ଭୁବନେଶ୍ୱର: ଜାତିଭିତିକ ଜନଗଣନା ଓ ସଂରକ୍ଷଣ ସୀମା 50 ପ୍ରତିଶତ ଉପରେ ରଖିବା ନେଇ ବିଧାନସଭାରେ ସଂକଳ୍ପ ପାରିତ ହୋଇଛି । ସଂକଳ୍ପଟିକୁ ରାଜ୍ୟ ଓବିସି କମିଶନଙ୍କ ନିକଟକୁ ବିଧାନସଭା ପକ୍ଷରୁ ପଠାଯିବ । ଆଉ କମିଶନ ଏହି ପ୍ରସ୍ତାବକୁ କେନ୍ଦ୍ର ସରକାରଙ୍କୁ ପଠାଇବେ ।
ଏ ନେଇ ପୂର୍ବରୁ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ଭେଟି ଦଳ ଦାବି ରଖିଥିଲା । ଏବେ ସଂକଳ୍ପ ଆଣି ପୁଣି ଥରେ ଏହି ଦାବିକୁ ଦୋହରାଇଛି l କଂଗ୍ରେସ ବି ଜାତିଭିତିକ ଜନଗଣନା ସପକ୍ଷରେ ରହିଛି l ହେଲେ ବିଜେପି କିନ୍ତୁ ଏନେଇ ପ୍ରଶ୍ନ ଉଠାଇଛି ।
ଓଭାଲ: ଇଂଲଣ୍ଡ ବିପକ୍ଷ ପଞ୍ଚମ ଟେଷ୍ଟ ପୂର୍ବରୁ ଭାରତୀୟ ଦଳରେ କରୋନା ସଂକ୍ରମଣ ମାମଲା ବଢ଼ିବାରେ ଲାଗିଛି । ଆଉ ୫ ଟିକିଆ ଟେଷ୍ଟର ଅନ୍ତିମ ମ୍ୟାଚକୁ ନେଇ ଆଶଙ୍କା ଲାଗି ରହିଛି । ତେବେ ଆଶ୍ୱସ୍ତିକର ଖବର ହେଉଛି ମାଞ୍ଚେଷ୍ଟର ଟେଷ୍ଟ ପୂର୍ବରୁ ଭାରତୀୟ ଦଳର ସମସ୍ତ ଖେଳାଳିଙ୍କ କୋଭିଡ୍ ଆରଟି-ପିସିଆର୍ ଟେଷ୍ଟ ରିପୋର୍ଟ ନେଗେଟିଭ୍ ଆସିଛି ।
ଚତୁର୍ଥ ଟେଷ୍ଟର ଚତୁର୍ଥ ଦିନରେ ଭାରତୀୟ ଦଳର ମୁଖ୍ୟ କୋଚ୍ ରବି ଶାସ୍ତ୍ରୀ କରୋନା ସଂକ୍ରମିତ ହୋଇଥିଲେ । ଆଜି ଆଉ ଜଣେ ସଦସ୍ୟ ସଂକ୍ରମିତ ହୋଇଛନ୍ତି । ଆସନ୍ତାକାଲି ଶୁକ୍ରବାର ମାଞ୍ଚେଷ୍ଟରରେ ଆରମ୍ଭ ହେବାକୁ ଥିବା ଟେଷ୍ଟ ମ୍ୟାଚ ପୂର୍ବରୁ ଆସିଷ୍ଟାଣ୍ଟ ଫିଜିୟୋ ଯୋଗେଶ ପରମାର ମଧ୍ୟ କରୋନା ସଂକ୍ରମିତ ହୋଇଛନ୍ତି ।
ଏକାଧିକ କରୋନା ମାମଲା ଚିହ୍ନଟ ପରେ ମ୍ୟାଚକୁ ନେଇ ଆଶଙ୍କା ଦେଖାଦେଇଛି । ସମସ୍ତ ଖେଳାଳି ଏବେ ହୋଟେଲରେ ଆଇସୋଲେସନରେ ଅଛନ୍ତି । ସକାଳେ ସମସ୍ତଙ୍କର ଆରଟି-ପିସିଆର୍ କୋଭିଡ୍ ଟେଷ୍ଟ ହୋଇଥିବା ବେଳେ ରିପୋର୍ଟ ନେଗେଟିଭ୍ ଆସିଛି । ଫଳରେ ପଞ୍ଚମ ମ୍ୟାଚ୍ ହେବା ନେଇ ଆଶା ଉଜ୍ଜୀବିତ ହୋଇଛି ।
