spot_img
Home Blog Page 5155

ବିରାଟ କୋହଲୀଙ୍କ ୯ ମାସର ଝିଅକୁ ଧମକ: ଜାଣନ୍ତୁ କ’ଣ କହିଲେ ଦୁର୍ବୃତ୍ତ

ନୂଆଦିଲ୍ଲୀ: ଭାରତୀୟ କ୍ରିକେଟ ଟିମର ଅଧିନାୟକ ବିରାଟ କୋହଲିଙ୍କ ଝିଅକୁ ଧମକ । ଅନଲାଇନ୍ ଜରିଆରେ କୋହଲିଙ୍କ ଝିଅକୁ ଧମକ ଦିଆଯାଇଛି । କୋହଲିଙ୍କ ୯ ମାସର ଝିଅକୁ ବଳାତ୍କାର ନେଇ ଧମକ ମିଳିବା ପରେ ଏହାକୁ ଗୁରୁତର ସହ ନେଇଛନ୍ତି ଦିଲ୍ଲୀ ମହିଳା ଆୟୋଗ । ଦିଲ୍ଲୀ ମହିଳା ଆୟୋଗ ସ୍ୱାତୀ ମାଲିଓ୍ୱାଲ ଟ୍ୱିଟ୍ କରି ଏ ନେଇ କ୍ଷୋଭ ପ୍ରକାଶ କରିବା ସହ ଘଟଣାକୁ ନିନ୍ଦା କରିଛନ୍ତି । ସେ କହିଛନ୍ତି ଜଣେ ୯ ମାସର ଶିଶୁ କନ୍ୟାକୁ ଏଭଳି ଧମକ ଆସିବା ଅତ୍ୟନ୍ତ ନିନ୍ଦାଜନକ ଅଟେ । ଘଟଣାରେ ଦିଲ୍ଲୀ ପୋଲିସକୁ ନୋଟିସ୍ ଜାରି କରିବା ସହ ଏ ସମ୍ପର୍କରେ ଅବଗତ କରାଇବା ପାଇଁ କହିଛନ୍ତି ଦିଲ୍ଲୀ ମହିଳା ଆୟୋଗ । ଦିଲ୍ଲୀ ପୋଲିସ ଯଥାଶୀଘ୍ର ଘଟଣାରେ କାର୍ଯ୍ୟାନୁଷ୍ଠାନ ନେବା ପାଇଁ ନିର୍ଦ୍ଦେଶ ଦେଇଛନ୍ତି ସ୍ୱାତୀ ମାଲିଓ୍ୱାଲ ।

ହିମାଚଳ ପ୍ରଦେଶରେ କଂଗ୍ରେସର କ୍ଲିନ୍ ସ୍ବିପ୍ ; ବିଜେପି ହାତରୁ ଗଲା ମଣ୍ଡି ଆସନ

ଧର୍ମଶାଳା: ହିମାଚଳ ପ୍ରଦେଶରେ ବିଜେପିକୁ ଲାଗିଛି ଶକ୍ତ ଝଟକ୍କା । ହିମାଚଳପ୍ରଦେଶରେ ହୋଇଥିବା ଉପ ନିର୍ବାଚନରେ ବିଜେପିକୁ ଅଡୁଆରେ ପକାଇଛି କଂଗ୍ରେସ ।  ଗୋଟିଏ ଲୋକସଭା ଆସନ ଓ ତିନୋଟି ବିଧାନସଭା ଆସନ ପାଇଁ ହୋଇଥିବା ଉପନିର୍ବାଚନରେ କ୍ଲିନ୍ ସୁଇପ୍ କରିଛି କଂଗ୍ରେସ । ଯାହା ଫଳରେ ଆସନ୍ତା ବର୍ଷ ହେବାକୁ ଥିବା ବିଧାନସଭା ନିର୍ବାଚନରେ ଏହା ଏକ ବଡ଼ ପ୍ରଭାବ ପକାଇବ । ୨୦୧୯ ସାଧାରଣ ନିର୍ବାଚନରେ ହିମାଚଳ ପ୍ରଦେଶର ମଣ୍ଡି ଲୋକସଭା ଆସନରେ ବିଜେପିର ରାମ ସ୍ବରୂପ ଶର୍ମା ବିଜୟ ଲାଭ କରିଥିଲେ । କିନ୍ତୁ ତାଙ୍କ ଦେହାନ୍ତ ପରେ ମଣ୍ଡି ଲୋକସଭା ଆସନ ପାଇଁ ହୋଇଥିଲା ଉପନିର୍ବାଚନ । ତେବେ ଏଠାରେ ହୋଇଥିବା ଉପନିର୍ବାଚନରେ ପୂର୍ବତନ ମୁଖ୍ୟମନ୍ତ୍ରୀ ବିରଭଦ୍ର ସିଂଙ୍କ ପତ୍ନୀ ପ୍ରତିଭା ସିଂଙ୍କୁ ଟିକେଟ ଦେଇଥିଲା କଂଗ୍ରେସ। ତେବେ କଂଗ୍ରେସକୁ ଟକ୍କର ଦେବା ପାଇଁ  କାର୍ଗିଲ ଯୁଦ୍ଧର ହିରୋ କୁଶାଲ ସିଂ ଠାକୁରଙ୍କୁ ବିଜେପି ଦେଇଥିଲା ଟିକେଟ । କିନ୍ତୁ ଏହି ମଣ୍ଡି ଲୋକସଭା ଆସନକୁ ବଞ୍ଚାଇ ପାରିନଥିଲା ବିଜେପି । ୮ ହଜାର ୭୬୬ ଖଣ୍ଡ ଭୋଟରେ କୁଶାଲ ସିଂ ଠାକୁରଙ୍କୁ ପରାସ୍ତ କରିଥିଲେ ପ୍ରତିଭା ସିଂ ।

