spot_img
Home Blog Page 5151

ମେସିନରେ ପ୍ଲାଷ୍ଟିକ ପୂରାଇଲେ ବାହାରୁଛି ପେଟ୍ରୋଲ

ମୁଜାଫରନଗର: ପ୍ଲାଷ୍ଟିକରୁ ବାହାରୁଛି ପେଟ୍ରୋଲ । ଯଦି ଆମେ କହିବୁ କି ବିହାରରେ ଏମିତି ଏକ ମେସିନ ଲଗାଯାଇଛି ଯେଉଁଥିରେ ଆପଣ ଗୋଟିଏ ପାର୍ଶ୍ବରେ ପ୍ଲାଷ୍ଟିକ ରଖିବେ ଏବଂ ଅପର ପାର୍ଶ୍ବରେ ପେଟ୍ରୋଲ ବାହାରିବ । ଏହି କଥା ହୁଏତ ଆପଣଙ୍କୁ ମଜା ଲାଗୁଥିବା । କିନ୍ତୁ ମଜ୍ଜା ଲାଗିଲେ ବି ଏହା ସତ । ବିହାରର ମୁଜାଫରନଗରରେ ଏହି ମେସିନରୁ ପେଟ୍ରୋଲ ବାହାରିବା ଆରମ୍ଭ ହୋଇଛି । ସବୁଠାରୁ ବଡ଼ କଥା ହେଉଛି କେବଳ ୬ ଟଙ୍କାର ପ୍ଲାଷ୍ଟିକ ଆବର୍ଜନାରୁ ୭୯ ଟଙ୍କାର ପେଟ୍ରୋଲ-ଡିଜେଲ ହେଉଛି । ତେବେ ପ୍ଲାଷ୍ଟିକରୁ ପେଟ୍ରୋଲ-ଡିଜେଲ ବାହାର କରୁଥିବା ମେସିନର ଉଦଘାଟନ୍ କରିଥିଲେ ବିହାରର ରାଜସ୍ବ ଓ ଭୂମି ସୁଧାର ମନ୍ତ୍ରୀ ରାମସୁରତ ରାୟ । ତେବେ ଏହି ୟୁନିଟ ହେଉଛି ଦେଶର ପ୍ରଥମ ପ୍ଲାଣ୍ଟ ଯେଉଁଠାରେ ପ୍ଲାଷ୍ଟିକରୁ ପେଟ୍ରୋଲିୟମ ପ୍ରଡକ୍ଟ ତିଆରି ହେଉଛି । ତେବେ ଉଦଘାଟନ କରିବା ସହ ମନ୍ତ୍ରୀ ୧୦ ଲିଟର ଡିଜେଲ ମଧ୍ୟ କିଣିଥିଲେ । ତେବେ ଏହି ପ୍ଲାଣ୍ଟ ଦେଖିବା ପାଇଁ ସେହି ସ୍ଥାନରେ ସାଧାରଣ ଲୋକଙ୍କ ଭିଡ଼ ଜମିଥିଲା ଏବଂ କିପରି ପ୍ଲାଷ୍ଟିକ ବର୍ଜ୍ୟବସ୍ତୁରୁ ପେଟ୍ରୋଲ ତିଆରି ହେଉଛି ତାହା ଜାଣିବା ପାଇଁ ସାଧାରଣ ଲୋକ ବେଶ୍ ଉତ୍ସାହିତ ଥିଲେ ।

ତେବେ ଏହି ପ୍ଲାଣ୍ଟ ଲଗାଇଥିବା ଗ୍ରାଭିଟି ଏଗ୍ରୋ ଆଣ୍ଡ ଏନର୍ଜିର ସିଇଓ ଆଶୁତୋଷ ମଙ୍ଗଳମଙ୍କ ଅନୁସାରେ ଏହି ଫ୍ୟାକ୍ଟ୍ରରେ ପ୍ରତିଦିନ ୨୦୦  କିଲୋଗ୍ରାମ ପ୍ଲାଷ୍ଟିକରୁ ୧୩୦ ଲିଟର ପେଟ୍ରୋଲ ଓ ୧୫୦ ଲିଟର ଡିଜେଲ  ତିଆରି ହେଉଛି । ପ୍ରଥମତଃ ପ୍ଲାଷ୍ଟିକ ବର୍ଜ୍ୟବସ୍ତୁକୁ ବ୍ୟୁଟେନରେ ପରିଣତ ହୁଏ । ତେବେ ଏହି ପ୍ରକ୍ରିୟା ପରେ ବ୍ୟୁଟେନକୁ ଆଇସୋ ଅକଟେନରେ ପରିଣତ କରାଯାଏ । ଏହା ପରେ ମେସିନରେ ବିଭିନ୍ନ ପ୍ରକାର ଚାପ ପ୍ରୟୋଗ କରି ଏବଂ ତାପମାତ୍ରରୁ ଆଇସୋ ଅକଟେନରୁ ଡିଜେଲ ଓ ପେଟ୍ରୋଲ ତିଆରି କରାଯାଏ । ୪୦୦ ଡିଗ୍ରୀ ସେଲସିୟସ ତାପମାତ୍ରାରୁ ଡିଜେଲ ତିଆରି ହେଉଥିବା ବେଳେ ୮୦୦  ଡିଗ୍ରୀ ସେଲସିୟସ ତାପମାତ୍ରାରୁ ପେଟ୍ରୋଲ ତିଆରି ହେଉଛି ।

ଡେରଡୁନରେ ଇଣ୍ଡିଆନ ଇନଷ୍ଟିଚ୍ୟୁଟ ଅଫ ପେଟ୍ରୋଲିୟମରେ ଡିଜେଲ ଓ ପେଟ୍ରୋଲର ସଫଳ ପରୀକ୍ଷଣ କରାଯାଇଛି । ଏହି ପେଟ୍ରୋଲ ଓ ଡିଜେଲରେ ଅଧିକ ପରିମାଣରେ ଅକ୍ଟେନ ଥିବାରୁ ଏହାର ମାଇଲେଜ ମଧ୍ୟ ବେଶ୍ ଅଧିକ ରହିଛି । ତେବେ ଏହି ପୂରା ପ୍ରକ୍ରିୟା ପାଇଁ ୮ ଘଣ୍ଟା ସମୟ ଲାଗିଥାଏ । ତେବେ ଏହି ୟୁନିଟରେ ତିଆରି ହୋଇଥିବା ଡିଜେଲ-ପେଟ୍ରୋଲ ଚାଷୀମାନଙ୍କ ଦିଆଯିବ । ଏହି ୟୁନିଟରେ ପ୍ରସ୍ତୁତ ହେଉଥିବା ପେଟ୍ରୋଲ ଡିଜେଲ ପ୍ରତି ଲିଟର ପିଛା ୭୦ ଟଙ୍କାରେ ବିକ୍ରି କରାଯିବ । ଏହି ପ୍ଲାଣ୍ଟରେ ପ୍ରଥମ ଦିନରେ ୪୦ କିଲୋଗ୍ରାମ ପ୍ଲାଷ୍ଟିକରୁ ୩୭ ଲିଟର ଡିଜେଲ ତିଆରି ହୋଇଥିଲା ।

