spot_img
Home Blog Page 3056

ଆଜି ସହରୀ ଗରିବଙ୍କୁ ବିଜୁ ଆଦର୍ଶ କଲୋନୀ ଭେଟି ଦେବେ ମୁଖ୍ୟମନ୍ତ୍ରୀ

ଭୁବନେଶ୍ବର: ଆଉ ବସ୍ତି ନୁହେଁ, ଏଣିକି ବିଜୁ ଆଦର୍ଶ କଲୋନୀରେ ବାସ କରିବେ ସହରର ଗରିବ । ଏଥିପାଇଁ ରାଜ୍ୟ ସରକାରଙ୍କ ସ୍ବପ୍ନ ବାସ୍ତବତାରେ ପରିଣତ ହୋଇଛି  । ଆଜି ବସ୍ତିରୁ ଆଦର୍ଶ କଲୋନୀରେ ରୂପାନ୍ତରିତ ହୋଇଥିବା ୧୦୧୦ଟି ବିଜୁ ଆଦର୍ଶ କଲୋନୀକୁ ଲୋକାର୍ପଣ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କଳିଙ୍ଗ ଷ୍ଟାଡିୟମରେ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଏସବୁକୁ ଉତ୍ସର୍ଗ କରିବେ ।

ବିଜୁ ଆଦର୍ଶ କଲୋନୀରେ ଲୋକଙ୍କୁ ସମସ୍ତ ମୌଳିକ ଭିତ୍ତିଭୂମି ସହିତ ଆଦର୍ଶ ବସତି ଯୋଗାଇ ଦେଉଛନ୍ତି ରାଜ୍ୟ ସରକାର । ରାସ୍ତା ସହିତ, ଡ୍ରେନେଜ, ଘରେ ଘରେ ପାଇପ ଯୋଗେ ପାନୀୟ ଜଳ ଯୋଗାଣ, ଉତ୍ତମ ପରିମଳ ବ୍ୟବସ୍ଥା ସହିତ ବିଦ୍ୟୁତ ସଂଯୋଗୀକରଣ, ରାସ୍ତାର ଆଲୋକୀରଣ, ପିଲାମାନଙ୍କ ପାଇଁ ଖେଳ ସୁବିଧା ଓ ଅନ୍ୟାନ୍ୟ ଆନୁଷଙ୍ଗିକ ମୌଳିକ ସୁବିଧା ଯୋଗାଇ ଦିଆଯାଉଛି ।

ସହରାଞ୍ଚଳ ବିକାଶ ଧାରାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏହି ବିକାଶ ଧାରାକୁ ସାରା ବିଶ୍ବ ପ୍ରଶଂସା କରୁଛି । ଏଥିପାଇଁ ୨୦୧୯ ଓ ୨୦୨୩ରେ ଗୃହ ଓ ନଗର ଉନ୍ନୟନ ବିଭାଗକୁ ମିଳିଛି ଜାତିସଂଘ ଓ୍ବାର୍ଲଡ ହାବିଟାଟ୍ ପୁରସ୍କାର । ସେହିପରି ଏସିଆ ପ୍ୟାସିଫିକ ପୁରସ୍କାର ୨୦୨୧ ଓ ଜାତୀୟ ହାଉସିଂ ଇନୋଭେସନ ପୁରସ୍କାର ୨୦୨୧ ପୁରସ୍କାର ପାଇଛନ୍ତି ରାଜ୍ୟ ସରକାର ।

୧୨ ଘଣ୍ଟା ଯାଇ ୨୪ ଘଣ୍ଟା ବିତିଲା, ସୌମ୍ୟ ଦେଇ ପାରିଲେନି ପ୍ରମାଣ

ଭୁବନେଶ୍ବର: ୧୨ ଘଣ୍ଟା ଯାଇ ୨୪ ଘଣ୍ଟା ବିତିଲା । ପ୍ରମାଣ ଦେଇପାରିଲେନି ସୌମ୍ୟରଞ୍ଜନ ପଟ୍ଟନାୟକ । ଅନୁଭବ ପଟ୍ଟନାୟକ ଦେଇଥିଲେ ଚ୍ୟାଲେଞ୍ଜ । କହିଥିଲେ- ଆଲେଖ୍ୟରେ କରିଥିବା ଅଭିଯୋଗ ପ୍ରମାଣ କରିନପାରିଲେ ରାଜ୍ୟବାସୀଙ୍କ ଆଗରେ ମିଛୁଆ ହେବେ ସୌମ୍ୟ ।

