spot_img
Home Blog Page 5140

ଶ୍ରୀନଗର ବୋମିଆ ଅଞ୍ଚଳରେ ଆତଙ୍କବାଦୀଙ୍କ ଆକ୍ରମଣ

0

ଶ୍ରୀନଗର ବୋମିଆ ଅଞ୍ଚଳରେ ଆତଙ୍କବାଦୀଙ୍କ ଆକ୍ରମଣ  । ଆକ୍ରମଣ ପରେ ଫେରାର ହୋଇଗଲେ ଆତଙ୍କବାଦୀ  । ଏହି ଆକ୍ରମଣ ପରେ ଆକ୍ରମଣକାରୀଙ୍କୁ ଖୋଜାଖୋଜିର ପ୍ରୟାସ ଜାରି କରିଛି ଶ୍ରୀନଗର ପୋଲିସ । ଏଥିପାଇଁ ଶ୍ରାନଗରରେ ଘରବନ୍ଦୀ ଲାଗୁ କରାଯାଇଛି  । ଆକ୍ରମଣରେ କେହି ଆହତ ହୋଇନଥିବା ଜଣାପଡ଼ିଛି  । ଶ୍ରୀନଗର ପୋଲିସଙ୍କ କହିବାନୁସାରେ ଫାୟାରିଙ୍ଗ ପରେ ଉଭୟ ଆତଙ୍କବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା  । ପରେ ଲୋକଙ୍କ ଗହଳିର ସୁଯୋଗ ପାଇ ଆତଙ୍କବାଦୀମାନେ ସେଠାରୁ ଫେରାର ହୋଇଯାଇଥିଲେ  ।  ସୂତ୍ରରୁ ପ୍ରକାଶଯେ ଏମାନେ ହାଇବ୍ରିଡ୍ ଆତଙ୍କବାଦୀ  । ଏମାନେ ଏଭଳି କାରନାମା କରି ଲୋକମାନଙ୍କ ମଧ୍ୟରେ ଭୟ ସୃଷ୍ଟି କରିବାକୁ ଚେଷ୍ଚା କରୁଛନ୍ତି  ।

ଏବେ ଖସିପାରିବେନି ଆତଙ୍କବାଦୀ :

କାଶ୍ମୀର ଘାଟି ଆତଙ୍କ ପରେ ଏହି ଆତଙ୍କବାଦୀ ଓ ସନ୍ଦିଗ୍ଧଙ୍କୁ ଚିହ୍ନଟ କରିବା ନିମନ୍ତେ ଏକ ନୂଆ କୈାଶଳ ପ୍ରସ୍ତୁତ କରାଯାଇଛି  । ଏହାକୁ ନେଇ ଶ୍ରୀନଗର ନିଗମରେ ପ୍ରସ୍ତାବ ଦିଆଯାଇଛି  । ଏଥିରୁ ସିସିଟିଭିରେ ସନ୍ଦିଗ୍ଧଙ୍କ ଚିହ୍ନଟ ସହଜରେ ହେବା ସହ ପୋଲିସ ନିକଟରେ ଏକ ଡାଟା ବେସ୍ ମଧ୍ୟ ରହିବ ଯାହା ଦ୍ୱାରା ଏମାନଙ୍କ ଚିହ୍ନଟ କରାଯିବ  । ସୂତ୍ରରୁ ପ୍ରକାଶଯେ ଏହି କୈାଶଳ ଶ୍ରୀନଗରରୁ ଆରମ୍ଭ କରାଯିବ ଏବଂ ପରେ ପୁଲୱାମା, ସୋପିଆ, କୁଳଗାମ ଆଦି ଜାଗାରେ ବ୍ୟବହାର କରାଯିବ  ।

ଏହି କୈାଶଳ ପାଇଁ ହାଇଟେକନିକ ରିଜୋଲ୍ୟୁସନ କ୍ୟାମେରାର ବ୍ୟବହାର କରାଯାଏ  । ଏଥିସହ ଏକ ବାୟୋମେଟିକ୍ ସେଟଅପ୍ ମଧ୍ୟ ତିଆରି କରାଯାଏ  । ଏହି ଟେକନିକ୍ ମାଧ୍ୟମରେ ପୋଲିସ ଅପରାଧୀ, ଆତଙ୍କବାଦୀଙ୍କୁ ଧରିବାରେ ସଫଳ ହୋଇପାରିବ ।   ଜମ୍ମୁକାଶ୍ମୀର ପୋଲିସ ଓ ଶ୍ରୀନଗର ନିଗମର ମିଳିତଭାବେ ଏହି କୈାଶଳ ପାଇଁ ପ୍ରୟାସ କରାଯାଉଛି  । ବର୍ତ୍ତମାନ ପୋଲିସ କୈାଣସି ବ୍ୟକ୍ତିର ଚିହ୍ନଟ ନିମନ୍ତେ ଉକ୍ତ ବ୍ୟକ୍ତିର ଫଟୋ କିମ୍ବା ଭିଡିଓ ଗୁଜୁରାଟ ଏବଂ ଚଣ୍ଡିଗଡ଼ ଏଫଏସଏଲ୍ ନିକଟକୁ ପଠାଉଥିବାବେଳେ ଏହି ନୂଆ କୈାଶଳ ଆସିବା ଦ୍ୱାରା ଫଟୋଗୁଡ଼ିକୁ ଯାଞ୍ଚ ମଧ୍ୟ କରାଯାଇ ପାରିବ  ।

 

 

୩୧ତମ ରାଜ୍ୟ ଓଡ଼ିଆ ଚଳଚ୍ଚିତ୍ର ପୁରସ୍କାର ଘୋଷଣା: ଶ୍ରେଷ୍ଠ ଟେଲିଫିଲ୍ମ ‘କାଳିଆ କରୁଛି ଲୀଳା’ ଶ୍ରେଷ୍ଠ ଅଭିନେତ୍ରୀ ଲିପସା ମିଶ୍ର

ଭୁବନେଶ୍ୱର: ୩୧ତମ ରାଜ୍ୟ ଓଡ଼ିଆ ଚଳଚ୍ଚିତ୍ର ପୁରସ୍କାର ଓ ଅଷ୍ଟମ ରାଜ୍ୟ ଟେଲି ପୁରସ୍କାର ଘୋଷଣା । ପୁରସ୍କାର ଘୋଷଣା କରିଛନ୍ତି ସଂସ୍କୃତି ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ । ପ୍ରଯୋଜକ ଘନଶ୍ୟାମ ମହାପାତ୍ର ପାଇବେ ଜୟଦେବ ପୁରସ୍କାର । ମୋହନ ସୁନ୍ଦରଦେବ ଗୋସ୍ବାମୀ ପୁରସ୍କାର ପାଇବେ ନୀଳମାଧବ ପଣ୍ଡା । ଟେଲି ଫିଲ୍ମ କାଳିଆ କରୁଛି ଲୀଳା ଶ୍ରେଷ୍ଠ ଟେଲିଫିଲ୍ମ ପୁରସ୍କାର ପାଇବ । ସେହିପରି ସରଗମ ଶ୍ରେଷ୍ଠ ଟେଲି ସିରିଏଲ ପାଇବ । ସରଗମ ଟେଲି ଫିଲ୍ମ ପାଇଁ ଚଣ୍ଡୀ ପରିଜା ପାଇବେ ଶ୍ରେଷ୍ଠ ନିର୍ଦ୍ଦେଶକ ପୁରସ୍କାର ।

