spot_img
Home Blog Page 5531

ଆସନ୍ତା ମାସରୁ ଶିଶୁଙ୍କୁ କରୋନା ଟିକା: ସ୍ୱାସ୍ଥ୍ୟ ମନ୍ତ୍ରୀ

ନୂଆଦିଲ୍ଲୀ: ଆସନ୍ତା ମାସ ସୁଦ୍ଧା ଦେଶରେ ଶିଶୁ ମାନଙ୍କ ଟିକାକରଣ ଆରମ୍ଭ ହୋଇପାରେ । ବିଜେପି ଏମପିଙ୍କ ସଂସଦୀୟ ବୈଠକରେ ଏନେଇ ସୂଚନା ଦେଇଛନ୍ତି ସ୍ୱାସ୍ଥ୍ୟ ମନ୍ତ୍ରୀ ମନସୁଖ୍ ମାଣ୍ଡବ୍ୟ । ଶିଶୁଙ୍କୁ ଟିକା ଦେବା ଲାଗି ପ୍ରକ୍ରିୟା ଜାରି ରହିଛି ଏବଂ ଅଗଷ୍ଟରେ ଏହି ଅଭିଯାନ ଚାଲିବାର ଆଶା ରହିଛି ।

ସେ ଆହୁରି ମଧ୍ୟ କହିଛନ୍ତି ଯେ, ଭାରତ ଖୁବ୍ ଶୀଘ୍ର ସର୍ବବୃହତ ଟିକା ଉତ୍ପାଦନକାରୀ ରାଷ୍ଟ୍ର ହେବାକୁ ଯାଉଛି । ପୂର୍ବରୁ ଟିକା ସମ୍ପର୍କିତ ଜାତୀୟ ବିଶେଷଜ୍ଞ ଗୋଷ୍ଠୀ ଅଧ୍ୟକ୍ଷ ଡାକ୍ତର ଏନ.କେ. ଅରୋରା କହିଥିଲେ- ସେପ୍ଟେମ୍ବରରୁ ୧୨ରୁ ୧୮ ବର୍ଷ ବୟସ୍କଙ୍କୁ ଟିକା ଦିଆଯିବ।

ଗତ ସପ୍ତାହରେ AIIMS ମୁଖ୍ୟ ଡକ୍ଟର ରଣଦୀପ ଗୁଲେରିଆ ମଧ୍ୟ କହିଥିଲେ ଯେ ସେପ୍ଟେମ୍ବର ସୁଦ୍ଧା ପିଲାମାନଙ୍କ ପାଇଁ କୋଭିଡ -19 ଟିକାକୁ ବ୍ୟବହାରିକ ଅନୁମୋଦନ ଦିଆଯାଇପାରେ । ଦେଶର ପିଲାମାନଙ୍କ ପାଇଁ ଜିଡସ୍ କ୍ୟାଡିଲାର ଭ୍ୟାକ୍ସିନ୍ ଟ୍ରାଏଲ୍ ଶେଷ ପର୍ଯ୍ୟାୟରେ ରହିଛି।

ସେପଟେ ଆଷ୍ଟ୍ରାଜେନେକା ଓ ସ୍ପୁଟନିକ-ଭି ଭାକ୍ସିନକୁ ମିଶାଇ ଦିଆଯାଇପାରିବ ଟିକା । ଏହାକୁ ଅନୁମତି ଦେଇଛି ରୁଷ । ଏନେଇ ଦେଶର ୫ଟି କ୍ଲିନିକକୁ ଟ୍ରାଏଲ ଲାଗି ନିର୍ଦ୍ଦେଶ ଦିଆଯାଇଛି । ଏହି ଟ୍ରାଏଲ ଅବଧି ଆସନ୍ତା ମାର୍ଚ୍ଚ ୨୦୨୨ ସୁଦ୍ଧା ଶେଷ ହେବ । ରୁଷ ସ୍ବାସ୍ଥ୍ୟ ମନ୍ତ୍ରଣାଳୟର ନୈତିକ କମିଟି ଗତ ମେ ମାସରେ ଏହି ମିଶ୍ରଣର କ୍ଲିନିକାଲ ଟ୍ରାଏଲକୁ ବାତିଲ କରିଥିଲା । ଏହି ମିଶ୍ରଣର ପ୍ରଥମ ଡୋଜ ସାଧାରଣ ଭାବେ ଦିଆଯିବ ଏବଂ ଦ୍ବିତୀୟ ଡୋଜ ବୁଷ୍ଟର ଡୋଜ ଭାବେ ପରିଗଣିତ ହେବ । ସ୍ପୁଟନିକ-ଭି ଭାକ୍ସିନର ବ୍ୟବହାରକୁ ପ୍ରୋତ୍ସାହନ ଦେଉଥିବା ରୁଷୀୟ ପ୍ରତ୍ୟକ୍ଷ ନିବେଶ ପାଣ୍ଠି ବା ଆରଡିଆଇଏଫ ସରକାରଙ୍କ ଏହି ନିଷ୍ପତ୍ତିକୁ ସ୍ବାଗତ କରିଛି ।

