spot_img
Home Blog Page 5537

ଶୀତ କାକରରେ ବି ଥଣ୍ଡା ପଡ଼ିନଥିଲା ଯବାନଙ୍କ ରକ୍ତ, କାର୍ଗିଲ୍‌ ବିଜୟକୁ ପୁରିଲା ୨୨ ବର୍ଷ

ଭୁବନେଶ୍ୱର: ଯୁଦ୍ଧର ନାଁ ଶୁଣିଲେ ଆଗ ଭାରତୀୟଙ୍କ ମନକୁ କାର୍ଗିଲ କଥା ଆସେ । ଟାଇଗର ହିଲକୁ କେମିତି ଦେଶର ବୀର ଯବାନ ଅକ୍ତିଆର କରିଥିଲେ ମନରେ ଉଙ୍କି ମାରେ । କାର୍ଗିଲର ଦୃଶ୍ୟ ମନରେ ଭାବିଲେ ରୁମ ଟାଙ୍କୁରି ଉଠେ । ୬୦ ଦିନର ଭୋକିଲା ଓ ଶୋଷିଲା ଶୀତରେ ମଧ୍ୟ ଥଣ୍ଡା ପଡ଼ିନଥିଲା ଦେଶର ବୀର ଯବାନଙ୍କ ରକ୍ତ। ମାଟି ମାଆକୁ ବଞ୍ଚାଇବା ପାଇଁ ରକ୍ତକୁ ଥଣ୍ଡା ପଡ଼ିବାକୁ ଦେଉନଥିଲେ ଦେଶର ବୀର। କାରଣ ସେ ସମୟ ହିଁ ଥିଲା କିଛି ସେମିତି ।

୧୯୪୭ରେ ଆମ ଦେଶ ଭାରତ ସ୍ୱାଧୀନ ହୋଇଥିଲା। ଏହା ପରେ ଭାରତ ଏବଂ ପାକିସ୍ତାନ ଦୁଇଟି ପୃଥକ ଦେଶ ଭାବେ ପରିଚିତ ହୋଇଥିଲେ। କିନ୍ତୁ ଏହାପରେ ପାକିସ୍ତାନ ତାର ଅସଲ ରୂପ ଦେଖାଇବା ଆରମ୍ଭ କରିଥିଲା। ଭାରତର ଭୂସ୍ୱର୍ଗ କାଶ୍ମୀରକୁ ଅକ୍ତିଆର କରିବା ପାଇଁ ଉଲଂଙ୍ଘନ କରୁଥିଲା ଗୋଟିଏ ପରେ ଗୋଟିଏ ସୀମା । ଜୁଲାଇ ୧୯୯୯ ମସିହାରେ ପାକିସ୍ତାନର କେତେକ ଅନୁପ୍ରବେଶକାରୀ ଭାରତର କାର୍ଗିଲ ଜିଲ୍ଲା ଅକ୍ତିଆର କରିବାପାଇଁ ଆସ୍ଥାନ ଜମାଇଥିଲା। ତାପରେ ଆରମ୍ଭ ହୋଇଥିଲା କାର୍ଗିଲ ଯୁଦ୍ଧ।

କାର୍ଗିଲ ଯୁଦ୍ଧକୁ ଆଜି ୨୨ ବର୍ଷ ପୁରିଛି। ୧୯୯୯ ମସିହା ଜୁଲାଇ ୨୬ ତାରିଖ ଏମିତି ଏକ ସମୟ ଯେଉଁଦିନ ଭାରତୀୟ ସୈନିକମାନେ ପାକିସ୍ତାନୀ ସୈନ୍ୟମାନଙ୍କୁ ଘଉଡାଇ କାର୍ଗିଲ ପାହାଡରେ ତ୍ରିରଙ୍ଗା ଉଡ଼ାଇଥିଲେ। ଅମର ଯବାନମାନେ ସେମାନଙ୍କର ଅଦମ୍ୟ ସାହସ ଦେଖାଇ ଶତ୍ରୁକୁ ସୀମାରୁ ବାହାରିଯିବାକୁ ବାଧ୍ୟ କରିଥିଲେ। ବୀର ଯବାନ ମାନଙ୍କ ଅଦମ୍ୟ ସାହସ, ପରାକାଷ୍ଠା ଏବଂ ବଳୀଦାନ ପାଇଁ ଆଜି ଦେଶ ଯବାନ ମାନଙ୍କୁ ଝୁରୁଛି।

