spot_img
Home Blog Page 5530

ରାଉରକେଲାରୁ ରାଜ୍ୟ ବାହାରେ ବିକ୍ରି ହେଉଥିଲା, ଶିଶୁ କନ୍ୟା ବାବଦକୁ ୮୦ ହଜାର ଓ ଶିଶୁପୁତ୍ରକୁ ୪ ଲକ୍ଷ ଟଙ୍କା

ରାଉରକେଲାରେ ଶିଶୁ ବିକ୍ରି କରୁଥିବା ରାକେଟର ସାତ ଜଣ ଗିରଫ  ।  ଗରିବ ଓ ଅସହାୟ ମହିଳାଙ୍କୁ ଅର୍ଥ ଲୋଭ ଦେଖାଇ ଶିଶୁ କିଣିନେଵା ପରେ ଶିଶୁଙ୍କୁ ଲକ୍ଷାଧିକ ଟଙ୍କାରେ ରାଜ୍ୟ  ବାହାରେ ବିକ୍ରି କରୁଥିଲେ ଅଭିଯୁକ୍ତ  । ଶିଶୁ କନ୍ୟାକୁ ୪୦ ହଜାରରୁ ୮୦  ହଜାର ଟଙ୍କା ଓ  ଶିଶୁ ପୁତ୍ରକୁ ତିନି ଲଷରୁ ୪ ଲଷ ଟଙ୍କାରେ କିଣି ବିକ୍ରି କରୁଥିଲେ ରାକେଟ ସଦସ୍ୟ ।  ରାକେଟର ଅନ୍ୟ ଫେରାର ସଦସ୍ୟଙ୍କୁ ଗିରଫ କରିବା ପାଇଁ ପୋଲିସ ପକ୍ଷରୁ ଉଦ୍ୟମ ଆରମ୍ଭ  ହୋଇଛି ।

ପୁଅ ପାଇଁ ୪ଲକ୍ଷ, ଝିଅ ପାଇଁ ୮୦ ହଜାର। ପିଲା ବିକ୍ରି ପାଇଁ ବେଧଡ଼କ ବାର୍ଗେନିଂ । ପିଲାଙ୍କ ବୋଲି ଲଗାଉଛନ୍ତି ବେପାରୀ । ଟାର୍ଗେଟ୍‌ରେ ବସ୍ତି ଅଞ୍ଚଳର ଗରିବ ପରିବାର । ଡିଲ୍‌ ଫାଇନାଲ୍‌ ପରେ ଶିଶୁଙ୍କୁ ଠିକଣାସ୍ଥଳରେ ପହଞ୍ଚାଉଥିଲେ ଦଲାଲ୍‌। ଲକ୍‌ଡାଉନ୍‌ରେ ରାଉରକେଲା ସହର ଛାତି ଉପରେ ଏମିତି ଚାଲିଥିଲା ଶିଶୁ ବିକ୍ରି ରାକେଟ୍‌। ନା ଆଇନକୁ ଡର ନା ପୋଲିସକୁ ଭୟ । ବେଧଡ଼କ୍‌ ଚାଲିଥିଲା ଶିଶୁ ବିକ୍ରି ରାକେଟ୍‌ । ଗ୍ୟାଙ୍ଗର ୭ଜଣଙ୍କୁ ଗିରଫ କରିଛି ପୋଲିସ । ଟିମ୍ଵର କଲୋନୀର ସୀମା ଖୁଣ୍ଟିଆ ନାମକ ଜଣେ ଗରିଵ ମହିଳାଙ୍କୁ ଶିଶୁ କନ୍ୟା ଯୋଗାଡ଼ କରିବାକୁ କହିଥିଲେ ରାକେଟ୍ ଦୁଇ ସଦସ୍ୟା। ଶୁଣନ୍ତୁ , କେମିତି ହୋଇଥିଲା ଡିଲ୍‌ । ସନ୍ଦେହ ହେବାରୁ ସୀମା ଏନେଇ ପ୍ଲାଣ୍ଟ ସାଇଟ୍ ଥାନା ପୋଲିସକୁ ଜଣାଇଥିଲେ। ଆଉ ସୂଚନା ଆଧାରରେ ଶିଶୁ ବିକ୍ରି ରାକେଟର ପର୍ଦ୍ଦାଫାସ କରିଛି ପୋଲିସ ।

ଗିରଫ ହୋଇଥିବା ଅଭିଯୁକ୍ତମାନେ ହେଲେ ସୀମା ଅଗ୍ରୱାଲ, ସରୀତା ଅଗ୍ରୱାଲ, ନିତା ଅଗ୍ରୱାଲ, ଆଶା ଦେଵୀ, ଶିଲା ଗୁପ୍ତି, ନିଖିଲ ଅଗ୍ରୱାଲ ଓ ସୁନିଲ ଅଗ୍ରୱାଲ  । ରାକେଟରେ ସମ୍ପୃକ୍ତ ଅନ୍ୟ ଜଣେ ମହିଳା ଫେରାର ହୋଇଯାଇଛନ୍ତି। ତେବେ ଅଭିଯୁକ୍ତମାନେ ପୁର୍ଵରୁ ଦୁଇଜଣ ଶିଶୁଙ୍କୁ ଝାଡ଼ଖଣ୍ଡ ଓ ରାୟଗଡ଼ାରେ ବିକ୍ରି କରିଥିବା ପୋଲିସ କହିଛି । କିଭଳି ଚାଲୁଥିଲା ଶିଶୁ ବିକ୍ରି ରାକେଟ୍ ? କିଏ ଏହାର କିଙ୍ଗପିଙ୍ଗ ? ରାକେଟରେ କେତେଜଣ ସଦସ୍ୟ ରହିଛନ୍ତି ? କେତେବାଟ ଲମ୍ବିଛି ଚେର ? ଏ ସମସ୍ତ ଦିଗ ନେଇ ତନାଘନା କରୁଛି ରାଉରକେଲା ପୋଲିସ  ।

