spot_img
Home Blog Page 5154

ବାହାଘର ୫ ସପ୍ତାହ ପରେ ଯୁବକଙ୍କୁ ହେଲା କ୍ୟାନସର , ଦେଖନ୍ତୁ ସ୍ତ୍ରୀର ସ୍ୱାମୀ ପ୍ରତି ଭଲପାଇବା…

ହିନ୍ଦୁ ଧର୍ମରେ ବିବାହ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଏକ ପବିତ୍ର ବନ୍ଧନ  । ବିବାହ ପରଠୁ ଦୁହେଁ ଦୁହିଁଙ୍କ ସହ ଜନ୍ମ ଜନ୍ମ ପାଇଁ ବାନ୍ଧିହୋଇଯାନ୍ତି ଏବଂ ପରସ୍ପରର ସୁଖଦୁଃଖର ସାଥୀ ହୋଇଥାନ୍ତି  । ଭଲରେ ହେଉ କିମ୍ବା ମନ୍ଦରେ ପରସ୍ପରରେ ସହଯୋଗ କରନ୍ତି  । ଏହି ଭଲପାଇବା କେବଳ ଭାରତରେ ନୁହେଁ ବିଶ୍ୱର କୋଣ ଅନୁକୋଣରେ ଦେଖିବାକୁ ମିଳେ  । ମାତ୍ର ବର୍ତ୍ତମାନ ସୋସିଆଲ ମିଡିଆରେ ପ୍ରକୃତ ଭଲପାଇବାର ଉଦାହରଣ ପାଲଟିଛନ୍ତି ଦୁହେଁ ସ୍ୱାମୀ-ସ୍ତ୍ରୀ  । ୨୨ ବର୍ଷର ଜଣେ ଯୁବକ ବାହାଘରର ମାତ୍ର ୫ ସପ୍ତାହ ପରେ ସେ କ୍ୟାନସର ରୋଗରେ ପୀଡ଼ିତ ବୋଲି ଜାମିବାକୁ ପାଇଲେ  ।  ଏହି ଯୁବକ ଜଣକ ନିଜ ଟ୍ୱିଟର ଆକାଉଣ୍ଟ @theyoungretireeରେ ନିଜର ସମସ୍ତ ଘଟଣା ପୋଷ୍ଟ କରିଥିଲେ  ।  ସେ କହିଥିଲେ କି କିଛି ଦିନ ତଳେ ହଠାତ୍ ତାଙ୍କ ନାକରୁ କକ୍ତ ବାହାରିବା ସହ ଶରୀରରେ ରକ୍ତ ଜମାଟ ବାନ୍ଧି ଯାଇଥିଲା  । ଯାଞ୍ଚ କରିବା ପରେ ବାହାଘରର ୫ ସପ୍ତାହ ସେ ଜାଣିବାକୁ ପାଇଥିଲେଯେ ସେ କ୍ୟାନସର ପୀଡ଼ିତ  ।

ସେ ନିଜ ପତ୍ନୀଙ୍କ ସହ ଡାକ୍ତରଖାନାରେ ଏକ ଫଟୋ ନିଜ ଟ୍ୱିଟର ଆକାଉଣ୍ଟରେ ଛାଡ଼ିଥିଲେ ଏବଂ ତାଙ୍କ ପତ୍ନୀ ଏହି ଦୁଃଖ ସମୟରେ ତାଙ୍କ ସହ ଥିବାରୁ ସେ ଖୁସି ଅଛନ୍ତି ବୋଲି ସେ ଲେଖିଛନ୍ତି  । ବ୍ୟକ୍ତି ଜଣକ ଏହି ଫଟୋ ପୋଷ୍ଟ କରିବା ପରେ ଏଥିରେ ୨ ଲକ୍ଷ ୪୯ ହଜାର ଲାଇକ ଆସିଥିବା ବେଳେ ୩ ହଜାର ଲୋକ ଏଥିରେ କମେଣ୍ଟ ଦେଇଥିଲେ  ।

ଦୁର୍ଘଟଣାର ୪୮ଘଣ୍ଟା ମଧ୍ୟରେ ସମସ୍ତ ଖର୍ଚ୍ଚ ବହନ କରିବେ ରାଜ୍ୟ ସରକାର: ୧୪୭କୋଟି ଟଙ୍କାର ପାଣ୍ଠି ଘୋଷଣା କଲେ ମୁଖ୍ୟମନ୍ତ୍ରୀ

ସମ୍ୱଲପୁର: ସ୍ୱାସ୍ଥ୍ୟ ସେବା ଦିଗରେ ମୁଖ୍ୟମନ୍ତ୍ରୀଙ୍କ ଆଉ ଏକ ବଡ଼ ଘୋଷଣା । ଏଣିକି ସଡ଼କ ଦୁର୍ଘଟଣାର ୪୮ ଘଣ୍ଟା ମଧ୍ୟରେ ସମସ୍ତ ଖର୍ଚ୍ଚ ବହନ କରିବେ ରାଜ୍ୟ ସରକାର । ସଡ଼କ ଦୁର୍ଘଟଣାରେ ବହୁ ଲୋକଙ୍କର ମୃତ୍ୟୁ ହେଉଥିବାରୁ ଏ ନେଇ  ଚିନ୍ତାପ୍ରକଟ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏ କ୍ଷେତ୍ରରେ ତୁରନ୍ତ ଚିକିତ୍ସା ସେବା ଯୋଗାଇ ଦିଆଯାଇ ପାରିଲେ, ଅନେକ ମୂଲ୍ୟବନ ଜୀବନ ବଞ୍ଚାଇ ହେବ । ବିଶେଷକରି ଦୁର୍ଘଟଣାର ପ୍ରଥମ ୪୮ ଘଣ୍ଟା ମଧ୍ୟରେ ଚିକିତ୍ସା ଯୋଗାଇ ଦେବା ଅତି ଜରୁରୀ । ଏଣୁ ଦୁର୍ଘଟଣାରେ ଗୁରୁତରଙ୍କ ଚିକିତ୍ସା ଲାଗି ରାଜ୍ୟ ସରକାର ୧୪୭ କୋଟି ଟଙ୍କାର ଏକ ପାଣ୍ଠି ଗଠନ କରିଛନ୍ତି ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି । ଏହା ଦ୍ୱାରା ଦୁର୍ଘଟଣାଗ୍ରସ୍ତ ବ୍ୟକ୍ତି ପ୍ରଥମ ୪୮ ଘଣ୍ଟାରେ ସମ୍ପୂର୍ଣ୍ଣ ମାଗଣା ଚିକିତ୍ସା ପାଇପାରିବେ । ଏଥିଲାଗି ସେମାନଙ୍କୁ ଟଙ୍କା ଖର୍ଚ୍ଚ କରିବାକୁ ପଡ଼ିବନି କି, ଟଙ୍କା ଯୋଗାଡ଼ କରିବା ନେଇ ଚିନ୍ତା କରିବାକୁ ପଡ଼ିବନାହିଁ ।