ଭୁବନେଶ୍ୱର: କେନ୍ଦ୍ର ଶିକ୍ଷା ମନ୍ତ୍ରଣାଳୟ ପକ୍ଷରୁ ୨୦୨୧ ବର୍ଷ ଲାଗି ନ୍ୟାସନାଲ ଇନଷ୍ଟିଚୁସନାଲ ରାଙ୍କିଂ ଫ୍ରେମୱାର୍କ ପ୍ରକାଶ ପାଇଛି । ଓଭରଅଲ ରାଙ୍କିଂରେ ୮୬.୭୬ ପ୍ରତିଶତ ସ୍କୋର କରି ତାଲିକାର ଶୀର୍ଷରେ ଆଇଆଇଟି ମାଡ୍ରାସ ରହିଛି । ଦେଶର ଶ୍ରେଷ୍ଠ ୧୦୦ ଶିକ୍ଷାନୁଷ୍ଠାନ ମଧ୍ୟରେ ଓଡ଼ିଶାର ୨ଟି ବିଶ୍ୱବିଦ୍ୟାଳୟ ସହ ୪ଟି ଶିକ୍ଷାନୁଷ୍ଠାନ ରହିଛି ।
୫୦.୩୪ ପ୍ରତିଶତ ସ୍କୋର କରି ତାଲିକାର ୩୭ ତମ ସ୍ଥାନରେ ରହିଛି ଶିକ୍ଷା ଓ ଅନୁସନ୍ଧାନ ବିଶ୍ୱବିଦ୍ୟାଳୟ । ସେହିଭଳି ୫୦ ପ୍ରତିଶତ ସ୍କୋର ସହ ତାଲିକାର ୩୯ ତମ ସ୍ଥାନରେ କଳିଙ୍ଗ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡଷ୍ଟ୍ରିଆଲ ଟେକ୍ନୋଲୋଜି ରହିଥିବା ବେଳେ ୪୧ ତମ ସ୍ଥାନରେ ୪୯.୨୭ ପ୍ରତିଶତ ସ୍କୋର କରି ସ୍ଥାନ ପାଇଛି ଏନଆଇଟି ରାଉରକେଲା । ତାଲିକାର ୫୮ ତମ ସ୍ଥାନରେ ୪୬.୭୮ ପ୍ରତିଶତ ସ୍କୋର ସହ ସ୍ଥାନ ପାଇଛି ଆଇଆଇଟି ଭୁବନେଶ୍ୱର ।
ଭୁବନେଶ୍ୱର: ଯୁକ୍ତ ତିନି ଆଡମିଶନ ନେଇ ପ୍ରକାଶ ପାଇଛି ପ୍ରଥମ ପର୍ଯ୍ୟାୟ କଟ୍ ଅଫ୍ ମାର୍କ । +3 ଆଡମିସନ କରିବାକୁ ଯାଉଥିବା ମେଧା ଛାତ୍ରଛାତ୍ରୀ ପ୍ରଥମ ପର୍ଯ୍ୟାୟରେ କରିପାରିବେ ଆଡମିସନ । ସେପଟେ ଚଳିତ ବର୍ଷ ଯୁକ୍ତ ତିନିରେ ୨,୪୯, ୫୩୯ଟି ସିଟ୍ ରହିଥିବାବେଳେ ମୋଟ ୨,୪୪,୨୫୨ ଜଣ ପିଲା ଆବେଦନ କରିଥିଲେ । କିନ୍ତୁ ପ୍ରଥମ ପଯ୍ୟାୟରେ ରାଜ୍ୟର ୧,୬୮,୫୩୭ ଛାତ୍ରଛାତ୍ରୀ ନାମଲେଖା ପାଇଁ ମନୋନୀତ ହୋଇଥିବା ଉଚ୍ଚଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି ।