ଏଥିସହିତ ପଢ଼ନ୍ତୁ: କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ହେଲେ ବାସବରାଜ ବୋମାଇ

କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ହେଲେ ବାସବରାଜ ବୋମାଇ

ବେଙ୍ଗାଲୁରୁ: କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ହୋଇଛନ୍ତି ବାସବରାଜ ବୋମାଇ। ସେ ହେଉଛନ୍ତି କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ଏସ.ଆର. ବୋମାଇଙ୍କ ପୁତ୍ର ।

କର୍ଣ୍ଣାଟକ ରାଜନୀତିରେ ୟେଦ୍ୟୁରପ୍ପା ଶାସନର ପତନ ପରେ ପରବର୍ତ୍ତୀ ମୁଖ୍ୟମନ୍ତ୍ରୀ କିଏ ହେବେ ତାହାକୁ ନେଇ ଜାରି ରହିଥିଲା ଚର୍ଚ୍ଚା । ନୂଆ ମୁଖ୍ୟମନ୍ତ୍ରୀ ବାଛିବା ଲାଗି ପର୍ଯ୍ୟବେକ୍ଷକ ଭାବେ ନିଯୁକ୍ତ ହୋଇଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, କେନ୍ଦ୍ରମନ୍ତ୍ରୀ ଜି. କିଷାନ ରେଡ୍ଡୀ ଓ ବିଜେପି ଜାତୀୟ ସାଧାରଣ ସମ୍ପାଦକ ତଥା କର୍ଣ୍ଣାଟକ ପ୍ରଭାରୀ ଅରୁଣ ସିଂ।

ସୂଚନା ଅନୁଯାୟୀ, ବାସବରାଜ କର୍ଣ୍ଣାଟକ ରାଜନୀତିର ଜଣେ ବଳିଷ୍ଠ ରାଜନୀତିଜ୍ଞ । ସେ ବର୍ତ୍ତମାନ ଗୃହ ବ୍ୟାପାର, ଆଇନ, ସଂସଦୀୟ ବ୍ୟାପାର ମନ୍ତ୍ରୀ ଅଛନ୍ତି । ଜାନୁଆରୀ ୧୯୬୦ରେ ଲିଙ୍ଗାୟତ ପରିବାରରେ ଜନ୍ମ ଗ୍ରହଣ କରିଥିଲେ ବାସବରାଜ। ପୂର୍ବରୁ ସେ ଜଳସମ୍ପଦ ଓ ସମବାୟ ମନ୍ତ୍ରୀ ରହିଥିଲେ । ମେକାନିକାଲ ଇଞ୍ଜିନିୟର ଥିବା ବୋମାଇ ପୂର୍ବରୁ ସଂଯୁକ୍ତ ଜନତା ଦଳ ସହ ଥିଲେ । ୧୯୯୮ରୁ ୨୦୦୪ ଯାଏଁ ସେ କର୍ଣ୍ଣାଟକ ବିଧାନସଭା ପରିଷଦର ସଦସ୍ୟ ଭାବେ ନିର୍ବାଚିତ ହୋଇଥିଲେ। ପରେ ସେ ୨୦୦୮ରେ ବିଜେପିରେ ସାମିଲ ହୋଇଥିଲେ। ସେହି ବର୍ଷ ସେ ସିଗାଓଁ ଆସନରୁ ବିଧାନସଭାକୁ ନିର୍ବାଚିତ ହୋଇଥିଲେ।

ଅଧିକ ପଢନ୍ତୁ- ୟେଦିୟୁରପ୍ପାଙ୍କ ପରେ କିଏ ହେବ କର୍ଣ୍ଣାଟକ ମୁଖ୍ୟମନ୍ତ୍ରୀ ?

ଅନେକ ଜନକଲ୍ୟାଣକାରୀ ଯୋଜନା, ଜଳସେଚନ ଯୋଜନା କରି ସେ ଲୋକପ୍ରିୟତା ହାସଲ କରିଛନ୍ତି । ନିଜ ନିର୍ବାଚନ ମଣ୍ଡଳୀରେ ୧୦୦ ପ୍ରତିଶତ ପାଇପ ଜଳ ଜଳସେଚନ ବ୍ୟବସ୍ଥା କରି ଦେଶରେ ଚର୍ଚ୍ଚାର କାରଣ ପାଲଟିଥିଲେ।

 

