spot_img
Home Blog Page 5386

ଜମୁଛି ପିପିଲି ନିର୍ବାଚନୀ ମାହୋଲ, ବିଜେଡି କ୍ୟାମ୍ପେନ୍‌ ଆଗରେ ଫିକା ପଡ଼ିଲା ବିଜେପି ଓ କଂଗ୍ରେସ୍‌

ପିପିଲି: ପିପିଲି ଉପନିର୍ବାଚନ ପାଇଁ ବଢିଲାଣି ପାରା। ବିଧିବଦ୍ଧ ପ୍ରଚାର ପୂର୍ବରୁ ରଣନୀତି ପ୍ରସ୍ତୁତ କଲେଣି ତିନି ପ୍ରମୂଖ ରାଜନୈତିକ ଦଳ। ସେପ୍ଟେମ୍ବର ୨୦ରୁ ପିପିଲିରେ ବିଧିବଦ୍ଧ ଭାବେ ପ୍ରଚାର ଆରମ୍ଭ ହେବ। କିନ୍ତୁ ଏବେଠାରୁ ଜମିଲାଣି ପ୍ରଚାରର ମାହୋଲ। ବିଜେଡି ତରଫରୁ ଘରେ ଘରେ ଶଙ୍ଖ କାର୍ଯ୍ୟକ୍ରମର ରୂପରେଖ ପ୍ରସ୍ତୁତ କରାଯାଇଛି।

ସେପଟେ ବିଜେପି ମଧ୍ୟ ପ୍ରସ୍ତୁତ କଲାଣି ରଣନୀତି। କିନ୍ତୁ ପ୍ରଚାର ମଇଦାନରେ ପଛରେ ପଡିଯାଇଛି କଂଗ୍ରେସ। ଏଯାଏ ପ୍ରଚାର ଆରମ୍ଭ କରିନାହାନ୍ତି କଂଗ୍ରେସ ପ୍ରାର୍ଥୀ। ସେପଟେ ଉପନିର୍ବାଚନ ପାଇଁ ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି।

ଏପଟେ ଉପନିର୍ବାଚନ ନେଇ ପ୍ରଶାସନିକ ସ୍ତରରେ ମଧ୍ୟ ପ୍ରସ୍ତୁତି ଆଗେଇ ଚାଲିଛି। ପ୍ରଚାର ସମୟରେ ବାଇକ୍ ଓ ସାଇକେଲ ଶୋଭାଯାତ୍ରା ଉପରେ କଟକଣା ଲାଗୁ ହୋଇଥିବା ବେଳେ ଦଳୀୟ ସଭାରେ ସର୍ବାଧିକ ୨୦୦ ଲୋକ କିମ୍ବା ବସିବା କ୍ଷମତାର ୩୦ ପ୍ରତିଶତ ଲୋକ ସାମିଲ ହୋଇପାରିବେ ବୋଲି କୁହାଯାଇଛି। ଉପନିର୍ବାଚନରେ ୧୦ ଜଣ ପ୍ରାର୍ଥୀ ମୈଦାନରେ ଥିବା ବେଳେ ଏମାନଙ୍କ ଭାଗ୍ୟ ପୀରୀକ୍ଷା କରିବେ ୨ଲକ୍ଷ ୨୯ ହଜାର ୯୯୮ଭୋଟର।

ପିପିଲି ଉପ-ନିର୍ବାଚନ: ଫୋନି ସହାୟତା ନେଇ ବିଜେପିର ପ୍ରତିଶ୍ରୁତି, କେନ୍ଦ୍ରୀୟ ଅବହେଳାର ପୋଲ ଖୋଲିଲା ବିଜେଡି

ପିପିଲି ଗସ୍ତ ସମୟରେ କେନ୍ଦ୍ରମନ୍ତ୍ରୀ ବିଶେଶ୍ୱର ଟୁଡୁ ଓ ରାଜ୍ୟ ସଭାପତି ସମୀର ମହାନ୍ତି ‘ଫୋନି’ ସହାୟତା ପ୍ରସଙ୍ଗରେ ଦେଇଥିବା ବୟାନ ଉପରେ ଜବାବ ରଖିଛି ବିଜେଡି । ପିପିଲିରେ ବିଜେପି ଜିତିଲେ ୧୫ଦିନରେ ସମସ୍ତ ସମସ୍ୟାର ସମାଧାନ କରିବ ବୋଲି କହିଥିଲେ ବିଜେପି ରାଜ୍ୟ ସଭାପତି । ଯାହାର ଜବାବ ରଖିବା ସହ ଫୋନି ସହାୟତା ନେଇ କେନ୍ଦ୍ର ଅବହେଳାର ପୋଲ ଖୋଲିଛନ୍ତି ବିଧାୟକ ଉମାକାନ୍ତ ସାମନ୍ତରାୟ । କହିଛନ୍ତି, ଫୋନି ସହାୟତା ଦେବା ପାଇଁ ପିପିଲି ଓ ଡେଲାଙ୍ଗରେ ସରକାରୀ ସ୍ତରରେ ସମସ୍ତ ପକ୍ରିୟା ସାରିଛନ୍ତି ରାଜ୍ୟ ସରକାର । ସେପଟେ ବିଜେଡି ବିଧାୟକ ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ମଧ୍ୟ କେନ୍ଦ୍ରକୁ ଟାର୍ଗେଟ କରିଛନ୍ତି । କହିଛନ୍ତି ପୁରୀ ଜିଲ୍ଲାରେ ବିଜେପିର ଦୁଇ ଜଣ ବିଧାୟକ ଥିବା ବେଳେ, କଣ କରିଛନ୍ତି ବୋଲି ପ୍ରଶ୍ନ କରିଛନ୍ତି ରୁଦ୍ର । ତେଇସପୁରରେ ଦଳୀୟ କର୍ମୀଙ୍କୁ ନେଇ ଆୟୋଜିତ ବୈଠକରେ କେନ୍ଦ୍ରର ଅବହେଳା ନେଇ ଉଠାଇଛନ୍ତି ପ୍ରଶ୍ନ ।