ଆଲେଖ୍ୟରେ ସୌମ୍ୟ ଲେଖିଥିଲେ କି ମିଛ କଥା ? ହଟଚମଟ ପାଇଁ ନେଇଥିଲେ କି ମିଛର ସାହାରା ? ଦୈନିକ ସମ୍ବାଦରେ ସୌମ୍ୟଙ୍କ ଆଲେଖ୍ୟକୁ ନେଇ ଚ୍ୟାଲେଞ୍ଜ କରିଥିଲେ ଅନୁଭବ । ନବୀନଙ୍କୁ ଷଷ୍ଠଥର ମୁଖ୍ୟମନ୍ତ୍ରୀ କରିବା ପାଇଁ 5T ସଚିବ କେଉଁଠି କହିଥିଲେ ତା’ର ପ୍ରମାଣ ଦେବାକୁ ଅନୁଭବ ସୌମ୍ୟଙ୍କୁ ଆହ୍ୱାନ ଦେଇଥିଲେ । ସୌମ୍ୟଙ୍କ ଟିଭି ଚ୍ୟାନେଲ ଓ ଖବରକାଗଜରେ ୧୨ ଘଣ୍ଟା ମଧ୍ୟରେ ଏହା ପ୍ରସାରଣ ଓ ପ୍ରକାଶ କରିବାକୁ ମଧ୍ୟ ଆହ୍ବାନ ଦେଇଥିଲେ ।

5T ସଚିବଙ୍କ ଗସ୍ତ ଖର୍ଚ୍ଚ ନେଇ ମଧ୍ୟ ସୌମ୍ୟରଞ୍ଜନଙ୍କୁ ଅନୁଭବ ଚ୍ୟାଲେଞ୍ଜ କରିଥିଲେ । ଗସ୍ତଖର୍ଚ୍ଚ ସମ୍ପର୍କରେ କୌଣସି ପ୍ରମାଣ ଅଛି କି ବୋଲି ପ୍ରଶ୍ନ କରିଥିଲେ ଅନୁଭବ । 5T ସଚିବ ନିଜ ପରିବାରକୁ ଭେଟିବା ପାଇଁ ଓଡ଼ିଶା ବୁଲୁନାହାନ୍ତି । ସେ ଲୋକଙ୍କୁ ଭେଟୁଛନ୍ତି । ସେମାନଙ୍କ ଆପତ୍ତି ଅଭିଯୋଗ ଗ୍ରହଣ କରୁଛନ୍ତି । ଖଣ୍ଡପଡ଼ାରୁ ସର୍ବାଧିକ ଅଭିଯୋଗପତ୍ର ପାଇଛନ୍ତି 5T ସଚିବ । ଏହା ସୂଚାଇ ଦେଉଛି ଯେ, ସୌମ୍ୟଙ୍କ ଉପରୁ ଖଣ୍ଡପଡ଼ାବାସୀ ବିଶ୍ବାସ ହରାଇ ସାରିଲେଣି । ଏହା ସୌମ୍ୟଙ୍କୁ ବାଧୁଛି । ଯେଉଁଥି ପାଇଁ ସୌମ୍ୟ ନିଜ ଖବରକାଗଜ ମାଧ୍ୟମରେ ରାଗ ସୁଝାଇବାକୁ ଉଦ୍ୟମ କରୁଛନ୍ତି ।

ସୌମ୍ୟ ତ ପ୍ରମାଣ ଦେଇପାରିଲେନି । ଯଦି ସତସାହସ ଅଛି ତେବେ ବିଧାୟକ ପଦରୁ ଇସ୍ତଫା ଦେଇ ପୁଣି ଥରେ ନିର୍ବାଚନ ଲଢ଼ନ୍ତୁ । ଜଣାପଡିବ ତାଙ୍କ ପ୍ରତି ଖଣ୍ଡପଡ଼ାବାସୀଙ୍କ କେତେ ସମର୍ଥନ ଅଛି ବୋଲି ଅନୁଭବ କହିଛନ୍ତି ।

