ଅଯୋଧ୍ୟା: ଭଗବାନ ରାମ ଅଯୋଧ୍ୟାର କୋଣ କୋଣରେ ବାସ କରିଥାନ୍ତି। ଅଯୋଧ୍ୟା ହେଉଛି ପୁରୁଷୋତ୍ତମ ରାମଙ୍କ ଜନ୍ମ ସ୍ଥାନ। ଆଜି ଅଯୋଧ୍ୟାକୁ ନେଇ ସାରା ବିଶ୍ୱରେ ଚର୍ଚ୍ଚା ହେଉଛି। ଜାନୁଆରୀ ୨୨ରେ ଭବ୍ୟ ରାମ ମନ୍ଦିର ପ୍ରାଣ ପ୍ରତିଷ୍ଠା ଉତ୍ସବ ଅନୁଷ୍ଠିତ ହେବ। ଦେଶର କୋଣ ଅନୁକୋଣରୁ ଶ୍ରଦ୍ଧାଳୁଙ୍କ ସୁଅ ଛୁଟିବ। ତେବେ ଏହାରି ଭିତରେ ବଡ ପ୍ରଶ୍ନ ଉଠୁଛି ଯେ, କେମିତି ଦର୍ଶନ କରିବେ ପ୍ରଭୁ ରାମଲାଲଙ୍କୁ ? ଆଳତୀ ସମୟ କେତେଟା ରହିଛି ? ମନ୍ଦିରରେ କିପରି ପ୍ରବେଶ କରିବେ ? ଜାଣି ରଖନ୍ତୁ ରାମନ୍ଦିର ସହିତ ଜଡିତ ପ୍ରତ୍ୟେକ ପ୍ରଶ୍ନର ଉତ୍ତର। ଯାହାଫଳରେ ଯେତେବେଳେ ଆପଣ ଅଯୋଧ୍ୟାକୁ ଯିବେ, ସେତେବେଳେ କୌଣସି ସମସ୍ୟାର ସମ୍ମୁଖୀନ ହେବେ ନାହିଁ ।

ଆଳତୀର ସମୟ କେତେଟା ରହିଛି ?

ଅଯୋଧ୍ୟା ରାମ ମନ୍ଦିରରେ ଦିନକୁ ପାଞ୍ଚଥର ଆରତୀ ହୋଇଥାଏ । ତେବେ ଶ୍ରଦ୍ଧାଳୁମାନେ ୩ ଥର ଆଳତୀ ଦର୍ଶନ କରିବାର ସୁଯୋଗ ପାଇବେ। ସକାଳ ୬ଟା ୩୦, ମଧ୍ୟାହ୍ନ ୧୨ଟା ଏବଂ ସନ୍ଧ୍ୟା ୭ଟା ୩୦ ରେ ରାମଲାଲାଙ୍କ ଆଳତୀର ଦର୍ଶନ କରିପାରିବେ ଶ୍ରଦ୍ଧାଳୁ। ତେବେ ଆଳତୀରେ ସାମିଲ ହେବା ପାଇଁ ଟ୍ରଷ୍ଟ ଦ୍ୱାରା ଏକ ପାସ୍ କରିବାକୁ ପଡିଥାଏ। ଏଥପାଇଁ ଆଇଡି ପ୍ରୁଫ୍ ବାଧ୍ୟତାମୂଳକ ଅଟେ।

ମନ୍ଦିରରେ କିପରି ପ୍ରବେଶ କରିବେ ?
ଅଯୋଧ୍ୟା ରାମ ମନ୍ଦିରରେ ପ୍ରବେଶ କରିବାକୁ ହେଲେ କିଛି ନିୟମ ମାନିବା ପାଇଁ ପଡିବ। ମନ୍ଦିର ଭିତରକୁ କୌଣସି ପ୍ରକାରର ଇଲେକ୍ଟ୍ରୋନିକ୍ ଜିନିଷ ନେଇପାରିବେ ନାହିଁ । ଏହାଛଡା ପ୍ରସାଦ ମଧ୍ୟ ନିଷେଧ। କେବଳ ଟଙ୍କା ନେଇକି ଆପଣ ଯାଇପାରିବେ।

ଭକ୍ତମାନଙ୍କ ପାଇଁ କ’ଣ ବ୍ୟବସ୍ଥା ରହିଛି ?
ରାମ ମନ୍ଦିରରେ ଭକ୍ତଙ୍କ ପାଇଁ ଏକ ବିଶ୍ୱ ସ୍ତରୀୟ ବ୍ୟବସ୍ଥା କରାଯାଉଛି । ଏଥିରେ ୨୫ ହଜାର ଭକ୍ତଙ୍କ ପାଇଁ ସୁବିଧା କେନ୍ଦ୍ର ହୋଇଛି। ଦିବ୍ୟାଙ୍ଗ ଏବଂ ବୃଦ୍ଧାଙ୍କ ପାଇଁ ସମସ୍ତ ପ୍ରକାରର ସୁବିଧା କରାଯାଇଛି। ଯେପରି ଭକ୍ତଙ୍କୁ କୌଣସି ପ୍ରକାରର ଅସୁବିଧା ନହୁଏ ସେନେଇ ସମସ୍ତ ପ୍ରକାରର ବ୍ୟବସ୍ଥା ଉପଲବ୍ଧ କରାଯାଉଛି ।