ମାଷ୍ଟର କ୍ୟାଣ୍ଟିନ୍‌ରୁ ଉଠିଲା ମାଇଷ୍ଟ ମାଇଣ୍ଡର ଉଠା ଦୋକାନ: ତଡ଼ିପାର କରିବାକୁ ପୋଲିସ କମିଶନରଙ୍କୁ ସୁପାରିସ୍

ଭୁବନେଶ୍ୱର: ଆକ୍ସନ ପରେ ରିଆକ୍ସନ। ମାଷ୍ଟର କ୍ୟାଣ୍ଟିନରେ ବୁଲିଲା କ୍ରେନ। ଉଠିଲା ମାଷ୍ଟର ମାଇଣ୍ଡର ଉଠା ଦୋକାନ । ଆତଙ୍କ ରଚୁଥିବା ଅଭିଯୁକ୍ତମାନଙ୍କୁ ତଡ଼ିପାର କରିବାକୁ ପୋଲିସ କମିଶନରଙ୍କୁ ସୁପାରିସ । ସୋମବାର ଷ୍ଟେସନ ଛକରେ ରକ୍ତପାତ ଘଟାଇଥିବା ମୁଖ୍ୟ ଅଭିଯୁକ୍ତ ରାଜା ବେହେରା ଦୋକାନକୁ ଉଠେଇ ନେଇଛି କ୍ୟାପିଟାଲ ଥାନା ପୋଲିସ । ରାଜା ଦୋକାନରେ ନିଶା କାରବାର କରିବା ସହ କିଛି ନିସାଡି ଯୁବକଙ୍କୁ ନେଇ ଖଟି କରୁ ଥିବା ଅଭିଯୋଗ ହୋଇଥିଲା । ଯାହାକୁ ନେଇ  ଅପ୍ରୀତିକର ପରିସ୍ଥିତି ସୃଷ୍ଟି ହେଉଥିଲା । ଆଗକୁ ଏଭିଳି ଅସମାଜିକ ପରିସ୍ଥିତି ସୃଷ୍ଟି ଆଶଙ୍କାରେ ପୋଲିସ ଆକ୍ସନ ମୋଡ଼କୁ ଆସିଛି । ରାଜାର ଠେଲା ଦୋକାନ, ନିଶା ଦ୍ରବ୍ୟ ଓ ୨ଟି ବାଇକ ଜବତ କରିଛି। । କିଛିଦିନ ତଳେ ଛକ ଉପରେ  ସେକ ସାହିଦ ଓ ରାଜା ମଧ୍ୟରେ ଗଣ୍ଡଗୋଳ ହୋଇଥିଲା  । ଗତକାଲି ପ୍ରତିଶୋଧ ନେବାକୁ ଯାଇ ମୁଖ୍ୟ ଅଭିଯୁକ୍ତ ରାଜା ଦାଶ ପନ୍ଦର ଜଣକୁ ନେଇ ସାହିଦକୁ ଆକ୍ରମଣ କରିଥିଲା ।

ମାଷ୍ଟରକ୍ୟାଣ୍ଟିନ ଦୁଇ ଗୋଷ୍ଠିଙ୍କ ମଧରେ ମାରପିଟ ଘଟଣା ପରେ ଅଭ୍ୟାସ ଗତ ପେଶାଦାର ଅପରାଧୀଙ୍କୁ ତଡ଼ିପାର କରିବା ପାଇଁ ସିପିଙ୍କୁ  ସୁପାରିସ୍ କରିଛନ୍ତି ଡିସିପି । ପୂର୍ବରୁ ନୟାପଲ୍ଲୀ ଓ ସିଆରପି ସମେତ ବିଭିନ୍ନ ସ୍ଥାନର ଅଭ୍ୟାସ ଗତ ଅପରାଧୀଙ୍କ ତାଲିକା ପ୍ରସ୍ତୁତ କରୁଛି ପୋଲିସ।  ଆହତ ସେକ ସାହିଦ ବିରୋଧରେ ୬ଟି ମାମଲା ରହିଛି ।  ଗତ ବର୍ଷ ଭୁବନେଶ୍ୱରରେ ଦାଦାଵଟି , ହଣକଟା, ମାରପିଟ ମାମଲାରେ ୧୬ ଜଣକ ବିରୋଧରେ ଏନଏସଏ ଲଗାଇଥିଲା ପୋଲିସ ।

ମୁଖ୍ୟ ଅଭିଯୁକ୍ତ ରାଜା ସମେତ ୨ଜଣକୁକୁ କୋର୍ଟ ଚାଲାଣ କରାଯାଇଛି । ୧୦ରୁ ଅଧିକ ଅଭିଯୁକ୍ତ ଏବେ ବି ଫେରାର ଅଛନ୍ତି । ଅନ୍ୟ ପଟେ ୪ଜଣ ଗୁରୁତର ଅବସ୍ଥାରେ ହସ୍ପିଟାଲ ରେ ଚିକିତ୍ସିତ ହେଉଛନ୍ତି । ଖାରବେଳନଗର, କ୍ୟାପିଟାଲ ଓ ରେଳବାଇ ଭଳି ତିନି ତିନୋଟି ଥାନା ଥିଲେ ମଧ୍ୟ ଏଭଳି ଘଟଣା ଘଟିବା ପୋଲିସର କାର୍ଯ୍ୟଦକ୍ଷତାକୁ ନେଇ ଉଠାଇଛି ପ୍ରଶ୍ନ  ।