ଅସୁବିଧା ଅନେକ ଥିଲା, କିନ୍ତୁ ଆମର ସୈନିକମାନେ ଦୃଢ଼ ଭାବରେ ଠିଆ ହୋଇଥିଲେ କଠିନ ପରିସ୍ଥିତିରେ। ପାକ୍ ସୈନିକମାନେ ଉଚ୍ଚ ପାହାଡ଼ ଉପରେ ବସି କାରଗିଲକୁ ଅକ୍ତିଆର କରିବା ପାଇଁ ବେସ୍ କ୍ୟାମ୍ପ ତିଆରି କରୁଥିଲେ। ଏକଥା ଭାରତ କେମିତି ବା ସହିଥାନ୍ତା। ସେଥିପାଇଁ ଭାରତୀୟ ସୈନିକମାନେ ହାର ମାନିନଥିଲେ। ଦୁଇମାସ ଧରି ଭାରତୀୟ ସୈନିକମାନେ ଭୋକ ଶୋଷର ଶୀତରେ ପାଗର ଅସୁବିଧାର ସମ୍ମୁଖୀନ କରିଥିଲେ। କାର୍ଗିଲର ଉଚ୍ଚ ପାହାଡ଼ରେ ୬୦ ଦିନ ଧରି ଚାଲିଥିବା ଏହି ଯୁଦ୍ଧରେ ପାକ୍ ସୈନିକମାନେ ଶେଷରେ ଭାରତୀୟ ସେନାର ପରାକାଷ୍ଠା ଆଗରେ ସମର୍ପଣ କରିଥିଲେ। ଭାରତୀୟ ସେନା ଏବଂ ବାୟୁସେନା ମଧ୍ୟ ପାକ୍ ପୋଷ୍ଟ ଉପରେ ଅତ୍ୟଧିକ ଆକ୍ରମଣ କରିଥିଲେ ।

କିନ୍ତୁ ଏହି ଯୁଦ୍ଧରେ ବିଜୟ ପାଇଁ ଆମକୁ ମଧ୍ୟ ମୂଲ୍ୟ ଦେବାକୁ ପଡ଼ିଲା। କାର୍ଗିଲରେ ଭାରତର ୫୨୭ ସାହସୀ ସୈନିକଙ୍କୁ ସବୁଦିନ ପାଇଁ ହରାଇଥିଲା। ୨୨ ବର୍ଷ ପରେ ମଧ୍ୟ ଦେଶ ସେନାର ଏହି ବୀରପୁତ୍ରମାନଙ୍କ ବଳିଦାନକୁ ଭୁଲି ନାହିଁ। କାର୍ଗିଲ ବିଜୟ ଦିବସ ଅବସରରେ ନିଜ ଜୀବନକୁ ଉତ୍ସର୍ଗ କରିଥିବା ସହିଦମାନଙ୍କୁ ସ୍ମରଣ କରିବା ଏକ ପ୍ରକୃତ ଶ୍ରଦ୍ଧାଞ୍ଜଳି ହେବ ।

ବସ୍ତାନି ସଜାଡ଼ିଲେଣି ଛାତ୍ରଛାତ୍ରୀ, ଆଉ କିଛି ସମୟ ପରେ ଖୋଲିବ ସ୍କୁଲ

ଭୁବନେଶ୍ୱର: ଆଜିଠୁ ବାଜିବ ସ୍କୁଲ ଘଣ୍ଟା। ରାଜ୍ୟରେ ଦଶମ ଓ ଦ୍ୱାଦଶ ଶ୍ରେଣୀ ପିଲାଙ୍କ ପାଇଁ କ୍ଲାସ୍ ରୁମରେ ହେବ ପାଠପଢା। ବସ୍ତାନୀ ସଜାଡି ପ୍ରସ୍ତୁତ ହୋଇଛନ୍ତି ଛାତ୍ରଛାତ୍ରୀ। ସକାଳ ୧୦ଟାରୁ କ୍ଲାସ ଆରମ୍ଭ ହୋଇ ଦିନ ଗୋଟାଏ ୩୦ ଯାଏ ଚାଲିବ। ନା ହେବ ପ୍ରାର୍ଥନା ନା ଟିଫିନ ବ୍ରେକ, ନନଷ୍ଟପ୍ ଚାଲିବ କ୍ଲାସ। କରୋନା କଟକଣା ଭିତରେ ଖୋଲିବ ସମସ୍ତ ସ୍କୁଲ୍। କରୋନାର ଦ୍ୱିତୀୟ ଲହର ସଂକ୍ରମଣ ହ୍ରାସ ପାଇବା ପରେ ଅନଲାଇନ୍ ସହ ଅଫଲାଇନ୍ କ୍ଲାସ୍ ପାଇଁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି। ଏଥିପାଇଁ ସ୍କୁଲଗୁଡିକରେ ସମସ୍ତ ପ୍ରସ୍ତୁତି ସରିଛି।

କ୍ଲାସ୍ ରୁମ୍ ସାନିଟାଇଜ୍ କରାଯିବା ସହିତ ପରିସରକୁ ସଫା ସୁତୁରା କରାଯାଇଛି। ପିଲାମାନେ ଯେପରି ହାତ ଭଲ କରି ଧୋଇବେ, ସାମାଜିକ ଦୂରତ୍ୱ ମାନି କ୍ଲାସରେ ବସିବେ ଏବଂ ସବୁବେଳେ ମାସ୍କ ପିନ୍ଧିବେ ସେଥିପ୍ରତି ସ୍କୁଲ ପକ୍ଷରୁ ସଚେତନ କରାଯାଇଛି। ଏହାସହ ଅଭିଭାବକ ଓ ଛାତ୍ରଛାତ୍ରୀଙ୍କୁ ମଧ୍ୟ ସଚେତନ କରିଛନ୍ତି କର୍ତ୍ତୃପକ୍ଷ। ଦୀର୍ଘଦିନ ପରେ ସ୍କୁଲ ଖୋଲୁଥିବାରୁ ଛାତ୍ରଛାତ୍ରୀ ଉତ୍ସାହିତ ଅଛନ୍ତି। ଯେଉଁମାନେ ସ୍କୁଲ ନ ଆସିବେ ସେମାନଙ୍କ ଅନଲାଇନ୍ କ୍ଲାସ ଜାରି ରହିବ ବୋଲି କୁହାଯାଇଛି।

