spot_img
Home Blog Page 5159

ଗ୍ୟାସ୍ ସିଲିଣ୍ଡର ବିସ୍ଫୋରଣ: ସିଲିଣ୍ଡର ବଦଳାଇବା ବେଳେ ଲାଗିଗଲା ନିଆଁ

ବ୍ରହ୍ମପୁର: ପୁରୁଣା ବସଷ୍ଟାଣ୍ଡ ନିକଟ ଚର୍ଚ୍ଚ ରୋଡ ଠାରେ ଗ୍ୟାସ୍ ସିଲିଣ୍ଡର ବିସ୍ଫୋରଣ । ଗ୍ୟାସ ସିଲିଣ୍ଡର ଫାଟି ଘରର ବୋହୂ ,ନଣନ୍ଦ ଓ ଗ୍ୟାସ୍ ମେକାନିକଲ ଗୁରୁତର ଭାବେ ଆହତ ହୋଇଛନ୍ତି । ଗ୍ୟାସ ହାଣ୍ଡି ସରିଯିବା ପରେ ଆଉ ଏକ ହାଣ୍ଡି ଲଗାଇବା ସମୟରେ ଗ୍ୟାସ ଲିକ ହୋଇ ବିସ୍ଫୋରଣ ଘଟିଥିବା ସୂଚନା । ତେବେ ବିସ୍ଫୋରଣ ଏତେ ଜୋରରେ ହୋଇଥିଲା ଯେ, ଘରର ଆସବାବପତ୍ର ଭାଙ୍ଗୁ ଚୁରମାର ହେବା ସହ ରାସ୍ତା ଉପରେ ଆସିପଡ଼ିଥିଲା । ଖବର ପାଇଁ ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।
ଗ୍ୟାସ ସିଲିଣ୍ଡର ବିସ୍ଫୋରଣ ଘଟିଥିବା ଘର ମାଲିକ ହେଉଛନ୍ତି ଭାସ୍କର ପାତ୍ର । ଘରେ ଗ୍ୟାସ ସରିବା ପରେ ନୂଆଁ ଗ୍ୟାସ ହାଣ୍ଡି ସଂଯୋଗ କରାଯାଉଥିବା ବେଳେ ଲିକ ହୋଇ ସେଥିରୁ ନିଆଁ ନିର୍ଗତ ହୋଇଥିଲା । ଏହି ସମୟରେ ଉକ୍ତ ଘର ତଳେ ଭଡ଼ାରେ ଗ୍ୟାସ ମରାମତି କରୁଥିବା ସୁନିଲଙ୍କୁ ଘରର ଲୋକେ ଡାକିଥିଲେ । ସେ ସେଠାରେ ପହଞ୍ଚିବା ବେଳେ ହଠାତ୍ ଗ୍ୟାସ ହାଣ୍ଡି ଫୁଟିଥିଲା । ଏଥିରେ ସୁନିଲଙ୍କ ଶରୀରରୁ ପ୍ରବଳ ରକ୍ତ ବାହାରିବା ସହ ସେ ଏବେ ମେଡିକାଲରେ ମୃତ୍ୟୁ ସହ ସଂଗ୍ରାମ କରୁଥିବା ଜଣାପଡ଼ିଛି ।  ତାଙ୍କ ଶରୀରର ୭୦ ଭାଗ ପୋଡି ଯାଇଥିବା ଡାକ୍ତରଙ୍କ ପକ୍ଷରୁ କୁହାଯାଇଛି ।

ବଲାଙ୍ଗୀରରେ ଯୁବକଙ୍କୁ ସଂଘବଦ୍ଧ ଆକ୍ରମଣ: ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କଲା ପୋଲିସ

ବଲାଙ୍ଗୀର: ଜୟଭାରତଛକ ଠାରେ ଗ୍ୟାଙ୍ଗୱାର । ପୂର୍ବଶତ୍ରୁତାକୁ କେନ୍ଦ୍ରକରି ଜଣେ ଯୁବକଙ୍କୁ ସଂଘବଦ୍ଧ ଆକ୍ରମଣ ।  ଘଟଣା ସ୍ଥଳରୁ ଗୁରୁତର ଅବସ୍ଥାରେ ଯୁବକଙ୍କୁ ଟାଉନ ଥାନା ପୋଲିସ ଉଦ୍ଧାର କରି ବଲାଙ୍ଗୀର ଭୀମ ଭୋଇ ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରିଛି । ଗୁରୁତର ଯୁବକ ଜଣକ ବଲାଙ୍ଗୀରର କୁଖ୍ୟାତ ଅପରାଧୀ ସୌମ୍ୟ ଦାସ । ଆଜି ସାନ୍ଧ୍ୟ ୮ଟା ୫୦ମିନିଟ ସମୟରେ ପଂସାରି ଷ୍ଟିଲ ଆଗରେ କୁଖ୍ୟାତ ଅପରାଧୀ ସୌମ୍ୟା ସହ କିଛି ଯୁବକ କୌଣସି କାମରେ ଛିଡା ହୋଇଥିଲେ ଏହି ସମୟରେ ଅନ୍ୟ ଏକ ଗୋଷ୍ଠୀର କିଛି ଯୁବକ ଏକତ୍ରିତ ହୋଇ କାଠ ଓ ପଥରରେ ସଂଘବଦ୍ଧ ଆକ୍ରମଣ କରିଥିଲେ । ଗୁରୁତର ଯୁବକ ଜଣକ ଜଣେ ପୋଷାଦାର କୁଖ୍ୟାତ ଅପରାଧୀ ତା ନାଁରେ ବଲାଙ୍ଗୀରର ବିଭିନ୍ନ ଥାନାରେ ୨୦ରୁ ଅଧିକ ମାମଲା ରହିଛି ।

