spot_img
Home Blog Page 5171

୧୦୦ ଓ୍ବିକେଟ କ୍ଲବରେ ରସିଦ୍ ଖାନ

ଦୁବାଇ: ଇତିହାସ ରଚିଲେ ଆଫଗାନ ସ୍ପିନ୍ନର ରସିଦ ଖାନ । ଟି-୨୦ କ୍ରିକେଟରେ ଏକ ବଡ଼ ସଫଳତା ହାସଲ କରିଛନ୍ତି ରସିଦ ଖାନ । ଗତକାଲି ପାକିସ୍ତାନ ବିପକ୍ଷରେ ଖେଳାଯାଇଥିବା ମ୍ୟାଚରେ ରସିଦ ଖାନ ଟି-୨୦ ଆନ୍ତର୍ଜାତୀୟ ଓ୍ବିକେଟ ହାସଲ କରିଛନ୍ତି । ୨୩ ବର୍ଷିୟ ରସିଦ କମ୍ ମ୍ୟାଚ ଖେଳି ଏହି ବଡ଼ ଉପଲବ୍ଧି ହାସଲ କରିଛନ୍ତି । ପାକିସ୍ତାନ ବ୍ୟାଟ୍ସମ୍ୟାନ ମହମ୍ମଦ ହାପିଜଙ୍କୁ ଆଉଟ କରି ଟି-୨୦ କ୍ରିକେଟରେ ୧୦୦ତମ ଓ୍ବିକେଟ ଅକ୍ତିଆର କରିଥିଲେ ରସିଦ । ଏହି ମ୍ୟାଚରେ ସେ ୪ ଓଭର ବୋଲିଂ କରି ୨୬ ରନ ଦେବା ସହ ଦୁଇଟି ଓ୍ବିକେଟ ଅକ୍ତିଆର କରିଥିଲେ ।

ରସିଦଙ୍କ ପୂର୍ବରୁ କେବଳ ତିନିଜଣ ବୋଲର ୧୦୦ରୁ ଅଧିକ ଓ୍ବିକେଟ ଅକ୍ତିଆର କରଥିଲେ । ଆଉ ଆବେ ରସିଦ ଏହି କ୍ଲବରେ ସାମିଲ ହୋଇଛନ୍ତି । ଏହି ୧୦୦ ଓ୍ବିକେଟ କ୍ଲବରେ ପ୍ରଥମ ସ୍ଥାନରେ ଅଛନ୍ତି ବଙ୍ଗଳାଦେଶ ଅଲରାଉଣ୍ଡର ଶାକିବ ଉଲ ହାସନ । ଶାକିବ ୯୪ ମ୍ୟାଚ ଖେଳି ୧୧୭ ଓ୍ବିକେଟ ଅକ୍ତିଆର କରିଛନ୍ତି । ଦ୍ବିତୀୟରେ ଶ୍ରୀଲଙ୍କା ଦ୍ରୁତ ବୋଲର ଲସିଥ୍ ମାଲିଙ୍ଗା ୮୪ ମ୍ୟାଚରେ ୧୦୭ ଓ୍ବିକେଟ ଅକ୍ତିଆର କରି ଦ୍ବିତୀୟ ସ୍ଥାନରେ ଥିବାବେଳେ ତୃତୀୟ ସ୍ଥାନରେ ଅଛନ୍ତି ନ୍ୟୁଜିଲାଣ୍ଡ ଦ୍ରୁତ ବୋଲର ଟିମ୍ ସାଉଦି । ସାଉଦି ୮୪ ମ୍ୟାଚରେ ୧୦୦ ଓ୍ବିକେଟ ହାସଲ କରିଛନ୍ତି । ଅନ୍ୟପକ୍ଷରେ ରସିଦ ଖାନ ୫୩ ମ୍ୟାଚରେ ୧୦୦ ଓ୍ବିକେଟ ହାସଲ କରିଛନ୍ତି । ଟି-୨୦ରେ ସେ ୨ ଥର ୫ଟି ଓ ୪ ଥର ୪ଟି ଓ୍ବିକେଟ ଅକ୍ତିଆର କରିଛନ୍ତି ।

