spot_img
Home Blog Page 5130

ଭାରତୀୟ ଡଙ୍ଗାକୁ ଗୁଳି ମାରିଲା ପାକିସ୍ତାନ ନୌସେନା; ଜଣେ ଭାରତୀୟ ମୃତ

ଅହମ୍ମଦାବାଦ: ପୁଣି ନିଜର ସୈତାନୀ ରୂପ ଦେଖାଇଛି ପାକିସ୍ତାନ । ଭାରତୀୟ ସୀମାରେ ଲଗାତର ଭାବରେ ପାକିସ୍ତାନ ତା’ର ସୈତାନୀ ରୂପ ଦେଖାଉଥିଲା । କିନ୍ତୁ ଏବେ ଜଳପଥରେ ପାକିସ୍ତାନ ତା’ର ପ୍ରକୃତ ରୂପ ଦେଖାଇଛି । ଆଜି ପାକିସ୍ତାନୀ ନୌସେନା ଗୁଜୁରାଟ ଦ୍ବାରିକା ଉପକୂଳରେ ଗୁଳିକାଣ୍ଡ କରିଛି । ଯାହା ଫଳରେ ଜଣେ ଭାରତୀୟ ମତ୍ସଜୀବୀଙ୍କ ମୃତ୍ୟୁ ହୋଇଛି । ପାକିସ୍ତାନ ନୌସେନା ଯେଉଁ ଭାରତୀୟ ବୋଟ ଉପରେ  ଫାଇରିଂ କରିଛି ସେହି ବୋଟର ନାମ ହେଉଛି ଜଲପରୀ । ପାକିସ୍ତାନୀଙ୍କ ଗୁଳିକାଣ୍ଡରେ ଜଣେ ଭାରତୀୟଙ୍କ ମୃତ୍ୟୁ ହୋଇଛି । ତେବେ ଏହା ପରେ ପୋଲିସ ଏହି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲେ ଏବଂ ଆହାତ ହୋଇଥିବା ମତ୍ସଜୀବୀଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ ପୋଲିସ ।

ଆରବ ସାଗରରେ ଭାରତ ଓ ପାକିସ୍ତାନ ମଧ୍ୟରେ ଜଳସୀମା ସ୍ପଷ୍ଟ ନୁହେଁ। ଏଣୁ ପାକିସ୍ତାନ ନୌସେନା ଅନେକ ସମୟରେ ଦାଦାଗିରି ଦେଖାଇ ଆସୁଥିଲେ ହିଁ ଭାରତୀୟ ନୌସେନା ଓ ତଟରକ୍ଷୀ ପ୍ରସଙ୍ଗରେ ନିରବ ରହୁଛନ୍ତି । ଗତବର୍ଷ ମାର୍ଚ୍ଚ ମାସରେ କୋଷ୍ଟଗାର୍ଡ ଓ ନୌସେନାର ଅନୁପସ୍ଥିତିରେ ପାକିସ୍ତାନ ନୌସେନା ୨ଟି ଭାରତୀୟ ମାଛଧରା ଡଙ୍ଗା ଜବତ କରିବା ସହ ୯ ଜଣ ଧିବରଙ୍କୁ ଗିରଫ କରିନେଇଥିଲା। ଏହା ପୂର୍ବରୁ ଫେବୃଆରୀ ମାସରେ ୧୭ ମତ୍ସ୍ୟଜୀବିଙ୍କୁ ଜଳସୀମାରେ ପ୍ରବେଶ ଲାଗି ଗିରଫ କରିଥିବା ବେଳେ ୩ଟି ନୌକା ମଧ୍ୟ ଜବତ କରିଥିଲା। ପାକିସ୍ତାନ ସୀମାରେ ଏପରି କାଣ୍ଡ କରିବା ସହ ଏବେ ସମୁଦ୍ର ସୀମାରେ ମଧ୍ୟ ଏଭଳି ସୈତାନି କରିବା ଆରମ୍ଭ କରିଛି । ତେବେ ଏହି ପ୍ରଥମ ଘଟଣା ନୁହେଁ ଗତ ବର୍ଷ ଏପ୍ରିଲରେ ଗୁଜୁରାଟ ସମୁଦ୍ର ସୀମାରେ ପାକିସ୍ତାନ ନୌସେନା ଦୁଇଟି ବୋଟ ଉପରେ ଗୁଳିକାଣ୍ଡ କରିଥିଲା । ତେବେ ଆଜି ଗୁଳିକାଣ୍ଡ ସମୟରେ ଏହି ବୋଟରେ ୮ ଜଣ ଲୋକ ଥିଲେ । ଏହି ଫାୟାରିଂରେ ଉତ୍ତରପ୍ରଦେଶର ଜଣେ ବ୍ୟକ୍ତି ଆହାତ ହୋଇଥିଲେ । ଏହି ଦୁଇଟି ଡଙ୍ଗା ଦ୍ବାରିକାର ସମୁଦ୍ର ତଟ ଅଞ୍ଚଳରେ ରହିଥିଲା । ତେବେ ଏହି ଘଟଣାରେ ଦ୍ବାରିକାର ଏସପି କହିଛନ୍ତି କି ଏହି ଦୁଇଟି ଡଙ୍ଗା ହୁଏତ  ସମୁଦ୍ର ସୀମା ଅତିକ୍ରମ କରିଥାଇ ପାରନ୍ତି । ତେଣୁ ପାକିସ୍ତାନ ନୌସେନା ସେମାନଙ୍କ ଉପରକୁ ଗୁଳି ଚଳାଇଥିଲେ । ଏହାପରେ ମତ୍ସଜୀବୀମାନେ ସେମାନଙ୍କ ରେଡିଓ ସେଟରୁ ଭାରତୀୟ ତଟରକ୍ଷୀ ବାହିନୀକୁ ଜଣାଇଥିଲେ ।

