spot_img
Home Blog Page 5163

ଦର ବୃଦ୍ଧି ପ୍ରତିବାଦରେ ବିଜେଡ଼ି, ଆଜି ସବୁ ନିର୍ବାଚନ ମଣ୍ଡଳୀରେ ମହିଳା କରିବେ ପ୍ରତିବାଦ

ଭୁବନେଶ୍ୱର: ବେଲଗାମ୍ ହୋଇଛି ଦର ବୃଦ୍ଧି । ହନ୍ତସନ୍ତ ହେଲେଣି ଖାଉଟି  । ବେଫିକର୍ ହୋଇଛନ୍ତି କେନ୍ଦ୍ର ସରକାର । ସେପଟେ ସାଧାରଣ ଖାଉଟି ଦର ବୃଦ୍ଧିରେ ଅସହ୍ୟ ହେଲେଣି  । ଏନେଇ କେନ୍ଦ୍ର ସରକାରଙ୍କ ବିରୋଧରେ ରାଜରାସ୍ତାକୁ ଓହ୍ଲାଇଛି ବିଜେଡି । ରବିବାର ଦଳ ତରଫରୁ ଭୁବନେଶ୍ୱରରେ ପ୍ରତିବାଦ କରାଯାଇଥିବାବେଳେ ଆଜିଠୁ ରାଜ୍ୟବ୍ୟାପୀ ବିଜୁ ଜନତା ଦଳ ପକ୍ଷରୁ କରାଯିବ ଆନ୍ଦୋଳନ ।

ଆଜି ମହିଳା ବିଜେଡି କର୍ମୀ ରାଜ୍ୟର ସବୁ ନିର୍ବାଚନ ମଣ୍ଡଳୀରେ କରିବେ ପ୍ରତିବାଦ । ହୁ ହୁ ହୋଇ ବଢି ଚାଲିଥିବା ତୈଳ ଦରକୁ ବିରୋଧ କରି ଏହି ପ୍ରତିବାଦ କରାଯାଉଛି । ସେପଟେ ଆସନ୍ତା ୫ରୁ ୭ତାରିଖ ଯାଏଁ ସବୁ ପେଟ୍ରୋଲ ପମ୍ପ ଆଗରେ ବିକ୍ଷୋଭ ପ୍ରଦର୍ଶନ କରିବେ ଯୁବ ଓ ଛାତ୍ର ବିଜେଡି । ପେଟ୍ରୋଲ ଓ ଡିଜେଲ ସାଙ୍ଗକୁ ରୋଷେଇ ଗ୍ୟାସର ଅତ୍ୟଧିକ ଦର ସହ ପନିପରିବା, ତେଲ, ଡାଲି ଦର ବି ଆକାଶ ଛୁଆଁ ହୋଇଛି ।

କେନ୍ଦ୍ର ସରକାର ତୁରନ୍ତ ଦରଦାମ୍ ନିୟନ୍ତ୍ରଣ ନକଲେ ଆଗକୁ ବଡ଼ ଆନ୍ଦୋଳନ ହେବ ବୋଲି ଚେତାବନୀ ଦେଇଛି ବିଜେଡି । ଦରଦାମର ଅବେତୁକ ବୃଦ୍ଧିରେ ଓଡ଼ିଶା ବାସୀ ଅତିଷ୍ଠ ହେଲେଣି  । ଗ୍ୟାସ ଠାରୁ ଆରମ୍ଭ କରି ପେଟ୍ରୋଲ, ଡ଼ିଜେଲ ପ୍ରତିଦିନ ବୃଦ୍ଧି ଘଟିଚାଲିଛି  । ଏପରିସ୍ଥଳେ କେନ୍ଦ୍ର ସରକାର କୌଣସି ପ୍ରତିବନ୍ଧକ କିମ୍ବା ଦରବୃଦ୍ଧିରେ ରୋକ ଲଗାଉ ନାହାଁନ୍ତି  । ତେବେ କେନ୍ଦ୍ରର ବେଫିକର ପରିସ୍ଥିତି ପାଇଁ ସାଧାରଣ ଲୋକ ଯନ୍ତ୍ରଣା ଭୋଗୁଥିବା କହିଛି ବିଜେଡ଼ି  । ଯାହାର ପ୍ରତିବାଦ ସମଗ୍ର ରାଜ୍ୟରେ କରାଯିବାକୁ ନିଷ୍ପତି ନେଇଛି ଦଳ  ।

