spot_img
Home Blog Page 5150

ବଳ ବଢ଼ାଉଛି ବିଜେଡି: ବିଜେପି ଓ କଂଗ୍ରେସ ଛାଡ଼ି ଶଙ୍ଖ ଫୁଙ୍କୁଛନ୍ତି ଶତାଧିକ କର୍ମୀ

କଳାହାଣ୍ଡି/କୋରାପୁଟ: କଳାହାଣ୍ଡି ଓ କୋରାପୁଟ ଜିଲ୍ଲାରେ ଶକ୍ତିଶାଳୀ ହେଉଛି ବିଜେଡି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବଚ୍ଛ ଶାସନରେ ଅନୁପ୍ରାଣିତ ହୋଇ ବିଜେପି ଓ କଂଗ୍ରେସ ଛାଡ଼ି ବିଜେଡରେ ସାମିଲ ହେଉଛନ୍ତି ନେତା ଓ କର୍ମୀ । ଆଜି କଳାହାଣ୍ଡି ଓ କୋରାପୁଟ ଜିଲ୍ଲାର ଶତାଧିକ ଲୋକ ବିଜେଡିରେ ମିଶିଛନ୍ତି ।

କଳାହାଣ୍ଡି ଜିଲ୍ଲା ଜୁନାଗଡ଼ର ମାଟି ଗାଁରେ ହୋଇଥିଲା ବିଜେଡିର ମିଶ୍ରଣ ପର୍ବ । ଗୃହରାଷ୍ଟ୍ର ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ରଙ୍କ ନେତୃତ୍ବରେ କଂଗ୍ରେସ ଓ ବିଜେପିର ଶତାଧିକ କର୍ମୀ ବିଜେଡିରେ ସାମିଲ ହୋଇଥିଲେ । ଏହି ଅବସରରେ ମାଟି ଗାଁରେ ମୋ ପରିବାର, ବିଜୁ ପରିବାର କାର୍ଯ୍ୟକ୍ରମର ଆୟୋଜନ କରାଯାଇଥିଲା । କାର୍ଯ୍ୟକ୍ରମରେ ଶହ ଶହ ବୃଦ୍ଧ, ବୃଦ୍ଧାଙ୍କୁ ମହାପ୍ରଭୁ ଶ୍ରୀଜଗନ୍ନାଥଙ୍କ ଫଟୋ ଓ ଉପଢୌକନ୍ ପ୍ରଦାନ କରାଯାଇଥିଲା ।

ସେହିପରି କୋରାପୁଟ ଜିଲ୍ଲା କୋଟପାଡ଼ରେ ମଧ୍ୟ ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଶତାଧିକ କଂଗ୍ରେସ ଓ ବିଜେପି କର୍ମୀ ବିଜେଡିରେ ସାମିଲ ହୋଇଛନ୍ତି । ଏହି ଅବସରରେ କୋଟପାଡ଼ର ପୂର୍ବତନ ବିଧାୟକ ଚନ୍ଦ୍ର ଶେଖର ମାଝୀ ଏବଂ ଲକ୍ଷ୍ମୀପୁରର ପୂର୍ବତନ ବିଧାୟକ କୈଳାଶ କୁଲେସିକାଙ୍କୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା । କାର୍ଯ୍ୟକ୍ରମରେ ବିଜେଡି ଜିଲ୍ଲା ସଭାପତି ଇଶ୍ୱର ପାଣିଗ୍ରାହୀଙ୍କ ସହ ଜିଲ୍ଲା ପର୍ଯ୍ୟବେକ୍ଷକ ଚନ୍ଦ୍ର ସାରଥୀ ବେହେରା, ମନ୍ତ୍ରୀ ପଦ୍ମିନୀ ଦିଆନ, ନବରଙ୍ଗପୁର ସାଂସଦ ରମେଶ ମାଝୀ , ପଟାଙ୍ଗୀ ବିଧାୟକ ପ୍ରୀତମ ପାଢ଼ୀ, ବିଜେଡି ସାଧାରଣ ସମ୍ପାଦକ ରବି ନାରାୟଣ ନନ୍ଦ ପ୍ରମୁଖ ଉପସ୍ଥିତ ଥିଲେ ।

କୋଭାକ୍ସିନକୁ ମିଳିଲା WHOର ଅନୁମତି

ନୂଆଦିଲ୍ଲୀ: କୋଭାକ୍ସିନକୁ ମିଳିଲା WHO ସିକୃତି । କୋଭାକ୍ସିନକୁ ଅନୁମତି ଦେବା ନେଇ ଆଜି ବସିଥିଲା ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ଗୁରୁତ୍ବପୂର୍ଣ୍ଣ ବୈଠକ। ଜରୁରୀକାଳୀନ ବ୍ୟବହାର ସଂକ୍ରାନ୍ତ ତାଲିକା ବା ଇୟୁଏଲ ପ୍ରସଙ୍ଗରେ ଆଜି ବୈଷୟିକ ପରାମର୍ଶଦାତା କମିଟି ବୈଠକରେ ଏହି ନିଷ୍ପତ୍ତି ନିଆଯାଇଛି। ଗତ ଅକ୍ଟୋବର ୨୬ ତାରିଖରେ କୋଭାକ୍ସିନ ପ୍ରସଙ୍ଗରେ ସଙ୍ଗଠନର ବୈଷୟିକ ପରାମର୍ଶଦାତା କମିଟି ବୈଠକ ବସିଥିଲା ।