 

କୃର୍ଣ୍ଣାଲ ପାଣ୍ଡ୍ୟାଙ୍କୁ କରୋନା: ସ୍ଥଗିତ ହେଲା ଦ୍ୱିତୀୟ ଟି-୨୦

କଲୋମ୍ୱ: ଭାରତୀୟ ଅଲ୍‌ରାଉଣ୍ଡର କୃର୍ଣ୍ଣାଲ ପାଣ୍ଡ୍ୟାଙ୍କୁ କରୋନା । ଶ୍ରୀଲଙ୍କା ବିପକ୍ଷ ଦ୍ୱିତୀୟ ଟି-୨୦ ପୂର୍ବରୁ କରୋନା ସଂକ୍ରମିତ ଚିହ୍ନଟ ହୋଇଛନ୍ତିୁ କୃର୍ଣ୍ଣାଲ । ଏହା ପରେ ବୁଧବାର ଖେଳାଯିବାକୁ ଥିବା ଦ୍ୱିତୀୟ ଟି-୨୦କୁ ବାତିଲ କରାଯାଇଛି । ତେବେ କୁର୍ଣ୍ଣାଲଙ୍କ ସଂସ୍ପର୍ଶରେ ଆସିଥିବା ଆଠ ଜଣ ଖେଳାଳିଙ୍କୁ ମଧ୍ୟ ଆଇସୋଲେସନ୍‌ରେ ରଖାଯାଇଛି । ତେବେ ଏଯାବତ୍ ମିଳିଥିବା ସୂଚନା ମୁତାବକ ପୃଥ୍ୱି ଶ’ ଏବଂ ସୂର୍ଯ୍ୟ କୁମାର ଯାଦବଙ୍କୁ ଆଇସେଲେସନ୍‌ରେ ରଖାଯାଇଥିବା ଜଣାପଡ଼ିଛି । ଯଦି ସେମାନେ ବି କରୋନା ସଂକ୍ରମିତ ଚିହ୍ନଟ ହୁଅନ୍ତି ତେବେ ଆଗାମୀ ଇଂଲଣ୍ଡ ବିପକ୍ଷ ସିରିଜ୍ ସେମାନେ ଖେଳିପାରିବେ ନାହିଁ ।

ତେବେ ୩ ଟିକିଆ ସିରିଜ୍‌ର ପ୍ରଥମ ମ୍ୟାଚ୍‌ରେ ୩୮ରନ୍‌ରେ ଜିତି ଭାରତ ଆଗୁଆ ରହିଛି । ରବିବାର ଖେଳାଯାଇଥିବା ଏହି ପ୍ରଥମ ମ୍ୟାଚ୍‌ରେ କୃର୍ଣ୍ଣାଲ ୨ ଓଭରରେ ଗୋଟିଏ ଓ୍ୱିକେଟ ନେଇ ୧୬ ରନ୍ ଦେଇଥିଲେ । ତେବେ ବୁଧବାର ଖେଳାଯିବାକୁ ଥିବା ମ୍ୟାଚ୍ ଶ୍ରୀଲଙ୍କା ପାଇଁ କର ବା ମରର ସ୍ଥିତି ଥିବା ବେଳେ କରୋନା କାରଣରୁ ମ୍ୟାଚ୍ ସ୍ଥଗିତ ହୋଇଛି ।  ବାୟୋ ବବଲ୍ସ ମଧ୍ୟରେ ଉଭୟ ଦଳ ରହୁଥିବା ସତ୍ତ୍ୱେ ପୋର୍ଟକଲ ଅନୁଯାୟୀ ଅନ୍ୟ ଖେଳାଳି ମଧ୍ୟ ଆଇସୋଲେସନ୍‌ରେ ରହିବେ ବୋଲି ଜଣାପଡ଼ିଛି ।