ସେମିଫାଇନାଲ ପାଇଁ ଭାରତର ଶେଷ ସୁଯୋଗ; ଜିତିଲେ ସେମି ଆଶା, ହାରିଲେ ବିଦା

ଦୁବାଇ: ଚଳିତ ଟି-୨୦ ବିଶ୍ବକପରେ ଆଜି ଭାରତ ପାଇଁ ଏକ ଗୁରୁତ୍ବପୂର୍ଣ୍ଣ ଦିନ ।  ଆଜି ଭାରତ ତା’ର ତୃତୀୟ ମ୍ୟାଚରେ ଆଫଗାନିସ୍ତାନକୁ ଭେଟିବ । ଟିମ୍ ଇଣ୍ଡିଆ ଚଳିତ ଟି-୨୦ ବିଶ୍ବକପର ସେମିଫାଇନାଲକୁ ଯିବାକୁ ହେଲେ ଆଜିର ମ୍ୟାଚକୁ ବିଜୟ ଲାଭ କରିବା ଅତ୍ୟନ୍ତ ଜରୁରୀ । ତେବେ ଖାଲି ବିଜୟ ଲାଭ କଲେ ହେବନି ଏହି ମ୍ୟାଚ ଭାରତକୁ ବଡ଼ ବ୍ୟବଧାନରେ ଜିତିବାକୁ ପଡ଼ିବ । କାହିଁକି ନା ଟିମ୍ ଇଣ୍ଡିଆର ରନ ରେଟ୍ ବହୁତ ଖରାପ ରହିଛି ତେବେ ଏହି ରନ ରେଟକୁ ସୁଧାରିବାକୁ ହେଲେ ଆଜିର ମ୍ୟାଚରେ ବଡ଼ ବ୍ୟବଧାନରେ ଜିତିବା ଅତ୍ୟନ୍ତ ଜରୁରୀ । ତେବେ ଆଜିର ମ୍ୟାଚ ବିଜୟ ଲାଭ ପରେ ଆସନ୍ତା ନଭେମ୍ବର ୭ରେ ହେବାକୁ ଥିବା ନ୍ୟୁଜିଲାଣ୍ଡ ଓ ଆପଗାନିସ୍ତାନ ମ୍ୟାଚ ଉପରେ ସମସ୍ତ ଭାରତୀୟଙ୍କ ନଜର ରହିବ ।  କାହିଁକି ନା ଯଦି ଆଫଗାନିସ୍ତାନ ନ୍ୟୁଜିଲାଣ୍ଡକୁ ପରାସ୍ତ କରେ ତେବେ ଟିମ୍ ଇଣ୍ଡିଆ ସେମିଫାଇନାଲକୁ ଯାଇପାରିବ । ଅନ୍ୟପକ୍ଷରେ ଯଦି ଭାରତ ତା’ର ପୂର୍ବ ପ୍ରଦର୍ଶନ ଜାରି ରଖେ ଓ ଆଫଗାନିସ୍ତାନ ବିପକ୍ଷରେ ପରାଜୟ ବରଣ କରେ ତେବେ ଭାରତ ଚଳିତ ଟି-୨୦ ବିଶ୍ବକପର ସେମିଫାଇନାଲ ରେସରୁ ବିଦା ହେବ ।

ଯଦି ଆମେ ଆଫଗାନିସ୍ତାନ କଥା କହିବା ତାହାଲେ ଚଳିତ ବିଶ୍ବକପରେ ଦମଦାର ପ୍ରଦର୍ଶନ ଜାରି ରଖିଛି ଆଫଗାନିସ୍ତାନ ।  ତିନୋଟି ମ୍ୟାଚ ଖେଳି ଦୁଇଟି ମ୍ୟାଚରେ ବିଜୟ ଲାଭ କରିଛି ଆଫଗାନିସ୍ତାନ । ଆଫଗାନିସ୍ତାନର ବୋଲିଂ ଲାଇନ ଅଫ ଭାରତୀୟ ବ୍ୟାଟ୍ସମ୍ୟାନଙ୍କୁ ଅଡୁଆରେ ପକାଇବ । ବିଶେଷ କରି ଦୁଇ ସ୍ପିନର ରସିଦ ଖାନ ଓ ମୁଜିବ ଉର ରେହମାନ ଭାରତୀୟ ବ୍ୟାଟ୍ସମ୍ୟାନଙ୍କ ପାଇଁ ବିପଦ ସୃଷ୍ଟି କରିପାରନ୍ତି । ଅନ୍ୟପଟେ ଯଦି ଟିମ୍ ଇଣ୍ଡିଆ କଥା କହିବା ତାହାଲେ ଲଗାତର ଭାବରେ ଦୁଇଟି ମ୍ୟାଚରେ ପରାଜୟ ବରଣ କରିବା ଫଳରେ ଭାରତୀୟ ଦଳର ମନୋବଳ ଭାଙ୍ଗି ପଡ଼ିଛି । ତେବେ ଆଜିର ମ୍ୟାଚରେ ଲଗାତର ଦୁଇଟି ମ୍ୟାଚର ପରାଜୟକୁ ଭୁଲି ଟିମ୍ ଇଣ୍ଡିଆ  ଆଜି ଦମଦାର ଖେଳ ପ୍ରଦର୍ଶନ କରିବ ବୋଲି ଆଶା କରାଯାଉଛି ।  ତେବେ ଗତ ଦୁଇ ମ୍ୟାଚରେ ଉଭୟ ବ୍ୟାଟିଂ, ବୋଲିଂ କୌଣସି କ୍ଷେତ୍ରରେ ଭଲ ପ୍ରଦର୍ଶନ କରିପାରିନଥିଲା ବିରାଟ ବାହିନୀ । ତେଣୁ ଆଜିର ମ୍ୟାଚରେ ଉଭୟ କ୍ଷେତ୍ରରେ ଦମଦାର ପ୍ରଦର୍ଶନ କରିବ ବୋଲି ଆଶା କରାଯାଉଛି ।  ତେବେ ଭାରତ-ଆଫଗାନିସ୍ତାନ ଉଭୟ ଦଳ ଟି-୨୦ ବିଶ୍ବକପରେ ଦୁଇ ଥର ମୁହାଁମୁହିଁ ହୋଇଥିଲେ ଏବଂ ଦୁଇ ଥର ଭାରତଠାରୁ ପରାଜୟ ବରଣ ମଧ୍ୟ କରିଥିଲେ ।  ତେବେ ଆଜିର ମ୍ୟଚରେ ଦମଦାର ଫର୍ମ ପ୍ରଦର୍ଶନ କରି ବିଶ୍ବକପରେ ପ୍ରଥମ ବିଜୟ ହାସଲ କରିବା ପାଇଁ ଚେଷ୍ଟା କରିବ ବିରାଟ ବାହିନୀ ।

୯ ବର୍ଷର ଝିଅକୁ ବିକ୍ରି କଲା ବାପା; କହିଲେ ‘ଏ ତୁମ ବୋହୂ, ତାକୁ ମାରିବନି‘

କାବୁଲ: ତାଲିବାନର ଶାସନ ଆଫଗାନିସ୍ତାନରେ ଆରମ୍ଭ ହେବା ପରେ ଲୋକଙ୍କ ଜୀବନ ଦୁର୍ବିସହ ହୋଇପଡିଛି। ଏଭଳି ସମୟରେ ଜଣେ ବାପା ନିଜର ୯ ବର୍ଷୀୟ ଝିଅକୁ ୫୫ ବର୍ଷର ବ୍ୟକ୍ତିଙ୍କୁ ବିକ୍ରି କରିବା ଭଳି ଅଭାବନୀୟ ଘଟଣା ସାମ୍ନାକୁ ଆସିଛି ।