ଏଥିସହିତ ପଢ଼ନ୍ତୁ: ପିପିଲି ଉପ-ନିର୍ବାଚନ: ଲାଗୁ ହେଲା ଆଦର୍ଶ ଆଚରଣ ବିଧି

ପିପିଲି ଉପ-ନିର୍ବାଚନ: ଲାଗୁ ହେଲା ଆଦର୍ଶ ଆଚରଣ ବିଧି

0

ପିପିଲି: ନିର୍ବାଚନ ନେଇ ପ୍ରକାଶ ପାଇଲା ବିଧିବଦ୍ଧ ବିଜ୍ଞପ୍ତି । ଆଜିଠୁ ପୁରୀ ଜିଲ୍ଲା ପାଇଁ ଲାଗୁ ହୋଇଛି ଆଦର୍ଶ ଆଚରଣ ବିଧି । ଏ ନେଇ ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ସେପଟେ ପିପିଲି ଉପନିର୍ବାଚନ ପାଇଁ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇବା ପରେ ପୁରୀ ଜିଲ୍ଲାପାଳଙ୍କ ପ୍ରସ୍ତୁତି ବୈଠକ । ବୈଠକରେ ନିର୍ବାଚନ ଅଧିକାରୀ, ଜିଲ୍ଲା ସ୍ତରୀୟ ଅଧିକାରୀ ଓ ବିଭିନ୍ନ ରାଜନୈତିକ ଦଳର ପ୍ରତିନିଧିମାନେ ଯୋଗଦେଇଥିଲେ। ନିର୍ବାଚନ ପ୍ରଚାରରେ କୌଣସି ବାଇକ୍ କିମ୍ବା ସାଇକେଲ ଶୋଭାଯାତ୍ରା ହେବ ନାହିଁ । ଦଳୀୟ ପ୍ରଚାର ସଭାରେ ସର୍ବାଧିକ ୨୦୦ ଲୋକ କିମ୍ବା ବସିବା କ୍ଷମତାର ୩୦ ପ୍ରତିଶତ ଲୋକ ସାମିଲ ହୋଇପାରିବେ। ଷ୍ଟାର ପ୍ରଚାରକଙ୍କ ସହ ଏକ ହଜାର ଲୋକ କିମ୍ବା ବସିବା କ୍ଷମତାର ସର୍ବାଧିକ ପଚାଶ ପ୍ରତିଶତ ଲୋକ ଯୋଗ ଦେଇପାରିବେ। ଜାତୀୟ ଦଳ ପାଇଁ ଷ୍ଟାର ପ୍ରଚାରକ ୨୦ଜଣ ଓ ଅଣ ପଞ୍ଜିକୃତ ଦଳ ପାଇଁ ୧୦ ଜଣ ରହି ପାରିବେ। ଆଦର୍ଶ ଆଚରଣ ବିଧି ଉଲ୍ଲଂଘନ ପାଇଁ ଜାରି ହୋଇଛି ଟୋଲ୍ ଫ୍ରି ନମ୍ବର । ୧୯୫୦କୁ ଫୋନ କରି ଅଭିଯୋଗ କରିହେବ । ପିପିଲି ଉପନିର୍ବାଚନରେ ୧୦ ଜଣ ପ୍ରାର୍ଥୀ ଥିବା ବେଳେ ୨ଲକ୍ଷ ୨୯ ହଜାର ୯୯୮ଭୋଟର ମତଦାନ କରିବେ । ଏଥିପାଇଁ ୩୪୮ଟି ବୁଥ ଓ ୧୫ଟି ମଡେଲ ବୁଥ କରାଯାଉଛି । ପିପିଲି ନିର୍ବାଚନମଣ୍ଡଳୀରେ ମୋଟ ୧୦୨ଟି ଅତି ସମ୍ବେଦନଶୀଳ ବୁଥ ଥିବା ବେଳେ ୭୩ଟି ସମ୍ବେଦନଶୀଳ ବୁଥ ରହିଛି ।

