spot_img
Home Blog Page 5554

ଅପରାଜିତାଙ୍କ ନାଁ ରେ ୱାର୍ଡବାସୀଙ୍କ ଅଭିଯୋଗ, ସାଂସଦ ଆମକୁ ଅପମାନିତ କରୁଛନ୍ତି

ଭୁବନେଶ୍ୱର: ରାଜନୖତିକ ଅଭିସନ୍ଧି ରଖି ଭୁବନେଶ୍ୱର ମହାନଗର ନିଗମର ୪୫ ନମ୍ବର ଓ୍ବାର୍ଡକୁ ଅଯଥା ବଦନାମ କରୁଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ । ସାଂସଦଙ୍କ ନାଁରେ ଏଭଳି ଅଭିଯୋଗ ଆଣିଛନ୍ତି ସ୍ଥାନୀୟ ବାସିନ୍ଦା । ଅନ୍ୟ ଓ୍ୱାର୍ଡର ସମସ୍ୟାକୁ ୪୫ ନମ୍ବର ଓ୍ୱାର୍ଡର ବୋଲି କହି ସାଂସଦ ଓ୍ବାର୍ଡବାସୀଙ୍କୁ ଅପମାନିତ କରିଥିବା ଅଭିଯୋଗ ହୋଇଛି ।  ଏ ନେଇ ଓ୍ୱାର୍ଡବାସୀ ଭୁବେନଶ୍ୱର ଜୟଦେବ ଭବନ ସମ୍ମୁଖରେ ଅପରାଜିତାଙ୍କୁ ବିରୋଧ କରିଛନ୍ତି ।

୪୩ ନମ୍ବର ଓ୍ବାର୍ଡରେ ରହିଛି ଫିସରି ପୋଖରୀ । କିନ୍ତୁ ସେଥିରେ ନିମ୍ନମାନର କାମର ଅଭିଯୋଗ ହୋଇଥିବା ବେଳେ ଏହା ୪୫ ନମ୍ବର ଓ୍ବାର୍ଡରେ ରହିଛି ବୋଲି ଅପରାଜିତା କହିଛନ୍ତି । ଏହାସହ କୋଭିଡ କଟକଣା ସମୟରେ ପାର୍କରେ ତାଲା ଭାଙ୍ଗି ବୃକ୍ଷ ରୋପଣ କରିବା ଏବଂ ଶବର ସାହିରେ ଥିବା ବିଏମ୍ସି ଘରକୁ ଜବରଦଖଲ କରିବାକୁ ତୀବ୍ର ବିରୋଧ କରିଛନ୍ତି ସ୍ଥାନୀୟ ବାସିନ୍ଦା ।

ପ୍ରଧାନମନ୍ତ୍ରୀ କିଷାନ୍ ଯୋଜନା: ୪୨ ଲକ୍ଷ ଅଯୋଗ୍ୟ ହିତାଧିକାରୀ ଖାତାକୁ ଯାଇଥିଲା ୩ହଜାର କୋଟି ଟଙ୍କା

ନୂଆଦିଲ୍ଲୀ: କୃଷକଙ୍କ ସୁବିଧା ନେଇ ପ୍ରଧାନମନ୍ତ୍ରୀ କିଷାନ ଯୋଜନା ଅନୁଯାୟୀ ସାରା ଦେଶର କୃଷକଙ୍କୁ ୬୦୦୦ ଟଙ୍କାର ସହାୟତା ପ୍ରଦାନ କରାଯାଇଥାଏ । କିନ୍ତୁ କିଛି କୃଷକ ଏହି ଯୋଜନା ଅନୁଯାୟୀ ସହୟତା ପାଇବାକୁ ଯୋଗ୍ୟ ନ ଥାଇ ମଧ୍ୟ ଚଞ୍ଚକତା କରି ଏହି ଅର୍ଥ ହାତେଇଥାନ୍ତି । ଏଭଳି ଘଟଣା ପଦାକୁ ଆସିବା ପରେ ଏ ନେଇ ଦୃଢ଼ ପଦକ୍ଷେପ ଗ୍ରହଣ କରିଛନ୍ତି କେନ୍ଦ୍ର ସରକାର । ପ୍ରଧାନମନ୍ତ୍ରୀ କୃଷକ ଯୋଜନା ଅନୁଯାୟୀ ୪୨ ଲକ୍ଷରୁ ଅଧିକ ଅଯୋଗ୍ୟ କୃଷକଙ୍କ ଠାରୁ ୩ହଜାର କୋଟି ଟଙ୍କା ଆଦାୟ କରାଯାଇଛି । ଏନେଇ ସରକାର ସଂସଦରେ ସୂଚନା ଦେଇଛନ୍ତି ।

ପ୍ରଧାନମନ୍ତ୍ରୀ କିଷାନ୍ ଯୋଜନା ଅନୁଯାୟୀ ସରକାର ଦେଶ ସାରା କୃଷକଙ୍କୁ ପ୍ରତି ବର୍ଷ ୩ଟି ସମାନ କିସ୍ତିରେ ୬ହଜାର ଟଙ୍କା ଟ୍ରାନ୍ସଫର କରିଥାନ୍ତି । କିନ୍ତୁ ଏହି ସହାୟତା ପାଇଁ କିଛି ମାନଦଣ୍ଡ ପୂରା କରିବାକୁ ପଡ଼ିଥାଏ । ଯେମିତିକି ଇନ୍‌କମ୍ ଟ୍ୟାକ୍ସ ପେୟର ହୋଇନଥିବେ ।