ଶ୍ରାବଣ ମାସାର ପ୍ରଥମ ସୋମବାରରେ ଖାଁ ଖାଁ ଶୈବ ପୀଠ, ସୁଭୁନି କାଉଡ଼ିଆଙ୍କର ବୋଲମବ୍‌ ସ୍ୱର

ଭୁବନେଶ୍ୱର: ଆଜି ହେଉଛି ଶ୍ରାବଣ ମାସର ପ୍ରଥମ ସୋମବାର। ଆଜିର ଦିନରେ କାଉଡ଼ିଆଙ୍କ ଭିଡ଼ ପ୍ରତି ଶୈବ ପୀଠରେ ଦେଖିବାକୁ ମିଳିଥାଏ। କାନ୍ଧରେ ମାନସିକ ଜଳ ଭାର ନେଇ ମହାଦେବଙ୍କ ଉପରେ ଢ଼ାଳିଥାନ୍ତି କାଉଡ଼ିଆ। କିନ୍ତୁ କରୋନା କଟକଣା ଯୋଗୁଁ ପୁର୍ବ ବର୍ଷ ପରି ଚଳିତ ବର୍ଷ ମଧ୍ୟ କାଉଡ଼ିଆଙ୍କ ଉପରେ ରୋକ ଲଗାଯାଇଛି। ରାଜ୍ୟର ପ୍ରତିଟି ଶୈବ ପୀଠ କାଉଡ଼ିଆଙ୍କ ବିନା ଖାଁ ଖାଁ ହୋଇଛି। ମହାପ୍ରଭୁ ଲିଙ୍ଗରାଜ, ଆରଡ଼ି ପୀଠ ଭଳି ରାଜ୍ୟର ବଡ଼ ବଡ଼ ମନ୍ଦିରେ କାଉଡ଼ିଆଙ୍କ ଗହଳି ଦେଖିବାକୁ ମିଳିନାହିଁ। କରୋନା କଟକଣାକୁ ଦୃଷ୍ଟିରେରଖି ରାଜ୍ୟ ସରକାରଙ୍କ ପକ୍ଷରୁ ବୋଲବମ୍‌କୁ ବାରଣ କରାଯାଇଛି।

କାଉଡ଼ିଆଙ୍କ ପାଇଁ ଏସ୍ଓପି ଜାରି କରିଛନ୍ତି ରାଜ୍ୟ ସରକାର। ଫଳରେ ଆଖଣ୍ଡଳମଣିଙ୍କ ନିକଟରେ ଚଳିତ ବର୍ଷ କାଉଡ଼ିଆଙ୍କ ଜଳଲାଗି କରାଯାଇନାହିଁ। ରୀତିନୀତି ଅନୁଯାୟୀ ବାବାଙ୍କ ସମସ୍ତ କାର୍ଯ୍ୟ ସମାପନ ହୋଇଛି। ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଥିବା ବେଳେ ପୀଠରେ ପୋଲିସ ମୁତୟନ ରହିଛନ୍ତି। ବାବାଙ୍କର ସମସ୍ତ ଶ୍ରାବଣ ନୀତିକାନ୍ତି କିପରି ସୂଚାର ରୂପେ ସମାପନ ହେବ ସେଥିପାଇଁ ସେବାୟତଙ୍କ ସହଯୋଗ କାମନା କରିଛନ୍ତି ଭଦ୍ରକ ଉପ ଜିଲାପାଳ ଓ ମନ୍ଦିରଟ୍ରଷ୍ଟି। ତାହାସହ ପୀଠରେ କଡା ସୁରକ୍ଷା ବ୍ୟବସ୍ଥା କରାଯିବା ସହିତ ନଦୀଘାଟ ଓ ପୁଷ୍କରିଣୀରେ ଯେପରି କୌଣସି ଭକ୍ତଜଳ ନ ଉଠାଇବେ ସେଥିପ୍ରତି କଡା ନଜର ରଖିବାକୁ ଜିଲାପାଳ ଜ୍ଞାନ ଦାସ ନିର୍ଦ୍ଦେଶ ଦେଇଛନ୍ତି।