ଏଥିସହିତ ପଢ଼ନ୍ତୁ: ଉତ୍ତର ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ: ୧୨ ଜିଲ୍ଲାକୁ ୟେଲୋ ଆଲର୍ଟ ଜାରି କଲା ପାଣିପାଗ ବିଭାଗ

ୟୁନେସ୍କୋର ୱାଲ୍ଡ ହେରିଟେଜ ଲିଷ୍ଟରେ ହଡପ୍ପା ଯୁଗର ସହର

ନୂଆଦିଲ୍ଲୀ: ଗୁଜୁରାଟର ହରପ୍ପା ଯୁଗର ସହର ଧୋଲାଭିରା ୟୁନେସ୍କୋର ୱାଲ୍ଡ ହେରିଟେଜ ତାଲିକାରେ ସ୍ଥାନ ପାଇଛି। ମିଳିତ ଜାତିସଂଘ ସଂଗଠନ ମଙ୍ଗଳବାର ଦିନ ଏହି ସୂଚନା ଦେଇଛି। ମିଳିତ ଜାତିସଂଘର ଶିକ୍ଷା, ବୖେଜ୍ଞାନିକ ଏବଂ ସାଂସ୍କୃତିକ ସଂଗଠନ (ୟୁନେସ୍କୋ) ଟ୍ୱିଟ୍ କରି ଏହି ସୂଚନା ଦେଇଛନ୍ତି। ଏପର୍ଯ୍ୟନ୍ତ ଭାରତର ମୋଟ ୪୦ଟି ସ୍ଥାନ ବିଶ୍ୱ ଐତିହ୍ୟରେ ସାମିଲ ହୋଇଛି।

ୟୁନେସ୍କୋର ଟୁଇଟ୍ ଅନୁଯାୟୀ, ‘‘ଧୋଲାଭିରା: ଭାରତର ଏକ ହରପ୍ପା ସହର ବିଶ୍ୱ ଐତିହ୍ୟ ତାଲିକାରେ ଯୋଡି ହୋଇଛି। ଅଭିନନ୍ଦନ! ‘ ଗୁଜୁରାଟର ପାଭଗଡ ନିକଟ ଚମ୍ପାନର୍, ପାଟନର ରାନୀ କି ଭାଭ୍ ଏବଂ ଅହମ୍ମଦାବାଦ ଭଳି ତିନୋଟି ସହର ବିଶ୍ୱ ଐତିହ୍ୟ ସ୍ଥଳରେ ସାମିଲ ହୋଇଛି ।

ବିଶ୍ୱ ଐତିହ୍ୟ କମିଟିର ଏହି ଅଧିବେଶନ ଅନଲାଇନରେ ଚୀନ୍‌ର ଫୁଜୋରେ କରାଯାଉଛି। ଏହା ଜୁଲାଇ ୧୬ରେ ଆରମ୍ଭ ହୋଇଥିଲା ବେଳେ ଜୁଲାଇ ୩୧ରେ ଶେଷ ହେବାକୁ ଯାଉଛି । ଏନେଇ ସଂସ୍କୃତି ମନ୍ତ୍ରୀ ଜି କିଶନ ରେଡ୍ଡୀ ଟୁଇଟ କରି ଖୁସିବ୍ୟକ୍ତ କରିଥିବା ବେଳେ ପ୍ରଧାନମନ୍ତ୍ରୀ ମଧ୍ୟ ଅଭିନନ୍ଦନ ଜଣାଇଛନ୍ତି । ପାଠ ପଢୁଥିବା ସମୟରେ ସେ ପ୍ରଥମ ଥର ପାଇଁ ଧୋଲାଭିରା ଯାଇଥିଲେ। ପରେ ଗୁଜୁରାଟର ମୁଖ୍ୟମନ୍ତ୍ରୀ ଭାବେ ସେ ଧୋଲାଭିରାର ସଂରକ୍ଷଣ ପାଇଁ ବହୁ କାମ କରିଥିଲେ ।

କିଛି ଦିନ ପୂର୍ବେ ୟୁନେସ୍କୋ ତେଲେଙ୍ଗାନାର ୱାରଙ୍ଗଲର ପାଲମ୍ପେଟରେ ଥିବା ରାମପ୍ପା ମନ୍ଦିରକୁ ବିଶ୍ୱ ଐତିହ୍ୟ ସ୍ଥଳ ଭାବରେ ସ୍ୱୀକୃତି ଦେଇଥିଲା। ରାମପ୍ପା ମନ୍ଦିର ୧୩ତମ ଶତାବ୍ଦୀରେ ନିର୍ମିତ ହୋଇଥିଲା ବେଳେ ଏହା ସ୍ଥାପତ୍ୟ ରାମପ୍ପାଙ୍କ ନାମରେ ନାମିତ ହୋଇଥିଲା । ୨୦୧୯ ପାଇଁ ସରକାରଙ୍କ ପକ୍ଷରୁ ଏହାକୁ ବିଶ୍ୱ ଐତିହ୍ୟ ସ୍ଥଳ ଭାବରେ ମାନ୍ୟତା ପାଇଁ ୟୁନେସ୍କୋକୁ ପ୍ରସ୍ତାବ ଦିଆଯାଇଥିଲା।

