spot_img
Home Blog Page 5392

ଫ୍ଲାଇଟରେ ଯାଇ କରୁଥିଲେ ଚୋରି !

ଗାଜିଆବାଦ: ଉତ୍ତରପ୍ରଦେଶ ଗାଜିଆବାଦର ସିହାନି ଗେଟ୍ ପୋଲିସ ଏନକାଉଣ୍ଟର ପରେ ଜଣେ ଦୁର୍ଦ୍ଦାନ୍ତ ଚୋରକୁ ଗିରଫ କରିଛି । ତେବେ ଆଶ୍ଚର୍ଯ୍ୟଜନକ କଥା ହେଉଛି, ଦୁର୍ବୃତ୍ତ ଜଣଙ୍କ ଦେଶର ସମସ୍ତ ସ୍ଥାନକୁ ବିମାନରେ ଯାଇ ଚୋରି କରୁଥିବା ଗ୍ୟାଙ୍ଗର ସଦସ୍ୟ ।

ଅଭିଯୁକ୍ତର ନାଁ ଏନାମୁଲ ଶେଖ ବୋଲି ସିଟି ଏସପି ନିପୁଣ ଅଗ୍ରୱାଲ ସୂଚନା ଦେଇଛନ୍ତି । ଏନାମୁଲର ଘର ଝାଡ଼ଖଣ୍ଡରେ । ଏହି ଚୋର ଗ୍ୟାଙ୍ଗର ଲିଡର କମରୁଦ୍ଦିନ ଘଟଣାସ୍ଥଳରୁ ଫେରାର୍ ହୋଇଯାଇଛି । ଗିରଫ ଏନାମୁଲକୁ ପଚରାଉଚରା ପରେ ଗ୍ୟାଙ୍ଗର ଅନ୍ୟ ୨ ସଦସ୍ୟ ଶବିଉଲ ଓ ମୋତିଉଲ ବାବଦରେ ଜାଣିବାକୁ ପାଇଛି ପୋଲିସ । ପୋଲିସର ଟିମ୍ ତିନି ଫେରାର ଅଭିଯୁକ୍ତଙ୍କୁ ଖୋଜୁଛି ।

ପଚରାଉଚରା ବେଳେ ଅଭିଯୁକ୍ତ କହିଛି ସେ ବ୍ୟାଙ୍କ ଲୁଟ୍ ପାଇଁ ଆସିଥିଲା । ପୋଲିସ ଘେରିଯିବାରୁ ସେ ଗୁଳି ଚଳାଇଥିଲା । ପୋଲିସର ପାଲଟା ଗୁଳି ତାର ଗୋଡ଼ରେ ବାଜିଛି । ଅଭିଯୁକ୍ତ ବିରୋଧରେ ଆନ୍ଧ୍ରପ୍ରଦେଶ, ହାଇଦ୍ରାବାଦରେ ନକଲି ନୋଟ ନେଇ ମାମଲା ମଧ୍ୟ ରହିଛି । ଏହି ଚୋର ଗ୍ୟାଙ୍ଗ ଦକ୍ଷିଣ ଭାରତର ଅଧିକାଂଶ ରାଜ୍ୟ ସହ ଗୋଆରେ ମଧ୍ୟ ଚୋରି କରିଛନ୍ତି ।

ଏନାମୁଲ କିଛିମାସ ତଳେ ଏହି ଚୋର ଗ୍ୟାଙ୍ଗରେ ମିଶିଛି । ଚୋରି ପାଇଁ ସେମାନେ ସ୍ଥାନ ଚିହ୍ନଟ ପରେ ନିକଟରେ ଥିବା ହୋଟେଲରେ ରହୁଥିଲେ । ସାଧାରଣ ଲୋକଙ୍କ ଭଳି ସେଠାରେ ବୁଲିବା ସହ ନଜର ରଖୁଥିଲେ । କେତେକ ସ୍ଥାନରେ ସିକ୍ୟୁରିଟି ଗାର୍ଡଙ୍କୁ ଟଙ୍କା ଲୋଭ ଦେଖାଇ ସାଥୀରେ ନେଇ ଯାଉଥିଲେ । ପୂରା ପ୍ଲାନିଂ ପରେ କମରୁଦ୍ଦିନ ସହଯୋଗୀଙ୍କ ସହ ଚୋରି କରିବାକୁ ଥିବା ଜାଗାରେ ପହଞ୍ଚୁଥିଲେ । ପରେ ଟ୍ରେନ୍ ଓ ଅନ୍ୟ ମାଧ୍ୟମରେ ଚୋରି ସାମଗ୍ରୀ ଧରି ଫେରୁଥିଲେ ।

ପୋଲିସ ଅନୁସାରେ, ଏହି ଗ୍ୟାଙ୍ଗ ଟାର୍ଗେଟରେ ବ୍ୟାଙ୍କ, ଜୁଏଲାରୀ ସପ୍ ଓ ବଡ଼ ଷ୍ଟୋର ରହିଥାଏ । ସେଠାରେ ମୁତୟନ ସୁରକ୍ଷା କର୍ମୀଙ୍କୁ ଚୋରି ଯୋଜନାରେ ସାମିଲ୍ କରୁଥିଲେ ।