ମଙ୍ଗଳବାର ସମ୍ୱଲପୁର ଗସ୍ତରେ ବିଏସ୍‌କେଓ୍ୱାଇ ସ୍ମାର୍ଟ ହେଲ୍ଥ୍ କାର୍ଡ ବଣ୍ଟନର ଶୁଭାରମ୍ଭ ଅବସରରେ ମୁଖ୍ୟମନ୍ତ୍ରୀ ଏହି ଘୋଷଣା କରିଛନ୍ତି । ମୁଖ୍ୟମନ୍ତ୍ରୀ ସ୍ମାର୍ଟ କାର୍ଡ ବଣ୍ଟନର ଶୁଭାରମ୍ଭ ସହ ଜିଲ୍ଲାର ବିକାଶ ପାଇଁ ନୀଳ ନକ୍ସା ବି ଆଙ୍କିଛନ୍ତି ନବୀନ । ଜିଲ୍ଲାରେ ବିକାଶର ସ୍ରୋତକୁ ବେଗବାନ କରିବାକୁ ୧୫୫୩ କୋଟି ଟଙ୍କାର ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରିଛନ୍ତି । ଜିଲ୍ଲାବାସୀଙ୍କୁ ବିଶୁଦ୍ଧ ପାନୀୟ ଜଳ ଯୋଗାଇବାକୁ ହଜାରେ କୋଟିର ପାନୀୟ ଜଳ ପ୍ରକଳ୍ପ କାର୍ଯ୍ୟ ଜାରି ରହିଛି । ୨୦୨୨ ସୁଦ୍ଧା ସବୁ ପରିବାରଙ୍କୁ ମିଳିବ ପାଇପ ପାଣି । ଏସବୁ ପାଇଁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ଜିଲ୍ଲାବାସୀ ଓ ସ୍ଥାନୀୟ ନେତୃତ୍ୱ ।

କାର୍ଯ୍ୟକ୍ରମରେ ସ୍ୱାସ୍ଥ୍ୟମନ୍ତ୍ରୀ ନବ ଦାସ, ଗ୍ରାମ୍ୟ ଉନ୍ନୟନ ମନ୍ତ୍ରୀ ସୁଶାନ୍ତ ସିଂହ, ସରକାରୀ ଦଳର ଉପମୁଖ୍ୟ ସଚେତକ ରୋହିତ ପୂଜାରୀ ପ୍ରମୁଖ ଯୋଗ ଦେଇ ବିଭିନ୍ନ କ୍ଷେତ୍ରରେ ରାଜ୍ୟର ଉନ୍ନତି ପାଇଁ ମୁଖ୍ୟମନ୍ତ୍ରୀଙ୍କ ପ୍ରତିବଦ୍ଧତାର ଉଚ୍ଚପ୍ରଶଂସା କରିଥିଲେ । BSKY Smart Card ଲୋକଙ୍କୁ ଉତ୍ତମ ସ୍ୱାସ୍ଥ୍ୟ ଯୋଗାଇ ଦେବା ପାଇଁ ଏକ ଐତିହାସିକ ପଦକ୍ଷେପ ବୋଲି ସେମାନେ ବର୍ଣ୍ଣନା କରିଥିଲେ । ମୁଖ୍ୟମନ୍ତ୍ରୀଙ୍କ ଦୂରଦୃଷ୍ଟି ସମ୍ପନ୍ନ ନେତୃତ୍ୱ ଯୋଗୁଁ ଓଡିଶାରେ ଆଜି ଗରିବ ଲୋକ ନିଜକୁ ସୁରକ୍ଷିତ ମନେ କରୁଛି। ଗରିବ ଲୋକଙ୍କୁ ବିଭିନ୍ନ ଯୋଜନାରେ ଦିଆଯାଉଥିବା ସାମାଜିକ ଓ ଅର୍ଥିକ ସୁରକ୍ଷା ସେମାନଙ୍କୁ ସଶକ୍ତ କରିଛି ବୋଲି ସେମାନେ ମତବ୍ୟକ୍ତ କରିଥିଲେ ।

ଏଥିସହିତ ପଢ଼ନ୍ତୁ: ସମ୍ବଲପୁରରେ ୧୫୫୩ କୋଟିରୁ ଅଧିକ ଟଙ୍କାର ପ୍ରକଳ୍ପ ଶୁଭାରମ୍ଭ ଓ ଉଦଘାଟନ କଲେ ମୁଖ୍ୟମନ୍ତ୍ରୀ

 

କଳିଙ୍ଗନଗରରେ ମାଆ ସହ ନାବାଳକ ପୁଅକୁ ଜଘନ୍ୟ ହତ୍ୟା

ଭୁବନେଶ୍ୱର: ରାଜଧାନୀରେ ଚାଞ୍ଚଲ୍ୟ । କଳିଙ୍ଗନଗର ଅଞ୍ଚଳରେ ଡବଲ ମର୍ଡର । ତମାଣ୍ଡୋ ଥାନା ଅନ୍ତର୍ଗତ କଳିଙ୍ଗନଗରର କେ୪ ଅଞ୍ଚଳର ଏକ ଘରୁ ମାଆ ସହ ୧୦ ବର୍ଷର ପୁଅର ମୃତଦେହ ମିଳିଛି । ଘଟଣାସ୍ଥଳରେ ପୋଲିସ ସହ ସାଇଣ୍ଟିଫିକ୍ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛି । ଭୁବନେଶ୍ୱର ଡିସିପି ଉମାଶଙ୍କର ଦାସ ମଧ୍ୟ ସ୍ପଷ୍ଟରେ ପହଞ୍ଚିଛନ୍ତି । ଘରକୁ ଲକ୍ କରି ପୋଲିସ ତଦନ୍ତ କରୁଛି । ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି ।

Double Murder In Bhubaneswar Kalinga Nagar

ପୋଲିସର ପ୍ରାଥମିକ ତଦନ୍ତ ଅନୁସାରେ ମହିଳାଙ୍କ ସ୍ୱାମୀ ହିଁ ହତ୍ୟା କରିଛି । ପୁଅ ଓ ସ୍ତ୍ରୀକୁ ହତ୍ୟା ପରେ ଅଭିଯୁକ୍ତ ସ୍ୱାମୀ ଭଣଜାକୁ ମୋବାଇଲରେ ହତ୍ୟା କରିଥିବା ନେଇ ମେସେଜ୍ ପଠାଇଥିବା ଜଣାପଡ଼ିଛି । ଅଭିଯୁକ୍ତ ସ୍ୱାମୀକୁ ପୋଲିସ ଅଟକ ରଖିଥିବା ଡିସିପି ସୂଚନା ଦେଇଛନ୍ତି । ଗତ ୫ ମାସ ହେଲା ପରିବାର କଳିଙ୍ଗନଗରରେ ଭଡ଼ାରେ ରହୁଥିଲେ । ପଡ଼ୋଶୀଙ୍କ ସୂଚନା ଅନୁସାରେ, ଅନେକ ସମୟରେ ମହିଳା ସ୍ୱାମୀ ମଦ ପିଇ ମାରପିଟ୍ କରିଥାନ୍ତି ।

