spot_img
Home Blog Page 5141

ଫେଲ୍ ହେଲା ଲୁଟ୍ ପ୍ଲାନ୍, ଲୁଟେରାକୁ ନିସ୍ତୁକ ଛେଚିଲେ

ଭୁବନେଶ୍ୱର: ଫେଲ୍ ହେଲା ଲୁଟ୍ କରି ଫେରାର୍ ପ୍ଲାନ୍ । ଲୁଟେରାକୁ ନିସ୍ତୁକ ଛେଚି ପୋଲିସ ଜିମା ଦେଲେ ସ୍ଥାନୀୟ ଲୋକେ। ଏଭଳି ଘଟଣା ଘଟିଛି ଭୁବନେଶ୍ୱର ସହିଦନଗର ଅଞ୍ଚଳରେ। ସକାଳେ ଦୁଇ ଜଣ ଲୁଟ୍ କରି ଫେରାର ହେବାକୁ ଉଦ୍ୟମ କରୁଥିଲେ। ଏହି ସମୟରେ ଜଣଙ୍କୁ କାବୁ କରିଥିଲେ ସ୍ଥାନୀୟ ଲୋକ। ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରି ତଦନ୍ତ ଜାରି ରଖିଛି ।

Jio Phone Next କିଣିବା ପୂର୍ବରୁ ଜାଣି ନିଅନ୍ତୁ ଏହି ସବୁ ନିୟମ

ନୂଆଦିଲ୍ଲୀ: ଲଞ୍ଚ ହୋଇସାରିଛି Jio Phone Next । ଏହି ଫୋନକୁ ଆପଣ EMIରେ ବି କିଣିପାରିବେ । ଏହି ଫୋନରେ ଇନବିଲ୍ଟ ଲକିଂ ଫିଚର ଦିଆଯାଇଛି । ଯାହାଫଳରେ ଯଦି ୟୁଜର୍ସ EMI ଦେଇପାରିବେ ନାହିଁ ତାହାଲେ ଉପଭୋକ୍ତାମାନଙ୍କ ଆକ୍ସେସକୁ କମ୍ କରିଦିଆଯିବ । Jio Phone Nextର ମୂଲ୍ୟ ୬ ହଜାର ୪୯୯ ଟଙ୍କା ରଖାଯାଇଛି । ତେବେ ଆପଣ ୧୯୯୯ ଟଙ୍କା ଡାଉନ ପେମେଣ୍ଟ ଦେଇ କିଣିପାରିବେ ଏହି ଫୋନ । ୧୯୯୯ ଡାଉନ ପେମେଣ୍ଟ ପରେ ଆଉ ବଳକା ଟଙ୍କା EMI ଦ୍ବାରା ଆପଣ ଦେଇପାରିବେ । ଯଦି ଉପଭୋକ୍ତା EMI ଇନଷ୍ଟାଲମେଣ୍ଟ ଦେଇପାରିବେ ନାହିଁ ତେବେ ଲକିଂ ଫିଚର ସାହାର୍ଯ୍ୟରେ ଫୋନରେ ଥିବା କିଛି ଆପ୍ସକୁ ବ୍ଲକ କରିଦେବ ।

GizBotର ଏକ ରିପୋର୍ଟ ଅନୁସାରେ Jio Phone Next ଦ୍ବାରା ଦିଆଯାଇଥିବା ସବିଶେଷ ତଥ୍ୟ ଅନୁସାରେ ସ୍ମାର୍ଟଫୋନରେ ବ୍ୟବହୃତ ସମସ୍ତ ଆପ୍ସର ତାଲିକା ଆଡମିନ୍ ଦେଖିପାରିବେ । ଏହା ବ୍ୟତୀତ ଏହି ଫୋନରେ ଇନଷ୍ଟାଲ ହୋଇଥିବା ଆପ୍ସ, ଲୋକେସନ ପରମିଶନ, ମାଇକ୍ରୋଫୋନ ପରମିଶନ ଏବଂ କ୍ୟାମେରା ପରମିଶନକୁ ଆଡମିନ୍ ନିୟନ୍ତ୍ରଣ କରିପାରିବ । ଯଦି ଗ୍ରାହକମାନେ ଏହି ଫୋନକୁ EMIରେ କିଣିବାକୁ ଚାହୁଁଛନ୍ତି ତେବେ ତାଙ୍କ ପାଖରେ ଚାରୋଟି EMI ପ୍ଲାନ ଉପଲବ୍ଧ ଅଛି । ଏହି ପ୍ଲାନ ମଧ୍ୟରେ ରହିଛି Always Plan, Large Plan, XL Plan ଏବଂ XXL Plan ରହିଛି ।