ଖୋଲିଲା ଶିମିଳିପାଳ ଜାତୀୟ ଉଦ୍ୟାନ, ସକାଳ ୬ ରୁ ୯ ପ୍ରବେଶ ସମୟ

ବାରିପଦା: ପର୍ଯ୍ୟଟକଙ୍କ ପାଇଁ ଖୁସି ଖବର । ଖୋଲିଲା ଶିମିଳିପାଳ ଜାତୀୟ ଉଦ୍ୟାନ । ଦୀର୍ଘଦିନ ପରେ ଶିମିଳିପାଳ ଖୋଲୁଥିବାବେଳେ ସକାଳ ୬ଟାରୁ ସକାଳ ୯ଟା ଯାଏଁ ପ୍ରବେଶ ଅନୁମତି ରହିଛି । ଶିମିଳିପାଳ ଅଭୟାରଣ୍ୟକୁ କେଵଳ ପରିଭ୍ରମଣ କରି ଫେରିବାକୁ ଚାହୁଁଥିବା ପର୍ଯ୍ୟଟକମାନେ ଉଭୟ ଲୁଲୁଙ୍ଗ ଏବଂ ଯଶୀପୁର ଫାଟକ ଦେଇ ଅନୁମତି ପତ୍ର ନେଇ ଯାଇପାରିବେ । ରାତ୍ରୀ ଯାପନ କରିବାକୁ ଚାହୁଁଥିବା ପର୍ଯ୍ୟଟକମାନେ OTDC ୱେବସାଇଟରେ ଅନଲାଇନରେ ବୁକିଙ୍ଗ କରି ଏହି ସୁବିଧା ନେଇ ପାରିବେ ।

ବର୍ତ୍ତମାନ କରୋନା ମହାମାରୀ ଜାରି ଥିବାରୁ କୋଭିଡ କଟକଣା ମଧ୍ୟରେ ଖୋଲା ହୋଇଛି ଜାତୀୟ ଉଦ୍ୟାନ । ଦୀର୍ଘ ୭ମାସରୁ ଉର୍ଦ୍ଧ୍ବ ସମୟର ଲକଡାଉନ ଯୋଗୁଁ ବନ୍ଦ ରହିଥିଲା ଶିମିଳିପାଳ ଜାତୀୟ ଅଭୟାରଣ୍ୟ । ଏହି ସୌନ୍ଦର୍ଯ୍ୟକୁ ଉପଭୋଗ ପାଇଁ ଆଜି ସକାଳୁ ରାଜ୍ୟ ତଥା ପଡୋଶୀ ରାଜ୍ୟ ପଶ୍ଚିମବଙ୍ଗ ଓ ଝାରଖଣ୍ଡରୁ ପର୍ଯ୍ୟଟକଙ୍କ ଭିଡ଼ ଲାଗିଛି । ପ୍ରଥମ ଦିନରେ ପୀଠବଟା ଗେଟ ବନବିଭାଗ ପକ୍ଷରୁ ପର୍ଯ୍ୟଟକଙ୍କୁ ଗୋଲାପ ଫୁଲ ଦେଇ ସ୍ୱାଗତ କରାଯାଇଛି ।

ପୂର୍ବବର୍ଷ ଭଳି ଚଳିତ ବର୍ଷ ମଧ୍ୟ ସମସ୍ତ ପର୍ଯ୍ୟଟକ ମାନେ ମାସ୍କ, ସାନିଟାଇଜ଼ର ଓ ସାମାଜିକ ଦୂରତ୍ୱ ପାଳନ କରିବା ବାଧ୍ୟତାମୂଳକ କରଯାଇଛି । ପ୍ରତ୍ୟେକ ଦିନ ଯଶୀପୁର ତନଖି ଫାଟକ ଦେଇ ୩୫ଟି ଓ ବାରିପଦା ପୀଠବଟା ତନଖି ଫାଟକ ଦେଇ ୨୫ଟି ପର୍ଯ୍ୟଟକଙ୍କ ଗାଡିକୁ ପ୍ରବେଶ ପାଇଁ ଅନୁମତି ମିଳିଛି । କୋଭିଡ ପରବର୍ତ୍ତୀ ସ୍ଥିତିରେ ଜାତୀୟ ଉଦ୍ୟାନକୁ ଖୋଲିଛି ପ୍ରଶାସନ  । ତେବେ କୋଭିଡର ସମସ୍ତ କଟକଣା ବଳବତ୍ତର ରହିବା ନେଇ ମଧ୍ୟ ନିର୍ଦ୍ଦେଶ ରହିଛି  ।