ନୂଆଦିଲ୍ଲୀ: କରଦାତାଙ୍କୁ ଆଶ୍ୱସ୍ତି । କେନ୍ଦ୍ରୀୟ ପ୍ରତ୍ୟକ୍ଷ କର ବୋର୍ଡ ଇନକମ୍ ଟ୍ୟାକ୍ସ ରିଟର୍ଣ୍ଣ ଦାଖଲ କରିବାର ତାରିଖକୁ ପୁଣି ବଢ଼ାଇଛନ୍ତି । ଆୟକର ବିଭାଗର ଟ୍ୱିଟ୍ ଅନୁସାରେ, ଭିନ୍ନ ଭିନ୍ନ ପ୍ରକାର ଅଡିଟ୍ ରିପୋର୍ଟ ଦାଖଲ ପାଇଁ ଶେଷ ତାରିଖକୁ ବଢ଼ାଇ ଦିଆଯାଇଛି । ପୂର୍ବରୁ ଆୟକର ରିଟର୍ଣ୍ଣ ତାରିଖ ସେପ୍ଟେମ୍ବର ୩୦ ଥିବାବେଳେ ଏହାକୁ ୨୦୨୧ ଡିସେମ୍ବର ୩୧କୁ ବୃଦ୍ଧି କରାଯାଇଛି ।
https://twitter.com/IncomeTaxIndia/status/1435969941618847747
ସେହିଭଳି ଆୟକର ଆଇନ୍ ଅନୁସାରେ, ଅଡିଟ୍ ରିପୋର୍ଟ ଜମା ତାରିଖକୁ ପୂର୍ବରୁ ଅକ୍ଟୋବର ୩୧ ଯାଏ ବୃଦ୍ଧି ହୋଇଥିଲା । ଏବେ ଏହାକୁ ୨୦୨୨ ଜାନୁଆରୀ ୧୫ ଯାଏଁ ବଢ଼ାଇ ଦିଆଯାଇଛି । ଅର୍ଥ ମନ୍ତ୍ରଣାଳୟ ଅନୁସାରେ, ଆୟକର ରିଟର୍ଣ୍ଣ ଓ ବିଭିନ୍ନ ଅଡିଟ୍ ରିପୋର୍ଟ ଦାଖଲ କରୁଥିବା କରଦାତାଙ୍କ ଅସୁବିଧାକୁ ଦେଖି ଏହି ନିଷ୍ପତ୍ତି ନିଆଯାଇଛି ।
ଜୁନ୍ ୭ରେ ଆୟକର ବିଭାଗ ତାର ନୂଆ ପୋର୍ଟାଲ ଆରମ୍ଭ କରିଥିଲା । ସେବେଠାରୁ ଏହାକୁ ନେଇ ଅସୁବିଧାର ସମ୍ମୁଖୀନ ହେବାକୁ ପଡ଼ିଥିଲା । ନୂଆ ପୋର୍ଟାଲର ସମସ୍ୟାକୁ ନେଇ ଅର୍ଥମନ୍ତ୍ରୀ ନିର୍ମଳା ସୀତାରମଣ ମଧ୍ୟ ଇନଫୋସିସ ଉପରେ ଅସନ୍ତୋଷ ବ୍ୟକ୍ତ କରିଥିଲେ ।
ମୁମ୍ବାଇ: ଚର୍ମ ଧୁଡ଼ୁଧୁଡୁ । ଦେହରେ ଚାଲିବାକୁ ଯୁ ନାହିଁ । ହେଲେ ବୟସର ଅପରାହ୍ଣରେ ହାର୍ ମାନି ନାହାଁନ୍ତି ବୃଦ୍ଧ ଜଣଙ୍କ । ପରିଣତ ବୟସରେ ସବୁ ପ୍ରତିକୂଳ ପରିସ୍ଥିତକୁ ସାମ୍ନା କରିଛନ୍ତି । ଆବଡ଼ା ଖାବଡ଼ା ପଥୁରିଆ ରାସ୍ତାରେ ରୋଗୀଣା ପତ୍ନୀଙ୍କୁ କାନ୍ଧରେ ଧରି ଚାଲିଛନ୍ତି ଦୀର୍ଘ ୪ କିମି । ମହାରାଷ୍ଟ୍ରର ନନ୍ଦୁରବାର ଜିଲ୍ଲାର ଚାନ୍ଦସାଲିରେ ଦେଖିବାକୁ ମିଳିଛି ହୃଦୟକୁ ବିଦାରି ଦେଉଥିବା ଏଭଳି ଦୃଶ୍ୟ ।