ଏଥିସହିତ ପଢ଼ନ୍ତୁ: ସବୁଜ ବାଣ ଫୁଟାଇବାକୁ ସର୍ତ୍ତମୂଳକ ଅନୁମତି ଦେଲେ ହାଇକୋର୍ଟ, ଜାଣନ୍ତୁ ସବୁଜ ବାଣ କ’ଣ…

ଓଡ଼ିଶା ଶିଶୁ ସୁରକ୍ଷା ଆୟୋଗର ୧୧ତମ ପ୍ରତିଷ୍ଠା ଦିବସ: ଶିଶୁଙ୍କ ଶିକ୍ଷା ଓ ସ୍ୱାସ୍ଥ୍ୟକୁ ପ୍ରାଥମିକତା ଦିଆଯାଉଥିବା କହିଲେ ମୁଖ୍ୟମନ୍ତ୍ରୀ

0

ଭୁବନେଶ୍ୱର: ଓଡ଼ିଶା ଶିଶୁ ଅଧିକାର ସୁରକ୍ଷା ଆୟୋଗର ୧୧ତମ ପ୍ରତିଷ୍ଠା ଦିବସ ପାଳିତ । ଏ ଅବସରରେ ଆୟୋଗର କାର୍ଯ୍ୟକୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରାଜ୍ୟ ସରକାର ଶିଶୁଙ୍କ ସୁରକ୍ଷା ନେଇ ବ୍ୟାପକ ସଚେତନତା କାର୍ଯ୍ୟକ୍ରମ ଗ୍ରହଣ କରିଛନ୍ତି । ରାଜ୍ୟର ସମ୍ବେଦନଶୀଳ ଶ୍ରେଣୀ ଶିଶୁଙ୍କ ସୁରକ୍ଷା ପାଇଁ ମଧ୍ୟ ସରକାର ଏକାଧିକ ଯୋଜନା କରିଛନ୍ତି ।

ଏ ଦିଗରେ ସରକାର ଜିରୋ ଟଲରାନ୍ସ ଆଭିମୁଖ୍ୟ ଗ୍ରହଣ କରିଛନ୍ତି ବୋଲି ମୁଖ୍ୟମନ୍ତ୍ରୀ କହିଛନ୍ତି । ବିଭିନ୍ନ ସ୍ତରରେ ଶିଶୁଙ୍କୁ ସୁରକ୍ଷା ଓ ନ୍ୟାୟ ପ୍ରଦାନକୁ ସର୍ବାଧିକ ଗୁରୁତ୍ବ ଦିଆଯାଉଛି । ବିଜୁ ଶିଶୁ ସୁରକ୍ଷା ଯୋଜନା, ଆଶିର୍ବାଦ ଯୋଜନା, ବିଜୁ କନ୍ୟା ରତ୍ନ ଯୋଜନା ଭଳି ଯୋଜନା କାର୍ଯ୍ୟକାରୀ ହେଉଛି । ଏଥିସହ ୩୪ଟି ପୋଲିସ ଜିଲ୍ଲାରେ ସ୍ବତନ୍ତ୍ର ଶିଶୁ ଅନୁକୂଳ ଥାନା ପ୍ରତିଷ୍ଠା କରିବାକୁ ନିଷ୍ପତ୍ତି ନେଇଛନ୍ତି । ଶିଶୁଙ୍କ ଶିକ୍ଷା, ସ୍ୱାସ୍ଥ୍ୟ ସହ ଶିଶୁଙ୍କ ମାନସିକ ବିକାଶ ପାଇଁ ମଧ୍ୟ ସରକାର ପ୍ରାଥମିକତା ଦେଉଛନ୍ତି ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଏଥିସହିତ ପଢ଼ନ୍ତୁ: ଆରଟିଓ-୧ ସ୍ଥିତ ନୂଆ କୋଠା ଓ ଆଇଟିସି ଗ୍ରୁପର ଷ୍ଟାର୍‌ ହୋଟେଲକୁ ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ

କଲେଜରେ କ୍ଳାସ୍ କଲେ ୟୁଜି ପ୍ରଥମ ବର୍ଷ ଛାତ୍ରଛାତ୍ରୀ: ଆସନ୍ତା ୧୫ରୁ ହେବ ପିଜି ପିଲାଙ୍କ କ୍ଳାସ୍

ଭୁବନେଶ୍ୱର: ଆଜିଠାରୁ ଆରମ୍ଭ ହୋଇଛି ୟୁଜି ପ୍ରଥମ ବର୍ଷ ଛାତ୍ରଛାତ୍ରୀଙ୍କ କ୍ଳାସ୍ । ଯୁକ୍ତ ଦୁଇ ପ୍ରଥମ ବର୍ଷ ପରେ ସିଧା ଯୁକ୍ତ ତିନି ପ୍ରଥମ ବର୍ଷରେ ଶ୍ରେଣୀ ଗୃହରେ ବସି ପାଠ ପଢିବାର ସୁଯୋଗ ପାଇଛନ୍ତି ଛାତ୍ରଛାତ୍ରୀ । ଶ୍ରେଣୀଗୃହରେ ପାଠପଢ଼ା ପାଇଁ ଛାତ୍ରଛାତ୍ରୀଙ୍କ ପାଇଁ ମାସ୍କ ବାଧ୍ୟତାମୂଳକ କରାଯାଇଛି । ନିୟମିତ ବ୍ୟବଧାନରେ ହାତ ସଫା କରିବା ସହ ଶ୍ରେଣୀ ଗୃହ, ପାଠାଗାର ତଥା ଲାବୋରଟୋରୀ ଗୁଡ଼ିକରେ ଛାତ୍ରଛାତ୍ରୀମାନେ ସେମାନଙ୍କ ମଧ୍ୟରେ ସାମାଜିକ ଦୂରତା ବଜାୟ ରଖିବେ । କେହି କଲେଜ ବା ବିଶ୍ୱବିଦ୍ୟାଳୟ ପରିସର ମଧ୍ୟରେ ବାହାରେ ଏଣେତେଣେ ଛେପ ପକାଇ ପାରିବେ ନାହିଁ । ତେବେ ପ୍ରଥମ ଦିନ କ୍ଳାସ ହୋଇନଥିବା ବେଳେ କେବଳ ଇଣ୍ଡକ୍ସନ କ୍ଳାସ କରି ପିଲାମାନଙ୍କୁ ଛାଡି ଦିଆଯାଇଛି ।