ଏଥିରେ ଭାରତ ବାୟୋଟେକ ଠାରୁ ଅନ୍ୟାନ୍ୟ କେତେକ ତଥ୍ୟ ମଗାଯାଇଥିଲା । ଭାରତ ବାୟୋଟେକ ଦର୍ଶାଇଥିଲା ଯେ ଲକ୍ଷଣଯୁକ୍ତ କୋଭିଡ ରୋଗୀଙ୍କ କ୍ଷେତ୍ରରେ କୋଭାକ୍ସିନ ୭୭.୮ ପ୍ରତିଶତ ସଫଳତା ହାସଲ କରୁଛି ଏବଂ ଡେଲଟା ଭାରିଆଣ୍ଟ ବିରୋଧରେ ଏହା ୬୫.୨ ପ୍ରତିଶତ ସଫଳତା ପ୍ରଦର୍ଶନ କରୁଛି। କମ୍ପାନୀ ଯୁକ୍ତି ଦର୍ଶାଇଥିଲା ଯେ, କୋଭାକ୍ସିନର ସଫଳତା ଓ ପ୍ରଭାବକୁ ନେଇ କୌଣସି ଦ୍ୱନ୍ଦ୍ୱ ନାହିଁ । ଦୁଇ ଥର ଧରି କୋଭାକ୍ସିନ ପ୍ରସଙ୍ଗରେ ସଙ୍ଗଠନର ବୈଠକ ବସିଥିବା ବେଳେ କୌଣସି ଚୂଡାନ୍ତ ନିଷ୍ପତ୍ତି ନିଆଯାଇପାରି ନଥିଲା ।

ତେବେ ଭାରତରେ ଏବେ ବାୟୋଟେକର କୋଭାକ୍ସନି ଓ ଆଷ୍ଟ୍ରାଜେନେକା ଏବଂ ସେରମ ଇନଷ୍ଟିଚ୍ୟୁଟ ଓ ଅକ୍ସଫୋର୍ଡ ୟୁନିଭର୍ସିଟିର କୋଭିସିଲ୍ଡକୁ କୋଭିଡ ଟିକା ଭାବେ ବ୍ୟବହାର କରାଯାଉଛି । କୋଭିସିଲଡକୁ ବହୁ ପୂର୍ବରୁ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ଅନୁମତି ଦେଇସାରିଛି।

ସୂଚନାଯୋଗ୍ୟ, ଗତ ଅକ୍ଟୋବର ୨୬ ତାରିଖରେ WHOରେ ଏକ ବୈଠକ ହୋଇଥିଲା । ଏଥିରେ କୋଭ୍ୟାକ୍ସିନକୁ ଅନୁମତି ମିଳିଯିବ ବୋଲି ଆଶା କରାଯାଉଥିଲା, ହେଲେ ସେମିତି କିଛି ହେଲାନାହିଁ । ସେହିପରି ଗତ ଏପ୍ରିଲ ୧୯ରେ ଭାରତ ବାୟୋଟେକ ପକ୍ଷରୁ ଅନୁମତି ପାଇଁ WHOରେ ଆବେଦନ କରାଯାଇଥିଲା । ଇଣ୍ଡିଆନ କାଉନସିଲ ଅଫ୍ ମେଡିକାଲ ରିସର୍ଚ୍ଚ ସହ ମିଶି ଭାରତ ବାୟୋଟେକ କୋଭ୍ୟାକ୍ସିନକୁ ବିକଶିତ କରିଛି ।

କୋଭାକ୍ସିନ WHOର ଅନୁମତି ପାଇବା ପରେ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭାରତ ବାୟୋଟିକକୁ ଶୁଭେଚ୍ଛା ଜଣାଇଛନ୍ତି ।

ଶହେ ବର୍ଷ ପରେ କାନାଡାରୁ ବାରଣାସୀ ଫେରୁଛି ମା ଅନ୍ନପୂର୍ଣ୍ଣାଙ୍କ ମୂର୍ତ୍ତି

ବାରଣାସୀ: ଭାରତ ଫେରିଲା ୧୦୦ ବର୍ଷ ପୂରୁଣା ମୂର୍ତ୍ତି । ଉତ୍ତରପ୍ରଦେଶର କାଶୀରୁ ୧୦୦ ବର୍ଷ ପୂର୍ବେ ମା ଅନ୍ନପୂର୍ଣ୍ଣାଙ୍କ ମୂର୍ତ୍ତି କାନାଡା ଯାଇଥିଲା । ବାବା ବିଶ୍ବନାଥ ଏବଂ ମା ଅନ୍ନପୂର୍ଣ୍ଣାଙ୍କ ପରସ୍ପର ସମ୍ପର୍କ ବେଶ ଭଲ । ବାବା ବିଶ୍ବନାଥଙ୍କ ପ୍ରସାଦ ଗ୍ରହଣ କରିବା କାମ ମା ଅନ୍ନପୂର୍ଣ୍ଣା କରନ୍ତି । ତେବେ ୧୦୦ ବର୍ଷ ପୂର୍ବେ ମା ଅନ୍ନପୂର୍ଣ୍ଣାଙ୍କ ମୂର୍ତ୍ତି ବାରଣାସୀରୁ ଚୋରି ହୋଇଥିଲା । ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରୟାସ ଫଳରେ କାନାଡା ୟୁନିଭରସିଟିରୁ ଏହି ୧୦୦ ବର୍ଷ ପୂରୁଣା ମୂର୍ତ୍ତି ଭାରତକୁ ଆସୁଛି । ଏହି ୧୦୦ ବର୍ଷ ପୂରୁଣା ମୂର୍ତ୍ତି ପୁଣି ବାରଣାସୀକୁ ଆସୁଛି ବୋଲି ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି । ଆସନ୍ତା ନଭେମ୍ବର ୧୧ରେ ଗୋପାଷ୍ଟମୀ ଦିନ ଏହି ମୂର୍ତ୍ତି ଆମକୁ ମିଳିବ ବୋଲି କହିଛନ୍ତି ଯୋଗୀ ଆଦିତ୍ୟନାଥ । ୧୧ ନଭେମ୍ବର ଦିନ ଏକ ଶୋଭାଯାତ୍ରାରେ ଏହି ମୂର୍ତ୍ତିକୁ ବାରଣାସୀକୁ ଅଣାଯିବ । ଏହି ମୂର୍ତ୍ତି ଗାଜିଆବାଦ, ନୋଏଡା ହୋଇ କାସଗଞ୍ଜରେ ପ୍ରଥମ ରାତ୍ରି ବିଶ୍ରାମ ହେବ । ଏହା ପରଦିନ କାନପୁରର ତପେଶ୍ବରୀ ମନ୍ଦିରରେ ଏହି ମୂର୍ତ୍ତିର ରାତ୍ରି ବିଶ୍ରାମ ହେବ । କାନପୁର ପରେ ଅଯୋଧ୍ୟ୍ୟାରେ ହେବ ରାତ୍ରି ବିଶ୍ରାମ । ନଭେମ୍ବର ୧୧,୧୨,୧୩ ଓ ୧୪ ତାରିଖ ପର୍ଯ୍ୟନ୍ତ ଏହି ଶୋଭାଯାତ୍ରା ଚାଲିବ । ନଭେମ୍ବର ୧୪ରେ ଏହି ଅନ୍ନପୂର୍ଣ୍ଣା ମୂର୍ତ୍ତି ବିଶ୍ବନାଥ ଧାମ ପହଞ୍ଚିବ ଓ ୧୫ ନଭେମ୍ବର ଦିନ ଏହି ମୂର୍ତ୍ତି କାଶୀର ସ୍ଥାପନା ହେବ । ତେବେ ଏହି ମୂର୍ତ୍ତିକୁ ନଭେମ୍ବର ୧୧ରେ ମନ୍ତ୍ରୀ ସୁରେଶ ରାଣା ଦିଲ୍ଲୀରେ ରିସିଭ୍ କରିବେ । ପ୍ରଧାନମନ୍ତ୍ରୀଙ୍କ ପଦକ୍ଷେପ ପାଇଁ ଭାରତର ଐତିହ ବିଶ୍ବ ସ୍ତରରେ ପହଞ୍ଚିଛି ବୋଲି କହିଛନ୍ତି ମନ୍ତ୍ରୀ ସୁରେଶ ରାଣା ।

