spot_img
Home Blog Page 5153

ଡବଲ ମର୍ଡର ପଛର ସାଂଘାତିକ ସତ: ସେୟାର ବଜାରରେ କ୍ଷତି ଯୋଗୁଁ ବଂଶ ସଫା କରିଦେଲେ ସୈତାନ ସ୍ୱାମୀ

ଭୁବନେଶ୍ୱର: କଳିଙ୍ଗନଗର ଡବଲ ମର୍ଡରର ପର୍ଦ୍ଦାଫାସ । ସେୟାର ବଜାର କାରବାରରେ କ୍ଷତି ଯୋଗୁଁ ପରିବାରକୁ ସଫା କରିବାରକୁ ସ୍ୱାମୀ କରିଥିଲା ପ୍ଲାନ । ପତ୍ନୀ ଓ ପୁଅକୁ ମାରି ନିଜେ ମରିବାକୁ କରିଥିଲା ଯୋଜନା । ପତ୍ନୀ ଓ ପୁଅକୁ ଶେଷ କରିଦେଲା ପରେ ନିଜକୁ ମାରିବାକୁ ଚେଷ୍ଟା ବି କରିଥିଲା ହେଲେ ସଫଳ ହୋଇନଥିଲା । ଭଣଜାକୁ ମେସେଜ କରି ହତ୍ୟା ସମ୍ପର୍କରେ କହିଥିଲା । ସେପଟେ ଘଟଣାର ତଦନ୍ତ କରି ଅଭିଯୁକ୍ତ ସ୍ୱାମୀ ଅବନ୍ତି ମଙ୍ଗରାଜକୁ ଗିରଫ କରିବା ସହ ଶବ ବ୍ୟବଚ୍ଛେଦ ପାଇଁ ପଠାଇଛି ତମାଣ୍ଡୋ ଥାନା ପୋଲିସ ।

ବଂଶ ବୁଡ଼ାଇଦେଲା ସଇତାନ ସ୍ୱାମୀ । ସ୍ତ୍ରୀ ଓ ପୁଅର ତଣ୍ଟି ଚିପିଦେଲା । ହତ୍ୟା ପରେ ଭଣଜାକୁ କଲା ମେସେଜ । ସେୟାର ମାର୍କେଟରେ କ୍ଷତି ଯୋଗୁଁ ସଫା କରିଦେଲା ପରିବାର । ଭୁବନେଶ୍ୱର କଳିଙ୍ଗନଗର କେ-୪ ପ୍ଳଟ ନମ୍ବର ୩୩୪ ଡବଲ ମର୍ଡରର ରହସ୍ୟ ଖୋଲିଛି ପୋଲିସ । ସେୟାରବଜାର କାରାବାର କ୍ଷତି ଯୋଗୁଁ ଆର୍ଥିକ ସମସ୍ୟାରେ ଥିଲା ହତ୍ୟାକାରୀ ସ୍ୱାମୀ ଅବନ୍ତି ବିଜୟା ମଙ୍ଗାରଜ । ଦୁଶ୍ଚିନ୍ତାରୁ ପରେ ନେଇଥିଲା ଚରମ ନିଷ୍ପତ୍ତି । ପରିବାରକୁ ମାରି ନିଜେ ମରିବାକୁ କରିଥିଲା ଯୋଜନା । ରାତିରେ ସ୍ତ୍ରୀ ସ୍ୱର୍ଣ୍ଣଲତା ଓ ପୁଅର ଖାଦ୍ୟରେ ମିଶାଇଥିଲା ଟାବଲେଟ୍ । ଅପରାହ୍ନ ୩ଟାରେ ଶୋଇଥିବା ଅବସ୍ଥାରେ ପତ୍ନୀ ଓ ପୁଅକୁ କରିଥିଲା ହତ୍ୟା । ପରେ ନିଜକୁ କ୍ଷତି ପହଞ୍ଚାଇବାକୁ ଉଦ୍ୟମ କରିଥିଲେ ହେଁ ସଫଳ ହୋଇନପାରି ମାରିଥିଲା ଫେରାର । ଆଉ ଭଣଜାକୁ ମେସେଜ କରି କହିଥିଲା ହତ୍ୟାକାଣ୍ଡର ସତ ।

ଘଟଣାସ୍ଥଳରେ ତମାଣ୍ଡୋ ପୋଲିସ ଓ ଭୁବନେଶ୍ବର ଡିସିପି ପହଞ୍ଚି ତଦନ୍ତ କରିବା ସହ ଶବ ବ୍ୟବଚ୍ଛେଦ ପାଇଁ ପଠାଇଛି ପୋଲିସ । ସେପଟେ ହତ୍ୟାକାରୀ ସ୍ବାମୀକୁ ଅବନ୍ତିଙ୍କୁ ଗିରଫ କରି ଅଧିକ ପଚରାଉଚରା କରୁଛି ତମାଣ୍ଡୋ ଥାନା ପୋଲିସ । ଖୋର୍ଦ୍ଧା ରାଇପୁରର ଅବନ୍ତି, ଏୟାରଫିଲ୍ଡ ଥାନା ଅଧିନ ଓରକଲ ଗାଁର ସ୍ୱର୍ଣ୍ଣଲତାଙ୍କୁ କରିଥିଲେ ବିବାହ । ତାଙ୍କର ଏକ ଦଶ ବର୍ଷର ପୁଅ ଥିଲା । ଘର ସଂସାର ଠିକାଠାକ ଚାଲୁଥିବା ବେଳେ ଏଭଳି ନିଷ୍ପତ୍ତି ନେବାର କାରଣ କଣ ? ସେୟାର ବଜାରରେ କ୍ଷତି ନାଁ ଅନ୍ୟ ବିବାଦ ପାଇଁ କରିଥିଲେ ହତ୍ୟା ? ଅଧିକ ତଦନ୍ତ ପରେ ଜଣାପଡିବ ସତ୍ୟାସତ୍ୟ ।