କଳ୍ପତରୁ ଦାସଙ୍କ ଷଷ୍ଠ ଶ୍ରାଦ୍ଧ ବାର୍ଷିକୀରେ ରକ୍ତଦାନ ଶିବିର, ୧,୧୦୦ ୟୁନିଟ ରକ୍ତ ସଂଗ୍ରହ

ଧର୍ମଶାଳା: ପୂର୍ବତନ ବିଧାୟକ ତଥା ସାଂସଦ ସ୍ୱର୍ଗତ କଳ୍ପତରୁ ଦାସଙ୍କ ଷଷ୍ଠ ଶ୍ରାଦ୍ଧ ବାର୍ଷିକରେ ରକ୍ତଦାନ ଶିବିର  । ବିଜୁ ଜନତା ଦଳ ପକ୍ଷରୁ ଧର୍ମଶାଳାରେ ଆୟୋଜିତ ହୋଇଛି ରକ୍ତଦାନ ଶିବିର  । ଏହାକୁ ଓଡିସା ମୋ ପରିବାର ଆନୁକୁଲ୍ୟରେ କରାଯାଇଛି  । ରକ୍ତଦାନ ଶିବିରରୁ ୧,୧୦୦ ୟୁନିଟ ରକ୍ତ ସଂଗ୍ରହ ହୋଇଥିବାବେଳେ ଶତାଧିକ ସ୍ୱେଚାକୃତ ରକ୍ତଦାତା ରକ୍ତଦାନ କରିଥିଲେ  ।

ସେପଟେ ଦଳର ଜମେ ପୁରୁଖା ଏବଂ ପ୍ରତିଷ୍ଠାତା ସଦସ୍ୟଙ୍କ ପ୍ରତି ଦଳର ଏହା ସମ୍ମାନ  ।  ରକ୍ତଦାନ ଜରିଆରେ ଦଳୀୟ ନେତାଙ୍କ ପ୍ରତି ଏହି ଶ୍ରଦ୍ଧାଞ୍ଜଳି ମହତ ବାର୍ତ୍ତା  । ସେପଟେ କାର୍ଯ୍ୟକ୍ରମରେ ବିଧାୟକ ପ୍ରଣବ ବଳବନ୍ତ ରାୟ, ବିଧାୟକ ବ୍ୟୋମକେଶ ରାୟ, ମନ୍ତ୍ରୀ ସ୍ନେହାଙ୍ଗିନୀ ଛୁରିଆ ଆଦି ଯୋଦ ଦେଇଥିଲେ  ।

ରାଜ୍ୟ ନିର୍ବାଚନ କମିଶନକୁ ବିଜେପି ଅସମ୍ମାନ କରିବା ଅତ୍ୟନ୍ତ ନିନ୍ଦନୀୟ

ଭୁବନେଶ୍ୱର: ରାଜ୍ୟ ନିର୍ବାଚନ କମିଶନ ଭଳି ଏକ ସାମ୍ବିଧାନିକ ପଦ ମର୍ଯ୍ୟାଦା ଥିବା ଅନୁଷ୍ଠାନକୁ ଓଡିଶା ବିଜେପି ଅସମ୍ମାନ କରିବା ଅତ୍ୟନ୍ତ ଦୁର୍ଭାଗ୍ୟଜନକ ଓ ନିନ୍ଦନୀୟ । ବିଜେପିର ଏଭଳି ମନ୍ତବ୍ୟ ଯୋଗୁଁ ଆଜି ଆଉଥରେ ଓଡିଶାବାସୀଙ୍କ ସମ୍ମୁଖରେ ଲୋକହସା ହୋଇଥିବା କହିଛନ୍ତି ବିଜେଡି ମୁଖପାତ୍ର ଲେନିନ୍ ମହାନ୍ତି । ବିଜେପି ସାମ୍ବାଦିକ ସମ୍ମିଳନୀର ଜବାବ ଦେଇ ଲେନିନ ମହାନ୍ତି କହିଛନ୍ତି ଯେ କ୍ରମାଗତ ଭାବରେ ନିଜର ଅହଂକାର ଯୋଗୁଁ ଉଭୟ ପଞ୍ଚାୟତ ଓ ପୌର ନିର୍ବାଚନରେ ବିଜେପି ଓଡିଶାବାସୀଙ୍କ ଦ୍ୱାରା ପରାସ୍ତ ପରେ ମଧ୍ୟ କିଛି ଶିଖିପାରିଲା ନାହିଁ ।

୨୦୧୯ରୁ ଯେତେସବୁ ଉପନିର୍ବାଚନ ହୋଇଛି ସେଥିରେ ଓଡିଶାବାସୀ ବିଜେଡିକୁ ଜୟଯୁକ୍ତ କରିଛନ୍ତି । ଏପରିକି ୨୦୧୯ ନିର୍ବାଚନରେ ବିଜେପି ଜିଣିଥିବା ନିର୍ବାଚନମଣ୍ଡଳୀରେ ମଧ୍ୟ ତାକୁ ପରାଜୟର ରାସ୍ତା ଦେଖାଇଛନ୍ତି । ଆମେ ଆଶା କରୁଛୁ ଯେ ଓଡିଶା ବିଜେପି ମାନ୍ୟବର ସର୍ବୋଚ୍ଚ ନ୍ୟାୟାଳୟ, ମାନ୍ୟବର ଉଚ୍ଚ ନ୍ୟାୟାଳୟ, ଜାତୀୟ ନିର୍ବାଚନ କମିଶନ ଓ ରାଜ୍ୟ ନିର୍ବାଚନ କମିଶନ ଭଳି ସାମ୍ବିଧାନିକ ଅନୁଷ୍ଠାନଗୁଡିକୁ ସମ୍ମାନ ଦେବା ଶିଖୁ । ଯଦି ସେମାନଙ୍କର କୌଣସି ଅଭିଯୋଗ ଅଛି ତେବେ ସେମାନେ ନ୍ୟାୟାଳୟର ଦ୍ୱାରସ୍ଥ ହୋଇ ନିଜର ମତ ରଖିପାରିବେ ।