ମଙ୍ଗଳବାର ସଂସଦକୁ ଦିଆଯାଇଥିବା ଉତ୍ତରରେ କୃଷି ମନ୍ତ୍ରୀ ନରେନ୍ଦ୍ର ସିଂହ ତୋମାର କହିଛନ୍ତି ଯେ, ପ୍ରଧାନମନ୍ତ୍ରୀ କିଷାନ୍ ଯୋଜନା ଅନୁଯାୟୀ ଟଙ୍କା ପାଉଥିବା ୪୨.୧୬ ଲକ୍ଷ ଅଯୋଗ୍ୟ କୃଷକଙ୍କ ଠାରୁ ୨ହଜାର ୯୯୨ କୋଟି ଟଙ୍କା ଆଦାୟ କରାଯାଇଛି ।

ଏଥିସହିତ ପଢ଼ନ୍ତୁ: ଏମିତି ନ୍ୟୁକମରଙ୍କୁ ଫସାଇ ପର୍ଣ୍ଣ ଫିଲ୍ମ ତିଆରି କରୁଥିଲେ ରାଜ୍ କୁନ୍ଦ୍ରା, କରୁଥିଲେ କୋଟି କୋଟି ଟଙ୍କା ରୋଜଗାର

ତେବେ ଲାଭ ପାଇଥିବା ଅଯୋଗ୍ୟ ହିତାଧିକାରୀଙ୍କ ମଧ୍ୟରେ ଅଧିକାଂଶ ଆସାମର । ଆସାମରେ ୮.୩୫ ଲକ୍ଷ ଅଯୋଗ୍ୟ କୃଷକ ଏହାର ଫାଇଦା ନେଇଛନ୍ତି । ଏହା ପରେ ତାମିଲନାଡ଼ୁରେ ୭.୨୨ଲକ୍ଷ କୃଷକ, ପଞ୍ଜାବରୁ ୫.୬୨ ଲକ୍ଷ କୃଷକ, ମହାରାଷ୍ଟ୍ରରୁ ୪.୪୫ ଲକ୍ଷ କୃଷକ, ଉତ୍ତରପ୍ରଦେଶରେ ୨.୬୫ ଲକ୍ଷ କୃଷକ ଗୁଜୁରାଟରେ ୨.୩୬ ଲକ୍ଷ ଫାଇଦା ନେଇଛନ୍ତି ।

ରହସ୍ୟରେ ସୌମ୍ୟଙ୍କ ମୃତ୍ୟୁ: ପାରଳାଖେମୁଣ୍ଡିରେ କ୍ରାଇମବ୍ରାଞ୍ଚର ୪ ଜଣିଆ ଟିମ୍

ଭୁବନେଶ୍ୱର: ବହୁ ଚର୍ଚ୍ଚିତ ACF ସୋମ୍ୟରଞ୍ଜନ ମୃତ୍ୟୁ ମାମଲାରେ ବେଳକୁ ବେଳ ନେଉଛି ନୂଆ ମୋଡ଼ । ସୌମ୍ୟଙ୍କ ପରିବାର ଲୋକ ବୋହୂ ବିଦ୍ୟାଙ୍କୁ ଆଙ୍ଗୁଳି ଦେଖାଉଥିବାବେଳେ, ପତ୍ନୀ ବିଦ୍ୟାଙ୍କ ବୟାନ ଆଉ କିଛି ସନ୍ଦେଶ ଦେଉଛି । ସ୍ୱାମୀ ସୌମ୍ୟ ଅନ୍ୟ ଝିଅଙ୍କ ସହ ସମ୍ପର୍କରେ ଥିବା ନେଇ ଆଜି ଗଣମାଧ୍ୟମ ସାମ୍ନାରେ ମୁହଁ ଖୋଲିଛନ୍ତି ବିଦ୍ୟା ଭାରତୀ  ।

ସେପଟେ ପାରଳାଖେମୁଣ୍ଡିରେ କ୍ରାଇମବ୍ରାଞ୍ଚର ୪ ଜଣିଆ ଟିମ୍ ପହଁଚିଛି । ତଦନ୍ତରେ ପାରଳାଖେମୁଣ୍ଡି ପୋଲିସକୁ ସହଯୋଗ କରିବା ପାଇଁ ଡିଏସପି ବିଜୟ ମଲିକଙ୍କ ନେତୃତ୍ବରେ ପାରଳାଖେମୁଣ୍ଡିରେ ଗଜପତି ଏସପି ଙ୍କୁ ସାକ୍ଷାତ କରି ଏସମ୍ପର୍କରେ ଆଲୋଚନା କରିଛନ୍ତି । ଘଟଣାର ଗଭିରତାର ଦୃଷ୍ଟିରେ ରଖି ତଦନ୍ତକୁ ଜୋରଦାର କରିବା ପାଇଁ ସହଯୋଗ କରିବ ଏହି ଟିମ୍ ।

ଘଟଣାସ୍ଥଳ ଅନୁଧ୍ୟାନ କରିବା ପରେ ବର୍ତ୍ତମାନ ସୁଦ୍ଧା ପୋଲିସ ନିକଟରେ ରହିଥିବା ଦସ୍ତାବିଜ ଓ ପ୍ରମାଣକୁ ଆଧାର କରି ତଦନ୍ତ ଅଗ୍ରସର ହେବ । କିନ୍ତୁ ତଦନ୍ତକାରୀ ଅଧିକାରୀଙ୍କ ସହ ଆଲୋଚନା ପରେ ତଦନ୍ତର ଦିଗ ଜଣାପଡିବ ବୋଲି କହିଛନ୍ତି ଡିଏସପି ବିଜୟ କୁମାର ମଲିକ । ଅନ୍ୟପଟେ ଦ୍ୱିତୀୟ ଦିନରେ ଆଜି ପତ୍ନୀ ବିଦ୍ୟାଭାରତୀଙ୍କୁ ଜେରା କରିଛି ପାରଳା ପୋଲିସ । ଏଥିସହ ତାଙ୍କ ବାପା ଓ ମା’ଙ୍କୁ ମଧ୍ୟ ପଚରାଉଚରା କରାଯାଉଛି ।