ଭାରସାମ୍ୟ ହରାଇ ତାଳ ଗଛରେ ପିଟିହେଲା କାର୍‌: ମା’ ସମେତ ୨ କୁନି ଝିଅ ମୃତ

କଳାହାଣ୍ଡି: କେସିଙ୍ଗା ଥାନା ଏନଏଚ୍-୨୬ ଚାଞ୍ଚେର ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଦୁର୍ଘଟଣାସ୍ଥଳରେ ମା’ ଓ ଦୁଇ ଛୁଆଙ୍କର ମୃତ୍ୟୁ ଘଟିଛି । ଗୁରୁତର ଅବସ୍ଥାରେ ବାପାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଭବାନୀପାଟଣାରୁ ଟିଟିଲାଗଡ଼ ଘରକୁ କାରରେ ଫେରୁଥିବା ସମୟରେ ଭାରସାମ୍ୟ ହରାଇ ତାଳ ଗଛରେ ପିଟି ହୋଇଥିଲା କାର । ଫଳରେ ଗୋଟିଏ ପରିବାରର ଦୁଇ କୁନି ଝିଅ ଓ ମା’ଙ୍କ ମୃତ୍ୟୁ ହୋଇଛି । ଖବର ପାଇ କେସିଙ୍ଗା ପୋଲିସ ତଦନ୍ତ ଆରମ୍ଭ କରିଛି ।

ଏଥିସହିତ ପଢ଼ନ୍ତୁ: ଉତ୍ତର ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ: ୧୨ ଜିଲ୍ଲାକୁ ୟେଲୋ ଆଲର୍ଟ ଜାରି କଲା ପାଣିପାଗ ବିଭାଗ

ପ୍ରଧାନମନ୍ତ୍ରୀଙ୍କୁ ଅନୁରୋଧ କଲେ ମମତା; ଡକାଯାଉ ପେଗାସସ୍ ଉପରେ ସର୍ବଦଳୀୟ ସମ୍ମିଳନୀ

ନୂଆଦିଲ୍ଲୀ: ନୂଆଦିଲ୍ଲୀରେ ତୃଣମୂଳ କଂଗ୍ରେସ ମୁଖ୍ୟ ତଥା ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ମଙ୍ଗଳବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି। ପେଗାସସ୍ ପ୍ରସଙ୍ଗରେ ପ୍ରଧାନମନ୍ତ୍ରୀ ଏକ ସର୍ବଦଳୀୟ ବୖେଠକ ଡାକନ୍ତୁ ବୋଲି ମମତା ବାନାର୍ଜୀ ପ୍ରଧାନମନ୍ତ୍ରୀଙ୍କୁ ଅନୁରୋଧ କରିଛନ୍ତି ।

ଏହି ଘଟଣାର ତଦନ୍ତ ହେବା ଉଚିତ୍ ବୋଲି ସେ ପ୍ରଧାନମନ୍ତ୍ରୀଙ୍କ ନିକଟରେ ଦାବି କରିଛନ୍ତି । ଏଥିସହିତ ଦୁଇ ନେତାଙ୍କ ମଧ୍ୟରେ ସୌଜନ୍ୟମୂଳକ ସାକ୍ଷାତକାର ହୋଇଥିବା ନେଇ ଦିଦି କହିଛନ୍ତି । ସାକ୍ଷାତକାର ପରେ ଦିଦି ଆହୁରି ମଧ୍ୟ କହିଛନ୍ତି ଯେ, ‘‘ମୁଁ ପ୍ରଧାନମନ୍ତ୍ରୀଙ୍କୁ ଭେଟିଥିଲି, ଏହା ଏକ ସୌଜନ୍ୟମୂଳକ ସାକ୍ଷାତକାର। ଏହି ସମୟରେ ଆମକୁ ଅଧିକ ଟିକା ମିଳିବା ନେଇ ପ୍ରଧାନମନ୍ତ୍ରୀଙ୍କ ସହ କଥା ହୋଇଥିଲୁ। ଜନସଂଖ୍ୟା ଦୃଷ୍ଟିରୁ ଆମ ରାଜ୍ୟ ଅନ୍ୟ ରାଜ୍ୟ ତୁଳନାରେ ବହୁତ କମ୍ ଟିକା ପାଇଛି। ତେଣୁ ଜନସଂଖ୍ୟା ଅନୁଯାୟୀ ରାଜ୍ୟକୁ ଅଧିକ କୋଭିଡ ଟିକା ଯୋଗାଇବା ପାଇଁ ପ୍ରଧାନମନ୍ତ୍ରୀଙ୍କୁ ନିବେଦନ କରାଯାଇଛି ।

ଅନ୍ୟପକ୍ଷରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ବୈଠକ ନେଇ ମଧ୍ୟ ଟୁଇଟ୍ କରାଯାଇଛି ।