ତାହା ନକରି ରାଜ୍ୟ ନିର୍ବାଚନ କମିଶନ ଭଳି ଏକ ସାମ୍ବିଧାନିକ ଅନୁଷ୍ଠାନକୁ ଅସମ୍ମାନ କରିବା ଓ ଓଡିଶାବାସୀଙ୍କୁ ବିଭ୍ରାନ୍ତ କରିବା ଉଚିତ୍‍ ନୁହେଁ ବୋଲି ବିଜେଡି ମୁଖପାତ୍ର କହିଛନ୍ତି । ବିଜୁ ଜନତା ଦଳ ସବୁବେଳେ ନିର୍ବାଚନ ପାଇଁ ପ୍ରସ୍ତୁତ ଅଛି, ସେ ପଞ୍ଚାୟତ, ପୌର କିମ୍ବା ସାଧାରଣ ନିର୍ବାଚନ ହେଉ । କାରଣ ଆମେ ନିର୍ବାଚନ ପାଇଁ ନୁହେଁ, ଲୋକଙ୍କ ପାଇଁ କାମ କରୁ ଏବଂ ଓଡିଶାବାସୀ ଆମ ଭଲ କାମ ପାଇଁ ଆମକୁ ପ୍ରତ୍ୟେକଟି ନିର୍ବାଚନରେ ଆର୍ଶୀବାଦ କରି ଜୟଯୁକ୍ତ କରାଉଛନ୍ତି ବୋଲି ଲେନିନ କହିଛନ୍ତି ।

ଗ୍ୟାଙ୍ଗଷ୍ଟର ହାଇଦରର ଶେଷକୃତ୍ୟ ସଂପନ୍ନ, କଡା ସୁରକ୍ଷାରେ ଦିଆଗଲା କବର

କେନ୍ଦ୍ରାପଡା:  ଗ୍ୟାଙ୍ଗଷ୍ଟର ହାଇଦରର ଶେଷକୃତ୍ୟ ସଂପନ୍ନ ହୋଇଛି । ବାଲେଶ୍ୱରରେ ଶବ ବ୍ୟବଛେଦ ପରେ କଡ଼ା ସୁରକ୍ଷା ବଳୟ ଭିତରେ ହାଇଦରର ମରଶରୀରକୁ କେନ୍ଦ୍ରାପଡା ଅଣାଯାଇଥିଲା । ମର ଶରୀରକୁ ଘରକୁ ନେବାକୁ ଅନୁମତି ନ ଦେଇ ପୋଲିସ ସିଧାସଳଖ କବରସ୍ଥଳକୁ ନେଇଥିଲା । ଘଟଣାସ୍ଥଳରେ ଆଇଜି ନରସିଂହ ଭୋଳ ଓ ଏସ.ପି ଓ ପୋଲିସ ଫୋର୍ସ ଉପସ୍ଥିତ ରହିଥିଲେ ।

ପରିବାର ଲୋକ କବରସ୍ଥଳରେ କିଛି ସମୟ ଉପସ୍ଥିତ ଥିଲେ । ଅଳ୍ପ ସମୟରେ ସ୍ବଳ୍ପ ଲୋକଙ୍କୁ ନେଇ ବିଧି ସଂପନ୍ନ କରାଯାଇଥିଲା । ହାଇଦରର ଶେଷକୃତ୍ୟ ସଂପନ୍ନ ହେବା ପରେ ଶାନ୍ତିଶୃଙ୍ଖଳା ରକ୍ଷା ଓ କୋଭିଡ୍ ନିୟମ ମାନିଥିବାରୁ କେନ୍ଦ୍ରାପଡାବାସୀ ଓ ହାଇଦର ପରିବାର ଲୋକଙ୍କୁ ଧନ୍ୟବାଦ ଜଣାଇଥିଲେ ପୋଲିସ ଆଇଜି ।

ଶ୍ରୀକ୍ଷେତ୍ରରେ ରକ୍ତ ଛିଟା, ପୂର୍ବ ଶତ୍ରୁତାକୁ କେନ୍ଦ୍ର କରି ଯୁବକଙ୍କୁ ହତ୍ୟା !

