spot_img
Home Blog Page 5147

ଆଫଗାନିସ୍ତାନ ମ୍ୟାଚରେ ନୂଆ ରେକର୍ଡ କଲେ ରୋହିତ ଓ ରାହୁଲ

ଦୁବାଇ: ଛୋଟି ଦିଓ୍ବାଲୀରେ ଭାରତର ବଡ଼ ବିଜୟ । ଚଳିତ ଟି-୨୦ ବିଶ୍ବକପରେ ଲଗାତର ଭାବରେ ଦୁଇଟି ମ୍ୟାଚ ହାରିବା ପରେ ଦମଦାର ପ୍ରତ୍ୟାବର୍ତ୍ତନ କରିଛି ଟିମ୍ ଇଣ୍ଡିଆ । ଗତକାଲି ଆଫଗାନିସ୍ତାନ ବିପକ୍ଷରେ ଭାରତ ଏକ ଦମଦାର ବିଜୟ ଲାଭ କରିଛି ।  ତେବେ ଏହି ବିଜୟ ସହ ଭାରତୀୟ ଓପନର ରୋହିତ ଶର୍ମା ଓ କେଏଲ ରାହୁଲ ଏକ ନୂଆ ରେକର୍ଡ ସୃଷ୍ଟି କରିଛନ୍ତି । ଗତକାଲି ଖେଳାଯାଇଥିବା ମ୍ୟାଚରେ ଆରମ୍ଭରୁ ଦମଦାର ଆରମ୍ଭ କରିଥିଲେ ରୋହିତ-ରାହୁଲ । ଆଫଗାନିସ୍ତାନ ବିପକ୍ଷରେ ଏହି ଦୁଇ ଓପନର ୧୪୦ ରନର ପାର୍ଟନରସିପ୍ କରିଥିଲେ । ରୋହିତ ଶର୍ମା ୪୭ ବଲରେ ୭୪ ରନ କରି ଆଉଟ ହୋଇଥିଲେ । ଯେଉଁଥିରେ ସେ ୮ଟି ଚୌକା ଏବଂ ୩ଟି ଛକା ମାରିଥିଲେ । ସେହିପରି ଭାବରେ କେଏଲ ରାହୁଲ ୪୮ ବଲରେ ୬୯ ରନ କରିଥିଲେ । ଯେଉଁଥିରେ ୬ଟି ଚୌକା ଏବଂ ଦୁଇଟି ଛକା ରହିଛି ।

ଆଫଗାନିସ୍ତାନ ବିପକ୍ଷରେ ରାହୁଲ-ରୋହିତଙ୍କ ମଧ୍ୟରେ ଏକ ଶତକୀୟ ପାର୍ଟନରସିପ ହୋଇଥିଲା । ଟି-୨୦ ଅନ୍ତର୍ଜାତୀୟରେ ଏହା ଏହି ଦୁଇ ବ୍ୟାଟ୍ସମ୍ୟାନଙ୍କ ଚତୁର୍ଥ ଶତକୀୟ ପାର୍ଟନରସିପ୍ । ଭାରତ ପକ୍ଷରୁ ଏହା ପୂର୍ବରୁ ରୋହିତ ଶର୍ମା ଓ ଶିଖର ଧାଓ୍ବନ ମଧ୍ୟ ଚାରୋଟି ଶତକୀୟ ପାର୍ଟନରସିପ୍ କରିଥିଲେ । ରୋହିତ ଶର୍ମା ଓ କେଏଲ ରାହୁଲ ୨୩ଟି ମ୍ୟାଚରେ ୧୨୦୦ ରନ ସଂଗ୍ରହ କରିଛନ୍ତି । ଯେଉଁଥିରେ ଚାରୋଟି ଶତକୀୟ ଓ ୫ଟି ଅର୍ଦ୍ଧଶତକୀୟ ପାର୍ଟନରସିପ ରହିଛି ।ତେବେ ଗତକାଲି ମ୍ୟାଚରେ ଉଭୟ ରୋହିତ ଓ ରାହୁଲ ୧୪୦ ରନର ପାର୍ଟନରସିପ୍ କରି ଏକ ନୂଆ ରେକର୍ଡ ସୃଷ୍ଟି କରିଛନ୍ତି । ଟି-୨୦ ଅନ୍ତର୍ଜାତୀୟରେ ଭାରତ ପକ୍ଷରୁ ଏହା ଥିଲା ସବୁଠାରୁ ବଡ଼ ପାର୍ଟନରସିପ୍ । ଏହା ପୂର୍ବରୁ ଏହି ରେକର୍ଡ ବିରେନ୍ଦ୍ର ସେହଓ୍ବାଗ ଓ ଗୌତମ ଗମ୍ଭୀରଙ୍କ ନାମରେ ଥିଲା । ସେହଓ୍ବାଗ ଓ ଗମ୍ଭୀର ଇଂଲଣ୍ଡ ବିପକ୍ଷରେ ୧୩୬ ରନର ପାର୍ଟନରସିପ୍ କରିଥିଲେ