ମୁଖ୍ୟମନ୍ତ୍ରୀଙ୍କ ପୂର୍ବରୁ କେନ୍ଦ୍ର ପର୍ଯ୍ୟଟନ ଏବଂ ସଂସ୍କୃତି ମନ୍ତ୍ରୀ ଜୀ କିଶନ ରେଡ୍ଡୀ କହିଛନ୍ତି ଯେ ଆମେ କାନାଡାରୁ ମା ଅନ୍ନପୂର୍ଣ୍ଣାଙ୍କ ମୂର୍ତ୍ତି ଆଣିଛୁ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ବୈଦେଶିକ ମନ୍ତ୍ରୀ ଏସ ଜୟଶଙ୍କର କାନାଡା ସରକାରଙ୍କ ସହ ଆଲୋଚନା ପରେ ଭାରତକୁ ଆସିଛି ମା ଅନ୍ନପୂର୍ଣ୍ଣାଙ୍କ ମୂର୍ତ୍ତି । ଏହି ମୂର୍ତ୍ତି ବାରଣାସୀରୁ କାନାଡା ନିଆଯାଇଥିଲା । ଏହି ମୂର୍ତ୍ତି ଯେଉଁ ସ୍ଥାନରୁ ନିଆଯାଇଥିଲା ସେହି ସ୍ଥାନକୁ ଆସିବ । ନଭେମ୍ବର ୧୧ରେ ଦିଲ୍ଲୀରେ ଏକ ଭବ୍ୟ ସମାରୋହ କରାଯାଇ ୟୁପି ସରକାରଙ୍କୁ ଏହି ମୂର୍ତ୍ତି ପ୍ରଦାନ କରାଯିବ । ମା ଅନ୍ନପୂର୍ଣ୍ଣାଙ୍କ ମୂର୍ତ୍ତି ସହ ୟୁପି ସରକାରଙ୍କୁ ୫୫ଟି ମୂର୍ତ୍ତି ପ୍ରଦାନ କରାଯିବ । କେନ୍ଦ୍ର ମନ୍ତ୍ରୀ କହିଛନ୍ତି କି ସ୍ବାଧୀନତା ପରେ ଭାରତକୁ ଯେତିକି ମୂର୍ତ୍ତି ମିଳିଛି ସେଥିମଧ୍ୟରୁ ୭୫ ପ୍ରତିଶତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଣିଛନ୍ତି । ଏବେ ଆମେରିକା ସରକାର ସହ ଆଲୋଚନା କରି ୧୫୭ଟି ଆଣିବାକୁ ପ୍ରୟାସ କରାଯାଉଛି ।

ଚାରି ବର୍ଷର ନୀରୀହ ଶିଶୁକୁ ପେଟ୍ରୋଲ ଢାଳି ଜୀଅନ୍ତା ଜାଳିଦେଲା ପିଉସା

0

ହରିୟାଣା : ସାଇବର ସିଟି ଗୁରୁଗ୍ରାମର ପଟୈାଦୀଠାରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି  । ଯେଉଁଠାରେ ୪ ବର୍ଷର ନିରୀହ ଶିଶୁକୁ ପେଟ୍ରୋଲ ଢାଳି ଜାଳିଦିଆଯାଇଛି  । ଏହି ଘଟଣା ପରେ ଗ୍ରାମରେ ଶୋକର ଛାୟା ଖେଳିଯାଇଛି । କୁହାଯାଉଛି କି ରୋହତକ ବାସିନ୍ଦା ରିଙ୍କୁ ନିଜ ପତ୍ନୀକୁ ଭେଟିବାକୁ ଶଳା ଘରକୁ ଆସିଥିଲା  । ସ୍ୱାମୀ-ସ୍ତ୍ରୀଙ୍କ ମଧ୍ୟରେ ପୂର୍ବରୁ ଝଗଡ଼ା ଲାଗିଥିବା କଥା କୁହାଯାଉଛି  । ଉଭୟ  ସ୍ୱାମୀ-ସ୍ତ୍ରୀଙ୍କ ମଧ୍ୟରେ ପୁଣି ଥରେ ଝଗଡ଼ା ଲାଗିବାରୁ ରିଙ୍କୁ ରାଗିଯାଇ ନିଜ ଶଳାର ପୁଅ-ଝିଅକୁ ପେଟ୍ରୋଲ ଢାଲି ଜୀଅନ୍ତା ଜାଳିଦେଇଥିଲା  ।