‘କରୋନା’ ନେଇ ସର୍ବଦଳୀୟ ବୈଠକ ଡକାଇଲେ ପ୍ରଧାନମନ୍ତ୍ରୀ: କଂଗ୍ରେସ ଓ ଶିରୋମଣି ଅକାଳୀ ଯୋଗଦେବେନି

ନୂଆଦିଲ୍ଲୀ: କରୋନା ସ୍ଥିତି ସମ୍ପର୍କରେ ଆଲୋଚନା ନେଇ ଆଜି ସନ୍ଧ୍ୟା ୬ଟାରେ ସର୍ବଦଳୀୟ ବୈଠକ ଡକାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କିନ୍ତୁ ଏଥତରେ ସାମିଲ ହେବାକୁ ପ୍ରମୁଖ ବିରୋଧୀ କଂଗ୍ରେସ ସମେତ ଶିରୋମଣି ଅକାଳୀ ଦଳ ମଧ୍ୟ ମନା କରିଦେଇଛି । ଏ ନେଇ ଗଣମାଧ୍ୟମକୁ ସୂଚନା ଦେଇ ରାଜ୍ୟସଭା ବିରୋଧୀ ଦଳ ନେତା ମଲ୍ଲିକାର୍ଜୁନ ଖଡ୍‌ଗେ କହିଛନ୍ତି ଯେ, ଆମକୁ ପ୍ରଥମେ ଏଥିରେ କେବଳ ଫ୍ଳୋନ୍ ଲିଡର ଯୋଗଦେବା ନେଇ ସୂଚନା ଦିଆଯାଇଥିଲା । ଏବେ କିନ୍ତୁ ସମସ୍ତ ସାଂସଦଙ୍କ ଡକାଯାଇଛି ।  ଏଣୁ ଆମେ ଏହି ବୈଠକକୁ ୨ଟି ସ୍ଳଟ୍‌ରେ କରିବାକୁ ଅନୁରୋଧ କରିଥୁଲୁ । ବୈଠକରେ ସମସ୍ତଙ୍କୁ କହିବାର ସୁଯୋଗ ମିଳିବା କଥା, ଏଣୁ ଆମେ ବୈଠକରେ ଯୋଗଦେବୁ ନାହିଁ  । ଅପରପକ୍ଷରେ ଶିରୋମଣି ଆକାଳୀ ଦଳ ମଧ୍ୟ ଏଥିରେ ଯୋଗଦେବାକୁ ମନା କରିଦେଇଛି । ଶିରୋମଣି ଅକାଳୀ ଦଳ ସଭାପତି ସୁଖବୀର ସିଂହ ବାଦଲ ଗଣମାଧ୍ୟମକୁ ସୂଚନା ଦେଇଛନ୍ତି କହିଛନ୍ତି ଯେ, ଆମେ ଏହି ବୈଠକକୁ ବୟକଟ୍ କରୁଛୁ । ଯେତେବେଳେ ଯାଏଁ ପ୍ରଧାନମନ୍ତ୍ରୀ ଆନ୍ଦୋଳନରତ ଚାଷୀଙ୍କ ସମସ୍ୟା ନେଇ ଆଲୋଚନା ନ କରିନ୍ତୁ ଆମେ ବୈଠକରେ ଯୋଗେଦେବୁ ନାହିଁ ବୋଲି କହିଛନ୍ତି  ।

ଅପରପକ୍ଷରେ ତୃଣମୂଳ କଂଗ୍ରେସ କିନ୍ତୁ ଏହି ବୈଠକରେ ଯୋଗଦେବାକୁ ରାଜି ହୋଇଛି । ଦଳୀୟ ସାଂସଦ ଡେରେକ ଓବ୍ରେୟନ କେନ୍ଦ୍ର ସ୍ୱାସ୍ଥ୍ୟ ସଚିବ ମଙ୍ଗଳବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପସ୍ଥିତିରେ କୋଭିଡ -୧୯ ଉପରେ ସଂସଦରେ ରାଜନୈତିକ ଦଳର ନେତାଙ୍କୁ ସମ୍ୱୋଧନ କରିବେ । ବ୍ରାଏନ୍ ଏହାକୁ ବିପକ୍ଷଙ୍କ ବିଜୟ ବୋଲି କହିଛନ୍ତି ।

ଏଥିସହିତ ପଢ଼ନ୍ତୁ: ଏମିତି ନ୍ୟୁକମରଙ୍କୁ ଫସାଇ ପର୍ଣ୍ଣ ଫିଲ୍ମ ତିଆରି କରୁଥିଲେ ରାଜ୍ କୁନ୍ଦ୍ରା, କରୁଥିଲେ କୋଟି କୋଟି ଟଙ୍କା ରୋଜଗାର