କେନାଲକୁ ଖସିଲା କାର୍, ୨ ଯାତ୍ରୀ ନିଖୋଜ

ଖୋର୍ଦ୍ଧା : ବାଲିଅନ୍ତା ଥାନା ପୁରୀ ମୁଖ୍ୟ କେନାଲକୁ ଖସିଲା କାର୍ । ଦୁର୍ଘଟଣାରେ କାରଟି କେନାଲ ଭିତରେ ବୁଡି ରହିବା ପରେ ୨ ଘଣ୍ଟା ପରେ କ୍ରେନ୍ ଯୋଗେ ଉପରଣକୁ ଅଣାଯାଇଛି । ମାତ୍ର କାର ମଧ୍ୟରେ ଥିବା ଦୁଇ ଜଣ ବ୍ୟକ୍ତିଙ୍କ ଖୋଜ ଖବର ମିଳିନି। ନିଖୋଜ ଦୁଇ ବ୍ୟକ୍ତି ହେଉଛନ୍ତି ଜ୍ୟୋତି ବେଷ୍ଟ ପ୍ୟାକର୍ସର ଡ୍ରାଇଭର ସନ୍ଦିପ କୁମାର ଏବଂ କର୍ମଚାରୀ ମହେନ୍ଦ୍ର କୁମାର।

ଗତକାଲି ରାତି ପ୍ରାୟ ୧୨ଟା ପରେ ଜ୍ୟୋତି ବେଷ୍ଟ ପ୍ୟାକର୍ସର ଦୁଇଟି କାର୍ ଶିବ ଶକ୍ତି ନଗରକୁ ଯାଉଥିଲା । ପୁରୀ ମୁଖ୍ୟ କେନାଲ୍‌ ରାସ୍ତାରେ ଗୋଟିଏ କାର୍ ଭାରସାମ୍ୟ ହରାଇ କେନାଲ୍‌ ମଧ୍ୟକୁ ଖସିଯାଇଥିଲା । କେନାଲର ଗଭୀର ଜଳରେ କାରଟି ବୁଡି ଯାଇଥିଲା । ସ୍ଥାନୀୟ ସିକ୍ୟୁରିଟି ଗାର୍ଡ ଏହାକୁ ଦେଖି ତୁରନ୍ତ ପୋଲିସ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ । ପୋଲିସ୍ ଏବଂ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି କ୍ରେନ୍ ଯୋଗେ କାରକୁ ପାଣି ଭିତରୁ ବାହାର କରିଥିଲା । ହେଲେ କାର ଭିତରେ ଥିବା ୨ ଜଣଙ୍କ ପତ୍ତା ମିଳିନି ।

କମିଲା ପେଟ୍ରୋଲ ଓ ଡିଜେଲ ଦର, ମଧ୍ୟରାତ୍ରୀରେ ଲାଗୁ ହେଲା ନୂଆ ଦର

ନୂଆଦିଲ୍ଲୀ: ଉପନିର୍ବାଚନ ପରାଜୟ ପରେ ବୁଦ୍ଧି ଶିଖିଲେ କେନ୍ଦ୍ର ସରକାର । ତୈଳ ଦର ଉପରୁ ଏକସାଇଜ୍ ଡ୍ୟୁଟି କମାଇଛି କେନ୍ଦ୍ର । ପେଟ୍ରୋଲ ଓ ଡିଜେଲ ଦର କମିଛି । ଫଳରେ ଖାଉଟିଙ୍କୁ ସାମାନ୍ୟ ଆଶ୍ୱସ୍ତି ମିଳିଛି । ପେଟ୍ରୋଲ ଉପରୁ ୫ଟଙ୍କା ଓ ଡିଜେଲ ଉପରୁ ୧୦ ଟଙ୍କାର ଏକସାଇଜ୍ ଡ୍ୟୁଟି ହ୍ରାସ କରାଯାଇଛି। ଏହା ସହିତ ରାଜ୍ୟ ମାନଙ୍କୁ ଭାଟ କମାଇବାକୁ କେନ୍ଦ୍ର ସରକାର ଅପିଲ କରିଛନ୍ତି । ଭୁବନେଶ୍ୱରରେ ପେଟ୍ରୋଲ ଲିଟର ପିଛା ୬ଟଙ୍କା ୧୫ପଇସା ଓ ଡିଜେଲ ଲିଟର ପିଛା ୧୨ ଟଙ୍କା ୮୮ ପଇସା କମିଛି ।