ଆଜିଠୁ ଭୋଟର କାର୍ଡ ସଂଶୋଧନ, ଯୋଡ଼ି ହୋଇପାରିବେ ନୂଆ ଭୋଟର

ଭୁବନେଶ୍ୱର: ଆଜିଠୁ ଆରମ୍ଭ ହେବ ସ୍ବତନ୍ତ୍ର ସଂକ୍ଷିପ୍ତ ଭୋଟର ତାଲିକା ସଂଶୋଧନ ପ୍ରକ୍ରିୟା । ମାସେ ଧରି ଚାଲିବ ଏହି ଅଭିଯାନ ।  ଜାନୁଆରୀ ପହିଲା ସୁଦ୍ଧା 18 ବର୍ଷ ହେଉଥିବା ବ୍ୟକ୍ତି ମାନେ ଭୋଟର ତାଲିକାରେ ସାମିଲ ହେବେ । ଯେଉଁମାନେ ଯୋଗ୍ୟ ଭୋଟର ହୋଇଥିବେ କିନ୍ତୁ ସେମାନଙ୍କର ନାଁ ଭୋଟର ଲିଷ୍ଟରେ ନଥିବ କିମ୍ବା ଯେଉଁ ମାନେ ଭୋଟର ଲିଷ୍ଟରେ ସଂଶୋଧନ କରିବାକୁ ଚାହୁଁଥିବେ, ସେମାନେ ଏହି ସ୍ବତନ୍ତ୍ର ଅଭିଯାନର ଫାଇଦା ନେଇପାରିବେ ।

ତେବେ ଏଣିକି ଘରେ ବସି ଭୋଟର ଲିଷ୍ଟରେ ନିଜ ନାମ ସଂଶୋଧନ କରିପାରିବେ ଲୋକେ । ଚଳିତଥର ଅନଲାଇନ୍ ବ୍ୟବସ୍ଥା ମାଧ୍ୟମରେ ଜନସାଧାରଣ ଏହାର ସୁବିଧା ନେଇପାରିବେ । ପୂର୍ବରୁ ଏହା ଅଫଲାଇନରେ କରାଯାଉଥିଲା । ତେବେ ଚଳିତଥର ସ୍ବତନ୍ତ୍ର ମୋବାଇଲ୍ ଆପ ଏବଂ ଓ୍ବେବସାଇଟ୍ ଜରିଆରେ ସମସ୍ତେ ଘରେ ବସି ଭୋଟର ଲିଷ୍ଟରେ ନିଜ ନାମ ସଂଶୋଧନ କରିପାରିବେ । ଏହା ପରେ ସରକାରୀ ଅଧିକାରୀ ମାନେ ଘରକୁ ଯାଇ କାର୍ଡ ଯୋଗାଇ ଦେବେ କିମ୍ୱା ସ୍ପିଡ଼ ପୋଷ୍ଟ ମଧ୍ୟମରେ ଘରକୁ ଭୋଟର କାର୍ଡ ପଠାଯିବ ।

ଆସନ୍ତା 7 ଓ 21 ତାରିଖରେ ରାଜ୍ୟର ୩୭ହଜାର ୬୦୬ ବୁଥରେ ସରକାରୀ ଅଧିକାରୀ ଉପସ୍ଥିତ ରହିବେ । ଲୋକମାନେ ସେଠାକୁ ଯାଇ ଭୋଟର ତାଲିକା ସଂଶୋଧନ ମଧ୍ୟ କରିପାରିବେ । ଆସନ୍ତା ଜାନୁଆରୀ 6 ତାରିଖରେ ଚୂଡାନ୍ତ ଭୋଟର ତାଲିକା ପ୍ରକାଶ ପାଇବ । ସେପଟେ ଦୁଇଟି ଭୋଟର ଆଇଡ଼ି ଥିବା ଏକ ଲକ୍ଷ ଲୋକଙ୍କୁ ଅଟୋ ମେକାନିଜମ ଦ୍ୱାରା ବାଦ ଦିଆଯାଇଛି । ଆହୁରି 4 ଲକ୍ଷ ଆବେଦନର ବିଚାର ଚାଲିଥିବା ନିର୍ବାଚନ ଅଧିକାରୀ ସୂଚନା ଦେଇଛନ୍ତି ।

ପଶ୍ଚିମ ଦ୍ୱାରରେ କାଳିଆ ଦର୍ଶନ କରୁଛନ୍ତି ପୁରୀବାସୀ

ପୁରୀ: ଶ୍ରୀକ୍ଷେତ୍ର ବାସୀଙ୍କ ପାଇଁ ମହାପ୍ରଭୁଙ୍କୁ ଦର୍ଶନ ନିୟମରେ କୋହଳ । ଆଜିଠୁ ପଶ୍ଚିମ ଦ୍ବାର ଦେଇ ମଧ୍ୟ ଶ୍ରୀମନ୍ଦିରକୁ ପ୍ରବେଶ କରୁଛନ୍ତି ଶ୍ରୀକ୍ଷେତ୍ରବାସୀ । କଟକଣା ଭିତରେ ପରିଚୟପତ୍ର ଦେଖାଇ ପ୍ରବେଶ କରୁଛନ୍ତି ପୁରୀବାସୀ । କୋଭିଡ ପାଇଁ ଶ୍ରୀମନ୍ଦିରରେ ଦର୍ଶନ ବ୍ୟବସ୍ଥା ଉପରେ କଟକଣା ଲାଗିଛି । ସିଂହଦ୍ବାର ଦେଇ ପ୍ରବେଶ କରି ଉତ୍ତର ଦ୍ବାର ଦେଇ ପ୍ରସ୍ଥାନର ବ୍ୟବସ୍ଥା କରିଛି ପ୍ରଶାସନ ।