ଯବାନଙ୍କ ଗୁଳିରେ ଜଣେ ମାଓବାଦୀ ମୃତ

ନବରଙ୍ଗପୁର: ସୁରକ୍ଷାକର୍ମୀଙ୍କ ଗୁଳିରେ ଜଣେ ମାଓବାଦୀଙ୍କ ମୃତ୍ୟୁ । ନବରଙ୍ଗପୁର ଜିଲ୍ଲା ରାଇଘର ବ୍ଲକ ସୀମାନ୍ତ ଛତିଶଗଡ ରାଜ୍ୟ ବୋରେଇ ଥାନା ଏକବାରି ଜଙ୍ଗଲରେ ମାଓବାଦୀଙ୍କ ସହ ଯବାନଙ୍କୁ ଗୁଳି ବିନିମୟରେ ମାଓବାଦୀ ଜଣଙ୍କ ମୃତ୍ୟୁ ଘଟିଥିବା ସୂଚନା । ଘଟଣା ସ୍ଥଳରୁ ମାଓବାଦୀଙ୍କ ସାମଗ୍ରୀ ଓ କିଛି ଅସ୍ତ୍ରଶସ୍ତ୍ର ଜବତ । ମୃତ ମାଓବାଦୀଙ୍କ ପରିଚୟ ମିଳି ନଥିବା ବେଳେ ଶବକୁ ବୋରେଇ ଥାନାକୁ ଅଣା ଯାଇଛି l

ଗୁଳି ବିନିମୟ ପରେ ସୁରକ୍ଷାକର୍ମୀଙ୍କ ପକ୍ଷରୁ ସର୍ଚ୍ଚ ଅପରେସନକୁ କଡ଼ାକଡ଼ି କରାଯଇଛି l ସୂଚନା ପାଇ ଜିଲ୍ଲାସ୍ତରୀୟ ପୋଲିସ ଅଧିକାରୀ ବୋରେଇ ଥାନାରେ ପହଞ୍ଚିଛନ୍ତି l

ନବରଙ୍ଗପୁର ଜିଲ୍ଲା ରାଇଘର ବ୍ଲକ କୁନ୍ଦେଇ ଥାନାରୁ ମାତ୍ର ୫ କିମି ଦୂରରେ ଛତିଶଗଡ଼ ଅଞ୍ଚଳରେ ଘଟିଛି ଗୁଳି ବିନିମୟ । ଏକବାରୀ ଜଙ୍ଗଲରେ ମାଓବାଦୀ ଥିବା ସୂଚନା ପାଇ ଧମତରୀ ଓ ଗରିଆବନ୍ଦ ଜିଲ୍ଲା ରିଜର୍ଭ ପୋଲିସ ମିଳିତ ସର୍ଚ୍ଚ ଅପରେସନ ଆରମ୍ଭ କରିଥିଲେ । ପରେ ବିଳମ୍ବିତ ରାତିରେ ଉଭୟ ପକ୍ଷ ମଧ୍ୟରେ ଗୁଳି ବିନିମୟ ହୋଇଥିଲା ।

ଟାଙ୍ଗିଆରେ ହାଣି ସାଥୀ ସିକ୍ୟୁରିଟି ଗାର୍ଡଙ୍କୁ ହତ୍ୟା କଲା ସିକ୍ୟୁରିଟି ଗାର୍ଡ

ବୌଦ୍ଧ: ଡ୍ୟୁଟି ବେଳେ ରାତିର ଅନ୍ଧାରରେ ନିଜ ସାଥୀକୁ ହତ୍ୟା କଲା ସିକ୍ୟୁରିଟି ଗାର୍ଡ । ଘଟଣା ଘଟିଛି ବୌଦ୍ଧ ଜିଲ୍ଲାରେ । ହତ୍ୟା କରିବା ପରେ ଥାନାରେ ଆତ୍ମସମର୍ପଣ କରିଛି ହତ୍ୟାକାରୀ ।

ଖବର ଅନୁସାରେ ବୌଦ୍ଧ ଜିଲ୍ଲା ଆଦର୍ଶ ଥାନା ଅଞ୍ଚଳରେ ଘଟିଛି ହତ୍ୟାକାଣ୍ଡ । ମୃତକ ଜଣଙ୍କ ହେଲେ ରାଉତବାହାଲ ଗ୍ରାମର ରଞ୍ଜନ ପ୍ରଧାନ । ହତ୍ୟାକାରୀ ହେଲେ ଖୁଣ୍ଟିଆପଡାର ପ୍ରକାଶ ବେହେରା । ଉଭୟ ରେଳ ଲାଇନ୍ ନିର୍ମାଣ କାର୍ଯ୍ୟରେ ଜଗୁଆଳି ଭାବେ କାମ କରୁଥିଲେ । ଲୁହା ବିକ୍ରିକୁ ନେଇ ଉଭୟଙ୍କ ମଧ୍ୟରେ ବିବାଦ ଦେଖା ଦେଇଥିଲା । ଯାହାକୁ ନେଇ ପ୍ରକାଶ, ରଞ୍ଜନଙ୍କୁ ଟାଙ୍ଗିଆରେ ହାଣି ହତ୍ୟା କରିଥିଲେ । ଏହାପରେ ଥାନାକୁ ଆସି ଆତ୍ମସମର୍ପଣ କରିଥିଲେ ।