ଆସନ୍ତାକାଲି ଠାରୁ ବିଧିବଦ୍ଧ ଭାବରେ ପାଠପଢା ହେବ । ପ୍ରଥମ କରି ଅଫଲାଇନ ମାଧ୍ୟମରେ କ୍ଳାସ ଆରମ୍ଭ ହୋଇଥିବାରୁ ଛାତ୍ରଛାତ୍ରୀମାନେ ବେଶ୍ ଉତ୍ସାହିତ ହୋଇଛନ୍ତି । ଗଲା ଦେଢବର୍ଷ ହେବ ସବୁ ପିଲା ଅନ୍‌ଲାଇନ୍ ମାଧ୍ୟମରେ କ୍ଳାସ କରୁଥିଲେ ମଧ୍ୟ ତାହା ବୁଝିବା ଏତେ ସହଜ ହେଉନଥିଲା । ଏବେ କଲେଜ ଖୋଲିଥିବାରୁ ଭଲ ପାଠ ପଢିବା ସହ ପରୀକ୍ଷାରେ ଭଲ ପ୍ରଦର୍ଶନ କରିବେ ବୋଲି ଛାତ୍ରୀମାନେ କହିଛନ୍ତି । ସେପଟେ ଉଚ୍ଚଶିକ୍ଷା ପକ୍ଷରୁ ଆସିଥିବା ଗାଇଡଲାଇନ୍ ପାଳନ ପୂର୍ବକ ପାଠ ପଢାଇବା ପାଇଁ ଆନୁଷଙ୍ଗିକ ବ୍ୟବସ୍ଥା କରାଯାଇଥିବା କହିଛନ୍ତି ରମାଦେବୀ ମହିଳା ବିଶ୍ୱବିଦ୍ୟାଳୟର କୁଳପତି । ଅନ୍ୟପକ୍ଷରେ ଆସନ୍ତା ୧୫ ତାରିଖରୁ ପିଜି ପ୍ରଥମ ବର୍ଷ ପିଲାଙ୍କ କ୍ଳାସ୍ ମଧ୍ୟ ଆରମ୍ଭ ହେବେ । ସେମାନେ ମଧ୍ୟ ସିଧା ସଳଖ କଲେଜ କ୍ଳାସ୍ ରୁମରେ ବସି ପାଠ ପଢ଼ିବେ ।

ବିଜେପି ଜିଲ୍ଲା ପରିଷଦ ଉପାଧ୍ୟକ୍ଷଙ୍କ ଇସ୍ତଫା

ମାଲକାନଗିରି: ଜିଲ୍ଲା ପରିଷଦ ଉପାଧ୍ୟକ୍ଷା ତଥା ବିଜେପି ନେତ୍ରୀ ସୁଲତା ମଣ୍ଡଳଙ୍କ ଇସ୍ତଫା । ଜିଲ୍ଲା ସଭାପତିଙ୍କୁ ନିକଟକୁ ନିଜ ଇସ୍ତଫା ପତ୍ର ପଠାଇଥିବା ବେଳେ ଏ ନେଇ ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି । ଦୀର୍ଘ ବର୍ଷ ଧରି ସେ ବିଜେପି ଦଳରେ ରହି ବିଭିନ୍ନ ପଦପଦବୀରେ ରହିଆସିଛନ୍ତି। ବିଗତ ଦିନରେ ବିଭିନ୍ନ ସମସ୍ୟା ନେଇ ସେ ଦଳୀୟ ନେତୃବୃନ୍ଦଙ୍କୁ ଅବଗତ କରାଇଆସୁଥିଲେ । ହେଲେ ଦଳ ତାଙ୍କ ପ୍ରତି ଅନ୍ୟାୟ କରିଥିବା ସେ ଅଭିଯୋଗ ଜରିଛନ୍ତି । ଏହି କାରଣରୁ ଜିଲ୍ଲା ବିଜେପି ସଭାପତିଙ୍କୁ ଇସ୍ତଫା ପତ୍ର ପ୍ରଦାନ କରିଥିବା ସେ ସୂଚନା ଦେଇଛନ୍ତି। ତେବେ ସେ କେଉଁ ଦଳରେ ମିଶିବେ ତାହା ସ୍ପଷ୍ଟ କରିନାହାନ୍ତି ।

