spot_img
Home Blog Page 5152

ମହାକାଶରେ ହବଲ୍ ଟେଲିସ୍କୋପ ଅଚଳ,ନାସା ଚକିତ

ଓ୍ବାସିଂଟନ: ପୁଣି ଅଚଳ ହେଲା ହବଲ୍ ଟେଲିସ୍କୋପ । ମହାକାଶରେ ପୃଥିବୀର ଆଖି କୁହାଯାଉଥିବା ହବଲ୍ ଟେଲିସ୍କୋପ ପୁଣି ଥରେ ଏକ ରହସ୍ୟମୟ ଭାବରେ ଅଚଳ ହୋଇପଡ଼ିଛି । ଗତ ଏକ ସପ୍ତାହ ହେବ ଏହି ହବଲ୍ ଟେଲିସ୍କୋପ ଅଫଲାଇନ୍ ଏବଂ ସୁରକ୍ଷିତ ମୋଡ଼ରେ ରହିଛି । ହବଲରେ ସମସ୍ୟା ହେତୁ ଏହା ମଧ୍ୟରେ ଥିବା ବୈଜ୍ଞାନିକ ଉପକରଣ ସବୁକୁ ବନ୍ଦ କରାଯାଇଛି । ତେବେ ଅଚନକ ଭାବରେ ଏହି ଟେଲିସ୍କୋପ କାହିଁକି ବନ୍ଦ ହେଲା ତାହାକୁ ନେଇ ଆମେରିକା ସ୍ପେସ୍ ଏଜେନ୍ସି ନାସାର ଇଞ୍ଜିନିୟରମାନେ ଏହାର କାରଣ ବୁଝିବା ପାଇଁ ବିଶ୍ଲେଷଣ କରୁଛନ୍ତି । ତେବେ ଏପର୍ଯ୍ୟନ୍ତ ନାସା କାରଣ ଖୋଜିପାରିନାହିଁ ।

ନାସାର ମୁଖପାତ୍ର ଇନସାଇଡରକୁ କହିଛନ୍ତି କି ତଦନ୍ତ ପ୍ରକ୍ରିୟା ଆରମ୍ଭ ହୋଇସାରିଛି । ତେଣୁ ଏବେ ତ୍ରୁଟିର କାରଣ କହିବା କଷ୍ଟକର । ତେବେ ଏଥି ସହିତ ଇଞ୍ଜିନିୟରମାନେ ଏହାକୁ କିପରି ଠିକ୍ କରିବେ ଏବଂ ଏହା କେବେ କାମ କରିବ ତାହା କହିବା ମଧ୍ୟ କଷ୍ଟକର । ଚଳିତ ବର୍ଷ ଏହା ପ୍ରଥମ ଥର ନୁହେଁ ଯେ ହବଲ୍ ଟେଲିସ୍କୋପ କାମ କରିବା ବନ୍ଦ କରିଦେଇଛି । ଗତ ଜୁନ ୧୪ରେ ଏହା ଖରାପ ହୋଇଥିଲା ଯାହା ଫଳରେ ଏହାକୁ ୫ ସପ୍ତାହ ପାଇଁ ସୁରକ୍ଷିତ ମୋଡରେ ରଖାଯାଇଥିଲା ।

୨୦୦୯ ମସିହାରେ ଶେଷ ଥର ପାଇଁ ହବଲର ପୂରା ସିଷ୍ଟମ ବଦଳାଯାଇଥିଲା । ଏହାପରେ ନାସା ଇଞ୍ଜିନିୟରମାନଙ୍କ କଠିନ ପରିଶ୍ରମ ଦ୍ବାରା ହବଲ୍‌ ଟେଲିସ୍କୋପ ପୁଣି ଥିରେ କାମ କରିବା ଆରମ୍ଭ କରିଥିଲା । ତେବେ ବର୍ତ୍ତମାନ ୪ ମାସ ପରେ ଏହି ହବଲ୍ ଟେଲିସ୍କୋପ ପୁଣି ଥରେ କାମ କରିବା ବନ୍ଦ କରିଦେଇଛି । ହବଲ୍ ଟେଲିସ୍କୋପ ହେଉଛି ମହାକାଶରେ ସବୁଠାରୁ ଶକ୍ତିଶାଳୀ ଟେଲିସ୍କୋପ । ବିଗତ ୩୦ ବର୍ଷ ଧରି ଏହି ଟେଲିସ୍କୋପ ମହାକାଶରେ ଅନେକ ଆବିଷ୍କାର କରିଛି । ୧୯୯୦ ମସିହାରେ ଆରମ୍ଭ ହୋଇଥିବା ହବଲ୍ ଟେଲିସ୍କୋପ ଧିରେଧିରେ ପୁରୁଣା ହେଉଛି । ଏହି ହବଲ୍ ଟେଲିସ୍କୋପକୁ ନାସା ୨୪ ଏପ୍ରିଲ ୧୯୯୦ରେ ମହାକାଶକୁ ପଠାଇଥିଲା । ମହାକାଶକୁ ପଠାଇବାର ଗୋଟିଏ ଦିନ ପରେ ହିଁ ଏହା କାମ କରିବା ଆରମ୍ଭ କରିଦେଇଥିଲା । ତେବେ ଏହାକୁ ଅନେକ ଥର ମରାମତି କରାଯାଇଛି କିନ୍ତୁ ଏବେବି ଏଥିରେ କିଛି ସମସ୍ୟା ଦେଖାଯାଉଛି । ନାସା ବର୍ତ୍ତମାନ ହବଲ୍ ଟେଲିସ୍କୋପ ସ୍ଥାନରେ ୧୦ ବିଲିୟନ ଡଲାରରେ ଜେମ୍ସ ଓ୍ବେବ୍ ଟେଲିସ୍କୋପ ଲଞ୍ଚ କରିବାକୁ ଯାଉଛି ।

୪୮ ଜିଲ୍ଲାରେ ଭ୍ୟାକ୍ସିନେସନରେ ବିଳମ୍ବ, ଅନଲାଇନ ବୈଠକରେ ପଛୁଆ ଥିବା ଜିଲ୍ଲାଧିକାରୀଙ୍କ କ୍ଲାସ୍ ନେବେ ମୋଦି