ନୂଆ ନୁହେଁ କରୋନା ଭାଇରସ, ୨୧ ବର୍ଷ ତଳେ ଥିଲା ଭୂତାଣୁ

ନୂଆଦିଲ୍ଲୀ: କରୋନା ଭାଇରସ ନୂଆ ନୁହଁ । ୨୧ ହଜାର ବର୍ଷ ପୂର୍ବେ ଏହି ଭୂତାଣୁ ବି ଚଳାଇଥିଲା ତାଣ୍ଡବଲୀଳା । ସାଲଭେକୋଭାଇରସ ନାମରେ ଏହି ଭୂତାଣୁ ଅତିପ୍ରାଚୀନ କାଳରେ ନିଜର ସ୍ଥିତି ଜାହିର କରିଥିଲା ବୋଲି କରେଣ୍ଟ ବାୟୋଲୋଜି ଜର୍ଣ୍ଣାଲରେ ପ୍ରକାଶିତ ରିପୋର୍ଟରେ କୁହାଯାଇଛି । କରୋନା ଭାଇରସର ସମୟକାଳ ଯେତେ ବର୍ଷ ବୋଲି ଆକଳନ କରାଯାଉଥିଲା ତାହାର ୩୦ ଗୁଣ ଅଧିକ ସମୟ କାଳରେ ଅର୍ଥାତ ୨୧ହଜାର ବର୍ଷ ତଳେ ରହିଥିଲା । ଏହା ବି କୁହାଯାଇଛି ପାଲିଓଲିଥିକ କାଳ ଅର୍ଥାତ ୨୫ ଲକ୍ଷ ବର୍ଷ ପୂର୍ବେ ଏହି ଭୂତାଣୁ ବିଭିନ୍ନ ପ୍ରାଣୀରୁ ମଣିଷ ନିକଟକୁ ଆସିଥିଲା ।

ଏହି ଭାଇରସ ହଜାର ହଜାର ବର୍ଷ ଧରି ବିଭିନ୍ନ ଭାବେ ନିଜକୁ ପରିକଳ୍ପିତ କରି ରହିଥିଲା । ଦ୍ରୁତ ବିବର୍ତ୍ତାନିକ ପ୍ରକ୍ରିୟାରେ ନିଜର କୌଣସି ପରିବର୍ତ୍ତନ ନ ଘଟାଇ ଏହି ଭୂତାଣୁ ରହିପାରିଛି ବୋଲି ଗବେଷଣାରେ କୁହାଯାଇଛି । ଏହି ଭାଇରସ ପ୍ରକୃତରେ କେତେ ବର୍ଷ ପୁରୁଣା ସେନେଇ ଗବେଷକମାନେ ଏକ ଦୀର୍ଘକାଳୀନ ଟାଇମସ୍କେଲ ପ୍ରସ୍ତୁତ କରିଛନ୍ତି । ବିବର୍ତ୍ତାନିକ ଆପେକ୍ଷିକତାକୁ ନେଇ ଏହି ସମୟକାଳ ନିରୂପିତ ହୋଇଛି । ୨୧ହଜାର ବର୍ଷ ପୂର୍ବେ ମଣିଷ ସମାଜ ଏହି ଭାଇରସ ଦ୍ବାରା ସଂକ୍ରମିତ ହୋଇଥିଲେ । ଯାହାକି ହ୍ୟୁମାନ ଜିନୋମ ଡାଟାସେଟରୁ ଜଣାଯାଇଛି ବୋଲି ଅକ୍ସଫୋର୍ଡ ବିଶ୍ବବିଦ୍ୟାଳୟର ଗବେଷକ ମହନ ଘଫାରି କହିଛନ୍ତି ।

ତେବେ ଏହି ଗବେଷଣାରେ ପ୍ରାଚୀନ ଓ ବର୍ତ୍ତମାନର ଭୂତାଣୁ ମଧ୍ୟରେ ପାର୍ଥକ୍ୟ ବାରି ହୋଇପାରିନାହିଁ । ଗବେଷଣାରେ ଆରଏନଏ ଓ ଡିଏନଏର ବିବର୍ତ୍ତାନିକ ଇତିହାସ ସମ୍ପର୍କରେ ଜଣାପଡିଛି । ସେହିପରି ଯକୃତ ରୋଗର କାରଣ ସାଜୁଥିବା ହେପାଟାଇଟିସ-ସି ଭାଇରସ ବି ପ୍ରାୟ ୫ ଲକ୍ଷ ବର୍ଷ ତଳେ ଥିଲା ବୋଲି ଗବେଷଣାରେ କୁହାଯାଇଛି । ଆଫ୍ରିକା ମହାଦେଶ ବାହାରେ ପ୍ରାୟ ଦେଢ ଲକ୍ଷ ବର୍ଷ ତଳେ ବିକଶିତ ମାନବ ସଭ୍ୟତାରେ ଏହି ଭୂତାଣୁ ପରିବ୍ୟାପ୍ତ ହୋଇଥିଲା ବୋଲି କୁହାଯାଇଛି ।

