spot_img
Home Blog Page 5164

ପୋଲିସକୁ ଅଣ୍ଡା ମାରୁଛି ବଜେପି, କଂଗ୍ରେସର କଲାରୁ ନିନ୍ଦା କରୁଛି

ଭୁବନେଶ୍ୱର: ଭିତରେ ଗୋଟେ କଥା, ବାହାରେ ଆଉ ଏକ କଥା  । ସ୍ପଷ୍ଟ ନାହିଁ ଆଭିମୁଖ୍ୟ, ଠିକ ନାହିଁ କଥାବାର୍ତ୍ତା । ପୁଣି ଥରେ ସାମନାକୁ ଆସିଛି ବିଜେପିର ଦୋମୁହାଁ ନୀତି । ବିଭିନ୍ନ ସ୍ଥାନରେ ଭିନ୍ନ ରୂପ ଦେଖାଇଛନ୍ତି ଦଳୀୟ ନେତା । ଗୋଟିଏ ପଟେ ବିକ୍ଷୋଭ ଆଳରେ ପୋଲିସ ଉପରକୁ ଅଣ୍ଡାମାଡ଼ କରୁଥିବା ବେଳେ, ଅନ୍ୟପଟେ କଂଗ୍ରେସର ଅଣ୍ଡାମାଡ଼ ଘଟଣାକୁ ନିନ୍ଦା କରିଛି  ଭାରତୀୟ ଜନତା ପାର୍ଟି  । ରବିବାର କେନ୍ଦ୍ର ଗୃହ ରାଷ୍ଟ୍ର ମନ୍ତ୍ରୀ ଅଜୟ ମିଶ୍ର ଓଡ଼ିଶା ଗସ୍ତ କରିଥିବାବେଳେ କଂଗ୍ରେସ କର୍ମୀ କଳାପତାକା ଦେଖାଇବା ସହ ଅଣ୍ଡାମାଡ଼ କରିଥିଲେ ।

କଂଗ୍ରେସର ଅଣ୍ଡାମାଡ଼କୁ ନିନ୍ଦା କରିବା ସହ ଅସହିଷ୍ଣୁ ରାଜନୀତି ବୋଲି କହିଛନ୍ତି ଦଳୀୟ ନେତା ଦିଲ୍ଲୀପ ମହାନ୍ତି  । କଂଗ୍ରେସର ଅହଙ୍କାର ବଢିଛି, ଦଳର ଶୃଙ୍ଖଳା ନଥିବା କହିଛନ୍ତି ବିଜେପି ନେତା  ।  କିନ୍ତୁ ଦିନକ ଆଗରୁ ବ୍ରହ୍ମପୁରରେ ବିଜେପି ଏସପି ଅଫିସ ଘେରାଉ ଆଳରେ ହିଂସା ଘଟାଇଥିଲେ ବିଜେପି କର୍ମକର୍ତ୍ତା । ବିଜେପି ନେତା ଓ କର୍ମୀଙ୍କ ଜୋରଜବରଦସ୍ତ ଏସପି ଅଫିସରେ ଧସେଇ ପସିଥିଲେ ।  ବିଜେପି କର୍ମୀଙ୍କ ଅଣ୍ଡା ଓ ଟମାଟୋ ମାଡ଼ରେ ଏସଡିପିଓ, ଆଇଆଇସି ଏବଂ ଦୁଇ ଜଣ କନେଷ୍ଟବଳ ଆହତ ହୋଇଥିଲେ ।

ତେବେ ଖୋଦ ଦଳ ହିଂସା ଏବଂ ସୁରକ୍ଷା ଦାୟିତ୍ୱରେ ଥିବା ଅଧିକାରୀଙ୍କୁ ଆକ୍ରମଣ କରିବାରେ ପଛାଉ ନାହାଁନ୍ତି  । ଗଣନ୍ତ୍ରାତିକ ପଦ୍ଧତିରେ ବିରୋଧ କରିବା ପରିବର୍ତ୍ତେ ଗଣତନ୍ତ୍ର ପ୍ରତି  ବିପଦ ସୃଷ୍ଟି କରୁଛନ୍ତି ବିଜେପି ଦଳର କର୍ମକର୍ତ୍ତା  । ତେବେ ନିଜେ ବିଶୃଙ୍ଖଳା ସୃଷ୍ଟି କରୁଥିବା ଦଳ, ଆଉ ଏକ ଧଳର ବିରୋଧ ପ୍ରଦର୍ଶନକୁ ନିନ୍ଦା କରିବା କେତେଦୂର ଯୁକ୍ତିଯୁକ୍ତ ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି  ।

ରେଳଯାତ୍ରୀ ଧ୍ୟାନ ଦିଅନ୍ତୁ : ବଦଳିଲା ଏହି ନିୟମ

0

ନୂଆ ଦିଲ୍ଲୀ : ଆପଣ ବି ରେଳରେ ଯାତ୍ରା କରୁଛନ୍ତି କି ? ତେବେ ଜାଣିନିୟନ୍ତୁ ଏହି ନିୟମ  । ରେଳଯାତ୍ରୀଙ୍କ ପାଇଁ ହେଲା ନୂଆ ନିୟମ  । ଏବେ ଟିକେଟ୍ ବୁକ୍ କରିବା ଆଗରୁ ଆପଣଙ୍କୁ ଇଣ୍ଡିଆନ୍ ରେଲୱେର ଏହି ନିୟମଗୁଡ଼ିକ ଜାଣିନେବା ଦରକାର  । କାଲିଠୁ ଇଣ୍ଡିଆନ ରେଲୱେର ସମୟ ସାରଣୀରେ ହେବାକୁ ଯାଉଛି ବଡ଼ ପରିବର୍ତ୍ତନ  । ଏଥିପାଇଁ ରେଳ ବିଭାଗ ଜୋରସୋରରେ ଲାଗିପଡ଼ିଛି  । କୁହାଯାଉଛି କି ବହୁତ ଦିନ ପରେ ରେଲୱେ ସମୟ ସାରଣୀରେ କିଛି ଭିନ୍ନ ପ୍ରକାର ପରିବର୍ତ୍ତନ ଆସିଛି  ।

ଆସନ୍ତୁ ଜାଣିବା ଏହି ସମୟ ସାରଣୀ :