0

ଭାରତର ୨୮ଟି ରାଜ୍ୟର ବିଭିନ୍ନ ଜିଲ୍ଲାମାନଙ୍କରେ ଭ୍ୟାକ୍ସିନେସନରେ ହେଉଛି ବିଳମ୍ବ  । ଏହି ରାଜ୍ୟର ୪୮ଟି ଜିଲ୍ଲା ଭିତରୁ ୨୭ ଜିଲ୍ଲା ଉତ୍ତରପୂର୍ବ ରାଜ୍ୟର ବୋଲି ଜଣାପଡ଼ିଛି  । ଏଥିମଧ୍ୟରୁ ଝାଡ଼ଖଣ୍ଡର ସବୁଠୁ ଅଧିକ ଜିଲ୍ଲା ସାମିଲ ଅଛି  । ଝାଡ଼ଖଣ୍ଡର ୯ଟି ଜିଲ୍ଲାରେ ୫୦ ପ୍ରତିଶତରୁ କମ୍ ଲୋକଙ୍କୁ ପ୍ରଥମ ଡୋଜ୍ ଭ୍ୟାକ୍ସିନ ଦିଆଯାଇଥିବା ସ୍ୱାସ୍ଥ୍ୟ ମନ୍ତ୍ରାଳୟ ଆକଳନ କରିଛି  ।

ସାରା ଦେଶରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଭ୍ୟାକ୍ସିନେସନ ଅଭିଯାନ ଚାଲୁଛି  । ଏହି ଅଭିଯାନରେ ପଛେଇ ଯାଇଥିବା ରାଜ୍ୟର ଜିଲ୍ଲାଅଧିକାରୀମାନଙ୍କୁ ଅତି ଶୀଘ୍ର କ୍ଲାସ ନେବେ ମୋଦି  । ଏହି କାର୍ଯକ୍ରମରେ ରାଜ୍ୟମାନଙ୍କର ମୁଖ୍ୟମନ୍ତ୍ରୀମାନେ ମଧ୍ୟ ସାମିଲ ହେବେ  ।

ଭ୍ୟାକ୍ସିନେସନରେ ପଛେଇ ଯାଇଥିବା ଜିଲ୍ଲାର ଜିଲ୍ଲାଧିକାରୀଙ୍କ ସହ ଅନଲାଇନ ଭିଡିଓ କଲରେ ବୈଠକ ଆୟୋଜନ ହେବ । ଭ୍ୟାକ୍ସିନେସନର ପ୍ରଥମ ଡୋଜରେ ୫୦ ପ୍ରତିଶତରୁ କମ୍ ଥିବା ଜିଲ୍ଲାଗୁଡ଼ିକୁ ଏହି ବୈଠକରେ ସାମିଲ କରାଯାଇଛି  । ଏହି ରାଜ୍ୟଗୁଡ଼ିକ ଝାଡଖଣ୍ଡ, ମଣିପୁର, ନାଗାଲ୍ୟାଣ୍ଡ, ଅରୁଣାଚଳପ୍ରଦେଶ, ମହାରାଷ୍ଟ୍ର, ମେଘାଳୟ ଏବଂ ଅନ୍ୟ କେତେକ ରାଜ୍ୟ ମଧ୍ୟ ସାମିଲ ଅଛନ୍ତି  ।

ଦିଲ୍ଲୀ ଏବଂ ମହାରାଷ୍ଚ୍ରର ରାଜ୍ୟ ମଧ୍ୟ ସାମିଲ :

ରାଜ୍ୟର ୪୮ଟି ଜିଲ୍ଲା ଭିତରୁ ୨୭ ଜିଲ୍ଲା ଉତ୍ତରପୂର୍ବ ରାଜ୍ୟର ଥିବାବେଳେ ନାଗାଲ୍ୟାଣ୍ଡ ଓ ମଣିପୁରର ଯଥାକ୍ରମେ ୮-୮ ଟି ଜିଲ୍ଲା ସାମିଲ ଅଛନ୍ତି  । ସ୍ୱାସ୍ଥ୍ୟ ମନ୍ତ୍ରାଳୟର ଗଣନା ଅନୁସାରେ ଝାଡ଼ଖଣ୍ଡର ୯ଟି ଜିଲ୍ଲାରେ ୫୦ ପ୍ରତିଶତରୁ କମ୍ ଲୋକଙ୍କୁ ପ୍ରଥମ ଡୋଜ୍ ଭ୍ୟାକ୍ସିନ ଦିଆଯାଇଥିବା ଜଣାପଡ଼ିଛି  । ଏହି ତାଲିକାରେ ରାଜଧାନୀ ଦିଲ୍ଲୀ ସାମିଲ ଥିବାବେଳେ ମହାରାଷ୍ଟ୍ରର ୬ଟି ଜିଲ୍ଲା ମଧ୍ୟ ସାମିଲ ଅଛନ୍ତି  ।

ସବୁଠୁ କମ୍ ଭ୍ୟାକ୍ସିନେସନ ତାଲିକାରେ ଏହି ୫ଟି ଜିଲ୍ଲା :

ଦେଶର ପ୍ରଥମ ଡୋଜରେ ସବୁଠୁ କମ୍ ଭ୍ୟାକ୍ସିନେସନ ଜିଲ୍ଲା ଭିତରୁ ନ୍ୟାଗାଲ୍ୟାଣ୍ଡର କିଫିର ଜିଲ୍ଲା ପ୍ରଥମରେ ଥିବାବେଳେ ଏଠାରେ ମାତ୍ର ୧୭ ପ୍ରତିଶତ ଲୋକଙ୍କୁ ଭ୍ୟାକ୍ସିନ ଦିଆଯାଇଛି  । ତାଲିକାର ଦ୍ୱିତୀୟରେ ମଣିପୁରର କାଙ୍ଗପୋକପି ଜିଲ୍ଲା ରହିଛି ଯେଉଁଠାରେ କେବଳ ୧୮ ପ୍ରତିଶତ ଲୋକ କୋଭିଡର ପ୍ରଥମ ଡୋଜ୍ ନେଇଛନ୍ତି  । ଏହାପରେ ଅରୁଣାଚଳପ୍ରଦେଶ ଦାଦୀ ଜିଲ୍ଲାରେ ୧୯ ପ୍ରତିଶତ, ମଣିପୁର ଉଖରୁଲ୍ ଜିଲ୍ଲାରେ ୨୦ ପ୍ରତିଶତ ଥିବାବେଳେ ନାଗାଲ୍ୟାଣ୍ଡ ତୁଙ୍ଗସାଙ୍ଗ ଜିଲ୍ଲାରେ କେବଳ ୨୧ ପ୍ରତିଶତ ଲୋକ ଭ୍ୟାକ୍ସିନ ନେଇଛନ୍ତି  ।