ଅନ୍ୟପକ୍ଷରେ ବିଜୁ ଜନତା ଦଳ ଅଧିକ ସୁଦୃଢ଼ ହେବାରେ ଲାଗିଛି । ଅନ୍ୟ ରାଜେନୖତିକ ଦଳର ନେତା ଓ କର୍ମୀ ବିଜେଡି ମୁହାଁ ହେଉଛନ୍ତି । ପୂର୍ବରୁ  ମାଲକାନଗିରି ଜିଲ୍ଲା କାଲିମେଳା ବ୍ଲକ ଏମପିଭି-୮୧ରେ ଆୟୋଜିତ ହୋଇଛି ବିଜେଡିର ମିଶ୍ରଣ ପର୍ବ । ବିଜୁ ଜନତା ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ଏଥିରେ ଚିତ୍ରକୋଣ୍ଡା ନିର୍ବାଚନ ମଣ୍ଡଳୀର ୧୦୦ରୁ ଅଧିକ ବିଜେପି ଓ କଂଗ୍ରେସ କର୍ମୀ ବିଜୁ ଜନତା ଦଳରେ ଯୋଗଦେଇଥିଲେ ।

ଏଥିସହିତ ପଢ଼ନ୍ତୁ:ବିଜେଡିରେ ମିଶିଲେ ଶହେରୁ ଅଧିକ ବିଜେପି ଓ କଂଗ୍ରେସ କର୍ମୀ

ପ୍ରିମିୟମ ଭରି ନଥିଲେ ଏଲଆଇସି ଦେବନି ଆସିଡେଣ୍ଟ କ୍ଲେମ୍ ବେନିଫିଟ୍

ନୂଆଦିଲ୍ଲୀ: ଆସିଡେଣ୍ଟ କ୍ଲେମ୍ ବେନିଫିଟକୁ ନେଇ ସୁପ୍ରିମକୋର୍ଟଙ୍କୁ ଗୁରୁତ୍ବପୂର୍ଣ୍ଣ ରାୟ । ପ୍ରିମିୟମ ଠିକ୍ ସମୟରେ ଭରା ଯାଇନଥିଲେ ଆସିଡେଣ୍ଟ କ୍ଲେମ୍ ବେନିଫିଟ୍ ମିଳିବ ନାହିଁ । ଏକ ମାମଲାର ବିଚାର କରି କୋର୍ଟ ଏହି ରାୟ ଦେଇଛନ୍ତି ।

ସୂଚନାଯୋଗ୍ୟ, ପ୍ରଦୀପ କୁମାର ନାମକ ଜଣେ ବ୍ୟକ୍ତି LICର ଜୀବନ ସୁରକ୍ଷା ପଲିସି କରିଥିଲେ । ଏଥିରେ ୩.୭୫ ଲକ୍ଷ ଟଙ୍କା ବୀମା ଥିଲା ଓ ଦୁର୍ଘଟଣାରେ ମୃତ୍ୟୁ ଘଟିଲେ ଅତିରିକ୍ତ ୩.୭୫ ଲକ୍ଷ ଟଙ୍କା ମିଳିବାର ଥିଲା । ପ୍ରତି ୬ ମାସରେ ବୀମା କିସ୍ତି ଦେବାକୁ ଥିଲା । ୨୦୧୧ ଅକ୍ଟୋବର ୧୪ରେ ବୀମା କିସ୍ତି ଦେବାର ଥିଲା, ହେଲେ ପ୍ରଦୀପ କିସ୍ତି ଭରି ନଥିଲେ । ୨୦୧୨ ମାର୍ଚ୍ଚ ୬ ତାରିଖରେ ପ୍ରଦୀପଙ୍କ ଦୁର୍ଘଟଣା ହୋଇଥିଲା ଓ ୨୧ ମାର୍ଚ୍ଚରେ ତାଙ୍କର ମୃତ୍ୟୁ ଘଟିଥିଲା । ଏହି ସମୟ ମଧ୍ୟରେ ମାର୍ଚ୍ଚ ୯ ତାରିଖରେ ତାଙ୍କ ତରଫରୁ ବାକି ପ୍ରିମିୟର ଭରା ଯାଇଥିଲା । ଏଲଆଇସି ପ୍ରଦୀପଙ୍କ ପତ୍ନୀଙ୍କୁ ୩. ୭୫ ଲକ୍ଷ ବୀମା ଟଙ୍କା ଦେଇଥିଲା ହେଲେ ଆସିଡେଣ୍ଟ ବେନିଫିଟ୍ ଦାବିକୁ ନାକଚ କରି ଦେଇଥିଲା । ଏଲଆଇସି ପକ୍ଷରୁ କୁହାଯାଇଥିଲା ଠିକ୍ ସମୟରେ ପ୍ରିମିୟର ଭରା ଯାଇ ନଥିବାରୁ ପଲିସି ଲ୍ୟାପ୍ସ ହେବା କଣ୍ଡିସନରେ ଥିଲା ।

ଏଲଆଇସି ଦୁର୍ଘଟଣା ବେନିଫିଟ୍ ଦେବାକୁ ମନା କରିବା ପରେ ପ୍ରଦୀପଙ୍କ ପତ୍ନୀ ଜିଲ୍ଲା ଉପଭୋକ୍ତା ଅଦାଲତକୁ ଯାଇଥିଲେ । ମାମଲାର ବିଚାର କରି ଜିଲ୍ଲା ଉପଭୋକ୍ତା କୋର୍ଟ ଏଲଆଇସିକୁ ଦୁର୍ଘଟଣା ବାବଦକୁ ୩.୭୫ ଲକ୍ଷ ଟଙ୍କା ଦେବାକୁ ନିେଦ୍ଦର୍ଶ ଦେଇଥିଲେ । ଏହାପରେ ମାମଲା ଜିଲ୍ଲା କଞ୍ଜୁମର ଫୋରମକୁ ଯାଇଥିଲା । ସେଠାରେ ଏଲଆଇସିର ଦଲିଲି ଶୁଣିବାକୁ ଗ୍ରହଣ କରାଯାଇଥିଲା । ଏହାପରେ ପ୍ରଦୀପଙ୍କ ପତ୍ନୀ ନ୍ୟାସନାଲ କଞ୍ଜୁମର ଫୋରମକୁ ଯାଇଥିଲେ । ସେଠାରେ ଏଲଆଇସିର ଦାବିକୁ ଅସ୍ବୀକାର କରି ଆସିଡେଣ୍ଟ ବେନିଫିଟ୍ ଦେବାକୁ ନିର୍ଦ୍ଦେଶ ଦିଆଯାଇଥିଲା । ଏହାପରେ ଏଲଆଇସି ସିପ୍ରିମକୋର୍ଟ ଯାଇଥିଲେ ।