ପୁରୀ: ପୁରୀ ବାସେଳୀ ସାହି ଥାନା ବଡ଼ ପୋଖରୀ ଯାଗା ନିକଟରେ ଯୁବକଙ୍କୁ ହତ୍ୟା । ପୂର୍ବ ଶତ୍ରୁତାକୁ କେନ୍ଦ୍ର କରି ହତ୍ୟା କରାଯାଇଥିବା ଅଭିଯୋଗ ହୋଇଛି । ମୃତ ଯୁବକ ହେଲେ ଜିତେନ୍ଦ୍ର ପୁରୋହିତ । ଏକାଧିକ ଯୁବକ ମିଳିତ ଭାବେ ଜିତେନ୍ଦ୍ରଙ୍କୁ ହତ୍ୟା କରିଥିବା ଅଭିଯୋଗ ହୋଇଛି । ଯୁବକ ଜଣଙ୍କ ବୃତ୍ତିରେ ସୋଲ କାରିଗର ହୋଇଥିବା ବେଳେ ତାଙ୍କୁ କୌଣସି କାରଣରୁ ହତ୍ୟା କରାଯାଇଛି, ତାହା ଜଣାପଡିନାହିଁ  ।

ସେପଟେ  ଘଟଣାସ୍ଥଳରେ ପହଞ୍ଚିଛନ୍ତି ପୁରୀ ଏସପି କନୱର ବିଶାଲ ସିଂ । ସେପଟେ ସିଟି ଡ଼ିଏସପି ଓ ତିନି ଥାନା ଅଧିକାରୀ ପହଞ୍ଚି ତଦନ୍ତ ଆରମ୍ଭ କରିଛନ୍ତି । କାହିଁକି ଏବଂ କେଉଁ କାରଣରୁ ତାଙ୍କୁ ହତ୍ୟା କରାଯାଇଛି , ତାହା ଜଣାପଡିନାହିଁ  । କିନ୍ତୁ ହତ୍ୟା କରିବାରେ ଏକାଧିକ ଯୁବକ ସଂଶ୍ଲୀଷ୍ଟ ରହିଥିବାବେଳେ ଏହି ଯୁବକ ମାନଙ୍କ ସହିତ ମୃତ ଯୁବକଙ୍କ କଣ ରହିଥିଲା ସମ୍ପର୍କ  । ଏବଂ ସେମାନେ କାହିଁକି ହତ୍ୟା କରିଛନ୍ତି ତାହାର ତଦନ୍ତ ଆରମ୍ଭ କରିଛନ୍ତି  ।

ପୋଲିସ ହାତରେ ରେଳମନ୍ତ୍ରୀଙ୍କ ନକଲି ପିଏ, ହାତକଡ଼ି ପକାଇଲା ଫେକ୍ ପରିଚୟ

ଭୁବନେଶ୍ୱର: ରେଳମନ୍ତ୍ରୀଙ୍କ ନକଲି ପିଏ ଗିରଫ । ନକଲି ପିଏ ସମର୍ଥ ବିଶ୍ୱକ୍ରମକୁ ଗିରଫ କଲା ଚନ୍ଦ୍ରଶେଖରପୁର ଥାନା ପୋଲିସ । ନିଜକୁ ରେଳମନ୍ତ୍ରୀଙ୍କ ପିଏ କହି ଇଷ୍ଟକୋଷ୍ଟ ରେଲୱେର ମହାପ୍ରବନ୍ଧକଙ୍କୁ ଜଣେ ରେଳ କର୍ମଚାରୀଙ୍କ ବଦଳି ରୋକିବାକୁ ୱାଟ୍ସଆପରେ ମେସେଜ କରିବା ସହ ଫୋନରେ କଲ ଜଣେ ବ୍ୟକ୍ତିଙ୍କୁ ମହଙ୍ଗା ପଡିଛି  । ପୋଲିସ ର ସୂଚନା ଅନୁସାରେ ସମର୍ଥ ବିଶ୍ୱକର୍ମା ଜଣେ ସେଲେସମ୍ୟାନ ଭାବେ ଉତ୍ତରପ୍ରଦେଶର ଗାଜିଆବାଦର ଏକ ଔଷଧୀୟ କମ୍ପାନୀରେ କାର୍ଯ୍ୟକରେ  । ସେ ଇଷ୍ଟକୋଷ୍ଟ ରେଲୱେର ମହାପ୍ରବନ୍ଧକ ବିଦ୍ୟା ଭୂଷଣଙ୍କୁ କିଛି ଦିନ ତଳେ କଲ କରିଥିଲା  । କଲ ନଲାଗିବାରୁ ନିଜକୁ ରେଳମନ୍ତ୍ରୀଙ୍କ ପିଏ ବୋଲି ମିଛ ପରିଚୟ ଦେଇ ବିଦ୍ୟା ଭୂଷଣଙ୍କୁ ୱାଟ୍ସଆପରେ ଖୋର୍ଦ୍ଧା ଡିଭିଜନର ସେକ୍ସନ ଇଞ୍ଜିନିୟର ପ୍ରଦୀପ ପାଣିଗ୍ରାହୀଙ୍କ ବଦଳି ରୋକିବା ପାଇଁ ମେସଜେ କରିଥିଲା  ।