ଶ୍ରାବଣ ଶେଷ ସୋମବାର, ଶୈବପୀଠରେ ଭକ୍ତିମୟ ପରିବେଶ

ଭୁବନେଶ୍ବର: ଶ୍ରାବଣ ଶେଷ ସୋମବାରରେ ସାରା ରାଜ୍ୟରେ ଭକ୍ତିମୟ ପରିବେଶ । ଶୈବପୀଠରେ ଲାଗିଛି କାଉଡ଼ିଆଙ୍କ ଭିଡ଼ । ପବିତ୍ର ଜଳରେ ବାବାଙ୍କୁ ଅଭିଷେକ କରୁଛନ୍ତି କାଉଡ଼ିଆ । ରାଜ୍ୟ ଓ ରାଜ୍ୟ ବାହାରୁ କାଉଡ଼ିଆମାନେ ଛୁଟି ଆସିଛନ୍ତି ବାବାଙ୍କ ପୀଠକୁ । ଲିଙ୍ଗରାଜ ବାବା, ବାବା ଆଖଣ୍ଡଳମଣି, ଲୋକନାଥ ବାବା, ଚନ୍ଦନେଶ୍ବର ବାବା, ପଞ୍ଜଲିଙ୍ଗେଶ୍ବର ବାବା, କପିଳାସ ବାବାଙ୍କ ପୀଠ ସହ ଅନ୍ୟ ଶୈବପୀଠରେ ଜଳଲାଗି କରୁଛନ୍ତି କାଉଡ଼ିଆ । ମଳମାସ ଶେଷ ହେବା ପରେ ଅଗଷ୍ଟ ମାସର ଶେଷ ଦୁଇଟି ସୋମବାର ଜଳଲାଗିର ବ୍ୟବସ୍ଥା ରହିଥିବା ସଂସ୍କୃତି ଗବେଷକମାନେ କହିଥିଲେ ।

ବାବା ଲିଙ୍ଗରାଜଙ୍କ ପୀଠରେ ଦେଖିବାକୁ ମିଳିଥିଲା କାଉଡ଼ିଆଙ୍କ ଭିଡ଼ । ଦୂର ଦୂରାନ୍ତରୁ ବାବାଙ୍କୁ ଜଳଲାଗି ପାଇଁ ଛୁଟି ଆସିଛନ୍ତି ବାବାଙ୍କ ଭକ୍ତ । ଭକ୍ତଙ୍କ ସୁରକ୍ଷା ପାଇଁ କରାଯାଇଛି ସ୍ବତନ୍ତ୍ର ବ୍ୟବସ୍ଥା ।

ଆରଡି ପୀଠ ବାବା ଆଖଣ୍ଡଳମଣିଙ୍କୁ ଜଳାଭିଷେକ କରୁଛନ୍ତି ସହସ୍ରାଧିକ କାଉଡିଆ । ରାଜ୍ଯର ବିଭିନ୍ନ ପ୍ରାନ୍ତରରୁ ଆସିଛନ୍ତି କାଉଡିଆ । ଶୃଙ୍ଖଳିତ ଜଳାଭିଷେକ ପାଇଁ ମନ୍ଦିର ପ୍ରଶାସନ ଓ ଜିଲ୍ଲା ପ୍ରଶାସନ ପକ୍ଷରୁ କଡା ସୁରକ୍ଷା ବ୍ଯବସ୍ଥା ସହିତ ସ୍ବତନ୍ତ୍ର ବ୍ଯାରିକେଟ କରାଯାଇଛି । ଅନ୍ଯପଟେ ବାବାଙ୍କ ପାଖରେ ମଙ୍ଗଳ ଆଳତୀ ସହ ସକାଳଧୂପ ସରିବା ପରେ ଭକ୍ତଙ୍କ ଦର୍ଶନ ଓ ପୂଜାର୍ଚ୍ଚନା ପାଇଁ ସାହଣମେଲା ରହିଛି ।

ଶ୍ରାବଣ ଶେଷ ସୋମବାର ପାଇଁ ଜଳେଶ୍ବର ଚନ୍ଦନେଶ୍ଵର ଶୈବପୀଠ ଚଳଚଞ୍ଚଳ । ମହାଦେବଙ୍କ ପାଖରେ ଜଳାଭିଷେକ କରୁଛନ୍ତି କାଉଡିଆ । ଗୋଟିଏ ଦିନ ପରେ ପୁର୍ଣ୍ଣିମା ଥିବାରୁ ଲକ୍ଷାଧିକ ଭକ୍ତଙ୍କ ସମାଗମ ହୋଇଛି । ଭକ୍ତଙ୍କ ସୁରକ୍ଷା ଦୃଷ୍ଟିରୁ ସ୍ଥାନୀୟ ପ୍ରଶାସନ ତରଫରୁ ସୁରକ୍ଷା ବ୍ୟବସ୍ଥାକୁ କଡ଼ା କରାଯାଇଛି ।