ଏଥିସହ ପଢ଼ନ୍ତୁ: ଲାଞ୍ଚ ଖାଇବା ପାଇଁ ତହସିଲଦାରଙ୍କ ମାଷ୍ଟର ପ୍ଲାନ, ୫ ପାନ କାର୍ଡ ଜରିଆରେ କଳା ଟଙ୍କା ହେଉଥିଲା ଧଳା

https://youtu.be/weplqdYUsPQ

ଗୋଟିଏ ଦିନରେ ଏଲନ ମସ୍କଙ୍କ ସମ୍ପତ୍ତି ବଢ଼ିଲା ୧.୭୯ ଲକ୍ଷ କୋଟି

ନୂଆଦିଲ୍ଲୀ: ଇଲେକ୍ଟ୍ରିକ୍ କାର କମ୍ପାନି ଟେସଲାର ସିଇଓ ଏଲନ ମସ୍କଙ୍କ ଉପରେ ଏବେ ଧନ ବର୍ଷା ହେଉଛି । ଆଜି ଗୋଟିଏ ଦିନରେ ଏଲନ ମସ୍କଙ୍କ ସମ୍ପତ୍ତି ୨୪ ଆରବ ଡଲାର ଅର୍ଥାତ ୧.୭୯ ଲକ୍ଷ କୋଟି ଟଙ୍କା ବୃଦ୍ଧି ପାଇଛି । ଆଜି ବଢ଼ିଥିବା ସମ୍ପତ୍ତି ସହ ମସ୍କଙ୍କ ମୋଟ ସମ୍ପତ୍ତି ବର୍ତ୍ତମାନ ୩୩୫.୧ ଆରବ ଡଲାର ଅର୍ଥାତ ପ୍ରାୟ ୨୦ ଲକ୍ଷ କୋଟିରେ ପହଞ୍ଚିଛି ।  ଯେଉଁ ସମ୍ପତ୍ତିର ମୂଲ୍ୟ ଭାରତର ସବୁଠାରୁ ବଡ଼ ଧନୀ ମୁକେଶ ଅମ୍ବାନୀଙ୍କ ସମ୍ପତ୍ତିର ପ୍ରାୟ ତିନିଗୁଣରୁ ଅଧିକ ।

ବ୍ଲମବର୍ଗ ବିଲିୟନିୟର୍ସ ଇଣ୍ଡେକ୍ସ ଅନୁଯାୟୀ ୩୩୫.୧ ଆରବ ଡଲାର ସହିତ ଏଲନ ମସ୍କ ବିଶ୍ବର ସବୁଠାରୁ ଧନୀ ବ୍ୟକ୍ତି ଅଟନ୍ତି । ତେବେ ଏହି ଲିଷ୍ଟର ଦ୍ବିତୀୟ ସ୍ଥାନରେ ଇ-କମର୍ସ କମ୍ପାନି ଆମାଜନର ପ୍ରତିଷ୍ଠାତା ଜେଫ୍ ବେଜସ ଅଛନ୍ତି । ତାଙ୍କ ମୋଟ ସମ୍ପତ୍ତି କଥା ଯଦି କହିବା ତାହାଲେ ଜେଫ୍ ବେଜସଙ୍କ ମୋଟ ସମ୍ପତ୍ତିର ମୂଲ୍ୟ ୧୯୩ ଆରବ ଡଲାର ।

କେବଳ ମୁକେଶ ଅମ୍ବାନୀଙ୍କ ସମ୍ପତ୍ତିଠାରୁ ମସ୍କଙ୍କ ସମ୍ପତ୍ତି ଖାଲି ତିନିଗୁଣ ନୁହେଁ । ଆମେରିକା ସେୟାର ବଜାରର ଜଣାଶୁଣା ନାମ ଓ୍ବାରେନ ବଫେଟଙ୍କ ସମ୍ପତ୍ତିଠାରୁ ମଧ୍ୟ ତିନିଗୁଣରୁ ଅଧିକ ସମ୍ପତ୍ତି ଏଲନ ମସ୍କଙ୍କର ।  ତେବେ ଲଗାତର ଭାବରେ ଟେସଲାର ସେୟାର ବଢ଼ିବା ଦ୍ବାରା ନିବେଶକଙ୍କ ମଧ୍ୟ ବହୁତ ଲାଭବାନ ହେଉଛନ୍ତି । ସିଙ୍ଗାପୁରର ରିଟେଲ ବ୍ୟବସାୟୀ ଲିଓ କୋଗୁଆନ ଏବେ ଟେସଲା କମ୍ପାନୀର ତୃତୀୟ ବୃହତ୍ତମ ବ୍ୟକ୍ତିଗତ ନିବେଶକ ଅଟନ୍ତି ।  ଟେସଲା ସେୟାର ବଢ଼ିବା ସହ ତାଙ୍କ ମୋଟ ସମ୍ପତ୍ତିର ମୂଲ୍ୟ ମଧ୍ୟ ବୃଦ୍ଧି ପାଇ ୧୨.୧ ଆରବ ଡଲାରରେ ପହଞ୍ଚିଛି । ଅନ୍ୟପକ୍ଷରେ ଟେସଲା କମ୍ପାନୀର ଦ୍ବିତୀୟ ବୃହତ୍ତମ ବ୍ୟକ୍ତିଗତ ନିବେଶକ ହେଉଛନ୍ତି ୪୪ ବର୍ଷିୟ ଲ୍ୟାରୀ ଏଲିସନ । ଯାହାଙ୍କ ସେୟାର ମୂଲ୍ୟ ବଢ଼ି ୧୮.୧ ଆରବ ଡଲାରରେ  ପହଞ୍ଚିଛି ।

ଚାକିରି ଛାଡ଼ିବା ପରେ ୨୧ ବର୍ଷର ମହିଳାଙ୍କ ମାସିକ ଆୟ ୫୦ ଲକ୍ଷ

ମଧ୍ୟବିତ ପରିବାରରୁ ଆସିଥିବା ଲିଲି ଜାରେମ୍ବା ୟୁନିଭରର୍ସିଟି ପାଠପଢ଼ା ଛାଡ଼ି ଚାକିରିରେ ଯୋଗ ଦେବା ଆରମ୍ଭ କଲେ  । ଲିଲି୧୯ ବର୍ଷ ବୟସରେ ରିଷ୍ଟୋରେସନରେ ଚାକିରି କରୁଥିବା ବେଳେ ଏଠାରେ ସଫାସୁତୁରା କାମ ମଧ୍ୟ କରୁଥିଲେ  । ଏଠାରେ ଚାକିରି କରିବାକୁ ତାଙ୍କୁ ଭଲ ନ ଲାଗିବାରୁ ଶେଷରେ ସେ ଚାକିରି ଛାଡ଼ିବାକୁ ନିଷ୍ପତ୍ତି ନେଲେ।