କାଳିଆ କରୁଛି ଲୀଳା ପାଇଁ ଶ୍ରେଷ୍ଠ ଅଭିନେତା ପୁରସ୍କାର ପାଇବେ ଦେବାଶିଷ ପାତ୍ର । ସେହିପରି ରଙ୍ଗିଲା ବୋହୂ ପାଇଁ ଲିପସା ମିଶ୍ର ପାଇବେ ଶ୍ରେଷ୍ଠ ଅଭିନେତ୍ରୀ ପୁରସ୍କାର । କାଳିଆ କରୁଛି ଲୀଳା ପାଇଁ ଶ୍ରେଷ୍ଠ ପାର୍ଶ୍ବ ଅଭିନେତା ପୁରସ୍କାର ପାଇବେ ଜୀବନ ପଣ୍ଡା । ରଙ୍ଗିଲା ବୋହୂ ପାଇଁ ମଧୁସ୍ମିତା ପ୍ରଧାନ ପାଇବେ ଶ୍ରେଷ୍ଠ ପାର୍ଶ୍ବ ଅଭିନେତ୍ରୀ ପୁରସ୍କାର । ସରଗମ ପାଇଁ ଶ୍ରେଷ୍ଠ ଖଳ ଅଭିନେତା ପୁରସ୍କାର ପାଇବେ ସୁରେଶ ମିଶ୍ର, ସେହିପରି ରଙ୍ଗିଲା ବୋହୂ ପାଇଁ ଶ୍ରେଷ୍ଠ ଖଳ ଅଭିନେତ୍ରୀ ପାଇବେ ଉଷଶୀ ମିଶ୍ର । ଶ୍ରେଷ୍ଠ ହାସ୍ୟକଳାକାର ଭାବେ ବିବେଚିତ ହୋଇଛନ୍ତି ଶଙ୍କର ପ୍ରଧାନ ।

ପ୍ରଯୋଜକ ନୀଳମାଧବ ପଣ୍ଡାଙ୍କ କାଲିର ଅତୀତ ଶ୍ରେଷ୍ଠ ଚଳିଚିତ୍ର ଭାବେ ମନୋନୀତ ହୋଇଛି । ଏହି ଫିଲ୍ମ ପାଇଁ ନୀଳମାଧବ ପଣ୍ଡା ଶ୍ରେଷ୍ଠ ନିର୍ଦ୍ଦେଶକ ପୁରସ୍କାର ପାଇବେ । ଫିଲ୍ମ ଖୁସି ପାଇଁ ଶ୍ରେଷ୍ଠ ଅଭିନେତା ପୁରସ୍କାର ପାଇବେ ସରୋଜ ପରିଡ଼ା । ଅଭିନେତ୍ରୀ କାବ୍ୟା କିରଣ ପାଇବେ ଶ୍ରେଷ୍ଠ ଅଭିନେତ୍ରୀ ପୁରସ୍କାର । ଶଲା ବୁଢାର ବଦଲା ପାଇଁ କପିଳେଶ୍ବର ପ୍ରସାଦ ମହାପାତ୍ର ପାଇବେ ଶ୍ରେଷ୍ଠ କାହାଣୀ ପୁରସ୍କାର । ଶ୍ରେଷ୍ଠ ସଂଗୀତ ନିର୍ଦ୍ଦେଶନା ପାଇଁ ବାଳକୃଷ୍ଣ ସମ୍ମାନ ପାଇବେ ବୈଦ୍ୟନାଥ ଦାସ ।

ସେହିପରି ଶ୍ରେଷ୍ଠ ପ୍ରଚ୍ଛଦପଟ୍ଟ ଗାୟକ ଭାବେ ବିବେଚିତ ହୋଇଛନ୍ତି ସ୍ବୟମ ପାଢୀ । ଶ୍ରେଷ୍ଠ ପ୍ରଚ୍ଛଦପଟ ଗାୟିକା ପୁରସ୍କାର ପାଇବେ ଦୀପ୍ତିରେଖା ପାଢୀ । ଓଡ଼ିଶା ପ୍ରାନ୍ତରୀୟ ଭାଷାରେ ପ୍ରସ୍ତୁତ ଶ୍ରେଷ୍ଠ ଚଳଚ୍ଚିତ୍ର ଭାବେ ମନୋନୀତ ହୋଇଛି ଝରନ୍ । ଦିବଂଗତ ଅଭିନେତା ଅଟଳବିହାରୀ ପଣ୍ଡାଙ୍କୁ ମରୋଣତ୍ତର ଭାବେ ଶ୍ରେଷ୍ଠ ସଂଳାପ ଲେଖକ ପୁରସ୍କାର ମିଳିବ । ସେହିପରି ଶ୍ରେଷ୍ଠ ପ୍ରାମାଣିକ ଚଳଚ୍ଚିତ୍ର କ୍ୟାଟେଗୋରୀରେ ଶ୍ରୀକ୍ଷେତ୍ରରୁ ସାହିଯାତ ପାଇଁ ଶ୍ରେଷ୍ଠ ପ୍ରଯୋଜକ ପୁରସ୍କାର ପାଇବେ ଆଶୁତୋଷ ପଟ୍ଟନାୟକ । ଚଳଚ୍ଚିତ୍ର ରସଗୋଲା ପାଇଁ ଶ୍ରେଷ୍ଠ ନିର୍ଦ୍ଦେଶକ ବିବେଚିତ ହୋଇଛନ୍ତି ସ୍ବରାଜ ମିଶ୍ର । ରାଜ୍ୟ ସଂସ୍କୃତି ଭବନରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏନେଇ ଘୋଷଣା କରିଛନ୍ତି ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ।

ବିଜେପି ଛାଡିଲେ ପୂର୍ବତନ ବିଧାୟକ ପ୍ରାର୍ଥୀ ଧନୁର୍ଜୟ ସିଦ୍ଧୁ

କେନ୍ଦୁଝର: ତେଲକୋଇ ନିର୍ବାଚନ ମଣ୍ଡଳୀରେ ଭାଙ୍ଗୁଛି ବିଜେପିର ବଳ । ବିଜେପି ଛାଡିଲେ ପୂର୍ବତନ ବିଧାୟକ ପ୍ରାର୍ଥୀ ଧନୁର୍ଜୟ ସିଦ୍ଧୁ । ଦଳୀୟ ସମସ୍ୟା ଓ ବାଛ ବିଚାର ନୀତି ଯୋଗୁଁ ସେ ଦଳ ଛାଡ଼ିଥିବା କହିଛନ୍ତି । ଧନୁର୍ଜୟଙ୍କ ତେଲକୋଇ ନିର୍ବାଚନ ମଣ୍ଡଳୀର ବିସ୍ତାରକ ହିମାଦ୍ରୀ ଦାସ ଓ ଭଟଲୀ ନିର୍ବାଚନ ମଣ୍ଡଳୀର ବିସ୍ତାରକ ଗଣେଶ ମହାକୁଡଙ୍କ ସମେତ ବୁଥସ୍ତରୀୟ ସଂଗଠକ ଏବଂ ୩ ହଜାରରୁ ଅଧିକ ସମର୍ଥକ ପ୍ରାଥମିକ ସଦସ୍ୟ ପଦରୁ ଇସ୍ତଫା ପ୍ରଦାନ କରିଛନ୍ତି ।

