ଭୁବନେଶ୍ବର : ରାଜରାସ୍ତାରେ ବୁଲୁଛି ଖଣ୍ଡା। କ୍ୟାମ୍ପସରେ ବୋମାମାଡ଼ ସହ ସରକାରୀ କାର୍ଯ୍ୟାଳୟରେ ହେଉଛି ଭଙ୍ଗାରୁଜା । ଯୋଜନାବଦ୍ଧ ଭାବେ କରାଯାଉଛି ଆକ୍ରମଣ। ଅପରାଧ କରି ଖୁଲମ ଖୁଲା ବୁଲୁଛନ୍ତି ଅପରାଧୀ। ଶାସକ ଦଳର ଛତ୍ର ଛାୟାରେ ବଳୀୟାନ ହେଉଛନ୍ତି ଅପରାଧୀ। ଯାହା ପୁରୀ ଜିଲ୍ଲାର ସତ୍ୟବାଦୀ ଘଟଣାରୁ ସ୍ପଷ୍ଟ ହେଉଛି। ଏହାକୁ ନେଇ ବିଜେପି ସରକାର ଉପରେ ବର୍ଷିଛନ୍ତି ଦୁଇ ବିରୋଧୀ ବିଜେଡି ଓ କଂଗ୍ରେସ। ବିଜେଡି ଅଭିଯୋଗ କରିଛି ଯେ, ରାଜ୍ୟରେ ବିଜେପି କ୍ଷମତାକୁ ଆସିବା ଦିନଠୁ ଗଣତନ୍ତ୍ରର ହତ୍ୟା ହେଉଛି। କେହି ନ ଥିବା ବେଳେ ସତ୍ୟବାଦୀ ବ୍ଲକ ଅଧ୍ୟକ୍ଷକଙ୍କ ଅଫିସରେ ଭଙ୍ଗାରୁଜା ହେଲା। ଦୁଇ ଦିନ ବିତିଥିଲେ ବି ପୋଲିସ ହାତ ଖାଲି। ବିଧାୟକଙ୍କ ଚାରି ପାଖରେ ବସୁଥିବା ଲୋକ ଏହି ଆକ୍ରମଣରେ ସାମିଲ ଅଛନ୍ତି ବୋଲି ଅଭିଯୋଗ କରିଛି ବିଜେଡି। ଦୋଷୀଙ୍କୁ ଗିରଫ କରା ନ ଗଲେ ବିରାଟ ଆନ୍ଦୋଳନ କରିବାକୁ ଦଳ ଚେତାବନୀ ଦେଇଛି। ସେହିପରି କଂଗ୍ରେସ ମଧ୍ୟ ରାଜ୍ୟର ଆଇନ ଶୃଙ୍ଖଳାକୁ ନେଇ ସରକାରଙ୍କୁ ସିଧା ନିଶାନା କରିଛି।

କେବଳ ସରକାରୀ କାର୍ଯ୍ୟାଳୟ କି ସର୍ବସାଧାରଣ ସ୍ଥାନ ନୁହେଁ। ମହିଳାଙ୍କ ପାଇଁ ଓଡ଼ିଶା ସୁରକ୍ଷିତ ନୁହେଁ ବୋଲି ପୂର୍ବରୁ ଆଡଭାଇଜରୀ ଜାରି କରିଥିଲା ଆମେରିକା। ଯାହା ବିଦେଶରେ ଓଡ଼ିଶାର ଛବିକୁ ମଳିନ କରିଛି ବୋଲି ପଦଯାତ୍ରା ମାଧ୍ୟମରେ ଅଭିଯୋଗ କରିଛି ବିଜେଡି। ସେହିପରି ଛାତ୍ର ସଂସଦ ନିର୍ବାଚନରେ ବିସିଜେଡି ଓ ଛାତ୍ର କଂଗ୍ରେସ ସମର୍ଥିତ ପ୍ରାର୍ଥୀଙ୍କ ନାମାଙ୍କନ ପତ୍ରକୁ ଜାଣିଶୁଣି ନାକଚ କରାଯାଇଛି ବୋଲି ଅଭିଯୋଗ କରିଛି କଂଗ୍ରେସ। ଛାତ୍ରଛାତ୍ରୀଙ୍କ ଉପରେ ଆକ୍ରମଣ ହେବା ସହ କ୍ୟାମ୍ପସରେ ଅଶାନ୍ତ ପରିବେଶ ସୃଷ୍ଟି କରାଯାଇଛି। ଶାସକ ଦଳର ଇଙ୍ଗିତରେ ଗୁଣ୍ଡାରାଜ ଚାଲିଛି ବୋଲି କହିଛି କଂଗ୍ରେସ। ଜବାବରେ ଆଇନ ମନ୍ତ୍ରୀ କହିଛନ୍ତି, ଘଟଣା ବିଷୟରେ ଅବଗତ ଅଛି।  ରାଜ୍ୟରେ ଦିନକୁ ଦିନ ବିଗିଡ଼ି ଗଲାଣି ଆଇନଶୃଙ୍ଖଳା। ଅସୁରକ୍ଷିତ ମଣିଲେଣି ମହିଳା। ସ୍ଥିତି ବିପର୍ଯ୍ୟସ୍ତ ହେବାକୁ ବସିଥିବା ବେଳେ, ମୁହାଁମୁହିଁ ହୋଇଛନ୍ତି ଶାସକ ଓ ବିରୋଧୀ।

ପ୍ରକାଶ ପାଇଛି ଛାତ୍ର ସଂସଦ ନିର୍ବାଚନ ଫଳାଫଳ। ବିଭିନ୍ନ କଲେଜରେ ବାଜିମାତ୍ କରିଛନ୍ତି ବିସିଜେଡି ସମର୍ଥିତ ପ୍ରାର୍ଥୀ। ରମାଦେବୀ ମହିଳା ବିଶ୍ବବିଦ୍ୟାଳୟରେ ବିସିଜେଡି ପ୍ରାର୍ଥୀ ବିଜୟୀ ହୋଇଛନ୍ତି। ସଭାପତି ଭାବେ ବିସିଜେଡି ପ୍ରାର୍ଥୀ ସୋନାଲି ବେହେରା ବିଜୟୀ ହୋଇଛନ୍ତି। କମଳା ନେହେରୁ ମହିଳା ମହାବିଦ୍ୟାଳୟରେ ବିସିଜେଡି ପ୍ରାର୍ଥୀ ବିଜୟୀ ହୋଇଛନ୍ତି। ସମସ୍ତ ପଦରେ ବିସିଜେଡି ପ୍ରାର୍ଥୀ ବିଜୟୀ ହୋଇଛନ୍ତି। ରେଭେନ୍ସା ବିଶ୍ବବିଦ୍ୟାଳୟରେ ବିସିଜେଡି ପ୍ରାର୍ଥୀ ସଭାପତି ଭାବେ ବିଜୟୀ ହୋଇଛନ୍ତି। ବିଶ୍ବଜିତ ସାହୁ ସଭାପତି ଭାବେ ବାଜିମାତ୍ କରିଛନ୍ତି। ଭୁବନେଶ୍ବର ବିଜେବି କଲେଜ ଓ ରାଜଧାନୀ କଲେଜରେ ଏବିଭିପି ପ୍ରାର୍ଥୀ ସଭାପତି ପଦ ହାତେଇଛନ୍ତି। ସମ୍ବଲପୁର ବିଶ୍ୱବିଦ୍ୟାଳୟ ସମେତ ଗଙ୍ଗାଧର ମେହେର ବିଶ୍ୱବିଦ୍ୟାଳୟ, ମହିଳା ମହାବିଦ୍ୟାଳୟ ଏବଂ ନେତାଜୀ ସୁବାଷ ଚନ୍ଦ୍ର ବୋଷ କଲେଜରେ ବିଜୟ ଲାଭ କରିଛି ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ। ସମ୍ବଲପୁର ବିଶ୍ୱବିଦ୍ୟାଳୟରେ ଏବିଭିପି ପ୍ରାର୍ଥୀ ସୁଦର୍ଶନ ସୁନା ଆଗରେ ଥିବା ବେଳେ, ଗଙ୍ଗାଧର ମେହେର ବିଶ୍ୱବିଦ୍ୟାଳୟରେ ସ୍ୱାଧୀନ କୁମାର ଆଚାର୍ଯ୍ୟ ସଭାପତି ଭାବେ ନିର୍ବାଚିତ ହୋଇଛନ୍ତି। ମହିଳା ମହାବିଦ୍ୟାଳୟରେ ସୁଜ୍ଞାନି ମହାକୁର ଓ ନେତାଜୀ ସୁଭାଷ ଚନ୍ଦ୍ର ବୋଷ କଲେଜରେ ଏବିଭିପି ପ୍ରାର୍ଥୀ ଆୟୁଷ୍ମାନ ଦାସ ସଭାପତି ଭାବେ ନିର୍ବାଚିତ ହୋଇଛନ୍ତି। ସୁବର୍ଣ୍ଣପୁର ବୀରମହାରାଜପୁର ମହାବିଦ୍ୟାଳୟରେ ସଭାପତି ପଦରେ ବିଜୟୀ ହୋଇଛନ୍ତି ବିସିଜେଡି ପ୍ରାର୍ଥୀ ଶିବାଜୀ ବିଶ୍ୱାଳ। ପାଲଲହଡା ମାଲ୍ୟଗିରି ମହାବିଦ୍ୟାଳୟରେ ବିସିଜେଡିର ଲକ୍ଷ୍ମଣ ମୁଣ୍ଡା ବିଜୟୀ ହୋଇଛନ୍ତି। ବିଞ୍ଝାରପୁର ଖରସ୍ରୋତା ମହାବିଦ୍ୟାଳୟରେ ସମସ୍ତ ପଦ ହାତେଇଛନ୍ତି ବିସିଜେଡି ପ୍ରାର୍ଥୀ। ସଭାପତି ଭାବେ ନିର୍ବାଚିତ ହେଇଛନ୍ତି ସୁହାସ ରଞ୍ଜନ ପଡିଆରୀ। ପଟ୍ଟାମୁଣ୍ଡାଇ ମହାବିଦ୍ୟାଳୟରେ ବିସିଜେଡି ପ୍ରାର୍ଥୀ ରୁଦ୍ର ନାରାୟଣ ଦାଶ ସଭାପତି ଭାବେ ବିଜୟୀ ହୋଇଛନ୍ତି। ପଟାଙ୍ଗୀ ଗାଙ୍ଗେଶ୍ୱରୀ ମହାବିଦ୍ୟାଳୟରେ ସଭାପତି ପଦବୀରେ ବିସିଜେଡିର ମୁସରୀ ପାଙ୍ଗି ବିଜୟୀ ହୋଇଛନ୍ତି। ପାଟଣାଗଡ଼ ଜବାହାର କଲେଜ, ବେଳପଡା, ଘସିଏନ ଓ ଲରମ୍ଭାରେ ବସିଜେଡି ପ୍ରାର୍ଥୀ ବାଜିମାତ୍ କରିଛନ୍ତି। ଦଶପଲ୍ଲା ବୃନ୍ଦାବନ ସୁବୁଦ୍ଧି ଡିଗ୍ରୀ କଲେଜରେ ସମସ୍ତ ବିସିଜେଡି ପ୍ରାର୍ଥୀ ବିଜୟୀ ହୋଇଛନ୍ତି। ସଭାପତି ଭାବେ ବିସିଜେଡି ପ୍ରାର୍ଥୀ ସୌଭାଗ୍ୟ ବେହେରା ବିଜୟୀ ହୋଇଛନ୍ତି। ସେପଟେ ଜୟପାଟଣା ଜୟପାଟଣା ଇନ୍ଦ୍ରାବତୀ ଡିଗ୍ରୀ କଲେଜରେ ବିସିଜେଡିର କ୍ଲିନ୍ ସୁଇପ୍ ହୋଇଛି। ନିର୍ବାଚନରେ ବିସିଜେଡିର ସମସ୍ତ ପ୍ରାର୍ଥୀ ବିଜୟୀ ହୋଇଛନ୍ତି। ସଭାପତି ଭାବେ ଅସୀମ ସାଗର ବିଜୟୀ ହୋଇଛନ୍ତି। କାମାକ୍ଷାନଗର କଲେଜରେ ସଭାପତି ଭାବେ କିରଣ କୁମାର ନାୟକ ଓ ସମ୍ପାଦକ ଭାବେ ଧନଞ୍ଜୟ ସାହୁ ନିର୍ବାଚିତ ହୋଇଛନ୍ତି। ଢେଙ୍କାନାଳ ମହିଳା ମହାବିଦ୍ୟାଳୟରେ ସଭାପତି ଭାବେ ବିସିଜେଡି ପ୍ରାର୍ଥୀ ସୁଶ୍ରୀତା ପରିଡ଼ା ବିଜୟୀ ହୋଇଛନ୍ତି। ଯୋରନ୍ଦା ମହିମା ମହାବିଦ୍ୟାଳୟରେ ଏବିଭିପି ପ୍ରାର୍ଥୀ ଲକ୍ଷ୍ମୀପ୍ରିୟା ରାଉତ ସଭାପତି ଭାବେ ବିଜୟୀ ହୋଇଛନ୍ତି। ନୟାଗଡ଼ ସ୍ବୟଂଶାସିତ ମହାବିଦ୍ୟାଳୟରେ ସଭାପତି ପଦ ହାତେଇଲେ ବିସିଜେଡି ପ୍ରାର୍ଥୀ କାର୍ତ୍ତିକ ମହାନ୍ତି। ସାଲେପୁର ସ୍ବୟଂଶାସିତ ମହାବିଦ୍ୟାଳୟରେ ସମସ୍ତ ପଦ ହାତେଇଲେ ବିସିଜେଡି ପ୍ରାର୍ଥୀ। ସୁବର୍ଣ୍ଣପୁର ବିନିକା ସିଦ୍ଧାର୍ଥ ଡିଗ୍ରୀ ମହାବିଦ୍ୟାଳୟରେ ବିସିଜେଡି ପ୍ରାର୍ଥୀ ଆୟୁଷ୍ମାନ ସାହୁ ସଭାପତି ଭାବେ ବିଜୟୀ ହୋଇଛନ୍ତି। ଦଶରଥପୁର ବ୍ଲକ ସାଧୁ ଗୌଡ଼େଶ୍ୱର ମହାବିଦ୍ୟାଳୟରେ ବିସିଜେଡି ପ୍ରାର୍ଥୀ ଦେବାଶିଷ ଦାସ ସଭାପତି ଭାବେ ବିଜୟୀ ହୋଇଛନ୍ତି। ଫୁଲବାଣୀରେ ସ୍ଵୟଂଶାସିତ ମହାବିଦ୍ୟାଳୟରେ ବିଜୁ ଛାତ୍ର ଜନତା ଦଳର ପ୍ରାର୍ଥୀ ସୁମିତ କୁମାର ସଭାପତି ଭାବେ ବିଜୟୀ ହୋଇଛନ୍ତି।

ଭୁବନେଶ୍ବର : ଓଡିଶାରେ ବିଜେପି ସଂଗଠନକୁ ମଜଭୁତ କରିବା ପାଇଁ କାମ କରିବି । ଓଡିଶାର ନବ ନିଯୁକ୍ତି ରାଜ୍ୟପାଳଙ୍କ ଏପରି ବୟାନକୁ ନେଇ ସାରା ଦେଶରେ ଚର୍ଚ୍ଚା। ବିରୋଧୀ ଦଳ ନେତା ନବୀନ ପଟ୍ଟନାୟକ ରାଜ୍ୟପାଳଙ୍କ ବିବାଦୀୟ ବୟାନକୁ ନେଇ ଟୁଇଟ  କହିଥିଲେ ଯେ ଦଳୀୟ କାର୍ଯ୍ୟ କରିବା ପାଇଁ ମନୋନୀତ ରାଜ୍ୟପାଳଙ୍କ ଉତ୍ସାହକୁ ଓଡିଶାବାସୀ ଦେଖୁଛନ୍ତି । ସେହିପରି ବ୍ରଜ ମୋହନଙ୍କ ବୟାନକୁ ନେଇ  ଜାତୀୟ ସ୍ତରର ନେତା ପ୍ରଶାନ୍ତ ଭୂଷଣ, ପଓ୍ବନ ଖେଡା, ଶାମା ମହମ୍ମଦ,  ମହୁଆ ମୋଇତ୍ରା ପ୍ରମୁଖ ନେତା ଓ ନେତ୍ରୀମାନେ ଟୁଇଟ କରି ନୂଆ ରାଜ୍ୟପାଳଙ୍କ ବୟାନକୁ କଡା ସମାଲୋଚନା କରିଛନ୍ତି ।  ବରିଷ୍ଠ ବିଜେଡି ଉପସଭାପତି ଦେବୀ ପ୍ରସାଦ ମିଶ୍ର କହିଛନ୍ତି ନୂଆ ରାଜ୍ୟପାଳ ଘୋଷଣା ପରେ ଦଳୀୟ କଥା କହିବା ଉଚିତ ନୁହେଁ। ରାଜ୍ୟପାଳ ପଦବୀ ସମ୍ବିଧାନିକ ପଦବୀ।  ଯେଉଁମାନେ କହୁଛନ୍ତି ସେ ଦାୟିତ୍ୱ ନେଇନାହାନ୍ତି ସେ କହିଵା ଠିଜ ନୁହେଁ।  ତାଙ୍କର ଏଭଳି ଆଭିମୁଖ୍ୟ ଠିକ ନୁହେଁ। ବୟାନ ପାଇଁ ସେ ଦୁଃଖ ପ୍ରକାଶ କରିବା କଥା।

କଂଗ୍ରେସ ମଧ୍ୟ ରାଜ୍ୟପାଳଙ୍କ ରାଜନୀତି ବୟାନକୁ ନେଇ ବର୍ଷିଛି । ବରିଷ୍ଠ କଂଗ୍ରେସ ନେତା ଜୟଦେବ ଜେନା କହିଛନ୍ତି ସାମ୍ବିଧାନିକ ପଦବୀକୁ କଳଙ୍କିତ କରୁଛି ଶାସକ ଦଳ । ଦାୟିତ୍ବ  ନେବା ପୂର୍ବରୁ ନୂଆ ରାଜ୍ୟପାଳଙ୍କ  ଆଭିମୁଖ୍ୟ ଦୁର୍ଭାଗ୍ୟଜନକ । ଓଡିଶାବାସୀ କାହାଠାରୁ ନ୍ୟାୟ ପାଇବେ ବୋଲି ପ୍ରଶ୍ନ କରିଛି କଂଗ୍ରେସ । ନୁଆ ରାଜ୍ୟପାଳଙ୍କ ବିବାଦୟ ବୟାଇନକୁ ନେଇ ଯୁକ୍ତି ବାଢ଼ିଛନ୍ତି ଆଇନ ମନ୍ତ୍ରୀ। ସେ କହିଛନ୍ତି- ରାଜ୍ୟପାଳଙ୍କ ପାଟିରୁ ଏପରି କଥା ବାହାରିଯାଇଛି । ଏହାକୁ ନେଇ ରାଜନୀତି କରିବାକୁ ଉଚିତ ନୁହେଁ । ବିଜେଡି ରାଜ୍ୟପାଳଙ୍କ ବୟାନକୁ କଟାକ୍ଷ କରିଛି । ଓଡିଶାର ନୂଆ ରାଜ୍ୟପାଳ ବ୍ରଜ ମୋହନ ଦାୟିତ୍ବ ନେବା ପୂର୍ବରୁ ରାଜନୈତିକ ବୟାନ ରାଜ୍ୟ ରାଜନୀତିକୁ ଉଷ୍ମ କରିଛି । ରାଜ୍ୟାପଳ କହିଛନ୍ତି  ସାମ୍ବିଧାନିକ ପରିଧି ଭିତରେ ରହି କାମ କରିବେ।