ଏହି ଘଟଣା ପରେ  ମହାପ୍ରବନ୍ଧକଙ୍କ ସନ୍ଦେହ ହେଇଥିଲା  । ଏକ ଅଜଣା ୱାଟ୍ସଆପ ନମ୍ବରରୁ ଏହିଭଳି ମେସେଜ ଆସିଥିବା ନେଇ ସେ ରେଳମନ୍ତ୍ରାଳୟକୁ ଜଣାଇଥିଲେ  । ଯାଞ୍ଚ ପରେ ରେଳମନ୍ତ୍ରୀଙ୍କ କାର୍ଯ୍ୟାଳୟରୁ ସେମିତି କିଛି ମେସେଜ ଦିଆଯାଇନାଥିବା ସେ ସ୍ପଷ୍ଟ ହେଇଥିଲେ  । ଏହାପରେ ଆରପିଏଫ ଏସଆଇ କୃଷ୍ଣଚନ୍ଦ୍ର ସାହୁଙ୍କ ଜରିଆରେ ଏନେଇ ଚନ୍ଦ୍ରଶେଖରପୁର ଥାନାରେ ଏନେଇ ଅଭିଯୋଗ କରିଥିଲେ  । ପୋଲିସ ଅଭିଯୋଗକୁ ଭିତି କରି ଉକ୍ତ ଫୋନ ନମ୍ବରକୁ ଯାଞ୍ଚ କରିଥିଲା  । ଯାଞ୍ଚରୁ ଏହା ଏକ ନୂଆ ନମ୍ବର ଓ ଏଥିରେ ପ୍ରଥମ କରି ୱାଟ୍ସଆପ ଖୋଲାଯାଇ ବିଦ୍ୟାଭୂଷଣଙ୍କୁ ମେସେଜ କରାଯାଇଥିବା ପୋଲିସ ଜାଣିବାକୁ ପାଇଥିଲା ପୋଲିସ  ।

ପୋଲିସ ଉକ୍ତ ନମ୍ବରକୁ ଟ୍ରେସ କରି ଏହା ଉତ୍ତରପ୍ରଦେଶ ଗାଜିଆବାଦ ଥିବା ନେଇ ଲୋକେସସନରୁ ଜାଣିଥିଲା। ଶେଷରେ ସମର୍ଥ ବିଶ୍ୱକର୍ମା ଉକ୍ତ ନମ୍ବରରେ ବିଦ୍ୟାଭୂଷଣଙ୍କୁ ମେସେଜ କରିଥିବା ଜାଣିପାରି ତାକୁ ସେଠାରୁ ଗିରଫ କରିଥିଲା  । ଗିରଫ ପରେ ସମର୍ଥଙ୍କୁ ଏଭଳି କରିବା ପାଇଁ ଜଣେ ବ୍ୟକ୍ତି କହିଥିବା ନେଇ ସେ ପ୍ରକାଶ କରିଛି  । ତେବେ ସମର୍ଥକୁ ଫୋନ କରିବା ପାଇଁ କହିଥିବା ବ୍ୟକ୍ତି ଜଣକ ଫେରାର ଥିବା ନେଇ ଚନ୍ଦ୍ରଶେଖରପୁର ପୋଲିସ ସୂଚନା ଦେଇଛି। ଅଭିଯୁକ୍ତ ସମର୍ଥଙ୍କୁ କୋର୍ଟ ଚାଲାଣ କରିଛି ଚନ୍ଦ୍ରଶେଖରପୁର ପୋଲିସ  ।

ଟ୍ୟାପ ଯୋଗେ ୨୪ ଘଣ୍ଟିଆ ଉଚ୍ଚ ମାନର ବିଶୁଦ୍ଧ ଜଳ ପାଇବେ ପୁରୀ ବାସୀ

ପୁରୀ: ଟ୍ୟାପ ଯୋଗେ ବିଶୁଦ୍ଧ ଜଳ ପାଇବେ ପୁରୀ ବାସୀ  । ପୁରୀ ସହରର ୨.୫ ଲକ୍ଷ ବାସୀନ୍ଦାଙ୍କୁ ୨୪ ଘଣ୍ଟିଆ ପାଣି ଯୋଗାଇ ଦେବାକୁ ଘୋଷଣା କରିଛନ୍ତି ରାଜ୍ୟ ସରକାର । ପୁରୀବାସୀଙ୍କୁ ସ୍ୱଚ୍ଛ ଏବଂ ଶୁଦ୍ଧ ପାନୀୟ ଜଳ ଯୋଗାଇଦେବା ନେଇ ରାଜ୍ୟ ସରକାର ନେଇଛନ୍ତି ବଡ଼ ନିଷ୍ପତ୍ତି  ।  ପ୍ରତି ୧୦୦ ମିଟର ବ୍ୟବଧାନରେ ସହରବାସୀଙ୍କୁ ପାଣି ଯୋଗାଇବା ପାଇଁ ସୋମବାର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ।

ଏହି ଯୋଜନା ଜରିଆରେ ପୁରୀଙ୍କୁ ଆସୁଥିବା ୨କୋଟି ପର୍ଯ୍ୟଟକ ମଧ୍ୟ ଉପକୃତ ହୋଇପାରିବେ  । ସେପଟେ ଶୁଦ୍ଧ ପାନୀୟ ଅର୍ଥାତ ଆଇଏସ୧୦୫୦୦ ମାନ ଥିବା ପାନୀୟ ଜଳ ମିଳିବାରେ ଦେଶରେ ପୁରୀ ପ୍ରଥମ ସହର ହେବ  ।  ଏପରି ମାନର ପାନୀୟ ଜଳ ୟୁଏସ, ଲଣ୍ଡନ, ଜାପାନ ଏବଂ ସିଙ୍ଗାପୁର ଭଳି ସହରରେ ଉପଲବ୍ଧ ହେଉଛି  ।