ତେବେ ଭବିଷ୍ୟତ କାର୍ଯ୍ୟପନ୍ଥା ନିଷ୍ପତ୍ତି ନିଜ କର୍ମୀଙ୍କୁ ଉପରେ ଛାଡିଥିବା କହିଛନ୍ତି ଧନୁର୍ଜୟ  । ଆଗାମୀ ଦିନରେ ଏଠାରେ ବିଜେପିର ସ୍ଥିତି ଆହୁରି ଦୟନୀୟ ହେବା ଭଳି ପରିସ୍ଥିତି ସୃଷ୍ଟି ହୋଇଛି  । ୨୦୧୪ ସାଧାରଣ ନିର୍ବାଚନରେ ବିଜେପିରୁ ପ୍ରାର୍ଥୀ ହୋଇଥିଲେ ଧନୁର୍ଜୟ ସିଦ୍ଧୁ   । ଦଳର ରାଜ୍ୟ ନେତୃତ୍ୟଙ୍କ ବାଛ ବିଚାର ଏବଂ ସାଂଗଠନିକ କାର୍ଯ୍ୟରେ ଦୁର୍ବଳ ପରିଲିଖିତ କରି ସେ ଇସ୍ତଫା ପ୍ରଦାନ କରିଥିବା କହିଛନ୍ତି  ।

ଲଞ୍ଚ ପୂର୍ବରୁ ବିକ୍ରି ହୋଇଗଲା ସବୁ ଇଲେକ୍ଟ୍ରିକ୍ କାର୍, ଗୋଟିଏ ଥର ଚାର୍ଜରେ ଯିବ ୨୭୦ କିମି

ନୂଆଦିଲ୍ଲୀ: ଲକଜୁରୀ କାର ନିର୍ମାଣ କରୁଥିବା କମ୍ପାନୀ ବିଏମଡବ୍ଲୁର ୟୁନିଟ୍ ମିନି ଇଣ୍ଡିଆ ଭାରତୀୟ ବଜାରରେ ଖୁବଶୀଘ୍ର ନିଜର ପ୍ରଥମ ଅଲ୍-ଇଲେକ୍ଟ୍ରିକ୍ କାର ମିନି କପର ଏସ୍ଇ ଲଞ୍ଚ କରିବାକୁ ଯାଉଛି । କମ୍ପାନୀ ଏହାର ବୁକିଂ ଆରମ୍ଭ କରିଥିବା ବେଳେ ବୁକିଂ ଆରମ୍ଭର ପାଖାପାଖି ୨ ଘଣ୍ଟା ମଧ୍ୟରେ ଏହାର ସମସ୍ତ ୟୁନିଟ୍ ବିକ୍ରି ହୋଇ ଯାଇଛି ।

ଥରେ ଚାର୍ଜ କଲେ ୨୭୦ କିମି

ମିନି କପର ଏସଇରେ ୩୨.୬ କିଲୋୱାଟ୍ ବ୍ୟାଟେରୀ ପ୍ୟାକ୍ ରହିଛି । ଏହି କାର୍ ୧୮ ବିଏଚପିର ସର୍ବାଧିକ ପାୱାର ଓ ୨୭୦ ଏନଏମ୍ ଦେଇ ପିକ୍ ଟର୍କ ଦେଇପାରିବ । ବିଶ୍ୱସ୍ତରର ଗୁଣବତ୍ତା ଅନୁଯାୟୀ ଏଥିରେ ଡବ୍ଲୁଏଲଟିପି ସାଇକେଲ୍ ହିସାବରେ ମିନି କପର ଏସଇ ଗୋଟିଏ ଥର ସମ୍ପୂର୍ଣ୍ଣ ଚାର୍ଜ ହେଲେ ୨୭୦ କିଲୋମିଟର ଯାଏଁ ଯାଇ ପାରିବ ।

୭.୩ ସେକେଣ୍ଡରେ ୧୦୦ ସ୍ପିଡ୍

ମିନି କପର ଏସଇର ସ୍ପିଡ୍ ବି ବହୁତ ଭଲ ରହିଛି । କାର୍ ପ୍ରାୟ ୭.୩ ସେକେଣ୍ଡରେ ଶୂନରୁ ୧୦୦ କିଲୋମିଟର ପ୍ରତି ଘଣ୍ଟାରେ ଗତିକୁ ଛୁଇଁ ପାରିବ । ଏହି କାରର ଘଣ୍ଟା ପ୍ରତି ସର୍ବାଧିକ ବେଗ ୧୫୦ କିଲୋମିଟର । ଏହି କାର୍ ସହିତ କମ୍ପାନୀ ୧୧ କିଲୋୱାଟ୍ ଓ ୫୦ କିଲୋୱାଟ୍ ଚାର୍ଜର ଦେଉଛି । କାରର ବ୍ୟାଟେରୀ ୩୫ ମିନିଟରେ ଶୂନରୁ ୮୦ ପ୍ରତିଶତ ଚାର୍ଜ ହୋଇ ପାରୁଛି ।

BMW All Electric Car Mini Cooper SE Sold Out Ahead Of India Launch

ଏହି କାରରେ ୩ଟି ଡୋର୍ ରହିଛି । ଅର୍ଥାତ୍ ଡ୍ରାଇଭର, କୋ-ଡ୍ରାଇଭର ସହ ଆଉ ଏକ ଦ୍ୱାର ପଛପଟେ ଡିକିରେ ରହିଛି । କାରରେ ୧୭ ଇଞ୍ଚର ଆଲୋୟ ଚକ ରହିଛି । ହେଡଲ୍ୟାମ୍ପ ସହିତ ଏଲଇଡି ଡିଆରଏଲ୍, ହେକ୍ସାଗ.ନ ଗ୍ରୀଲ କାରକୁ ଆହୁରି ଆକର୍ଷଣୀୟ କରିଛି । କାରରେ ୮.୮ ଇଞ୍ଚର ଇନଫୋଟେନମେଣ୍ଟ ଟଚସ୍କ୍ରିନ୍ ରହିଛି ।

ମିନି କପର ଏସ୍ଇ କାର୍ ବୁକିଂ ପ୍ରାଇସ୍ ୧ ଲକ୍ଷ ଟଙ୍କା କମ୍ପାନୀ ରଖିଥିଲା । ମାତ୍ର ୩୦ଟି ୟୁନିଟ୍ ପାଇଁ କମ୍ପାନୀ ବୁକିଂ ଖୋଲିଥିବା ବେଳେ ପ୍ରାୟ ୨ ଘଣ୍ଟାରେ ପୂରା କାର୍ ବିକ୍ରି ହୋଇ ଯାଇଛି । ତେବେ, ବର୍ତ୍ତମାନ ଯାଏଁ କାରର ଦାମ ଘୋଷଣା ହୋଇ ନାହିଁ ।

