spot_img
Home Blog Page 5204

ବନ୍ଧା ହେଲେ ନିଲମ୍ବିତ କନେଷ୍ଟବଳ, ସାଉଥ ସିଟି ବାର୍ ମ୍ୟାନେଜର ଓ ମାଲିକ ଗିରଫ

ଭୁବନେଶ୍ୱର: ହାଇ ପ୍ରୋଫାଇଲ୍ ମନୀଷ ଅନୁରାଗ ହତ୍ୟା ମାମଲାର ତଦନ୍ତ କରୁଥିବା କମିଶନରେଟ୍ ପୋଲିସ ସାଉଥ ସିଟି ବାର୍ ବିରୋଧରେ କାର୍ଯ୍ୟାନୁଷ୍ଠାନ ନେଇଛି । ଗିରଫ ହୋଇଛନ୍ତି କନେଷ୍ଟବଳ ପ୍ରସନ୍ନ ବେହେରା । କୋଭିଡ୍ ଗାଇଡଲାଇନ୍ ଉଲ୍ଲଂଘନ କରିବା, ବେଆଇନ୍ ଭାବେ ବାର୍ ଖୋଲିବା, ଅପରାଧିକ ଷଡ଼ଯନ୍ତ୍ର କରିବା ଅଭିଯୋଗରେ ଗିରଫ କରାଯାଇଛି ।

South City Bar Link Police Arrested Constable Prasanna Behera Ant Two others

ସାଉଥ ସିଟି ବାର ମ୍ୟାନେଜରଙ୍କ ସହ ହୋଟେଲ ମାଲିକ ପ୍ରଦ୍ୟୁମ୍ନ ଜେନାକୁ ଗିରଫ କରିଛି ପୋଲିସ । ପ୍ରସନ୍ନ ବେହେରାଙ୍କ ନାମରେ ଆଇପିସି ଦଫା ୧୨୦ (ବି), ୨୬୯, ୨୭୦, ୫୨ ଅବକାରୀ ଆଇନ୍ ୩, ୫, ୯୬ରେ ମାମଲା ରୁଜୁ କରିଛି ତମାଣ୍ଡୋ ଥାନା ପୋଲିସ ।

କମିଶନରେଟ୍ ପୋଲିସ ଗତକାଲି କନେଷ୍ଟବଳ ପ୍ରସନ୍ନ ବେହେରାଙ୍କୁ ନିଲମ୍ବନ କରିଥିଲା । ଗତକାଲି ହୋଟେଲ ସାଉଥ ସିଟିରେ ରେଡ୍ କରିଥିଲା ପୋଲିସ । ସେଠାରୁ ବିପୁଳ ମଦ ଜବତ କରା ଯାଇଥିଲା । କନେଷ୍ଟବଳ ପ୍ରସନ୍ନ ବେହେରା ସାଉଥ ସିଟି ବାରକୁ ଲିଜରେ ନେଇ ଚଳାଉଥିବା ଅଭିଯୋଗ ହୋଇଥିଲା । ଅଗଷ୍ଟ ମାସରେ ରାଜ୍ୟରେ ରାତ୍ରୀକାଳୀନ କର୍ଫ୍ୟୁ ଥିବାବେଳେ ନିର୍ଭୟରେ ଖୋଲୁଥିଲା ସାଉଥ ସିଟି । ନିଶା ସହ ଜମୁଥିଲା ନାଚଗୀତ । ଏ ଭିଡିଓ ମଧ୍ୟ ଭାଇରାଲ୍ ହୋଇଛି ।

ମନୀଷ ହତ୍ୟା ଦିନ ରାତିରେ ତିନିସାଙ୍ଗ ଅମ୍ରିତ, ଦିନେଶ ଓ ମୃତ୍ୟୁଞ୍ଜୟ ସାଉଥ ସିଟି ବାରରେ ମଦ ପିଇବା ପରେ ବିଲକୁ ନେଇ ଝଗଡ଼ା କରିଥିଲେ । ଏହାପରେ ହୋଟେଲ ବାହାରେ ମାରପିଟ୍ ପରେ ମନୀଷଙ୍କ ମୃତ୍ୟୁ ହୋଇଥିଲା । ତଦନ୍ତ ବେଳେ ଜଣାପଡ଼ିଥିଲା ବାର୍ ବିଳମ୍ବିତ ରାତି ଯାଏଁ ଖୋଲା ରହୁଛି ।

ପରିବାର ଲୋକଙ୍କୁ ଭେଟିଲେ ମହିଳା କମିଶନ ଟିମ୍: ଦୋଷଙ୍କୁ ଫାଶୀ ଦିଆଯାଉ କହିଲେ ମମିତାଙ୍କ ବାପା

ବଲାଙ୍ଗୀର: ମମିତା ମେହେର ହତ୍ୟା ମାମଲା । ଝରଣୀ ଗାଁ ପରେ ମହାଲିଙ୍ଗ ଷ୍ଟାଡିୟମ ଓ ସ୍କୁଲରେ ତଦନ୍ତ କରିଛନ୍ତି ମହିଳା କମିଶନ ଅଧ୍ୟକ୍ଷା ମିନତି ବେହେରା । ମିନତିଙ୍କ ସହ ୪ ଜଣିଆ ଟିମ୍‌ ଗ୍ରାଉଣ୍ଡ ଜିରୋରେ ସ୍ଥିତି ଅନୁଧ୍ୟାନ କରିଛନ୍ତି । ଏହା ସହିତ କଲେଜର ଲେଡିଜ ହଷ୍ଟେଲ ଯାଇ ଛାତ୍ରୀମାନଙ୍କ ସହ ଆଲୋଚନା କରିଛନ୍ତି। ଏହା ପୂର୍ବରୁ କଣ୍ଟାବାଞ୍ଜି ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଥିଲେ ମହିଳା କମିଶନ ଅଧ୍ୟକ୍ଷା ମିନତି ବେହେରା ।