ଜଣେ ଯୁବାତୀଙ୍କ କହିବାନୁସାରେ ଲିଲି କେବଳ ୨୧ ବର୍ଷ ବୟସରେ ଚାକିରି ଛାଡ଼ି ବ୍ୟବସାୟ ଆରମ୍ଭ କରିଥିଲେ  । ଯାହା ଦ୍ୱାରା ସେ ଏବେ ମାସକୁ ଲକ୍ଷ ଲକ୍ଷ ଟଙ୍କା ରୋଜଗାର କରୁଛନ୍ତି  । ଏହି ମହାଳାଙ୍କ ନାଁ ଲିଲି ଜାରେମ୍ବା ଯିଏ କି ଟିକଟିକରୁ ନିଜ କ୍ୟାରିୟର ଆରମ୍ଭ କରିଥିଲେ  । କେବଳ ୧୯ ବର୍ଷ ବୟସରେ ସେ ଚାକିରି ଛାଡ଼ିଦେଇଥିଲେ । ଅବସର ନେବା ପରେ ସେ ଫାଇନାନ୍ସ ଏଜୁକେସନ କମ୍ପାନୀ ବିଷୟରେ ଜାଣିବାକୁ ପାଇଥିଲେ  ।

ପ୍ରଥମେ ସେ ଏଥିରୁ ଇନ୍‌ଭେଷ୍ଟମଣ୍ଟ କରିବାର କୈାଶଳ ଶିଖିଥିଲେ  । ପରେ ଏହି ସବୁ ଟେକନିକ ମାଧ୍ୟମରେ ଷ୍ଟକ୍ ମାର୍କେଟ, କ୍ରିପ୍ଟୋ ମାର୍କେଟ୍,ଇନଟେଲିଜେଣ୍ଟ ଏଜେନ୍ସି ଆଦିରେ ଟଙ୍କା ବିନିଯୋଗ କରିବା ଆରମ୍ଭ କଲେ  । ଏଥିସହ ଲୋକଙ୍କୁ ଇନଭେଷ୍ଚମେଣ୍ଟ ବିଷୟରେ ଅବଗତ କରାଇ ଟଙ୍କା ରୋଜଗାର କରିଥିଲେ  । ଧିରେ ଧିରେ ସେ ନିଜ ବ୍ୟବସାୟ ଆରମ୍ଭ କରି ଏଥିରୁ ଅନେକ ଲାଭ କରିଥିଲେ  ।

ବର୍ତ୍ତମାନ ଲିଲି ଲୋକଙ୍କୁ ରୋଜଗାର କରିବାର ବିଭିନ୍ନ ମାଧ୍ୟମ ଶିଖାଉଛନ୍ତି  । ଲିଲି କୁହନ୍ତି ମୋର ଏତେ ବର୍ଷର କଠିନ ପରିଶ୍ରମ ଯୋଗୁଁ ହିଁ ମୁଁ ଆଜି ଏହି ଜାଗାରେ ପହଁଚିଛି  । କଠିନ ପରିଶ୍ରମ ବଳରେ ମଣିଷ କିଛି ବି ହାସଲ କରିପାରିବ  । ଏଥିପାଇଁ କେବଳ ନିଷ୍ଠା, ଧୈର୍ଯ୍ୟ ଓ ସହନଶୀଳତା ଦରକାର  । ଲିଲି ଏବେ ମାତ୍ର ୨୧ ବର୍ଷ ବୟସରେ ଏକ ମିଲିୟନ ଡଲାରର ମାଲିକ  । ବର୍ତ୍ତମାନ ଲିଲଙ୍କ ଟିକଟକ୍ ଆକାଉଣ୍ଟରେ ୨ଶହ ୧୮ ମିଲିୟନ ଫଲୋଅର୍ସ ଥିବାବେଳେ ୨.୪ ମିଲିୟନ ଲାଇକ୍ ମିଳୁଛି  ।

 

ଭତ୍ତା ବଣ୍ଟନରେ ଦୁର୍ନୀତି ! ଟିପ ଚିହ୍ନ ଦେଇ ମୃତ ବ୍ୟକ୍ତିଙ୍କ ନାଁରେ କିଏ ନେଉଛି ଟଙ୍କା ?

ପାରଳାଖେମୁଣ୍ଡି: ଭୂତ ପାଉଛି ଭତ୍ତା । ମୃତ ବ୍ୟକ୍ତିଙ୍କ ନାମରେ ସରକାରୀ ତହବିଲରୁ ଆସୁଛି ଭତ୍ତା ଟଙ୍କା । ଟିପଚିହ୍ନ ମାରି ମିଳିମିଶି ହରିଲୁଟ୍ କରୁଛନ୍ତି ସରପଞ୍ଚ ଓ ଅଧିକାରୀ । ଏମିତି ସାଂଘାତିକ ଅଭିଯୋଗ ଆସିଛି ଗଜପତି ଜିଲ୍ଲା ମୋହନା ବ୍ଲକ ପିଣ୍ଡିକି ପଞ୍ଚାୟତରୁ । ଅଭିଯୋଗକୁ ପିଇଓ ସ୍ୱିକାର କରିଥିବା ବେଳେ ତଦନ୍ତି କରି କାର୍ଯ୍ୟାନୁଷ୍ଠାନ ପାଇଁ ପ୍ରତିଶ୍ରୁତି ଦେଇଛନ୍ତି ବିଡିଓ ।

Allowance Has Given To Dead Person In Gajapati With Fingerprint

ଡାଳିଆମ୍ବ ଗାଁର ସୁଲି ଗମାଙ୍ଗ ଓ ସମ୍ବାରୀ ଗମାଙ୍ଗ ସମାଧି ହୋଇ ସାରିଛନ୍ତି । ହେଲେ ସମାଧି ଭିତରୁ ଭୂତ ନେଉଛି ଭତ୍ତା ଟଙ୍କା । ଏକଥା ଆମେ କହୁନୁ । ସରକାରୀ କାଗଜରେ ରହିଛି ତାଙ୍କ ଟିପ ଚିହ୍ନ, ଟଙ୍କା ବି ଦିଆଯାଇଛି ମୃତକଙ୍କ ନାଁରେ । ଏଥିରୁ ସ୍ପଷ୍ଟ ପ୍ରମାଣିତ ହେଉଛି, ଗଜପତି ଜିଲ୍ଲା ମୋହନା ବ୍ଲକ ପିଣ୍ଡିକି ପଞ୍ଚାୟତରେ ଭତ୍ତା ବଣ୍ଟନରେ କିପରି ଚାଲିଛି ଦୁର୍ନୀତି । ପଞ୍ଚାୟତର ସୁଲି କିମ୍ବା ସମ୍ବାରୀ ମାତ୍ର ଦୁଇ ଜଣ ନୁହଁନ୍ତି ଏଭଳି ଭାବେ ପିଣ୍ଡିକି, ଡାଳିଆମ୍ବ, ନିଜୁମା, ଭିମପୁର, କିର୍ତ୍ତିଙ୍ଗ ଗ୍ରାମର ଅନେକ ବ୍ୟକ୍ତିଙ୍କ ମୃତ୍ୟୁ ପରେ ପରିବାର ସଦସ୍ୟଙ୍କ ଅଗୋଚରରେ ଭତ୍ତା ଟଙ୍କା ଉଠାଯାଇଥିବା ଅଭିଯୋଗ ହୋଇଛି ।