ଦୁଇ ପକ୍ଷଙ୍କ ଦଲିଲ ଶୁଣିବା ପରେ କୋର୍ଟ କହିଥିଲେ, ’୧୧ ଅକ୍ଟୋବର ୨୦୧୧ରେ କିସ୍ତି ଦେବାର ଥିଲା । ୨୦୧୨ ମାର୍ଚ୍ଚ ୬ ତାରିଖରେ ଦୁର୍ଘଟଣା ହେବା ପରେ ୯ ମାର୍ଚ୍ଚରେ କିସ୍ତି ଭରାଯାଇଥିଲା ଓ ଦୁର୍ଘଟଣା ସମ୍ପର୍କରେ ଏଲଆଇସିକୁ ଜଣାଯାଇନଥିଲା । ଜାଣିଶୁଣି ମନ୍ଦ ଉଦ୍ଦେଶ୍ୟ ରଖି ଏଲଆଇସିକୁ ଦୁର୍ଘଟଣା ସମ୍ପର୍କରେ ଅବଗତ କରାଯାଇ ନଥିଲା ।’

କୋର୍ଟ ଆହୁରି କହିଥିଲେ, ‘ଏଲଆଇସି ସର୍ତ୍ତ ଅନୁସାରେ ଦୁର୍ଘଟଣା ସମୟରେ ପଲିସି ଜାରି ରହିବା ଦରକାର । ହେଲେ ଏହି ମାମଲାରେ ୧୪ ଅକ୍ଟୋବର ୨୦୧୧ରେ କିସ୍ତି ଭରା ଯାଇନଥିବାରୁ ପଲିସି ଲ୍ୟାପ୍ସ କଣ୍ଡିସନରେ ଥିଲା । ୬ ମାର୍ଚ୍ଚରେ ଦୁର୍ଘଟଣା ହେବା ବେଳକୁ ପଲିସି କାମ କରୁନଥିଲା । ଏମିତି ସ୍ଥିତିରେ ଉପଭୋକ୍ତା ଦୁର୍ଘଟଣା ବେନିଫିଟ୍ ମାଗିବା ଯୁକ୍ତିଯୁକ୍ତ ନୁହେଁ ।’

ଅର୍ଜୁନ ପୁରସ୍କାର ଟ୍ରଫି ପାଇଲେ ଦୂତି ଚାନ୍ଦ; ମୁଖ୍ୟମନ୍ତ୍ରୀ ଓ କ୍ରୀଡ଼ା ବିଭାଗକୁ ଜଣାଇଲେ ଧନ୍ୟବାଦ

ଭୁବନେଶ୍ୱର: ଭାରତୀୟ ଅଲିମ୍ପିଆନ୍ ତଥା ଓଡ଼ିଆ ଦୌଡ଼ ରାଣୀ ଦୂତି ଚାନ୍ଦ ସୋମବାର ଅର୍ଜୁନ ପୁରସ୍କାରର ଟ୍ରଫି ଗ୍ରହଣ କରିଛନ୍ତି । ତାଙ୍କ ସହ ଅନ୍ୟାନ୍ୟ ବିଭାଗର ମୋଟ ୨୭ ଜଣ ଖେଳାଳି ସୋମବାର ନୂଆଦିଲ୍ଲୀରେ ଅର୍ଜୁନ ପୁରସ୍କାର ଟ୍ରଫି ଗ୍ରହଣ କରିଛନ୍ତି । ଦୂତି ଟ୍ୱିଟରରେ ଟ୍ରଫି ସହ ନିଜ ଫଟୋକୁ ମଧ୍ୟ ସେୟାର କରିଛନ୍ତି । ଏବଂ ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କନ୍ଧମାଳ ସାଂସଦ ଡ. ଅଚ୍ୟୁତ ସାମନ୍ତ ଓ ରାଜ୍ୟ କ୍ରୀଡ଼ା ବିଭାଗକୁ ବିଭିନ୍ନ ସୁବିଧା ସୁଯୋଗ ଦେଇଥିବାରୁ କୃତଜ୍ଞତା ଜଣାଇଛନ୍ତି ।

ଅନ୍ୟପକ୍ଷରେ କ୍ରିକେଟର ଇଶାନ୍ତ ଶର୍ମା ମଧ୍ୟ ଅର୍ଜୁନ ପୁରସ୍କାର ପାଇବା ପରେ ସ୍ତ୍ରୀଙ୍କ ସହ ଫଟୋକୁ ସୋସିଆଲ ମିଡିଆରେ ସେୟାର କରିଛନ୍ତି । ପୂର୍ବରୁ ଅର୍ଜୁନ ପୁରସ୍କାର ନେଇ ପୂର୍ବରୁ ନାମ ଘୋଷଣା କରାଯିବା ସହ କରୋନା କଟକଣା କାରଣରୁ ଭର୍ଚୁଆଲ ମାଧ୍ୟମରେ ରାଷ୍ଟ୍ରପତି ରାମନାଥ କୋବିନ୍ଦ ଏହି ପୁରସ୍କାର ପ୍ରଦାନ କରାଯାଇଥିଲା । ତେବ ଆଜି ପୁରସ୍କାର ବିଜେତାଙ୍କୁ ଟ୍ରଫି ପ୍ରଦାନ କରାଯାଇଛି ।