ଆରମ୍ଭ ହେବ ସଂକ୍ଷିପ୍ତ ଭୋଟର ତାଲିକା ସଂଶୋଧନ, ଜାନୁଆରୀ ୬ରେ ପ୍ରକାଶ ପାଇବ ଚୂଡ଼ାନ୍ତ ତାଲିକା

ଭୁବନେଶ୍ୱର: ପଞ୍ଚାୟତ ଭୋଟ୍ ପାଇଁ ପ୍ରସ୍ତୁତି । ଆରମ୍ଭ ହେବ ସ୍ୱତନ୍ତ୍ର ସଂକ୍ଷିପ୍ତ ଭୋଟର ତାଲିକା ସଂଶୋଧନ ପ୍ରକ୍ରିୟା । ଏ ନେଇ ପ୍ରେମସିଟରେ ବିସ୍ତୃତ ସୂଚନା ଦେଇଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ କୁମାର ଲୋହାନି । ୨୦୨୦ ଜାନୁଆରୀ ସୁଦ୍ଧା ୧୮ ବର୍ଷ ପୂରଣ ହେଉଥିବା ବ୍ୟକ୍ତିମାନେ ଏଥିରେ ସାମିଲ୍ ହୋଇ ପାରିବେ । ଭୋଟର ଲିଷ୍ଟରେ ନାଁ ନଥିବା ଯୋଗ୍ୟ ଭୋଟର, ଭୋଟର ଲିଷ୍ଟରୁ ନାଁ କାଟିବାକୁ ଚାହୁଁ ଥିବା ବ୍ୟକ୍ତି ଓ ତ୍ରୁଟି ସଂଶୋଧନ କରିବା ଲାଗି ଆବେଦନ କରି ହେବ ।

Special Drive For Voter ID Correction In November

ଏହି ବ୍ୟବସ୍ଥା ଚଳିତ ଥର ଅନଲାଇନ୍ ମାଧ୍ୟମରେ କରାଯିବ । ପୂର୍ବରୁ ଏହା ଅଫଲାଇନରେ କରାଯାଉ ଥିଲା । ଏକ ସ୍ୱତନ୍ତ୍ର ଆପ୍ ମାଧ୍ୟମରେ ଏହି ସଂଶୋଧନ ପ୍ରକ୍ରିୟାରେ ଲୋକମାନେ ଅଂଶଗ୍ରହଣ କରି ପାରିବେ । ସଂଶୋଧନ ପାଇଁ ଆବେଦନକାରୀଙ୍କୁ କିଛି ନିର୍ଦ୍ଦିଷ୍ଟ ପ୍ରମାଣ ପତ୍ର ଦେବାକୁ ହେବ । ଏହା ପରେ ସରକାରୀ ଅଧିକାରୀ ମାନେ ଘରକୁ ଯାଇ  କାର୍ଡ ଯୋଗାଉ ଦେବେ କିମ୍ୱା ସ୍ପିଡ୍ ପୋଷ୍ଟ ମାଧ୍ୟମରେ ଘରକୁ ପଠାଯିବ । ନଭେମ୍ବର ୭ ଓ ୨୧ ତାରିଖ ଅର୍ଥାତ୍ ମାସର ପ୍ରଥମ ଓ ତୃତୀୟ ରବିବାର ଦିନ ସରକାରୀ ଅଧିକାରୀ ମାନେ ବୁଥରେ ରହିବେ । ଲୋକମାନେ ସେଠାକୁ ଯାଇ ମଧ୍ୟ ଭୋଟର ତାଲିକା ସଂଶୋଧନ କରିପାରିବେ ।

ଉପାନ୍ତ ଅଞ୍ଚଳରେ ସ୍ୱତନ୍ତ୍ର ବ୍ୟବସ୍ଥା କରାଯିବ । ଏକ ମାସ ମଧ୍ୟରେ ଲୋକମାନେ ସଂଶୋଧନ ପାଇଁ ଆବେଦନ କରି ପାରିବେ । ଏହାର ତର୍ଜମା ପାଇଁ ୨୦ ଦିନ ସମୟ ଲାଗିବ । ଜାନୁଆରୀ ୬ ତାରିଖରେ ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇବ । ୨ଟି ଭୋଟର ଆଇଡି ଥିବା ଏକ ଲକ୍ଷ ଲୋକଙ୍କୁ ଅଟୋ ମେକାନିଜମ ଦ୍ୱାରା ଆମେ ବାଦ୍ ଦେଇ ସାରିଛୁ । ଆହୁରି ୪ ଲକ୍ଷ ଆବେଦନ ବର୍ତ୍ତମାନ ସୁଦ୍ଧା ରହିଛି । ସମସ୍ତ ୩୭ ହଜାର ୬୦୬ ପୋଲିଂ ବୁଥ ସହ ୫୮ ଉପଜିଲ୍ଲାପାଳ ଅଫିସ୍ ଓ ୩୦ ଜିଲ୍ଲାପାଳ ଅଫିସରେ ଭୋଟର ପରିଚୟପତ୍ର ସଂଶୋଧନ କରି ହେବ ।

ସମାଜବାଦୀ ପାର୍ଟିରେ ମିଶିଲେ ୭ ବିଧାୟକ

ଲକ୍ଷ୍ନୌ: ଉତ୍ତର ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ବିଜେପି ଓ ବିଏସପିକୁ ଶକ୍ତ ଧକ୍କା । ଅଖିଳେଶ ଯାଦବଙ୍କ ଉପସ୍ଥିତିରେ ସାମିଲ ହେଲେ ସମାଜବାଦୀ ପାର୍ଟିରେ । ପଦ୍ମ ଦଳରୁ ମୋହ ଭଙ୍ଗ ହେବା ପରେ ଅଖିଳେଶଙ୍କ ସାଇକେଲ ଚଢ଼ିଛନ୍ତି ସୀତାପୁରର ବିଜେପି ବିଧାୟକ ରାକେଶ ରାଠୋର ।