ତେବେ ବର୍ତ୍ତମାନ ଭୁବନେଶ୍ୱରରେ ଲିଟର ପିଛା ପେଟ୍ରୋଲ ଦର ୧୦୪ ଟଙ୍କା ୮୮ ପଇସା ଓ ଡିଜେଲ ଲିଟର ପିଛା ଦର ୯୪ ଟଙ୍କା ୫୧ ପଇସାକୁ ହ୍ରାସ ପାଇଛି । ପୂର୍ବରୁ ପେଟ୍ରୋଲ ଲିଟର ୧୧୧ ଟଙ୍କା ୩ ପଇସା ଥିଲା। ଓ ଡିଜେଲ ଦର ଲିଟର ପିଛା ୧୦୭ ଟଙ୍କା ୩୮ ପଇସା ଥିଲା । ଏହି ନୂଆ ଦର ଗତକାଲି ରାତି ୧୨ଟାରେ ଲାଗୁ ହୋଇଛି। ଫଳରେ ଲଗାତାର ବଢୁଥିବା ତୈଳ ଦର ଚିନ୍ତାରୁ ସାମାନ୍ୟ ଆଶ୍ୱସ୍ତି ଲାଭ କରିଛନ୍ତି ଖାଉଟି । ଦେଶର ବିଭିନ୍ନ ସ୍ଥାନରେ ପେଟ୍ରୋଲ ଲିଟର ପିଛା ୧୨୦ ଟଙ୍କା ପହଞ୍ଚିଥିଲା। ଫଳରେ ଅସନ୍ତୋଷ ପ୍ରକାଶ କରିଥିଲେ ଜନତା ।

 

 

କେନ୍ଦ୍ର ସରକାରଙ୍କ ପରେ ବିଭିନ୍ନ ରାଜ୍ୟ ସରକାର ଦେଲେ ପେଟ୍ରୋଲ-ଡିଜେଲ ଉପରେ ଆଶ୍ବସ୍ତି

ନୂଆଦିଲ୍ଲୀ: ଦୀପାବଳିରେ ସାଧାରଣ ଲୋକଙ୍କୁ ଗିପ୍ଟ ଉପହାର ଦେଇଛନ୍ତି କେନ୍ଦ୍ର ସରକାର । ପେଟ୍ରୋଲ-ଡିଜେଲ ଦିନକୁ ଦିନ ଆକାଶ ଛୁଆଁ ହେବାରେ ଲାଗିଥିଲା । ତେବେ ଏ ଭିତରେ କେନ୍ଦ୍ର ସରକାର ଗତକାଲି ଏହାକୁ ନେଇ ଏକ ବଡ଼ ଘୋଷଣା କରିଛନ୍ତି । ଦୀପାବଳିର ପୂର୍ବ ସନ୍ଧ୍ୟାରୁ କେନ୍ଦ୍ର ସରକାର ପେଟ୍ରୋଲ-ଡିଜେଲ ଉପରୁ ଏକ୍ସାଇଜ ଡ୍ୟୁଟି ହ୍ରାସ କରିଛନ୍ତି । ଆସନ୍ତା କାଲିଠାରୁ ପେଟ୍ରୋଲରେ ପ୍ରତି ଲିଟର ପିଛା ୫ ଟଙ୍କା କମିଥିବା ବେଳେ ଡିଜେଲରେ ପ୍ରତି ଲିଟର ପିଛା ୧୦ ଟଙ୍କା ହ୍ରାସ ପାଇଛି । କେନ୍ଦ୍ର ସରକାର ଏକ୍ସସାଇଜ ଡ୍ୟୁଟି କମ୍ କରିଥିବାବେଳେ କିଛି ରାଜ୍ୟ ମଧ୍ୟ ଭାଟ୍ ହ୍ରାସ କରିଛନ୍ତି । ଆସନ୍ତା ବର୍ଷ ନିର୍ବାଚନ ହେବାକୁ ଥିବା ରାଜ୍ୟ ଉତ୍ତରପ୍ରଦେଶ, ଗୋଆ ସମେତ ବିହାର, ଆସାମ, ତ୍ରିପୁରା, ମଣିପୁର ଏବଂ କର୍ଣ୍ଣାଟକ ସରକାର ପେଟ୍ରୋଲ ଓ ଡିଜେଲ ଉପରୁ ଭାଟ୍ ହ୍ରାସ କରିଛନ୍ତି । ଉତ୍ତରପ୍ରଦେଶ ଓ ଗୋଆ ସରକାର ପେଟ୍ରୋଲ ଓ ଡିଜେଲ ଉପରେ ସବୁଠୁ ଅଧିକ ଭାଟ୍ ଛାଡିଥିବାବେଳେ ବିହାର ସବୁଠୁ କମ୍ ଭାଟ୍ ହ୍ରାସ କରିଛି । ୟୁପି ସରକାର ପେଟ୍ରୋଲ ଓ ଡିଜେଲ ଉପରୁ ୧୨ ଟଙ୍କା ହ୍ରାସ କରିବା ପାଇଁ ଘୋଷଣା କରିଛନ୍ତି । ଗୋଆ ସରକାର ମଧ୍ୟ ପେଟ୍ରୋଲ-ଡିଜେଲ ଉପରୁ ଭାଟ୍ ହ୍ରାସ କରିବ ବୋଲି ଘୋଷଣା କରିଛି । ଏଥିସହ ଉତ୍ତରାଖଣ୍ଡ ଓ ସିକ୍କିମ ମଧ୍ୟ ପେଟ୍ରୋଲ-ଡିଜେଲ ଉପରୁ ଭାଟ୍ ହ୍ରାସ କରିବା ପାଇଁ ଘୋଷଣା କରିଛି ।  ସିକ୍କିମ ମୁଖ୍ୟମନ୍ତ୍ରୀ ପ୍ରେମ ସିଂ ତମାଙ୍ଗ ଟୁଇଟ କରି ପେଟ୍ରୋଲ-ଡିଜେଲ ଉପରୁ ୭ ଟଙ୍କା ଭାଟ୍ ହ୍ରାସ ହୋଇଛି ବୋଲି ଘୋଷଣା କରିଛନ୍ତି ।