ଏଥିସହିତ ପଢ଼ନ୍ତୁ: ସ୍ପେନ୍‌କୁ ୩-୦ରେ ହରାଇ ଟୋକିଓ ଅଲମ୍ମିକ୍ସରେ ବିଜୟ ରାସ୍ତାକୁ ଓହ୍ଲାଇଲା ଭାରତୀୟ ହକି ଦଳ

ବର୍ଷାରେ ଭିଜିଲା ରାଜଧାନୀ; ରାସ୍ତାଘାଟ ଜଳମଗ୍ନ

ନୂଆଦିଲ୍ଲୀ: ଶ୍ରାବଣ ପହିଲି ବର୍ଷାରେ ଭିଜିଲା ରାଜଧାନୀ। ଦିଲ୍ଲୀ-NCRରେ ଅବିଶ୍ରାନ୍ତ ବର୍ଷା ଜନଜୀବନକୁ ଅସ୍ତବ୍ୟସ୍ତ କରିଥିବା ବେଳେ ରାସ୍ତାଘାଟ ଜଳମଗ୍ନ ହୋଇଛି। ରାସ୍ତା ଉପରେ ବର୍ଷା ପାଣି ଜମି ରହିଥିବାରୁ ଟ୍ରାଫିକ ସମସ୍ୟା ଦେଖାଦେଇଥିବା ବେଳେ ବସ୍‌ ଭିତରେ ବର୍ଷା ପାଣି ପଶିଯାଇଛି।

ଇଣ୍ଡିଆ ଗେଟ୍‌ ଆଖପାଖରେ ରାସ୍ତା ଉପରେ ପାଣି ଜମି ରହିଥିବା ଯୋଗୁ ଯାତାୟାତ ବାଧାପ୍ରାନ୍ତ ହୋଇଛି। ମଥୁରା ରୋଡ୍‌, ଆର୍ କେ ପୁରମ୍, ଧୋଲା କୁଆ, ସଫଦରଗଞ୍ଜ ଆଦି ଅଞ୍ଚଳରେ ଅତି ଗମ୍ଭୀର ପରିସ୍ଥିତି ସୃଷ୍ଟି ହୋଇଛି। ଆଜି ଦିନ ତମାମ ବର୍ଷା ହେବା ସମ୍ଭାବନା ରହିଥିବା ବେଳେ ସତର୍କ ସୂଚନା ଜାରି କରିଛି ପାଣିପାଗ ବିଭାଗ ।

ଆସନ୍ତା ୩-୪ ଦିନ ଧରି ବର୍ଷା ଲାଗି ରହିବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ। ଦକ୍ଷିଣ-ପଶ୍ଚିମ ଦିଲ୍ଲୀ, ନୂଆ ଦିଲ୍ଲୀ, ସାହଦରା, ପ୍ରୀତ ବିହାର, ମଧ୍ୟ ଦିଲ୍ଲୀ, ଗୁରୁଗ୍ରାମ ଆଦି ଅଞ୍ଚଳ ପାଇଁ ସତର୍କ ସୂଚନା ଜାରି କରାଯାଇଛି।

ତେବେ ବର୍ଷା ଯୋଗୁ ଜମୁନାନଦୀର ଜଳସ୍ତର ବଢ଼ୁଥିବା ବେଳେ ତଳିଆ ଅଞ୍ଚଳରେ ବନ୍ୟାସ୍ଥିତି ସୃଷ୍ଟି ହେବା ଆଶଙ୍କା ରହିଥିବା ନେଇ ସୂଚନା ମିଳିଛି ।

 