ହାତୀଦାନ୍ତ ଡିଲ ବେଳେ ମାଡିବସିଲା କ୍ରାଇମବ୍ରାଞ୍ଚ, ଜିଲ୍ଲା ବାହାରକୁ ଲମ୍ବିଛି ଲିଙ୍କ୍

ବାଲେଶ୍ୱର: ହାତୀଦାନ୍ତ ଚୋରା ଚାଲାଣରେ କେନ୍ଦୁଝର, ଭୁବନେଶ୍ୱର ଓ ଭଦ୍ରକର ଲିଙ୍କ । ହାତୀଦାନ୍ତ ମାଢି ବିକ୍ରି ପାଇଁ ଡିଲ ବେଳେ ମାଡି ବସିଲା କ୍ରାଇମ ବ୍ରାଞ୍ଚ  । ରାତି ଅଧରେ ରେଡ୍ କରି ୫ ଜଣଙ୍କୁ ଗିରଫ କରିଛି କ୍ରାଇମ ବ୍ରାଞ୍ଚ  ।  ଖଇରା, ଭଦ୍ରକ ପୋଲିସ ଓ ଔପଦା ବନ ବିଭାଗର ମିଳିତ ଉଦ୍ୟମରେ କ୍ରାଇମ ବ୍ରାଞ୍ଚ ରେଡ କରିଥିଲା । ସେପଟେ ଏଭଳି ହାଇପ୍ରୋଫାଇଲ ଗ୍ୟାଙ୍ଗରେ ସାମିଲ ଥିବା  ସମସ୍ତ ଅଭିଯୁକ୍ତ ଭଦ୍ରକ, ଔପଦାର ବୋଲି ଜଣା ପଡିଛି  ।

ଔପଦା ବ୍ଲକ ମହୁଲଗଡ଼ିଆରୁ ବନମାଳୀ ସେଠି, ସୁଦର୍ଶନ ମହାରଣା, ଅଜୟ ମୁଦୁଲି, ଖଇରା ଜେମାଦେଇପୁରର ବାବୁରାମ ପୃଷ୍ଟି, ଭଦ୍ରକ କାଦବରାଙ୍ଗର ନଟବର ଦାସଙ୍କୁ ଗିରଫ କରାଯାଇଛି । ଅଭିଯୁକ୍ତଙ୍କ ଠାରୁ ଏକ କିଲୋ ତିନି ଶହ ଗ୍ରାମ ଓଜନର ହାତୀ ଦାନ୍ତ ଓ ଦୁଇଟି ଛଅ କିଲୋରୁ ଅଧିକ ମାଢି ଜବତ କରିଛି ବନ ବିଭାଗ  । ଯାହାର ଆନୁମାନିକ ମୂଲ୍ୟ ବଜ଼ାରରେ 2 ଲକ୍ଷ ଟଙ୍କା ହେବ ବୋଲି ଜଙ୍ଗଲ ବିଭାଗ ଆକଳନ କରିଛି । ସେପଟେ ଘଟଣାକୁ ନେଇ ତଦନ୍ତ ଆରମ୍ଭ କରିଛନ୍ତି କ୍ରାଇମ ବ୍ରାଞ୍ଚ ଡିଏସପି  ।

ସମାଧି ନେବୁ ପଛେ ଦିଲ୍ଲୀ ସୀମାରୁ ହଟିବୁନି: ରାକେଶ ଟିକାୟତ

ମୁଜାଫରନଗର: ମରିବୁ ପଛେ, ପଛକୁ ହଟିବୁନି । ଦିଲ୍ଲୀ ସୀମାରେ ହକର ଲଢ଼େଇ ଜାରି ରହିବ । ଆନ୍ଦୋଳନସ୍ଥଳରୁ ହଟିବେନି କୃଷକ । ମୁଜାଫରନଗର କୃଷକ ମହାପଞ୍ଚାୟତରେ ଆନ୍ଦୋଳନକୁ ଆହୁରି ତୀବ୍ର କରିବାକୁ ମନ୍ତ୍ର ଦେଇଛନ୍ତି କୃଷକ ନେତା ରାକେଶ ଟିକାୟତ । କହିଛନ୍ତି ଦିଲ୍ଲୀ ସୀମାର ଆନ୍ଦୋଳନ ସ୍ଥଳରେ ସମାଧି ନେବୁ, ଜୀବନ ଦେବୁ ସିନା ନ ଜିତିବା ଯାଏଁ ଆନ୍ଦୋଳନ ସ୍ଥଳ ଛାଡ଼ିବୁନି ।

