କରୋନାର ଦ୍ୱିତୀୟ ପ୍ରବାହ ମାଡ଼ରେ ଦେଶର ସ୍ୱାସ୍ଥ୍ୟବସ୍ଥା ଭୁଶୁଡି ପଡିଥିଲା । ଏବେ ଦୈନିକ ସଂକ୍ରମଣ ସଂଖ୍ୟା ଧିରେ ଧିରେ କମିବାରେ ଲାଗିଛି । କିନ୍ତୁ ଏହାରି ଭିତରେ ତୃତୀୟ ପ୍ରବାହର ଡର ଡରାଇଲାଣି । ଆଉ ମାସକ ମଧ୍ୟରେ ମହାରାଷ୍ଟ୍ରରେ ତୃତୀୟ ପ୍ରବାହ ଆରମ୍ଭ ହେବ ବୋଲି ଆକଳନ କରାଯାଉଛି । ଭୟଙ୍କର ଡେଲ୍ଟା ଭେରିଆଣ୍ଟ୍ ବି ସ୍ଥିତିକୁ ଅଧିକ ଜଟିଳ କରୁଛି । ଏମିତିରେ ଜ୍ୟୋତିଶ ଶାସ୍ତ୍ର କିନ୍ତୁ ଶୁଭ ସୂଚନା ଦେଉଛି । ବୃହସ୍ପତିଙ୍କ ବକ୍ରଗତି କାରଣରୁ ଦେଶରେ ସୁସ୍ଥତା ହାର ବଢିବ ବୋଲି ଜ୍ୟୋତିର୍ବିତ କହୁଛନ୍ତି । ତେବେ ବୃହସ୍ପତିଙ୍କ ବକ୍ର ଗତିର ପ୍ରଭାବ ଆଗାମୀ ସମୟରେ କ’ଣ ରହିବ ତାହା ଜାଣିବା ଆଗରୁ ଆସନ୍ତୁ ଜାଣିନେବା ଗ୍ରହଙ୍କ ବକ୍ର ଗତି କ’ଣ ?
ଭାସ୍କରଚାର୍ଯ୍ୟଙ୍କ ଅନୁସାରେ ଗ୍ରହ ମାନଙ୍କର ଆଠ ପ୍ରକାରର ଗତି ରହିଛି । ଯଥା- ବକ୍ର, ଅନୁବ୍କର, କୁଟୀଳ, ମନ୍ଦ, ମନ୍ଦତର, ସମ, ଶିଘ୍ର, ଶିଘ୍ରତର । ଏହିପରି ଭାବେ ଅଷ୍ଟଗତି ସମ୍ବନ୍ଧରେ ପ୍ରମାଣ ରହିଛି ।
ସେଥି ମଧ୍ୟରୁ ପ୍ରଥମ ତିନୋଟି ଗତିକୁ ବକ୍ରଗତି କୁହାଯାଏ । କାରଣ ଏହି ତିନୋଟି ଗତି ପୃଥିବୀ ଠାରୁ ଯଦି ନିରିକ୍ଷଣ କରାଯାଏ ତେବେ ବିପରିତ ଦିଗରେ ଗତି କଲା ଭଳି ପ୍ରତିୟମାନ ହୋଇଥାଏ । ପ୍ରକୃତ ପକ୍ଷେ ଗ୍ରହମାନେ ବକ୍ରଗତି କରନ୍ତି ନାହିଁ । ଅନ୍ୟ ଗ୍ରହମାନଙ୍କ ଗତି ବା ଚଳନଠାରୁ କିଛି ଗ୍ରହମାନେ ଧିର ବା ମନ୍ଥର ଚଳନ କରିଥାନ୍ତି । ତେଣୁ ଏହାକୁ ବକ୍ରଗତି ବୋଲି କୁହାଯାଏ । ଇଂରାଜିରେ କୁହାଯାଇଛି – “ଷ୍ଟେସେନାରୀ ମୋସନ ଅଫ୍ ଦ ପ୍ଲାନେଟଇଜି ରେଟ୍ରୋଗେଟ୍ ପ୍ଲାନେଟ୍”, ଅର୍ଥାତ୍ ସ୍ଥିର ବା ମନ୍ଥର ଚଳନକୁ ବକ୍ର ଚଳନ କୁହାଯାଏ ।