ଜଳୁଛି ସାତପଡ଼ା, ଜମି ଜବରଦଖଲକୁ ନେଇ ତୁମୁଳକାଣ୍ଡ

ବ୍ରହ୍ମଗିରି: ପୁରୀ ସାତପଡ଼ା ଅଞ୍ଚଳରେ ବୋମାମାଡ଼  । ବହୁଦିନର ବ୍ୟବଧାନରେ ବ୍ରହ୍ମଗିରି ଅଞ୍ଚଳରେ ହୋଇଛି ବୋମା ମାଡ଼ । ନାଥପୁରର ଦଳିତ ବସ୍ତିର ଲୋକେ ବୋମା ମାଡ଼ କରିଥିବା ସୂଚନା । ମିଳିଥିବା ସୂଚନା ମୁତାବକ ୩୫ ମୌଜାର ଜମିକୁ ଜବରଦଖଲ କରିଛନ୍ତି ଲୋକେ । ୩୫ ମୌଜାର ଲୋକେ ଦଳିତ ଲୋକଙ୍କୁ ବୈଠକକୁ ଡ଼ାକିବାରୁ ଉତେଜନା ହୋଇଥିଲା ।

ମିଳିଥିବା ସୂଚନା ମୁତବାକ ୩୫ ମୌଜା ବୈଠକକୁ ଦଳିତ ବସ୍ତିର ଲୋକ ଆସିବାରୁ ଆରମ୍ଭ ହୋଇଥିଲା ବିବାଦର ସୁତ୍ରପାତ  । କାହିଁକି ଦଳିତ ଲୋକ ବୈଠକରେ ଉପସ୍ଥିତ ରହିଲେ ସେନେଇ କିଛି ଲୋକ ପ୍ରଶ୍ନ ଉଠାଇଥିଲେ  । ସାଧାରଣ ବିବାଦରୁ ତୁମୁଳକାଣ୍ଡ ହୋଇଥିଲା  । ସେପଟେ ଭଉୟ ଗୋଷ୍ଠୀ ପାଖରେ ବୋମା, ବନ୍ଧୁକ ମହଜୁଦ ରଖିଥିଲେ ।

ଘଟମାସ୍ଥଳରେ ପରିସ୍ଥିତି ଉଦବେଗ ଜନକ ହୋଇଥିଲା  । ଏହାର ସୁଯୋଗ ନେଇ ସିରିଜ ବୋମା ମାଡ଼ ମଧ୍ୟ ହୋଇଥିଲା  । ସେପଟେ ଏହି ଘଟଣାରେ ଆହତର କୌଣସି ସୂଚନା ମିଳିପାରିନାହିଁ  । ଅନ୍ୟପଟେ  ପରିସ୍ଥିତିକୁ ନଜରରେ ରଖି ଘଟଣା ସ୍ଥଳରେ ୧୦୦ ରୁ ଉର୍ଦ୍ଧ ପୋଲିସ ମୁତୟନ ହୋଇଥିବାବେଳେ ପୁରୀ ଅତିରିକ୍ତ ଏସପି, ଏସଡିପିଓ ଓ ବ୍ରହ୍ମଗିରି ଆଇଆଇସି ଉପସ୍ଥିତ ଅଛନ୍ତି  ।

 

ନ୍ୟୁଜିଲାଣ୍ଡ ଆଗରେ ୧୨୫ ରନର ବିଜୟ ଲକ୍ଷ୍ୟ

ଦୁବାଇ: ଚଳିତ ଟି-୨୦ ବିଶ୍ବକପରେ ଆଜି ଭାରତ ପାଇଁ ବେଶ୍ ଗୁରୁତ୍ବପୂର୍ଣ୍ଣ । ଭାରତ ସେମିଫାଇନାଲକୁ ଯିବାକୁ ହେଲେ ଆଜିର ମ୍ୟାଚରେ ଆଫଗାନିସ୍ତାନକୁ ବିଜୟଲାଭ କରିରବାକୁ ହେବ । ଆଜି ନ୍ୟୁଜିଲାଣ୍ଡ-ଆଫଗାନିସ୍ତାନ ମଧ୍ୟରେ ଲଢ଼େଇ ଜାରି ରହିଛି । ଆଜିର ମ୍ୟାଚରେ ଟସ୍ ଜିତି ବ୍ୟାଟିଂର ନିଷ୍ପତି ନେଇଥିଲା ଆଫଗାନିସ୍ତାନ ।  ବ୍ୟାଟିଂ ଆରମ୍ଭରୁ ହିଁ ନିରାଶ କରିଥିଲା ଆଫଗାନିସ୍ତାନ । ଦୁଇ ଓପନର ଆଜି ପୁଣିଥରେ ନିରାଶ କରିଛନ୍ତି । ହାଜରାତୁଲ୍ଲା ଜାଜାଇ ଓ ମହମ୍ମଦ ସେହଜାଦ ଶୀଘ୍ର ଆଉଟ ହୋଇ ପ୍ୟାଭିଲିୟନ ଫେରିଥିଲେ । ଜାଜାଇ ୨ ରନ କରି ଆଉଟ ହୋଇଥିବା ବେଳେ ସେହଜାଦ ମାତ୍ର ୪ ରନ କରିପାରିଥିଲେ । ତେବେ ଆଫଗାନିସ୍ତାନ ପକ୍ଷରୁ ନଜିବୁଲ୍ଲା ଜାରଦାନ ବିସ୍ଫୋରକ ବ୍ୟାଟିଂ କରି ଆଫଗାନିସ୍ତାନର ସ୍କୋରକୁ ୧୨୪ ରନ ପର୍ଯ୍ୟନ୍ତ ନେଇଥିଲେ ।  ସେ ୪୮ ବଲରେ ୬ ଚୌକା ଓ ୩ ଛକା ସହାୟତାରେ ୭୩ ରନ କରିଥିଲେ ।  ତାଙ୍କ ବ୍ୟତୀତ ଆଫଗାନିସ୍ତାନ ଅଧିନାୟକ ମହମ୍ମଦ ନବୀ ୧୪ ରନ କରିଥିଲେ । ନ୍ୟୁଜିଲାଣ୍ଡ ପକ୍ଷରୁ ଟ୍ରେଣ୍ଟ ବୋଲ୍ଟ ୩ଟି ଓ୍ବିେକଟ ଅକ୍ତିଆର କରିଥିବାବେଳେ ଟିମ୍ ସାଉଦି ଦୁଇଟି ଓ୍ବିକେଟ ଅକ୍ତିଆର କରିଥିଲେ । ତେବେ ଆଫଗାନିସ୍ତାନକୁ ଏହି ମ୍ୟାଚକୁ ଜିତିବାକୁ ହେଲେ ଆଫଗାନି ବୋଲରଙ୍କୁ ଦମଦାର ବୋଲିଂ କରିବାକୁ ପଡ଼ିବ ।