ପୂର୍ବରୁ ସରକାରଙ୍କ ସହ ଆଲୋଚନା ସଫଳ ହୋଇନଥିବା ବେଳେ ଏବେ ପୁଣି ସରକାର ଆଲୋଚନା ପାଇଁ ଡାକିଲେ ଯିବୁ ବୋଲି କହିଛନ୍ତି ଟିକାୟତ । ସରକାର ଆମ ଦାବି ନ ମାନିନେବା ଯାଏ ଆନ୍ଦୋଳନ ଜାରି ରହିବ । ସ୍ୱାଧୀନତା ପାଇଁ ୯୦ ବର୍ଷ ସଂଘର୍ଷ ଜାରି ରହିଥିଲା । ମୋତେ ଜଣାନାହିଁ ଏହି ଆନ୍ଦୋଲନ କେତେଦିନ ଧରି ଚାଲିବ ।

Muzaffarnagar Kisan Mahapanchayat Rakesh Tikait Says Protest Will Continue Till Demand Fullfills

ଟିକାୟତ କହିଛନ୍ତି, ଏମାନେ ଲୋକଙ୍କୁ ଭାଗ ବାଣ୍ଟିବା କାମ କରୁଛନ୍ତି, ଆମକୁ ରୋକିବାକୁ ପଡ଼ିବ । ଜାନୁଆରୀ ୨୬ରେ ଆନ୍ଦୋଳନର ହତ୍ୟା ହୋଇଥାନ୍ତା । ହଜାର ହଜାର ଫୋର୍ସ ଥିଲେ, ତଥାପି ଆମେ ଆନ୍ଦୋଳନ ସ୍ଥଳରେ ବସିଛୁ । ଆମ ଦାବି ପୂରଣ ନହେବା ଯାଏଁ ହଟିବୁନି । ଆମକୁ ଏମଏସପି ଗ୍ୟାରେଣ୍ଟି ଦରକାର । ଦାବି ପୂରଣ ନହେବା ଯାଏଁ ଦେଶବ୍ୟାପୀ ସଂଯୁକ୍ତ କିଷାନ ମୋର୍ଚ୍ଚ ଆନ୍ଦୋଳନ ଜାରି ରଖିବ । ଆଜି ମୁଜାଫରନଗରରେ ହୋଇଥିବା କୃଷକ ମହାପଞ୍ଚାୟତରେ ୟୁପି ସହ ୧୫ ରାଜ୍ୟର କୃଷକ ସାମିଲ୍ ହୋଇଥିଲେ ।

ଗୁରୁ ଦିବସରେ ଅଘଟଣ: ବାଇକ୍ ଧକ୍କାରେ ଚାଲିଗଲା ଶିକ୍ଷକଙ୍କ ଜୀବନ

ଜଳେଶ୍ୱର: ଗୁରୁ ଦିବସରେ ସଡ଼କ ଦୁର୍ଘଟଣାରେ ଶିକ୍ଷକଙ୍କ ମୃତ୍ୟୁ। ଏପରି ଏକ ଦୁଃଖଦ ଘଟଣା ଘଟିଛି ବାଲେଶ୍ଵର ଜିଲ୍ଲା ବସ୍ତା ଥାନା ଅନ୍ତର୍ଗତ ଭଲୋରା ଛକ ନିକଟରେ । ବେଣାପୁରା ଗ୍ରାମର ଭବାନୀ ମହାପାତ୍ର ବାଗଲଡିହା ପ୍ରାଥମିକ ବିଦ୍ୟାଳୟରେ ଶିକ୍ଷକତା କରୁଥିବା ବେଳେ, ଗୁରୁଦିବସ ପାଇଁ ସେ ସ୍କୁଲକୁ ଯାଇଥିଲେ । ସ୍କୁଲରୁ ସମସ୍ତ କାମ ସାରି ଫେରିବା ବେଳେ ଏକ ବାଇକ୍ ତାଙ୍କୁ ଧକ୍କା ଦେଇଥିଲା । ଫଳରେ ଶିକ୍ଷକ ଭବାନୀ ଗୁରୁତର ହୋଇପଡ଼ିଥିଲେ । ତାଙ୍କୁ ସ୍ଥନୀୟଲୋକ ଆମ୍ବୁଲାନ୍ସ ସାହାଯ୍ୟରେ ମେଡିକାଲକୁ ନେଉଥିବା ବେଳେ ତାଙ୍କର ମୃତ୍ୟୁ ହୋଇଥିଲା । ଶିକ୍ଷକ ଭବାନୀ ମହାପାତ୍ରଙ୍କ ମୃତ୍ୟୁରେ ସ୍ଥାନୀୟ ଅଞ୍ଚଳରେ ଶୋକରେ ଛାୟା ଖେଳିଯାଇଛି ।

ଏଥିସହିତ ପଢ଼ନ୍ତୁ: ଜମିବାଡ଼ିକୁ କେନ୍ଦ୍ରକରି ଭାଇ ଭଉଣୀଙ୍କୁ ମରଣାନ୍ତକ ଆକ୍ରମଣ: ଗୁରୁତର ଅବସ୍ଥାରେ ଭାଇ ମୃତ