 

ଉପ-ନିର୍ବାଚନ ଫଳାଫଳ ପରେ ବିଜେପିକୁ ସତର୍କ କଲେ ମନ୍ତ୍ରୀ ରଣେନ୍ଦ୍ର ସ୍ୱାଇଁ: କହିଲେ, ସତର୍କ ହୁଅ ନଚେତ ଗାଦିରୁ ଯିବ

ଭୁବନେଶ୍ୱର: ବୁଲେଇ ବଙ୍କେଇ ନୁହଁ । ଏଥର ସିଧାସଳଖ ଆକ୍ରମଣ । କେନ୍ଦ୍ରର ବିଜେପି ସରକାର ବିରୋଧରେ ଶାସକ ବିଜେଡି ବାନ୍ଧିଛି ମୋର୍ଚ୍ଚା । ତେଲଦର ବୃଦ୍ଧିକୁ ନେଇ ବିଜେଡି ରାଜ୍ୟବ୍ୟାପୀ ଆନ୍ଦୋଳନକୁ ଓହ୍ଲାଇଛି । ରାଜ୍ୟ ସରକାରଙ୍କର ବରିଷ୍ଠ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ କେନ୍ଦ୍ରକୁ ଶୁଣାଇଛନ୍ତି ସର୍ତକବାଣୀ । ବହୁତ ହୋଇଗଲା , ଆଉ ନୁହଁ । ଦରବୃଦ୍ଧିରେ ସାରା ଦେଶ ଏବେ କଲବଲ । ସବୁ କ୍ଷେତ୍ରରେ କେନ୍ଦ୍ର ବିଫଳ ହୋଇଛି । ଜନ ଅସନ୍ତୋଷ ତେଜିଲାଣି । ବିଭିନ୍ନ ରାଜ୍ୟରେ ଉପନିର୍ବାଚନ ଫଳାଫଳ ବିଜେପି ବିରୋଧରେ ଯାଇଛି । ଏବେଠୁ କେନ୍ଦ୍ର ସରକାର ସତର୍କ ହୋଇ ଯାଆନ୍ତୁ । ଦରବୃଦ୍ଧି ନ ରୋକିଲେ ଆଗକୁ ଲୋକ ଜବାବ ଦେବେ । ସରକାର ଶାସନ କ୍ଷମତାରୁ ଯିବେ । ଏମିତି ଭବିଷ୍ୟବାଣୀ କରିଛନ୍ତି ରଣେନ୍ଦ୍ର ।
ବିଭିନ୍ନ ରାଜ୍ୟରେ ଅନୁଷ୍ଠିତ ଉପନିର୍ବାଚନରେ ବିଜେପିର ପରାଜୟ ଦରବୃଦ୍ଧିର ପ୍ରତିଫଳନ ବୋଲି ଖାଦ୍ୟ ଯୋଗାଣ ଓ ସମବାୟ ମନ୍ତ୍ରୀ ଶ୍ରୀ ସ୍ୱାଇଁ ଯୁକ୍ତି ବାଢ଼ିଛନ୍ତି ।ସେ ଅଭିଯୋଗ କରିଛନ୍ତି, ଦରବୃଦ୍ଧିକୁ ପ୍ରସଙ୍ଗ କରି ବିଜେପି କ୍ଷମତାକୁ ଆସିଲା । ମାତ୍ର ଏବେ ଦରଦାମ ଆକାଶଛୁଆଁ । ରାଜ୍ୟର କ୍ଷମତାକୁ କେନ୍ଦ୍ର ଛଡ଼ାଇ ନେଇଛି । ପେଟ୍ରୋଲ ଓ ଡିଜେଲ ଦର ଉପରେ ରାଜ୍ୟର କିଛି ନିୟନ୍ତ୍ରଣ ନାହିଁ । କେନ୍ଦ୍ରର ଟିକସ ବୋଝ ତେଲଦରକୁ ସର୍ବକାଳୀନସ୍ତରକୁ ନେଇଛି । ଡିଜେଲ ଦର ବଢ଼ିବାରୁ ଚାଷୀର ଉତ୍ପାଦନ ଖର୍ଚ୍ଚ ବଢ଼ିଛି । ପରିବହନ ଖର୍ଚ୍ଚ ମଧ୍ୟ ବଢ଼ି ବଢ଼ି ଚାଲିଛି । ସାଧାରଣ ଲୋକ ବଞ୍ଚିବ କେମିତି? ବେଳ ଥାଉ ଥାଉ କେନ୍ଦ୍ର ବାଟ ବାହାର ନକଲେ ଆଗକୁ ଦର ଅହୁରି ଉଚ୍ଚା ଧରିବ । ଏହାର ଫଳ କିନ୍ତୁ କେନ୍ଦ୍ରକୁ ଭୋଗିବାକୁ ହେବ ବୋଲି ସମାଲୋଚନା କରି କହିଛନ୍ତି ରଣେନ୍ଦ୍ର ।

ସୂଚନା ଯୋଗ୍ୟ, ଦେଶରେ ୩ ଲୋକସଭା ଓ ୨୯ ବିଧାନସଭା ଆସନ ପାଇଁ ନିର୍ବାଚନ ଅନୁଷ୍ଠିତ ହୋଇଥିଲା । ଏହି କ୍ରମରେ ହିମାଚଳ ପ୍ରଦେଶରେ ଶାସନରେ ଥିବା ବିଜେପିକୁ ଝଟକା ଲାଗିଛି ।  ମଣ୍ଡି ଲୋକସଭା ଆସନରେ କଂଗ୍ରେସ ପ୍ରାର୍ଥୀ ତଥା ପୂର୍ବତନ ମୁଖ୍ୟମନ୍ତ୍ରୀ ବୀର ଭଦ୍ର ସିଂହଙ୍କ ପତ୍ନୀ  ପ୍ରତିଭା ସିଂ ବିଜେପି ପ୍ରାର୍ଥୀ କୋଶାଲ ଠାକୁରଙ୍କୁ ପରାଜିତ କରିଛନ୍ତି । ଏହାସହ ୩ ଟି ବିଧାନସଭା ଆସନରେ ବି ବିଜେପିକୁ ପରାଜିତ କରି କଂଗ୍ରେସ ପ୍ରାର୍ଥୀ ବିଜୟୀ ହୋଇଛନ୍ତି । ଅନ୍ୟପଟେ ଆସାମରେ ହୋଇଥିବା ୫ ଟି ବିଧାନସଭା ପାଇଁ ନିର୍ବାଚନରେ ବିଜେପି ମେଣ୍ଟ ଆଗୁଆ ରହିଛି । ସେହିଭଳି ମିଜୋରମରେ ଗୋଟିଏ ବିଧାନସଭା ଆସନ ପାଇଁ ହୋଇଥିବା ମତଦାନରେ ମିଜୋ ନ୍ୟାସନାଲ ଫ୍ରଣ୍ଟ ବିଜୟୀ ହୋଇଛି । ସେହିଭଳି ପଶ୍ଚିମବଙ୍ଗରେ ହୋଇଥିବା ବିଧାନସଭା ଉପ ନିର୍ବାଚନରେ ମତଦାନରେ ସବୁ ଆସନରେ ଟିଏମସି ବିଜୟୀ ହୋଇଛନ୍ତି । ସେହିଭଳି ରାଜସ୍ଥାନରେ ୨ଟି ବିଧାନସଭା ଆସନରେ ହୋଇଥିବା ମତଦାନରେ କଂଗ୍ରେସ ପ୍ରାର୍ଥୀ ବିଜୟୀ ହୋଇଛନ୍ତି ।