ପେଟ୍ରୋଲ ଢାଳି ଦୁଇ ଛୁଆଙ୍କୁ ଜାଲିଥିଲା :

ଏହି ଘଟଣାର ଖବର ପାଇ ପୋଲିସ ଘଟଣାସ୍ଥଳରେ ତୁରନ୍ତ ପହଁଞ୍ଚି ଆହତ ଦୁଇ ପିଲାଙ୍କୁ ଉଦ୍ଧାର କରି ନିକଟସ୍ଥ ଡାକ୍ତରଖାନା ପହଁଚାଇଥିଲା  । ଏହି ଘଟଣାରେ ଦିଲ୍ଲୀର ସଫଦରଗଞ୍ଜ ଡାକ୍ତରଖାନାରେ ୪ ବର୍ଷର ନିରୀହ ଶିଶୁ ମୃତ୍ୟବରଣ କରିଥିଲା  । ପୋଲିସ ଅଭିଯୁକ୍ତ ନାଁ ରେ ଏକ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଛି । ଖୁବ୍ ଶୀଘ୍ର ଅଭିଯୁକ୍ତର ପତ୍ତା ମିଳିଯିବ ବୋଲି ପୋଲିସ ସୂଚନା ଦେଇଛି  ।

ଅଭିଯୁକ୍ତ ସନ୍ଧାନରେ ପୋଲିସ :

ପ୍ରାୟ ୩ ବର୍ଷ ପୂର୍ବେ ପଟୈାଦା ବାସିନ୍ଦା ସୁମନଙ୍କ ସହ ରୋହତକରେ ରହୁଥିବା ରିଙ୍କୁର ବିବାହ ହୋଇଥିଲା  ।  କିଛି ଦିନ ହେବ ଦୁହିଁଙ୍କ ମଧ୍ୟରେ ଝଗଡ଼ା ଲାଗିବାରୁ ରିଙ୍କୁ ପତ୍ନୀ ସୁମନ ନିଜ ଭାଇ ଘରେ ରହିଆସୁଥିଲେ  । ପରିବାରବର୍ଗ ଉଭୟଙ୍କ ମଧ୍ୟରେ ବୁଝାମଣା କରିବା ଲାଗି ଅନେକ ଥର ପ୍ରଚେଷ୍ଟା କରିଥିଲେ ମଧ୍ୟ ପ୍ରତ୍ୟେକ ବାର ବିଫଳ ହୋଇଥିଲେ  ।

ହତ୍ୟା ମାମଲା ରୁଜ୍ଜୁ କଲା ପୋଲିସ :

ପାରିବାରିକ କଳହରୁ ଏହି ଦୁର୍ଘଟଣା ଘଟିଥିବା କୁହାଯାଉଛି  । ପୋଲିସ ଅଭିଯୁକ୍ତ ନାରେ ମାମଲା ରୁଜ୍ଜୁ କରି ଅଭିଯୁକ୍ତର ଗିରଫ ନିମନ୍ତେ ଖୋଜାଖୋଜି ଆରମ୍ଭ କରିଦେଇଛି  । ଖୁବ୍ ଶୀଘ୍ର ଅଭିଯୁକ୍ତକୁ ଧରି ଜେଲ ପଠାଯିବ ବୋଲି ପୋଲିସ ସ୍ପଷ୍ଟ କରିଛି  ।

 

 

ମାଛ ଧରୁଥିବା ବେଳେ ଟାଣି ନେଲା କୁମ୍ଭୀର

ଯାଜପୁର: ଭାଇ ସହ ମାଛ ଧରିବା ବେଳେ ଯୁବକଙ୍କୁ ଟାଣି ନେଲା କୁମ୍ଭୀର । ଘଟଣା ଘଟିଛି ଯାଜପୁର ଜିଲ୍ଲା ବରୀ ଅଞ୍ଚଳରର କହରାଗଣ୍ଡ ଗାଁର । ଗାଁର ନିଶିକାନ୍ତ (୪୦) ଭାଇ ସହ ନଦୀରେ ମାଛ ମାରୁଥିବା ବେଳେ କୁମ୍ଭୀର ତାଙ୍କୁ ଟାଣି ନେଇଛି ।  ପାଖରୁ ଖବର ପାଇ ସ୍ଥାନୀୟ ଲୋକ ପହଞ୍ଚି ଖୋଜାଖୋଜି ଆରମ୍ଭ କରିବା ସହ ଓଡ୍ରାଫ ଟିମକୁ ଖବର ଦେଇଥିଲେ । ନଦୀରେ ଖୋଜାଖୋଜି ଚାଲିଥିଲେ ବି ରିପୋର୍ଟ ଲେଖାଯିବା ପର୍ଯ୍ୟନ୍ତ ନିଶିକାନ୍ତଙ୍କ କୌଣସି ସୂଚନା ମିଳିନି ।

ସୂଚନାଯୋଗ୍ୟ, ତନ୍ତୀ ଘାଇ ଶାଖାର ଦୁଧେଇ ଓ ଚିଙ୍ଗୁଡ଼ିଆ ନାଳରେ ଗତ ମାସରେ ଆସିଥିବା ବନ୍ୟାରେ ଏକ କୁମ୍ଭୀରକୁ ଦେଖିବାକୁ ମିଳିଥିଲା ।  ଖବର ପାଇ ବିଞ୍ଝାରପୁର ବନ ବିଭାଗ ଅଧିକାରୀ ଯାଞ୍ଚ କରିବା ପରେ କୁମ୍ଭୀର ଥିବା ସ୍ପଷ୍ଟ ହୋଇଥିଲା । ଏହାପରେ ଲୋକଙ୍କୁ ନଦୀକୁ ନ ଯିବାକୁ ଡାକବାଜି ଯନ୍ତ୍ର ଓ ପୋଷ୍ଟର ଲଗାଇ ସଚେତନ କରାଯାଇଥିଲା ।

ପଶ୍ଚିମବଙ୍ଗରେ ବିଜେପି ହାରିନି, ଧୋଇ ହୋଇ ଯାଇଛି

କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନ ପରେ ଉପ-ନିର୍ବାଚନରେ ମଧ୍ୟ ​​ବିଜେପିକୁ ପରାଜୟର ମୁହଁ ଦେଖିବାକୁ ପଡିଛି। କେବଳ ଏତିକି ନୁହେଁ, ଏଥର ବିଜେପିର ଭୋଟ୍ ପ୍ରତିଶତ ମଧ୍ୟ ବହୁତ ତଳକୁ ଆସିଛି। ଉପ-ନିର୍ବାଚନରେ ​​୧୪.୫୦ ପ୍ରତିଶତ ଭୋଟ୍ ମିଳିଛି ଯାହା ୨୦୨୧ ବିଧାନସଭା ନିର୍ବାଚନ ଏବଂ ୨୦୧୯ ଲୋକସଭା ନିର୍ବାଚନ ଠାରୁ ବହୁତ କମ୍।

ବିଧାୟକଙ୍କ ସଂଖ୍ୟା ମଧ୍ୟ ୭୭ରୁ ୭୦କୁ ହ୍ରାସ ପାଇଛି। ବିଧାନସଭା ନିର୍ବାଚନ ଫଳାଫଳ ପରେ ଘଟିଥିବା ହିଂସାକୁ ନେଇ ଟିଏମସିକୁ ଘେରିବାକୁ ବିଜେପି ଯଥାସମ୍ଭବ ଚେଷ୍ଟା କରିଥିଲା, କିନ୍ତୁ ତାହା ମଧ୍ୟ ହୋଇପାରିଲା ନାହିଁ। ପଶ୍ଚିମବଙ୍ଗର ୪ଟି ବିଧାନସଭା ଆସନରେ ଟିଏମସି ବାଜିମାତ୍ କରିଛି । ବିଜେପି ହାତରୁ ଦିନହାଟା ଓ ଶାନ୍ତିପୁର ଆସନକୁ ମଧ୍ୟ ଛଡାଇ ନେଇଛି ଟିଏମସି । ଦିନହାଟା ଓ ଶାନ୍ତିପୁର ବ୍ୟତୀତ ଗୋସାବା ଓ ଖରଦାହରେ ଜିତ୍ ହାସଲ ସହ ୭୪.୯୯ ପ୍ରତିଶତ ଭୋଟ୍ ହାତେଇଛି।

ଦିନହାଟାରେ ଟିଏମସିର ଉଦୟନ ଗୁହା, ବିଜେପିର ଅଶୋକ ମଣ୍ଡଳଙ୍କୁ ୧,୬୪,୦୮୯ ଭୋଟରେ ହରାଇଛନ୍ତି। ଯେଉଁ ସିଟରେ ଗୃହ ରାଜ୍ୟ ମନ୍ତ୍ରୀ ନିତିଶ ପ୍ରାମାଣିକ ଚଳିତ ମେ ମାସରେ ନିର୍ବାଚନ ଜିତିଥିଲେ । ଏବେ ଏହି ସ୍ଥାନକୁ ବିପୁଳ ଭୋଟରେ ଅକ୍ତିଆର କରିଛି TMC ।

ସେହିପରି ଗୋସାବାରେ ଟିଏମସି ୧,୪୩,୦୫୧ ଭୋଟ ବ୍ୟବଧାନରେ ବିଜେପିକୁ ପରାସ୍ତ କରିଛି। ଟିଏମସିର ସୁବ୍ରତ ମଣ୍ଡଳ ୧,୬୧,୪୭୪ ଭୋଟ୍ ପାଇଥିବାବେଳେ ବିଜେପିର ପଲାସ ରାଣାଙ୍କୁ ମାତ୍ର ୧୮,୪୨୩ ଭୋଟ୍ ପାଇଛନ୍ତି। ଶାନ୍ତିପୁର ବିଧାନସଭା ନିର୍ବାଚନମଣ୍ଡଳୀରେ ଟିଏମସିର ବ୍ରଜ କିଶୋର ଗୋସ୍ୱାମୀ ୬୪,୬୭୫ ଭୋଟରେ ବିଜେପିର ନିରଞ୍ଜନ ବିଶ୍ୱଙ୍କୁ ହରାଇଛନ୍ତି।  ଖାରଦାହ ବିଧାନସଭା ନିର୍ବାଚନମଣ୍ଡଳୀରେ ରାଜ୍ୟ ମନ୍ତ୍ରୀ ଶୋଭନଦେବ ଚଟୋପାଧ୍ୟାୟ ବିଜେପିର ଆନନ୍ଦ ସାହାଙ୍କୁ ୯୩,୮୩୨ ଭୋଟ ବ୍ୟବଧାନରେ ପରାସ୍ତ କରିଛନ୍ତି।

ଗତ ୨ ନିର୍ବାଚନ ଠାରୁ ଆହୁରି କମିଛି ଭୋଟ୍ ପ୍ରତିଶତ 
ମାର୍ଚ୍ଚ-ଏପ୍ରିଲରେ ଅନୁଷ୍ଠିତ ବିଧାନସଭା ନିର୍ବାଚନରେ ​​ବିଜେପି ୩୮.୦୯ ପ୍ରତିଶତ ଭୋଟ୍ ସହ ୭୭ ଆସନ ହାସଲ କରିଛି। ୨୦୧୯ ଲୋକସଭା ନିର୍ବାଚନରେ ​​୧୮ଟି ସିଟ୍ ସହ ୪୦.୭ ପ୍ରତିଶତ ଭୋଟ୍ ପାଇଥିବା ବେଳେ ଏଥର ବିଜେପିର ଭୋଟ୍ ପ୍ରତିଶତ ଖସି ମାତ୍ର ୧୪.୫୦ ପ୍ରତିଶତ ରହିଛି ।