ଫର୍ମ ଫିଲ୍‌ଅପ୍‌ ନହୋଇପାରିବାରୁ ଦାନାଦାର ଖାଇ ଆତ୍ମହତ୍ୟା ଉଦ୍ୟମ କଲେ ମାଆ ପୁଅ

ଭୁବନେଶ୍ୱର: କ୍ୟାପିଟାଲ ହାଇସ୍କୁଲରେ ଅଭାବନୀୟ ଘଟଣା। ଦଶମ ଅଫଲାଇନ୍ ପରୀକ୍ଷା ଫର୍ମପୂରଣ ନହେଇପାରିବାରୁ ମା ପୁଅଙ୍କ ଆତ୍ମହତ୍ୟା ଉଦ୍ୟମ। ୟୁନିଟ9 ଅଞ୍ଚଳର ଛାତ୍ର ଇମ୍ରାନ୍ ଖାନ୍ ଏବଂ ତାଙ୍କ ମା ଙ୍କ ଆତ୍ମହତ୍ୟା ଉଦ୍ୟମ। ଦାନାଦାର ଧରି ସ୍କୁଲ ସମ୍ମୁଖରେ ଧାରଣା ଦେବା ସହ ଶିକ୍ଷକଙ୍କ ନାଁ ରେ ଆଣିଲେ ଅଭିଯୋଗ। ଶିକ୍ଷକ ଜାଣିଶୁଣି ଫର୍ମ ପୂରଣ କରିନାହାଁନ୍ତି। ପୁଅ ପରୀକ୍ଷା ନ ଦେଲେ ଆତ୍ମହତ୍ୟା କରିବେ ବୋଲି ମା ଓ ପୁଅଙ୍କ ଚେତାବନୀ। ଘଟଣା ସ୍ଥଳରେ ଖାରବେଳ ନଗର ଥାନା ପୋଲିସ ପହଞ୍ଚି ବୁଝାସୁଝା କଲାପରେ ପରିସ୍ଥିତି ଶାନ୍ତ ପଡ଼ିଲା। ସେପଟେ କ୍ୟାପିଟାଲ ହାଇସ୍କୁଲ ପ୍ରଧାନ ଶିକ୍ଷକ ଙ୍କ ପ୍ରତିକ୍ରିୟା। ତାଙ୍କ ଅଭିଭାବକ ଦୁଇ ଥର ଆସି ଯୋଗାଯୋଗ କରିଥିଲେ। ଘରେ କଥାବାର୍ତ୍ତା କରି ଫର୍ମ ପୂରଣ କରିବେ ବୋଲି କହିଥିଲେ। କିନ୍ତୁ ଫର୍ମପୂରଣ ଶେଷ ଦିନ ପର୍ଯ୍ୟନ୍ତ କେହି ଆସିଲେ ନଥିଲେ। ଏବେ ଆଉ ଫର୍ମପୂରଣ ସମ୍ଭବ ନୁହେଁ। ଆମ ପକ୍ଷରୁ କୌଣସି ଭୁଲ ନାହିଁ।

ଅଗଷ୍ଟ ୧୫ ଲାଗି ସାଂସଦଙ୍କୁ ଏଭଳି ଟାସ୍କ ଦେଲେ ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ: ମୌସୁମୀ ଅଧିବେଶନର ହଙ୍ଗାମା ଭିତରେ ମଙ୍ଗଳବାର ଦିନ ବିଜେପି ସଂସଦୀୟ ଦଳର ବୈଠକ ଅନୁଷ୍ଠିତ ହୋଇଛି । ଏହି ବୈଠକରେ ପ୍ରଧାନମନ୍ତ୍ରୀ ସ୍ୱାଧୀନତାର ୭୫ ବର୍ଷ ପୂର୍ତ୍ତି ନେଇ ସାଂସଦ ମାନଙ୍କୁ ଟାସ୍କ ଦେଇଛନ୍ତି ।

୨୦୪୭ ମସିହା ବେଳକୁ ୧୦୦ତମ ସ୍ୱାଧୀନତା ଦିବସ ପାଳନ କରିବ ଦେଶ । ସେ ସମୟରେ ଦେଶ କେଉଁଠି ଥିବ ତାହା ଲୋକମାନେ ବିଚାର କରିବେ ବୋଲି ପ୍ରଧାନମନ୍ତ୍ରୀ କହିଛନ୍ତି। ସବୁ ବିଧାନସଭା କ୍ଷେତ୍ରରେ ୨ ଜଣ କାର୍ଯ୍ୟକର୍ତ୍ତା ଯୋଡି ୭୫ଟି ଗାଁର ଗସ୍ତ କରିବ । ଏହି ସମୟରେ ଏକ ଡାଟା ପ୍ରସ୍ତୁତ କରାଯିବ, ଯେଉଁଥିରୁ ଜଣାପଡିବ ଡିଜିଟାଲ୍ ଲିଟରେସି କେଉଁ ସ୍ଥାନରେ ପହଞ୍ଚିଛି ଓ ଦେଶ କେଉଁ ସ୍ଥାନରେ ପହଞ୍ଚିପାରିବ ।