ମୁଁ ବଲିଉଡରେ କାମ କରିବାକୁ ଚାହୁଁଛି : ଡ୍ୱେନ୍ ଜନସନ୍

ଡ୍ୱେନଙ୍କର ନୂଆ ଆକ୍ସନ ଫିଲ୍ମ ରେଡ୍ ନୋଟିସ୍ ଖୁବ୍ ଶୀଘ୍ର ରିଲିଜ ହେବାକୁ ଯାଉଛି  । ଏହି ଫିଲ୍ମର ରିଲିଜ ଅପେକ୍ଷାରେ ଅଛନ୍ତି ଡ୍ୱେନ୍  । ଏକ ଆକ୍ସନ କମେଡି ଆଧାରିତ ଏହି ଫିଲ୍ମ ଗାଲ୍ ଗଡୋଟ୍ ଓ ଡ୍ୱେନ୍ ଜନସନ୍ ଅଭିନୟ କରିଥିବା ଜଣାପଡ଼ିଛି  । ଏହି ଚଳଚ୍ଚିତ୍ରକୁ ନେଇ ଡ୍ୱେନ୍ କହିଛନ୍ତି ଯେ ଏହି ଫିଲ୍ମ ଦର୍ଶକଙ୍କୁ ପସନ୍ଦ ଆସିବ ବୋଲି ମୋର ଆଶା ଅଛି ଏଥିସହ ମୋର ବଲିଉଡ ଚଳଚ୍ଚିତ୍ର କରିବାକୁ ମଧ୍ୟ ଇଚ୍ଛା ଅଛି ବୋଲି ସେ କହିଛନ୍ତି ।

ରେଡ୍ ନୋଟିସ୍ ଚଳଚ୍ଚିତ୍ରରେ ଡ୍ୱେନ୍ :

ରେଡ୍ ନୋଟିସ୍ ଚଳଚ୍ଚିତ୍ରର ଟ୍ରେଲର ଅକ୍ଟୋବର ୨୧ରେ ନେଟଫ୍ଲିକ୍ସରେ ରିଲିଜ ହୋଇସାରିଛି  । ଏହାର ଟ୍ରେଲର ଦର୍ଶକଙ୍କୁ ପସନ୍ଦ ଆସିଥିବା କୁହାଯାଉଛି  । ଜନସନ୍ କହିଛନ୍ତି ଯେ ଏହି ଚଳଚ୍ଚିତ୍ର କରିବାକୁ ସେ ବହୁତ ଉତ୍ସାହ ଥିଲେ  । ଏହି ଚଳଚ୍ଚିତ୍ରରେ ଏକ ଆଶ୍ଚର୍ଯ୍ୟକର ସିନ୍ ମୋତେ ବହୁତ ପସନ୍ଦ ଆସିଥିଲା  । ଏହି ଫିଲ୍ମକି ନେଇ ମୋର ଦୁଇଟି ପ୍ରଶ୍ନବାଚୀ ସୃଷ୍ଟି ହେଉଛିଯେ ଏହି ଫିଲ୍ମରେ ଅଭନୟ କରିଥିବାରୁ ମୋତେ ଭଲ ଲାଗୁଛି ନା ଲୋକଙ୍କୁ ଏହି ଫିଲ୍ମଟି ପସନ୍ଦ ଆସିଛି  । ଏହି ସମୟରେ ରେଡ୍ ନୋଟିସ ଫିଲ୍ମର ପ୍ରଯୋଜକ ପାଇଁ ନେଟ୍ ଫ୍ଲିକ୍ସ ସବୁଠାରୁ ଉତ୍ତମ ବିକଳ୍ପ  ।

ଜନସନ୍ କରିବେ ହିନ୍ଦୀ ଚଳଚ୍ଚିତ୍ର :

ହିନ୍ଦୀ ଚଳଚ୍ଚିତ୍ର କରିବା ପାଇଁ ମୋର ବହୁତ ଇଚ୍ଛା ଅଛି ବୋଲି ଡ୍ୱେନ୍ ଜନସନ୍ କହିଛନ୍ତି  । ବଲିଉଡ ଓ ହଲିଉଡ ପରସ୍ପର ସହ ଭଲ ସମ୍ପର୍କ ରହିବା ଉଚିଚ୍  । ତେବେ ଯାଇ ସମସ୍ତ ଅଭିନେତା ଓ ଅଭିନେତ୍ରୀଙ୍କୁ ଅଧିକ ସୁଯୋଗ ମିଳିପାରିବ  । ଏଥିସହ ତାଙ୍କର ଭାରତ ସହ ଥିବା ଭଲ ସମ୍ପର୍କ କଥା ମଧ୍ୟ କହିଛନ୍ତି  ।

ସୌରଝଡ଼ର ମନୋରମ ଦୃଶ୍ୟ: ଦୀପାବଳିରେ ସୂର୍ଯ୍ୟଙ୍କ ଆତସବାଜୀ

ୱାସିଂଟନ: ଯେତେବେଳେ ଭାରତ ଦୀପାବଳି ପାଳନ କରୁଥିଲା ସୂର୍ଯ୍ୟ ବି ଆତସବାଜୀରେ ନୀଳ ଆକାଶକୁ କରୁଥିଲା ରଙ୍ଗୀନ । ରଙ୍ଗବେରଙ୍ଗର ଆଲୋକ ଧାରା ଯେମିତି ଆକାଶରେ ସୃଷ୍ଟି କରୁଥିଲା ମନୋରମ ଦୃଶ୍ୟ । ଏବେ ଭାବୁଥିବେ ସୂର୍ଯ୍ୟରେ ତ ଜୀବନ ଅସମ୍ଭବ, ସେଠି ପୁଣି କିଏ ଦୀପାବଳି ପାଳନ କଲା । ଆଜ୍ଞା ଏହା ଭାରତୀୟ ଦୀପାବଳି ଭଳି ଆତସବାଜୀ ନୁହେଁ । ଏହା ଏକ ସୌରଝଡ଼ । ସୂର୍ଯ୍ୟରୁ ଆସିଥିବା ଏହି ସୌରଝଡ଼ ପୃଥିବୀର ବାୟୁମଣ୍ଡଳରେ ପ୍ରବେଶ କରିବା ପରେ ରଙ୍ଗୀନ ଆଲୋକର ଝଲକ ଦେଖିବାକୁ ମିଳିଥିଲା । ଯାହା କୌଣସି ପ୍ରକାର ଆତସବାଜୀଠାରୁ କମ୍ ନଥିଲା ।

ଏପରି ମନୋରମ ଦୃଶ୍ୟ ଦେଖିବା ଭାରତୀୟଙ୍କ ଭାଗ୍ୟରେ ନାହିଁ । ଆମେରିକା ସମେତ ଉତ୍ତର ଗୋଲାର୍ଦ୍ଧରେ ଥିବା ଦେଶଗୁଡ଼ିକ ଏହି ମନୋରମ ଦୃଶ୍ୟ ଦେଖିବାକୁ ସୁଯୋଗ ପାଇଛନ୍ତି ।

ଆମେରିକାର ନ୍ୟାସନାଲ ଓସିଏନିକ ଆଣ୍ଡ ଆଟମିକସ୍ଫିୟର ଆଡମିନିଷ୍ଟ୍ରେସନ୍ (NOAA) ସ୍ପେସ୍ ୱେଦର ପ୍ରିଡିକ୍ସନ ସେଣ୍ଟର ନଭେମ୍ବର ୧ ଓ ୨ରେ ଦୁଇଟି ସୌରଝଡ଼ର ସୂଚନା ଦେଇଥିଲା । ଏହାକୁ ସୌରଝଡ଼ର କୋରୋନାଲ ମାସ୍ ଇଜେକ୍ସନ (CME) କୁହାଯାଇଥାଏ । ଏହି ସୌରଝଡ଼ ଗତକାଲି ଅର୍ଥାତ ଦୀପାବଳି ଦିନ ଉତ୍ତର ଗୋଲାର୍ଦ୍ଧର କିଛି ଦେଶର ଆକାଶରେ ଦେଖିବାକୁ ମିଳିଥିଲା ।