ବର୍ଷା ଓ ଭୂସ୍ଖଳନ ପରେ ରାସ୍ତା ବନ୍ଦ ହୋଇ ଯାଇଥିଲା । ଘରେ ରୋଗୀଣା ସ୍ତ୍ରୀର ଅବସ୍ଥା ଦେଖି ଆଉ ସମ୍ଭାଳି ପାରିନଥିଲେ ଅଦଲ୍ୟା ପାଣ୍ଡବି । କାନ୍ଧରେ ପତ୍ନୀଙ୍କୁ ଧରି ମେଡିକାଲ ଯିବା ପାଇଁ ବାହାରି ପଡ଼ିଥିଲେ । ହେଲେ ବିଧିର ବିଧାନ ଥିଲା କିଛି ଅଲଗା । ୪ କିଲୋମିଟର ଯିବା ପରେ କାନ୍ଧରେ ହିଁ ଚାଲି ଯାଇଥିଲା ପତ୍ନୀ ସିଦଲିବାଇଙ୍କ ଜୀବନ ।
ମହାରାଷ୍ଟ୍ର ଆଦିବାସୀ ବିକାଶ ମନ୍ତ୍ରୀ କେସି ପଡ଼ବି ମଧ୍ୟ ଏହି ଅଞ୍ଚଳର । ଏହି ଅଞ୍ଚଳକୁ କୌଣସି ରାସ୍ତାଘାଟ ନଥିବା ବେଳେ ଭୂସ୍ଖଳନ ଯୋଗୁଁ ପ୍ରତିବର୍ଷ ଚାନ୍ଦସାଲି ଘାଟି ବନ୍ଦ ହୋଇଯାଏ । ଆଉ ହଜାର ହଜାର ଆଦିବାସୀ କିଛିଦିନ ପାଇଁ ଗାଁରେ ହିଁ ବନ୍ଦୀ ହୋଇଯାଆନ୍ତି । ଗାଁରେ ସ୍ୱାସ୍ଥ୍ୟ ସୁବିଧା ନଥିବାରୁ ଲୋକେ ନନ୍ଦୁରବାର, ତଲୌଦା ଓ ଧଡ଼ଗାଓଁ ଉପରେ ଚିକିତ୍ସା ପାଇଁ ନିର୍ଭର କରିଥାନ୍ତି ।
ଭୁବନେଶ୍ୱର: ଚାଷୀଙ୍କ ହକ ମାଗୁଛି ବିଜେଡ଼ି, କର୍ଣ୍ଣପାତ କରୁନି ବିଜେପି । ଯେଉଁ ସମୟରେ ବିଜୁ ଜନତା ଦଳର ବିଧାୟକ ମାନେ ବିଧାନସଭାର ପବିତ୍ର ଗୃହରେ ଚାଷୀଙ୍କ ଉନ୍ନତି ଏବଂ ବିକାଶ ଦିଗରେ ଆଲୋଚନା କରୁଥିବାବେଳେ ବିଜେପି ବାଧକ ସାଜିଛି । ବିଜେପିର ବିଧାୟକ ମାନେ କୌଣସି ଚଳିତ ଅଧିବେସନକୁ ଚଳାଇ ଦେଇ ନାହାଁନ୍ତି । ସର୍ବଦା ଛୋଟ ଛୋଟ କଥାରେ ଗୃହକୁ ଅଚଳ କରିଥିବା ସାମ୍ବାଦିକ ସମ୍ମିଳନୀରେ ଅଭିଯୋଗ କରିଛନ୍ତି ବିଜେଡ଼ି ବିଧାୟିକା ସ୍ନେହାଙ୍ଗିନୀ ଛୁରିଆ ।