ନଭେମ୍ବର ୧ ରୁ ପ୍ରୟାଗରାଜ ମଣ୍ଡଳରେ ଚାଲୁଥିବା ସମସ୍ତ ରେଳଗୁଡ଼ିକର ସମୟସୀମା ପରିବର୍ତ୍ତନ ହେବ  । ପୂର୍ବ ବର୍ଷ ମେ ମାସରୁ ସ୍ପେଶାଲ ଏବଂ ଫେସଟିଭାଲ ଟ୍ରେନଗୁଡ଼ିକ ଚଳପ୍ରଚଳ କରାଯାଉଛି  । ନୂଆ ସମୟ ସାରଣୀ ଲାଗୁ ହେବା ପରେ ଏହି ଟ୍ରେନ୍ଗୁଡ଼ିକରେ ଲଗାଯାଇଥିବା ସ୍ପେଶାଲ ଏବଂ ଫେସଟିଭାଲ ଟ୍ରେନର ନାମକରଣ ହଟାଇଦିଆଯାଇପାରେ ବୋଲି କୁହାଯାଉଛି  ।

ପୂର୍ବ ବର୍ଷର ଲକଡାଉନ୍ ପରେ ସର୍ବପ୍ରଥମେ ରାଜଧାନୀ ଏକ୍ସପ୍ରେସର ଚଳାଚଳ ଆରମ୍ଭ କରାଯାଇଥିଲା  । ସେବେଠୁ ଆଜି ଯାଏ ସମସ୍ତ ରାଜଧାନୀ ଏକ୍ସପ୍ରେସକୁ ସ୍ପେଶାଲ ଟ୍ରେନ ନାମରେ ନାମକରଣ କରାଯାଇଥିଲା  ।

ପୂର୍ବ ବର୍ଷ କରୋନା ମହାମାରୀର ପ୍ରଥମ ଲହରୀ ପରେ ପରେ ରେଳ ଚଳାଚଳ ବନ୍ଦ ହୋଇଯାଇଥିବା ବେଳେ ଧିରେ ଧିରେ ସ୍ଥିତି ସୁଧାରିବା ପରେ ବର୍ତ୍ତମାନ ସୁଦ୍ଧା ୯୫ ପ୍ରତିଶତ ଚଳପ୍ରଚଳ ହେଲାଣି  । ଏଥିସହ ରେଲୱେ ମନ୍ତ୍ରାଳୟରୁ ଶୁଣାଯାଉଛି ଯେ ନଭେମ୍ବର ୧ରୁ ଲାଗୁ ହେବାକୁ ଥିବା ସମୟ ସାରଣୀରେ ଟ୍ରେନ୍ ଆଗରେ ଲାଗୁଥିବା ଜିରୋ ବର୍ତ୍ତମାନ ହଟାଇଦିଆଯିବ  ।

ଏହା ପୂର୍ବରୁ ୨୦୧୯ରେ ଆସିଥିଲା ସମୟ ସାରଣୀ :

ଆପଣଙ୍କୁ କହିରଖୁ କି ଏହା ପୂର୍ବରୁ ୨୦୧୯ରେ ରେଲୱେର ସମୟ ସାରଣୀ  ଆସିଥିଲା । ଏହା ପରେ କରୋନା ମହାମାରୀ କାରଣରୁ ରେଲୱେ ସଂସ୍ଥାରେ ଟ୍ରେନଗୁଡ଼ିକର ସମୟ ସାରଣୀ ଅଟକି ରହିଥିଲା  । ଉତ୍ତର ମଧ୍ୟ ରେଲୱେ ସୂଚନା ଅନୁସାରେ ନଭେମ୍ବର ୧ରୁ ନୂଆ ସମୟ ସାରଣୀ ଆସିବାର ସମ୍ଭାବନା ରହିଛି  ।

 

 

ଟସ୍ ଜିତିଲା ନ୍ୟୁଜିଲାଣ୍ଡ; ବ୍ୟାଟିଂ କରୁଛି ଇଣ୍ଡିଆ

ଦୁବାଇ: ଦୁବାଇ ଇଣ୍ଟରନ୍ୟାସନାଲ ଷ୍ଟାଡିୟମରେ ଚାଲିଥିବା ଟି-୨୦ ବିଶ୍ୱକପ ୨୦୨୧ରେ ଆଜି ଭାରତ ପାଇଁ କର ବା ମର ସ୍ଥିତି ଥିଲା ବେଳେ ନ୍ୟୁଜିଲାଣ୍ଡ ଟସ୍‌ ଜିତି ଫିଲଡିଂ ପାଇଁ ନିଷ୍ପତ୍ତି ନେଇଛି। ବିରାଟବାହିନୀଙ୍କ ନେତୃତ୍ୱରେ ଆଜି ଟିମ୍‌ ଇଣ୍ଡିଆ ବ୍ୟାଟିଂ ପାଇଁ ମଇଦାନକୁ ଓହ୍ଲାଇବ। କେଏଲ ରାହୁଲ ଓ ଇଶାନ୍‌ କିଶନ୍‌ ଓପନିଂ କରିବାକୁ ଯାଉଥିବା ବେଳେ ଦମଦାର ପ୍ରଦର୍ଶନ ନେଇ ଆଶା କରାଯାଉଛି।

ଭାରତୀୟ ଦଳରେ ୨ଟି ଅଦଳ ବଦଳ ହୋଇଛି । ଦଳରେ ଇଶାନ କିଷନ ଏବଂ ଶାର୍ଦ୍ଦୁଲ ଠାକୁରଙ୍କୁ ସାମିଲ କରାଯାଇଛି । ସୂର୍ଯ୍ୟକୁମାର ଯାଦବ ଏବଂ ଭୁବନେଶ୍ବର କୁମାରଙ୍କୁ ଦଳରୁ ବାଦ ଦିଆଯାଇଛି । କ୍ୟାରିୟର ପ୍ରଥମ ବିଶ୍ବକପ ମ୍ୟାଚ ଖେଳିବାକୁ ଯାଉଛନ୍ତି ଇଶାନ କିଷନ ।

ଭାରତୀୟ ଟିମ : ବିରାଟ କୋହଲି (ଅଧିନାୟକ), ରୋହିତ ଶର୍ମା, କେଏଲ ରାହୁଲ, ଇଶାନ କିଷନ, ଋଷଭ ପନ୍ତ, ହାର୍ଦ୍ଦିକ ପାଣ୍ଡ୍ୟା, ରବୀନ୍ଦ୍ର ଜାଡେଜା, ଶାର୍ଦ୍ଦୁଲ ଠାକୁର, ବରୁଣ ଚକ୍ରବର୍ତ୍ତୀ, ମହମ୍ମଦ ସାମୀ ଏବଂ ଜଶପ୍ରୀତ ବୁମରାହ