ସୌରଝଡ଼ରେ ଆସୁଥିବା ଚାର୍ଜଡ୍ ପ୍ରାକ୍ଟିକଲ୍ସ ପୃଥିବୀର ବାୟୁମଣ୍ଡଳରେ ପ୍ରବେଶ କରିବା ପରେ ଏମିତି ଅଦ୍ଭୁତ ଦୃଶ୍ୟ ଦେଖିବାକୁ ମିଳିଥାଏ । ଏହାକୁ ଆରୋରା କିମ୍ବା ନର୍ଦ୍ଦନ ଲାଇଟ୍ସ କିମ୍ବା ସାଉର୍ଦ୍ଦନ ଲାଇଟ୍ସ କୁହାଯାଇଥାଏ । ଯଦି ସୌରଝଡ଼ର ତୀବ୍ରତା ଅଧିକ ହୋଇଥିବ ତେବେ ଏହା ପୃଥିବୀର ଚୁମ୍ବକୀୟ କ୍ଷେତ୍ର ଉପରେ ମଧ୍ୟ ବହୁତ ପ୍ରଭାବ ପକାଇଥାଏ । ଏହାଦ୍ୱାରା ସାଟେଲାଇଟ୍ ସଞ୍ଚାର ବ୍ୟବସ୍ଥା ଓ ଇଲୋକ୍ଟ୍ରୋନିକ୍ସ ସଞ୍ଚାର ବ୍ୟବସ୍ଥା ପ୍ରଭାବିତ ହୋଇଥାଏ ।

NOAA ଅନୁସାରେ, ଦୀପାବଳି ରାତିରେ ଆମେରିକା ସମେତ ୟୁରୋପର ବହୁ ଦେଶର ଲୋକ ସୂର୍ଯ୍ୟଙ୍କ ଏହି ଆତସବାଜୀ ଦେଖିବାକୁ ପାଇଥିଲେ । ଏହା ପୂର୍ବରୁ ଆମେରିକାର ଡକୋଟା, ମିନିସୋଟ, ମୋନଟାନ, ୱାସିଂଟନ ଓ ନ୍ୟୁ ଇଂଲଣ୍ଡରେ ଗତ ୩ ତାରିଖରେ ବି ଏମିତି ଦୃଶ୍ୟ ଦେଖିବାକୁ ମିଳିଥିଲା । ପ୍ରାୟ ଗୋଟାଏ ସପ୍ତାହ ଧରି ଏମିତି ଦୃଶ୍ୟ ଆମେରିକା ଓ ୟୁରୋପର କିଛି ଦେଶରେ ଦେଖିବାକୁ ମିଳିବ ।

ସୌରଝଡ଼ର CME ଭିନ୍ନ ଭିନ୍ନ ଗତିରେ ଅନ୍ତରୀକ୍ଷରେ ଆଗକୁ ବଢ଼ିଥାଏ । NOAA ଅନୁସାରେ ସୂର୍ଯ୍ୟରେ ହୋଇଥିବା ସୌରଝଡ଼ର ପ୍ରଥମ ଲହର ୪ ନଭେମ୍ବର ରାତି ୧୨ଟା ୧୨ ମିନିଟରେ ଆମେରିକା ଆକାଶରେ ଦେଖିବାକୁ ମିଳିଥିଲା ।

କେତେ ଶକ୍ତିଶାଳୀ ସୌରଝଡ଼ ?

ସୌରଝଡ଼ ପୃଥିବୀ ବାୟୁମଣ୍ଡଳରେ ପ୍ରବେଶ କରିବା ପରେ ଯେଉଁ ଅରୋରା ସୃଷ୍ଟି ହୋଇଥାଏ ଏହାର ଗଠନ ପ୍ରକ୍ରିୟାକୁ ବୈଜ୍ଞାନିକ ପ୍ଲାନେଟାରୀ କେ ଇଣ୍ଡକ୍ସ କହିଥାନ୍ତି । ଏହି ଜିୟୋମ୍ୟାଗନେଟିକ୍ ଝଡ଼କୁ ୯ ପଏଣ୍ଟ ସ୍କେଲରେ ମାପିଥାନ୍ତି । ୫ ପଏଣ୍ଟରୁ ଅଧିକ ଝଡ଼କୁ ଶକ୍ତିଶାଳୀ କୁହାଯାଇଥାଏ । ଦୀପାବଳି ଦିନ ଆସିଥିବା ସୌରଝଡ଼ ୬ରୁ ୭ ପଏଣ୍ଟ ମଧ୍ୟରେ ଥିଲା ।

ୟୁନିର୍ଭସିଟି ଅଫ୍ କାଲିଫର୍ଣ୍ଣିଆ ଗବେଷକ ସଙ୍ଗୀତା ଅବ୍ଦୁ ଜ୍ୟୋତି କହିଛନ୍ତି, ‘ବଡ଼ ଧରଣର ସୌରଝଡ଼ ଆସିଲେ ଏହାର ମୁକାବିଲା ପାଇଁ ପ୍ରସ୍ତୁତ ହେବା ସମ୍ଭବ ନୁହେଁ । ପୂରା ବିଶ୍ବର କିମ୍ବା କିଛି ଦେଶର ଇଣ୍ଟରନେଟ୍ ସମ୍ପୂର୍ଣ୍ଣ ବନ୍ଦ ହୋଇଯାଇପାରେ । ଯାହାର ପ୍ରଭାବ ଅନ୍ୟ ଦେଶଗୁଡ଼ିକ ଉପରେ ମଧ୍ୟ ପଡ଼ିବ । ଆମେ ଏମିତି ପ୍ରାକୃତିକ ବିପର୍ଯ୍ୟୟର ସମ୍ମୁଖୀନ ହୋଇପାରିବା ନାହିଁ । କିଛି ଦେଶଙ୍କ ଅର୍ଥ ବ୍ୟବସ୍ଥା ମାଟି କାମୁଡ଼ିବ ଓ ଏହାଦ୍ୱାରା ହେବାକୁ ଥିବା କ୍ଷତି ଆକଳନ କରିବା ଅସମ୍ଭବ ।’

ସେ ଆହୁରି କହିଛନ୍ତି ଯେ, ବଡ଼ ସମସ୍ୟା ହେଲା ସୌରଝଡ଼ ଓ ଏହାର ପ୍ରଭାବକୁ ନେଇ ଆମ ପାଖରେ ବହୁତ କମ ସୂଚନା ରହିଛି । ଏଥିପାଇଁ କ୍ଷତି କେତେ ବଡ଼ ହେବ ଆକଳନ କରିବା ଅସମ୍ଭବ ।’

ପୂର୍ବରୁ କେବେ ଆସିଥିଲା ସୌରଝଡ଼ ?