Allowance Has Given To Dead Person In Gajapati With Fingerprint

ମାସ ମାସ ଧରି ମୃତ ବ୍ୟକ୍ତିଙ୍କ ନାଁରେ ଉଠୁଛି ଭତ୍ତା ଟଙ୍କା । ଅଭିଯୋଗକୁ ପିଇଓ ସ୍ୱିକାର ମଧ୍ୟ କରିଛନ୍ତି । ହେଲେ ହିତାଧିକାରୀଙ୍କ ସମ୍ପର୍କୀୟ ତାଙ୍କୁ ମୃତ୍ୟୁ ବିଷୟ ଲୁଚାଇ ଟିପ ଚିହ୍ନ ମାରି ଟଙ୍କା ଉଠାଇଥିବା ସେ କହିଛନ୍ତି । ସେପଟେ ଘଟଣା ପଦାକୁ ଆସିବା ପରେ ଏନେଇ ତଦନ୍ତ କରି କାର୍ଯ୍ୟାନୁଷ୍ଠାନ ପାଇଁ ପ୍ରତିଶ୍ରୁତି ଦେଇଛନ୍ତି ବିଡିଓ । ପଞ୍ଚାୟତ ଅଧିକାରୀଙ୍କ ଅବହେଳା ହେଉ କି ମୃତ ବ୍ୟକ୍ତିଙ୍କ ଚଞ୍ଚକତା, ତଦନ୍ତି କରି କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ଲୋକ ।

ଫଡନାଭିସ୍‌ଙ୍କ କାର୍ଯ୍ୟକାଳ ସମୟରେ ସର୍ବାଧିକ ଡ୍ରଗ୍ସ କାରବାର ହୋଇଛି: ନବାବ ମଲ୍ଲିକ

ମୁମ୍ୱାଇ: ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡଡନାଭିସ୍‌ଙ୍କ ବିରୋଧରେ ପୁଣି ଗର୍ଜିଛନ୍ତି ଏନସିପି ନେତା ନବାବ ମଲିକ । କହିଛନ୍ତି ତାଙ୍କ ବିରୋଧରେ ଫଡ଼ନଭିସ୍ ଆଣିଥିବା ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ । ଅଣ୍ଡରଓ୍ୱାର୍ଲ୍ଡ ସହ ତାଙ୍କର କୌଣସି ସମ୍ପର୍କ ନାହିଁ ବୋଲି ନବାବ କହିଛନ୍ତି । ସେ କହିଛନ୍ତି ମୁମ୍ବାଇ ସହରରେ ସେ ୬୨ ବର୍ଷ ଧରି ବାସ କରୁଛନ୍ତି । ତାଙ୍କ ସହ ଅଣ୍ଡରଓ୍ୱାର୍ଲ୍ଡ ସମ୍ପର୍କ ଥିବାର କୌଣସି ପ୍ରମାଣ ନାହିଁ । ଫଡନାଭିସ ମହାରାଷ୍ଟ୍ର ମୁଖ୍ୟମନ୍ତ୍ରୀ ଥିବା ସହ ସେ ଗୃହ ବିଭାଗ ଦାୟିତ୍ୱରେ ବି ଥିଲେ । ତେଣୁ ତାଙ୍କ ବିରୋଧରେ ସେତେବେଳେ ଅଣ୍ଡରଓ୍ୱାର୍ଲ୍ଡ ଲିଙ୍କ୍ ନେଇ ତଦନ୍ତ କରିପାରିଥାନ୍ତେ । ନିଜେ କାଚ ଘରେ ରହି ଅନ୍ୟର ଘରକୁ ଟେକା ମାରିଲେ ଯାହା ହୁଏ ତାହା ହିଁ ଘଟିବ ବୋଲି କହିଛନ୍ତି ନବାବ ।

ଗତକାଲି ମୁମ୍ବାଇ ଡ୍ରଗ୍ସ ମାମଲାରେ ଫଡନାଭିସଙ୍କ ବିରୋଧରେ ଆଣିଥିଲେ ଅଭିଯୋଗ । ଡ୍ରଗ୍ସ ଚାଲାଣକାରୀ ଜୟଦୀପ ରାଣାଙ୍କ ସହ ଫଡନାଭିସଙ୍କ ସମ୍ପର୍କ ରହିଛି ବୋଲି ଅଭିଯୋଗ ଆଣିଥିଲେ ନବାବ । ଜୟଦୀପଙ୍କ ସହ ଦେବେନ୍ଦ୍ର ଓ ତାଙ୍କ ପତ୍ନୀ ଅମୃତାଙ୍କ ଫଟୋକୁ ପ୍ରକାଶ କରିଥିଲେ ନବାବ । ଦେବେନ୍ଦ୍ରଙ୍କ ଶାସନ କାଳରେ ମହାରାଷ୍ଟ୍ରରେ ଡ୍ରଗ୍ସ କାରବାର ବ୍ୟାପକ ବୃଦ୍ଧି ପାଇଥିଲା ବୋଲି ଅଭିଯୋଗ କରିଥିଲେ ନବାବ ।

ଏଥିସହିତ ତାଙ୍କ ଜାମାତାଙ୍କ ଘରୁ ଡ୍ରଗ୍ସ ଜବତ ଘଟଣାକୁ ମଧ୍ୟ ସେ ଅସ୍ୱୀକାର କରିିଛନ୍ତି । ଏବଂ ପୁଣି ଥରେ ଏନସିବି ଅଧିକାରୀ ସମୀର ଓ୍ୱାଙ୍ଖଡେଙ୍କ ବିରୋଧରେ ବଡ଼ ଅଭିଯୋଗ ଆଣିଛନ୍ତି । କହିଛନ୍ତି ଓ୍ୱାଙ୍ଖଡେ ୨ ଲକ୍ଷ ଟଙ୍କାର ଜୋତା, ୨୦ ଲକ୍ଷ ଟଙ୍କାର ହାତ ଘଣ୍ଟା, ୫୦ ହଜାର ଟଙ୍କାର ସାର୍ଟ ଓ ୩୦ ହଜାର ଟଙ୍କାର ଟି-ସାର୍ଟ ପିନ୍ଧୁଛନ୍ତି ।