 

୫ ଜଣ ଗ୍ରାମବାସୀଙ୍କୁ ଅପହରଣ କରିନେଲେ ମାଓବାଦୀ

ମାଲକାନଗିରି:  ଗ୍ରାମବାସୀଙ୍କୁ ଅପହରଣ କରିନେଲେ ମାଓବାଦୀ । ମାଓବାଦୀମାନେ ୫ ଜଣ ଗ୍ରାମବାସୀଙ୍କୁ ଅପହରଣ କରିନେଇଥିବା ଅଭିଯୋଗ ହୋଇଛି । ଗ୍ରାମବାସୀଙ୍କ ପକ୍ଷରୁ  ମାଓବାଦୀମାନେ ଅପହରଣ କରିନେଇଥିବା ଅଭିଯୋଗ ହୋଇଛି । ଓଡ଼ିଶା ସୀମାନ୍ତ ସୁକୁମା ଜିଲ୍ଲା କୋଣ୍ଟା ଥାନା ଅନ୍ତର୍ଗତ ବଟେର ଗାଁର ବାସିନ୍ଦାଙ୍କୁ ଅପହରଣ କରାଯାଇଥିବା ଅଭିଯୋଗ ହୋଇଛି ।

ମିଳିଥିବା ସୂଚନା ମୁତାବକ ଗତ ଶୁକ୍ରବାର ଦିନ ଜଣକୁ ଓ ଶନିବାରରେ ୪ ଜଣଙ୍କୁ ଅପହରଣ କରିଛନ୍ତି ମାଓବାଦୀ । ଏବେ ଯାଏଁ ଅପହୃତଙ୍କ କୌଣସି ସୂଚନା ମିଳିନାହିଁ । ଅପହୃତଙ୍କୁ ସୁରକ୍ଷିତ ଭାବେ ଛାଡି ଦେବାକୁ ନିବେଦନ କରିଛି ଆଦିବାସୀ ସମାଜ । ସେପଟେ କୋଉଁ କାରଣରୁ ମାଓବାଦୀମାନେ ଏହି ପାଞ୍ଚ ଜଣଙ୍କୁ ଅପହରଣ କରିଛନ୍ତି ତାହାର କୌଣସି ସୂଚନା ମିଳିପାରିନାହିଁ  ।

ବିଗତ ଦିନମାନଙ୍କରେ ସୁକମା ଜଙ୍ଗଲରେ ମାଓବାଦୀଙ୍କ ଉତ୍ପାତ ବଢିଛି  । କେତେବେଳେ ପୋଲିସ କର୍ମୀଙ୍କୁ ଅପହରଣ ତ, କେତେବେଳେ ସ୍ୱାସ୍ଥ୍ୟକର୍ମୀଙ୍କୁ ଅପହରଣ କରିଥିବା ଖବର ପ୍ରକାଶ ପାଇଥିଲା  । ସେପଟେ ମାଓ ଉତ୍ପାତକୁ ନେଇ ସେଠାରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯିବା ସହ ସେଠାରେ ଅଧିକ ସୁରକ୍ଷାକର୍ମୀଙ୍କୁ ନିୟୋଜିତ କରାଯାଇଛି  ।

ବର୍ଷାରେ ବେହାଲ ଚେନ୍ନାଇ; ବନ୍ୟା ସତର୍କତା ଜାରି

ଚେନ୍ନାଇ: ବର୍ଷାରେ ଉବୁଟୁବୁ ଚେନ୍ନାଇ । ମୂଷଳ ଧାରାରେ ବର୍ଷା ଯୋଗୁ ଜନ ଜୀବନ ଅସ୍ତବ୍ୟସ୍ତ ହୋଇପଡ଼ିଛି । ପ୍ରବଳ ବର୍ଷା ଯୋଗୁଁ ଚେନ୍ନାଇରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଲଗାତର ବର୍ଷା କାରଣରୁ ସହରର କେତକ ସ୍ଥାନ ଜଳମଗ୍ନ ହୋଇଛି । ପ୍ରବଳ ବର୍ଷା ପାଇଁ ଦୁଇ ଦୁଇ ଦିନ ପାଇଁ ସ୍କୁଲ ଓ କଲେଜକୁ ମଧ୍ୟ ଛୁଟି ଘୋଷଣା କରିଛି ତାମିଲନାଡୁ ସରକାର । ବଙ୍ଗୋପସାଗରରେ ସୃଷ୍ଟ ଲଘୁଚାପ ପ୍ରଭାବରେ ତାମିଲନାଡୁରେ ପ୍ରବଳ ବର୍ଷା ହୋଇଛି । ଅଧିକାଂଶ ରାଜପଥରେ ଯାନବାହନ ଚଳାଚଳ ବାଧାପ୍ରାପ୍ତ ହୋଇଥିବାବେଳେ ୫ଟି ଟ୍ରେନ ବାତିଲ ହୋଇଛି । ଗତକାଲି ରାତିରେ ଚେନ୍ନାଇରେ ପ୍ରବଳ ବର୍ଷା ଯୋଗୁଁ ବିଭିନ୍ନ ଅଞ୍ଚଳରେ ପାଣି ଜମାହୋଇ ରହିଛି  । ଏହି ବର୍ଷା ୨୦୧୫ ଠାରୁ ସର୍ବାଧିକ ହୋଇଥିବା କୁହାଯାଇଛି ।  ଏନେଇ ଟ୍ବିଟ୍ କରିଛି ପାଣିପାଗ ବିଭାଗ  ।