ଶ୍ରୀଜିଉଙ୍କ ଦର୍ଶନ ପାଇଁ ସର୍ବସାଧାରଣଙ୍କ ଭିତରେ ଅସୁବିଧାର ସମ୍ମୁଖିନ ହେଉଥିଲେ ପୁରୀବାସୀ । ବାରମ୍ବାର ଦାବି ପରେ ଏବେ ପଶ୍ଚିମ ଦ୍ବାର ଦେଇ ପୁରୀ ଅଧିବାସୀଙ୍କୁ ପ୍ରବେଶ ଓ ପ୍ରସ୍ଥାନର ଅନୁମତି ମିଳିଛି । ଦର୍ଶନ ସହିତ ଏହି ଦ୍ବାର ଦେଇ ସେମାନେ ଅବଢା ମଧ୍ୟ ଆଣି ପାରିବେ । ପ୍ରଶାସନର ଏଭଳି ନିଷ୍ପତ୍ତି ଫଳରେ ପୁରୀବାସୀ ବେଶ ଉପକୃତ ହୋଇପାରିବେ ।

T20 Woarld Cup ପୁଣି ପରାଜୟ: ଆରମ୍ଭରୁ ନୈରାଶ୍ୟ, ଶେଷରେ ହତାସ

ଦୁବାଇ: ଏଥର ମଧ୍ୟ ନିରାଶ କଲା ଟିମ ଇଣ୍ଡିଆ  । ପ୍ରଥମେ ବ୍ୟାଟିଂ କରି ବିପର୍ଯ୍ୟସ୍ତ ହୋଇଥିବା ଭାରତ ବିଜୟୀ ହେବାରୁ ବିରତ ହୋଇଛି  । ଟି-୨୦ ବିଶ୍ବକପରେ ଭାରତର ନୈରାଶ୍ୟଜନକ ପ୍ରଦର୍ଶନ ପୁଣି ଦେଖିବାକୁ ମିଳିଲା । ସବୁଥିଲେ ଫ୍ଲପ୍ ମାରିଲା ଟିମ୍ ଇଣ୍ଡିଆ । ୧୧୧ ରନର ଟାର୍ଗେଟକୁ ପିଛା କରି ସହଜ ବିଜୟ ହାସଲ କରିଛି କିଓ୍ବି ଟିମ୍ । ଭାରତକୁ ୮ ଓ୍ବିକେଟରେ ପରାସ୍ତ କରିଛି ନ୍ୟୁଜିଲାଣ୍ଡ । ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭରରେ ୭ ଓ୍ବିକେଟ୍ ହରାଇ ମାତ୍ର ୧୧୦ ରନ୍ କରିଥିଲା ଭାରତ । ଓପନର୍ ଫେଲ୍ ମାରିଥିବାବେଳେ ନିରାଶ କଲେ ମିଡିଲ୍ ଅର୍ଡର ।

ଓପନର ଇଶାନ କିଶାନ ୪ ରନ୍ କରି ଆଉଟ୍ ହୋଇଥିବାବେଳେ ଲୋକେଶ୍ ରାହୁଲ ୧୮ ରନ୍ କରି ଆଉଟ୍ ହୋଇଥିଲେ । ସେହିଭଳି ରୋହିତ ଶର୍ମା ୧୪ ରନ୍, ବିରାଟ କୋହଲି ୯ ରନ୍, ହାର୍ଦିକ ପାଣ୍ଡ୍ୟା ୨୩ ରନ୍ ଓ ରିସଭ ପନ୍ଥ ୧୨ ରନ୍ କରି ଆଉଟ୍ ହୋଇଥିଲେ । ୧୧୧ ରନକୁ ପିଛା କରି ଦୁଇ ଓ୍ବିକେଟ୍ ହରାଇ ଲକ୍ଷ୍ୟ ହାସଲ କରି ନେଇଥିଲା ନ୍ୟୁଜିଲାଣ୍ଡ । ଡେରି ମିଚେଲ୍ ସର୍ବାଧିକ ୪୯ ରନ୍ କରିଥିବାବେଳେ ଅଧିନାୟକ ଓ୍ବିଲିୟମସନ୍ ୩୩ ରନ୍ କରିଥିଲେ ।