ଦୀପାବଳିରେ ଜାଳନ୍ତୁ ଏହି ଜାଗାରେ ଦୀପ , ସୁଖ-ସମୃଦ୍ଧି- ଧନରେ ହବନି ଅଭାବ

ଆଲୋକର ପର୍ବ ଦୀପାବଳି  । ହିନ୍ଦୁ ଧର୍ମର ସବୁଠୁ ବଡ଼ ପର୍ବ ହେଉଛି ଦୀପାବଳି  ।  ସୁନ୍ଦର ଆଲୋକମାଳାରେ ସୁସଜ୍ଜିତ ହେଲାଣି ସାରା ସହର । ହିନ୍ଦୁ ଧର୍ମାବଲମ୍ବୀ ଲୋକେ ସୁଖ-ସମୃଦ୍ଧି ପାଇଁ ନିଜ ନିଜ ଘରେ ଦୀପ ଜାଳିଥାନ୍ତି  । ଦୀପାବଳି ଦିନ ମା’ ଲକ୍ଷ୍ମୀ ଏବଂ ଶ୍ରୀ ଗଣେଶଙ୍କୁ ପୂଜା କରାଯାଏ  । ଏହି ଆଲୋକର ଦିନରେ ଆମେ ଆପଣଙ୍କୁ ଏମିତି କିଛି ବିଷୟରେ ଅବଗତ କରାଇବୁ ଯାହା ଦ୍ୱାରା ଆପଣଙ୍କ ଘରେ ସୁଖ-ସମୃଦ୍ଧି ବଢ଼ିବା ସହ ଧନର ଅଭାବ ମଧ୍ୟ ରହିବ ନାହିଁ  ।

୧. ଦୀପାବଳି ସନ୍ଧ୍ୟାରେ ବରଗଛ ତଳେ ଦୀପ ଜାଳନ୍ତୁ  । ଦୀପ ଜାଳିବା ପରେ ପଛକୁ ବୁଲି ଚାହାଁନ୍ତୁନି  । ଏମିତି କଲେ ଆପଣଙ୍କ ଜୀବନର ପ୍ରତ୍ୟେକ ସମସ୍ୟା ଦୂର ହେବ  ।

୨. ଯଦି ସମ୍ଭବ ହୁଏ ତେବେ ଦୀପୀବଳି ରାତିରେ କୈାଣସି ଶ୍ମଶାନରେ ଦୀପ ଜାଳନ୍ତୁ  । ଯଦି ଏହା ସମ୍ଭବ ନ ହୁଏ ତେବେ କୈାଣସି ଶୂନଶାନ ସ୍ଥାନରେ ଥିବା ମନ୍ଦିରରେ ମଧ୍ୟ ଦୀପ ଜାଳି ପାରିବେ  ।

୩. ଧନପ୍ରାପ୍ତି ପାଇଁ ଇଚ୍ଛୁକ ଥିବା ବ୍ୟକ୍ତି ନିଜ ଘର ମୁଖ୍ୟ ଦ୍ୱାରରେ ନିଶ୍ଚୟ ଦୀପ ଜାଳନ୍ତୁ  ।

୪. ଘର ଅଗଣାରେ ଥିବା ଚଉଁରାରେ ନିଶ୍ଟୟ ଦୀପ ଜାଳିବା ଉଚିଚ୍  । ଏପରି କରିବା ଦ୍ୱାରା ଘରର ସମସ୍ତ ସମସ୍ୟା ଦୂର ହୁଏ  ।

୫. ଘରର ପୂଜା ଘରେ ଅଖଣ୍ଡ ଦୀପ ଜାଳନ୍ତୁ ଏଭଳି କରିବା ଦ୍ୱାରା ମା’ ଲକ୍ଷ୍ମୀ ପ୍ରସନ୍ନ ହୁଅନ୍ତି  ।

୬. କୈାଣସି ବେଲ ଗଛ ତଳେ ଦୀପ ଜାଳନ୍ତୁ  । ବେଲପତ୍ର ଭଗବାନ ଶିବଙ୍କର ପ୍ରିୟ ବୃକ୍ଷ  । ଏହି ଗଛ ତଳେ ଦୀପ ଜାଳିଲେ ଭଗବାନ ଶିବଙ୍କ କୃପା ହୋଇଥାଏ  ।

୭. ନିଜ ଘର ଆଖପାଖରେ ଥିବା ମନ୍ଦିରମାନଙ୍କରେ ଦୀପ ଜାଳନ୍ତୁ  । ଏପରି କରିବ ଦ୍ୱାରା ସମସ୍ତ ଦେବା-ଦେବୀଙ୍କ କୃପା ପ୍ରାପ୍ତ ହୁଏ  ।

୮. ଘର ଆଖପାଖରେ ନଦୀ ବା ପୋଖରୀ ଥିଲେ ଏଠାରେ ନିଶ୍ଚୟ ଦୀପ ଜାଳନ୍ତୁ  । ଏହା କରିବା ଦ୍ୱାରା ସମସ୍ତ ଦୋଷ ଦୂର ହୁଏ  ।

୯. ମା, ଲକ୍ଷ୍ମୀଙ୍କୁ ପ୍ରସନ୍ନ କରିବାକୁ ଚାହୁଁଥିଲେ ତୁଳସୀ ଗଛ ନିକଟରେ ନିଶ୍ଚୟ ଦୀପ ଜାଳନ୍ତୁ  ।

୧୦. ଘରର ଦକ୍ଷିଣ କୋଣରେ ଗୟା ତୀର୍ଥ ନାମରେ ଦୀପ ଜାଳନ୍ତୁ  । ଏହା କରିବା ଦ୍ୱାରା ପିତୃ ଦୋଷ ଦୂର ହୁଏ  ।

ଛୁରାମାଡ଼ ଘଟଣା: ହସ୍ପିଟାଲରୁ ଡିସଜାର୍ଜ ହେବା ପରେ ରୂପେଶ ଜେରା

ଭୁବନେଶ୍ୱର: ଶୈଳଶ୍ରୀ ବିହାରରେ ପଡ଼ୋଶୀ ଘରେ ମହିଳା ବେଶରେ ପଶି ଛୁରାମାଡ ଘଟଣାରେ ଅଭିଯୁକ୍ତ ରୂପେଶ ପଣ୍ଡାକୁ ପଚରାଉଚରା ଚଲାଇଛି ପୋଲିସ । ଘଟଣା ସମୟରେ ନିଜେ ବି ଆହତ ହୋଇଥିଲେ ରୂପେଶ । ହସ୍ପିଟାଲରୁ ଡିସଚାର୍ଜ ହେବା ପରେ ତାଙ୍କୁ ପଚରାଉଚରା ଚାଲିଛି ।