ବିହାର ସରକାର ସବୁଠାରୁ କମ୍ ଭାଟ୍ ହ୍ରାସ କରିଛି । ବିହାର ସରକାର ପେଟ୍ରୋଲ ଲିଟର ପ୍ରତି ୧  ଟଙ୍କା ୩୦ ପଇସା କମ୍ କରିଥିବାବେଳେ ଡିଜେଲ ପ୍ରତି ଲିଟର ପିଛା ୧ ଟଙ୍କା ୯୦ ପଇସା କମ୍ କରିଛି । ବିହାର ପରେ ଆସାମ ସରକାର ମଧ୍ୟ ପେଟ୍ରୋଲ-ଡିଜେଲ ଶସ୍ତା କରିଛନ୍ତି ।

ଆସାମ ମୁଖ୍ୟମନ୍ତ୍ରୀ ହେମନ୍ତ ବିଶ୍ବ ଶର୍ମା ପେଟ୍ରୋଲ-ଡିଜେଲରେ ପ୍ରତି ଲିଟରେ ୭ ଟଙ୍କା କମ୍ କରିଛନ୍ତି । ସେହିପରି ତ୍ରିପୁରା ମୁଖ୍ୟମନ୍ତ୍ରୀ ବିପ୍ଳବ କୁମାର ଦେବ ଟୁଇଟ କରି ପେଟ୍ରୋଲ-ଡିଜେଲ ପ୍ରତି ଲିଟରରେ ୭ ଟଙ୍କା କମ୍ କରିଛନ୍ତି ।

କର୍ଣ୍ଣାଟକ ସରକାର ମଧ୍ୟ ଉଭୟ ପେଟ୍ରୋଲ-ଡିଜେଲରେ ପ୍ରତି ଲିଟରରେ ୭ ଟଙ୍କା ହ୍ରାସ କରିଛନ୍ତି ।  ୭ ଟଙ୍କା ହ୍ରାସ ନେଇ କର୍ଣ୍ଣାଟକ ମୁଖ୍ୟମନ୍ତ୍ରୀ ବସବରାଜ ବୋମାଇ ଟୁଇଟ କରି କହିଛନ୍ତି ।

ସେହିପରି ମଣିପୁର ସରକାର ମଧ୍ୟ ପେଟ୍ରୋଲ-ଡିଜେଲ ପ୍ରତି ଲିଟର ପିଛା ୭ ଟଙ୍କା କମ୍ କରିଛନ୍ତି । ଏନେଇ ମଣିପୁର ମୁଖ୍ୟମନ୍ତ୍ରୀ  ଏନ୍.ବିରେନ ସିଂ ଟୁଇଟ କରି କହିଛନ୍ତି ।

T20 World Cup: ଭାରତର ପ୍ରଥମ ବିଜୟ

ଦୁବାଇ: ଦୁଇଟି ପରାଜୟ ପରେ ଟି-୨୦ ବିଶ୍ବକପରେ ପ୍ରଥମ ବିଜୟ ହାସଲ କରିଛନ୍ତି ଭାରତ । ଆଫଗାନସ୍ଥାନକୁ ୬୬ ରନରେ ହରାଇ ବିଜୟ ଖାତା ଖୋଲିଛି ଭାରତ । ୨୧୧ ରନର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ଆଫଗାନିସ୍ଥାନ ୭ ଓ୍ବିକେଟ ହରାଇ ୧୪୪ ରନ୍ କରିବାକୁ ସକ୍ଷମ ହୋଇଥିଲା । ଓପନର ମହମ୍ମଦ ଶାହାଜନା ଖାତା ଖୋଲି ପାରି ନଥିଲେ । ତେବେ ମହମ୍ମଦ ନବି ଏବଂ କରିମ ଜନତଙ୍କ ବ୍ୟାଟରୁ ଧୂଆଁଧାର ବାଟଇଂ ଦେଖିବାକୁ ମିଳିଥିଲା । ନବି ୩୨ ବଲର ସମ୍ମୁଖୀନ ହୋଇ ୩୫ ରନ୍ କରିଥିବା ବେଳେ କରିମ ୨୨ ବଲରୁ ୪୨ ରନ୍ କରିଥିଲେ । ଭାରତ ପକ୍ଷରୁ ମହମ୍ମଦ ଶାମି ୩ଟି ଓ୍ବିକେଟ ନେିଥିବା ବେଳେ ରବିଚନ୍ଦ୍ରନ ଅଶ୍ବିନୀ ୨ଟି ଓ୍ବିକେଟ ନେଇଥିଲେ । ବୁମରା ଏବଂ ଜାଡେଜାଙ୍କୁ ଗୋଟିଏ ଲେଖାଏଁ ଓ୍ବିକେଟ ମିଳିଥିଲା ।