ନିର୍ଦ୍ଧାରିତ ୨୦ ଓଭରରେ ଭାରତୀୟ ଟିମ  ୭ ୱିକେଟ ହରାଇବା ସହ ୧୧୦ ରନ ସଂଗ୍ରହ କରିବାରେ ସଫଳ ହୋଇଥିଲା  । ସେପଟେ ଦ୍ୱିତୀୟ ଇଂନିସରେ ବ୍ୟାଟି ଗ୍ରାଉଣ୍ଡକୁ ଓହ୍ଲାଇଥିବା ନ୍ୟୁଜିଲ୍ୟାଣ୍ଡ ଟିମ ଆରମ୍ଭରୁ ଦମଦାର ପ୍ରଦର୍ଶନ କରିଥିଲା  । ଦଳ ୧୪ ଓଭର ମଧ୍ୟରେ ୧୧୧ ରନ କରି ବିଜୟୀ ହୋଇଛି  ।  ଏହି ମ୍ୟାଚରେ ପରାଜୟ ପରେ ଭାରତର ସେମିଫାଇନାଲ୍ ଆଶା ମଉଳିବାରେ ଲାଗିଛି ।

ବିଜେପି ରାଲିରେ ହସିଲେ ରବି, ନିଶାଶକ୍ତ କର୍ମୀଙ୍କୁ ବୋହିନେଲେ ସାଥି

ପୁରୀ: ଜିଲ୍ଲା କାକଟପୁର ମଣ୍ଡଳ ବିଜେପି ପକ୍ଷରୁ ଆୟୋଜିତ ପ୍ରତିବାଦ ଓ କୁଶ ପୁତ୍ତଳିକା ଦାହ ବେଳେ ଦେଖିବାକୁ ମିଳିଛି ଜଣେ ସରକାରୀ କର୍ମଚାରୀଙ୍କୁ । ପୂର୍ବତନ ବିଧାୟକ ରବି ମଲ୍ଲିକଙ୍କ ନେତୃତ୍ବରେ ହାତଗଣତି ବିଜେପି କର୍ମୀ ଏକ ଶୋଭାଯାତ୍ରାରେ ଆସି ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ । ଏତିକି ବେଳେ ରବି ମଲ୍ଲିକଙ୍କ ମୁଖମଣ୍ଡଳର ହସ ଏହି ଆନ୍ଦୋଳନକୁ ଡ୍ରାମାରେ ପରିଣତ କରିଥିଲା ।

ଡ୍ରାମା ଏତିକିରେ ସରିନଥିଲା ବିଜେପିର ଜଣେ କର୍ମୀ ମଦ୍ୟପାନ କରି କୁଶପୁତ୍ତଳିକାକୁ ଗୋଇଠା ମାରୁ ମାରୁ ପଡିଯାଇଥିଲେ । ମଦ୍ୟପ କର୍ମୀ ଜଣ ଜଣେ ଆରଆଇ ବୋଲି ଜଣାପଡିଥିଲା । ତାଙ୍କ ନାଁ ମନୋଜ ପରିଡ଼ା, ସେ ପୁରୀ ହେଡକ୍ବାଟରରେ କାମକରୁଥିବା ଜଣାପଡିଛି । ଗଣାମାଧ୍ୟମ ଆଗରେ ଏହି ଡ୍ରାମା ଧରାପଡିଯିବା ପରେ ଅନ୍ୟ ବିଜେପି କର୍ମୀ ତାଙ୍କୁ ଟାଣି ନେଇଥିଲେ । ସେପଟେ ଅନ୍ୟଜଣେ ବିଜେପି କର୍ମୀ ନିଶାରେ ଏତେ ଚୁର ଥିଲେ ଯେ ତାଙ୍କୁ ବିଜେପି କର୍ମୀମାନେ ବୋହି ନେଉଥିବା ଦେଖିବାକୁ ମିଳିଥିଲା ।

ଭାଇରାଲ ହେଉଛି ଅପରାଧିକ ରିଲ ଭିଡ଼ିଓ, ଗୋଟି ଗୋଟି କରି ବାନ୍ଧୁଛି ପୋଲିସ

ଭୁବନେଶ୍ୱର: କ୍ରାଇମ ଗ୍ୟାଙ୍ଗର ଗୋଟିଏ ପରେ ଗୋଟିଏ ରିଲ୍ ଭିଡିଓ ଭାଇରଲ ହେଉଛି । ବନ୍ଧୁକ ଚୋରି କରିବା ଅଭିଯୋଗରେ ବନ୍ଧା ହୋଇଥିବା ରାହୁଲ ଜେନାର ରିଲ ଭିଡିଓ ହେଲା ଭାଇରାଲ । ରାହୁଲ ଚୋରା ବନ୍ଧୁକରେ ବ୍ଳାଙ୍କ ଫାୟାରିଂ କରୁଛି ।  ଆଉ ଗୋଟିଏ ଭିଡିଓରେ ପାଟିରେ ଖଣ୍ଡା ଧରି ତେଲୁଗୁ ଷ୍ଟାଇଲରେ ଏଣ୍ଟ୍ରି କରୁଛି । ସେହିଭଳି ଆଉ ଗୋଟିଏ ଭିଡିଓରେ ୧୦ରୁ ଅଧିକ ଯୁବକ ବିଚ ରାସ୍ତାରେ ଜଣେ ଯୁବକଙ୍କୁ ମାଡ ମାରୁଛନ୍ତି ।