ସେହିପରି ଭାବରେ ଯଦି ତିନୋଟି ବିଧାନସଭା ଆସନ କଥା କହିବା ତାହାଲେ ଫତେହପୁର ବିଧାନସଭା ଆସନରେ କଂଗ୍ରେସ ପକ୍ଷରୁ ପୂର୍ବତନ ମନ୍ତ୍ରୀ ସୁଜନ ସିଂ ପଠାନିଆଙ୍କ ପୁଅ ଭବାନୀ ସିଂ ପଠାନିଆ ଏବଂ ବିଜେପିର ବଲଦେବ ଠାକୁର ମୁହାଁମୁହିଁ ହୋଇଥିଲେ । ତେବେ ଏହି ବିଧାନସଭା ଆସନରେ ଭବାନୀ ସିଂ ପଠାନିଆ ୨୪ ହଜାର ୨୪୯ ଖଣ୍ଡ ଭୋଟ ପାଇଥିବା ବେଳେ ବିଜେପିର ବଲଦେବ ଠାକୁରଙ୍କୁ ମିଳିଥିଲା ୧୮ ହଜାର ୪୭୮ ଖଣ୍ଡ ଭୋଟ । ଯାହାଫଳରେ କଂଗ୍ରେସ ୫ ହଜାର ୭୮୯ ଖଣ୍ଡ ଭୋଟରେ ବିଜୟ ଲାଭ କରିଛି । ସେହିପରି ଭାବରେ ଅର୍କି ବିଧାନସଭା ଆସନରେ କଂଗ୍ରେସ ପିସିସି ସାଧାରଣ ସମ୍ପାଦକ ସଞ୍ଜୟ ଆଓ୍ବସ୍ତି ଏବଂ ବିଜେପିର ରତନ ସିଂ ପାଲ ମୁହାଁମୁହିଁ ହୋଇଥିଲେ । ଯେଉଁଠାରେ କଂଗ୍ରେସ ୩୦ ହଜାର ୭୯୮ ଖଣ୍ଡ ଭୋଟ ପାଇଥିବା ବେଳେ ବିଜେପି ୨୭ ହଜାର ୫୭୯ ଖଣ୍ଡ ଭୋଟ ପାଇଛନ୍ତି । ଯାହା ଫଳରେ ସଞ୍ଜୟ ଆଓ୍ବସ୍ତୀ ୩ ହଜାର ୨୧୯ ଖଣ୍ଡ ଭୋଟରେ ବିଜୟ ଲାଭ କରିଛନ୍ତି ।

ସେହିପରି ଭାବରେ ଜୁବାଲ କୋଟଖାଇ  ବିଧାନସଭା ଆସନରେ କଂଗ୍ରେସ ନେତା ତଥା ପୂର୍ବତନ ବିଧାୟକ ରୋହିତ ଠାକୁର , ବିଜେପିର ପୂର୍ବତନ ଜିଲ୍ଲା ପରିଷଦ ସଦସ୍ୟ ନୀଲମ ସାର୍କ ଓ ସ୍ବାଧିନ ଭାବରେ ଛିଡା ହୋଇଥିବା ଚେତନ ସିଂଙ୍କ ମଧ୍ୟରେ ତ୍ରିମୁଖି ଲଢ଼େଇ ହୋଇଥିଲା । ତେବେ ଏହି ବିଧାନସଭା ଆସନରେ ବିଜେପି ଏଠାରେ ନିଜର ଅମାନତ ହରାଇଥିଲା । ଏହି ବିଧାନସଭା ଆସନରେ କଂଗ୍ରେସ ପ୍ରାର୍ଥୀ ୨୯ ହଜାର ୯୫୫ ଖଣ୍ଡ ଭୋଟ ପାଇଥିବାବେଳେ ସ୍ବାଧିନରେ ଛିଡା ହୋଇଥିବା ଚେତନ ସିଂ ୨୩ ହଜାର ୬୬୨ ଭୋଟ ପାଇଥିବା ବେଳେ ବିଜେପି ମାତ୍ର ୨ ହଜାର ୬୪୪ ଖଣ୍ଡ ଭୋଟ ପାଇଥିଲେ ।

ଉପନିର୍ବାଚନରେ ବିଜେପିର ପରାଜୟ ହିମାଚଳପ୍ରଦେଶର ମୁଖ୍ୟମନ୍ତ୍ରୀ ଜୟରାମ ଠାକୁରଙ୍କ ରାଜନୈତିକ ସ୍ଥିତି ଉପରେ ସିଧାସଳଖ ପ୍ରଭାବ ପକାଇବ । କାହିଁକି ନା ଆସନ୍ତା ବର୍ଷ ହିମାଚଳପ୍ରଦେଶରେ ହେବାକୁ ଯାଉଛି ବିଧାନସଭା ନିର୍ବାଚନ । ଏଭଳି ପରିସ୍ଥିତରେ କଂଗ୍ରେସ ଉପନିର୍ବାଚନରେ ଚାରୋଟି ଆସନ ଜିତିବା ବିଜେପିକୁ ଏକ ବଡ଼ ଝଟକ୍କା ଲାଗିଛି ।