ଟସ୍ ହାରି ବ୍ୟାଟିଂ ଆମନ୍ତ୍ରଣ ପାଇଥିବା ଭାରତ ଶେଷ ଦୁଇଟି ପରାଜୟକୁ ଭୁଲି ଧୂଆଁଧାର ବ୍ୟାଟିଂ କରିଥିଲା । ଦୁଇ ଓ୍ବିକେଟ ହରାଇ ଦଳ ୨୧୦ ରନ୍ କରିଥିଲା ।  ଦୁଇ ଓପନର ରୋହିତ ଶର୍ମା ଏବଂ କେଏଲ ରାହୁଲଙ୍କ ବ୍ୟାଟରୁ ଦ୍ରୁତ ରନ୍ ବାହାରିଥିଲା । ରୋହିତ ୮ ଚୌକା ଓ ୩ ଛକା ସହାୟତାରେ ୪୭ ବଲରୁ ୭୪ ରନ୍ କରିଥିଲେ । ରାହୁଲ ୬ ଚୌକା ଓ ୨ ଛକା ସହାୟତାରେ ୪୮ ବଲରୁ ୬୯ ରନ୍ କରିଥିଲେ । ରିଶଭ ପନ୍ତ ୧୩ ବଲର ସମ୍ମୁଖିନ ହୋଇ ୩ ଛକା ସହାୟତାରେ ୨୭ ରନ୍ କରିଥିଲେ । ହାର୍ଦ୍ଦିକ ପାଣ୍ଡ୍ୟା ମଧ୍ୟ ଧୂଆଁଧାର ବ୍ୟାଟିଂ କରିଥିଲେ ୧୩ ବଲର ସମ୍ମୁଖୀନ ହୋଇ ୪ ଚୌକା ଓ ୨ ଛକା ସହାୟତାରେ ୩୫ ରନ କରିଥିଲେ ।

ମାତାଲ ଯୁବତୀଙ୍କ ଉନ୍ମୋକ୍ତକାଣ୍ଡ

ବଲାଙ୍ଗିର: ନିଶାସକ୍ତ ଯୁବତୀଙ୍କ ଉନ୍ମକ୍ତକାଣ୍ଡ । ସନ୍ଧ୍ୟାରୁ ରାସ୍ତାରେ ଖଳାଇଛନ୍ତି ଆତଙ୍କ । ରାସ୍ତାରେ ଯିବା ଆସିବା କରୁଥିବା ଲୋକଙ୍କୁ ଅଟକାଇବା ସହ ଅଶ୍ଳୀଳ ଭାଷାରେ କରୁଛନ୍ତି ଗାଳିଗୁଲଜ ।

ଦୀର୍ଘ ସମୟ ଧରି ଦୁର୍ଗା ମନ୍ଦିର ରାସ୍ତାରୁ ମହାଦେବ ମନ୍ଦିର ଛକ ପର୍ଯ୍ୟନ୍ତ ଯୁବତୀ ଜଣକ ଲୋକଙ୍କୁ ନାକେଦମ କରିଥିଲେ । ଯାହାକୁ ଦେଖୁଥିଲା ଘରୁକ ନେବାକୁ କହୁଥିଲା । ଏନେଇ ସ୍ଥାନୀୟ ଲୋକେ ଟାଉନ ଥାନା ପୋଲିସକୁ ଖବର ଦେବା ପରେ ପୋଲିସ ଆସି ଯୁବତୀଙ୍କୁ ବୁଝାଶୁଝା କରି ଘରକୁ ଚାଲି ଯିବାକୁ କହିଥିଲା । ହେଲେ ରାସ୍ତା ଉପରେ ହିଁ ପୋଳିସକୁ ଆକ୍ରମଣ କରିବାକୁ ପଛାଇ ନଥିଲେ । ପୋଲିସ ଯେତେ ଅନୁରୋଧ କଲେ ମଧ୍ୟ ଯୁବତୀ ଜଣକ କୌଣସି କଥା ଶୁଣିନଥିଲେ । ଶେଷରେ ପୋଲିସ ଯୁବତୀଙ୍କୁ ବଳ ପୂର୍ବକ ଥାନାକୁ ନେଇଯାଇଥିଲା ।