ଏଥିସହିତ ପଢ଼ନ୍ତୁ: ହିମାଚଳ ପ୍ରଦେଶରେ କଂଗ୍ରେସର କ୍ଲିନ୍ ସ୍ବିପ୍ ; ବିଜେପି ହାତରୁ ଗଲା ମଣ୍ଡି ଆସନ

ଖବର ପ୍ରସାରଣ ପରେ ଚେତିଲା ପୋଲିସ: ଅପହୃତ ନବମ ଶ୍ରେଣୀ ଛାତ୍ରୀ ଉଦ୍ଧାର

ଭୁବନେଶ୍ୱର: ଖବର ପ୍ରସାରଣ ପରେ ଚେତିଲା ପୋଲିସ । ରମ୍ଭାରୁ ଉଦ୍ଧାର ହେଲେ ଅପହୃତ ନାବାଳିକା । ଗୋଟିଏ ବନ୍ଦ ଘରୁ ଉଦ୍ଧାର କଲା କ୍ୟାପିଟାଲ ଥାନା ପୋଲିସ । ଗତକାଲି ବିଳମ୍ବିତ ରାତିରେ ଉଦ୍ଧାର କରିଥିବା ସୂଚନା । ୟୁନିଟ ୬ରୁ ନବମ ଶ୍ରେଣୀ ଝିଅକୁ ଅପହରଣ ନେଇ ହୋଇଥିଲା ଅଭିଯୋଗ । ଜଣେ ନୃତ୍ୟ ଶିକ୍ଷକ ଅପହରଣ କରିଥିବା ନେଇ ଆସିଥିଲା ଅଭିଯୋଗ । ମୁଖ୍ୟ ଅଭିଯୁକ୍ତ ଫେରାର ଥିବା ସୂଚନା ।  ଅନ୍ୟ ଦୁଇ ଜଣଙ୍କୁ ଅଟକ ରଖି ପଚରାଉଚରା କରୁଛି ପୋଲିସ । ନନ୍ଦିଘୋଷ ଟିଭିରେ ପ୍ରଥମେ ଏ ନେଇ ଖବର ପ୍ରସାରଣ ହୋଇଥିଲା

ସୂଚନା ଯୋଗ୍ୟ ଯେ, ୧୩ ବର୍ଷର ନାବାଳିକା ଝିଅ ସ୍କୁଲକୁ ଯିବା ବାଟରେ ଦୁର୍ବୃତ୍ତମାନେ ଉଠାଇ ନେଇଥିବା ଅଭିଯୋଗ କରିଥିଲେ ପରିବାର ଲୋକେ । ଘଟଣାଟି କ୍ୟାପିଟାଲ ଥାନା ଅନ୍ତର୍ଗତ ୟୁନିଟ ୬ ଅଞ୍ଚଳରେ ଘଟିଛି । ଗତ ୨୭ ତାରିଖ ଦିନ ୟୁନିଟ ୬ ବାଳିକା ହାଇସ୍କୁଲକୁ ଯାଇ ନାବାଳିକା ଜଣଙ୍କ ଆଉ ଘରକୁ ଫେରିନାହାନ୍ତି । ଏ ନେଇ କ୍ୟାପିଟାଲ ଥାନାରେ ଅଭିଯୋଗ ହୋଇଛି । ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ ୟୁନିଟ ୬ରେ ରହୁଥିବା ଜଣେ ନୃତ୍ୟ ଶିକ୍ଷକ ନାବାଳିକା ଜଣଙ୍କୁ କେଉଁଆଡ଼େ ନେଇଯାଇଛନ୍ତି । ଅଭିଯୋଗ ପରେ ପୋଲିସ ନୃତ୍ୟ ଶିକ୍ଷକ ଜଣଙ୍କୁ ଅଟକ ରଖିଥିଲେ ମଧ୍ୟ ଅଣ୍ଡରଟେକିଂ ଲେଖି ଛାଡ଼ି ଦେଇଥିଲା ।

ଏଥିସହିତ ପଢ଼ନ୍ତୁ: ନବମ ଶ୍ରେଣୀ ଛାତ୍ରୀକୁ ଅପହରଣ ଅଭିଯୋଗ: ନୃତ୍ୟ ଶିକ୍ଷକଙ୍କ ଠାରୁ ଅଣ୍ଡର ଟେକିଂ ଲେଖି ଛାଡ଼ିଦେଲା ପୋଲିସ

ଯୁବକଙ୍କ ମୃତଦେହକୁ ଫେରାଇ ଆଣିଲା ‘ଓଡ଼ିଶା ମୋ ପରିବାର’