ଟି-୨୦ ବିଶ୍ୱକପ୍‌ରେ ମୁହାଁମୁହିଁ ହେବେ ଭାରତ-ଆଫଗାନିସ୍ତାନ: ସେମିଫାଇନାଲ ପାଇଁ ଶେଷ ଆଶା

ଦୁବାଇ: ଆଜି ଟି-୨୦ ବିଶ୍ୱକପ୍‌ରେ ମୁହାଁମୁହିଁ ହେବେ ଭାରତ ଓ ଆଫଗାନିସ୍ତାନ । ସନ୍ଧ୍ୟା ୭ଟାରେ ଆବୁଧାବିରେ ମୁହାଁମୁହିଁ ହେବେ ଉଭୟ ଟିମ୍ । ଭାରତ ପ୍ରଥମ ଦୁଇଟି ମ୍ୟାଚ୍ ହାରି ବ୍ୟାକଫୁଟରେ ଥିବା ବେଳେ ଆଜିର ମ୍ୟାଚ୍ ଜିତିବାକୁ ଉଦ୍ୟମ କରିବ । ଉଭୟ ବ୍ୟାଟିଂ ଓ ବୋଲିଂରେ ଖରାପ ପ୍ରଦର୍ଶନ ଦଳ ପାଇଁ ଚିନ୍ତାର କାରଣ ହୋଇଛି । ଓପନର୍ ଯୋଡି ଫେଲ୍ ମାରୁଥିବା ବେଳେ ମିଡିଲ୍ ଅର୍ଡରର ପ୍ରଦର୍ଶନ ନୈରାଶ୍ୟଜନକ ରହିଛି । ଲୋକେଶ ରାହୁଲ, ବିରାଟ କୋହଲି, ରୋହିତ ଶର୍ମାଙ୍କ ଉପରେ ନିର୍ଭର କରିବ ଦଳ । ସେପଟେ ଯୁବ ଓ ଅଭିଜ୍ଞ ଖେଳାଳିଙ୍କୁ ନେଇ ମୈଦାନକୁ ଓହ୍ଲାଇବ ଟିମ୍ ଆଫଗାନିସ୍ତାନ । ଭାରତ ଦୁଇଟି ମ୍ୟାଚ୍ ଲଗାତାର ହାରିଥିବା ବେଳେ ଆଫଗାନିସ୍ତାନ ତିନିଟି ମ୍ୟାଚ୍ ଖେଳି ଦୁଇଟିରେ ବିଜୟ ହାସଲ କରିଛି ।

ଅନ୍ୟପକ୍ଷରେ ଆଫ୍‌ଗାନିସ୍ତାନ ଦୁଇଟି ବୃହତ୍ ବିଜୟ ହାସଲ କରି ୪ ପଏଣ୍ଟ ହାସଲ କରିପାରିଛି ।  ଦଳର ନେଟ୍ ରନ୍ ରେଟ୍ ଗ୍ରୁପ୍-୨ରେ ସବୁଠୁ ଭଲ ରହିଛି । ଆଉ ଗୋଟିଏ ବିଜୟ ହାସଲ କଲେ ଆଫ୍‌ଗାନିସ୍ତାନ ମଧ୍ୟ ସେମିଫାଇନାଲ୍ ଯିବାର ସମ୍ଭାବନା ରହିଛି। ଅନ୍ୟପକ୍ଷରେ ଟି-୨୦ ବିଶ୍ୱକପ୍ ପୂର୍ବରୁ ପ୍ରମୁଖ ଦାବିଦାର ଥିବା ଭାରତ ଏପର୍ଯ୍ୟନ୍ତ ବିଜୟ ଖାତା‌ ଖୋଲି ପାରିନଥିଲା ବେଳେ ୬ ଦଳୀୟ ଗ୍ରୁପ୍‌ର ପଞ୍ଚମ ସ୍ଥାନରେ ରହିଛି। ତା’ ଛଡ଼ା ପାକିସ୍ତାନ ଓ ନ୍ୟୁଜିଲାଣ୍ଡ ବିପକ୍ଷରେ ସମ୍ପୂର୍ଣ୍ଣ ଆତ୍ମସମର୍ପଣ କରିବା ପରେ ଭାରତୀୟ ଖେଳାଳିମାନେ ପ୍ରଶଂସକଙ୍କ ରୋଷର ଶିକାର ହୋଇଛନ୍ତି।

ଆଫ୍‌ଗାନିସ୍ତାନ ଦଳରେ ମହମ୍ମଦ ନବି ଏବଂ ରସିଦ ଖାନଙ୍କ ଭଳି ଖେଳାଳି ଅଛନ୍ତି। ଏମାନେ ନିଶ୍ଚିତ ଭାବେ ଭାରତୀୟ ଖେଳାଳିଙ୍କ ଦୋହଲି ଯାଇଥିବା ମନୋବଳର ଫାଇଦା ନେବାକୁ ‌ଚେଷ୍ଟା କରିବେ।  ଅଧିନାୟକ କୋହଲି ସମ୍ଭବତଃ ନିଜ ଟି-୨୦ ନେତୃତ୍ୱ ଜୀବନର ଶେଷ ୩ ମ୍ୟାଚ୍ ଖେଳିବା ବାକି ରହିଛି। ପୁଣି ରବିଚନ୍ଦ୍ରନ୍‌ ଅଶ୍ୱିନିଙ୍କ ଦଳରେ ନେବା ଏବଂ ତାଙ୍କୁ ମ୍ୟାଚ୍‌ ନ ଖେଳାଇବା ନେଇ ବିବାଦ ଦେଖା ଦେଇଛି। ସେହିଭଳି ନ୍ୟୁଜିଲାଣ୍ଡ ବିପକ୍ଷରେ ରୋହିତ ଶର୍ମାଙ୍କ ବ୍ୟାଟିଂ ସ୍ଥାନ ବଦଳାଇବାକୁ ନେଇ କୋହଲି ପୂର୍ବତନ ଭାରତୀୟ କ୍ରିକେଟରଙ୍କଠାରୁ କଡ଼ା ସମାଲୋଚନାର ସମ୍ମୁଖୀନ ହୋଇଛନ୍ତି । ତେବେ ବର୍ତ୍ତମାନର ପରିସ୍ଥିତିକୁ ପ୍ରଶଂସକ ୨୦୦୭ ବିଶ୍ୱକପର ପରିସ୍ଥିତି ସହ ମଧ୍ୟ ତୁଳନା କଲେଣି ।

ଏଥିସହିତ ପଢ଼ନ୍ତୁ: ନ୍ୟୁଜିଲ୍ୟାଣ୍ଡ ବିପକ୍ଷ ଟି-୨୦ ସିରିଜ୍‌ରେ ଅଧିନାୟକତ୍ୱ କରିବେ କେଏଲ୍ ରାହୁଲ