ଏ ଅବସରରେ ମମିତାଙ୍କ ବାପା କହିଛନ୍ତି, ତାଙ୍କ ପରିବାର ବଡ଼ ଦୁଃଖ କଷ୍ଟରେ ଅଛନ୍ତି । ଏଣୁ ତାଙ୍କୁ ଆର୍ଥିକ ସୁରକ୍ଷା ସହ ଦୋଷୀଙ୍କୁ କଡ଼ା ଦଣ୍ଡ ସ୍ୱରୂପ ଫାଶୀ ଦାବି ଦେବାକୁ ସେ ଦାବି କରିଛନ୍ତି । ଏନେଇ ମହିଳା କମିଶନ ଅଧ୍ୟକ୍ଷା କହିଛନ୍ତି, ମମିତାଙ୍କ ପରିବାର ଅର୍ଥନୈତିକ ସୁରକ୍ଷା ଦେବାକୁ ରାଜ୍ୟ ସରକାରଙ୍କୁ ଅନୁରୋଧ କରାଯିବ । ସେହିପରି କଲେଜ କିଭଳି ଠିକଠାକ ଚାଲିବ ସେନେଇ ଜିଲ୍ଲା ଶିକ୍ଷା ଅଧିକାରୀ ଓ ଜିଲ୍ଲାପାଳଙ୍କ ସହ ବୈଠକ ଡାକିଛନ୍ତି ମହିଳା କମିଶନ ଅଧ୍ୟକ୍ଷା । ଗତକାଲି ବଲାଙ୍ଗୀର ଏସପିଙ୍କ ସହ ମହିଳା କମିଶନ ଅଧ୍ୟକ୍ଷା ମମିତା ମେହେର ମର୍ଡର ନେଇ ଆଲୋଚନା କରିଥିଲେ । ମୃତକଙ୍କ ପରିବାର କିପରି ନ୍ୟାୟ ପାଇବେ ଓ ଦୋଷୀ ଵିରୋଧରେ ଦୃଢ କାର୍ଯ୍ୟାନୁଷ୍ଠାନ ହେବ, ସେନେଇ ସମସ୍ତ ପଦକ୍ଷେପ ଗ୍ରହଣ କରାଯିବ ବୋଲି ମହିଳା କମିଶନ ଅଧ୍ୟକ୍ଷା ମିନତି ବେହେରା କହିଛନ୍ତି

T20 ବିଶ୍ୱକପ୍: ଭାରତ ବିପକ୍ଷରେ ଦଳ ଘୋଷଣା କଲା ପାକିସ୍ତାନ

ଦୁବାଇ: ଟି-ଟ୍ୱେଣ୍ଟି ବିଶ୍ୱକପରେ ଭାରତ ବିପକ୍ଷ ମ୍ୟାଚ୍ ପାଇଁ ଚୂଡ଼ାନ୍ତ ଦଳ ଘୋଷଣା କରିଛି ପାକିସ୍ତାନ । ରବିବାର ସନ୍ଧ୍ୟା ୭ଟା ୩୦ରେ ଭାରତ-ପାକିସ୍ତାନ ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ମୁହାଁମୁହିଁ ହେବେ । ମ୍ୟାଚର ୨୪ ଘଣ୍ଟା ପୂର୍ବରୁ ୧୨ ଖେଳାଳିଙ୍କ ନାଁ ଘୋଷଣା କରିଛି ପିସିବି । ଯେଉଁଥିରୁ ଚୂଡ଼ାନ୍ତ ଏକାଦଶ ଚୟନ କରାଯିବ । ପାକିସ୍ତାନ ଟିମକୁ ସୋଏବ ମଲିକ ଫେରିଛନ୍ତି । ଏଥିସହ ମୋହମ୍ମଦ ହାଫିଜଙ୍କ ଭଳି ବରିଷ୍ଠ ଖେଳାଳି ଦଳରେ ଅଛନ୍ତି ।

ଭାରତ ପାଇଁ ପାକିସ୍ତାନ ଟିମ୍

ବାବର ଆଜମ (ଅଧିନାୟକ), ମୋହମ୍ମଦ ରିଜବାନ, ଫକର ଜମାନ, ମୋହମ୍ମଦ ହାଫିଜ୍, ସୋଏବ ମଲିକ, ଆସିଫ୍ ଅଲୀ, ଇମାଦ ବସିନ, ଶାଦାବ ଖାନ, ଶାହୀନ ଆଫ୍ରିଦି, ହସନ ଅଲୀ, ହରୀସ ରଊଫ, ହାଇଦର ଅଲୀ ।

ଭାରତ ଓ ପାକିସ୍ତାନ ଉଭୟଙ୍କ ପାଇଁ ଏହି ମୁକାବିଲା ଗୁରୁତ୍ୱପୂର୍ଣ୍ଣ । ଦୁଇ ଟିମଙ୍କ ମଧ୍ୟରେ ଟି-ଟ୍ୱେଣ୍ଟି ବିଶ୍ୱକପ ୨୦୨୧ର ସୁପର-୧୨ ରାଉଣ୍ଡରେ ପ୍ରଥମ ମ୍ୟାଚ ହେବ । ଉଭୟ ଦଳ ବିଜୟରୁ ଆରମ୍ଭ କରିବାକୁ ପ୍ରୟାସ କରିବେ । ଅତୀତରେ ଭାରତ-ପାକିସ୍ତାନ ମଧ୍ୟରେ ୫ଟି ମ୍ୟାଚ୍ ଖେଳା ଯାଇଥିବା ବେଳେ ସମସ୍ତ ମ୍ୟାଚ ଭାରତ ଜିତିଛି ।

ଭାରତୀୟ ଦଳ

ବିରାଟ କୋହଲି (ଅଧିନାୟକ), ରୋହିତ ଶର୍ମା (ଉପ ଅଧିନାୟକ), କେଏଲ୍ ରାହୁଲ, ସୂର୍ଯ୍ୟକୁମାର ଯାଦବ, ଋଷଭ ପନ୍ତ (ୱିକେଟ୍ କିପର), ଇଶାନ କିଷାନ, ହାର୍ଦ୍ଦିକ ପଣ୍ଡ୍ୟା, ରବୀନ୍ଦ୍ର ଜଡ଼େଜା, ରାହୁଲ ଚହର, ରବିଚନ୍ଦ୍ରନ ଅଶ୍ୱିନ, ଶାର୍ଦ୍ଦୁଲ ଠାକୁର, ବରୁଣ ଚକ୍ରବର୍ତ୍ତୀ, ଜସପ୍ରୀତ ବୁମରା, ଭୁବନେଶ୍ୱର କୁମାର, ମୋହମ୍ମଦ ସାମି ।

ଭାରତ-ପାକିସ୍ତାନ ମ୍ୟାଚର ହାଇ ଭୋଲଟେଜ୍ ଡ୍ରାମା: ମିଆଁଦାଦଙ୍କ ବେଙ୍ଗ ଡିଆଁ, ଗମ୍ଭୀର ରାଗି ପଞ୍ଚମ