ମୋଦି ଆହୁରି ମଧ୍ୟ କହିଛନ୍ତି ଯେ, ସ୍ୱାଧୀନତାର ୭୫ ବର୍ଷ ଅବସରରେ ୭୫ ଗାଁକୁ ଯାଆନ୍ତୁ । ସେଠାରେ ୭୫ ଘଣ୍ଟା ବିତାଇବା ସହ ଜନତାଙ୍କୁ ଦେଶରେ ହୋଇଥିବା ଉନ୍ନତିମୂଳକ କାର୍ଯ୍ୟ ସମ୍ପର୍କରେ ଅବଗତ କରାଇବେ।

ଉଲ୍ଲେଖଯୋଗ୍ୟ, ପେଗାସସ୍ ସ୍ପାଏ ହ୍ୟାକିଂକୁ ନେଇ ଗତକାଲି IT ମନ୍ତ୍ରୀ ଅଶ୍ୱିନୀ ବୈଷ୍ଣବ ଗୃହରେ ବିବୃତି ରଖୁଥିବା ବେଳେ ଟିଏମସି ସାଂସଦ ଶାନ୍ତନୁ ତାଙ୍କ ହାତରୁ କାଗଜ ଛଡ଼ାଇ ଚିରି ଦେଇଥିଲେ। ପରବର୍ତ୍ତୀ ସମୟରେ ଏହି ଘଟଣାରେ ଶାନ୍ତନୁଙ୍କୁ ସସପେଣ୍ଡ କରାଯାଇଥିଲା।

ଲକ୍ଷ୍ମଣ ଚୌଧୁରୀ ହେଲେ ବିଜେଡିର ନୂଆ ସାଧାରଣ ସମ୍ପାଦକ

ଭୁବନେଶ୍ୱର: ବିଜୁ ଯୁବ ଜନତା ଦଳର ଗଞ୍ଜାମ ଜିଲ୍ଲା ସଭାପତିଙ୍କୁ ଦଳ ପଦୋନ୍ନତି ସହ ନୂଆ ଦାୟିତ୍ୱ ଦେଇଛି ।  ଗଞ୍ଜାମ ଜିଲ୍ଲା ସଭାପତି ଥିବା ଲକ୍ଷ୍ମଣ ଚୌଧୁରୀଙ୍କୁ ଦଳର ରାଜ୍ୟ ସାଧାରଣ ସମ୍ପାଦକ ଭାବେ ନିଯୁକ୍ତି ଦିଆଯାଇଛି। ଏ ନେଇ ସୂଚନା ଦେଇଛନ୍ତି ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ। ସେହିପରି ଭବାନୀକାନ୍ତ ସାହୁ ହେଲେ ଗଞ୍ଜାମ ଜିଲ୍ଲା ବିଜୁ ଯୁବ ଜନତା ଦଳର ନୂତନ ସଭାପତି। କାର୍ଯ୍ୟ ଦକ୍ଷତାକୁ ଦେଖି ବିଜୁ ଛାତ୍ର ଜନତା ଦଳ ଉପ-ସଭାପତିରୁ ଗଞ୍ଜାମ ଜିଲ୍ଲା ସଭାପତି ପଦରେ ନିଯୁକ୍ତି ଦିଆଯାଇଛି । ବିଜେଡି ସଭାପତିଙ୍କ ନିର୍ଦ୍ଦେଶକ୍ରମେ ଏହି ନିଯୁକ୍ତି ପ୍ରଦାନ କଯାଇଛି। ଏକ ପ୍ରେସ୍‌ ବାର୍ତ୍ତରାରେ ଶ୍ରୀ ମଙ୍ଗରାଜ କହିଛନ୍ତି, ଦଳୀୟ ନିଷ୍ପତ୍ତି ଅନୁସାରେ ଦୁଇଜଣଙ୍କୁ ତୁରନ୍ତ ଦିଆଯାଇଥିବା ପଦର ଦାୟିତ୍ୱ ନେବେ।