ବାପା ଏକାଦଶାହରେ ରକ୍ତଦାନ ଶିବିର, ଉଦାହରଣ ସାଜିଲେ ଦୁଇ ଭାଇ

କେନ୍ଦୁଝର: କରୋନା ମହାମାରୀ ସମୟରେ ରକ୍ତର ଅଭାବ ପରିଲିକ୍ଷିତ ହେଉଛି  । ଏହି ସମୟରେ ନିଜ ବାପାଙ୍କ ଏକାଦଶାହରେ ରକ୍ତ ଦାନ ଶିବିର ଆୟୋଜନ କରି ଅନ୍ୟ ମାନଙ୍କ ପାଇଁ ଉଦାହରଣ ସାଜିଛନ୍ତି ବିଜେଡି ଯୁବ ନେତା ଦୁଇ ଭାଇ  । ଘସିପୁରା ନିର୍ବାଚନ ମଣ୍ଡଳୀ ପଦନା ଗ୍ରାମର ସ୍ୱର୍ଗତ ପଞ୍ଚାନନ ସାହୁଙ୍କ ଆଜି ଥିଲା ଏକାଦଶାହ  । ଏହି ଅବସରରେ ତାଙ୍କ ଦୁଇ ପୁଅ ଜିଲ୍ଲା ପରିଷଦ ଉପାଧ୍ୟକ୍ଷ ଅକ୍ଷୟ ସାହୁ ଓ ସାନପୁଅ କେନ୍ଦୁଝର ଜିଲ୍ଲା ମୋ ପରିବାର ସଂଯୋଜକ ପ୍ରଦୀପ ସାହୁ ପରିବାର ଓ ବନ୍ଧୁ ବାନ୍ଧବ ଙ୍କୁ ନେଇ ଏକ ରକ୍ତ ଦାନ ଶିବିର ଆୟୋଜନ କରିଥିଲେ  ।

ଏହି ଶିବିରରେ ପୂର୍ବତନ ମନ୍ତ୍ରୀ ତଥା ଘସିପୁରା ବିଧାୟକ ବଦ୍ରିନାରାୟଣ ପାତ୍ର ଓ ପାଟଣା ବିଧାୟକ ଜଗନାଥ ନାୟକ ଯୋଗ ଦେଇ ଏଭଳି ଆୟୋଜନକୁ ପ୍ରଶଂସା କରିଥିଲେ  । ଗୋଟେପଟେ କୋଭିଡର ଭୟବହତା ଜାରି ରହିଛି  । ରାଜ୍ୟର ରକ୍ତର ଅଭାବ ପରିଲିଖିତ ହେଉଛି  । ତେଣୁ ଏଭଳି ଏକ ଦୁସ୍ଥିତିରେ ରକ୍ତ ଅଭାବକୁ ଦୂର କରିବା ନେଇ ଏପରି ଏକ ୍ଭିନୟ ଉପାୟ ଆୁଣାଇଚନ୍ତି ଏହି ପରିବାର  ।

ପେଗାସସ୍ ମାମଲାର ତଦନ୍ତ କରିବ ଫ୍ରାନ୍ସ

ନୂଆଦିଲ୍ଲୀ: ଭାରତ ସମେତ ଦୁନିଆର ବହୁ ଦେଶକୁ ଦୋହଲାଇ ଦେଇଥିବା ପେଗାସସ୍ ଫୋନ୍ ଟ୍ୟାପିଂ ମାମଲାରେ ଏବେ ଫ୍ରାନ୍ସ ତଦନ୍ତ ଆରମ୍ଭ କରିଦେଇଛି । ଖବର ସରବରାହ ସଂସ୍ଥା ଏଏଫ୍‌ପିର ସୂଚନା ମୁତାବକ ଫ୍ରାନ୍ସରେ ପେଗାସସ୍ ମିଡିଆ ଗୁଇନ୍ଦାଗିରି ମାମଲାରେ ତଦନ୍ତ ଆରମ୍ଭ କରିଦେଇଛି ।

ଅନ୍ତର୍ଜାତୀୟ ମିଡିଆ ସଂସ୍ଥା ସୂଚନା ଅନୁଯାୟୀ, ପେଗାସସ୍ ସଫ୍ୱଓ୍ୱେୟାରର ବ୍ୟବହାର କରି ପାଖାପାଖି ୧୦୦୦ ଫରାସୀ ଲୋକଙ୍କୁ ଟାର୍ଗେଟ କରାଯାଇ ଫୋନ୍ ଟ୍ୟାପ କରାଯାଇଛି । ସୂଚନା ମୁତାବକ ମର୍କୋ ଏଜେନ୍ସ ଦ୍ୱରା ପେଗାସେସ୍ ଜରିଆରେ ଯେଉଁ ୧୦୦୦ ଫରାସୀ ଲୋକଙ୍କୁ ଟାର୍ଗେଟ କରାଯାଇଥିଲା ସେଥିରେ ୩୦ ଜଣ ସାମ୍ୱାଦିକ ଏବଂ ଅନ୍ୟ କିଛି ଲୋକ ସାମିଲ ଅଛନ୍ତି ।

ସୂଚନା ଯୋଗ୍ୟ ଯେ, ପେଗାସସ୍ ଗୁଇନ୍ଦାଗିରି ମାମଲାରେ ଭାରତ ସମେତ ବହୁ ଦେଶରେ ବିବାଦ ଦେଖାଯାଇଛି । ଭାରତରେ ପାଖାପାଖି ୪୦ରୁ ଅଧିକ ସାମ୍ୱାଦିକ, ରାହୁଲ ଗାନ୍ଧୀ ସମେତ ବିରୋଧୀ ଦଳ ନେତା କେନ୍ଦ୍ରୀୟ ମନ୍ତ୍ରୀ ସମେତ ଅନ୍ୟ ଲୋକଙ୍କ ଫୋନ୍ ହ୍ୟାକ୍ କରାଯାଇଇଥିବା ସୂଚନା ରହିଛି ।  ଗଣମାଧ୍ୟମରେ ଏ ନେଇ ଖବର ପ୍ରକାଶିତ ହେବା ପରେ ବିରୋଧୀ ସରକାରଙ୍କୁ ଟାର୍ଗେଟ କରିଛନ୍ତି । ସରକାର ସ୍ପଷ୍ଟ ଭାବେ କହିଛନ୍ତି ଯେ, ସେ କୌଣସି ପ୍ରକାର ଗୁଇନ୍ଦାଗିରିରେ ସାମିଲ ନୁହଁନ୍ତି ଏହା କେବଳ ତାଙ୍କ ଛବି ଖରାପ କରିବାକୁ ଚେଷ୍ଟା କରାଯାଉଛି ।

ଏଥିସହିତ ପଢ଼ନ୍ତୁ: ଇମ୍ରାନ ଖାନ୍‌ଙ୍କ ଫୋନ ହ୍ୟାକ୍: ଭାରତ ଗୁଇନ୍ଦାଗିରି ଚଳାଇଥିବା ନେଇ ଅଭିଯୋଗ ଆଣିଲା ପାକିସ୍ତାନ

ଏମିତି ନ୍ୟୁକମରଙ୍କୁ ଫସାଇ ପର୍ଣ୍ଣ ଫିଲ୍ମ ତିଆରି କରୁଥିଲେ ରାଜ୍ କୁନ୍ଦ୍ରା, କରୁଥିଲେ କୋଟି କୋଟି ଟଙ୍କା ରୋଜଗାର

ଭୁବନେଶ୍ୱର: ପତ୍ନୀ ବଲିଉଡର ଚର୍ଚ୍ଚିତ ନାୟିକ । ଫିଟନେସ୍ ଡିଭା । ବୟସ ବି ତାଙ୍କ ଆଗରେ ହାର ମାନିଛି । ସେ ହେଉଛନ୍ତି ଶିଳ୍ପ ସେଟ୍ଟି । ଏବେ କିନ୍ତୁ ଶିଳ୍ପା ତାଙ୍କ ଯୋଗ ପାଇଁ ରୂପ ପାଇଁ ଚର୍ଚ୍ଚାରେ ନାହାନ୍ତି । ଏବେ ଚର୍ଚ୍ଚାର କାରଣ ଏମିତି ଯେ, ଶିଳ୍ପା ଏହାକୁ ଭୁଲିବାକୁ ଚାହିଁବେ । ଶିଳ୍ପାଙ୍କୁ ନେଇ ଗତ ଦୁଇ ଦିନ ଧରି ଚର୍ଚ୍ଚାର କାରଣ ପଛରେ ଅଛନ୍ତି ସ୍ୱାମୀ ରାଜ୍ କୁନ୍ଦ୍ରା ।

ରାଜ୍ ପର୍ଣ୍ଣ ଫିଲ୍ମ କାରବାର ଅଭିଯୋଗରେ ମୁମ୍ବାଇ ପୋଲିସର କ୍ରାଇମ୍ ବ୍ରାଂଚ୍ ଦ୍ୱାରା ଗିରଫ ହୋଇଛନ୍ତି । ରାଜ୍ କୁନ୍ଦ୍ରାଙ୍କ ବିରୋଧରେ ଆଇପିସି ଏବଂ ଆଇଟି ଆକ୍ଟ ବ୍ୟତୀତ, ଇନଡିସେଣ୍ଟ ରିପ୍ରେଜେଣ୍ଟେସନ ଅଫ୍ ଓମେନ ଆକ୍ଟରେ ବି ମାମଲା ରୁଜୁ ହୋଇଛି।

ତେବେ ରାଜ୍ କେମିତି କରୁଥିଲେ ପର୍ଣ୍ଣ ଫିଲ୍ମ କାରବାର? ବଲିଉଡକୁ ପ୍ରତିଦିନ ଆସିଥାନ୍ତି ନୂଆ ନୂଆ ଚେହେରା । ମାୟନଗରୀରେ ନିଜକୁ ପ୍ରତିଷ୍ଠିତ କରାଇବା ଲକ୍ଷ୍ୟରେ ଆସନ୍ତି ନ୍ୟୁକମର । ଅଭିଯୋଗ ଅନୁସାରେ ରାଜ ଏହି ନ୍ୟୁକମରଙ୍କ ଫାଇଦା ଉଠାଉଥିଲେ । ସେମାନଙ୍କୁ ବଡ ବଡ଼ ବ୍ୟାନରରେ କାମ ଦେବା ଲୋଭ ଦେଖାଇ ପର୍ଣ୍ଣ ଫିଲ୍ମରେ ଅଭିନୟ ପାଇଁ ଫସାଉଥିଲେ ।

କୁହାଯାଉଛି ଯେ, ରାଜକୁନ୍ଦ୍ରା ମୁମ୍ବାଇରେ ଚଳାଇଥିବା ପର୍ଣ୍ଣ ଦୁନିଆର ଥିଲେ କିଙ୍ଗ୍। ବଡ଼ ବଡ଼ ଚଳଚିତ୍ରରେ ଅଭିନୟ କରାଇବା ପାଇଁ ଯୁବତୀଙ୍କୁ ପ୍ରଲୋଭିତ କରାଇ ତିଆରି କରୁଥିଲେ ଅଶ୍ଳୀଳ ଚଳଚିତ୍ର। ଏବଂ ତାକୁ ନେଇ ପର୍ଣ୍ଣ ସାଇଡିରେ କରୁଥିଲେ ଅପଲୋଡ଼। ଏଭଳି ଅଶ୍ଚର୍ଯ୍ୟପୂର୍ଣ୍ଣ ତଥ୍ୟ ଦେଇଛି ମୁମ୍ବାଇ ପୋଲିସର କ୍ରାଇମବ୍ରାଞ୍ଚ ଟିମ୍। ସେପଟେ ତଦନ୍ତ ଜାରି ରହିଥିବା ବେଳେ ରାଜ କୁନ୍ଦ୍ରାଙ୍କ ବିରୋଧରେ ପର୍ଯ୍ୟାପ୍ତ ପ୍ରମାଣ ଥିବା ପୋଲିସ ସ୍ପଷ୍ଟ କରିଛି।