ରବି ଶାସ୍ତ୍ରୀଙ୍କୁ କରୋନା, ଆଇସୋଲେସନରେ ବୋଲିଂ କୋଚ୍

ଲଣ୍ଡନ: ୫ ଟିକିଆ ଟେଷ୍ଟ ସିରିଜ୍ ପାଇଁ ଇଂଲଣ୍ଡ ଗସ୍ତରେ ଥିବା ଭାରତୀୟ କ୍ରିକେଟ ଦଳକୁ ବଡ଼ ଝଟକା ଲାଗିଛି । ତିନୋଟି ଟେଷ୍ଟ ମ୍ୟାଚ୍ ସରିଥିବା ବେଳେ ଚତୁର୍ଥ ଟେଷ୍ଟ ଲଣ୍ଡନର ଓଭାଲରେ ଖେଳାଯାଉଛି । ଆଜି ଚତୁର୍ଥ ଟେଷ୍ଟ ମ୍ୟାଚର ଚତୁର୍ଥ ଦିନ । ଏହାରି ଭିତରେ ଭାରତୀୟ ଦଳର ମୁଖ୍ୟ କୋଚ୍ ରବି ଶାସ୍ତ୍ରୀ କରୋନା ସଂକ୍ରମିତ ହୋଇଥିବା ଜଣାପଡ଼ିଛି । ସେ ଆଇସୋଲେସନରେ ଅଛନ୍ତି ।

ଶାସ୍ତ୍ରୀଙ୍କ ବାଦ୍ ବୋଲିଂ କୋଚ୍ ଭରତ ଅରୁଣ ଓ ସର୍ପୋଟ ଷ୍ଟାଫର ୨ ଜଣ ସଦସ୍ୟ ମଧ୍ୟ ଆଇସୋଲେସନରେ ଅଛନ୍ତି । ବିସିସିଆଇ ଏନେଇ ରବିବାର ସୂଚନା ଦେଇଛି । ବିସିସିଆଇ ମେଡିକାଲ୍ ଟିମ୍ ରବି ଶାସ୍ତ୍ରୀ, ଭରଣ ଅରୁଣ, ଆର୍. ଶ୍ରୀଧର ଓ ନୀତିନ ପଟେଲଙ୍କୁ ଆଇସୋଲେସନରେ ରଖିଛି । ଗତ ସନ୍ଧ୍ୟାରେ ଫ୍ଲୋ ଟେଷ୍ଟରେ ଶାସ୍ତ୍ରୀଙ୍କ ନମୁନା କୋଭିଡ୍ ପଜିଟିଭ୍ ଆସିଥିଲା । ସମସ୍ତଙ୍କ ଆରଟି-ପିସିଆର ଟେଷ୍ଟ କରାଯାଇଥିବା ବେଳେ ଏମାନେ ହୋଟେଲରେ ରହିବେ । ମେଡିକାଲ ଟିମର ବିନା ଅନୁମତିରେ ଦଳ ସହ ଯାଇପାରିବେ ନାହିଁ ।

ଦଳର ଅନ୍ୟ ସଦସ୍ୟଙ୍କର ମଧ୍ୟ ଫ୍ଲୋ ଟେଷ୍ଟ କରାଯାଇଥିବା ବିସିସିଆଇ କହିଛି । ଟିମ ସଦସ୍ୟଙ୍କ ୨ଟି ଫ୍ଲୋ ଟେଷ୍ଟ ହୋଇଛି । ଗୋଟିଏ ଗତରାତିରେ ହୋଇଥିବା ବେଳେ ଆଜି ସକାଳେ ଆଉ ଗୋଟିଏ ହୋଇଛି । ରିପୋର୍ଟ ନେଗେଟିଭ୍ ଆସିଥିବା ଖେଳାଳିଙ୍କୁ ଓଭାଲରେ ଖେଳା ଯାଉଥିବା ଚତୁର୍ଥ ଟେଷ୍ଟର ଚତୁର୍ଥ ଦିନ ଖେଳ ଖେଳିବାକୁ ଅନୁମତି ଦିଆଯାଇଛି ।

ରୌପ୍ୟ ଜିତିବା ପରେ ଭାବୁକ ହେଲେ ସୁହାସ: ‘ଦିବ୍ୟାଙ୍ଗ ବୋଲି ଭାବୁଥିଲି ଭଗବାନ କ’ଣ କଲେ ? ‘  

ନୂଆଦିଲ୍ଲୀ: ଭାରତୀୟ ବ୍ୟାଡମିଣ୍ଟନ ଖେଳାଳି ଓ ଗୌତମ ବୁଦ୍ଧ ନଗରର ଜିଲ୍ଲା ଅଧିକାରୀ ସୁହାସ ଏଲ୍ ୟଥିରାଜ ଟୋକିଓ ପାରା ଅଲମ୍ପିକରେ ସିଲଭର ଜିତି ଇତିହାସ ରଚିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ୍ କରି ସୁହାସଙ୍କୁ ଶୁଭେଚ୍ଛା ଜଣାଇଛନ୍ତି । ଏଥିସହ ଫୋନରେ ସୁହାସଙ୍କ ସହ କଥା ହୋଇଛନ୍ତି ପ୍ରଧାନମନ୍ତ୍ରୀ । କଥାହେବା ବଳେ ସୁହାସ ପିଏମ୍ ମୋଦିଙ୍କୁ କହିଛନ୍ତି, ସେ ପୂର୍ବରୁ ଭାବୁଥିଲେ ଉପରୱାଲା ତାଙ୍କୁ କାହିଁକି ଦିବ୍ୟାଙ୍କ କଲା । ଏବେ ଭଗବାନ ତାଙ୍କୁ ପ୍ରଧାନମନ୍ତ୍ରୀଙ୍କ ସହ କଥା ହେବାର ସୁଯୋଗ ଦେଇଛନ୍ତି । ଭଗବାନଙ୍କ କୃପା ଓ ପ୍ରଧାନମନ୍ତ୍ରୀ ମୋଦିଙ୍କ ଆଶୀର୍ବାଦରୁ ରୌପ୍ୟ ଜିତିଥିବା କହିଛନ୍ତି ସୁହାସ ।