ଲାଞ୍ଚ ଖାଇବା ପାଇଁ ତହସିଲଦାରଙ୍କ ମାଷ୍ଟର ପ୍ଲାନ, ୫ ପାନ କାର୍ଡ ଜରିଆରେ କଳା ଟଙ୍କା ହେଉଥିଲା ଧଳା

ଭୁବନେଶ୍ୱର: ଲୋକ ଜଣେ, ବାପା ତିନି । ତିନି ବର୍ଷରେ ଜନ୍ମ ହୋଇଛନ୍ତି ୫ ଥର । ପୁଣି ପାଖରେ ରଖିଛନ୍ତି ପାଞ୍ଚ ପାଞ୍ଚଟି ପାନ୍ କାର୍ଡ୍ । ତାଜୁବ କଲା ଭଳି ଏହି ଖବର ଓଡ଼ିଶାର । ଓଡ଼ିଶାରେ ଏମିତି ଜଣେ କରିତକର୍ମା ତହସିଲଦାର ଅଛନ୍ତି ଯିଏ ଦୁଇ ନମ୍ବର ମାଲ୍ ଏପଟ ସେପଟ କରିବାକୁ ୫ ପାଞ୍ଚଟି ପାନ୍ କାର୍ଡ୍ କରିଥିଲେ । ଆଉ ଏଥିପାଇଁ ସରକାରୀ କାଗଜରେ ୩ ବର୍ଷରେ ୫ ଥର ଜନ୍ମ ମଧ୍ୟ ହୋଇଥିଲେ । ତେବେ ବାପା ଜଣେ ନଥିଲେ । ତିନି ଜଣ ବାପାଙ୍କ ନାମରେ ଏହି କରିତକର୍ମା ତହସିଲଦାରଙ୍କ ୫ ଥର ଜନ୍ମ ହୋଇଛନ୍ତି । ଏତେ ସବୁ ଜାଣିବା ପରେ ଆପଣଙ୍କର ଏହି ତହସିଲଦାରଙ୍କ ନାମ ଜାଣିବାକୁ ଇଛା ହେଉଥିବ । ଅଧିକ ସସପେନ୍ସ ନରଖି ଆମେ ଆପଣଙ୍କୁ ତାଙ୍କ ନାମ କହି ଦେଉଛୁ, ମହାଶୟଙ୍କ ନାମ ହେଉଛି… ରାମଚନ୍ଦ୍ର ଜେନା ।

Nimapara Tahsildar Having 5 Pan Card, Income Tax And Vigilance Search On

ନିମାପଡ଼ା ତହସିଲଦାର ତଥା ଇନଚାର୍ଜ ସବ୍-ରେଜିଷ୍ଟ୍ରାର ଅଛନ୍ତି ରାମଚନ୍ଦ୍ର । ସରକାରୀ ଅଧିକାରୀ ହୋଇଥିଲେ ମଧ୍ୟ ମାନୁ ନାହାଁନ୍ତି ନିୟମ । କୌଣସି ବ୍ୟକ୍ତି ଗୋଟିଏରୁ ଅଧିକ ପାନ କାର୍ଡ ନିଜ ନାଁରେ କରିବାର ନିୟମ ନାହିଁ । କିନ୍ତୁ ସରକାରୀ ଅଧିକାରୀ ହୋଇ ବାବୁ ନିୟମକୁ ମୋଡ଼ି ମକଚି ଦେଇଥିଲେ । ଭିଜିଲାନ୍ସ ରେଡ୍ ବେଳେ ଏ ତଥ୍ୟ ସାମ୍ନାକୁ ଆସିଛି ।

୫ଟି ପାନ କାର୍ଡରେ ବାବୁଙ୍କ ନାଁ ଗୋଟିଏ ଥିବାବେଳେ ବାପାଙ୍କ ନାଁ ବଦଳି ଯାଇଛି । ଗୋଟିଏ ଫଟୋ, ଗୋଟିଏ ନାଁ ଅଥଚ ୩ ଜଣ ବାପା । ତହସିଲଦାର ନକଲି ପାନ କାର୍ଡ ପାଇଁ ୩ ବର୍ଷରେ ୫ ଥର ଜନ୍ମ ମଧ୍ୟ ହୋଇଛନ୍ତି । ୫ଟି କାର୍ଡରେ ଭିନ୍ନ ଭିନ୍ନ ପ୍ରକାରର ଦସ୍ତଖତ କରିଛନ୍ତି ତହସିଲଦାର ବାବୁ ।

Nimapara Tahsildar Having 5 Pan Card, Income Tax And Vigilance Search On

ପ୍ରଥମ ପାନ କାର୍ଡରେ ପିତାଙ୍କ ନାଁ ବୈଷ୍ଣବ ଜେନା ରହିଥିବା ବେଳେ ୧୯୭୧ ମସିହା ଏପ୍ରିଲ୍ ୯ରେ ଜନ୍ମ ହୋଇଛନ୍ତି ବାବୁ । ଦେଖନ୍ତୁ ଦ୍ୱିତୀୟ ପାନ କାର୍ଡରେ ପିତାଙ୍କ ନାଁ ଖଗେଶ୍ୱର ଜେନା ଥିବାବେଳେ ବାବୁ ୧୯୭୦ ମସିହା ସେପ୍ଟେମ୍ବର ୨୭ରେ ଜନ୍ମ ହୋଇଛନ୍ତି । ସେହିଭଳି ତୃତୀୟ କାର୍ଡରେ ପିତାଙ୍କ ନାଁ ନାରାୟଣ ଜେନା ଥିବାବେଳେ ଜନ୍ମ ତାରିଖ ୧୯୭୨ ମସିହା ଏପ୍ରିଲ୍ ୧୯ ତାରିଖରେ ଜନ୍ମ ହୋଇଛନ୍ତି ରାମଚନ୍ଦ୍ର । ଚତୁର୍ଥ ଓ ପଞ୍ଚମ ପାନ କାର୍ଡରେ ବାବୁଙ୍କ ବାପାଙ୍କ ନାଁ ଖଗେଶ୍ୱର ଜେନା ରହିଥିବା ବେଳେ ତହସିଲଦାର ବାବୁ ୧୯୭୦ ମସିହା ଏପ୍ରିଲ୍ ମାସରେ ୨ ଥର ଜନ୍ମ ହୋଇଛନ୍ତି ।