ରାଜ କୁନ୍ଦ୍ରାଙ୍କର ‘ହଟିଟ୍ ମୁଭିସ୍’ ନାମକ ଏକ ଆପ୍ ରହିଛି। ଯେଉଁଥିରେ କେବଳ ଅଶ୍ଳୀଳ ଭିଡିଓ ହିଁ ଅପଲୋଡ୍ କରାଯାଇଛି। କୁହାଯାଉଛି ଯେ, ନ୍ୟୁକମରଙ୍କୁ ନେଇ ତିଆରି ଅଶ୍ଲୀଳ ଫିଲ୍ମ ଏହି ଆପରେ ଅପଲୋଡ୍ ହେଉଥିଲା । ଆଉ ଏଥିରୁ ରାଜ୍ କୋଟି କୋଟି ଟଙ୍କା ରୋଜଗାର କରୁଥିଲେ ।

ଏବେ ଆସନ୍ତୁ ଜାଣିବା ଏହି ହଟିଟ୍ ମୁଭିସ ଆପ୍ କେମିତି କାମ କରେ । ଏହା ଏକ ପେଡ୍ ଆପ୍ । ଏହାକୁ ସବସ୍କ୍ରାଇବ୍ କରିବାକୁ ହେଲେ ଉପଭୋକ୍ତାଙ୍କୁ ଟଙ୍କା ଦେବାକୁ ପଡ଼ୁଥିଲା। କେବଳ ହଟିଟ୍ ନୁହେଁ,ହଟିଟ୍ ଭଳି ଅନେକ ଆପ୍ ତାଙ୍କର ଅଛି ବୋଲି କୁହାଯାଉଛି । ରାଜଙ୍କ ବିରୋଧରେ ଫେବ୍ରୁଆରି ମାସରେ ଗୋଟିଏ ଏଫଆଇଆର ମଧ୍ୟ ହୋଇଥିଲା । ଅଶ୍ଲୀଳ ଫିଲ୍ମ ମାମଲାରେ ଗିରଫ ହୋଇଥିବା ଜଣେ ଅଭିଯୁକ୍ତ ମଧ୍ୟ ରାଜଙ୍କ ପାଇଁ କାମ କରୁଥିବା ସ୍ୱୀକାର କରୁଥିଲେ ।

କିଛି ଦିନ ତଳେ ଜଣେ ୨୪ ବର୍ଷିୟ ମଡେଲ ଅଲ୍ଟ ବାଲାଜୀର ପପୁଲାର ୱେବ ସିରିଜ୍ ଗନ୍ଦିବାତ୍ ଫେମ୍ ଅଭିନେତ୍ରୀ ଗହଣା ବଶିଷ୍ଟଙ୍କ ବିରୋଧରେ ୩ ଜଣ ପୁରୁଷଙ୍କ ସହିତ ତାଙ୍କର ନଗ୍ନ ଭିଡିଓ ସୁଟର ଅଭିଯୋଗ ଆଣିଥିଲେ । ସେହିଭଳି ଆଉ ଜଣେ ୨୧ ବର୍ଷୀୟ ମଡେଲ ତାଙ୍କୁ ସୁଟିଂ ପୂର୍ବରୁ ଏନର୍ଜି ଡ୍ରିଙ୍କ୍ ନାମରେ ନିଶା ଦେଇ ଅଶ୍ଲୀଳ ଭିଡିଓ ସୁଟ୍ କରାଯାଇଥିବା ଅଭିଯୋଗ ଆଣିଥିଲେ । ଗହଣା ବଶିଷ୍ଟଙ୍କ ତାର ଲଣ୍ଡନର ଯେଉଁ ଆପ୍ ସହ ଯୋଡି ହୋଇଛି ତା’ର ସମ୍ପର୍କ ରାଜ୍ କୁନ୍ଦ୍ରାଙ୍କ ସହିତ ଥିବା ଅଭିଯୋଗ ହେଉଛି ।
ଏବେ ଆସନ୍ତୁ ଜାଣିବା ଏଭଳି ଅଶ୍ଲୀଳ ଫିଲ୍ମ ସବୁ କେଉଁଠାରେ ସୁଟ୍ ହେଉଥିଲା ।

ଏହି ସବୁ ଅଶ୍ଲୀଳ ଭିଡିଓ ମୁମ୍ବାଇ ପାଖରେ ଥିବା ମଡ୍ ଆଇଲ୍ୟାଣ୍ଡରେ ସୁଟ୍ ହେଉଥିଲା । ମଡ଼୍ ଆଇଲାଣ୍ଡରେ ଅନେକ ବଲିଉଡ୍ ସେଲିବ୍ରିଟିଙ୍କ ବଙ୍ଗଳା ରହିଛି । ଏହି ସବୁ ବଙ୍ଗଳାକୁ ଲକ୍ଷାଧିକ ଟଙ୍କା ଦେଇ ଭଡାରେ ନେଇ ଫିଲ୍ମ ସୁଟ୍ ହେଉଥିଲା । ଫିଲ୍ମ ସୁଟ୍ ହେବା ପରେ ତାକୁ ଲଣ୍ଡନ ପଠା ଯାଉଥିଲା । ସେଠାରୁ ବିଭିନ୍ନ ଆପରେ ଅପଲୋଡ୍ କରାଯାଉଥିଲା । କେବଳ ଏତିକି ନୁହେଁ,ଆପ୍ ରେ ଫିଲ୍ମ ରିଲିଜ୍ ପୂର୍ବରୁ ସୋସିଆଲ ମିଡିଆରେ ଏହାର ଟ୍ରେଲର ମଧ୍ୟ ଜାରି କରାଯାଉଥିଲା ।