Image

ସେମିଫାଇନାଲରେ ପହଁଚିପାରିବ ଭାରତ, ଜାଣନ୍ତୁ କେମିତି…

 

ଟି-ଟ୍ବେଣ୍ଟି ୱାର୍ଲ୍ଡ କପର ଦୁଇଟି ମ୍ୟାଚ୍ ହାରିଲା ଭାରତ  । ପାକିସ୍ତାନଠୁ ୧୦ ୱିକେଟରେ ହାରିଥିବା ବେଳେ ଗତକାଲି ନ୍ୟୁଜିଲ୍ୟାଣ୍ଡଠୁ ୮ ୱିକେଟରେ ହାରିଛି  । ଏହି କାରଣରୁ ଭାରତ ସେମିଫାଇନାଲରୁ ଦୂରେଇ ଯାଉଥିବା ଦେଖାଯାଉଛି  । ଭାରତର ସେମିଫାଇନାଲରେ ପ୍ରବେଶର ଆଶା ଖୁବ୍ କମ୍ ବୋଲି ଜଣାପଡ଼ୁଛି  ।

ସୁପର-୧୨ ଗ୍ରପ୍-୨ର ଟେବୁଲ ଟପ୍ପର ଭାବେ ପାକିସ୍ତାନ ଦ୍ବିତୀୟ ସ୍ଥାନରେ ରହିବ ଏଥିରେ କୈାଣସି ସନ୍ଦେହ ନାହିଁ  । ମାତ୍ର ପାକିସ୍ତାନ ପରେ ଗୋଟିଏ ସ୍ଥାନରେ ରହିବା ପାଇଁ ଓ ନିଜ ଜାଗା ଅକ୍ତିଆର କରିବା ପାଇଁ ନ୍ୟୁଜିଲ୍ୟାଣ୍ଡ ଓ ଆଫଗାନିସ୍ଥାନ ମଧ୍ୟରେ ଚାଲିଛି ଘମାଘୋଟ ଲଢ଼େଇ  । ଅବଶ୍ୟ ଭାରତ ହାତରେ ବର୍ତ୍ତମାନ ସୁଦ୍ଧା ଆଉ ୩ଟି ମ୍ୟାଚ୍ ବାକି ଅଛି  । ଏଥିପାଇଁ ଆମେ କହିପାରିବା କି ସୁଯୋଗ ଏବେ ବି ଅଛି  । ଏ ଯାଏ ସୁଯୋଗ ହାତଛଡ଼ା ହୋଇନାହିଁ  । ପାକିସ୍ତାନ ନିଶ୍ଚିତ ଭାବରେ ଟେବୁଲ ଟପ୍ପର ରୂପେ ଗଣାଯାଉଛି ଏହାପରେ ରହିଛି ନ୍ୟୁଜିଲ୍ୟାଣ୍ଡ ଓ ଆଫଗାନିସ୍ତାନ  ।

ପୂରା ପରିସ୍ଥିତି ଦେଖିବାକୁ ଗଲେ ଏଥିରୁ ଜଣାଯାଉଛିଯେ ବର୍ତ୍ତମାନ ଭାରତର ଜିତିବା କେବଳ ଭାଗ୍ୟ ହାତରେ  । ଭାଗ୍ୟ ଭଲ ଥିଲେ ଭାରତ ଜିତିପାରିବ  । ଟାଇମ୍ସ ଅଫ୍ ଇଣ୍ଡିଆର ଶଙ୍କର ରଘୁରାମନ ସମସ୍ତ ପରିସ୍ଥିତିକୁ ଲକ୍ଷ୍ୟ କରି ଏହା ଉପରେ ନିଜ ମତ ରଖିଛନ୍ତି  । ଭାରତ ଜିତିପାରିବ ମାତ୍ର ଏହି ୭ଟି ପଏଣ୍ଟରେ ।

ଆସନ୍ତୁ ଜାଣିବା ସେ କହିଥିବା ୭ଟି ପଏଣ୍ଟ :-

ଭାରତ, ପାକିସ୍ତାନ ଓ ନ୍ୟୁଜିଲ୍ଯାଣ୍ଡ ଏହି ତିନୋଟି ଟିମ୍ ସ୍କଟଲ୍ୟାଣ୍ଡ ଓ ନିମ୍ବୋନିଆ ଦୁଇଟି ଟିମ୍କୁ ହରାଇବା ଦରକାର  । ଯଦି ଏମିତି ହେବ ତେବେ ପାକିସ୍ତାନ ନିଶ୍ଚିତ ଭାବେ ୧୦ଟି ଅଙ୍କ ନେଇ ଗ୍ରପରେ ଶୀର୍ଷରେ ପହଁଚିବା ସହ ସେମିଫାଇନାଲରେ ପହଁଚିଯିବ  ।

ଏହାପରେ ଖାଲି ଥିବା ଗୋଟିଏ ସ୍ଥାନ ପାଇଁ ଭାରତ,ନ୍ୟୁଜିଲ୍ଯାଣ୍ଡ ଓ ଆଫଗାନିସ୍ତାନ ଏହି ତିନୋଟି ଟିମ୍ ମଧ୍ୟରେ ଜବରଦସ୍ତ ଲଢ଼େଇ ଆରମ୍ଭ ହେବ  । ଯଦି ଭାରତୀୟ ଟିମ୍ ଆଫଗାନିସ୍ତାଠୁ ହାରିଯାଏ ତେବେ ଭାରତ ସେମିଫାଇନାଲରୁ ବାହାରିଯିବ  ।