ସାରା ରାଜ୍ୟରେ ଜାରି ରହିଛି କୋହଲା ପାଗ: ପହିଲି ଶୀତର ମଜା ନେଉଛନ୍ତି ଲୋକେ

0

ଭୁବନେଶ୍ୱର: ସାରା ରାଜ୍ୟରେ ଜାରି ରହିଛି କୋହଲା ପାଗ । ତାପମାତ୍ରା କମିବା ସହିତ ଅନୁଭୂତ ହେଲାଣି ଶୀତ । ଉପାନ୍ତରୁ ଉପକୂଳ ସବୁଠି ଆକାଶ ମେଘୁଆ ରହିବା ସହିତ ଉତ୍ତରା ପବନ ବହୁଛି । ସମୁଦ୍ରରୁ ସ୍ଥଳଭାଗ ଆଡ଼କୁ ପବନ ବହୁଥିବାରୁ ରାଜ୍ୟରେ ଶୀତ ପଡ଼ିବା ଆରମ୍ଭ ହେଲାଣି । ଅଧିକାଂଶ ଜିଲ୍ଲାରେ ତାପମାତ୍ରା ମଧ୍ୟ କମୁଛି । ବିଭିନ୍ନ ଅଞ୍ଚଳରେ ପହିଲି ଶୀତର ମଜା ନେଉଛନ୍ତି ଲୋକେ । ଚା’ ଦୋକାନରେ ଭିଡ଼ ଜମିବା ସହିତ ପଡିଆରେ ବ୍ୟାୟାମ ପାଇଁ ଗହଳି ଜମୁଛି । ସେପଟେ ପଶ୍ଚିମ ବଙ୍ଗେପସାଗର ଓ ଏହାର ଆଖପାଖ ଅଞ୍ଚଳରେ ଏକ ଟ୍ରପଲାଇନ୍ ସୃଷ୍ଟି ହୋଇଛି । ଏହାର ପ୍ରଭାବରେ ରାଜ୍ୟର ବିଭିନ୍ନ ଅଞ୍ଚଳରେ ପାଗ ମେଘୁଆ ରହିବା ସହିତ କେତେକ ସ୍ଥାନରେ ବର୍ଷା ହେବାର ସମ୍ଭାବନା ରହିଛି ।

ମାଲକାନଗିରି, କୋରାପୁଟ, ରାୟଗଡ଼ା, ନବରଙ୍ଗପୁର, କଳାହାଣ୍ଡି, କନ୍ଧମାଳ, ଗଜପତି ଓ ଗଞ୍ଜାମରେ କେତେକ ସ୍ଥାନରେ ବର୍ଷା ହେବାର ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ମାଲକାନଗିରି ଓ କୋରାପୁଟର କେତେକ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ଏଥିପାଇଁ ଏହି ଦୁଇ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ସେହିପରି ଜଗତସିଂହପୁର, କଟକ, ଢେଙ୍କାନାଳ, ଯାଜପୁରରେ ପାଗ ମେଘୁଆ ରହିବା ସହିତ ସ୍ଥାନେସ୍ଥାନେ ବର୍ଷା ହେବ ।

ରାମଚନ୍ଦ୍ରଙ୍କ ଦୁର୍ନୀତିର ସାରଥି ସାଜିଥିଲେ ସାନ ଭାଇ ଲକ୍ଷ୍ମଣ

ଭୁବନେଶ୍ୱର: ଶେଷରେ ବନ୍ଧାହେଲେ ରାମ-ଲକ୍ଷ୍ମଣ । ଦୁର୍ନୀତି ଓ ଜାଲିଆତି ଅଭିଯୋଗରେ ନିମାପଡ଼ା ତହସିଲଦାର ରାମଚନ୍ଦ୍ର ଜେନା ଓ ଭାଇ ଲକ୍ଷ୍ମଣ ଜେନାଙ୍କୁ  ଗିରଫ କରିଛି ଭିଜିଲାନ୍ସ । ରାମଚନ୍ଦ୍ରଙ୍କ ଦୁର୍ନୀତି ସାମ୍ରାଜ୍ୟର ପ୍ରମୁଖ ସହଯୋଗୀ ଥିଲେ ଭାଇ ଲକ୍ଷ୍ମଣ । ଗତ ସେପ୍ଟେମ୍ବର ମାସରେ ଲକ୍ଷ୍ମଣଙ୍କୁ ନିମାପଡ଼ା ଡାକି ୩ ଥରରେ ୧୦ ଲକ୍ଷ ଟଙ୍କା ଦେଇଥିଲେ ରାମଚନ୍ଦ୍ର । ଯାହାକୁ ସେ କିସ୍ତିରେ ନିଜ ଆଇସିଆଇସିଆଇ ଆକାଉଣ୍ଟରେ ଡିପୋଜିଟ୍ କରିଥିଲେ ।

ଗତକାଲି ପୁଣି ସେ ତାଙ୍କ ଭାଇଙ୍କୁ ସାଢେ ୪ ଲକ୍ଷ ଟଙ୍କା ଦେବାକୁ ଡାକିଥିଲେ । ଖବର ପାଇ ଭିଜିଲାନ୍ସ ଟିମ୍ ଚଢ଼ାଉ କରି ଟଙ୍କା ସହ ଉଭୟଙ୍କୁ ଗିରଫ କରିଛି । ତେବେ ଚଢ଼ାଉ ବେଳେ ରାମଚନ୍ଦ୍ରଙ୍କ ଜାଲିଆତି ଦେଖି ତାଜୁବ୍ ହୋଇ ଯାଇଥିଲା ଭିଜିଲାନ୍ସ ଓ ଆୟକର ବିଭାଗ । ତାଙ୍କ ଭିନ୍ନ ଭିନ୍ନ ନମ୍ବରର ୫ଟି ପାନ୍ କାର୍ଡ ମିଳିଥିବା ବେଳେ ତିନିଟି କାର୍ଡରେ ବାପାଙ୍କ ନାଁ ଅଲଗା ଅଲଗା ଥିଲା । ଏଥିସହ ରାମଚନ୍ଦ୍ର ଜେନାଙ୍କ ଘର ସମେତ ୪ଟି ସ୍ଥାନରେ ରେଡ୍ ମାରିଥିଲା ଟିମ୍ ।

ଏଥିସହ ପଢ଼ନ୍ତୁ: ଲାଞ୍ଚ ଖାଇବା ପାଇଁ ତହସିଲଦାରଙ୍କ ମାଷ୍ଟର ପ୍ଲାନ, ୫ ପାନ କାର୍ଡ ଜରିଆରେ କଳା ଟଙ୍କା ହେଉଥିଲା ଧଳା