ପୀୟୁଷ ଗୋୟଲଙ୍କୁ ଭେଟି ବକେୟା ସବସିଡ୍ ଟଙ୍କା ପ୍ରଦାନ ଓ ବଳକା ଚାଉଳ ଉଠାଣ ପାଇଁ ବିଜେଡି ସଂସଦୀୟ ଦଳର ଦାବି

ନୂଆଦିଲ୍ଲୀ: କେନ୍ଦ୍ର ଖାଉଟି ବ୍ୟାପାର ମନ୍ତ୍ରୀ ପୀୟୁଷ ଗୋୟଲଙ୍କୁ ଭେଟିଲେ ବିଜେଡି ସଂସଦୀୟ ଦଳ ନେତା। ଆଜି ଅପରାହ୍ନରେ ବିଜେଡି ସଂସଦୀୟ ଦଳ ମନ୍ତ୍ରୀଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି। ଏହି ସମୟରେ ପ୍ରସନ୍ନ ଆଚାର୍ଯ୍ୟ, ମୁନ୍ନା ଖାଁ, ଚନ୍ଦ୍ରାଣୀ ମୁର୍ମୁ, ଅନୁଭବ ମହାନ୍ତି, ସସ୍ମିତ ପାତ୍ର, ଅମର ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ। ବକେୟା ସବସିଡ୍ ଟଙ୍କା ପ୍ରଦାନ ଓ ବଳକା ଚାଉଳ ଉଠାଣ ପାଇଁ ଦାବି କରିଛନ୍ତି। ଏହା ସହ ଅଖା ଅଭାବ ପ୍ରସଙ୍ଗ ମଧ୍ୟ ଉଠାଇଛନ୍ତି ବିଜେଡି ସାଂସଦ। ତେବେ ଓଡ଼ିଶାର ଦାବି ଉପରେ ପଦକ୍ଷେପ ନେବାକୁ କେନ୍ଦ୍ରମନ୍ତ୍ରୀ ପ୍ରତିଶୃତି ଦେଇଛନ୍ତି।

୩୨ଟି ହାଇସ୍କୁଲର ରୂପାନ୍ତରଣ କାର୍ଯ୍ୟକ୍ରମ ନେଇ ଜିଲ୍ଲାପାଳ ଏବଂ ଛାତ୍ରଛାତ୍ରୀଙ୍କ ସହ କଥା ହେଲେ ୫-ଟି ସଚିବ ଭି କେ ପାଣ୍ଡିଆନ

ଖୋର୍ଦ୍ଧା: ଖୋର୍ଦ୍ଧା ଜିଲ୍ଲାରେ ୩୮ ଟି ହାଇସ୍କୁଲ ରୂପାନ୍ତରଣ କାର୍ଯ୍ୟକ୍ରମ ଚାଲିଛି। ପୂର୍ବରୁ ୩୨ ଟି ହାଇସ୍କୁଲ ସାମିଲ ଥିଲା। ଆଜି ରାଜ୍ୟ ସରକାରଙ୍କ ୫-ଟି ସଚିବ ଆଉ ୬ ଟି ମୋଟ ୩୮ ଟି ହାଇସ୍କୁଲକୁ ଏହି କାର୍ଯ୍ୟକ୍ରମରେ ସାମିଲ କରିଛନ୍ତି। ଆଜି ଜିଲ୍ଲାର ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଭର୍ଟୁଆଲ ମାଧ୍ୟମରେ ଏକ ବୈଠକରେ ୫-ଟି ସଚିବଙ୍କ ସହ ଜିଲ୍ଲା ପାଳ ସନତ ମହାନ୍ତି, ଜିଲ୍ଲା ଶିକ୍ଷା ଅଧିକାରୀ ବନ୍ଦନା ମହାପାତ୍ର, ହାଇସ୍କୁଲର ପୁରାତନ ଛାତ୍ରଛାତ୍ରୀ, ବର୍ତ୍ତମାନର ଛାତ୍ରଛାତ୍ରୀ, ଶିକ୍ଷକ ସାମିଲ ଥିଲେ। ସମସ୍ତଙ୍କ ସହଯୋଗରେ ହାଇସ୍କୁଲର ରୂପାନ୍ତରଣ କାର୍ଯ୍ୟ କରାଯିବ। ବିଦ୍ୟାଳୟରେ ସ୍ମାର୍ଟ କ୍ଲାସ, ବିଜ୍ଞାନ କକ୍ଷ, ଇ-ଲାଇବ୍ରେରୀ, ପାନୀୟ ଜଳ ସୁବିଧା, ଖେଳ ପଡିଆର ଉନ୍ନତି ଇତ୍ୟାଦି କରାଯିବ।