ସେହିପରି ବିଏସପିର ୬ ନିଲମ୍ବିତ ବିଧାୟକ ଅସଲମ ରାଇନି, ଅସଲମ ଅଲ୍ଲୀ ଚୌଧୁରୀ, ମୁଜତବା ସିଦ୍ଦିକି, ହାକିମ ଲାଲ ବିନ୍ଦ, ହରଗୋବିନ୍ଦ ଭାର୍ଗବ ଏବଂ ସୁଷମା ପଟେଲ ସମାଜବାଦୀ ପାର୍ଟିରେ ସାମିଲ ହୋଇଛନ୍ତି । ଏହି ଅବସରରେ ବିଜେପି ଉତ୍ତର ପ୍ରଦେଶରୁ ସଫା ହୋଇ ଯିବ ବୋଲି ଅଖିଳେଶ କହିଛନ୍ତି ।

ସେ ଆହୁରି କହିଛନ୍ତି, ‘ବିଜେପି ଘୋଷଣାପତ୍ରରେ ଦେଇଥିବା ପ୍ରତିଶ୍ରୁତି ପୂରଣ କରିନାହିଁ । ୨୦୨୨ ବେଳକୁ ଚାଷୀଙ୍କ ଆୟ ଦୁଇଗୁଣା ହୋଇଯିବ ବୋଲି ଦଳ ଘୋଷଣା କରିଥିଲା, ହେଲେ ଆଜି ଚାଷୀ ଜାଣିବାକୁ ଚାହୁଁଛନ୍ତି ଆୟ ଦୁଇଗୁଣା କେବେ ହେବ । ଘୋଷଣା ପତ୍ରରେ ଥିବା ଗୋଟିଏ ବି ପ୍ରତିଶ୍ରୁତି ଯୋଗୀ ସରକାର ପୂରଣ କରିନି । ଝାନସୀ ଓ ମଥୁରାରେ ମେଟ୍ରୋ ଟେନ୍ ଚଲାଇବାକୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରତିଶ୍ରୁତି ଦେଇଥିଲେ । ହେଲେ ମେଟ୍ରୋ ତ ହେଲାନି । ସମାଜବାଦୀ ପାର୍ଟି ସରକାରରେ ଯେଉଁଠି ମେଟ୍ରୋ ହେବାକୁ ସ୍ଥିର ହୋଇଥିଲା, ସେଠାରେ କାମ ଆରମ୍ଭ କରିଛି ।

ବିଜେଡିରେ ସାମିଲ ହେଲେ ୪୨ଟି ସଂଗଠନର କର୍ମକର୍ତ୍ତା

ଭୁବନେଶ୍ବର: ଶ୍ରମିକ ନେତା ତଥା ସିପିଆଇ ସଦସ୍ୟ ନବ ମହାନ୍ତି ବିଜେଡିରେ ହେଲେ ସାମିଲ । ଏହାସହ ୪୨ଟି ସଂଗଠନର କର୍ମକର୍ତ୍ତା ମଧ୍ୟ ବିଜେଡିରେ ମିଶିଲେ । ବିଜେଡି ସାଂସଦ ସୁବାସ ସିଂଙ୍କ ବାସଭବନରେ ଏହି ମିଶ୍ରଣ ପର୍ବ ଆୟୋଜିତ ହୋଇଥିଲା । ଏଥିରେ ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ସାଂସଦ ସୁବାସ ସିଂ ଏବଂ ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା ଉପସ୍ଥିତ ଥିଲେ ।

ସେହିପରି କେନ୍ଦ୍ରାପଡ଼ା ଜିଲ୍ଲା ଆଳି ସାନମଙ୍ଗ ପଞ୍ଚାୟତ ସରପଞ୍ଚ ପ୍ରୀତିରଞ୍ଜନ ରାୟ ବିଜେଡିରେ ସାମିଲ ହୋଇଛନ୍ତି । ପ୍ରୀତିରଞ୍ଜନ ତାଙ୍କ ୭୦ ସମର୍ଥକଙ୍କ ସହ ଦଳରେ ଯୋଗ ଦେଇଛନ୍ତି । ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ଏମାନେ ଆନୁଷ୍ଠାନିକ ଭାବେ ବିଜେଡିରେ ମିଶିଛନ୍ତି । ଭୁବନେଶ୍ବରରେ ବିଜେଡି ରାଜ୍ୟ କାର୍ଯ୍ୟାଳୟରେ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ନିଜ ପଞ୍ଚାୟତର ଉନ୍ନତି ଲାଗି ବିଜେଡିରେ ସାମିଲ ହୋଇଥିବା ପ୍ରୀତିରଞ୍ଜନ କହିଛନ୍ତି ।