Always Planରେ ୟୁଜର୍ସଙ୍କ ପାଖରେ ଦୁଇଟି EMI ପ୍ଲାନ ବାଛି ପାରିବେ । ଏଥିରେ ୨୪ ମାସ ପାଇଁ ୩୦୦ ଟଙ୍କା ଏବଂ ୧୮ ମାସ ପାଇଁ ୩୫୦ ଟଙ୍କାର ପ୍ଲାନ ରହିଛି । ଏହି ପ୍ଲାନରେ ପ୍ରତି ମାସରେ ୫ ଜିବି ଡାଟା ଓ ଭଏସ କଲ୍ ପାଇଁ ୧୦୦ ମିନିଟ୍ ଦିଆଯାଉଛି । Large Planରେ ଉପଭୋକ୍ତାମାନେ ୨୪ ମାସ ପାଇଁ ୪୫୦ ଟଙ୍କା କିମ୍ବା ୧୮ ମାସ ପାଇଁ ୫୦୦ ଟଙ୍କା ଚୟନ କରିପାରିବେ । ଏହି ପ୍ଲାନରେ ପ୍ରତିଦିନ ୧.୫ ଜିବି ଡାଟା ଓ ଅନଲିମିଟେଡେ ଭଏସ କଲ ସୁଯୋଗ ଦିଆଯିବ । ସେହିପରି ଭାବରେ XL ପ୍ଲାନରେ ଉପଭୋକ୍ତାମାନେ ୨୪ ମାସ ପାଇଁ ୫୦୦ ଟଙ୍କା କିମ୍ବା ୧୮ ମାସ ପାଇଁ ୫୫୦ ଟଙ୍କା  ଚୟନ କରିପାରିବେ । ଏଥିରେ ପ୍ରତିଦିନ ୨ ଜିବି ଡାଟା ସହ ଅନଲିମିଟେଡ ଭଏସ କଲ ଦିଯାଆଉଛି । ସେହିପରି XXL ପ୍ଲାନରେ ୨୪ ମାସ ପାଇଁ ୫୫୦ ଟଙ୍କା କିମ୍ବା ୧୮ ମାସ ପାଇଁ ୬୦୦ ଟଙ୍କା ଚୟନ କରିପାରିବେ ।  ଏହି ପ୍ଲାନରେ ଆପଣ ପ୍ରତିଦିନ ୨.୫ ଜିବି ଡାଟା ଦେଉଥିବା ବେଳେ ଅନଲିମିଟେଡ ଭଏସ କଲିଂର ସୁବିଧା ରହିଛି ।

ବିଷାକ୍ତ ମଦ ପିଇ ବିହାରରେ ୩୧ ମୃତ, ତେଜସ୍ୱୀଙ୍କ ଟାର୍ଗେଟରେ ନୀତିଶ

ପାଟଣା: ମଦ ବନ୍ଦ ରାଜ୍ୟରେ ମଦମୃତ୍ୟୁ । ବିହାରରେ ମଦ ସମ୍ପୂର୍ଣ୍ଣ ଭାବେ ବନ୍ଦ ରହିଥିବା ବେଳେ ବିଷାକ୍ତ ମଦ ପିଇ ପୁଣି ଥରେ ଅନେକ ପରିବାର ଉଜୁଡ଼ି ଯାଇଛି । ଦୀପାବଳିରେ ଗୋପାଳଗଞ୍ଜ ଓ ବେତିୟାରେ ବିଷାକ୍ତ ମଦ ପିଇ ୩୧ ଜଣଙ୍କର ମୃତ୍ୟୁ ହୋଇଛି ।  ଗୋପାଳଗଞ୍ଜରେ ୨୦ ଜଣଙ୍କ ମୃତ୍ୟୁ ହୋଇଥିବା ବେଳେ ବେତିୟାରେ ୧୧ ଜଣଙ୍କ ଜୀବନ ନେଇଛି ବିଷାକ୍ତ ମଦ । କେତେକଙ୍କ ଦୃଷ୍ଟି ଶକ୍ତି ଚାଲି ଯାଇଛି । ଏହା ପୂର୍ବରୁ ଗତ ସପ୍ତାହରେ ମୁଜଫରପୁରରେ ମଦ ପିଇ ୬ ଜଣଙ୍କ ମୃତ୍ୟୁ ହୋଇଥିଲା ।

ମଦ ମୃତ୍ୟୁକୁ ନେଇ ତେଜସ୍ୱୀ ଯାଦବ, ନୀତିଶ ସରକାରକୁ ଟାର୍ଗେଟ୍ କରିଛନ୍ତି । ମଦ ମୃତ୍ୟୁ ପାଇଁ ନୀତିଶଙ୍କୁ ଦାୟୀ କରିଛନ୍ତି ତେଜସ୍ୱୀ । ତେଜସ୍ୱୀ ଟ୍ୱିଟ୍ କରି ଲେଖିଛନ୍ତି ‘ବିଷାକ୍ତ ମଦ ପିଇ ବିହାରରେ ଦୀପାବଳି ଦିନ ସରକାରଙ୍କ ଦ୍ୱାରା ୩୫ରୁ ଅଧିକ ଜଣଙ୍କୁ ମାରି ଦିଆଯାଇଛି । କେବଳ କାଗଜରେ ବିହାରରେ ମଦ ବ୍ୟାନ ହୋଇଥିବା ବେଳେ ପ୍ରକୃତରେ ଖୁଲମଖୁଲା ମଦ ବିକ୍ରି କରି ଲୁଟ୍ କରାଯାଉଛି ।’

ଏଥିସହ ପଢ଼ନ୍ତୁ: ବିଷାକ୍ତ ମଦ ପିଇ ୨ ଦିନରେ ୨୫ ଜଣଙ୍କ ମୃତ୍ୟୁ

ଅନ୍ୟପଟେ ମଦ ମୃତ୍ୟୁକୁ ନେଇ ବେଫିକର ପ୍ରତିକ୍ରିୟା ଦେଇଛନ୍ତି ବିହାର ମୁଖ୍ୟମନ୍ତ୍ରୀ ନୀତିଶ କୁମାର । ନୀତିଶ କହିଛନ୍ତି, ‘ଖରାପ ଜିନିଷ ପିଇଲେ, ଏମିତି ହେବ । ଯେତେ ମନା କଲା ପରେ ବି ପିଉଛନ୍ତି । ୨୦୧୬ରୁ ବିହାରରେ ମଦ ପ୍ରସ୍ତୁତି ଓ ବିକ୍ରି ଉପରେ କଟକଣା ଲଗାଯାଇଛି । ଅଧିକାଂଶ ଲୋକ ମଦ ବନ୍ଦ ସପକ୍ଷରେ ଅଛନ୍ତି । ଲୋକଙ୍କୁ ନିବେଦନ କରୁଛି ମଦ ନ ପିଅନ୍ତୁ ।’