ଜଳବାୟୁ ପରିବର୍ତ୍ତନ ପାଇଁ ୨୦୫୦ ସୁଧା ଦେଶରେ ୨୫ ଗୁଣ ଅଧିକ ବଢିବ ଗରମ

ନୂଆଦିଲ୍ଲୀ: ଆଗାମୀ ଦୁଇରୁ ଚାରି ଦଶନ୍ଧି ମଧ୍ୟରେ ଭାରତରେ ଏତେ ଉତ୍ତାପ ହେବ ଯେ ଏଠାରେ ରହିବା କଷ୍ଟକର ହୋଇଯିବ । ଏହା ଆମେ କହୁ ନାହୁଁ । ଜଳବାୟୁ ପରିବର୍ତ୍ତନ ଉପରେ ଏକ ରିପୋର୍ଟରେ ଏହା କୁହାଯାଇଛି । ଇଂଲଣ୍ଡରେ ଗ୍ଲାସଗୋରେ ହେଉଥିବା ଜଳବାୟୁ ପରିର୍ତ୍ତନ ସମ୍ମିଳନୀ ପୂର୍ବରୁ ଆସିଥିବା ଏହି ରିପୋର୍ଟରେ କୁହାଯାଇଛି କି ଆଗାମୀ ୨୫ ବର୍ଷ ମଧ୍ୟରେ ଅର୍ଥାତ ୨୦୩୬ରୁ ୨୦୬୫ ମଧ୍ୟରେ ଭାରତ ପ୍ରବଳ ଉତ୍ତାପର ସମ୍ମୁଖୀନ ହୋଇପାରେ । ଏହି ରିପୋର୍ଟରେ କୁହାଯାଇଛି କି ଯଦି କାର୍ବନ ନିର୍ଗମନରେ ଏହି ହାର ରୁହେ ତେବେ ଭାରତକୁ ଏପରି ସ୍ଥିତି ଦେଖିବାକୁ ପଡ଼ିପାରେ ।

ଜି-୨୦ ସମ୍ମିଳନୀରେ ଜଳବାୟୁ ପରିବର୍ତ୍ତନ ଉପରେ ଆଲୋଚନା ହେବ ବୋଲି ଆଶା କରାଯାଉଥିଲା । ତେବେ ଜଳବାୟୁକୁ ନେଇ ହୋଇଥିବା ଏହି ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ସମସ୍ତ ବିଶ୍ବନେତା ଏହି ସଭାରେ ଭାଗନେଇଥିଲେ । ଏହି ରିପୋର୍ଟ ଉପରେ ଇଟାଲିର Inter governmental Panel on Climate Change କହିଛି ଯେ ଜଳବାୟୁ ପରିବର୍ତ୍ତନ ଜି-୨୦ ସହ ବିଶ୍ବର ସମସ୍ତ ଦେଶ ଉପରେ ପ୍ରଭାବ ପଡ଼ିବ । ୪୦ ଜଣ ବୈଜ୍ଞାନିକଙ୍କ ଦ୍ବାରା ଏହି ରିପୋର୍ଟ ପ୍ରସ୍ତୁତ କରାଯାଇଛି । ଏହି ରିପୋର୍ଟ ଅନୁଯାୟୀ ଗତ ୨୦ ବର୍ଷ ମଧ୍ୟରେ ଏହି ଦେଶଗୁଡିକରେ ଉତ୍ତାପ ତରଙ୍ଗ ଯୋଗୁଁ ମୃତ୍ୟୁ ୧୫ ପ୍ରତିଶତ ବୃଦ୍ଧି ପାଇଛି । ଏହିସମୟ ମଧ୍ୟରେ ଜଙ୍ଗଲରେ ଅଗ୍ନିକାଣ୍ଡ ହେତୁ କାନାଡା ଅଞ୍ଚଳରେ ଦେଢ଼ ଗୁଣରୁ ଅଧିକ ଅଞ୍ଚଳରେ ଜଙ୍ଗଲ ନଷ୍ଟ ହୋଇଛି । ଏହି ରିପୋର୍ଟ ଅନୁଯାୟୀ ଜଳବାୟୁ ପରିବର୍ତ୍ତନ ଯୋଗୁଁ ସମୁଦ୍ରର ଜଳସ୍ତର ବୃଦ୍ଧି ସହ ସ୍ବଚ୍ଛ ଜଳର ଉପଲବ୍ଧତା ଉପରେ ପ୍ରଭାବ ପକାଇଛି । ଜି-୨୦ ଦେଶରେ ଏମିତି କିଛି ଦିଗ ନାହିଁ ଯାହା ଜଳବାୟୁ ପରିବର୍ତ୍ତନ ଦ୍ବାରା ପ୍ରଭାବିତ ହୋଇନାହିଁ । ଯଦି ଜରୁରୀକାଳୀନ ପରିସ୍ଥିତିରେ ଅଙ୍ଗାରକାମ୍ଳ ନିର୍ଗମନକୁ ହ୍ରାସ କରିବା ପାଇଁ ବ୍ୟବସ୍ଥା କରାନଯାଏ ତେବେ ଆସନ୍ତା ୩୦ ବର୍ଷ ମଧ୍ୟରେ ବିଶ୍ବର ସମସ୍ତ ପ୍ରମୁଖ ଅର୍ଥନୀତି ସଙ୍କଟର ସମ୍ମୁଖୀନ ହୋଇପାରନ୍ତି । ଏହି କାରଣରୁ ମରୁଡି, ଉତ୍ତାପ ବୃଦ୍ଧି ଏବଂ ସମୁଦ୍ରର ଜଳସ୍ତର ବୃଦ୍ଧି ହେବାର ଆଶଙ୍କା ଯଥେଷ୍ଟ ବୃଦ୍ଧି ପାଇବ । ଯାହାଫଳରେ ଖାଦ୍ୟଶସ୍ୟ ଯୋଗାଣ ପ୍ରଭାବିତ ହେବା ସହ ପର୍ଯ୍ୟଟନ ମଧ୍ୟ ବାଧାପ୍ରାପ୍ତ ହେବ । ଦୁନିଆର କୌଣସି ଦେଶ ଏଥିରୁ ବର୍ତ୍ତି ପାରିବେ ନାହିଁ । ଯଦି ଭାରତ କଥା କହିବା ତାହାଲେ ଜଳବାୟୁ ପରିବର୍ତ୍ତନ ପ୍ରଭାବ ସବୁଠାରୁ ଅଧିକ ପ୍ରଭାବ ଭାରତ ଉପରେ ପଡ଼ିବ । କାହିଁକି ଭାରତର ଭୌଗଳିକ ସ୍ଥିତି ବହୁତ ଅଲଗା । ଗୋଟିଏ ପାର୍ଶ୍ବରେ ଏହାର ଉପକୂଳ ୭୫୦୦ କିଲୋମିଟର ଥିବାବେଳେ ଗୋଟିଏ ପାର୍ଶ୍ବରେ ରହିଛି ବିଶାଳ ହିମାଳୟ । ଭାରତର ୫୪ ପ୍ରତିଶତ ଅଞ୍ଚଳରେ ବହୁତ ଗରମ ଅନୁଭବ ହୁଏ । ଆଉ ଏବେ ଯଦି ଜଳବାୟୁ ପରିବର୍ତ୍ତନ ଉପରେ କୌଣସି ଠୋସ୍ ପଦକ୍ଷେପ ନ ନିଆଯାଏ ତେବେ ଏହା ଭାରତ ପାଇଁ ଏକ ବଡ଼ ବିପଦ ସୃଷ୍ଟି କରିବ ।