ଗୋଟିଏ ଦିନରେ ଆୟ କଲେ ୧୬୦୦ କୋଟି

ନୂଆଦିଲ୍ଲୀ: ବର୍ତ୍ତମାନ ବେଶ୍ ଚର୍ଚ୍ଚାରେ ରହିଛି ଇଲେକ୍ଟ୍ରିକ୍ କାର କମ୍ପାନୀ ଟେସଲା । ସେୟାର ବଜାରରେ ଧୁମ୍ ମଚାଉଛି ଏଲୋନ ମସ୍କଙ୍କ କମ୍ପାନୀ ଟେସଲା । ଟେସଲା କମ୍ପାନୀର ଷ୍ଟକ୍ ପ୍ରତିଦିନ ଏକ ନୂଆ ରେକର୍ଡ ସ୍ତରକୁ ଛୁଇଁଛି । ତେବେ ଏହି କମ୍ପାନୀର ସେୟାରରୁ ଜଣେ ବ୍ୟକ୍ତି ୧୫୦୦ କୋଟିରୁ ଅଧିକ ଆୟ କରିଛନ୍ତି । ଏହି ସପ୍ତାହରେ ଟେସଲାର ଷ୍ଟକ୍ ପ୍ରଥମ ଥର ପାଇଁ ୧୦୦୦ ଡଲାର ଅତିକ୍ରମ କରିଛି । ନାସଡାକ ଉପରେ କମ୍ପାନୀର ଷ୍ଟକ୍ ବର୍ତ୍ତମାନ ପ୍ରାୟ ୧୧୦୦ ଡଲାର ରହିଛି । ଏହି ଅନୁସାରେ ଟେସଲା ହେଉଛି ପଞ୍ଚମ କମ୍ପାନୀ ଯାହାର ମାର୍କେଟ କ୍ୟାପିଟାଲାଇଜେସନ ଏକ ହଜାର ବିଲିୟନ ଅତିକ୍ରମ କରିଛି ।

ତେବେ ଟେସଲାର ଷ୍ଟକ୍ ବୃଦ୍ଧି ଫଳରେ ନିବେଶକମାନେ ମଧ୍ୟ ଉପକୃତ ହୋଇଛନ୍ତି । ଏହାର ଫାଇଦା ଉଠାଇଛନ୍ତି ଏହି କମ୍ପାନୀର ବୋର୍ଡ ସଦସ୍ୟ ଇରା ଏହରେନପ୍ରେସ୍ ମଧ୍ୟ ଷ୍ଟକ୍ ମାର୍କେଟରେ ଟେସଲାର ସେୟାର ବିକ୍ରି କରି ୨୦୦ ମିଲିୟନ ଡଲାର ଅର୍ଥାତ ପ୍ରାୟ ୧୫୦୦ କୋଟି ଟଙ୍କା ରେଜଗାର କରିଛନ୍ତି । ଆମେରିକା ବଜାର ନିୟାମକ ଓ ରଏର୍ଟସ ଗଣନା ଅନୁଯାୟୀ ୨୦୦୭ ମେ’ରେ କମ୍ପାନୀର ସ୍ବତନ୍ତ୍ର ନିର୍ଦ୍ଦେଶକ ଇରା ଏହରେନପ୍ରେସ୍ ଟେସଲାର ୩ ଲକ୍ଷ ୭୦ ହଜାର ସେୟାର କିଣିଥିଲେ । ସେ ସମୟରେ ସେ ପ୍ରତି ସେୟାରକୁ ୫୦ ଡଲାର ମୂଲ୍ୟରେ କିଣିଥିଲେ । କିନ୍ତୁ ଏବେ ଟେସଲାର ଷ୍ଟକ୍ ମୂଲ୍ୟ ୧୦୦୦ ଡଲାରରୁ ଅଧିକ ହେବା ପରେ ସେ ୨,୦୩,୪୨୯ଟି ସେୟାରକୁ ୧୦୬୮ ଡଲାର ମୂଲ୍ୟରେ ବିକ୍ରି କରିଛନ୍ତି । ଯାହାଫଳରେ  ସେ ୨୧୪ ମିଲିୟନ ଡଲାର ଅର୍ଥାତ ପ୍ରାୟ ୧୬୦୦ କୋଟି ଆୟ କରିଥିଲେ ।