ଧାନର ସହାୟକ ମୂଲ୍ୟ ୨୯୩୦ କରିବାକୁ ବିଧାନସଭାରେ ସଂକଳ୍ପ ପାରିତ ହୋଇଛି । ବାଚସ୍ପତିଙ୍କ ଅଧ୍ୟକ୍ଷତାରେ ଗଠିତ ଗୃହ କମିଟିକୁ ଏ ଯାଏଁ ପ୍ରଧାନମନ୍ତ୍ରୀ ଭେଟିବାକୁ ସମୟ ଦେଲେନାହିଁ। ସେପଟେ ପ୍ରଧାନମନ୍ତ୍ରୀଙ୍କୁ ବିଜେପି ନେତା ବୁଝାଇବା ପରିବର୍ତ୍ତେ ଗୃହ କାର୍ଯ୍ୟରେ ବାଧା ସୃଷ୍ଟି କରୁଛି । କୃଷକଙ୍କ ସ୍ୱାର୍ଥ ପ୍ରସଙ୍ଗରେ ବିଜେଡି ବିଧାୟକମାନେ ବିଧାନସଭା ପରିସରରେ ଥିବା ଗାନ୍ଧୀ ମୂର୍ତ୍ତି ତଳେ ଧାରଣା ଦେଲେ। ଅଥଚ ବିଜେପି ସଦସ୍ୟମାନେ କୃଷକମାନକ ସମସ୍ୟା କଥା ନ ବୁଝି ଗୃହରେ ବିଜେପି ସଦସ୍ୟ ବିଶୃଙ୍ଖଳା ସୃଷ୍ଟି କରିଥିବା ନେଇ କହିଛନ୍ତି ବିଜେଡ଼ି ବିଧାୟିକା ।
ସେହିପରି ସ୍ନେବାଙ୍ଗିନୀ ଛୁରିଆ କହିଛନ୍ତି ବିଜେପି ଚାଷୀଙ୍କ ପାଇଁ କୁମ୍ଭୀର କାନ୍ଦଣା କାନ୍ଦୁଛନ୍ତି । ରାଜ୍ୟରେ ଗୋଟେପଟେ ସାରର ଯଥେଷ୍ଟ ଆବଶ୍ୟକତା ରହିଛି । କିନ୍ତୁ କେନ୍ଦ୍ର ସରକାର ରାଜ୍ୟକୁ ବକେୟା ସାର ପ୍ରଦାନ କରୁ ନାହାଁନ୍ତି । ଜୁଲାଇରୁ ସେପ୍ଟେମ୍ବର ମଧ୍ୟରେ କେନ୍ଦ୍ର ରାଜ୍ୟକୁ ୬ଲକ୍ଷ ୧୯ ହଜାର ମେଟ୍ରିକ ଟନ୍ ସାର ପ୍ରଦାନ କରିବା କଥା । କିନ୍ତୁ ବର୍ତ୍ତମାନ ସୁଦ୍ଧା ୩ ଲକ୍ଷ ୯୧ ହଜାର ମେଟ୍ରିକ ଟନ୍ ସାର ଦେଇଛନ୍ତି । ସେହିପରି ଓଡିଶା ସରକାର ୭, ୫୦୦ କୋଟି ଟଙ୍କା ଋଣ କରି ଧାନ ଉଠାଇଥିବାବେଳେ ଉକ୍ତ ଅର୍ଥ ମଧ୍ୟ କେନ୍ଦ୍ର ସରକାର ପ୍ରଦାନ କରିନଥିବା ସିଧା ସଳଖ ଅଭିଯୋଗ ବାଢିଛନ୍ତି ସ୍ନେହାଙ୍ଗିନୀ ଛୁରିଆ ।