ବିଶେଷ କରି ଉତ୍ତର ଏବଂ କେନ୍ଦ୍ରୀୟ ଚେନ୍ନାଇରେ ପ୍ରବଳ ବର୍ଷା ହୋଇଥିବା ଦେଖିବାକୁ ମିଳିଛି  । କାର ଓ ବାଇକ୍ ପାଣିରେ ବୁଡ଼ି ରହିଥିବା ଭିଡ଼ିଓ ଲୋକମାନେ ଟ୍ବିଟରେ ପୋଷ୍ଟ କରୁଥିବା ଦେଖିବାକୁ ମିଳିଛି  । ସବୁଠାରୁ ବଡ଼ କଥା ହେଉଛି ଚେନ୍ନାଇ ପାଇଁ ପାନୀୟ ଜଳର ଗୁରୁତ୍ବପୂର୍ଣ୍ଣ ଉତ୍ସ ଭାବରେ କାର୍ଯ୍ୟ କରୁଥିବା ଚେମ୍ବରମ୍ବାକ୍କମ୍ ଏବଂ ପୁଜଲ୍ ଜଳଭଣ୍ଡାରଗୁଡ଼ିକ ଅତ୍ୟଧିକ ବର୍ଷାରେ ପ୍ରଭାବିତ ହୋଇଛି  । ପ୍ରବଳ ବର୍ଷା କାରଣରୁ ଜଳଭଣ୍ଡାର ଗୁଡ଼ିକୁ ବନ୍ଦ କରିଛି ପ୍ରଶାସନ  । ବର୍ଷା ଜଳ ଛାଡ଼ିବା ପରେ ପାନୀୟ ଜଳ ଖୋଲାଯିବ ବୋଲି ଅଧିକାରୀମାନେ କହିଛନ୍ତି ।  ସେପଟେ ପାଣି ଘେରରେ ରହିଥିବା ଲୋକଙ୍କୁ ଉଦ୍ଧାର କରିବାକୁ ନିର୍ଦ୍ଦେଶ ଦେଇଛି ଜଳ ସମ୍ପଦ ବିଭାଗ  । କାଞ୍ଚିପୁରମ୍ ଏବଂ ତିରୁଭାଲୁରର ଜିଲ୍ଲାରେ ପାଣି ଘେରରେ ରହୁଥିବା ଲୋକଙ୍କ ଉଦ୍ଧାର କରିବାକୁ ପ୍ରୟାସ କରାଯାଉଛି  । ବିଭିନ୍ନ ସ୍ଥାନରେ ଏନଡିଆରଏମର ୪ଟି ଟିମ ମୁତୟନ ହୋଇଛନ୍ତି  ।

ପାଣିପାଗ ବିଶେଷଜ୍ଞ ପ୍ରଦୀପ ଜନ୍ କହିଛନ୍ତି କି ମିଲାପୋରରେ ୨୨୬ ମିମି, ଅମ୍ବାଟୁରରରେ ୨୦୫ ମିମି ବର୍ଷା ରେକର୍ଡ କରାଯାଇଛି । ୨୦୧୫ ମସିହାଠାରୁ ସର୍ବାଧିକ ବର୍ଷା ହୋଇଛି । ଅନ୍ୟପକ୍ଷରେ ଭାରତୀୟ ପାଣିପାଗ ବିଭାଗ ସୂଚନା ଅନୁଯାୟୀ ଆଗାମୀ ନଭେମ୍ବର ୧୦ ଓ ୧୧ ମଧ୍ୟରେ ଉତ୍ତର ତଟୀୟ ତାମିଲନାଡୁର କିଛି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ଅଛି । ସେଥିପାଇଁ ଏହି ସମୟରେ ସମୁଦ୍ର ଭିତରକୁ ମତ୍ସଜୀବୀଙ୍କୁ ଯିବାକୁ ବାରଣ କରାଯାଇଛି ଏବଂ ଯେଉଁ ମତ୍ସଜୀବୀ ସମୁଦ୍ର ଭିତରେ ଅଛନ୍ତି ସେମାନେ ନଭେମ୍ବର ୯ ସୁଦ୍ଧା ସମୁଦ୍ର କୂଳକୁ ଆସିଯିବାକୁ କହିଛି ଭାରତୀୟ ପାଣିପାଗ ବିଭାଗ ।

 

 

ସଲମାନ ସାମ୍ନାରେ କଟ୍ରିନାଙ୍କୁ ପ୍ରପୋଜ କଲେ ଭିକି

ଆୱାର୍ଡ ଫଙ୍ଗସନରେ କଟ୍ରିନାଙ୍କୁ ପ୍ରପୋଜ କରିଥିଲେ ଭିକି କୈାଶଲ  । ୨୦୧୯ର ଏକ ଆୱାର୍ଡ ଫଙ୍ଗସନରେ ଭିକି ପ୍ରପୋଜ କରିଥିବା ଦେଖାଦେଇଥିଲା ଯେଉଁ ସୋରେ ସଲମନ ଖାନ ମଧ୍ୟ ଉପସ୍ଥିତ ଥିଲେ  । ପ୍ରପୋଜ କରିଥିବାର ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି  । ଆଗକୁ ଦୁହିଁଙ୍କ ବାହାଘରକୁ ନେଇ ବଲିଉଡରେ ଜୋର ଚର୍ଚ୍ଚା ଧରିଛି  । ଫ୍ୟାନ୍ସମାନେ ଦୁହିଁଙ୍କ ବାହାଘରକୁ ନେଇ ଖୁବ୍ ଉତ୍ସାହ ଅଛନ୍ତି  ।

ଭାଇରାଲ ହେଉଛି ଭିଡିଓ :