ରାମଚନ୍ଦ୍ରଙ୍କ ନିମାପଡ଼ା ସରକାରୀ ବାସଭବନ, କଟକ ସିଡିଏ ୧୧ ସ୍ଥିତ ଘର ଏବଂ ପୈତୃକ ଘର କେନ୍ଦ୍ରାପଡା ଜିଲ୍ଲା ଗରଦପୁର ବ୍ଲକ୍‌ ଧାନମଣ୍ଡଳରେ ଏକକାଳୀନ ରେଡ୍ କରି ସାଢେ ୪ ଲକ୍ଷ ଟଙ୍କା ଜବତ କରିଥିଲା ଟିମ୍ । ରାମଚନ୍ଦ୍ରଙ୍କ ଭାଇ ୨୦୦୨ରେ ଟ୍ରକ୍ ହେଲପର ଭାବେ କାର୍ଯ୍ୟ କରୁଥିବା ବେଳେ ପରେ ଟ୍ରକ୍ ଓ ଟ୍ୟାକ୍ସି ଚଳାଉଥିଲେ । ୨୦୧୮ରୁ ୧୯ ଯାଏଁ ସେ ମୋ ବସ୍ ଡ୍ରାଇଭର ଭାବେ କାର୍ଯ୍ୟ କରୁଥିବା ତଦନ୍ତ ବେଳେ ଜାଣିବାକୁ ପାଇଛି ଭିଜିଲାନ୍ସ । ଚଢ଼ାଉରେ  ଜଣେ ଅତିରିକ୍ତ ଏସପି, ୭ଜଣ ଡିଏସପି ଓ ଅନ୍ୟ କର୍ମଚାରୀ ସାମିଲ ହୋଇଥିଲେ ।

ଖେଳରତ୍ନ ପାଇବେ ପ୍ରମୋଦ ଭଗତ

ଭୁବନେଶ୍ବର: ମେଜର ଧ୍ୟାନଚାନ୍ଦ ଖେଳରତ୍ନ ପାଇବେ ପାରାଅଲମ୍ପିକ୍ସ ଗୋଲ୍ଡ ମେଡାଲିଷ୍ଟ ତଥା ଓଡ଼ିଆ ପୁଅ ପ୍ରମୋଦ ଭଗତ । ପ୍ରମୋଦଙ୍କ ସହ ମୋଟ ୧୨ ଜଣ କ୍ରୀଡାବିତଙ୍କୁ ଚଳିତ ବର୍ଷ ଖେଳରତ୍ନ ପୁରସ୍କାରରେ ସମ୍ମାନିତ କରାଯିବ । ଏନେଇ କେନ୍ଦ୍ର କ୍ରୀଡା ମନ୍ତ୍ରଣାଳୟ ପକ୍ଷରୁ ସ୍ପଷ୍ଟ କରାଯାଇଛି  । ପ୍ରମୋଦଙ୍କୁ ଖେଳରତ୍ନ ପାଇଁ ଗତ ବୁଧବାର କମିଟି ସୁପାରିଶ କରିଥିଲା । ଖେଳରତ୍ନ ପାଇବାରେ ପ୍ରମୋଦ ହେଉଛନ୍ତି ପ୍ରଥମ ଓଡ଼ିଆ । ପ୍ରମୋଦଙ୍କ ସହ ମୋଟ ୧୨ ଜଣଙ୍କୁ ଏହି ସମ୍ମାନ ଜନକ ଖେଳରତ୍ନ ଦିଆଯିବ । ଏହା ପୂର୍ବରୁ କୌଣସି ଓଡିଆ ଖେଳରତ୍ନ ପୁରସ୍କାର ପାଇନଥିଲେ । ଖେଳରତ୍ନ ପୁରସ୍କାର ପାଇବା ପରେ ପ୍ରମୋଦ କହିଛନ୍ତି କି ଆଜି ମୋ ପାଇଁ ଏକ ଖୁସିର ଦିନ, ମୋତେ ଆସନ୍ତା ୧୩ ତାରିଖରେ ଖେଳରତ୍ନ ପୁରସ୍କାର ମିଳିବ। ଏଥିପାଇଁ ମୁଁ ବହୁତ ଉତ୍ସାହିତ । ପ୍ରଥମ ଓଡ଼ିଆ ଭାବେ ମୋତେ ଏହି ପୁରସ୍କାର ମିଳିବାକୁ ଯାଉଥିବାରୁ ମୁଁ ନିଜକ ଗର୍ବିତ ଅନୁଭବ କରୁଛି । ଏହି ପୁରସ୍କାର ପାଇଁ ରାଜ୍ୟ ସରକାର ଓ କେନ୍ଦ୍ରସରକାରଙ୍କୁ  ଧନ୍ୟବାଦ ଦେଉଛି ବୋଲି କହିଛନ୍ତି ପ୍ରମୋଦ ଭଗତ।

ପ୍ରମୋଦଙ୍କ ବ୍ୟତୀତ ଖେଳରତ୍ନ ପାଉଥିବା କ୍ରୀଡାବିତମାନେ ହେଲେ ଟୋକିଓ ଅଲମ୍ପିକ୍ସରେ ସ୍ବର୍ଣ୍ଣ ପଦକ ବିଜେତା ନୀରଜ ଚେପ୍ରା, ରେସଲର୍ ରବି ଦାହିୟା, ଭାରତୀୟ ହକି ଦଳର ଗୋଲକିପର ପିଆର୍ ଶ୍ରୀଜେଶ, ଭାରତୀୟ ପୁରୁଷ ହକି ଟିମ୍ କ୍ୟାପଟେନ୍ ମନପ୍ରୀତ ସିଂହ, ଅଲିମ୍ପିକ୍ସ ବ୍ରୋଞ୍ଜ ପଦକ ବିଜେତା ମହିଳା ବକ୍ସର ଲଭଲିନ୍ ବୋର୍ଗୋହେନ୍, ଭାରତୀୟ ଫୁଟବଲ ଦଳର ଅଧିନାୟକ ସୁନୀଲ ଛେତ୍ରୀ, ଭାରତୀୟ ମହିଳା କ୍ରିକେଟ ଦଳର ଅଧିନାୟକ ମିତାଲୀ ରାଜ, ଆଥଲେଟ୍ ସୁମିତ୍ ଅନ୍ତିଲ୍, ପାରା ଅଲମ୍ପିକ୍ସରେ ଗୋଲ୍ଡ ମେଡାଲ ଜିତିଥିବା ଶୁଟର୍ ଅବନୀ ଲେଖରା, ପାରା ବ୍ୟାଡମିଣ୍ଟନ୍ ଖେଳାଳି କ୍ରିଷ୍ଣା ନାଗର ଓ ପାରା ଶୁଟର୍ ମନୀଷ ନରଓ୍ବାଲ।

ମହାରାଷ୍ଟ୍ର ବାହାରେ ଶିବସେନାର ପ୍ରଥମ ବିଜୟ; ଜାଣନ୍ତୁ କେଉଁ ଲୋକସଭା ଆସନ ଜିତିଲା ଶିବସେନା

ମୁମ୍ବାଇ: ମୁମ୍ବାଇ ବାହାରେ ପ୍ରଥମ ଥର ନିର୍ବାଚନ ଜିତିଲା ଶିବସେନା । ଦାଦ୍ରା ନଗର ହବେଳୀ ଲୋକସଭା ଆସନରେ ବାଜି ମାରିଛି ଶିବସେନା । ଦାଦ୍ରା ନଗର ହବେଳୀରେ ହୋଇଥିବା ଉପନିର୍ବାଚନରେ ବାଜି ମାରିଛି ଶିବସେନା । ତେବେ ଏହି ବିଜୟ ଶିବସେନା ପାଇଁ ଏକ ଐତିହାସିକ ବିଜୟ । କାହିଁକି ନା ମହାରାଷ୍ଟ୍ର ବାହାରେ ପ୍ରଥମ ଥର ପାଇଁ କୌଣସି ନିର୍ବାଚନକୁ ନିଜ ନାମରେ କରିଛି ଶିବସେନା ।