ପଡୋଶୀ ଭାବରେ କିଛି ବାଦ ବିବାଦ ଥିଲା କି ? ଯୁବତୀ ଜଣଙ୍କ କିଛିଦିନ ହେଲା ଭୁବନେଶ୍ବର ଆସିଥିଲେ । ରୂପେଶଙ୍କ ସହିତ ପଡୋଶୀ ହିସାବରେ ତାଙ୍କର ଚିହ୍ନା ପରିଚୟ ଥିଲା କି ? ଲୁଟ ଉଦ୍ଦେଶ୍ୟରେ ମହିଳା ବେଶରେ ରୂପେଶ ଘର ଭିତରକୁ ଯାଇଥିଲେ କି ? ଏକ ତରଫା ପ୍ରେମ ଅଘଟଣର କାରଣ କି,  ଏଭଳି ଅନେକ ପ୍ରଶ୍ନ ନେଇ ପୋଲିସ ଖୋଳତାଡ କରୁଛି ।

ଧାର କରଜ ଓ ପରକିୟାପ୍ରିତୀ କଥାକୁ ଖଣ୍ଡନ କରିଛନ୍ତି ରୂପେଶଙ୍କ ପରିବାର  ଲୋକେ । ଆହତ ମହିଳା ଥାନାରେ ଏଫଆଇଆର୍‌ ଦେଇଛନ୍ତି । ଆହତ ମହିଳାଙ୍କ ଘରକୁ ସେଦିନ ଅଟୋରେ ଯାଇଥିଲେ ରୂପେଶ । ଲୁଟ୍‌ ଉଦ୍ଦେଶ୍ୟରେ ସେ ମହିଳା ବେଶରେ ମହିଳାଙ୍କ ଘରେ ପଶିଥିବା ପୋଲିସ ସନ୍ଦେହ କରୁଛି ।

ଗତ ୧ ତାରିଖରେ ରୂପେଶ ମହିଳା ବେଶରେ ଆହତ ଯୁବତୀଙ୍କ ଘରେ ପଶିଥିଲେ । ଏହାପରେ ଏକ ଛୁରୀରେ ଉଭୟ ଯୁବତୀ ଓ ତାଙ୍କ ମାଆଙ୍କୁ ଆକ୍ରମଣ କରିଥିଲେ । ଧସ୍ତାଧସ୍ତିରେ ସେ ମଧ୍ୟ ଆହତ ହୋଇଥିଲେ ।

କଳିଙ୍ଗନଗର ଡବଲ ମର୍ଡର: ସେୟାର ବଜାରରେ କ୍ଷତି ହତ୍ୟାର କାରଣ କି ?

ଭୁବନେଶ୍ୱର: କଳିଙ୍ଗନଗର ଡବଲ ମର୍ଡର ଗୁମର ଯେତେ ଖୋଲୁଛି, ସଇତାନ ସ୍ୱାମୀ ଅବନ୍ତି ବିଜୟା ମଙ୍ଗାରଜଙ୍କ କାରନାମା ସେତେ ସେତେ ପଦାକୁ ଆସିବାରେ ଲାଗିଛି । ହତ୍ୟା ପଛର ସତ କହିଛନ୍ତି ଅବନ୍ତିଙ୍କ ଶଳା ସୁମନ୍ତ ପ୍ରଧାନ । ହତ୍ୟା ପଛର କାରଣ ସେୟାର ବଜାର କାରବାରରେ କ୍ଷତି ବୋଲି କହିଛନ୍ତି ସୁମନ୍ତ । ସେ ଆହୁରି କହିଛନ୍ତି. ‘ଦେଢ଼ ବର୍ଷ ତଳେ ୩ ଲକ୍ଷ ଟଙ୍କା ନେଇ ସେୟାର ମାକେର୍ଟରେ ଲଗାଇଥିଲେ । ଅନ୍ୟମାନଙ୍କଠାରୁ ମଧ୍ୟ ଟଙ୍କା ଧାର ନେଇଥିଲେ । ଫନି ବାତ୍ୟା ସମୟରେ ୮୦ ହଜାର ଟଙ୍କା ଡ଼ାଉନ ହୋଇଥିଲା ।’

ସୁମନ୍ତ ଆଗକୁ ଆହୁରି କହିଛନ୍ତି, ‘ସେୟାର ମାର୍କେଟରେ ଟଙ୍କା ଲଗାଇବାକୁ ମନା କରିଥିଲି । ହେଲେ ସେ ମାନି ନଥିଲେ । ଦୁଇଟି ମୋଡ଼ରେ ୨୫ ଓ ୫ ହଜାର ଟଙ୍କା ପଠାଇଥିଲେ । ଭଉଣୀ ଓ ଭଣଜାକୁ ହତ୍ୟା କରିବା ପରେ ମେସେଜ କରି ସୂଚନା ଦେଇଥିଲେ ।’

୨୦୧୦ ମସିହାରେ ଉଭୟଙ୍କ ବାହାଘର ହୋଇଥିଲା । ସ୍ୱାମୀ ସ୍ତ୍ରୀଙ୍କ ମଧ୍ୟରେ ଭଲ ସମ୍ପର୍କ ଥିଲା । ସେୟାର ବଜାରରେ କ୍ଷତି ହିଁ ହତ୍ୟା ପଛର କାରଣ ହୋଇଥାଇ ପରେ ବୋଲି କହିଛନ୍ତି ସୁମନ୍ତ ।