ଭୁବନେଶ୍ବର: ଟି-ଟ୍ବଣ୍ଟି ବିଶ୍ବକପରେ ଭାରତ ୨୪ ତାରିଖରୁ ଅଭିଯାନ ଆରମ୍ଭ କରିବ । ପ୍ରଥମ ମ୍ୟାଚ୍ ରହିଛି ପ୍ରାରମ୍ପରିକ ପ୍ରତିଦ୍ବନ୍ଦ୍ବୀ ପାକିସ୍ତାନ ସହ । ଯାହା ଉପରେ କ୍ରିକେଟକୁ ପସନ୍ଦ କରୁଥିବା ସବୁ ଦେଶର ନଜର । କାରଣ ଭାରତ-ପାକିସ୍ତାନ ଯେତେବେଳେ ପଡ଼ିଆରେ ମୁହାଁମୁହିଁ ହୋଇଥାନ୍ତି ଏହା ଏକ ପ୍ରକାର ଯୁଦ୍ଧରେ ପରିଣତ ହୋଇଯାଇଥାଏ । ଖେଳ କଥା ଛାଡ଼ନ୍ତୁ, ମ୍ୟାଚରେ ଏମିତି ବି କିଛି ଦେଖିବାକୁ ମିଳିଥାଏ, ଯାହା ଦର୍ଶକ କେବେ ଚିନ୍ତା ବି କରିନଥାନ୍ତି । ସେ ଜାଭେଦ ମିଆଁଦାଦଙ୍କ ବେଙ୍ଗ ଡିଆଁ ହେଉ କି ସୋହେଲଙ୍କ ବ୍ୟାଟର ଇସାରା । ଅଖତର ଭଜିଙ୍କୁ ମାରିବାକୁ ହୋଟେଲରେ ପହଞ୍ଚି ଯିବା ହେଉ କି ଗମ୍ଭୀରଙ୍କ ରାଗ ଦର୍ଶକ ସବୁ ବେଳେ ମନେ ରଖିବେ ।

ଆସନ୍ତୁ ଜାଣିବା ଭାରତ-ପାକିସ୍ତାନ ମ୍ୟାଚର ଏମିତି କିଛି ହାଇ ଭୋଲଟେଜ୍ ଡ୍ରାମ ବିଷୟରେ ।

ମୋରେ-ମିଆଁଦାଦ

୧୯୯୨ ବିଶ୍ବକପର ଭାରତ-ପାକିସ୍ତାନ ମ୍ୟାଚ୍ ଦର୍ଶକ କେବେ ଭୁଲିବେ ନାହିଁ । କାରଣ ମ୍ୟାଚକୁ ଯେତିକି ଚର୍ଚ୍ଚା ହୋଇ ନଥିଲା ଜାଭେଦ ମିଆଁଦାଙ୍କ ବେଙ୍ଗ ଡିଆଁ ସେତିକି ହାଇଲାଇଟ୍ ହୋଇଥିଲା । ମ୍ୟାଚରେ ଭାରତ ପ୍ରଥମେ ବ୍ୟାଟିଂ କରି ପାକିସ୍ତାନକୁ ୨୧୭ ରନର ବିଜୟ ଲକ୍ଷ୍ୟ ଦେଇଥିଲା । ଅମିର ସୋହେଲଙ୍କ ସହ ମିଶି ମିଆଁଦାଦ ପାକିସ୍ତାନର ସ୍କୋର ୨ ଓ୍ବିକେଟରେ ୧୦୦କୁ ନେଇଯାଇଥିଲେ । ଏହାପରେ ପାକିସ୍ତାନର ଗୋଟିଏ ପରେ ଗୋଟିଏ ଓ୍ବିକେଟ ପଡ଼ିବାକୁ ଲାଗିଥିଲା । ଓ୍ବିକେଟକିପର୍ କିରଣ ମୋରେ ବାରମ୍ବାର ଅପିଲ୍ କରୁଥିଲେ । ଏଥିରେ ରାଗି ପଞ୍ଚିମ ହୋଇ ଯାଇଥିଲେ ମିଆଁଦାଦ । ଏହି ସମୟରେ ଏକ ସର୍ଟ ଲଗାଇ ରନ୍ ନେବା ବେଳେ ଫିଲ୍ଡ ଥ୍ରୋରୁ ମୋରେ ଷ୍ଟମର ବେଲ୍ ଭାଙ୍ଗି ଦେଇଥିଲେ । ଏଥିରେ ରାଗି ମିଆଁଦାଦ ମୋରେଙ୍କ ଆଗରେ ବେଙ୍ଗ ଭଳି ଡେଇଁବାକୁ ଲାଗିଥିଲେ । ଏହାର କିଛି ସମୟ ପରେ ମିଆଁଦାଦ ଯେତେବେଳେ ଆଉଟ୍ ହୋଇଥିଲେ ମୋରେ ତାଙ୍କୁ ଚିଡ଼ାଇ ଠିକ୍ ସେହି ଭଳି ବେଙ୍ଗ ଡିଆଁ ମାରିଥିଲେ ।

ପ୍ରସାଦ-ସୋହେଲ

୧୯୯୬ ବିଶ୍ବକପରେ ଭାରତ ପ୍ରଥମେ ବ୍ୟାଟିଂ କରି ପାକିସ୍ତାନକୁ ୨୮୮ ରନର ବିଜୟ ଲକ୍ଷ୍ୟ ଦେଇଥିଲା । ୧୫ତମ ଓଭରରେ ଭେଙ୍କଟେଶ ପ୍ରସାଦଙ୍କ ଏକ ବଲକୁ ଅମିର ସୋହେଲ ଅଫ୍ ସାଇଡରେ ଚୌକା ମାରିଥିଲେ । ଏହାପରେ ସେ ପ୍ରସାଦଙ୍କୁ ବ୍ୟାଟ୍ ଦେଖାଇ ପରବର୍ତ୍ତି ବଲକୁ ବି ଭ୍ୟାବିଲିୟନ ବାହାରକୁ ପଠାଇବାକୁ ଇସାରା କରିଥିଲେ । ଏହାଦେଖି ସେତେବେଳେ ପ୍ରସାଦ କିଛି ନକହି ତାଙ୍କ ବୋଲିଂ ଲାଇନ ଅଫ୍କୁ ଚାଲି ଯାଇଥିଲେ । ପରବର୍ତ୍ତି ବଲରେ ପ୍ରସାଦ ସୋହେଲଙ୍କୁ ଚକମା ଦେଇ କ୍ଲିନ୍ ବୋଲ୍ଡ କରି ଦେଇଥିଲେ । ଏହାପରେ ପ୍ରସାଦ ସବୁ ରାଗ ଚିଲ୍ଲାଇ ଚିଲ୍ଲାଇ ବାହାର କରିବା ସହ ସୋହେଲଙ୍କୁ ଇସାରା ଇସାରାରେ ଭ୍ୟାବିଲିୟନର ରାସ୍ତା ଦେଖାଇ ଦେଇଥିଲେ ।