ଗଣମାଧ୍ୟମର ଏକ ରିପୋର୍ଟ ଅନୁଯାୟୀ, ଅବଦୁଲ୍ ମଲିକ ଗତ ମାସରେ ନିଜ ୯ବର୍ଷୀୟ ଝିଅ ପରୱାନା ମଲିକକୁ ଜଣେ ୫୫ ବର୍ଷ ବ୍ୟକ୍ତିଙ୍କ ହାତରେ ଟେକି ଦେଇଛନ୍ତି। ପରିବାର ପ୍ରତିପୋଷଣ ପାଇଁ ଅବଦୁଲଙ୍କ ପାଖରେ ଅର୍ଥ ନଥିବାରୁ ବାଧ୍ୟ ହୋଇ ସେ ଝିଅକୁ ବିକି ଦେଇଥିବା ପ୍ରକାଶ କରିଛନ୍ତି । ପରିବାରରେ ୮ ଜଣ ଲୋକ ରହିଥିବା ବେଳେ ସମସ୍ତେ ଅସ୍ଥାୟୀ ଶିବିରରେ ଦିନ କାଟୁଛନ୍ତି ।

କେବଳ ଏତିକି ନୁହେଁ ପରିବାର ପ୍ରତିପୋଷଣ କରିବାକୁ ଯାଇ ସେ ପୂର୍ବରୁ ୧୨ ବର୍ଷୀୟ ଝିଅକୁ ମଧ୍ୟ ବିକ୍ରି କରିସାରିଛନ୍ତି। ଅଭାବ ଯୋଗୁଁ ପୁଣିଥରେ ଆଉ ଏକ ଝିଅକୁ ବଧୂ ଭାବେ ବୟସ୍କଙ୍କ ହାତରେ ଟେକିଦେଇଛନ୍ତି। ଏହି ସମୟରେ ସେ କାନ୍ଦି କାନ୍ଦି କହିଥିଲେ, ‘‘ଇଏ ଏବେ ତୁମର ବଧୂ, ତୁମ ହାତରେ ଟେକି ଦେଲି ଭଲଭାବେ ଯତ୍ନ ନେବ । ତା’କୁ ଜମା ମାରିବନି’’ ।

ଆଫଗାନିସ୍ତାନରେ ଏଭଳି ଅନେକ ବେସାହାରା ପରିବାର ରହିଛନ୍ତି ଯେଉଁମାନେ ବଞ୍ଚିବା ପାଇଁ ଘରର ଝିଅଙ୍କୁ ବିକ୍ରି କରିବାକୁ ବାଧ୍ୟ ହେଉଛନ୍ତି । ପରିବାରର ପ୍ରତିପୋଷଣ ପାଇଁ ସେମାନଙ୍କ ପାଖରେ ଅନ୍ୟ ବିକଳ୍ପ ନଥିବା ଅଭିଯୋଗ କରିଛନ୍ତି ।

ମନ୍ନତରେ ଆର୍ଯ୍ୟନଙ୍କ ପାଇଁ ଲାଗୁହେଲା କଡ଼ା ନିୟମ

ବଲିଉଡ ସୁପରଷ୍ଟାର ଶାହରୁଖ ଓ ଗୈାରୀଙ୍କ ଏକମାତ୍ର ପୁଅ ଆର୍ଯ୍ୟନ ଖାନ  । ଗତ ଅକ୍ଟୋବର ମାସରେ ଆର୍ଯ୍ୟନ ଡ୍ରଗ୍ କେସ୍ ମାମଲାରେ ଜେଲ ଯାଇଥିବା ବେଳେ ଦୀର୍ଘ ୨୭ ଦିନ ପରେ ମୁମ୍ବାଇରେ ଥିବା ନିଜ ଘର ମନ୍ନତକୁ ଫେରିଥିଲେ  । ଏହି ଅକ୍ଟୋବର ମାସ ଶାହରୁଖ ଏବଂ ଗୈାରୀ ଦୁହିଁଙ୍କ ପାଇଁ ଏକ ଅଭୁଲା ଦିନ  । ଜାମିନ ମିଳିବା ପରେ ଆର୍ଯ୍ୟନ ଆର୍ଥର ରୋଡ ଜେଲରୁ ନିଜ ଘରକୁ ଫେରିଛନ୍ତି  । ମାତ୍ର ଜେଲରୁ ଫେରିବା ପରେ ଶାହରୁଖ ଏବଂ ତାଙ୍କ ପତ୍ନୀ ମନ୍ନତରେ ଆର୍ଯ୍ୟନଙ୍କ ପାଇଁ କିଛି କଡ଼ା ନିୟମ ଲଗାଇଛନ୍ତି  । ଯାହାକୁ ଆର୍ଯ୍ୟନଙ୍କୁ କଡ଼ାକଡ଼ି ଭାବେ ପାଳନ କରିବାକୁ ପଡ଼ିବ  । ନିଜ ପୁଅକୁ ସୁଧାରିବା ପାଇଁ ଉଭୟେ ଏହି ନିଷ୍ପତ୍ତି ନେଇଥିବା ଜଣାପଡ଼ିଛି  । ଶାହରୁଖ ଏବଂ ଗୈାରୀ ଉଭୟ ନିଜ ପୁଅ ଆର୍ଯ୍ୟନକୁ ଖୁବ୍ ଭଲପାଉଥିବା ବେଳେ ଏଭଳି ଭୁଲ ପୁନର୍ବାର ନ ହେବା ଲାଗି ସେ ଆର୍ଯ୍ୟନଙ୍କ ପାଇଁ କିଛି କଡ଼ା ନିୟମ ଲାଗୁ କରିଛନ୍ତି  ।

ଆର୍ଯ୍ୟନଙ୍କ ଉପରେ ନଜର ରଖିବେ ଅଙ୍ଗସୁରକ୍ଷାକାରୀ

ଇଂରାଜୀ ଖବରକାଗଜ ବଲିଉଡ ୱେବସାଇଟର ସୂଚନାନୁସାରେ ଆର୍ଯ୍ୟନଙ୍କ ଉପରେ ନଜର ରଖିବା ପାଇଁ ଶାହରୁଖ ରବି ସିଂଙ୍କୁ ବଡିଗାର୍ଡ ଭାବେ ନିୟୋଜିତ କରିଛନ୍ତି  । ରିପୋର୍ଟ ଅନୁସାରେ ରବି ସିଂ ପୂର୍ବରୁ ଶାହରୁଖ ଖାନଙ୍କ ବଡିଗାର୍ଡ ଥିବାବେଳେ ବର୍ତ୍ତମାନ ପୁଅ ଆର୍ଯ୍ୟନଙ୍କ ପର୍ସନାଲ ବଲିଗାର୍ଡ ଭାବେ ନିୟୋଜିତ ହେଲେ  । ଏବେ ରବି ସିଂ ଆର୍ଯ୍ୟନଙ୍କ ଉପରେ ନଜର ରଖିବେ  ।

ପୁଅକୁ ନେଇ ବହୁତ ଚିନ୍ତିତ ଗୈାରୀ

ନିଜ ପୁଅ ପାଇଁ ଖୁବ୍ ଚିନ୍ତାରେ ଅଛନ୍ତି ଗୈାରୀ ଖାନ  । ଏଥିପାଇଁ ନିଜ ପୁଅର ସିକ୍ରେଟ୍ ରୁଟିନ ପ୍ଲାନ ପ୍ରସ୍ତୁତ କରୁଛନ୍ତି ଗୈାରୀ  । ଆର୍ଯ୍ୟନଙ୍କ ପାଇଁ ଫିଟନେସ ପ୍ଲାନ୍ କରିବା ସହ ତାଙ୍କ ଶୋଇବା ଏବଂ ଉଠିବା ସମୟ ମଧ୍ୟ ସ୍ଥିର କରୁଛନ୍ତି  । ମୋଟାମୋଟି ସେ ଆର୍ଯ୍ୟନଙ୍କ ଜୀବନକୁ ଏକ ଡିସିପ୍ଲିନ ଲାଇଫ୍ କରିବାକୁ ଚେଷ୍ଟା କରୁଛନ୍ତି  ।

 

ଆର୍ଯ୍ୟନ ମାନୁଛନ୍ତି ନିୟମ :

କୁହାଯାଉଛି ଯେ ଆର୍ଯ୍ୟନ ଖାନ ଏ ସବୁ ନିୟମ ମାନିବା ଆରମ୍ଭ କଲେଣି  । ପ୍ରତିଦିନ ସକାଳେ ଯୋଗ କରିବା ସହ ପାଠପଢ଼ା ମଧ୍ୟ ସଠିକ୍ ସମୟରେ ପଢ଼ୁଛନ୍ତି  । ଏସବୁ ମଧ୍ୟରେ ଶାହରୁଖ ଏବଂ ଗୈାରୀ ନିଜର ଅଧିକାଂଶ ସମୟ ନିଜ ପୁଅ ଆର୍ଯ୍ୟନଙ୍କ ସହ ବିତାଉଛନ୍ତି  ।

ଅଶ୍ଳୀଳ ଇଙ୍ଗିତ କରିବାରୁ ଚୂନ କାଳି ବୋଳି ବୁଲାଇଲେ ଲୋକେ

ପଟ୍ଟାମୁଣ୍ଡାଇ: ମହଙ୍ଗା ପଡ଼ିଲା ଅଶ୍ଳୀଳ ଇଙ୍ଗିତ । ଯୁବକକୁ ଚୂନ କାଳି ବୋଳି ବଜାରରେ ବୁଲାଇଲେ ଲୋକେ । ଏଭଳି ଅଭାବନୀୟ ଘଟଣା ଘଟିଛି କେନ୍ଦ୍ରାପଡ଼ା ଜିଲ୍ଲା ରାଜକନିକା ଥାନା କାଟଣା ବଜାରରେ। ଯାହାର କିଛି ଭିଡିଓ ଭାଇରାଲ ହେବାରେ ଲାଗିଛି । ରାଜକନିକା କାଟଣା ବଜାରରେ ଏକ ଦୋକାନରେ ଯୁବତୀ ଜଣଙ୍କ କାମ କରନ୍ତି । ଜୟକୁଣ୍ଡା ଗାଁର ରଞ୍ଜନ ବାରିକ ଦୋକାନ ଭିତରକୁ ଯାଇ ଯୁବତୀ ଜଣଙ୍କୁ ଅଶ୍ଳୀଳ ଇଙ୍ଗିତ କରିଥିଲା । ଯୁବତୀ ଜଣଙ୍କ ପାଟି କରିବାରୁ ଲୋକମାନେ ରଞ୍ଜନକୁ କାବୁ କରିନେଇଥିଲେ । ପରେ ତା ମୁହଁରେ ଚୂନ ଓ କାଳି ଲଗାଇ ବଜାରରେ ବୁଲାଇଥିଲେ। ଯାହାକି ଚର୍ଚ୍ଚାର ବିଷୟ ହୋଇଛି।

ଏଥିସହିତ ପଢ଼ନ୍ତୁ: ଦୀପାବଳି ପୂର୍ବରୁ ମିଠା ଦୋକାନ ଉପରେ ଚଢ଼ାଉ: ବାସି ଓ ରଙ୍ଗ ମିଶା ମିଠା ଥିବା ଦୋକାନୀଙ୍କ ଠାରୁ ଆଦାୟ ହେଉଛି ଜରିମାନା

 

 

ବଜାରରେ ମହଙ୍ଗା ନିଆଁ, ଜନତାଙ୍କ ତ୍ରାହି ତ୍ରାହି

ଭୁବନେଶ୍ୱର: କେନ୍ଦ୍ରରେ ବିଜେପି ସରକାର ଆସିବ । ଦେଶ ଦେଖିବ ‘ଅଛେ ଦିନ୍‌’ । ସବ୍ କା ସାଥ୍‌, ସବ୍ କା ବିଶ୍ୱାସ୍ । ଭୋଟ ବେଳେ ଏମିତି ମନଲୋଭା ପ୍ରତିଶ୍ରୁତି ଦେଲା ବିଜେପି । ଶାସନ ଗାଦିରେ ବସିବା ପରେ ପ୍ରତିଶ୍ରୁତି ପାଲଟିଗଲା ପାଣିର ଗାର । ସାରା ଦେଶର ଲୋକ ଏବେ ମହଙ୍ଗା ମାଡ଼ରେ ଅସ୍ତବ୍ୟସ୍ତ । ଅଣନିଃଶ୍ୱାସୀ ହୋଇଗଲାଣି ଜୀବନ । ଦେଶବାସୀ ଡାକୁଛନ୍ତି ତ୍ରାହି ତ୍ରାହି ।

ବଜାରରେ ଲାଗିଛି ନିଆଁ । ପେଟ୍ରୋଲ ଲିଟର ୧୧୧ ଟଙ୍କା । ଡିଜେଲ ୧୦୮, ରନ୍ଧନଗ୍ୟାସ୍ ସିଲିଣ୍ଡରର ବଜାର ମୂଲ୍ୟ ୯୨୬ ଟଙ୍କା । ଖାଦ୍ୟ ପଦାର୍ଥର ମୁଦ୍ରାସ୍ଫିତୀ ବଢ଼ି ବଢ଼ି ଚାଲିଛି । ଖାଇବା ତେଲରୁ ଆରମ୍ଭ କରି ଡାଲି, ଆଳୁ, ପିଆଜ ଓ ପନିପରିବା ଯାଏ ଦର ଏବେ ଆକାଶଛୁଆଁ । ଛୁଇଁଲେ କରେଣ୍ଟ୍ ମାରୁଛି । ଦରବୃଦ୍ଧିର ସିଧା ପ୍ରଭାବ ପଡ଼ିଛି ହାଣ୍ଡିଶାଳ ଉପରେ । ଯୁଆଡ଼କୁ ଗଲେ କେନ୍ଦ୍ର ବିରୋଧରେ ଅସନ୍ତୋଷ ଆଉ ବିଷୋଦଗାର୍ । କ୍ରମାଗତ ଭାବେ ଦରବୃଦ୍ଧି ସାଧାରଣ ଜୀବନକୁ ଦୁର୍ବିସହ କରିଛି । ସାରା ଓଡ଼ିଶାରେ ଏବେ କେନ୍ଦ୍ର ବିରୋଧରେ ପ୍ରତିବାଦର ସ୍ୱର । ତେଲ ଦର କମାଅ, ଆମକୁ ବଞ୍ଚାଅ । ତେଲର ଏଭଳି ଅହେତୁକ ଦରବୃଦ୍ଧି ସମସ୍ତ ଅତ୍ୟାବଶ୍ୟକ ସାମଗ୍ରୀର ମୂଲ୍ୟକୁ ଆଗକୁ ଠେଲିଛି । ରାଜ୍ୟର ସାଢ଼େ ୪ କୋଟି ଲୋକ ଏଥିରେ ବହୁଳ ଭାବେ ପ୍ରଭାବିତ ହୋଇଛନ୍ତି । ଏଭଳି ଦରବୃଦ୍ଧି ପାଇଁ କେନ୍ଦ୍ରର ଅପରିଣାମଦର୍ଶୀ ନୀତି ଓ ଖାମଖିଆଲ ମନୋଭାବକୁ ଦାୟୀ କରାଯାଉଛି । ସାରା ଦେଶ ମହାମାରୀ କରୋନା କବଳରେ କବଳିତ।