ଓଡିଶାର କୃଷକ ମାନେ ବିଧାୟକ ଏବଂ ସାଂସଦକୁ ନିର୍ବାଚିତ କରୁଥିବାବେଳେ ବିଜେପିର କୌଣସି ମଧ୍ୟ ସଦସ୍ୟ ସଂସଦ କିମ୍ବା ବିଧାନସଭାରେ ଉଠାଉ ନାହାଁନ୍ତି । କୃଷକଙ୍କ କଥାକୁ କର୍ଣ୍ଣପାତ କରୁନାହାଁନ୍ତି । ତେଣୁ ସେହି କୃଷକ ମାନେ ହିଁ ଆଗାମୀ ଦିନରେ ବିଜେପି ଦଳକୁ ଜବାବ ଦେବେ ନିଶ୍ଚିତ । ସେହିପରି ଚଳିତ ମୌସୁମୀ ଅଧିବେସନର ୮ ଦିନ ଭିତରେ କୌଣସି ଦିନ ମଧ୍ୟ ବିଜେପିର ସଦସ୍ୟ ମାନେ ସ୍ବଭାବିକ କରାଇ ଦେଇ ନାହାଁନ୍ତି । ଶାନ୍ତିପୂର୍ଣ୍ଣ ଭାବେ ବିଧାନସଭା ଚଳାଇ ଦେଇନାହାଁନ୍ତି । ଯେଉଁଥିପାଇଁ ଆଗାମୀ ଦିନରେ ନିଶ୍ଚିତ ଭାବେ ବିଜେପି ସରକାରକୁ ରାଜ୍ୟର କୃଷକ ମାନେ ଜବାବ ଦେବେ ବୋଲି କହିଛନ୍ତି ବିଜେଡ଼ି ବିଧାୟିକା ସ୍ନେହାଙ୍ଗିନୀ ଛୁରିଆ ।
କାବୁଲ: ଆଫଗାନିସ୍ତାନରେ ତାଲିବାନ ସରକାର ଗଠନ ପରେ ମହିଳାଙ୍କୁ ସାମିଲ୍ ପାଇଁ ବିକ୍ଷୋଭ, ବିରୋଧ ହେଉଛି । ତେବେ ସରକାରରେ କୌଣସି ମହିଳାଙ୍କୁ ମନ୍ତ୍ରୀ କରାଯିବ ନାହିଁ, ସେମାନେ କେବଳ ଛୁଆ ଜନ୍ମ କରିବା ଉଚିତ୍ ବୋଲି କହିଛନ୍ତି ତାଲିବାନ ମୁଖପାତ୍ର ।
ସ୍ଥାନୀୟ ମିଡିଆ ଟୋଲୋ ନ୍ୟୁଜ୍ ତାଲିବାନ ମୁଖପାତ୍ରଙ୍କ ସୂତ୍ରରୁ ଟ୍ୱିଟ୍ କରିଛି । ଜଣେ ମହିଳା ମନ୍ତ୍ରୀ ହୋଇପାରିବେ ନାହିଁ । ଯେମିତି ଗାଲରେ କିଛି ମାରିଲେ ସମ୍ଭାଳି ପାରନ୍ତି ନାହିଁ । ସେହିଭଳି ଜଣେ ମହିଳା କ୍ୟାବିନେଟରେ ରହିବା ଜରୁରୀ ନୁହେଁ, ତାଙ୍କୁ ଛୁଆ ଜନ୍ମ କରିବା ଉଚିତ୍ । ମହିଳା ବିକ୍ଷୋଭକାରୀ ସମ୍ପୂର୍ଣ୍ଣ ଆଫଗାନିସ୍ତାନକୁ ପ୍ରତିନିଧିତ୍ୱ କରୁନାହାଁନ୍ତି ।
ଆଫଗାନିସ୍ତାନରେ ତାଲିବାନ ଶାସନ ପରେ ଲୋକ ଭୟ ଓ ଆଶଙ୍କା ଭିତରେ ଅଛନ୍ତି । ଗତ କିଛିଦିନ ହେଲା କାବୁଲ ସମେତ ଅନ୍ୟ କେତେକ ସହରରେ ତାଲିବାନ ସରକାରକୁ ବିରୋଧ କରି ବିକ୍ଷୋଭ ଜାରି ରହିଛି । ଏହି ପ୍ରଦର୍ଶନର ନେତୃତ୍ୱ ନେଉଛନ୍ତି ମହିଳା । ତେବେ ଏହି ବିରୋଧକୁ ତାଲିବାନ ବରଦାସ୍ତ କରିପାରୁ ନାହିଁ ।