ହରଭଜନ-ଅଖତର

୨୦୧୦ ଏସିଆ କପ୍ ଭାରତ ପାକିସ୍ତାନ ମ୍ୟାଚ୍ ଆପଣଙ୍କର ମନେ ଅଛି ନା ନାହିଁ । ଏହି ମ୍ୟାଚରେ ହରଭଜନ ସିଂ ମହମ୍ମଦ ଅମିରଙ୍କ ବଲରେ ଛକା ମାରି ଭାରତକୁ ଜିତାଇଥିଲେ । ମ୍ୟାଚ ବେଳେ ଭଜି ଓ ଅଖତରଙ୍କ ମଧ୍ୟରେ ପଡ଼ିଆ ଭିତରେ ଜୋରଦାର ହଙ୍ଗାମା ହୋଇଥିଲା । ଅଖତର ଏତେ ରାଗି ଯାଇଥିଲେ ଯେ, ଖେଳ ଶେଷ ପରେ ଭଜିଙ୍କୁ ମାରିବାକୁ ସେ ରହୁଥିବା ହୋଟେଲରେ ପହଞ୍ଚି ଯାଇଥିଲେ । ହେଲେ ଭଜି ତାଙ୍କୁ ଭେଟିବାକୁ ମନା କରିଦେବା ପରେ ସେ ଫରିଥିଲେ ଓ ତାଙ୍କ ରାଗ ଶାନ୍ତ ହୋଇଥିଲା । କିଛିଦିନ ପୂର୍ବରୁ ଏହି ଘଟଣାକୁ ମନେ ପକାଇ ଅଖତର ଭଜିଙ୍କୁ ଭାଇ ବୋଲି ସମ୍ବଧୋନ କରିଥିଲେ । ସେ କହିଥିଲେ ଆମେ ସାଙ୍ଗ ହୋଇ ଲାହୋରରେ ବୁଲିଛୁ । ଆମ ସଂସ୍କୃତି ପ୍ରାୟ ଏକା ପରି । ମ୍ୟାଚ୍ ବେଳେ ଭଜି ଆମ ସହ ଖରାପ ବ୍ୟବହାର କରିଥିଲେ । ସେଥିପାଇଁ ରାଗରେ ମୁଁ ତାଙ୍କୁ ମାରିବାକୁ ହୋଟେଲ ରୁମ୍ ପର୍ଯ୍ୟନ୍ତ ପଳାଇଥିଲି । ପରେ ଭଜି ଘଟଣାକୁ ନେଇ ମୋତେ କ୍ଷମା ମାଗିଥିଲେ ।

ଗମ୍ଭୀର-ଅକମଲ

୨୦୧୦ ଏସିଆ କପରେ ଦୁଇ ଦଳ ମଧ୍ୟରେ ଆଉ ଏକ ଡ୍ରାମା ଦେଖିବାକୁ ମିଳିଥିଲା । ଏହି ଡ୍ରାମାଟି ଗୌତମ ଗମ୍ଭୀର ଓ କାମରାନ ଅକମଲଙ୍କ ମଧ୍ୟରେ ହୋଇଥିଲା । ମିଷ୍ଟର କୁଲ ଧୋନୀ ଓ ଗମ୍ଭୀର ବ୍ୟାଟିଂ କରୁଥିବା ବେଳେ ଅକମଲ ଓ୍ବିକେଟ୍ ପଛରୁ ବାରମ୍ବାର ଆଉଟ୍ ଅପିଲ କରିବା ଆରମ୍ଭ କରିଦେଇଥିଲେ। ଏଥିରେ ଗମ୍ଭୀର ରାଗି ଯାଇ ଅକମଲଙ୍କୁ ସହ ଝଗଡ଼ା ଆରମ୍ଭ କରି ଦେଇଥିଲେ । ଉଭୟ ପରସ୍ପରକୁ ଗାଳି ଦେବାକୁ ବି ପଛାଇ ନଥିଲେ । ଶେଷରେ ଅନ୍ୟ ଖେଳାଳି, ଫିଲ୍ଡ ଅମ୍ପାୟାର ଦୁଇ ଜଣଙ୍କୁ ଅଲଗା କରିଥିଲେ । ଝଗଡ଼ା ଛାଡି ଖେଳ ଉପରେ ଫୋକସ୍ କରିବାକୁ ଧୋନୀ କହିବା ପରେ ଗମ୍ଭୀର ଶାନ୍ତ ପଡ଼ିଥିଲେ।

ଏହି ଗୋଟିଏ ଘଟଣା ନୁହେଁ, ୨୦୦୭ରେ ଗମ୍ଭୀର ଏହିପରି ଶାହିଦ ଆଫ୍ରିଦଙ୍କ ସହ ମୁହାଁମୁହିଁ ହୋଇଥିଲେ । ପଡ଼ିଆରେ ଉଭୟ ଗାଳି ଦେବାକୁ ଲାଗିଥିଲେ । ଅମ୍ପାୟାର ଉଭୟଙ୍କୁ ଶାନ୍ତ କରାଇଥିଲେ ।

ଡେରିରେ ପହଞ୍ଚିବାରୁ ଅନନ୍ୟାଙ୍କୁ ତାଗିଦ୍, NCBର ଆଞ୍ଚଳିକ ନିର୍ଦ୍ଦେଶକ କହିଲେ- ଏହା କେନ୍ଦ୍ରୀୟ କାର୍ଯ୍ୟାଳୟ, ସମୟରେ ଆସ  

ମୁମ୍ବାଇ: କ୍ରୁଜ୍ ଡ୍ରଗ୍ସ ମାମଲାରେ ଆର୍ୟନଙ୍କ ହ୍ୱାଟ୍ସଆପ୍ ଚାଟ୍ ଜରିଆରେ ଏନସିବି ଅନନ୍ୟା ପାଣ୍ଡେଙ୍କ ପାଖରେ ପହଞ୍ଚିଛି । ଶୁକ୍ରବାର ଅନନ୍ୟାଙ୍କୁ ପ୍ରାୟ ୪ ଘଣ୍ଟାର ଜେରା କରିଛି ନାର୍କୋଟିକ୍ କଣ୍ଟ୍ରୋଲ୍ ବ୍ୟୁରୋ । ସୋମବାର ପୁଣି ପଚରାଉଚରା ପାଇଁ ତଦନ୍ତକାରୀ ସଂସ୍ଥା ଅନନ୍ୟାଙ୍କୁ ଡାକିଛି । ମିଳିଥିବା ସୂଚନା ଅନୁସାରେ, ପଚରାଉଚରା ପାଇଁ ଡେରିରେ ପହଞ୍ଚୁଥିବା ଅନନ୍ୟାଙ୍କୁ ତାଗିଦ୍ କରିଛନ୍ତି ଏନସିବିର ଆଞ୍ଚଳିକ ନିର୍ଦ୍ଦେଶକ ସମୀର ୱାନଖେଡେ ।