ରିପୋର୍ଟ ଅନୁସାରେ କଟ୍ରିନା କେଫ୍ ଓ ଭିକି ଦୁହେଁ ୭ ରୁ୯ ଡିସେମ୍ବର ଭିତରେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି  । ଅବଶ୍ୟ ବିବାହକୁ ନେଇ ଏଯାଏ କୈାଣସି ସଠିକ୍ ତଥ୍ୟ ଜଣାପଡ଼ିନାହିଁ  । ଦୁହିଁଙ୍କ ଫ୍ୟାନ୍ସମାନେ ନିଜ ଆକାଉଣ୍ଟରେ ଭିକି ଏବଂ କଟ୍ରିନା ଉଭୟଙ୍କ ପୁରୁଣା ଫଟୋ ଓ ଭିଡିଓ ପୋଷ୍ଟ କରୁଛନ୍ତି  । ଏହି ଭାଇରାଲ ହେଉଥିବା ଭିଡିଓରେ ଭିକି କଟ୍ରିନାଙ୍କୁ ପ୍ରପୋଜ କରୁଥିବା ଦେଖାଯାଉଛି  । ଯେଉଁଥିରେ ଭିକି କଟ୍ରିନାଙ୍କୁ କହୁଛନ୍ତି “ଆପଣ ଭିକି ଭଳି ଜଣେ ଭଲ ମଣିଷଙ୍କୁ ଖୋଜି ବାହା ହୋଇଯାଉନାହାନ୍ତି କାହିଁକି ? ବାହାଘର ସିଜିନ୍ ଚାଲୁଛି ମୁଁ ଭାବିଲି ଆପଣ ବାହା ହେବାକୁ ଚାହୁଁଛନ୍ତି  । ତେଣୁକରି ଆପଣଙ୍କୁ ଏଭଳି ପ୍ରଶ୍ନ ପରାଚିଲି  ।” ଏହି ମୁହୁର୍ତ୍ତରେ ସଲମାନ ଖାନଙ୍କ ଗୀତ ‘ମୁଝସେ ସାଦୀ କରୋଗି’ ବାଜିବାକୁ ଲାଗିଥିଲା  । ଏଥିସହ ଗୀତଟିକୁ ଭିକି ମଧ୍ୟ ଗାଇବାକୁ ଲାଗିଲେ  ।

ବଲିଉଡ ରିପୋର୍ଟ ଅନୁସାରେ କଟ୍ରିନା କେଫ୍ ବାହାଘର ପାଇଁ ରାଜସ୍ଥାନର ଲୋକେସନ ପସନ୍ଦ କରିଛନ୍ତି  । ରିପୋର୍ଟ ଅନୁସାରେ କଟ୍ରିନା ନିଶ୍ଚିତରୂପେ ମହାରାଣୀ ବେଶରେ ବିବାହ କରିବାକୁ ଚାହୁଁଛନ୍ତି  । ଏଥିସହ ଫାଇନେଷ୍ଟ ପାରମ୍ପରିକ ଅଳଙ୍କାର ପିନ୍ଧିବାକୁ ଇଚ୍ଛା ରଖିଛନ୍ତି  । ତାଙ୍କୁ ରାଜସ୍ଥାନର ସଂସ୍କୃତି ବେଶ୍ ପସନ୍ଦ  । ସେ ଏକ ରାଜସ୍ଥାନୀ ବାହାଘରକୁ ଅତିଥି ଭାବେ ଯାଇଥିବା ବେଳେ ତାଙ୍କୁ ରାଜସ୍ଥାନୀ ରୀତିନୀତି,ପରମ୍ପରାର ବାହାଘର ଅନେକ ପସନ୍ଦ ଆସିଥିଲା  । ତେଣୁ ରାଜସ୍ଥାନୀ ପରମ୍ପରାରେ ବାହାହେବାକୁ ସେ ଇଚ୍ଛା ରଖିଛନ୍ତି।

 

ପଞ୍ଜାବରେ କମିଲା ତୈଳ ଦର; ପେଟ୍ରୋଲରେ ୧୦ ଟଙ୍କା ଓ ଡିଜେଲରେ ୫ ଟଙ୍କା ହ୍ରାସ

ଚଣ୍ଡିଗଡ଼: ଦିନକୁ ଦିନ ଦେଶରେ ପେଟ୍ରୋଲ-ଡିଜେଲ ଦର ବୃଦ୍ଧି ପାଇବାରେ ଲାଗିଥିଲା । ତେବେ ଲଗାତର ଭାବରେ ତୈଳ ଦର ବୃଦ୍ଧିକୁ ଦେଖି  ଦୀପାବଳିରେ ସାଧାରଣ ଲୋକଙ୍କୁ ଭେଟି ଦେଇଥିଲେ କେନ୍ଦ୍ର ସରକାର । କେନ୍ଦ୍ର ସରକାର ପେଟ୍ରୋଲ ଉପରୁ ୫ ଟଙ୍କା ଓ ଡିଜେଲ ଉପରୁ ୧୦ ଟଙ୍କା ଏକ୍ସସାଇଜ ଡ୍ୟୁଟି କମ୍ କରିଥିଲେ । କେନ୍ଦ୍ର ସରକାର ଏକ୍ସସାଇଜ ଡ୍ୟୁଟି କମ୍ କରିଥିବା ବେଳେ ବିଜେପି ଶାସିତ ରାଜ୍ୟ ମଧ୍ୟ ତୈଳ ଦରରୁ ଭାଟ୍ କମ୍ କରିଥିଲେ । ବିଜେପି ଶାସିତ ରାଜ୍ୟ ପେଟ୍ରୋଲ-ଡିଜେଲ ଉପରୁ ଭାଟ୍ କମ୍ କରିବା ପରେ ଅନ୍ୟ ରାଜ୍ୟ ଉପରେ ତୈଳ ଦର କମ୍ ପାଇଁ ଚାପ ସୃଷ୍ଟି ହୋଇଥିଲା । ତେବେ ଆଜି ପଞ୍ଜାବ ସରକାର ପେଟ୍ରୋଲ ଓ ଡିଜେଲ ଉପରୁ ଭାଟ୍ ହ୍ରାସ କରିଛି । ପେଟ୍ରୋଲ ଉପରୁ ୧୦ ଟଙ୍କା ଓ ଡିଜେଲ ଉପରୁ ୫ ଟଙ୍କା ଭାଟ୍ ହ୍ରାସ କରିବା ପାଇଁ ଘୋଷଣା କରିଛନ୍ତି ପଞ୍ଜାବ ମୁଖ୍ୟମନ୍ତ୍ରୀ ଚରନଜିତ୍ ସିଂ ଚନ୍ନୀ । ପଞ୍ଜାବ ସରକାରଙ୍କ ସୂଚନା ଅନୁସାରେ ନୂଆ ତୈଳ ଦର ଆଜି ମଧ୍ୟରାତ୍ରିରୁ ଲାଗୁ ହେବ ।