ଆସିଲା ମଭେମ୍ବର ମାସ ପାଇଁ କରୋନା ଗାଇଡଲାଇନ୍‌

ଭୁବନେଶ୍ୱର: ଆସିଲା ନଭେମ୍ବର ମାସ ପାଇଁ ନୂଆ କରୋନା ଗାଇଡଲାଇନ୍। ଆଗକୁ ଦୀପାବଳି ଥିବାରୁ ଆସିଛି ନୂଆ ଗାଇଡଲାଇନ୍‌। ତେବେ ଦୀପାବଳି ଥିବାରୁ କରୋନା କଟକଣାକୁ କଡ଼ାକଡ଼ି କରାଯାଇଛି।  ସହରାଞ୍ଚଳରେ ନାଇଟକର୍ଫ୍ୟୁ ବଳବତ୍ତର ରହିବ।  କୋଭିଡ କଟକଣାରେ ପାଳନ ହେବ ଦୀପାବଳିରେ ପାର୍ବଣ। ଏହି କଟକଣା ଡିସେମ୍ବର ୧ ପର୍ଯ୍ୟନ୍ତ ଜାରି ରହିବ। ହେଲେ ରାଜ୍ୟରେ ସପ୍ତାହାନ୍ତ ସଟ୍‌ଡାଉନ ହେବନାହିଁ। ରାତି ୧୦ରୁ ସକାଳ ୫ଟା ଯାଏଁ ନାଇଟ କର୍ଫ୍ୟୁ ବଳବତ୍ତର ରହିବ । ସେହିପରି ରାଜ୍ୟରେ ସପ୍ତାହନ୍ତ ସଟଡାଉନ ଲାଗୁ ହେବ ନାହିଁ । ରାଜ୍ୟରେ ସମସ୍ତ ପ୍ରକାରର ଦୋକାନ୍‌ ବଜାର ଖୋଲା ରହିବ। ହେଲେ ନାଇଟ କର୍ଫ୍ୟୁ ସମୟରେ କେବଳ ଜରୁରୀ ସେବା ଜାରି ରହିବ।

ସକାଳ ୫ଟାରୁ ରାତି ୧୦ଟା ଯାଏଁ ସବୁ ଖୋଲା ରହିବ । ଏହା କେବଳ ନଭେମ୍ଭର ମାସ ପାଇଁ ଗାଇଡ ଲାଇନ୍‌। ତେବେ ଦୀପାବଳି ପାଇଁ ସ୍ୱତନ୍ତ୍ର ଭାବେ ଗାଇଡଲାଇନ ଆସିବ। ସବୁଠାରୁ ବଡ଼ କଥା ହେଉଛି କର୍ଫ୍ୟୁ ସମୟରେ ଜରୁରୀ ସେବା ଜାରି ରହିବ। ଟେଷ୍ଟିଂ, ଟ୍ରାକିଂ, ଟ୍ରିଟ୍‌ମେଣ୍ଟକୁ ଗୁରୁତ୍ୱ ଦିଆଯାଇଛି। ସେହିପରି ଆଗକୁ ଦିପାବଳୀ କାଳି ପୂଜାକୁ ଲକ୍ଷ୍ୟ କରି କଟକଣା ଜାରି କରାଯିବ। କଟକଣା ମାନି ପର୍ବପର୍ବାଣୀ ପାଳନ କରିବାକୁ ଗାଇଡଲାଇନରେ ନିର୍ଦ୍ଦେଶ ଦିଆଯାଇଛି। ବାଣ ବିକ୍ରି ଓ ଫୁଟାଇବା ଉପରେ ସ୍ୱତନ୍ତ୍ର ନିୟମାବଳୀ ଆସିବ ବୋଲି କୁହାଯାଇଛି ।

 

ବିଜେପି କଂଗ୍ରେସ ଏକ: ଅଖିଳେଶ ଯାଦବ

ଲକ୍ଷ୍ନୌ: ଆସନ୍ତାବର୍ଷ ଉତ୍ତରପ୍ରଦେଶରେ ହେବ ବିଧାନସଭା ନିର୍ବାଚନ ।  କିନ୍ତୁ ନିର୍ବାଚନ ପୂର୍ବରୁ ସରଗରମ ୟୁପି ରାଜନୀତି । ବିଭିନ୍ନ ରାଜନୈତିକ ଦଳ ପକ୍ଷରୁ ଆରୋପ ପ୍ରତ୍ୟାରୋପ ରାଜନୀତି ଆରମ୍ଭ ହୋଇଯାଇଛି । ଏହି କ୍ରମରେ ଆଜି ମୁହାଁମୁହିଁ ହୋଇଛନ୍ତି ସମାଜବାଦୀ ପାର୍ଟି ଓ କଂଗ୍ରେସ । ବାସ୍ତବରେ ଅକ୍ଟୋବର ୩୦ରେ ସମାଜବାଦୀ ପାର୍ଟିର ସଭାପତି ଅଖିଳେଶ ସିଂ ଯାଦବ ଏକ ପ୍ରଶ୍ନର ଉତ୍ତରେ କହିଛନ୍ତି କି କଂଗ୍ରେସ-ବିଜେପି ସମାନ ।