କର୍ଣ୍ଣାଟକର ଛୋଟ ସହର ଶିମୋଗାର ସୁହାସ କହିଛନ୍ତି ଛୋଟ ଥିବାବେଳେ ପିଲାବେଳେ କେବେ ଆଇଏଏସ୍ ହେବି, ଜିଲ୍ଲାପାଳ ବନିବି, ଅଲମ୍ପିକରେ ପଦକ ଜିତିବି । କିନ୍ତୁ ଭଗବାନଙ୍କ କୃପା ଏବଂ ଆଶୀର୍ବାଦ ଯୋଗୁଁ ଏ ପର୍ଯ୍ୟନ୍ତ ପହଞ୍ଚି ପାରିଛି ।

ଟୋକିଓ ଯିବା ପୂର୍ବରୁ ପ୍ରଧାନମନ୍ତ୍ରୀ ମୋଦି ସୁହାସଙ୍କ ସହ କଥା ହୋଇ ମନୋବଳ ବୃଦ୍ଧି କରିଥିଲେ । କହିଥିଲେ- ସାମନାରେ କିଏ ଅଛି ଦେଖିବା ଦରକାର ନାହିଁ । କେବଳ ନିଜର ଶ୍ରେଷ୍ଠ ପ୍ରଦର୍ଶନ କର । ମୁଁ ଏହାକୁ ମନରେ ରଖି ଖେଳଥିଲି ଏବଂ ପଦକ ପାଇବାରେ ସଫଳ ହୋଇଛି ବୋଲି ସୁହାସ କହିଛନ୍ତି ।

ନଭେମ୍ବର ୧ରୁ ଏସବୁ ଫୋନରେ ଚାଲିବନି WhatsApp

ବର୍ତ୍ତମାନ ସମୟରେ ସାଙ୍ଗସାଥୀ ତଥା ପରିବାର ପରିଜନଙ୍କ ସହ ଚାର୍ଟିଂ କରିବା ଲାଗି ସମସ୍ତେ ଲୋକପ୍ରିୟ ମେସେଜିଂ ଆପ୍ WhatsApp ଆପର ବ୍ୟବହାର କରୁଛନ୍ତି । କିନ୍ତୁ ନଭେମ୍ବର ୧ ତାରିଖ ଠାରୁ ଏହି ମେସେଜିଂ ଆପ୍ ଆଉ ପୁରୁଣା ଫୋନ୍ ଗୁଡିକରେ ଚାଲିବନି । ପାଖାପାଖି ୪୩ଟି ପୁରୁଣା ଫୋନ୍ ମଡେଲରେ ହ୍ୱାଟ୍ସଆପ୍ କାମ କରିବ ନାହିଁ।

ହ୍ୱାଟ୍ସଆପ୍ ସ୍ପୋର୍ଟ ସରିବାକୁ ଥିବା ଫୋନ୍ ଗୁଡିକର ଲିଷ୍ଟ ମଧ୍ୟ ଜାରି କରାଯାଇଛି । ଯେଉଁଥିରେ ଆଣ୍ଡ୍ରୋଏଡ୍ ଓ ଆପଲ୍ iOS ମଧ୍ୟ ସାମିଲ ରହିଛି । ଗଣମାଧ୍ୟମରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଆଣ୍ଡ୍ରୋଏଡ୍ 4.0.4 ରେ ଚାଲୁଥିବା ଫୋନରେ ହ୍ୱାଟ୍ସଆପ୍ କାମ କରିବ ନାହିଁ । ଏହାବ୍ୟତୀତ ଆପଲ୍ iOS 9ରେ ଚାଲୁଥିବା ଆଇଫୋନରେ ମଧ୍ୟ ଏହାର ସପୋର୍ଟ ବନ୍ଦ ହୋଇଯିବ । ଆସନ୍ତୁ ଜାଣିବା ନଭେମ୍ବର ୧ରୁ କେଉଁସବୁ ଫୋନ୍ ମଡଲରେ ଚାଲିବନି ହ୍ୱାଟ୍ସଆପ…

Apple
iPhone SE, 6S and 6S Plus.