ସାରାବଳୀ ନାମକ ଜ୍ୟୋତିଷ ଗ୍ରନ୍ଥ ଅନୁସାରେ ଶୁଭଗ୍ରହମାନଙ୍କ ବକ୍ରୀ ଚଳନ ସମୟରେ ବା ବୃହଷ୍ପତି ବିକ୍ରୀ ଚଳନ ସମୟରେ ରାଜଯୋଗ ସମାନ ଶୁଭଫଳ ପ୍ରଦାନ କରିବାର କ୍ଷମତା ରଖିଥାନ୍ତି କାରଣ ଗ୍ରହମାନେ ବକ୍ରି ଚଳନ ସମୟରେ ପୃଥିବୀର ନିକଟତମ ହୋଇଥାନ୍ତି । ଫଳରେ ସେମାନଙ୍କର ଚେଷ୍ଟାବଳ ବା ଫଳ ଦେବାର କ୍ଷମତା ଅଧିକ ହୋଇଥାଏ ।
ବୃହଷ୍ପତି ସେପ୍ଟେମ୍ବର ୧୪ ତାରିଖରୁ ମକର ରାଶିରେ ମଧ୍ୟ ବକ୍ରି ଚଳନ କରିବ ଏବଂ ମକର ରାଶି ବୃହଷ୍ପତି ନିଚ । ପ୍ରମାଣ ରହିଛି ବକ୍ରି ବୃହଷ୍ପତି କୁମ୍ଭ ରାଶିଠାରୁ ମକର ରାଶିରେ ଅଧିକ ଶୁଭଫଳ ପ୍ରଦାନ କରିବେ ।
ମହର୍ଶୀ ଗୌତମଙ୍କ ଅନୁସାରେ ମକର ରାଶିରେ ବୃହଷ୍ପତି ବକ୍ରି ଗତି କରିବା ସମୟରେ ସମାଜରେ ଆରୋଗ୍ୟ ହାର ଅଧିକ ହୋଇଥାଏ । ତତ୍ ସହିତ ଧନଧାନ୍ୟରେ ପୃଥିବୀର ପରିପୂର୍ଣ୍ଣ ହୋଇଥାଏ ।
ଏବା ଆସନ୍ତୁ ଜାଣିବା ବୃହଷ୍ପତିଙ୍କ ବକ୍ର ଗତି କାଳରେ କେଉଁ କେଉଁ ବିଭାଗ ଉପରେ ପ୍ରଭାବ ପଡିଥାଏ । ମସ୍ତ୍ୟ ପୂରାଣ ଅନୁଯାୟୀ ବୃହସ୍ପତି ଜ୍ଞାନ, ଇନଫର୍ମେସନ ଟେକ୍ନୋଲଜି, ମିଡ଼ିଆ,ଶିକ୍ଷ ଆଦିର କାରକ ଅଟନ୍ତି । ବୃହଷ୍ପତି ବକ୍ରି ଚଳନ ସମୟରେ ଆଇନବିଭାଗରେ ବହୁତ ପରିବର୍ତ୍ତନ ଆସିବା ସହିତ ନ୍ୟାୟିକ ପ୍ରକ୍ରିୟାରେ ବହୁତ ଶୁଫଳ ପ୍ରାପ୍ତ କରିବାର ସୁଯୋଗ ସୃଷ୍ଟି ହେବ ।
ସେହିଭଳି ଫଳ ଦିପିକା ଅନୁସାରେ ବୃହସ୍ପତିଙ୍କ ବକ୍ର ଗତି କାଳରେ ସବୁ ପ୍ରକାରର ଉନ୍ନତି ହୋଇଥାଏ । ଆର୍ଥିକ ଓ ସ୍ୱାସ୍ଥ୍ୟକ୍ଷେତ୍ରରେ ମଧ୍ୟ ସକରାତ୍ମକ ପରିବର୍ତ୍ତନ ଆସିଥାଏ ।
କରୋନା କାଳରେ ଟିକା ଓ ସାମାଜିକ ଦୂରତା ହିଁ ଏହି ଭୟଙ୍କର ଭାଇରସଠାରୁ ରକ୍ଷା ପାଇବାର ଉପାୟ । ତେବେ ଏହା ମଧ୍ୟ ସତ ଯେ, ଧର୍ମ ଓ ବିଶ୍ୱାସ ମଧ୍ୟ ମନୋବଳକୁ ଦୃଢ କରିଥାଏ । ତେଣୁ ଏହି ସମୟରେ ସାମାଜିକ ଦୂରତା ବଜାୟ ରଖି ଇଶ୍ୱରଙ୍କ ଉପରେ ବିଶ୍ୱାସ ରଖିବାକୁ ପଡିବ