ମହାମାରୀ କରୋନା ବେଡ଼ି ଉପରେ କୋରଡ଼ା ମାଡ଼ ଭଳି ହୋଇଛି । କରୋନା ପ୍ରଭାବରେ ଦେଶରେ ପ୍ରାୟ ୪୧ ଲକ୍ଷ କାମ ହରାଇଛନ୍ତି ବୋଲି ରିପୋର୍ଟ (ଆଇଏଲ୍‌ଓ-ଏଡିବି) କହୁଛି । ଶିଳ୍ପ, ବିନିର୍ମାଣ, ବିମାନ ଚଳାଚଳ, ଗଣମାଧ୍ୟମ,ମନୋରଞ୍ଜନ, ରିଏଲ ଇଷ୍ଟେଟ୍ ଆଦି ସବୁ କ୍ଷେତ୍ରରେ ନିଯୁକ୍ତିକୁ ପ୍ରାୟ ୫୦ ପ୍ରତିଶତ ପୋଛି ନେଇଛି କରୋନା । ଚୁକ୍ତିଭିତ୍ତିକ କର୍ମଚାରୀ ଓ ଶ୍ରମିକଙ୍କ ସଂଖ୍ୟା ମିଶାଇଲେ କରୋନାରେ ୨ କୋଟିରୁ ଅଧିକ ଲୋକ କାମ ହରାଇଛନ୍ତି । ପରିସଂଖ୍ୟାନ କହୁଛି, ଦେଶରେ ପ୍ରାୟ ସାଢ଼େ ୫ କୋଟି ଯୁବକ ନିଯୁକ୍ତି ଅପେକ୍ଷାରେ । ୨୦ ରୁ ୨୯ ବର୍ଷ ମଧ୍ୟରେ ୩ କୋଟି ପାଖାପାଖି ଯୁବକ ଯୁବତୀ ଏଥିରେ ଅଛନ୍ତି । ଏ ବୟସରେ କର୍ମନିଯୁକ୍ତି ଜରୁରୀ ଥିଲା ବେଳେ ଏମାନଙ୍କ ସଂଖ୍ୟାର ୩୩% ଏବେ ବି ଚାକିରି ଅପେକ୍ଷାରେ ଛଟପଟ ହୋଇ ଦିନ କାଟୁଛନ୍ତି । ୨୦ ରୁ ୪୫ ବର୍ଷ ମଧ୍ୟରେ ବେକାରଙ୍କ ସଂଖ୍ୟାକୁ ମିଶାଇଲେ ଜନସଂଖ୍ୟାର ୨୧ ପ୍ରତିଶତରୁ ଅଧିକ ବ୍ୟକ୍ତିଙ୍କ ପାଖରେ କାମଧନ୍ଦା ନାହିଁ ।

ସିଏମ୍‌ଆଇଇ (ସେଣ୍ଟର ଫର ମନିଟରିଂ ଇଣ୍ଡିଆନ ଇକୋନୋମି) ଦର୍ଶାଇଛି, ମାନବ ସମ୍ବଳର ପ୍ରାୟ ୪୦ ପ୍ରତିଶତଙ୍କ ଭବିଷ୍ୟତ ଏବେ ଅନ୍ଧାର । କିଏ ଚାକିରିରୁ ଛଟେଇ ହୋଇଛି ତ ଆଉ କିଏ ଅଧା ଦରମାରେ ଖଟୁଛି । ଏଭଳି ସଂକଟ ସମୟରେ କେନ୍ଦ୍ରର ମହଙ୍ଗା ମାଡ଼ ଜୀବନକୁ ଆହୁରି ଦୁର୍ବିସହ କରିଛି ।

ଚଳିତ ଆର୍ଥିକ ବର୍ଷର ପ୍ରଥମ ୬ ମାସରେ କେନ୍ଦ୍ର ତେଲରୁ ୧ ଲକ୍ଷ ୭୦ ହଜର କୋଟିର ଟିକସ ଆୟ କରିଛି । ଗତ ୨୦୨୦-୨୧ ଆର୍ଥିକ ବର୍ଷର ପ୍ରଥମ ୬ ମାସ ତୁଳନାରେ ଏହା ୩୩ ପ୍ରତିଶତ ଅଧିକ । କରୋନା ମହାମାରୀ ପୂର୍ବବର୍ଷ ସହ ତୁଳନା କଲେ ଏହା ପ୍ରାୟ ୮୦% ଅଧିକ । ପେଟ୍ରୋଲ ଓ ଡିଜେଲ ଉପରେ କେନ୍ଦ୍ର ମନଇଛା ସେସ୍ ଲଗାଇଛି । ଏଥିରୁ କେନ୍ଦ୍ର ବାର୍ଷିକ ପ୍ରାୟ ସାଢ଼େ ୪ ଲକ୍ଷ କୋଟିର ଆୟ କରୁଛି । ଏ ସ୍ଥିତିରେ ସୁଧାର ଆଣିବା ପାଇଁ କେନ୍ଦ୍ରର ବିଜେପି ସରକାର ଆନ୍ତରିକତା ଦେଖାଉ ନାହାନ୍ତି । କେନ୍ଦ୍ରର ତ୍ରୁଟିପୂର୍ଣ୍ଣ ଆର୍ଥିକ ପରିଚାଳନା ଯୋଗୁଁ ଏସବୁ ସମସ୍ୟା ଅଧିକ ଉତ୍କଟ ହେବାରେ ଲାଗିଛି । ଏପଟେ ସିନା କେନ୍ଦ୍ର ନିଜ ରାଜକୋଷ ମୋଟା କରୁଛି, ଏପଟେ ସାଧାରଣ ଲୋକ କିନ୍ତୁ ହନ୍ତସନ୍ତ ହେଉଛନ୍ତି । ଏହାକୁ ନେଇ ରାଜ୍ୟରେ ଶାସକ ବିଜେଡି ଓ କଂଗ୍ରେସ ରାଜରାସ୍ତାକୁ ଓହ୍ଳାଇଲେଣି ।