ମିଳିଥିବା ସୂଚନା ମୁତବକ ଏହି ଭିଡିଓ ବ୦ହୁତ ପୁରୁଣା  ।  ଭାଇରାଲ ହେବା ପରେ ଗ୍ୟାଙ୍ଗର ଆତଙ୍କ ସାମ୍ନାକୁ ଆସିଛି । ସେପଟେ ଏହି ଗ୍ୟାଙ୍ଗର ଏବେ ଶୁଦ୍ଧା ୪ ଜଣଙ୍କୁ ପୋଲିସ ଗିରଫ କରିବାରେ ସଫଳ ହୋଇଛି  । ଫେରାର ଥିବା ଅନ୍ୟ ଅଭିଯୁକ୍ତଙ୍କୁ ଭିଡିଓରୁ ଫୁଟେଜରୁ ଚିହ୍ନଟ କରି ଧରିବାକୁ ଚେଷ୍ଟା କରୁଛି ପୋଲିସ । ଏମାନଙ୍କୁ କାର, ବାଇକ, ଭୁଜାଲି, ବନ୍ଧୁକ ଜବତ ହୋଇଛି ।

ସେପଟେ ରାଜଧାନୀରେ ଏଭଳି ଯୁବକଙ୍କ ଉତ୍ପାତ ଏବେ ଆତଙ୍କ ସୃଷ୍ଟି କରିଛି  । ସାଧାରଣ ଲୋକ ରାସ୍ତାରେ ଯିବା ପାଇଁ ଭୟ କରୁଛନ୍ତି  । କାରଣ ନିଶାସକ୍ତ ଯୁବକଙ୍କ ପ୍ରାଦୁର୍ଭାବ ବଢି ଚାଲିଛି  । ଅପରାଧିକ ଘଟଣା ଦିନକୁ ଦିନ ବୃଦ୍ଧି ଘଟିବାରେ ଲାଗିଛି  । ମୋବାଇଲରେ ରିଲ ଭିଡ଼ିଓ ସୁଟ କରୁଥିବା ଏହି ଯୁବକଙ୍କ ଭିଡ଼ିଓ ଭାଇରାଲ ପରେ ପୋଲିସ ଖୋଜୁଛି  । ସେମାନଙ୍କ ମଧ୍ୟରୁ ୪ ଜଣଙ୍କୁ ବାନ୍ଧିବାରେ ସଫଳ ହୋଇଛି କମିସନରେଟ ପୋଲିସ  ।

ନ୍ୟୁଜିଲାଣ୍ଡ ବିପକ୍ଷରେ ଭାରତର ନୈରାଶ୍ୟଜନକ ପ୍ରଦର୍ଶନ

ଦୁବାଇ: ଟି-୨୦ ବିଶ୍ୱକପରେ ନ୍ୟୁଜିଲାଣ୍ଡ ବିପକ୍ଷରେ ଭାରତର ନୈରାଶ୍ୟଜନକ ପ୍ରଦର୍ଶନ। ନ୍ୟୁଜିଲାଣ୍ଡକୁ ୧୧୧ ରନର ଟାର୍ଗେଟ୍ ଦେଲା ଭାରତ। ପୁଣି ନିରାଶ କଲେ ଭାରତୀୟ ବ୍ୟାଟସମ୍ୟାନ୍। ଓପନର୍ ଫେଲ୍ ମାରିଥିବାବେଳେ ନିରାଶ କଲେ ମିଡିଲ୍ ଅର୍ଡର। ପ୍ରଥମେ ଟସ୍ ଜିତି ଭାରତକୁ ବ୍ୟାଟିଂ ପାଇଁ ନିମନ୍ତ୍ରଣ କରିଥିଲା ନ୍ୟୁଜିଲାଣ୍ଡ।