Mumbai Ananya Panday At NCB Office In Drugs Case Related To Aryan Khan

ଗୁରୁବାର ଦ୍ୱି ପ୍ରହର ୨ଟା ବେଳକୁ ଆସିବାକୁ ଅନନ୍ୟାଙ୍କୁ କହିଥିଲା ଏନସିବି । ତେବେ ଅନନ୍ୟା ୨ଟା ପରିବର୍ତ୍ତ ପହଞ୍ଚିଥିଲେ ୪ଟାରେ । ସେହିଭଳି ଶୁକ୍ରବାର ଦିନ ୧୧ଟା ବେଳେ ଅନନ୍ୟାଙ୍କୁ ଆସିବାକୁ ଏନସିବି କହିଥିଲା । ହେଲେ ଅନନ୍ୟା ଦିନ ସାଢ଼େ ୨ଟାରେ ଏନସିବି କାର୍ଯ୍ୟାଳରେ ପହଞ୍ଚିଥିଲେ ।

ସୂତ୍ରରୁ ମିଳିଥିବା ସୂଚନା ଅନୁସାରେ, ଏନସିବି ମୁଖ୍ୟ କହିଛନ୍ତି- ଏହା କେନ୍ଦ୍ରୀୟ ସଂସ୍ଥାର କାର୍ଯ୍ୟାଳୟ ଅଟେ, ଆପଣଙ୍କ ପ୍ରଡକ୍ସନ ହାଉସ୍ ନୁହେଁ । ଆପଣଙ୍କୁ ଯେଉଁ ସମୟରେ ଡକା ଯାଉଛି ସେହି ସମୟରେ ଆସନ୍ତୁ । ଅନନ୍ୟାଙ୍କୁ ଏନସିବି ଜେରା କରୁଥିବା ବେଳେ ଆର୍ୟନଙ୍କ ମାମଲାରେ କିଛି କାଗଜପତ୍ର ଧରି ଏନସିବି ଅଫିସରେ ପହଞ୍ଚିଛନ୍ତି ଶାହରୁଖ ଖାନଙ୍କ ମ୍ୟାନେଜର ପୂଜା ଡଡଲାନି । ଏବେ ସେ ଏନସିବି କାର୍ଯ୍ୟାଳୟରେ ଅଛନ୍ତି, ପଚରାଉଚରା ଚାଲିଛି ।

Mumbai Ananya Panday At NCB Office In Drugs Case Related To Aryan Khan

ଅନନ୍ୟା ତିନିଥର ଆର୍ୟନଙ୍କ ନିକଟରେ ଡ୍ରଗ୍ସ ପହଞ୍ଚାଇଥିବା ନେଇ ଏନସିବି ପ୍ରମାଣ ପାଇଛି । ତେବେ ଏଭଳି କଥା ସହ ଡ୍ରଗ୍ସ ନେଇ ଆର୍ୟନଙ୍କ ସହ କୌଣସି ଚାଟ୍ କରି ନଥିବା କହିଛନ୍ତି ଅନନ୍ୟା । ଏପରିକି ଡ୍ରଗ୍ସ ଯୋଗାଇବା କଥାକୁ ସେ ଅସ୍ୱୀକାର କରିଛନ୍ତି । ଏନସିବି ଅନୁସାରେ, ଅଭିନେତ୍ରୀ ଏକ ବଡ଼ ପାର୍ଟିରେ ଡ୍ରଗ୍ସ ନେଇ ଦେଇଥିଲେ । ଅନନ୍ୟା ଫୋନ୍ ଜବତ କରି ଚାଟର ଖୋଳତାଡ଼ କରୁଛି ଏନସିବି ।

ରିମାଣ୍ଡରେ ଆସିବେ ଖଲ୍ଲିକୋଟର କୋଟିପତି ନିଶା ବ୍ୟବସାୟୀ ରଜନୀକାନ୍ତ

ବ୍ରହ୍ମପୁର: ରିମାଣ୍ଡରେ ଆସିବେ କୋଟିପତି ନିଶା ବ୍ୟବସାୟୀ ଋଜନୀକାନ୍ତ ପଟ୍ଟନାୟକ । ଏ ନେଇ ସୂଚନା ଦେଇଛନ୍ତି ଖଲ୍ଲିକୋଟ ଥାନା ଅଧିକାରୀ ଜଗନ୍ନାଥ ମଲ୍ଲିକ । ନିଶା କାରବାର ଅଭିଯୋଗରେ ଗତକାଲି ଖଲ୍ଲିକୋଟ ଥାନା ପୋଲିସ ଖୋଜାପଲ୍ଲି ଗ୍ରାମର ରଜନୀକାନ୍ତଙ୍କୁ କୋର୍ଟ ଚାଲାଣ କରିଥିବା ବେଳେ ରଜନୀକାନ୍ତ ବହୁଦିନ ଆଗରୁ ନିଶା କାରବାର କରୁଥିବା ସୂଚନା ପାଇ ଏକ ସ୍ୱତନ୍ତ୍ର ଟିମ ତାଙ୍କ ଘରେ ଚଢାଉ କରିଥିଲା ।

ତେବେ ଚଢ଼ାଉ ବେଳେ ରଜନୀକାନ୍ତଙ୍କ ଘରୁ ଲକ୍ଷାଧିକ ଟଙ୍କା ,ପୁଳା ପୁଳା ସୁନା ସହ ୩୪ କେଜିରୁ ଉର୍ଦ୍ଧ ଗଞ୍ଜେଇ ଓ ୧୦ କେଜିରୁ ଉର୍ଦ୍ଧ ଅଫିମ ଜବତ କରିଥିଲା । ଏହା ଦେଖିବା ପରେ ଚଢାଉ କରିବାକୁ ଯାଇଥିବା ପୋଲିସ ତାଜୁବ ହୋଇଯାଇଥିଲେ । ତେବେ ପୋଲିସ ବିଭିନ୍ନ ଦିଗକୁ ନେଇ ତଦନ୍ତ କରୁଥିବା ବେଳେ ରଜନୀକାନ୍ତ ନିଶା କାରବାର କଳାସମ୍ରାଜ୍ୟର ଲିଙ୍କ କେଉଁ ପର୍ଯ୍ୟନ୍ତ ରହିଛି ତାହାର ଗୁମର ଖୋଲିବା ପାଇଁ ରଜନୀକାନ୍ତ କୁ ରିମାଣ୍ଡରେ ଆଣି ଅଧିକ ତଦନ୍ତ କରିବ ।