୨୦୧୬ ଏପ୍ରିଲ ୧ ତାରିଖରେ ବିହାରରେ ମଦ ବନ୍ଦ କରାଯାଇଥିଲା । ତେବେ ବିଭିନ୍ନ କାରଣରୁ ବିହାରରେ ମଦ ବନ୍ଦ ହୋଇ ପାରିନାହିଁ । ମଦ ବନ୍ଦ ପରେ ଅବୈଧ କାରବାର ବୃଦ୍ଧି ପାଇଛି । ଅନ୍ୟପଟେ ରାଜ୍ୟରେ ମଦ ବ୍ୟାନର ଫାଇଦା ଉଠାଉଛନ୍ତି ମାଫିଆ । କିଛି ଅଧିକାରୀଙ୍କୁ ଲାଞ୍ଚ ଦେଇ ବେଧଡ଼କ ମଦ ବିକ୍ରି କରୁଛନ୍ତି । ମଦ ପ୍ରସ୍ତୁତି ସହ ବିକ୍ରି, ପରିବହନ, ବିତରଣ, ଗଚ୍ଛିତ ରଖିବା, କିଣିବା ଉପରେ ପ୍ରତିବନ୍ଧକ ରହିଛି । ଆଇନ୍ ଉଲ୍ଲଂଘନ କଲେ ଅତି କମରେ ୫୦ ହଜାର ଟଙ୍କା ଜରିମାନା ଠାରୁ ନେଇ ୧୦ ବର୍ଷ ଯାଏଁ ଜେଲ ଦଣ୍ଡ ବ୍ୟବସ୍ଥା ରହିଛି ।

ବେଲ୍ ପରେ ପ୍ରଥମ ଥର NCB ଅଫିସରେ ଆର୍ଯ୍ୟନ

ମୁମ୍ବାଇ: ମୁମ୍ବାଇ ଡ୍ରଗ୍ସ କେସ୍ ମାମଲାରେ ବହୁ କଷ୍ଟରେ ଆର୍ଯ୍ୟନଙ୍କୁ ମିଳିଥିଲା ବେଲ୍ । ୨୮ ଅକ୍ଟୋବର ଡ୍ରଗ୍ସ କେସ୍ ମାମଲାରେ ମିଳିଥିଲା ବେଲ୍ । ଏହାର ଦୁଇ ଦିନ ପରେ ଅର୍ଥାତ ୩୦ ଅକ୍ଟୋବରରେ ମନ୍ନତକୁ ଫେରିଥିଲେ ଆର୍ଯ୍ୟନ । ୧୪ଟି ସର୍ତ୍ତ ରଖି ଆର୍ଯ୍ୟନଙ୍କୁ ମିଳିଥିଲା ବେଲ୍ । ତେବେ ଏହି ସର୍ତ୍ତ ଅନୁସାରେ ଆର୍ଯ୍ୟନ ଖାନ ପ୍ରତି ଶୁକ୍ରବାର ଦିନ ୧୧ଟାରୁ ୨ ମଧ୍ୟରେ ଏନସିବି ଅଫିସରେ ହାଜର ହେବା ପାଇଁ ଲେଖାଥିଲା ବେଲରେ । ତେବେ ଏହି ଆଦେଶ ଅନୁସାରେ ଆଜି ଏନସିବି ଅଫିସରେ ପହଞ୍ଚିଛନ୍ତି ଶାହାରୁଖ ଖାନଙ୍କ ପୁଅ ଆର୍ଯ୍ୟନ । ଆର୍ଯ୍ୟନ ଖାନଙ୍କ ସହ ତାଙ୍କ ଓକିଲ ସତୀଷ ମନସିନ୍ଧେ ବି ଏନସିବି ଅଫିସ ଯାଇଛନ୍ତି । ଜେଲରୁ ଜାମିନ ପାଇ ଘରକୁ ଯିବା ପରେ ପ୍ରଥମ ଥର ପାଇଁ ଆଜି ଆର୍ଯ୍ୟନ ଏନସିବି ଅଫିସରେ ପହଞ୍ଚିଛନ୍ତି ।

ଅକ୍ଟୋବର ୨ରେ ଯେତେବେଳେ ଏନସିବି ଆର୍ଯ୍ୟନଙ୍କୁ ଧରିଥିଲା, ସେହି ଦିନଠାରୁ ଅକ୍ଟୋବର ୭ ପର୍ଯ୍ୟନ୍ତ କିଙ୍ଗ୍ ଖାନଙ୍କ ପୁଅ ଆର୍ଯ୍ୟନଙ୍କୁ ଏନସିବି କଷ୍ଟୋଡିରେ ରଖାଯାଇଥିଲା ।  କିନ୍ତୁ ଏହା ପରେ ତାଙ୍କୁ ଆର୍ଥର ରୋଡ ଜେଲକୁ ସିପ୍ଟ କରା ଯାଇଥିଲା । ଏହାପରେ ତାଙ୍କ ଓକିଲ ତିନିଥର ଚେଷ୍ଟା କଲା ପରେ ମିଳିଥିଲା ବେଲ୍ । ମାଜିଷ୍ଟ୍ରେଟ କୋର୍ଟ ଓ ସେସନ କୋର୍ଟରେ ଜାମିନ ଆବେଦନ ଖାରଜ ହେବା ପରେ ବମ୍ବେ ହାଇକୋର୍ଟରେ ଜାମିନ ପାଇଁ ଆବେଦନ କରିଥିଲେ । ଯେଉଁଠାରେ ଆର୍ଯ୍ୟନ ଖାନଙ୍କୁ ବେଲ୍ ମିଳିଥିଲା ।