ଏଥିସହିତ ପଢ଼ନ୍ତୁ: ରେଡ୍ ଜୋନ୍‌କୁ ଫେରିଲା ଖୋର୍ଦ୍ଧା: ଭୟଭୀତ ନହେବାକୁ ସ୍ୱାସ୍ଥ୍ୟ ବିଭାଗର ପରାମର୍ଶ

ଭବାନୀପୁର ପାଇଁ ପ୍ରାର୍ଥୀ ହେବେ ମୁଖ୍ୟମନ୍ତ୍ରୀ ମମତା ବାନାର୍ଜୀ: ପ୍ରାର୍ଥୀ ଦେଇନପାରେ କଂଗ୍ରେସ

କୋଲକାତା: ଆସନ୍ତା ୩୦ ତାରିଖରେ ପଶ୍ଚିମବଙ୍ଗର ବହୁ ଚର୍ଚ୍ଚିତ ଭବାନୀପୁର ଆସନରେ ହେବ ଉପନିର୍ବାଚନ । ମୁଖ୍ୟମନ୍ତ୍ରୀ ମମତା ବାନାର୍ଜୀ ଭବାନୀପୁରରୁ ନିଜର ଭାଗ୍ୟ ପରୀକ୍ଷା କରିବେ । ମମତାଙ୍କ ବିରୋଧରେ କଂଗ୍ରେସ ପ୍ରାର୍ଥୀ ଦେବ ନାହିଁ ବୋଲି ଚର୍ଚ୍ଚା ହେଉଥିବାବେଳେ ଏହା ଉପରେ ଆଜି ପ୍ରତିକ୍ରିୟା ରଖିଛନ୍ତି ପଶ୍ଚିମବଙ୍ଗ କଂଗ୍ରେସ ମୁଖ୍ୟ ଅଧୀର ରଞ୍ଜନ ଚୌଧୁରୀ । ମମତାଙ୍କ ବିରୋଧରେ ପଶ୍ଚିମବଙ୍ଗ କଂଗ୍ରେସ କୌଣସି ପ୍ରାର୍ଥୀ ଦେବ ନାହିଁ ବୋଲି ନିଷ୍ପତ୍ତି ନେଇଛି । ତେବେ ଏହି ନିଷ୍ପତ୍ତି ସମ୍ପର୍କରେ AICCକୁ ଅବଗତ କରାଯାଇଛି । ସୋନିଆ ଗାନ୍ଧି ଏହା ଉପରେ ଶେଷ ନିଷ୍ପତ୍ତି ନେବେ ବୋଲି କହିଛନ୍ତି ଅଧୀର ରଞ୍ଜନ ଚୌଧୁରୀ । ସେହିଭଳି ସମସେଦପୁର ପାଇଁ ମଧ୍ୟ କଂଗ୍ରେସ କୌଣସି ପ୍ରାର୍ଥୀ ଦେବ ନାହିଁ ବୋଲି ପୂର୍ବରୁ କହିସାରିଛି । ଆସନ୍ତା ୩୦ ତାରିଖରେ ପଶ୍ଚିମବଙ୍ଗର ତିନିଟି ଆସନରେ ହେବ ଉପନିର୍ବାଚନ ।

ଏଥିସହିତ ପଢ଼ନ୍ତୁ: ଓଭାଲ ଟେଷ୍ଟରେ ଭାରତର ଜବରଦସ୍ତ ବିଜୟ: ୨ଅଙ୍କ ଛୁଇଁପାରିଲେନି ୫ ଇଂଲଣ୍ଡ ଖେଳାଳି

ଆଇଏନ୍ଏସ୍ ବିକ୍ରାନ୍ତ ଉପରେ ଆକ୍ରମଣ ଧମକ: ଜୁଲାଇ ମାସରେ ସିପିୟାର୍ଡ ନିକଟରୁ ଗିରଫ ହୋଇଥିଲେ ଆଫଗାନୀ ନାଗରିକ