Samsung
Samsung Galaxy Trend Lite, Samsung Galaxy Trend II, Samsung Galaxy SII, Samsung Galaxy S3 mini, Samsung Galaxy Xcover 2, Galaxy Core ଓ Galaxy Ace 2.

LG
LG Lucid 2, Optimus F7, Optimus F5, Optimus L3 II Dual, Optimus F5, Optimus L5, Optimus L5 II, Optimus L5 Dual, Optimus L3 II, Optimus L7,Optimus L7 II Dual, Optimus L7 II, Optimus F6, Enact , Optimus L4 II Dual, Optimus F3, Optimus L4 II, Optimus L2 II, Optimus ନାଇଟ୍ରୋ HD and 4X HD ଓ Optimus F3Q.

ZTE
ZTE Grand S Flex, ZTE V956, Grand X Quad V987 ଓ Grand Memo.

Huawei
Huawei Ascend G740, Ascend Mate, Ascend D Quad XL, Ascend D1 Quad XL, Ascend P1 S ଓ Ascend D2.

Sony
Sony Xperia Miro, Sony Xperia Neo L, Xperia Arc S.

 

 

ବସରେ କମିଶନରଙ୍କ ସରପ୍ରାଇଜ୍ ଚେକ୍; ୧୩ କଣ୍ଡକ୍ଟରଙ୍କ ସମେତ ୧୪ ଡ୍ରାଇଭର ନିଲମ୍ବିତ  

କାନପୁର: ସାଧାରଣ ଲୋକଙ୍କ ଗ୍ରହଣକୁ ଯାଇ ଅଧିକାରୀ ସମସ୍ୟା ବୁଝିବାକୁ ଚେଷ୍ଟା କଲେ ସମାଧାନର ବାଟ ବାହାରିଥାଏ । କାରଣ ସେତେବେଳେ ସତ କ’ଣ ଜାଣିବା ପାଇଁ ଅଧିକାରୀ କାହାରି ଉପରେ ନିର୍ଭର କରନ୍ତି ନାହିଁ । କାନପୁର କମିଶନର ରାଜ ଶେଖର ସରପ୍ରାଇଜ୍ ଚେକ୍ କରିଛନ୍ତି । କମିଶନର ବସରେ ସାଧାରଣ ଲୋକଙ୍କ ସହ ଯାତ୍ରା କରି ପରିସ୍ଥିତିକୁ ବୁଝିଛନ୍ତି ।

ସରପ୍ରାଇଜ୍ ଚେକିଂ ପୂର୍ବରୁ କାନପୁର କମିଶନର ୬ ଅଧିକାରୀଙ୍କୁ ନେଇ ଏକ ଟିମ୍ ତିଆରି କରିଥିଲେ । ଅଧିକାରୀମାନେ ଭିନ୍ନ ଭିନ୍ନ ବସରେ ଯାତ୍ରା କରିବା ସହ କମିଶନର ୨ଟି ବସରେ ଯାତ୍ରା କରିଥିଲେ । କମିଶନର ହର୍ଷ ନଗରରୁ ଚୁନ୍ନିଗଞ୍ଜ ଓ ରାୱତପୁରରୁ ହର୍ଷ ନଗର ବସରେ ଯାତ୍ରା କରିଥିଲେ । ଯାତ୍ରା ବେଳେ ବସରେ କଣ୍ଡକ୍ଟର ଓ ମାସ୍କ ପିନ୍ଧିନଥିବା ଦେଖିବାକୁ ପାଇଥିଲେ କମିଶନର । କେତେକ ଯାତ୍ରୀ ମଧ୍ୟ ମାସ୍କ ନ ଲଗାଇ କରୋନା କଟକଣା ମାନୁନଥିବା ଦେଖିଥିଲେ । ବସରେ ଫାଷ୍ଟ ଏଡ୍ ବକ୍ସ ନଥିବା ବେଳେ ଏଲଇଡି ଡିସପ୍ଲେ ଖରାପ ଥିଲା । ରକ୍ଷାଣବେକ୍ଷଣ ଅଭାବରୁ ବସ୍ ଖରାପ ହେଉଥିବା ଦେଖାଯାଇଥିଲା ।

ଏହା ବାଦ୍ ୬ ଅଧିକାରୀ ଅଲଗା ଅଲଗା ବସରେ ଯାତ୍ରା କରି କମିଶନରଙ୍କୁ ରିପୋର୍ଟ ଦେଇଥିଲେ । ରିପୋର୍ଟ ଅନୁସାରେ, କେତେକ କଣ୍ଡକ୍ଟର ଓ ଡ୍ରାଇଭର ୟୁନିଫର୍ମ ପିନ୍ଧି ନଥିଲେ । ବସରେ ଯାତ୍ରୀ ମାସ୍କ ପିନ୍ଧୁ ନଥିବା ବେଳେ କଣ୍ଡକ୍ଟର କିଛି କହୁନଥିବା ରିପୋର୍ଟ ଆସିଥିଲା । ରିପୋର୍ଟ ପରେ କାନପୁର କମିଶନର କାର୍ଯ୍ୟାନୁଷ୍ଠାନ ନେଇଛନ୍ତି । ୧୩ ଡଣ କଣ୍ଡକ୍ଟରଙ୍କୁ ନିଲମ୍ବିତ କରାଯାଇ ଥିବାବେଳେ ୧୪ ଡ୍ରାଇଭରଙ୍କୁ ହଟାଇ ଦିଆଯାଇଛି । ଏଥିସହ ବସର ରକ୍ଷାଣବେକ୍ଷଣ ଦାୟିତ୍ୱରେ ଥିବା ଅଧିକାରୀଙ୍କ ବିରୋଧରେ ତଦନ୍ତ ନିର୍ଦ୍ଦେଶ ଦେଇଛନ୍ତି କମିଶନର ।