ସେହିପରି ନୀଳଗିରର ପ୍ରସିଦ୍ଧ ବାବା ପଞ୍ଚଲିଙ୍ଗେଶ୍ବର ପୀଠାରେ ଦେଖିବାକୁ ମିଳିଛି କାଉଡ଼ିଆଙ୍କ ଭିଡ଼ । ବୋଲବମ୍ ହରହର ବମ୍ ଧ୍ବନୀରେ ପ୍ରକମ୍ପିତ ହେଉଛି ପରିବେଶ । ଭୋର ୪ଟାରୁ ଭକ୍ତ ଜଳାଭିଷେକ କରିବା ଆରମ୍ଭ କରିଦେଇଛନ୍ତି ।

ସେହିପରି, ରାଜ୍ୟର ଅନ୍ୟ ଶୈବପୀଠରେ ମଧ୍ୟ ଦେଖିବାକୁ ମିଳିଛି କାଉଡ଼ିଆଙ୍କ ସାମଗମ ।

ସ୍ବର୍ଣ୍ଣ ଜିତି ଇତିହାସ ରଚିଲେ ନୀରଜ, ନିରାଶ କଲେ ଓଡ଼ିଆ ପୁଅ କିଶୋର

ନୂଆଦିଲ୍ଲୀ: ବିଶ୍ବ ଦୌଡ଼କୁଦ ପ୍ରତିଯୋଗିତାରେ ସ୍ବର୍ଣ୍ଣ ଜିତି ଇତିହାସ ରଚିଲେ ଭାରତର ଜାଭଲିନ୍‌ ବୟ ନୀରଜ ଚୋପ୍ରା । ବିଶ୍ବ ଦୌଡ଼କୁଦ ପ୍ରତିଯୋଗିତାର ଦୀର୍ଘ ୪୦ ବର୍ଷର ଇତିହାସରେ ପ୍ରଥମ ଥର ଭାରତକୁ ମିଳିଛି ସ୍ବର୍ଣ୍ଣ ପଦକ । ସେପଟେ ନିରାଶ କରିଛନ୍ତି ଓଡ଼ିଆ ପୁଅ କିଶୋର କୁମାର ଜେନା ।

ଅଲିମ୍ପିକ ସ୍ବର୍ଣ୍ଣ ବିଜୟର ଦୁଇ ବର୍ଷ ପରେ ନୀରଜ ଏହି ସ୍ବର୍ଣ୍ଣିମ ସଫଳତା ପାଇଛନ୍ତି । ଏହାଦ୍ବାରା ସମସ୍ତ ପ୍ରମୁଖ ବିଶ୍ବସ୍ତରୀୟ ପ୍ରତିଯୋଗିତା ଅଲିମ୍ପିକ, ରାଜ୍ୟଗୋଷ୍ଠୀ, ଏସୀୟ କ୍ରୀଡ଼ା ଓ ବିଶ୍ୱ ଦୌଡ଼କୁଦ ପ୍ରତିଯୋଗିତାରେ ସ୍ବର୍ଣ୍ଣ ପଦକ ଜିତିବାରେ ସେ ପ୍ରଥମ ଭାରତୀୟ ହୋଇପାରିଛନ୍ତି । ନୀରଜଙ୍କ ଏହି ଐତିହାସିକ ସଫଳତାରେ ଦେଶ ଉତ୍ସବମୁଖର ହୋଇଯାଇଛି । ତାଙ୍କୁ କ୍ରୀଡ଼ାପ୍ରେମୀଙ୍କ ସହ ବିଭିନ୍ନ ବିଶିଷ୍ଟ ବ୍ୟକ୍ତିମାନେ ଅଭିନନ୍ଦନ ଜଣାଇଛନ୍ତି । ଜାଭଲିନ୍‌ ଫାଇନାଲ୍‌ରେ ନୀରଜ ତାଙ୍କ ଦ୍ବିତୀୟ ପ୍ରୟାସରେ  ୮୮.୧୭ ମିଟର ଜାଭଲିନ୍‌ ଫିଙ୍ଗି ଏହି ସଫଳତା ପାଇଛନ୍ତି । ପାରମ୍ପରିକ ପ୍ରତିଦ୍ବନ୍ଦ୍ବୀ ପାକିସ୍ତାନର ଅର୍ଶଦ ନଦୀମ  ୮୭.୮୨ ମିଟର ଥ୍ରୋ କରି ରୌପ୍ୟ ଏବଂ ଚେକ୍‌ ରିପବ୍ଲିକ୍‌ର ଜାକବ ଭାଦଲେଜକ ୮୬.୬୭ ମିଟର ଥ୍ରୋ କରି କାଂସ୍ୟ ପଦକ ଜିତିଛନ୍ତି ।