ପୁଣି ଅଶାନ୍ତ କାବୁଲ: ହସ୍ପିଟାଲ ପ୍ରବେଶ ପଥରେ ବିସ୍ଫୋରଣ, ୧୯ମୃତ ଓ ୫୦ ଗୁରୁତର

କାବୁଲ: କିଛି ଦିନର ବ୍ୟବଧାନ ପରେ ପୁଣି ଅଶାନ୍ତ କାବୁଲ । ଲଗାତର ଦୁଇଟି ବୋମା ବିସ୍ଫୋରଣ ଓ ଗୁଳିକାଣ୍ଡ ଯୋଗୁଁ ୧୯ ଜଣଙ୍କ ମୃତ୍ୟୁ ହୋଇଥିବା ବେଳେ ୫୦ ଜଣ ଆହତ ହୋଇଛନ୍ତି । ଆଫଗାନିସ୍ତାନର ସବୁଠାରୁ ବଡ଼ ମିଲିଟାରୀ ହସ୍ପିଟାଲ ନିକଟରେ ଏହି ଘଟଣା ଘଟିଛି ।  ମହମ୍ମଦ ଦାଉଦ ଖାନ୍ ହସ୍ପିଟାଲର ପ୍ରବେଶ ପଥରେ ଏହି ବସ୍ଫୋରଣ ଘଟିଥିବା ମନ୍ତ୍ରୀଙ୍କ ମୁଖପାତ୍ର କ୍ୱାରି ସୟଦ ଖୋଷ୍ଟାଙ୍କ ପକ୍ଷରୁ କୁହାଯାଇଛି । ତେବେ ଅଘଟଣ ପରେ ଅଧିକ ସଂଖ୍ୟ ସୁରକ୍ଷାକର୍ମୀ ନିୟୋଜିତ କରାଯାଇଥିବା କୁହାଯାଇଛି ।

https://twitter.com/dr_aemal/status/1455458489514483714

ଏହି ବିସ୍ଫୋରଣରେ କଣ କ୍ଷୟକ୍ଷତି ହୋଇଛି ଏ ନେଇ ଆକଳନ ଚାଲିଛି । ବିସ୍ଫୋରଣ ପଛର କାରଣ କଣ ସେ ନେଇ ତାଲିବାନ୍ ସରକାର ପକ୍ଷରୁ କୌଣସି ସୂଚନା ଦିଆଯାଇନାହିଁ । ତେବେ ଏହା ପଛରେ ISIS-Kର ହାତ ଥିବା ଅନୁମାନ କରାଯାଉଛି । ଗତ କିଛି ଦିନ ଧରି କାବୁଲର ବିଭିନ୍ନ ପ୍ରାନ୍ତରେ ବିସ୍ଫୋରଣ ହେଉଥିବା ଖବର ଆସୁଛି । ଯାହାକୁ ନେଇ ଭୟରେ ଅଛନ୍ତି କାବୁଲବାସୀ ।

https://twitter.com/ComMotley/status/1455480572189478914

ତେବେ ଗୁଳିକାଣ୍ଡରୁ ବର୍ତ୍ତିଯାଇ ଥିବା ହସ୍ପିଟାଲ ସ୍ୱାସ୍ଥ୍ୟକର୍ମଙ୍କ କହିବା ହେଲା ଯେ, ଗୋଟିଏ ବିସ୍ଫୋଣ ହେବାର କିଛି ସମୟରେ ଆଉ ଏକ ବଡ଼ ଧରଣର ବିସ୍ଫୋରଣ ଘଟିଥିଲା । ଅନ୍ୟ ପକ୍ଷରେ ସ୍ଥାନୀୟ ଫଟୋଗ୍ରାଫରଙ୍କ ପକ୍ଷରୁ ସେୟାର କରାଯାଇଥିବା ଫଟୋରେ ବିସ୍ଫୋରଣ ଯୋଗୁଁ ସମ୍ପୂ୍ର୍ଣ୍ଣ ଅଞ୍ଚଳ ଧୂଆଁମୟ ହୋଇଯାଇଥିବା ଦେଖିବାକୁ ମିଳିଥିଲା ।

ଭୁବନେଶ୍ୱରରୁ ଜୟପୁରକୁ ଉଡ଼ିଲା ବିମାନ, ଡିସେମ୍ବରରୁ ଗୋଆକୁ ଡାଇରେକ୍ଟ ଫ୍ଲାଇଟ୍

ଭୁବନେଶ୍ୱର: ଭୁବନେଶ୍ୱରରୁ ରାଜସ୍ଥାନର ଜୟପୁରକୁ ଆଜିଠାରୁ ଆରମ୍ଭ ହୋଇଛି ବିମାନ ସେବା । ଇଣ୍ଡିଗୋ ପକ୍ଷରୁ ନୂଆ ବିମାନ ସେବା ଆରମ୍ଭ ହୋଇଛି । ଭର୍ଚୁଆଲରେ ପତାକା ଦେଖାଇ ଶୁଭାରମ୍ଭ କରିଛନ୍ତି କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ । ରାଜ୍ୟ ସରକାରଙ୍କ ପକ୍ଷରୁ ବିଜେଡି ରାଜ୍ୟସଭା ସାଂସଦ ସସ୍ମିତ ପାତ୍ର ଓ ସୁଜିତ କୁମାରଙ୍କ ସହ ମନ୍ତ୍ରୀ ଅଶୋକ ପଣ୍ଡା ସାମିଲ ହୋଇଥିଲେ । ଭୁବନେଶ୍ୱରରୁ ଜୟପୁର ମଧ୍ୟରେ ସପ୍ତାହକୁ ତିନିଦିନ ବିମାନ ଉଡ଼ାଣ କରିବ ।