ତେବେ ପ୍ରଧାନମନ୍ତ୍ରୀଙ୍କୁ ଭେଟିବା ପୂର୍ବରୁ ମମତା ବାନାର୍ଜୀ କଂଗ୍ରେସର ବରିଷ୍ଠ ନେତା କମଲ ନାଥ ଏବଂ ଆନନ୍ଦ ଶର୍ମାଙ୍କୁ ଭେଟିଥିଲେ। ଅନେକ ପ୍ରସଙ୍ଗରେ ଉଭୟ ନେତାଙ୍କ ସହ ଆଲୋଚନା ହୋଇଥିବା ଜଣାପଡିଛି । ଆସନ୍ତାକାଲି ଦିନ ୧୦ଟା ବେଳେ ମମତା ବାନାର୍ଜୀ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧିଙ୍କୁ ଭେଟିବାର କାର୍ଯ୍ୟକ୍ରମ ରହିଛି ।

 

ଉତ୍ତର ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ: ୧୨ ଜିଲ୍ଲାକୁ ୟେଲୋ ଆଲର୍ଟ ଜାରି କଲା ପାଣିପାଗ ବିଭାଗ

ଭୁବନେଶ୍ୱର: ଉତ୍ତର ବଙ୍ଗୋପସାଗର ଓ ଏହାର ଆଖପାଖ ଅଞ୍ଚଳରେ ସୃଷ୍ଟି ହେଲା ଲଘୁଚାପ  । ଏହାର ପ୍ରଭାବରେ ଆସନ୍ତା ୫ଦିନ ପର୍ଯ୍ୟନ୍ତ ସାରା ରାଜ୍ୟରେ ବର୍ଷା ଲାଗି ରହିବ । ରାଜ୍ୟର ଅଧିକାଂଶ ସ୍ଥାନରେ ବର୍ଷାର ପରିମାଣ ବଢିଥିବାବେଳେ ଆଗାମୀ ୨୪ ଘଣ୍ଟା ପାଇଁ ୧୨ ଜିଲ୍ଲାକୁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର  । ଆସନ୍ତା କାଲି ଉତ୍ତର ଓ ଦକ୍ଷିଣ ଓଡ଼ିଶାର ବିଭିନ୍ନ ସ୍ଥାନରେ ବର୍ଷା ହେବାର ସମ୍ଭାବନା ରହିଛି  । ଏଥିପାଇଁ ବରଗଡ଼, ଝାରସୁଗୁଡା, ସୁନ୍ଦରଗଡ, ଦେବଗଡ଼, ବାଲେଶ୍ବର, ଭଦ୍ରକ, କେନ୍ଦୁଝର, ମୟୂରଭଞ୍ଜ, ଯାଜପୁର, କେନ୍ଦ୍ରାପଡା, ଜଗତସିଂହପୁର ଏବଂ କଟକକୁ ସତର୍କତା ଜାରି ହୋଇଛି  । ଆସନ୍ତାକାଲି ୬ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବାର ପୂର୍ବାନୁମାନ କରିଛି ପାଣିପାଗ କେନ୍ଦ୍ର  । ତେବେ ଅଗଷ୍ଟ ୨ତାରିଖ ପର୍ଯ୍ୟନ୍ତ ଉପକୂଳ ଓ ଆଭ୍ୟନ୍ତରୀଣ ଓଡିଶାରେ ପ୍ରବଳ ବର୍ଷା ହେବ  । ଏହାସହିତ ଘଣ୍ଟାପ୍ରତି ୪୦ ରୁ ୫୦ କିମି ବେଗରେ ବହିବ ପବନ  । ୩୦ ତାରିଖ ପର୍ଯ୍ୟନ୍ତ ମତ୍ସ୍ୟଜୀବୀଙ୍କୁ ଗଭୀର ସମୁଦ୍ର ମଧ୍ୟକୁ ଯିବାକୁ ବାରଣ କରାଯାଇଛି  । ଜୁଲାଇ ୨୭ ପର୍ଯ୍ୟନ୍ତ ରାଜ୍ୟରେ ୪୦୨.୧ ମିଲିମିଟର ବର୍ଷା ହୋଇଛି  । କିନ୍ତୁ ଏହି ସମୟରେ ୫୧୧ଦଶମିକ ୬ ପ୍ରତିଶତ ବର୍ଷା ହେବା କଥା  । ରାଜ୍ୟରେ ଏବେ ୧୪ ଜିଲ୍ଲାରେ ସ୍ବାଭାବିକ ବର୍ଷା ହୋଇଥିଲା ବେଳେ ବାକି ଜିଲ୍ଲାରେ ନିଅଣ୍ଟିଆ ବର୍ଷା ହୋଇଛି  ।

ଏଥିସହିତ ପଢ଼ନ୍ତୁ: କୃର୍ଣ୍ଣାଲ ପାଣ୍ଡ୍ୟାଙ୍କୁ କରୋନା: ସ୍ଥଗିତ ହେଲା ଦ୍ୱିତୀୟ ଟି-୨୦

ପର୍ଣ୍ଣ ଇଣ୍ଡଷ୍ଟ୍ରିରୁ ରାଜଙ୍କ ଫ୍ୟୁଚର ପ୍ଲାନ୍, ହାତେଇଥାନ୍ତେ ଏତିକି ପ୍ରଫିଟ୍…

ନୂଆଦିଲ୍ଲୀ: ପର୍ଣ୍ଣୋଗ୍ରାଫି ଫିଲ୍ମ ମାମଲାରେ୧୪ ଦିନ ଯାଏଁ ବଢିଛି ରାଜ କୁନ୍ଦ୍ରାଙ୍କ ବିଚାର ବିଭାଗୀୟ ହେପାଜତ ଅବଧି। ଆଜି ପୋଲିସ ରାଜଙ୍କୁ କୋର୍ଟରେ ହାଜର କରିବା ସହ ନ୍ୟାୟିକ ହେପାଜତ ବଢ଼ାଇବା ନେଇ ଆବେଦନ କରିଥିଲା।