ପଞ୍ଜାବ ମୁଖ୍ୟମନ୍ତ୍ରୀ ଚରନଜିତ୍ ସିଂ ଚନ୍ନୀ କହିଛନ୍ତି କି ୨୦ ବର୍ଷ ମଧ୍ୟରେ ପ୍ରଥମ ଥର ଐତିହାସିକ ଭାବରେ ପେଟ୍ରୋଲ-ଡିଜେଲ ଦର ହ୍ରାସ କରାଯାଇଛି । ପଞ୍ଜାବରେ ଆଜି ମଧ୍ୟରାତ୍ରିରୁ ପେଟ୍ରୋଲରେ ୧୦ ଟଙ୍କା ଓ ଡିଜେଲରେ ୫ ଟଙ୍କା ଶସ୍ତାରେ ପାଇବେ । ତୈଳ ଦର କମ୍ କରିବା ପାଇଁ ପଞ୍ଜାବ ସରକାର ଡିଜେଲରୁ ୯.୯୨ ପ୍ରତିଶତ ଭାଟ୍ କମ୍ କରିଥିବାବେଳେ ପେଟ୍ରୋଲରୁ ୧୩.୭୭ ପ୍ରତିଶତ ଭାଟ୍ କମ୍ କରିଛି । କେନ୍ଦ୍ର ସରକର ପେଟ୍ରୋଲ ଡିଜେଲ ଦରରୁ ଏକ୍ସସାଇଜ ଡ୍ୟୁଟି କମ୍ କରିଥିବାବେଳେ ପଞ୍ଜାବର ପଡୋଶୀ ରାଜ୍ୟ ହିମାଚଳ ପ୍ରଦେଶ ଓ ହରିଆଣାରେ ଭାଟ୍ କମ୍ କରିଥିଲା । ଯାହା ଫଳରେ ପେଟ୍ରୋଲ ଓ ଡିଜେଲ ଦରରେ ୧୨ରୁ ୧୭ ଟଙ୍କା ପର୍ଯ୍ୟନ୍ତ ହ୍ରାସ ହୋଇଥିଲା । ଆସନ୍ତା ବର୍ଷ ପଞ୍ଜାବରେ ନିର୍ବାଚନ ଥିବାରୁ ତୈଳ ଦର କମ୍ କରିବାକୁ ଚାପ ପଡ଼ିଥିଲା । ତେବେ କେନ୍ଦ୍ର ସରକାର ଏକ୍ସସାଇଜ ଡ୍ୟୁଟି କମ୍ କରିବା ପରେ ଓଡ଼ିଶା ପ୍ରଥମ ଅଣ ବିଜେପି ରାଜ୍ୟ ଭାବରେ ତୈଳ ଦରରୁ ଭାଟ୍ କମ୍ କରିଥିଲେ । ପେଟ୍ରୋଲ –ଡିଜେଲ ଉପରୁ ଓଡ଼ିଶା ସରକାର ୩ ଟଙ୍କା ଭାଟ୍ ହ୍ରାସ କରିଥିଲେ ।

 

ଜୁନାଗଡ଼ରେ ବିଜେଡ଼ିର ଶକ୍ତି ପ୍ରଦର୍ଶନ, ଶଙ୍ଖ ପୁଙ୍କିଲେ ଶତାଧିକ ବିରୋଧି କର୍ମୀ

କଳାହାଣ୍ଡି:  ଜୁନାଗଡ଼ରେ ବିଜେଡିର ମିଶ୍ରଣ ପର୍ବ । ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ଜୁନାଗଡ଼ ଓ ଧର୍ମଗଡ ନିର୍ବାଚନମଣ୍ଡଳୀର ଅନେକ ବିରୋଧି ଦଳର ନେତା ଓ କର୍ମୀ ଆନୁଷ୍ଠାନିକ ଭାବେ ବିଜେଡ଼ିରେ ଯୋଗଦାନ କରିଛନ୍ତି  । ବହୁ ବିଜେପି ଓ କଂଗ୍ରେସ କର୍ମୀ ଆଜି ଶଙ୍ଖ ଫୁଙ୍କିଛନ୍ତି  ।

ପ୍ରଣବ ପ୍ରକାଶ ଦାସଙ୍କ ସହ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର, ରାଜ୍ୟସଭା ସଦସ୍ୟ ସୁଜିତ୍ କମାର, ଧର୍ମଗଡ ବିଧାୟକ ମୌଷଧି ବାଗ, ଲାଞ୍ଜିଗଡ ବିଧାୟକ ପ୍ରଦୀପ ଦିଶାରୀ ଓ ବିଜେଡି ଜିଲ୍ଲା ସଭାପତି ପୁଷ୍ପେନ୍ଦ୍ର ସିଂହଦେଓ ମଧ୍ୟ ଏହି କାର୍ଯ୍ୟକ୍ରମରେ ଉପସ୍ଥିତ ରହିଥିଲେ ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କାର୍ଯ୍ୟଧାରା, ବଳିଷ୍ଠ ବ୍ୟକ୍ତିତ୍ୱ, ନିର୍ମଳ ଭାବମୂର୍ତ୍ତୀ ଦ୍ୱାରା ପ୍ରଭାବିତ ହୋଇଥିବା କହିଛନ୍ତି ବିଜେଡ଼ିରେ ଯୋଗଦେଇଥିବା କର୍ମୀ ଓ ନେତା  । ଆଗାମୀ ଦିନରେ ବିଜୁ ଜନତା ଦଳକୁ ମଜଭୁତ କରିବା ସହ ପଞ୍ଚାୟତ ନିର୍ବାଚନରେ ଦଳକୁ ବିଜୟ କରିବାର ସଂକଳ୍ପ ନେଇଛନ୍ତି କର୍ମୀ  ।