Indigo Start Direct Flight Service Between Bhubaneswar And Jeypore

ଅନ୍ୟପଟେ ଡିସେମ୍ବର ୧ ତାରିଖରୁ ଭୁବନେଶ୍ୱରରୁ ଗୋଆ ସିଧା ସଳଖ ଉଡ଼ିବ ବିମାନ । ସପ୍ତାହକ ସାତ ଦିନ ଭୁବନେଶ୍ୱରରୁ ଗୋଆ ବିମାନ ସେବା ଯୋଗାଇବ ଇଣ୍ଡିଗୋ । ଏନେଇ ଭୁବନେଶ୍ୱର ବିମାନବନ୍ଦରର ନିର୍ଦ୍ଦେଶକ ଡ. ପ୍ରଭାତ ରଞ୍ଜନ ବେଉରିଆ ସୂଚନା ଦେଇଛନ୍ତି । ପୂର୍ବରୁ ଭୁବନେଶ୍ୱରରୁ ସିଧାସଳଖ କୋଲକାତା, ବେଙ୍ଗଳୁରୁ, ଦିଲ୍ଲୀ, ହାଇଦ୍ରାବାଦ, ମୁମ୍ବାଇ. ଆହ୍ଲାବାଦ, ଅହମଦାବାଦ, ଚେନ୍ନାଇ, ଝାରସୁଗୁଡ଼ା, ବାରଣାସୀକୁ ବିମାନ ଉଡ଼ାଣ କରୁଛି ।

ଏଥିସହ ପଢ଼ନ୍ତୁ: ନଭେମ୍ବର ୨ରୁ ଜୟପୁରକୁ ବିମାନ ଉଡ଼ାଣ, ସପ୍ତାହକୁ ୩ ଦିନ ସେବା ଯୋଗାଇବ ଇଣ୍ଡିଗୋ

ଚା’ ଦୋକାନରେ ଟ୍ରକ ଚଢ଼ି ୬ ମୃତ୍ୟୁ, ଚାଳକକୁ ନିସ୍ତୁକ ପିଟିଲେ ଗ୍ରାମବାସୀ

0

ଉତ୍ତରପ୍ରଦେଶ : ଉତ୍ତରପ୍ରଦେଶ ଗାଜିପୁର ମୁହମ୍ମୁଦାବାଦ କୋତବାଲିସ୍ଥିତ ଅହିରୋଲି ଗ୍ରାମ ନିକଟସ୍ଥ ଆଜି ସକାଳେ ଏକ ଟ୍ରକ୍ ନିଜ ଭାରସାମ୍ୟ ହରାଇ ଚା’ ଦୋକାନରେ ଉପରେ ଚଢ଼ିଯିବାରୁ ୬ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି  । ଘଟଣାସ୍ଥଳରେ ଡିଏମ୍ ଓ ଏସପି ପହଞ୍ଚି ମାମଲାର ଯାଞ୍ଚ କରୁଛନ୍ତି  । ଏହି ଘଟଣା ପରେ ଏଠାକାର ଗ୍ରାମବାସୀ ଉତ୍ୟକ୍ତ ହୋଇ ଚାଳକକୁ ଅଟକାଇ ନିସ୍ତୁକ ମାଡ଼ ମାରିଥିଲେ  । ଗ୍ରାମବାସୀ ମିଶି ଚାଳକଙ୍କୁ ମାଡ଼ ମାରିଥିବାରୁ ସ୍ଥାନୀୟ ପୋଲିସ ତାକୁ ଡାକ୍ତରଖାନା ପଠାଇଥିଲା  । ଅନ୍ୟ ଗୁରୁତର ଆହତ ବ୍ୟକ୍ତିଙ୍କୁ ମଧ୍ୟ ପୋଲିସ ଡାକ୍ତରଖାନା ପହଁଚାଇବାରେ ସାହାଯ୍ୟ କରିଥିଲା  । ଗ୍ରାମବାସୀ ୪ ଜଣ ମୃତ ବ୍ୟକ୍ତିଙ୍କ ମର ଶରୀରକୁ ରାସ୍ତା ମଝିରେ ରଖି ରାସ୍ତାରୋକ କରିଥିଲେ  । ଡିଏମ୍ ଓ ଏସପି ଘଟଣାସ୍ଥଳରେ ପହଁଚି ଗ୍ରାମବାସୀଙ୍କୁ ବୁଢାସୁଢା କରିଥିଲେ ବୋଲି ସୂଚନା ମିଳୁଛି  ।