କ୍ରାଇମବ୍ରାଞ୍ଚ ପଞ୍ଝାରେ ନକଲି IAS ଅଫିସର

ଭୁବନେଶ୍ୱର: କ୍ରାଇମବ୍ରାଞ୍ଚ କବଜାରେ ୨ ଜଣ ନକଲି ଅଫିସର । ୨ ଜଣଙ୍କୁ ଗିରଫ କରିଛି କ୍ରାଇମବ୍ରାଞ୍ଚ EOW । ୧ କୋଟି ୧୭ଲକ୍ଷ ଠକେଇ ମାମଲାରେ ୨ଜଣଙ୍କୁ ଗିରଫ କରାଯାଇଛି । ୨ ଯୁବକ ହେଉଛନ୍ତି ସୂର୍ଯ୍ୟମଣି ତ୍ରିପାଠୀ ଓ ଅମିତ କୁମାର ସ୍ୱାଇଁ । କିରାଣି ଥିବା ସୂର୍ଯ୍ୟମଣି ତ୍ରିପାଠୀ ନିଜକୁ IAS କହୁଥିଲା । ଅମିତ ସ୍ୱାଇଁ ନିଜକୁ ସହକାରୀ ଯନ୍ତ୍ରୀ କହୁଥିଲା  ।

ମିଳିଥିବା ସୂଚନା ମୁତବାକ ଉଭୟଙ୍କୁ ଭୁବନେଶ୍ୱର SDJM କୋର୍ଟରେ ହାଜର କରାଯିବ । ରାଜେଶ ଗେହଲେଟ ନାମକ ଜଣେ ଅଭିଯୁକ୍ତ ନିଜକୁ raw ଏଜେଣ୍ଟର ପରିଚୟ ଦେଉଥିଲା । ତାକୁ ଗିରଫ କରିବା ସହ ଗ୍ୟାଙ୍ଗରେ ଜଣେ ଲେଡି ରହିଥିବା ଜାଣିବାକୁ ପାଇଛି କ୍ରାଇମବ୍ରାଞ୍ଚ । କ୍ରାଇମବ୍ରାଞ୍ଚ ଇଓଡବ୍ଲୁ ପକ୍ଷରୁ ସୂଚନା ଦିଆଯାଇଛି ।

ରାଜନୀତିକୁ ସିରିୟସରେ ନେଉନି କଂଗ୍ରେସ: ମମତା ବାନାର୍ଜୀ

ପାନାଜୀ: ଗୋଆ ଗସ୍ତର ଶେଷ ଦିନରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କଂଗ୍ରେସ ଓ ବିଜେପି ଉପରେ ବର୍ଷିଛନ୍ତି । ମମତା ବାନାର୍ଜୀ କହିଛନ୍ତି କି କଂଗ୍ରେସ ପାଇଁ ହିଁ ପ୍ରାଧନମନ୍ତ୍ରୀ ମୋଦି ଅଧିକ ଶକ୍ତିଶାଳୀ ହେଉଛନ୍ତି । କାରଣ କଂଗ୍ରେସ ରାଜନୀତିକୁ ଗୁରୁତ୍ବ ଦେଉନାହିଁ । ପାନାଜୀରେ ସାମ୍ବାଦିକମାନଙ୍କୁ ସମ୍ବୋଧିତ କରିବା ସମୟରେ ମମତା କହିଛନ୍ତି କି କଂଗ୍ରେସ ରାଜନୀତିକୁ ଗମ୍ଭୀରତାର ସହ ନେଉନାହାନ୍ତି ଯାହା ଫଳରେ ମୋଦି ଅଧିକ ଶକ୍ତିଶାଳି ହେଉଛନ୍ତି । ସେ ଆହୁରି କହିଛନ୍ତି କି କଂଗ୍ରେସକୁ ପ୍ରଥମେ ସୁଯୋଗ ମିଳିଥିଲା । କିନ୍ତୁ ସେମାନେ ମୋ ରାଜ୍ୟରେ ବିଜେପି ପରିବର୍ତ୍ତେ ମୋ ବିରୋଧରେ ଲଢ଼େଇ କରୁଥିଲେ । ଏଥିସହ ଆଜି ପାନାଜୀରେ ଅନୁଷ୍ଠିତ ଏହି ସଭାରେ ଏକ ବଡ଼ ଘୋଷଣା କରିଛନ୍ତି ମମତା । ଗୋଆର ସମସ୍ତ ସିଟରେ ଟିଏମସି ପ୍ରତିଦ୍ବନ୍ଦିତା କରିବ ବୋଲି ଘୋଷଣା କରିଛନ୍ତି ମମତା ।