ପର୍ଣ୍ଣ ମାମଲାର ଯାଞ୍ଚ କରୁଛି କ୍ରାଇମବ୍ରାଞ୍ଚ । କ୍ରାଇମବ୍ରାଞ୍ଚ ତରଫରୁ ଏକ ଚାର୍ଜସିଟରେ କୁନ୍ଦ୍ରାଙ୍କୁ ନେଇ ଏକ ପାୱାର ପଏଣ୍ଟ ପ୍ରେଜେଣ୍ଟେସନ୍ ଦାଖଲ କରାଯାଇଥିଲା। ଯେଉଁଥିରେ ବେଲିଫେମ୍ କମ୍ପାନୀରୁ ହେବାକୁ ଥିବା ଲାଭର ସମ୍ପର୍କରେ ଉଲ୍ଲେଖ କରାଯାଇଥିଲା । ସୂଚନା ଅନୁଯାୟୀ, ଆପଲ୍ ଓ ଗୁଗୁଲ୍ ହଟସଟ୍ ଆପକୁ ବନ୍ଦ କରିବା ପରେ ବେଲିଫେମକୁ  ପ୍ଲାନ୍ ବି ସମ୍ପର୍କରେ କହିଥିଲେ  ରାଜ ।

୩ ବର୍ଷରେ ମିଳିଥାନ୍ତା ଏତିକି ପ୍ରଫିଟ୍

କ୍ରାଇମବ୍ରାଞ୍ଚର ପାୱାର ପଏଣ୍ଟ ପ୍ରେଜେଣ୍ଟେସନରେ ଆଗାମୀ ୩ ବର୍ଷର ଲାଭ ସମ୍ପର୍କରେ ଉଲ୍ଲେଖ କରାଯାଇଥିଲା । ରିପୋର୍ଟ ମୁତାବକ ୨୦୨୧-୨୨ରେ ଗ୍ରସ୍ ରେଭେନ୍ୟୁ ୩୬,୫୦,୦୦,୦୦୦ ଟଙ୍କା । ଯେଉଁଥିରେ ପ୍ରଫିଟ୍ ୪,୭୬,୮୫,୦୦୦ ରହିଛି ।  ସେହିପରି ୨୦୨୨-୨୩ରେ ଗ୍ରସ୍ ରେଭେନ୍ୟୁ ୭୩,୦୦,୦୦,୦୦୦ ଟଙ୍କା ବୋଲି ସୂଚନା ମିଳିଛି । ଯେଉଁଥିରେ ପ୍ରଫିଟ୍ ହେବ ୪,୭୬,୮୫ରୁ ଅଧିକ । ଆହୁରି ମଧ୍ୟ ୨୦୨୩-୨୪ରେ ଗ୍ରସ୍ ରେଭେନ୍ୟୁ ୧୪୬,୦୦୦,୦୦୦ ଟଙ୍କା । ଯେଉଁଥିରୁ ପ୍ରଫିଟ୍ ମିଳିଥାନ୍ତି ୩୦,୪୨,୦୧,୪୦୦ ଟଙ୍କା ।

ତେବେ ଚାର୍ଜସିଟରେ ନେଟ୍ ପ୍ରଫିଟ୍ ଓ ଗ୍ରସ୍ ରେଭେନ୍ୟୁର ପ୍ରୋଜେକ୍ସନ୍ ବେଲିଫେମ୍ ପାଇଁ ହେଇଛି କିମ୍ବା ଆଉ କାହା ପାଇଁ । ସେନେଇ କିଛି କୁହାଯାଇନାହିଁ । ଏସବୁ ଦସ୍ତାବେଜ୍ ଉମେଶ କାମତ ଗିରଫ ହେବା ପରେ ମିଳିଥିବା କହିଛନ୍ତି ଜଣେ ଅଧିକାରୀ ।

https://www.instagram.com/p/CRDdqUCDCYw/?utm_source=ig_web_copy_link

ଅପରପକ୍ଷେ ରାଜଙ୍କ ଗିରଫଦାରୀ ପରେ ଏନେଇ ଅଧିକ କ୍ଲାରିଟି ମିଳିବା ଏବଂ ବେଲିଫେମ୍ ସମ୍ପର୍କିତ କନଫ୍ୟୁଜନ୍ ଦୂର କରିବା ନେଇ ଅଧିକ ଯାଞ୍ଚ କରିବୁ ବୋଲି ସମ୍ପୃକ୍ତ ଅଧିକାରୀ ପ୍ରକାଶ କରିଛନ୍ତି ।

 