ଦିଗପହଣ୍ଡି:  ସାହା ହେଲା ଓଡ଼ିଶା ମୋ ପରିବାର । ଗୁଜୁରାଟରେ ମୃତ ଯୁବକଙ୍କ ଶବକୁ ଭିଟା ମାଟିକୁ ଆଣିଲା ଓଡିଶା ମୋ ପରିବାର । ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ଜଗନ୍ନାଥ ପୁର ଗାଁର ଡି. ଦୀନବନ୍ଧୁ ରେଡିଙ୍କ ଗୁଜୁରାଟରେ ମୃତ୍ୟୁ ହୋଇଥିଲା । ୧୫ଦିନ ଜ୍ୱରରେ ଆକ୍ରାନ୍ତ ହୋଇ ମେଡିକାଲରେ ଚିକିତ୍ସିତ ହେଉଥିବା ବେଳେ ୩୧ ତାରିଖରେ ତାଙ୍କର ମୃତ୍ୟୁ ହୋଇଥିଲା । ପରିବାର ଲୋକେ ସ୍ଥାନୀୟ ପୂର୍ବତନ ବିଧାୟିକା ନନ୍ଦିନୀ ଦେବୀଙ୍କୁ ଜଣାଇଥିଲେ । ପରେ ଓଡିଶା ମୋ ପରିବାର ମୃତ ଯୁବକଙ୍କ ଶବକୁ ଭିଟା ମାଟିକୁ ନେଇଆସିଛି । ଶବ ଫେରିବା ପରେ ମୁଖ୍ୟମନ୍ତ୍ରୀ ଏବଂ ଓଡିଶା ମୋ ପରିବାରକୁ ଧନ୍ୟବାଦ ଜଣାଇଛନ୍ତି ଗ୍ରାମବାସୀ ।

ପୂର୍ବରୁ ମଧ୍ୟ ଓଡ଼ିଶା ମୋ ପରିବାର ପକ୍ଷରୁ ବିଭିନ୍ନ ଜନହିତକର କାର୍ଯ୍ୟ ଜାରି ରହିଛି । ରିଲିଫ୍ ବଣ୍ଟନ, ରକ୍ତଦାନ ଶବିର ଆଦି କାର୍ଯ୍ୟରେ ମଧ୍ୟ ନିୟୋଜିତ ରହିଛି ଓଡ଼ିଶା ମୋ ପରିବାର ସଂଗଠନ । ତେଲେଙ୍ଗାନା କରିମନଗରକୁ ଦାଦନ ଖଟିବାକୁ ଯାଇ ସମସ୍ୟାରେ ପଡ଼ିଥିବା ୧୧ ଶ୍ରମିକଙ୍କୁ ସହାୟତାର ହାତ ବଢ଼ାଇଥିଲା ଓଡ଼ିଶା-ମୋ ପରିବାର । ୧୧ ଶ୍ରମିକଙ୍କୁ ଉଦ୍ଧାର କରିବା ସହ ମୟୁରଭଞ୍ଜ ଜିଲ୍ଲା ଗୋପବନ୍ଧୁନଗର ବ୍ଲକ ପରିଛିପୁର ଗାଁକୁ ପଠାଇବାକୁ ବ୍ୟବସ୍ଥା କରିଛି ‘ଓଡ଼ିଶା ମୋ ପରିବାର’ । ତେଲେଙ୍ଗାନାର ଶ୍ରୀ ଶ୍ରାମ ଷ୍ଟୋନେକ୍ସ କମ୍ପାନୀରେ କାମ କରିବା ଲାଗି ବାଲେଶ୍ଵରର ଜଣେ ଠିକାଦାର ସହାୟତାରେ ଯାଇଥିଲେ । ୨ ମାସ କାମ କରିବା ପରେ ଠିକାଦାର କମ୍ପାନୀରୁ ଏହି ଶ୍ରମିକଙ୍କର ଟଙ୍କା ନେଇ ଫେରାର ହୋଇଯାଇଥିଲା । ଟଙ୍କା ନଥିବାରୁ କିଛି ଦିନ ଭୋକ ଉପବାସରେ ଶ୍ରମିକ ମାନେ ରହିଥିଲେ ।

ଏଥିସହିତ ପଢ଼ନ୍ତୁ: ରାଜ୍ୟ ବାହାରୁ ୧୧ ଶ୍ରମିକଙ୍କୁ ଉଦ୍ଧାର କଲା ‘ଓଡ଼ିଶା ମୋ ପରିବାର’

ଦୀପାବଳି ପରେ ସ୍କୁଲ ଯିବେ ଷଷ୍ଠ ଓ ସପ୍ତମ ଶ୍ରେଣୀ ଛାତ୍ରଛାତ୍ରୀ: ଆସନ୍ତା ବର୍ଷ ପ୍ରାଥମିକ ବିଦ୍ୟାଳୟ ଖୋଲିବା ଆଶା

ସମ୍ୱଲପୁର: ଦୀପାବଳି ପରେ ଷଷ୍ଠ ଓ ସପ୍ତମ ଶ୍ରେଣୀ ପିଲାଙ୍କ ପାଇଁ ସ୍କୁଲ ଖୋଲିବ । କ୍ଲାସରୁମରେ ହେବ ଅଫଲାଇନ ପାଠପଢା । ଏନେଇ ସୂଚନା ଦେଇଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ । ସେହିପରି ନୂଆ ବର୍ଷ ପରେ ପ୍ରଥମରୁ ପଞ୍ଚମ ଶ୍ରେଣୀ ଖୋଲିବା ନେଇ ଆଶାବାଦୀ ଅଛନ୍ତି ମନ୍ତ୍ରୀ । ସେପଟେ ଦରବୃଦ୍ଧି ଯୋଗୁଁ ମଧ୍ୟାହ୍ନ ଭୋଜନ ପ୍ରଭାବିତ ହେଉଛି । ଏନେଇ କେନ୍ଦ୍ରକୁ ଅବଗତ କରାଯାଇଥିବା ସେ କହିଛନ୍ତି । ସମ୍ବଲପୁର ଗସ୍ତରେ ଆସି ବିଭିନ୍ନ ସ୍କୁଲ ପରିଦର୍ଶନ କରିବା ଅବସରରେ ସ୍କୁଲ ଖୋଲିବା ନେଇ ସୂଚନା ଦେଇଛନ୍ତି ମନ୍ତ୍ରୀ ସମୀର ରଞ୍ଜନ ଦାଶ ।