ଆର୍ଯ୍ୟନ ଖାନଙ୍କୁ ଜେଲରୁ ବାହାର କରିବା ପାଇଁ ଶାହାରୁଖ ଖାନ ବହୁ ଚେଷ୍ଟା କରିଥିଲେ । ଶାହାରୁକ କାନ ଯେତେବେଳେ ଜେଲରେ ଥିଲେ ଶାହାରୁଖ ଖାନ ଓ ଗୌରୀ ଖାନଙ୍କୁ ଗୋଟିଏ ଗୋଟିଏ ମୂହୁର୍ତ୍ତ ବିତାଇବା କଷ୍ଟ ହୋଇପଡ଼ିଥିଲା । ତେବେ ୩୦ ଅକ୍ଟୋବରରେ ଆର୍ଯ୍ୟନ ଘରକୁ ଫେରିବା ପରେ ଉଭୟ ଶାହାରୁଖ ଓ ଗୌରୀ ବେଶ୍ ଖୁସି ଥିଲେ । ଏଥିସହ ଆର୍ଯ୍ୟନ ଖାନଙ୍କୁ ପୁଣି ଥରେ ଟ୍ରାକକୁ ଆଣିବା ପାଇଁ ଉଦ୍ୟମ କରୁଛନ୍ତି ଶାହାରୁଖ ଓ ଗୌରୀ । ଆର୍ଯ୍ୟନଙ୍କ ସ୍ବାସ୍ଥ୍ୟ, ନ୍ୟୁଟ୍ରିଶନ ଓ ଡାଏଟର ପୂରା ଯତ୍ନ ନିଆଯାଉଛି ।

 

 

 

 

 

 

ଆସୁଛି ଆଉ ଏକ ଲଘୁଚାପ; ଦକ୍ଷିଣ ଓଡ଼ିଶାରେ ବର୍ଷା ଆଶଙ୍କା, ବଢିବ ଶୀତ

ଭୁବନେଶ୍ୱର: ଆସନ୍ତା ୯ ତାରିଖରେ ଦକ୍ଷିଣ-ପୂର୍ବ ବଙ୍ଗୋପସାଗର ଓ ଆଖପାଖରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବାକୁ ଯାଉଛି। ଏହାର ପ୍ରଭାବରେ ଦକ୍ଷିଣ ଓଡ଼ିଶାର ବିଭିନ୍ନ ଜିଲ୍ଲାରେ ସାମାନ୍ୟରୁ ମଧ୍ୟମ ଧରଣର ବର୍ଷା ହେବ। ବିଶେଷକରି ଗଞ୍ଜାମ, ଗଜପତି, ରାୟଗଡ଼ା, ମାଲକାନଗିରି, କୋରାପୁଟ, ନବରଙ୍ଗପୁର ଓ କନ୍ଧମାଳ ଜିଲ୍ଲାର କିଛି ସ୍ଥାନରେ ବର୍ଷା ହେବ ବୋଲି ଭୁବନେଶ୍ବର ପାଣିପାଗ କେନ୍ଦ୍ର ପୂର୍ବାନୁମାନ କରିଛି।

ଯାହାଫଳରେ ଆସନ୍ତା ୯ ତାରିଖ ପରେ ରାଜ୍ୟରେ ଶୀତ ବଢ଼ିବାର ସମ୍ଭାବନା ରହିଛି। ଉପକୂଳ ସମେତ ଆଭ୍ୟନ୍ତରୀଣ ଓଡ଼ିଶାରେ ଉଭୟ ଦିନ ଓ ରାତିର ତାପମାତ୍ରା କମିବ । ୧୦ ତାରିଖ ବେଳକୁ ରାତିର ତାପମାତ୍ରା ସ୍ୱାଭାବିକ ଠାରୁ ୨-୩ଡିଗ୍ରୀ କମିବ। ବିଶେଷକରି ପାହାଡ଼ିଆ ଅଞ୍ଚଳରେ ହାଡ଼ଭଙ୍ଗା ଶୀତ ହେବ । ବର୍ତ୍ତମାନ ଦାରିଙ୍ଗବାଡ଼ିରେ ସର୍ବନିମ୍ନ ତାପମାତ୍ରା ୧୫ ଡିଗ୍ରୀ ରହିଛି।

ସ୍ୱାମୀ ବିରାଟ କୋହଲିଙ୍କ ଜନ୍ମଦିନରେ ଅନୁଷ୍କା ଶର୍ମା ଏମିତି ଜଣାଇଲେ ଶୁଭେଚ୍ଛା

ମୁମ୍ବାଇ: ବଲିଉଡ୍ ଓ କ୍ରିକେଟ ଦୁନିଆର ଲୋକପ୍ରିୟ ଦମ୍ପତିଙ୍କ ମଧ୍ୟରୁ ଅନୁଷ୍କା ଶର୍ମା ଓ ବିରାଟ କୋହଲି ଅନ୍ୟତମ । ବିରୁଷ୍କାଙ୍କୁ ନେଇ ଫ୍ୟାନ୍ସ ଅନେକ ଚର୍ଚ୍ଚା କରନ୍ତି । ଅନୁଷ୍କା ଓ ବିରାଟଙ୍କ ଲଭ ଷ୍ଟୋରୀକୁ ଫ୍ୟାନ୍ସ ବି ବେଶ୍ ପସନ୍ଦ କରନ୍ତି । ଅନେକ ସମୟରେ ଅନୁଷ୍ଟା ଓ ବିରାଟ ଦୁହେଁ ଦୁହିଁଙ୍କ ପାଇଁ ରୋମାଣ୍ଟିକ ପୋଷ୍ଟ ସେୟାର କରିଥାନ୍ତି । ଏବେ ଅନୁଷ୍କା ସ୍ୱାମୀ ବିରାଟଙ୍କ ଜନ୍ମଦିନରେ ଏକ ସୁନ୍ଦର ଫଟୋ ପୋଷ୍ଟ କରି ଶୁଭେଚ୍ଛା ଜଣାଇଛନ୍ତି ।