ଓପନର ଇଶାନ କିଶାନ ୪ ରନ୍ କରି ଆଉଟ୍ ହୋଇଥିବାବେଳେ ଲୋକେଶ୍ ରାହୁଲ ୧୮ ରନ୍ କରି ଆଉଟ୍ ହୋଇଥିଲେ। ସେହିଭଳି ରୋହିତ ଶର୍ମା ୧୪ ରନ୍, ବିରାଟ କୋହଲି ୯ ରନ୍, ହାର୍ଦିକ ପାଣ୍ଡ୍ୟା ୨୩ ରନ୍ ଓ ରିସଭ ପନ୍ଥ ୧୨ ରନ୍ କରି ଆଉଟ୍ ହୋଇଥିଲା। ଆଜିର ମ୍ୟାଚ୍ ଭାରତ ପାଇଁ ଅନେକ ଗୁରୁତ୍ୱ ବହନ କରୁଛି। ତେବେ ଆଜି ମ୍ୟାଚ୍ ହାରିଲେ ଭାରତ ପାଇଁ ସେମିଫାଇନାଲ୍ ଯିବା ହେବ କଷ୍ଟକର ।

ନୟାଗଡ଼- ନୂଆପଡ଼ାରେ ‘ସକାଳ’ର ବକୃତା ପ୍ରତିଯୋଗିତା, ଆସ୍ତିକ ଓ ଶୁଭଶ୍ରୀ ପ୍ରଥମ

ନୟାଗଡ: ଦୈନିକ ଖବରକାଗଜ ‘ସକାଳ’ ପକ୍ଷରୁ ନୟାଗଡ଼ ଜିଲ୍ଲା ସ୍ତରୀୟ ବକୃତା ପ୍ରତିଯୋଗୀତା ନୟାଗଡ଼ ସହର ୟୁନିଟେକ୍ ରେସିଡେନ୍ସିଆଲ୍ କଲେଜରେ ଅନୁଷ୍ଠିତ ହୋଇଯାଇଛି । ଜୁନିୟର ଏବଂ ସିନିୟର ପିଲାଙ୍କୁ ନେଇ ଆୟୋଜିତ ଏହି ପ୍ରତିଯୋଗୀତାରେ କଥାକାର ଶରତ ଚନ୍ଦ୍ର ଆଚାର୍ଯ୍ୟ, ଶିକ୍ଷା ଓ ବୈଷୟିକ ମହାବିଦ୍ୟାଳୟ ଅଧ୍ୟକ୍ଷ ଅଶୋକ କୁମାର ନାୟକ, ଅଧ୍ୟାପକ ଶୁଭ୍ରାଶୁଂ ବିଶ୍ୱାଳ, ସାମ୍ବାଦିକ ଚିତ୍ତରଞ୍ଜନ ପାଶା , ଅଧ୍ୟାପିକା ରୀନାବାଳା ଆଚାର୍ଯ୍ୟ, କବି କମଳ ଦାଶ ପ୍ରମୂଖ ବିଚାରକ ଭାବେ ଅଂଶ ଗ୍ରହଣ କରିଥିଲେ ।

ଜୁନିୟର ସ୍ତରରେ ଖଣ୍ଡପଡ଼ା ଆର୍.ସି ହାଇସ୍କୁଲର ଛାତ୍ର ଆସ୍ତିକ ମିଶ୍ର, ସିନିୟର ସ୍ତରରେ ନୟାଗଡ଼ ସ୍ୱୟଂ ଶାସିତ ମହାବିଦ୍ୟାଳୟ ଶୁଭଶ୍ରୀ ମିଶ୍ର ପ୍ରଥମ ସ୍ଥାନ ଅଧିକାର କରି ରାଜ୍ୟ ସ୍ତରୀୟ ପ୍ରତିଯୋଗୀତାକୁ ମନୋନୀତ ହୋଇଛନ୍ତି । ନୟାଗଡ଼ ପୈାର ପରିଷଦ ନିର୍ବାହୀ ଅଧିକାରୀ ସନ୍ତୋଷ କୁମାର ଜେନା ମୁଖ୍ୟ ଅତିଥି ଭାବେ ଯୋଗ ଦେଇ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିବା ସହ ପୁରସ୍କାର ବିତରଣ କରିଛନ୍ତି । ନୟାଗଡ଼ ଜିଲ୍ଲା ସକାଳ ପ୍ରତିନିଧି ଅନୀଲ କୁମାର ପଣ୍ଡା କାର୍ଯ୍ୟକ୍ରମକୁ ସଂଯୋଜନା କରିଥିବା ବେଳେ ବିଭିନ୍ନ ବିଦ୍ୟାଳୟ ଓ ମହାବିଦ୍ୟାଳୟର ଛାତ୍ରଛାତ୍ରୀମାନେ ଅଂଶ ଗ୍ରହଣ କରି ସକାଳର ଏଭଳି ପ୍ରୟାସକୁ ପ୍ରଶଂସା କରିଛନ୍ତି ।