ମୁଖ୍ୟମନ୍ତ୍ରୀଙ୍କ ପରାମର୍ଶ ନେଇ ପର୍ଯ୍ୟାୟ କ୍ରମେ ସ୍କୁଲ ଖୋଲିବାକୁ ଯୋଜନା ହୋଇଥିଲା । ସ୍କୁଲ ଖୋଲିବା ନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ବିଚାର ବିମର୍ଶ କରାଯାଉଥିଲା ବୋଲି ମନ୍ତ୍ରୀ ସୂଚନା ଦେଇଛନ୍ତି । ରାଜ୍ୟରେ ଅଷ୍ଟମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ସ୍କୁଲରେ ପାଠପଢା ଆରମ୍ଭ ହୋଇଛି । ଗତ ୨୫ତାରିଖରୁ ରାଜ୍ୟରେ ଅଷ୍ଟମ ଶ୍ରେଣୀ ଗୃହ ପାଠପଢା ଆରମ୍ଭ ହୋଇଛି । ସ୍କୁଲରେ ଏବେ ଛାତ୍ରଛାତ୍ରୀଙ୍କ ଉପସ୍ଥାପନ ଭଲ ରହୁଛି ।  ପ୍ରାୟ ୭୦ ପ୍ରତିଶତ ଛାତ୍ରଛାତ୍ରୀ ବିଦ୍ୟାଳୟ ଆସୁଛନ୍ତି ।  ପିଲାଙ୍କ ମଧ୍ୟରେ ସ୍କୁଲ ଆସିବାକୁ ଆଗ୍ରହ ରହିଛି ।

ପୂର୍ବରୁ ଦଶମ ଓ ଦ୍ୱାଦଶ ଶ୍ରେଣୀ ପିଲାଙ୍କ ପାଇଁ ସ୍କୁଲ ଖୋଲିସାରିଛି । ସ୍କୁଲରେ ମାସ୍କ ବ୍ୟବହାର ସହ ସାନିଟାଇଜରରେ ହାତ ଧୋଇଥିଲେ । ଏବଂ ଛାତ୍ରଛାତ୍ରୀମାନେ  ଅଭିଭାବକଙ୍କ ସ୍ୱୀକୃତି ପତ୍ର ଶିକ୍ଷକଙ୍କୁ ଦେଇଥିଲେ । ଶ୍ରେଣୀ ଗୃହରେ ସିଧାସଳଖ ପାଠପଢ଼ା ଛାତ୍ରଛାତ୍ରୀଙ୍କ ପାଇଁ ବେଶ ଲାଭଦାୟକ ହେବ ବୋଲି କହିଛନ୍ତି ଶିକ୍ଷକ । ବିଶେଷକରି ଅନଲାଇନ ପାଠ ପଢ଼ାରୁ ବଞ୍ଚିତ ଛାତ୍ରଛାତ୍ରୀଙ୍କ ପାଇଁ ଉପଯୋଗୀ ହେବ ବୋଲି ମତ ଦେଇଛନ୍ତି ଶିକ୍ଷକ- ଶିକ୍ଷୟତ୍ରୀ । ତେବେ  ପ୍ରଥମ ଦିନ ସ୍କୁଲ ଖୋଲିଥିବାରୁ କେତେ ପିଲା ଆସିଛନ୍ତି, କେମିତି ରହିଛି ବିଦ୍ୟାଳୟ କର୍ତ୍ତୁପକ୍ଷଙ୍କ ପ୍ରସ୍ତୁତି ?  ବିଭିନ୍ନ ସ୍କୁଲକୁ ଯାଇ ସେସବୁର ଅନୁଧ୍ୟାନ କରିଥିଲେ ଗଣଶିକ୍ଷାମନ୍ତ୍ରୀ ।

କୋଭାକ୍ସିନ୍‌କୁ ମଞ୍ଜୁରୀ ନେଇ ଚୂଡ଼ାନ୍ତ ନିଷ୍ପତ୍ତି ନେବ ବିଶ୍ୱ ସ୍ୱାସ୍ଥ୍ୟ ସଂଗଠନ: ୨ଥର ବୈଠକ ପରେ ହୋଇପାରିନି ନିଷ୍ପତ୍ତି

ନୂଆଦିଲ୍ଲୀ: କୋଭାକ୍ସିନକୁ ଅନୁମତି ଦେବା ନେଇ ଆଜି ଆସିପାରେ ବିଶ୍ୱ ସ୍ୱାସ୍ଥ୍ୟ ସଂଗଠନର ଗୁରୁତ୍ୱପୂର୍ଣ୍ଣ ନିଷ୍ପତ୍ତି । ଜରୁରୀକାଳୀନ ବ୍ୟବହାର ସଂକ୍ରାନ୍ତ ତାଲିକା ବା ଇୟୁଏଲ ପ୍ରସଙ୍ଗରେ ଆଜି ବିଶ୍ୱ ସ୍ୱାସ୍ଥ୍ୟ ସଂଗଠନର ବସିବ ବୈଷୟିକ ପରାମର୍ଶଦାତା କମିଟି ବୈଠକ । ଏଥିରେ କୋଭାକ୍ସିନକୁ ଅନୁମତି ଦିଆଯିବାର ସମ୍ଭାବନା ରହିଛି ବୋଲି ଆଶା କରାଯାଉଛି ।

ଗତ ଅକ୍ଟୋବର ୨୬ ତାରିଖରେ କୋଭାକ୍ସିନ ପ୍ରସଂଗରେ ସଂଗଠନର ବୈଷୟିକ ପରାମର୍ଶଦାତା କମିଟି ବୈଠକ ବସିଥିଲା । ଏଥିରେ ଭାରତ ବାୟୋଟେକ ଠାରୁ ଅନ୍ୟାନ୍ୟ କେତେକ ତଥ୍ୟ ମଗାଯାଇଥିଲା । ଭାରତ ବାୟୋଟେକ ଦର୍ଶାଇଥିଲା ଯେ ଲକ୍ଷଣଯୁକ୍ତ କୋଭିଡ ରୋଗୀଙ୍କ କ୍ଷେତ୍ରରେ କୋଭାକ୍ସିନ ୭୭.୮ ପ୍ରତିଶତ ସଫଳତା ହାସଲ କରୁଛି ଏବଂ ଡେଲଟା ଭାରିଆଣ୍ଟ ବିରୋଧରେ ଏହା ୬୫.୨ ପ୍ରତିଶତ ସଫଳତା ପ୍ରଦର୍ଶନ କରୁଛି । କମ୍ପାନୀ ଯୁକ୍ତି ଦର୍ଶାଇଥିଲା ଯେ, କୋଭାକ୍ସିନର ସଫଳତା ଓ ପ୍ରଭାବ ନେଇ କୌଣସି ଦ୍ୱନ୍ଦ୍ୱ ନାହିଁ । ଦୁଇ ଥର ଧରି କୋଭାକ୍ସିନ ପ୍ରସଙ୍ଗରେ ସଂଗଠନ ବୈଠକ ବସିଥିବା ବେଳେ କୌଣସି ଚୂଡାନ୍ତ ନିଷ୍ପତ୍ତି ନିଆଯାଇପାରି ନଥିଲା । ଭାରତରେ ଏବେ ବାୟୋଟେକର କୋଭାକ୍ସନି ଓ ଆଷ୍ଟ୍ରାଜେନେକା ଏବଂ ସେରମ ଇନଷ୍ଟିଚ୍ୟୁଟ ଓ ଅକ୍ସଫୋର୍ଡ ୟୁନିଭର୍ସିଟିର କୋଭିସିଲ୍ଡକୁ କୋଭିଡ ଟିକା ଭାବେ ବ୍ୟବହାର କରାଯାଉଛି । କୋଭିସିଲଡକୁ ବିଶ୍ବ ସ୍ୱାସ୍ଥ୍ୟ ସଂଗଠନ ଅନୁମତି ଦେଇଥିବା ବେଳେ କୋଭାକ୍ସିନ ନେଇ ନିଷ୍ପତ୍ତି ହୋଇପାରିନାହିଁ ।