ତେବେ ଏହା ପୂବର୍ରୁ ମମତା ବିଜେପିକୁ କଡ଼ା ଟାର୍ଗେଟ କରିଥିଲେ । ମମତା ବାନାର୍ଜୀ କହିଥିଲେ କି ବିଜେପି ‘ଆଚ୍ଛେ ଦିନ’ ପ୍ରତିଶୃତି ଦେଇଥିଲେ । କିନ୍ତୁ ବର୍ତ୍ତମାନ ବିଜେପି ଦେଶକୁ ଧ୍ବଂସ କରିବାରେ ବ୍ୟସ୍ତ ଅଛନ୍ତି । ଦେଶର ମୁଦ୍ରାସ୍ଫୀତି ବୃଦ୍ଧି ପାଉଛି ବୋଲି ସେ କହିଛନ୍ତି । ଡିଜେଲ, ପେଟ୍ରୋଲ,ଏଲପିଜି ମୂଲ୍ୟ ବୃଦ୍ଧି ହେଉଛି । କିନ୍ତୁ ଏହି ସମସ୍ୟାର ସମାଧାନ ପାଇଁ ବିଜେପି ଗମ୍ଭୀର ନୁହେଁ । ତେବେ ଏହା ପୂର୍ବରୁ ଗୋଆ ଫରଓ୍ବାର୍ଡ ପାର୍ଟି ନେତା ବିଜୟ ସର୍ଦ୍ଦାର  ମମତାଙ୍କୁ ଭେଟିଥିଲେ । ମମତାଙ୍କୁ ଭେଟିବା ପୂର୍ବରୁ ବିଜୟ ସର୍ଦ୍ଦାର ଟୁଇଟ୍ କରି କହିଛନ୍ତି କି ଗତ ଦୁଇ ବର୍ଷ ଧରି ମୁଁ ଗୋଆ ବିଜେପି ବିରୋଧରେ ଲଢ଼େଇ କରୁଛି । ବିଜେପିକୁ କ୍ଷମତାରୁ ହଟାଇବା ପାଇଁ ବିରୋଧୀଙ୍କ ଏକତା ଗୁରୁତ୍ବପୂର୍ଣ୍ଣ ବୋଲି କହିଥିଲେ ବିଜୟ ସର୍ଦ୍ଦାର । ତେବେ ଆସନ୍ତା ବର୍ଷ ଗୋଆରେ ବିଧାନସଭା ନିର୍ବାଚନ ହେବ । ଆସନ୍ତା ଗୋଆ ନିର୍ବାଚନରେ ବିଜେପିକୁ ଶାସନରୁ ହଟାଇବା ପାଇଁ ଚେଷ୍ଟା ଆରମ୍ଭ କରିଦେଇଛନ୍ତି । ଏହାପୂର୍ବରୁ ଗତକାଲି ଗୋଆରେ ମମତାଙ୍କ ଉପସ୍ଥିତିରେ ନାଫିସା ଅଲି ଓ ଲିଅଣ୍ଡର ପେସ୍ ଟିଏମସିରେ ଯୋଗ ଦେଇଛନ୍ତି ।

ମମିତା ହତ୍ୟା ମାମଲା ବିକ୍ଷୋଭରେ ସାମିଲ ହେବାକୁ ବିଜେପି ବାଣ୍ଟୁଛି ଟଙ୍କା

ନୟାଗଡ଼: ମମିତା ହତ୍ୟା ମାମଲାକୁ ନେଇ ବିଜେପି କରୁଥିବା ରାଜନୀତି ଓଡ଼ିଶାବାସୀ ବୁଝି ସାରିଲେଣି । ବିଜେପିର ଏହି ମାଇଲେଜ ନେବା ରାଜନୀତିକୁ ପସନ୍ଦ କରୁନାହାନ୍ତି ସାଧାରଣ ଜନତା । ବିକ୍ଷୋଭରେ ଲୋକଙ୍କୁ ଏକାଠି କରିବାକୁ ବିଜେପିକୁ ମିଳୁନାହାନ୍ତି ଲୋକ । ଟଙ୍କା ଦେଇ ଲୋକଙ୍କୁ ବିକ୍ଷୋଭରେ କରୁଛି ସାମିଲ । ବିଜେପିର ଏହି ଟଙ୍କା ବଣ୍ଟା ଧରାପଡ଼ିଛି କ୍ୟାମେରାରେ ।

ଖୋର୍ଦ୍ଧା-ବଲାଙ୍ଗିର ୫୭ ନମ୍ବର ଜାତୀୟ ରାଜପଥରେ ବିଜେପି କର୍ମୀ ବିକ୍ଷୋଭ ପାଇଁ ଆଣିଥିବା ଲୋକଙ୍କୁ ଟଙ୍କା ବାଣ୍ଟୁଥିବାର ଭିଡିଓ ହେଉଛି ଭାଇରାଲ ।ବିକ୍ଷୋଭ ପ୍ରଦର୍ଶନ ପାଇଁ ଦଳୀୟ କର୍ମୀ ଯଥେଷ୍ଟ ହେଉ ନଥିବାରୁ ଟଙ୍କା ପାଇସା ଦେଇ ବିଭିନ୍ନ ଲୋକଙ୍କୁ ବିକ୍ଷୋଭରେ ସାମିଲ କରାଉଛି । ବିକ୍ଷୋଭରେ ସାମିଲ ହେଉଥିବା ଲୋକ କେଉଁଥି ପାଇଁ ବିକ୍ଷୋଭ କରାଯାଉଛି, ତାହା ଜାଣନ୍ତି ନାହିଁ । କେବଳ ଟଙ୍କା ପାଇଁ କିଛି ଲୋକ ବିକ୍ଷୋଭରେ ସାମିଲ ହେଉଛନ୍ତି ।