ଭୁବନେଶ୍ୱର କଳିଙ୍ଗନଗର କେ-୪ ପ୍ଲଟ୍ ନମ୍ବର ୩୩୪ । ଏହିଠି ଶୋଇଥିବା ପତ୍ନୀ ଓ ଛୋଟ ପୁଅର ତଣ୍ଟି ଚିପି ସବୁଦିନ ପାଇଁ ଶେଷ କରିଦେଲା ସଇତାନ ସ୍ୱାମୀ । ସ୍ତ୍ରୀକୁ ମାରିବା ବେଳେ ହୃଦୟ ତରଳି ନଥିଲା କି ପୁଅର ଗଳା ଚିପିବା ବେଳେ ହାତ ଥରି ନଥିଲା । ସତେ ଯେମିତି ରାକ୍ଷସ ପାଲଟି ଯାଇଥିଲେ ଅବନ୍ତି ।

ତେବେ ହଠାତ କିଛି ଘଟାଇ ନଥିଲା । ହତ୍ୟାର ପୂରା ପ୍ଲାନ୍ ୩ ଦିନ ଆଗରୁ କରିଥିଲେ ଅବନ୍ତି । ଘଟଣା ଦିନ ପତ୍ନୀ ସ୍ୱର୍ଣ୍ଣଲତା ଓ ପୁଅର ଖାଇବାରେ କିଛି ଔଷଧ ମିଶାଇ ଥିଲେ । ଖାଇବା ପରେ ସେମାନେ ନିଘୋଡ଼ ଦିନରେ ଶୋଇ ଯାଇଥିଲେ । ଏହାପରେ ସଇତାନ ସ୍ୱାମୀ ସ୍ୱର୍ଣ୍ଣଲତାଙ୍କ ଓଢ଼ଣୀରେ ସେମାନଙ୍କ ତଣ୍ଟି ଚିପି ହତ୍ୟା କରିଥିଲେ ।

ହତ୍ୟା କରିବା ପରେ ଆତ୍ମହତ୍ୟା କରିବାକୁ ଯୋଜନାରେ ଥିଲେ । ଏଥିପାଇଁ ଚେଷ୍ଟା ବି କରିଥିଲେ । ହେଲେ ସଫଳ ନହେବାରୁ ଫେରାର ହୋଇଯାଇଥିଲେ । ଆଉ ହତ୍ୟା ସମ୍ପର୍କରେ ସୁମନ୍ତଙ୍କୁ ମେସେଜ କରି ସୂଚନା ଦେଇଥିଲେ ।

ଖବର ପାଇ ଘଟଣାସ୍ଥଳରେ ତମାଣ୍ଡୋ ପୋଲିସ ଓ ଭୁବନେଶ୍ୱର ଡିସିପି ପହଞ୍ଚି ତଦନ୍ତ କରିବା ସହ ଶବ ବ୍ୟବଚ୍ଛେଦ ପାଇଁ ପଠାଇଛନ୍ତି । ଅବନ୍ତିଙ୍କୁ ଗିରଫ କରି ତମାଣ୍ଡୋ ଥାନାରେ ଅଧିକ ପଚରାଉଚରା କରୁଛି ପୋଲିସ ।

ଖୋର୍ଦ୍ଧା ରାଇପୁରର ଅବନ୍ତି, ଏୟାରଫିଲ୍ଡ ଥାନା ଅଧୀନ ଓରକଲ ଗାଁର ୨୦୧୦ରେ ସ୍ୱର୍ଣ୍ଣଲତାଙ୍କୁ କରିଥିଲେ ବିବାହ । ତାଙ୍କର ଏକ ୧୦ ବର୍ଷର ପୁଅ ଥିଲା । ଘର ସଂସାର ଠିକାଠାକ ଚାଲୁଥିବା ବେଳେ ଏଭଳି ନିଷ୍ପତ୍ତି ନେବାର କାରଣ କ’ଣ ? ପ୍ରକୃତରେ ସେୟାର ବଜାରରେ କ୍ଷତି ହତ୍ୟାର କାରଣ କି ? ନା ହତ୍ୟା ପଛରେ ରହିଛି ଆଉ କିଛି କାରଣ, ଅଧିକ ତଦନ୍ତ ପରେ ଜଣା ପଡିବ ।

ଶ୍ରୀନଗରରୁ ସାରଜାକୁ ଉଡାଣ ପାଇଁ ରାସ୍ତା ଦେଲାନି ପାକିସ୍ତାନ

ନୂଆଦିଲ୍ଲୀ: ଭାରତ ବିରୋଧରେ ପାକିସ୍ତାନର ହୀନ ଚକ୍ରାନ୍ତ। ଶ୍ରୀନଗରରୁ ସାରଜାକୁ ବିମାନ ଉଡିବା ଲାଗି ନିଜ ଦେଶର ଆକାଶ ସୀମାକୁ ଅନୁମତି ଦେବନି ପାକିସ୍ତାନ । ପାକିସ୍ତାନର ଏହି ପଦକ୍ଷେପ ଯୋଗୁ କ୍ଷତିଗ୍ରସ୍ତ ହେବେ ଜାମ୍ମୁ ଓ କାଶ୍ମୀରବାସୀ।

ପାକିସ୍ତାନର ଏହି ପଦକ୍ଷେପ ଯୋଗୁ ଏଣିକି ଶ୍ରୀନଗରରୁ ଉଡିବାକୁ ଥିବା ବିମାନ ଉଦୟପୁର, ଅହମ୍ମଦାବାଦ ଓ ଓମାନ ଦେଇ ସାରଜା ଯିବ । ଫଳରେ ଯାତ୍ରୀଙ୍କୁ ଅଧିକ ଏକ ଘଣ୍ଟା ସମୟ ଲାଗିବ ଏବଂ ଅଧିକ ଖର୍ଚ୍ଚାନ୍ତ ହେବାକୁ ପଡିବ । ପାକିସ୍ତାନର ଏହି ନିଷ୍ପତ୍ତିକୁ ସମାଲୋଚନା କରିଛନ୍ତି ଜାମ୍ମୁ ଓ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ।

ତେବେ ଗତ ୨୩ ତାରିଖରେ ଶ୍ରୀନଗର-ସାରଜା ବିମାନ ସେବାର ଉଦଘାଟନ ହୋଇଥିବା ବେଳେ ପାକିସ୍ତାନର ଏହି ଘୋଷଣା ଭାରତ ଲାଗି ଚିନ୍ତାର କାରଣ ହୋଇଛି ।