ମୁଖ୍ୟମନ୍ତ୍ରୀଙ୍କ ଡ୍ରିଙ୍କ ଫ୍ରମ ଟ୍ୟାଙ୍କ  ଯୋଜନା ମାଧ୍ୟମରେ ଏହି ପାଣି ଯୋଗାଇ ଦିଆଯିବ  । ରାଜ୍ୟର ୧୬ଟି ସହରର ୪୦ ଲକ୍ଷ ଲୋକ ଏହି ଯୋଜନା ଦ୍ୱାରା ଉପଲବ୍ଧ ହୋଇପାରିବେ  । ସେପଟେ ଏପରି ସୁବିଧା ପାଇବାରେ ଦେଶରେ ପ୍ରଥମ ସହର ଭାବେ ପୁରୀ ଗଣିତ ହେବ  । ଆଗରୁ ଦେଶରେ ଏଭଳି ସୁଦ୍ଧ ପାଣି ଅନ୍ୟ କେଉଁଠାରେ ମିଳିନାହିଁ  ।

ପୂରଣ ହେଲା ଦୀର୍ଘ ଦିନର ସ୍ୱପ୍ନ, ଉପର ଇନ୍ଦ୍ରାବତୀ ଜଳ ବିଦ୍ୟୁତ୍ ପ୍ରକଳ୍ପ କାର୍ଯ୍ୟକ୍ଷମ

କଳାହାଣ୍ଡି: ପୂରଣ ହେଲା ଦୀର୍ଘ ଦିନର ସ୍ବପ୍ନ । ଆଜିଠୁ ଧର୍ମଗଡ ଉପଖଣ୍ଡର ବିଦ୍ୟୁତ୍ ଉପଭୋକ୍ତାକୁ ମିଳିଲା ବହୁ ପ୍ରତିକ୍ଷିତ ଉପର ଇନ୍ଦ୍ରାବତୀ ଜଳ ବିଦ୍ୟୁତର ପ୍ରକଳ୍ପର ବିଦ୍ୟୁତ୍ । ବେହେରା 33kv ସବଷ୍ଟେସନର ଉଦଘାଟନ କରିଛନ୍ତି ପଶ୍ଚିମ ଓଡ଼ିଶା ବିକାଶ ପରିଷଦର ଅଧ୍ୟକ୍ଷ ଅସିତ୍ ତ୍ରିପାଠୀ । ଏହି ଅବସରରେ ଉପସ୍ଥିତ ଥିଲେ ଶକ୍ତି ମନ୍ତ୍ରୀ କ୍ୟାପଟେନ ଦିବ୍ୟ ଶଙ୍କର ମିଶ୍ର, ଧର୍ମଗଡ ବିଧାୟକ ମୌଶଧି ବାଗ, ସ୍ଥାନୀୟ ଜିଲ୍ଲାପାଳ ଓ ୩୦୦ ଗାଁର ଲୋକେ ।

ଏହା ଦ୍ବାରା ଧର୍ମଗଡ ଉପଖଣ୍ଡର ଗୋଲାମୁଣ୍ଡା ଧର୍ମଗଡ ସମେତ ବେହେରା ଅଞ୍ଚଳର ୫୪ ଖଣ୍ଡ ଗାଁରେ ଲୋ-ଭୋଲଟେଜ ଓ ବିଦ୍ୟୁତ୍ ସମସ୍ୟା ଦୂର ହୋଇଛି । ୩୮ ହଜାରରୁ ଉର୍ଦ୍ଧ୍ବ ଉପଭୋକ୍ତା ବିଦ୍ୟୁତ୍ ସେବା ପାଇବେ l ବିଭିନ୍ନ ସମୟରେ ଥିରୁବାଲିରୁ ଆସୁଥିବା ବିଦ୍ୟୁତରେ ସମସ୍ୟା ହେଲେ ଧର୍ମଗଡ ଉପଖଣ୍ଡବାସୀ ଅନ୍ଧାରରେ ରହୁଥିଲେ ହେଲେ ଏହି ସମସ୍ୟା ଦୂର ହେବା ସହ ସିଧାସଳଖ ଇନ୍ଦ୍ରାବତୀରୁ ବିଦ୍ୟୁତ୍ ସେବା ମିଳିଛି ।

ଏଥି ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ୍ ଦେଇଛନ୍ତି ଅଞ୍ଚଳବାସୀ । କଳାହାଣ୍ଡି ଜିଲ୍ଲାର କୋକସରା ବ୍ଲକ ଡେଙ୍ଗାଗୁଡାର ବେହେରା 33kv ସବଷ୍ଟେସନ ଦେଇ ଧର୍ମଗଡକୁ ସଂଯୋଗ ହୋଇଛି ଇନ୍ଦ୍ରାବତୀର ବିଦ୍ୟୁତ୍ । ପୂର୍ବରୁ ବାନେରେ ଗ୍ରିଡରୁ କୋକସରା ଦେଇ ଡେଙ୍ଗାଗୁଡା ପର୍ଯ୍ୟନ୍ତ ବିଦ୍ୟୁତ୍ ସଂଯୋଗ ହେଉଥିଲା ।