ତେବେ ଅଖିଳେଶ ଯାଦବଙ୍କ ଏହି ବୟାନର ପ୍ରତିଶୋଧ ନେଇଛନ୍ତି ପ୍ରିୟଙ୍କା ଗାନ୍ଧି । ପ୍ରିୟଙ୍କା ରବିବାର ଗୋରଖପୁରରେ ପ୍ରତିଗ୍ୟା ଯାତ୍ରାରେ ଯୋଗ ଦେବା ସମୟରେ ସମାଜବାଦୀ ପାର୍ଟି ବିପକ୍ଷରେ ବିଶଦଗାର କରିଛନ୍ତି । ଅଖିଳେଶ ଯାଦବଙ୍କ ବିବୃତ୍ତି ଉପରେ ପ୍ରିୟଙ୍କା କହିଥିଲେ କି ସପା, ବିଏସପି କହୁଛି କି କଂଗ୍ରେସ ବିଜେପିକୁ ସହଯୋଗ କରୁଛି । କିନ୍ତୁ ଆଜି ମୁଁ ସେମାନଙ୍କୁ ପଚାରିବାକୁ ଚାହୁଁଛି କି ସେମାନେ କେଉଁଠାରେ ଅଛନ୍ତି? ଯେତେବେଳେ କିଛି ବିବାଦ ଆସେ ସେମାନେ କାହିଁକି ଆସନ୍ତି ନାହିଁ । କିଛି ବିପଦ ଆସିଲେ କେବଳ କଂଗ୍ରେସ ଆସେ । କେବଳ କଂଗ୍ରେସ ଲଢ଼େଇ କରେ । ମୁଁ ଆଜି ଏହି ଷ୍ଟେଜରୁ କହୁଛି କି ମୁଁ ମିରିଯିବି କିନ୍ତୁ ବିଜେପି ସହ କଦାପି ନାହିଁ ।

ତେବେ ଏହି ଆରୋପ ପ୍ରତ୍ୟାରୋପ ରାଜନୀତି ଖାଲି ମଞ୍ଚରେ ସୀମିତ ରହିନି । ଟୁଇଟରରେ ମଧ୍ୟ ଦେଖିବାକୁ ମିଳିଛି ଏହି ଦୁଇ ଦଳଙ୍କ ମଧ୍ୟ ଚାଲିଥିବା ତୁତୁ ମେମେ ରାଜନୀତି । ଅଖିଳେଶ ଯାଦବଙ୍କ ଏହି ବିବୃତ୍ତି ପରେ ୟୁପି କଂଗ୍ରେସ ଏକ ଫଟୋ ପୋଷ୍ଟ କରି ଲେଖିଛି କି ଇଡି ଇନକମ୍ ଟ୍ୟାକ୍ସରୁ ବଞ୍ଚିବା ପାଇଁ ଅଖିଳେଶ ଯାଦବ ଯୋଗୀ ଆଦିତ୍ୟନାଥଙ୍କ ଘରେ ବୋଲି ଲେଖିଛି କଂଗ୍ରେସ ।  ତେବେ ଏହି କଂଗ୍ରେସର ଏହି ଟୁଇଟ ପରେ ଏହାର ଜବାବ ରଖିଛି ସପା । ସମାଜବାଦୀ ପାର୍ଟିର ମୁଖପାତ୍ର ଅନୁରାଗ ଭାଦୁରିଆ କହିଛନ୍ତି କି ରାଜନୀତିରେ ଲଢ଼େଇ ଅଛି ଏବଂ ସୌଜନମୂଳକ ସାକ୍ଷାତକାର ମଧ୍ୟ ଅଛି ବୋଲି କହିଛନ୍ତି ଅନୁରାଗ ।

ପାକିସ୍ତାନ ନ୍ୟାସନାଲ୍ ବ୍ୟାଙ୍କ ଉପରେ ସାଇବର ଆଟାକ

ପାକିସ୍ତାନ : ପାକିସ୍ତାନ ନ୍ୟାସନାଲ ବ୍ୟାଙ୍କ ସର୍ଭର ଉପରେ ସାଇବର ଆଟାକ୍ ହୋଇଥିବା ଜଣାପଡ଼ିଛି  । ଏହି ଘଟଣା ପରେ ବ୍ୟାଙ୍କର କିଛି ସେବାକୁ କିଛି ଦିନ ପାଇଁ ବନ୍ଦ କରିଦିଆଯାଇଛି ବୋଲି ପାକିସ୍ତାନ ବ୍ୟାଙ୍କ ଆଜି ଘୋଷଣା କରିଛି  । ଅବଶ୍ୟ ବ୍ୟାଙ୍କର ସମସ୍ତ ଡାଟା ଓ ବ୍ୟାଙ୍କରେ ଥିବା ଟଙ୍କା ସମ୍ପୂର୍ଣ୍ଣ ଭାବେ ସୁରକ୍ଷିତ ଅଛି  । ବ୍ୟାଙ୍କର କୈାଣସି କ୍ଷତି ହୋଇନାହିଁ  । ମାତ୍ର ବ୍ୟାଙ୍କର ସାଇବର ସିକ୍ୟୁରିଟି ସହ ଜଡ଼ିତ ଏହି ମାମଲାର ଯାଞ୍ଚ କରାଯାଉଛି ବୋଲି ପାକିସ୍ତାନ ବ୍ୟାଙ୍କ ସୂଚନା ଦେଇଛି  । ସେ ଏହା ମଧ୍ୟ କହିଛିଯେ ଅନ୍ୟ କୈାଣସି ବ୍ୟାଙ୍କ ଏଭଳି ସାଇବର ଆଟାକର ଏ ଯାଏ ରିପୋର୍ଟ କରିନାହାଁନ୍ତି  ।

ବ୍ୟାଙ୍କର ସବୁ ସିସଟମ୍ ଠିକ୍ ଭାବେ କାମ କରୁଛି କି ନାଇ ବର୍ତ୍ତମାନ ଏହାର ସଠିକ୍ ଯାଞ୍ଚ କରଯାଉଛି ବୋଲି ବ୍ୟାଙ୍କ କହିଛି  । ନ୍ୟାସନାଲ ବ୍ୟାଙ୍କର କହିବା ଅନୁସାରେ ୨୯ ଅକ୍ଟୋବର ରାତି ଏବଂ ୩୦ ଅକ୍ଟୋବର ସକାଳ ସମୟରେ ବ୍ୟାଙ୍କ ସର୍ଭର ସିସଟମରେ ସାଇବର ଆଟାକ ଡିଟେକ୍ଟ କରାଯାଇଥିଲା  । ବ୍ୟାଙ୍କ ଉପରେ ସାଇବର ଆଟାକ ହୋଇଛି ବୋଲି ଏଥିରୁ ଜଣାପଡ଼ିଥିଲା  । ଏହାପରେ ୪୦ରୁ ୫୦ ଲୋକାଲ ଏବଂ ଇଣ୍ଟରନ୍ୟାସନାଲ ଏକ୍ସପର୍ଟଙ୍କ ମିଳିତ ଉଦ୍ୟମରେ ବ୍ୟାଙ୍କର ସର୍ଭର ସିସଟମରେ ହେବାକୁ ଯାଉଥିବା ହ୍ୟାକ୍ ଭଳି ବଡ଼ ବିପଦରୁ ବର୍ତ୍ତି ପାରିଥିଲା  ।