ତେବେ ଏହି ବିଜୟ ପରେ ଶିବସେନାର ବରିଷ୍ଠ ନେତା ସଞ୍ଜୟ ରାଉତ ଏକ ବୟାନ ଦେଇଛନ୍ତି । ସେ କହିଛନ୍ତି କି ରାଷ୍ଟ୍ରୀୟ ରାଜନୀତିରେ ଏହା ହେଉଛି ଆମର ପ୍ରଥମ । ମହାରାଷ୍ଟ୍ର ବାହାରେ ଏହା ଶିବସେନା ପ୍ରଥମ ଥର ପାଇଁ ବିଜୟଲଭ କରିଛି । ୨୦୨୪ ଲୋକସଭା ନିର୍ବାଚନରେ ସ୍ଥିତି ଏପରି ନଥିବ । କେନ୍ଦ୍ରରେ ସରକାର କରିବାରେ ଆମେ ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିବୁ ବୋଲି କହିଛନ୍ତି ଶିବସେନାର ବରିଷ୍ଠ ନେତା ସଞ୍ଜୟ ରାଉତ । ଦାଦ୍ରା ନଗର ହାବେଳୀର ଏହି ଉପନିର୍ବାଚନରେ ସଞ୍ଜୟ ରାଉତ ବେଶ୍ ଖୁସି ଅଛନ୍ତି । ସେ କହିଛନ୍ତି ଦାଦ୍ରା ନଗର ହାବେଲୀର ଫଳାଫଳ କେବଳ ଆରମ୍ଭ । ଆଗାମୀ ସମୟରେ ଶିବସେନା ଡାମନ ଓ ଦକ୍ଷିଣ ଗୁଜୁରାଟରେ ବି ଆମେ ନିର୍ବାଚନ ଲଢ଼ିବୁ । ତେବେ ଆସନ୍ତା ବର୍ଷ ଉତ୍ତରପ୍ରଦେଶରେ ହେବାକୁ ଥିବା ବିଧାନସଭାରେ ବି ଶିବସେନା ନିର୍ବାଚନ ଲଢ଼ିବ ବୋଲି କହିଛନ୍ତି ସଞ୍ଜୟ ରାଉତ ।

ଦାଦ୍ରା ନଗର ହାବେଳୀ ଲୋକସଭା ସିଟରେ ଶିବସେନା କାଲାବେନ ଡେଲକରଙ୍କୁ ନିର୍ବାଚନ ପାଇଁ ମଇଦାନକୁ ଓହ୍ଲାଇଥଲେ । ତେବେ ଏହି ବିଜୟ ପରେ ଆଦିତ୍ୟ ଠାକରେ ଟୁଇଟ କରି କହିଛନ୍ତି କି କାଲାବେନଙ୍କ ଏହି ବିଜୟ ଦର୍ଶାଉଛି ଯେ ଏଠାରେ ବିକାଶର ଏକ ନୂତନ ଯୁଗ ଆରମ୍ଭ ହୋଇଛି । ଅନ୍ୟାୟ ଓ ଏକଛତ୍ରବାଦ ବିରୋଧ ଏହା ହେଉଛି ଲୋକମାନଙ୍କର ବିଜୟ । ଲୋକମାନଙ୍କ ବିଶ୍ବାସ ରହିଛି ଯେ ଶିବସେନା ଦିଲ୍ଲୀରେ ସାଧାରଣ ଲୋକଙ୍କ ହିତ ପାଇଁ ସ୍ବର ଉତ୍ତୋଳନ କରିପାରିବ ବୋଲି କହିଛନ୍ତି ଆଦିତ୍ୟ ଠାକରେ ।

କ୍ରିକେଟ ପଡ଼ିଆକୁ ପୁଣି ଫେରିବେ ଯୁବରାଜ ସିଂ

ନୂଆଦିଲ୍ଲୀ: ପୁଣି କ୍ରିକେଟ ପଡ଼ିଆକୁ ଫେରିବେ ଯୁବରାଜ ସିଂ । ପୁଣି ଦେଖିବାକୁ ମିଳିବ ଯୁବରାଜଙ୍କ ସେହି ଦମଦାର ଛକାର ଝଲକ । ୨୦୧୯ରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିବା ଯୁବରାଜ ସିଂ ପୁଣି ଥରେ କ୍ରିକେଟ ପଡ଼ିଆକୁ ଓହ୍ଲାଇବେ । ଏହି ସୂଚନା ଖୋଦ୍ ଯୁବରାଜ ସିଂ ଗତକାଲି ରାତିରେ ସୋସିଆଲ ମିଡିଆରେ ପୋଷ୍ଟ କରି କହିଛନ୍ତି । ସେ ଇନଷ୍ଟାଗ୍ରାମରେ ଏକ ଭିଡିଓ ପୋଷ୍ଟ କରିଥିଲେ । ସେ ଏହି ପୋଷ୍ଟରେ ଲେଖିଛନ୍ତି କି ମୁଁ  ୨୦୨୨ରେ ପୁଣି ଥରେ କ୍ରିକେଟ ମଇଦାନକୁ ଫେରିବି । ତେବେ ଯୁବରାଜଙ୍କ ଏହି ଭବିଷ୍ୟବାଣୀ କେତେ ସତ ହେଉଛି ତାହା ଆଗକୁ ଦେଖିବେ କ୍ରିକେଟପ୍ରେମୀ ।

 

View this post on Instagram

 

A post shared by Yuvraj Singh (@yuvisofficial)