ଗ୍ରାମବାସୀଙ୍କ ସୂଚନାନୁଯାୟୀ ଆଜି ସକାଳ ୮ଟା ସମୟରେ ଅହୋରେଲି ଗ୍ରାମ ନିକଟରେ ଥିବା ଚା’ ଦୋକାନରେ କେତେଜଣ ଲୋକ ବସିଥିବା ବେଳେ ହଠାତ୍ ଏକ ଟ୍ରକ୍ ଦ୍ରୁତ ବେଗରେ ଆସି ଲୋକଙ୍କୁ ଉପରେ ଚଢ଼ାଇ ଦେଇଥିଲା  । ଏହି ଦୁର୍ଘଟଣାରେ ଜିୟନଦାସପୁର ଗ୍ରାମର ଉମାଶଙ୍କର ଯାଦବ(୫୦), ଗୋଲୁ ଯାଦବ(୧୫), ବିରେନ୍ଦ୍ର ରାମ(୪୫), ସତ୍ୟେନ୍ଦ୍ର ଠାକୁର(୨୮)ଙ୍କ ମୃତ୍ୟୁ ହୋଇଥିଲା  । ଏମାନଙ୍କ ମଧ୍ୟରେ ଜଣେ ନାବାଳକ ମଧ୍ୟ ଥିଲେ  । ଅନ୍ୟ ତିନି ଜଣ ଗୁରୁତର ଆହତ ଥିବା ବ୍ୟକ୍ତିଙ୍କୁ ଡାକ୍ତରଖାନାରେ ଭର୍ତ୍ତି କରାଯିବା ପରେ ଚନ୍ଦ୍ର ମୋହନ ରାୟ(୪୫), ଶ୍ୟାମ ବିହାରୀ କୁଶୱାହ(୩୫)ଙ୍କ ଏହିଠାରେ ମୃତ୍ୟୁ ହୋଇଥିଲା  ।

କୁକୁଡ଼ା ଓ ହାଣ୍ଡିଆ ନ ଦେବାରୁ ପରିବାରକୁ ବାସନ୍ଦ କଲେ ଗ୍ରାମବାସୀ

ଆନନ୍ଦପୁର: ଠାକୁରାଣୀଙ୍କ ମାର୍ଜନା ପାଇଁ କୁକୁଡା ଓ ହାଣ୍ଡିଆ ନଦେବାରୁ ଏକ ପରିବାରକୁ ବାସନ୍ଦ କଲେ ଗ୍ରାମବାସୀ । କେନ୍ଦୁଝର ଜିଲ୍ଲା ଘସିପୁରା ବ୍ଲକ ଯୁଗଳକିଶୋରପୁର ଗାଁର ପୁରୁଣାପାଣି ସାହିରେ ଏଭଳି ଘଟଣା ଘଟିଛି । ଗୁନାରାମ ମୁର୍ମୁଙ୍କ ସ୍ତ୍ରୀଙ୍କର କନ୍ୟା ସନ୍ତାନ ଜନ୍ମ ହେବା ପରେ ତାଙ୍କୁ ଆମ୍ବୁଲାନ୍ସ ଯୋଗେ ଡାକ୍ତରଖାନା ନିଆଯାଇଥିଲା । ଏହି ସମୟରେ ଗାଁ ଦାଣ୍ଡରେ କିଛି ଜିନିଷ ପଡ଼ି ଯାଇଥିବାରୁ ଠାକୁରାଣୀଙ୍କ ମାର୍ଜନା ପାଇଁ ପୂଜା ସାମଗ୍ରୀ ଦେବାକୁ ଗାଁ ମୁଖିଆ ନିର୍ଦ୍ଦେଶ ଦେଇଥିଲେ ।

Villager Restricted A Family In Anandpur

ଏଥିପାଇଁ ୩ଟି କୁକୁଡ଼ା ସହିତ ଗୋଟିଏ ହାଣ୍ଡି ହାଣ୍ଡିଆ ଦେବାକୁ ଗୁନାରାମଙ୍କୁ ନିର୍ଦ୍ଦେଶ ଦିଆଯାଇଥିଲା । ଏଥିରେ ଅରାଜି ହେବାରୁ ଗୁନାରାମ ମୁର୍ମୁଙ୍କୁ ଗାଁରୁ ବାସନ୍ଦ କରାଯାଇଛି । ଏନେଇ ଥାନାରେ ଅଭିଯୋଗ କରିଛନ୍ତି ଗୁନାରାମ । ପୋଲିସ ପହଞ୍ଚି ସମସ୍ୟାର ସମାଧାନ ପାଇଁ ଆଲୋଚନା କରିଛି । ସେପଟେ ଅଭିଯୋଗକୁ ଖଣ୍ଡନ କରିଛନ୍ତି ଗ୍ରାମବାସୀ । ଗ୍ରାମବାସୀଙ୍କ କହିବା କଥା, ଗାଁର କାହାର ସନ୍ତାନ ଜନ୍ମ ହେଲେ ସେ ଠାକୁରାଣୀଙ୍କୁ ମାର୍ଜନା କରିବାର ନିୟମ ରହିଛି ।

ଏଲନ ମସ୍କଙ୍କ ମହାକାଶ ଯାନର ଟଏଲଟ୍ ଖରାପ,ବଡ଼ ଅସୁବିଧାରେ ମହାକାଶଚାରୀ

ଓ୍ୱାସିଂଟନ: ମଙ୍ଗଳ ଗ୍ରହରେ ସହର ସ୍ଥାପନ କରିବାର କଥା କହୁଥିବା ଆମେରିକୀୟ ଆରବପତି ଏଲନ ମସ୍କଙ୍କ କମ୍ପାନୀ ସ୍ପେଶ୍ ଏକ୍ସର ଅନ୍ତରୀକ୍ଷଣ ଯାନ କ୍ର୍ୟୁ ଡ୍ରାଗନର ଟଏଲଟ ଖରାପ ହୋଇଯାଇଛି । ଏଥି ଲାଗି ଏବେ ଅସୁବିଧାରେ ମହାକାଶଚାରୀ । ଚଳିତ ମାସରେ ଏଲନଙ୍କ ଅନ୍ତରୀକ୍ଷ ବିମାନ କ୍ର୍ୟୁ ଡ୍ରାଗନକୁ ଅନ୍ତର୍ଜାତୀୟ ସ୍ପେଶ୍ ଷ୍ଟେସନ ପଠାଯାଇଛି । ଯାହାଦ୍ୱାରା ମହାକାଶଚାରୀଙ୍କୁ ଫେରାଇ ଅଣାଯାଇପାରିବ । ତେବେ ଟଏଲେଟରେ ଅସୁବିଧା ଯୋଗୁଁ ବହୁ ଘଣ୍ଟାର ଲମ୍ୱା ଯାତ୍ରା ସମୟରେ ୪ଜଣ ମହାକାଶଚାରୀଙ୍କୁ ନିଜ ଅଣ୍ଡରଗ୍ରାମେଣ୍ଟକୁ ବଦଳାଇବାକୁ ପଡ଼ୁଛି ।