କେରଳ: କୋଚିନ ସିପୟାର୍ଡରେ ଥିବା ନୌସେନାର ବିଭିନ୍ନ ଗୁରୁତ୍ୱପୂର୍ଣ୍ଣ ବ୍ୟବସ୍ଥା ବା ଇନଷ୍ଟାଲେସନଗୁଡିକୁ ଉଡ଼ାଇ ଦେବା ଲାଗି ଏକ ଇ-ମେଲ୍ ଆସିବା ପରେ ସୁରକ୍ଷା ଉପରେ ଗୁରୁତ୍ୱ ଦିଆଯାଇଛି । ଏହି ସିପୟାର୍ଡରେ ଆଇଏନଏସ ବିକ୍ରାନ୍ତ ରହିଛି । ଦେଶର ପ୍ରଥମ ସ୍ୱଦେଶୀ ବିମାନବାହକ ଆଇଏନଏସ ବିକ୍ରାନ୍ତ ପ୍ରତି ସମ୍ଭାବ୍ୟ ବିପଦ ରହିଥିବାରୁ ଏନେଇ କୋଚି ପୋଲିସ ଏକ ମାମଲା ରୁଜୁ କରିଛି । ଇ-ମେଲକୁ ନେଇ ଖୋଳତାଡ଼ ଜାରି ରଖିଛି ପୋଲିସ । ଆଇଏନଏସ ବିକ୍ରାନ୍ତ କିଛି ଦିନ ତଳେ ସମୁଦ୍ରରେ ପରିକ୍ରମା କରି ନିଜର ଯଥାର୍ଥତା ପ୍ରତିପାଦିତ କରିଛି ।
ସୂଚନା ଯୋଗ୍ୟ ଯେ, ଜୁଲାଇ ମାସରେ ଜଣେ ଆଫଗାନୀ ନାଗରିକ ଭିସା ଏକ୍ସପାର ହୋଇଥିବା ଯୋଗୁଁ ସିପିଂୟାର୍ଡ ନିକଟରେ ଅଟକ ହୋଇଥିଲେ । ସେହିଭଳି ୨୦୧୯ ମସିହାରେ ରଙ୍ଗ ଦେବା କାମରେ ନିୟୋଜିତ ୨ଜଣଙ୍କୁ ଇଲୋକଟ୍ରନିକ୍ସ ସାମଗ୍ରୀ ଚୋରି ଅଭିଯୋଗରେ ଗିରଫ ହୋଇଥିଲେ । ଆଉ ଏହି ମାମଲାର ତଦନ୍ତ କରୁଛି ଜାତୀୟ ଅନୁସନ୍ଧାନକାରୀ ସଂସ୍ଥା । ୨୩୦ ବିଲିୟନ୍ ଖର୍ଚ୍ଚରେ ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଏହି ସିପିୟାର୍ଡ ଆସନ୍ତା ବର୍ଷ ପୂର୍ଣ୍ଣ କାର୍ଯ୍ୟକ୍ଷମ ହେବ ।

ଏଥିସହିତ ପଢ଼ନ୍ତୁ: ଜାତୀୟ ରାଜପଥରେ ହେବ ଭାରତୀୟ ବାୟୁସେନା ବିମାନର ଜରୁରୀକାଳୀନ ଅବତରଣ

ଓଡିଶାର ମଣ୍ଡା ମଇଁଷିକୁ ଜାତୀୟ ମାନ୍ୟତା ପ୍ରାପ୍ତ

0

ଭୁବନେଶ୍ୱର: ଓଡ଼ିଶାର ମଣ୍ଡା ମଇଁଷିକୁ ମିଳିଲା ଜାତୀୟ ମାନ୍ୟତା। ବିରଳ ପ୍ରଜାତିର ଏହି ମଇଁଷି କେବଳ ଓଡ଼ିଶାରେ ହିଁ ଦେଖିବାକୁ ମିଳେ । ତେବେ ବର୍ତ୍ତମାନ ଏହି ମଇଁଷିକୁ ସାରା ଦେଶରେ ୯ବମ ବ୍ରିଡ ଭାବେ ଘୋଷଣା କରାଯାଇଛି । ମଣ୍ଡା ମଇଁଷି ଯାହାର ଏକ ସ୍ୱତନ୍ତ୍ର ବା ଅନନ୍ୟ ପ୍ରଜନ ପ୍ରକ୍ରିୟା ରହିଛି ଏହା କେବଳ ଓଡ଼ିଶାର କୋରାପୁଟରେ ହିଁ ଦେଖାଯାଏ । ଏହି ମଇଁଷିର ଦେହର ରଙ୍ଗ ସାଧାରଣତଃ ପାଉଁଶିଆ ଓ ଧୁସର ହୋଇଥାଏ।

ଓଡିଶା ପ୍ରାଣୀ ସମ୍ପଦ ବିକାଶ ବିଭାଗ ପକ୍ଷରୁ ଏହି ମଇଁଷି ପ୍ରଜାତି ବୀଜାଣୁ ସଂପର୍କରେ ପ୍ରଥମେ ଚିହ୍ନଟ ଏବଂ ଅନୁଧ୍ୟାନ କରାଯାଇ ଓଡିଶା କୃଷି ଓ ବୈଷୟିକ ବିଶ୍ୱ ବିଦ୍ୟାଳୟ (ଓୟୁଏଟି)ର ମିଳିତ ସହଯୋଗରେ ତତ୍କାଳୀନ ବିଭାଗୀୟ ନିର୍ଦ୍ଦେଶକ ଶ୍ରୀ ବିଷ୍ଣୁପଦ ସେଠୀ ପ୍ରାଣୀ ବଂଶାବଳୀ ନିର୍ଦ୍ଦେଶକ ଡଃ. ସୁଶାନ୍ତ କୁମାର ଦାଶଙ୍କ ନେତୃତ୍ୱରେ ସବିଶେଷ ସର୍ବେକ୍ଷଣ କରାଯାଇଥିଲା ଏବଂ ଏହି ପ୍ରକଳ୍ପର ଫଳାଫଳ ସଂକ୍ରାନ୍ତୀୟ ତଥ୍ୟ ଏନ୍‌.ବି.ଏ.ଜି.ଆରଙ୍କ ନିକଟରେ ଉପସ୍ଥାପନ କରାଯାଇଥିଲା । ଏବଂ ମଣ୍ଡା ମଇଁଷି ବିରଳ ଏବଂ ଏହା କେବଳ ଓଡ଼ିଶାରେ ଦେଖାଯାଉଥିବାରୁ ଏହାକୁ ଜାତୀୟ ସ୍ୱୀକୃତି ଦେବାକୁ ଦାବି କରାଯାଇଥିଲା ।