ସେହିପରି  ନୂଆପଡା ନେସନାଲ ହାଇସ୍କୁଲ ଠାରେ ଏକ ବିତର୍କ ପ୍ରୟିଯୋଗୀତା ଅନୁଷ୍ଠିତ ହୋଇଯାଇଛି । ଏଥିରେ ଉଚ୍ଚ ବିଦ୍ୟାଳୟ ସ୍ତର ଓ ମହାବିଦ୍ୟାଳୟ ସ୍ତର ଛାତ୍ର ଛାତ୍ରୀ ମାନେ ନିର୍ଦ୍ଧାରିତ ସମୟ ପୂର୍ବରୁ ପହଞ୍ଚି ପ୍ରତିଯୋଗିତା ରେ ଅଂଶ ଗ୍ରହଣ କରିଥିଲେ ମହା ବିଦ୍ୟାଳୟ ସ୍ତର- ଡ୍ରଗସ କବଳରେ ଯୁବପିଢ଼ି ଓ ଉଚ୍ଚ ବିଦ୍ୟାଳୟ ସ୍ତରରେ ଛାତ୍ର ଛାତ୍ରୀ ଙ୍କ ଉପରେ ଅନଲାଇନ ଶିକ୍ଷାର ପ୍ରଭାବ ଓ ଦୁଷ୍ଟ ପ୍ରଭାବ ସମ୍ପର୍କିତ ବିଷୟ ବସ୍ତୁ ଉପରେ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏଥିରେ ଉଚ୍ଚ ବିଦ୍ୟାଳୟ ଓ ମହା ବିଦ୍ୟାଳୟ ସ୍ତର ରେ ବିଚାରକ ଙ୍କ ଦୁଆରା ଚୟନ ଛାତ୍ର ଛାତ୍ରୀ ଓ ବିତର୍କ ରେ ଭାଗ ନେଇଥିବା ଛାତ୍ର ଛାତ୍ରୀ ମାନଙ୍କୁ ଅତିଥି ଙ୍କ ଦୁଆରା ପୁରସ୍କୃତ କରାଯାଇଥିଲା।

ଆର୍ଯ୍ୟନ୍‌ ଘରକୁ ଫେରିବା ପରେ ନ୍ୟୁୟର୍କରେ ହାଲୋଇନ୍‌ ପାର୍ଟି କଲେ ଆର୍ଯ୍ୟନଙ୍କ ସାନ ଭଉଣୀ ସୁହାନା

ନୂଆଦିଲ୍ଲୀ: ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନ ଜାମିନ ପାଇବା ପରେ ପରିବାରରେ ଖୁସିର ମାହୋଲ। ଆର୍ଯ୍ୟନ ଜେଲ ଯିବା ପରେ ପୁରା ପରିବାର ଉପରେ ପ୍ରଭାବ ପଡ଼ିଥିଲା। ଖାଲି ସେତିକି ନୁହେଁ ନ୍ୟୁୟର୍କରେ ପଢ଼ୁଥିବା ଆର୍ଯ୍ୟଙ୍କ ସାନ ଭଉଣୀ ସୁହାନା ଖାନଙ୍କ ଉପରେ ମଧ୍ୟ ପ୍ରଭାବ ପଡିଥିଲା। ପୁରା ପରିବାର ଆର୍ଯ୍ୟନ୍ ଖାନଙ୍କ ପାଇଁ ଚିନ୍ତିତ ଥିଲା। କିନ୍ତୁ ବର୍ତ୍ତମାନ ଆର୍ଯ୍ୟନ୍ ଖାନ୍ ଘରକୁ ଫେରିଛନ୍ତି ଏବଂ ସବୁ କିଛି ସ୍ୱାଭାବିକ ହୋଇଛି। ଏଭଳି ଖୁସିର ମାହୋଲ ଭିତରେ ସାଙ୍ଗମାନଙ୍କ ସହିତ ସୁହାନା ଖାନ ପାର୍ଟି କରିଛନ୍ତି।

ଆର୍ଯ୍ୟନ ଘରକୁ ଆସିବା ପରେ ତାଙ୍କ ଭଉଣୀ ନ୍ୟୁୟର୍କରେ ହାଲୋଇନ ପାର୍ଟି ପାଳନ କରିଛନ୍ତି। ହାଲୋଇନ୍‌ ପାର୍ଟିରେ ଭୁତ ପୋଷାକ ପରିଧାନ କରି ପାଳନ ହୋଇଥାଏ ଏହି ପାର୍ଟି। ତାଙ୍କ ସାଙ୍ଗମାନେ ନିଜର ସର୍ବୋତ୍ତମ ଭୂତ ପୋଷାକ ପରିଧାନ କରିବା ପରେ ପାର୍ଟୀକୁ ଯାଇଥିଲେ। ଏହି ପାର୍ଟିର ଫଟୋ ସୁହାନାଙ୍କ ବନ୍ଧୁ ପ୍ରିୟଙ୍କା ସେୟାର କରିଛନ୍ତି।