ସୋମବାରଠାରୁ ଆରମ୍ଭ ହେବ ସେବା :

ମାଇକ୍ରୋସଫ୍ଟ ସହ ତିନୋଟି ପ୍ରଫେସନାଲ କମ୍ପାନୀ ସୋମବାର ଯାଏ ସେବାଗୁଡ଼ିକୁ ଚାଲୁ କରିବାକୁ ଚେଷ୍ଟା ଚଳାଇଛନ୍ତି ବୋଲି ପାକିସ୍ତାନ ନ୍ୟାସନାଲ ବ୍ୟାଙ୍କର ପ୍ରେସିଡେଣ୍ଟ୍ ଆରିଫ ଉସମାନି ସୂଚନା ଦେଇଛନ୍ତି  । ସୋମବାର ସୁଦ୍ଧା ବ୍ୟାଙ୍କର ସମସ୍ତ ସେବାଗୁଡ଼ିକୁ ଚାଲୁ କରିବାକୁ ହିଁ ପଡ଼ିବ ବୋଲି ସେ କହିଛନ୍ତି  । ସରକାରଙ୍କ ତରଫରପ ଆମେ ପ୍ରତ୍ୟେକ ମାସ ୧ ତାରିଖରେ ବ୍ୟାଙ୍କ କର୍ମଚାରୀଙ୍କୁ ଦରମା ଦିଆଯାଏ  । ସୋମବାର ୧ ତାରିଖ ହୋଇଥିବାରୁ କାଲି ସୁଦ୍ଧା ବ୍ୟାଙ୍କର ସମସ୍ତ ସର୍ଭର ଠିକ୍ କରି ସେବାଗୁଡ଼ିକୁ ଚାଲୁ କରିବାକୁ ହିଁ ପଡ଼ିବ  ।

ଉସମାନୀ ଏହା ମଧ୍ୟ କହିଛନ୍ତିଯେ ଏହି ଆଟାକ୍ ଯେପରି ଫେଡରାଲ ବୋର୍ଡ ଅଫ୍ ରେଭିନ୍ୟୁ(FBR) ଉପରେ ହୋଇଥିଲା ଠିକ୍ ସେହିଭଳି  । ପାଖାପାଖି ଅଢ଼େଇ ମାସ ପୂର୍ବରୁ FBR ଉପରେ ଏହି ଆଟାକ ହୋଇଥିଲା ଏବଂ ବ୍ୟାଙ୍କକୁ ଏଥିରୁ ମୁକୁଳିବା ପାଇଁ ପ୍ରାୟ ଦୁଇ ସପ୍ତାହ ସମୟ ଲାଗିଥିଲା  । ମାତ୍ର ମାଇକ୍ରୋସଫ୍ଟ ଏବଂ ଅନ୍ୟ ନ୍ୟାସନାଲ କମ୍ପାନୀର ସହଯୋଗ ଯୋଗୁଁ ପାକିସ୍ତାନ ନ୍ୟାସନାଲ ବ୍ୟାଙ୍କ ବର୍ତ୍ତମାନ ସମ୍ପୂର୍ଣ୍ଣ ସୁରକ୍ଷିତ ଅଛି  ।

ଦୁନିଆର ସବୁଠାରୁ ଧନି ମଣିଷ ଥିଲେ ଏହି ବ୍ୟକ୍ତି, ପରେ ପୁରା ଦେଶ ହୋଇଗଲା କାଙ୍ଗାଳ

ନୂଆଦିଲ୍ଲୀ: ଏବେ ସିଲିକନ୍‌ ବୋଲିରେ ଚାଲିଛି ପୁରା ଦୁନିଆ। ଧନି ବ୍ୟକ୍ତି କହିଲେ ବିଶ୍ୱ ବୁଝେ ଆମାଜନ୍‌ର ଜେଫ୍ ବେଜୋସ୍ ଏବଂ ମାଇକ୍ରୋସଫ୍ଟର ବିଲ୍ ଗେଟ୍ସଙ୍କୁ । ଧନି ବ୍ୟକ୍ତିଙ୍କ ପ୍ରସଙ୍ଗରେ ଅନେକ ପ୍ରସିଦ୍ଧ ମାଗାଜିନ ତାଲିକା ବାହାର କରିଥାନ୍ତି। କିନ୍ତୁ ଯଦି ଆମେ ବହୁ ବର୍ଷ ପଛକୁ ଯିବା, ସେହି ସମୟରେ ମଧ୍ୟ ଲୋକଙ୍କ ଧନି ଜୀବନର କଥା ଚର୍ଚ୍ଚିତ ହେଉଥିଲା। ସମୃଦ୍ଧତା ବିଷୟରେ ଆଲୋଚନା ବହୁ ବର୍ଷ ପର୍ଯ୍ୟନ୍ତ ଚାଲୁଥିଲା। ଏହିପରି ଜଣେ ସମ୍ଭ୍ରାନ୍ତ ବ୍ୟକ୍ତି ଥିଲେ ମନସା ମୁସା। ଯଦି ଆପଣ ଇଣ୍ଟରନେଟରେ ତାଙ୍କ ନାମ ଟାଇପ୍ କରନ୍ତି, ତେବେ ଇଣ୍ଟରନେଟବି କହିବ କି ସେ ହେଉଛନ୍ତି ଇତିହାସର ସବୁଠାରୁ ଧନୀ ବକ୍ତି।

ମନସା ମୁସା ପଶ୍ଚିମ ଆଫ୍ରିକାର ଜଣେ ମହାନ ସମ୍ରାଟ। ତାଙ୍କର ଏତେ ଧନ ଥିଲା ଯେ ଆଜି ପର୍ଯ୍ୟନ୍ତ କେହି ତାଙ୍କ ସମ୍ପତ୍ତି ଆକଳନ କରିବାରେ ସକ୍ଷମ ହୋଇ ନାହାଁନ୍ତି। ତାଙ୍କର ଜନ୍ମ ୧୨୮୦ ମସିହାରେ ହୋଇଥିଲା। ମନସାଙ୍କ ବଡ ଭାଇ ମନସା ଆବୁ ବକ୍ର ୧୩୧୨ ପର୍ଯ୍ୟନ୍ତ ଶାସନ କରିଥିଲେ। ଏହା ପରେ ସେ ଏକ ଦୀର୍ଘ ଯାତ୍ରାରେ ପଳାଇଥିଲା। ଯାହାପରେ ମନସା ମୁସା ତାଙ୍କ ବଡ଼ ଭାଇଙ୍କର ରାଜଗଦି ସମ୍ଭାଳିଥିଲେ।