ନାସାର ବ୍ୟବସାୟୀ କ୍ରୁ୍ ପୋଗ୍ରାମ ମ୍ୟାନେଜର ଷ୍ଟିଭ୍ ଷ୍ଟିଚ୍‌ଙ୍କ କହିବା ହେଲା ଯେ, ଟଏଲେଟ ଖରାବ ହେବା ଯୋଗୁଁ ଏବେ ମହାକାଶଚାରୀଙ୍କୁ କେବଳ ଅଣ୍ଡରଗ୍ରାମେଣ୍ଟ ଭରସା । ଗତମାସରେ ପୃଥ୍ୱୀ କକ୍ଷରେ ୩ଦିବସୀୟ ଅନ୍ତରୀକ୍ଷ ଯାତ୍ରା ସମୟରେ ସ୍ପେଶ୍ ଏକ୍ସ ଇଷ୍ଟିପରେସନ୍-୪ ମିଶନ ଏୟାରକ୍ରାଫ୍ଟରେ କିଛି ଯାନ୍ତ୍ରିକ ତ୍ରୁଟି ଦେଖିବାକୁ ମିଳିଲା ।  ଅନ୍ତରୀକ୍ଷ ଯାନର ଟଏଲେଟରେ ଖରାପ ହୋଇଗଲା, ଏଥିଯୋଗୁଁ ୟୁରିନ୍ କ୍ୟାପସୁଲ ଭିତରେ ଲିକ୍ ହୋଇଗଲା । ।

ନାସା ପାଇଁ କାମ କରିସାରିଥିବା ସ୍ପେଶ୍ ଏକ୍ସର ଉପାଧ୍ୟକ୍ଷ ଓ୍ୱିଲିୟମ୍ ଗେରଷ୍ଟେନମେୟର ଅନ୍ତର୍ଜାତୀୟ ଗଣମାଧ୍ୟମକୁ ସାକ୍ଷାତକାରରେ କହିଛନ୍ତି ଯେ, ୟୁରିନ୍ କ୍ୟାପସୁଲରେ ଅସୁବିଧା ନେଇ କେହିଁ ଧ୍ୟାନ ଦେଇନଥିଲେ । ଏଭଳି କି ଚାଳକ ଦଳ ମଧ୍ୟ ଏହାକୁ ସେତେବେଳ ଯାଏଁ ନୋଟିସ କରିନଥିଲେ ଯେତେବେଳ ଯାଏଁ, ସେମାନେ ଫେରିଆସିନାହାନ୍ତି । ତେବେ ଏବେ କମ୍ପାନୀ ନୂଆ ଡିଜାଇନ୍ ଉପରେ ନାସାର ମଞ୍ଜୁରୀକୁ ଅପେକ୍ଷା ଥିବା କୁହାଯାଇଛି । ଏଲନ ମସ୍କଙ୍କ ସ୍ପେଶ ଏକ୍ସ କ୍ରୁ-୩ ମିଶନ ନେଇ ପୁରୁଣା ଟଏଲେଟ୍ ଡିଜାଇନର ବ୍ୟବହାର କରୁଛନ୍ତି ଯାହା ଏକ ନୂଆ ବ୍ୟାଚ୍କୁ ଅନ୍ତର୍ଜାତୀୟ ସ୍ପେଶ୍ ଷ୍ଟେସନକୁ ନିଆଯାଇଛି । ତେବେ କ୍ରୁ-୩ ମିନଶ ଦ୍ୱିତୀୟ କ୍ୟାପସୁଲର ବ୍ୟବହାର କରିବେ । ଯାହାକୁ ବର୍ତ୍ତମାନ ଏଣ୍ଡୁରେନ୍ସ ନାମ ଦିଆଯାଇଛି ।

ଏଥିସହିତ ପଢ଼ନ୍ତୁ: କୋଭ୍ୟାକ୍ସିନକୁ ଅଷ୍ଟ୍ରେଲିଆ ସରକାରଙ୍କ ଅନୁମତି

 

ବିଜେଡିରେ ମିଶିଲେ ଶତାଧିକ ବିଜେପି ଓ କଂଗ୍ରେସ କର୍ମୀ

ଧର୍ମଗଡ଼: କଳାହାଣ୍ଡିରେ ବଢୁଛି ବିଜେଡିର ବଳ । ପଞ୍ଚାୟତ ନିର୍ବାଚନ ପୂର୍ବରୁ ଖାଲି ହେଉଛି ବିରୋଧୀ କ୍ୟାମ୍ପ । ଗୋଲାମୁଣ୍ଡା ବ୍ଲକ ଫରଙ୍ଗରେ ଆୟୋଜିତ ହୋଇଛି ମୋ ପରିବାର ବିଜୁ ପରିବାର କାର୍ଯ୍ୟକ୍ରମ । ଏହି ଅବସରରେ ଶତାଧିକ ବିଜେପି ଓ କଂଗ୍ରେସ କର୍ମୀ ବିଜେଡିରେ ସାମିଲ ହୋଇଛନ୍ତି । ଗୃହ ରାଷ୍ଟ୍ରମନ୍ତ୍ରୀ କ୍ୟାପଟେନ୍ ଦିବ୍ୟଶଙ୍କର ମିଶ୍ରଙ୍କ ନେତୃତ୍ୱରେ ସମସ୍ତେ ଦଳରେ ସାମିଲ୍ ହୋଇଛନ୍ତି ।