ଏଥିସହିତ ପଢ଼ନ୍ତୁ: ପୁଣି ଲଟକିଲା କୋଭାକ୍ସିନ୍‌ର ଭାଗ୍ୟ: WHO ଠାରୁ ମିଳିଲାନି ଜରୁରୀକାଳୀନ ଅନୁମତି

 

ଫେସବୁକ୍‌ର ଆଉ ଏକ ବଡ଼ ନିଷ୍ପତ୍ତି: ଖୁବଶୀଘ୍ର ହଟିବ ଫେସିଆଲ୍ ରେକଗ୍ନିସନ୍

ନୂଆଦିଲ୍ଲୀ: ନାଁ ପରିବର୍ତ୍ତନ କରିବା ପରେ ପରେ ସବୁଠାରୁ ବଡ଼ ସୋସିଆଲ ମିଡିଆ ପ୍ଲାଟଫର୍ମ ଫେସବୁକର ଆଉ ଏକ ବଡ଼ ନିଷ୍ପତ୍ତି । ଖୁବ୍ ଶୀଘ୍ର ଫେସବୁକରୁ ହଟିବ ଫେସ୍ ରେକଗ୍ନିସନ ସିଷ୍ଟମ । ଏହାସହ ଫେସପ୍ରିଣ୍ଟକୁ ମଧ୍ୟ ଡିଲିଟ କରିଦିଆଯିବ ବୋଲି କମ୍ପାନୀ କହିଛି । ପ୍ରାୟ ୧୦୦ କୋଟି ୟୁଜରଙ୍କ କ୍ଷେତ୍ରରେ ଏହି ନିୟମ ଲାଗୁ ହେବ । ଏହି ଟେକ୍ନୋଲୋଜିକୁ ନେଇ ସରକାର, ପୋଲିସ ଓ ଅନ୍ୟମାନଙ୍କ ଦ୍ୱାରା ଏହାର ଅପବ୍ୟବହାର କାରଣରୁ କମ୍ପାନୀ ଏହି ପଦକ୍ଷେପ ନେବାକୁ ଯାଉଛି ।

ପ୍ରଯୁକ୍ତିଗତ ଇତିହାସରେ ସବୁଠାରୁ ବଡ଼ ସଫଳତା ପାଇଥିବା ଫେସ ରେକଗ୍ନିସନ ସିଷ୍ଟମ ହଟିବା ନିଷ୍ପତ୍ତି ଅନେକ ୟୁଜରଙ୍କ ଲାଗି ଚିନ୍ତାର କାରଣ ହୋଇଛି । ଫେସବୁକର ନୂଆ ପ୍ୟାରେଣ୍ଟ କମ୍ପାନୀ ମେଟାର ଆର୍ଟିଫିସିଆଲ ଇଣ୍ଟେଲିଜେନ୍ସ ଭାଇସ ପ୍ରେସିଡେଣ୍ଚ ଜେରୋମ ପେସେଣ୍ଟି ଏହି ସୂଚନା ଦେଇଛନ୍ତି । ୟୁଜରଙ୍କ ଡିଜିଟାଲ ଫଟୋ ଆଲବମରେ ସ୍ଥାନ ପାଇଥିବା ବ୍ୟକ୍ତିମାନଙ୍କୁ ଫେସ ରେକଗ୍ନିସନ ସଫ୍ଟଓ୍ୱେୟାର ସ୍ୱୟଂ କ୍ରିୟ ଭାବେ ଚିହ୍ନଟ କରିଥାଏ ଏବଂ ସେମାନଙ୍କୁ ଟ୍ୟାଗ କରିବା ଲାଗି ଏହା ପ୍ରସ୍ତାବ ଦେଇଥାଏ । ଡିଜିଟାଲ ଫଟୋ ରଖିବାରେ ଫେସବୁକ ହେଉଛି ବିଶ୍ୱର ସବୁଠାରୁ ବୃହତ୍ତ କମ୍ପାନୀ । ଜେରୋମ କହିଛନ୍ତି, ଏହି ଟେକ୍ନୋଲୋଜିର ସକାରାତ୍ମକ ବ୍ୟବହାର ଉପରେ କମ୍ପାନୀ ଗୁରୁତ୍ୱ  ଦେଉଛି । ଆସନ୍ତା କିଛି ସପ୍ତାହ ମଧ୍ୟରେ ଫେସବୁକ ୧୦୦ କୋଟିରୁ ଅଧିକ ୟୁଜରଙ୍କ ସିଷ୍ଟମରୁ ଏହି ଟେମ୍ପଲେଟ ହଟାଇଦେବ ।

ଫେସବୁକର ପୂର୍ବତନ ବରିଷ୍ଠ ଅଧିକାରୀ ଫ୍ରାନସିସ ହ୍ୟୁଜେନଙ୍କ ଅନେକ ତଥ୍ୟ ଲିକ୍ ହୋଇଯିବା ପରେ ଫେସବୁକ ଏବେ ପବ୍ଲିକ ରିଲେସନ କ୍ଷେତ୍ରରେ ବଡ ଆହ୍ୱାନର ସମ୍ମୁଖୀନ ହୋଇଛି । ଫେସବୁକର ଏକ ତୃତୀୟାଂଶ ୟୁଜର ଦୈନିକ କାର୍ଯ୍ୟକଳାପରେ ଫେସ ରେକଗ୍ନିସନକୁ ଗୁରୁତ୍ୱ ଦେଇଥାନ୍ତି । ପ୍ରାୟ ୧୦ ବର୍ଷ ତଳେ ଫେସବୁକ ଏହି ପ୍ରଯୁକ୍ତିର ବ୍ୟବହାର କରିଥିଲା । ଏହାକୁ ନେଇ ବହୁ କୋର୍ଟ ଓ ନିୟାମକ କର୍ତ୍ତୃପକ୍ଷଙ୍କ ଠାରୁ ଅଡ଼ୁଆର ସମ୍ମୁଖୀନ ହୋଇ ଆସୁଥିଲା । ୨୦୧୯ରେ ଫେସବୁକ ଏହି ଅଟୋମେଟିକ ବ୍ୟବସ୍ଥାକୁ ହଟାଇ ଟ୍ୟାଗ ବ୍ୟବସ୍ଥା ରଖିଥିଲା ।