ଅନ୍ୟପକ୍ଷେ, କିଶୋର ପ୍ରତିଯୋଗିତାରେ ପଦକ ତାଲିକାରେ ନାଁ ଲେଖି ପାରିନାହାନ୍ତି । ଦମ୍‌ଦାର ପ୍ରଦର୍ଶନ ସହ ବ୍ୟକ୍ତିଗତ ଶ୍ରେଷ୍ଠ ପ୍ରଦର୍ଶନ କରି ୮୪.୭୭ ମିଟର ଥ୍ରୋ କରି  ପଞ୍ଚମ ସ୍ଥାନରେ ରହିଥିଲେ । ଅନ୍ୟତମ ଫାଇନାଲିଷ୍ଟ ଡିପି ମନୁ ୮୪.୧୪ ମିଟର ଥ୍ରୋ କରି ଷଷ୍ଠ ସ୍ଥାନରେ ଅଭିଯାନ ଶେଷ କରିଛନ୍ତି ।

ରାଷ୍ଟ୍ରୀୟ ମର୍ଯ୍ୟାଦା ସହ ହେବ ପଦ୍ମଶ୍ରୀ କବି ଜୟନ୍ତ ମହାପାତ୍ରଙ୍କ ଶେଷକୃତ୍ୟ

ଭୁବନେଶ୍ବର : ପଦ୍ମଶ୍ରୀ କବି ଜୟନ୍ତ ମହାପାତ୍ରଙ୍କ ରାଷ୍ଟ୍ରୀୟ ମର୍ଯ୍ୟାଦା ସହ ହେବ ଶେଷକୃତ୍ୟ । ଶେଷ ଦର୍ଶନ କରିବା ପାଇଁ ଏବେ ବିଶିଷ୍ଟ ବ୍ୟକ୍ତିଙ୍କ ଗହଳି ଜମୁଥିବାବେଳେ ମୁଖ୍ୟମନ୍ତ୍ରୀଙ୍କ ସମେତ ଅନେକ ବିଶିଷ୍ଟ ବ୍ୟକ୍ତି ଶୋକ ପ୍ରକାଶ କରିଛନ୍ତି । ସୁଖ୍ୟାତ ସାହିତ୍ୟିକ ଜୟନ୍ତ ମହାପାତ୍ରଙ୍କ ଦେହାନ୍ତ ବିଷୟରେ ଜାଣି ଶୋକ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସାହିତ୍ୟ ଜଗତରେ ଏହା ଏକ ଅପୂରଣୀୟ ଶୂନ୍ୟସ୍ଥାନ । ଉଭୟ ଓଡ଼ିଆ ଏବଂ ଇଂରାଜୀ ସାହିତ୍ୟରେ ଅନନ୍ୟ ସୃଜନସୃଷ୍ଟି ତାଙ୍କୁ ସର୍ବଦା ଅମର କରି ରଖିବ । ମହାନ ସାହିତ୍ୟିକଙ୍କ ଅମର ଆତ୍ମାର ସଦଗତି କାମନା ସହ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ ।

ଜୟନ୍ତ ମହାପାତ୍ରଙ୍କ ପରଲୋକରେ ରାଜ୍ୟସଭା ସାଂସଦ ମାନସ ମଙ୍ଗରାଜ ମଧ୍ୟ ଶୋକପ୍ରକାଶ କରିଛନ୍ତି । ଓଡ଼ିଶା ସହିତ ସାହିତ୍ୟ ଜଗତ ପାଇଁ ଏହା ଅପୂରଣୀୟ କ୍ଷତି  । ଭାରତର ପ୍ରଥମ ଇଂରାଜୀ କବି ଭାବେ ସେ ସାହିତ୍ୟ ଏକାଡେମୀ ପୁରସ୍କାର ପାଇଥିଲେ  । ତାଙ୍କ ବ୍ୟକ୍ତିତ୍ବ ଯୁବପିଢିଙ୍କୁ ମାର୍ଗଦର୍ଶନ କରିବ ବୋଲି ମାନସ ମଙ୍ଗରାଜ କହିଛନ୍ତି  ।