ଅନୁଷ୍କା ଶର୍ମା ବିରାଟ କୋହଲିଙ୍କ ସହିତ ଫଟୋ ସେୟାର୍ କରିଛନ୍ତି । ଏହି ଫଟୋରେ ଦୁହେଁ ଦୁହିଁଙ୍କୁ ଆଲିଙ୍ଗନ କରିଛନ୍ତି । ଫଟୋ ପୋଷ୍ଟ କରିବା ସହ ଅନୁଷ୍କା ସ୍ୱାମୀ ବିରାଟଙ୍କ ଖୁବ୍ ପ୍ରଶଂସା କରିଛନ୍ତି । ଲେଖିଛନ୍ତି ‘ଏହି ଫଟୋ ପାଇଁ ଏବଂ ଯେଉଁ ପ୍ରକାରରେ ତୁମେ ଜୀବନ ଜିଉଁଛ ସେଥିପାଇଁ କୌଣସି ଫିଲ୍ଟରର ଆବଶ୍ୟକତା ନାହିଁ । ତୁମେ ସଚ୍ଚୋଟ ଓ ବିଶ୍ୱସ୍ତ । ତୁମ ଭିତରେ ଥିବା ପ୍ରତିଭା ସବୁ ଚିନ୍ତାକୁ ଭୁଲାଇ ଦିଏ । ମୁଁ ତୁମ ଛଡ଼ା ଆଉ କାହାରିକୁ ଜାଣିନି, ଯିଏ ଖରାପ ସମୟରୁ ନିଜେ ଉଠି ଛିଡ଼ା ହୋଇପାରେ ।’

 

View this post on Instagram

 

A post shared by AnushkaSharma1588 (@anushkasharma)

ଏହି ପୋଷ୍ଟରେ ଅନୁଷ୍କା ଆହୁରି ଲେଖିଛନ୍ତି, ‘ତୁମେ ଠିକ୍ ଭାବେ ଆଗକୁ ବଢ଼ୁଛ, କାରଣ କିଛି ବି ନିଜ ଭିତରେ ତୁମେ ସବୁଦିନ ଲାଗି ରଖ ନାହିଁ । ମୁଁ କେବେ କେବେ ଦୁନିଆକୁ ଚିଲେଇ କହିବାକୁ ଚାହେଁ ତୁମେ କେତେ ଭଲ ମଣିଷ । ଯେଉଁମାନେ ତୁମକୁ ଠିକ୍ ଭାବରେ ଜାଣିଛନ୍ତି ସେମାନେ ଭାଗ୍ୟଶାଳୀ । ପ୍ରତି ମୁହୂର୍ତ୍ତକୁ ସୁନ୍ଦର କରି ଉଜ୍ଜିବୀତ କରି ରଖିଥିବାରୁ ଧନ୍ୟବାଦ । ଜନ୍ମଦିନର ଶୁଭେଚ୍ଛା କ୍ୟୁଟନେସ୍ ।’

ଅନୁଷ୍କାଙ୍କ ଏଭଳି ପୋଷ୍ଟକୁ ପଢ଼ି ଫ୍ୟାନ୍ସ ପ୍ରଶଂସା କରୁଥିବା ବେଳେ ବିରାଟ ଇମୋସନାଲ ହୋଇ ଯାଇଛନ୍ତି । ବିରାଟ, ଅନୁଷ୍କାଙ୍କ ପୋଷ୍ଟରେ କମେଣ୍ଟ କରି ଲେଖିଛନ୍ତି ‘ତୁମେ ମୋ ଶକ୍ତି, ମୋତେ ରାସ୍ତା ଦେଖାଉଥିବା ଶକ୍ତି ହେଉଛ ତୁମେ । ମୁଁ ଭଗବାନଙ୍କୁ କହୁଛି ସବୁବେଳେ ଆମେ ଏକାଠି ଥାଉ ।’

ମାନିଲେଣି ବାଣ ଫୁଟା କଟକଣା: କୋଲକାତାରେ ଗୁରୁତର ବାୟୁ ପ୍ରଦୂଷଣ

କୋଲକାତା: ଗତକାଲି ଦେଶରେ ପାଳନ ହୋଇଛି ଦୀପାବଳି । କରୋନା ମହାମାରୀକୁ ଦୃଷ୍ଟିରେ ରଖି କେବଳ ସବୁଜ ବାଣ ଫୁଟାଇବାକୁ ସୁପ୍ରିମକୋର୍ଟ ଦେଇଥିଲେ । ହେଲେ, କୋଲକତାରେ କୋର୍ଟଙ୍କ ଆଦେଶର ଧଜିଆ ଉଡାଇଲେ ଲୋକେ । ବାଣ ଫୁଟାରେ ଏମିତି ମାତିଲେ ଯେ, ଏବେ ବାୟୁ ପ୍ରଦୂଷଣ ବଢ଼ାଇଛି ସହରବାସୀଙ୍କ ଚିନ୍ତା ।

ସ୍ଥାନୀୟ ପ୍ରଶାସନ ଦୀପାବଳିକୁ ନେଇ ସଜାଗ ଥିଲା । ଗୁରୁବାର ରାତି ୮ଟା ସୁଦ୍ଧା ସ୍ଥାନୀୟ ପୋଲିସ ୨୧୯ କେଜି ବ୍ୟାନ୍ ହୋଇଥିବା ବାଣ ଜବତ କରିବା ସହ ୮୮ ଜଣଙ୍କୁ ଗିରଫ କରିଥିଲା । ହେଲେ ପୋଲିସଠାରୁ ଦୁଇ ପାଦ ଆଗରେ ଥିଲେ ଅମାନିଆ । ରାତି ୮ଟା ପରେ ଆରମ୍ଭ କରି ଦେଇଥିଲେ ଅସଲ ବାଣ ଫୁଟା ଓ କୋଲକାତା ସହରରେ ଛାଇ ଯାଇଥିଲା ବିଷାକ୍ତ ବାଣ ଧୂଆଁ ।