ବିଜେପି ଛାଡ଼ିଲେ ପାଣ୍ଡବ ସାହୁ

ବଲାଙ୍ଗିର: ବିଜେପିକୁ ବାଏ ବାଏ କଲେ ଦଳର ବରିଷ୍ଠ ନେତା ପାଣ୍ଡବ ସାହୁ । କିଛିଦିନ ହେଲା ପାଣ୍ଡବ ଦଳର ବରିଷ୍ଠ କର୍ମକର୍ତ୍ତାଙ୍କ ପ୍ରତି ଅସନ୍ତୋଷ ଜାହିର କରୁଥିଲେ । ପାଣ୍ଡବ ବଲାଙ୍ଗୀର ଜିଲ୍ଲା ପରିଷଦ ଉପାଧ୍ୟକ୍ଷ ପଦବୀରେ ଥିଲେ ।

ଗତ ୨୦୧୭ ମସିହାରେ ସେ ବିଜେପିରେ ଯୋଗ ଦେଇଥିଲେ । ୩୧ ନମ୍ବର ଜିଲ୍ଲା ପରିଷଦ ଜୋନରେ ବିଜେପି ଟିକେଟରେ ବିଜୟୀ ହୋଇଥିଲେ । ଦଳ ଉପରେ ରହିଥିବା ଅସନ୍ତୋଷ ପ୍ରକାଶ କରି ପ୍ରାଥମିକ ସଦସ୍ୟତା ପଦରୁ ଇସ୍ତଫା ଦେଇଥିବା ସେ କହିଛନ୍ତି । ପାଣ୍ଡବ ସାହୁ ଇସ୍ତଫା ପତ୍ର ରାଜ୍ୟ ସଭାପତି ଏବଂ ଜିଲ୍ଲା ସଭାପତିଙ୍କୁ ପଠାଇଛନ୍ତି ।

ବଜାରରେ ଲାଗିଛି ଦର ନିଆଁ

ଭୁବନେଶ୍ୱର: ବଢୁଛି ତେଲ ଦର, ମାର୍କେଟରେ ଲାଗିଲାଣି ନିଆଁ । ଅତ୍ୟାବଶ୍ୟକ ସାମଗ୍ରୀ ଏବେ ଆକାଶ ଛୁଆଁ । ପନିପରିବାଠୁ ଆରମ୍ଭ କରି ଖାଇବା ତେଲ ଦର ରେକର୍ଡ କରିଛି । ବିଗିଡ଼ି ଗଲାଣି ମଧ୍ୟବିତ୍ତ ପରିବାରର ବଜେଟ । ବଜାରରେ ୫୦ ତଳକୁ ପନିପରିବା ଦର ନାହିଁ । ଦର ବୃଦ୍ଧି ପାଇଁ ଲୋକେ ହଇରାଣ ହେଉଥିବା ବେଳେ ଦେଶବ୍ୟାପୀ ଆନ୍ଦୋଳନକୁ ଓହ୍ଲାଇଛି ସିପିଆଇଏମ୍ ।

ଦର ବୃଦ୍ଧି ପାଇଁ ସବୁଆଡେ ଉଦବେଗ । ପଲ୍ଲୀରୁ ଦିଲ୍ଲୀ ସବୁଠି ହଲ୍ଲାବୋଲ୍ । ତେଲ ସହ ତାଳଦେଇ ବେଲଗାମ୍ ପରିବା ଦର । ହଜାରେ ଟଙ୍କାରେ ବି ପୂରୁନି ବ୍ୟାଗ୍ । କିଲେ ନେବା ଲୋକ ଅଢେଇଶରେ କାମ ଚଳାଉଛନ୍ତି । ରାଜଧାନୀ ଭୁବନେଶ୍ୱରରେ ଆଜି ବାଇଗଣ କେଜି ପ୍ରତି ୪୦ଟଙ୍କା, ବିନ୍ସ ୬୦, ପୋଟଳ ୬୦, ଟମାଟୋ ୫୦, କ୍ୟାପ୍ସିକମ୍ ୧୦୦, କଲରା ୬୦, ଜହ୍ନି ୬୦, ଭେଣ୍ଡି ୬୦, ସଜନା ଛୁଇଁ ୧୪୦, ଝୁଡଙ୍ଗ ୬୦, ଗାଜର ୪୦ ଓ  ପିଆଜ କେଜିକୁ  ୫୦ ଟଙ୍କାରେ ବିକ୍ରି ହେଉଛି । ତେବେ ପରିବହନ ଖର୍ଚ୍ଚ ପାଇଁ ବ୍ୟବସାୟଙ୍କର ବି କ୍ଷତି ହେଉଛି ।