ମଙ୍ଗଳବାର ଭୋରରୁ ନିମାପଡ଼ା ତହସିଲଦାରଙ୍କ ସରକାରୀ ବାସଭବନ ନିକଟରେ ଭିଜିଲାନ୍ସ ରେଡ୍ କରିଥିଲା । ରେଡ୍ ବେଳେ ବାବୁଙ୍କ ଠାରୁ ଭିଜିଲାନ୍ସ ୪ ଲକ୍ଷ ୬୫ ହଜାର ଟଙ୍କା ଜବତ କରିଛି । ଯେଉଁ ଟଙ୍କା ନେଇ ତହସିଲଦାର ବାବୁ କୌଣସି ସନ୍ତୋଷଜନକ ଉତ୍ତର ଦେଇ ପାରି ନାହାଁନ୍ତି । ପରେ ସର୍ଚ୍ଚ ବେଳେ ବାବୁଙ୍କ ସରକାରୀ ବାସଭବନରୁ ଆଉ ୫୦ ହଜାର ଟଙ୍କା ମିଳିଛି । ଭିଜିଲାନ୍ସ ଟିମ୍ ବାବୁଙ୍କ ସରକାରୀ ବାସଭବନ ସହ କଟକ ସିଡିଏ ଘର, କେନ୍ଦ୍ରାପଡ଼ା ଗରଦପୁର ବ୍ଲକର ପୈତୃକ ଘରେ ମଧ୍ୟ ରେଡ୍ କରିଛି ।

Nimapara Tahsildar Having 5 Pan Card, Income Tax And Vigilance Search On

ପୂର୍ବରୁ ଭିଜିଲାନ୍ସରେ ବାବୁଙ୍କ ନାଁରେ ୨ଟି ମାମଲା ମଧ୍ୟ ରହିଛି । ୨୦୧୧ ମସିହା ଜୁନ୍ ୨୧ ତାରିଖରେ ମୂଲ୍ୟବାନ ଜମି ପଟ୍ଟାକୁ ବେଆଇନ୍ ସେଟଲମେଣ୍ଟ ବେଳେ ବାବୁ ଧରା ପଡ଼ିଥିଲେ । ଉକ୍ତ ମାମଲାର ଟ୍ରାଏଲ୍ ଏବେ ପେଣ୍ଡିଂ ରହିଛି । ସେହିଭଳି ୨୦୧୮ ଜୁଲାଇ ୧୭ ତାରିଖରେ ବାବୁଙ୍କ ବିରୋଧରେ ଆଉ ଏକ ମାମଲା ରୁଜୁ କରିଥିଲା ଭିଜିଲାନ୍ସ । ବାବୁଙ୍କ ଦୁର୍ନୀତି ଫର୍ଦ୍ଦ ବେସ ଲମ୍ବା । ବାବୁଙ୍କ ଦୁର୍ନୀତିର ୫ ଅବତାର ଏବେ ସାମ୍ନାକୁ ଆସିଛି । ଆଗକୁ ଆଉ କେତେ ଅବତାର ସାମ୍ନାକୁ ଆସିବ ତାହା ଦେଖିବାକୁ ବାକି ରହିଲା ।

ବୟସ ୨୪, ରୋଜଗାର ହ୍ୟାକିଂ

0

ତୁଳସୀ ଦୁଇ ପତ୍ରରୁ ବାସେ ଓ ବିଛୁଆତି ଦୁଇ ପତ୍ରରୁ କୁଣ୍ଡେଇ ହୁଏ  । ଏହାର ଜ୍ୱଳନ୍ତ ଉଦାହରଣ ହେଉଛି ଶ୍ରୀକୃଷ୍ନ ରମେଶ  । ଅଷ୍ଟମ ଶ୍ରେଣୀରେ ପଢ଼ିବା ସମୟରେ ବ୍ଲାକ୍ କ୍ୟାଟ୍ ହ୍ୟାକରରେ ସେ ସାମିଲ ହୋଇଯାଇଥିଲା  । ସେ ଦୁନିଆର ବଡ଼ ବଡ଼ ହ୍ୟାକର୍ସଙ୍କ ସହ ଜଡ଼ିତ  । ଏମାନଙ୍କ ସହ ମିଶି ବ୍ରିଟକଏନ ଦ୍ୱାରା ଡ୍ରଗ୍ସ କାରବାରରେ ସାମିଲ ହେଲା  । କର୍ଣ୍ଣାଟକରେ ବ୍ରିଟ୍ କଏନ ମାମଲାରେ ଏକ ବଡ଼ ଘୋଟାଲା ଆସିଲା  । ଏହାର ମୁଖ୍ୟ ଆରୋପି ବା ମାଷ୍ଟର ମାଇଣ୍ଡ ଶ୍ରୀକୃଷ୍ନ ରମେଶ ହିଁ ଥିଲା  । କର୍ଣ୍ଣଟକ ମନ୍ତ୍ରୀ ସିଦ୍ଦାରମିୟା ନିଜ ଟ୍ୱିଟରେ କହିଛନ୍ତିଯେ ଶ୍ରୀକୃଷ୍ନ ରମେଶ ହେଉଛି ‘ବିଗବସ୍’ ସିକ୍କି ଯିଏ କି ପୋଲିସକୁ ଚକମା ଦବାରେ ମାହିର  । ସେ ଲେଖିଛନ୍ତି ଚିନ୍ତାର ବିଷୟ ଏହାଯେ ବଡ଼ ବଡ଼ ନେତା ଓ ରାଜନେତାଙ୍କୁ ବଞ୍ଚାଇବା ପାଇଁ ଏହି ମାମଲାର ଯାଞ୍ଚ କରୁଥିବା ଅଧିକାରୀମାନେ ଘଟଣାକୁ ଲୁଚାଇବା ପାଇଁ ଚେଷ୍ଟା କରୁଛନ୍ତି  ।  ସେ ଏହା ମଧ୍ୟ ଲେଖିଛନ୍ତି ଏଥିରେ କରାଯାଉଥିବା ଯାଞ୍ଚକୁ ଅନ୍ୟ ଦାଗକୁ ନେବା ପାଇଁ ବିଜେପି ସରକାରର ହସ୍ତକ୍ଷେପ ସଠିକ୍ ନୁହଁ  ।

ମାମଲାର ମୁଖ୍ୟ ଆରୋପି ଶ୍ରୀକୃଷ୍ନ ରମେଶ କିଏ ?