ଏଥିସହିତ ପଢ଼ନ୍ତୁ: କୋଟିପତି ନିଶା ବ୍ୟବସାୟୀ ଘରେ ରେଡ୍: ଗଞ୍ଜେଇ, ଅଫିମ୍ ସହ ୮କେଜି ୫୯୬ ଗ୍ରାମ ସୁନା ଜବତ

 

ହିନ୍ଦୁ ଧର୍ମ ଗ୍ରହଣ କରିବେ ଇଣ୍ଡୋନେସିଆ ପୂର୍ବତନ ରାଷ୍ଟ୍ରପତି ସୁକର୍ଣ୍ଣୋଙ୍କ ଝିଅ ସୁକ୍‌ମାଓ୍ୱତି

ଜାକାର୍ତ୍ତା: ହିନ୍ଦୁ ଧର୍ମ ଗ୍ରହଣ କରିବେ ଇଣ୍ଡୋନେସିଆର ପୂର୍ବତନ ରାଷ୍ଟ୍ରପତି ସୁକୋର୍ଣ୍ଣଙ୍କ ଝିଅ ସୁକ୍‌ମାଓ୍ୱତି ସୁକର୍ଣ୍ଣୋପୁତ୍ରୀ । ଏ ନେଇ ବାର୍ଲି ସ୍ଥିତ ସିଙ୍ଗରାଜ୍ ହଲ୍‌ରେ ରୀତିନୀତି ଅନୁଷ୍ଠିତ ହେବ । ଏ ନେଇ ଅନ୍ତର୍ଜାତୀୟ ଗଣମାଧ୍ୟମରେ ଖବର ପ୍ରସାରିତ ହୋଇଥିବା ବେଳେ ତାଙ୍କ ଓକିଲ ଏହାକୁ ସ୍ୱୀକାର କରିଛନ୍ତି । ସେ କହିଛନ୍ତି ଧର୍ମ ପରିବର୍ତ୍ତନର ପ୍ରକ୍ରିୟା ଆସନ୍ତା ୨୬ ତାରିଖରେ ଅନୁଷ୍ଠିତ ହେବ । ସୁକମାଓ୍ୱତୀ ଦୀର୍ଘ ବର୍ଷ ଧରି ହିନ୍ଦୁଜିମ୍‌କୁ ଅଧ୍ୟୟନ କରିଆସୁଛନ୍ତି । ତାଙ୍କ ଜେଜେ ମାଆ ଇଦା ଆୟୁ ନୀୟୋମନ୍ ରାଇ ଶ୍ରୀମବେନ୍ ମଧ୍ୟ ଜଣେ ହିନ୍ଦୁ ଥିଲେ । ଧର୍ମ ପରିବର୍ତ୍ତନ ସୁକମାଓ୍ୱତୀଙ୍କ ବ୍ୟକ୍ତିଗତ ଇଚ୍ଛା ଏଣୁ ଆମକୁ ତାଙ୍କ ଇଚ୍ଛାକୁ ସମ୍ମାନ ଦେବାର ଆବଶ୍ୟକତା ଥିବା ତାଙ୍କ ଓକିଲ କହିଛନ୍ତି । ଅନ୍ୟ ପକ୍ଷରେ ଧର୍ମ ପରିବର୍ତ୍ତନ ଉତ୍ସବ ଦାୟିତ୍ୱରେ ଥିବା ଆଇ ଗୁସ୍ତି ନୁଗୁରାଡ୍ ଆର୍ଯ୍ୟ ଓ୍ୱେଦକର୍ଣ୍ଣ ମହେନ୍ଦ୍ରଦତ୍ତା ବେଦଶାସ୍ତ୍ରପୁଦ୍ର ସୁୟାସ ମଧ୍ୟ ଏହାକୁ ସ୍ୱୀକାର କରିଛନ୍ତି ।

ଅପରପକ୍ଷରେ ଧର୍ମ ପରିବର୍ତ୍ତନ ନେଇ ସୁକମାଓ୍ୱତୀ ତାଙ୍କ ପରିବାର ସଦସ୍ୟଙ୍କ ସହ ଆଲୋଚନା କରିଥିବା ବେଳେ ପରିବାର ଲୋକେ ମଧ୍ୟ ଏହାକୁ ସ୍ୱୀକୃତି ପ୍ରଦାନ କରିଛନ୍ତି । ସୁକର୍ଣ୍ଣୋ ସ୍ୱାଧୀନ ଇଣ୍ଡୋନେସିଆର ପ୍ରଥମ ରାଷ୍ଟ୍ରପତି ଥିଲେ ସେ ୧୮ ଅଗଷ୍ଟ ୧୯୪୫ ମସିହାରୁ ୧୨ ମାର୍ଚ୍ଚ ୧୯୬୭ ଯାଏଁ ରାଷ୍ଟ୍ରପତି ଦାୟିତ୍ୱ ସମ୍ଭାଳିଥିଲେ । ସୁକର୍ଣ୍ଣୋଙ୍କ ତୃତୀୟ ଝିଅ ହେଉଛନ୍ତି ସୁକମାଓ୍ୱତୀ । ତେବେ ସୁକର୍ଣ୍ଣୋଙ୍କ ଭଳି କୌଣସି ରାଜନୈିତିକ ସଫଳତା ହାସଲ କରିପାରିନାହାନ୍ତି ସୁକମାଓ୍ୱତୀ ।

ବିଜେପି ନେତ୍ରୀଙ୍କ ଅଜବ ଉପଦେଶ, ‘ସନ୍ଧ୍ୟା ୫ଟା ପରେ ଥାନାକୁ ଯାଆନ୍ତୁନି ମହିଳା’