ଭାରତ ଯଦି ଆଫଗାନିସ୍ତାନକୁ ହରାଇବା ପରେ ନ୍ୟୁଜିଲ୍ୟାଣ୍ଡକୁ ହରାଉଛି ତେବେ ଯାଇ ସେମିଫାଇନାଲରେ ନିଜ ସ୍ଥାନ ପାଇବାର ସୁଯୋଗ ଅଛି  ।

ଯଦି ଆଫଗାନିସ୍ତାନ ନ୍ୟୁଜିଲ୍ୟାଣ୍ଡକୁ ହରାଏ ଏବଂ ଭାରତ ଆଫଗାନିସ୍ତାନକୁ ହରାଏ ତେବେ ଭାରତ, ନ୍ୟୁଜିଲ୍ୟାଣ୍ଡ ଓ ଆଫଗାନିସ୍ତାନ ଏହି ତିନୋଟି ଟିମ୍ ୬ ଅଙ୍କ ହାସଲ କରିବେ  । ଏହି ପରିସ୍ଥିତିରେ ସବିକିଛି ନେଟ୍ ରନ୍ ଉପରେ ନିର୍ଭରଶୀଳ  । ବାସ୍ତବରେ ଭାରତକୁ ନାମିବିଆ ଓ ସ୍କଟଲ୍ଯାଣ୍ଡ ବିରୁଦ୍ଧରେ ବଡ଼ ବିଜୟର ଆବଶ୍ୟକତା ରହିଛି  ।

କାହା ସାଙ୍ଗରେ କେବେ ଅଛି କାହାର ଲଢ଼େଇ :

ଭାରତ : ନଭେମ୍ବର ୩ରେ ଆଫଗାନିସ୍ତାନ, ନଭେମ୍ବର ୫ରେ ସ୍କଟଲ୍ଯାଣ୍ଡ, ନଭେମ୍ବର ୮ରେ ନାମିବିଆ

ପାକିସ୍ତାନ : ନଭେମ୍ବର ୨ ନିମୋବିଆ, ନଭେମ୍ବର ୭ ସ୍କଟଲ୍ୟାଣ୍ଡ

ନ୍ୟୁଜିଲ୍ୟାଣ୍ଡ : ନଭେମ୍ବର ୩ ସ୍କଟଲ୍ୟାଣ୍ଡ, ନଭେମ୍ବର ୫ ନିମୋବିଆ, ନଭେମ୍ବର ୭ ଆଫଗାନିସ୍ତାନ

ଆଫଗାନିସ୍ତାନ : ନଭେମ୍ବର ୩ ଭାରତ, ନଭେମ୍ବର ୭ ନ୍ୟୁଜିଲ୍ୟାଣ୍ଡ

ମନରେଗାରେ କାର୍ଯ୍ୟ ଦିବସ ବୃଦ୍ଧି ନେଇ ପ୍ରଧାନମନ୍ତ୍ରୀଙ୍କୁ ମୁଖ୍ୟମନ୍ତ୍ରୀଙ୍କ ଚିଠି; ୧୦୮୮କୋଟି ଟଙ୍କାର ବକେୟା ପ୍ରଦାନ ନେଇ ଉଲ୍ଲେଖ

ଭୁବନେଶ୍ୱର: ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମନରେଗା ମାନବ ଦିବସ ବୃଦ୍ଧି କରିବାକୁ ଦାବି । ୨୦୨୧-୨୨ ଆର୍ଥିକ ବର୍ଷରେ ୨୫ କୋଟି ଶ୍ରମ ଦିବସ ସୃଷ୍ଟି କରିବାକୁ ଚିଠିଲେ ମୁଖ୍ୟମନ୍ତ୍ରୀ ଲେଖିଛନ୍ତି । କରୋନା କାଳରେ ବହୁ ପ୍ରବାସୀ ଶ୍ରମିକ ରାଜ୍ୟକୁ ଫେରିଆସିଛନ୍ତି । ଏବଂ ସେମାନଙ୍କୁ ରୋଜଗାର ଦେବା ପାଇଁ ରାଜ୍ୟ ସରକାର ମନରେଗା ଯୋଜନାକୁ ଗୁରୁତ୍ୱ ଦେଉଛନ୍ତି । ସେଥିପାଇଁ ଅଧିକ ଶ୍ରମ ଦିବସ ସୃଷ୍ଟି କରିବାକୁ ମୁଖ୍ୟମନ୍ତ୍ରୀ ହସ୍ତକ୍ଷେପ ଲୋଡ଼ିଛନ୍ତି  । ଏବେସୁଦ୍ଧା କେନ୍ଦ୍ର ଉପରେ ୧୦୮୮.୭୨ କୋଟି ମନରେଗା ବାବଦକୁ ବକେୟା ପଡ଼ିଛି । ବେକାରୀଙ୍କୁ ମନରେଗା ଯୋଜନା ଅଧୀନରେ ମଜୁରୀ ଦେବା ନିୟମ ରହିଛି । ଠିକ୍‌ ସମୟରେ ବକେୟା ମନରେଗା ପାଣ୍ଠି ପ୍ରଦାନ କରିବାକୁ ମୁଖ୍ୟମନ୍ତ୍ରୀ ଦାବି କରିଛନ୍ତି ।

 

ମେହବୁବା ମୁଫିତ ନଜର ବନ୍ଦୀ !