ଆକ୍ରମଣରୁ ଅଳ୍ପକେ ବର୍ତ୍ତିଲେ ଇରାକ ପ୍ରଧାନମନ୍ତ୍ରୀ, ବାସଭବନକୁ ଡ୍ରୋନ ଆଟାକ୍

ବାଗଦାଦ: ଆକ୍ରମଣରୁ ଅଳ୍ପକେ ବର୍ତ୍ତିଲେ ଇରାକ ପ୍ରଧାନମନ୍ତ୍ରୀ ମୁସ୍ତାପା ଅଲ କାଦିମି । ବାଗଦାଦସ୍ଥିତ ତାଙ୍କ ପ୍ରାସାଦ ଉପରେ ଏକ ବିସ୍ଫୋରକ ସାମଗ୍ରୀ ପରିବାହୀ ଡ୍ରୋନ ମାଡ ହେବା ସତ୍ତ୍ବେ ସେ ବର୍ତ୍ତିଯାଇଛନ୍ତି । ପ୍ରଧାନମନ୍ତ୍ରୀଙ୍କୁ ହତ୍ୟା କରିବା ଲାଗି ଏହି ଯୋଜନା ହୋଇଥିଲା ବୋଲି କହିଛି ସାମରିକ ବିଭାଗ । ତେବେ ଏହି ଘଟଣାରେ କାଦିମିଙ୍କ କିଛି ଅଙ୍ଗ ରକ୍ଷକ ଆହତ ହୋଇଛନ୍ତି ।

ଗତ ସାଧାରଣ ନିର୍ବାଚନ ପରେ ତାଙ୍କୁ ଟାର୍ଗେଟରେ ରଖାଯାଇଥିବା କୁହାଯାଇଛି । ସାଧାରଣ ନିର୍ବାଚନରେ ଅନିମିୟତତା କାରଣକୁ ନେଇ ଏହି ଆକ୍ରମଣ ଘଟିଥିବା କୁହାଯାଇଛି । ଏହି ଘଟଣା ଲାଗି କୌଣସି ସଂଗଠନ ନିଜକୁ ଦାୟୀ କରିନାହାନ୍ତି । ଗ୍ରୀନ ଜୋନ ଅଞ୍ଚଳରେ ଏହି ଆକ୍ରମଣ ଘଟିବା ଯୋଗୁ ଆତଙ୍କ ପ୍ରକାଶ ପାଇଛି । ପ୍ରାସାଦ ଉପରେ ଆକ୍ରମଣ ସତ୍ତ୍ବେ ପ୍ରଧାନମନ୍ତ୍ରୀ ଠିକ୍ ଅଛନ୍ତି ବୋଲି ପ୍ରଧାନମନ୍ତ୍ରୀ କାର୍ଯ୍ୟାଳୟ ପକ୍ଷରୁ କୁହାଯାଇଛି ।

ନେଟ୍ ରନ ରେଟ୍ କ’ଣ ? କିପରି ହିସାବ କରାଯାଏ ନେଟ୍ ରନ ରେଟ୍, ଜାଣନ୍ତୁ…

ଦୁବାଇ: ଚଳିତ ଟି-୨୦ ବିଶ୍ବକପରେ ଦକ୍ଷିଣ ଆଫ୍ରିକା ୫ଟି ମ୍ୟାଚରୁ ଚାରୋଟି ମ୍ୟାଚରେ ବିଜୟ ଲାଭ କରିଥିଲା ।  କିନ୍ତୁ ଦକ୍ଷିଣ ଆଫ୍ରିକା ଚଳିତ ବିଶ୍ବକପରେ ସେମିଫାଇନାଲକୁ ଯାଇ ପାରିଲା ନାହିଁ । ଏହା ବାସ୍ତବରେ ଆଶ୍ଚର୍ଯ୍ୟଜନକ, କିନ୍ତୁ ଏହା ହେଉଛି କ୍ରିକେଟ । ଏହା ହେଉଛି ନେଟ ରନ ରେଟର ଖେଳ । ଏହି ଟି-୨୦ ବିଶ୍ବକପରେ ନେଟ୍ ରନ ରେଟ ହାର ଉପରେ ଅନେକ ଆଲୋଚନ ହେଉଛି । ନେଟ ରନ ରେଟ୍ ଫଳରେ ଚଳିତ ବିଶ୍ବକପର ସେମିଫାଇନାଲକୁ ଯାଇ ପାରିନଥିଲା ଦକ୍ଷିଣ ଆଫ୍ରିକା । ଚଳିତ ଟି-୨୦ ବିଶ୍ବକପରେ ଦମଦାର ପ୍ରଦର୍ଶନ ସତ୍ତ୍ବେ ଟପ୍-୪ରେ ନିଜର ସ୍ଥାନ ପକ୍କା କରିପାରିନଥିଲା ଦକ୍ଷିଣ ଆଫ୍ରିକା । ଇଂଲଣ୍ଡ, ଦକ୍ଷିଣ ଆଫ୍ରିକା ଓ ଅଷ୍ଟ୍ରେଲିଆର ପ୍ରତ୍ୟେକ ଆଠ ପଏଣ୍ଟ ହାସଲ କରିଥିଲେ । କିନ୍ତୁ ସେମିଫାଇନାଲ ପାଇଁ କେବଳ ଇଂଲଣ୍ଡ ଓ ଅଷ୍ଟ୍ରେଲିଆ ସେମିଫାଇନାଲକୁ ପ୍ରବେଶ କରିଥିଲେ । କାରଣ ଦକ୍ଷିଣ ଆଫ୍ରିକାର ନେଟ୍ ରନ ରେଟଠାରୁ ଇଂଲଣ୍ଡ ଓ ଅଷ୍ଟ୍ରେଲିଆର ରନ ରେଟ୍ ଭଲ । ତେଣୁ ଏହି କାରଣରୁ ଚଳିତ ଟି-୨୦ ବିଶ୍ବକପରେ ନିଜର ଅଭିଯାନ ଶେଷ କରିଛି ଦକ୍ଷିଣ ଆଫ୍ରିକା । ତେବେ ଗ୍ରୁପ୍-୨ କଥା ଯଦି କହିବା ତାହାଲେ ଗ୍ରୁପ୍-୨ରେ ମଧ୍ୟ ସମାନ ପରିସ୍ଥିତି । ଗ୍ରୁପ୍-୨ରୁ ପାକିସ୍ତାନ ସେମିଫାଇନାଲର ଟିକେଟ ହାସଲ କରିସାରିଥିବାବେଳେ ଦ୍ବିତୀୟ ସ୍ଥାନ ପାଇଁ ନ୍ୟୁଜିଲାଣ୍ଡ, ଭାରତ ଓ ଆଫଗାନିସ୍ତାନ ମଧ୍ୟରୁ କିଏ ଯିବ ସେମିଫାଇନାଲକୁ ସେଥିପାଇଁ କଡ଼ା ଟକ୍କର ଦେଖିବାକୁ ମିଳୁଛି ।