ଲକ୍ଷ୍ନୌ: ଉତ୍ତରପ୍ରଦେଶରେ ଅସୁରକ୍ଷିତ ମହିଳା । ହାଥରସ୍ ହେଉ କି ଉନ୍ନାଓ ସବୁଠି ମହିଳା କେତେ ଯେ ଅସୁରକ୍ଷିତ ତାହା କାହାକୁ ଅଛପା ନାହିଁ । ଆଗକୁ ବିଧାନସଭା ନିର୍ବାଚନ ଥିବାରୁ ଏବେ ଭାବମୂର୍ତ୍ତି ସଜାଡ଼ିବାରେ ଲାଗିଛନ୍ତି ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଅନ୍ୟପଟେ ଦଳର ବରିଷ୍ଠ ନେତ୍ରୀ ମହିଳା ଓ ଝିଅଙ୍କୁ ସନ୍ଧ୍ୟାରେ ଘରୁ ନ ବାହାରିବା ଲାଗି ଉପଦେଶ ଦେଇଛନ୍ତି । ବିଜେପିର ରାଷ୍ଟ୍ରୀୟ ଉପାଧ୍ୟକ୍ଷ ବେବି ରାଣୀ ମୋର୍ଯ୍ୟ କହିଛନ୍ତି ସନ୍ଧ୍ୟା ୫ଟା ପରେ ମହିଳା ଥାନାକୁ ନ ଯାଆନ୍ତୁ ।

ବାରଣାସୀରେ ଆୟୋଜିତ ଏକ ସଭାରେ ମହିଳାଙ୍କୁ ସନ୍ଧ୍ୟା ୫ଟା ପରେ ଥାନାକୁ ନଯିବା ଲାଗି କହିଛନ୍ତି ବିଜେପି ନେତ୍ରୀ । ଏଥିସହ କୃଷକଙ୍କୁ ଚାଷ ପାଇଁ ସାର୍ ମିଳୁ ନଥିବାରୁ ସେ ଅସନ୍ତୋଷ ପ୍ରକାଶ କରିଛନ୍ତି । ସେ କହିଛନ୍ତି- ଥାନାରେ ମହିଳା ଅଧିକାରୀ ଓ ସବ୍ ଇନ୍ସପେକ୍ଟର ନିଶ୍ଚିତ ଥାଆନ୍ତି । କିନ୍ତୁ ସନ୍ଧ୍ୟା ୫ଟା ପରେ ଓ ଅନ୍ଧାର ହେବା ପରେ ଥାନାକୁ କେବେ ଯାଆନ୍ତୁ ନାହିଁ । ତା’ପରଦିନ ସକାଳେ ଯାଆନ୍ତୁ ଓ ସାଙ୍ଗରେ ଭାଇ, ସ୍ୱାମୀ କିମ୍ବା ବାପାଙ୍କୁ ନେଇ କରି ଥାନାକୁ ଯାଆନ୍ତୁ ।

ତେବେ, ବେବି ରାଣୀଙ୍କ ଏଭଳି ମନ୍ତବ୍ୟ କଣ ସୂଚାଉଛି ? ଉତ୍ତରପ୍ରଦେଶରେ ମହିଳାଙ୍କ ଲାଗି ଅସୁରକ୍ଷିତ ହୋଇ ପଡ଼ିଛି କି ପୋଲିସ ଥାନା ? ରାତି ହେଲେ ଥାନାରେ ରହୁନାହାଁନ୍ତି କି ମହିଳା ଅଧିକାରୀ ? ଏବେ ଏସବୁ ପ୍ରଶ୍ନ ଉଠୁଛି । ଏନସିଆରବି ରିପୋର୍ଟ ଅନୁସାରେ ଦେଶରେ ସର୍ବାଧିକ ଅପରାଧ ଉତ୍ତରପ୍ରଦେଶରେ ଘଟୁଛି । ୨୦୨୦ ମସିହାରେ ଦେଶରେ ସର୍ବାଧିକ ୩ ହଜାର ୭୭୯ଟି ହତ୍ୟା ୟୁପିରେ ହୋଇଛି ।

ମାଇଲେଜ୍ ନେବାକୁ ସମାନ ଘଟଣାରେ ଦ୍ୱିତୀୟ ଏଫଆଇର ଦେବାକୁ ଯାଇଥିଲା ବିଜେପି: ବିଜେଡି

ଭୁବନେଶ୍ୱର: ମମିତା ମେହେର ହତ୍ୟା ମାମଲାରେ ବିଜେଡି ପ୍ରେସମିଟ୍ । ମମିତାଙ୍କ ହତ୍ୟା ଘଟଣାର ରାଜନୀତିକରଣ ନେଇ ବିଜେପକୁ ଟାର୍ଗେଟ କଲା ବିଜେଡି । ଏଭଳି ଏକ ସ୍ପର୍ଶକାତର ଘଟଣାକୁ ରାଜନୈତିକ ରୂପ ଦେବା ଲଜ୍ଜାଜନକ । ବିଜେପିର ଭାଷା ନିନ୍ଦନୀୟ। ଆଗରୁ ଶସ୍ତା ରାଜନୀତି କରୁଥିଲେ, ଏବେ ହୀନ ରାଜନୀତି କରୁଛନ୍ତି। ଦ୍ଵିତୀୟ ଥର ସମାନ ଘଟଣାରେ ଏଫ୍‌ଆଇଆର ହୁଏ ନାହିଁ । କିନ୍ତୁ ଗତକାଲି କ୍ୟାପିଟାଲ ଥାନା ଗଲେ । ସେମାନେ ମାଇଲେଜ ନେବାକୁ ଏଭଳି କରୁଥିବା କହିଛନ୍ତି ଛାତ୍ର ବିଜେଡି ମହାସଚିବ ଇପ୍‌ସିତା ସାହୁ ।

ସେହି ଶିକ୍ଷାନୁଷ୍ଠାନକୁ ବଦନାମ କରି ଶିଶୁଙ୍କ ଭବିଷ୍ୟତ ଅନ୍ଧାର କରିବାକୁ ଚାହୁଁଛନ୍ତି । ଯେଉଁ ରାଜ୍ୟ ବିଜେପି ଶାସନରେ ଅଛି, ସେଠି ମହିଳା ବିରୋଧୀ ହିଂସା ବଢୁଛି । ବିଜେପି ନେତା ହିଁ ସେହି ଅପରାଧରେ ସମ୍ପୃକ୍ତ । ସେ ସବୁ ଘଟଣାରେ ଓଡ଼ିଶା ବିଜେପିର ଭାଷା ଅଲଗା। କୁହନ୍ତି ଯେ ପ୍ରଶାସନ ଉପରେ ଭରସା ରଖ। ସେ ସବୁ ରାଜ୍ୟରେ ପୋଲିସ ପାଖରେ ପ୍ରମାଣ ଅଛି। ଏଠି ତ ଅଭିଯୁକ୍ତ ଗିରଫ ହୋଇଛି। ହେଲେ ଗତକାଲି ଯେଉଁ ବ୍ୟବହାର କଲେ ଥାନାରେ, ଠେଲାପେଲା କଲେ। ପ୍ରମାଣ ନେଇ ପୀଡିତାଙ୍କ ପରିବାର ପାଖକୁ ଯାଆନ୍ତୁ। ବୋଧେ ମହିଳା ବିଜେପିର ଶିକ୍ଷାଗତ ଯୋଗ୍ୟତା ନାହିଁ। କାରଣ ସେମାନେ ଦ୍ଵିତୀୟ ଥର FIR ନ ହେବା କଥା ଜାଣି ନାହାନ୍ତି। ଚେତି ଯାଅ ବିଜେପି, ନ ହେଲେ ରାଜ୍ୟବାସୀ ଜବାବ ଦେବେ। ସ୍କୁଲ ଓ ଛାତ୍ରକୁ ବଦନାମ କଲେ ଅଭିଭାବକ ଜବାବ ଦେବେ। ଆମ ହୃଦୟ ବି କାନ୍ଦୁଛି। ପୀଡିତା ନ୍ୟାୟ ପାଉ ଆମେ ତାହା ଚାହୁଁଛୁ ବୋଲି ବିଜେଡି ପକ୍ଷରୁ କୁହାଯାଇଛି ।