ଅହେତୁକ ଦର ବୃଦ୍ଧି ପ୍ରତିବାଦରେ ଆଜି ଦେଶବ୍ୟାପୀ ପ୍ରତିବାଦ କରିଛି ସିପିଆଇଏମ୍ । ଦଳ ପକ୍ଷରୁ ରାଜ୍ୟର ସବୁ ସ୍ଥାନରେ ପ୍ରବଳ ବିରୋଧ ପ୍ରଦର୍ଶନ କରାଯାଇଛି । ଭୁବନେଶ୍ୱରରେ ଏଡିଏମ୍ ଅଫିସ୍ ସମ୍ମୁଖରେ ୩ ଘଣ୍ଟିଆ ପ୍ରତୀକ ଧାରଣା ଦେବା ସହ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଛି । ରାଉରକେଲାରେ ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଦରଦାମ୍ ବୃଦ୍ଧି ଉପରେ ନିୟନ୍ତ୍ରଣ ନକରାଗଲେ ଉପନିର୍ବାଚନ ଫଳ ଭଳି କେନ୍ଦ୍ର ସରକାରଙ୍କୁ କଡା ଜବାବ ଦିଆଯିବ ବୋଲି ସିପିଆଇଏମ ପକ୍ଷରୁ କୁହାଯାଇଛି ।

ଦୁଇମାସ ହେବ ପେଟ୍ରୋଲ ଏବଂ ଡିଜେଲ ଦର ଲଗାତର ବଢି ଚାଲିଛି । ଏହାସହ ପ୍ରତିଯୋଗିତା କରି ବଢିଚାଲିଛି ଅତ୍ୟାବଶ୍ୟକ ସାମଗ୍ରୀ ଦର । ମହଙ୍ଗା ମାଡ଼ରେ ନୟାନ୍ତ ହେଲେଣି ଖାଉଟି । ଏଭଳି ସ୍ଥଳେ ସାଧାରଣ ଲୋକେ ପ୍ରତିକ୍ରିୟାଶୀଳ ହୋଇଛନ୍ତି ।

ରକ୍ତ ସଂଗ୍ରହରେ ଓଡ଼ିଶା ମୋ ପରିବାରର ରେକର୍ଡ

ଭୁବନେଶ୍ୱର: ଅକ୍ଟୋବର ୨ ଗାନ୍ଧୀ ଜୟନ୍ତୀରୁ ନଭେମ୍ବର ୨ ତାରିଖ ଦୀର୍ଘ ଏକ ମାସର ଅଭିଯାନରେ ଓଡିଶା ମୋ ପରିବାର ପକ୍ଷରୁ ରେକର୍ଡ ସଂଖ୍ୟକ ୨୩ ହଜାର ୧୭୦ ୟୁନିଟ ରକ୍ତ ସଂଗ୍ରହ କରାଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆହ୍ୱାନ କ୍ରମେ ଆୟୋଜିତ ଅଭିଯାନ ସଫଳ ହୋଇଛି ।

କଟକରେ ସର୍ବାଧିକ ୫ ହଜାର ୫୩ ୟୁନିଟ ରକ୍ତ ସଂଗ୍ରହ ହୋଇଛି । କେନ୍ଦୁଝରରୁ ୨ ହଜାର ୪୩ ଓ ଗଞ୍ଜାମରୁ ୧୮ ଶହ ୪୩, ଯାଜପୁରରୁ ୧୭ ଶହ ୯୮ ଓ ବାଲେଶ୍ୱରରୁ ୧୭ ଶହ ୬୭ ୟୁନିଟ ରକ୍ତ ସଂଗ୍ରହ ହୋଇଛି ।

ଅକ୍ଟୋବର ୧୬ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଜନ୍ମଦିନ ଅବସରରେ ଓଡିଶା ମୋ ପରିବାର ପକ୍ଷରୁ ଜୀବନ ବିନ୍ଦୁ କାର୍ଯ୍ୟକ୍ରମକୁ ଅଧିକ ତ୍ୱରାନ୍ୱିତ କରାଯାଇଥିଲା । ରକ୍ତ ସଂଗ୍ରହ ସହିତ ରୋଗୀଙ୍କ ନିକଟରେ ରକ୍ତ ପହଞ୍ଚାଇବା କାର୍ଯ୍ୟ ଜାରି ରହିବ । ଏହି ଅଭିଯାନ ଫଳରେ ରାଜ୍ୟରୁ ରକ୍ତ ସଙ୍କଟ ଅନେକାଂଶରେ ଦୂର ହୋଇପାରିଛି । ଏହି କାର୍ଯ୍ୟ ଆଗକୁ ମଧ୍ୟ ଜାରି ରହିବ । ଅଭିଯାନ ଏବେ  ଆନ୍ଦୋଳନରେ ପରିଣତ ହୋଇସାରିଛି । ଏଥିରେ ଯୁବବର୍ଗଙ୍କ ସମେତ ମହିଳା ବି ସାମିଲ ହୋଇଛନ୍ତି । ଭୋଗରାଇଠାରେ ସ୍ୱତନ୍ତ୍ର ମହିଳାଙ୍କ କ୍ୟାମ୍ପ ହୋଇଥିଲା। ଓଡିଶା ମୋ ପରିବାର ପକ୍ଷରୁ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦେଇଛନ୍ତି ବିଧାୟକ ଦେବୀ ମିଶ୍ର, ଅତନୁ ସବ୍ୟସାଚୀ ନାୟକ, ଅରୂପ ପଟ୍ଟନାୟକ ଓ ସାଂସଦ ସୁଜିତ କୁମାର ।