ତେବେ ଏଠାରେ ଏକ ବଡ଼ ପ୍ରଶ୍ନ ସମସ୍ତଙ୍କ ମନରେ କି ନେଟ୍ ରନ ରେଟ କ’ଣ ପାଇଁ ବ୍ୟବହାର ହୁଏ ଓ କିପରି ଏହି ନେଟ୍ ରନ ରେଟ୍ ହିସାବ କରାଯାଏ । ଗ୍ରୁପ୍ ପର୍ଯ୍ୟାୟରେ ବିଭିନ୍ନ ଦଳଗୁଡିକ ଏକା ପଏଣ୍ଟରେ ଥିବାବେଳେ କେଉଁ ଦଳ ପ୍ରଥମ, ଦ୍ବିତୀୟ ସ୍ଥାନରେ ରହିବା ସେଥିପାଇଁ ନେଟ୍‌ ରନ ରେଟ ବ୍ୟବହୃତ ହୁଏ । ତେବେ କିପରି ଗଣନା କରାଯାଏ ଏହି ନେଟ ରନ ରେଟ ଆସନ୍ତୁ ଜାଣିବା ।

ନେଟ ରନ ରେଟ୍ = ମୋଟ ରନ ସ୍କୋର/ ମୋଟ ଓଭର ବୋଲିଂ – ମୋଟ ରନ ସ୍କୋର ବ୍ୟୟ/ ମୋଟ ଓଭର ବୋଲିଂ

ତେବେ ଆସନ୍ତୁ ଦେଖିବା ଚାରୋଟି ମ୍ୟାଚ ଖେଳିବା ପରେ କେତେ ଅଛି ଭାରତର ନେଟ୍ ରନ ରେଟ ଓ କିପରି ହିସାବ କରାଯାଇଛି । ଭାରତ ତା’ର ପ୍ରଥମ ଚାରୋଟି ମ୍ୟାଚରେ ରନ ସ୍କୋର କରିଛି ଯଥାକ୍ରମେ;

ପାକିସ୍ତାନ ବିପକ୍ଷରେ ୧୫୧/୭ – ୨୦ ଓଭର

ନ୍ୟୁଜିଲାଣ୍ଡ ବିପକ୍ଷରେ ୧୧୦/୭ – ୨୦ ଓଭର

ଆଫଗାନିସ୍ତାନ ବିପକ୍ଷରେ ୨୧୦/୨ – ୨୦ ଓଭର

ସ୍କଟଲାଣ୍ଡ ବିପକ୍ଷରେ ୮୯/୨ – ୬.୩ ଓଭର

ତେବେ ଭାରତ ଚଳିତ ବିଶ୍ବକପରେ ୬୬.୩ ଓଭରରେ ୫୬୦ ରନ ସଂଗ୍ରହ କରିଥିଲା । କିନ୍ତୁ ହିସାବ କରିବାକୁ ଏହାକୁ ୬୬.୫ ଓଭର ଲେଖାଯିବ ।

ଭାରତ ଦ୍ବାରା ମୋଟ ରନ ସ୍କୋର = ୫୬୦/୬୬.୫ = ୮.୪୨

ତେବେ ଭାରତ ବିପକ୍ଷରେ ଅନ୍ୟ ଦଳ କରିଥିବା ରନ ସ୍କୋର ହେଉଛି,

ପାକିସ୍ତାନ- ୧୫୨/୦ – ୧୭.୫ ଓଭର

ନ୍ୟୁଜିଲାଣ୍ଡ- ୧୧୧/୨ – ୧୪.୩ ଓଭର

ଆଫଗାନିସ୍ତାନ – ୧୪୪/୭ – ୨୦ ଓଭର

ସ୍କଟଲାଣ୍ଡ – ୮୫/୧୦ – ୧୭.୪ ଓଭର

ବିପକ୍ଷ ଦଳ ଭାରତ ସହ ମୋଟ ୭୨.୨ ଓଭରରେ ୪୯୨ ରନ କରିଛି । ତେବେ ହିସାବ ପାଇଁ ଏହାକୁ ୭୨.୩୩ ଓଭର ଲେଖାଯିବ ।

ବିପକ୍ଷ ଦଳ ମୋଟ ରନ କରିଛି – ୪୯୨/୭୨.୩୩ = ୬.୮୦୨

ତେବେ ଭାରତର ମୋଟ ରନ୍ ରେଟ ହେଉଛି ୮.୪୨୧ – ୬.୮୦୨ = ୧.୬୧୯

ଏହି ସ୍ଥିତିରେ ଆଜି ନ୍ୟୁଜିଲାଣ୍ଡ ଓ ଆଫଗାନିସ୍ତାନ ମ୍ୟାଚରେ ଯଦି ନ୍ୟୁଜିଲାଣ୍ଡ ବିଜୟ ଲାଭ କରେ ତେବେ ଭାରତ ପାଇଁ ଏହି ରନ ରେଟ ଆଉ ଆବଶ୍ୟକତା ପଡ଼ିବ ନାହିଁ । କାହିଁକି ନା ନ୍ୟୁଜିଲାଣ୍ଡ ୮ ପଏଣ୍ଟ ସହ ସିଧାସଳଖ ସେମିଫାଇନାଲକୁ ଯିବ । କିନ୍ତୁ ଯଦି ଆଜିର ମ୍ୟାଚକୁ ଆଫଗାନିସ୍ତାନ ନ୍ୟୁଜିଲାଣ୍ଡକୁ ପରାସ୍ତ କରେ ତେବେ ଏହା ଅତ୍ୟନ୍ତ ରୋମାଞ୍ଚକର ହେବ । କାହିଁକି ନା ନ୍ୟୁଜିଲାଣ୍ଡ, ଆଫଗାନିସ୍ତାନ ଓ ଭାରତ ପ୍ରତ୍ୟେକ ୬ ପଏଣ୍ଟ ପାଇବେ । ଏହା ପରେ ନେଟ୍ ରନ ରେଟ ଆଧାରରେ କେଉଁ ଦଳ ସେମିଫାଇନାଲକୁ ଯିବ ତାହା ସ୍ଥିର ହେବ ।