ମଣ୍ଡା ମଇଁଷି ଜାତୀୟ ମାନ୍ୟତା ପାଇବା ସହିତ ଓଡିଶାର ଏହି ଅନନ୍ୟ ପ୍ରଜାତିର ପ୍ରାଣୀ ସମ୍ବଳକୁ ଭାରତ ସରକାର ତଥା ରାଜ୍ୟ ସରକାର ଏହାର ସଂରକ୍ଷଣ ଦିଗରେ ସମସ୍ତ ପଦକ୍ଷେପ ଗ୍ରହଣକରିବା ସହିତ ପ୍ରୟାସ ଜାରି ରଖିବେ । ନୂତନ ପ୍ରଜନନ ପ୍ରକ୍ରିୟା ବଳରେ ଏହି ପ୍ରଜାତିମାନଙ୍କର ଉତ୍ପାଦନ କ୍ଷମତା ବୃଦ୍ଧି କରାଯିବା ସହିତ କ୍ଷୀର, ଦହି, ଘିଅ ଆଦି ଉତ୍ପାଦ ଦ୍ରବ୍ୟର ବିକ୍ରି ଦିଗରେ ପଦକ୍ଷେପ ଗ୍ରହଣ କରାଯାଇ ସୁଲଭ ଦରରେ ବଜାରରେ ବିକ୍ରି ଦ୍ୱାରା ଉକ୍ତ ଅଂଚଳବାସୀ ତଥା ଅଂଶୀଦାରମାନଙ୍କ ସ୍ୱଚ୍ଛଳ ଜୀବିକା ନିର୍ବାହ ଦିଗରେ ଏହା ଫଳପ୍ରଦ ହେବ।

ଦେଶ ଛାଡ଼ିବାକୁ ଯୋଜନା କରୁଥିଲେ ଦେଶମୁଖ, ଇଡି ଜାରି କଲା ଲୁକଆଉଟ ନୋଟିସ୍

0

ମୁମ୍ବାଇ: ୧୦୦ କୋଟି ବଟି ଆଦାୟ ମାମଲାରେ ଅଭିଯୁକ୍ତ ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ଅନିଲ ଦେଶମୁଖ ଦେଶ ଛାଡି ପଳାଇବାକୁ ଚେଷ୍ଟା କରୁଛନ୍ତି। ତେବେ ତାଙ୍କର ଏହି ଯୋଜନାକୁ ଭଣ୍ଡୁର କରିଛି ଇଡି। ଦେଶମୁଖଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଏକ ଲୁକ୍ଆଉଟ୍ ନୋଟିସ୍ ଜାରି କରାଯାଇଛି। ଯାହାପରେ ସେ ଆଉ ଦେଶ ବାହାରକୁ ଯାଇପାରିବେ ନାହିଁ।

ମାମଲାର ତଦନ୍ତ କରୁଥିବା ପ୍ରବର୍ତ୍ତନ ନିର୍ଦ୍ଦେଶାଳୟ ଏପର୍ଯ୍ୟନ୍ତ ଅନିଲ ଦେଶମୁଖଙ୍କୁ ପାଞ୍ଚ ଥର ସମନ ଜାରି କରିଛନ୍ତି, କିନ୍ତୁ ସେ ଥରେ ମଧ୍ୟ ଇଡିରେ ହାଜର ହୋଇନାହାଁନ୍ତି। ପ୍ରତ୍ୟେକ ଥର ସେ ଏବଂ ତାଙ୍କ ଓକିଲଙ୍କ ତରଫରୁ  ଭିନ୍ନ ଭିନ୍ନ ଯୁକ୍ତି ଦିଆଯାଇଥିଲା। ନିକଟରେ ଦେଶମୁଖ ଇଡି ବିରୋଧରେ ସୁପ୍ରିମକୋର୍ଟ ଯାଇଥିଲେ କିନ୍ତୁ ସେଠାରୁ ମଧ୍ୟ ତାଙ୍କୁ କୌଣସି ଆଶ୍ୱସ୍ତି ମିଳିନଥିଲା। ଇଡି କିମ୍ବା ସିବିଆଇ ଦ୍ୱାରା ବାଧ୍ୟତାମୂଳକ କାର୍ଯ୍ୟରୁ ଦେଶମୁଖଙ୍କୁ କୌଣସି ମଧ୍ୟବର୍ତ୍ତୀକାଳୀନ ସୁରକ୍ଷା ଦେବାକୁ ସୁପ୍ରିମକୋର୍ଟ ମନା କରି ଦେଇଥିଲେ। ଗତ ସପ୍ତାହରେ ଦେଶମୁଖ ବମ୍ବେ ହାଇକୋର୍ଟରେ ପହଞ୍ଚିଥିଲେ। ସେଠାରେ ମାମଲାର ଶୁଣାଣି ବିଚାରାଧୀନ ରହିଛି।