ଦୀପାବଳି ରାତିରେ କାହିଁକି ଖେଳାଯାଏ ଜୁଆ? କେବେଠୁ ଆରମ୍ଭ ପରମ୍ପରା…

ନୂଆଦିଲ୍ଲୀ: ଆଲୋକର ପର୍ବ ଦୀପାବଳି। ଏହି ଦିନରେ ବିଧିବିଧାନ ସହ ମା ଲକ୍ଷ୍ମୀ ଓ ଗଣେଶଙ୍କ ପୂଜା କଲେ ସୁଖ ସମୃଦ୍ଧି ଲାଭ ହୋଇଥାଏ । ଆସନ୍ତାକାଲି ତଥା ଗୁରୁବାର ଦିନ ପୂରା ଦେଶରେ ଧୂମଧାମରେ ଦୀପାବଳି ପାଳିତ ହୋଇଥାଏ।  ଦୀପାବଳିରେ ଏଭଳି କିଛି ପୁରୁଣା ପରମ୍ପରା ରହିଛି, ଯାହା ଆଜିବି ଉଜ୍ଜିବତ । କୁହାଯାଏ ଦୀପାବଳି ରାତିରେ ଜୁଆ ଖେଳିବାର ପରମ୍ପରା ରହିଛି ।

ଜ୍ୟୋତିଷଙ୍କ କହିବାନୁଯାୟୀ, ଦୀପାବଳି ରାତିରେ ଜୁଆ ଖେଳିବାର ଏକ ଭିନ୍ନ ପରମ୍ପରା ରହିଛି । ଘରେ ଲକ୍ଷ୍ମୀ ପୂଜନ ପରେ ପରିବାର ସଦସ୍ୟ ଜୁଆ ଖେଳିଥାନ୍ତି । ଏହାକୁ ନେଇ ଅନେକ ସମୟରେ ପ୍ରଶ୍ନ ଉଠେ ଜୁଆ ଖେଳିବା ଶୁଭ ନା ଅଶୁଭ । ଖାଲି ଏତିକି ନୁହେଁ ଦୀପାବଳି ରାତିରେ ଭଗବାନ ଶିବ ଓ ମା’ ପାର୍ବତୀ ଜୁଆ ଖେଳିଥାନ୍ତି । ଏହା ଦ୍ୱାରା ଉଭୟଙ୍କ ମଧ୍ୟରେ ପ୍ରେମ ଅଧିକ ଗଭୀର ହୋଇଥାଏ ।

ହେଲେ ଏହି ଜୁଆ ଖେଳରେ ଯଦି କେହି ଟଙ୍କା ପଇସା ଲଗାନ୍ତି ତାହେଲେ ସେ ବର୍ବାଦ ହୋଇପାରନ୍ତି ବୋଲି ଜ୍ୟୋତିଷ ଶାସ୍ତ୍ରରେ ଉଲ୍ଲେଖ । ପ୍ରତ୍ୟେକ ଯୁଗରେ ଜୁଆ ହାନିକାରକ ସାବ୍ୟସ୍ତ ହୋଇଥାଏ । ମହାଭାରତ ଯୁଦ୍ଧରେ ପାଣ୍ଡବ ମାନେ ଜୁଆ ଖେଳି ନିଜ ଧନ ସମ୍ପତ୍ତି ସହ ପତ୍ନୀଙ୍କୁ ମଧ୍ୟ ହାରିଯାଇଥିଲେ । ସେହିପରି ଗ୍ରହ ଅନୁସାରେ ଦେଖିଲେ ଜୁଆ ସମ୍ବନ୍ଧ ରାହୁ ବୋଲି ମନାଯାଏ । ଯଦି ରାହୁ ଅଶୁଭ ସ୍ଥାନରେ ଥାଆନ୍ତି ତେବେ ସମ୍ପୃକ୍ତ ବ୍ୟକ୍ତିଙ୍କ ଜୁଆର ନିଶା ଲାଗିଯାଏ । ଆଉ ଏଭଳି ବ୍ୟକ୍ତି ନିଜ ଜୀବନରେ ପାଇଥିବା ସମସ୍ତଙ୍କ ଜିନିଷ ହରାଇଥାଆନ୍ତି ବୋଲି କୁହାଯାଏ ।