ତେବେ ଯୁବରାଜ ଯେଉଁ ଭିଡିଓ ପୋଷ୍ଟ କରିଛନ୍ତି ତାହା ୨୦୧୭ରେ କଟକଠାରେ  ଇଂଲଣ୍ଡ ବିପକ୍ଷରେ ଖେଳିଥିବା ୧୫୦ ରନର  ପାଳି । ଏହି ୧୫୦ ରନର ଦମଦାର ଇନିଂସର କିଛି ଝଲକ ପୋଷ୍ଟ କରି ଏଥିରେ ସେ ‘ତେରି ମିଟି’ ଗୀତ ଏଡିଟିଂ କରିଥିଲେ । ସୋସିଆଲ ମିଡିଆରେ ସେ ଏହି ଭିଡିଓ ପୋଷ୍ଟ କରି ସେ ଲେଖିଛନ୍ତି କି ଯେ ଆପଣଙ୍କ ଲକ୍ଷ୍ୟସ୍ଥଳ ଭଗବାନ ସ୍ଥିର କରନ୍ତି । ଲୋକଙ୍କ ଭଲ ପାଇବା ପାଇଁ ମୁଁ ପୁଣି ଥରେ ୨୦୨୨ରେ ପଡ଼ିଆକୁ ଓହ୍ଲାଇବି । ଏହାଠାରୁ ବଡ଼ ଅନୁଭବ ମୋ ପାଇଁ ଆଉ କିଛି ନାହିଁ । ମୁଁ ଏଥିପାଇଁ ସମସ୍ତଙ୍କ ପାଖରେ କୃତଜ୍ଞ ବୋଲି ସୋସିଆଲ ମିଡିଆରେ ଲେଖିଛନ୍ତି ଯୁବରାଜ ସିଂ ।

ବିରାଟଙ୍କ ସପକ୍ଷରେ ବାହାରିଲେ ରାହୁଲ ଗାନ୍ଧୀ

ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ଅଧିନାୟକଙ୍କ ସପକ୍ଷରେ ବାହାରିଲେ କଂଗ୍ରେସ ନେତା ରାହୁଲ ଗାନ୍ଧୀ । ଚଳିତ ଟି-୨୦ ବିଶ୍ବକପରେ ନୈରାଶଜନକ ପ୍ରଦର୍ଶନ ଜାରି ରଖିଛି ଟିମ୍ ଇଣ୍ଡିଆ । ଟି-୨୦ ବିଶ୍ବକପର ପ୍ରଥମ ମ୍ୟାଚରେ ପାରମ୍ପାରିକ ପ୍ରତିଦ୍ବନ୍ଦୀ ପାକିସ୍ତାନଠାରୁ ଶୋଚନୀୟ ପରାଜୟ ପରେ ସମସ୍ତଙ୍କ ନଜର ଥିଲା ଦ୍ବିତୀୟ ମ୍ୟାଚ ଉପରେ । କାହିଁକି ନା ଭାରତକୁ ଚଳିତ ଟି-୨୦ ବିଶ୍ବକପରେ ସେମିଫାଇନାଲକୁ ଯିବା ପାଇଁ ଦ୍ବିତୀୟ ମ୍ୟାଚ ଜିତିବା ଅତ୍ୟନ୍ତ ଗୁରୁତ୍ବପୂର୍ଣ୍ଣ ଥିଲା । କିନ୍ତୁ ପ୍ରଥମ ମ୍ୟାଚରେ କରିଥିବା ଭୁଲକୁ ମଧ୍ୟ ଦ୍ବିତୀୟ ମ୍ୟାଚରେ ନ୍ୟୁଜିଲାଣ୍ଡ ବିପକ୍ଷରେ ଦୋହରାଇଥିଲେ । ଯାହା ଫଳରେ ଲଗାତର ଭାବରେ ଦୁଇଟି ମ୍ୟାଚରେ ପରାଜୟ ବରଣ କରିଛି ବିରାଟ ବାହୀନି । ତେବେ ଦ୍ବିତୀୟ ମ୍ୟାଚରେ ଶୋଚନୀୟ ପରାଜୟ ପରେ ଭାରତୀୟ ଦଳର ଅଧିନାୟକଙ୍କୁ ସୋସିଆଲ ମିଡିଆରେ ବାରମ୍ବାର କାଉଣ୍ଟର କରାଯାଉଛି । ଏମିତିକି ବିରାଟଙ୍କ ପରିବାରକୁ ମଧ୍ୟ ଧମକ ଦିଆଯାଉଛି । ତେବେ ଏସବୁ ଭିତରେ ବିରାଟ କୋହଲିଙ୍କ ସମର୍ଥନରେ ଆଗକୁ ଆସିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ରାହୁଲ ଗାନ୍ଧୀ ଟୁଇଟ କରି କହିଛନ୍ତି କି ଏ ସମସ୍ତ ଲୋକଙ୍କ ମନ ଘୃଣାରେ ପରିପୂର୍ଣ୍ଣ, ସେମାନଙ୍କୁ କେହି ଭଲ ପାଆନ୍ତି ନାହିଁ । ସେମାନଙ୍କୁ କ୍ଷମା କର ଏବଂ ଦଳକୁ ଏବେ ରକ୍ଷା କର ବୋଲି ଟୁଇଟ କରି କହିଛନ୍ତି  ରାହୁଲ ଗାନ୍ଧୀ ।

ଅନ୍ୟପଟେ ପାକିସ୍ତାନ ବିପକ୍ଷରେ ଭାରତର ଶୋଚନୀୟ ପରାଜୟ ପରେ ଭାରତୀୟ ଦ୍ରୁତ ବୋଲର ମହମ୍ମଦ ସାମିଙ୍କୁ ମଧ୍ୟ ସୋସିଆଲ ମିଡିଆରେ ଟାର୍ଗେଟ କରିଥିଲେ । ସେତେବେଳେ ମଧ୍ୟ ମହମ୍ମଦ ସାମିଙ୍କୁ ସପକ୍ଷରେ ଆଗକୁ ଆସିଥିଲେ ରାହୁଲ ଗାନ୍ଧୀ ।

ଲଗାତର କିଛି ଦିନ ହେବ ସୋସିଆଲ ମିଡିଆରେ ଆଲୋଚନାର ଶିକାର ହେଉଛନ୍ତି ବିରାଟ କୋହଲି । ବିଶ୍ବକପରେ ପରାଜୟ ଖାଲି ଏହାର କାରଣ ନୁହେଁ । କିଛି ଦିନ ପୂର୍ବରୁ ଦୀପାବଳିକୁ ନେଇ ଏକ ଭିଡିଓ ପୋଷ୍ଟ କରିଥିଲା ଯାହାକୁ ନେଇ ମଧ୍ୟ ବହୁ ସମାଲୋଚନାର ଶିକାର ହୋଇଥିଲେ ବିରାଟ କୋହଲି । ତେବେ ପାକିସ୍ତାନ ଓ ନ୍ୟୁଜିଲାଣ୍ଡଠାରୁ ପରାଜୟ ବରଣ କରିବା ପରେ ସମସ୍ତଙ୍କ ଟାର୍ଗେଟରେ ପୁଣି ଏବେ ଭାରତୀୟ ଦଳର ଅଧିନାୟକ ବିରାଟ କୋହଲି । ଖରାପ ଅଧିନାୟକତ୍ବ, ଦଳର ଖରାପ ପ୍ରଦର୍ଶନ ପରି ବିଭିନ୍ନ ପ୍ରକାର କାରଣ ପାଇଁ ସମାଲୋଚକମାନଙ୍କ ଟାର୍ଗେଟରେ ଅଛନ୍ତି ବିରାଟ । ଖାଲି ବିରାଟଙ୍କୁ ନୁହେଁ ତାଙ୍କ ୧୦ ମାସର ଝିଅଙ୍କୁ ନେଇ ମଧ୍ୟ ଆପତ୍ତିଜନକ ମନ୍ତବ୍ୟ ଦେବାକୁ ପଛାଇ ନାହନ୍ତି ସମାଲୋଚକ ।