ଏଥିପାଇଁ ବିକ୍ଷୋଭ କରୁଥିବା ମହିଳା, ସାଧାରଣ ଲୋକ ଓ ବିକ୍ଷୋଭ ସମ୍ବନ୍ଧୀୟ ଖବର ସଂଗ୍ରହ କରୁଥିବା ସାମ୍ବାଦିକଙ୍କ ଉପରେ ତାଲିବାନ ରାଗ ସୁଝାଉଛି । ତାଲିବାନ ଅନ୍ତରୀଣ ସରକାର ଘୋଷଣା କରିବା ପରେ ସରକାରରେ ମହିଳାଙ୍କୁ ସାମିଲ୍ ପାଇଁ ବିଭିନ୍ନ ସ୍ଥାନରେ ବିକ୍ଷୋଭ ଜାରି ରହିଛି । ବିକ୍ଷୋଭ ବହୁତ ଛୋଟ ଥିଲେ ମଧ୍ୟ ତାଲିବାନ ଡରି ଯାଇଛି । ମହିଳାଙ୍କୁ ମାଡ଼ ମାରିବା ସହ ସାମ୍ବାଦିକଙ୍କୁ ପିଟିଛି ତାଲିବାନ । ସରକାର ପୁନର୍ଗଠନ ପରେ କେହି ବିନା ଅନୁମତିରେ କୌଣସି ବିକ୍ଷୋଭ କରିପାରିବେ ନାହିଁ ବୋଲି ତାଲିବାନ ଘୋଷଣା କରିଛି ।
ବାରିପଦା: କାଳିଆଶୋଳ ପେଟ୍ରୋଲ ପମ୍ପରେ ମହିଳା କର୍ମଚାରୀଙ୍କୁ ମାଡ଼ ମାରିବା ଘଟଣା । ସିସିଟିଭି ଫୁଟେଜ ଆଧାରରେ ୮ ଦିନ ପରେ ଅଭିଯୁକ୍ତ ସିପାହୀ ଓ ତାଙ୍କ ସହଯୋଗୀଙ୍କୁ ଗିରଫ କରିଛି ପୋଲିସ । ଗିରଫ ଦ୍ବୟ ହେଲେ ବାରିପଦା ପଞ୍ଚମ ବାଟାଲିଅନର ସିପାହୀ ଦ୍ଵାରିକା ନାଏକ ଓ ସହଯୋଗୀ ରାଜୀବ କୁମାର ମହାନାଏକ । ଉଭୟଙ୍କୁ ଆଜି କୋର୍ଟଚାଲାଣ କରାଯାଇଛି । ଗତ ୨ ତାରିଖରେ ରାଜୀବ ଶୁଳିଆପଦାରୁ ବାରିପଦା ଆସୁଥିବା ବେଳେ କାଳିଆଶୋଳ ପେଟ୍ରୋଲ ପମ୍ପରେ ତେଲ ପକାଇଥିଲେ ।
କିଛି ସମୟ ପରେ ପୁଣି ପେଟ୍ରୋଲ ପମ୍ପକୁ ଆସି ପାଟିତୁଣ୍ଡ କରିଥିଲେ । ଏଥିସହ ସହଯୋଗୀ ଦ୍ବାରିକାଙ୍କୁ ଘଟଣାସ୍ଥଳକୁ ଡାକିଥିଲେ । ଦ୍ବାରିକା ପହଞ୍ଚିବା ପରେ ଘଟଣା ବିଷୟରେ ନଜାଣି ମହିଳା କର୍ମଚାରୀଙ୍କୁ ହଠାତ ଆକ୍ରମଣ କରିଥିଲେ । ଏପରକି ବନ୍ଧୁକ ଦେଖାଇ ଜୀବନରୁ ମାରିଦେବାକୁ ଧମକ ବି ଦେଇଥିଲେ । ଏନେଇ ପେଟ୍ରୋଲ ପମ୍ପ ମାଲିକ ଥାନାରେ ଅଭିଯୋଗ କରିଥିବା ବେଳେ, ପୋଲିସ ତଦନ୍ତ କରି ଉଭୟଙ୍କୁ ଗିରଫ କରିଛି ।