ପର୍ଣ୍ଣୋଗ୍ରାଫି ମାମଲା; ୧୪ ଦିନିଆ ନ୍ୟାୟିକ ହେପାଜତରେ ରାଜ କୁନ୍ଦ୍ରା

ନୂଆଦିଲ୍ଲୀ: ପର୍ଣ୍ଣୋଗ୍ରାଫି ଫିଲ୍ମ ମାମଲାରେ ଦିନକୁ ଦିନ ରାଜ କୁନ୍ଦ୍ରାଙ୍କ ଅଡୁଆ ବଢିବାରେ ଲାଗିଛି। ଏହି ମାମଲାରେ ୧୪ ଦିନ ଯାଏଁ ବଢିଲା କୁନ୍ଦ୍ରାଙ୍କ ବିଚାର ବିଭାଗୀୟ ହେପାଜତ ଅବଧି। ନ୍ୟାୟିକ ହେପାଜତ ବଢ଼ାଇବାକୁ ପୋଲିସ କୋର୍ଟରେ ଆବେଦନ କରିଥିଲା । ଆଜି ରାଜ୍‌ କୁନ୍ଦ୍ରାଙ୍କୁ କୋର୍ଟରେ ହାଜର କରିଥିଲା ପୋଲିସ ।

ସେପେଟେ କୁନ୍ଦ୍ରାଙ୍କ ୪ କର୍ମଚାରୀ କହିଛନ୍ତି ଯେ ବିଭିନ୍ନ କ୍ଲିପକୁ ଡିଲିଟ କରିଦେବା ଲାଗି ତାଙ୍କୁ ନିର୍ଦ୍ଦେଶ ଦିଆଯାଇଥିଲା । ଏହି କ୍ଲିପଗୁଡିକ ହଟସଟସରେ ଲୋଡ କରାଯାଇଥିଲା । ପୋଲିସର ସୂଚନା ଅନୁଯାୟୀ, ଆଣ୍ଡ୍ରଏଡ ଫୋନ ଲାଗି ଗୁଗୁଲ ଆପ ଷ୍ଟୋରରୁ ଏବଂ ଆପଲର ଆପ୍ ଷ୍ଟୋରରୁ ହଟସଟସ ଆପକୁ ବାହାର କରି ଦିଆଯାଇଥିଲା। ଏହା ବଦଳରେ ବଲିଫେମ ଆପ୍ ଆରମ୍ଭ ହୋଇଥିଲା । ଗିରଫ ପରେ ପରେ ରେକର୍ଡରୁ ଅନେକ ଡାଟା ଡିଲିଟ କରିଦିଆଯାଇଥିଲା ବୋଲି ପୋଲିସ ତଦନ୍ତରୁ ଜାଣିପାରିଥିଲା ।

ଗୁଇନ୍ଦା ବ୍ୟୁରୋର ଜଣେ ଅଧିକାରୀ କହିଛନ୍ତି, ଏହି ଘଟଣାରେ ୟଶ ଠାକୁର ନାମକ ଅନ୍ୟ ଜଣେ ବ୍ୟକ୍ତିଙ୍କ ମଧ୍ୟ ସମ୍ପୃକ୍ତି ରହିଛି । ତେଣେ କାନପୁରରେ ଥିବା ରାଜ କୁନ୍ଦ୍ରା ଓ ପତ୍ନୀ ଶିଳ୍ପା ସେଟ୍ଟୀଙ୍କ ନାଁରେ ଥିବା ଆକାଉଣ୍ଟକୁ ସିଜ୍ କରିବା ଲାଗି ଷ୍ଟେଟ ବ୍ୟାଙ୍କ ଅଫ ଇଣ୍ଡିଆକୁ ନିର୍ଦ୍ଦେଶ ଦେଇଛି କ୍ରାଇମବ୍ରାଞ୍ଚ । ଏହି ଆକାଉଣ୍ଟରେ କୋଟି କୋଟି ଟଙ୍କା ଜମା ଥିବା ପୋଲିସ ଜାଣିବାକୁ ପାଇଛି ।

 