ଏନଆରଇଜିଏସର ବକେୟା ଅର୍ଥ ପାଇଁ ମୁଖ୍ୟମନ୍ତ୍ରୀ ଚିଠି ଲେଖିବା ପରେ ରାଜ୍ୟ ରାଜନୀତି ସରଗରମ

ଭୁବନେଶ୍ୱର: ଟଙ୍କା ଦେଉନାହିଁ କେନ୍ଦ୍ର । ଏନଆରଇଜିଏସର ବକେୟା ଅର୍ଥ ଦେବାକୁ ପ୍ରଧାନମନ୍ତ୍ରୀଙ୍କୁ ମୁଖ୍ୟମନ୍ତ୍ରୀ ଚିଠି ଲେଖିବା ପରେ ରାଜ୍ୟ ରାଜନୀତି ସରଗରମ । ଆଗକୁ ନିର୍ବାଚନ ଥିବାରୁ ବିଜେଡି ପୁଣି କେନ୍ଦ୍ରୀୟ ଅବହେଳାର କାର୍ଡ ଖେଳିଲା ବୋଲି ବିଜେପି କହିଛି । ସେପଟେ କଂଗ୍ରେସର କହିବା କଥା- କେବଳ ଚିଠି ଲେଖି ନୁହେଁ, ଜୋରଦାର ବିରୋଧ ହେବା ଦରକାର । ସମୀକ୍ଷକଙ୍କ ମତ ଏ ପ୍ରସଙ୍ଗରେ ସବୁ ଦଳ ଏକାଠି ହେବା ଆବଶ୍ୟକ ।

 Politics Over CM Naveen Letter To PM Over Remaining Funds Allocation

କମୁଛି ଅନୁଦାନ କଟୁଛି ଯୋଜନା । ବଢ଼ି ବଢ଼ି ଚାଲିଛି ବକେୟା ଅର୍ଥ । ଠିକ୍ ସମୟରେ ବି ମିଳୁନି ଅନୁଦାନ । ଲଗାତାର ଭାବେ କେନ୍ଦ୍ର ସରକାର ଓଡ଼ିଶାକୁ ତାର ହକ୍ ପାତରଅନ୍ତର ନୀତିକୁ ବଳବତ୍ତର ରଖିଛି । କେନ୍ଦ୍ର ଏପରି ଅବହେଳାକୁ ନେଇ ଜୋରଦାର ହୋଇଛି ସ୍ୱର । ଏନଆରଇଜିଏସର ବଳକା ଅର୍ଥ ଦେବା ନେଇ ପୁଣି କେନ୍ଦ୍ର ପାଖରେ ଦାବି ଦୋହରାଇଛି ରାଜ୍ୟ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଧାନମନ୍ତ୍ରୀଙ୍କୁ ଚିଠି ଲେଖି ତୁରନ୍ତ ତାର ଏମଜିଏନଆରଇଏସ ପ୍ରାପ୍ୟ ଦେବା ପାଇଁ ଦାବି କରିଛି । ମୁଖ୍ୟମନ୍ତ୍ରୀଙ୍କ ଦାବି ପରେ ସରଗରମ ହୋଇଛି ରାଜ୍ୟ ରାଜନୀତି । କେନ୍ଦ୍ର ବିରୋଧରେ ଉଠିଛି ପ୍ରତିବାଦର ସ୍ୱର ।

 Politics Over CM Naveen Letter To PM Over Remaining Funds Allocation

ଏ ପ୍ରସଙ୍ଗରେ କଂଗ୍ରେସ କେନ୍ଦ୍ରକୁ ଟାର୍ଗେଟ୍ କରିବା ସହ ଓଡ଼ିଶା ପ୍ରତି କେନ୍ଦ୍ର ବିଜେପି ସରକାରର ଲମ୍ବା ଅବହେଳା ତାଲିକା ଦେଇଛି ଦଳ । ବିଭିନ୍ନ କ୍ଷେତ୍ରରେ ରାଜ୍ୟର ପ୍ରାପ୍ୟ କେନ୍ଦ୍ର ଉପରେ ବଢ଼ି ଚାଲିଥିବା ବେଳେ ଅନେକ କେନ୍ଦ୍ରୀୟ ସ୍କିମରେ ଅନେକ ପରିବର୍ତ୍ତନ କରି ରାଜ୍ୟକୁ ଶୋଷଣ କରି ଚାଲିଛି ବୋଲି ଦଳ ଅଭିଯୋଗ କରିଛି । ଏପରିକି ବିଭିନ୍ନ କେନ୍ଦ୍ରୀୟ ସ୍କିମୃରେ ପୂର୍ବରୁ ୯୦ ପ୍ରତିଶତ ୧୦ ପ୍ରତିଶତ ଅନୁପାତ ଥିବାବେଳେ ଏବେ ଏହାକୁ ୬୦:୪୦ କରି ଦିଆଯାଇଛି । ତେଣୁ କେନ୍ଦ୍ରର ଏ ଅବହେଳା ବିରୋଧରେ ଜୋରଦାର ଲଢ଼େଇ ହେବା ଦରକାର ବୋଲି କଂଗ୍ରେସ କହିଛି । ସେପଟେ ରାଜ୍ୟର ସ୍ୱାର୍ଥ ହାସଲ ପାଇଁ ବିଜେଡି ସବୁବେଳେ ଲଢ଼େଇ କରି ଆସିଛି ଓ କରିବ ବୋଲି ବିଜେଡି କହିଛି ।