ଦିଲ୍ଲୀରେ ମୋଦିଙ୍କୁ ଭେଟିଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ

କୋଲକାତା: ଦିଲ୍ଲୀରେ ପହଞ୍ଚିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ। ସେଠାରେ ମୁଖ୍ୟମନ୍ତ୍ରୀ ମମତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଛନ୍ତି । ଦୁଇ ନେତାଙ୍କ ମଧ୍ୟରେ ହୋଇଛି ସୌଜନ୍ୟମୂଳକ ସାକ୍ଷାତକାର।

ସୂଚନା ଅନୁଯାୟୀ, ମୋଦିଙ୍କୁ ଭେଟିବା ପୂର୍ବରୁ ବରିଷ୍ଠ କଂଗ୍ରେସ ନେତା ତଥା ମଧ୍ୟ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲନାଥ ଓ ଆନନ୍ଦ ଶର୍ମାଙ୍କୁ ଭେଟିଥିଲେ ଦିଦି । ଅନେକ ପ୍ରସଙ୍ଗରେ ଉଭୟ ନେତାଙ୍କ ସହ ଆଲୋଚନା ହୋଇଥିବା ଜଣାପଡିଛି । ଖାସ କରି କିଭଳି ଜାତୀୟ ସ୍ତରରେ ଶାସକ ବିଜେପିର ମୁକାବିଲା କରାଯାଇପାରିବ ସେ ନେଇ ଆଲୋଚନା ହୋଇଥିବା ଚର୍ଚ୍ଚା ଜୋର ଧରିଛି ।

ତେବେ ଆସନ୍ତାକାଲି ଦିନ ୧୦ଟା ବେଳେ ମମତା ବାନାର୍ଜୀ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧିଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ଏହାବ୍ୟତୀତ ଦିଦି ଅନେକ ନେତାଙ୍କୁ ଭେଟି ପାରନ୍ତି ବୋଲି ଚର୍ଚ୍ଚା ହେଉଛି । ଅପରପକ୍ଷେ ପଶ୍ଚିମବଙ୍ଗ ବିଜୟ ପରେ ଏହା ମମତାଙ୍କ ପ୍ରଥମ ଦିଲ୍ଲୀ ଗସ୍ତ ବୋଲି ଜଣାପଡିଛି।

 

ଏସିଏଫ୍ ସୌମ୍ୟରଞ୍ଜନଙ୍କ ମୃତ୍ୟୁ ମାମଲାର ସିବିଆଇ ତଦନ୍ତ ଦାବି: ହାଇକୋର୍ଟରେ ପିଟିସନ୍ ଦାଖଲ

କଟକ: ହାଇକୋର୍ଟରେ ପହଞ୍ଚିଲା ଏସିଏଫ୍‌ ସୌମ୍ୟରଞ୍ଜନ ମୃତ୍ୟୁ ମାମଲା । ସିବିଆଇ ତଦନ୍ତ ଦାବିରେ ଭାରତୀୟ ବିକାଶ ପରିଷଦ ପକ୍ଷରୁ ହାଇକୋର୍ଟରେ ପିଟିସନ୍ ଦାଖଲ ହୋଇଛି । ଏହା ଅତ୍ୟନ୍ତ ସମ୍ବେଦନଶୀଳ ମାମଲା । ତେଣୁ ଏହାର ତଦନ୍ତ CBIକୁ ଦେବା ପାଇଁ ହାଇକୋର୍ଟରେ ଦାବି ହୋଇଛି । CBI ନଚେତ୍ ହାଇକୋର୍ଟଙ୍କ ତତ୍ୱାବଧାନରେ ସ୍ୱାଧୀନ କମିଟି ଦ୍ୱାରା ତଦନ୍ତ କରାଇବା ପାଇଁ ଦାବି ହୋଇଛି । ହାଇକୋର୍ଟରେ ଦାଖଲ ରିଟ୍ ପିଟିସନରେ ୬ ଜଣଙ୍କୁ ପକ୍ଷଭୁକ୍ତ କରାଯାଇଛି । କେନ୍ଦ୍ର ଗୃହ ସଚିବ, ରାଜ୍ୟ ମୁଖ୍ୟ ଶାସନ ସଚିବ, ରାଜ୍ୟ ଗୃହ ସଚିବ, ଡିଜିପି , ଗଜପତି ଏସ୍‌ପି ଓ ପାରଳାଖେମୁଣ୍ଡି ଆଇଆଇସିଙ୍କୁ ଏଥିରେ ପକ୍ଷଭୁକ୍ତ କରା ଯାଇଛି । ଡିଏଫଓ, ରୋଷେୟା ଓ ସୌମ୍ୟଙ୍କ ପତ୍ନୀ ବିଦ୍ୟାଭାରତୀଙ୍କ ବିରୋଧରେ ପରିବାର ପକ୍ଷରୁ ଏତଲା ଦିଆଯାଇଛି । DFOଙ୍କ ସହ ବିଦ୍ୟାଭାରତୀଙ୍କ ଅନୈତିକ ସଂପର୍କ ନେଇ ପରିବାର ଲୋକେ ଅଭିଯୋଗ କରିଛନ୍ତି ।

ଏଥିସହିତ ପଢ଼ନ୍ତୁ: କୃର୍ଣ୍ଣାଲ ପାଣ୍ଡ୍ୟାଙ୍କୁ କରୋନା: ସ୍ଥଗିତ ହେଲା ଦ୍ୱିତୀୟ ଟି-୨୦