ମଧ୍ୟରାତି ସୁଦ୍ଧା ପର୍ଟିକୁଲାର ମ୍ୟାଟର (MP10 ଓ MP2.5) ବିପଦଜନକ ସ୍ତରକୁ ଚାଲି ଯାଇଥିଲା । ଜବଦଲପୁର, ବାଲିଗୁଙ୍ଗେ, ଜୋରସଙ୍କୋ, ବିଧାନନଗର ଏବଂ ରବୀନ୍ଦ୍ର ସରୋଗର ଅଞ୍ଚଳରେ ୨ରୁ ୩ ଘଣ୍ଟା ପାଇଁ ବିପଦଜ୍ଜନକ ସ୍ତରକୁ ଚାଲି ଯାଇଥିଲା ।

PM2.5 ମଣିଷ ଚୁଟିର ପ୍ରାୟ ୩୦ ଗୁଣା ଅଧିକ ଆକାର ଧାରଣ କରି ଫୁସଫୁସକୁ ଯାଇଥିଲା । ଯେଉଁ କାରଣରୁ କିଛି ସମୟ ପାଇଁ ଲୋକେ ଗଳା କୁଣ୍ଡାଇ ହେବା ସ କାଶ ହେବା ଭଳି ସମସ୍ୟାରେ ପଡ଼ିଥିଲେ । କିଛିଦିନ ପରେ ଏହା ଆସ୍ଥାମା, ବ୍ରୋଙ୍କାଇଟିସ୍, ଫୁସଫୁସ ସଂକ୍ରମଣ ଓ ହୃଦ ରୋଗର କାରଣ ହୋଇପାରେ ।

ସୂଚନାଯୋଗ୍ୟ, ଦୀପାବଳି ଓ ଛଟ ପୂଜାକୁ ଦୃଷ୍ଟିରେ ରଖି ରାଜ୍ୟ ସରକାର ସବୁଜ ବାଣ ଫୁଟାଇବାକୁ ଅନୁମତି ଦେଇଥିଲେ । ହେଲେ କୋଲକାତା ହାଇକୋର୍ଟ ବାଣି ବିକ୍ରି, କିଣା ଓ ଫୁଟାଇବା ଉପରେ କଟକଣା ଲଗାଇ ଥିଲେ । ପରେ ସୁପ୍ରିମକୋର୍ଟ ସବୁଜ ବାଣ ଫୁଟାଇବାକୁ ଅନୁମତି ଦେଇଥିଲେ ।

କୋଲକାତାରେ ମାତ୍ର ଦୁଇ ଘଣ୍ଟା ପାଇଁ ସବୁଜ ବାଣ ଫୁଟାଇବାକୁ ମିଳିଥିଲା । ହେଲେ ଲୋକେ ସନ୍ଧ୍ୟାରୁ ଲଚାଛପାରେ ମନଇଚ୍ଛା ବାଣ ଫୁଟା ଆରମ୍ଭ କରିଥିଲେ । ଯାହା ବିଳମ୍ବିତ ରାତି ପର୍ଯ୍ୟନ୍ତ ଚାଲିଥିଲା । ଏହି ସମୟ ମଧ୍ୟରେ ରାଜ୍ୟ ପ୍ରଦୂଷଣ କଣ୍ଟ୍ରୋଲ ବୋର୍ଡ ପାଖକୁ ୪୦ରୁ ଅଧିକ ଅଭିଯୋଗ ଆସିଥିଲା ।

ଓଡିଶା ହାଇକୋର୍ଟର ନୂଆ ବିଚାରପତି ଭାବେ ଶପଥ ନେଲେ ଜଷ୍ଟିସ ଆଦିତ୍ୟ କୁମାର ମହାପାତ୍ର

କଟକ: ଓଡିଶା ହାଇକୋର୍ଟର ନୂଆ ବିଚାରପତି ଭାବେ ଶପଥ ନେଲେ ଜଷ୍ଟିସ ଆଦିତ୍ୟ କୁମାର ମହାପାତ୍ର। ମୁଖ୍ୟ ବିଚାରପତି ଡ଼କ୍ଟର ଜଷ୍ଟିସ ଏସ ମୁରଲୀଧର ଜଷ୍ଟିସ ମହାପାତ୍ରଙ୍କୁ ଶପଥ ପାଠ କରାଇଲେ। ହାଇକୋର୍ଟ ସମ୍ମିଳନୀ କକ୍ଷରେ ଆୟୋଜିତ ଏହି ଶପଥ ପାଠ ଉତ୍ସବରେ ହାଇକୋର୍ଟର ସମସ୍ତ ବିଚାରପତି, ବହୁ ବରିଷ୍ଠ ଆଇନଜୀବୀ, ହାଇକୋର୍ଟ ବାର ଆସୋସିଏସନ କର୍ମକର୍ତ୍ତା, ପୋଲିସ ଡିଜି, ପୋଲିସ କମିଶନରଙ୍କ ସମେତ ବହୁ ବରିଷ୍ଠ ବ୍ୟକ୍ତି ଉପସ୍ଥିତ ଥିଲେ।