ପଦ୍ମଶ୍ରୀ କବି ଜୟନ୍ତ ମହାପାତ୍ରଙ୍କ ପରଲୋକରେ ମୁଖ୍ୟମନ୍ତ୍ରୀଙ୍କ ସମେତ ବିଶିଷ୍ଟ ବ୍ୟକ୍ତିଙ୍କ ଶୋକପ୍ରକାଶ

ଭୁବନେଶ୍ବର : ପଦ୍ମଶ୍ରୀ କବି ଜୟନ୍ତ ମହାପାତ୍ରଙ୍କ ପରଲୋକରେ ମୁଖ୍ୟମନ୍ତ୍ରୀଙ୍କ ଶୋକପ୍ରକାଶ   । ସୁଖ୍ୟାତ ସାହିତ୍ୟିକ ଜୟନ୍ତ ମହାପାତ୍ରଙ୍କ ଦେହାନ୍ତ ବିଷୟରେ ଜାଣି ଶୋକ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସାହିତ୍ୟ ଜଗତରେ ଏହା ଏକ ଅପୂରଣୀୟ ଶୂନ୍ୟସ୍ଥାନ । ଉଭୟ ଓଡ଼ିଆ ଏବଂ ଇଂରାଜୀ ସାହିତ୍ୟରେ ଅନନ୍ୟ ସୃଜନସୃଷ୍ଟି ତାଙ୍କୁ ସର୍ବଦା ଅମର କରି ରଖିବ । ମହାନ ସାହିତ୍ୟିକଙ୍କ ଅମର ଆତ୍ମାର ସଦଗତି କାମନା ସହ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ ।

ଜୟନ୍ତ ମହାପାତ୍ରଙ୍କ ପରଲୋକରେ ରାଜ୍ୟସଭା ସାଂସଦ ମାନସ ମଙ୍ଗରାଜ ମଧ୍ୟ ଶୋକପ୍ରକାଶ କରିଛନ୍ତି । ଓଡ଼ିଶା ସହିତ ସାହିତ୍ୟ ଜଗତ ପାଇଁ ଏହା ଅପୂରଣୀୟ କ୍ଷତି  । ଭାରତର ପ୍ରଥମ ଇଂରାଜୀ କବି ଭାବେ ସେ ସାହିତ୍ୟ ଏକାଡେମୀ ପୁରସ୍କାର ପାଇଥିଲେ  । ତାଙ୍କ ବ୍ୟକ୍ତିତ୍ବ ଯୁବପିଢିଙ୍କୁ ମାର୍ଗଦର୍ଶନ କରିବ ବୋଲି ମାନସ ମଙ୍ଗରାଜ କହିଛନ୍ତି  ।

କଥା ଦେଇ କଥା ରଖିଲେ ମୁଖ୍ୟମନ୍ତ୍ରୀ

ନୟାଗଡ଼: କଥା ଦେଇ କଥା ରଖିଲେ ମୁଖ୍ୟମନ୍ତ୍ରୀ । ବିକାଶ ପାଇଁ ଅର୍ଥ ଯୋଗାଇ ଦେଇଥିବାରୁ ଧନ୍ୟବାଦ ଜଣାଇଲେ ନୟାଗଡ଼ରବାସୀ । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ଫାଇଭ-ଟି ସଚିବ ଦଶପଲ୍ଲାରେ କିଛି ବାକି ଥିବା ଉନ୍ନୟନ ମୂଳକ କାର୍ଯ୍ୟ ବୁଲି ଦେଖିବା ସହ ସମୀକ୍ଷା କରିଥିଲେ । ପରେ ମୁଖ୍ୟମନ୍ତ୍ରୀ ଏହାର ଉନ୍ନତି ପାଇଁ ଅର୍ଥ ଅନୁମୋଦନ କରିଛନ୍ତି । ଆଜି ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରାଙ୍କ ନେତୃତ୍ୱରେ ଦଶପଲ୍ଲା ବ୍ଲକ ଅଧ୍ୟକ୍ଷା ସୁନନ୍ଦା ସାହୁ ,ଦଶପଲ୍ଲା ବ୍ଲକ ବିଜେଡି ସଭାପତି ସୁଦାମ ଚରଣ ନାୟକ, ପୂର୍ବତନ ବ୍ଲକ ଅଧ୍ୟକ୍ଷ ଉପେନ୍ଦ୍ର କୁମାର ସାହୁଙ୍କ ସମେତ ବହୁ ବିଜେଡି କର୍ମୀ ଏବଂ ଜନସାଧାରଣ ମହାବୀର ମନ୍ଦିର ଠାରୁ ବାଇକ ରାଲିରେ ବାହାରି ବିଭିନ୍ନ ସ୍ଥାନକୁ ଯାଇ ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ଶିଳାନ୍ୟାସ ଏବଂ ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ଦଶପଲ୍ଲାର ଉନ୍ନତି ପାଇଁ ଅର୍ଥ ଯୋଗାଇ ଦେଇଥିବାରୁ ଜନସାଧାରଣ ଓ ବିଜେଡ଼ି କର୍ମୀ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ।