ଶ୍ରୀନଗର: ମେହବୁବା ମୁଫିତ ନଜର ବନ୍ଦୀ । ଏମିତି ଦାବି କରିଛନ୍ତି ପିପୁଲ୍ସ ଡେମୋକ୍ରାଟିକ ପାର୍ଟୀ (ପିପିଡି)ର ଜଣେ ନେତା । ସେ କହିଛନ୍ତି, ମେହବୁବାଙ୍କୁ ସୋମବାର ତାଙ୍କ ବାସଭବନରେ ନଜର ବନ୍ଦୀ କରାଯାଇଛି ।

ଗତ ସପ୍ତାହରେ ସୁରକ୍ଷା କର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ବେଳେ ମୃତ୍ୟୁବରଣ କରିଥିବା ଜଣେ ଯୁବକଙ୍କ ପରିବାର ଲୋକଙ୍କୁ ଭେଟିବାକୁ ଅନନ୍ତନାଗ ଯିବାକୁ ଚାହୁଁ ଥିଲେ ମେହବୁବା । ହେଲେ ସୁରକ୍ଷା କାରଣରୁ ପୋଲିସ ତାଙ୍କୁ ଅନୁମତି ଦେଇନାହିଁ । ପିପିଡି ନେତା ଦାବି କରିଛନ୍ତି, ‘ପୋଲିସ ତାଙ୍କ ଘର ବାହାର ପଟୁ ତାଲା ପକାଇ ଦେଇଛି ।’

ସେ ଦାବି କରିଛନ୍ତି, ‘ମେହବୁବାଙ୍କୁ ଗୁପକାର ଅଞ୍ଚଳରେ ତାଙ୍କ ବାସଭବରେ ନଜରବନ୍ଦୀ କରାଯାଇଛି । ତାଙ୍କୁ ବାହାରକୁ ଯିବାକୁ ଅନୁମତି ଦିଆଯାଉନାହିଁ । ମେହବୁବା ଅନନ୍ତନାଗ ଅଞ୍ଚଳରେ ଗୁଳି ବିନିମୟ ବେଳେ ମୃତ୍ୟୁବରଣ କରିଥିବା ଶାହିଦ ଅହମଦଙ୍କ ପରିବାରକୁ ଭେଟିବାକୁ ଯାଇଥାନ୍ତେ । ସେ ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇବାକୁ ଯିବାକୁ ସ୍ଥିର କରିଥିଲେ, ହେଲେ ତାଙ୍କୁ ଘରୁ ବହାରିବାକୁ ଅନୁମତି ଦିଆଯାଉନାହିଁ ।’

 

ସୂଚନାଯୋଗ୍ୟ, ମେହବୁବା ମୁଫିତ ଦେଶ ବିରୋଧୀ ବୟାନବାଜି କରି ଚର୍ଚ୍ଚାରେ ରହି ଆସିଛନ୍ତି । ଜମ୍ମୁ ଓ କାଶ୍ମୀରରେ ଯାହା ବି ଘଟିଲେ ମୁଫିତ ବିକଳରେ ରଡି ପକାଇବା ଆରମ୍ଭ କରିଦିଅନ୍ତି । ଏପରିକି ୩୭୦ ଧାରା ଉଚ୍ଛେଦ ପରେ ତ ସେ ସବୁ ସୀମା ପାର କରିଯାଇଥିଲେ । କାଶ୍ମୀରରେ ତ୍ରୀରଙ୍ଗା ଧରିବାକୁ କେହି ରହିବେ ନାହିଁ ବୋଲି ମଧ୍ୟ ଚେତାବନୀ ଦେଇଥିଲେ । ହେଲେ ଧାରା ୩୭୦ ଉଠିବା ପରେ ପ୍ରଥମ ସ୍ବାଧୀନତା ଦିବସ ଉତ୍ସବରେ ଜମ୍ମୁ ଓ କାଶ୍ମୀର ଲୋକ ତାଙ୍କୁ ଭୁଲ ପ୍ରମାଣିତ କରିଥିଲେ । ସହରଠାରୁ ଗାଁ ସବୁ ସ୍ଥାନ ତ୍ରୀରଙ୍ଗାର ରଙ୍ଗରେ ରଙ୍ଗୀନ ହୋଇ ଯାଇଥିଲା ।

ଟିକିଏ ଟିକିଏ କଥାରେ ଦେଶରେ ଅଶାନ୍ତି ସୃଷ୍ଟି କରିବା ଭଳି ବୟାନ ଦେବା, ପାକିସ୍ତାନ ପ୍ରେମ ଦେଖାଇବା ଓ ଘାଟିର ନିରୀହ ଜନତାଙ୍କୁ ଉସକାଇବା ଭଳି ବୟାନବାଜି ମେହବୁବାଙ୍କ ପାଇଁ କିଛି ନୂଆ କଥା ନୁହେଁ । ଏମିତି ସ୍ଥିତିରେ ଶୋକ ପ୍ରକାଶ ବାହାନାରେ ଅନନ୍ତନାଗ ଯାଇ ସେଠାରେ ପୁଣି ଥରେ ଦେଶରେ ଅଶାନ୍ତି ସୃଷ୍ଟି କରିବାକୁ ବୟାନ ଦେବା ଚକ୍କରରେ ଥିବା ମେହବୁବାଙ୍କୁ ନଜରବନ୍ଦୀ କରାଯିବା ଠିକ ବୋଲି ରାଜେନୖତିକ ବିଶେଷଜ୍ଞମାନେ ମତ ରଖିଛନ୍ତି ।