କଟକ ସୁତାହାଟର ବାସିନ୍ଦା ଜଷ୍ଟିସ ଆଦିତ୍ୟ କୁମାର ମହାପାତ୍ର ରାଜ୍ୟର ସର୍ବବୃହତ ପବ୍ଲିକେସନ ହାଉସ ଗ୍ରନ୍ଥ ମନ୍ଦିର ପ୍ରକାଶକଙ୍କ ପରିବାର ସଦସ୍ୟ। ଜଷ୍ଟିସ ମହାପାତ୍ରଙ୍କ ଜେଜେ ବାପା ଶ୍ରୀଧର ମହାପାତ୍ର ଗ୍ରନ୍ଥ ମନ୍ଦିରର ପ୍ରତିଷ୍ଠାତା ଥିଲେ। ବାପା ସ୍ୱର୍ଗତ ଅଭିରାମ ମହାପାତ୍ର ଦୀର୍ଘ ଦିନ ଧରି ଗ୍ରନ୍ଥ ମନ୍ଦିରର ପବ୍ଲିକେସନ ବୁଝା ବୁଝି କରୁଥିଲେ। ଜଷ୍ଟିସ ଆଦିତ୍ୟ କୁମାର ମହାପାତ୍ର ୧୯୮୪ ମସିହାରେ ରେଭେନ୍ସା କଲଜିଏଟ ସ୍କୁଲରୁ ମାଟ୍ରିକ ପାସ କରିବା ପରେ ରେଭେନ୍ସା ମହାବିଦ୍ୟାଳୟରୁ ଉଚ୍ଚଶିକ୍ଷା ଶେଷ କରିଥିଲେ।

ଏହାପରେ ମଧୁସୂଦନ ଆଇନ ମହାବିଦ୍ୟାଳୟରୁ ଏଲଏଲବି ଡିଗ୍ରୀ ଶେଷ କରି ୧୯୯୫ ମସିହାରେ ରାଜ୍ୟ ଆଇନଜୀବୀ ପରିଷଦରେ ଆଇନଜୀବୀ ଭାବେ ପଞ୍ଜିକୃତ ହୋଇଥିଲେ। ସେହିବର୍ଷ ଠାରୁ ଓଡିଶା ହାଇକୋର୍ଟରେ ସେତେବେଳେର ଜଣାଶୁଣା ଓକିଲ ଜଷ୍ଟିସ ପି କେ ମିଶ୍ରଙ୍କ ଜୁନିୟର ଭାବେ ଓକିଲାତି ଆରମ୍ଭ କରିଥିଲେ। ଓଡିଶା ମାନବିକ ଅଧିକାର ଆୟୋଗ, ବିପିୟୁଟି ଓ ଭାରତୀୟ ନିର୍ବାଚନ କମିଶନଙ୍କର ଓକିଲ ଭାବେ ସେ ଓଡିଶା ହାଇକୋର୍ଟରେ ଗୁରୁ ଦାୟିତ୍ୱ ନିର୍ବାହ କରିଥିଲେ।

ସେ ହାଇକୋର୍ଟରେ ସମସ୍ତ ପ୍ରକାର ମାମଲାର ପରିଚାଳନାରେ ସିଦ୍ଧହସ୍ତ ଥିଲେ। ଦୀର୍ଘ ୨୬ ବର୍ଷ ଧରି ହାଇକୋର୍ଟରେ ବହୁ ମାମଲା ସଫଳତାର ସହ ସେ ପରିଚାଳନା କରି ଆସୁଥିଲେ। ନିକଟରେ ଜଷ୍ଟିସ ମୃଗାଙ୍ଗ ଶେଖର ସାହୁ, ଜଷ୍ଟିସ ରାଧାକୃଷ୍ଣ ପଟନାୟକ ଓ ଜଷ୍ଟିସ ଶଶିକାନ୍ତ ମିଶ୍ର ହାଇକୋର୍ଟ ଜଜ ଭାବେ ଶପଥ ଗ୍ରହଣ କରିଥିଲେ। ଜଷ୍ଟିସ ଆଦିତ୍ୟ କୁମାର ମହାପାତ୍ରଙ୍କ ଶପଥ ଗ୍ରହଣ କରିବା ପରେ ଓଡିଶା ହାଇକୋର୍ଟରେ ବିଚାରପତି ସଂଖ୍ୟା ୧୮ ରେ ପହଂଚିଛି।

ନିଜ ୫ଟି ଛୁଆକୁ ମାରିବା ପରେ ଟ୍ରେନ୍ ଲାଇନକୁ ଡେଇଁ ମହିଳାଙ୍କ ଆତ୍ମହତ୍ୟା

ବର୍ଲିନ : ସ୍ୱାମୀର ପରକ୍ରିୟାପ୍ରୀତି ନେଲା ୫ ନୀରିହ ଶିଶୁଙ୍କ ଜୀବନ । ଜର୍ମାନର ଜଣେ ମହିଳା ନିଜେ ଜନ୍ମ କରିଥିବା ୫ଟି ଛୁଆଙ୍କୁ ହତ୍ୟା କରିଥିବା ଜଣାପଡ଼ିଛି  । ସୂଚନାରୁ ପ୍ରକାଶଯେ ଉକ୍ତ ମହିଳାଙ୍କ ସ୍ୱାମୀ ଅନ୍ୟ ଜଣେ ମହିଳାଙ୍କ ସହ ସମ୍ପର୍କ ରଖିଥିଲେ । ଏଥିରେ ତାଙ୍କ ସ୍ତ୍ରୀ ସହମତ ନଥିଲେ  । ସ୍ୱାମୀର ପର ସ୍ତ୍ରୀ ସହ ସମ୍ପର୍କ ଦେଖି ସେ ସହି ପାରିନଥିଲେ ତେଣୁ ସେ ରାଗରେ ଏଭଳି ନିଷ୍ପତ୍ତି ନେଇଥିଲେ  ।