ପୁଣି ସାଂସଦ ଅପରାଜିତାଙ୍କ ବିରୋଧରେ ଜନଆକ୍ରୋଶ

ଭୁବନେଶ୍ବର: ପିଛା ଛାଡ଼ୁନି ଅପରାଜିତାଙ୍କ ବିରୋଧରେ ଜନଆକ୍ରୋଶ । ଖାଲି ଲୋକଙ୍କୁ ଧୋକା ନୁହେଁ ଲୋକଙ୍କ ଟଙ୍କା ବି ଲୁଟିଛନ୍ତି ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ । ଯେଉଁଥିପାଇଁ ଭୁବନେଶ୍ବର ଜୟଦେବ ନିର୍ବାଚନ ମଣ୍ଡଳୀରେ ମହିଳାଙ୍କ ବିରୋଧର ଶିକାର ହୋଇଛନ୍ତି ଅପରାଜିତା । ବାଲିପାଟଣାରେ ମୁହାଁମୁହିଁ ହୋଇଛନ୍ତି ମହିଳା ଓ ସାଂସଦ । ମହିଳାଙ୍କ ଅଭିଯୋଗ ଅନୁସାରେ ଅଜିତା ସଂସ୍ଥା ନାଁରେ ରୋଜଗାର ଦେବାର ଲୋଭ ଦେଖାଇ ଜଣ ପିଛା ୫୦ ଟଙ୍କା ଲେଖାଏଁ ମାଗିଥିଲେ ସାଂସଦ । ସିଲାଇ ଓ ବଡ଼ି ପାମ୍ପଡ଼ କାମ କରି ମହିଳାଙ୍କୁ ସ୍ବାବଲମ୍ବୀ କରିବାକୁ ସ୍ବପ୍ନ ଦେଖାଇଥିଲେ । ହେଲେ ସାଂସଦ ଅପରାଜିତାଙ୍କ କାର୍ଯ୍ୟକାଳ ସରିବାକୁ ବସିଥିବାବେଳେ ଏଯାଏଁ କୌଣସି ପ୍ରତିଶ୍ରୁତି ପୂରା ହେଲାନି କି ଟଙ୍କା ମଧ୍ୟ ଫେରାଗଲାନି । ଅପରାଜିତା ଜୟଦେବ ନିର୍ବାଚନମଣ୍ଡଳୀ ଯାଇଥିବାବେଳେ ତାଙ୍କୁ କଳାପତାକା ଦେଖାଇବା ସହିତ ଟଙ୍କା ଫେରାଇବାକୁ ଦାବି କରିଥିଲେ ମହିଳା । ଲୋକଙ୍କର ଏଭଳି ବିରୋଧ ଦେଖି ଉତ୍ତ୍ୟକ୍ତ ହୋଇଯାଇଥିଲେ ସାଂସଦ । ଅପରାଜିତାଙ୍କ ଭଡ଼ାଟିଆ ଗୁଣ୍ଡା ମହିଳାଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ହକ୍ ମାଗୁଥିବା ମହିଳାଙ୍କ ଉପରକୁ ଟେକାପଥର ମାରିବା ସହିତ ଗୋଇଠା ମାରିବାକୁ ବି ପଛାଇନଥିଲେ ଅପରାଜିତାଙ୍କ ବାଉନସର । ଘଟଣାସ୍ଥଳରେ ବାଲିପାଟଣା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ପୂର୍ବରୁ ମଧ୍ୟ ନିଜ ସଂସଦୀୟ କ୍ଷେତ୍ରରେ ବାରମ୍ବାର ଲୋକଙ୍କ ବିରୋଧର ଶିକାର ହୋଇଛନ୍ତି ଅପରାଜିତା । ମିଛ ପ୍ରତିଶ୍ରୁତି ଦେଇ ନିର୍ବାଚନ ଜିତିବା ପରେ ଲୋକଙ୍କ ପାଖକୁ ଯାଉନଥିବାରୁ ସାଂସଦଙ୍କ ବିରୋଧରେ ଆକ୍ରୋଶ ବଢିବାରେ ଲାଗିଛି ।