ଦେଶମୁଖଙ୍କୁ ଇଡ଼ି ବର୍ତ୍ତମାନ ପଞ୍ଚମ ନୋଟିସ ଜାରି କରିଛି। ଏଥିସହିତ ଦେଶମୁଖ ଗିରଫ ଭୟରେ ଦେଶ ଛାଡି ପାରନ୍ତି ବୋଲି ଇଡି ଆଶଙ୍କା କରୁଛି। ସେଥିପାଇଁ ବର୍ତ୍ତମାନ ତାଙ୍କ ବିରୋଧରେ ଲୁକ୍ ଆଉଟ୍ ନୋଟିସ୍ ଜାରି କରାଯାଇଛି।

ସୂଚନାଯୋଗ୍ୟ, ମୁମ୍ବାଇର ପୂର୍ବତନ ପୋଲିସ କମିଶନର ପାରମବୀର ସିଂ ଅନିଲ ଦେଶମୁଖଙ୍କ ବିରୋଧରେ ୧୦୦କୋଟି ଟଙ୍କା ବଟି ଆଦାୟର ଅଭିଯୋଗ କରିଥିଲେ। ଏଥିସହ ସେ ପୋଲିସ ଅଧିକାରୀଙ୍କୁ ଦୁର୍ବ୍ୟବହାର କରିବା, ଚୋରା ଚାଲାଣ ଏବଂ ଟ୍ରାନ୍ସଫର ପୋଷ୍ଟିଂରେ ହସ୍ତକ୍ଷେପ କରୁଥିବା ମଧ୍ୟ ଅଭିଯୋଗ ହୋଇଛି। ପ୍ରବର୍ତ୍ତନ ନିର୍ଦ୍ଦେଶାଳୟ ଏହାର ତଦନ୍ତ କରୁଛି।

ଓଭାଲ ଟେଷ୍ଟରେ ଭାରତର ଜବରଦସ୍ତ ବିଜୟ: ୨ଅଙ୍କ ଛୁଇଁପାରିଲେନି ୫ ଇଂଲଣ୍ଡ ଖେଳାଳି

ଓଭାଲ: ବିଦେଶ ମାଟିରେ ଭାରତୀୟ ଦଳର ଆଉ ଏକ ଚମତ୍କାର ବିଜୟ । ଇଂଲଣ୍ଡ ବିପକ୍ଷ ଓଭାଲ ଟେଷ୍ଟରେ ୧୫୭ ରନ୍‌ରେ ବିଜୟୀ ହେଲା ଭାରତୀୟ ଦଳ । ୩୬୮ରନ୍‌ର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ଇଂଲଣ୍ଡ ଦଳ ଦ୍ୱିତୀୟ ଇନିଂସରେ ଜବରଦସ୍ତ ଆରମ୍ଭ କରିଥିଲା । ଦୁଇ ଓପନର ଭଲ ସ୍କୋର କରିବା ସହ ବିନା କୌଣସି ଓ୍ୱିକେଟ ହରାଇ ୧୦୦ ରନ୍ କରିଥିଲେ । ଶାର୍ଦ୍ଦୁଲ ଠାକୁର ବର୍ନସ୍‌ଙ୍କୁ ୫୦ ରନ୍‌ର ବ୍ୟକ୍ତିଗତ ସ୍କୋରରେ ଆଉଟ କରିବା ପରେ ଲଗାତାର ଓ୍ୱିକେଟ ପତନ ହେବାରେ ଲାଗିଥିଲା ।

Image

ସେଟ୍ ହୋଇସାରିଥିବା ହସିବ୍ ହମିଦଙ୍କୁ ସ୍ପିନ୍‌ରେ ଚକ୍‌ମା ଦେଇଥିଲେ ଜାଡେଜା । ଇଂଲଣ୍ଡର ଦଳୀୟ ସ୍କୋର ୧୪୧ ରନରେ ଥିବା ବେଳେ ଜାଡେଜା ହମିଦ୍‌ଙ୍କୁ କ୍ଲିନ୍ ବୋଲ୍ଡ କରି ଦଳକୁ ତୃତୀୟ ସଫଳତା ଦେଇଥିଲେ। ପ୍ରଥମ ଇନିଂସରେ ଇଂଲଣ୍ଡ ପାଇଁ ସର୍ବାଧିକ ରନ୍ କରିଥିବା ଓଲି ପପ୍ (୨) ଓ ଜନି ବେରିଷ୍ଟୋ (୦)ଙ୍କୁ ଯଶ୍ରପ୍ରୀତ ବୁମ୍ରା ବୋଲ୍ଡ କରିଥିଲେ। ସେହିପରି ସ୍ପିନ୍ ଅଲରାଉଣ୍ଡର ମୋଇନ୍ ଅଲୀ (୦)ଙ୍କୁ ପୁଣିଥରେ ଆଉଟ୍ କରିବାରେ ସଫଳ ହୋଇଥିଲେ ଜାଡେଜା।

