ନୂଆଦିଲ୍ଲୀ:  ଇଣ୍ଟରନେଟ୍ ଆମକୁ ପ୍ରତିଦିନ ଅନେକ ହୃଦୟସ୍ପର୍ଶୀ କାହାଣୀ ଭେଟିଦିଏ । ଏହା ଆମକୁ ମାନବିକତାର ପ୍ରମାଣ ଦେଇଥାଏ ।  ନିକଟରେ ଟ୍ୱିଟରରେ ଏକ ଫଟୋ ଖୁବ ଭାଇରାଲ୍ ହେବାରେ ଲାଗିଛି । ଜଣେ ମହିଳା ଗର୍ଭ ଯନ୍ତ୍ରଣାରେ ଛଟପଟ୍ ହେଉଥିବା ଦୁଇ ଜଣ ଆର୍ମି ଡକ୍ଟର ଟ୍ରେନ୍ ଭିତରେ ମହିଳାଙ୍କ ପ୍ରସବ କରାଇ ନବଜାତ ଶିଶୁ ସହିତ ଏକ ଫଟୋ ପୋଷ୍ଟ କରି ନିଜ ଖୁସି ବ୍ୟକ୍ତ କରିଛନ୍ତି ।

ଆର୍ମିର ୧୭୨ମିଲିଟାରୀ ହସ୍ପିଟାଲରେ କାର୍ଯ୍ୟରତ କ୍ୟାପଟେନ୍ ଲଲିଥା ଓ କ୍ୟାପଟେନ୍ ଅମରଦିପ୍ ନାମକ ଦୁଇ ଡାକ୍ତର ଏପରି ହୃଦୟସ୍ପର୍ଶୀ କାମ କରିଥିବା ଦେଖିବାକୁ ମିଳିଛି ।

ସୂଚନା ମୁତାବକ ହାୱରା ଏକ୍ସପ୍ରେସ୍ ରେ ଯିବା ସମୟରେ ଏକ ଗର୍ଭବତୀଙ୍କ ସମୟ ପୂର୍ବରୁ ଆଗରୁ ଗର୍ଭ ଯନ୍ତ୍ରଣା ଆରମ୍ଭ ହୋଇଥିଲା । ପାଖରେ ସମସ୍ତେ ନିରୁପାୟ ଥିବା ସମୟରେ ଦେବଦୂତ ସଦୃଶ ସେଠାରେ ଉପସ୍ଥିତ ଥିଲେ ଏହି ଦୁଇଜଣ ଆର୍ମି ଡକ୍ଟର । ସେଠାରେ ସେମାନେ ମହିଳାଙ୍କର ପ୍ରସବ କରାଇଥିଲେ । ଏହାପରେ ଉଭୟ ମା’ ଓ ଶିଶୁ ସୁସ୍ଥ ଥିବା ଜଣାଇଥିଲେ ।

https://twitter.com/adgpi/status/1210851754952122368/photo/1

ଡିସେମ୍ବର ୨୮ ତାରିଖରେ ଏହାର ଏକ ଭିଡିଓ ସୋସିଆଲ୍ ମିଡିଆରେ ଭାଇରାଲ ହୋଇଥିଲା । ତେବେ ଏହା ଲୋକଙ୍କ ମଧ୍ୟରେ ଅତ୍ୟନ୍ତ ଲୋକପ୍ରିୟ ଓ ହୃଦୟସ୍ପର୍ଶୀ ହେବା ସହିତ ଦିନକୁ ଦିନ  ଭିଡିଓଟି ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହେବାର ଦେଖାଦେଉଛି । ଏହାସହ ବିଭିନ୍ନ ସଂଗଠନ ଭାରତୀୟ ଆର୍ମିକୁ ଏପରି କାମ ପାଇଁ ସାବାସି ଜଣାଉଛି ।

ମଧ୍ୟପ୍ରଦେଶ: ଉଦ୍ଧାର ହେଲା ବିରଳ ସରୀସୃପ ରେଡ୍ ସ୍ୟାଣ୍ଡ୍ ବୋଆ ସ୍ନେକ୍ । ଯାହାର ମୂଲ୍ୟ ୧.୨୫କୋଟି ଟଙ୍କା । ମଧ୍ୟ ପ୍ରଦେଶର ନରସିଂହଗଡ଼ରୁ ଧରାଗଲା ଏହି ସାପ । ସୂଚନା ଅନୁଯାୟୀ, ୫ଜଣ ବ୍ୟକ୍ତି ଏହି ବିରଳ ସାପକୁ ବିକୁଥିବାବେଳେ ରବିବାର ପୋଲିସ ଏହି ସାପକୁ ଉଦ୍ଧାର କରିଛି ।

ପୋଲିସ କହିବାନୁସାରେ, ଏହି ସାପରୁ ମେଡିସିନ୍, ପ୍ରସାଧନ ସାମଗ୍ରୀ ଏବଂ କଳା ଯାଦୁ କରିବାରେ ବ୍ୟବହାର କରାଯାଏ । ଅନ୍ତର୍ଜାତୀୟ ସ୍ଥରରେ ଏହି ସାପର ଚାହିଦା ଅନେକ । ଏହି ସାପକୁ ଜ୍ୟୋତିର୍ବିଦ୍ ମାନଙ୍କ ମତରେ ଧନ ଓ ସମୃଦ୍ଧିର ସୂଚକ ରୂପେ ମନେକରାଯାଏ ।

ଏହି ସାପକୁ ଧରିଥିବା ୫ଜଣ ବ୍ୟକ୍ତି ଏହାକୁ ବିକ୍ରି କରିବା ଉଦ୍ଦେଶ୍ୟରେ ଧରିଥିଲେ ବୋଲି ଜଣାପଡିଛି । ସେମାନେ ନରସିଂହଗଡ଼ ବସ୍ ଷ୍ଟାଣ୍ଡରେ ଥବା ସମୟରେ କେହିଜଣେ ପୋଲିସକୁ ଏହି ବିଷୟରେ ଜଣାଇଥିଲେ ବୋଲି କୈଳାଶ ଭରଦ୍ୱାଜ ନାମକ ଜଣେ ପୋଲିସ ଅଫିସର କହିଛନ୍ତି । ଏହାପରେ ପୋଲିସର ଏକ ଟିମ୍ ଘଟଣା ସ୍ଥଳରେ ପହଞ୍ଚି ଏକ ପ୍ଲାଷ୍ଟିକ ବ୍ୟାଗ୍ ଭିତରୁ ଏହି ସାପକୁ ଉଦ୍ଧାର କରିଥିଲେ ।