ପୂର୍ବରୁ ୧୮୫୯, ୧୯୨୧ ଓ ୧୯୮୯ ମସିହାରେ ଭୟଙ୍କର ସୌରଝଡ଼ ଆସିଥିଲା । ଏହାର ପ୍ରଭାବରେ ବହୁତ ଗୁଡିଏ ଦେଶରେ ବିଦ୍ୟୁତ୍ ସରବରାହରେ ବ୍ୟାଘାତ ଘଟିଥିଲା । କିଛି ଅଞ୍ଚଳ ଘଣ୍ଟା ଘଣ୍ଟା ଅନ୍ଧାରରେ ବୁଡ଼ି ଯାଇଥିଲା । ୧୮୫୯ରେ ଇଲେକ୍ଟ୍ରିକାଲ ଗ୍ରେଡସ୍ ନଥିଲା । ଏଥିପାଇଁ ବିଦ୍ୟୁତ ସରବରାହ ଉପରେ ବିଶେଷ ପ୍ରଭାବ ପଡ଼ିନଥିଲା । ହେଲେ କ୍ୟାମ୍ପସର କଣ୍ଟା ଘଣ୍ଟା ଘଣ୍ଟା ଧରି ଘୁରିବାକୁ ଲାଗିଥିଲା । ଏହାଦ୍ୱାରା ସମୁଦ୍ରରେ ଜାହାଜଗୁଡ଼ିକ ପଥହୁଡ଼ା ହୋଇଯାଇଥିଲେ । ଉତ୍ତର ଗୋଲାର୍ଦ୍ଧରେ ଦେଖିବାକୁ ମିଳିଥିବା ଅରୋରା ବୋରିଲିସ୍ ଇକ୍ୟୁଏଟର ଲାଇନର ଥିବା କଲମ୍ବିଆ ଆକାଶରେ ମଧ୍ୟ ଦେଖିବାକୁ ମିଳିଥିଲା ।

୧୯୮୯ରେ ଆସିଥିବା ସୌରଝଡ଼ ଯୋଗୁଁ ଉତ୍ତର-ପୂର୍ବ କାନାଡାର କ୍ୟୁବେକରେ ଥିବା ହାଇଡ୍ରୋ ପାୱାର ଗ୍ରେଡ୍ ଠପ ହୋଇଯାଇଥିଲା । ଅଧା ଦେଶ ୯ ଘଣ୍ଟା ପାଇଁ ଅନ୍ଧାର ହୋଇ ଯାଇଥିଲା । ତେବେ ଦୁଇ ଦଶନ୍ଧୀ ହେଲା କୌଣସି ସୌରଝଡ଼ ଆସିନାହିଁ । ଏହାର ମାନେ ନୁହେଁ, ଯେ ଆଉ ଆସିବ ନାହିଁ । ଅନ୍ୟପକ୍ଷରେ ସୂର୍ଯ୍ୟଙ୍କ ଏମିତି ଶାନ୍ତ ସ୍ବଭାବ ଆଗକୁ ବଡ଼ ଧରଣର ସୌଡ଼ଝଡ଼ର ସମ୍ଭାବନାକୁ ବଢ଼ାଇ ଦେଉଛି ।

ସଙ୍ଗୀତାଙ୍କ ମତରେ, ‘ଦୁନିଆର କୌଣସି ବୈଜ୍ଞାନିକଙ୍କ ପାଖରେ ସୌରଝଡ଼କୁ ମାପିବାକୁ ଓ ଏହାର ପ୍ରଭାବର ଆକଳନ କରିବାକୁ କିଛି ବିଧିବଦ୍ଧ ଯନ୍ତ୍ରପାତି ନାହିଁ । କୌଣସି ଭୟାବହ ସୌରଝଡ଼ ଆସିଲେ ଏହା କେତେ କ୍ଷତି ଘଟାଇବ ଆମ ପକ୍ଷେ ଜାଣିବା ଅସମ୍ଭବ । ଯଦି ଏମିତି ଝଡ଼ ଆସିଲା ତେବେ ଏହା ଆମ ପାୱାର ଗ୍ରେଡସ୍, ଇଣ୍ଟରନେଟ, ନେଭିଗେସନ ଓ ସାଟେଲାଇଟ ସିଷ୍ଟମ ଉପରେ କେତେ ଓ କି ପ୍ରଭାବ ପକାଇବ କହି ହେବନି । ଯଦି ପୁଣି ଥରେ ଇଣ୍ଟରନେଟ୍ ସେବା ବନ୍ଦ ହୋଇଯିବ ତାକୁ ରିଷ୍ଟୋର କିମ୍ବା ରିଷ୍ଟ୍ରାଟ କରିବାକୁ କୋଟି କୋଟି ଟଙ୍କା ଖର୍ଚ୍ଚ ହୋଇଯିବ  ।’

ଯଥାର୍ଥ ଦାବି ନୁହେଁ ପୁରୀର ନାମ ପରିବର୍ତ୍ତନ, ମତବ୍ୟକ୍ତ କଲେ ଆଦି ଗୁରୁ ଶଙ୍କରାଚାର୍ଯ୍ୟ

ପୁରୀ: ଶ୍ରୀକ୍ଷେତ୍ର ପୁରୀର ନାମ ପରିବର୍ତ୍ତନ କରିବା ବିବାଦ ଏବେ ମୁଣ୍ଡ ଟେକିଛି  । ବିଭିନ୍ନ ଅନୁଷ୍ଠାନ ପକ୍ଷରୁ ପୁରୀର ନାମ ପରିବର୍ତ୍ତନ କରି ଜଗନ୍ନାଥ ଧାମ ପୁରୀ କରିବା ପାଇଁ ମତବ୍ୟକ୍ତ କରିଛନ୍ତି  । କିନ୍ତୁ ଏଭଳି ଏକ  ଦାବିକୁ ଯଥାର୍ଥ ନୁହେଁ ବୋଲି ମତପ୍ରକାଶ କରିଛନ୍ତି ଜଗତଗୁରୁ ଶଙ୍କରାଚାର୍ଯ୍ୟ ସ୍ୱାମୀ ନିଶ୍ଠଳାନନ୍ଦ ସରସ୍ୱତୀ  । ପୁରୀ କହିଲେ ଜଗନ୍ନାଥ ପୁରୀ କୁ ବୁଝାଏ, ତେଣୁ ଏହାକୁ ପରିବର୍ତନ କରିବା ଆବଶ୍ୟକ ନାହିଁ ବୋଲି କହିଛନ୍ତି ଶଙ୍କରାଚାର୍ଯ୍ୟ  ।

ତେଣୁ ପୁରୀର ନାମ ହିଁ ସଭିଏଁ ଜାଣନ୍ତି  । ପୁରୀ କହିଲେ ଜଗନ୍ନାଥ ପୁରୀକୁ ହିଁ ବୁଝାଏ  । ଏହାର ନାମ ପରିବର୍ତ୍ତନ କରିବାର କୌଣସି ଆବଶ୍ୟକତା ନାହିଁ ବୋଲି କହିଛନ୍ତି ଆଦି ଗୁରୁ ସ୍ୱାମୀ ନିଶ୍ଚଳାନନ୍ଦ ସରସ୍ୱତୀ  ।