ମନସା ମୁସାଙ୍କ ବିଷୟରେ ଯଦି କହିବା ତେବେ ସେ ଟିମ୍ବକଟୁର ରାଜା ଥିଲେ। ସେ ସେତେବେଳେ ମାଲି ଉପରେ ଶାସନ କରୁଥିଲେ। ସେହି ସମୟରେ ମାଲିରେ ବହୁ ପରିମାଣର ସୁନା ଭଣ୍ଡାର ରହିଥିଲା। ସେତେବେଳେ ସୁନାର ଚାହିଦା ବହୁତ ଅଧିକ ଥିଲାବେଳେ ଦୁନିଆର ଅଧା ସୁନା ସେମାନଙ୍କ ପାଖରେ ରହିଥିଲା। ମନସା ମୁସାଙ୍କର ପ୍ରକୃତ ନାମ ଥିଲା ମୁସା କିଟାI ତେତେ ସେ ଯେବେ ଶାସନ ଭାର ସମ୍ଭାଳିଲେ ସେଠାରୁ ତାଙ୍କୁ ମନସା ବାଦଶାହ ଡକାଗଲା। ଏକ ରିପୋର୍ଟ ଅନୁଯାୟୀ ଆଜିର ମୋରିଟାନିଆ, ସେନେଗଲ, ଗାମ୍ବିଆ, ଗିନିଆ, ବୁର୍କିନା ଫାସୋ, ମାଲି, ଚାଡ ଏବଂ ନାଇଜେରିଆ ସମସ୍ତେ ମୁସାଙ୍କ ସାମ୍ରାଜ୍ୟର ଅଂଶ ଥିଲେ।

ମନସା ମୁସାଙ୍କ ଧନ ସମ୍ପତ୍ତିକୁ ନେଇ ଏକ ଆକଳନ କରାଯାଇଥିଲ। ଅନୁମାନ କରାଯାଏ ଯେ ମନସାଙ୍କର ୪ ଲକ୍ଷ ମିଲିୟନ୍‌ ଡ଼ଲାର ଥିଲା। ଭାରତୀୟ ମୁଦ୍ରାରେ ଏହାର ପରିମାଣ ପ୍ରାୟ ୨.୫ ଲକ୍ଷ କୋଟି ଟଙ୍କା ହେବ। ଦୁନିଆର ସବୁଠାରୁ ଧନୀ ବ୍ୟକ୍ତି ଜେଫ୍ ବେଜୋସଙ୍କର ସମ୍ପତ୍ତି ଏକ ଲକ୍ଷ ୬ ହଜାର ମିଲିୟନ ଆମେରିକୀୟ ଡଲାର ଅଟେ। ଏଥିରୁ ସ୍ପଷ୍ଟ ଯେ ଜେଫ୍‌ ଙ୍କ ଅପେକ୍ଷା ମନସା ଅଧିକ ଧନୀ ଥିଲେ।

ଏମିତି ଥିଲା ମନସାଙ୍କ ଜୀବନ ଶୈଳୀ। ଏହା ପ୍ରାୟ ୧୩୨୪ର କଥା। ମକ୍କାକୁ  ଯାତ୍ରା ଆରମ୍ଭ କଲେ ମନସା। ଯାତ୍ରା ଥିଲା ସାଢ଼େ ୬ ହଜାର କିଲୋମିଟରର। ଲୋକେ ମନସାଙ୍କୁ ପାଖରୁ ଦେଖିବାକୁ ଚାହୁଁଥିଲେ। ଏହି ଯାତ୍ରାରେ ୬୦ ହଜାର ଲୋକ ଜଡିତ ଥିଲେ।

୧୨ ହଜାର କେବଳ ସୁଲତାନର ବ୍ୟକ୍ତିଗତ ଅନୁଗାମୀ ଥିଲେ। ମନସା ଯେଉଁ ଘୋଡା ଉପରେ ଯାଉଥିଲେ ସେହି ଘୋଡ଼ାର ସାମ୍ନାରେ ୫ଶହ ଲୋକଙ୍କର ଏକ ଦଳ ଯାଉଥିଲା। ସବୁ ସମୟରେ ମନସାଙ୍କ ହାତରେ ଏକସୁଚା ଛଡ଼ ରହୁଥିଲା ଏବଂ ମନସା ବହୁତ ଦୟାଳୁ ମଧ୍ୟ ଥିଲେ।

ଏକ ରରିପୋର୍ଟ  ମୁତାବକ ମନସା ମୁସାଙ୍କ ସୁନା ହିଁ ସମଗ୍ର ମିଶରକୁ ଦାରିଦ୍ର୍ୟର ଅବସ୍ଥାକୁ ଆଣିଥିଲା। ସେ ଏତେ ସୁନା ଦାନ କରିଥିଲେ ଯେ ପରବର୍ତ୍ତି ସମୟରେ ଦେଶରେ ସୁନା ମୂଲ୍ୟ ହ୍ରାସ ପାଇଥିଲା। ହଠାତ୍ ମୁଦ୍ରାସ୍ଫୀତି ବୃଦ୍ଧି ପାଇଥିଲା। ଏହାପରେ ମାତ୍ର ୫୭ ବର୍ଷ ବୟସରେ ଦୁନିଆ ଛାଡ଼ି ଆରପାରିକୁ ଚାଲିଯାଇଥିଲେ ମନସା ମୁସା। ଦାରିଦ୍ର୍ୟର ଚିନ୍ତାରେ ବହୁତ ଦୁର୍ବଳ ହୋଇପଡ଼ିଥିଲେ ମନସା। ଯାହାପରେ ତାଙ୍କୁ ମୃତ୍ୟୁର ସାମ୍ନା କରିବାକୁ ପଡ଼ିଥିଲା। ତା’ପରେ ତାଙ୍କ ପୁଅ ସିଂହାସନ ଗ୍ରହଣ କଲେ କିନ୍ତୁ ସେ ଏହି ସାମ୍ରାଜ୍ୟ ଚଳାଇ ପାରିଲେ ନାହିଁ। ଯାହା ପରେ ମନସାଙ୍କ ପୁରା ସାମ୍ରାଜ୍ୟ ସମୟର ସହିତ ଛୋଟ ଛୋଟ ଖଣ୍ଡରେ ବିଭକ୍ତ ହୋଇଥିଲା।

ମୁହଁ ଖୋଲିଲେ ଦିବ୍ୟଶଙ୍କର, ବିରୋଧିକୁ ଦେଲେ ଏମିତି ଜବାବ୍..