BJP And Congress Worker Joins BJD Dharamgarh

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ ସମସ୍ତେ ବିଜେଡିରେ ସାମିଲ ହୋଇଥିବା କହିଛନ୍ତି । ଅନ୍ୟପଟେ ଏହି ଅବସରରେ ବରିଷ୍ଠ ନାଗରିକଙ୍କୁ ସମ୍ମାନିତ କରିଛନ୍ତି ମନ୍ତ୍ରୀ । ଉପଢୌକନ ପ୍ରଦାନ କରିବା ସହ ଶ୍ରୀଜଗନ୍ନାଥଙ୍କ ଫଟୋ ପ୍ରଦାନ କରିଛନ୍ତି ଦିବ୍ୟ ଶଙ୍କର । ଉପସ୍ଥିତ କର୍ମୀଙ୍କୁ ସମ୍ବୋଧିତ କରିବା ସହ ବିରୋଧୀଙ୍କୁ ଟାର୍ଗେଟ କରିଛନ୍ତି ମନ୍ତ୍ରୀ ଦିବ୍ୟଶଙ୍କର ମିଶ୍ର ।

ଧୋନିଙ୍କୁ ଟପିଲେ ମୋର୍ଗୋନ

ଦୁବାଇ: ଭାରତୀୟ ଦଳର ପୂର୍ବତନ ଅଧିନାୟକ ତଥା ବର୍ତ୍ତମାନ ଭାରତୀୟ ଦଳର ମେଣ୍ଟର ମହେନ୍ଦ୍ର ସିଂ ଧୋନୀଙ୍କୁ ଟପିଲେ ଇଂଲଣ୍ଡ ଦଳର ଅଧିନାୟକ ଇଅନ ମୋର୍ଗୋନା । ଚଳିତ ଟି-୨୦ ବିଶ୍ବକପରେ ଦମଦାର ପ୍ରଦର୍ଶନ ଜାରି ରଖିଛି ଇଂଲଣ୍ଡ । ଗତକାଲି ଅର୍ଥାତ ସୋମବାର ଖେଳାଯାଇଥିବା ମୁକାବିଲାରେ ଶ୍ରୀଲଙ୍କାକୁ ୨୬ ରନରେ ପରାସ୍ତ କରି ଟି-୨୦ ବିଶ୍ବକପର ସେମିଫାଇନାଲରେ ନିଜ ସ୍ଥାନ ପକ୍କା କରିଛି ଇଂଲଣ୍ଡ । ତେବେ ଶ୍ରୀଲଙ୍କା ବିପକ୍ଷରେ ଏହି ବିଜୟ ସହ ଏକ ବଡ଼ ରେକର୍ଡ ସୃଷ୍ଟି କରିଛନ୍ତି ଇଂଲଣ୍ଡ ଦଳର ଅଧିନାୟକ ଇଅନ ମୋର୍ଗୋନ । ଏହି ବିଜୟ ସହ ଟି-୨୦ ଅନ୍ତର୍ଜାତୀୟରେ ସଫଳତମ ଅଧିନାୟକ ହେଉଛନ୍ତି ଇଅନ ମୋର୍ଗୋନା । ସଫଳତମ ଅଧିନାୟକ ମାମଲାରେ ଇଅନ ମୋର୍ଗୋନା ଭାରତୀୟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ଏବଂ ଆପଗାନିସ୍ତାନର ପୂର୍ବତନ ଅଧିନାୟକ ଅସଗର ଅଫଗାନଙ୍କୁ ଟପିଛନ୍ତି ।

ମୋର୍ଗୋନଙ୍କ ଅଧିନାୟକତ୍ବରେ ଇଂଲଣ୍ଡ ୬୮ଟି ମ୍ୟାଚ ଖେଳିଥିବାବେଳେ ୪୩ଟି ମ୍ୟାଚରେ ବିଜୟ ଲାଭ କରିଛି । ଯେଉଁଥିରେ ଦୁଇଟି ବିଜୟ ସୁପର ଓଭରରୁ ଆସିଛି । ଚଳିତ ଟି-୨୦ ବିଶ୍ବକପରେ କ୍ରିକେଟକୁ ଅଲବିଦା କହିଥିବା ଆଫଗାନିସ୍ତାନର ପୂର୍ବତନ ଅଧିନାୟକ ୫୨ଟି ମ୍ୟାଚରେ ଅଧିନାୟକତ୍ବ କରିଛନ୍ତି । ଯେଉଁଥିରେ ୪୨ଟି ମ୍ୟାଚରେ ବିଜୟଲାଭ କରିଛି ଆଫଗାନିସ୍ତାନ । ତେବେ ଏହି ଲିଷ୍ଟରେ ଭାରତର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ଭାରତକୁ ୭୨ଟି ମ୍ୟାଚରେ ଅଧିନାୟକତ୍ବ କରିଛନ୍ତି । ସେଥିମଧ୍ୟରୁ ଭାରତ ୪୨ଟି ମ୍ୟାଚରେ ବିଜୟଲାଭ କରିଥିଲା ।