 ସିବିଏସଇ ନିର୍ଦ୍ଧାର କଲା ନୂଆ ଓଏମଆର୍ ସିଟ୍

0

ସିବିଏସଇ ପ୍ରଥମ ଥର ପାଇଁ ନୂଆ ଓଏମଆର ସିଟ୍ ନିର୍ଦ୍ଧାର କରିଛି ଯେଉଁଥିରେ ପ୍ରଥମ ଥର ଏକାଧିକ ପ୍ରଶ୍ନ ରହିଛି ।  ପରୀକ୍ଷା ସମୟ ୯୦ ମିନିଟର ଥିବାବେଳେ ନଭେମ୍ବର ୧୬ରୁ ଏହା ଆରମ୍ଭ ହେବ  । ଦଶମ ଏବଂ ଦ୍ୱାଦଶ ଶ୍ରେଣୀର ମୋଟ ୩୬ ଲକ୍ଷ ଛାତ୍ରଛାତ୍ରୀ ପରୀକ୍ଷା ଦେବେ ବୋଲି ଜଣାପଡ଼ିଛି  ।

ପ୍ରତ୍ୟେକଟି ପେପରରେ ୬୦ ଲେଖାଏଁ ପ୍ରଶ୍ନ ଥିବାବେଳେ ଛାତ୍ରଛାତ୍ରୀମାନେ କେବଳ ପେନରେ ଉତ୍ତର ଦେଇପାରିବେ  । ଟାଇମ୍ସ ଅଫ୍ ଇଣ୍ଡିଆର ସୂଚନାନୁସାରେ ଏହି ଓଏମଆର୍ ସିଟରେ ଛାତ୍ରଛାତ୍ରୀ ଉତ୍ତର ଦେବା ସମୟରେ ଯଦି ଭୁଲ୍ ଉତ୍ତର ଦେଇଦିଅନ୍ତି ତେବେ ଏହାକୁ ସଂଶୋଧନ କରି ପୁନର୍ବାର ଏହାର ସଠିକ୍ ଉତ୍ତର ମଧ୍ୟ ଦେଇପାରିବେ କାରଣ ଏହାର ଡାହାଣ କଡ଼ରେ ଆଉ ଏକ ବାକ୍ସ ରହିଛି  । ଭୁଲ ଉତ୍ତରକୁ ଠିକ୍ କରିବା ପାଇଁ ଛାତ୍ରଛାତ୍ରୀମାନେ ଏଥିରେ ପୁନର୍ବାର ସଠିକ୍ ଉତ୍ତର ଦେଇପାରିବେ  । ଯଦି ସେମାନେ ନିଜ ଉତ୍ତରକୁ ପରିବର୍ତ୍ତନ କରିବାକୁ ଚାହୁଁଛନ୍ତି ତେବେ ସେମାନେ ଏହା ବ୍ୟବହାର କରିପାରିବେ  ।

a, b, c, d କୈାଣସିଟି ମଧ୍ୟରୁ ଉତ୍ତର ଭୁଲ ଥିଲେ କିମ୍ୱା ପରିବର୍ତ୍ତନ କରିବାକୁ ଚାହୁଁଥିଲେ ଛାତ୍ରଛାତ୍ରୀ ଏହି ବାକ୍ସ ବ୍ୟବହାର କରିପାରିବେ ବୋଲି ସିବିଏସି ମୁଖ୍ୟ ସନ୍ୟମ ଭରଦ୍ୱାଜ କହିଛନ୍ତି  । ମାତ୍ର ଯଦି କୈାଣସି ପ୍ରଶ୍ନରେ ଏହି ବାକ୍ସର ବ୍ୟବହାର ହୋଇଥିବ ତେବେ କେବଳ ବାକ୍ସରେ ଥିବା ଉତ୍ତର ହିଁ ଗଣନା କରାଯିବ ବୋଲି ସେ କହିଛନ୍ତି  ।ଛାତ୍ରଛାତ୍ରୀମାନଙ୍କୁ ପରୀକ୍ଷା ଦେବାରେ ଯେପରି ଅସୁବିଧା ନ ହୁଏ ସେଥିପାଇଁ ପରୀକ୍ଷା ପୂର୍ବରୁ ଏହି ନୂତନ ଓଏମଆର୍ ସିଟର ଏକ ଭିଡିଓ ସେୟାର କରିାଯାଇଛି  ।

 

ବିଜେପି ନେତାଙ୍କୁ ବନ୍ଧକ ରଖିଲେ ଚାଷୀ, ଗାଡ଼ିର ହାୱା ଖୋଲିଦେଲେ

ରୋହତକ: କେନ୍ଦ୍ରର କୃଷି ଆଇନ୍ ବିରୋଧରେ କୃଷକଙ୍କ ଆନ୍ଦୋଳନ ଜାରି ରହିଛି । ଏହି ଆନ୍ଦୋଳନର ସବୁଠୁ ଅଧିକ ପ୍ରଭାବ ପଞ୍ଜାବ, ହରିୟାଣା ଓ ଉତ୍ତରପ୍ରଦେଶରେ ପଡ଼ିଛି । ହରିୟାଣାର ରୋହତକରେ କୃଷି ଆଇନକୁ ବିରୋଧ କରୁଥିବା କୃଷକ ବିଜେପି ନେତାଙ୍କୁ ବନ୍ଧକ ରଖିଛନ୍ତି । ପୂର୍ବତନ ରାଜ୍ୟ ମନ୍ତ୍ରୀ ମନୀଷ ଗ୍ରୋବରଙ୍କ ସହ ଅନ୍ୟ ବିଜେପି ନେତାଙ୍କୁ ବନ୍ଧକ ରଖିଛନ୍ତି କୃଷକ ।

ପ୍ରଧାନମନ୍ତ୍ରୀ ମୋଦି କେଦାରନାଥ ଗସ୍ତରେ ଥିବା ବେଳେ ରାଜ୍ୟର ପ୍ରତି ଶିବ ମନ୍ଦିରରେ କାର୍ଯ୍ୟକ୍ରମର ଲାଇଭ୍ ପ୍ରସାରଣ କରାଯାଇଛି । ରୋହତକର କିଲୋଇ ଗାଁର ଶିବ ମନ୍ଦିରରେ ମଧ୍ୟ ସମାନ କାର୍ଯ୍ୟକ୍ରମ ହୋଇଥିଲା । ମନୀଷ ଗ୍ରୋବର ସମେତ ଅନେକ ବିଜେପି ନେତା କାର୍ଯ୍ୟକ୍ରମରେ ସାମିଲ୍ ହେବା ପାଇଁ ପହଞ୍ଚିଥିଲେ । ଠିକ୍ ସେହି ସମୟରେ କୃଷି ଆଇନକୁ ବିରୋଧ କରୁଥିବା କୃଷକ ବିଜେପି ନେତାଙ୍କୁ ବନ୍ଧକ କରି ନେଇଥିଲେ ।

ବିଜେପି ନେତାଙ୍କ ଗାଡ଼ିର ଚକରୁ କୃଷକ ହାୱା ମଧ୍ୟ ଖୋଲି ଦେଇଛନ୍ତି । ଏହା ବାଦ୍ ମନ୍ଦିର ପ୍ରାଙ୍ଗଣରେ ଲାଗିଥିବା ଟିଭିର ତାର କାଟି ଦେଇଛନ୍ତି । ନେତାଙ୍କୁ ବନ୍ଧକ କରିବା ଲାଗି କୃଷକ ମନ୍ଦିରର ମୁଖ୍ୟ ଦ୍ୱାରରେ ପଥର ସହ ଗାଡ଼ି ରଖି ଦେଇଛନ୍ତି । ପୋଲିସ କୃଷକଙ୍କୁ ବୁଝାଇବା ଲାଗି ଉଦ୍ୟମ ଜାରି ରଖିଛି । ୪ ଘଣ୍ଟା ହେଲା ମନ୍ଦିରରେ ନେତା ବନ୍ଧକ ଥିବା ବେଳେ ପରିସ୍ଥିତି ଉତ୍ତେଜନାପୂର୍ଣ୍ଣ ରହିଛି ।