ଶ୍ରୀକୃଷ୍ନ ରମେଶ ଚତୁର୍ଥ ଶ୍ରେଣୀରେ ପଢ଼ୁଥିବା ବେଳେ ତାକୁ ପ୍ରଥମେ କମ୍ପ୍ୟୁଟରରେ ଆଗ୍ରହ ଆସିଥିଲା  । ସେ କମ୍ପ୍ୟୁଟର ଲାଙ୍ଗୁଏଜ୍ ଶିଖିବାକୁ ଲାଗିଲା  ।  କମ୍ପ୍ୟୁଟରରେ ତାର ରୁଚି ଆସିଲା  ବୋଲି ଏକ ସୂତ୍ରରୁ ସୂତଚନା ମିଳିଛି  । କୁହାଯାଉଛି କି ସ୍କୁଲରେ ପଢ଼ୁଥିବା ସମୟରେ ଶ୍ରୀକୃଷ୍ନ ସ୍କୁଲ ୱେବସାଇଟକୁ ହ୍ୟାକ୍ କରି ନିଜ ଉପସ୍ଥାନ ପକାଇଦେବା ସହ ନିଜ ମାର୍କ ମଧ୍ୟ ପରିବର୍ତ୍ତନ କରିଦେଉଥିଲା  । ଏହାପରେ ଅଷ୍ଟମ ଶ୍ରେଣୀରେ ପଢ଼ିବା ପରେ ସେ ବ୍ଲାକ କ୍ୟାଟ୍ ନାମରେ ପରିଚିତ ହେଲା  ।

କୁହାଯାଏ କି ଇଣ୍ଟରନେଟ ରିଲ୍ ଚାର୍ଟ ଦ୍ୱାରା ବିଶ୍ୱର ସମସ୍ତ ହ୍ୟାକରଙ୍କ ସହ ସେ ସମ୍ପର୍କରେ ଆସିଥିଲା  । ବ୍ଲାକ୍ କ୍ୟାଚ୍ ହ୍ୟାକର ଦୁନିଆରେ ‘ବିଗ୍ ବସ୍’ ଓ ‘ରୋଜ’ ନାମରେ ପରିଚିତ  । କଲେଜ ପଢ଼ୁଥିବା ସମୟରେ ରମେଶ ମଦ୍ୟପାନ କରିବା ସଙ୍ଗେ ସଙ୍ଗେ ଡ୍ରଗ୍ସ ମଧ୍ୟ ନେଉଥିଲା ଏ ସବୁ କିଣିବା ପାଇଁ ସେ ବଡ଼ ବଡ଼ କମ୍ପାନୀକୁ ହ୍ୟାକ୍ କରିବା ଆରମ୍ଭ କରିଥିଲା  । ୨୦୨୦ରେ ରମେଶ ନିଜ ବନ୍ଧୁମାନଙ୍କ ସହ ଗଞ୍ଜେଇ ଟାଣୁଥିବା ସମୟରେ ପୋଲିସ ହାତରେ ଧରାପଡ଼ିଥିଲା  । ପରେ ଧିରେ ଧିରେ ହ୍ୟାକ୍ କରି ଏଥୁରୁ ଅଧିକ ଟଙ୍କା ରୋଜଗାର କରିବାକୁ ଲାଗିଲା  ।

 

 

କଂଗ୍ରେସରୁ ଇସ୍ତଫା ସହ ନୂଆ ଦଳ ନାମ ଘୋଷଣା କଲେ କ୍ୟାପଟେନ

ଚଣ୍ଡିଗଡ଼: କଂଗ୍ରେସରୁ ଇସ୍ତଫା ଦେଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମିରନ୍ଦର ସିଂ । ସେ ତାଙ୍କ ଇସ୍ତଫା ପତ୍ର କଂଗ୍ରେସ ସଭାପତି ସୋନିଆ ଗାନ୍ଧୀଙ୍କ ନିକଟକୁ ପଠାଇଛନ୍ତି । ପଞ୍ଜାବ କଂଗ୍ରେସରେ ବିବାଦ ପାଇଁ କିଛି ଦିନ ପୂବର୍ରୁ ସେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ଦଳ ମଧ୍ୟରେ ଅନ୍ତ କନ୍ଦଳ ପାଇଁ ସେ ଇସ୍ତଫା ଦେଇଥିଲେ । ତେବେ ପଞ୍ଜାବ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ସେ କଂଗ୍ରେସରୁ ବି ଇସ୍ତଫା ଦେବେ ବୋଲି ଅନୁମାନ କରାଯାଉଥିଲା । ତେବେ ସେ ଆଜି ବିଧିବଦ୍ଧ ଭାବରେ କଂଗ୍ରେସରୁ ଇସ୍ତଫା ଦେଇଛନ୍ତି । କଂଗ୍ରେସର କାର୍ଯ୍ୟକାରୀ ସଭାପତି ସୋନିଆ ଗାନ୍ଧିଙ୍କ ନିକଟକୁ ପଠାଇଥିବା ଇସ୍ତଫା ପତ୍ରରୁ କ୍ୟାପଟେନଙ୍କ ମନୋଦଶା ଜଣା ପଢୁଛି । ଏଥିରେ ସେ ଲେଖିଛନ୍ତି ଯେ, ସିଦ୍ଧୁଙ୍କୁ ପିସିସି ସଭାପତି କରି ଦଳ ବିରାଟ ଭୁଲ କରିଛି । ଦିନେ ଏଥିପାଇଁ ଦଳକୁ ପଶ୍ଚତାପ କରିବାକୁ ପଡିବ । ଏହା ସହିତ ଦଳ ଛାଡିବା ପାଇଁ ସେ ମଧ୍ୟ ଏକରକମ ସୋନିଆ ଓ ରାହୁଲ ତଥା ପ୍ରିୟଙ୍କାଙ୍କୁ ଦାୟୀ କରିଛନ୍ତି ।

ନିଜ ଇସ୍ତଫା ପତ୍ରରେ ସେ ଲେଖିଛନ୍ତି ଯେ, ‘ଆପଣ ଓ ଆପଣଙ୍କ ପିଲାଙ୍କ ବ୍ୟବହାର ମୋତେ ଗଭୀର ଆଘାତ ଦେଇଛି । ସେମାନଙ୍କୁ ମୁଁ ମୋ ନିଜ ପିଲାଙ୍କ ଭଳି ଭଲ ପାଉଥିଲି ଓ ଏବେ ମଧ୍ୟ ଭଲ ପାଉଛି । ସେମାନଙ୍କ ବାପାଙ୍କ ସହିତ ମୋର ସମ୍ପର୍କ ୧୯୫୪ରେ ସ୍କୁଲରେ ପଢିବା ବେଳରୁ । ଏହି ସମ୍ପର୍କ ୬୭ ବର୍ଷର ପୁରୁଣା ସମ୍ପର୍କ ଥିଲା ବୋଲି ଇସ୍ତଫା ପତ୍ରରେ ଲେଖିଛନ୍ତି କ୍ୟାପଟେନ ଅମିରନ୍ଦର ସିଂ । କଂଗ୍ରେସରୁ ଇସ୍ତଫା ଦେବା ସହ ଏକ ନୂଆ ପାର୍ଟି ମଧ୍ୟ ଗଠନ କରିଛନ୍ତି କ୍ୟାପଟେନ ।  ଯାହାର ନାମ ହେଉଛି ପଞ୍ଜାବ ଲୋକ କଂଗ୍ରେସ ।