ନୂଆଦିଲ୍ଲୀ: ପ୍ରଧାନମନ୍ତ୍ରୀ ମୋଦିଙ୍କ ଅଧ୍ୟକ୍ଷତାରେ ୧୩ତମ ବ୍ରିକ୍ସ ସମ୍ମିଳନୀ ଅନୁଷ୍ଠିତ ହୋଇଛି । ଭିଡିଓ କନଫରେନ୍ସିଂରେ ହୋଇଥିବା ବୈଠକରେ ବ୍ରାଜିଲ୍, ଋଷ, ଭାରତ, ଚୀନ ଓ ଦକ୍ଷିଣ ଆଫ୍ରିକା ରାଷ୍ଟ୍ରମୁଖ୍ୟ ଯୋଗ ଦେଇଥିଲେ । ସମ୍ମିଳନୀରେ ପ୍ରଧାନମନ୍ତ୍ରୀ ମୋଦି କହିଛନ୍ତି, ଆମେ ଆତଙ୍କବାଦୀ ନିରୋଧୀ ଯୋଜନାକୁ ଆପଣାଇଛୁ । ବିଗତ ଦେଢ଼ ଦଶନ୍ଧିରେ ବ୍ରିକ୍ସ ଅନେକ ଉପଲବ୍ଧି ହାସଲ କରିଛି ।
We have also adopted BRICS Counter-Terrorism Action Plan: Prime Minister Narendra Modi chairs 13th BRICS Summit pic.twitter.com/vgs7YNcLrw
— ANI (@ANI) September 9, 2021
ବିଶ୍ୱର ବଢ଼ୁଥିବା ଅର୍ଥବ୍ୟବସ୍ଥାରେ ଆଜି ଆମେ ଏକ ପ୍ରଭାବକାରୀ ସ୍ୱର । ବିକାଶଶୀଳ ଦେଶର ପ୍ରାଥମିକତା ଉପରେ ଧ୍ୟାନ ଦେବା ପାଇଁ ଏହି ମଞ୍ଚ ବେଶ୍ ଉପଯୋଗ ହୋଇଛି । ଆମକୁ ନିଶ୍ଚିତ କରିବାକୁ ହେବ ଯେ ବ୍ରିକ୍ସ ଆଗାମୀ ୧୫ ବର୍ଷ ପାଇଁ ଫଳପ୍ରଦ ହେବ । ବୈଠକରେ ବ୍ରାଜିଲ ରାଷ୍ଟ୍ରପତି ଜାଇର ବୋଲସୋନାରୀ, ଋଷ ରାଷ୍ଟ୍ରପତି ଭ୍ଲାଦିମୀର ପୁତିନ, ଚୀନ ରାଷ୍ଟ୍ରପତି ସି ଜିନପିଙ୍ଗ ଓ ଦକ୍ଷିଣ ଆଫ୍ରିକା ରାଷ୍ଟ୍ରପତି ସିରିଲ ରାମାଫୋସା ଉପସ୍ଥିତ ଥିଲେ ।
ସମ୍ମିଳନୀରେ ଋଷ ରାଷ୍ଟ୍ରପତି ପୁତିନ୍ ଆଫଗାନିସ୍ତାନ ପ୍ରସଙ୍ଗ ଉଠାଇଛନ୍ତି । ପୁତିନ କହିଛନ୍ତି, ଆମେରିକା ଯିବା ପରେ ଆଫଗାନିସ୍ତାନ ସଂକଟ ମଧ୍ୟରେ ରହିଛି । ଆଫଗାନିସ୍ତାନ ପଡ଼ୋଶୀ ଦେଶ ପାଇଁ ବିପଦ ନ ପାଲଟୁ । ଆମେ ଆଗରେ ସୁରକ୍ଷା ନୂଆ ସମସ୍ୟା, ଆତଙ୍କବାଦ ଉପରେ ନିୟନ୍ତ୍ରଣ ଜରୁରୀ ।