ପେଟ୍ରୋଲ, ଡିଜେଲ ଓ ଏଲ୍‍ପିଜି ଦର ସମେତ ଆବଶ୍ୟକ ସାମଗ୍ରୀର ଅହେତୁକ ଦର ବୃଦ୍ଧି ବିରୁଦ୍ଧରେ ବିଜୁ ଜନତା ଦଳ ଯୁଦ୍ଧଂ ଦେହି ଡାକରା ଦେଇଛି । ରାଜଧାନୀ ଠାରୁ ନିର୍ବାଚନ ମଣ୍ଡଳୀ ପର୍ଯ୍ୟନ୍ତ ବିଭିନ୍ନସ୍ତରରେ ଦଳ ପକ୍ଷରୁ ପ୍ରତିବାଦ ଆରମ୍ଭ ହୋଇଛି । କେବଳ ଇନ୍ଧନ କିମ୍ବା ଏଲପିଜିର ଦର ନୁହେଁ, ଅତ୍ୟାବଶକୀୟ ସାମଗ୍ରୀର ଦର ବୃଦ୍ଧି ଯୋଗୁଁ ସାଧାରଣ ଲୋକର ହାଣ୍ଡିଶାଳରେ ଏହାର ପ୍ରଭାବ ପଡ଼ିଛି । ବଜାର ବିଶେଷଜ୍ଞଙ୍କ ଅନୁସାରେ କ୍ରମାଗତ ଇନ୍ଧନ ଦର ବୃଦ୍ଧି ଯୋଗୁଁ ବିଗତ ବର୍ଷରେ ଅତ୍ୟାବଶ୍ୟକ ସାମଗ୍ରୀର ଦର ବୃଦ୍ଧି ୪୦% ରୁ ୧୦୦% ପର୍ଯ୍ୟନ୍ତ ବଢ଼ିଛି । ଦରବୃଦ୍ଧି ଯନ୍ତ୍ରଣା ରେ ଜୀବନ ଏବେ କଲବଲ ।

ଦୀପାବଳି ପୂର୍ବରୁ ମିଠା ଦୋକାନ ଉପରେ ଚଢ଼ାଉ: ବାସି ଓ ରଙ୍ଗ ମିଶା ମିଠା ଥିବା ଦୋକାନୀଙ୍କ ଠାରୁ ଆଦାୟ ହେଉଛି ଜରିମାନା

ଭୁବନେଶ୍ୱର: କଟକ ପରେ ଭୁବନେଶ୍ୱରରେ ମିଠା ଦୋକାନ ଉପରେ ଚଢ଼ାଉ । ବିଏମସି ସ୍ୱାସ୍ଥ୍ୟ ଓ ଖାଦ୍ୟ ସୁରକ୍ଷା ବିଭାଗ ପକ୍ଷରୁ ମିଷ୍ଟାନ୍ନ ଦୋକାନ ଉପରେ ହୋଇଛି ଚଢ଼ାଉ । ରାଜମହଲ ଛକ ସ୍ଥିତ ଶ୍ରୀକୁଞ୍ଜ ମିଠା ଦୋକାନରେ ଚଢ଼ାଉ କରାଯାଇଛି । ରାଜମହଲ ଛକ ପରେ ମାଷ୍ଟର କ୍ୟାଣ୍ଟିନ ଛକ ସ୍ଥିତ ଭୀନିତ ମିଠା ଦୋକାନରେ ଚଢ଼ାଉ କରାଯାଇଛି । ତିନୋଟି ଜୋନ୍ ଫୁଡ୍ ସେଫ୍ଟି ଅଫିସରଙ୍କ ସମେତ ୱାର୍ଡ ଅଧିକାରୀଙ୍କୁ ନେଇ ଚଢାଉ କରାଯାଉଛି । ବାସୀ ମିଠା ସାଙ୍ଗକୁ ରଙ୍ଗ ବ୍ୟବହାର ହୋଇଥିବା ନେଇ ତଦାରଖ ଚାଲିଛି । ଏହା ସହ ଯେଉଁ ମିଠା ବ୍ୟବସାୟୀମାନେ ପଲିଥିନ୍ ଜରି ବ୍ୟବହାର କରୁଛନ୍ତି ସେମାନଙ୍କ ଉପରେ ଫାଇନ୍ ମଧ୍ୟ କରାଯାଉଛି । ଆସନ୍ତାକାଲି ଦୀପାବଳି ହୋଇଥିବାରୁ ଅଧିକ ସଂଖ୍ୟାରେ ଲୋକେ ମିଠା କିଣିଥାନ୍ତି । ଏହାକୁ ନଜରରେ ରଖି ଲୋକଙ୍କ ସ୍ୱାସ୍ଥ୍ୟ ସୁରକ୍ଷା ଦୃଷ୍ଟିରୁ ବିଭିନ୍ନ ମିଠା ଷ୍ଟଲରେ ବିଏମ୍‌ସି ପକ୍ଷରୁ ଚଢ଼ାଉ କରାଯାଇଛି ।

ଗତକାଲି କଟକ ବାଦାମବାଡି KFC ଉପରେ ସିଏମସି ସ୍ୱାସ୍ଥ୍ୟ ବିଭାଗ ପକ୍ଷରୁ ଚଢ଼ାଉ ହୋଇଥିଲା । ବାସୀ ଓ ଏକ୍ସପାଏରୀ ବ୍ରେଡ୍ ରଖିଥିବା ଅଭିଯୋଗରେ ଚଢ଼ାଉ କରିଥିଲା ସିଏମ୍‌ସି । ରେଡ ସମରେ ବିପୁଳ ପରିମାଣରେ ବାସି ଏବଂ ଏକ୍ସପାଏରୀ ବ୍ରେଡ୍‌କୁ ଜବତ କରାଯାଇଛି। ଏହି ଚଢ଼ାଉରେ ସିଏମସିର ସ୍ୱାସ୍ଥ୍ୟ ଅଧିକାରୀ ସାମିଲ ରହିଛନ୍ତି। ଭଲ ଏବଂ ଟେଷ୍ଟି ଖାଇବା ଦିଏ KFC। KFC ହେଉଛି ଏକ ଇଣ୍ଟରନାସନାଲ ବ୍ରାଣ୍ଡ। ଯଦି ଏଭଳି ଏକ ବ୍ରାଣ୍ଡ ଖରାବ ବାସି ଖାଇବା ବିକ୍ରି କରିବ ତେବେ ଲୋକ ବିଶ୍ୱାସ କରିବେତ କାହାକୁ କରିବେ।

ଆଜିର ଦିନରେ KFC ମଧ୍ୟ ଲାଭଖୋର ମନୋଭାବରେ ବାସି ବ୍ରେଡ ଗ୍ରାହକଙ୍କୁ ଦେଉଛି। ଅଧିକ ଲାଭ ପାଇଁ ଲୋକଙ୍କ ଜୀବନ ସହ ଖେଳ ଖେଳୁଛନ୍ତି ଏହି ବ୍ରାଣ୍ଡ। ବ୍ରେଡ୍‌ ପରିମାଣ ଏତେ ଖରାପ ଯେ ହାତରେ ଧରିଲେ ବ୍ରେଡ୍‌ ଗୁଣ୍ଡ ହୋଇଯାଉଛି। ବହୁଦିନରୁ ଏଭଳି ଅଭିଯୋଗ ହୋଇଆସୁଥିଲା। ଲୋକେ KFCରେ ଖାଇବା ସମୟରେ ବ୍ରେଡ୍‌ ଆମ୍ବିଳା ଏବଂ ତାର ବାସ୍ନା ଏକ ଅଲଗା ପ୍ରକାରର ହେଉଥିଲା। ଯାହାପରେ ସେମାନେ ଦୋକାନ ମାଲିକକୁ ଅଭିଯୋଗ କରିଥିଲେ, କିନ୍ତୁ ଦୋକାନ ମାଲିକ ଖାଇବାରେ ସୁଧାର ଆଣିବା ପରିବର୍ତ୍ତେ ଗ୍ରାହକଙ୍କୁ ଧମକାଉଥିଲା। ଯାହାପରେ ଫୁଡ ସେଫ୍ଟି ଡିପାର୍ଟମେଣ୍ଟରେ ଅଭିଯୋଗ ହୋଇଥିଲା। ଯାହାର ଆଧାରରେ ଆଜି ରେଡ ହୋଇଛି। ପୁରା KFCକୁ ସିଲ କରିଛି ସିଏମସି ସ୍ୱାସ୍ଥ୍ୟ ବିଭାଗ।

