ଭୁବନେଶ୍ବର: ଗିରଫ ହେଲେ ଇଡକୋ ଚିଫ ଜେନେରାଲ ମ୍ୟାନେଜର । ଓଏଏସ ସରୋଜକାନ୍ତ ମହାନ୍ତିଙ୍କୁ ଗିରଫ କରିଛି ଭିଜିଲାନ୍ସ । ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ଗିରଫ । ଆୟଠୁ ୧୫୩ ପ୍ରତିଶତ ଅଧିକ ମୂଲ୍ୟର ସମ୍ପତ୍ତି ଠାବ ହୋଇଛି । ସରୋଜଙ୍କ ୭ଟି ଠିକଣାରେ ରେଡ୍ କରିଥିବା ଭିଜିଲାନ୍ସ । ଗତକାଲି ସ୍ପେଶାଲ ଜଜ୍ ଭିଜିଲାନ୍ସ ଙ୍କ ନିର୍ଦ୍ଦେଶ କ୍ରମେ କରାଯାଇଥିଲା ଚଢ଼ାଉ । ଆଜି ତାଙ୍କୁ ଗିରଫ କରାଯାଇଛି ।
ଭୁବନେଶ୍ୱର, କଟକ ଓ ଯାଜପୁର ର ୭ ଟି ସ୍ଥାନରେ ମାରାଥନ ରେଡ଼ କରିଥିଲା ଭିଜିଲାନ୍ସ ଟିମ୍। ଚନ୍ଦ୍ରଶେଖରପୁର ଶୈଳଶ୍ରୀ ବିହାର ପ୍ଲଟ ନମ୍ବର GA 437ରେ ଥିବା ୩ ବିଏଚକେ ଘର, ବାରଙ୍ଗ ପାଟପୁରରେ ୩ ମହଲା ଫ୍ଲାଟ, ଧର୍ମଶାଳା ବ୍ରହ୍ମବରଦା ସ୍ଥିତ ପୈତୃକ ଘର, କଟକ ମହାନଦୀ ବିହାରରେ ଥିବା ୩ ମହଲା ଫ୍ଲାଟ, ଯାଜପୁର ଜାରକା ସ୍ଥିତ ଘର, ନୟାପଲ୍ଲୀ ଆଇଆରସି ଭିଲେଜ N4 ରେ ସମ୍ପର୍କୀୟଙ୍କ ଘର, ଇଡ୍କୋ ଅଫିସ ଚାମ୍ବରରେ ଏକାକାଳୀନ ରେଡ଼ କରାଯାଇଥିଲା ।
ତାଙ୍କ ନାଁରେ ୧୦ଟି ଫ୍ଲାଟ ରହିଛି। ସେଥିରୁ ୭ଟି କେବଳ ଭୁବନେଶ୍ବର ଓ କଟକରେ ରହିଛି । ଏଥିସହ ବ୍ୟାଙ୍କ ଜମା, ବୀମାକୁ ମିଶା ୭୦ ଲକ୍ଷ ୫୫ ହଜାର ଟଙ୍କା ହେବ। ଗୋଟିଏ ୪ ଚକିଆ ଗାଡ଼ି ଏବଂ ଦୁଇଟି ବାଇକ ସିଜ କରାଯାଇଛି । ୭୦୦ ଗ୍ରାମ ସୁନା ଠାବ।