କଳାହାଣ୍ଡି: ମମିତା ମେହେର ହତ୍ୟା ମାମଲାରେ ପ୍ରଥମ ଥର ପାଇଁ ମୁହଁ ଖୋଲିଛନ୍ତି ମନ୍ତ୍ରୀ କ୍ୟାପଟେନ ଦିବ୍ୟ ଶଙ୍କର ମିଶ୍ର  । ଗୋଟେପଟେ ବିରୋଧି ବିଜେପି ଏବଂ କଂଗ୍ରେସ ମନ୍ତ୍ରୀଙ୍କ ନାଁରେ ଗଣ୍ଡା ଗଣ୍ଡା ଅଭିଯୋଗ ତୋଳି ଧରିଛନ୍ତି  । ରାଜରାସ୍ତାକୁ ବନ୍ଦ କରି ମନ୍ତ୍ରୀଙ୍କ ବହିଷ୍କାର ଦାବି କରୁଛନ୍ତି  । ଘଟଣାର ସତ୍ୟତା ନପରଖି ମିଥ୍ୟା ଆରୋପ ପ୍ରତିଦିନ ଲଗାଉଥିବା ପାଲଟା ଜବାବ ଦେଇଛି ବିଜେଡ଼ି  । ସେପଟେ ମମିତା ମେହେର ମୃତ୍ୟୁ ଘଟଣାରେ ବିରୋଧୀଙ୍କ ଷଡ଼ଯନ୍ତ୍ର ନେଇ ସମାଲୋଚନା କରିଛନ୍ତି ମନ୍ତ୍ରୀ  ଦିବ୍ୟ ଶଙ୍କର ।

କଳାହାଣ୍ତି ଜୁନାଗଡ଼ ନିର୍ବାଚନ ମଣ୍ଡଳୀରେ ଅନୁଷ୍ଠିତ ମୋ ପରିବାର, ବିଜୁ ପରିବାର କାର୍ଯ୍ୟକ୍ରମରେ ଯୋଗଦେଇ ବିରୋଧିଙ୍କ ଉପରେ ବର୍ଷିଛନ୍ତି ମନ୍ତ୍ରୀ । କୌଣସି ସତ୍ୟତା ନଥାଇ ଅନେକ ଲୋକ ଷଡ଼ଯନ୍ତ୍ର କରୁଛନ୍ତି  । କିନ୍ତୁ ମୁଁ ନିଷ୍ଠାପର ଭାବେ ସେବା କରିଚାଲିଛି  । ମୋ ମାଆ ମାନେ ମୋର ଶକ୍ତି ବୋଲି କହିଛନ୍ତି ଦିବ୍ୟଶଙ୍କର  ।  ଏହି ଅବସରରେ ମନ୍ତ୍ରୀ କାର୍ଯ୍ୟକ୍ରମରେ ସାମିଲ ହୋଇ ବରିଷ୍ଠ ନାଗରିକଙ୍କୁ ସମ୍ନାନୀତ କରିଛନ୍ତି । ଉପଢୌକନ ପ୍ରଦାନ ସହ ସମସ୍ତଙ୍କୁ ଜଗନ୍ନାଥଙ୍କ ଫଟୋଚିତ୍ର ପ୍ରଦାନ କରିଛନ୍ତି ।

ନାବାଳିକା ପ୍ରେମିକାକୁ ବ୍ଲାକମେଲିଂ, ପ୍ରେମିକ ଦେଉଥିଲା ଅନ୍ତରଙ୍ଗ ଭିଡ଼ିଓ ଭାଇରାଲ ଧମକ

କଟକ: ନାବାଳିକା ପ୍ରେମିକାର ଅଶ୍ଳୀଳ ଭିଡିଓ ଭାଇରାଲ୍ ଅଭିଯୋଗରେ ବନ୍ଧା ହେଲା ପ୍ରେମିକ । କଟକ ସିଡିଏ ଅଞ୍ଚଳର ଜଣେ ଯୁବତୀଙ୍କ ଅଭିଯୋଗ ପରେ ଅଭିଯୁକ୍ତ ପ୍ରେମିକକୁ ଗୁଜରାଟରୁ ଗିରଫ କରିଛି କମିଶନରେଟ ପୋଲିସ । ଅଭିଯୋଗ ଅନୁସାରେ ସୋସିଆଲ ମିଡିଆରେ ବିହାରର ପ୍ରକାଶ କୁମାରଙ୍କ ସହିତ ସିଡିଏର ଜଣେ ଯୁବତୀଙ୍କ ପ୍ରେମ ସମ୍ପର୍କ ଗଢିଉଠିଥିଲା । ପରେ ଅନ୍ତରଙ୍ଗ ମୁହୂର୍ତ୍ତର ଭିଡ଼ିଓ ସୁଟ କରି ଏହାକୁ ଭାଇରାଲ କରିବା ସହିତ ବାରମ୍ବାର ବ୍ଲାକମେଲ କରୁଥିଲା ପ୍ରେମିକ ।

ନାବାଳିକା ପ୍ରେମିକା ଜଣଙ୍କ ସହିତ ବିହାରର ଏହି ଯୁବକର ପ୍ରେମ ସମ୍ପର୍କ ଗଢି ଉଠିଥିଲା  । ପରବର୍ତ୍ତୀ ସମୟରେ ଉକ୍ତ ଯୁବକ ନାବାଳିକାର ଅନ୍ତରଙ୍ଗ ଭିଡ଼ିଓ ପାଖରେ ରଖିବା ସହ ଏହାକୁ ସୋସିଆଲ ମିଡ଼ିଆରେ ଭାଇରାଲ କରିବା ନେଇ ଧମକ ଦେଇ ଆସୁଥିଲା    । ଏମିତିକି ଅନେକ ଥର ଯୁବତୀଙ୍କୁ ବ୍ଲାକମେଲିଂ କରୁଥିଲା ବିହାରର ଏହି ପ୍ରେମିକ  । ଏନେଇ ଅଭିଯୋଗ ପରେ କମିଶନରେଟ ପୋଲିସ ତଦନ୍ତ କରି ଅଭିଯୁକ୍ତକୁ ଗିରଫ କରିଥିବା ଜଣାପଡ଼ିଛି  ।