ଏଥିସହିତ ପଢ଼ନ୍ତୁ: କଟକ KFCରେ ମିଳୁଛି ବାସି ବ୍ରେଡ୍‌ର ପିଜା ଆଉ ବର୍ଗର, CMCର ସ୍ୱାସ୍ଥ୍ୟ ବିଭାଗ କଲା ରେଡ୍‌

କାନପୁରରେ ଜିକା ଭାଇରସର ଆତଙ୍କ, ଗର୍ଭବତୀ ମହିଳାଙ୍କ ସହ ୧୪ ସଂକ୍ରମିତ

କାନପୁର: ଉତ୍ତର ପ୍ରଦେଶର କାନପୁରରେ ଜିକା ଭାଇରସ ସଂକ୍ରମଣରେ ୧୪ ଜଣ ଆକ୍ରାନ୍ତ ହୋଇଛନ୍ତି । ଏମାନଙ୍କ ମଧ୍ୟରେ ଜଣେ ଗର୍ଭବତୀ ମହିଳା ଥିବା ବେଳେ ଏଯାବତ୍ ମୋଟ୍ ରୋଗୀଙ୍କ ସଂଖ୍ୟା ୨୫ରେ ପହଞ୍ଚିଛି । ଯାହା ଫଳରେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି ।

ସହରରେ ଜିକା ଭାଇରସ୍ ସଂକ୍ରମଣ ବୃଦ୍ଧିକୁ ଦେଖି ଡିଏମ୍ ସ୍ୱାସ୍ଥ୍ୟ ବିଭାଗର ଅଧିକାରୀଙ୍କୁ ନେଇ ଏକ ବୖେଠକ କରିଛନ୍ତି । କାନପୁରର ଚକେରୀ ଅଞ୍ଚଳରେ ପ୍ରଥମେ ୬ଟି ମାମଲା ଚିହ୍ନଟ ହୋଇଥିଲା । ନଭେମ୍ବର ୧ରେ ଚିହ୍ନଟ ହୋଇଥିବା ୬ ଜଣଙ୍କ ମଧ୍ୟରେ ୪ ଜଣ ମହିଳା ଥିଲେ ।

କେମିତି ବ୍ୟାପେ ଜିକା ଭାଇରସ୍?

ମଶା ଦ୍ୱାରା ବ୍ୟାପିଥାଏ ଜିକା ଭାଇରସ୍ । ଆଉ ଏଡିଜ୍ ଏଜିପ୍ଟି ନାମକ ଏକ ପ୍ରଜାତିର ମଶା ଠାରୁ ଏହା ବ୍ୟାପିଥାଏ । ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ସୂଚନା ମୁତାବିକ, ଏହି ମଶା ଦିନରେ କାମୁଡିଥାଏ । ଖାସ୍ କରି ଜିକା ଭାଇରସ୍ ଗର୍ଭବତୀ ମହିଳାଙ୍କ ଉପରେ ଅଧିକ କୁ-ପ୍ରଭାବ ପକାଇଥାଏ । ଏପରିକି ଭୃଣ ପାଇଁ ମଧ୍ୟ କ୍ଷତିକାରକ ହୋଇଥାଏ ।

ଜିକାର ଲକ୍ଷଣ ଡେଙ୍ଗୁ ଭଳି ରହିଥାଏ । କିନ୍ତୁ ଏହା ଅଧିକ ଘାତକ ଓ ମାରାତ୍ମକ ସାବ୍ୟସ୍ତ ହୋଇଥାଏ। ଜ୍ୱର ଆସିବା ଓ ଆଣ୍ଠୁଗଣ୍ଠିରେ ଯନ୍ତ୍ରଣା ଭଳି ଲକ୍ଷଣ ସଂକ୍ରମିତଙ୍କ ଶରୀରରେ ଦେଖାଯାଇଥାଏ । ବ୍ୟାପୁଥିବା ଜିକା ଭାଇରସକୁ ଦେଖି ପ୍ରଶାସନ ମଧ୍ୟ ଆକ୍ସନ ମୋଡରେ ରହିଛି । ରୋଗୀଙ୍କ ଚିକିତ୍ସା କାଶୀରାମ ହସ୍ପିଟାଲରେ କରାଯାଉଥିବା ବେଳେ ଜିକା ପାଇଁ ସ୍ୱତନ୍ତ୍ର ୱାଡ୍ କରାଯାଇଛି । ଭାଇରସ ସଂକ୍ରମଣକୁ କମ୍ କରିବା ପାଇଁ ପ୍ରଶାସନ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଉଥିବା ସୂଚନା ମିଳିଛି ।

ଜାଲ୍ ଆଧାର କାର୍ଡଧାରୀ ସାବଧାନ; ଗଣିବେ ୧ କୋଟି ଜରିମାନା

ନୂଆଦିଲ୍ଲୀ: ଜାଲ୍ ଆଧାର କାର୍ଡଧାରୀ ସାବଧାନ । ଗଣିବାକୁ ପଡିପାରେ ଜୋରିମାନା । ହଜାରେ କି ଦୁଇ ହଜାର ନୁହେଁ । ୧ କୋଟି ଟଙ୍କା ଦେଇପାରନ୍ତି ଜୋରିମାନା । ଏନେଇ ଭାରତର ଏକକ ପରିଚୟପତ୍ର କର୍ତ୍ତୃପକ୍ଷ ବା ୟୁଆଇଡିଏଆଇକୁ କ୍ଷମତା ପ୍ରଦାନ କରିଛନ୍ତି କେନ୍ଦ୍ର ସରକାର । ଦେଶରେ ପରିଚୟପତ୍ର ପରିଚାଳନା କାର୍ଯ୍ୟର ଟିକିନିଖି ଯାଞ୍ଚ କରିବା ପାଇଁ ଜଣେ ଉଚ୍ଚକ୍ଷମତା ସମ୍ପନ୍ନ ଅଧିକାରୀ ବା ଆଡଜଡିକେଟିଂ ଅଫିସରଙ୍କୁ ନିଯୁକ୍ତି ଲାଗି ୟୁଆଇଡିଏଆଇଙ୍କୁ ଅନୁମତି ପ୍ରଦାନ କରିଛି କେନ୍ଦ୍ର ସରକାର । ସରକାର ଗତ ୨ ତାରିଖରେ ୟୁଆଇଡିଏଆଇ ବିଚାରଗତ ଜୋରିମାନା ନିୟମାବଳୀ ୨୦୨୧ ନେଇ ବିଜ୍ଞପ୍ତି ଜାରି କରିଛନ୍ତି । ଏହି ନିୟମାବଳୀ ଅନୁସାରେ ୟୁଆଇଡିଏଆଇ ଆଧାର କାର୍ଡ ସମ୍ପର୍କରେ କଡା ନିଷ୍ପତ୍ତି ନେଇପାରିବ ଏବଂ ଅଭିଯୋଗ ଦାୟର କରିପାରିବ ।

