେ କୈାଣସି ବ୍ୟକ୍ତି ସାହି କିମ୍ବା ବସ୍ତି ଭିତରେ ପ୍ରବେଶ କଲେ ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଜିନିଷ କିଣିବା ପାଇଁ କେହି ଯାନବାହନ ବ୍ୟବହାର କରିପାରିବେ ନାହିଁ । ନିକଟସ୍ଥ ଦୋକାନରୁ ସାଇକେଲ କିମ୍ବା ଚାଲିଚାଲି ଯାଇ ସଉଦା କିଣି ପାରିବେ । ଉପବାସ ପରେ ଆବଶ୍ୟକ ସାମଗ୍ରୀ କିଣିବା ପାଇଁ ଦୋକାନରେ ଭିଡ ଲଗାଇ ପାରିବେ ନାହିଁ । ବିନା କାରଣରେ କେହି ଘରୁ ବାହାରିପାରିବେ ନାହିଁ । ଅତ୍ୟାବଶ୍ୟକ ସାମଗ୍ରୀ କିଣିବା ବେଳେ ସାମାଜିକ ଦୂରତା ରକ୍ଷା କରିବା ଉପରେ ଗୁରୁତ୍ୱ ଦିଆଯାଇଛି ।