 Politics Over CM Naveen Letter To PM Over Remaining Funds Allocation

ସେପଟେ ରାଜ୍ୟ ସ୍ୱାର୍ଥ ଭୁଲି ବିଜେପି କେନ୍ଦ୍ର ପାଇଁ ଓକିଲାତି କରିଛି । ଏପରିକି କେନ୍ଦ୍ର ଅନୁଦାନରେ ରାଜ୍ୟ ଚଳୁଥିବା ବିଜେପି ମୁଖପାତ୍ର କହିବାକୁ ପଛାଇ ନାହାଁନ୍ତି । ଯାହାକୁ ନେଇ ମୁହାଁମୁହିଁ ହୋଇଛନ୍ତି ବିଜେପି ଓ କଂଗ୍ରେସ । ସେପଟେ ରାଜନୀତି ସମୀକ୍ଷକ ମାନେ ଏ ପ୍ରସଙ୍ଗରେ ସବୁ ଦଳ ଏକ ହୋଇ ରାଜ୍ୟର ସ୍ୱାର୍ଥ ପାଇଁ ଲଢେଇ କରିବା ଦରକାର ବୋଲି କହିଛନ୍ତି । ରାଜ୍ୟ ସ୍ୱାର୍ଥ ପ୍ରସଙ୍ଗରେ ପାର୍ଟିକୁ ପଛ କରି ମାଟି ପାଇଁ ଲଢେଇ କରିବାକୁ ସମୀକ୍ଷକମାନେ କହିଛନ୍ତି ।

 Politics Over CM Naveen Letter To PM Over Remaining Funds Allocation

କୋଇଲା ସେସ୍ ବାବଦରେ ଗତ ୬ ବର୍ଷରେ ପାଖାପାଖି ୬୦ ହଜାର କୋଟି ଟଙ୍କା କେନ୍ଦ୍ର ଆଦାୟ କରିଥିବା ବେଳେ ରାଜ୍ୟ ସରକାର ଏଥିରେ ଓଡ଼ିଶାର ହକ୍ ୫୦ ପ୍ରତିଶତ ଦାବି କରିଛନ୍ତି । ଏନଆରଜିଏସରେ ୧୧ ହଜାର କୋଟି ଟଙ୍କା ଦେଉନାହିଁ କେନ୍ଦ୍ର । ସେହିପରି ପଞ୍ଚଦଶ ଅର୍ଥ କମିଶନ ୪୨ ପ୍ରତିଶତ ବଦଳରେ ବର୍ତ୍ତମାନ ୪୧ ପ୍ରତିଶତ କରି କେନ୍ଦ୍ର ରାଜ୍ୟକୁ ଏକ ପ୍ରତିଶତ ଭାଗ କମାଇ ଦେଇଛି । ସେହିପରି ୬ ବର୍ଷ ହେଲା କୋଇଲା ରୟାଲଟି ବି ସଂଶୋଧନ କରାଯାଇନାହିଁ । ଜିଏସଟି ଅର୍ଥ ଆବଶ୍ୟକ ଅନୁସାରେ ରାଜ୍ୟକୁ ଦିଆଯାଉନି । ଯାହାକୁ ନେଇ ଏବେ କେନ୍ଦ୍ର ବିରୋଧରେ ଶାଣିତ ହେଲାଣି ସ୍ୱର ।

ଫେସବୁକ୍ ନିରାପତ୍ତା ପ୍ରସଂଗର ସମାଧାନ ନ କରି ନାମ ପରିବର୍ତ୍ତନର କୌଣସି ମାନେ ନାହିଁ: ଫାନସିସ୍

ନୂଆଦିଲ୍ଲୀ: ଫେସବୁକର ପୁନଃନାମକରଣକୁ ନେଇ ବଢ଼ିଲା ବିବାଦ । ପ୍ରତିଷ୍ଠାତା ମାର୍କ ଜୁକରବର୍ଗ ଇସ୍ତଫା ଦିଅନ୍ତୁ ବୋଲି ଦାବି କଲେ ପୂର୍ବତନ ବସ୍ ଫାନସିସ ହ୍ୟୁଜେନ । ଫେସବୁକର ଆଭ୍ୟନ୍ତରୀଣ କାର୍ଯ୍ୟାବଳୀକୁ ନେଇ ସେ ଅସନ୍ତୋଷ ବ୍ୟକ୍ତ କରିବା ସହ ଜୁକରବର୍ଗ ଇସ୍ତଫା ଦାବି କରିଛନ୍ତି । ସେ କହିଛନ୍ତି ଜୁକରବର୍ଗ କମ୍ପାନୀର ସିଇଓ ରହି ଏହାର ନାମ ମେଟା ରଖିବାରେ କୌଣସି ମୂଲ୍ୟ ନାହିଁ ।

ପର୍ତ୍ତୁଗାଲ ରାଜଧାନୀ ଲିସବନରେ ଆୟୋଜିତ ଓ୍ୱେବଟେକ୍ ସମ୍ମିଳନୀରେ ଯୋଗ ଦେଇ ସେ କହିଛନ୍ତି- ଜୁକରବର୍ଗ କମ୍ପାନୀରୁ ବାହାରିଗଲେ ବି କିଛି ଫରକ ପଡ଼ିବ ନାହିଁ । ତାଙ୍କ ବିନା କମ୍ପାନୀ ଚାଲିପାରିବ । ଗତ ସପ୍ତାହରେ ୩୦୦ କୋଟି ୟୁଜର ଥିବା ସବୁଠାରୁ ବଡ଼ ସୋସିଆଲ ମିଡିଆ ଫେସବୁକର ନାମ ମେଟା ହେବ ବୋଲି ଘୋଷଣା କରିଥିଲେ ଜୁକରବର୍ଗ । ସେ ଆହୁରି କହିଛନ୍ତି ଫେସବୁକର ନିରାପତ୍ତା ପ୍ରସଙ୍ଗ ଏଯାଏଁ ସମାଧାନ ହୋଇପାରିନାହିଁ ଏବଂ ନାମ ପରିବର୍ତ୍ତନ କରିବାର କୌଣସି ମାନେ ନାହିଁ । ଫେସବୁକ କେବଳ ନିଜର ସମ୍ପ୍ରସାରଣ ପ୍ରକ୍ରିୟା ଜାରି ରଖୁଛି ମାତ୍ର ବିଭିନ୍ନ ସମସ୍ୟାର ସମାଧାନ ଦିଗରେ କମ୍ପାନୀ ପଦକ୍ଷେପ ନେଉନାହିଁ ବୋଲି ସେ କହିଛନ୍ତି । ବଜାର ଶକ୍ତି, ଏକପାଖିଆ ନିଷ୍ପତ୍ତି, ମନମୁଖି ସେବା ନେଇ ବିଭିନ୍ନ ମହଲରୁ ଫେସବୁକ ସମାଲୋଚନାର ପାତ୍ର ହେଉଥିବାବେଳେ ଏହାର ନାମ ପରିବର୍ତ୍ତନକୁ ନେଇ ବଢିଛି ବିବାଦ ।

ଏଥିସହିତ ପଢ଼ନ୍ତୁ: ବିରାଟ କୋହଲୀଙ୍କ ୯ ମାସର ଝିଅକୁ ଧମକ: ଜାଣନ୍ତୁ କ’ଣ କହିଲେ ଦୁର୍ବୃତ୍ତ