ଜାଲ୍ ଆଧାର କାର୍ଡ ମାମଲା ନେଇ ୟୁଆଇଡିଏଆଇର ଅଭିଯୋଗ କ୍ରମେ ଉକ୍ତ ଅଧିକାରୀ ବିଚାର କରିବେ ଏବଂ ନିୟମାବଳୀ ଅନୁସାରେ ୧ କୋଟି ଟଙ୍କା ପର୍ଯ୍ୟନ୍ତ ଜୋରିମାନା ଆଦାୟ କରିପାରିବେ। ଆଡଜଡିକେଟିଂ ଅଫିସରଙ୍କ ବିରୋଧରେ ଜଣେ ବ୍ୟକ୍ତି କେବଳ ଟେଲିକମ ବିବାଦ ସମାଧାନ ଓ କ୍ଷମତାପ୍ରାପ୍ତ ଟ୍ରିବ୍ୟୁନାଲ ନିକଟରେ ଆବେଦନ କରିପାରିବେ । ଜାଲ୍ କାର୍ଡଧାରୀଙ୍କ ବିରୋଧରେ ପଦକ୍ଷେପ ନେବା ଲାଗି ସରକାର ଆଧାର ଓ ଅନ୍ୟାନ ଆଇନ ସଂଶୋଧନ ଆଇନ ୨୦୧୯ ଗୃହିତ କରିଥିଲେ । ବର୍ତ୍ତମାନର ଆଧାର ଆଇନ ଅନୁସାରେ ବେଆଇନ କାର୍ଡଧାରୀଙ୍କ ବିରୋଧରେ ପଦକ୍ଷେପ ନେବା ଲାଗି ୟୁଆଇଡିଏଆଇକୁ କ୍ଷମତା ପ୍ରଦାନ କରାଯାଇନାହିଁ । ଏହି ଆଡଜଡିକେଟିଂ ଅଫିସରଙ୍କ ଯୋଗ୍ୟତା ଅତି କମରେ କେନ୍ଦ୍ର ସରକାରଙ୍କ ଯୁଗ୍ମ ସଚିବସ୍ତରୀୟ ହେବ । ସେ ଅତିକମରେ ୧୦ ବର୍ଷ ଧରି କେନ୍ଦ୍ର ସରକାରଙ୍କ ଅଧୀନରେ କାର୍ଯ୍ୟ କରିଥିବେ । ଏହି ଅଫିସର ଯେଉଁ ଜରିମାନା ଧାର୍ଯ୍ୟ କରିବେ ତାହା ୟୁଆଇଡିଏଆଇ ପାଣ୍ଠିରେ ଜମା ହେବ । ଯଦି ଦୋଷୀ ବ୍ୟକ୍ତି ଏହି ଅର୍ଥ ଜମା କରିପାରିବେ ନାହିଁ ତେବେ ତାଙ୍କର ଜମିବାଡି ମଧ୍ୟ ଜବତ କରାଯାଇ ପାରିବ ।

ପୁରୀ ଜିଲ୍ଲାର ଚାଷୀଙ୍କ ପାଇଁ ‘କାଳିଆ’ ସହାୟତା ରାଶି ଘୋଷଣା କଲେ ମୁଖ୍ୟମନ୍ତ୍ରୀ: ପିପିଲି ଉପ-ନିର୍ବାଚନ ଲାଗି ଅଟକିଥିଲା

ଭୁବନେଶ୍ୱର: ପୁରୀ ଜିଲ୍ଲା ଚାଷୀମାନଙ୍କ ପାଇଁ କାଳିଆ ସହାୟତା ରାଶି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଜିଲ୍ଲାର ୧,୬୫,୧୩୧ ଚାଷୀ ପାଇବେ ୩୩କୋଟି ଟଙ୍କାର ସହାୟତା । ।୨୦୨୧-୨୨ ରବି ଋତୁ ପାଇଁ ପୁରୀ ଜିଲ୍ଲାର ଚାଷୀମାନେ ‘କାଳିଆ’ ସହାୟତା ଭାବରେ ୨୦୦୦ ଟଙ୍କା ଲେଖାଏଁ ସହାୟତା ପାଇବେ। ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏ ବିଷୟ ଘୋଷଣା କରିଛନ୍ତି । ଜିଲ୍ଲାର ୧,୬୫,୧୩୧ ଜଣ କ୍ଷୁଦ୍ର ଓ ନାମମାତ୍ର ଚାଷୀ ୩୩.୦୩କୋଟି ଟଙ୍କା ପାଇବେ । ଏହି ଟଙ୍କା ସିଧାସଳଖ ଚାଷୀଙ୍କ ବ୍ୟାଙ୍କ ଖାତାରେ ଜମା କରାଯିବ ।

ସୂଚନାଯୋଗ୍ୟ ଯେ ସେପ୍ଟେମ୍ବର ୧୧ ତାରିଖରେ ମୁଖ୍ୟମନ୍ତ୍ରୀ ସାରା ରାଜ୍ୟର ୩୭,୧୨,୯୪୧ ଜଣ ଚାଷୀଙ୍କୁ ୭୪୨.୫୮ କୋଟି ଟଙ୍କାର କାଳିଆ ସହାୟତା ବଣ୍ଟନ କରିଥିଲେ । ପିପିଲି ଉପନିର୍ବାଚନ ପାଇଁ ପୁରୀ ଜିଲ୍ଲାର ଚାଷୀମାନଙ୍କୁ ଏହି ସହାୟତା ପ୍ରଦାନ କରାଯାଇପାରି ନ ଥିଲା । ରାଜ୍ୟର କ୍ଷୁଦ୍ର, ନାମମାତ୍ର ଓ ଭୂମିହୀନ ଚାଷୀ ପରିବାରମାନଙ୍କୁ କୃଷି କାର୍ଯ୍ୟରେ ସହାୟତା ଯୋଗାଇ ଦେବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କାଳିଆ ଯୋଜନା କାର୍ଯ୍ୟକାରୀ କରିଛନ୍ତି । ସାରା ଦେଶରେ ଚାଷମାନଙ୍କ କଲ୍ୟାଣ ପାଇଁ ଏହା ଏକ ଯୁଗାନ୍ତକାରୀ ପଦକ୍ଷେପ ।ଏଥିରେ ଚାଷୀମାନେ ବିଭିନ୍ନ କୃଷିସାମଗ୍ରୀ ଯଥା – ବିହନ, ସାର ତଥା କୀଟନାଶକ ଓ କୃଷି ଯନ୍ତ୍ରପାତି କିଣିବା ପାଇଁ ଆନୁସଂଗିକ ଆର୍ଥିକ ସୁବିଧା ପାଇପାରୁଛନ୍ତି। ସେହିପରି ଭୂମିହୀନ କୃଷି ପରିବାରମାନେ ମଧ୍ୟ ରୋଜଗାର ବୃଦ୍ଧି ପାଇଁ ବିଭିନ୍ନ ଆନୁସଂଗିକ କୃଷି କାର୍ଯ୍ୟ କରିପାରୁଛନ୍ତି । ଚାଷୀମାନଙ୍କ ଋଣ ଭାର କମ୍ କରିବାରେ ମଧ୍ୟ ଏହା ବିଶେଷ ସହାୟକ ସାବ୍ୟସ୍ତ ହୋଇ ପାରିଛି ।

ଏଥିସହିତ ପଢ଼ନ୍ତୁ: ଉପ-ନିର୍ବାଚନ ଫଳାଫଳ ପରେ ବିଜେପିକୁ ସତର୍କ କଲେ ମନ୍ତ୍ରୀ ରଣେନ୍ଦ୍ର ସ୍ୱାଇଁ: କହିଲେ, ସତର୍କ ହୁଅ ନଚେତ ଗାଦିରୁ ଯିବ