ଦେଶରେ ୧୭ ହଜାର ଇଭି ଚାର୍ଜିଂ ଷ୍ଟେସନ କରିବ IOCL ଓ ଭାରତ ପେଟ୍ରୋଲିୟମ

ନୂଆଦିଲ୍ଲୀ: ଭାରତର ସର୍ବ ବୃହତ ତୈଳ ସଂସ୍ଥା ଇଣ୍ଡିଆନ ଅଏଲ୍ କର୍ପ ଏବଂ ଭାରତ ପେଟ୍ରୋଲିୟମ ଫର୍ଚୁନ ଗ୍ଲୋବାଲ ୫୦୦ କମ୍ପାନୀ ପକ୍ଷରୁ ବୈଦ୍ୟୁତିକ ଯାନ ଚାର୍ଜିଂ ଉପରେ ଅଧିକ କାମ କରୁଛି । ସାରା ଦେଶରେ ଆସନ୍ତା କିଛି ବର୍ଷ ମଧ୍ୟରେ ୧୭ ହଜାର ଚାର୍ଜିଂ ୟୁନିଟ ପ୍ରତିଷ୍ଠା କରିବ । ଆସନ୍ତା ତିନି ବର୍ଷ ମଧ୍ୟରେ IOCL ବୈଦ୍ୟୁତିକ ଯାନ ପାଇଁ ୧୦ ହଜାର ଚାର୍ଜିଂ ଷ୍ଟେସନ ତିଆରି କରିବ ଏବଂ ଭାରତ ପେଟ୍ରୋଲିୟମ ଆସନ୍ତା କିଛି ବର୍ଷ ମଧ୍ୟରେ ୭ ହଜାର ଚାର୍ଜିଂ ସେଣ୍ଟର କରିବ । ଗତ ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ କି ୨୦୭୦ ସୁଦ୍ଧା ବିଶ୍ବର ତୃତୀୟ ବୃହତ୍ତମ ନିର୍ଗମନକାରୀଙ୍କ ଉପରେ ନଗର୍ମନ ହ୍ରାସ କରିବାକୁ  ପ୍ରତିଶୃତି ଦେବା ପରେ ତୈଳ କମ୍ପାନୀମାନେ ଏହି ନିଷ୍ପତି ନେଇଛନ୍ତି । ଏବେ ଭାରତରେ ପ୍ରାୟ ୨୮ କୋଟି ଗାଡି ଚାଲୁଛି ଏବଂ ପ୍ରତିବର୍ଷ ୨.୫ କୋଟି ନୂଆ ଗାଡି କିଣୁଛନ୍ତି । ତେବେ ଏହି ସବୁ ଗାଡି ପେଟ୍ରୋଲ, ଡିଜେଲ କିମ୍ବା ଜୀବାଶ୍ମ ଇନ୍ଧନ ଆବଶ୍ୟକତା କରେ ।

ବର୍ତ୍ତମାନ EVs ନାମକ ଏକ ବ୍ୟାଟେରୀ କମ୍ପାନୀ, ସମସ୍ତ ଅଟୋମୋବାଇଲର ଅଳ୍ପ ପ୍ରତିଶତ ନିର୍ମାଣ କରୁଛି । ବିକ୍ରି ହେଉଥିବା ସମସ୍ତ ଦୁଇ ଚକିଆ ଯାନ ମଧ୍ୟରୁ ମାତ୍ର ୧ ପ୍ରତିଶତ EVs, ଚାରି ଚକିଆ ଯାନ ମଧ୍ୟରୁ ୦.୨ ପ୍ରତିଶତ ଏବଂ ତିନି ଚକିଆ ମଧ୍ୟରେ ୨୫ ପ୍ରତିଶତ EVs ଚାଲୁଛି । ତେବେ ୨୦୩୦ ମସିହା ସୁଦ୍ଧା ସମସ୍ତ ନୂତନ ଦୁଇ ଚକିଆ ଯାନ ମଧ୍ୟରୁ ୩୦ ପ୍ରତିଶତ ବୈଦ୍ୟୁତିକ ହେବ ବୋଲି ଆକଳନ କରାଯାଇଥିବାବେଳେ ସମସ୍ତ ତିନି ଚକିଆ ଯାନ ମଧ୍ୟରୁ ୩୫ ପ୍ରତିଶତ ଏବଂ ୧୫ ପ୍ରତିଶତ ଚାରି ଚକିଆ ଯାନ ବୈଦ୍ୟୁତିକ ଗାଡି ଚାଲିବ ।

IOC ପ୍ରତି ୨୫ କିଲୋମିଟରରେ ୫୦ କିଲୋଓ୍ବାଟର ଇଭି ଚାର୍ଜିଂ ଷ୍ଟେସନ ଏବଂ ୧୦୦ କିଲୋମିଟରରେ ହେଭି ଡ୍ୟୁଟି ଚାର୍ଜି ଷ୍ଟେସନ ସ୍ଥାପନ କରିବାକୁ ଯୋଜନା କରିଛି । ଯାହା ଫଳରେ ଗ୍ରାହକମାନେ ସୁବିଧାରେ ତାଙ୍କ ବୈଦ୍ୟୁତିକ ଯାନ ଚାର୍ଜ କରିପାରିବେ । ତେବେ ପ୍ରଥମ ବର୍ଷ IOC  ମୁମ୍ବାଇ, ଦିଲ୍ଲୀ, ବାଙ୍ଗାଲୋର, ହାଇଦ୍ରାବାଦ, ଅହମ୍ମଦାବାଦ, ଚେନ୍ନାଇ, କୋଲକାତା, ସୁରଟ ଓ ପୁନେରେ ୨୩୧ଟି ଇଭି ଚାର୍ଜିଂ ଷ୍ଟେସନ ପ୍ରତିଷ୍ଠା କରିବାକୁ ଲକ୍ଷ୍ୟ ରଖିଛି IOC । ତେବେ ଦ୍ବିତୀୟ ବର୍ଷରେ ଆଉ ୩୭୫ଟି ଚାର୍ଜିଂ ଷ୍ଟେସନ ଓ ତୃତୀୟ ବର୍ଷ ଆଉ ୨୧୫ ଚାର୍ଜିଂ ଷ୍ଟେସନ କରିବ ବୋଲି କହିଛି IOC । ମୋଟ ଉପରେ ଏହି ତିନି ବର୍ଷ ମଧ୍ୟରେ ବିଭିନ୍ନ ରାଜ୍ୟର ରାଜଧାନୀରେ ୯୪୪ଟି ଚାର୍ଜିଂ ଷ୍ଟେସନ ନିର୍ମାଣ ହେବ । ତେବେ ଏହି ୧୦ ହଜାର  ଚାର୍ଜିଂ ଷ୍ଟେସନ ମଧ୍ୟରୁ ଅଧାରୁ ଅଧିକ ଷ୍ଟେସନ ଜାତୀୟ ରାଜପଥ ଓ ବିଭିନ୍ନ ସହରରେ ନିର୍ମାଣ ହେବ ।