ସ୍ୱାମୀର ଅନ୍ୟ ମହିଳାଙ୍କ ସହ ସମ୍ପର୍କ ଥିବା ଜାଣି ମହିଳା ଜଣକ ପ୍ରଥମେ ସ୍ୱାମୀଙ୍କୁ ଫୋନ କରିଥିଲେ  । ନିଜ ଛୁଆଙ୍କୁ ସେ ଆଉ କେବେ ଦେଖିପାରିବେ ନାହିଁ କହି ଫୋନଟି କାଟିଦେଇଥିଲେ  । ଏହାପରେ ସେ ନିଜ ୫ଟି ଛୁଆଙ୍କୁ ହତ୍ୟା କରିଥିଲେ  । ଏହି ମହିଳା ଜଣକ ୨୮ ବର୍ଷୀୟ କ୍ରିଷ୍ଟିୟାନ କେ ଯେକି ଜର୍ମାନରେ ବାସ କରନ୍ତି  । ମିରର ୟୁକେ ସୂଚନାନୁଯାୟୀ ନିଜ ସ୍ୱାମୀଙ୍କର ଅନ୍ୟ ଜଣେ ମହିଳାଙ୍କ ସହ ଫଟୋ ଦେଖି ଖୁବ୍ ରାଗିଯାଇଥିଲେ  ।  ଏହାପରେ ୨୦୨୦ ସେପ୍ଟେମ୍ବର ୩ରେ ଓୈାଷଧ ରାଗରେ ତାଟିଆ କାମୁଡ଼ିଲା ଭଳି ନିଜ ସ୍ୱାମୀଙ୍କ ଉପରେ ରାଗ ଥିବାରୁ ଏହି ରାଗରେ ସେ ନିଜ ୫ଟି ଛୁଆଙ୍କୁ ମାରିଦେଇଥିଲେ  । କ୍ରିଷ୍ଟିୟାନଙ୍କ ମୋଟରେ ୬ଟି ପିଲା ଥିବ ଜଣାପଡ଼ିଛି  ।

କୋର୍ଟର କହିବାନୁଯାୟୀ ସମସ୍ତ ପିଲାଙ୍କ ବୟସ ୧୧ ବର୍ଷରୁ କମ୍ ବୋଲି ଜଣାପଡ଼ିଛି  । ୫ଟି ଯାକ ପିଲାଙ୍କର ଗାଧୁଆ ଘର ବାଥଟବରେ ବୁଡ଼ି କିମ୍ବା ଅଣନିଶ୍ୱାସୀ ହେବ ଯୋଗୁଁ ମୃତ୍ୟୁ ହୋଇଥିବା ସୂଚନା ମିଳିଛି । ଏହା ପୂର୍ବରୁ ମହିଳା ଜଣକ ସବୁ ଛୁଆଙ୍କୁ କୈାଣସି ନିଶା ଜିନିଷ ଦେଇଥିବା ଜଣାପଡ଼ିଛି  । ମହିଳା ଜଣଙ୍କର ୧୧ ବର୍ଷର ପୁଅ ଯେକି ସବୁଠୁ ବଡ଼ ସେ ହିଁ କେବଳ ବଞ୍ଚିଯାଇଥିଲେ  । କାରଣ ସେହି ସମୟରେ ସେ ଘରେ ନଥିଲେ  ।

କେମିତ ଆତ୍ମହତ୍ୟା କରିଥିଲେ ମହିଳା :

୫ ଜଣ ଛୁଆଙ୍କୁ ହତ୍ୟା କରିବା ପରେ କ୍ରିଷ୍ଟିୟାନ ନାମକ ମହିଳା ଜଣକ ଇସେଲ ଡ୍ରୋଫ୍ ଷ୍ଟେସନରେ ଥିବା ଟ୍ରେନ ଲାଇନ ଆଗରେ ଡେଇଁ ପଡ଼ିଥିଲେ  । ମାତ୍ର ପରବର୍ତ୍ତୀ ସମୟରେ ମହିଳା ଜଣକ ବଞ୍ଚିଯାଇଥିଲେ  । ମହିଳା ଜଣକ ଦୋଷୀ ସାବସ୍ତ୍ୟ ହେବା ପରେ କୋର୍ଟ ତାଙ୍କୁ ଆଜୀବନ କାରାଦଣ୍ଡ ଶୁଣାଇଥିବା ବେଳେ କୋର୍ଟରେ ମାମଲା ସହ ଜଡ଼ିତ ୪୦ ଜଣ ସାକ୍ଷୀ ଥିଲେ  । ଶେଷରେ ମହିଳାଙ୍କ ୧୧ ବର୍ଷର ପୁଅକୁ ତାଙ୍କ ଜେଜେମା ଦେଖାଶୁଣା କରିବେ ବୋଲି କୋର୍ଟ ନିର୍ଦ୍ଦେଶ ଦେଇଥିଲେ  ।

 

 

ମାନସିକ ବିକାରଗ୍ରସ୍ତ ବ୍ୟକ୍ତିଙ୍କୁ ପଥରରେ ଛେଚି ହତ୍ୟା ଅଭିଯୋଗ

ପଦ୍ମପୁର: କେନ୍ଦୁଝରରେ ମାନସିକ ବିକାରଗ୍ରସ୍ତ ବ୍ୟକ୍ତିଙ୍କୁ ପଥରରେ ଛେଚି କେହି ଦୁର୍ବୃତ୍ତ ହତ୍ୟା କରିବା ଭଳି ଅଭାବନୀୟ ଘଟଣା ଘଟିଛି । ସଦର ଥାନା ପଦ୍ମପୁର ବଜାର ନିକଟରେ ଏହି ହତ୍ୟାକାଣ୍ଡ ଘଟିଛି । ମୃତ ବ୍ୟକ୍ତିଙ୍କର ପରିଚୟ ମିଳିନଥିବା ବେଳେ ସେ ସ୍ଥାନୀୟ ଅଞ୍ଚଳରେ ବୁଲୁଥିଲେ ବୋଲି ଲୋକ କହିଛନ୍ତି।

ସକାଳେ ସଫେଇ କର୍ମଚାରୀମାନେ ମୃତଦେହ ଦେଖି ପୋଲିସକୁ ଖବର ଦେଇଥିଲେ । ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହିତ ତଦନ୍ତ ଆରମ୍ଭ କରିଛି ।