ମୋର୍ଗୋନା ୨୦୦୬ରେ ଆୟାରଲାଣ୍ଡ ପକ୍ଷରୁ ନିଜର ଅନ୍ତର୍ଜାତୀୟ ଡେବ୍ୟୁ କରିଥିଲେ । ଏହାପରେ ୨୦୦୯ରେ ମୋର୍ଗାନ ଇଂଲଣ୍ଡ ପାଇଁ ଖେଳିବା ଆରମ୍ଭ କରିଥିଲେ । ୨୦୧୨ ମସିହାରେ ଭାରତ ବିପକ୍ଷରେ ମୋର୍ଗୋନ ପ୍ରଥମ ଥର ପାଇଁ ଅଧିନାୟକତ୍ବ କରିଥିଲେ ।  କ୍ୟାପଟେନ ଭାବରେ ମୋର୍ଗୋନ ମହେନ୍ଦ୍ର ସିଂ ଧୋନୀଙ୍କ ଆଉ ଏକ ରେକର୍ଡ ଭାଙ୍ଗିବାକୁ ଯାଉଛନ୍ତି । ମୋର୍ଗୋନ ଏପର୍ଯ୍ୟନ୍ତ ୬୮ଟି ମ୍ୟାଚରେ ଅଧିନାୟକତ୍ବ କରିଛନ୍ତି । ଯାହାକି ଧୋନୀଙ୍କୁ ତୁଳନାରେ ମାତ୍ର ୪ଟି ମ୍ୟାଚ କମ୍ । ତେଣୁ ଖୁବଶୀଘ୍ର ମୋର୍ଗାନ ଧୋନୀଙ୍କ ଏହି ରେକର୍ଡକୁ ଭାଙ୍ଗିବେ । ମୋର୍ଗୋନ ଏଯର୍ପ୍ୟନ୍ତ ଇଂଲଣ୍ଡ ପାଇଁ ୨୨୩ ଦିନିକିଆ ମ୍ୟାଚ ଖେଳିଥିବାବେଳେ ୬ ହଜାର ୯୫୭ ରନ ସଂଗ୍ରହ କରିଛନ୍ତି । ଯଦି ଟି-୨୦ କଥା କହିବା ତାହାଲେ ଇଅନ ମୋର୍ଗୋନ ୧୧୧ଟି ଟି-୨୦ ମ୍ୟାଚ ଖେଳିଥିବାବେଳେ ୨ ହଜାର ୪୦୭ ରନ ସଂଗ୍ରହ କରିଛନ୍ତି ।

ଶ୍ରୀମନ୍ଦିର ପାଇଁ ୧୯୦ କୋଟି ୨୬ ଲକ୍ଷ ଟଙ୍କାର ବଳକା ବଜେଟ୍ ଅନୁମୋଦିତ

ପୁରୀ: ଶ୍ରୀମନ୍ଦିର ପାଇଁ ୧୯୦ କୋଟି ୨୬ ଲକ୍ଷ ଟଙ୍କାର ବଳକା ବଜେଟ୍ ଅନୁମୋଦିତ । ଗଜପତିଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ବଳକା ବଜେଟକୁ ଅନୁମୋଦନ ମିଳିଛି । ଖଣିରୁ ୧୫ କୋଟି, ବ୍ୟାଙ୍କ ଜମା ସୁଧରୁ ୩୭ କୋଟି ଓ ହୁଣ୍ଡିରୁ ୬ କୋଟି ଟଙ୍କା ଆୟ ହୋଇଛି । ସେପଟେ ଖଣିରୁ ଖଣ୍ଡେଲାଇଟ ପଥର‌ ଆମଦାନୀ ପାଇଁ ଓଏମସି ସହିତ ଶ୍ରୀମନ୍ଦିର ପ୍ରଶାସନର ଚୁକ୍ତି ହେବ । ଖଣିରୁ ୭୦ କୋଟି ଆୟ ପାଇଁ ଲକ୍ଷ୍ୟ ରଖାଯାଇଛି ।

 190 Crore 26 Lakh Additional Budget For Jagannath Temple Approved

ସେହିପରି ପୁରୀ ସହର ଜମିଜମା ସମସ୍ୟାର ସମାଧାନ ପାଇଁ ମୁଖ୍ୟ ଶାସନ ସଚିବଙ୍କ ସହିତ ବୈଠକ ହୋଇଛି । ଖୁବଶୀଘ୍ର ସମସ୍ୟାର ସମାଧାନ ନେଇ ୟୁନିଫର୍ମ ପଲିସିକୁ ସରଳୀକରଣ ନେଇ ସରକାରଙ୍କ ପକ୍ଷରୁ ଆରମ୍ଭ ହୋଇଛି ପ୍ରକ୍ରିୟା । ସୂର୍ଯ୍ୟ ମନ୍ଦିର ଦ୍ୱାରର ହେବ ରୂପା ଛାଉଣୀ । ଜଣେ ଦାତାଙ୍କ ଦ୍ୱାରା ରୂପା ଛାଉଣୀ କରାଯିବ । ସେବାୟତ ଓ ଶ୍ରୀମନ୍ଦିର କର୍ମଚାରୀ ମାନଙ୍କ ପାଇଁ ଖୁବଶୀଘ୍ର ଡ୍ରେସ୍‌ କୋଡ ଲାଗୁ କରିବାକୁ ବୈଠକରେ ନିଷ୍ପତ୍ତି ହୋଇଛି ।