Image

ଇନ୍‌ ଫର୍ମ ବ୍ୟାଟ୍ସମ୍ୟାନ୍ ଅଧିନାୟକ ଜୋ ରୁଟ୍ ଓ କ୍ରିସ୍ ଓକ୍ସ ସ୍ଥିତି ସମ୍ଭାଳିବାକୁ ପ୍ରୟାସ କରିଥିଲେ। କିନ୍ତୁ ଏହି ଯୋଡ଼ିକୁ ଭାଙ୍ଗିଥିଲେ ଶାର୍ଦ୍ଦୁଲ ଠାକୁର। ।ଟିମର ସ୍କୋର ୧୮୨ ଥିବା ବେଳେ ଶାର୍ଦ୍ଦୁଲ ଇନଫର୍ମ ରୁଟ୍‌ଙ୍କୁ ୩୬ ରନ୍‌ର ବ୍ୟକ୍ତିଗତ ସ୍କୋରରେ କ୍ଲିନ୍ ବୋଲ୍ଡ କରିଥିଲେ। ଏହା ପରେ ଓକ୍ସଙ୍କ ମାତ୍ର ୧୮ରନର ବ୍ୟକ୍ତିଗତ ସ୍କୋରରେ ପ୍ୟାଭିଲିୟନ୍ ପଠାଇ ଉମେଶ ଯାଦବ ଇଂଲଣ୍ଡର ଅଷ୍ଟମ ୱିକେଟର ପତନ କରିଥିଲେ। ଏହା ପରେ କାଗ୍ରୀ ଓଭରଟନଙ୍କୁ ୧୦ରନ୍ ଓ ଜେମ୍ସ ଆଣ୍ଡରସନ୍‌ଙ୍କୁ ୨ ରନ୍‌ର ବ୍ୟକ୍ତିଗତ ସ୍କୋରରେ ଆଉଟ ହୋଇଥିଲେ । ଏଥି ସହିତ ଚତୁର୍ଥ ଟେଷ୍ଟକୁ ୧୫୭ରେ ବିଜୟୀ ହୋଇଛି ଟିମ୍ ଇଣ୍ଡିଆ । ଏଥିସହିତ ୫ ଟିକିଆ ଟେଷ୍ଟର ସିରିଜ୍‌ରେ ୨-୧ରେ ଆଗୁଆ ରହିଛି ଭାରତୀୟ ଦଳ ।

ଆରଏସଏସକୁ ତାଲିବାନ ସହ ତୁଳନା କଲେ ଜାଭେଦ, କ୍ଷମାଭିକ୍ଷା ଦାବି କଲା ବିଜେପି

0

ମୁମ୍ବାଇ: ସଂଗୀତଜ୍ଞ ଜାଭେଦ ଅଖତର ଆରଏସଏସକୁ ନେଇ ଏକ ବିବାଦୀୟ ବୟାନ ଦେବାପରେ ତାଙ୍କ ଘର ବାହାରେ ବଢିଲା ସୁରକ୍ଷା । ଆରଏସଏସକୁ ତାଲିବାନ ସହ ତୁଳନା କରି ବିବାଦୀୟ ବୟାନ ଦେବା ପରେ ଚର୍ଚ୍ଚାରେ ଥିବା ଅଖତାରଙ୍କ ପ୍ରତି ବିପଦ ଥିବା ଆଶଙ୍କା କରି ତାଙ୍କ ଘରର ସୁରକ୍ଷା ବୃଦ୍ଧି କରାଯାଇଛି। ଆରଏସଏସ ଓ ତାଲିବାନ ମଧ୍ୟରେ କିଛି ଫରକ ନାହିଁ ବୋଲି ଅଖତାର କହିବା ପରେ ଏହି ବିବୃତିକୁ ନେଇ ବଢିଛି ବିବାଦ।

ସେପଟେ ଆରଏସଏସର ପକ୍ଷ ନେଇଛି ଶିବସେନା। ତେଣେ ମହାରାଷ୍ଟ୍ରର ଜଣେ ବିଜେପି ବିଧାୟକ ରାମ କଦମ ଏହି ପ୍ରସଙ୍ଗରେ ଅଖତରଙ୍କ କ୍ଷମାଭିକ୍ଷା ଦାବି କରିଛନ୍ତି। ସେ କହିଛନ୍ତି ଅଖତର କ୍ଷମା ନ ମାଗିବା ଯାଏଁ ତାଙ୍କ ସହ ଜଡିତ ଥିବା କୌଣସି ଫିଲ୍ମକୁ ଚାଲିବାକୁ ଦିଆଯିବନାହିଁ। ଏକ ସାକ୍ଷାତକାରରେ ଅଖତାର କହିଥିଲେ- ଆଫଗାନିସ୍ତାନରେ ତାଲିବାନ ଏକ ଇସଲାମିକ ରାଷ୍ଟ୍ର ଆହ୍ୱାନ ଦେଉଛି। ଭାରତରେ ବି କିଛି ଗୋଷ୍ଠୀ ଏହାକୁ ଏକ ହିନ୍ଦୁ ରାଷ୍ଟ୍ରରେ ପରିଣତ କରିବା ଲାଗି ଉଦ୍ୟମ କରୁଛନ୍ତି।