ବିଜେପିର ଏହି ବିକ୍ଷୋଭ ଓ ମାଇଲେଜ ରାଜନୀତିକୁ ସାଧାରଣରେ ନିନ୍ଦା କରାଯାଇଛି । ମମତା ମାମଲାର ମୁଖ୍ୟ ଅଭିଯୁକ୍ତ ଏବଂ ସହଯୋଗୀ ଗିରଫ ହୋଇ ସାରିଲେଣି । ତଥାପି ବିଜେପିର ଏଭଳି ବିକ୍ଷୋଭ ବେଳେ ଗୁଣ୍ଡାଗର୍ଦ୍ଦି ସମସ୍ତଙ୍କୁ ଚକିତ କରିଛି । ଏପରିକି କିଛି ସ୍ଥାନରେ ବିକ୍ଷୋଭକାରୀମାନେ ଆମ୍ବୁଲାନ୍‌ସକୁ ମଧ୍ୟ ଛା଼ଡୁ ନଥିବା ସମସ୍ତଙ୍କୁ ବ୍ୟଥିତ କରିଛି ।

 

ଆଜି ଜଗତସିଂହପୁର ଡ଼ାକବଙ୍ଗଳା ଛକରେ ବିଜେପି ରାସ୍ତାରୋକ କରିଥିଲା । ଏହି ସମୟରେ ପ୍ରମିଳା ସାହୁ ନାମକ ଜଣେ ବୃଦ୍ଧା ଏକ ଅଟୋରେ ମେଡିକାଲ ଯାଉଥିଲେ । ତାଙ୍କ ମୁଣ୍ଡ ବୁଲାଇ ପକାଇବାରୁ ପ୍ରେସକ୍ରିପସନ୍ ଧରି ଯାଉଥିବା ବେଳେ ଡାକବଙ୍ଗଳା ଛକରେ ରାସ୍ତାରୋକ କରୁଥିବା ବିଜେପି କର୍ମୀ ତାଙ୍କ ବାଟ ଓଗାଳି ଥିଲେ । ଜଗତସିଂହପୁର ଜିଲ୍ଲା ବିଜେପି ସଭାପତି ମଧ୍ୟ ଉପସ୍ଥିତ ଥିଲେ । ବୃଦ୍ଧା ଓ ଅଟୋ ଡ୍ରାଇଭର ଯେତେ କାକୁତି ମିନତି ହେଲେ ବି ଏହି ହୃଦୟହୀନ କ୍ଷମତା ଲୋଭି ବିଜେପି ଦଳର ନେତା ଓ କର୍ମୀ ତାଙ୍କ କଥା ଶୁଣି ନଥିଲେ କି ମେଡ଼ିକାଲ ଯିବାକୁ ଦିଆଯାଇ ନଥିଲା । ଶେଷରେ ବାଧ୍ୟ ହୋଇ ଡ୍ରାଇଭର ଅଟୋକୁ ପଛକୁ ହଟାଇ ଥିଲେ ଓ ବୃଦ୍ଧାଙ୍କୁ ଡାକ୍ତରଖାନା ବଦଳରେ ଘରକୁ ଫେରିବାକୁ ପଡ଼ିଥିଲା ।

ମନ୍ନତ ଆଗରେ ଆର୍ଯ୍ୟନଙ୍କୁ ଭବ୍ୟ ସ୍ବାଗତ, ଢୋଲ ବଜାଇ ନାଚିଲେ ପ୍ରଶଂସକ

ମୁମ୍ବାଇ: ଜଲର ବନ୍ଦ କୋଠରୀରେ ୨୮ ଦିନ ବିତାଇବା ପରେ ଆଜି ଜାମିନରେ ବାହାରିଛନ୍ତି । ଯେଉଁ ଦିନକୁ ଶାହରୁଖଙ୍କ ପରିବାର, ତାଙ୍କ ପ୍ରଶଂସକ ଓ ପୂରା ବିଗ୍ ଟାଉନ୍ ଅପେକ୍ଷା କରିଥିଲା ଶେଷରେ ସେହି ସମୟ ଆସି ପହଞ୍ଚି ଥିଲା । ଆର୍ଯ୍ୟନଙ୍କୁ ମନ୍ନତ ବାହାରେ ଦେଖି ଖୁସିରେ ଆତ୍ମହରା ଯାଇଥିଲେ ଖାନ୍ ଫ୍ୟାମିଲିର ପ୍ରଶଂସକ । ଢୋଲ ବଜାଇ, ନାଚି ନାଚି ଆର୍ଯ୍ୟନଙ୍କୁ ପାଛୋଟି ନେଇଥିଲେ ।