ରାଜ କୁନ୍ଦ୍ରାଙ୍କ ପ୍ରଡକ୍ସନ କମ୍ପାନୀକୁ ଅରବିନ୍ଦ ଶ୍ରୀବାସ୍ତବ ଚଳାଉଥିଲେ ଏବଂ ତାଙ୍କ ପତ୍ନୀ ହର୍ଷିତାଙ୍କ ଆକାଉଣ୍ଟକୁ ଟଙ୍କା ଟ୍ରାନ୍ସଫର ହେଉଥିଲା ବୋଲି  ତଦନ୍ତରୁ ସ୍ପଷ୍ଟ ହୋଇଛି। ସେପଟେ ଏହି ମାମଲାରେ ସମନ ପାଇଥିବା ଅଭିନେତ୍ରୀ ଶରଲିନ ଚୋପ୍ରା ଆଗୁଆ ଜାମିନ ଲାଗି ବମ୍ବେ ହାଇକୋର୍ଟର ଦ୍ୱାରସ୍ଥ ହୋଇଥିବା ଜଣାପଡିଛି।

ମାଛ ଧରୁ ଧରୁ ଜାଲରେ ପଡ଼ିଲା ବିଶାଳ ଅଜଗର

ପୁରୀ: ମାଛ ଜାଲରେ ପଡିଲା ଅଜଗର। ଉଦ୍ଧାର କଲା ସ୍ନେକ ହେଲ୍ପ ଲାଇନ। ପୁରୀ ଜିଲ୍ଲା ଚନ୍ଦନପୁର କେରାଣ୍ଡିପୁର ପଞ୍ଚାୟତର ବୈରାଗୀ ଗୋରଡ଼ା ଗ୍ରାମରେ ଜଣେ ବ୍ୟକ୍ତି ବିଲରେ ମାଛ ଧରିବା ପାଇଁ ଜାଲ ବସାଇ ଥିଲେ। ଆଜି ସକାଳୁ ମାଛ ପଡିଛନ୍ତି କି ନାହିଁ ଦେଖିବାକୁ ଯାଇ ଏକ ବଡ଼ ଅଜଗର ସାପ ଫାଶୀ ଜାଲରେ ପଡିଥିବା ଦେଖି ଜାଲ ସହ ସାପକୁ ଟାଣି ଗାଁକୁ ନେଇ ଆସିଥିଲେ। ସ୍ନେକ ହେଲ୍ପ ଲାଇନ ସଦସ୍ୟ ପହଞ୍ଚି ସାପଟିକୁ ବର୍ମିଜ ଅଜଗର ବୋଲି ଚିହ୍ନଟ କରିଥିଲେ। ସ୍ଥାନୀୟ ଗ୍ରାମବାସୀଙ୍କ ସହାୟତାରେ ଜାଲକୁ କାଟି ସାପକୁ ମୁକ୍ତ କରିଥିଲେ। ପ୍ରାୟ ୮ ଫୁଟ ଲମ୍ବର ଏଇ ବର୍ମିଜ ଅଜଗରଟିକୁ ପୁରୀ ବନ୍ୟପ୍ରାଣୀ ରେଞ୍ଜ ଅଧିକାରୀଙ୍କୁ ହସ୍ତାନ୍ତର କରି ଦିଆଯାଇଛି। ପ୍ରାଣୀ ଚିକିତ୍ସକଙ୍କ ଦ୍ୱାରା ଅଜଗରଟିର ସ୍ୱାସ୍ଥ୍ୟ ପରୀକ୍ଷା କରି ଆଜି ରାତିରେ ଅଜଗରକୁ ଅନ୍ୟ ଏକ ପ୍ରାକୃତିକ ଆବାସ ସ୍ଥଳୀରେ ଛଡ଼ାଯିବ।

ବିଜୟ ମାଲ୍ୟାଙ୍କୁ ଦେବାଳିଆ ଘୋଷଣା କଲେ ବ୍ରିଟେନର ଏକ କୋର୍ଟ

ଲଣ୍ଡନ: କିଙ୍ଗଫିସର ଏୟାରଲାଇନ୍ସ ମାଲିକ ବିଜୟ ମାଲ୍ୟାଙ୍କୁ ଦେବାଳିଆ ଘୋଷଣା କରିଛି ବ୍ରିଟେନର ଏକ କୋର୍ଟ। ବ୍ରିଟେନର ଚିଫ ଇନସଲଭେନ୍ସି ଆଣ୍ଡ କମ୍ପାନୀଜ କୋର୍ଟ ବା ଆଇସିସିର ବିଚାରପତି ମାଇକେଲ ବ୍ରିଗସ ଏହି ଘୋଷଣା କରିଛନ୍ତି।