T20 ବିଶ୍ୱକପ୍: ପାକିସ୍ତାନ ବିପକ୍ଷ ମୁକାବିଲା ପୂର୍ବରୁ ଅଭ୍ୟାସରେ ବ୍ୟସ୍ତ ଭାରତ, ମେଣ୍ଟର ଭୂମିକାରେ ଧୋନି

ଦୁବାଇ: ଚିର ପ୍ରତିଦ୍ୱନ୍ଦ୍ୱୀ ପାକିସ୍ତାନ ବିପକ୍ଷ ମ୍ୟାଚରୁ ଟି-ଟ୍ୱେଣ୍ଟି ବିଶ୍ୱକପ ଅଭିଯାନ ଆରମ୍ଭ କରିବ ଭାରତ । ଆସନ୍ତାକାଲି ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ମ୍ୟାଚ ଖେଳାଯିବ । ଏହି ମ୍ୟାଚର୍ ଉପରେ ରହିଛି ସମସ୍ତଙ୍କ ନଜର । ଭାରତୀୟ କ୍ରିକେଟ ଦଳର ନେତୃତ୍ୱ ବିରାଟ କୋହଲି ନେଉଥିବା ବେଳେ ପାକିସ୍ତାନର ମଙ୍ଗ ସମ୍ଭାଳୁଛନ୍ତି ବାବର ଆଜମ ।

India Vs Pakistan World Cup Match Mentor MS Dhoni Gives Throwdowns To Indian Batters

ଏହି ମୁକାବିଲା ପାଇଁ ଜୋରସୋରରେ ଅଭ୍ୟାସ କରୁଛି ଟିମ୍ ଇଣ୍ଡିଆ । ଟି-ଟ୍ୱେଣ୍ଟି ବିଶ୍ୱକପରେ ଟିମ୍ ଇଣ୍ଡିଆର ମେଣ୍ଟର ଏମଏସ୍ ଧୋନି ମଧ୍ୟ ନେଟ୍ ପ୍ରାକ୍ଟିସରେ ଖେଳାଳିଙ୍କୁ ସହଯୋଗ କରୁଛନ୍ତି । ଅଭ୍ୟାସ ବେଳେ ଧୋନି ଥ୍ରୋ ଡାଉନ୍ କରୁଥିବା ଦେଖିବାକୁ ମିଳିଛି ।

ସୂଚନାଯୋଗ୍ୟ, ଧୋନିଙ୍କ ନେତୃତ୍ୱାଧିନ ଚେନ୍ନାଇ ସୁପର କିଙ୍ଗ୍ସ ଚତୁର୍ଥଥର ଆଇପିଏଲ୍ ଚାମ୍ପିଅନ୍ ହୋଇଛି । ଏହାପରେ ଦୁବାଇରେ ଭାରତୀୟ ଟିମ୍ ସହ ଯୋଗ ଦେଇଛନ୍ତି ଧୋନି । ଧୋନିଙ୍କ ନେତୃତ୍ୱରେ ଭାରତୀୟ ଦଳ ୨୦୦୭ରେ ଟି-ଟ୍ୱେଣ୍ଟି ବିଶ୍ୱକପ୍ ଜିତିଥିଲା ।

ଏବେ ଟି-ଟ୍ୱେଣ୍ଟି ବିଶ୍ୱକପ୍ ଉପରେ ଭାରତର ନଜର ରହିଛି । ଭାରତୀୟ ଦଳ ଦୁଇଟି ୱାର୍ମ ଅପ୍ ମୁକାବିଲାରେ ବିଜୟୀ ହୋଇ ଶକ୍ତି ପ୍ରଦର୍ଶନ କରି ସାରିଛି । ପ୍ରଥମ ୱାର୍ମ ଅପ୍ ମୁକାବିଲାରେ ଭାରତୀୟ ଦଳ ଇଂଲଣ୍ଡକୁ ୭ ୱିକେଟରେ ମାତ୍ ଦେଇଥିବା ବେଳେ ଦ୍ୱିତୀୟ ମ୍ୟାଚରେ ଅଷ୍ଟ୍ରେଲିଆ ବିରୋଧରେ ୮ ୱିକେଟରେ ଏକତରଫା ବିଜୟ ହାସଲ କରିଛି ।

India Vs Pakistan World Cup Match Mentor MS Dhoni Gives Throwdowns To Indian Batters

ଧୋନି ୨୦୨୦ ଅଗଷ୍ଟ ୧୫ରେ ଅନ୍ତରାଷ୍ଟ୍ରୀୟ କ୍ରିକେଟରୁ ଅବସର ନେଇଥିଲେ । ଭାରତ ପାଇଁ ଧୋନି ୩୫୦ଟି ଦିନିକିଆ, ୯୮ଟି ଅନ୍ତର୍ଜାତୀୟ ଟି-ଟ୍ୱେଣ୍ଟି ଓ ୯୦ଟି ଟେଷ୍ଟ ମ୍ୟାଚ୍ ଖେଳି ୧୭ ହଜାର ୨୬୬ ରନ୍ କରିଛନ୍ତି । ୧୦୮ଟି ଅର୍ଦ୍ଧଶତକ, ୧୬ଟି ଶତକ ମାହିଙ୍କ ନାଁରେ ରହିଛି । ଧୋନିଙ୍କ ନେତୃତ୍ୱରେ ଭାରତୀୟ ଦଳ ୩ଟି ଆଇସିସି ଟ୍ରଫି ଜିତିଛି ।