ଆର୍ଯ୍ୟନଙ୍କ ମୁକ୍ତି ପରେ ବି-ଟାଉନରେ ମଧ୍ୟ ଖୁସି ଖେଳି ଯାଇଛି । ମନ୍ନତ ଲାଡ଼ଲା ଘରକୁ ଫେରିବା ପରେ ଶାହରୁଖଙ୍କ ପାଖକୁ ଶୁଭେଚ୍ଛା ପରେ ଶୁଭେଚ୍ଛା ଆସିବାରେ ଲାଗିଛି ।

ଆଜି ସକାଳ ୫.୩୦ରେ ଜେଲ ବକ୍ସ ଖୋଲା ଯାଇଥିଲା । ଏହାପରେ ଆର୍ଯ୍ୟନଙ୍କ ବେଲ ପେପର୍ ଜେଲ କର୍ତ୍ତୃପକ୍ଷ ପାଇଥିଲେ । କିଛି ସମୟର ପ୍ରକ୍ରିୟା ପରେ ଆର୍ଯ୍ୟନଙ୍କୁ ଜେଲରୁ ମୁକ୍ତି ମିଳିଥିଲା ।

ଆର୍ଯ୍ୟନଙ୍କୁ ନେବାକୁ ଜେଲ ବାହାରେ ଲାଗିଥିଲା ଶାହରୁଖଙ୍କ ଗାଡ଼ିର ଲମ୍ବା ଲାଇନ୍ । ଶାହରୁଖଙ୍କ ବଡ଼ିଗାର୍ଡ ରବି, ଆର୍ଯ୍ୟନଙ୍କ ଅପେକ୍ଷାରେ ଜେଲ୍ ବାହାରେ ଛିଡ଼ା ହୋଇଥିଲେ । ଆର୍ଯ୍ୟନ ଜେଲ ପରିଷରରୁ ବାହାରିବା ପରେ ତାଙ୍କୁ ଶାହରୁଖଙ୍କ ପର୍ସନାଲ ଗାଡ଼ିରେ ବସାଇ ରବି ‘ମନ୍ନତ’କୁ ନେଇ ଯାଇଥିଲେ ।

ଶୁକ୍ରବାର ଶାହରୁଖଙ୍କ ବାନ୍ଧବୀ ଜୁହି ଚାୱଲା ଆର୍ୟନଙ୍କ ଜାମିନ୍ ପ୍ରକ୍ରିୟା ପୂରା କରିଥିଲେ । ଆର୍ୟନଙ୍କୁ ୧ ଲକ୍ଷ ଟଙ୍କା ବ୍ୟକ୍ତିଗତ ମୁଚାଲିକାରେ କୋର୍ଟ ସର୍ତ୍ତମୂଳକ ଜାମିନ୍ ପ୍ରଦାନ କରିଛନ୍ତି ।

ସରପଞ୍ଚଙ୍କ ସହ ବିଜେଡିରେ ମିଶିଲେ ୭୦ ଜଣ କଂଗ୍ରେସ କର୍ମୀ

ଭୁବନେଶ୍ୱର: ଆହୁରି ସୁଦୃଢ଼ ହେଉଛି ବିଜୁ ଜନତା ଦଳ । ବିଜେଡିର ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ନେତୃତ୍ୱରେ ଅନ୍ୟ ଦଳର ନେତା ଓ କର୍ମୀ ବିଜେଡି ମୁହାଁ ହେଉଛନ୍ତି । ଆଜି ରାଜ୍ୟ ବିଜେଡି କାର୍ଯ୍ୟାଳୟରେ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ମିଶ୍ରଣ ପର୍ବ ଅନୁଷ୍ଠିତ ହୋଇଛି । ବିଜେଡିରେ ଯୋଗ ଦେଇଛନ୍ତି କଂଗ୍ରେସ କର୍ମୀ ତଥା ଆଳି ସାନମଙ୍ଗ ସରପଞ୍ଚ ପ୍ରୀତି ରଞ୍ଜନ ରାୟ ।

Sarpanch With 70 Congress Worker Joins BJD

ପ୍ରୀତି ରଞ୍ଜନ ରାୟଙ୍କ ସହ ତାଙ୍କର ୭୦ ଜଣ ସହଯୋଗୀ ମଧ୍ୟ ଆନୁଷ୍ଠାନିକ ଭାବେ ବିଜେଡିରେ ମିଶିଛନ୍ତି । ନିଜ ପଞ୍ଚାୟତର ଉନ୍ନତି ଲାଗି ସେମାନେ ବିଜେଡିରେ ସାମିଲ ହୋଇଥିବା କହିଛନ୍ତି ପ୍ରୀତି ରଞ୍ଜନ ରାୟ । ମିଶ୍ରଣ ପର୍ବରେ ଆଳି ବିଧାୟକ ପ୍ରତାପ ଦେବ ମଧ୍ୟ ଉପସ୍ଥିତ ଥିଲେ ।