ତାଲିବାନ ପ୍ରସଙ୍ଗରେ ISI ଚିଫଙ୍କ ଉତ୍ତର, ସବୁ କିଛି ଠିକ୍ ହେଇଯିବ…

ନୂଆଦିଲ୍ଲୀ: ପାକିସ୍ତାନର ଗୁପ୍ତଚର ଏଜେନ୍ସି ISIର ଚିଫ୍ ଲେଫ୍ଟନାଣ୍ଟ ଜେନେରାଲ୍ ଫେଜ୍ ହମିଦ ଶନିବାର ଦିନ କାବୁଲରେ ପହଞ୍ଚିଛନ୍ତି । ଏହି ଅବସରରେ ଆଫଗାନିସ୍ତାନରେ ତାଲିବାନର ସରକାର ଗଠନ ନେଇ ହମିଦ କହିଛନ୍ତି ଯେ, ଆଫଗାନିସ୍ତାନରେ ସବୁ କିଛି ଠିକ୍ ହେଇଯିବ ।

ପାକିସ୍ତାନର ଏକ ଖବରକାଗଜ ଅନୁଯାୟୀ, ଇଣ୍ଟର-ସର୍ଭିସେସ୍ ଇଣ୍ଟେଲିଜେନ୍ସ (ISI)ର ଚିଫ୍ ଲେଫ୍ଟନାଣ୍ଟ ଜେନେରାଲ୍ ହମିଦଙ୍କ ନେତୃତ୍ୱରେ  ପାକିସ୍ତାନୀ ଅଧିକାରୀଙ୍କ ଏକ ପ୍ରତିନିଧି ଦଳ ତାଲିବାନ ସହ ଆଲୋଚନା କରିବା ଲାଗି କାବୁଲରେ ପହଞ୍ଚିଛି । ଏନେଇ ଏକ ଭିଡ଼ିଓ ମଧ୍ୟ ଭାଇରାଲ୍ ହୋଇଛି ।

ଯେଉଁଥିରେ ଗଣମାଧ୍ୟମ ପ୍ରତିନିଧି ତାଙ୍କୁ ପ୍ରଶ୍ନ କରୁଥିବାର ନଜର ଆସୁଛି । ଯେଉଁଥିରେ ସେ ହମିଦଙ୍କୁ ପ୍ରଶ୍ନ କରିଛନ୍ତି କ’ଣ ଆପଣ ତାଲିବାନୀଭ୍କ ସହ ବୈଠକରେ ଭାଗ ନେବେ? ଏନେଇ ହମିଦ କହିଥିଲେ, କିଛି ସ୍ପଷ୍ଟ ହୋଇନାହିଁ । ଅନ୍ୟପକ୍ଷରେ ସେ ଆଉ ଏକ ପ୍ରଶ୍ନର ଉତ୍ତରରେ କହିଥିଲେ, ଚିନ୍ତା କରନ୍ତୁ ନାହିଁ ଆଫଗାନିସ୍ତାନରେ ସବୁ କିଛି ଠିକ୍ ହୋଇଯିବ ।

ରିପୋର୍ଟ ମୁତାବକ, ତାଲିବାନର ନେତୃତ୍ୱ ସମ୍ମୁଖରେ  ପାକିସ୍ତାନ-ଆଫଗାନିସ୍ତାନ ସୁରକ୍ଷା, ଅର୍ଥବ୍ୟବସ୍ଥା ଓ ଅନ୍ୟ ପ୍ରସଙ୍ଗ ଉଠାଇବେ । ତାଲିବାନ ଅଗଷ୍ଟ ୧୫ ତାରିଖରେ କାବୁଲ ଉପରେ କବଜା କରିଥିଲା । ଯାହା ପରେ ପାକିସ୍ତାନୀ ଅଧିକାରୀ ମାନଙ୍କର ଏହା ହେଉଛି ପ୍ରଥମ ଉଚ୍ଚସ୍ତରୀୟ ବୈଠକ । ତେବେ ତାଲିବାନ ଲଗାତାର ଭାବେ ସରକାର ଗଠନ କରିବା ଲାଗି ଚେଷ୍ଟା କରୁଥିବା ବେଳେ ଏଯାଏଁ ଆଧିକାରୀକ ଭାବେ କୌଣସି ଘୋଷଣା କରାଯାଇନାହିଁ ।