ଯଦିଓ ଅଖତର ଆରଏସଏସର ନାଁ ନେଇ ନାହାନ୍ତି ତଥାପି ତାଙ୍କ ବିରୋଧରେ ସ୍ୱର ଉତ୍ତୋଳନ କରିଛି ଆରଏସଏସ। ମୁମ୍ବାଇ ଇସ୍କନ ମନ୍ଦିର ନିକଟସ୍ଥ ଜାଭେଦ ଅଖତରଙ୍କ ବାସଭବନ ସମ୍ମୁଖରେ ପୋଲିସ ମୁତୟନ କରାଯାଇଛି। ସେପଟେ ଅଖତରଙ୍କ ବୟାନକୁ ଆରମ୍ଭ ହୋଇଛି ରାଜନୈତିକ ବୟାନବାଜି।

ମାର୍କ ଜାଲିଆତି ମାମଲାରେ ସ୍କୁଲ କର୍ତ୍ତୃପକ୍ଷଙ୍କ ସମେତ ସିବିଏସ୍‌ଇ ଅଧିକାରୀଙ୍କୁ ନୋଟିସ୍

ଭୁବନେଶ୍ୱର: ମାର୍କ ଜାଲିଆତି କରି ପିଲାଙ୍କ ଭବିଷ୍ୟତ ସହିତ ଖେଳିବା ଅଭିଯୋଗରେ ଓଡିଶା ରାଜ୍ୟ ଶିଶୁ ଅଧିକାର ସୁରକ୍ଷା କମିଶନ କଡା ଆଭିମୁଖ୍ୟ ଗ୍ରହଣ କରିଛନ୍ତି । ଭୁବନେଶ୍ୱର ଚନ୍ଦ୍ରଶେଖରପୁର ସ୍ଥିତ ସେଣ୍ଟ ଜାଭିୟର ଇଣ୍ଟରନ୍ୟାସନାଲ ସ୍କୁଲ କର୍ତ୍ତୃପକ୍ଷଙ୍କୁ ନୋଟିସ ଜାରି କରିଛନ୍ତି କମିଶନ । ଆସନ୍ତା ୧୬ତାରିଖ ସାଢେ ୩ଟା ସମୟରେ ସ୍କୁଲର ଚେୟାରମ୍ୟାନ୍‌, ପ୍ରିନ୍ସିପାଲଙ୍କ ସମେତ ସିବିଏସ୍‌ଇର ଆଞ୍ଚଳିକ ଅଧିକାରୀ ଓ ଖୋର୍ଦ୍ଧା ଜିଲ୍ଲା ଶିକ୍ଷା ଅଧିକାରୀଙ୍କୁ ବ୍ୟକ୍ତିଗତ ଭାବେ ହାଜର ହେବାକୁ କମିଶନଙ୍କ ପକ୍ଷରୁ ନୋଟିସ ଜାରି ହୋଇଛି । ଗତ ୨ତାରିଖରେ ଶୁଣାଣି ପାଇଁ ତାରିଖ ଧାର୍ଯ୍ୟ ହୋଇଥିବା ବେଳେ ସ୍କୁଲ କର୍ତ୍ତୃପକ୍ଷ ନିଜ ଓକିଲଙ୍କୁ ପଠାଇଥିଲେ  । ହେଲେ ସିବିଏସ୍‌ଇ ଓ ଖୋର୍ଧା ଡିଇଓ କୌଣସି କାରଣରୁ ହାଜର ହୋଇନଥିଲେ । ଆସନ୍ତା ୧୬ତାରିଖରେ ନିର୍ଧାରିତ ସମୟରେ ବ୍ୟକ୍ତିଗତ ଭାବେ ଏହି ୪ଜଣ କମିଶନଙ୍କ କୋର୍ଟରେ ହାଜର ହେବ  । ନହେଲେ ସେମାନଙ୍କୁ ହାଜର କରାଇବାକୁ  କମିଶନରେଟ୍‌ ପୋଲିସକୁ ନିର୍ଦ୍ଦେଶ ଦିଆଯିବ ବୋଲି କହିଛନ୍ତି କମିଶନ ଅଧ୍ୟକ୍ଷା । କେବଳ ଏହି ଗୋଟିଏ ସ୍କୁଲ ନୁହେଁ ବରଂ ରାଜ୍ୟର ବିଭିନ୍ନ ପ୍ରାନ୍ତରୁ ମଧ୍ୟ ଏକାଧିକ ବିଦ୍ୟାଳୟରୁ ସମାନ ଅଭିଯୋଗ ଆସିଛି । ଏବଂ ସେଗୁଡିକୁ କମିଶନ ତଦନ୍ତ ପରିସର ଭୁକ୍ତ କରିଥିବା ସେ ସୂଚନା ଦେଇଛନ୍ତି ।

ଏଥିସହିତ ପଢ଼ନ୍ତୁ: ଘରୋଇ ସ୍କୁଲରେ ମାର୍କ ଜାଲିଆତି: ହସ୍ତକ୍ଷେପ କଲେ ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