ଲଣ୍ଡନରେ ହାଇକୋର୍ଟରେ ଚାନସେରୀ ଡିଭିଜନର ଭର୍ଚୁଆଲ ଶୁଣାଣିରେ ଏହି ଆଦେଶ ଶୁଣାଇଛନ୍ତି ବିଚାରପତି । ଭାରତୀୟ ବ୍ୟାଙ୍କଗୁଡିକ ସପକ୍ଷରେ ଏହି ରାୟ ପ୍ରଦାନ କରିବା ଲାଗି କୋର୍ଟ ନିକଟରେ ଆବେଦନ କରିଥିଲା ଟିଏଲଟି ଏଲଏଲପି ଫାର୍ମ ଓ ବାରିଷ୍ଟର ମାର୍ସିଆ ସେକର୍ଡେମିଆନ । ୬୫ ବର୍ଷ ବୟସ୍କ ମାଲ୍ୟା ଦୀର୍ଘଦିନ ଧରି ଜାମିନରେ ରହିଛନ୍ତି ।

କୋର୍ଟଙ୍କ ଏହି ଘୋଷଣା ପରେ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଦ୍ୱାରା ପରିଚାଳିତ ଭାରତୀୟ ବ୍ୟାଙ୍କଗୁଡିକର ଏକ କନସର୍ଟିୟମ୍ ପାଇଁ କିଙ୍ଗଫିସରର ଋଣ ପରିଶୋଧ ଲାଗି ବାଟ ଫିଟିଛି। ସେପଟେ ମାଲ୍ୟା କହିଛନ୍ତି ତାଙ୍କର ମୋଟ ଋଣ ପରିମାଣ ୬ ହଜାର ୨୦୦ କୋଟି ଥିବାବେଳେ ପ୍ରବର୍ତ୍ତନ ନିର୍ଦ୍ଦେଶାଳୟ ୧୪ ହଜାର କୋଟି ଟଙ୍କାର ସମ୍ପତ୍ତି ଜବତ କରିଛି।

ପରିସ୍ଥିତି ଏହିଭଳି ଭାବରେ ସୁଧୁରିଲେ ଆଗକୁ ହୋଇପାରେ ସମ୍ପୂର୍ଣ୍ଣ ଅନ୍‌ଲକ୍‌

ଭୁବନେଶ୍ୱର: ରାଜ୍ୟରେ ସଂକ୍ରମଣ ତଳ ଉପର ହେଉଛି। ଯେଉଁଠି ମାମଲା ଅଧିକ ରହୁଛି ସେସବୁ ସ୍ଥାନ ଉପରେ ଅଧିକ ଫୋକସ ଦିଆଯାଉଛି। ଭୁବନେଶ୍ୱରରେ ଲୋକଙ୍କ ଯାତାୟାତ ଅଧିକ ରହୁଥିବାରୁ ଏଠାରେ ସଂକ୍ରମଣ ଅଧିକ ରହୁଛି। ତେଣୁ ଭୁବନେଶ୍ୱରରେ ସର୍ଭେଲାନ୍ସ ବଢ଼ାଯାଇଛି ବୋଲି କହିଛନ୍ତି ଡିଏମଇଟି ସିବିକେ ମହାନ୍ତି। ସେହିପରି ଆବଶ୍ୟକ ପଡ଼ିଲେ ସମ୍ପୂର୍ଣ୍ଣ ଅନଲକ କରାଯିବ। ଯଦି ସେମିତି ଆବଶ୍ୟକ ନ ହୁଏ ତେବେ ଅନଲକ ହେବ ନାହିଁ। ପରିସ୍ଥିତିକୁ ଆକଳନ କରି ନିଷ୍ପତ୍ତି ନିଆଯିବ। ତରବରିଆ ନିଷ୍ପତ୍ତି ନେଲେ ବିପଦ ସୃଷ୍ଟି ହେବାର ଆଶଙ୍କା ରହିଛି ବୋଲି ସେ କହିଛନ୍ତି। ଏହାସହ ମେଡ଼ିକାଲ କଲେଜକୁ ଖୋଲିବା ପାଇଁ ରାଜ୍ୟ ସରକାରଙ୍କୁ ପ୍ରସ୍ତାବ ଦେଇଛି ସ୍ୱାସ୍ଥ୍ୟ ବିଭାଗ।