ଏହି ରୂପାନ୍ତରଣ କାର୍ଯ୍ୟକ୍ରମ ରେ ବିଭିନ୍ନ ସ୍କୁଲର ପୁରାତନ ଛାତ୍ରଛାତ୍ରୀ ସାମିଲ ହେବେ। ସେମାନଙ୍କ ସହଯୋଗରେ ଜିଲ୍ଲାର ୩୮ଟି ସ୍କୁଲର ଆଧୁନିକରଣ କରାଯିବ। ସରକାରଙ୍କ ଏହି ଯୋଜନାକୁ ପୁରାତନ ଛାତ୍ରଛାତ୍ରୀ ମାନେ ସ୍ୱାଗତ ଏବଂ ଅଭିନନ୍ଦନ ଜଣାଇଛନ୍ତି। ୫-ଟି ସଚିବଙ୍କ ସହ ବୈଠକରେ କିଛି ଛାତ୍ରଛାତ୍ରୀ ମଧ୍ୟ ସାମିଲ ହୋଇଥିଲେ। ସଚିବ ଭି କେ ପାଣ୍ଡିଆନ ପିଲାମାନଙ୍କୁ ସେମାନଙ୍କ ଲକ୍ଷ ସମ୍ପର୍କରେ ପଚାରି ବୁଖିଥିଲେ ଏବଂ ଲକ୍ଷ୍ୟ ପୂରଣ ଦିଗରେ ପରାମର୍ଶ ଦେଇଥିଲେ।

ଇମ୍ରାନ ଖାନ୍‌ଙ୍କ ଫୋନ ହ୍ୟାକ୍: ଭାରତ ଗୁଇନ୍ଦାଗିରି ଚଳାଇଥିବା ନେଇ ଅଭିଯୋଗ ଆଣିଲା ପାକିସ୍ତାନ

ଇସ୍‌ଲାମାବାଦ୍: ହ୍ୟାକ୍ ହୋଇଛି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଫୋନ୍ । ଇସ୍ରାଏଲ୍ ସଫ୍ୱଓ୍ୱେୟାର ପେଗାସସ୍ ଜରିଆରେ ଏହାକୁ ହ୍ୟାକ କରାଯାଇ ଗୁଇନ୍ଦିଗିରି ଚାଲିଥିବା ଜଣାପଡ଼ିଛି । ଆଉ ଏ ନେଇ ଭାରତକୁ ଦାୟୀ କରିଛନ୍ତି ପାକିସ୍ତାନ । ଭାରତ ଇମ୍ରାନ୍‌ଙ୍କ ଫୋନ୍ ହ୍ୟାକ୍ କରି ଗୁଇନ୍ଦାଗିରି ଚଳାଇଥିବା ଅଭିଯୋଗ କରିଛି ପାକିସ୍ତାନ । ଏଥିସହିତ ହ୍ୟାକିଂର ସବିଶେଷ ରିପୋର୍ଟ ଆସିଲା ପରେ ଏହାକୁ ଉପଯୁକ୍ତ ମଞ୍ଚରେ ଉପସ୍ଥାପନ କରାଯିବା ବୋଲି ସେଠାକାର ସୂଚନା ଓ ପ୍ରସାରଣ ମନ୍ତ୍ରୀ ଫାଓ୍ୱଦ ହୁସେନ କହିଛନ୍ତି ।

ଏହା ପୂର୍ବରୁ ଫାଓ୍ୱଦ ହୁସେନ୍ ଟ୍ୱିଟ୍ କରି ଏହି ପ୍ରସଂଗରେ ଚିନ୍ତା ପ୍ରକଟ କରିଛନ୍ତି । ସେ କହିଛନ୍ତି ଭାରତ ସରକାର ଦ୍ୱାରା ଇସ୍ରାଏଲ୍ ସଫ୍ଟଓ୍ୱେୟାର ବ୍ୟବହାର କରି ସାମ୍ୱାଦିକ, ବିରୋଧୀ ଦଳ  ନେତା ଏବଂ ଶାସକ ଦଳ ନେତାଙ୍କ ଗୁଇନ୍ଦାଗିରି କରାଯିବା ବଡ଼ ଚିନ୍ତାଜନକ ଘଟଣା । ଏନେଇ ପାକିସ୍ତାନ ମିଡିଆରେ ପ୍ରସାରିତ ଖବର ଅନୁଯାୟୀ ହ୍ୟାକ୍ କରାଯାଇଥିବା ଫୋନ୍ ମଧ୍ୟରେ ଇମ୍ରାନ୍‌ଙ୍କ ମଧ୍ୟ ଫୋନ୍ ରହିଛି । ପାକିସ୍ତାନୀ ଖବରକାଗଜ ଡାନ୍ ଅନୁଯାୟୀ ଭାରତ ପାଖାପାଖି ୧ହଜାରରୁ ଊର୍ଦ୍ଧ୍ୱ ଲୋକଙ୍କ ନମ୍ୱର ଉପରେ ଏହି ସଫ୍ୱଓ୍ୱେୟାର ଜରିଆରେ ସର୍ଭିଲାନ୍ସ ଜାରି ରଖିଛି । ଏବଂ ଏଥିରେ ଶତାଧିକ ନମ୍ୱର ପାକିସ୍ତାନର । ପାକିସ୍ତାନ ସୂଚନା ଓ ପ୍ରସାରଣ ମନ୍ତ୍ରୀ କହିଛନ୍ତି ଯେ, ଯେତେବେଳେ ଇମ୍ରାନଙ୍କ ଫୋନ୍ ହ୍ୟାକିଂ ଡିଟେଲ୍ସ ଆସିଯିବ ଏହାକୁ ଉଚିତ୍ ମଞ୍ଚରେ ଉଠାଯିବା । ଏକ ଦାବି  ମୁତାବକ ଭାରତ ସମେତ ବହୁ ଦେଶର ସରକାର ୧୫୦ରୁ ଅଧିକ ସାମ୍ୱାଦିକ ମାନବାଧିକାର କର୍ମକର୍ତ୍ତା ଏବଂ ଅନ୍ୟ ସାମାଜିକ କର୍ମୀଙ୍କ ଗୁଇନ୍ଦାଗିରି ଚଳାଇଛନ୍ତି ।