ଏଥିସହିତ ପଢ଼ନ୍ତୁ: ଫେସବୁକ୍ ନିରାପତ୍ତା ପ୍ରସଂଗର ସମାଧାନ ନ କରି ନାମ ପରିବର୍ତ୍ତନର କୌଣସି ମାନେ ନାହିଁ: ଫାନସିସ୍

 

କଇଁଛ ପିଠିରେ ମହାପ୍ରଭୁ ଜଗନ୍ନାଥ: ପୂଜାର୍ଚ୍ଚନା ଆରମ୍ଭ କଲେ ଲୋକେ

ନିଆଳି: କଇଁଛ ପିଠିରେ ମହାପ୍ରଭୁ ଜଗନ୍ନାଥଙ୍କ ଛବି । ଏକଦା ଜଗନ୍ନାଥଙ୍କ ମାମୁଁଘର ଭାବେ ଜଣାଶୁଣା କଟକ ଜିଲ୍ଲାର ନିଆଳି ମାଧବ ଏବେ ଏଭଳି କଇଁଛ ପାଇଁ ପୁଣି ଚର୍ଚ୍ଚାରେ। ଏହି ଗାଁର କେନାଲରୁ ଉଦ୍ଧାର ହୋଇଥିବା କଇଁଛ ପିଠିରେ ପ୍ରଭୁ ଶ୍ରୀଜଗନ୍ନାଥଙ୍କ ପ୍ରତିଛବି ଦେଖିବକୁ ମିଳିଛି । ଯାହାକୁ ଦେଖିବା ପରେ ଲୋକଙ୍କ ମଧ୍ୟରେ ଆବେଗ ବଢ଼ିଛି । କେହିଁ କେହିଁ କଛପ ରୂପରେ ମହାପ୍ରଭୁ ମାମୁଁଙ୍କ ଘରୁ ଆସିଥିବା କହିଛନ୍ତି । ଯାହାକୁ ଦେଖିବା ପାଇଁ ଏବେ ଲୋକଙ୍କ ଲୋକେ ଭିଡ଼ ଦେଖିବାକୁ ମିଳିଛି । ଲୋକେ ଏହି କଇଁଛକୁ ଏକ ବଡ଼ ପାତ୍ରରେ ରଖିବା ସହ ସହ ଫୁଲ ଦେଇ ପୂଜାର୍ଚ୍ଚନା କରିବା ମଧ୍ୟ ଆରମ୍ଭ କରିଦେଇଛନ୍ତି ।

କଇଁଛଟିକୁ ଜଗନ୍ନାଥଙ୍କ ମାମୁଁଘର ମାଧବାନନ୍ଦ ମନ୍ଦିର ପରିସରକୁ ଅଣାଯାଇଛି । ସେଠାରେ ଏହାକୁ ପୂଜାର୍ଚ୍ଚନା କରାଯାଉଛି । ସେପଟେ କଇଁଛ ଦେହରେ ମହାପ୍ରଭୁଙ୍କ ପ୍ରତିଛବି ଥିବା ଖବର ପ୍ରଚାରିତ ହେବା ପରେ କଇଁଛକୁ ଦେଖିବା ପାଇଁ ମନ୍ଦିର ପରିସରରେ ସ୍ଥାନୀୟ ଅଞ୍ଚଳ ସମେତ ଆଖପାଖ ଅଞ୍ଚଳର ଲୋକମାନଙ୍କ ଭିଡ଼ ଜମାଇଛନ୍ତି । ଲୋକେ କଇଁଛକୁ ଦର୍ଶନ କରିବା ସହ ପୂଜାର୍ଚ୍ଚନା କରୁଛନ୍ତି ।

 

ପାରଳାଖେମୁଣ୍ଡି ବନ ବିଭାଗ ଦ୍ୱାରା ବିପୁଳ ପରିମାଣର ଶାଗୁଆନ କାଠ ଜବତ: ୩ ପୋଲିସ କର୍ମଚାରୀ ଅଟକ

ଗଜପତି:ପୋଲିସ ସାଜିଥିଲେ କାଠମାଫିଆ । ପୋଲିସ ଭ୍ୟାନରେ ଚାଲାଣକରୁଥିଲେ ମୂଲ୍ୟବାନ କାଠ । ପାଟ୍ରୋଲିଂ ବେଳେ ଶାଗୁଆନ କାଠ ଭର୍ତ୍ତି ଗାଡ଼ି ଜବତ କରିଛି ପାରଲାଖେମୁଣ୍ଡି ବନବିଭାଗ । ଘଟଣାରେ ଓଏସଏପି ତୃତୀୟ ବାଟାଲିଅନର ଜଣେ ଡ୍ରାଇଭରଙ୍କ ସମେତ ୪ଜଣଙ୍କୁ ଅଟକ ରଖିଛି ବନବିଭାଗ । ପାରଳାଖେମୁଣ୍ଡିରୁ ପୁରୀକୁ ଚୋରାଚାଲାଣ ହେଉଥିବା ତଦନ୍ତ ବେଳେ ଜଣାପଡ଼ିଛି । ରାମସାଗର ଛକ ନିକଟରେ ପେଟ୍ରୋଲିଂ ବେଳେ ଭ୍ୟାନକୁ ଅଟକାଇ ଥିଲେ ବନବିଭାଗ କର୍ମଚାରୀ । ମାତ୍ର ଭ୍ୟାନଟିୁ ଦ୍ରୁତ ଗତିରେ ପଳାଇଯାଇଥିଲା । ଭ୍ୟାନକୁ ପିଛା କରି କାଠ ଜବତ ସହ ୪ ଜଣଙ୍କୁ ଅଟକ ରଖିଛି ବନବିଭାଗ ।